14. துவட்டகஸுத்தனித்³தே³ஸோ
அத²
150.
புச்சா²மி தங் ஆதி³ச்சப³ந்து⁴, விவேகங் ஸந்திபத³ஞ்ச மஹேஸி ;
கத²ங் தி³ஸ்வா நிப்³பா³தி பி⁴க்கு², அனுபாதி³யானோ லோகஸ்மிங் கிஞ்சி.
புச்சா²மி தங் ஆதி³ச்சப³ந்தூ⁴தி. புச்சா²தி திஸ்ஸோ புச்சா² – அதி³ட்ட²ஜோதனா புச்சா², தி³ட்ட²ஸங்ஸந்த³னா புச்சா², விமதிச்சே²த³னா புச்சா². கதமா அதி³ட்ட²ஜோதனா புச்சா²? பகதியா லக்க²ணங் அஞ்ஞாதங் ஹோதி அதி³ட்ட²ங் அதுலிதங் அதீரிதங் அவிபூ⁴தங் அவிபா⁴விதங், தஸ்ஸ ஞாணாய த³ஸ்ஸனாய துலனாய தீரணாய விபா⁴வனாய பஞ்ஹங் புச்ச²தி – அயங் அதி³ட்ட²ஜோதனா புச்சா². கதமா தி³ட்ட²ஸங்ஸந்த³னா புச்சா²? பகதியா லக்க²ணங் ஞாதங் ஹோதி தி³ட்ட²ங் துலிதங் தீரிதங் விபூ⁴தங் விபா⁴விதங், அஞ்ஞேஹி பண்டி³தேஹி ஸத்³தி⁴ங் ஸங்ஸந்த³னத்தா²ய பஞ்ஹங் புச்ச²தி – அயங் தி³ட்ட²ஸங்ஸந்த³னா புச்சா². கதமா விமதிச்சே²த³னா புச்சா²? பகதியா ஸங்ஸயபக்க²ந்தோ³
அபராபி
அபராபி
புச்சா²மி தந்தி புச்சா²மி தங் யாசாமி தங் அஜ்ஜே²ஸாமி தங் பஸாதே³மி தங், ‘‘கத²யஸ்ஸு மே’’தி – புச்சா²மி தங். ஆதி³ச்சப³ந்தூ⁴தி. ஆதி³ச்சோ வுச்சதி ஸூரியோ
விவேகங் ஸந்திபத³ஞ்ச மஹேஸீதி. விவேகாதி தயோ விவேகா – காயவிவேகோ
கதமோ சித்தவிவேகோ? பட²மங் ஜா²னங் ஸமாபன்னஸ்ஸ நீவரணேஹி சித்தங் விவித்தங் ஹோதி, து³தியங் ஜா²னங் ஸமாபன்னஸ்ஸ விதக்கவிசாரேஹி சித்தங் விவித்தங் ஹோதி, ததியங் ஜா²னங் ஸமாபன்னஸ்ஸ பீதியா சித்தங் விவித்தங் ஹோதி, சதுத்த²ங் ஜா²னங் ஸமாபன்னஸ்ஸ ஸுக²து³க்கே²ஹி சித்தங் விவித்தங் ஹோதி, ஆகாஸானஞ்சாயதனங் ஸமாபன்னஸ்ஸ ரூபஸஞ்ஞாய படிக⁴ஸஞ்ஞாய நானத்தஸஞ்ஞாய சித்தங் விவித்தங் ஹோதி, விஞ்ஞாணஞ்சாயதனங் ஸமாபன்னஸ்ஸ ஆகாஸானஞ்சாயதனஸஞ்ஞாய சித்தங் விவித்தங் ஹோதி, ஆகிஞ்சஞ்ஞாயதனங்
கதமோ உபதி⁴விவேகோ? உபதி⁴ வுச்சதி கிலேஸா ச க²ந்தா⁴ ச அபி⁴ஸங்கா²ரா ச. உபதி⁴விவேகோ வுச்சதி அமதங் நிப்³பா³னங். யோ ஸோ ஸப்³ப³ஸங்கா²ரஸமதோ² ஸப்³பூ³பதி⁴படினிஸ்ஸக்³கோ³ தண்ஹக்க²யோ விராகோ³ நிரோதோ⁴ நிப்³பா³னங் – அயங் உபதி⁴விவேகோ. காயவிவேகோ ச விவேகட்ட²காயானங் ஸந்தீதி ஏகேன ஆகாரேன ஸந்திபி ஸந்திபத³ம்பி தங்யேவ அமதங் நிப்³பா³னங், யோ ஸோ ஸப்³ப³ஸங்கா²ரஸமதோ² ஸப்³பூ³பதி⁴படினிஸ்ஸக்³கோ³ தண்ஹக்க²யோ விராகோ³ நிரோதோ⁴ நிப்³பா³னங். வுத்தஞ்ஹேதங் ப⁴க³வதா – ‘‘ஸந்தமேதங் பத³ங், பணீதமேதங் பத³ங், யதி³த³ங் ஸப்³ப³ஸங்கா²ரஸமதோ² ஸப்³பூ³பதி⁴படினிஸ்ஸக்³கோ³ தண்ஹக்க²யோ விராகோ³ நிரோதோ⁴ நிப்³பா³ன’’ந்தி. அத² அபரேன
மஹேஸீதி மஹேஸி ப⁴க³வா. மஹந்தங் ஸீலக்க²ந்த⁴ங் ஏஸீ க³வேஸீ பரியேஸீதி மஹேஸி, மஹந்தங் ஸமாதி⁴க்க²ந்த⁴ங்…பே॰… மஹந்தங் பஞ்ஞாக்க²ந்த⁴ங்… மஹந்தங் விமுத்திக்க²ந்த⁴ங்… மஹந்தங் விமுத்திஞாணத³ஸ்ஸனக்க²ந்த⁴ங் ஏஸீ க³வேஸீ பரியேஸீதி மஹேஸி; மஹதோ தமோகாயஸ்ஸ பதா³லனங், மஹதோ விபல்லாஸஸ்ஸ பே⁴த³னங், மஹதோ தண்ஹாஸல்லஸ்ஸ அப்³ப³ஹனங்
கத²ங் தி³ஸ்வா நிப்³பா³தி பி⁴க்கூ²தி. கத²ங் தி³ஸ்வா பஸ்ஸித்வா துலயித்வா பி⁴க்கூ²தி புது²ஜ்ஜனகல்யாணகோ வா பி⁴க்கு² ஸேகோ² வா பி⁴க்கூ²தி – கத²ங் தி³ஸ்வா நிப்³பா³தி பி⁴க்கு².
அனுபாதி³யானோ லோகஸ்மிங் கிஞ்சீதி. சதூஹி உபாதா³னேஹி அனுபாதி³யமானோ அக³ண்ஹயமானோ அபராமஸமானோ அனபி⁴னிவிஸமானோ. லோகஸ்மிந்தி அபாயலோகே மனுஸ்ஸலோகே தே³வலோகே, க²ந்த⁴லோகே தா⁴துலோகே ஆயதனலோகே. கிஞ்சீதி கிஞ்சி ரூபக³தங் வேத³னாக³தங் ஸஞ்ஞாக³தங் ஸங்கா²ரக³தங் விஞ்ஞாணக³தந்தி – அனுபாதி³யானோ லோகஸ்மிங் கிஞ்சி.
தேனாஹ ஸோ நிம்மிதோ –
‘‘புச்சா²மி தங் ஆதி³ச்சப³ந்து⁴, விவேகங் ஸந்திபத³ஞ்ச மஹேஸி;
கத²ங் தி³ஸ்வா நிப்³பா³தி பி⁴க்கு², அனுபாதி³யானோ லோகஸ்மிங் கிஞ்சீ’’தி.
151.
மூலங் பபஞ்சஸங்கா²ய, [இதி ப⁴க³வா]
மந்தா அஸ்மீதி ஸப்³ப³முபருந்தே⁴ ;
யா காசி தண்ஹா அஜ்ஜ²த்தங், தாஸங் வினயா ஸதா³ ஸதோ ஸிக்கே².
மூலங் பபஞ்சஸங்கா²ய, [இதி ப⁴க³வா] மந்தா அஸ்மீதி ஸப்³ப³முபருந்தே⁴தி. பபஞ்சாயேவ பபஞ்சஸங்கா². தண்ஹாபபஞ்சஸங்கா² தி³ட்டி²பபஞ்சஸங்கா². கதமங் தண்ஹாபபஞ்சஸ்ஸ மூலங்? அவிஜ்ஜாமூலங், அயோனிஸோமனஸிகாரோ
ப⁴க³வாதி கா³ரவாதி⁴வசனங். அபி ச ப⁴க்³க³ராகோ³தி ப⁴க³வா, ப⁴க்³க³தோ³ஸோதி ப⁴க³வா, ப⁴க்³க³மோஹோதி ப⁴க³வா, ப⁴க்³க³மானோதி ப⁴க³வா, ப⁴க்³க³தி³ட்டீ²தி ப⁴க³வா, ப⁴க்³க³கண்ட³கோதி ப⁴க³வா, ப⁴க்³க³கிலேஸோதி ப⁴க³வா, ப⁴ஜி விப⁴ஜி பவிப⁴ஜி த⁴ம்மரதனந்தி ப⁴க³வா, ப⁴வானங் அந்தகரோதி ப⁴க³வா, பா⁴விதகாயோ பா⁴விதஸீலோ பா⁴விதசித்தோ பா⁴விதபஞ்ஞோதி ப⁴க³வா; பா⁴கீ³ வா ப⁴க³வா
மந்தா அஸ்மீதி ஸப்³ப³முபருந்தே⁴தி. மந்தா வுச்சதி பஞ்ஞா. யா பஞ்ஞா அஸ்மீதி ரூபே அஸ்மீதி மானோ அஸ்மீதி ச²ந்தோ³ அஸ்மீதி அனுஸயோ; வேத³னாய… ஸஞ்ஞாய… ஸங்கா²ரேஸு… விஞ்ஞாணே அஸ்மீதி மானோ அஸ்மீதி ச²ந்தோ³ அஸ்மீதி அனுஸயோதி. மூலங் பபஞ்சஸங்கா²ய இதி ப⁴க³வா. மந்தா அஸ்மீதி ஸப்³ப³முபருந்தே⁴தி. பபஞ்சஸங்கா²ய மூலஞ்ச அஸ்மிமானஞ்ச மந்தாய ஸப்³ப³ங் ருந்தெ⁴ய்ய உபருந்தெ⁴ய்ய நிரோதெ⁴ய்ய வூபஸமெய்ய அத்த²ங்க³மெய்ய
யா காசி தண்ஹா அஜ்ஜ²த்தந்தி. யா காசீதி ஸப்³பே³ன ஸப்³ப³ங் ஸப்³ப³தா² ஸப்³ப³ங் அஸேஸங் நிஸ்ஸேஸங் பரியாதி³யனவசனமேதங் – யா காசீதி. தண்ஹாதி ரூபதண்ஹா…பே॰… த⁴ம்மதண்ஹா. அஜ்ஜ²த்தந்தி அஜ்ஜ²த்தஸமுட்டா²னா வா அஜ்ஜ²த்திகங் வுச்சதி சித்தங். யங் சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜா மனோவிஞ்ஞாணதா⁴து. சித்தேன ஸா தண்ஹா ஸஹக³தா ஸஹஜாதா ஸங்ஸட்டா² ஸம்பயுத்தா ஏகுப்பாதா³ ஏகனிரோதா⁴ ஏகவத்து²கா ஏகாரம்மணாதிபி அஜ்ஜ²த்தந்தி – யா காசி தண்ஹா அஜ்ஜ²த்தங்.
தாஸங் வினயா ஸதா³ ஸதோ ஸிக்கே²தி. ஸதா³தி ஸதா³ ஸப்³ப³தா³ ஸதோதி சதூஹி காரணேஹி ஸதோ – காயே காயானுபஸ்ஸனாஸதிபட்டா²னங் பா⁴வெந்தோ ஸதோ, வேத³னாஸு…பே॰… சித்தே…பே॰… த⁴ம்மேஸு த⁴ம்மானுபஸ்ஸனாஸதிபட்டா²னங் பா⁴வெந்தோ ஸதோ. அபரேஹிபி சதூஹி காரணேஹி ஸதோ – அஸதி பரிவஜ்ஜனாய ஸதோ, ஸதிகரணீயானங் த⁴ம்மானங் கதத்தா ஸதோ, ஸதிபடிபக்கா²னங் த⁴ம்மானங் ஹதத்தா ஸதோ, ஸதினிமித்தானங் அஸம்முட்ட²த்தா ஸதோ. அபரேஹிபி சதூஹி காரணேஹி ஸதோ – ஸதியா ஸமன்னாக³தத்தா ஸதோ, ஸதியா வஸிதத்தா ஸதோ, ஸதியா பாகு³ஞ்ஞதாய ஸதோ, ஸதியா அபச்சோரோஹனதாய ஸதோ. அபரேஹிபி சதூஹி காரணேஹி ஸதோ – ஸத்தத்தா ஸதோ, ஸந்தத்தா ஸதோ, ஸமிதத்தா ஸதோ, ஸந்தத⁴ம்மஸமன்னாக³தத்தா ஸதோ. பு³த்³தா⁴னுஸ்ஸதியா ஸதோ, த⁴ம்மானுஸ்ஸதியா ஸதோ, ஸங்கா⁴னுஸ்ஸதியா ஸதோ, ஸீலானுஸ்ஸதியா ஸதோ, சாகா³னுஸ்ஸதியா ஸதோ, தே³வதானுஸ்ஸதியா ஸதோ, ஆனாபானஸ்ஸதியா ஸதோ, மரணஸ்ஸதியா ஸதோ, காயக³தாஸதியா ஸதோ, உபஸமானுஸ்ஸதியா ஸதோ. யா ஸதி அனுஸ்ஸதி படிஸ்ஸதி, ஸதி ஸரணதா தா⁴ரணதா அபிலாபனதா அஸம்முஸ்ஸனதா, ஸதி ஸதிந்த்³ரியங் ஸதிப³லங் ஸம்மாஸதி ஸதிஸம்பொ³ஜ்ஜ²ங்கோ³ ஏகாயனமக்³கோ³ – அயங் வுச்சதி ஸதி. இமாய ஸதியா உபேதோ ஸமுபேதோ, உபக³தோ ஸமுபக³தோ, உபபன்னோ ஸமுபபன்னோ, ஸமன்னாக³தோ ஸோ வுச்சதி ஸதோ.
ஸிக்கே²தி
கதமா அதி⁴சித்தஸிக்கா²? இத⁴ பி⁴க்கு² விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி. விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹரதி. பீதியா ச விராகா³ உபெக்க²கோ ச விஹரதி ஸதோ ச ஸம்பஜானோ ஸுக²ஞ்ச காயேன படிஸங்வேதே³தி, யங் தங் அரியா ஆசிக்க²ந்தி ‘‘உபெக்க²கோ ஸதிமா ஸுக²விஹாரீ’’தி ததியங் ஜா²னங் உபஸம்பஜ்ஜ விஹரதி. ஸுக²ஸ்ஸ ச பஹானா து³க்க²ஸ்ஸ ச பஹானா புப்³பே³வ ஸோமனஸ்ஸதோ³மனஸ்ஸானங் அத்த²ங்க³மா அது³க்க²மஸுக²ங் உபெக்கா²ஸதிபாரிஸுத்³தி⁴ங் சதுத்த²ங் ஜா²னங் உபஸம்பஜ்ஜ விஹரதி – அயங் அதி⁴சித்தஸிக்கா².
கதமா அதி⁴பஞ்ஞாஸிக்கா²? இத⁴ பி⁴க்கு² பஞ்ஞவா ஹோதி, உத³யத்த²கா³மினியா பஞ்ஞாய ஸமன்னாக³தோ அரியாய நிப்³பே³தி⁴காய ஸம்மாது³க்க²க்க²யகா³மினியா. ஸோ இத³ங் து³க்க²ந்தி யதா²பூ⁴தங் பஜானாதி, அயங் து³க்க²ஸமுத³யோதி யதா²பூ⁴தங் பஜானாதி, அயங் து³க்க²னிரோதோ⁴தி யதா²பூ⁴தங் பஜானாதி
தாஸங் வினயா ஸதா³ ஸதோ ஸிக்கே²தி. தாஸங் தண்ஹானங் வினயாய படிவினயாய பஹானாய வூபஸமாய படினிஸ்ஸக்³கா³ய படிபஸ்ஸத்³தி⁴யா அதி⁴ஸீலம்பி ஸிக்கெ²ய்ய, அதி⁴சித்தம்பி ஸிக்கெ²ய்ய, அதி⁴பஞ்ஞம்பி ஸிக்கெ²ய்ய; இமா திஸ்ஸோ ஸிக்கா²யோ ஆவஜ்ஜந்தோ ஸிக்கெ²ய்ய, பஜானந்தோ ஸிக்கெ²ய்ய, பஸ்ஸந்தோ
தேனாஹ
‘‘மூலங் பபஞ்சஸங்கா²ய, [இதி ப⁴க³வா]
மந்தா அஸ்மீதி ஸப்³ப³முபருந்தே⁴;
யா காசி தண்ஹா அஜ்ஜ²த்தங், தாஸங் வினயா ஸதா³ ஸதோ ஸிக்கே²’’தி.
152.
யங் கிஞ்சி த⁴ம்மமபி⁴ஜஞ்ஞா, அஜ்ஜ²த்தங் அத² வாபி ப³ஹித்³தா⁴;
ந தேன தா²மங் குப்³பே³த², ந ஹி ஸா நிப்³பு³தி ஸதங் வுத்தா.
யங் கிஞ்சி த⁴ம்மமபி⁴ஜஞ்ஞா அஜ்ஜ²த்தந்தி. யங் கிஞ்சி அத்தனோ கு³ணங் ஜானெய்ய குஸலே வா த⁴ம்மே அப்³யாகதே வா த⁴ம்மே. கதமே அத்தனோ கு³ணா? உச்சா குலா பப்³ப³ஜிதோ வா அஸ்ஸங் அத² வாபி ப³ஹித்³தா⁴தி. உபஜ்ஜா²யஸ்ஸ வா ஆசரியஸ்ஸ வா தே கு³ணா அஸ்ஸூதி
ந தேன தா²மங் குப்³பே³தா²தி. அத்தனோ வா கு³ணேன பரேஸங் வா கு³ணேன தா²மங் ந கரெய்ய, த²ம்ப⁴ங் ந கரெய்ய, மானங் ந கரெய்ய, உன்னதிங் ந கரெய்ய, உன்னமங் ந கரெய்ய, ந தேன மானங் ஜனெய்ய, ந தேன த²த்³தோ⁴ அஸ்ஸ பத்த²த்³தோ⁴ பக்³க³ஹிதஸிரோதி – ந தேன தா²மங் குப்³பே³த².
ந ஹி ஸா நிப்³பு³தி ஸதங் வுத்தாதி. ஸதானங் ஸந்தானங் ஸப்புரிஸானங் பு³த்³தா⁴னங் பு³த்³த⁴ஸாவகானங் பச்சேகபு³த்³தா⁴னங் ஸா நிப்³பு³தீதி ந வுத்தா ந பவுத்தா ந ஆசிக்கி²தா ந தே³ஸிதா ந பஞ்ஞபிதா
தேனாஹ ப⁴க³வா –
‘‘யங் கிஞ்சி த⁴ம்மமபி⁴ஜஞ்ஞா, அஜ்ஜ²த்தங் அத² வாபி ப³ஹித்³தா⁴;
ந தேன தா²மங் குப்³பே³த², ந ஹி ஸா நிப்³பு³தி ஸதங் வுத்தா’’தி.
153.
ஸெய்யோ ந தேன மஞ்ஞெய்ய, நீசெய்யோ அத² வாபி ஸரிக்கோ²;
பு²ட்டோ² அனேகரூபேஹி, நாதுமானங் விகப்பயங் திட்டே².
ஸெய்யோ ந தேன மஞ்ஞெய்யாதி. ‘‘ஸெய்யோஹமஸ்மீ’’தி அதிமானங் ந ஜனெய்ய ஜாதியா வா கொ³த்தேன வா கோலபுத்தியேன வா வண்ணபொக்க²ரதாய
நீசெய்யோ அத² வாபி ஸரிக்கோ²தி. ‘‘ஹீனோஹமஸ்மீ’’தி ஓமானங் ந ஜனெய்ய ஜாதியா வா கொ³த்தேன வா…பே॰… அஞ்ஞதரஞ்ஞதரேன வா வத்து²னா. ‘‘ஸதி³ஸோஹமஸ்மீ’’தி மானங் ந ஜனெய்ய ஜாதியா வா கொ³த்தேன வா கோலபுத்தியேன வா வண்ணபொக்க²ரதாய வா த⁴னேன வா அஜ்ஜே²னேன வா கம்மாயதனேன வா ஸிப்பாயதனேன வா விஜ்ஜாட்டா²னேன வா ஸுதேன வா படிபா⁴னேன வா அஞ்ஞதரஞ்ஞதரேன வா வத்து²னாதி – நீசெய்யோ அத² வாபி ஸரிக்கோ².
பு²ட்டோ² அனேகரூபேஹீதி. அனேகவிதே⁴ஹி ஆகாரேஹி பு²ட்டோ² பரேதோ ஸமோஹிதோ ஸமன்னாக³தோதி – பு²ட்டோ² அனேகரூபேஹி.
நாதுமானங் விகப்பயங் திட்டே²தி. ஆதுமா வுச்சதி அத்தா. அத்தானங் கப்பெந்தோ விகப்பெந்தோ விகப்பங் ஆபஜ்ஜந்தோ ந திட்டெ²ய்யாதி – நாதுமானங் விகப்பயங் திட்டே².
தேனாஹ ப⁴க³வா –
‘‘ஸெய்யோ
பு²ட்டோ² அனேகரூபேஹி, நாதுமானங் விகப்பயங் திட்டே²’’தி.
154.
அஜ்ஜ²த்தமேவுபஸமே , ந அஞ்ஞதோ பி⁴க்கு² ஸந்திமேஸெய்ய;
அஜ்ஜ²த்தங் உபஸந்தஸ்ஸ, நத்தி² அத்தா குதோ நிரத்தா வா.
அஜ்ஜ²த்தமேவுபஸமேதி. அஜ்ஜ²த்தங் ராக³ங் ஸமெய்ய, தோ³ஸங் ஸமெய்ய, மோஹங் ஸமெய்ய, கோத⁴ங்…பே॰… உபனாஹங்… மக்க²ங்… பளாஸங்… இஸ்ஸங்… மச்ச²ரியங்… மாயங்… ஸாடெ²ய்யங்… த²ம்ப⁴ங்… ஸாரம்ப⁴ங்
ந அஞ்ஞதோ பி⁴க்கு² ஸந்திமேஸெய்யாதி. அஞ்ஞதோ அஸுத்³தி⁴மக்³கே³ன, மிச்சா²படிபதா³ய, அனிய்யானபதேன, அஞ்ஞத்ர ஸதிபட்டா²னேஹி, அஞ்ஞத்ர ஸம்மப்பதா⁴னேஹி, அஞ்ஞத்ர இத்³தி⁴பாதே³ஹி, அஞ்ஞத்ர இந்த்³ரியேஹி, அஞ்ஞத்ர ப³லேஹி, அஞ்ஞத்ர பொ³ஜ்ஜ²ங்கே³ஹி, அஞ்ஞத்ர அரியா அட்ட²ங்கி³கா மக்³கா³ ஸந்திங் உபஸந்திங் வூபஸந்திங் நிப்³பு³திங் படிபஸ்ஸத்³தி⁴ங் ந ஏஸெய்ய ந க³வேஸெய்ய ந பரியேஸெய்யாதி – ந அஞ்ஞதோ பி⁴க்கு² ஸந்திமேஸெய்ய.
அஜ்ஜ²த்தங் உபஸந்தஸ்ஸாதி. அஜ்ஜ²த்தங் ராக³ங் ஸந்தஸ்ஸ, தோ³ஸங் ஸந்தஸ்ஸ, மோஹங் ஸந்தஸ்ஸ…பே॰… ஸப்³பா³குஸலாபி⁴ஸங்கா²ரே ஸந்தஸ்ஸ உபஸந்தஸ்ஸ வூபஸந்தஸ்ஸ நிப்³பு³தஸ்ஸ படிபஸ்ஸத்³தி⁴யாதி – அஜ்ஜ²த்தங் உபஸந்தஸ்ஸ.
நத்தி² அத்தா குதோ நிரத்தா வாதி. நத்தீ²தி படிக்கே²போ. அத்தாதி அத்ததி³ட்டி² நத்தி²; நிரத்தாதி உச்சே²த³தி³ட்டி² நத்தி². அத்தாதி க³ஹிதங் நத்தி²; நிரத்தாதி முஞ்சிதப்³ப³ங் நத்தி². யஸ்ஸத்தி² க³ஹிதங், தஸ்ஸத்தி² முஞ்சிதப்³ப³ங். தஸ்ஸ க³ஹிதங் கா³ஹங்
தேனாஹ ப⁴க³வா –
‘‘அஜ்ஜ²த்தமேவுபஸமே, ந அஞ்ஞதோ பி⁴க்கு² ஸந்திமேஸெய்ய;
அஜ்ஜ²த்தங் உபஸந்தஸ்ஸ, நத்தி² அத்தா குதோ நிரத்தா வா’’தி.
155.
மஜ்ஜே² யதா² ஸமுத்³த³ஸ்ஸ, ஊமி நோ ஜாயதீ டி²தோ ஹோதி;
ஏவங் டி²தோ அனேஜஸ்ஸ, உஸ்ஸத³ங் பி⁴க்கு² ந கரெய்ய குஹிஞ்சி.
மஜ்ஜே² யதா² ஸமுத்³த³ஸ்ஸ, ஊமி நோ ஜாயதீ டி²தோ ஹோதீதி. ஸமுத்³தோ³ சதுராஸீதியோஜனஸஹஸ்ஸானி உப்³பே³தே⁴ன க³ம்பீ⁴ரோ. ஹெட்டா² சத்தாரீஸயோஜனஸஹஸ்ஸானி
அத² வா ஸத்தன்னங் பப்³ப³தானங் அந்தரிகாஸு ஸத்தஸீத³ந்தரா மஹாஸமுத்³தா³.
ஏவங் டி²தோ அனேஜஸ்ஸாதி. ஏவந்தி ஓபம்மஸம்படிபாத³னங். டி²தோதி லாபே⁴பி ந கம்பதி, அலாபே⁴பி ந கம்பதி, யஸேபி ந கம்பதி, அயஸேபி ந கம்பதி, பஸங்ஸாயபி ந கம்பதி, நிந்தா³யபி ந கம்பதி, ஸுகே²பி ந கம்பதி, து³க்கே²பி ந கம்பதி ந விகம்பதி ந சலதி ந வேத⁴தி நப்பவேத⁴தி ந ஸம்பவேத⁴தீதி – ஏவங் டி²தோ. அனேஜஸ்ஸாதி ஏஜா வுச்சதி தண்ஹா. யோ ராகோ³
உஸ்ஸத³ங் பி⁴க்கு² ந கரெய்ய குஹிஞ்சீதி. உஸ்ஸதா³தி ஸத்துஸ்ஸதா³ – ராகு³ஸ்ஸத³ங் குஹிஞ்சீதி குஹிஞ்சி கிஸ்மிஞ்சி கத்த²சி அஜ்ஜ²த்தங் வா ப³ஹித்³தா⁴ வா அஜ்ஜ²த்தப³ஹித்³தா⁴ வாதி – உஸ்ஸத³ங் பி⁴க்கு² ந கரெய்ய குஹிஞ்சி.
தேனாஹ ப⁴க³வா –
‘‘மஜ்ஜே² யதா² ஸமுத்³த³ஸ்ஸ, ஊமி நோ ஜாயதீ டி²தோ ஹோதி;
ஏவங் டி²தோ அனேஜஸ்ஸ, உஸ்ஸத³ங் பி⁴க்கு² ந கரெய்ய குஹிஞ்சீ’’தி.
156.
அகித்தயீ விவடசக்கு², ஸக்கி²த⁴ம்மங் பரிஸ்ஸயவினயங்;
படிபத³ங் வதே³ஹி ப⁴த்³த³ந்தே, பாதிமொக்க²ங் அத² வாபி ஸமாதி⁴ங்.
அகித்தயீ விவடசக்கூ²தி. அகித்தயீதி கித்திதங் ஆசிக்கி²தங் தே³ஸிதங் பஞ்ஞபிதங் பட்ட²பிதங் விவடங் விப⁴த்தங் உத்தானீகதங் பகாஸிதந்தி விவடசக்கூ²தி ப⁴க³வா பஞ்சஹி சக்கூ²ஹி விவடசக்கு² – மங்ஸசக்கு²னாபி விவடசக்கு², தி³ப்³பே³ன சக்கு²னாபி விவடசக்கு², பஞ்ஞாசக்கு²னாபி விவடசக்கு², பு³த்³த⁴சக்கு²னாபி விவடசக்கு², ஸமந்தசக்கு²னாபி விவடசக்கு².
கத²ங் ப⁴க³வா மங்ஸசக்கு²னாபி விவடசக்கு²? மங்ஸசக்கு²ம்ஹிபி ப⁴க³வதோ பஞ்ச வண்ணா ஸங்விஜ்ஜந்தி – நீலோ ச வண்ணோ, பீதகோ ச வண்ணோ, லோஹிதகோ ச
கத²ங் ப⁴க³வா தி³ப்³பே³ன சக்கு²னாபி விவடசக்கு²? ப⁴க³வா தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே. யதா²கம்மூபகே³ ஸத்தே பஜானாதி – ‘‘இமே வத பொ⁴ந்தோ ஸத்தா காயது³ச்சரிதேன ஸமன்னாக³தா வசீது³ச்சரிதேன ஸமன்னாக³தா மனோது³ச்சரிதேன ஸமன்னாக³தா அரியானங் உபவாத³கா மிச்சா²தி³ட்டி²கா மிச்சா²தி³ட்டி²கம்மஸமாதா³னா
கத²ங் ப⁴க³வா பஞ்ஞாசக்கு²னாபி விவடசக்கு²? ப⁴க³வா மஹாபஞ்ஞோ புது²பஞ்ஞோ ஹாஸபஞ்ஞோ ஜவனபஞ்ஞோ திக்க²பஞ்ஞோ நிப்³பே³தி⁴கபஞ்ஞோ பஞ்ஞாபபே⁴த³குஸலோ பபி⁴ன்னஞாணோ அதி⁴க³தபடிஸம்பி⁴தோ³ சதுவேஸாரஜ்ஜப்பத்தோ த³ஸப³லதா⁴ரீ புரிஸாஸபோ⁴ புரிஸஸீஹோ புரிஸனாகோ³ புரிஸாஜஞ்ஞோ புரிஸதோ⁴ரய்ஹோ அனந்தஞாணோ அனந்ததேஜோ அனந்தயஸோ அட்³டோ⁴ மஹத்³த⁴னோ த⁴னவா நேதா வினேதா அனுனேதா பஞ்ஞாபேதா அனிஜ்ஜா²பேதா பெக்கே²தா பஸாதே³தா. ஸோ ஹி ப⁴க³வா அனுப்பன்னஸ்ஸ மக்³க³ஸ்ஸ உப்பாதே³தா, அஸஞ்ஜாதஸ்ஸ மக்³க³ஸ்ஸ ஸஞ்ஜனேதா, அனக்கா²தஸ்ஸ மக்³க³ஸ்ஸ அக்கா²தா, மக்³க³ஞ்ஞூ மக்³க³விதூ³ மக்³க³கோவிதோ³ மக்³கா³னுகா³ ச பன ஏதரஹி ஸாவகா விஹரந்தி பச்சா² ஸமன்னாக³தா.
ஸோ
ஸப்³ப³ங் காயகம்மங் பு³த்³த⁴ஸ்ஸ ப⁴க³வதோ ஞாணானுபரிவத்தி ஸப்³ப³ங் வசீகம்மங்… ஸப்³ப³ங் மனோகம்மங்… அதீதே பு³த்³த⁴ஸ்ஸ ப⁴க³வதோ அப்படிஹதங் ஞாணங், அனாக³தே பச்சுப்பன்னே அப்படிஹதங் ஞாணங். யாவதகங் நெய்யங் தாவதகங் ஞாணங், யாவதகங் ஞாணங் தாவதகங் நெய்யங்; நெய்யபரியந்திகங் ஞாணங் ஞாணபரியந்திகங் நெய்யங், நெய்யங் அதிக்கமித்வா ஞாணங் நப்பவத்ததி, ஞாணங் அதிக்கமித்வா நெய்யபதோ² நத்தி². அஞ்ஞமஞ்ஞபரியந்தட்டா²யினோ தே த⁴ம்மா. யதா² த்³வின்னங் ஸமுக்³க³படலானங் ஸம்மாபு²ஸிதானங் ஹெட்டி²மங் ஸமுக்³க³படலங் உபரிமங் நாதிவத்ததி, உபரிமங் ஸமுக்³க³படலங் ஹெட்டி²மங் நாதிவத்ததி, அஞ்ஞமஞ்ஞபரியந்தட்டா²யினோ; ஏவமேவ பு³த்³த⁴ஸ்ஸ
ஸப்³ப³த⁴ம்மேஸு பு³த்³த⁴ஸ்ஸ ப⁴க³வதோ ஞாணங் பவத்ததி. ஸப்³பே³ த⁴ம்மா பு³த்³த⁴ஸ்ஸ ப⁴க³வதோ ஆவஜ்ஜனபடிப³த்³தா⁴ ஆகங்க²படிப³த்³தா⁴ மனஸிகாரபடிப³த்³தா⁴ சித்துப்பாத³படிப³த்³தா⁴. ஸப்³ப³ஸத்தேஸு பு³த்³த⁴ஸ்ஸ ப⁴க³வதோ ஞாணங் பவத்ததி. ஸப்³பே³ஸங் ஸத்தானங் ப⁴க³வா ஆஸயங் ஜானாதி, அனுஸயங் ஜானாதி, சரிதங் ஜானாதி, அதி⁴முத்திங் ஜானாதி, அப்பரஜக்கே² மஹாரஜக்கே² திக்கி²ந்த்³ரியே முதி³ந்த்³ரியே ஸ்வாகாரே த்³வாகாரே ஸுவிஞ்ஞாபயே து³விஞ்ஞாபயே ப⁴ப்³பா³ப⁴ப்³பே³ ஸத்தே பஜானாதி. ஸதே³வகோ லோகோ ஸமாரகோ ஸப்³ரஹ்மகோ ஸஸ்ஸமணப்³ராஹ்மணீ பஜா ஸதே³வமனுஸ்ஸா அந்தோபு³த்³த⁴ஞாணே பரிவத்ததி
யதா² யே கேசி மச்ச²கச்ச²பா அந்தமஸோ திமிதிமிங்க³லங் உபாதா³ய அந்தோமஹாஸமுத்³தே³ பரிவத்தந்தி; ஏவமேவ ஸதே³வகோ லோகோ ஸமாரகோ ஸப்³ரஹ்மகோ ஸஸ்ஸமணப்³ராஹ்மணீ பஜா ஸதே³வமனுஸ்ஸா
கத²ங் ப⁴க³வா பு³த்³த⁴சக்கு²னாபி விவடசக்கு²? ப⁴க³வா பு³த்³த⁴சக்கு²னா லோகங் வோலோகெந்தோ அத்³த³ஸ ஸத்தே அப்பரஜக்கே² மஹாரஜக்கே² திக்கி²ந்த்³ரியே முதி³ந்த்³ரியே ஸ்வாகாரே த்³வாகாரே ஸுவிஞ்ஞாபயே து³விஞ்ஞாபயே அப்பேகச்சே பரலோகவஜ்ஜப⁴யத³ஸ்ஸாவினோ விஹரந்தே, அப்பேகச்சே ந பரலோகவஜ்ஜப⁴யத³ஸ்ஸாவினோ விஹரந்தே. ஸெய்யதா²பி நாம உப்பலினியங் வா பது³மினியங் வா புண்ட³ரீகினியங் வா அப்பேகச்சானி உப்பலானி வா பது³மானி வா புண்ட³ரீகானி வா உத³கே ஜாதானி உத³கே ஸங்வட்³டா⁴னி உத³கா அனுக்³க³தானி அந்தோனிமுக்³க³போஸீனி, அப்பேகச்சானி உப்பலானி வா பது³மானி வா புண்ட³ரீகானி வா உத³கே ஜாதானி உத³கே ஸங்வட்³டா⁴னி ஸமோத³கங் டி²தானி, அப்பேகச்சானி உப்பலானி வா பது³மானி வா புண்ட³ரீகானி வா உத³கே ஜாதானி உத³கே ஸங்வட்³டா⁴னி உத³கா அச்சுக்³க³ம்ம திட்ட²ந்தி அனுபலித்தானி உத³கேன; ஏவமேவ ப⁴க³வா பு³த்³த⁴சக்கு²னா லோகங் வோலோகெந்தோ அத்³த³ஸ ஸத்தே அப்பரஜக்கே² மஹாரஜக்கே² திக்கி²ந்த்³ரியே முதி³ந்த்³ரியே ஸ்வாகாரே த்³வாகாரே ஸுவிஞ்ஞாபயே து³விஞ்ஞாபயே அப்பேகச்சே பரலோகவஜ்ஜப⁴யத³ஸ்ஸாவினோ
‘‘ஸேலே
ததூ²பமங் த⁴ம்மமயங் ஸுமேத⁴, பாஸாத³மாருய்ஹ ஸமந்தசக்கு²;
ஸோகாவதிண்ணங் ஜனதமபேதஸோகோ, அவெக்க²ஸ்ஸு ஜாதிஜராபி⁴பூ⁴த’’ந்தி.
ஏவங் ப⁴க³வா பு³த்³த⁴சக்கு²னாபி விவடசக்கு².
கத²ங் ப⁴க³வா ஸமந்தசக்கு²னாபி விவடசக்கு²? ஸமந்தசக்கு² வுச்சதி ஸப்³ப³ஞ்ஞுதஞாணங். ப⁴க³வா ஸப்³ப³ஞ்ஞுதஞாணேன உபேதோ ஸமுபேதோ உபக³தோ
‘‘ந தஸ்ஸ அதி³ட்ட²மித⁴த்தி² கிஞ்சி, அதோ² அவிஞ்ஞாதமஜானிதப்³ப³ங்;
ஸப்³ப³ங் அபி⁴ஞ்ஞாஸி யத³த்தி² நெய்யங், ததா²க³தோ தேன ஸமந்தசக்கூ²’’தி.
ஏவங் ப⁴க³வா ஸமந்தசக்கு²னாபி விவடசக்கூ²தி – அகித்தயி விவடசக்கு².
ஸக்கி²த⁴ம்மங் பரிஸ்ஸயவினயந்தி. ஸக்கி²த⁴ம்மந்தி ந இதிஹிதிஹங், ந இதிகிராய, ந பரம்பராய, ந பிடகஸம்பதா³ய, ந தக்கஹேது, ந நயஹேது, ந ஆகாரபரிவிதக்கேன, ந தி³ட்டி²னிஜ்ஜா²னக்க²ந்தியா ஸாமங் ஸயமபி⁴ஞ்ஞாதங் அத்தபச்சக்க²ங் த⁴ம்மந்தி – ஸக்கி²த⁴ம்மங். பரிஸ்ஸயவினயந்தி. பரிஸ்ஸயாதி த்³வே பரிஸ்ஸயா – பாகடபரிஸ்ஸயா ச படிச்ச²ன்னபரிஸ்ஸயா ச. கதமே பாகடபரிஸ்ஸயா? ஸீஹா ப்³யக்³கா⁴ தீ³பீ அச்சா² தரச்சா²
கதமே படிச்ச²ன்னபரிஸ்ஸயா? காயது³ச்சரிதங் வசீது³ச்சரிதங் மனோது³ச்சரிதங் காமச்ச²ந்த³னீவரணங்
பரிஸ்ஸயாதி கேனட்டே²ன பரிஸ்ஸயா? பரிஸஹந்தீதி பரிஸ்ஸயா, பரிஹானாய ஸங்வத்தந்தீதி பரிஸ்ஸயா, தத்ராஸயாதி பரிஸ்ஸயா. கத²ங் பரிஸஹந்தீதி பரிஸ்ஸயா? தே பரிஸ்ஸயா தங் புக்³க³லங் ஸஹந்தி பரிஸஹந்தி அபி⁴ப⁴வந்தி அஜ்ஜொ²த்த²ரந்தி பரியாதி³யந்தி மத்³த³ந்தி. ஏவங் பரிஸஹந்தீதி – பரிஸ்ஸயா.
கத²ங் பரிஹானாய ஸங்வத்தந்தீதி பரிஸ்ஸயா? தே பரிஸ்ஸயா குஸலானங் த⁴ம்மானங் அந்தராயாய பரிஹானாய ஸங்வத்தந்தி. கதமேஸங் குஸலானங் த⁴ம்மானங்? ஸம்மாபடிபதா³ய அனுலோமபடிபதா³ய அபச்சனீகபடிபதா³ய
கத²ங்
வுத்தஞ்ஹேதங் ப⁴க³வதா – ‘‘ஸாந்தேவாஸிகோ, பி⁴க்க²வே, பி⁴க்கு² ஸாசரியகோ து³க்க²ங் ந பா²ஸு விஹரதி. கத²ஞ்ச, பி⁴க்க²வே, பி⁴க்கு² ஸாந்தேவாஸிகோ ஸாசரியகோ து³க்க²ங் ந பா²ஸு விஹரதி? இத⁴, பி⁴க்க²வே, பி⁴க்கு²னோ சக்கு²னா ரூபங் தி³ஸ்வா உப்பஜ்ஜந்தி பாபகா அகுஸலா த⁴ம்மா ஸரஸங்கப்பா ஸஞ்ஞோஜனியா, த்யஸ்ஸ அந்தோ வஸந்தி அன்வாஸ்ஸவந்தி பாபகா அகுஸலா த⁴ம்மாதி. தஸ்மா
‘‘புன சபரங், பி⁴க்க²வே, பி⁴க்கு²னோ ஸோதேன ஸத்³த³ங் ஸுத்வா…பே॰… கா⁴னேன க³ந்த⁴ங் கா⁴யித்வா… ஜிவ்ஹாய ரஸங் ஸாயித்வா… காயேன பொ²ட்ட²ப்³ப³ங் பு²ஸித்வா
வுத்தஞ்ஹேதங் ப⁴க³வதா – ‘‘தயோமே, பி⁴க்க²வே, அந்தராமலா அந்தராஅமித்தா அந்தராஸபத்தா அந்தராவத⁴கா அந்தராபச்சத்தி²கா. கதமே தயோ? லோபோ⁴, பி⁴க்க²வே, அந்தராமலோ
‘‘அனத்த²ஜனநோ
ப⁴யமந்தரதோ ஜாதங், தங் ஜனோ நாவபு³ஜ்ஜ²தி.
‘‘லுத்³தோ⁴
அந்த⁴ந்தமங்
‘‘அனத்த²ஜனநோ தோ³ஸோ, தோ³ஸோ சித்தப்பகோபனோ;
ப⁴யமந்தரதோ ஜாதங், தங் ஜனோ நாவபு³ஜ்ஜ²தி.
‘‘குத்³தோ⁴ அத்த²ங் ந ஜானாதி, குத்³தோ⁴ த⁴ம்மங் ந பஸ்ஸதி;
அந்த⁴ந்தமங் ததா³ ஹோதி, யங் தோ³ஸோ ஸஹதே நரங்.
‘‘அனத்த²ஜனநோ
ப⁴யமந்தரதோ ஜாதங், தங் ஜனோ நாவபு³ஜ்ஜ²தி.
‘‘மூள்ஹோ அத்த²ங் ந ஜானாதி, மூள்ஹோ த⁴ம்மங் ந பஸ்ஸதி;
அந்த⁴ந்தமங் ததா³ ஹோதி, யங் மோஹோ ஸஹதே நர’’ந்தி.
ஏவம்பி தத்ராஸயாதி – பரிஸ்ஸயா.
வுத்தஞ்ஹேதங் ப⁴க³வதா – ‘‘தயோ கோ², மஹாராஜ, புரிஸஸ்ஸ த⁴ம்மா அஜ்ஜ²த்தங் உப்பஜ்ஜமானா உப்பஜ்ஜந்தி அஹிதாய து³க்கா²ய அபா²ஸுவிஹாராய. கதமே தயோ? லோபோ⁴ கோ², மஹாராஜ, புரிஸஸ்ஸ த⁴ம்மோ அஜ்ஜ²த்தங் உப்பஜ்ஜமானோ உப்பஜ்ஜதி அஹிதாய து³க்கா²ய அபா²ஸுவிஹாராய; தோ³ஸோ கோ², மஹாராஜ…பே॰… மோஹோ கோ², மஹாராஜ, புரிஸஸ்ஸ த⁴ம்மோ அஜ்ஜ²த்தங் உப்பஜ்ஜமானோ உப்பஜ்ஜதி அஹிதாய து³க்கா²ய அபா²ஸுவிஹாராய. இமே கோ², மஹாராஜ, தயோ புரிஸஸ்ஸ த⁴ம்மா அஜ்ஜ²த்தங் உப்பஜ்ஜமானா உப்பஜ்ஜந்தி அஹிதாய து³க்கா²ய அபா²ஸுவிஹாராய.
‘‘லோபோ⁴
ஹிங்ஸந்தி அத்தஸம்பூ⁴தா, தசஸாரங்வ ஸம்ப²ல’’ந்தி.
ஏவம்பி தத்ராஸயாதி – பரிஸ்ஸயா.
வுத்தஞ்ஹேதங்
‘‘ராகோ³ ச தோ³ஸோ ச இதோ நிதா³னா, அரதீ ரதீ லோமஹங்ஸோ இதோஜா;
இதோ ஸமுட்டா²ய மனோவிதக்கா, குமாரகா த⁴ங்கமிவொஸ்ஸஜந்தீ’’தி.
ஏவம்பி தத்ராஸயாதி – பரிஸ்ஸயா.
பரிஸ்ஸயவினயந்தி
படிபத³ங் வதே³ஹி ப⁴த்³த³ந்தேதி. படிபத³ங் வதே³ஹி – ஸம்மாபடிபத³ங் அனுலோமபடிபத³ங் அபச்சனீகபடிபத³ங் ப⁴த்³த³ந்தேதி ஸோ நிம்மிதோ
பாதிமொக்க²ங் அத² வாபி ஸமாதி⁴ந்தி. பாதிமொக்க²ந்தி ஸீலங் பதிட்டா² ஆதி³ சரணங் ஸங்யமோ ஸங்வரோ முக²ங் பமுக²ங் குஸலானங் த⁴ம்மானங் ஸமாபத்தியா. அத² வாபி ஸமாதி⁴ந்தி யா சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹதமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதீ⁴தி – பாதிமொக்க²ங் அத² வாபி ஸமாதி⁴ங்.
தேனாஹ ஸோ நிம்மிதோ –
‘‘அகித்தயீ விவடசக்கு², ஸக்கி²த⁴ம்மங் பரிஸ்ஸயவினயங்;
படிபத³ங் வதே³ஹி ப⁴த்³த³ந்தே, பாதிமொக்க²ங் அத² வாபி ஸமாதி⁴’’ந்தி.
157.
சக்கூ²ஹி நேவ லோலஸ்ஸ, கா³மகதா²ய ஆவரயே ஸோதங்;
ரஸே ச நானுகி³ஜ்ஜெ²ய்ய, ந ச மமாயேத² கிஞ்சி லோகஸ்மிங்.
சக்கூ²ஹி நேவ லோலஸ்ஸாதி. கத²ங் சக்கு²லோலோதி? இதே⁴கச்சோ சக்கு²லோலியேன ஸமன்னாக³தோ ஹோதி – ‘‘அதி³ட்ட²ங் த³க்கி²தப்³ப³ங்
அத² வா பி⁴க்கு² அந்தரக⁴ரங் பவிட்டோ² வீதி²ங் படிபன்னோ அஸங்வுதோ க³ச்ச²தி ஹத்தி²ங் ஓலோகெந்தோ, அஸ்ஸங் ஓலோகெந்தோ, ரத²ங் ஓலோகெந்தோ, பத்திங் ஓலோகெந்தோ, இத்தி²யோ ஓலோகெந்தோ, புரிஸே ஓலோகெந்தோ, குமாரகே ஓலோகெந்தோ, குமாரிகாயோ ஓலோகெந்தோ, அந்தராபணங் ஓலோகெந்தோ
அத² வா பி⁴க்கு² சக்கு²னா ரூபங் தி³ஸ்வா நிமித்தக்³கா³ஹீ ஹோதி அனுப்³யஞ்ஜனக்³கா³ஹீ. யத்வாதி⁴கரணமேனங் சக்கு²ந்த்³ரியங் அஸங்வுதங் விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா அன்வாஸ்ஸவெய்யுங், தஸ்ஸ ஸங்வராய ந படிபஜ்ஜதி, ந ரக்க²தி சக்கு²ந்த்³ரியங், சக்கு²ந்த்³ரியே ந ஸங்வரங் ஆபஜ்ஜதி. ஏவம்பி சக்கு²லோலோ ஹோதி.
யதா² வா பனேகே பொ⁴ந்தோ ஸமணப்³ராஹ்மணா ஸத்³தா⁴தெ³ய்யானி போ⁴ஜனானி பு⁴ஞ்ஜித்வா தே ஏவரூபங் விஸூகத³ஸ்ஸனங் அனுயுத்தா விஹரந்தி, ஸெய்யதி²த³ங் – நச்சங் கீ³தங் வாதி³தங் பெக்க²ங் அக்கா²னங் பாணிஸ்ஸரங் வேதாளங் கும்ப⁴தூ²ணங்
கத²ங்
அத² வா பி⁴க்கு² சக்கு²னா ரூபங் தி³ஸ்வா ந நிமித்தக்³கா³ஹீ ஹோதி நானுப்³யஞ்ஜனக்³கா³ஹீ. யத்வாதி⁴கரணமேனங் சக்கு²ந்த்³ரியங் அஸங்வுதங் விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா அன்வாஸ்ஸவெய்யுங், தஸ்ஸ ஸங்வராய படிபஜ்ஜதி, ரக்க²தி சக்கு²ந்த்³ரியங், சக்கு²ந்த்³ரியே ஸங்வரங் ஆபஜ்ஜதி. ஏவம்பி ந சக்கு²லோலோ ஹோதி.
யதா² வா பனேகே பொ⁴ந்தோ ஸமணப்³ராஹ்மணா ஸத்³தா⁴தெ³ய்யானி போ⁴ஜனானி பு⁴ஞ்ஜித்வா தே ஏவரூபங் விஸூகத³ஸ்ஸனங் அனநுயுத்தா விஹரந்தி, ஸெய்யதி²த³ங் – நச்சங் கீ³தங் வாதி³தங் பெக்க²ங் அக்கா²னங்…பே॰… அனீகத³ஸ்ஸனங் இதி வா. ஏவரூபா விஸூகத³ஸ்ஸனா படிவிரதோ ஹோதி. ஏவம்பி ந சக்கு²லோலோ ஹோதி.
சக்கூ²ஹி நேவ லோலஸ்ஸாதி. சக்கு²லோலியங் பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்ய, சக்கு²லோலியா ஆரதோ அஸ்ஸ விரதோ படிவிரதோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா
கா³மகதா²ய ஆவரயே ஸோதந்தி. கா³மகதா² வுச்சதி பா³த்திங்ஸ திரச்சா²னகதா², ஸெய்யதி²த³ங் – ராஜகதா² சோரகதா² மஹாமத்தகதா² ஸேனாகதா² ப⁴யகதா² யுத்³த⁴கதா² அன்னகதா² பானகதா² வத்த²கதா² யானகதா² ஸயனகதா² மாலாகதா² க³ந்த⁴கதா² ஞாதிகதா² கா³மகதா² நிக³மகதா² கா³மகதா²ய ஆவரயே ஸோதந்தி
ரஸே ச நானுகி³ஜ்ஜெ²ய்யாதி. ரஸே சாதி மூலரஸோ க²ந்த⁴ரஸோ தசரஸோ பத்தரஸோ புப்ப²ரஸோ ப²லரஸோ அம்பி³லங் மது⁴ரங் தித்தகங் கடுகங் லோணிகங் கா²ரிகங் லம்பி³கங் கஸாவோ ஸாது³ அஸாது³ ஸீதங் உண்ஹங். ஸந்தேகே ஸமணப்³ராஹ்மணா ரஸகி³த்³தா⁴; தே ஜிவ்ஹக்³கே³ன ரஸக்³கா³னி பரியேஸந்தா ஆஹிண்ட³ந்தி, தே அம்பி³லங் லபி⁴த்வா அனம்பி³லங் பரியேஸந்தி, அனம்பி³லங் லபி⁴த்வா அம்பி³லங் பரியேஸந்தி…பே॰… ஸீதங் லபி⁴த்வா உண்ஹங் பரியேஸந்தி, உண்ஹங் லபி⁴த்வா ஸீதங் பரியேஸந்தி. தே யங் யங் லபி⁴த்வா தேன தேன ந துஸ்ஸந்தி, அபராபரங் பரியேஸந்தி, மனாபிகேஸு ரஸேஸு ரத்தா கி³த்³தா⁴ க³தி⁴தா முச்சி²தா அஜ்ஜோ²ஸன்னா லக்³கா³ லக்³கி³தா பலிபு³த்³தா⁴. யஸ்ஸேஸா ரஸதண்ஹா பஹீனா ஸமுச்சி²ன்னா…பே॰… ஞாணக்³கி³னா
யதா² வணங் ஆலிம்பெய்ய யாவதே³வ ஆருஹணத்தா²ய
ந ச மமாயேத² கிஞ்சி லோகஸ்மிந்தி. மமத்தாதி த்³வே மமத்தா – தண்ஹாமமத்தஞ்ச தி³ட்டி²மமத்தஞ்ச கிஞ்சீதி கிஞ்சி ரூபக³தங் வேத³னாக³தங் ஸஞ்ஞாக³தங் ஸங்கா²ரக³தங் விஞ்ஞாணக³தங். லோகஸ்மிந்தி அபாயலோகே…பே॰… ஆயதனலோகேதி – ந ச மமாயேத² கிஞ்சி லோகஸ்மிங்.
தேனாஹ ப⁴க³வா –
‘‘சக்கூ²ஹி நேவ லோலஸ்ஸ, கா³மகதா²ய ஆவரயே ஸோதங்;
ரஸே ச நானுகி³ஜ்ஜெ²ய்ய, ந ச மமாயேத² கிஞ்சி லோகஸ்மி’’ந்தி.
158.
ப²ஸ்ஸேன யதா³ பு²ட்ட²ஸ்ஸ, பரிதே³வங் பி⁴க்கு² ந கரெய்ய குஹிஞ்சி;
ப⁴வஞ்ச நாபி⁴ஜப்பெய்ய, பே⁴ரவேஸு ச ந ஸம்பவேதெ⁴ய்ய.
ப²ஸ்ஸேன யதா³ பு²ட்ட²ஸ்ஸாதி. ப²ஸ்ஸோதி ரோக³ப²ஸ்ஸோ. ரோக³ப²ஸ்ஸேன பு²ட்டோ² பரேதோ ஸமோஹிதோ ஸமன்னாக³தோ அஸ்ஸ; சக்கு²ரோகே³ன பு²ட்டோ² பரேதோ ஸமோஹிதோ ஸமன்னாக³தோ அஸ்ஸ, ஸோதரோகே³ன…பே॰… கா⁴னரோகே³ன… ஜிவ்ஹாரோகே³ன… காயரோகே³ன… ஸீஸரோகே³ன… கண்ணரோகே³ன… முக²ரோகே³ன… த³ந்தரோகே³ன… காஸேன… ஸாஸேன… பினாஸேன… டா³ஹேன… ஜரேன… குச்சி²ரோகே³ன… முச்சா²ய… பக்க²ந்தி³காய… ஸூலாய… விஸூசிகாய… குட்டே²ன… க³ண்டே³ன… கிலாஸேன… ஸோஸேன… அபமாரேன… த³த்³து³யா… கண்டு³யா
பரிதே³வங் பி⁴க்கு² ந கரெய்ய குஹிஞ்சீதி. ஆதே³வங் பரிதே³வங் ஆதே³வனங் பரிதே³வனங் ஆதே³விதத்தங் பரிதே³விதத்தங் வாசா பலாபங் விப்பலாபங் லாலப்பங் லாலப்பாயனங் லாலப்பாயிதத்தங் ந கரெய்ய ந ஜனெய்ய ந ஸஞ்ஜனெய்ய ந குஹிஞ்சீதி குஹிஞ்சி கிம்ஹிசி கத்த²சி அஜ்ஜ²த்தங் வா ப³ஹித்³தா⁴ வா அஜ்ஜ²த்தப³ஹித்³தா⁴ வாதி – பரிதே³வங் பி⁴க்கு² ந கரெய்ய குஹிஞ்சி.
ப⁴வஞ்ச நாபி⁴ஜப்பெய்யாதி. காமப⁴வங் ந ஜப்பெய்ய, ரூபப⁴வங் ந ஜப்பெய்ய, அரூபப⁴வங் ந ஜப்பெய்ய ந பஜப்பெய்ய நாபி⁴ஜப்பெய்யாதி – ப⁴வஞ்ச நாபி⁴ஜப்பெய்ய.
பே⁴ரவேஸு ச ந ஸம்பவேதெ⁴ய்யாதி. பே⁴ரவாதி ஏகேனாகாரேன ப⁴யம்பி பே⁴ரவம்பி தஞ்ஞேவ. வுத்தஞ்ஹேதங் பே⁴ரவேஸு ச ந ஸம்பவேதெ⁴ய்யாதி பே⁴ரவே பஸ்ஸித்வா வா ஸுணித்வா வா ந வேதெ⁴ய்ய ந பவேதெ⁴ய்ய ந ஸம்பவேதெ⁴ய்ய ந தஸெய்ய ந உத்தஸெய்ய ந பரிதஸெய்ய ந பா⁴யெய்ய ந ஸந்தாஸங் ஆபஜ்ஜெய்ய, அபீ⁴ரூ அஸ்ஸ அச²ம்பீ⁴ அனுத்ராஸீ அபலாயீ, பஹீனப⁴யபே⁴ரவோ விக³தலோமஹங்ஸோ விஹரெய்யாதி – பே⁴ரவேஸு ச ந ஸம்பவேதெ⁴ய்ய.
தேனாஹ ப⁴க³வா –
‘‘ப²ஸ்ஸேன யதா³ பு²ட்ட²ஸ்ஸ, பரிதே³வங் பி⁴க்கு² ந கரெய்ய குஹிஞ்சி;
ப⁴வஞ்ச நாபி⁴ஜப்பெய்ய, பே⁴ரவேஸு ச ந ஸம்பவேதெ⁴ய்யா’’தி.
159.
அன்னானமதோ² பானானங், கா²த³னீயானமதோ²பி வத்தா²னங்;
லத்³தா⁴ ந ஸன்னிதி⁴ங் கயிரா, ந ச பரித்தஸே தானி அலப⁴மானோ.
அன்னானமதோ² பானானங், கா²த³னீயானமதோ²பி வத்தா²னந்தி. அன்னானந்தி ஓத³னோ கும்மாஸோ ஸத்து மச்சோ² மங்ஸங். பானானந்தி அட்ட² பானானி – அம்ப³பானங், ஜம்பு³பானங், சோசபானங், மோசபானங், மது⁴பானங் கா²த³னீயானந்தி பிட்ட²க²ஜ்ஜகங், பூவக²ஜ்ஜகங், மூலக²ஜ்ஜகங், தசக²ஜ்ஜகங், பத்தக²ஜ்ஜகங், புப்ப²க²ஜ்ஜகங், ப²லக²ஜ்ஜகங். வத்தா²னந்தி ச² சீவரானி – கோ²மங், கப்பாஸிகங், கோஸெய்யங், கம்ப³லங், ஸாணங், ப⁴ங்க³ந்தி – அன்னானமதோ² பானானங் கா²த³னீயானமதோ²பி வத்தா²னங்.
லத்³தா⁴ ந ஸன்னிதி⁴ங் கயிராதி. லத்³தா⁴தி லத்³தா⁴ லபி⁴த்வா அதி⁴க³ந்த்வா விந்தி³த்வா படிலபி⁴த்வா ந குஹனாய, ந லபனாய, ந நேமித்திகதாய, ந நிப்பேஸிகதாய, ந லாபே⁴ன லாப⁴ங் நிஜிகீ³ஸனதாய ந ஸன்னிதி⁴ங் கயிராதி அன்னஸன்னிதி⁴ங் பானஸன்னிதி⁴ங் வத்த²ஸன்னிதி⁴ங் யானஸன்னிதி⁴ங் ஸயனஸன்னிதி⁴ங் க³ந்த⁴ஸன்னிதி⁴ங் ஆமிஸஸன்னிதி⁴ங் ந கரெய்ய ந ஜனெய்ய ந ஸஞ்ஜனெய்ய ந நிப்³ப³த்தெய்ய நாபி⁴னிப்³ப³த்தெய்யாதி – லத்³தா⁴ ந ஸன்னிதி⁴ங் கயிரா.
ந ச பரித்தஸே தானி அலப⁴மானோதி. அன்னங் வா ந லபா⁴மி
தேனாஹ ப⁴க³வா –
‘‘அன்னானமதோ² பானானங், கா²த³னீயானமதோ²பி வத்தா²னங்;
லத்³தா⁴ ந ஸன்னிதி⁴ங் கயிரா, ந ச பரித்தஸே தானி அலப⁴மானோ’’தி.
160.
ஜா²யீ ந பாத³லோலஸ்ஸ, விரமே குக்குச்சா நப்பமஜ்ஜெய்ய;
அதா²ஸனேஸு ஸயனேஸு, அப்பஸத்³தே³ஸு பி⁴க்கு² விஹரெய்ய.
ஜா²யீ ந பாத³லோலஸ்ஸாதி. ஜா²யீதி பட²மேனபி ஜா²னேன ஜா²யீ, து³தியேனபி ஜா²னேன ஜா²யீ, ததியேனபி ஜா²னேன ஜா²யீ, சதுத்தே²னபி ஜா²னேன ஜா²யீ, ஸவிதக்கஸவிசாரேனபி ஜா²னேன ஜா²யீ, அவிதக்கவிசாரமத்தேனபி ஜா²னேன ஜா²யீ, அவிதக்கஅவிசாரேனபி ஜா²னேன ஜா²யீ, ஸப்பீதிகேனபி ஜா²னேன ஜா²யீ, நிப்பீதிகேனபி ஜா²னேன ஜா²யீ, பீதிஸஹக³தேனபி ஜா²னேன ஜா²யீ, ஸாதஸஹக³தேனபி ஜா²னேன ஜா²யீ, ஸுக²ஸஹக³தேனபி ஜா²னேன ஜா²யீ, உபெக்கா²ஸஹக³தேனபி ஜா²னேன ஜா²யீ, ஸுஞ்ஞதேனபி ஜா²னேன ஜா²யீ, அனிமித்தேனபி ஜா²னேன ஜா²யீ, அப்பணிஹிதேனபி ஜா²னேன ஜா²யீ, லோகியேனபி ஜா²னேன ஜா²யீ, லோகுத்தரேனபி ஜா²னேன ஜா²யீ, ஜா²னரதோ ஏகத்தமனுயுத்தோ பரமத்த²க³ருகோதி
ந பாத³லோலஸ்ஸாதி. கத²ங் பாத³லோலோ ஹோதி? இதே⁴கச்சோ பாத³லோலியேன ஸமன்னாக³தோ ஹோதி ஆராமேன ஆராமங் உய்யானேன உய்யானங் கா³மேன கா³மங் நிக³மேன நிக³மங் நக³ரேன நக³ரங் ரட்டே²ன ரட்ட²ங் ஜனபதே³ன ஜனபத³ங் தீ³க⁴சாரிகங் அனவட்டி²தசாரிகங் அனுயுத்தோ விஹரதி. ஏவம்பி பாத³லோலோ ஹோதி.
அத² வா பி⁴க்கு² அந்தோபிஸங்கா⁴ராமே பாத³லோலியேன ஸமன்னாக³தோ ஹோதி. ந அத்த²ஹேது ந காரணஹேது உத்³த⁴தோ அவூபஸந்தசித்தோ
ந பாத³லோலஸ்ஸாதி. பாத³லோலியங் பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்ய, பாத³லோலியா ஆரதோ அஸ்ஸ விரதோ படிவிரதோ
விரமே குக்குச்சா நப்பமஜ்ஜெய்யாதி. குக்குச்சந்தி ஹத்த²குக்குச்சம்பி குக்குச்சங், பாத³குக்குச்சம்பி குக்குச்சங், ஹத்த²பாத³குக்குச்சம்பி குக்குச்சங், அகப்பியே கப்பியஸஞ்ஞிதா, கப்பியே அகப்பியஸஞ்ஞிதா, அவஜ்ஜே வஜ்ஜஸஞ்ஞிதா, வஜ்ஜே அவஜ்ஜஸஞ்ஞிதா, யங் ஏவரூபங் குக்குச்சங் குக்குச்சாயனா குக்குச்சாயிதத்தங் சேதஸோ விப்படிஸாரோ மனோவிலேகோ² – இத³ங் வுச்சதி குக்குச்சங்.
அபி ச த்³வீஹி காரணேஹி உப்பஜ்ஜதி குக்குச்சங் சேதஸோ விப்படிஸாரோ மனோவிலேகோ² – கதத்தா ச அகதத்தா ச. கத²ங் கதத்தா ச அகதத்தா ச உப்பஜ்ஜதி குக்குச்சங் சேதஸோ விப்படிஸாரோ மனோவிலேகோ²? ‘‘கதங் மே காயது³ச்சரிதங், அகதங் மே காயஸுசரித’’ந்தி உப்பஜ்ஜதி குக்குச்சங் சேதஸோ
அத² வா ‘‘ஸீலேஸும்ஹி விரமே குக்குச்சாதி குக்குச்சா ஆரமெய்ய விரமெய்ய படிவிரமெய்ய குக்குச்சங் பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்ய. குக்குச்சா ஆரதோ அஸ்ஸ விரதோ படிவிரதோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரெய்யாதி – விரமே குக்குச்சா.
நப்பமஜ்ஜெய்யாதி ஸக்கச்சகாரீ அஸ்ஸ ஸாதச்சகாரீ அட்டி²தகாரீ அனோலீனவுத்திகோ அனிக்கி²த்தச்ச²ந்தோ³ அனிக்கி²த்தது⁴ரோ அப்பமாதோ³ குஸலேஸு த⁴ம்மேஸு. ‘‘கதா³ஹங் அபரிபூரங் வா ஸீலக்க²ந்த⁴ங் பரிபூரெய்யங், பரிபூரங் வா ஸீலக்க²ந்த⁴ங் தத்த² தத்த² பஞ்ஞாய அனுக்³க³ண்ஹெய்ய’’ந்தி? யோ தத்த² ச²ந்தோ³ ச வாயாமோ ச உஸ்ஸாஹோ ச உஸ்ஸொள்ஹீ ச தா²மோ ச அப்படிவானீ ச ஸதி
அதா²ஸனேஸு ஸயனேஸு, அப்பஸத்³தே³ஸு பி⁴க்கு² விஹரெய்யாதி. அதா²தி பத³ஸந்தி⁴…பே॰… ஆஸனங் வுச்சதி யத்த² நிஸீத³தி – மஞ்சோ பீட²ங் பி⁴ஸி தட்டிகா சம்மக²ண்டோ³ திணஸந்தா²ரோ பண்ணஸந்தா²ரோ பலாலஸந்தா²ரோ. ஸயனங் வுச்சதி ஸேனாஸனங் விஹாரோ அட்³ட⁴யோகோ³ பாஸாதோ³ ஹம்மியங் கு³ஹாதி – அதா²ஸனேஸு ஸயனேஸு.
அப்பஸத்³தே³ஸு பி⁴க்கு² விஹரெய்யாதி. அப்பஸத்³தே³ஸு அப்பனிக்³கோ⁴ஸேஸு விஜனவாதேஸு மனுஸ்ஸராஹஸ்ஸெய்யகேஸு படிஸல்லானஸாருப்பேஸு ஸேனாஸனேஸு சரெய்ய விசரெய்ய விஹரெய்ய இரியெய்ய வத்தெய்ய பாலெய்ய யபெய்ய யாபெய்யாதி – அதா²ஸனேஸு ஸயனேஸு அப்பஸத்³தே³ஸு பி⁴க்கு² விஹரெய்ய.
தேனாஹ
‘‘ஜா²யீ ந பாத³லோலஸ்ஸ, விரமே குக்குச்சா நப்பமஜ்ஜெய்ய;
அதா²ஸனேஸு
161.
நித்³த³ங் ந ப³ஹுலீகரெய்ய, ஜாக³ரியங் ப⁴ஜெய்ய ஆதாபீ;
தந்தி³ங் மாயங் ஹஸ்ஸங் கி²ட்³ட³ங், மேது²னங் விப்பஜஹே ஸவிபூ⁴ஸங்.
நித்³த³ங் ந ப³ஹுலீகரெய்யாதி. ரத்திந்தி³வங் ச²கொட்டா²ஸங் காரெத்வா பஞ்சகொட்டா²ஸங் படிபஜ்ஜெய்ய ஏககொட்டா²ஸங் நிப்பஜ்ஜெய்யாதி – நித்³த³ங் ந ப³ஹுலீகரெய்ய.
ஜாக³ரியங் ப⁴ஜெய்ய ஆதாபீதி. இத⁴ பி⁴க்கு² தி³வஸங் சங்கமேன நிஸஜ்ஜாய ஆவரணீயேஹி த⁴ம்மேஹி சித்தங் பரிஸோதெ⁴ய்ய, ரத்தியா பட²மங் யாமங் சங்கமேன நிஸஜ்ஜாய ஆவரணீயேஹி த⁴ம்மேஹி சித்தங் பரிஸோதெ⁴ய்ய, ரத்தியா மஜ்ஜி²மங்
ஜாக³ரியங் ப⁴ஜெய்யாதி ஜாக³ரியங் ப⁴ஜெய்ய ஸம்ப⁴ஜெய்ய ஸேவெய்ய நிஸேவெய்ய ஸங்ஸேவெய்ய படிஸேவெய்யாதி – ஜாக³ரியங் ப⁴ஜெய்ய.
ஆதாபீதி. ஆதப்பங் வுச்சதி வீரியங்
தந்தி³ங் மாயங் ஹஸ்ஸங் கி²ட்³ட³ங், மேது²னங் விப்பஜஹே ஸவிபூ⁴ஸந்தி. தந்தீ³தி ஹஸ்ஸந்தி இதே⁴கச்சோ அதிவேலங் த³ந்தவித³ங்ஸகங் ஹஸதி. வுத்தஞ்ஹேதங் ப⁴க³வதா – ‘‘குமாரகமித³ங், பி⁴க்க²வே
கி²ட்³டா³தி த்³வே கி²ட்³டா³ – காயிகா ச கி²ட்³டா³ வாசஸிகா ச கி²ட்³டா³. கதமா காயிகா கி²ட்³டா³? ஹத்தீ²ஹிபி கீளந்தி, அஸ்ஸேஹிபி கீளந்தி, ரதே²ஹிபி கீளந்தி, த⁴னூஹிபி கீளந்தி, அட்ட²பதே³ஹிபி கீளந்தி, த³ஸபதே³ஹிபி கீளந்தி, ஆகாஸேபி கீளந்தி, பரிஹாரபதே²பி கீளந்தி, ஸந்திகாயபி கீளந்தி
மேது²னத⁴ம்மோ நாம யோ ஸோ அஸத்³த⁴ம்மோ கா³மத⁴ம்மோ வஸலத⁴ம்மோ து³ட்டு²ல்லோ ஓத³கந்திகோ ரஹஸ்ஸோ த்³வயங்த்³வயஸமாபத்தி. கிங்காரணா வுச்சதி மேது²னத⁴ம்மோ? உபி⁴ன்னங் ரத்தானங் ஸாரத்தானங் அவஸ்ஸுதானங் பரியுட்டி²தானங் பரியாதி³ன்னசித்தானங் உபி⁴ன்னங் ஸதி³ஸானங் த⁴ம்மோதி, தங்காரணா வுச்சதி மேது²னத⁴ம்மோ. யதா² உபோ⁴ கலஹகாரகா மேது²னகாதி வுச்சந்தி, உபோ⁴ ப⁴ண்ட³னகாரகா…பே॰… உபோ⁴ ப⁴ஸ்ஸகாரகா… உபோ⁴ அதி⁴கரணகாரகா… உபோ⁴ விவாத³காரகா… உபோ⁴ வாதி³னோ… உபோ⁴ ஸல்லாபகா மேது²னகாதி வுச்சந்தி
விபூ⁴ஸாதி த்³வே விபூ⁴ஸா – அத்தி² அகா³ரியஸ்ஸ விபூ⁴ஸா, அத்தி² பப்³ப³ஜிதஸ்ஸ விபூ⁴ஸா. கதமா அகா³ரியஸ்ஸ விபூ⁴ஸா? கேஸா ச மஸ்ஸு ச மாலா ச க³ந்தா⁴
தந்தி³ங் மாயங் ஹஸ்ஸங் கி²ட்³ட³ங், மேது²னங் விப்பஜஹே ஸவிபூ⁴ஸந்தி. தந்தி³ஞ்ச மாயஞ்ச ஹஸ்ஸஞ்ச கி²ட்³ட³ஞ்ச மேது²னத⁴ம்மஞ்ச ஸவிபூ⁴ஸங் ஸபரிவாரங் ஸபரிப⁴ண்ட³ங் ஸபரிக்கா²ரங் பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்யாதி – தந்தி³ங் மாயங் ஹஸ்ஸங் கி²ட்³ட³ங், மேது²னங் விப்பஜஹே ஸவிபூ⁴ஸங்.
தேனாஹ ப⁴க³வா –
‘‘நித்³த³ங்
தந்தி³ங் மாயங் ஹஸ்ஸங் கி²ட்³ட³ங், மேது²னங் விப்பஜஹே ஸவிபூ⁴ஸ’’ந்தி.
162.
ஆத²ப்³ப³ணங் ஸுபினங் லக்க²ணங், நோ வித³ஹே அதோ²பி நக்க²த்தங்;
விருதஞ்ச க³ப்³ப⁴கரணங், திகிச்ச²ங் மாமகோ ந ஸேவெய்ய.
ஆத²ப்³ப³ணங் ஸுபினங் லக்க²ணங், நோ வித³ஹே அதோ²பி நக்க²த்தந்தி. ஆத²ப்³ப³ணிகா ஆத²ப்³ப³ணங் பயோஜெந்தி, நக³ரே வா ருத்³தே⁴
ஸுபினபாட²கா ஸுபினங் ஆதி³ஸந்தி, யோ புப்³ப³ண்ஹஸமயங் ஸுபினங் பஸ்ஸதி, ஏவங் விபாகோ ஹோதி. யோ மஜ்ஜ²ன்ஹிகஸமயங்
லக்க²ணபாட²கா
நக்க²த்தபாட²கா நக்க²த்தங் ஆதி³ஸந்தி. அட்ட²வீஸதி நக்க²த்தானி. இமினா நக்க²த்தேன க⁴ரப்பவேஸோ கத்தப்³போ³, இமினா நக்க²த்தேன மகுடங் ப³ந்தி⁴தப்³ப³ங், இமினா நக்க²த்தேன வாரெய்யங் காரேதப்³ப³ங், இமினா நக்க²த்தேன பீ³ஜனீஹாரோ
ஆத²ப்³ப³ணங் ஸுபினங் லக்க²ணங், நோ வித³ஹே அதோ²பி நக்க²த்தந்தி. ஆத²ப்³ப³ணஞ்ச ஸுபினஞ்ச லக்க²ணஞ்ச நக்க²த்தஞ்ச நோ வித³ஹெய்ய ந சரெய்ய ந ஸமாசரெய்ய ந ஸமாதா³ய வத்தெய்ய. அத² வா ந க³ண்ஹெய்ய ந உக்³க³ண்ஹெய்ய ந தா⁴ரெய்ய ந உபதா⁴ரெய்ய ந உபலக்கெ²ய்ய நப்பயோஜெய்யாதி – ஆத²ப்³ப³ணங் ஸுபினங் லக்க²ணங், நோ வித³ஹே அதோ²பி நக்க²த்தங்.
விருதஞ்ச க³ப்³ப⁴கரணங், திகிச்ச²ங் மாமகோ ந ஸேவெய்யாதி. விருதங் வுச்சதி மிக³வாக்கங். மிக³வாக்கபாட²கா திகிச்சா²தி பஞ்ச திகிச்சா² – ஸாலாகியங், ஸல்லகத்தியங், காயதிகிச்ச²ங், பூ⁴தியங், கோமாரப⁴ச்சங். மாமகோதி பு³த்³த⁴மாமகோ த⁴ம்மமாமகோ ஸங்க⁴மாமகோ, ஸோ வா ப⁴க³வந்தங் மமாயதி ப⁴க³வா வா தங் புக்³க³லங் பரிக்³க³ண்ஹாதி. வுத்தஞ்ஹேதங்
‘‘குஹா
ந தே த⁴ம்மே விரூஹந்தி, ஸம்மாஸம்பு³த்³த⁴தே³ஸிதே.
‘‘நிக்குஹா நில்லபா தீ⁴ரா, அத்த²த்³தா⁴ ஸுஸமாஹிதா;
தே வே த⁴ம்மே விரூஹந்தி, ஸம்மாஸம்பு³த்³த⁴தே³ஸிதே’’.
விருதஞ்ச க³ப்³ப⁴கரணங், திகிச்ச²ங் மாமகோ ந ஸேவெய்யாதி. விருதஞ்ச க³ப்³ப⁴கரணஞ்ச திகிச்ச²ஞ்ச மாமகோ ந ஸேவெய்ய ந நிஸேவெய்ய ந ஸங்ஸேவெய்ய நப்படிஸேவெய்ய ந சரெய்ய ந ஸமாசரெய்ய ந ஸமாதா³ய வத்தெய்ய. அத²
தேனாஹ ப⁴க³வா –
‘‘ஆத²ப்³ப³ணங் ஸுபினங் லக்க²ணங், நோ வித³ஹே அதோ²பி நக்க²த்தங்;
விருதஞ்ச க³ப்³ப⁴கரணங், திகிச்ச²ங் மாமகோ ந ஸேவெய்யா’’தி.
163.
நிந்தா³ய நப்பவேதெ⁴ய்ய, ந உன்னமெய்ய பஸங்ஸிதோ பி⁴க்கு²;
லோப⁴ங் ஸஹ மச்ச²ரியேன, கோத⁴ங் பேஸுணியஞ்ச பனுதெ³ய்ய.
நிந்தா³ய நப்பவேதெ⁴ய்யாதி. இதே⁴கச்சே பி⁴க்கூ² நிந்த³ந்தி ஜாதியா வா கொ³த்தேன வா கோலபுத்தியேன வா வண்ணபொக்க²ரதாய வா த⁴னேன வா அஜ்ஜே²னேன வா கம்மாயதனேன வா ஸிப்பாயதனேன வா விஜ்ஜாட்டா²னேன வா ஸுதேன வா படிபா⁴னேன வா அஞ்ஞதரஞ்ஞதரேன வா வத்து²னா நிந்த³ந்தி க³ரஹந்தி உபவத³ந்தி, நிந்தி³தோ க³ரஹிதோ உபவதி³தோ நிந்தா³ய க³ரஹாய உபவாதே³ன அகித்தியா அவண்ணஹாரிகாய ந வேதெ⁴ய்ய நப்பவேதெ⁴ய்ய ந ஸம்பவேதெ⁴ய்ய ந தஸெய்ய ந உத்தஸெய்ய ந பரிதஸெய்ய ந பா⁴யெய்ய ந ஸந்தாஸங் ஆபஜ்ஜெய்ய, அபீ⁴ரூ அஸ்ஸ அச²ம்பீ⁴ அனுத்ராஸீ அபலாயீ, பஹீனப⁴யபே⁴ரவோ விக³தலோமஹங்ஸோ விஹரெய்யாதி
ந உன்னமெய்ய பஸங்ஸிதோ பி⁴க்கூ²தி. இதே⁴கச்சே பி⁴க்கூ² பஸங்ஸந்தி ஜாதியா வா கொ³த்தேன வா கோலபுத்தியேன வா வண்ணபொக்க²ரதாய வா த⁴னேன வா அஜ்ஜே²னேன வா கம்மாயதனேன வா ஸிப்பாயதனேன வா விஜ்ஜாட்டா²னேன வா
லோப⁴ங் ஸஹ மச்ச²ரியேன, கோத⁴ங் பேஸுணியஞ்ச பனுதெ³ய்யாதி. லோபோ⁴தி யோ லோபோ⁴ லுப்³ப⁴னா லுப்³பி⁴தத்தங் ஸாராகோ³ ஸாரஜ்ஜனா ஸாரஜ்ஜிதத்தங் அபி⁴ஜ்ஜா² லோபோ⁴ அகுஸலமூலங். மச்ச²ரியந்தி பஞ்ச மச்ச²ரியானி – ஆவாஸமச்ச²ரியங்…பே॰… கா³ஹோ வுச்சதி மச்ச²ரியங். கோதோ⁴தி யோ சித்தஸ்ஸ ஆகா⁴தோ படிகா⁴தோ படிக⁴ங் படிவிரோதோ⁴, கோபோ பகோபோ ஸம்பகோபோ, தோ³ஸோ பதோ³ஸோ ஸம்பதோ³ஸோ, சித்தஸ்ஸ ப்³யாபத்தி மனோபதோ³ஸோ, கோதோ⁴ குஜ்ஜ²னா குஜ்ஜி²தத்தங், தோ³ஸோ து³ஸ்ஸனா து³ஸ்ஸிதத்தங், ப்³யாபத்திங் ப்³யாபஜ்ஜனா ப்³யாபஜ்ஜிதத்தங், விரோதோ⁴ பேஸுஞ்ஞந்தி இதே⁴கச்சோ பிஸுணவாசோ ஹோதி இதோ ஸுத்வா அமுத்ர அக்கா²தா இமேஸங் பே⁴தா³ய, அமுத்ர வா ஸுத்வா இமேஸங் அக்கா²தா அமூஸங் பே⁴தா³ய. இதி ஸமக்³கா³னங் வா பெ⁴த்தா பி⁴ன்னானங் வா அனுப்பதா³தா, வக்³கா³ராமோ வக்³க³ரதோ வக்³க³னந்தீ³ வக்³க³கரணிங்
அபி ச த்³வீஹி காரணேஹி பேஸுஞ்ஞங் உபஸங்ஹரதி – பியகம்யதாய வா பே⁴தா³தி⁴ப்பாயேன வா. கத²ங் பியகம்யதாய பேஸுஞ்ஞங் உபஸங்ஹரதி? இமஸ்ஸ பியோ ப⁴விஸ்ஸாமி மனாபோ ப⁴விஸ்ஸாமி விஸ்ஸாஸிகோ ப⁴விஸ்ஸாமி அப்³ப⁴ந்தரிகோ ப⁴விஸ்ஸாமி ஸுஹத³யோ ப⁴விஸ்ஸாமீதி. ஏவங் பியகம்யதாய பேஸுஞ்ஞங் உபஸங்ஹரதி. கத²ங் பே⁴தா³தி⁴ப்பாயேன பேஸுஞ்ஞங் உபஸங்ஹரதி? கத²ங் இமே நானா அஸ்ஸு வினா அஸ்ஸு வக்³கா³ அஸ்ஸு த்³வேதா⁴ அஸ்ஸு த்³வெஜ்ஜா² அஸ்ஸு த்³வே பக்கா² அஸ்ஸு பி⁴ஜ்ஜெ²ய்யுங் ந ஸமாக³ச்செ²ய்யுங் து³க்க²ங் ந பா²ஸு விஹரெய்யுந்தி. ஏவங் பே⁴தா³தி⁴ப்பாயேன பேஸுஞ்ஞங் உபஸங்ஹரதி. லோப⁴ங் ஸஹ மச்ச²ரியேன, கோத⁴ங் பேஸுணியஞ்ச பனுதெ³ய்யாதி. லோப⁴ஞ்ச மச்ச²ரியஞ்ச கோத⁴ஞ்ச பேஸுஞ்ஞஞ்ச நுதெ³ய்ய பனுதெ³ய்ய பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்யாதி – லோப⁴ங் ஸஹ மச்ச²ரியேன, கோத⁴ங் பேஸுணியஞ்ச பனுதெ³ய்ய.
தேனாஹ
‘‘நிந்தா³ய
லோப⁴ங் ஸஹ மச்ச²ரியேன, கோத⁴ங் பேஸுணியஞ்ச பனுதெ³ய்யா’’தி.
164.
கயவிக்கயே ந திட்டெ²ய்ய, உபவாத³ங் பி⁴க்கு² ந கரெய்ய குஹிஞ்சி;
கா³மே ச நாபி⁴ஸஜ்ஜெய்ய, லாப⁴கம்யா ஜனங் ந லபயெய்ய.
கயவிக்கயே ந திட்டெ²ய்யாதி. யே கயவிக்கயா வினயே படிக்கி²த்தா ந தே இமஸ்மிங் அத்தே² அதி⁴ப்பேதா. கத²ங் கயவிக்கயே திட்ட²தி? பஞ்சன்னங் ஸத்³தி⁴ங் பத்தங் வா சீவரங் வா அஞ்ஞங் வா கிஞ்சி பரிக்கா²ரங் வஞ்சனியங் வா கரொந்தோ உத³யங் வா பத்த²யந்தோ பரிவத்தேதி. ஏவங் கயவிக்கயே திட்ட²தி. கத²ங் கயவிக்கயே ந திட்ட²தி? பஞ்சன்னங் ஸத்³தி⁴ங் பத்தங் வா சீவரங் வா அஞ்ஞங் வா கிஞ்சி பரிக்கா²ரங் ந வஞ்சனியங் வா கரொந்தோ ந உத³யங் வா பத்த²யந்தோ பரிவத்தேதி. ஏவங் கயவிக்கயே ந திட்ட²தி. கயவிக்கயே ந திட்டெ²ய்யாதி. கயவிக்கயே ந திட்டெ²ய்ய ந ஸந்திட்டெ²ய்ய, கயவிக்கயங் பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்ய, கயவிக்கயா ஆரதோ அஸ்ஸ விரதோ படிவிரதோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரெய்யாதி – கயவிக்கயே ந திட்டெ²ய்ய.
உபவாத³ங் பி⁴க்கு² ந கரெய்ய குஹிஞ்சீதி. கதமே உபவாத³கராதி கிலேஸா? ஸந்தேகே ஸமணப்³ராஹ்மணா இத்³தி⁴மந்தோ தி³ப்³ப³சக்கு²கா பரசித்தவிது³னோ, தே தூ³ரதோபி பஸ்ஸந்தி ஆஸன்னாபி ந தி³ஸ்ஸந்தி சேதஸாபி சித்தங் பஜானந்தி, தே³வதாபி கோ² ஸந்தி இத்³தி⁴மந்தினியோ தி³ப்³ப³சக்கு²கா பரசித்தவிது³னியோ, தா தூ³ரதோபி பஸ்ஸந்தி, ஆஸன்னாபி ந தி³ஸ்ஸந்தி சேதஸாபி சித்தங் பஜானந்தி. தே ஓளாரிகேஹி வா கிலேஸேஹி மஜ்ஜி²மேஹி வா கிலேஸேஹி ஸுகு²மேஹி வா கிலேஸேஹி உபவதெ³ய்யுங். கதமே ஓளாரிகா கிலேஸா? காயது³ச்சரிதங் வசீது³ச்சரிதங் மனோது³ச்சரிதங் – இமே குஹிஞ்சீதி குஹிஞ்சி கிம்ஹிசி கத்த²சி அஜ்ஜ²த்தங் வா ப³ஹித்³தா⁴ வா அஜ்ஜ²த்தப³ஹித்³தா⁴ வாதி – உபவாத³ங் பி⁴க்கு² ந கரெய்ய குஹிஞ்சி.
கா³மே ச நாபி⁴ஸஜ்ஜெய்யாதி. கத²ங் கா³மே ஸஜ்ஜதி? இத⁴ பி⁴க்கு² கா³மே கி³ஹீஹி ஸங்ஸட்டோ² விஹரதி ஸஹனந்தீ³ ஸஹஸோகீ ஸுகி²தேஸு ஸுகி²தோ து³க்கி²தேஸு து³க்கி²தோ, உப்பன்னேஸு கிச்சகரணீயேஸு அத்தனா வோயோக³ங் ஆபஜ்ஜதி. ஏவம்பி கா³மே ஸஜ்ஜதி.
அத² வா பி⁴க்கு² புப்³ப³ண்ஹஸமயங் நிவாஸெத்வா பத்தசீவரமாதா³ய கா³மங் வா நிக³மங் வா பிண்டா³ய பவிஸதி அரக்கி²தேனேவ காயேன அரக்கி²தாய வாசாய அரக்கி²தேன சித்தேன அனுபட்டி²தாய
கத²ங் கா³மே ந ஸஜ்ஜதி? இத⁴ பி⁴க்கு² கா³மே கி³ஹீஹி அஸங்ஸட்டோ² விஹரதி ந ஸஹனந்தீ³ ந ஸஹஸோகீ ந ஸுகி²தேஸு ஸுகி²தோ ந து³க்கி²தேஸு து³க்கி²தோ, உப்பன்னேஸு கிச்சகரணீயேஸு ந அத்தனா வோயோக³ங் ஆபஜ்ஜதி. ஏவம்பி கா³மே ந ஸஜ்ஜதி.
அத² வா பி⁴க்கு² புப்³ப³ண்ஹஸமயங் நிவாஸெத்வா பத்தசீவரமாதா³ய கா³மங் வா நிக³மங் வா பிண்டா³ய பவிஸதி ரக்கி²தேனேவ காயேன ரக்கி²தாய வாசாய ரக்கி²தேன சித்தேன உபட்டி²தாய ஸதியா ஸங்வுதேஹி இந்த்³ரியேஹி. ஸோ தத்ர தத்ர ந ஸஜ்ஜதி தத்ர தத்ர ந க³ண்ஹாதி தத்ர தத்ர ந ப³ஜ்ஜ²தி தத்ர தத்ர ந அனயப்³யஸனங் ஆபஜ்ஜதி. ஏவம்பி கா³மே ந ஸஜ்ஜதி. கா³மே ச நாபி⁴ஸஜ்ஜெய்யாதி கா³மே ந ஸஜ்ஜெய்ய ந க³ண்ஹெய்ய ந ப³ஜ்ஜெ²ய்ய ந பலிப³ஜ்ஜெ²ய்ய, அகி³த்³தோ⁴
லாப⁴கம்யா ஜனங் ந லபயெய்யாதி. கதமா லபனா? லாப⁴ஸக்காரஸிலோகஸன்னிஸ்ஸிதஸ்ஸ பாபிச்ச²ஸ்ஸ இச்சா²பகதஸ்ஸ ஆமிஸசக்கு²கஸ்ஸ
அபி ச த்³வீஹி காரணேஹி ஜனங் லபதி – அத்தானங் வா நீசங் ட²பெந்தோ பரங் உச்சங் ட²பெந்தோ ஜனங் லபதி, அத்தானங் வா உச்சங் ட²பெந்தோ பரங் நீசங் ட²பெந்தோ ஜனங் லபதி. கத²ங் அத்தானங் நீசங் ட²பெந்தோ பரங் உச்சங் ட²பெந்தோ ஜனங் லபதி? ‘‘தும்ஹே மே ப³ஹூபகாரா, அஹங் தும்ஹே நிஸ்ஸாய லபா⁴மி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரங், யேபி மே அஞ்ஞே தா³துங் வா காதுங் வா மஞ்ஞந்தி, தும்ஹே நிஸ்ஸாய தும்ஹே ஸம்பஸ்ஸந்தா யம்பி மே புராணங் மாதாபெத்திகங் நாமதெ⁴ய்யங் தம்பி மே அந்தரஹிதங். தும்ஹேஹி அஹங் ஞாயாமி அஸுகஸ்ஸ குலூபகோ அஸுகாய குலூபகோ’’தி. ஏவங் அத்தானங் நீசங் ட²பெந்தோ பரங் உச்சங் ட²பெந்தோ ஜனங் லபதி.
கத²ங் அத்தானங் உச்சங் ட²பெந்தோ பரங் நீசங் ட²பெந்தோ ஜனங் லபதி? ‘‘அஹங் தும்ஹாகங் ப³ஹூபகாரோ, தும்ஹே மங் ஆக³ம்ம பு³த்³த⁴ங் ஸரணங் க³தா, த⁴ம்மங் ஸரணங் க³தா, ஸங்க⁴ங் ஸரணங் க³தா, பாணாதிபாதா படிவிரதா, அதி³ன்னாதா³னா படிவிரதா, காமேஸுமிச்சா²சாரா படிவிரதா, முஸாவாதா³ படிவிரதா, ஸுராமேரயமஜ்ஜப்பமாத³ட்டா²னா படிவிரதா. அஹங் தும்ஹாகங் உத்³தே³ஸங் தே³மி, பரிபுச்ச²ங் தே³மி, உபோஸத²ங் ஆசிக்கா²மி, நவகம்மங் அதி⁴ட்டா²மி. அத² பன தும்ஹே மங் உஜ்ஜி²த்வா அஞ்ஞே ஸக்கரோத² க³ருங் கரோத² மானேத² பூஜேதா²’’தி. ஏவங் அத்தானங் உச்சங் ட²பெந்தோ பரங் நீசங் ட²பெந்தோ
லாப⁴கம்யா ஜனங் ந லபயெய்யாதி. லாப⁴ஹேது லாப⁴பச்சயா லாப⁴காரணா லாபா⁴பி⁴னிப்³ப³த்தியா லாப⁴ங் பரிபாசெந்தோ ஜனங் ந லபயெய்ய, லபனங் பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்ய, லபனா ஆரதோ அஸ்ஸ விரதோ படிவிரதோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரெய்யாதி – லாப⁴கம்யா ஜனங் ந லபயெய்ய.
தேனாஹ ப⁴க³வா –
‘‘கயவிக்கயே ந திட்டெ²ய்ய, உபவாத³ங் பி⁴க்கு² ந கரெய்ய குஹிஞ்சி;
கா³மே ச நாபி⁴ஸஜ்ஜெய்ய, லாப⁴கம்யா ஜனங் ந லபயெய்யா’’தி.
165.
ந ச கத்தி²கோ ஸியா பி⁴க்கு², ந ச வாசங் பயுத்தங் பா⁴ஸெய்ய;
பாக³ப்³பி⁴யங் ந ஸிக்கெ²ய்ய, கத²ங் விக்³கா³ஹிகங் ந கத²யெய்ய.
ந ச கத்தி²கோ ஸியா பி⁴க்கூ²தி. இதே⁴கச்சோ கத்தீ² ஹோதி விகத்தீ². ஸோ கத்த²தி விகத்த²தி அஹமஸ்மி ஸீலஸம்பன்னோதி வா வதஸம்பன்னோதி வா ஸீலப்³ப³தஸம்பன்னோதி வா ஜாதியா வா கொ³த்தேன வா கோலபுத்தியேன வா வண்ணபொக்க²ரதாய வா த⁴னேன வா அஜ்ஜே²னேன வா கம்மாயதனேன வா ஸிப்பாயதனேன வா விஜ்ஜாட்டா²னேன வா ஸுதேன வா படிபா⁴னேன வா அஞ்ஞதரஞ்ஞதரேன வா வத்து²னா. உச்சா குலா பப்³ப³ஜிதோதி
ந ச வாசங் பயுத்தங் பா⁴ஸெய்யாதி. கதமா பயுத்தவாசா? இதே⁴கச்சோ
அத² வா சீவரஹேது பிண்ட³பாதஹேது ஸேனாஸனஹேது கி³லானபச்சயபே⁴ஸஜ்ஜபரிக்கா²ரஹேது ஸச்சம்பி ப⁴ணதி முஸாபி ப⁴ணதி, பிஸுணம்பி ப⁴ணதி அபிஸுணம்பி ப⁴ணதி, ப²ருஸம்பி ப⁴ணதி அப²ருஸம்பி ப⁴ணதி, ஸம்ப²ப்பலாபம்பி ப⁴ணதி அஸம்ப²ப்பலாபம்பி ப⁴ணதி, மந்தாபி வாசங் பா⁴ஸதி – அயம்பி வுச்சதி பயுத்தவாசா. அத² வா பஸன்னசித்தோ பரேஸங் த⁴ம்மங் தே³ஸேதி – ‘‘அஹோ வத மே த⁴ம்மங் ஸுணெய்யுங், ஸுத்வாவ த⁴ம்மங் பஸீதெ³ய்யுங், பஸன்னா ச மே பஸன்னாகாரங் கரெய்யு’’ந்தி – அயங் வுச்சதி பயுத்தவாசா. ந ச வாசங் பயுத்தங் பா⁴ஸெய்யாதி. அந்தமஸோ த⁴ம்மதே³ஸனங் வாசங் உபாதா³ய பயுத்தவாசங் ந பா⁴ஸெய்ய
பாக³ப்³பி⁴யங் ந ஸிக்கெ²ய்யாதி. பாக³ப்³பி⁴யந்தி தீணி பாக³ப்³பி⁴யானி – காயிகங் பாக³ப்³பி⁴யங், வாசஸிகங் பாக³ப்³பி⁴யங், சேதஸிகங் பாக³ப்³பி⁴யங். கதமங் காயிகங் பாக³ப்³பி⁴யங்? இதே⁴கச்சோ ஸங்க⁴க³தோபி காயிகங் பாக³ப்³பி⁴யங் த³ஸ்ஸேதி, க³ணக³தோபி காயிகங் பாக³ப்³பி⁴யங் த³ஸ்ஸேதி, போ⁴ஜனஸாலாயபி காயிகங் பாக³ப்³பி⁴யங் த³ஸ்ஸேதி, ஜந்தாக⁴ரேபி காயிகங் பாக³ப்³பி⁴யங் த³ஸ்ஸேதி, உத³கதித்தே²பி
கத²ங் ஸங்க⁴க³தோ காயிகங் பாக³ப்³பி⁴யங் த³ஸ்ஸேதி? இதே⁴கச்சோ ஸங்க⁴க³தோ அசித்தீகாரகதோ தே²ரே பி⁴க்கூ² க⁴ட்டயந்தோபி திட்ட²தி, க⁴ட்டயந்தோபி நிஸீத³தி, புரதோபி திட்ட²தி, புரதோபி நிஸீத³தி, உச்சேபி ஆஸனே நிஸீத³தி, ஸஸீஸங் பாருபித்வா நிஸீத³தி
கத²ங்
கத²ங் போ⁴ஜனஸாலாய காயிகங் பாக³ப்³பி⁴யங் த³ஸ்ஸேதி? இதே⁴கச்சோ போ⁴ஜனஸாலாய அசித்தீகாரகதோ தே²ரே பி⁴க்கூ² அனுபக²ஜ்ஜ நிஸீத³தி, நவேபி பி⁴க்கூ² ஆஸனேன படிபா³ஹதி, க⁴ட்டயந்தோபி திட்ட²தி, க⁴ட்டயந்தோபி நிஸீத³தி, புரதோபி திட்ட²தி, புரதோபி நிஸீத³தி, உச்சேபி ஆஸனே நிஸீத³தி, ஸஸீஸங் பாருபித்வா நிஸீத³தி, டி²தகோபி ப⁴ணதி, பா³ஹாவிக்கே²பகோபி ப⁴ணதி. ஏவங் போ⁴ஜனஸாலாய காயிகங் பாக³ப்³பி⁴யங் த³ஸ்ஸேதி.
கத²ங் ஜந்தாக⁴ரே காயிகங் பாக³ப்³பி⁴யங் த³ஸ்ஸேதி? இதே⁴கச்சோ ஜந்தாக⁴ரே அசித்தீகாரகதோ தே²ரே பி⁴க்கூ² க⁴ட்டயந்தோபி திட்ட²தி, க⁴ட்டயந்தோபி நிஸீத³தி, புரதோபி திட்ட²தி, புரதோபி நிஸீத³தி, உச்சேபி ஆஸனே நிஸீத³தி, அனாபுச்சா²பி கட்ட²ங் பக்கி²பதி, அனாபுச்சா²பி த்³வாரங் பித³ஹதி. ஏவங் ஜந்தாக⁴ரே காயிகங் பாக³ப்³பி⁴யங் த³ஸ்ஸேதி.
கத²ங் உத³கதித்தே² காயிகங் பாக³ப்³பி⁴யங் த³ஸ்ஸேதி? இதே⁴கச்சோ உத³கதித்தே² அசித்தீகாரகதோ தே²ரே பி⁴க்கூ² க⁴ட்டயந்தோபி ஓதரதி, புரதோபி ஓதரதி, க⁴ட்டயந்தோபி ந்ஹாயதி, புரதோபி ந்ஹாயதி, உபரிதோபி ந்ஹாயதி, க⁴ட்டயந்தோபி உத்தரதி, புரதோபி உத்தரதி
கத²ங்
கத²ங் அந்தரக⁴ரங் பவிட்டோ² காயிகங் பாக³ப்³பி⁴யங் த³ஸ்ஸேதி? இதே⁴கச்சோ அந்தரக⁴ரங் பவிட்டோ² ‘‘ந பவிஸ, ப⁴ந்தே’’தி வுச்சமானோ பவிஸதி, ‘‘ந திட்ட², ப⁴ந்தே’’தி வுச்சமானோ
கதமங் வாசஸிகங் பாக³ப்³பி⁴யங்? இதே⁴கச்சோ ஸங்க⁴க³தோபி வாசஸிகங் பாக³ப்³பி⁴யங் த³ஸ்ஸேதி, க³ணக³தோபி வாசஸிகங் பாக³ப்³பி⁴யங் த³ஸ்ஸேதி, அந்தரக⁴ரங் பவிட்டோ²பி வாசஸிகங் பாக³ப்³பி⁴யங் த³ஸ்ஸேதி. கத²ங் ஸங்க⁴க³தோ வாசஸிகங் பாக³ப்³பி⁴யங் த³ஸ்ஸேதி? இதே⁴கச்சோ ஸங்க⁴க³தோ அசித்தீகாரகதோ தே²ரே பி⁴க்கூ² அனாபுச்ச²ங் வா அனஜ்ஜி²ட்டோ² வா ஆராமக³தானங் பி⁴க்கூ²னங் த⁴ம்மங் ப⁴ணதி, பஞ்ஹங் விஸஜ்ஜேதி, பாதிமொக்க²ங் உத்³தி³ஸதி
கத²ங் க³ணக³தோ வாசஸிகங் பாக³ப்³பி⁴யங் த³ஸ்ஸேதி? இதே⁴கச்சோ க³ணக³தோ அசித்தீகாரகதோ தே²ரே பி⁴க்கூ² அனாபுச்ச²ங் வா அனஜ்ஜி²ட்டோ² வா ஆராமக³தானங் பி⁴க்கூ²னங் த⁴ம்மங் ப⁴ணதி, பஞ்ஹங் விஸஜ்ஜேதி, டி²தகோபி ப⁴ணதி, பா³ஹாவிக்கே²பகோபி ப⁴ணதி; ஆராமக³தானங் பி⁴க்கு²னீனங் உபாஸகானங் உபாஸிகானங் த⁴ம்மங் ப⁴ணதி, பஞ்ஹங் விஸஜ்ஜேதி, டி²தகோபி ப⁴ணதி, பா³ஹாவிக்கே²பகோபி ப⁴ணதி. ஏவங் க³ணக³தோ வாசஸிகங் பாக³ப்³பி⁴யங் த³ஸ்ஸேதி.
கத²ங் அந்தரக⁴ரங் பவிட்டோ² வாசஸிகங் பாக³ப்³பி⁴யங் த³ஸ்ஸேதி? இதே⁴கச்சோ அந்தரக⁴ரங் பவிட்டோ² இத்தி²ங் வா குமாரிங் வா ஏவமாஹ – ‘‘இத்த²ன்னாமே இத்த²ங்கொ³த்தே கிங் அத்தி²? யாகு³ அத்தி², ப⁴த்தங் அத்தி², கா²த³னீயங் அத்தி²? கிங் பிவிஸ்ஸாம
கதமங் சேதஸிகங் பாக³ப்³பி⁴யங்? இதே⁴கச்சோ ந உச்சா குலா பப்³ப³ஜிதோ ஸமானோ உச்சா குலா பப்³ப³ஜிதேன ஸத்³தி⁴ங் ஸதி³ஸங் அத்தானங் கரோதி சித்தேன, ந மஹாபோ⁴க³குலா பப்³ப³ஜிதோ ஸமானோ மஹாபோ⁴க³குலா பப்³ப³ஜிதேன ஸத்³தி⁴ங் ஸதி³ஸங் அத்தானங் கரோதி சித்தேன, ந உளாரபோ⁴க³குலா பப்³ப³ஜிதோ ந ஸிக்கெ²ய்யாதி பாக³ப்³பி⁴யங் ந ஸிக்கெ²ய்ய ந சரெய்ய ந ஆசரெய்ய ந ஸமாசரெய்ய ந ஸமாதா³ய வத்தெய்ய, பாக³ப்³பி⁴யங் பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்ய, பாக³ப்³பி⁴யா ஆரதோ அஸ்ஸ விரதோ படிவிரதோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரெய்யாதி – பாக³ப்³பி⁴யங் ந ஸிக்கெ²ய்ய.
கத²ங் விக்³கா³ஹிகங் ந கத²யெய்யாதி. கதமா விக்³கா³ஹிகா கதா²? இதே⁴கச்சோ ஏவரூபிங் கத²ங் கத்தா ஹோதி – ‘‘ந த்வங் இமங் த⁴ம்மவினயங் ஆஜானாஸி…பே॰… நிப்³பே³டே²ஹி வா ஸசே பஹோஸீ’’தி. வுத்தஞ்ஹேதங் ப⁴க³வதா – ‘‘விக்³கா³ஹிகாய கோ², மொக்³க³ல்லான, கதா²ய ஸதி கதா²பா³ஹுல்லங் பாடிகங்க²ங், கதா²பா³ஹுல்லே ஸதி உத்³த⁴ச்சங், உத்³த⁴தஸ்ஸ அஸங்வரோ, அஸங்வுதஸ்ஸ ஆரா சித்தங் கத²ங் விக்³கா³ஹிகங் ந கத²யெய்யாதி. விக்³கா³ஹிகங் கத²ங் ந கதெ²ய்ய ந ப⁴ணெய்ய ந தீ³பெய்ய ந வோஹரெய்ய, விக்³கா³ஹிகங் கத²ங் பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்ய, விக்³கா³ஹிககதா²ய ஆரதோ அஸ்ஸ விரதோ படிவிரதோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரெய்யாதி – கத²ங் விக்³கா³ஹிகங் ந கத²யெய்ய.
தேனாஹ ப⁴க³வா –
‘‘ந
பாக³ப்³பி⁴யங் ந ஸிக்கெ²ய்ய, கத²ங் விக்³கா³ஹிகங் ந கத²யெய்யா’’தி.
166.
மோஸவஜ்ஜே ந நிய்யேத², ஸம்பஜானோ ஸடா²னி ந கயிரா;
அத² ஜீவிதேன பஞ்ஞாய, ஸீலப்³ப³தேன நாஞ்ஞமதிமஞ்ஞே.
மோஸவஜ்ஜே ந நிய்யேதா²தி. மோஸவஜ்ஜங் வுச்சதி முஸாவாதோ³. இதே⁴கச்சோ மோஸவஜ்ஜே ந நிய்யேதா²தி. மோஸவஜ்ஜே ந யாயெய்ய ந நிய்யாயெய்ய ந வஹெய்ய
ஸம்பஜானோ ஸடா²னி ந கயிராதி. கதமங் ஸாடெ²ய்யங்? இதே⁴கச்சோ ஸடோ² ஹோதி பரிஸடோ², யங் தத்த² ஸட²ங் ஸட²தா ஸாடெ²ய்யங் கக்கரதா கக்கரியங் பரிக்க²த்ததா பாரிக்க²த்தியங் – இத³ங் வுச்சதி ஸாடெ²ய்யங். ஸம்பஜானோ ஸடா²னி ந கயிராதி. ஸம்பஜானோ ஹுத்வா ஸாடெ²ய்யங் ந கரெய்ய ந ஜனெய்ய ந ஸஞ்ஜனெய்ய ந நிப்³ப³த்தெய்ய நாபி⁴னிப்³ப³த்தெய்ய, ஸாடெ²ய்யங்
அத² ஜீவிதேன பஞ்ஞாய, ஸீலப்³ப³தேன நாஞ்ஞமதிமஞ்ஞேதி. அதா²தி பத³ஸந்தி⁴…பே॰… பதா³னுபுப்³ப³தாபேதங் – அதா²தி. இதே⁴கச்சோ லூக²ஜீவிதங் ஜீவந்தோ பரங் பணீதஜீவிதங் ஜீவந்தங் அதிமஞ்ஞதி – ‘‘கிங் பனாயங் ப³ஹுலாஜீவோ ஸப்³ப³ங் ஸங்ப⁴க்கே²தி, ஸெய்யதி²த³ங் – மூலபீ³ஜங் க²ந்த⁴பீ³ஜங் ப²ளுபீ³ஜங் அக்³க³பீ³ஜங் பீ³ஜபீ³ஜமேவ பஞ்சமங் அஸனிவிசக்கத³ந்தகூடஸமணப்பதா⁴னேனா’’தி
இதே⁴கச்சோ பணீதஜீவிதங் ஜீவந்தோ பரங் லூக²ஜீவிதங் ஜீவந்தங் அதிமஞ்ஞதி – ‘‘கிங் பனாயங் அப்பபுஞ்ஞோ அப்பேஸக்கோ² ந லாபீ⁴ சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரான’’ந்தி. ஸோ தாய பணீதஜீவிதாய அத² ஜீவிதேன பஞ்ஞாய, ஸீலப்³ப³தேன நாஞ்ஞமதிமஞ்ஞேதி. லூக²ஜீவிதாய வா பணீதஜீவிதாய வா பஞ்ஞாஸம்பதா³ய வா ஸீலஸம்பதா³ய வா வதஸம்பதா³ய வா பரங் நாதிமஞ்ஞெய்ய, நாவஜானெய்ய, ந தேன மானங் ஜனெய்ய, ந தேன த²த்³தோ⁴ அஸ்ஸ, பத்த²த்³தோ⁴ பக்³க³ஹிதஸிரோதி – அத² ஜீவிதேன பஞ்ஞாய ஸீலப்³ப³தேன நாஞ்ஞமதிமஞ்ஞே.
தேனாஹ ப⁴க³வா –
‘‘மோஸவஜ்ஜே ந நிய்யேத², ஸம்பஜானோ ஸடா²னி ந கயிரா;
அத² ஜீவிதேன பஞ்ஞாய, ஸீலப்³ப³தேன நாஞ்ஞமதிமஞ்ஞே’’தி.
167.
ஸுத்வா ருஸிதோ ப³ஹுங் வாசங், ஸமணானங் வா புது²ஜனானங் ;
ப²ருஸேன நே ந படிவஜ்ஜா, ந ஹி ஸந்தோ படிஸேனிங் கரொந்தி .
ஸுத்வா ருஸிதோ ப³ஹுங் வாசங், ஸமணானங் புது²ஜனானந்தி. ருஸிதோதி தூ³ஸிதோ கு²ங்ஸிதோ க⁴ட்டிதோ வம்பி⁴தோ க³ரஹிதோ உபவதி³தோ. ஸமணானந்தி யே கேசி இதோ ப³ஹித்³தா⁴ பரிப்³ப³ஜூபக³தா பரிப்³ப³ஜஸமாபன்னா. புது²ஜனானந்தி க²த்தியா ச ப்³ராஹ்மணா ச வெஸ்ஸா ச ஸுத்³தா³ ச க³ஹட்டா² ச பப்³ப³ஜிதா ச தே³வா ச மனுஸ்ஸா ச, தே ப³ஹுகாஹி வாசாஹி அனிட்டா²ஹி அகந்தாஹி அமனாபாஹி அக்கோஸெய்யுங் பரிபா⁴ஸெய்யுங் ரோஸெய்யுங் விரோஸெய்யுங் ஹிங்ஸெய்யுங் விஹிங்ஸெய்யுங் ஹேடெ²ய்யுங் விஹேடெ²ய்யுங் கா⁴தெய்யுங் உபகா⁴தெய்யுங் உபகா⁴தங் கரெய்யுங் தேஸங் ப³ஹுங் வாசங் அனிட்ட²ங் அகந்தங் அமனாபங் ஸுத்வா ஸுணித்வா உக்³க³ஹித்வா உபதா⁴ரயித்வா உபலக்க²யித்வாதி – ஸுத்வா ருஸிதோ ப³ஹுங் வாசங், ஸமணானங் வா புது²ஜனானங்.
ப²ருஸேன நே ந படிவஜ்ஜாதி. ப²ருஸேனாதி ப²ருஸேன கக்க²ளேன ந படிவஜ்ஜா நப்படிப⁴ணெய்ய, அக்கோஸந்தங் ந பச்சக்கோஸெய்ய, ரோஸந்தங் நப்படிரோஸெய்ய, ப⁴ண்ட³னங் நப்படிப⁴ண்டெ³ய்ய ந கலஹங் கரெய்ய ந ப⁴ண்ட³னங் கரெய்ய ந விக்³க³ஹங் கரெய்ய ந விவாத³ங் கரெய்ய ந மேத⁴க³ங் கரெய்ய, கலஹப⁴ண்ட³னவிக்³க³ஹவிவாத³மேத⁴க³ங் பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்ய, கலஹப⁴ண்ட³னவிக்³க³ஹவிவாத³மேத⁴கா³ ஆரதோ அஸ்ஸ விரதோ படிவிரதோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரெய்யாதி – ப²ருஸேன நே ந படிவஜ்ஜா.
ந ஹி ஸந்தோ படிஸேனிங் கரொந்தீதி. ஸந்தோதி ராக³ஸ்ஸ ஸந்தத்தா ஸந்தோ, தோ³ஸஸ்ஸ… மோஹஸ்ஸ… கோத⁴ஸ்ஸ… உபனாஹஸ்ஸ…பே॰… ஸப்³பா³குஸலாபி⁴ஸங்கா²ரானங் ந ஹி ஸந்தோ படிஸேனிங் கரொந்தீதி. ஸந்தோ படிஸேனிங் படிமல்லங் படிகண்டகங்
தேனாஹ ப⁴க³வா –
‘‘ஸுத்வா ருஸிதோ ப³ஹுங் வாசங், ஸமணானங் வா புது²ஜனானங்;
ப²ருஸேன நே ந படிவஜ்ஜா, ந ஹி ஸந்தோ படிஸேனிங் கரொந்தீ’’தி.
168.
ஏதஞ்ச த⁴ம்மமஞ்ஞாய, விசினங் பி⁴க்கு² ஸதா³ ஸதோ ஸிக்கே²;
ஸந்தீதி நிப்³பு³திங் ஞத்வா, ஸாஸனே கோ³தமஸ்ஸ நப்பமஜ்ஜெய்ய.
ஏதஞ்ச த⁴ம்மமஞ்ஞாயாதி. ஏதந்தி ஆசிக்கி²தங் தே³ஸிதங் பஞ்ஞபிதங் பட்ட²பிதங் விவடங் விப⁴த்தங் உத்தானீகதங் பகாஸிதங் த⁴ம்மங் அஞ்ஞாய ஜானித்வா துலயித்வா தீரயித்வா விபா⁴வயித்வா விபூ⁴தங் கத்வாதி. ஏவம்பி ஏதஞ்ச த⁴ம்மமஞ்ஞாய. அத² வா ஸமஞ்ச விஸமஞ்ச பத²ஞ்ச விபத²ஞ்ச ஸாவஜ்ஜஞ்ச அனவஜ்ஜஞ்ச ஹீனஞ்ச பணீதஞ்ச கண்ஹஞ்ச ஸுக்கஞ்ச விஞ்ஞூக³ரஹிதஞ்ச விஞ்ஞூபஸத்த²ஞ்ச த⁴ம்மங் அஞ்ஞாய ஜானித்வா
விசினங் பி⁴க்கு² ஸதா³ ஸதோ ஸிக்கே²தி. விசினந்தி விசினந்தோ பவிசினந்தோ துலயந்தோ தீரயந்தோ விபா⁴வயந்தோ விபூ⁴தங் கரொந்தோ. ‘‘ஸப்³பே³ ஸங்கா²ரா அனிச்சா’’தி…பே॰… ‘‘யங் கிஞ்சி ஸமுத³யத⁴ம்மங் ஸப்³ப³ங் தங் நிரோத⁴த⁴ம்ம’’ந்தி விசினந்தோ ஸதா³தி ஸதா³ ஸப்³ப³தா³ ஸப்³ப³காலங்…பே॰… பச்சி²மே வயோக²ந்தே⁴. ஸதோதி சதூஹி காரணேஹி ஸதோ – காயே காயானுபஸ்ஸனாஸதிபட்டா²னங் பா⁴வெந்தோ ஸதோ…பே॰… ஸோ வுச்சதி ஸதோ. ஸிக்கே²தி
ஸந்தீதி நிப்³பு³திங் ஞத்வாதி. ராக³ஸ்ஸ நிப்³பு³திங் ஸந்தீதி ஞத்வா, தோ³ஸஸ்ஸ… மோஹஸ்ஸ…பே॰… ஸப்³பா³குஸலாபி⁴ஸங்கா²ரானங் நிப்³பு³திங் ஸந்தீதி ஞத்வா ஜானித்வா துலயித்வா தீரயித்வா விபா⁴வயித்வா விபூ⁴தங் கத்வாதி – ஸந்தீதி நிப்³பு³திங் ஞத்வா.
ஸாஸனே கோ³தமஸ்ஸ நப்பமஜ்ஜெய்யாதி. கோ³தமஸ்ஸ ஸாஸனே பு³த்³த⁴ஸாஸனே ஜினஸாஸனே ததா²க³தஸாஸனே நப்பமஜ்ஜெய்யாதி ஸக்கச்சகாரீ அஸ்ஸ ஸாதச்சகாரீ அட்டி²தகாரீ அனோலீனவுத்திகோ அனிக்கி²த்தச்ச²ந்தோ³ அனிக்கி²த்தது⁴ரோ குஸலேஸு த⁴ம்மேஸு. ‘‘கதா³ஹங் அபரிபூரங் வா ஸீலக்க²ந்த⁴ங் பரிபூரெய்யங்…பே॰… அபரிபூரங் வா ஸமாதி⁴க்க²ந்த⁴ங்… பஞ்ஞாக்க²ந்த⁴ங்… விமுத்திக்க²ந்த⁴ங்… விமுத்திஞாணத³ஸ்ஸனக்க²ந்த⁴ங்? கதா³ஹங் அபரிஞ்ஞாதங் வா து³க்க²ங் பரிஜானெய்யங், அப்பஹீனே வா கிலேஸே பஜஹெய்யங், அபா⁴விதங் வா மக்³க³ங் பா⁴வெய்யங், அஸச்சி²கதங் வா நிரோத⁴ங் ஸச்சி²கரெய்ய’’ந்தி? யோ தத்த² ச²ந்தோ³ ச வாயாமோ ச உஸ்ஸாஹோ ச உஸ்ஸொள்ஹீ ச தா²மோ ச அப்படிவானீ ச ஸதி ச ஸம்பஜஞ்ஞஞ்ச ஆதப்பங் பதா⁴னங் அதி⁴ட்டா²னங் அனுயோகோ³ அப்பமாதோ³ குஸலேஸு த⁴ம்மேஸூதி – ஸாஸனே கோ³தமஸ்ஸ நப்பமஜ்ஜெய்ய.
தேனாஹ ப⁴க³வா –
‘‘ஏதஞ்ச த⁴ம்மமஞ்ஞாய, விசினங் பி⁴க்கு² ஸதா³ ஸதோ ஸிக்கே²;
ஸந்தீதி நிப்³பு³திங் ஞத்வா, ஸாஸனே கோ³தமஸ்ஸ நப்பமஜ்ஜெய்யா’’தி.
169.
அபி⁴பூ⁴ ஹி ஸோ அனபி⁴பூ⁴தோ, ஸக்கி²த⁴ம்மமனீதிஹமத்³த³ஸி;
தஸ்மா ஹி தஸ்ஸ ப⁴க³வதோ ஸாஸனே, அப்பமத்தோ ஸதா³ நமஸ்ஸமனுஸிக்கே².[இதி ப⁴க³வா]
அபி⁴பூ⁴ ஹி ஸோ அனபி⁴பூ⁴தோதி. அபி⁴பூ⁴தி ரூபாபி⁴பூ⁴
ஸக்கி²த⁴ம்மமனீதிஹமத்³த³ஸீதி. ஸக்கி²த⁴ம்மந்தி ந இதிஹிதிஹங் ந இதிகிரியாய ந பரம்பராய ந பிடகஸம்பதா³ய ந தக்கஹேது ந நயஹேது ந ஆகாரபரிவிதக்கேன ந தி³ட்டி²னிஜ்ஜா²னக்க²ந்தியா ஸாமங் ஸயமபி⁴ஞ்ஞாதங் அத்தபச்சக்க²த⁴ம்மங் அத்³த³ஸி அத்³த³க்கி² அபஸ்ஸி படிவிஜ்ஜீ²தி – ஸக்கி²த⁴ம்மமனீதிஹமத்³த³ஸி.
தஸ்மா ஹி தஸ்ஸ ப⁴க³வதோ ஸாஸனேதி. தஸ்மாதி தஸ்மா தங்காரணா தங்ஹேது தப்பச்சயா தங்னிதா³னா. தஸ்ஸ ப⁴க³வதோ ஸாஸனேதி. தஸ்ஸ ப⁴க³வதோ ஸாஸனே கோ³தமஸாஸனே பு³த்³த⁴ஸாஸனே ஜினஸாஸனே ததா²க³தஸாஸனே தே³வஸாஸனே அரஹந்தஸாஸனேதி – தஸ்மா தஸ்ஸ ப⁴க³வதோ ஸாஸனே.
அப்பமத்தோ ஸதா³ நமஸ்ஸமனுஸிக்கே² (இதி ப⁴க³வா)தி. அப்பமத்தோதி ஸக்கச்சகாரீ…பே॰… அப்பமாதோ³ குஸலேஸு த⁴ம்மேஸு. ஸதா³தி ஸதா³ ஸப்³ப³காலங்…பே॰… பச்சி²மே வயோக²ந்தே⁴. நமஸ்ஸந்தி காயேன வா நமஸ்ஸமானோ வாசாய வா நமஸ்ஸமானோ சித்தேன வா நமஸ்ஸமானோ அன்வத்த²படிபத்தியா வா நமஸ்ஸமானோ த⁴ம்மானுத⁴ம்மபடிபத்தியா அனுஸிக்கே²தி திஸ்ஸோ ஸிக்கா²யோ – அதி⁴ஸீலஸிக்கா², அதி⁴சித்தஸிக்கா², அதி⁴பஞ்ஞாஸிக்கா²…பே॰… அயங் அதி⁴பஞ்ஞாஸிக்கா². இமா திஸ்ஸோ ஸிக்கா²யோ ஆவஜ்ஜந்தோ ஸிக்கெ²ய்ய…பே॰… ஸச்சி²காதப்³ப³ங் ஸச்சி²கரொந்தோ ஸிக்கெ²ய்ய சரெய்ய ஆசரெய்ய ஸமாசரெய்ய ஸமாதா³ய வத்தெய்ய. ப⁴க³வாதி கா³ரவாதி⁴வசனங்…பே॰… ஸச்சி²கா பஞ்ஞத்தி யதி³த³ங் ப⁴க³வாதி – அப்பமத்தோ ஸதா³ நமஸ்ஸமனுஸிக்கே². (இதி ப⁴க³வா).
தேனாஹ ப⁴க³வா –
‘‘அபி⁴பூ⁴
தஸ்மா ஹி தஸ்ஸ ப⁴க³வதோ ஸாஸனே, அப்பமத்தோ ஸதா³ நமஸ்ஸமனுஸிக்கே²’’. [இதி ப⁴க³வாதி]
துவட்டகஸுத்தனித்³தே³ஸோ