11. ஏகாத³ஸனிபாதோ
1. ஸங்கிச்சத்தே²ரகா³தா²
597.
‘‘கிங்
வேரம்பா⁴ ரமணீயா தே, பவிவேகோ ஹி ஜா²யினங்.
598.
‘‘யதா² அப்³பா⁴னி வேரம்போ⁴, வாதோ நுத³தி பாவுஸே;
ஸஞ்ஞா மே அபி⁴கிரந்தி, விவேகபடிஸஞ்ஞுதா.
599.
‘‘அபண்ட³ரோ அண்ட³ஸம்ப⁴வோ, ஸீவதி²காய நிகேதசாரிகோ;
உப்பாத³யதேவ மே ஸதிங், ஸந்தே³ஹஸ்மிங் விராக³னிஸ்ஸிதங்.
600.
‘‘யஞ்ச அஞ்ஞே ந ரக்க²ந்தி, யோ ச அஞ்ஞே ந ரக்க²தி;
ஸ வே பி⁴க்கு² ஸுக²ங் ஸேதி, காமேஸு அனபெக்க²வா.
601.
‘‘அச்சோ²தி³கா புது²ஸிலா, கோ³னங்கு³லமிகா³யுதா;
அம்பு³ஸேவாலஸஞ்ச²ன்னா, தே ஸேலா ரமயந்தி மங்.
602.
‘‘வஸிதங் மே அரஞ்ஞேஸு, கந்த³ராஸு கு³ஹாஸு ச;
ஸேனாஸனேஸு பந்தேஸு, வாளமிக³னிஸேவிதே.
603.
‘‘‘இமே ஹஞ்ஞந்து வஜ்ஜ²ந்து, து³க்க²ங் பப்பொந்து பாணினோ’;
ஸங்கப்பங் நாபி⁴ஜானாமி, அனரியங் தோ³ஸஸங்ஹிதங்.
604.
‘‘பரிசிண்ணோ மயா ஸத்தா², கதங் பு³த்³த⁴ஸ்ஸ ஸாஸனங்;
ஓஹிதோ க³ருகோ பா⁴ரோ, ப⁴வனெத்தி ஸமூஹதா.
605.
‘‘யஸ்ஸ சத்தா²ய
ஸோ மே அத்தோ² அனுப்பத்தோ, ஸப்³ப³ஸங்யோஜனக்க²யோ.
606.
‘‘நாபி⁴னந்தா³மி
காலஞ்ச படிகங்கா²மி, நிப்³பி³ஸங் ப⁴தகோ யதா².
607.
‘‘நாபி⁴னந்தா³மி
காலஞ்ச படிகங்கா²மி, ஸம்பஜானோ பதிஸ்ஸதோ’’தி.
… ஸங்கிச்சோ தே²ரோ….
ஏகாத³ஸனிபாதோ நிட்டி²தோ.
தத்ருத்³தா³னங் –
ஸங்கிச்சதே²ரோ ஏகோவ, கதகிச்சோ அனாஸவோ;
ஏகாத³ஸனிபாதம்ஹி, கா³தா² ஏகாத³ஸேவ சாதி.