2. ஸிக்கா²பத³வண்ணனா
ஸிக்கா²பத³பாட²மாதிகா
ஏவங்
‘‘யேன
வத்வா கத்வா வவத்தா²னங், ஸாதா⁴ரணவிஸேஸதோ.
‘‘பகதியா ச யங் வஜ்ஜங், வஜ்ஜங் பண்ணத்தியா ச யங்;
வவத்த²பெத்வா தங் கத்வா, பதா³னங் ப்³யஞ்ஜனத்த²தோ.
‘‘ஸாதா⁴ரணானங் ஸப்³பே³ஸங், ஸாதா⁴ரணவிபா⁴வனங்;
அத² பஞ்சஸு புப்³பே³ஸு, விஸேஸத்த²ப்பகாஸதோ.
‘‘பாணாதிபாதபபு⁴தி-ஹேகதானானதாதி³தோ;
ஆரம்மணாதா³னபே⁴தா³, மஹாஸாவஜ்ஜதோ ததா².
‘‘பயோக³ங்க³ஸமுட்டா²னா, வேத³னாமூலகம்மதோ;
விரமதோ ச ப²லதோ, விஞ்ஞாதப்³போ³ வினிச்ச²யோ.
‘‘யோஜேதப்³ப³ங்
ஆவேணிகஞ்ச வத்தப்³ப³ங், ஞெய்யா ஹீனாதி³தாபி சா’’தி.
தத்த² ஏதானி பாணாதிபாதாவேரமணீதிஆதீ³னி த³ஸ ஸிக்கா²பதா³னி ப⁴க³வதா ஏவ வுத்தானி, ந
‘‘அத² கோ² ப⁴க³வா கபிலவத்து²ஸ்மிங் யதா²பி⁴ரந்தங் விஹரித்வா யேன ஸாவத்தி² தேன சாரிகங் பக்காமி. அனுபுப்³பே³ன சாரிகங் சரமானோ யேன ஸாவத்தி² தத³வஸரி. தத்ர ஸுத³ங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன …பே॰… அத² கோ² ஸாமணேரானங் ஏதத³ஹோஸி – ‘கதி நு கோ² அம்ஹாகங் ஸிக்கா²பதா³னி, கத்த² ச அம்ஹேஹி ஸிக்கி²தப்³ப³’’’ந்தி. ப⁴க³வதோ ஏதமத்த²ங் ஆரோசேஸுங் – ‘‘அனுஜானாமி, பி⁴க்க²வே, ஸாமணேரானங் த³ஸ ஸிக்கா²பதா³னி, தேஸு ச ஸாமணேரேஹி ஸிக்கி²துங்
தானேதானி ‘‘ஸமாதா³ய ஸிக்க²தி ஸிக்கா²பதே³ஸூ’’தி (தீ³॰ நி॰ 1.193; ம॰ நி॰ 2.24; விப⁴॰ 508) ஸுத்தானுஸாரேன ஸரணக³மனேஸு ச த³ஸ்ஸிதபாடா²னுஸாரேன ‘‘பாணாதிபாதா வேரமணிஸிக்கா²பத³ங் ஸமாதி³யாமீ’’தி ஏவங் வாசனாமக்³க³ங் ஆரோபிதானீதி வேதி³தப்³பா³னி. ஏவங் தாவ ‘‘யேன யத்த² யதா³ யஸ்மா, வுத்தானேதானி தங் நயங் வத்வா’’தி ஸோ நயோ த³ட்ட²ப்³போ³.
ஸாதா⁴ரணவிஸேஸவவத்தா²னங்
எத்த² ச ஆதி³தோ த்³வே சதுத்த²பஞ்சமானி உபாஸகானங் ஸாமணேரானஞ்ச ஸாதா⁴ரணானி நிச்சஸீலவஸேன. உபோஸத²ஸீலவஸேன பன உபாஸகானங் ஸத்தமட்ட²மங் சேகங் அங்க³ங் கத்வா ஸப்³ப³பச்சி²மவஜ்ஜானி ஸப்³பா³னிபி ஸாமணேரேஹி ஸாதா⁴ரணானி, பச்சி²மங் பன ஸாமணேரானமேவ விஸேஸபூ⁴தந்தி ஏவங் ஸாதா⁴ரணவிஸேஸதோ வவத்தா²னங் காதப்³ப³ங். புரிமானி செத்த² பஞ்ச ஏகந்தஅகுஸலசித்தஸமுட்டா²னத்தா பாணாதிபாதாதீ³னங் பகதிவஜ்ஜதோ வேரமணியா, ஸேஸானி
ஸாதா⁴ரணவிபா⁴வனா
யஸ்மா செத்த² ‘‘வேரமணிஸிக்கா²பத³ங் ஸமாதி³யாமீ’’தி ஏதானி ஸப்³ப³ஸாதா⁴ரணானி பதா³னி, தஸ்மா ஏதேஸங் பதா³னங் ப்³யஞ்ஜனதோ ச அத்த²தோ ச அயங் ஸாதா⁴ரணவிபா⁴வனா வேதி³தப்³பா³ –
தத்த² ப்³யஞ்ஜனதோ தாவ வேரங் மணதீதி வேரமணீ, வேரங் பஜஹதி, வினோதே³தி, ப்³யந்தீகரோதி, அனபா⁴வங் க³மேதீதி அத்தோ². விரமதி வா ஏதாய கரணபூ⁴தாய வேரம்ஹா புக்³க³லோதி, விகாரஸ்ஸ வேகாரங் கத்வா வேரமணீ. தேனேவ செத்த² ‘‘வேரமணிஸிக்கா²பத³ங் விரமணிஸிக்கா²பத³’’ந்தி த்³விதா⁴ ஸஜ்ஜா²யங் கரொந்தி. ஸிக்கி²தப்³பா³தி ஸிக்கா², பஜ்ஜதே அனேனாதி பத³ங். ஸிக்கா²ய பத³ங் ஸிக்கா²பத³ங், ஸிக்கா²ய அதி⁴க³மூபாயோதி அத்தோ². அத² வா மூலங் நிஸ்ஸயோ பதிட்டா²தி வுத்தங் ஹோதி. வேரமணீ ஏவ ஸிக்கா²பத³ங் வேரமணிஸிக்கா²பத³ங், விரமணிஸிக்கா²பத³ங் வா து³தியேன நயேன. ஸம்மா ஆதி³யாமி ஸமாதி³யாமி, அவீதிக்கமனாதி⁴ப்பாயேன அக²ண்ட³காரிதாய அச்சி²த்³த³காரிதாய அஸப³லகாரிதாய ச ஆதி³யாமீதி வுத்தங் ஹோதி.
அத்த²தோ பன வேரமணீதி காமாவசரகுஸலசித்தஸம்பயுத்தா விரதி, ஸா
ஸிக்கா²தி திஸ்ஸோ ஸிக்கா² அதி⁴ஸீலஸிக்கா², அதி⁴சித்தஸிக்கா², அதி⁴பஞ்ஞாஸிக்கா²தி. இமஸ்மிங் பனத்தே² ஸம்பத்தவிரதிஸீலங் லோகிகா விபஸ்ஸனா ரூபாரூபஜா²னானி அரியமக்³கோ³ ச ஸிக்கா²தி அதி⁴ப்பேதா. யதா²ஹ –
‘‘கதமே த⁴ம்மா ஸிக்கா²? யஸ்மிங் ஸமயே காமாவசரங் குஸலங் சித்தங் உப்பன்னங் ஹோதி, ஸோமனஸ்ஸஸஹக³தங் ஞாணஸம்பயுத்தங்…பே॰… தஸ்மிங் ஸமயே
‘‘கதமே த⁴ம்மா ஸிக்கா²? யஸ்மிங் ஸமயே ரூபூபபத்தியா மக்³க³ங் பா⁴வேதி விவிச்சேவ காமேஹி விவிச்ச அகுஸலேஹி த⁴ம்மேஹி…பே॰… பட²மங் ஜா²னங்…பே॰… பஞ்சமங் ஜா²னங் உபஸம்பஜ்ஜ விஹரதி…பே॰… அவிக்கே²போ ஹோதி, இமே த⁴ம்மா ஸிக்கா².
‘‘கதமே த⁴ம்மா ஸிக்கா²? யஸ்மிங் ஸமயே அரூபபத்தியா…பே॰… நேவஸஞ்ஞானாஸஞ்ஞாயதனஸஹக³தங்…பே॰… அவிக்கே²போ ஹோதி, இமே த⁴ம்மா ஸிக்கா².
‘‘கதமே
ஏதாஸு ஸிக்கா²ஸு யாய காயசி ஸிக்கா²ய பத³ங் அதி⁴க³மூபாயோ, அத² வா மூலங் நிஸ்ஸயோ பதிட்டா²தி ஸிக்கா²பத³ங். வுத்தஞ்ஹேதங் – ‘‘ஸீலங் நிஸ்ஸாய ஸீலே பதிட்டா²ய ஸத்த பொ³ஜ்ஜ²ங்கே³ பா⁴வெந்தோ ப³ஹுலீகரொந்தோ’’தி ஏவமாதி³ (ஸங்॰ நி॰ 5.182). ஏவமெத்த² ஸாதா⁴ரணானங் பதா³னங் ஸாதா⁴ரணா ப்³யஞ்ஜனதோ அத்த²தோ ச விபா⁴வனா காதப்³பா³.
புரிமபஞ்சஸிக்கா²பத³வண்ணனா
இதா³னி யங் வுத்தங் – ‘‘அத² பஞ்சஸு புப்³பே³ஸு, விஸேஸத்த²ப்பகாஸதோ…பே॰… விஞ்ஞாதப்³போ³ வினிச்ச²யோ’’தி பாணாதிபாதோதி எத்த² தாவ பாணோதி ஜீவிதிந்த்³ரியப்படிப³த்³தா⁴ க²ந்த⁴ஸந்ததி, தங் வா உபாதா³ய பஞ்ஞத்தோ ஸத்தோ. தஸ்மிங் பன பாணே பாணஸஞ்ஞினோ தஸ்ஸ பாணஸ்ஸ ஜீவிதிந்த்³ரியுபச்சே²த³கஉபக்கமஸமுட்டா²பிகா காயவசீத்³வாரானங் அஞ்ஞதரத்³வாரப்பவத்தா வத⁴கசேதனா பாணாதிபாதோ. அதி³ன்னாதா³னந்தி எத்த² அதி³ன்னந்தி பரபரிக்³க³ஹிதங், யத்த² பரோ யதா²காமகாரிதங் ஆபஜ்ஜந்தோ அத³ண்டா³ரஹோ அனுபவஜ்ஜோ ச ஹோதி, தஸ்மிங் பரபரிக்³க³ஹிதே பரபரிக்³க³ஹிதஸஞ்ஞினோ ததா³தா³யகஉபக்கமஸமுட்டா²பிகா காயவசீத்³வாரானங் அஞ்ஞதரத்³வாரப்பவத்தா ஏவ தெ²ய்யசேதனா அதி³ன்னாதா³னங். அப்³ரஹ்மசரியந்தி அஸெட்ட²சரியங், த்³வயங்த்³வயஸமாபத்திமேது²னப்படிஸேவனா காயத்³வாரப்பவத்தா அஸத்³த⁴ம்மப்படிஸேவனட்டா²னவீதிக்கமசேதனா அப்³ரஹ்மசரியங் முஸாவாதோ³தி எத்த² முஸாதி விஸங்வாத³னபுரெக்கா²ரஸ்ஸ அத்த²ப⁴ஞ்ஜனகோ வசீபயோகோ³ காயபயோகோ³ வா, விஸங்வாத³னாதி⁴ப்பாயேன பனஸ்ஸ பரவிஸங்வாத³ககாயவசீபயோக³ஸமுட்டா²பிகா காயவசீத்³வாரானமேவ அஞ்ஞதரத்³வாரப்பவத்தா மிச்சா²சேதனா முஸாவாதோ³. ஸுராமேரயமஜ்ஜபமாத³ட்டா²னந்தி எத்த² பன ஸுராதி பஞ்ச ஸுரா – பிட்ட²ஸுரா, பூவஸுரா, ஓத³னஸுரா, கிண்ணபக்கி²த்தா, ஸம்பா⁴ரஸங்யுத்தா சாதி. மேரயம்பி புப்பா²ஸவோ, ப²லாஸவோ, கு³ளாஸவோ, மத்⁴வாஸவோ, ஸம்பா⁴ரஸங்யுத்தோ சாதி பஞ்சவித⁴ங். மஜ்ஜந்தி தது³ப⁴யமேவ மத³னியட்டே²ன மஜ்ஜங், யங் வா பனஞ்ஞம்பி கிஞ்சி அத்தி² மத³னியங், யேன பீதேன மத்தோ ஹோதி பமத்தோ, இத³ங் வுச்சதி மஜ்ஜங். பமாத³ட்டா²னந்தி யாய சேதனாய தங் பிவதி அஜ்ஜோ²ஹரதி, ஸா சேதனா மத³ப்பமாத³ஹேதுதோ பமாத³ட்டா²னந்தி வுச்சதி, யதோ அஜ்ஜோ²ஹரணாதி⁴ப்பாயேன காயத்³வாரப்பவத்தா ஸுராமேரயமஜ்ஜானங் அஜ்ஜோ²ஹரணசேதனா ‘‘ஸுராமேரயமஜ்ஜபமாத³ட்டா²ன’’ந்தி
ஏகதானானதாதி³வினிச்ச²யங்
ஏகதானானதாதி³தோதி
வுச்சதே
ஆரம்மணதோதி
ஆதா³னதோதி
பே⁴த³தோதி ஸாமணேரானஞ்செத்த² ஏகஸ்மிங் பி⁴ன்னே ஸப்³பா³னிபி பி⁴ன்னானி ஹொந்தி. பாராஜிகட்டா²னியானி ஹி தானி தேஸங், யங் தங் வீதிக்கந்தங் ஹோதி, தேனேவ கம்மப³த்³தோ⁴. க³ஹட்டா²னங் பன ஏகஸ்மிங் பி⁴ன்னே ஏகமேவ பி⁴ன்னங் ஹோதி, யதோ
மஹாஸாவஜ்ஜதோதி கு³ணவிரஹிதேஸு திரச்சா²னக³தாதீ³ஸு பாணேஸு கு²த்³த³கே பாணே பாணாதிபாதோ அப்பஸாவஜ்ஜோ, மஹாஸரீரே மஹாஸாவஜ்ஜோ. கஸ்மா? பயோக³மஹந்ததாய. பயோக³ஸமத்தேபி வத்து²மஹந்ததாய. கு³ணவந்தேஸு பன மனுஸ்ஸாதீ³ஸு அப்பகு³ணே பாணாதிபாதோ அப்பஸாவஜ்ஜோ, மஹாகு³ணே மஹாஸாவஜ்ஜோ
பயோக³தோதி எத்த² ச பாணாதிபாதஸ்ஸ ஸாஹத்தி²கோ, ஆணத்திகோ, நிஸ்ஸக்³கி³யோ, தா²வரோ, விஜ்ஜாமயோ, இத்³தி⁴மயோதி ச²ப்பயோகா³. தத்த² காயேன வா காயப்படிப³த்³தே⁴ன வா பஹரணங் ஸாஹத்தி²கோ பயோகோ³, ஸோ உத்³தி³ஸ்ஸானுத்³தி³ஸ்ஸபே⁴த³தோ து³விதோ⁴ ஹோதி. தத்த² உத்³தி³ஸ்ஸகே யங் உத்³தி³ஸ்ஸ பஹரதி, தஸ்ஸேவ மரணேன கம்முனா ப³ஜ்ஜ²தி. ‘‘யோ கோசி மரதூ’’தி ஏவங் அனுத்³தி³ஸ்ஸகே பஹாரபச்சயா யஸ்ஸ கஸ்ஸசி மரணேன. உப⁴யதா²பி ச பஹரிதமத்தே வா மரது, பச்சா² வா தேனேவ
அதி⁴ட்ட²ஹித்வா பன ஆணாபனங் ஆணத்திகோ பயோகோ³. தத்த²பி ஸாஹத்தி²கே பயோகே³ வுத்தனயேனேவ கம்மப³த்³தோ⁴ அனுஸ்ஸரிதப்³போ³. ச²ப்³பி³தோ⁴ செத்த² நியமோ வேதி³தப்³போ³ –
‘‘வத்து² காலோ ச ஓகாஸோ, ஆவுத⁴ங் இரியாபதோ²;
கிரியாவிஸேஸோதி இமே, ச² ஆணத்தினியாமகா’’தி. (பாசி॰ அட்ட²॰ 2.174);
தத்த² வத்தூ²தி மாரேதப்³போ³ பாணோ. காலோதி புப்³ப³ண்ஹஸாயன்ஹாதி³காலோ ச, யொப்³ப³னதா²வரியாதி³காலோ ச. ஓகாஸோதி கா³மோ வா நிக³மோ வா வனங் வா ரச்சா² வா ஸிங்கா⁴டகங் வாதி ஏவமாதி³. ஆவுத⁴ந்தி அஸி வா உஸு வா ஸத்தி வாதி ஏவமாதி³. இரியாபதோ²தி மாரேதப்³ப³ஸ்ஸ மாரகஸ்ஸ ச டா²னங் வா நிஸஜ்ஜா வாதி ஏவமாதி³.
கிரியாவிஸேஸோதி விஜ்ஜ²னங் வா சே²த³னங் வா பே⁴த³னங் வா ஸங்க²முண்டி³கங் வாதி ஏவமாதி³. யதி³ ஹி வத்து²ங் விஸங்வாதெ³த்வா ‘‘யங் மாரேஹீ’’தி ஆணத்தோ, ததோ அஞ்ஞங் மாரேதி, ஆணாபகஸ்ஸ நத்தி² கம்மப³த்³தோ⁴. அத² வத்து²ங் அவிஸங்வாதெ³த்வா மாரேதி, ஆணாபகஸ்ஸ ஆணத்திக்க²ணே ஆணத்தஸ்ஸ மாரணக்க²ணேதி உப⁴யேஸம்பி கம்மப³த்³தோ⁴. ஏஸ நயோ காலாதீ³ஸுபி.
மாரணத்த²ந்து காயேன வா காயப்படிப³த்³தே⁴ன வா பஹரணனிஸ்ஸஜ்ஜனங் நிஸ்ஸக்³கி³யோ பயோகோ³. ஸோபி உத்³தி³ஸ்ஸானுத்³தி³ஸ்ஸபே⁴த³தோ து³விதோ⁴ ஏவ, கம்மப³த்³தோ⁴ செத்த² புப்³பே³ வுத்தனயேனேவ வேதி³தப்³போ³.
மாரணத்த²மேவ ஓபாதக²ணனங், அபஸ்ஸேனஉபனிக்கி²பனங், பே⁴ஸஜ்ஜவிஸயந்தாதி³ப்பயோஜனங் வா தா²வரோ பயோகோ³. ஸோபி உத்³தி³ஸ்ஸானுத்³தி³ஸ்ஸபே⁴த³தோ து³விதோ⁴, யதோ தத்த²பி புப்³பே³ வுத்தனயேனேவ கம்மப³த்³தோ⁴ வேதி³தப்³போ³. அயந்து விஸேஸோ – மூலட்டே²ன ஓபாதாதீ³ஸு பரேஸங் மூலேன வா முதா⁴ வா தி³ன்னேஸுபி யதி³ தப்பச்சயா கோசி மரதி, மூலட்ட²ஸ்ஸேவ கம்மப³த்³தோ⁴. யதி³பி ச தேன அஞ்ஞேன வா
மாரணத்த²ங் பன விஜ்ஜாபரிஜப்பனங் விஜ்ஜாமயோ பயோகோ³. தா³டா²வுதா⁴தீ³னங் தா³டா²கோடனாதி³மிவ மாரணத்த²ங் கம்மவிபாகஜித்³தி⁴விகாரகரணங் இத்³தி⁴மயோ பயோகோ³தி. அதி³ன்னாதா³னஸ்ஸ து தெ²ய்யபஸய்ஹபடிச்ச²ன்னபரிகப்பகுஸாவஹாரவஸப்பவத்தா
அங்க³தோதி எத்த² ச பாணாதிபாதஸ்ஸ பஞ்ச அங்கா³னி ப⁴வந்தி – பாணோ ச ஹோதி, பாணஸஞ்ஞீ ச, வத⁴கசித்தஞ்ச பச்சுபட்டி²தங் ஹோதி, வாயமதி, தேன ச மரதீதி. அதி³ன்னாதா³னஸ்ஸாபி பஞ்சேவ – பரபரிக்³க³ஹிதஞ்ச ஹோதி, பரபரிக்³க³ஹிதஸஞ்ஞீ ச, தெ²ய்யசித்தஞ்ச பச்சுபட்டி²தங் ஹோதி, வாயமதி, தேன ச ஆதா³தப்³ப³ங் ஆதா³னங் க³ச்ச²தீதி. அப்³ரஹ்மசரியஸ்ஸ பன சத்தாரி அங்கா³னி ப⁴வந்தி – அஜ்ஜா²சரியவத்து² ச ஹோதி, தத்த² ச ஸேவனசித்தங் பச்சுபட்டி²தங் ஹோதி, ஸேவனபச்சயா பயோக³ஞ்ச ஸமாபஜ்ஜதி, ஸாதி³யதி சாதி, ததா² பரேஸங் த்³வின்னம்பி. தத்த² முஸாவாத³ஸ்ஸ தாவ முஸா ச ஹோதி தங் வத்து², விஸங்வாத³னசித்தஞ்ச பச்சுபட்டி²தங் ஹோதி, தஜ்ஜோ ச வாயாமோ, பரவிஸங்வாத³னஞ்ச விஞ்ஞாபயமானா விஞ்ஞத்தி பவத்ததீதி சத்தாரி அங்கா³னி வேதி³தப்³பா³னி. ஸுராமேரயமஜ்ஜபமாத³ட்டா²னஸ்ஸ பன ஸுராதீ³னஞ்ச அஞ்ஞதரங் ஹோதி மத³னீயபாதுகம்யதாசித்தஞ்ச பச்சுபட்டி²தங் ஹோதி, தஜ்ஜஞ்ச வாயாமங் ஆபஜ்ஜதி, பீதே ச பவிஸதீதி இமானி சத்தாரி அங்கா³னீதி. ஏவமெத்த² அங்க³தோபி விஞ்ஞாதப்³போ³ வினிச்ச²யோ.
ஸமுட்டா²னதோதி பாணாதிபாதஅதி³ன்னாதா³னமுஸாவாதா³ செத்த² காயசித்ததோ, வாசாசித்ததோ, காயவாசாசித்ததோ சாதி திஸமுட்டா²னா ஹொந்தி. அப்³ரஹ்மசரியங் காயசித்தவஸேன ஏகஸமுட்டா²னமேவ. ஸுராமேரயமஜ்ஜபமாத³ட்டா²னங் காயதோ ச, காயசித்ததோ சாதி த்³விஸமுட்டா²னந்தி. ஏவமெத்த² ஸமுட்டா²னதோபி விஞ்ஞாதப்³போ³ வினிச்ச²யோ.
வேத³னாதோதி
மூலதோதி பாணாதிபாதோ செத்த² தோ³ஸமோஹமூலோ. அதி³ன்னாதா³னமுஸாவாதா³
கம்மதோதி பாணாதிபாதஅதி³ன்னாதா³னஅப்³ரஹ்மசரியானி செத்த² காயகம்மமேவ கம்மபத²ப்பத்தானேவ ச, முஸாவாதோ³ வசீகம்மமேவ. யோ பன அத்த²ப⁴ஞ்ஜகோ, ஸோ கம்மபத²ப்பத்தோ. இதரோ கம்மமேவ. ஸுராமேரயமஜ்ஜபமாத³ட்டா²னங் காயகம்மமேவாதி. ஏவமெத்த² கம்மதோபி விஞ்ஞாதப்³போ³ வினிச்ச²யோ.
விரமதோதி எத்த² ஆஹ ‘‘பாணாதிபாதாதீ³ஹி விரமந்தோ குதோ விரமதீ’’தி? வுச்சதே – ஸமாதா³னவஸேன தாவ விரமந்தோ அத்தனோ வா பரேஸங் வா பாணாதிபாதாதி³அகுஸலதோ விரமதி. கிமாரபி⁴த்வா? யதோ விரமதி, ததே³வ. ஸம்பத்தவஸேனாபி விரமந்தோ வுத்தப்பகாராகுஸலதோவ. கிமாரபி⁴த்வா? பாணாதிபாதாதீ³னங் வுத்தாரம்மணானேவ. கேசி பன ப⁴ணந்தி ‘‘ஸுராமேரயமஜ்ஜஸங்கா²தே ஸங்கா²ரே ஆரபி⁴த்வா ஸுராமேரயமஜ்ஜபமாத³ட்டா²னா விரமதி, ஸத்தஸங்கா²ரேஸு யங் பன அவஹரிதப்³ப³ங் ப⁴ஞ்ஜிதப்³ப³ஞ்ச, தங் ஆரபி⁴த்வா அதி³ன்னாதா³னா முஸாவாதா³ ச, ஸத்தேயேவாரபி⁴த்வா பாணாதிபாதா அப்³ரஹ்மசரியா சா’’தி. தத³ஞ்ஞே ‘‘ஏவங் ஸந்தே ‘அஞ்ஞங் சிந்தெந்தோ அஞ்ஞங் கரெய்ய, யஞ்ச பஜஹதி, தங் ந ஜானெய்யா’தி ஏவங்தி³ட்டி²கா ஹுத்வா அனிச்ச²மானா யதே³வ பஜஹதி, தங் அத்தனோ பாணாதிபாதாதி³அகுஸலமேவாரபி⁴த்வா விரமதீ’’தி வத³ந்தி. தத³யுத்தங். கஸ்மா? தஸ்ஸ பச்சுப்பன்னாபா⁴வதோ ப³ஹித்³தா⁴பா⁴வதோ ச. ஸிக்கா²பதா³னஞ்ஹி விப⁴ங்க³பாடே² ‘‘பஞ்சன்னங் ஸிக்கா²பதா³னங் கதி குஸலா…பே॰… கதி அரணா’’தி புச்சி²த்வா ‘‘குஸலாயேவ, ஸியா ஸுகா²ய வேத³னாய ஸம்பயுத்தா’’தி (விப⁴॰ 716) ஏவங் பவத்தமானே விஸ்ஸஜ்ஜனே ‘‘பச்சுப்பன்னாரம்மணா’’தி ச ‘‘ப³ஹித்³தா⁴ரம்மணா’’தி ச ஏவங் பச்சுப்பன்னப³ஹித்³தா⁴ரம்மணத்தங் வுத்தங், தங் அத்தனோ பாணாதிபாதாதி³அகுஸலங் ஆரபி⁴த்வா விரமந்தஸ்ஸ ந யுஜ்ஜதி. யங் பன வுத்தங் – ‘‘அஞ்ஞங்
‘‘ஆரபி⁴த்வான
நித³ஸ்ஸனஞ்செத்த² ப⁴வே, மக்³க³ட்டோ²ரியபுக்³க³லோ’’தி.
ஏவமெத்த² விரமதோபி விஞ்ஞாதப்³போ³ வினிச்ச²யோ.
ப²லதோதி ஸப்³பே³ ஏவ சேதே பாணாதிபாதாத³யோ து³க்³க³திப²லனிப்³ப³த்தகா ஹொந்தி, ஸுக³தியஞ்ச அனிட்டா²கந்தாமனாபவிபாகனிப்³ப³த்தகா ஹொந்தி, ஸம்பராயே தி³ட்ட²த⁴ம்மே ஏவ ச அவேஸாரஜ்ஜாதி³ப²லனிப்³ப³த்தகா. அபிச ‘‘யோ ஸப்³ப³லஹுஸோ பாணாதிபாதஸ்ஸ விபாகோ மனுஸ்ஸபூ⁴தஸ்ஸ அப்பாயுகஸங்வத்தனிகோ ஹோதீ’’தி (அ॰ நி॰ 8.40) ஏவமாதி³னா நயேனெத்த² ப²லதோபி விஞ்ஞாதப்³போ³ வினிச்ச²யோ.
அபி செத்த² பாணாதிபாதாதி³வேரமணீனம்பி ஸமுட்டா²னவேத³னாமூலகம்மப²லதோ விஞ்ஞாதப்³போ³ வினிச்ச²யோ. தத்தா²யங் விஞ்ஞாபனா – ஸப்³பா³ ஏவ சேதா வேரமணியோ சதூஹி ஸமுட்ட²ஹந்தி காயதோ, காயசித்ததோ, வாசாசித்ததோ, காயவாசாசித்ததோ சாதி. ஸப்³பா³ ஏவ ச ஸுக²வேத³னாஸம்பயுத்தா வா, அது³க்க²மஸுக²வேத³னாஸம்பயுத்தா வா, அலோபா⁴தோ³ஸமூலா வா அலோபா⁴தோ³ஸாமோஹமூலா வா. சதஸ்ஸோபி செத்த² காயகம்மங், முஸாவாதா³வேரமணீ வசீகம்மங், மக்³க³க்க²ணே ச சித்ததோவ ஸமுட்ட²ஹந்தி, ஸப்³பா³பி மனோகம்மங்.
பாணாதிபாதா வேரமணியா செத்த² அங்க³பச்சங்க³ஸம்பன்னதா ஆரோஹபரிணாஹஸம்பத்திதா ஜவஸம்பத்திதா ஸுப்பதிட்டி²தபாத³தா சாருதா முது³தா ஸுசிதா ஸூரதா மஹப்³ப³லதா விஸ்ஸத்த²வசனதா லோகபியதா நேலதா அபே⁴ஜ்ஜபரிஸதா அச்ச²ம்பி⁴தா து³ப்பத⁴ங்ஸிதா பரூபக்கமேன அமரணதா அனந்தபரிவாரதா ஸுரூபதா ஸுஸண்டா²னதா அப்பாபா³த⁴தா அஸோகிதா பியேஹி மனாபேஹி ஸத்³தி⁴ங் அவிப்பயோக³தா தீ³கா⁴யுகதாதி ஏவமாதீ³னி ப²லானி.
அதி³ன்னாதா³னா வேரமணியா மஹத்³த⁴னதா பஹூதத⁴னத⁴ஞ்ஞதா அனந்தபோ⁴க³தா அனுப்பன்னபோ⁴கு³ப்பத்திதா உப்பன்னபோ⁴க³தா²வரதா இச்சி²தானங் போ⁴கா³னங் கி²ப்பப்படிலாபி⁴தா ராஜசோருத³கக்³கி³அப்பியதா³யாதே³ஹி அஸாதா⁴ரணபோ⁴க³தா
அப்³ரஹ்மசரியா வேரமணியா விக³தபச்சத்தி²கதா ஸப்³ப³ஜனபியதா அன்னபானவத்த²ஸயனாதீ³னங் லாபி⁴தா
முஸாவாதா³ வேரமணியா விப்பஸன்னிந்த்³ரியதா விஸ்ஸட்ட²மது⁴ரபா⁴ணிதா ஸமஸிதஸுத்³த⁴த³ந்ததா நாதிதூ²லதா நாதிகிஸதா நாதிரஸ்ஸதா நாதிதீ³க⁴தா ஸுக²ஸம்ப²ஸ்ஸதா உப்பலக³ந்த⁴முக²தா ஸுஸ்ஸூஸகபரிஜனதா ஆதெ³ய்யவசனதா கமலுப்பலஸதி³ஸமுது³லோஹிததனுஜிவ்ஹதா அனுத்³த⁴ததா அசபலதாதி ஏவமாதீ³னி.
ஸுராமேரயமஜ்ஜபமாத³ட்டா²னா வேரமணியா அதீதானாக³தபச்சுப்பன்னேஸு ஸப்³ப³கிச்சகரணீயேஸு கி²ப்பங் படிஜானநதா ஸதா³ உபட்டி²தஸதிதா அனும்மத்தகதா ஞாணவந்ததா அனலஸதா அஜளதா அனேலமூக³தா அமத்ததா அப்பமத்ததா அஸம்மோஹதா அச்ச²ம்பி⁴தா அஸாரம்பி⁴தா அனுஸ்ஸங்கிதா ஸச்சவாதி³தா அபிஸுணாப²ருஸாஸம்ப²பலாபவாதி³தா ரத்திந்தி³வமதந்தி³ததா கதஞ்ஞுதா கதவேதி³தா அமச்ச²ரிதா சாக³வந்ததா ஸீலவந்ததா உஜுதா அக்கோத⁴னதா ஹிரிமனதா ஒத்தப்பிதா உஜுதி³ட்டி²கதா மஹாபஞ்ஞதா மேதா⁴விதா பண்டி³ததா அத்தா²னத்த²குஸலதாதி ஏவமாதீ³னி ப²லானி. ஏவமெத்த² பாணாதிபாதாதி³வேரமணீனங் ஸமுட்டா²னவேத³னாமூலகம்மப²லதோபி விஞ்ஞாதப்³போ³ வினிச்ச²யோ.
பச்சி²மபஞ்சஸிக்கா²பத³வண்ணனா
இதா³னி யங் வுத்தங் –
‘‘யோஜேதப்³ப³ங் ததோ யுத்தங், பச்சி²மெஸ்வபி பஞ்சஸு;
ஆவேணிகஞ்ச வத்தப்³ப³ங், ஞெய்யா ஹீனாதி³தாபி சா’’தி.
தஸ்ஸாயங் ஆரம்மணதோ ச ஸுராமேரயமஜ்ஜபமாத³ட்டா²னங் ரூபாயதனாதி³அஞ்ஞதரஸங்கா²ராரம்மணங், ததா² இத⁴ விகாலபோ⁴ஜனங். ஏதேன நயேன ஸப்³பே³ஸங் ஆரம்மணபே⁴தோ³ வேதி³தப்³போ³. ஆதா³னதோ ச யதா² புரிமானி ஸாமணேரேன வா உபாஸகேன வா ஸமாதி³யந்தேன ஸமாதி³ன்னானி ஹொந்தி, ததா² ஏதானிபி. அங்க³தோபி ஸமுட்டா²னதோ ஸுராமேரயமஜ்ஜபமாத³ட்டா²னங் காயதோ ச காயசித்ததோ சாதி த்³விஸமுட்டா²னங், ஏவமித⁴ விகாலபோ⁴ஜனங். ஏதேன நயேன ஸப்³பே³ஸங் ஸமுட்டா²னங் வேதி³தப்³ப³ங். யதா² ச தத்த² வேத³னாதோ அதி³ன்னாதா³னங் தீஸு வேத³னாஸு அஞ்ஞதரவேத³னாஸம்பயுத்தங், ததா² இத⁴ விகாலபோ⁴ஜனங். ஏதேன நயேன ஸப்³பே³ஸங் வேத³னாஸம்பயோகோ³ வேதி³தப்³போ³. யதா² ச தத்த² அப்³ரஹ்மசரியங் லோப⁴மோஹமூலங், ஏவமித⁴ விகாலபோ⁴ஜனங். அபரானி ச த்³வே ஏதேன நயேன ஸப்³பே³ஸங் மூலபே⁴தோ³ வேதி³தப்³போ³. யதா² ச தத்த² பாணாதிபாதாத³யோ காயகம்மங், ஏவமிதா⁴பி விகாலபோ⁴ஜனாதீ³னி. ஜாதரூபரஜதப்படிக்³க³ஹணங் பன காயகம்மங் வா ஸியா வசீகம்மங் வா காயத்³வாராதீ³ஹி பவத்திஸப்³பா⁴வபரியாயேன, ந கம்மபத²வஸேன. விரமதோதி யதா² ச தத்த² விரமந்தோ அத்தனோ வா பரேஸங் வா பாணாதிபாதாதி³அகுஸலதோ விரமதி, ஏவமிதா⁴பி விகாலபோ⁴ஜனாதி³அகுஸலதோ, குஸலதோபி வா ஏகதோ. யதா² ச புரிமா பஞ்ச வேரமணியோ சதுஸமுட்டா²னா காயதோ, காயசித்ததோ, வாசாசித்ததோ, காயவாசாசித்ததோ சாதி, ஸப்³பா³ ஸுக²வேத³னாஸம்பயுத்தா வா அது³க்க²மஸுக²வேத³னாஸம்பயுத்தா வா, அலோபா⁴தோ³ஸமூலா வா அலோபா⁴தோ³ஸாமோஹமூலா வா, ஸப்³பா³ ச நானப்பகாரஇட்ட²ப²லனிப்³ப³த்தகா, ததா² இதா⁴பீதி.
‘‘யோஜேதப்³ப³ங் ததோ யுத்தங், பச்சி²மெஸ்வபி பஞ்சஸு;
ஆவேணிகஞ்ச வத்தப்³ப³ங், ஞெய்யா ஹீனாதி³தாபி சா’’தி. –
எத்த² பன விகாலபோ⁴ஜனந்தி மஜ்ஜ²ன்ஹிகவீதிக்கமே போ⁴ஜனங். ஏதஞ்ஹி அனுஞ்ஞாதகாலே வீதிக்கந்தே போ⁴ஜனங், தஸ்மா ‘‘விகாலபோ⁴ஜன’’ந்தி வுச்சதி நச்சகீ³தவாதி³தவிஸூகத³ஸ்ஸனந்தி எத்த² நச்சங் நாம யங்கிஞ்சி நச்சங், கீ³தந்தி யங்கிஞ்சி கீ³தங், வாதி³தந்தி யங்கிஞ்சி வாதி³தங். விஸூகத³ஸ்ஸனந்தி கிலேஸுப்பத்திபச்சயதோ குஸலபக்க²பி⁴ந்த³னேன விஸூகானங் த³ஸ்ஸனங், விஸூகபூ⁴தங் வா த³ஸ்ஸனங் விஸூகத³ஸ்ஸனங். நச்சா ச கீ³தா ச வாதி³தா ச விஸூகத³ஸ்ஸனா ச நச்சகீ³தவாதி³தவிஸூகத³ஸ்ஸனா. விஸூகத³ஸ்ஸனஞ்செத்த² ப்³ரஹ்மஜாலே வுத்தனயேனேவ க³ஹேதப்³ப³ங். வுத்தஞ்ஹி தத்த² –
‘‘யதா² வா பனேகே பொ⁴ந்தோ ஸமணப்³ராஹ்மணா ஸத்³தா⁴தெ³ய்யானி போ⁴ஜனானி பு⁴ஞ்ஜித்வா தே ஏவரூபங் விஸூகத³ஸ்ஸனமனுயுத்தா விஹரந்தி, ஸெய்யதி²த³ங், நச்சங் கீ³தங் வாதி³தங் பெக்க²ங் அக்கா²னங் பாணிஸ்ஸரங் வேதாலங் கும்ப⁴தூ²ணங் ஸோப⁴னகங் சண்டா³லங் வங்ஸங் தோ⁴வனங் ஹத்தி²யுத்³த⁴ங் அஸ்ஸயுத்³த⁴ங்
அத² வா யதா²வுத்தேனத்தே²ன நச்சகீ³தவாதி³தானி ஏவ விஸூகானி நச்சகீ³தவாதி³தவிஸூகானி, தேஸங் த³ஸ்ஸனங் நச்சகீ³தவாதி³தவிஸூகத³ஸ்ஸனங், தஸ்மா நச்சகீ³தவாதி³தவிஸூகத³ஸ்ஸனா. ‘‘த³ஸ்ஸனஸவனா’’தி வத்தப்³பே³ யதா² ‘‘ஸோ ச ஹோதி மிச்சா²தி³ட்டி²கோ விபரீதத³ஸ்ஸனோ’’தி ஏவமாதீ³ஸு (அ॰ நி॰ 1.308) அசக்கு²த்³வாரப்பவத்தம்பி விஸயக்³க³ஹணங் ‘‘த³ஸ்ஸன’’ந்தி வுச்சதி, ஏவங் ஸவனம்பி ‘‘த³ஸ்ஸன’’ந்த்வேவ வுத்தங். த³ஸ்ஸனகம்யதாய உபஸங்கமித்வா பஸ்ஸதோ ஏவ செத்த² வீதிக்கமோ ஹோதி. டி²தனிஸின்னஸயனோகாஸே பன ஆக³தங் க³ச்ச²ந்தஸ்ஸ வா ஆபாத²க³தங் பஸ்ஸதோ ஸியா ஸங்கிலேஸோ, ந வீதிக்கமோ. த⁴ம்மூபஸங்ஹிதம்பி செத்த² கீ³தங் ந வட்டதி, கீ³தூபஸங்ஹிதோ பன த⁴ம்மோ
மாலாதீ³னி தா⁴ரணாதீ³ஹி யதா²ஸங்க்²யங் யோஜேதப்³பா³னி. தத்த² மாலாதி யங்கிஞ்சி புப்ப²ஜாதங். விலேபனந்தி யங்கிஞ்சி விலேபனத்த²ங் பிஸித்வா படியத்தங். அவஸேஸங் ஸப்³ப³ம்பி வாஸசுண்ணதூ⁴பனாதி³கங் க³ந்த⁴ஜாதங் க³ந்தோ⁴. தங் ஸப்³ப³ம்பி மண்ட³னவிபூ⁴ஸனத்த²ங் ந வட்டதி, பே⁴ஸஜ்ஜத்த²ந்து வட்டதி, பூஜனத்த²ஞ்ச அபி⁴ஹடங் ஸாதி³யதோ ந கேனசி பரியாயேன ந வட்டதி. உச்சாஸயனந்தி பமாணாதிக்கந்தங் வுச்சதி. மஹாஸயனந்தி அகப்பியஸயனங் அகப்பியத்த²ரணஞ்ச. தது³ப⁴யம்பி ஸாதி³யதோ ஜாதரூபந்தி ஸுவண்ணங். ரஜதந்தி கஹாபணோ, லோஹமாஸகதா³ருமாஸகஜதுமாஸகாதி³ யங் யங் தத்த² தத்த² வோஹாரங் க³ச்ச²தி, தது³ப⁴யம்பி ஜாதரூபரஜதங். தஸ்ஸ யேன கேனசி பகாரேன ஸாதி³யனங் படிக்³க³ஹோ நாம, ஸோ ந யேன கேனசி பரியாயேன வட்டதீதி ஏவங் ஆவேணிகங் வத்தப்³ப³ங்.
த³ஸபி சேதானி ஸிக்கா²பதா³னி ஹீனேன ச²ந்தே³ன சித்தவீரியவீமங்ஸாஹி வா ஸமாதி³ன்னானி ஹீனானி, மஜ்ஜி²மேஹி மஜ்ஜி²மானி, பணீதேஹி பணீதானி. தண்ஹாதி³ட்டி²மானேஹி வா உபக்கிலிட்டா²னி ஹீனானி, அனுபக்கிலிட்டா²னி மஜ்ஜி²மானி, தத்த² தத்த² பஞ்ஞாய அனுக்³க³ஹிதானி பணீதானி. ஞாணவிப்பயுத்தேன வா குஸலசித்தேன ஸமாதி³ன்னானி ஹீனானி, ஸஸங்கா²ரிகஞாணஸம்பயுத்தேன மஜ்ஜி²மானி, அஸங்கா²ரிகேன பணீதானீதி ஏவங் ஞெய்யா ஹீனாதி³தாபி சாதி.
எத்தாவதா ‘‘யேன யத்த² யதா³ யஸ்மா’’திஆதீ³ஹி ச²ஹி கா³தா²ஹி ஸிக்கா²பத³பாட²ஸ்ஸ வண்ணனத்த²ங் மாதிகா நிக்கி²த்தா, ஸா அத்த²தோ பகாஸிதா ஹோதீதி.
பரமத்த²ஜோதிகாய கு²த்³த³கபாட²-அட்ட²கதா²ய
ஸிக்கா²பத³வண்ணனா நிட்டி²தா.