8. நிதி⁴கண்ட³ஸுத்தவண்ணனா
நிக்கே²பகாரணங்
இதா³னி ‘‘நிதி⁴ங் நிதே⁴தி புரிஸோ’’திஆதி³னா நிதி⁴கண்ட³ங் நிக்கி²த்தங், தஸ்ஸ –
‘‘பா⁴ஸித்வா
அட்டு²ப்பத்திஞ்ச தீ³பெத்வா, கரிஸ்ஸாமத்த²வண்ணனங்’’.
தத்த² இத⁴ நிக்கே²பகாரணங் தாவஸ்ஸ ஏவங் வேதி³தப்³ப³ங். இத³ஞ்ஹி நிதி⁴கண்ட³ங் ப⁴க³வதா இமினா அனுக்கமேன அவுத்தம்பி யஸ்மா அனுமோத³னவஸேன வுத்தஸ்ஸ திரோகுட்டஸ்ஸ மிது²னபூ⁴தங், தஸ்மா இத⁴ நிக்கி²த்தங். திரோகுட்டேன வா புஞ்ஞவிரஹிதானங் விபத்திங் த³ஸ்ஸெத்வா இமினா கதபுஞ்ஞானங் ஸம்பத்தித³ஸ்ஸனத்த²ம்பி இத³ங் இத⁴ நிக்கி²த்தந்தி வேதி³தப்³ப³ங். இத³மஸ்ஸ இத⁴ நிக்கே²பகாரணங்.
ஸுத்தட்டு²ப்பத்தி
அட்டு²ப்பத்தி பனஸ்ஸ – ஸாவத்தி²யங் கிர அஞ்ஞதரோ குடும்பி³கோ அட்³டோ⁴ மஹத்³த⁴னோ மஹாபோ⁴கோ³. ஸோ ச ஸத்³தோ⁴ ஹோதி பஸன்னோ, விக³தமலமச்சே²ரேன சேதஸா அகா³ரங் அஜ்ஜா²வஸதி. ஸோ ஏகஸ்மிங் தி³வஸே பு³த்³த⁴ப்பமுக²ஸ்ஸ பி⁴க்கு²ஸங்க⁴ஸ்ஸ தா³னங் தே³தி. தேன ச ஸமயேன ராஜா த⁴னத்தி²கோ ஹோதி, ஸோ தஸ்ஸ ஸந்திகே புரிஸங் பேஸேஸி ‘‘க³ச்ச², ப⁴ணே, இத்த²ன்னாமங் குடும்பி³கங் ஆனேஹீ’’தி. ஸோ க³ந்த்வா தங் குடும்பி³கங் ஆஹ ‘‘ராஜா தங் க³ஹபதி ஆமந்தேதீ’’தி. குடும்பி³கோ ஸத்³தா⁴தி³கு³ணஸமன்னாக³தேன ‘‘நிதி⁴ங் நிதே⁴தி புரிஸோ’’தி இமா கா³தா²யோ அபா⁴ஸி. அயமஸ்ஸ அட்டு²ப்பத்தி.
ஏவமஸ்ஸ
‘‘பா⁴ஸித்வா நிதி⁴கண்ட³ஸ்ஸ, இத⁴ நிக்கே²பகாரணங்;
அட்டு²ப்பத்திஞ்ச தீ³பெத்வா, கரிஸ்ஸாமத்த²வண்ணனங்’’.
பட²மகா³தா²வண்ணனா
1. தத்த² நிதி⁴ங் நிதே⁴தி புரிஸோதி நிதீ⁴யதீதி நிதி⁴, ட²பீயதி ரக்கீ²யதி கோ³பீயதீதி அத்தோ². ஸோ சதுப்³பி³தோ⁴ தா²வரோ, ஜங்க³மோ, அங்க³ஸமோ, அனுகா³மிகோதி. தத்த² தா²வரோ நாம பூ⁴மிக³தங் வா வேஹாஸட்ட²ங் வா ஹிரஞ்ஞங் வா ஜங்க³மோ நாம தா³ஸிதா³ஸங் ஹத்தி²க³வஸ்ஸவளவங் அஜேளகங் குக்குடஸூகரங் யங் வா பனஞ்ஞம்பி ஏவரூபங் இரியாபத²படிஸங்யுத்தங். அயங் ஜங்க³மோ நிதி⁴ அங்க³ஸமோ நாம கம்மாயதனங், ஸிப்பாயதனங், விஜ்ஜாட்டா²னங், பா³ஹுஸச்சங், யங் வா பனஞ்ஞம்பி ஏவரூபங் ஸிக்கி²த்வா க³ஹிதங் அங்க³பச்சங்க³மிவ அத்தபா⁴வப்படிப³த்³த⁴ங், அயங் அங்க³ஸமோ நிதி⁴. அனுகா³மிகோ நாம தா³னமயங் புஞ்ஞங் ஸீலமயங் பா⁴வனாமயங் த⁴ம்மஸ்ஸவனமயங் த⁴ம்மதே³ஸனாமயங், யங் வா பனஞ்ஞம்பி ஏவரூபங் புஞ்ஞங் தத்த² தத்த² அனுக³ந்த்வா விய இட்ட²ப²லமனுப்பதே³தி, அயங் அனுகா³மிகோ நிதி⁴. இமஸ்மிங் பன டா²னே தா²வரோ அதி⁴ப்பேதோ.
நிதே⁴தீதி ட²பேதி படிஸாமேதி கோ³பேதி. புரிஸோதி மனுஸ்ஸோ. காமஞ்ச புரிஸோபி இத்தீ²பி பண்ட³கோபி நிதி⁴ங் நிதே⁴தி, இத⁴ பன புரிஸஸீஸேன தே³ஸனா கதா, அத்த²தோ பன தேஸம்பி இத⁴ ஸமோதா⁴னங் த³ட்ட²ப்³ப³ங். க³ம்பீ⁴ரே ஓத³கந்திகேதி ஓகா³ஹேதப்³ப³ட்டே²ன க³ம்பீ⁴ரங், உத³கஸ்ஸ அந்திகபா⁴வேன ஓத³கந்திகங். அத்தி² க³ம்பீ⁴ரங் ந ஓத³கந்திகங் ஜங்க³லே பூ⁴மிபா⁴கே³ ஸதிகபோரிஸோ ஆவாடோ விய, அத்தி² ஓத³கந்திகங் ந க³ம்பீ⁴ரங் நின்னே பல்லலே ஏகத்³விவித³த்தி²கோ ஆவாடோ விய, அத்தி² க³ம்பீ⁴ரஞ்சேவ ஓத³கந்திகஞ்ச அத்தே² கிச்சே ஸமுப்பன்னேதி அத்தா² அனபேதந்தி அத்த²ங், அத்தா²வஹங் ஹிதாவஹந்தி வுத்தங் ஹோதி. காதப்³ப³ந்தி கிச்சங், கிஞ்சிதே³வ கரணீயந்தி வுத்தங் ஹோதி. உப்பன்னங் ஏவ ஸமுப்பன்னங், கத்தப்³ப³பா⁴வேன உபட்டி²தந்தி வுத்தங் ஹோதி. தஸ்மிங் அத்தே² கிச்சே ஸமுப்பன்னே. அத்தா²ய மே ப⁴விஸ்ஸதீதி நிதா⁴னப்பயோஜனநித³ஸ்ஸனமேதங். ஏதத³த்த²ஞ்ஹி ஸோ நிதே⁴தி ‘‘அத்தா²வஹே கிஸ்மிஞ்சிதே³வ கரணீயே ஸமுப்பன்னே அத்தா²ய மே ப⁴விஸ்ஸதி, தஸ்ஸ மே கிச்சஸ்ஸ நிப்ப²த்தியா ப⁴விஸ்ஸதீ’’தி. கிச்சனிப்ப²த்தியேவ ஹி தஸ்ஸ கிச்சே ஸமுப்பன்னே அத்தோ²தி வேதி³தப்³போ³.
து³தியகா³தா²வண்ணனா
ஏவங்
2. ‘‘ராஜதோ
இணஸ்ஸ வா பமொக்கா²ய, து³ப்³பி⁴க்கே² ஆபதா³ஸு வா’’தி.
தஸ்ஸத்தோ² ‘‘அத்தா²ய மே ப⁴விஸ்ஸதீ’’தி ச ‘‘இணஸ்ஸ வா பமொக்கா²யா’’தி ச எத்த² வுத்தேஹி த்³வீஹி ப⁴விஸ்ஸதிபமொக்கா²ய-பதே³ஹி ஸத்³தி⁴ங் யதா²ஸம்ப⁴வங் யோஜெத்வா வேதி³தப்³போ³.
தத்தா²யங் யோஜனா – ந கேவலங் அத்தா²ய மே ப⁴விஸ்ஸதீதி ஏவ புரிஸோ நிதி⁴ங் நிதே⁴தி, கிந்து ‘‘அயங் சோரோ’’தி வா ‘‘பாரதா³ரிகோ’’தி வா ‘‘ஸுங்ககா⁴தகோ’’தி வா ஏவமாதி³னா நயேன பச்சத்தி²கேஹி பச்சாமித்தேஹி து³ருத்தஸ்ஸ மே ஸதோ ராஜதோ வா பமொக்கா²ய ப⁴விஸ்ஸதி, ஸந்தி⁴ச்சே²தா³தீ³ஹி த⁴னஹரணேன வா, ‘‘எத்தகங் ஹிரஞ்ஞஸுவண்ணங் தே³ஹீ’’தி ஜீவக்³கா³ஹேன வா சோரேஹி மே பீளிதஸ்ஸ ஸதோ சோரதோ வா பமொக்கா²ய ப⁴விஸ்ஸதி. ஸந்தி மே இணாயிகா, தே மங் ‘‘இணங் தே³ஹீ’’தி சோதெ³ஸ்ஸந்தி, தேஹி மே சோதி³யமானஸ்ஸ இணஸ்ஸ வா பமொக்கா²ய ப⁴விஸ்ஸதி. ஹோதி ஸோ ஸமயோ, யங் து³ப்³பி⁴க்க²ங் ஹோதி து³ஸ்ஸஸ்ஸங் து³ல்லப⁴பிண்ட³ங், தத்த² ந ஸுகரங் அப்பத⁴னேன யாபேதுங், ததா²விதே⁴ ஆக³தே து³ப்³பி⁴க்கே² வா மே ப⁴விஸ்ஸதி
ஏவங் அத்தா²தி⁴க³மாதி⁴ப்பாயங் அனத்தா²பக³மாதி⁴ப்பாயஞ்சாதி த்³வீஹி கா³தா²ஹி து³வித⁴ங் நிதா⁴னப்பயோஜனங் த³ஸ்ஸெத்வா இதா³னி தமேவ து³வித⁴ங் பயோஜனங் நிக³மெந்தோ ஆஹ –
‘‘ஏதத³த்தா²ய லோகஸ்மிங், நிதி⁴ நாம நிதீ⁴யதீ’’தி.
தஸ்ஸத்தோ² – ய்வாயங் ‘‘அத்தா²ய மே ப⁴விஸ்ஸதீ’’தி ச ‘‘ராஜதோ வா து³ருத்தஸ்ஸா’’தி ஏவமாதீ³ஹி ச அத்தா²தி⁴க³மோ அனத்தா²பக³மோ ச த³ஸ்ஸிதோ. ஏதத³த்தா²ய ஏதேஸங் நிப்பா²த³னத்தா²ய இமஸ்மிங் நிதி⁴ நாம நிதீ⁴யதி ட²பீயதி படிஸாமீயதீதி.
ததியகா³தா²வண்ணனா
இதா³னி
3. ‘‘தாவஸ்ஸுனிஹிதோ ஸந்தோ, க³ம்பீ⁴ரே ஓத³கந்திகே.
ந ஸப்³போ³ ஸப்³ப³தா³ ஏவ, தஸ்ஸ தங் உபகப்பதீ’’தி.
தஸ்ஸத்தோ² – ஸோ நிதி⁴ தாவ ஸுனிஹிதோ ஸந்தோ, தாவ ஸுட்டு² நிக²ணித்வா ட²பிதோ ஸமானோதி வுத்தங் ஹோதி. கீவ ஸுட்டூ²தி? க³ம்பீ⁴ரே ஓத³கந்திகே, யாவ க³ம்பீ⁴ரே ஓத³கந்திகே நிஹிதோதி ஸங்க²ங் க³ச்ச²தி, தாவ ஸுட்டூ²தி வுத்தங் ஹோதி. ந ஸப்³போ³ ஸப்³ப³தா³ ஏவ, தஸ்ஸ தங் உபகப்பதீதி யேன புரிஸேன நிஹிதோ, தஸ்ஸ ஸப்³போ³பி ஸப்³ப³காலங் ந உபகப்பதி ந ஸம்பஜ்ஜதி, யதா²வுத்தகிச்சகரணஸமத்தோ² ந ஹோதீதி வுத்தங் ஹோதி. கிந்து கோசிதே³வ கதா³சிதே³வ உபகப்பதி, நேவ வா உபகப்பதீதி. எத்த² ச ந்தி பத³பூரணமத்தே நிபாதோ த³ட்ட²ப்³போ³ ‘‘யதா² தங் அப்பமத்தஸ்ஸ ஆதாபினோ’’தி ஏவமாதீ³ஸு (ம॰ நி॰ 2.18-19; 3.154) விய. லிங்க³பே⁴த³ங் வா கத்வா ‘‘ஸோ’’தி வத்தப்³பே³ ‘‘த’’ந்தி வுத்தங். ஏவங் ஹி வுச்சமானே ஸோ அத்தோ² ஸுக²ங் பு³ஜ்ஜ²தீதி.
சதுத்த²பஞ்சமகா³தா²வண்ணனா
ஏவங்
4. ‘‘நிதி⁴ வா டா²னா சவதி, ஸஞ்ஞா வாஸ்ஸ விமுய்ஹதி.
நாகா³ வா அபனாமெந்தி, யஸ்மா வாபி ஹரந்தி நங்.
5. ‘‘அப்பியா வாபி தா³யாதா³, உத்³த⁴ரந்தி அபஸ்ஸதோ’’தி.
தஸ்ஸத்தோ² நிதி⁴ தம்ஹா டா²னா சவதி அபேதி விக³ச்ச²தி, அசேதனோபி ஸமானோ புஞ்ஞக்க²யவஸேன அஞ்ஞங் டா²னங் க³ச்ச²தி. ஸஞ்ஞா வா அஸ்ஸ விமுய்ஹதி, யஸ்மிங் டா²னே நிஹிதோ நிதி⁴, தங் ந ஜானாதி, அஸ்ஸ புஞ்ஞக்க²யசோதி³தா நாகா³ வா தங் நிதி⁴ங் அபனாமெந்தி அஞ்ஞங் டா²னங் க³மெந்தி. யக்கா² வாபி ஹரந்தி யேனிச்ச²கங் ஆதா³ய அபஸ்ஸதோ வா அஸ்ஸ அப்பியா வா தா³யாதா³ பூ⁴மிங் க²ணித்வா தங் நிதி⁴ங் உத்³த⁴ரந்தி. ஏவமஸ்ஸ ஏதேஹி டா²னா சவனாதீ³ஹி காரணேஹி ஸோ நிதி⁴ ந உபகப்பதீதி.
ஏவங் டா²னா சவனாதீ³னி லோகஸம்மதானி அனுபகப்பனகாரணானி வத்வா இதா³னி யங் தங் ஏதேஸம்பி காரணானங் மூலபூ⁴தங் ஏகஞ்ஞேவ புஞ்ஞக்க²யஸஞ்ஞிதங் காரணங், தங் த³ஸ்ஸெந்தோ ஆஹ –
‘‘யதா³ புஞ்ஞக்க²யோ ஹோதி, ஸப்³ப³மேதங் வினஸ்ஸதீ’’தி.
தஸ்ஸத்தோ² – யஸ்மிங் ஸமயே போ⁴க³ஸம்பத்தினிப்பா²த³கஸ்ஸ புஞ்ஞஸ்ஸ க²யோ ஹோதி, போ⁴க³பாரிஜுஞ்ஞஸங்வத்தனிகமபுஞ்ஞமோகாஸங் கத்வா டி²தங் ஹோதி, அத² யங் நிதி⁴ங் நிதெ⁴ந்தேன நிஹிதங் ஹிரஞ்ஞஸுவண்ணாதி³த⁴னஜாதங், ஸப்³ப³மேதங் வினஸ்ஸதீதி.
ச²ட்ட²கா³தா²வண்ணனா
ஏவங் ப⁴க³வா தேன தேன அதி⁴ப்பாயேன நிஹிதம்பி யதா²தி⁴ப்பாயங் அனுபகப்பந்தங் நானப்பகாரேஹி நஸ்ஸனத⁴ம்மங் லோகஸம்மதங் நிதி⁴ங் வத்வா இதா³னி யங் புஞ்ஞஸம்பத³ங் பரமத்த²தோ நிதீ⁴தி த³ஸ்ஸேதுங் தஸ்ஸ குடும்பி³கஸ்ஸ அனுமோத³னத்த²மித³ங் நிதி⁴கண்ட³மாரத்³த⁴ங், தங் த³ஸ்ஸெந்தோ ஆஹ –
6. ‘‘யஸ்ஸ தா³னேன ஸீலேன, ஸங்யமேன த³மேன ச.
நிதீ⁴ ஸுனிஹிதோ ஹோதி, இத்தி²யா புரிஸஸ்ஸ வா’’தி.
தத்த² தா³னந்தி ‘‘தா³னஞ்ச த⁴ம்மசரியா சா’’தி எத்த² வுத்தனயேனேவ க³ஹேதப்³ப³ங். ஸீலந்தி காயிகவாசஸிகோ அவீதிக்கமோ. பஞ்சங்க³த³ஸங்க³பாதிமொக்க²ஸங்வராதி³ வா ஸப்³ப³ம்பி ஸீலங் இத⁴ ஸீலந்தி அதி⁴ப்பேதங். ஸங்யமோதி ஸங்யமனங் ஸங்யமோ, சேதஸோ நானாரம்மணக³தினிவாரணந்தி வுத்தங் ஹோதி, ஸமாதி⁴ஸ்ஸேதங் அதி⁴வசனங். யேன ஸங்யமேன ஸமன்னாக³தோ ‘‘ஹத்த²ஸங்யதோ, பாத³ஸங்யதோ, வாசாஸங்யதோ, ஸங்யதுத்தமோ’’தி எத்த² ஸங்யதுத்தமோதி வுத்தோ. அபரே ஆஹு ‘‘ஸங்யமனங் ஸங்யமோ, ஸங்வரணந்தி த³மோதி த³மனங், கிலேஸூபஸமனந்தி வுத்தங் ஹோதி, பஞ்ஞாயேதங் அதி⁴வசனங். பஞ்ஞா ஹி கத்த²சி பஞ்ஞாத்வேவ
ஏவங் தா³னாதீ³னி ஞத்வா இதா³னி ஏவங் இமிஸ்ஸா கா³தா²ய ஸம்பிண்டெ³த்வா அத்தோ² வேதி³தப்³போ³ – யஸ்ஸ இத்தி²யா வா புரிஸஸ்ஸ வா தா³னேன ஸீலேன ஸங்யமேன த³மேன சாதி இமேஹி சதூஹி த⁴ம்மேஹி யதா² ஹிரஞ்ஞேன ஸுவண்ணேன முத்தாய மணினா வா த⁴னமயோ நிதி⁴ தேஸங் ஸுவண்ணாதீ³னங் ஏகத்த² பக்கி²பனேன நிதீ⁴யதி, ஏவங் புஞ்ஞமயோ நிதி⁴ தேஸங் தா³னாதீ³னங் ஏகசித்தஸந்தானே சேதியாதி³ம்ஹி வா வத்து²ம்ஹி ஸுட்டு² கரணேன ஸுனிஹிதோ ஹோதீதி.
ஸத்தமகா³தா²வண்ணனா
ஏவங் ப⁴க³வா ‘‘யஸ்ஸ தா³னேனா’’தி இமாய கா³தா²ய புஞ்ஞஸம்பதா³ய பரமத்த²தோ நிதி⁴பா⁴வங் த³ஸ்ஸெத்வா இதா³னி யத்த² நிஹிதோ, ஸோ நிதி⁴ ஸுனிஹிதோ ஹோதி, தங் வத்து²ங் த³ஸ்ஸெந்தோ ஆஹ –
7. ‘‘சேதியம்ஹி ச ஸங்கே⁴ வா, புக்³க³லே அதிதீ²ஸு வா.
மாதரி பிதரி சாபி, அதோ² ஜெட்ட²ம்ஹி பா⁴தரீ’’தி.
தத்த² சயிதப்³ப³ந்தி சேதியங், பூஜேதப்³ப³ந்தி வுத்தங் ஹோதி, சிதத்தா வா சேதியங். தங் பனேதங் சேதியங் திவித⁴ங் ஹோதி பரிபோ⁴க³சேதியங் ஸங்கோ⁴தி பு³த்³த⁴ப்பமுகா²தீ³ஸு யோ கோசி. புக்³க³லோதி க³ஹட்ட²பப்³ப³ஜிதேஸு யோ கோசி. நத்தி² அஸ்ஸ திதி², யம்ஹி வா தம்ஹி தி³வஸே ஆக³ச்ச²தீதி அதிதி². தங்க²ணே ஆக³தபாஹுனகஸ்ஸேதங் அதி⁴வசனங். ஸேஸங் வுத்தனயமேவ.
ஏவங் சேதியாதீ³னி ஞத்வா இதா³னி ஏவங் இமிஸ்ஸா கா³தா²ய ஸம்பிண்டெ³த்வா அத்தோ² வேதி³தப்³போ³ – யோ ஸோ நிதி⁴ ‘‘ஸுனிஹிதோ ஹோதீ’’தி வுத்தோ, ஸோ இமேஸு வத்தூ²ஸு ஸுனிஹிதோ ஹோதி. கஸ்மா? தீ³க⁴ரத்தங்
‘‘ஏகபுப்ப²ங்
து³க்³க³திங் நாபி⁴ஜானாமி, புப்ப²தா³னஸ்ஸித³ங் ப²ல’’ந்தி ச.
‘‘மத்தாஸுக²பரிச்சாகா³, பஸ்ஸே சே விபுலங் ஸுக²’’ந்தி ச. (த⁴॰ ப॰ 290);
ஏவங் த³க்கி²ணாவிஸுத்³தி⁴வேலாமஸுத்தாதீ³ஸு வுத்தனயேன ஸங்கா⁴தி³வத்தூ²ஸுபி தா³னப²லவிபா⁴கோ³ வேதி³தப்³போ³. யதா² ச சேதியாதீ³ஸு தா³னஸ்ஸ பவத்தி ப²லவிபூ⁴தி ச த³ஸ்ஸிதா, ஏவங் யதா²யோக³ங் ஸப்³ப³த்த² தங் தங் ஆரபி⁴த்வா சாரித்தவாரித்தவஸேன ஸீலஸ்ஸ, பு³த்³தா⁴னுஸ்ஸதிவஸேன ஸங்யமஸ்ஸ, தப்³ப³த்து²கவிபஸ்ஸனாமனஸிகாரபச்சவெக்க²ணவஸேன த³மஸ்ஸ ச பவத்தி தஸ்ஸ தஸ்ஸ ப²லவிபூ⁴தி ச வேதி³தப்³பா³.
அட்ட²மகா³தா²வண்ணனா
ஏவங் ப⁴க³வா தா³னாதீ³ஹி நிதீ⁴யமானஸ்ஸ புஞ்ஞமயனிதி⁴னோ சேதியாதி³பே⁴த³ங் வத்து²ங் த³ஸ்ஸெத்வா இதா³னி ஏதேஸு வத்தூ²ஸு ஸுனிஹிதஸ்ஸ தஸ்ஸ நிதி⁴னோ க³ம்பீ⁴ரே ஓத³கந்திகே நிஹிதனிதி⁴தோ விஸேஸங் த³ஸ்ஸெந்தோ ஆஹ –
8. ‘‘ஏஸோ
பஹாய க³மனீயேஸு, ஏதங் ஆதா³ய க³ச்ச²தீ’’தி.
தத்த² புப்³ப³பதே³ன தங் தா³னாதீ³ஹி ஸுனிஹிதனிதி⁴ங் நித்³தி³ஸதி ‘‘ஏஸோ நிதி⁴ ஸுனிஹிதோ’’தி. அஜெய்யோதி பரேஹி ஜெத்வா க³ஹேதுங் ந ஸக்கா, அச்செய்யோதிபி பாடோ², தஸ்ஸ அச்சிதப்³போ³ அச்சனாரஹோ ஹிதஸுக²த்தி²கேன உபசிதப்³போ³தி அத்தோ². ஏதஸ்மிஞ்ச பாடே² ஏஸோ நிதி⁴ அச்செய்யோதி ஸம்ப³ந்தி⁴த்வா புன ‘‘கஸ்மா’’தி அனுயோக³ங் த³ஸ்ஸெத்வா ‘‘யஸ்மா ஸுனிஹிதோ அனுகா³மிகோ’’தி ஸம்ப³ந்தி⁴தப்³ப³ங். இதரதா² ஹி ஸுனிஹிதஸ்ஸ அச்செய்யத்தங் வுத்தங் ப⁴வெய்ய, ந ச ஸுனிஹிதோ அச்சனீயோ. அச்சிதோ ஏவ ஹி ஸோதி. அனுக³ச்ச²தீதி அனுகா³மிகோ, பரலோகங் க³ச்ச²ந்தம்பி தத்த² தத்த² ப²லதா³னேன ந விஜஹதீதி அத்தோ².
பஹாய க³மனீயேஸு ஏதங் ஆதா³ய க³ச்ச²தீதி மரணகாலே பச்சுபட்டி²தே ஸப்³ப³போ⁴கே³ஸு பஹாய க³மனீயேஸு ஏதங் நிதி⁴ங் ஆதா³ய பரலோகங் க³ச்ச²தீதி அயங் கிர ஏதஸ்ஸ அத்தோ². ஸோ பன ந யுஜ்ஜதி. கஸ்மா? போ⁴கா³னங்
தத்த² ஸியா ‘‘க³மனீயேஸூதி எத்த² க³ந்தப்³பே³ஸூதி அத்தோ², ந க³ச்ச²ந்தேஸூ’’தி. தங் ந ஏகங்ஸதோ க³ஹேதப்³ப³ங். யதா² ஹி ‘‘அரியா நிய்யானிகா’’தி (தீ³॰ நி॰ 2.141) எத்த² நிய்யந்தாதி அத்தோ², ந நிய்யாதப்³பா³தி, ஏவமிதா⁴பி க³ச்ச²ந்தேஸூதி அத்தோ², ந க³ந்தப்³பே³ஸூதி.
அத² வா யஸ்மா ஏஸ மரணகாலே கஸ்ஸசி தா³துகாமோ போ⁴கே³ ஆமஸிதும்பி ந லப⁴தி, தஸ்மா தேன தே போ⁴கா³ புப்³ப³ங் காயேன
நவமகா³தா²வண்ணனா
ஏவங் ப⁴க³வா இமஸ்ஸ புஞ்ஞனிதி⁴னோ க³ம்பீ⁴ரே ஓத³கந்திகே நிஹிதனிதி⁴தோ விஸேஸங் த³ஸ்ஸெத்வா புன அத்தனோ ப⁴ண்ட³கு³ணஸங்வண்ணனேன கயஜனஸ்ஸ உஸ்ஸாஹங் ஜனெந்தோ உளாரப⁴ண்ட³வாணிஜோ விய அத்தனா தே³ஸிதபுஞ்ஞனிதி⁴கு³ணஸங்வண்ணனேன தஸ்மிங் புஞ்ஞனிதி⁴ம்ஹி தே³வமனுஸ்ஸானங் உஸ்ஸாஹங் ஜனெந்தோ ஆஹ –
9. ‘‘அஸாதா⁴ரணமஞ்ஞேஸங், அசோராஹரணோ நிதி⁴.
கயிராத² தீ⁴ரோ புஞ்ஞானி, யோ நிதி⁴ அனுகா³மிகோ’’தி.
தத்த² அஸாதா⁴ரணமஞ்ஞேஸந்தி அஸாதா⁴ரணோ அஞ்ஞேஸங், மகாரோ பத³ஸந்தி⁴கரோ ‘‘அது³க்க²மஸுகா²ய வேத³னாய அசோராஹரணோ, சோரேஹி ஆதா³தப்³போ³ ந ஹோதீதி அத்தோ². நிதா⁴தப்³போ³தி நிதி⁴. ஏவங் த்³வீஹி பதே³ஹி புஞ்ஞனிதி⁴கு³ணங் ஸங்வண்ணெத்வா ததோ த்³வீஹி தத்த² உஸ்ஸாஹங் ஜனேதி ‘‘கயிராத² தீ⁴ரோ புஞ்ஞானி, யோ நிதி⁴ அனுகா³மிகோ’’தி. தஸ்ஸத்தோ² – யஸ்மா புஞ்ஞானி நாம அஸாதா⁴ரணோ அஞ்ஞேஸங், அசோராஹரணோ ச நிதி⁴ ஹோதி. ந கேவலஞ்ச அஸாதா⁴ரணோ அசோராஹரணோ ச நிதி⁴, அத² கோ² பன ‘‘ஏஸோ நிதி⁴ ஸுனிஹிதோ, அஜெய்யோ அனுகா³மிகோ’’தி எத்த² வுத்தோ யோ நிதி⁴ அனுகா³மிகோ. ஸோ ச யஸ்மா புஞ்ஞானியேவ, தஸ்மா கயிராத² கரெய்ய தீ⁴ரோ பு³த்³தி⁴ஸம்பன்னோ தி⁴திஸம்பன்னோ ச புக்³க³லோ புஞ்ஞானீதி.
த³ஸமகா³தா²வண்ணனா
ஏவங் ப⁴க³வா கு³ணஸங்வண்ணனேன புஞ்ஞனிதி⁴ம்ஹி தே³வமனுஸ்ஸானங் உஸ்ஸாஹங் ஜனெத்வா இதா³னி யே உஸ்ஸஹித்வா புஞ்ஞனிதி⁴கிரியாய ஸம்பாதெ³ந்தி, தேஸங் ஸோ யங் ப²லங் தே³தி, தங் ஸங்கே²பதோ த³ஸ்ஸெந்தோ ஆஹ –
10.
‘‘ஏஸ தே³வமனுஸ்ஸானங், ஸப்³ப³காமத³தோ³ நிதீ⁴’’தி.
இதா³னி
‘‘ஆகங்கெ²ய்ய சே க³ஹபதயோ த⁴ம்மசாரீ ஸமசாரீ ‘அஹோ வதாஹங் காயஸ்ஸ பே⁴தா³ பரங் மரணா க²த்தியமஹாஸாலானங் ஸஹப்³யதங் உபபஜ்ஜெய்ய’ந்தி, டா²னங் கோ² பனேதங் விஜ்ஜதி யங் ஸோ காயஸ்ஸ பே⁴தா³ பரங் மரணா க²த்தியமஹாஸாலானங் ஸஹப்³யதங் உபபஜ்ஜெய்ய. தங் கிஸ்ஸ ஹேது? ததா² ஹி ஸோ த⁴ம்மசாரீ ஸமசாரீ’’ (ம॰ நி॰ 1.442).
ஏவங் ‘‘அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரெய்ய. தங் கிஸ்ஸ ஹேது? ததா² ஹி ஸோ த⁴ம்மசாரீ ஸமசாரீ’’தி (ம॰ நி॰ 1.442).
ததா²
‘‘இத⁴, பி⁴க்க²வே, பி⁴க்கு² ஸத்³தா⁴ய ஸமன்னாக³தோ ஹோதி, ஸீலேன, ஸுதேன, சாகே³ன, பஞ்ஞாய ஸமன்னாக³தோ ஹோதி, தஸ்ஸ ஏவங் ஹோதி ‘அஹோ வதாஹங் காயஸ்ஸ பே⁴தா³ பரங் மரணா க²த்தியமஹாஸாலானங்
தஸ்மா தங் ததா² ததா² ஆகங்க²பரியாயங் சித்தபத³ஹனாதி⁴ட்டா²னபா⁴வனாபரிக்கா²ரங் பத்த²னங் தஸ்ஸ ஸப்³ப³காமத³த³த்தே ஹேதுங் த³ஸ்ஸெந்தோ ஆஹ –
‘‘யங் யதே³வாபி⁴பத்தெ²ந்தி, ஸப்³ப³மேதேன லப்³ப⁴தீ’’தி.
ஏகாத³ஸமகா³தா²வண்ணனா
11. இதா³னி யங் தங் ஸப்³ப³ங் ஏதேன லப்³ப⁴தி, தங் ஓதி⁴ஸோ ஓதி⁴ஸோ த³ஸ்ஸெந்தோ ‘‘ஸுவண்ணதா ஸுஸரதா’’தி ஏவமாதி³கா³தா²யோ ஆஹ.
தத்த² பட²மகா³தா²ய தாவ ஸுவண்ணதா நாம ஸுந்த³ரச்ச²விவண்ணதா கஞ்சனஸன்னிப⁴த்தசதா, ஸாபி ஏதேன புஞ்ஞனிதி⁴னா லப்³ப⁴தி. யதா²ஹ –
‘‘யம்பி, பி⁴க்க²வே, ததா²க³தோ புரிமங் ஜாதிங்…பே॰… புப்³பே³ மனுஸ்ஸபூ⁴தோ ஸமானோ அக்கோத⁴னோ அஹோஸி அனுபாயாஸப³ஹுலோ, ப³ஹும்பி வுத்தோ ஸமானோ நாபி⁴ஸஜ்ஜி
ஸுஸரதா நாம ப்³ரஹ்மஸ்ஸரதா கரவீகபா⁴ணிதா, ஸாபி ஏதேன லப்³ப⁴தி. யதா²ஹ –
‘‘யம்பி
ஸுஸண்டா²னாதி ஸுட்டு² ஸண்டா²னதா, ஸமசிதவட்டிதயுத்தட்டா²னேஸு அங்க³பச்சங்கா³னங் ஸமசிதவட்டிதபா⁴வேன ஸன்னிவேஸோதி வுத்தங் ஹோதி. ஸாபி ஏதேன லப்³ப⁴தி. யதா²ஹ –
‘‘யம்பி, பி⁴க்க²வே, ததா²க³தோ புரிமங் ஜாதிங்…பே॰… புப்³பே³ மனுஸ்ஸபூ⁴தோ ஸமானோ ப³ஹுஜனஸ்ஸ அத்த²காமோ அஹோஸி ஹிதகாமோ பா²ஸுகாமோ யோக³க்கே²மகாமோ ‘கிந்தி மே ஸத்³தா⁴ய வட்³டெ⁴ய்யுங், ஸீலேன ஸுதேன சாகே³ன பஞ்ஞாய த⁴னத⁴ஞ்ஞேன கெ²த்தவத்து²னா த்³விபத³சதுப்பதே³ஹி புத்ததா³ரேஹி தா³ஸகம்மகரபோரிஸேஹி ஞாதீஹி மித்தேஹி ப³ந்த⁴வேஹி வட்³டெ⁴ய்யு’ந்தி, ஸோ தஸ்ஸ கம்மஸ்ஸ…பே॰… ஸமானோ இமானி தீணி மஹாபுரிஸலக்க²ணானி படிலப⁴தி, ஸீஹபுப்³ப³ட்³ட⁴காயோ ச ஹோதி சிதந்தரங்ஸோ ச ஸமவட்டக்க²ந்தோ⁴
இமினா நயேன இதோ பரேஸம்பி இமினா புஞ்ஞனிதி⁴னா படிலாப⁴ஸாத⁴கானி ஸுத்தபதா³னி ததோ ததோ ஆனெத்வா வத்தப்³பா³னி. அதிவித்தா²ரப⁴யேன து ஸங்கி²த்தங், இதா³னி அவஸேஸபதா³னங் வண்ணனங் கரிஸ்ஸாமி.
ஸுரூபதாதி எத்த² ஸகலஸரீரங் ரூபந்தி வேதி³தப்³ப³ங் ‘‘ஆகாஸோ பரிவாரிதோ ரூபங்த்வேவ ஸங்க²ங் க³ச்ச²தீ’’திஆதீ³ஸு (ம॰ நி॰ 1.306) விய, தஸ்ஸ ரூபஸ்ஸ ஸுந்த³ரதா ஸுரூபதா நாதிதீ³க⁴தா நாதிரஸ்ஸதா நாதிகிஸதா நாதிதூ²லதா நாதிகாளதா நச்சோதா³ததாதி வுத்தங் ஹோதி. ஆதி⁴பச்சந்தி அதி⁴பதிபா⁴வோ, க²த்தியமஹாஸாலாதி³பா⁴வேன ஸாமிகபா⁴வோதி அத்தோ². பரிவாரோதி அகா³ரிகானங் ஸஜனபரிஜனஸம்பத்தி, அனகா³ரிகானங் பரிஸஸம்பத்தி, ஆதி⁴பச்சஞ்ச ஆதி⁴பச்சபரிவாரோ. எத்த² ச ஸுவண்ணதாதீ³ஹி ஸரீரஸம்பத்தி, ஆதி⁴பச்சேன போ⁴க³ஸம்பத்தி, பரிவாரேன ஸஜனபரிஜனஸம்பத்தி வுத்தாதி வேதி³தப்³பா³. ஸப்³ப³மேதேன லப்³ப⁴தீதி யங் தங் ‘‘யங் யதே³வாபி⁴பத்தெ²ந்தி, ஸப்³ப³மேதேன லப்³ப⁴தீ’’தி வுத்தங், தத்த² இத³ம்பி தாவ பட²மங் ஓதி⁴ஸோ வுத்தஸுவண்ணதாதி³ ஸப்³ப³மேதேன லப்³ப⁴தீதி வேதி³தப்³ப³ந்தி த³ஸ்ஸேதி.
த்³வாத³ஸமகா³தா²வண்ணனா
12. ஏவமிமாய ‘‘பதே³ஸரஜ்ஜ’’ந்தி இமங் கா³த²மாஹ.
தத்த² பதே³ஸரஜ்ஜந்தி ஏகதீ³பம்பி ஸகலங் அபாபுணித்வா பத²வியா ஏகமேகஸ்மிங் பதே³ஸே ரஜ்ஜங். இஸ்ஸரபா⁴வோ இஸ்ஸரியங், இமினா தீ³பசக்கவத்திரஜ்ஜங் த³ஸ்ஸேதி. சக்கவத்திஸுக²ங் பியந்தி இட்ட²ங் கந்தங் மனாபங் சக்கவத்திஸுக²ங். இமினா சாதுரந்தசக்கவத்திரஜ்ஜங் த³ஸ்ஸேதி. தே³வேஸு ரஜ்ஜங் தே³வரஜ்ஜங், ஏதேன மந்தா⁴தாதீ³னம்பி மனுஸ்ஸானங் தே³வரஜ்ஜங் த³ஸ்ஸிதங் ஹோதி. அபி தி³ப்³பே³ஸூதி இமினா யே தே தி³வி ப⁴வத்தா ‘‘தி³ப்³பா³’’தி வுச்சந்தி, தேஸு தி³ப்³பே³ஸு காயேஸு உப்பன்னானம்பி தே³வரஜ்ஜங் த³ஸ்ஸேதி. ஸப்³ப³மேதேன லப்³ப⁴தீதி யங் தங் ‘‘யங் யதே³வாபி⁴பத்தெ²ந்தி, ஸப்³ப³மேதேன லப்³ப⁴தீ’’தி
தேரஸமகா³தா²வண்ணனா
13. ஏவமிமாய கா³தா²ய புஞ்ஞானுபா⁴வேன லபி⁴தப்³ப³ங் தே³வமனுஸ்ஸரஜ்ஜஸம்பத்திங் த³ஸ்ஸெத்வா இதா³னி த்³வீஹி கா³தா²ஹி வுத்தங் ஸம்பத்திங் ஸமாஸதோ புரக்க²த்வா நிப்³பா³னஸம்பத்திங் த³ஸ்ஸெந்தோ ‘‘மானுஸ்ஸிகா ச ஸம்பத்தீ’’தி இமங் கா³த²மாஹ.
தஸ்ஸாயங் பத³வண்ணனா – மனுஸ்ஸானங் அயந்தி மானுஸ்ஸீ, மானுஸ்ஸீ ஏவ மானுஸ்ஸிகா. ஸம்பஜ்ஜனங் ஸம்பத்தி. தே³வானங் லோகோ தே³வலோகோ. தஸ்மிங் தே³வலோகே. யாதி அனவஸேஸபரியாதா³னங், ரமந்தி ஏதாய அஜ்ஜ²த்தங் உப்பன்னாய ப³ஹித்³தா⁴ வா உபகரணபூ⁴தாயாதி ரதி, ஸுக²ஸ்ஸ ஸுக²வத்து²னோ சேதங் யாதி அனியதவசனங் சஸத்³தோ³ புப்³ப³ஸம்பத்தியா ஸஹ ஸம்பிண்ட³னத்தோ². நிப்³பா³னங்யேவ நிப்³பா³னஸம்பத்தி.
அயங் பன அத்த²வண்ணனா – யா ஏஸா ‘‘ஸுவண்ணதா’’திஆதீ³ஹி பதே³ஹி மானுஸ்ஸிகா ச ஸம்பத்தி தே³வலோகே ச யா ரதி வுத்தா, ஸா ச ஸப்³பா³, யா சாயமபரா ஸத்³தா⁴னுஸாரிபா⁴வாதி³வஸேன பத்தப்³பா³ நிப்³பா³னஸம்பத்தி, ஸா சாதி இத³ங் ததியம்பி ஓதி⁴ஸோ ஸப்³ப³மேதேன லப்³ப⁴தீதி.
அத²
சுத்³த³ஸமகா³தா²வண்ணனா
14. ஏவமிமாய கா³தா²ய புஞ்ஞானுபா⁴வேன லபி⁴தப்³ப³ங் ஸத்³தா⁴னுஸாரீபா⁴வாதி³வஸேன பத்தப்³ப³ங் நிப்³பா³னஸம்பத்திம்பி த³ஸ்ஸெத்வா இதா³னி தேவிஜ்ஜஉப⁴தோபா⁴க³விமுத்தபா⁴வவஸேனபி பத்தப்³ப³ங் தமேவ தஸ்ஸ உபாயஞ்ச த³ஸ்ஸெந்தோ ‘‘மித்தஸம்பத³மாக³ம்மா’’தி இமங் கா³த²மாஹ.
தஸ்ஸாயங் பத³வண்ணனா – ஸம்பஜ்ஜதி ஏதாய கு³ணவிபூ⁴திங் பாபுணாதீதி ஸம்பதா³, மித்தோ ஏவ ஸம்பதா³ மித்தஸம்பதா³, தங் மித்தஸம்பத³ங் ஆக³ம்மாதி நிஸ்ஸாய. யோனிஸோதி உபாயேன. பயுஞ்ஜதோதி யோகா³னுட்டா²னங் கரோதோ. விஜானாதி ஏதாயாதி விஜ்ஜா, விமுச்சதி ஏதாய, ஸயங் வா விமுச்சதீதி விமுத்தி, விஜ்ஜா ச விமுத்தி ச விஜ்ஜாவிமுத்தியோ, விஜ்ஜாவிமுத்தீஸு வஸீபா⁴வோ விஜ்ஜாவிமுத்திவஸீபா⁴வோ.
அயங் பன அத்த²வண்ணனா – ய்வாயங் மித்தஸம்பத³மாக³ம்ம ஸத்தா²ரங் வா அஞ்ஞதரங் வா க³ருட்டா²னியங் ஸப்³ரஹ்மசாரிங் நிஸ்ஸாய ததோ ஓவாத³ஞ்ச அனுஸாஸனிஞ்ச க³ஹெத்வா யதா²னுஸிட்ட²ங் படிபத்தியா யோனிஸோ பயுஞ்ஜதோ புப்³பே³னிவாஸாதீ³ஸு தீஸு விஜ்ஜாஸு ‘‘தத்த² கதமா விமுத்தி? சித்தஸ்ஸ ச அதி⁴முத்தி நிப்³பா³னஞ்சா’’தி (த⁴॰ ஸ॰ 1381) ஏவங் ஆக³தாய அட்ட²ஸமாபத்தினிப்³பா³னபே⁴தா³ய விமுத்தியா ச ததா² ததா² அத³ந்தா⁴யிதத்தேன
பன்னரஸமகா³தா²வண்ணனா
15. ஏவமிமாய கா³தா²ய புப்³பே³ கதி²தவிஜ்ஜாவிமுத்திவஸீபா⁴வபா⁴கி³யபுஞ்ஞானுபா⁴வேன லபி⁴தப்³ப³ங் தேவிஜ்ஜஉப⁴தோபா⁴க³விமுத்தபா⁴வவஸேனபி பத்தப்³ப³ங் நிப்³பா³னஸம்பத்திங் த³ஸ்ஸெத்வா இதா³னி யஸ்மா விஜ்ஜாவிமுத்திவஸீபா⁴வப்பத்தா தேவிஜ்ஜா உப⁴தோபா⁴க³விமுத்தாபி ஸப்³பே³ படிஸம்பி⁴தா³தி³கு³ணவிபூ⁴திங் லப⁴ந்தி, இமாய புஞ்ஞஸம்பதா³ய ச தஸ்ஸா கு³ணவிபூ⁴தியா பத³ட்டா²னவஸேன ‘‘படிஸம்பி⁴தா³ விமொக்கா² சா’’தி இமங் கா³த²மாஹ.
‘‘யதோ ஸம்மா கதேன யா சாயங் த⁴ம்மத்த²னிருத்திபடிபா⁴னேஸு பபே⁴த³க³தா பஞ்ஞா படிஸம்பி⁴தா³’’தி வுச்சதி, யே சிமே ‘‘ரூபீ ரூபானி பஸ்ஸதீ’’திஆதி³னா (தீ³॰ நி॰ 2.129; 3.339) நயேன அட்ட² விமொக்கா², யா சாயங் ப⁴க³வதோ ஸாவகேஹி பத்தப்³பா³ ஸாவகஸம்பத்திஸாதி⁴கா ஸாவகபாரமீ, யா ச ஸயம்பு⁴பா⁴வஸாதி⁴கா பச்சேகபோ³தி⁴, யா ச ஸப்³ப³ஸத்துத்தமபா⁴வஸாதி⁴கா பு³த்³த⁴பூ⁴மி, இத³ம்பி பஞ்சமங் ஓதி⁴ஸோ ஸப்³ப³மேதேன லப்³ப⁴தீதி வேதி³தப்³ப³ங்.
ஸோளஸமகா³தா²வண்ணனா
16. ஏவங் ப⁴க³வா யங் தங் ‘‘யங் யதே³வாபி⁴பத்தெ²ந்தி, ஸப்³ப³மேதேன லப்³ப⁴தீ’’தி வுத்தங், தங் இமாஹி பஞ்சஹி கா³தா²ஹி ஓதி⁴ஸோ ஓதி⁴ஸோ த³ஸ்ஸெத்வா ‘‘ஏவங் மஹத்தி²கா ஏஸா’’தி இமாய கா³தா²ய தே³ஸனங் நிட்ட²பேஸி.
தஸ்ஸாயங் பத³வண்ணனா – ஏவந்தி அதீதத்த²னித³ஸ்ஸனங். மஹந்தோ அத்தோ² அஸ்ஸாதி மஹத்தி²கா, மஹதோ அத்தா²ய ஸங்வத்ததீதி வுத்தங் ஹோதி, மஹித்³தி⁴காதிபி பாடோ². ஏஸாதி உத்³தே³ஸவசனங், தேன ‘‘யஸ்ஸ தா³னேன ஸீலேனா’’தி இதோ பபு⁴தி யாவ ‘‘கயிராத² தீ⁴ரோ புஞ்ஞானீ’’தி வுத்தங் புஞ்ஞஸம்பத³ங் உத்³தி³ஸதி. யதி³த³ந்தி அபி⁴முக²கரணத்தே² நிபாதோ, தேன ஏஸாதி உத்³தி³ட்ட²ங் நித்³தி³ஸிதுங் யா ஏஸாதி அபி⁴முக²ங் கரோதி. புஞ்ஞானங் ஸம்பதா³ புஞ்ஞஸம்பதா³ தஸ்மாதி காரணவசனங். தீ⁴ராதி தி⁴திமந்தோ. பஸங்ஸந்தீதி வண்ணயந்தி. பண்டி³தாதி பஞ்ஞாஸம்பன்னா. கதபுஞ்ஞதந்தி கதபுஞ்ஞபா⁴வங்.
அயங் பன அத்த²வண்ணனா – இதி ப⁴க³வா ஸுவண்ணதாதி³ங் பு³த்³த⁴பூ⁴மிபரியோஸானங் புஞ்ஞஸம்பதா³னுபா⁴வேன அதி⁴க³ந்தப்³ப³மத்த²ங் வண்ணயித்வா இதா³னி தமேவத்த²ங் ஸம்பிண்டெ³த்வா த³ஸ்ஸெந்தோ தேனேவத்தே²ன யதா²வுத்தப்பகாராய புஞ்ஞஸம்பதா³ய மஹத்தி²கத்தங் து²னந்தோ ஆஹ – ஏவங் மஹதோ அத்த²ஸ்ஸ ஆவஹனேன மஹத்தி²கா ஏஸா, யதி³த³ங் மயா ‘‘யஸ்ஸ தா³னேன ஸீலேனா’’திஆதி³னா நயேன தே³ஸிதா புஞ்ஞஸம்பதா³, தஸ்மா மாதி³ஸா ஸத்தானங் ஹிதஸுகா²வஹாய த⁴ம்மதே³ஸனாய அகிலாஸுதாய யதா²பூ⁴தகு³ணேன ச தீ⁴ரா பண்டி³தா ‘‘அஸாதா⁴ரணமஞ்ஞேஸங், அசோராஹரணோ நிதீ⁴’’திஆதீ³ஹி இத⁴ வுத்தேஹி
தே³ஸனாபரியோஸானே ஸோ உபாஸகோ ப³ஹுஜனேன ஸத்³தி⁴ங் ஸோதாபத்திப²லே பதிட்டா²ஸி, ரஞ்ஞோ ச பஸேனதி³கோஸலஸ்ஸ ஸந்திகங் க³ந்த்வா ஏதமத்த²ங் ஆரோசேஸி, ராஜா அதிவிய துட்டோ² ஹுத்வா ‘‘ஸாது⁴, க³ஹபதி, ஸாது⁴ கோ² த்வங்
பரமத்த²ஜோதிகாய கு²த்³த³கபாட²-அட்ட²கதா²ய
நிதி⁴கண்ட³ஸுத்தவண்ணனா நிட்டி²தா.