20. மக்³க³வக்³கோ³
1. பஞ்சஸதபி⁴க்கு²வத்து²
மக்³கா³னட்ட²ங்கி³கோதி
தே கிர ஸத்த²ரி ஜனபத³சாரிகங் சரித்வா புன ஸாவத்தி²ங் ஆக³தே உபட்டா²னஸாலாய நிஸீதி³த்வா ‘‘அஸுககா³மதோ அஸுககா³மஸ்ஸ மக்³கோ³ ஸமோ, அஸுககா³மஸ்ஸ மக்³கோ³ விஸமோ, ஸஸக்க²ரோ, அஸக்க²ரோ’’திஆதி³னா நயேன அத்தனோ விசரிதமக்³க³ங் ஆரப்³ப⁴ மக்³க³கத²ங் கதே²ஸுங். ஸத்தா² தேஸங் அரஹத்தஸ்ஸூபனிஸ்ஸயங் தி³ஸ்வா தங் டா²னங் ஆக³ந்த்வா பஞ்ஞத்தாஸனே நிஸின்னோ ‘‘காய நுத்த², பி⁴க்க²வே, ஏதரஹி கதா²ய ஸன்னிஸின்னா’’தி புச்சி²த்வா ‘‘இமாய நாமா’’தி வுத்தே, ‘‘பி⁴க்க²வே, அயங் பா³ஹிரகமக்³கோ³, பி⁴க்கு²னா நாம அரியமக்³கே³ கம்மங் காதுங் வட்டதி, ஏவஞ்ஹி கரொந்தோ பி⁴க்கு² ஸப்³ப³து³க்கா² பமுச்சதீ’’தி வத்வா இமா கா³தா² அபா⁴ஸி –
273.
‘‘மக்³கா³னட்ட²ங்கி³கோ
விராகோ³ ஸெட்டோ² த⁴ம்மானங், த்³விபதா³னஞ்ச சக்கு²மா.
274.
‘‘ஏஸேவ மக்³கோ³ நத்த²ஞ்ஞோ, த³ஸ்ஸனஸ்ஸ விஸுத்³தி⁴யா;
ஏதஞ்ஹி தும்ஹே படிபஜ்ஜத², மாரஸ்ஸேதங் பமோஹனங்.
275.
‘‘ஏதஞ்ஹி தும்ஹே படிபன்னா, து³க்க²ஸ்ஸந்தங் கரிஸ்ஸத²;
அக்கா²தோ வோ மயா மக்³கோ³, அஞ்ஞாய ஸல்லகந்தனங்.
276.
‘‘தும்ஹேஹி கிச்சமாதப்பங், அக்கா²தாரோ ததா²க³தா;
படிபன்னா பமொக்க²ந்தி, ஜா²யினோ மாரப³ந்த⁴னா’’தி.
தத்த² மக்³கா³னட்ட²ங்கி³கோதி ஜங்க⁴மக்³கா³த³யோ வா ஹொந்து த்³வாஸட்டி² தி³ட்டி²க³தமக்³கா³ வா, தேஸங் ஸப்³பே³ஸம்பி மக்³கா³னங் ஸம்மாதி³ட்டி²ஆதீ³ஹி அட்ட²ஹி அங்கே³ஹி மிச்சா²தி³ட்டி²ஆதீ³னங் அட்ட²ன்னங் பஹானங் கரொந்தோ நிரோத⁴ங் ஆரம்மணங் கத்வா சதூஸுபி ஸச்சேஸு து³க்க²பரிஜானநாதி³கிச்சங் ஸாத⁴யமானோ அட்ட²ங்கி³கோ மக்³கோ³ ஸெட்டோ² ஸச்சானங் சதுரோ பதா³தி ‘‘ஸச்சங் ப⁴ணே ந குஜ்ஜெ²ய்யா’’தி விராகோ³ ஸெட்டோ² த⁴ம்மானந்தி ‘‘யாவதா, பி⁴க்க²வே, த⁴ம்மா ஸங்க²தா வா அஸங்க²தா வா, விராகோ³ தேஸங் அக்³க³மக்கா²யதீ’’தி (இதிவு॰ 90; அ॰ நி॰ 4.34) வசனதோ ஸப்³ப³த⁴ம்மானங் நிப்³பா³னஸங்கா²தோ விராகோ³ ஸெட்டோ². த்³விபதா³னஞ்ச சக்கு²மாதி ஸப்³பே³ஸங் தே³வமனுஸ்ஸாதி³பே⁴தா³னங் த்³விபதா³னங் பஞ்சஹி சக்கூ²ஹி சக்கு²மா ததா²க³தோவ ஸெட்டோ². ச-ஸத்³தோ³ ஸம்பிண்ட³னத்தோ², அரூபத⁴ம்மே ஸம்பிண்டே³தி. தஸ்மா அரூபத⁴ம்மானம்பி ததா²க³தோ ஸெட்டோ² உத்தமோ.
த³ஸ்ஸனஸ்ஸ விஸுத்³தி⁴யாதி மக்³க³ப²லத³ஸ்ஸனஸ்ஸ விஸுத்³த⁴த்த²ங் யோ மயா ‘‘ஸெட்டோ²’’தி வுத்தோ, ஏஸோவ மக்³கோ³, நத்த²ஞ்ஞோ. ஏதஞ்ஹி தும்ஹேதி தஸ்மா தும்ஹே ஏதமேவ படிபஜ்ஜத². மாரஸ்ஸேதங் பமோஹனந்தி ஏதங் மாரமோஹனங் மாரமந்த²னந்தி து³க்க²ஸ்ஸந்தந்தி ஸகலஸ்ஸபி வட்டது³க்க²ஸ்ஸ அந்தங் பரிச்சே²த³ங் கரிஸ்ஸதா²தி அத்தோ². அஞ்ஞாய ஸல்லகந்தனந்தி ராக³ஸல்லாதீ³னங் கந்தனங் நிம்மத²னங் அப்³பூ³ஹணங் ஏதங் மக்³க³ங், மயா வினா அனுஸ்ஸவாதீ³ஹி அத்தபச்சக்க²தோ ஞத்வாவ அயங் மக்³கோ³ அக்கா²தோ, இதா³னி தும்ஹேஹி கிலேஸானங் ஆதாபனேன ‘‘ஆதப்ப’’ந்தி ஸங்க²ங் க³தங் தஸ்ஸ அதி⁴க³மத்தா²ய ஸம்மப்பதா⁴னவீரியங் கிச்சங் கரணீயங். கேவலஞ்ஹி அக்கா²தாரோவ ததா²க³தா. தஸ்மா தேஹி அக்கா²தவஸேன யே படிபன்னா த்³வீஹி ஜா²னேஹி ஜா²யினோ, தே தேபூ⁴மகவட்டஸங்கா²தா மாரப³ந்த⁴னா பமொக்க²ந்தீதி அத்தோ².
தே³ஸனாவஸானே தே பி⁴க்கூ² அரஹத்தே பதிட்ட²ஹிங்ஸு, ஸம்பத்தானம்பி ஸாத்தி²கா த⁴ம்மதே³ஸனா அஹோஸீதி.
பஞ்சஸதபி⁴க்கு²வத்து² பட²மங்.
2. அனிச்சலக்க²ணவத்து²
ஸப்³பே³ ஸங்கா²ரா அனிச்சாதி இமங் த⁴ம்மதே³ஸனங் ஸத்தா² ஜேதவனே விஹரந்தோ பஞ்சஸதே பி⁴க்கூ² ஆரப்³ப⁴ கதே²ஸி.
தே கிர ஸத்து² ஸந்திகே கம்மட்டா²னங் க³ஹெத்வா க³ந்த்வா அரஞ்ஞே வாயமந்தாபி அரஹத்தங் அப்பத்வா ‘‘விஸேஸெத்வா கம்மட்டா²னங் உக்³க³ண்ஹிஸ்ஸாமா’’தி ஸத்து² ஸந்திகங் ஆக³மிங்ஸு. ஸத்தா² ‘‘கிங் நு கோ² இமேஸங் ஸப்பாய’’ந்தி வீமங்ஸந்தோ ‘‘இமே கஸ்ஸபபு³த்³த⁴காலே வீஸதி வஸ்ஸஸஹஸ்ஸானி அனிச்சலக்க²ணே அனுயுஞ்ஜிங்ஸு, தஸ்மா அனிச்சலக்க²ணேனேவ தேஸங் ஏகங் கா³த²ங் தே³ஸேதுங் வட்டதீ’’தி சிந்தெத்வா, ‘‘பி⁴க்க²வே, காமப⁴வாதீ³ஸு ஸப்³பே³பி ஸங்கா²ரா ஹுத்வா அபா⁴வட்டே²ன அனிச்சா ஏவா’’தி வத்வா இமங் கா³த²மாஹ –
277.
‘‘ஸப்³பே³ ஸங்கா²ரா அனிச்சாதி, யதா³ பஞ்ஞாய பஸ்ஸதி;
அத² நிப்³பி³ந்த³தி து³க்கே², ஏஸ மக்³கோ³ விஸுத்³தி⁴யா’’தி.
தத்த² ஸப்³பே³ ஸங்கா²ராதி காமப⁴வாதீ³ஸு உப்பன்னா க²ந்தா⁴ தத்த² தத்தே²வ நிருஜ்ஜ²னதோ அனிச்சாதி யதா³ விபஸ்ஸனாபஞ்ஞாய பஸ்ஸதி, அத² இமஸ்மிங் க²ந்த⁴பரிஹரணது³க்கே² நிப்³பி³ந்த³தி, நிப்³பி³ந்த³ந்தோ து³க்க²பரிஜானநாதி³வஸேன ஸச்சானி படிவிஜ்ஜ²தி. ஏஸ மக்³கோ³ விஸுத்³தி⁴யாதி விஸுத்³த⁴த்தா²ய வோதா³னத்தா²ய ஏஸ மக்³கோ³தி அத்தோ².
தே³ஸனாவஸானே
அனிச்சலக்க²ணவத்து² து³தியங்.
3. து³க்க²லக்க²ணவத்து²
து³தியகா³தா²யபி ஏவரூபமேவ வத்து². ததா³ ஹி ப⁴க³வா தேஸங் பி⁴க்கூ²னங் து³க்க²லக்க²ணே கதாபி⁴யோக³பா⁴வங் ஞத்வா, ‘‘பி⁴க்க²வே, ஸப்³பே³பி க²ந்தா⁴ படிபீளனட்டே²ன து³க்கா² ஏவா’’தி வத்வா இமங் கா³த²மாஹ –
278.
‘‘ஸப்³பே³
அத² நிப்³பி³ந்த³தி து³க்கே², ஏஸ மக்³கோ³ விஸுத்³தி⁴யா’’தி.
தத்த² து³க்கா²தி படிபீளனட்டே²ன து³க்கா². ஸேஸங் புரிமஸதி³ஸமேவ.
து³க்க²லக்க²ணவத்து² ததியங்.
4. அனத்தலக்க²ணவத்து²
ததியகா³தா²யபி ஏஸேவ நயோ. கேவலஞ்ஹி எத்த² ப⁴க³வா தேஸங் பி⁴க்கூ²னங் புப்³பே³ அனத்தலக்க²ணே அனுயுத்தபா⁴வங் ஞத்வா, ‘‘பி⁴க்க²வே, ஸப்³பே³பி க²ந்தா⁴ அவஸவத்தனட்டே²ன அனத்தா ஏவா’’தி வத்வா இமங் கா³த²மாஹ –
279.
‘‘ஸப்³பே³
அத² நிப்³பி³ந்த³தி து³க்கே², ஏஸ மக்³கோ³ விஸுத்³தி⁴யா’’தி.
தத்த² ஸப்³பே³ த⁴ம்மாதி பஞ்சக்க²ந்தா⁴ ஏவ அதி⁴ப்பேதா. அனத்தாதி ‘‘மா ஜீயந்து மா மீயந்தூ’’தி வஸே வத்தேதுங் ந ஸக்காதி அவஸவத்தனட்டே²ன அனத்தா அத்தஸுஞ்ஞா அஸ்ஸாமிகா அனிஸ்ஸராதி அத்தோ². ஸேஸங் புரிமஸதி³ஸமேவாதி.
அனத்தலக்க²ணவத்து² சதுத்த²ங்.
5. பதா⁴னகம்மிகதிஸ்ஸத்தே²ரவத்து²
உட்டா²னகாலம்ஹீதி இமங் த⁴ம்மதே³ஸனங் ஸத்தா² ஜேதவனே விஹரந்தோ பதா⁴னகம்மிகதிஸ்ஸத்தே²ரங் ஆரப்³ப⁴ கதே²ஸி.
ஸாவத்தி²வாஸினோ கிர பஞ்சஸதா குலபுத்தா ஸத்து² ஸந்திகே பப்³ப³ஜித்வா கம்மட்டா²னங் க³ஹெத்வா அரஞ்ஞங் அக³மங்ஸு. தேஸு ஏகோ தத்தே²வ ஓஹீயி. அவஸேஸா அரஞ்ஞே ஸமணத⁴ம்மங் கரொந்தா அரஹத்தங் பத்வா ‘‘படிலத்³த⁴கு³ணங் ஸத்து² ஆரோசெஸ்ஸாமா’’தி புன ஸாவத்தி²ங் அக³மங்ஸு. தே ஸாவத்தி²தோ யோஜனமத்தே
அத² நேஸங் தத்த² ஓஹீனோ ஸஹாயகபி⁴க்கு² சிந்தேஸி – ‘‘ஸத்து² இமேஹி ஸத்³தி⁴ங் படிஸந்தா²ரங் கரொந்தஸ்ஸ முக²ங் நப்பஹோதி, மய்ஹங் பன மக்³க³ப²லாபா⁴வேன மயா ஸத்³தி⁴ங் ந கதே²தி, அஜ்ஜேவ அரஹத்தங் பத்வா ஸத்தா²ரங் உபஸங்கமித்வா மயா ஸத்³தி⁴ங் கதா²பெஸ்ஸாமீ’’தி. தேபி பி⁴க்கூ², ‘‘ப⁴ந்தே, மயங் ஆக³மனமக்³கே³ ஏகேன உபாஸகேன ஸ்வாதனாய நிமந்திதா, தத்த² பாதோவ க³மிஸ்ஸாமா’’தி ஸத்தா²ரங் அபலோகேஸுங். அத² நேஸங் ஸஹாயகோ பி⁴க்கு² ஸப்³ப³ரத்திங் சங்கமந்தோ நித்³தா³வஸேன சங்கமகோடியங் ஏகஸ்மிங் பாஸாணப²லகே பதி, ஊருட்டி² பி⁴ஜ்ஜி. ஸோ மஹாஸத்³தே³ன விரவி. தஸ்ஸ தே ஸஹாயகா பி⁴க்கூ² ஸத்³த³ங் ஸஞ்ஜானித்வா இதோ சிதோ ச உபதா⁴விங்ஸு. தேஸங் தீ³பங் ஜாலெத்வா தஸ்ஸ கத்தப்³ப³கிச்சங் கரொந்தானங்யேவ அருணோ உட்ட²ஹி, தே தங் கா³மங் க³ந்துங் ஓகாஸங் ந லபி⁴ங்ஸு. அத² நே ஸத்தா² ஆஹ – ‘‘கிங், பி⁴க்க²வே, பி⁴க்கா²சாரகா³மங் ந க³மித்தா²’’தி. தே ‘‘ஆம, ப⁴ந்தே’’தி தங் பவத்திங் ஆரோசேஸுங். ஸத்தா² ‘‘ந, பி⁴க்க²வே, ஏஸ
‘‘யோ புப்³பே³ கரணீயானி, பச்சா² ஸோ காதுமிச்ச²தி;
வருணகட்ட²ப⁴ஞ்ஜோவ, ஸ பச்சா² மனுதப்பதீ’’தி. (ஜா॰ 1.1.71) –
ஜாதகங் வித்தா²ரேஸி. ததா³ கிர தே பி⁴க்கூ² பஞ்சஸதா மாணவகா அஹேஸுங், குஸீதமாணவகோ அயங் பி⁴க்கு² அஹோஸி, ஆசரியோ பன ததா²க³தோவ அஹோஸீதி.
ஸத்தா² இமங் த⁴ம்மதே³ஸனங் ஆஹரித்வா, ‘‘பி⁴க்க²வே, யோ ஹி உட்டா²னகாலே உட்டா²னங் ந கரோதி, ஸங்ஸன்னஸங்கப்போ ஹோதி, குஸீதோ ஸோ ஜா²னாதி³பே⁴த³ங் விஸேஸங் நாதி⁴க³ச்ச²தீ’’தி வத்வா இமங் கா³த²மாஹ –
280.
‘‘உட்டா²னகாலம்ஹி அனுட்ட²ஹானோ,
யுவா ப³லீ ஆலஸியங் உபேதோ;
ஸங்ஸன்னஸங்கப்பமனோ குஸீதோ,
பஞ்ஞாய மக்³க³ங் அலஸோ ந விந்த³தீ’’தி.
தத்த² அனுட்ட²ஹானோதி அனுட்ட²ஹந்தோ அவாயமந்தோ. யுவா ப³லீதி பட²மயொப்³ப³னே டி²தோ ப³லஸம்பன்னோபி ஹுத்வா ஸங்ஸன்னஸங்கப்பமனோதி தீஹி மிச்சா²விதக்கேஹி ஸுட்டு² அவஸன்னஸம்மாஸங்கப்பசித்தோ. குஸீதோதி நிப்³பீ³ரியோ. அலஸோதி மஹாஅலஸோ பஞ்ஞாய த³ட்ட²ப்³ப³ங் அரியமக்³க³ங் அபஸ்ஸந்தோ ந விந்த³தி, ந படிலப⁴தீதி அத்தோ².
தே³ஸனாவஸானே ப³ஹூ ஸோதாபத்திப²லாதீ³னி பாபுணிங்ஸூதி.
பதா⁴னகம்மிகதிஸ்ஸத்தே²ரவத்து² பஞ்சமங்.
6. ஸூகரபேதவத்து²
வாசானுரக்கீ²தி இமங் த⁴ம்மதே³ஸனங் ஸத்தா² வேளுவனே விஹரந்தோ ஸூகரபேதங் ஆரப்³ப⁴ கதே²ஸி.
ஏகஸ்மிஞ்ஹி தி³வஸே மஹாமொக்³க³ல்லானத்தே²ரோ லக்க²ணத்தே²ரேன ஸத்³தி⁴ங் கி³ஜ்ஜ²கூடா ஓரோஹந்தோ ஏகஸ்மிங் பதே³ஸே ஸிதங் பாத்வாகாஸி. ‘‘கோ நு கோ², ஆவுஸோ, ஹேது ஸிதஸ்ஸ பாதுகம்மாயா’’தி லக்க²ணத்தே²ரேன புட்டோ² ‘‘அகாலோ, ஆவுஸோ, இமஸ்ஸ பஞ்ஹஸ்ஸ, ஸத்து² ஸந்திகே மங் புச்செ²ய்யாதா²’’தி வத்வா லக்க²ணத்தே²ரேன
கஸ்ஸபபு³த்³த⁴காலே கிர ஏகஸ்மிங் கா³மகாவாஸே த்³வே தே²ரா ஸமக்³க³வாஸங் வஸிங்ஸு. தேஸு ஏகோ ஸட்டி²வஸ்ஸோ, ஏகோ ஏகூனஸட்டி²வஸ்ஸோ
த⁴ம்மகதி²கோ சிந்தேஸி – ‘‘இமே த்³வேபி அதிமுது³கா, மயா உபோ⁴பேதே பலாபெத்வா இமஸ்மிங் விஹாரே வஸிதுங் வட்டதீ’’தி. ஸோ ஸாயங் தே²ரூபட்டா²னங் க³ந்த்வா பி⁴க்கூ²னங் உட்டா²ய க³தகாலே நிவத்தித்வா மஹாதே²ரங் உபஸங்கமித்வா, ‘‘ப⁴ந்தே, கிஞ்சி வத்தப்³ப³ங் அத்தீ²’’தி வத்வா ‘‘கதே²ஹி, ஆவுஸோ’’தி வுத்தே தோ²கங் சிந்தெத்வா, ‘‘ப⁴ந்தே, கதா² நாமேஸா மஹாஸாவஜ்ஜா’’தி வத்வா அகதெ²த்வாவ பக்காமி. அனுதே²ரஸ்ஸாபி ஸந்திகங் க³ந்த்வா ததே²வ அகாஸி. ஸோ து³தியதி³வஸே ததே²வ கத்வா ததியதி³வஸே தேஸங் அதிவிய
மஹாதே²ரோ தங் ஸுத்வாவ குத்³த⁴மானஸோ த³ண்டா³பி⁴ஹதங் குலாலபா⁴ஜனங் விய பி⁴ஜ்ஜி. இதரோபி உட்டா²ய அனுதே²ரஸ்ஸ ஸந்திகங் க³ந்த்வா ததே²வ அவோச, ஸோபி ததே²வ பி⁴ஜ்ஜி. தேஸு கிஞ்சாபி எத்தகங் காலங் ஏகோபி விஸுங் பிண்டா³ய பவிட்ட²புப்³போ³ நாம நத்தி², புனதி³வஸே பன விஸுங் பிண்டா³ய பவிஸித்வா அனுதே²ரோ புரேதரங் ஆக³ந்த்வா உபட்டா²னஸாலாய அட்டா²ஸி, மஹாதே²ரோ பச்சா² அக³மாஸி. தங் தி³ஸ்வா அனுதே²ரோ சிந்தேஸி – ‘‘கிங் நு கோ² இமஸ்ஸ பத்தசீவரங் படிக்³க³ஹேதப்³ப³ங், உதா³ஹு நோ’’தி. ஸோ ‘‘ந
தேபி தே²ரா க³தட்டா²னே சித்தஸுக²ங் நாம ந லபி⁴ங்ஸு. மஹாதே²ரோ சிந்தேஸி – ‘‘அஹோ நவகஸ்ஸ பி⁴க்கு²னோ பா⁴ரியங் கம்மங் கதங், முஹுத்தங் தி³ட்ட²ங் நாம ஆக³ந்துகபி⁴க்கு²ங் ஆஹ – ‘மஹாதே²ரேன ஸத்³தி⁴ங் ஸங்போ⁴க³ங் மா அகாஸீ’’’தி. இதரோபி சிந்தேஸி – ‘‘அஹோ மஹாதே²ரஸ்ஸ பா⁴ரியங் கம்மங் கதங், முஹுத்தங் தி³ட்ட²ங் நாம ஆக³ந்துகபி⁴க்கு²ங் ஆஹ – ‘இமினா ஸத்³தி⁴ங் ஸங்போ⁴க³ங் மா அகாஸீ’’’தி. தேஸங்
த⁴ம்மகதி²கோபி தே²ரே தி³ஸ்வா பத்தசீவரங் படிக்³க³ஹேதுங் உபக³ச்சி². தே²ரா ‘‘ந த்வங் இமஸ்மிங் விஹாரே வஸிதுங் யுத்தரூபோ’’தி அச்ச²ரங் பஹரிங்ஸு. ஸோ ஸண்டா²துங் அஸக்கொந்தோ தாவதே³வ நிக்க²மித்வா
ஸத்தா² இத³ங் தஸ்ஸ புப்³ப³கம்மங் ஆஹரித்வா, ‘‘பி⁴க்க²வே, பி⁴க்கு²னா நாம காயாதீ³ஹி உபஸந்தரூபேன ப⁴விதப்³ப³’’ந்தி வத்வா இமங் கா³த²மாஹ –
281.
‘‘வாசானுரக்கீ²
காயேன ச நாகுஸலங் கயிரா;
ஏதே தயோ கம்மபதே² விஸோத⁴யே,
ஆராத⁴யே மக்³க³மிஸிப்பவேதி³த’’ந்தி.
தஸ்ஸத்தோ² – சதுன்னங் வசீது³ச்சரிதானங் வஜ்ஜனேன வாசானுரக்கீ² அபி⁴ஜ்ஜா²தீ³னங் அனுப்பாத³னேன மனஸா ச ஸுட்டு² ஸங்வுதோ பாணாதிபாதாத³யோ பஜஹந்தோ காயேன
தே³ஸனாவஸானே ப³ஹூ ஸோதாபத்திப²லாதீ³னி பாபுணிங்ஸூதி.
ஸூகரபேதவத்து² ச²ட்ட²ங்.
7. பொட்டி²லத்தே²ரவத்து²
யோகா³ வேதி இமங் த⁴ம்மதே³ஸனங் ஸத்தா² ஜேதவனே விஹரந்தோ பொட்டி²லங் நாம தே²ரங் ஆரப்³ப⁴ கதே²ஸி.
ஸோ கிர ஸத்தன்னம்பி பு³த்³தா⁴னங் ஸாஸனே தேபிடகோ பஞ்சன்னங் பி⁴க்கு²ஸதானங் த⁴ம்மங் வாசேஸி. ஸத்தா² சிந்தேஸி
ஸோ நிஹதமானோ ஸாமணேரஸ்ஸ ஸந்திகே அஞ்ஜலிங் பக்³க³ஹெத்வா ‘‘அவஸ்ஸயோ மே ஹோஹி ஸப்புரிஸா’’தி ஆஹ. அஹோ, ஆசரிய, கிங் நாமேதங் கதே²த², தும்ஹே மஹல்லகா ப³ஹுஸ்ஸுதா, தும்ஹாகங் ஸந்திகே மயா கிஞ்சி காரணங் ஜானிதப்³ப³ங் ப⁴வெய்யாதி. மா ஏவங் கரி, ஸப்புரிஸ, ஹோஹியேவ மே அவஸ்ஸயோதி. ப⁴ந்தே, ஸசேபி ஓவாத³க்க²மா ப⁴விஸ்ஸத², ப⁴விஸ்ஸாமி வோ அவஸ்ஸயோதி. ஹோமி, ஸப்புரிஸ, அஹங் ‘‘அக்³கி³ங் பவிஸா’’தி வுத்தே அக்³கி³ங் பவிஸாமியேவாதி. அத² நங் ஸோ அவிதூ³ரே ஏகங் ஸரங் த³ஸ்ஸெத்வா, ‘‘ப⁴ந்தே, யதா²னிவத்த²பாருதோவ இமங் ஸரங் பவிஸதா²’’தி ஆஹ. ஸோ ஹிஸ்ஸ மஹக்³கா⁴னங் து³பட்டசீவரானங் நிவத்த²பாருதபா⁴வங் ஞத்வாபி ‘‘ஓவாத³க்க²மோ
ஸத்தா² வீஸயோஜனஸதமத்த²கே நிஸின்னோவ தங் பி⁴க்கு²ங் ஓலோகெத்வா ‘‘யதே²வாயங் பி⁴க்கு² பூ⁴ரிபஞ்ஞோ
282.
‘‘யோகா³ வே ஜாயதீ பூ⁴ரி, அயோகா³ பூ⁴ரிஸங்க²யோ;
ஏதங் த்³வேதா⁴பத²ங் ஞத்வா, ப⁴வாய விப⁴வாய ச;
ததா²த்தானங் நிவேஸெய்ய, யதா² பூ⁴ரி பவட்³ட⁴தீ’’தி.
தத்த² யோகா³தி அட்ட²திங்ஸாய ஆரம்மணேஸு யோனிஸோ மனஸிகாரா. பூ⁴ரீதி பத²வீஸமாய வித்த²தாய பஞ்ஞாயேதங் நாமங். ஸங்க²யோதி வினாஸோ. ஏதங் த்³வேதா⁴பத²ந்தி ஏதங் யோக³ஞ்ச அயோக³ஞ்ச. ப⁴வாய விப⁴வாய சாதி வுத்³தி⁴யா ச அவுத்³தி⁴யா ச. ததா²தி யதா² அயங் பூ⁴ரிஸங்கா²தா பஞ்ஞா பவட்³ட⁴தி, ஏவங் அத்தானங் நிவேஸெய்யாதி அத்தோ².
தே³ஸனாவஸானே பொட்டி²லத்தே²ரோ அரஹத்தே பதிட்ட²ஹீதி.
பொட்டி²லத்தே²ரவத்து² ஸத்தமங்.
8. பஞ்சமஹல்லகத்தே²ரவத்து²
வனங் சி²ந்த³தா²தி இமங் த⁴ம்மதே³ஸனங் ஸத்தா² ஜேதவனே விஹரந்தோ ஸம்ப³ஹுலே மஹல்லகே பி⁴க்கூ² ஆரப்³ப⁴ கதே²ஸி.
தே கிர கி³ஹிகாலே ஸாவத்தி²யங் குடும்பி³கா மஹத்³த⁴னா அஞ்ஞமஞ்ஞஸஹாயகா ஏகதோ புஞ்ஞானி கரொந்தா ஸத்து² த⁴ம்மதே³ஸனங் ஸுத்வா ‘‘மயங் மஹல்லகா, கிங் நோ க⁴ராவாஸேனா’’தி ஸத்தா²ரங் பப்³ப³ஜ்ஜங் யாசித்வா பப்³ப³ஜிங்ஸு, மஹல்லகபா⁴வேன பன த⁴ம்மங் பரியாபுணிதுங் அஸக்கொந்தா விஹாரபரியந்தே பண்ணஸாலங் காரெத்வா ஏகதோவ வஸிங்ஸு. பிண்டா³ய சரந்தாபி யேபு⁴ய்யேன புத்ததா³ரஸ்ஸேவ
பி⁴க்கூ² த⁴ம்மஸபா⁴யங் கத²ங் ஸமுட்டா²பேஸுங். ஸத்தா² ஆக³ந்த்வா ‘‘காய நுத்த², பி⁴க்க²வே, ஏதரஹி கதா²ய ஸன்னிஸின்னா’’தி புச்சி²த்வா ‘‘இமாய நாமா’’தி வுத்தே
‘‘அபி நு ஹனுகா ஸந்தா, முக²ஞ்ச பரிஸுஸ்ஸதி;
ஓரமாம ந பாரேம, பூரதேவ மஹோத³தீ⁴’’தி. (ஜா॰ 1.1.146);
இமங் காகஜாதகங் வித்தா²ரெத்வா தே பி⁴க்கூ² ஆமந்தெத்வா, ‘‘பி⁴க்க²வே, ராக³தோ³ஸமோஹவனங் நிஸ்ஸாய தும்ஹேஹி இத³ங் து³க்க²ங் பத்தங், தங் வனங் சி²ந்தி³துங் வட்டதி, ஏவங் நித்³து³க்கா² ப⁴விஸ்ஸதா²’’தி வத்வா இமா கா³தா² அபா⁴ஸி –
283.
‘‘வனங் சி²ந்த³த² மா ருக்க²ங், வனதோ ஜாயதே ப⁴யங்;
செ²த்வா வனஞ்ச வனத²ஞ்ச, நிப்³ப³னா ஹோத² பி⁴க்க²வோ.
284.
‘‘யாவ ஹி வனதோ² ந சி²ஜ்ஜதி,
அணுமத்தோபி நரஸ்ஸ நாரிஸு;
படிப³த்³த⁴மனோவ தாவ ஸோ,
வச்சோ² கீ²ரபகோவ மாதரீ’’தி.
தத்த² மா ருக்க²ந்தி ஸத்தா²ரா ஹி ‘‘வனங் சி²ந்த³தா²’’தி வுத்தே தேஸங் அசிரபப்³ப³ஜிதானங் ‘‘ஸத்தா² அம்ஹே வாஸிஆதீ³னி க³ஹெத்வா வனங் சி²ந்தா³பேதீ’’தி ருக்க²ங் சி²ந்தி³துகாமதா உப்பஜ்ஜி. அத² நே ‘‘மயா ராகா³தி³கிலேஸவனங் ஸந்தா⁴யேதங் வுத்தங், ந ருக்கே²’’தி படிஸேதெ⁴ந்தோ ‘‘மா ருக்க²’’ந்தி ஆஹ. வனதோதி யதா² பாகதிகவனதோ ஸீஹாதி³ப⁴யங் ஜாயதி, ஏவங் ஜாதிஆதி³ப⁴யம்பி கிலேஸவனதோ ஜாயதீதி அத்தோ². வனஞ்ச வனத²ஞ்சாதி எத்த² மஹந்தா ருக்கா² வனங் நிப்³ப³னா ஹோதா²தி நிக்கிலேஸா ஹோத². யாவ ஹி வனதோ²தி யாவ ஏஸ அணுமத்தோபி கிலேஸவனதோ² நரஸ்ஸ நாரீஸு ந சி²ஜ்ஜதி
தே³ஸனாவஸானே
பஞ்சமஹல்லகத்தே²ரவத்து² அட்ட²மங்.
9. ஸுவண்ணகாரத்தே²ரவத்து²
உச்சி²ந்தா³தி இமங் த⁴ம்மதே³ஸனங் ஸத்தா² ஜேதவனே விஹரந்தோ ஸாரிபுத்தத்தே²ரஸ்ஸ ஸத்³தி⁴விஹாரிகங் ஆரப்³ப⁴ கதே²ஸி.
ஏகோ கிர ஸுவண்ணகாரபுத்தோ அபி⁴ரூபோ ஸாரிபுத்தத்தே²ரஸ்ஸ ஸந்திகே பப்³ப³ஜி. தே²ரோ ‘‘தருணானங் ராகோ³ உஸ்ஸன்னோ ஹோதீ’’தி சிந்தெத்வா தஸ்ஸ ராக³படிகா⁴தாய அஸுப⁴கம்மட்டா²னங் அதா³ஸி. தஸ்ஸ பன தங் அஸப்பாயங். தஸ்மா அரஞ்ஞங் பவிஸித்வா தேமாஸங் வாயமந்தோ சித்தேகக்³க³மத்தம்பி அலபி⁴த்வா புன தே²ரஸ்ஸ ஸந்திகங் ஆக³ந்த்வா தே²ரேன ‘‘உபட்டி²தங் தே, ஆவுஸோ, கம்மட்டா²ன’’ந்தி வுத்தே தங் பவத்திங் ஆரோசேஸி. அத²ஸ்ஸ தே²ரோ ‘‘கம்மட்டா²னங் ந ஸம்பஜ்ஜதீதி வோஸானங் ஆபஜ்ஜிதுங் ந வட்டதீ’’தி வத்வா புன ததே³வ கம்மட்டா²னங் ஸாது⁴கங் கதெ²த்வா அதா³ஸி. ஸோ து³தியவாரேபி கிஞ்சி விஸேஸங் நிப்³ப³த்தேதுங் அஸக்கொந்தோ ஆக³ந்த்வா தே²ரஸ்ஸ ஆரோசேஸி. அத²ஸ்ஸ தே²ரோபி ஸகாரணங் ஸஉபமங்
அத² நங் ஸத்தா² ‘‘ஆஸயானுஸயஞாணங் நாமேதங் பாரமியோ பூரெத்வா த³ஸஸஹஸ்ஸிலோகதா⁴துங் உன்னாதெ³த்வா ஸப்³ப³ஞ்ஞுதங் பத்தானங் பு³த்³தா⁴னங்யேவ விஸயோ’’தி
ஸத்தா² தஸ்ஸ ஜா²னானங் உப்பன்னபா⁴வங் ஞத்வா ‘‘ஸக்கி²ஸ்ஸதி நு கோ² ஏஸ அத்தனோ த⁴ம்மதாய உத்தரி விஸேஸங் நிப்³ப³த்தேது’’ந்தி ஓலோகெந்தோ ‘‘ந ஸக்கி²ஸ்ஸதீ’’தி ஞத்வா ‘‘தங் பது³மங் மிலாயதூ’’தி அதி⁴ட்ட²ஹி. தங் ஹத்தே²ஹி மத்³தி³தபது³மங் மிலாயந்தங் விய காளவண்ணங் அஹோஸி. ஸோ ஜா²னா வுட்டா²ய தங் ஓலோகெத்வா ‘‘கிங் நு கோ² இமங் பது³மங் ஜராய பஹடங் பஞ்ஞாயதி, அனுபாதி³ண்ணகேபி ஏவங் ஜராய அபி⁴பு⁴ய்யமானே உபாதி³ண்ணகே கதா²வ நத்தி². இத³ம்பி ஹி ஜரா அபி⁴ப⁴விஸ்ஸதீ’’தி அனிச்சலக்க²ணங் பஸ்ஸி
285.
‘‘உச்சி²ந்த³ ஸினேஹமத்தனோ, குமுத³ங் ஸாரதி³கங்வ பாணினா;
ஸந்திமக்³க³மேவ ப்³ரூஹய, நிப்³பா³னங் ஸுக³தேன தே³ஸித’’ந்தி.
தத்த² உச்சி²ந்தா³தி அரஹத்தமக்³கே³ன உச்சி²ந்த³. ஸாரதி³கந்தி ஸரத³காலே நிப்³ப³த்தங். ஸந்திமக்³க³ந்தி நிப்³பா³னகா³மிங் ப்³ரூஹயாதி வட்³ட⁴ய. நிப்³பா³னஞ்ஹி ஸுக³தேன தே³ஸிதங், தஸ்மா தஸ்ஸ மக்³க³ங் பா⁴வேஹீதி அத்தோ².
தே³ஸனாவஸானே ஸோ பி⁴க்கு² அரஹத்தே பதிட்ட²ஹி.
ஸுவண்ணகாரத்தே²ரவத்து² நவமங்.
10. மஹாத⁴னவாணிஜவத்து²
இத⁴ வஸ்ஸந்தி இமங் த⁴ம்மதே³ஸனங் ஸத்தா² ஜேதவனே விஹரந்தோ மஹாத⁴னவாணிஜங் நாம ஆரப்³ப⁴ கதே²ஸி.
ஸோ கிர பா³ராணஸிதோ குஸும்ப⁴ரத்தானங் வத்தா²னங் பஞ்ச ஸகடஸதானி பூரெத்வா வணிஜ்ஜாய ஸாவத்தி²ங் ஆக³தோ நதீ³தீரங் பத்வா ‘‘ஸ்வே நதி³ங் உத்தரிஸ்ஸாமீ’’தி தத்தே²வ ஸகடானி மோசெத்வா வஸி. ரத்திங் மஹாமேகோ⁴ உட்ட²ஹித்வா வஸ்ஸி. நதீ³ ஸத்தாஹங் உத³கஸ்ஸ பூரா அட்டா²ஸி. நாக³ராபி ஸத்தாஹங் நக்க²த்தங் கீளிங்ஸு. குஸும்ப⁴ரத்தேஹி வத்தே²ஹி கிச்சங் ந நிட்டி²தங். வாணிஜோ சிந்தேஸி – ‘‘அஹங் தூ³ரங் ஆக³தோ. ஸசே புன க³மிஸ்ஸாமி, பபஞ்சோ ப⁴விஸ்ஸதி. இதே⁴வ வஸ்ஸஞ்ச ஹேமந்தஞ்ச கி³ம்ஹஞ்ச
‘‘அஜ்ஜேவ கிச்சமாதப்பங், கோ ஜஞ்ஞா மரணங் ஸுவே;
ந ஹி நோ ஸங்க³ரங் தேன, மஹாஸேனேன மச்சுனா.
‘‘ஏவங் விஹாரிங் ஆதாபிங், அஹோரத்தமதந்தி³தங்;
தங் வே ப⁴த்³தே³கரத்தோதி, ஸந்தோ ஆசிக்க²தே முனீ’’தி. (ம॰ நி॰ 3.272);
க³ச்சா²மிஸ்ஸ, ப⁴ந்தே, ஆரோசெஸ்ஸாமீதி. விஸ்ஸத்தோ² க³ச்சா²னந்தா³தி. தே²ரோ ஸகடட்டா²னங் க³ந்த்வா பி⁴க்கா²ய சரி. வாணிஜோ தே²ரங் ஆஹாரேன பதிமானேஸி. அத² நங் தே²ரோ ஆஹ – ‘‘கித்தகங் காலங் இத⁴ வஸிஸ்ஸஸீ’’தி? ‘‘ப⁴ந்தே, அஹங் தூ³ரதோ ஆக³தோ’’. ஸசே புன க³மிஸ்ஸாமி, பபஞ்சோ ப⁴விஸ்ஸதி, இமங் ஸங்வச்ச²ரங் இத⁴ வஸித்வா ப⁴ண்ட³ங் விக்கிணித்வா க³மிஸ்ஸாமீதி. உபாஸக, து³ஜ்ஜானோ ஜீவிதந்தராயோ, அப்பமாத³ங் காதுங் வட்டதீதி. ‘‘கிங் பன, ப⁴ந்தே, அந்தராயோ ப⁴விஸ்ஸதீ’’தி. ‘‘ஆம, உபாஸக, ஸத்தாஹமேவ தே ஜீவிதங் பவத்திஸ்ஸதீதி’’
286.
‘‘இத⁴ வஸ்ஸங் வஸிஸ்ஸாமி, இத⁴ ஹேமந்தகி³ம்ஹிஸு;
இதி பா³லோ விசிந்தேதி, அந்தராயங் ந பு³ஜ்ஜ²தீ’’தி.
தத்த² இத⁴ வஸ்ஸந்தி இமஸ்மிங் டா²னே இத³ஞ்சித³ஞ்ச கரொந்தோ சதுமாஸங் வஸ்ஸங் வஸிஸ்ஸாமி. ஹேமந்தகி³ம்ஹிஸூதி ஹேமந்தகி³ம்ஹேஸுபி ‘‘சத்தாரோ மாஸே இத³ஞ்சித³ஞ்ச கரொந்தோ இதே⁴வ வஸிஸ்ஸாமீ’’தி ஏவங் தி³ட்ட²த⁴ம்மிகஸம்பராயிகங் அத்த²ங் அஜானந்தோ பா³லோ விசிந்தேதி. அந்தராயந்தி ‘‘அஸுகஸ்மிங் நாம காலே வா தே³ஸே வா வயே வா மரிஸ்ஸாமீ’’தி அத்தனோ ஜீவிதந்தராயங் ந பு³ஜ்ஜ²தீதி.
தே³ஸனாவஸானே
மஹாத⁴னவாணிஜவத்து² த³ஸமங்.
11. கிஸாகோ³தமீவத்து²
தங் புத்தபஸுஸம்மத்தந்தி இமங் த⁴ம்மதே³ஸனங் ஸத்தா² ஜேதவனே விஹரந்தோ கிஸாகோ³தமிங் ஆரப்³ப⁴ கதே²ஸி. வத்து² ஸஹஸ்ஸவக்³கே³ –
‘‘யோ ச வஸ்ஸஸதங் ஜீவே, அபஸ்ஸங் அமதங் பத³ங்;
ஏகாஹங் ஜீவிதங் ஸெய்யோ, பஸ்ஸதோ அமதங் பத³’’ந்தி. (த⁴॰ ப॰ 114) –
கா³தா²வண்ணனாய வித்தா²ரெத்வா கதி²தங். ததா³ ஹி ஸத்தா² ‘‘கிஸாகோ³தமி லத்³தா⁴ தே ஏகச்ச²ரமத்தா ஸித்³த⁴த்த²கா’’தி ஆஹ. ‘‘ந லத்³தா⁴, ப⁴ந்தே, ஸகலகா³மே ஜீவந்தேஹி கிர மதகா ஏவ ப³ஹுதரா’’தி. அத² நங் ஸத்தா² ‘‘த்வங் ‘மமேவ புத்தோ மதோ’தி ஸல்லக்கே²ஸி, து⁴வத⁴ம்மோ ஏஸ ஸப்³ப³ஸத்தானங். மச்சுராஜா ஹி ஸப்³ப³ஸத்தே அபரிபுண்ணஜ்ஜா²ஸயே ஏவ மஹோகோ⁴ விய பரிகட்³ட⁴மானோ அபாயஸமுத்³தே³ பக்கி²பதீ’’தி வத்வா த⁴ம்மங் தே³ஸெந்தோ இமங் கா³த²மாஹ –
287.
‘‘தங் புத்தபஸுஸம்மத்தங், ப்³யாஸத்தமனஸங் நரங்;
ஸுத்தங் கா³மங் மஹோகோ⁴வ, மச்சு ஆதா³ய க³ச்ச²தீ’’தி.
தத்த² தங் புத்தபஸுஸம்மத்தந்தி தங் ரூபப³லாதி³ஸம்பன்னே புத்தே ச பஸூ ச லபி⁴த்வா ‘‘மம புத்தா ப்³யாஸத்தமனஸந்தி ஹிரஞ்ஞஸுவண்ணாதீ³ஸு வா பத்தசீவராதீ³ஸு வா கிஞ்சிதே³வ லபி⁴த்வா ததோ உத்தரிதரங் பத்த²னதாய ஆஸத்தமானஸங் வா, சக்கு²விஞ்ஞெய்யாதீ³ஸு ஆரம்மணேஸு வுத்தப்பகாரேஸு வா பரிக்கா²ரேஸு யங் யங் லத்³த⁴ங் ஹோதி, தத்த² தத்தே²வ லக்³க³னதாய ப்³யாஸத்தமானஸங் ஸுத்தங் கா³மந்தி நித்³த³ங் உபக³தங் ஸத்தனிகாயங். மஹோகோ⁴வாதி யதா² ஏவரூபங் கா³மங் க³ம்பீ⁴ரவித்த²தோ மஹந்தோ மஹானதீ³னங் ஓகோ⁴
தே³ஸனாவஸானே கிஸாகோ³தமீ ஸோதாபத்திப²லே பதிட்ட²ஹி, ஸம்பத்தானம்பி ஸாத்தி²கா த⁴ம்மதே³ஸனா அஹோஸீதி.
கிஸாகோ³தமீவத்து² ஏகாத³ஸமங்.
12. படாசாராவத்து²
ந ஸந்தி புத்தாதி இமங் த⁴ம்மதே³ஸனங் ஸத்தா² ஜேதவனே விஹரந்தோ படாசாரங் ஆரப்³ப⁴ கதே²ஸி. வத்து² ஸஹஸ்ஸவக்³கே³ –
‘‘யோ ச வஸ்ஸஸதங் ஜீவே, அபஸ்ஸங் உத³யப்³ப³யங்;
ஏகாஹங் ஜீவிதங் ஸெய்யோ, பஸ்ஸதோ உத³யப்³ப³ய’’ந்தி. (த⁴॰ ப॰ 113) –
கா³தா²வண்ணனாய வித்தா²ரெத்வா கதி²தங். ததா³ பன ஸத்தா² படாசாரங் தனுபூ⁴தஸோகங் ஞத்வா ‘‘படாசாரே புத்தாத³யோ நாம பரலோகங் க³ச்ச²ந்தஸ்ஸ தாணங் வா லேணங் வா ஸரணங் வா ப⁴விதுங் ந ஸக்கொந்தி, தஸ்மா விஜ்ஜமானாபி தே ந ஸந்தியேவ. பண்டி³தேன பன ஸீலங் விஸோதெ⁴த்வா அத்தனோ நிப்³பா³னகா³மிமக்³க³மேவ ஸோதே⁴துங் வட்டதீ’’தி வத்வா த⁴ம்மங் தே³ஸெந்தோ இமா கா³தா² அபா⁴ஸி –
288.
‘‘ந ஸந்தி புத்தா தாணாய, ந பிதா நாபி ப³ந்த⁴வா;
அந்தகேனாதி⁴பன்னஸ்ஸ, நத்தி² ஞாதீஸு தாணதா.
289.
‘‘ஏதமத்த²வஸங் ஞத்வா, பண்டி³தோ ஸீலஸங்வுதோ;
நிப்³பா³னக³மனங் மக்³க³ங், கி²ப்பமேவ விஸோத⁴யே’’தி.
தத்த² தாணாயாதி தாணபா⁴வாய பதிட்டா²னத்தா²ய. ப³ந்த⁴வாதி புத்தே ச மாதாபிதரோ ச ட²பெத்வா அவஸேஸா ஞாதிஸுஹஜ்ஜா. அந்தகேனாதி⁴பன்னஸ்ஸாதி மரணேன அபி⁴பூ⁴தஸ்ஸ. பவத்தியஞ்ஹி புத்தாத³யோ அன்னபானாதி³தா³னேன ‘‘நத்தி² ஞாதீஸு தாணதா’’தி. ஏதமத்த²வஸந்தி ஏவங் தேஸங் அஞ்ஞமஞ்ஞஸ்ஸ தாணங் ப⁴விதுங் அஸமத்த²பா⁴வஸங்கா²தங் காரணங் ஜானித்வா பண்டி³தோ சதுபாரிஸுத்³தி⁴ஸீலேன ஸங்வுதோ ரக்கி²தகோ³பிதோ ஹுத்வா நிப்³பா³னக³மனங் அட்ட²ங்கி³கங் மக்³க³ங் ஸீக⁴ங் ஸீக⁴ங் விஸோதெ⁴ய்யாதி அத்தோ².
தே³ஸனாவஸானே படாசாரா ஸோதாபத்திப²லே பதிட்ட²ஹி, அஞ்ஞே ச ப³ஹூ ஸோதாபத்திப²லாதீ³னி பாபுணிங்ஸூதி.
படாசாராவத்து² த்³வாத³ஸமங்.
மக்³க³வக்³க³வண்ணனா நிட்டி²தா.
வீஸதிமோ வக்³கோ³.