3. த்³வத்திங்ஸாகாரவண்ணனா
பத³ஸம்ப³ந்த⁴வண்ணனா
இதா³னி
‘‘ஏகத⁴ம்மோ, பி⁴க்க²வே, பா⁴விதோ ப³ஹுலீகதோ மஹதோ ஸங்வேகா³ய ஸங்வத்ததி. மஹதோ அத்தா²ய ஸங்வத்ததி. மஹதோ யோக³க்கே²மாய ஸங்வத்ததி. மஹதோ ஸதிஸம்பஜஞ்ஞாய ஸங்வத்ததி. ஞாணத³ஸ்ஸனப்படிலாபா⁴ய ஸங்வத்ததி. தி³ட்ட²த⁴ம்மஸுக²விஹாராய ஸங்வத்ததி. விஜ்ஜாவிமுத்திப²லஸச்சி²கிரியாய ஸங்வத்ததி. கதமோ
ஏவங் ப⁴க³வதா அனேகாகாரேன பஸங்ஸித்வா –
‘‘கத²ங் பா⁴விதா, பி⁴க்க²வே, காயக³தாஸதி கத²ங் ப³ஹுலீகதா மஹப்³ப³லா ஹோதி மஹானிஸங்ஸா? இத⁴, பி⁴க்க²வே, பி⁴க்கு² அரஞ்ஞக³தோ வா’’தி (ம॰ நி॰ 3.154) –
ஆதி³னா நயேன ஆனாபானபப்³ப³ங் இரியாபத²பப்³ப³ங் சதுஸம்பஜஞ்ஞபப்³ப³ங் படிகூலமனஸிகாரபப்³ப³ங் தா⁴துமனஸிகாரபப்³ப³ங் நவ ஸிவதி²கபப்³பா³னீதி இமேஸங் சுத்³த³ஸன்னங் பப்³பா³னங் வஸேன காயக³தாஸதிகம்மட்டா²னங் நித்³தி³ட்ட²ங். தஸ்ஸ பா⁴வனானித்³தே³ஸோ அனுப்பத்தோ. தத்த² யஸ்மா இரியாபத²பப்³ப³ங் சதுஸம்பஜஞ்ஞபப்³ப³ங் தா⁴துமனஸிகாரபப்³ப³ந்தி இமானி தீணி விபஸ்ஸனாவஸேன வுத்தானி. நவ ஸிவதி²கபப்³பா³னி விபஸ்ஸனாஞாணேஸுயேவ ஆதீ³னவானுபஸ்ஸனாவஸேன வுத்தானி. யாபி செத்த² உத்³து⁴மாதகாதீ³ஸு ஸமாதி⁴பா⁴வனா
‘‘புன சபரங், பி⁴க்க²வே, பி⁴க்கு² இமமேவ காயங் உத்³த⁴ங் பாத³தலா அதோ⁴ கேஸமத்த²கா தசபரியந்தங் பூரங் நானப்பகாரஸ்ஸ அஸுசினோ பச்சவெக்க²தி ‘அத்தி² இமஸ்மிங் காயே கேஸா, லோமா…பே॰… முத்த’’ந்தி (ம॰ நி॰ 3.154).
ஏவங் தத்த² தத்த² மத்த²லுங்க³ங் அட்டி²மிஞ்ஜேன ஸங்க³ஹெத்வா தே³ஸிதங் காயக³தாஸதிகொட்டா²ஸபா⁴வனாபரியாயங் த்³வத்திங்ஸாகாரகம்மட்டா²னங் ஆரத்³த⁴ங், தஸ்ஸாயங் அத்த²வண்ணனா –
தத்த² அத்தீ²தி ஸங்விஜ்ஜந்தி. இமஸ்மிந்தி ய்வாயங் உத்³த⁴ங் பாத³தலா அதோ⁴ கேஸமத்த²கா தசபரியந்தோ பூரோ நானப்பகாரஸ்ஸ அஸுசினோதி வுச்சதி, தஸ்மிங் காயேதி ஸரீரே. ஸரீரஞ்ஹி அஸுசிஸஞ்சயதோ, குச்சி²தானங் வா கேஸாதீ³னஞ்சேவ சக்கு²ரோகா³தீ³னஞ்ச ரோக³ஸதானங் ஆயபூ⁴ததோ காயோதி வுச்சதி. கேஸா…பே॰… முத்தந்தி ஏதே கேஸாத³யோ த்³வத்திங்ஸாகாரா, தத்த² ‘‘அத்தி² இமஸ்மிங் காயே கேஸா அத்தி² லோமா’’தி ஏவங் ஸம்ப³ந்தோ⁴ வேதி³தப்³போ³
அயங் தாவெத்த² பத³ஸம்ப³ந்த⁴தோ வண்ணனா.
அஸுப⁴பா⁴வனா
அஸுப⁴பா⁴வனாவஸேன பனஸ்ஸ ஏவங் வண்ணனா வேதி³தப்³பா³ – ஏவமேதஸ்மிங் பாணாதிபாதாவேரமணிஸிக்கா²பதா³தி³பே⁴தே³ ஸீலே பதிட்டி²தேன பயோக³ஸுத்³தே⁴ன ஆதி³கம்மிகேன குலபுத்தேன ஆஸயஸுத்³தி⁴யா அதி⁴க³மனத்த²ங் த்³வத்திங்ஸாகாரகம்மட்டா²னபா⁴வனானுயோக³மனுயுஞ்ஜிதுகாமேன பட²மங் தாவஸ்ஸ ஆவாஸகுலலாப⁴க³ணகம்மத்³தா⁴னஞாதிக³ந்த²ரோக³இத்³தி⁴பலிபோ³தே⁴ன கித்திபலிபோ³தே⁴ன வா ஸஹ த³ஸ பலிபோ³தா⁴
‘‘மஹாவாஸங் நவாவாஸங், ஜராவாஸஞ்ச பந்த²னிங்;
ஸொண்டி³ங் பண்ணஞ்ச புப்ப²ஞ்ச, ப²லங் பத்தி²தமேவ ச.
‘‘நக³ரங் தா³ருனா கெ²த்தங், விஸபா⁴கே³ன பட்டனங்;
பச்சந்தஸீமாஸப்பாயங், யத்த² மித்தோ ந லப்³ப⁴தி.
‘‘அட்டா²ரஸேதானி டா²னானி, இதி விஞ்ஞாய பண்டி³தோ;
ஆரகா பரிவஜ்ஜெய்ய, மக்³க³ங் ஸப்படிப⁴யங் யதா²’’தி. (விஸுத்³தி⁴॰ 1.52) –
ஏவங் அட்டா²ரஸ ஸேனாஸனானி பரிவஜ்ஜேதப்³பா³னீதி வுச்சந்தி. தானி வஜ்ஜெத்வா, யங் தங் –
‘‘கத²ஞ்ச, பி⁴க்க²வே, ஸேனாஸனங் பஞ்சங்க³ஸமன்னாக³தங் ஹோதி? இத⁴, பி⁴க்க²வே, ஸேனாஸனங் நாதிதூ³ரங் ஹோதி, நச்சாஸன்னங், க³மனாக³மனஸம்பன்னங், தி³வா அப்பாகிண்ணங், ரத்திங் அப்பஸத்³த³ங் அப்பனிக்³கோ⁴ஸங் அப்பட³ங்ஸமகஸவாதாதபஸரீஸபஸம்ப²ஸ்ஸங். தஸ்மிங் கோ² பன ஸேனாஸனே விஹரந்தஸ்ஸ அப்பகஸிரேன உப்பஜ்ஜந்தி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரா. தஸ்மிங் கோ² பன ஸேனாஸனே தே²ரா பி⁴க்கூ² விஹரந்தி ப³ஹுஸ்ஸுதா ஆக³தாக³மா த⁴ம்மத⁴ரா வினயத⁴ரா மாதிகாத⁴ரா, தே காலேன காலங் உபஸங்கமித்வா பரிபுச்ச²தி பரிபஞ்ஹதி ‘இத³ங், ப⁴ந்தே, கத²ங், இமஸ்ஸ கோ அத்தோ²’தி? தஸ்ஸ, தே ஆயஸ்மந்தோ
ஏவங் பஞ்சங்க³ஸமன்னாக³தங் ஸேனாஸனங் வுத்தங். ததா²ரூபங் ஸேனாஸனங் உபக³ம்ம கதஸப்³ப³கிச்சேன காமேஸு ஆதீ³னவங், நெக்க²ம்மே ச ஆனிஸங்ஸங் பச்சவெக்கி²த்வா பு³த்³த⁴ஸுபு³த்³த⁴தாய
‘‘வசஸா மனஸா சேவ, வண்ணஸண்டா²னதோ தி³ஸா;
ஓகாஸதோ பரிச்சே²தா³, ஸத்தது⁴க்³க³ஹணங் விதூ³’’தி. –
ஏவங் ஸத்தவித⁴ங் உக்³க³ஹகோஸல்லங்; அனுபுப்³ப³தோ, நாதிஸீக⁴தோ, நாதிஸணிகதோ, விக்கே²பப்படிபா³ஹனதோ, பண்ணத்திஸமதிக்கமதோ, அனுபுப்³ப³முஞ்சனதோ, அப்பனாதோ, தயோ ச ஸுத்தந்தாதி ஏவங் த³ஸவித⁴ங் மனஸிகாரகோஸல்லஞ்ச வுத்தங். தங் அபரிச்சஜந்தேன த்³வத்திங்ஸாகாரபா⁴வனா ஆரபி⁴தப்³பா³. ஏவஞ்ஹி ஆரப⁴தோ ஸப்³பா³காரேன த்³வத்திங்ஸாகாரபா⁴வனா ஸம்பஜ்ஜதி நோ அஞ்ஞதா².
தத்த² ஆதி³தோவ தசபஞ்சகங் தாவ க³ஹெத்வா அபி தேபிடகேன ‘‘கேஸா லோமா’’திஆதி³னா நயேன அனுலோமதோ, தஸ்மிங் பகு³ணீபூ⁴தே ‘‘தசோ த³ந்தா’’தி ஏவமாதி³னா நயேன படிலோமதோ, தஸ்மிம்பி பகு³ணீபூ⁴தே தது³ப⁴யனயேனேவ அனுலோமப்படிலோமதோ ப³ஹி விஸடவிதக்கவிச்சே²த³னத்த²ங் பாளிபகு³ணீபா⁴வத்த²ஞ்ச வசஸா கொட்டா²ஸஸபா⁴வபரிக்³க³ஹத்த²ங் மனஸா ச அத்³த⁴மாஸங் பா⁴வேதப்³ப³ங். வசஸா ஹிஸ்ஸ பா⁴வனா ப³ஹி விஸடவிதக்கே விச்சி²ந்தி³த்வா மனஸா பா⁴வனாய பாளிபகு³ணதாய ச பச்சயோ ஹோதி, மனஸா பா⁴வனா அஸுப⁴வண்ணலக்க²ணானங் அஞ்ஞதரவஸேன பரிக்³க³ஹஸ்ஸ, அத² தேனேவ நயேன வக்கபஞ்சகங் அத்³த⁴மாஸங், ததோ தது³ப⁴யமத்³த⁴மாஸங், ததோ பப்பா²ஸபஞ்சகமத்³த⁴மாஸங், ததோ தங் பஞ்சகத்தயம்பி அத்³த⁴மாஸங், அத² அந்தே அவுத்தம்பி மத்த²லுங்க³ங் பத²வீதா⁴துஆகாரேஹி ஸத்³தி⁴ங் ஏகதோ பா⁴வனத்த²ங் இத⁴ பக்கி²பித்வா மத்த²லுங்க³பஞ்சகங் அத்³த⁴மாஸங், ததோ பஞ்சகசதுக்கம்பி அத்³த⁴மாஸங், அத² மேத³ச²க்கமத்³த⁴மாஸங், ததோ மேத³ச²க்கேன ஸஹ பஞ்சகசதுக்கம்பி அத்³த⁴மாஸங், அத² முத்தச²க்கமத்³த⁴மாஸங், ததோ ஸப்³ப³மேவ த்³வத்திங்ஸாகாரமத்³த⁴மாஸந்தி ஏவங் ச² மாஸே வண்ணஸண்டா²னதி³ஸோகாஸபரிச்சே²த³தோ வவத்த²பெந்தேன பா⁴வேதப்³ப³ங். ஏதங் மஜ்ஜி²மபஞ்ஞங் புக்³க³லங் ஸந்தா⁴ய
எத்தா²ஹ கேஸா தாவ வண்ணதோ காளகாதி வவத்த²பேதி, யாதி³ஸகா வானேன தி³ட்டா² ஹொந்தி. ஸண்டா²னதோ தீ³க⁴வட்டலிகா துலாத³ண்ட³மிவாதி வவத்த²பேதி. தி³ஸதோ பன யஸ்மா இமஸ்மிங் காயே நாபி⁴தோ உத்³த⁴ங் உபரிமா தி³ஸா அதோ⁴ ஹெட்டி²மாதி வுச்சதி, தஸ்மா இமஸ்ஸ காயஸ்ஸ உபரிமாய தி³ஸாய ஜாதாதி வவத்த²பேதி. ஓகாஸதோ நலாடந்தகண்ணசூளிகக³லவாடகபரிச்சி²ன்னே ஸீஸசம்மே ஜாதாதி. தத்த² யதா² வம்மிகமத்த²கே ஜாதானி குண்ட²திணானி ந ஜானந்தி ‘‘மயங் வம்மிகமத்த²கே ஜாதானீ’’தி; நபி வம்மிகமத்த²கோ ஜானாதி ‘‘மயி குண்ட²திணானி ஜாதானீ’’தி; ஏவமேவ ந கேஸா ஜானந்தி ‘‘மயங் ஸீஸசம்மே ஜாதா’’தி, நபி ஸீஸசம்மங் ஜானாதி ‘‘மயி கேஸா ஜாதா’’தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா அசேதனா அப்³யாகதா ஸுஞ்ஞா பரமது³க்³க³ந்த⁴ஜேகு³ச்ச²ப்படிகூலா, ந ஸத்தோ ந புக்³க³லோதி வவத்த²பேதி. பரிச்சே²த³தோதி து³விதோ⁴ பரிச்சே²தோ³ ஸபா⁴க³விஸபா⁴க³வஸேன. தத்த² கேஸா ஹெட்டா² பதிட்டி²தசம்மதலேன தத்த² வீஹக்³க³மத்தங் பவிஸித்வா பதிட்டி²தேன அத்தனோ மூலதலேன ச உபரி ஆகாஸேன திரியங் அஞ்ஞமஞ்ஞேன பரிச்சி²ன்னாதி ஏவங் ஸபா⁴க³பரிச்சே²த³தோ, கேஸா ந அவஸேஸஏகதிங்ஸாகாரா. அவஸேஸா ஏகதிங்ஸா ந கேஸாதி ஏவங் விஸபா⁴க³பரிச்சே²த³தோ ச வவத்த²பேதி. ஏவங் தாவ கேஸே வண்ணாதி³தோ வவத்த²பேதி.
அவஸேஸேஸு லோமா வண்ணதோ யேபு⁴ய்யேன நீலவண்ணாதி வவத்த²பேதி, யாதி³ஸகா வானேன தி³ட்டா² ஹொந்தி. ஸண்டா²னதோ ஓணதசாபஸண்டா²னா, உபரி வங்கதாலஹீரஸண்டா²னா வா, தி³ஸதோ த்³வீஸு தி³ஸாஸு ஜாதா, ஓகாஸதோ ஹத்த²தலபாத³தலே ட²பெத்வா யேபு⁴ய்யேன அவஸேஸஸரீரசம்மே
தத்த² யதா² புராணகா³மட்டா²னே ஜாதானி த³ப்³ப³திணானி ந ஜானந்தி ‘‘மயங் புராணகா³மட்டா²னே ஜாதானீ’’தி, ந ச புராணகா³மட்டா²னங் ஜானாதி ‘‘மயி த³ப்³ப³திணானி ஜாதானீ’’தி, ஏவமேவ ந லோமா ஜானந்தி ‘‘மயங் ஸரீரசம்மே ஜாதா’’தி, நபி ஸரீரசம்மங் ஜானாதி ‘‘மயி லோமா ஜாதா’’தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா அசேதனா அப்³யாகதா ஸுஞ்ஞா
ததோ பரங் நகா² யஸ்ஸ பரிபுண்ணா, தஸ்ஸ வீஸதி. தே ஸப்³பே³பி வண்ணதோ மங்ஸவினிமுத்தோகாஸே
தத்த² யதா² நாம கா³மதா³ரகேஹி த³ண்ட³கக்³கே³ஸு மது⁴கப²லட்டி²கா ட²பிதா ந ஜானந்தி ‘‘மயங் த³ண்ட³கக்³கே³ஸு ட²பிதா’’தி, நபி த³ண்ட³கா ஜானந்தி ‘‘அம்ஹேஸு மது⁴கப²லட்டி²கா ட²பிதா’’தி; ஏவமேவ நகா² ந ஜானந்தி ‘‘மயங் அங்கு³லீனங் அக்³கே³ஸு பதிட்டி²தா’’தி, நபி அங்கு³லியோ ஜானந்தி ‘‘அம்ஹாகங் அக்³கே³ஸு நகா² பதிட்டி²தா’’தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா அசேதனா…பே॰… ந புக்³க³லோதி வவத்த²பேதி. பரிச்சே²த³தோ ஹெட்டா² மூலே ச அங்கு³லிமங்ஸேன, தத்த² பதிட்டி²ததலேன வா உபரி அக்³கே³ ச ஆகாஸேன, உப⁴தோபஸ்ஸேஸு அங்கு³லீனங் உப⁴தோகோடிசம்மேன பரிச்சி²ன்னாதி வவத்த²பேதி. அயமேதேஸங் ஸபா⁴க³பரிச்சே²தோ³, விஸபா⁴க³பரிச்சே²தோ³ பன கேஸஸதி³ஸோ ஏவாதி ஏவங் நகே² வண்ணாதி³தோ வவத்த²பேதி.
ததோ பரங் த³ந்தா யஸ்ஸ பரிபுண்ணா, தஸ்ஸ த்³வத்திங்ஸ. தே ஸப்³பே³பி வண்ணதோ ஸேதவண்ணாதி வவத்த²பேதி. யஸ்ஸ ஸமஸண்டி²தா ஹொந்தி, தஸ்ஸ க²ரபத்தச்சி²ன்னஸங்க²படலமிவ ஸமக³ந்தி²தஸேதகுஸுமமகுளமாலா
தத்த² யதா² நவகம்மிகபுரிஸேன ஹெட்டா² ஸிலாதலே பதிட்டா²பிதா உபரிமதலே பவேஸிதா த²ம்பா⁴ ந ஜானந்தி ‘‘மயங் ஹெட்டா²ஸிலாதலே பதிட்டா²பிதா, உபரிமதலே பவேஸிதா’’தி, ந ஹெட்டா²ஸிலாதலங் ஜானாதி ‘‘மயி த²ம்பா⁴ பதிட்டா²பிதா’’தி, ந உபரிமதலங் ஜானாதி ‘‘மயி த²ம்பா⁴ பவிட்டா²’’தி; ஏவமேவ த³ந்தா ந ஜானந்தி ‘‘மயங் ஹெட்டா²ஹனுகட்டி²கே பதிட்டி²தா, உபரிமஹனுகட்டி²கே பவிட்டா²’’தி, நாபி
ததோ பரங் அந்தோஸரீரே நானாகுணபஸஞ்சயப்படிச்சா²த³கங் தசோ வண்ணதோ ஸேதோதி வவத்த²பேதி. ஸோ ஹி யதி³பி ச²விராக³ரஞ்ஜிதத்தா காளகோதா³தாதி³வண்ணவஸேன நானாவண்ணோ விய தி³ஸ்ஸதி, ததா²பி ஸபா⁴க³வண்ணேன ஸேதோ ஏவ. ஸோ பனஸ்ஸ ஸேதபா⁴வோ அக்³கி³ஜாலாபி⁴கா⁴தபஹரணபஹாராதீ³ஹி வித்³த⁴ங்ஸிதாய ச²வியா பாகடோ ஹோதி. ஸண்டா²னதோ ஸங்கே²பேன கஞ்சுகஸண்டா²னோ, வித்தா²ரேன நானாஸண்டா²னோதி. ததா² ஹி பாத³ங்கு³லித்தசோ கோஸகாரககோஸஸண்டா²னோ, பிட்டி²பாத³த்தசோ புடப³த்³தூ⁴பாஹனஸண்டா²னோ, ஜங்க⁴த்தசோ ப⁴த்தபுடகதாலபண்ணஸண்டா²னோ
தசபரிக்³க³ண்ஹகேன ச யோகா³வசரேன உத்தரொட்ட²தோ பட்டா²ய தசஸ்ஸ மங்ஸஸ்ஸ ச அந்தரேன சித்தங் பேஸெந்தேன பட²மங் தாவ முக²த்தசோ வவத்த²பேதப்³போ³, ததோ ஸீஸத்தசோ, அத² ப³ஹிகீ³வத்தசோ, ததோ அனுலோமேன படிலோமேன ச த³க்கி²ணஹத்த²த்தசோ. அத² தேனேவ கமேன வாமஹத்த²த்தசோ, ததோ பிட்டி²த்தசோ, அத² ஆனிஸத³த்தசோ, ததோ அனுலோமேன படிலோமேன ச த³க்கி²ணபாத³த்தசோ, அத² வாமபாத³த்தசோ, ததோ வத்தி²உத³ரஹத³யஅப்³ப⁴ந்தரகீ³வத்தசோ, ததோ ஹெட்டி²மஹனுகத்தசோ, அத² அத⁴ரொட்ட²த்தசோ. ஏவங் யாவ புன உபரி ஒட்ட²த்தசோதி
தத்த² யதா² அல்லசம்மபரியோனத்³தா⁴ய பேளாய ந அல்லசம்மங் ஜானாதி ‘‘மயா பேளா பரியோனத்³தா⁴’’தி, நபி பேளா ஜானாதி ‘‘அஹங் அல்லசம்மேன பரியோனத்³தா⁴’’தி; ஏவமேவ ந தசோ ஜானாதி ‘‘மயா இத³ங் சாதுமஹாபூ⁴திகங் ஸரீரங் ஓனத்³த⁴’’ந்தி, நபி இத³ங் சாதுமஹாபூ⁴திகங் ஸரீரங் ஜானாதி
‘‘அல்லசம்மபடிச்ச²ன்னோ, நவத்³வாரோ மஹாவணோ;
ஸமந்ததோ பக்³க⁴ரதி, அஸுசிபூதிக³ந்தி⁴யோ’’தி.
பரிச்சே²த³தோ ஹெட்டா² மங்ஸேன தத்த² பதிட்டி²ததலேன வா உபரி ச²வியா பரிச்சி²ன்னோதி வவத்த²பேதி. அயமேதஸ்ஸ ஸபா⁴க³பரிச்சே²தோ³, விஸபா⁴க³பரிச்சே²தோ³ பன கேஸஸதி³ஸோ ஏவாதி ஏவங் தசங் வண்ணாதி³தோ வவத்த²பேதி.
ததோ மங்ஸங் வண்ணதோ ரத்தங் பாலிப⁴த்³த³கபுப்ப²ஸன்னிப⁴ந்தி வவத்த²பேதி. ஸண்டா²னதோ நானாஸண்டா²னந்தி. ததா² ஹி தத்த² ஜங்க⁴மங்ஸங் தாலபத்தபுடப⁴த்தஸண்டா²னங், அவிகஸிதகேதகீமகுளஸண்டா²னந்திபி கேசி. ஊருமங்ஸங் ஸுதா⁴பிஸனநிஸத³போதகஸண்டா²னங், ஆனிஸத³மங்ஸங் உத்³த⁴னகோடிஸண்டா²னங், பிட்டி²மங்ஸங் தாலகு³ளபடலஸண்டா²னங், பா²ஸுகத்³வயமங்ஸங் வங்ஸமயகொட்ட²குச்சி²பதே³ஸம்ஹி தனுமத்திகாலேபஸண்டா²னங், த²னமங்ஸங் வட்டெத்வா அவக்கி²த்தத்³த⁴மத்திகாபிண்ட³ஸண்டா²னங், த்³வேபா³ஹுமங்ஸங் நங்கு³ட்ட²ஸீஸபாதே³ செ²த்வா நிச்சம்மங் கத்வா ட²பிதமஹாமூஸிகஸண்டா²னங், மங்ஸஸூனகஸண்டா²னந்திபி ஏகே. க³ண்ட³மங்ஸங் க³ண்ட³ப்பதே³ஸே ட²பிதகரஞ்ஜபீ³ஜஸண்டா²னங், மண்டூ³கஸண்டா²னந்திபி ஏகே. ஜிவ்ஹாமங்ஸங் நுஹீபத்தஸண்டா²னங், நாஸாமங்ஸங் ஓமுக²னிக்கி²த்தபண்ணகோஸஸண்டா²னங், 0.அக்கி²கூபமங்ஸங் அத்³த⁴பக்கஉது³ம்ப³ரஸண்டா²னங், ஸீஸமங்ஸங் பத்தபசனகடாஹதனுலேபஸண்டா²னந்தி
தத்த² யதா² தூ²லமத்திகானுலித்தாய பி⁴த்தியா ந தூ²லமத்திகா ஜானாதி ‘‘மயா பி⁴த்தி அனுலித்தா’’தி, நபி பி⁴த்தி ஜானாதி ‘‘அஹங் தூ²லமத்திகாய அனுலித்தா’’தி, ஏவமேவங் ந நவபேஸிஸதப்பபே⁴த³ங் மங்ஸங் ஜானாதி ‘‘மயா அட்டி²ஸதத்தயங் அனுலித்த’’ந்தி, நபி அட்டி²ஸதத்தயங் ஜானாதி ‘‘அஹங் நவபேஸிஸதப்பபே⁴தே³ன மங்ஸேன அனுலித்த’’ந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. கேவலங் து –
‘‘நவபேஸிஸதா
நானாகிமிகுலாகிண்ணங், மீள்ஹட்டா²னங்வ பூதிக’’ந்தி.
பரிச்சே²த³தோ ஹெட்டா² அட்டி²ஸங்கா⁴டேன தத்த² பதிட்டி²ததலேன வா உபரி தசேன திரியங் அஞ்ஞமஞ்ஞேன பரிச்சி²ன்னந்தி வவத்த²பேதி. அயமேதஸ்ஸ ஸபா⁴க³பரிச்சே²தோ³, விஸபா⁴க³பரிச்சே²தோ³ பன கேஸஸதி³ஸோ ஏவாதி ஏவங் மங்ஸங் வண்ணாதி³தோ வவத்த²பேதி.
ததோ பரங் ஸரீரே நவஸதப்பபே⁴தா³ ந்ஹாரூ வண்ணதோ ஸேதாதி வவத்த²பேதி, மது⁴வண்ணாதிபி ஏகே. ஸண்டா²னதோ நானாஸண்டா²னாதி. ததா²
தத்த² யதா² வல்லிஸந்தானப³த்³தே⁴ஸு குட்டதா³ரூஸு ந வல்லிஸந்தானா ஜானந்தி ‘‘அம்ஹேஹி குட்டதா³ரூனி ஆப³த்³தா⁴னீ’’தி, நபி குட்டதா³ரூனி ஜானந்தி ‘‘மயங் வல்லிஸந்தானேஹி ஆப³த்³தா⁴னீ’’தி; ஏவமேவ ந ந்ஹாரூ ஜானந்தி ‘‘அம்ஹேஹி தீணி அட்டி²ஸதானி ஆப³த்³தா⁴னீ’’தி, நபி தீணி அட்டி²ஸதானி ஜானந்தி ‘‘மயங் ந்ஹாரூஹி ஆப³த்³தா⁴னீ’’தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. கேவலங் து –
‘‘நவன்ஹாருஸதா
ப³ந்த⁴ந்தி அட்டி²ஸங்கா⁴டங், அகா³ரமிவ வல்லியோ’’தி.
பரிச்சே²த³தோ ஹெட்டா² தீஹி அட்டி²ஸதேஹி தத்த² பதிட்டி²ததலேஹி வா உபரி தசமங்ஸேஹி திரியங் அஞ்ஞமஞ்ஞேன பரிச்சி²ன்னாதி வவத்த²பேதி. அயமேதேஸங் ஸபா⁴க³பரிச்சே²தோ³, விஸபா⁴க³பரிச்சே²தோ³ பன கேஸஸதி³ஸோ ஏவாதி ஏவங் ந்ஹாரூ வண்ணாதி³தோ
ததோ அட்டீ²னி ஸப்³பா³னேவ வண்ணதோ ஸேதானீதி வவத்த²பேதி.
ஸண்டா²னதோ நானாஸண்டா²னானி. ததா² ஹி தத்த² அக்³க³பாத³ங்கு³லியட்டீ²னி கதகபீ³ஜஸண்டா²னானி, தத³னந்தரானி அங்கு³லீனங் மஜ்ஜ²பப்³ப³ட்டீ²னி அபரிபுண்ணபனஸட்டி²ஸண்டா²னானி, மூலபப்³ப³ட்டீ²னி பணவஸண்டா²னானி, மோரஸகலிஸண்டா²னானீதிபி ஏகே. பிட்டி²பாத³ட்டீ²னி கொட்டிதகந்த³லகந்த³ராஸிஸண்டா²னானி பண்ஹிகட்டீ²னி ஏகட்டி²தாலப²லபீ³ஜஸண்டா²னானி, கொ³ப்ப²கட்டீ²னி ஏகதோப³த்³த⁴கீளாகோ³ளகஸண்டா²னானி, ஜங்க⁴ட்டி²கேஸு கு²த்³த³கங் த⁴னுத³ண்ட³ஸண்டா²னங், மஹந்தங் கு²ப்பிபாஸாமிலாதத⁴மனிபிட்டி²ஸண்டா²னங், ஜங்க⁴ட்டி²கஸ்ஸ கொ³ப்ப²கட்டி²கேஸு பதிட்டி²தட்டா²னங் அபனீததசக²ஜ்ஜூரீகளீரஸண்டா²னங், ஜங்க⁴ட்டி²கஸ்ஸ ஜண்ணுகட்டி²கே பதிட்டி²தட்டா²னங் முதி³ங்க³மத்த²கஸண்டா²னங் ஜண்ணுகட்டி² ஏகபஸ்ஸதோ க⁴ட்டிதபே²ணஸண்டா²னங், ஊருட்டீ²னி து³த்தச்சி²தவாஸிப²ரஸுத³ண்ட³ஸண்டா²னானி, ஊருட்டி²கஸ்ஸ கடட்டி²கே பதிட்டி²தட்டா²னங் ஸுவண்ணகாரானங் அக்³கி³ஜாலனகஸலாகாபு³ந்தி³ஸண்டா²னங்
ஓகாஸதோ அவிஸேஸேன ஸகலஸரீரே டி²தானி, விஸேஸேன து ஸீஸட்டீ²னி கீ³வட்டி²கேஸு பதிட்டி²தானி, கீ³வட்டீ²னி பிட்டி²கண்டகட்டீ²ஸு பதிட்டி²தானி, பிட்டி²கண்டகட்டீ²னி கடிட்டீ²ஸு பதிட்டி²தானி, கடிட்டீ²னி ஊருட்டி²கேஸு பதிட்டி²தானி, உருட்டீ²னி ஜண்ணுகட்டி²கேஸு, ஜண்ணுகட்டீ²னி ஜங்க⁴ட்டி²கேஸு, ஜங்க⁴ட்டீ²னி கொ³ப்ப²கட்டி²கேஸு, கொ³ப்ப²கட்டீ²னி பிட்டி²பாத³ட்டி²கேஸு பதிட்டி²தானி, பிட்டி²பாத³ட்டி²கானி ச கொ³ப்ப²கட்டீ²னி உக்கி²பித்வா டி²தானி, கொ³ப்ப²கட்டீ²னி ஜங்க⁴ட்டீ²னி…பே॰… கீ³வட்டீ²னி ஸீஸட்டீ²னி உக்கி²பித்வா டி²தானீதி ஏதேனானுஸாரேன அவஸேஸானிபி அட்டீ²னி வேதி³தப்³பா³னி.
தத்த² யதா² இட்ட²ககோ³பானஸிசயாதீ³ஸு ந உபரிமா இட்ட²காத³யோ ஜானந்தி ‘‘மயங் ஹெட்டி²மேஸு பதிட்டி²தா’’தி, நபி ஹெட்டி²மா ஜானந்தி ‘‘மயங் உபரிமானி உக்கி²பித்வா டி²தா’’தி; ஏவமேவ ந ஸீஸட்டி²கானி ஜானந்தி ‘‘மயங் கீ³வட்டி²கேஸு
‘‘படிபாடியட்டீ²னி டி²தானி கோடியா,
அனேகஸந்தி⁴யமிதோ ந கேஹிசி;
ப³த்³தோ⁴ நஹாரூஹி ஜராய சோதி³தோ,
அசேதனோ கட்ட²கலிங்க³ரூபமோ.
‘‘குணபங் குணபே ஜாதங், அஸுசிம்ஹி ச பூதினி;
து³க்³க³ந்தே⁴ சாபி து³க்³க³ந்த⁴ங், பே⁴த³னம்ஹி ச வயத⁴ம்மங்.
‘‘அட்டி²புடே அட்டி²புடோ, நிப்³ப³த்தோ பூதினி பூதிகாயம்ஹி;
தம்ஹி ச வினேத² ச²ந்த³ங், ஹெஸ்ஸத² புத்தா த³ஸப³லஸ்ஸா’’தி ச.
பரிச்சே²த³தோ அந்தோ அட்டி²மிஞ்ஜேன உபரிதோ மங்ஸேன அக்³கே³ மூலே ச அஞ்ஞமஞ்ஞேன பரிச்சி²ன்னானீதி வவத்த²பேதி. அயமேதேஸங் ஸபா⁴க³பரிச்சே²தோ³, விஸபா⁴க³பரிச்சே²தோ³ பன கேஸஸதி³ஸோ ஏவாதி ஏவங் அட்டீ²னி வண்ணாதி³தோ வவத்த²பேதி.
ததோ பரங் ஸரீரே யதா²வுத்தப்பபே⁴தா³னங் அட்டீ²னங் அப்³ப⁴ந்தரக³தங் அட்டி²மிஞ்ஜங் வண்ணதோ ஸேதந்தி வவத்த²பேதி. ஸண்டா²னதோ அத்தனோ ஓகாஸஸண்டா²னந்தி. ஸெய்யதி²த³ங் – மஹந்தமஹந்தானங் அட்டீ²னங் அப்³ப⁴ந்தரக³தங் ஸேதெ³த்வா வட்டெத்வா மஹந்தேஸு வங்ஸனளகபப்³பே³ஸு பக்கி²த்தமஹாவெத்தங்குரஸண்டா²னங், கு²த்³தா³னுகு²த்³த³கானங்
தத்த² யதா² வேளுனளகாதீ³னங் அந்தோக³தானி த³தி⁴பா²ணிதானி ந ஜானந்தி ‘‘மயங் வேளுனளகாதீ³னங் அந்தோக³தானீ’’தி, நபி வேளுனளகாத³யோ ஜானந்தி ‘‘த³தி⁴பா²ணிதானி அம்ஹாகங் அந்தோக³தானீ’’தி; ஏவமேவ ந அட்டி²மிஞ்ஜங் ஜானாதி ‘‘அஹங் அட்டீ²னங் அந்தோக³த’’ந்தி, நபி அட்டீ²னி
ததோ பரங் ஸரீரஸ்ஸ அப்³ப⁴ந்தரே த்³விகோ³ளகப்பபே⁴த³ங் வக்கங் வண்ணதோ மந்த³ரத்தங் பாளிப⁴த்³த³கட்டி²வண்ணந்தி வவத்த²பேதி. ஸண்டா²னதோ கா³மதா³ரகானங் ஸுத்தாவுதகீளாகோ³ளகஸண்டா²னங், ஏகவண்டஸஹகாரத்³வயஸண்டா²னந்திபி ஏகே. தி³ஸதோ உபரிமாய தி³ஸாய ஜாதங். ஓகாஸதோ க³லவாடகா வினிக்க²ந்தேன ஏகமூலேன தோ²கங் க³ந்த்வா த்³விதா⁴ பி⁴ன்னேன தூ²லன்ஹாருனா வினிப³த்³த⁴ங் ஹுத்வா ஹத³யமங்ஸங் பரிக்கி²பித்வா டி²தந்தி.
தத்த² யதா² வண்டூபனிப³த்³த⁴ங் ஸஹகாரத்³வயங் ந ஜானாதி ‘‘அஹங் வண்டேன உபனிப³த்³த⁴’’ந்தி, நபி வண்டங் ஜானாதி ‘‘மயா ஸஹகாரத்³வயங் உபனிப³த்³த⁴’’ந்தி; ஏவமேவ ந வக்கங் ஜானாதி ‘‘அஹங் தூ²லன்ஹாருனா உபனிப³த்³த⁴’’ந்தி, நபி தூ²லன்ஹாரு ஜானாதி ‘‘மயா வக்கங் உபனிப³த்³த⁴’’ந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ வக்கங் வக்கபா⁴கே³ன பரிச்சி²ன்னந்தி வவத்த²பேதி. அயமேதஸ்ஸ ஸபா⁴க³பரிச்சே²தோ³, விஸபா⁴க³பரிச்சே²தோ³ பன கேஸஸதி³ஸோ ஏவாதி ஏவங் வக்கங் வண்ணாதி³தோ வவத்த²பேதி.
ததோ பரங் ஸரீரஸ்ஸ அப்³ப⁴ந்தரே ஹத³யங் வண்ணதோ ரத்தங் ரத்தபது³மபத்தபிட்டி²வண்ணந்தி வவத்த²பேதி. ஸண்டா²னதோ பா³ஹிரபத்தானி அபனெத்வா அதோ⁴முக²ட²பிதபது³மமகுளஸண்டா²னங், தஞ்ச அக்³க³ச்சி²ன்னபுன்னாக³ப²லமிவ விவடேகபஸ்ஸங் ப³ஹி மட்ட²ங் அந்தோ கோஸாதகீப²லஸ்ஸ அப்³ப⁴ந்தரஸதி³ஸங். பஞ்ஞாப³ஹுலானங் தோ²கங்
தத்த² யதா² த்³வின்னங் வாதபானகவாடகானங் மஜ்ஜே² டி²தோ அக்³க³ளத்த²ம்ப⁴கோ ந ஜானாதி ‘‘அஹங் த்³வின்னங்
ததோ பரங் ஸரீரஸ்ஸ அப்³ப⁴ந்தரே யகனஸஞ்ஞிதங் யமகமங்ஸபிண்ட³ங் வண்ணதோ ரத்தங் ரத்தகுமுத³பா³ஹிரபத்தபிட்டி²வண்ணந்தி வவத்த²பேதி. ஸண்டா²னதோ ஏகமூலங் ஹுத்வா அக்³கே³ யமகங் கோவிளாரபத்தஸண்டா²னங், தஞ்ச த³ந்தா⁴னங் ஏகங்யேவ ஹோதி மஹந்தங், பஞ்ஞவந்தானங் த்³வே வா தீணி வா கு²த்³த³கானீதி. தி³ஸதோ உபரிமாய தி³ஸாய ஜாதங். ஓகாஸதோ த்³வின்னங் த²னானங் அப்³ப⁴ந்தரே த³க்கி²ணபஸ்ஸங் நிஸ்ஸாய டி²தந்தி.
தத்த² யதா² பிட²ரகபஸ்ஸே லக்³கா³ மங்ஸபேஸி ந ஜானாதி ‘‘அஹங் பிட²ரகபஸ்ஸே லக்³கா³’’தி, நபி பிட²ரகபஸ்ஸங் ஜானாதி ‘‘மயி மங்ஸபேஸி லக்³கா³’’தி; ஏவமேவ ந யகனங் ஜானாதி ‘‘அஹங் த்³வின்னங் த²னானங் அப்³ப⁴ந்தரே த³க்கி²ணபஸ்ஸங் நிஸ்ஸாய டி²த’’ந்தி, நபி த²னானங் அப்³ப⁴ந்தரே த³க்கி²ணபஸ்ஸங் ஜானாதி ‘‘மங் நிஸ்ஸாய யகனங் டி²த’’ந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ பன யகனங் யகனபா⁴கே³ன
ததோ பரங் ஸரீரே படிச்ச²ன்னாபடிச்ச²ன்னபே⁴த³தோ து³வித⁴ங் கிலோமகங் வண்ணதோ ஸேதங் து³கூலபிலோதிகவண்ணந்தி வவத்த²பேதி. ஸண்டா²னதோ அத்தனோ ஓகாஸஸண்டா²னங். தி³ஸதோ த்³வீஸு தி³ஸாஸு ஜாதங். ஓகாஸதோ படிச்ச²ன்னகிலோமகங் ஹத³யஞ்ச வக்கஞ்ச பரிவாரெத்வா, அப்படிச்ச²ன்னகிலோமகங் ஸகலஸரீரே சம்மஸ்ஸ ஹெட்ட²தோ மங்ஸங் பரியோனந்தி⁴த்வா டி²தந்தி.
தத்த² யதா² பிலோதிகாய பலிவேடி²தே மங்ஸே ந பிலோதிகா ஜானாதி ‘‘மயா மங்ஸங் பலிவேடி²த’’ந்தி, நபி மங்ஸங் ஜானாதி ‘‘அஹங் பிலோதிகாய பலிவேடி²த’’ந்தி; ஏவமேவ ந கிலோமகங் ஜானாதி ‘‘மயா ஹத³யவக்கானி ஸகலஸரீரே ச சம்மஸ்ஸ ஹெட்ட²தோ மங்ஸங் பலிவேடி²த’’ந்தி. நபி ஹத³யவக்கானி ஸகலஸரீரே ச மங்ஸங் ஜானாதி ‘‘அஹங் கிலோமகேன பலிவேடி²த’’ந்தி
ததோ பரங் ஸரீரஸ்ஸ அப்³ப⁴ந்தரே பிஹகங் வண்ணதோ நீலங் மீலாதனிக்³கு³ண்டீ³புப்ப²வண்ணந்தி வவத்த²பேதி. ஸண்டா²னதோ யேபு⁴ய்யேன ஸத்தங்கு³லப்பமாணங் அப³ந்த⁴னங் காளவச்ச²கஜிவ்ஹாஸண்டா²னங். தி³ஸதோ உபரிமாய தி³ஸாய ஜாதங். ஓகாஸதோ ஹத³யஸ்ஸ வாமபஸ்ஸே உத³ரபடலஸ்ஸ மத்த²கபஸ்ஸங் நிஸ்ஸாய டி²தங், யம்ஹி பஹரணபஹாரேன ப³ஹி நிக்க²ந்தே ஸத்தானங் ஜீவிதக்க²யோ ஹோதீதி.
தத்த² யதா² கொட்ட²கமத்த²கபஸ்ஸங் நிஸ்ஸாய டி²தா ந கோ³மயபிண்டி³ ஜானாதி ‘‘அஹங் கொட்ட²கமத்த²கபஸ்ஸங் நிஸ்ஸாய டி²தா’’தி, நபி கொட்ட²கமத்த²கபஸ்ஸங் ஜானாதி ‘‘கோ³மயபிண்டி³ மங் நிஸ்ஸாய டி²தா’’தி; ஏவமேவ ந பிஹகங் ஜானாதி ‘‘அஹங் உத³ரபடலஸ்ஸ மத்த²கபஸ்ஸங் நிஸ்ஸாய டி²த’’ந்தி, நபி உத³ரபடலஸ்ஸ மத்த²கபஸ்ஸங் ஜானாதி ‘‘பிஹகங் மங் நிஸ்ஸாய டி²த’’ந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ
ததோ பரங் ஸரீரஸ்ஸ அப்³ப⁴ந்தரே த்³வத்திங்ஸமங்ஸக²ண்ட³ப்பபே⁴த³ங் பப்பா²ஸங் வண்ணதோ ரத்தங் நாதிபரிபக்கஉது³ம்ப³ரவண்ணந்தி வவத்த²பேதி. ஸண்டா²னதோ விஸமச்சி²ன்னபூவஸண்டா²னங், ச²த³னிட்ட²கக²ண்ட³புஞ்ஜஸண்டா²னந்திபி ஏகே. ததே³தங் அப்³ப⁴ந்தரே அஸிதபீதாதீ³னங் அபா⁴வே உக்³க³தேன கம்மஜதேஜுஸ்மனா அப்³பா⁴ஹதத்தா ஸங்கா²தி³தபலாலபிண்ட³மிவ நிரஸங் நிரோஜங் ஹோதி. தி³ஸதோ உபரிமாய தி³ஸாய ஜாதங். ஓகாஸதோ ஸரீரப்³ப⁴ந்தரே த்³வின்னங் த²னானங் அப்³ப⁴ந்தரே ஹத³யஞ்ச யகனஞ்ச உபரி சா²தெ³த்வா ஓலம்ப³ந்தங் டி²தந்தி.
தத்த² யதா² ஜிண்ணகொட்ட²ப்³ப⁴ந்தரே லம்ப³மானோ ஸகுணகுலாவகோ ந ஜானாதி ‘‘அஹங் ஜிண்ணகொட்ட²ப்³ப⁴ந்தரே லம்ப³மானோ டி²தோ’’தி, நபி ஜிண்ணகொட்ட²ப்³ப⁴ந்தரங் ஜானாதி ‘‘ஸகுணகுலாவகோ மயி லம்ப³மானோ டி²தோ’’தி; ஏவமேவ ந பப்பா²ஸங் ஜானாதி ‘‘அஹங் ஸரீரப்³ப⁴ந்தரே த்³வின்னங் த²னானங் அந்தரே லம்ப³மானங் டி²த’’ந்தி, நபி ஸரீரப்³ப⁴ந்தரே த்³வின்னங் த²னானங் அந்தரங் ஜானாதி ‘‘மயி பப்பா²ஸங் லம்ப³மானங் டி²த’’ந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ
ததோ பரங் அந்தோஸரீரே புரிஸஸ்ஸ த்³வத்திங்ஸஹத்த²ங், இத்தி²யா அட்ட²வீஸதிஹத்த²ங், ஏகவீஸதியா டா²னேஸு ஓப⁴க்³க³ங் அந்தங் வண்ணதோ ஸேதங் ஸக்க²ரஸுதா⁴வண்ணந்தி வவத்த²பேதி. ஸண்டா²னதோ ஸீஸங் சி²ந்தி³த்வா லோஹிததோ³ணியங் ஸங்வேல்லெத்வா ட²பிதத⁴ம்மனிஸண்டா²னங். தி³ஸதோ த்³வீஸு தி³ஸாஸு ஜாதங். ஓகாஸதோ உபரி க³லவாடகே ஹெட்டா² ச கரீஸமக்³கே³ வினிப³ந்த⁴த்தா க³லவாடககரீஸமக்³க³பரியந்தே ஸரீரப்³ப⁴ந்தரே
தத்த² யதா² லோஹிததோ³ணியங் ட²பிதங் சி²ன்னஸீஸங் த⁴ம்மனிகளேவரங் ந ஜானாதி ‘‘அஹங் லோஹிததோ³ணியங் டி²த’’ந்தி, நபி லோஹிததோ³ணி ஜானாதி ‘‘மயி சி²ன்னஸீஸங் த⁴ம்மனிகளேவரங் டி²த’’ந்தி; ஏவமேவ ந அந்தங் ஜானாதி ‘‘அஹங் ஸரீரப்³ப⁴ந்தரே டி²த’’ந்தி, நபி ஸரீரப்³ப⁴ந்தரங் ஜானாதி ‘‘மயி அந்தங் டி²த’’ந்தி. ஆபோ⁴க³பச்சவெக்க²ணவிரஹிதா
ததோ பரங் அந்தோஸரீரே அந்தந்தரே அந்தகு³ணங் வண்ணதோ ஸேதங் த³கஸீதலிகமூலவண்ணந்தி வவத்த²பேதி. ஸண்டா²னதோ த³கஸீதலிகமூலஸண்டா²னமேவாதி, கோ³முத்தஸண்டா²னந்திபி ஏகே. தி³ஸதோ த்³வீஸு தி³ஸாஸு ஜாதங். ஓகாஸதோ குதா³லப²ரஸுகம்மாதீ³னி கரொந்தானங் யந்தாகட்³ட⁴னகாலே யந்தஸுத்தகமிவ யந்தப²லகானி அந்தபோ⁴கே³ ஏகதோ அக்³க³ளந்தே ஆப³ந்தி⁴த்வா பாத³புஞ்ச²னரஜ்ஜுமண்ட³லகஸ்ஸ அந்தரா தங் ஸிப்³பி³த்வா டி²தரஜ்ஜுகா விய ஏகவீஸதியா அந்தபோ⁴கா³னங் அந்தரா டி²தந்தி.
தத்த² யதா² பாத³புஞ்ச²னரஜ்ஜுமண்ட³லகங் ஸிப்³பி³த்வா டி²தரஜ்ஜுகா ந ஜானாதி ‘‘மயா பாத³புஞ்ச²னரஜ்ஜுமண்ட³லகங் ஸிப்³பி³த’’ந்தி, நபி பாத³புஞ்ச²னரஜ்ஜுமண்ட³லகங் ஜானாதி ‘‘ரஜ்ஜுகா மங் ஸிப்³பி³த்வா டி²தா’’தி, ஏவமேவ அந்தகு³ணங் ந ஜானாதி ‘‘அஹங் அந்தங் ஏகவீஸதிபோ⁴க³ப்³ப⁴ந்தரே ஆப³ந்தி⁴த்வா டி²த’’ந்தி, நபி அந்தங் ஜானாதி ‘‘அந்தகு³ணங் மங் ஆப³ந்தி⁴த்வா டி²த’’ந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ அந்தகு³ணங் அந்தகு³ணபா⁴கே³ன
ததோ பரங் அந்தோஸரீரே உத³ரியங் வண்ணதோ அஜ்ஜோ²ஹடாஹாரவண்ணந்தி வவத்த²பேதி. ஸண்டா²னதோ பரிஸ்ஸாவனே ஸிதி²லப³த்³த⁴தண்டு³லஸண்டா²னங். தி³ஸதோ உபரிமாய தி³ஸாய ஜாதங். ஓகாஸதோ உத³ரே டி²தந்தி
தத்த² யதா² பரமஜேகு³ச்சா²ய ஸுவானதோ³ணியா டி²தோ ஸுவானவமது² ந ஜானாதி ‘‘அஹங் ஸுவானதோ³ணியா டி²தோ’’தி; நபி ஸுவானதோ³ணி ஜானாதி ‘‘மயி ஸுவானவமது² டி²தோ’’தி. ஏவமேவ ந உத³ரியங் ஜானாதி ‘‘அஹங் இமஸ்மிங் பரமது³க்³க³ந்த⁴ஜேகு³ச்சே² உத³ரே டி²த’’ந்தி; நபி உத³ரங் ஜானாதி ‘‘மயி உத³ரியங் டி²த’’ந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி
ததோ கரீஸங் வண்ணதோ யேபு⁴ய்யேன அஜ்ஜோ²ஹடாஹாரவண்ணந்தி வவத்த²பேதி. ஸண்டா²னதோ ஓகாஸஸண்டா²னங், தி³ஸதோ ஹெட்டி²மாய தி³ஸாய ஜாதங், ஓகாஸதோ பக்காஸயே டி²தந்தி. பக்காஸயோ நாம ஹெட்டா² நாபி⁴பிட்டி²கண்டகமூலானங் அந்தரே அந்தாவஸானே உப்³பே³தே⁴ன அட்ட²ங்கு³லமத்தோ வங்ஸனளகப்³ப⁴ந்தரஸதி³ஸோ பதே³ஸோ, யத்த² ஸெய்யதா²பி நாம உபரிபூ⁴மிபா⁴கே³ பதிதங் வஸ்ஸோத³கங் ஓக³ளித்வா ஹெட்டா²பூ⁴மிபா⁴க³ங் பூரெத்வா திட்ட²தி, ஏவமேவ யங்கிஞ்சி ஆமாஸயே பதிதங் பானபோ⁴ஜனாதி³கங் உத³ரக்³கி³னா பே²ணுத்³தே³ஹகங் பக்கங் பக்கங் ஸண்ஹகரணியா பிட்ட²மிவ ஸண்ஹபா⁴வங் ஆபஜ்ஜித்வா அந்தபி³லேன ஓக³ளித்வா ஓமத்³தி³த்வா வங்ஸனளகே பக்கி²த்தபண்டு³மத்திகா விய ஸன்னிசிதங் ஹுத்வா திட்ட²தி.
தத்த² யதா² வங்ஸனளகே ஓமத்³தி³த்வா பக்கி²த்தபண்டு³மத்திகா ந ஜானாதி ‘‘அஹங் வங்ஸனளகே டி²தா’’தி, நபி வங்ஸனளகோ ஜானாதி ‘‘மயி பண்டு³மத்திகா டி²தா’’தி; ஏவமேவ ந கரீஸங் ஜானாதி
ததோ பரங் ஸரீரே ஸீஸகடாஹப்³ப⁴ந்தரே மத்த²லுங்க³ங் வண்ணதோ ஸேதங் அஹிச²த்தகபிண்டி³வண்ணந்தி வவத்த²பேதி. பக்குதி²தது³த்³த⁴வண்ணந்திபி ஏகே. ஸண்டா²னதோ ஓகாஸஸண்டா²னங். தி³ஸதோ உபரிமாய தி³ஸாய ஜாதங். ஓகாஸதோ ஸீஸகடாஹஸ்ஸ அப்³ப⁴ந்தரே சத்தாரோ ஸிப்³பி³னிமக்³கே³ நிஸ்ஸாய ஸமோதா⁴ய ட²பிதா சத்தாரோ பிட்ட²பிண்டி³கா விய ஸமோஹிதங் சதுமத்த²லுங்க³பிண்ட³ப்பபே⁴த³ங் ஹுத்வா டி²தந்தி.
தத்த² யதா² புராணலாபு³கடாஹே பக்கி²த்தபிட்ட²பிண்டி³ பக்குதி²தது³த்³த⁴ங் வா ந ஜானாதி ‘‘அஹங் புராணலாபு³கடாஹே டி²த’’ந்தி, நபி புராணலாபு³கடாஹங் ஜானாதி ‘‘மயி பிட்ட²பிண்டி³ பக்குதி²தது³த்³த⁴ங் வா டி²த’’ந்தி; ஏவமேவ ந மத்த²லுங்க³ங் ஜானாதி ‘‘அஹங் ஸீஸகடாஹப்³ப⁴ந்தரே டி²த’’ந்தி, நபி ஸீஸகடாஹப்³ப⁴ந்தரங் ஜானாதி ‘‘மயி மத்த²லுங்க³ங் டி²த’’ந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ மத்த²லுங்க³ங் மத்த²லுங்க³பா⁴கே³ன பரிச்சி²ன்னந்தி வவத்த²பேதி. அயமேதஸ்ஸ
ததோ பித்தங் வண்ணதோ ப³ஹலமது⁴கதேலவண்ணந்தி வவத்த²பேதி. அப³த்³த⁴பித்தங் மிலாதப³குலபுப்ப²வண்ணந்திபி ஏகே. ஸண்டா²னதோ ஓகாஸஸண்டா²னங். தி³ஸதோ த்³வீஸு தி³ஸாஸு ஜாதங். ஓகாஸதோ அப³த்³த⁴பித்தங் கேஸலோமனக²த³ந்தானங் மங்ஸவினிமுத்தட்டா²னங் த²த்³த⁴ஸுக்க²சம்மஞ்ச வஜ்ஜெத்வா உத³கமிவ தேலபி³ந்து³ அவஸேஸஸரீரங் ப்³யாபெத்வா டி²தங், யம்ஹி குபிதே அக்கீ²னி பீதகானி ஹொந்தி ப⁴மந்தி, க³த்தங் கம்பதி கண்டூ³யதி. ப³த்³த⁴பித்தங் ஹத³யபப்பா²ஸானமந்தரே
தத்த² யதா² உத³கங் ப்³யாபெத்வா டி²தங் தேலங் ந ஜானாதி ‘‘அஹங் உத³கங் ப்³யாபெத்வா டி²த’’ந்தி, நபி உத³கங் ஜானாதி ‘‘தேலங் மங் ப்³யாபெத்வா டி²த’’ந்தி; ஏவமேவ ந அப³த்³த⁴பித்தங் ஜானாதி ‘‘அஹங் ஸரீரங் ப்³யாபெத்வா டி²த’’ந்தி, நபி ஸரீரங் ஜானாதி ‘‘அப³த்³த⁴பித்தங் மங் ப்³யாபெத்வா டி²த’’ந்தி. யதா² ச கோஸாதகிகோஸகே டி²தங் வஸ்ஸோத³கங் ந ஜானாதி ‘‘அஹங் கோஸாதகிகோஸகே டி²த’’ந்தி, நபி கோஸாதகிகோஸகோ ஜானாதி ‘‘மயி வஸ்ஸோத³கங் டி²த’’ந்தி; ஏவமேவ ந ப³த்³த⁴பித்தங் ஜானாதி ‘‘அஹங் பித்தகோஸகே டி²த’’ந்தி, நபி பித்தகோஸகோ ஜானாதி ‘‘மயி ப³த்³த⁴பித்தங் டி²த’’ந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ பித்தங் பித்தபா⁴கே³ன பரிச்சி²ன்னந்தி வவத்த²பேதி. அயமேதஸ்ஸ ஸபா⁴க³பரிச்சே²தோ³, விஸபா⁴க³பரிச்சே²தோ³ பன கேஸஸதி³ஸோ ஏவாதி ஏவங் பித்தங் வண்ணாதி³தோ வவத்த²பேதி.
ததோ பரங் ஸரீரப்³ப⁴ந்தரே ஏகபத்தபூரப்பமாணங் ஸெம்ஹங் வண்ணதோ ஸேதங் கச்ச²கபண்ணரஸவண்ணந்தி வவத்த²பேதி. ஸண்டா²னதோ ஓகாஸஸண்டா²னங். தி³ஸதோ உபரிமாய தி³ஸாய ஜாதங். ஓகாஸதோ உத³ரபடலே டி²தந்தி. யங்
தத்த² யதா² சந்த³னிகாய உபரிபே²ணபடலங் ந ஜானாதி ‘‘அஹங் சந்த³னிகாய டி²த’’ந்தி, நபி சந்த³னிகா ஜானாதி ‘‘மயி பே²ணபடலங் டி²த’’ந்தி; ஏவமேவ ந ஸெம்ஹங் ஜானாதி ‘‘அஹங் உத³ரபடலே டி²த’’ந்தி, நபி உத³ரபடலங் ஜானாதி ‘‘மயி ஸெம்ஹங் டி²தந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ ஸெம்ஹங் ஸெம்ஹபா⁴கே³ன பரிச்சி²ன்னந்தி வவத்த²பேதி. அயமேதஸ்ஸ ஸபா⁴க³பரிச்சே²தோ³, விஸபா⁴க³பரிச்சே²தோ³ பன கேஸஸதி³ஸோ ஏவாதி ஏவங் ஸெம்ஹங் வண்ணாதி³தோ வவத்த²பேதி.
ததோ பரங் ஸரீரே புப்³போ³ வண்ணதோ பண்டு³பலாஸவண்ணோதி வவத்த²பேதி. ஸண்டா²னதோ ஓகாஸஸண்டா²னோ. தி³ஸதோ த்³வீஸு தி³ஸாஸு ஜாதோ. ஓகாஸதோ புப்³ப³ஸ்ஸ ஓகாஸோ நாம நிப³த்³தோ⁴ நத்தி². யத்த² புப்³போ³ ஸன்னிசிதோ திட்டெ²ய்ய, யத்ர யத்ர கா²ணுகண்டகப்பஹரணக்³கி³ஜாலாதீ³ஹி அபி⁴ஹதே ஸரீரப்பதே³ஸே லோஹிதங் ஸண்ட²ஹித்வா பச்சதி, க³ண்ட³பிளகாத³யோ வா உப்பஜ்ஜந்தி, தத்ர தத்ர திட்ட²தி.
தத்த² யதா² ருக்க²ஸ்ஸ தத்த² தத்த² ப²ரஸுதா⁴ராதீ³ஹி பஹதப்பதே³ஸே அவக³ளித்வா டி²தோ நிய்யாஸோ ந ஜானாதி ‘‘அஹங் ருக்க²ஸ்ஸ பஹதப்பதே³ஸே டி²தோ’’தி, நபி ருக்க²ஸ்ஸ பஹதப்பதே³ஸோ ஜானாதி ‘‘மயி நிய்யாஸோ டி²தோ’’தி; ஏவமேவ ந புப்³போ³ ஜானாதி ‘‘அஹங் ஸரீரஸ்ஸ தத்த² தத்த² கா²ணுகண்டகாதீ³ஹி அபி⁴ஹதப்பதே³ஸே க³ண்ட³பிளகாதீ³னங் உட்டி²தப்பதே³ஸே வா டி²தோ’’தி, நபி ஸரீரப்பதே³ஸோ ஜானாதி ‘‘மயி புப்³போ³ டி²தோ’’தி. ஆபோ⁴க³பச்சவெக்க²ணவிரஹிதா
ததோ பரங் ஸரீரே ஸன்னிசிதலோஹிதங் ஸங்ஸரணலோஹிதந்தி ஏவங் து³விதே⁴ லோஹிதே ஸன்னிசிதலோஹிதங் தாவ வண்ணதோ ப³ஹலகுதி²தலாகா²ரஸவண்ணந்தி
தத்த² யதா² ஜஜ்ஜரகபாலே டி²தங் உத³கங் ஹெட்டா² லெட்³டு³க²ண்டா³தீ³னி தேமெந்தங் ந ஜானாதி ‘‘அஹங் ஜஜ்ஜரகபாலே டி²தங் ஹெட்டா² லெட்³டு³க²ண்டா³தீ³னி தேமேமீ’’தி, நபி ஜஜ்ஜரகபாலங் ஹெட்டா² லெட்³டு³க²ண்டா³தீ³னி வா ஜானந்தி ‘‘மயி உத³கங் டி²தங், அம்ஹே வா தேமெந்தங் டி²த’’ந்தி; ஏவமேவ ந லோஹிதங் ஜானாதி ‘‘அஹங் யகனஸ்ஸ ஹெட்டா²பா⁴கே³ வக்கஹத³யாதீ³னி தேமெந்தங் டி²த’’ந்தி, நபி யகனஸ்ஸ ஹெட்டா²பா⁴க³ட்டா²னங் வக்கஹத³யாதீ³னி வா ஜானந்தி ‘‘மயி லோஹிதங் டி²தங், அம்ஹே வா தேமெந்தங் டி²த’’ந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ லோஹிதங் லோஹிதபா⁴கே³ன பரிச்சி²ன்னந்தி வவத்த²பேதி. அயமேதஸ்ஸ ஸபா⁴க³பரிச்சே²தோ³, விஸபா⁴க³பரிச்சே²தோ³ பன கேஸஸதி³ஸோ ஏவாதி ஏவங் லோஹிதங் வண்ணாதி³தோ வவத்த²பேதி.
ததோ பரங் ஸரீரே ஸேதோ³ வண்ணதோ பஸன்னதிலதேலவண்ணோதி வவத்த²பேதி. ஸண்டா²னதோ ஓகாஸஸண்டா²னோ. தி³ஸதோ த்³வீஸு தி³ஸாஸு ஜாதோ. ஓகாஸதோ ஸேத³ஸ்ஸ ஓகாஸோ நாம நிப³த்³தோ⁴ நத்தி², யத்த² ஸேதோ³ லோஹிதங் விய ஸதா³ திட்டெ²ய்ய. யஸ்மா வா யதா³ அக்³கி³ஸந்தாபஸூரியஸந்தாபஉதுவிகாராதீ³ஹி
தத்த² யதா² பி⁴ஸமுளாலகுமுத³னாலகலாபவிவரேஹி பக்³க⁴ரந்தங் உத³கங் ந ஜானாதி ‘‘அஹங் பி⁴ஸமுளாலகுமுத³னாலகலாபவிவரேஹி பக்³க⁴ராமீ’’தி, நபி பி⁴ஸமுளாலகுமுத³னாலகலாபவிவரா ஜானந்தி ‘‘அம்ஹேஹி உத³கங் பக்³க⁴ரதீ’’தி; ஏவமேவ ந ஸேதோ³ ஜானாதி ‘‘அஹங் கேஸலோமகூபவிவரேஹி பக்³க⁴ராமீ’’தி, நபி கேஸலோமகூபவிவரா ஜானந்தி ‘‘அம்ஹேஹி ஸேதோ³ பக்³க⁴ரதீ’’தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ ஸேதோ³ ஸேத³பா⁴கே³ன பரிச்சி²ன்னோதி வவத்த²பேதி. அயமேதஸ்ஸ ஸபா⁴க³பரிச்சே²தோ³, விஸபா⁴க³பரிச்சே²தோ³ பன கேஸஸதி³ஸோ ஏவாதி ஏவங் ஸேத³ங் வண்ணாதி³தோ வவத்த²பேதி.
ததோ மேதோ³ வண்ணதோ பா²லிதஹலித்³தி³வண்ணோதி வவத்த²பேதி. ஸண்டா²னதோ ஓகாஸஸண்டா²னோ. ததா² ஹி ஸுகி²னோ தூ²லஸரீரஸ்ஸ சம்மமங்ஸந்தரே ப²ரித்வா டி²தோ ஹலித்³தி³ரத்தது³கூலபிலோதிகஸண்டா²னோ, கிஸஸரீரஸ்ஸ ஜங்க⁴மங்ஸஊருமங்ஸபிட்டி²கண்டகனிஸ்ஸிதபிட்டி²மங்ஸஉத³ரபடலமங்ஸானி நிஸ்ஸாய ஸங்வேல்லித்வா ட²பிதஹலித்³தி³ரத்தது³கூலபிலோதிகக²ண்ட³ஸண்டா²னோ. தி³ஸதோ த்³வீஸு தி³ஸாஸு ஜாதோ. ஓகாஸதோ தூ²லஸரீரஸ்ஸ ஸகலஸரீரங் ப²ரித்வா கிஸஸ்ஸ ஜங்கா⁴மங்ஸாதீ³னி நிஸ்ஸாய டி²தோ, யோ ஸினேஹஸங்கா²தோபி ஹுத்வா பரமஜேகு³ச்ச²த்தா ந மத்த²கதேலத்த²ங் ந க³ண்டூ³ஸதேலத்த²ங் ந தீ³பஜாலனத்த²ங் ஸங்க³ய்ஹதி.
தத்த² யதா² மங்ஸபுஞ்ஜங் நிஸ்ஸாய டி²தா ஹலித்³தி³ரத்தது³கூலபிலோதிகா ந ஜானாதி ‘‘அஹங் மங்ஸபுஞ்ஜங் நிஸ்ஸாய டி²தா’’தி, நபி மங்ஸபுஞ்ஜோ ஜானாதி ‘‘ஹலித்³தி³ரத்தது³கூலபிலோதிகா மங் நிஸ்ஸாய டி²தா’’தி; ஏவமேவ ந மேதோ³ ஜானாதி ‘‘அஹங் ஸகலஸரீரங் ஜங்கா⁴தீ³ஸு வா மங்ஸங் நிஸ்ஸாய டி²தோ’’தி, நபி ஸகலஸரீரங் ஜானாதி ஜங்கா⁴தீ³ஸு வா மங்ஸங் ‘‘மேதோ³ மங் நிஸ்ஸாய டி²தோ’’தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ மேதோ³ ஹெட்டா² மங்ஸேன, உபரி சம்மேன, ஸமந்ததோ மேத³பா⁴கே³ன
ததோ பரங் ஸரீரே அஸ்ஸு வண்ணதோ பஸன்னதிலதேலவண்ணந்தி வவத்த²பேதி. ஸண்டா²னதோ ஓகாஸஸண்டா²னங். தி³ஸதோ உபரிமாய தி³ஸாய ஜாதங். ஓகாஸதோ அக்கி²கூபகேஸு டி²தந்தி. ந சேதங் பித்தகோஸகே பித்தமிவ அக்கி²கூபகேஸு ஸதா³ ஸன்னிசிதங் ஹுத்வா திட்ட²தி, கிந்து யதா³ ஸோமனஸ்ஸஜாதா ஸத்தா மஹாஹஸிதங் ஹஸந்தி, தோ³மனஸ்ஸஜாதா ரோத³ந்தி பரிதே³வந்தி, ததா²ரூபங் விஸமாஹாரங் வா ஹரந்தி, யதா³ ச தேஸங் அக்கீ²னி தூ⁴மரஜபங்ஸுகாதீ³ஹி அபி⁴ஹஞ்ஞந்தி, ததா³ ஏதேஹி ஸோமனஸ்ஸதோ³மனஸ்ஸவிஸமாஹாராதீ³ஹி ஸமுட்ட²ஹித்வா அஸ்ஸு அக்கி²கூபகேஸு பூரெத்வா திட்ட²தி பக்³க⁴ரதி ச. ‘‘அஸ்ஸுபரிக்³க³ண்ஹகேன ச யோகா³வசரேன அக்கி²கூபகே பூரெத்வா டி²தவஸேனேவ தங் மனஸிகாதப்³ப³’’ந்தி புப்³பா³சரியா வண்ணயந்தி.
தத்த² யதா² மத்த²கச்சி²ன்னதருணதாலட்டி²கூபகேஸு டி²தங் உத³கங் ந ஜானாதி ‘‘அஹங் மத்த²கச்சி²ன்னதருணதாலட்டி²கூபகேஸு டி²த’’ந்தி, நபி மத்த²கச்சி²ன்னதருணதாலட்டி²கூபகா ஜானந்தி ‘‘அம்ஹேஸு உத³கங் டி²த’’ந்தி; ஏவமேவ ந அஸ்ஸு ஜானாதி ‘‘அஹங் அக்கி²கூபகேஸு டி²த’’ந்தி, நபி அக்கி²கூபகா ஜானந்தி ‘‘அம்ஹேஸு அஸ்ஸு டி²த’’ந்தி. ஆபோ⁴க³பச்சவெக்க²ணவிரஹிதா ஹி ஏதே
ததோ பரங் ஸரீரே விலீனஸினேஹஸங்கா²தா வஸா வண்ணதோ ஆசாமே ஆஸித்ததேலவண்ணாதி வவத்த²பேதி. ஸண்டா²னதோ ஓகாஸஸண்டா²னா. தி³ஸதோ த்³வீஸு தி³ஸாஸு ஜாதா. ஓகாஸதோ ஹத்த²தலஹத்த²பிட்டி²பாத³தலபாத³பிட்டி²னாஸாபுடனலாடஅங்ஸகூடேஸு டி²தாதி. ந சேஸா ஏதேஸு ஓகாஸேஸு ஸதா³ விலீனா ஏவ ஹுத்வா திட்ட²தி, கிந்து யதா³ அக்³கி³ஸந்தாபஸூரியஸந்தாபஉதுவிஸபா⁴க³தா⁴துவிஸபா⁴கே³ஹி தே பதே³ஸா உஸ்மாஜாதா ஹொந்தி, ததா³ தத்த² விலீனாவ ஹுத்வா பஸன்னஸலிலாஸு உத³கஸொண்டி³காஸு நீஹாரோ விய ஸரதி.
தத்த²
ததோ பரங் ஸரீரே முக²ஸ்ஸப்³ப⁴ந்தரே கே²ளோ வண்ணதோ ஸேதோ பே²ணவண்ணோதி வவத்த²பேதி. ஸண்டா²னதோ ஓகாஸஸண்டா²னோதி, ஸமுத்³த³பே²ணஸண்டா²னோதிபி ஏகே. தி³ஸதோ உபரிமாய தி³ஸாய ஜாதோ. ஓகாஸதோ உபோ⁴ஹி கபோலபஸ்ஸேஹி ஓரோஹித்வா ஜிவ்ஹாய டி²தோதி. ந சேஸோ எத்த² ஸதா³ ஸன்னிசிதோ ஹுத்வா திட்ட²தி, கிந்து யதா³ ஸத்தா ததா²ரூபங் ஆஹாரங் பஸ்ஸந்தி வா ஸரந்தி வா, உண்ஹதித்தகடுகலோணம்பி³லானங் வா கிஞ்சி முகே² ட²பெந்தி. யதா³ ச தேஸங் ஹத³யங் ஆகி³லாயதி, கிஸ்மிஞ்சிதே³வ வா ஜிகு³ச்சா² உப்பஜ்ஜதி, ததா³ கே²ளோ உப்பஜ்ஜித்வா உபோ⁴ஹி கபோலபஸ்ஸேஹி ஓரோஹித்வா ஜிவ்ஹாய ஸண்டா²தி. அக்³க³ஜிவ்ஹாய சேஸ கே²ளோ தனுகோ ஹோதி, மூலஜிவ்ஹாய ப³ஹலோ, முகே² பக்கி²த்தஞ்ச புது²கங் வா தண்டு³லங் வா அஞ்ஞங் வா கிஞ்சி கா²த³னீயங் நதி³புலினே க²தகூபஸலிலமிவ பரிக்க²யமக³ச்ச²ந்தோவ ஸதா³ தேமனஸமத்தோ² ஹோதி.
தத்த² யதா² நதி³புலினே க²தகூபதலே ஸண்டி²தங் உத³கங் ந ஜானாதி ‘‘அஹங் கூபதலே ஸண்டி²த’’ந்தி
ததோ ஸிங்கா⁴ணிகா வண்ணதோ ஸேதா தருணதாலமிஞ்ஜவண்ணாதி வவத்த²பேதி. ஸண்டா²னதோ ஓகாஸஸண்டா²னா, ஸேதெ³த்வா ஸேதெ³த்வா நாஸாபுடே நிரந்தரங் பக்கி²த்தவெத்தங்குரஸண்டா²னாதிபி ஏகே. தி³ஸதோ உபரிமாய தி³ஸாய ஜாதா. ஓகாஸதோ நாஸாபுடே பூரெத்வா டி²தாதி. ந சேஸா எத்த² ஸதா³ ஸன்னிசிதா ஹுத்வா திட்ட²தி, கிந்து ஸெய்யதா²பி நாம புரிஸோ பது³மினிபத்தே த³தி⁴ங் ப³ந்தி⁴த்வா ஹெட்டா² பது³மினிபத்தங் கண்டகேன விஜ்ஜெ²ய்ய, அத² தேன சி²த்³தே³ன த³தி⁴பிண்ட³ங் க³ளித்வா ப³ஹி பபதெய்ய; ஏவமேவ யதா³ ஸத்தா ரோத³ந்தி, விஸபா⁴கா³ஹாரஉதுவஸேன வா ஸஞ்ஜாததா⁴துக்கோ²பா⁴ ஹொந்தி, ததா³ அந்தோஸீஸதோ பூதிஸெம்ஹபா⁴வங் ஆபன்னங் மத்த²லுங்க³ங் க³ளித்வா தாலுமத்த²கவிவரேன ஓதரித்வா நாஸாபுடே பூரெத்வா திட்ட²தி.
தத்த² யதா² ஸிப்பிகாய பக்கி²த்தங் பூதித³தி⁴ ந ஜானாதி ‘‘அஹங் ஸிப்பிகாய டி²த’’ந்தி, நபி ஸிப்பிகா ஜானாதி ‘‘மயி பூதிகங் த³தி⁴ டி²த’’ந்தி; ஏவமேவ ந ஸிங்கா⁴ணிகா ஜானாதி ‘‘அஹங் நாஸாபுடேஸு டி²தா’’தி, நபி நாஸாபுடா ஜானந்தி ‘‘அம்ஹேஸு ஸிங்கா⁴ணிகா டி²தா’’தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ ஸிங்கா⁴ணிகா ஸிங்கா⁴ணிகபா⁴கே³ன பரிச்சி²ன்னாதி வவத்த²பேதி. அயமேதிஸ்ஸா ஸபா⁴க³பரிச்சே²தோ³, விஸபா⁴க³பரிச்சே²தோ³ பன கேஸஸதி³ஸோ ஏவாதி ஏவங் ஸிங்கா⁴ணிகங் வண்ணாதி³தோ வவத்த²பேதி.
ததோ பரங் அந்தோஸரீரே லஸிகாதி ஸரீரஸந்தீ⁴னங் அப்³ப⁴ந்தரே பிச்சி²லகுணபங். ஸா வண்ணதோ கணிகாரனிய்யாஸவண்ணாதி வவத்த²பேதி. ஸண்டா²னதோ ஓகாஸஸண்டா²னா. தி³ஸதோ த்³வீஸு தி³ஸாஸு ஜாதா. ஓகாஸதோ அட்டி²ஸந்தீ⁴னங் அப்³ப⁴ஞ்ஜனகிச்சங் ஸாத⁴யமானா அஸீதிஸதஸந்தீ⁴னங் அப்³ப⁴ந்தரே டி²தாதி. யஸ்ஸ சேஸா மந்தா³ ஹோதி, தஸ்ஸ உட்ட²ஹந்தஸ்ஸ நிஸீத³ந்தஸ்ஸ அபி⁴க்கமந்தஸ்ஸ படிக்கமந்தஸ்ஸ ஸமிஞ்ஜந்தஸ்ஸ பஸாரெந்தஸ்ஸ அட்டி²கானி கடகடாயந்தி, அச்ச²ரிகாஸத்³த³ங் கரொந்தோ விய விசரதி
தத்த²
ததோ பரங் அந்தோஸரீரே முத்தங் வண்ணதோ மாஸகா²ரோத³கவண்ணந்தி வவத்த²பேதி. ஸண்டா²னதோ உத³கங் பூரெத்வா அதோ⁴முக²ட²பிதஉத³ககும்ப⁴அந்தரக³தஉத³கஸண்டா²னங். தி³ஸதோ ஹெட்டி²மாய தி³ஸாய ஜாதங். ஓகாஸதோ வத்தி²ஸ்ஸப்³ப⁴ந்தரே டி²தந்தி. வத்தி² நாம வத்தி²புடோ வுச்சதி, யத்த² ஸெய்யதா²பி நாம சந்த³னிகாய பக்கி²த்தே அமுகே² பேளாக⁴டே சந்த³னிகாரஸோ பவிஸதி, ந சஸ்ஸ பவிஸனமக்³கோ³ பஞ்ஞாயதி; ஏவமேவ ஸரீரதோ முத்தங் பவிஸதி, ந சஸ்ஸ பவிஸனமக்³கோ³ பஞ்ஞாயதி நிக்க²மனமக்³கோ³ ஏவ து பாகடோ ஹோதி, யம்ஹி ச முத்தஸ்ஸ ப⁴ரிதே ‘‘பஸ்ஸாவங் கரோமா’’தி ஸத்தானங் ஆயூஹனங் ஹோதி. தத்த² யதா² சந்த³னிகாய பக்கி²த்தே அமுகே² பேளாக⁴டே டி²தோ சந்த³னிகாரஸோ ந ஜானாதி ‘‘அஹங் அமுகே² பேளாக⁴டே டி²தோ’’தி, நபி பேளாக⁴டோ ஜானாதி ‘‘மயி சந்த³னிகாரஸோ டி²தோ’’தி; ஏவமேவ முத்தங் ந ஜானாதி ‘‘அஹங் வத்தி²ம்ஹி டி²த’’ந்தி, நபி வத்தி² ஜானாதி ‘‘மயி முத்தங் டி²த’’ந்தி. ஆபோ⁴க³பச்சவெக்க²ணவிரஹிதா ஹி ஏதே த⁴ம்மா…பே॰… ந புக்³க³லோதி. பரிச்சே²த³தோ வத்தி²அப்³ப⁴ந்தரேன சேவ முத்தபா⁴கே³ன ச பரிச்சி²ன்னந்தி வவத்த²பேதி. அயமேதஸ்ஸ
தஸ்ஸேவங் இமங் த்³வத்திங்ஸாகாரங் வண்ணாதி³வஸேன வவத்த²பெந்தஸ்ஸ தங் தங் பா⁴வனானுயோக³ங் ஆக³ம்ம கேஸாத³யோ பகு³ணா ஹொந்தி, கொட்டா²ஸபா⁴வேன உபட்ட²ஹந்தி. ததோ பபு⁴தி ஸெய்யதா²பி நாம சக்கு²மதோ புரிஸஸ்ஸ த்³வத்திங்ஸவண்ணானங் புப்பா²னங் ஏகஸுத்தக³ந்தி²தங் மாலங் ஓலோகெந்தஸ்ஸ ஸப்³ப³புப்பா²னி அபுப்³பா³பரியமிவ பாகடானி ஹொந்தி; ஏவமேவ ‘‘அத்தி² இமஸ்மிங் காயே
எத்தா²ஹ ‘‘அதா²னேன ததோ பரங் கிங் காதப்³ப³’’ந்தி? வுச்சதே – ததே³வ நிமித்தங் ஆஸேவிதப்³ப³ங் பா⁴வேதப்³ப³ங் ப³ஹுலீகாதப்³ப³ங் ஸுவவத்தி²தங் வவத்த²பேதப்³ப³ங். கத²ங் பனாயங் தங் நிமித்தங் ஆஸேவதி பா⁴வேதி ப³ஹுலீகரோதி ஸுவவத்தி²தங் வவத்த²பேதீதி? அயஞ்ஹி தங் கேஸாதீ³னங் கொட்டா²ஸபா⁴வேன உபட்டா²னநிமித்தங் ஆஸேவதி, ஸதியா அல்லியதி ப⁴ஜதி உபக³ச்ச²தி, ஸதிக³ப்³ப⁴ங் க³ண்ஹாபேதி. தத்த² லத்³த⁴ங் வா ஸதிங் வட்³டெ⁴ந்தோ தங் பா⁴வேதீதி வுச்சதி. ப³ஹுலீகரோதீதி புனப்புனங் ஸதிஸம்பயுத்தங் விதக்கவிசாரப்³பா⁴ஹதங் கரோதி. ஸுவவத்தி²தங் வவத்த²பேதீதி யதா² ஸுட்டு² வவத்தி²தங் ஹோதி, ந புன அந்தரதா⁴னங் க³ச்ச²தி, ததா² தங் ஸதியா வவத்த²பேதி, உபதா⁴ரேதி உபனிப³ந்த⁴தி.
அத² வா யங்
எத்தா²ஹ ‘‘கத²ங் பனாயங் அனுபுப்³பா³தி³வஸேன ஏதே த⁴ம்மே மனஸி கரோதீ’’தி? வுச்சதே – அயஞ்ஹி கேஸே மனஸி கரித்வா தத³னந்தரங் லோமே மனஸி கரோதி, ந நகே². ததா² லோமே மனஸி கரித்வா தத³னந்தரங் நகே² மனஸி கரோதி, ந த³ந்தே. ஏஸ நயோ ஸப்³ப³த்த². கஸ்மா? உப்படிபாடியா ஹி மனஸிகரொந்தோ ஸெய்யதா²பி நாம அகுஸலோ புரிஸோ த்³வத்திங்ஸபத³ங் நிஸ்ஸேணிங் உப்படிபாடியா ஆரோஹந்தோ கிலந்தகாயோ ததோ நிஸ்ஸேணிதோ
அனுபுப்³ப³தோ மனஸிகரொந்தோபி ச கேஸா லோமாதி நாதிஸீக⁴தோபி மனஸி கரோதி. அதிஸீக⁴தோ ஹி மனஸிகரொந்தோ ஸெய்யதா²பி நாம அத்³தா⁴னங் க³ச்ச²ந்தோ புரிஸோ ஸமவிஸமருக்க²த²லனின்னத்³வேதா⁴பதா²தீ³னி மக்³க³னிமித்தானி உபலக்கே²துங் ந ஸக்கோதி, ததோ ந மக்³க³குஸலோ ஹோதி, அத்³தா⁴னஞ்ச பரிக்க²யங் நேதி; ஏவமேவ வண்ணஸண்டா²னாதீ³னி த்³வத்திங்ஸாகாரனிமித்தானி
யதா² ச நாதிஸீக⁴தோ, ஏவங் நாதிஸணிகதோபி மனஸி கரோதி. அதிஸணிகதோ ஹி மனஸிகரொந்தோ ஸெய்யதா²பி நாம புரிஸோ அத்³தா⁴னமக்³க³ங் படிபன்னோ அந்தராமக்³கே³ ருக்க²பப்³ப³ததளாகாதீ³ஸு விலம்ப³மானோ இச்சி²தப்பதே³ஸங் அபாபுணந்தோ அந்தராமக்³கே³யேவ ஸீஹப்³யக்³கா⁴தீ³ஹி அனயப்³யஸனங் பாபுணாதி; ஏவமேவ த்³வத்திங்ஸாகாரபா⁴வனாஸம்பத³ங் அபாபுணந்தோ
நாதிஸணிகதோ மனஸிகரொந்தோபி ச விக்கே²பப்பஹானதோபி மனஸி கரோதி. விக்கே²பப்பஹானதோ நாம யதா² அஞ்ஞேஸு நவகம்மாதீ³ஸு சித்தங் ந விக்கி²பதி, ததா² மனஸி கரோதி. ப³ஹித்³தா⁴ விக்கே²பமானசித்தோ ஹி கேஸாதீ³ஸ்வேவ அஸமாஹிதசேதோவிதக்கோ பா⁴வனாஸம்பத³ங் அபாபுணித்வா அந்தராவ அனயப்³யஸனங் ஆபஜ்ஜதி தக்கஸிலாக³மனே போ³தி⁴ஸத்தஸ்ஸ ஸஹாயகா விய. அவிக்கி²பமானசித்தோ பன கேஸாதீ³ஸ்வேவ ஸமாஹிதசேதோவிதக்கோ பா⁴வனாஸம்பத³ங் பாபுணாதி போ³தி⁴ஸத்தோ விய தக்கஸிலரஜ்ஜஸம்பத³ந்தி. தஸ்ஸேவங் விக்கே²பப்பஹானதோ மனஸிகரோதோ அதி⁴காரசரியாதி⁴முத்தீனங் வஸேன தே த⁴ம்மா அஸுப⁴தோ வா வண்ணதோ வா ஸுஞ்ஞதோ வா உபட்ட²ஹந்தி.
அத² பண்ணத்திஸமதிக்கமனதோ தே த⁴ம்மே மனஸி கரோதி. பண்ணத்திஸமதிக்கமனதோதி கேஸா லோமாதி ஏவமாதி³வோஹாரங் ஸமதிக்கமித்வா விஸ்ஸஜ்ஜெத்வா யதூ²பட்டி²தானங் அஸுபா⁴தீ³னங்யேவ வஸேன மனஸி கரோதி. கத²ங்
எத்தா²ஹ ‘‘கத²ங் பனஸ்ஸ ஏதே த⁴ம்மா அஸுபா⁴தி³தோ உபட்ட²ஹந்தி, கத²ங் வண்ணதோ, கத²ங் ஸுஞ்ஞதோ வா, கத²ஞ்சாயமேதே அஸுப⁴தோ மனஸி கரோதி, கத²ங் வண்ணதோ, கத²ங் ஸுஞ்ஞதோ வா’’தி? கேஸா தாவஸ்ஸ வண்ணஸண்டா²னக³ந்தா⁴ஸயோகாஸவஸேன பஞ்சதா⁴ அஸுப⁴தோ உபட்ட²ஹந்தி, பஞ்சதா⁴ ஏவ அயமேதே அஸுப⁴தோ மனஸி கரோதி. ஸெய்யதி²த³ங் – கேஸா நாமேதே வண்ணதோ அஸுபா⁴
யதி³ பனஸ்ஸ வண்ணதோ உபட்ட²ஹந்தி, அத² கேஸா நீலகஸிணவஸேன உபட்ட²ஹந்தி. ததா² லோமா த³ந்தா ஓதா³தகஸிணவஸேனாதி. ஏஸ நயோ ஸப்³ப³த்த²
ஏவங் மனஸிகரொந்தோ அயமேதே த⁴ம்மே அனுபுப்³ப³முஞ்சனதோ மனஸி கரோதி. அனுபுப்³ப³முஞ்சனதோதி அஸுபா⁴தீ³னங் அஞ்ஞதரவஸேன உபட்டி²தே கேஸே முஞ்சித்வா லோமே மனஸிகரொந்தோ ஸெய்யதா²பி நாம ஜலூகா நங்கு³ட்டே²ன க³ஹிதப்பதே³ஸே ஸாபெக்கா²வ ஹுத்வா துண்டே³ன அஞ்ஞங் பதே³ஸங் க³ண்ஹாதி, க³ஹிதே ச தஸ்மிங் இதரங் முஞ்சதி, ஏவமேவ கேஸேஸு ஸாபெக்கோ²வ ஹுத்வா லோமே மனஸி கரோதி, லோமேஸு ச பதிட்டி²தே மனஸிகாரே
அத² யஸ்ஸ தே த⁴ம்மா அஸுப⁴தோ உபட்ட²ஹந்தி, பாகடதரூபட்டா²னா ச ஹொந்தி, தஸ்ஸ ஸெய்யதா²பி நாம மக்கடோ த்³வத்திங்ஸதாலகே தாலவனே ப்³யாதே⁴ன பரிபாதியமானோ ஏகருக்கே²பி அஸண்ட²ஹந்தோ பரிதா⁴வித்வா யதா³ நிவத்தோ ஹோதி கிலந்தோ, அத² ஏகமேவ க⁴னதாலபண்ணபரிவேடி²தங் தாலஸுசிங்
யஸ்ஸ பன தே த⁴ம்மா வண்ணதோ உபட்ட²ஹந்தி, தஸ்ஸாபி ஸெய்யதா²பி நாம மக்கடோ…பே॰… அத² ய்வாஸ்ஸ கேஸாதீ³ஸு த⁴ம்மோ பகு³ணதரோ சரிதானுரூபதரோ
யஸ்ஸ பன தே த⁴ம்மா ஸுஞ்ஞதோ உபட்ட²ஹந்தி, ஸோ லக்க²ணதோ மனஸி கரோதி, லக்க²ணதோ மனஸிகரொந்தோ தத்த² சதுதா⁴துவவத்தா²னவஸேன உபசாரஜ்ஜா²னங் பாபுணாதி. அத² மனஸிகரொந்தோ தே த⁴ம்மே அனிச்சது³க்கா²னத்தஸுத்தத்தயவஸேன மனஸி கரோதி
எத்தாவதா ச யங் வுத்தங் – ‘‘கத²ங் பனாயங் அனுபுப்³பா³தி³வஸேன ஏதே த⁴ம்மே மனஸி கரோதீ’’தி, தங் ப்³யாகதங் ஹோதி. யஞ்சாபி வுத்தங் – ‘‘பா⁴வனாவஸேன பனஸ்ஸ ஏவங் வண்ணனா வேதி³தப்³பா³’’தி, தஸ்ஸத்தோ² பகாஸிதோ ஹோதீதி.
பகிண்ணகனயோ
இதா³னி இமஸ்மிங்யேவ த்³வத்திங்ஸாகாரே வண்ணனாபரிசயபாடவத்த²ங் அயங் பகிண்ணகனயோ வேதி³தப்³போ³ –
‘‘நிமித்ததோ லக்க²ணதோ, தா⁴துதோ ஸுஞ்ஞதோபி ச;
க²ந்தா⁴தி³தோ ச விஞ்ஞெய்யோ, த்³வத்திங்ஸாகாரனிச்ச²யோ’’தி.
தத்த² நிமித்ததோதி ஏவங் வுத்தப்பகாரே இமஸ்மிங் த்³வத்திங்ஸாகாரே ஸட்டி²ஸதங் நிமித்தானி ஹொந்தி, யேஸங் வஸேன யோகா³வசரோ த்³வத்திங்ஸாகாரங் கொட்டா²ஸதோ பரிக்³க³ண்ஹாதி. ஸெய்யதி²த³ங் – கேஸஸ்ஸ வண்ணனிமித்தங், ஸண்டா²னநிமித்தங், தி³ஸானிமித்தங், ஓகாஸனிமித்தங், பரிச்சே²த³னிமித்தந்தி பஞ்ச நிமித்தானி ஹொந்தி. ஏவங் லோமாதீ³ஸு.
லக்க²ணதோதி த்³வத்திங்ஸாகாரே அட்ட²வீஸதிஸதங் லக்க²ணானி ஹொந்தி, யேஸங் வஸேன யோகா³வசரோ த்³வத்திங்ஸாகாரங் லக்க²ணதோ மனஸி கரோதி
தா⁴துதோதி த்³வத்திங்ஸாகாரே ‘‘ச²தா⁴துரோ, பி⁴க்க²வே, அயங் புரிஸபுக்³க³லோ’’தி (ம॰ நி॰ 3.343-344) எத்த² வுத்தாஸு தா⁴தூஸு அட்ட²வீஸதிஸதங் தா⁴துயோ ஹொந்தி, யாஸங் வஸேன யோகா³வசரோ த்³வத்திங்ஸாகாரங் தா⁴துதோ பரிக்³க³ண்ஹாதி. ஸெய்யதி²த³ங் – யா கேஸே த²த்³த⁴தா, ஸா பத²வீதா⁴து; யா ஆப³ந்த⁴னதா, ஸா ஆபோதா⁴து; யா பரிபாசனதா, ஸா தேஜோதா⁴து; யா வித்த²ம்ப⁴னதா, ஸா வாயோதா⁴தூதி சதஸ்ஸோ தா⁴துயோ ஹொந்தி. ஏவங் லோமாதீ³ஸு.
ஸுஞ்ஞதோதி த்³வத்திங்ஸாகாரே அட்ட²வீஸதிஸதங் ஸுஞ்ஞதா ஹொந்தி, யாஸங் வஸேன யோகா³வசரோ த்³வத்திங்ஸாகாரங் ஸுஞ்ஞதோ விபஸ்ஸதி. ஸெய்யதி²த³ங் – கேஸே தாவ பத²வீதா⁴து
க²ந்தா⁴தி³தோதி த்³வத்திங்ஸாகாரே கேஸாதீ³ஸு க²ந்தா⁴தி³வஸேன ஸங்க³ய்ஹமானேஸு ‘‘கேஸா கதி க²ந்தா⁴ ஹொந்தி, கதி ஆயதனானி, கதி தா⁴துயோ, கதி ஸச்சானி, கதி ஸதிபட்டா²னானீ’’தி ஏவமாதி³னா நயேன வினிச்ச²யோ வேதி³தப்³போ³. ஏவஞ்சஸ்ஸ விஜானதோ திணகட்ட²ஸமூஹோ விய காயோ கா²யதி. யதா²ஹ –
‘‘நத்தி² ஸத்தோ நரோ போஸோ, புக்³க³லோ நூபலப்³ப⁴தி;
ஸுஞ்ஞபூ⁴தோ அயங் காயோ, திணகட்ட²ஸமூபமோ’’தி.
அத²ஸ்ஸ யா ஸா –
‘‘ஸுஞ்ஞாகா³ரங் பவிட்ட²ஸ்ஸ, ஸந்தசித்தஸ்ஸ தாதி³னோ;
அமானுஸீ ரதி ஹோதி, ஸம்மா த⁴ம்மங் விபஸ்ஸதோ’’தி. –
ஏவங்
‘‘யதோ யதோ ஸம்மஸதி, க²ந்தா⁴னங் உத³யப்³ப³யங்;
லப⁴தீ பீதிபாமோஜ்ஜங், அமதங் தங் விஜானத’’ந்தி. (த⁴॰ ப॰ 373-374) –
ஏவங்
பரமத்த²ஜோதிகாய கு²த்³த³கபாட²-அட்ட²கதா²ய
த்³வத்திங்ஸாகாரவண்ணனா நிட்டி²தா.