10. ஏகாத³ஸனிபாதோ
1. கிஸாகோ³தமீதே²ரீகா³தா²
213.
‘‘கல்யாணமித்ததா
கல்யாணமித்தே ப⁴ஜமானோ, அபி பா³லோ பண்டி³தோ அஸ்ஸ.
214.
‘‘ப⁴ஜிதப்³பா³ ஸப்புரிஸா, பஞ்ஞா ததா² வட்³ட⁴தி ப⁴ஜந்தானங்;
ப⁴ஜமானோ ஸப்புரிஸே, ஸப்³பே³ஹிபி து³க்கே²ஹி பமுச்செய்ய.
215.
‘‘து³க்க²ஞ்ச விஜானெய்ய, து³க்க²ஸ்ஸ ச ஸமுத³யங் நிரோத⁴ங்;
அட்ட²ங்கி³கஞ்ச மக்³க³ங், சத்தாரிபி அரியஸச்சானி.
216.
‘‘து³க்கோ²
ஸபத்திகம்பி ஹி து³க்க²ங், அப்பேகச்சா ஸகிங் விஜாதாயோ.
217.
‘‘க³லகே அபி கந்தந்தி, ஸுகு²மாலினியோ விஸானி கா²த³ந்தி;
ஜனமாரகமஜ்ஜ²க³தா, உபோ⁴பி ப்³யஸனானி அனுபொ⁴ந்தி.
218.
‘‘உபவிஜஞ்ஞா க³ச்ச²ந்தீ, அத்³த³ஸாஹங் பதிங் மதங்;
பந்த²ம்ஹி விஜாயித்வான, அப்பத்தாவ ஸகங் க⁴ரங்.
219.
‘‘த்³வே புத்தா காலகதா, பதீ ச பந்தே² மதோ கபணிகாய;
மாதா பிதா ச பா⁴தா, ட³ய்ஹந்தி ச ஏகசிதகாயங்.
220.
‘‘கீ²ணகுலீனே கபணே, அனுபூ⁴தங் தே து³க²ங் அபரிமாணங்;
அஸ்ஸூ ச தே பவத்தங், ப³ஹூனி ச ஜாதிஸஹஸ்ஸானி.
221.
‘‘வஸிதா ஸுஸானமஜ்ஜே², அதோ²பி கா²தி³தானி புத்தமங்ஸானி;
ஹதகுலிகா
222.
‘‘பா⁴விதோ மே மக்³கோ³, அரியோ அட்ட²ங்கி³கோ அமதகா³மீ;
நிப்³பா³னங் ஸச்சி²கதங், த⁴ம்மாதா³ஸங் அவெக்கி²ங்ஹங்
223.
‘‘அஹமம்ஹி கந்தஸல்லா, ஓஹிதபா⁴ரா கதஞ்ஹி கரணீயங்;
கிஸா கோ³தமீ தே²ரீ, விமுத்தசித்தா இமங் ப⁴ணீ’’தி.
… கிஸா கோ³தமீ தே²ரீ….
ஏகாத³ஸனிபாதோ நிட்டி²தோ.