வேரஞ்ஜகண்ட³வண்ணனா
1. இதா³னி
‘‘தேனாதிஆதி³பாட²ஸ்ஸ, அத்த²ங் நானப்பகாரதோ;
த³ஸ்ஸயந்தோ கரிஸ்ஸாமி, வினயஸ்ஸத்த²வண்ணன’’ந்தி.
வுத்தத்தா தேன ஸமயேன பு³த்³தோ⁴ ப⁴க³வாதிஆதீ³னங் அத்த²வண்ணனங் கரிஸ்ஸாமி. ஸெய்யதி²த³ங் – தேனாதி அனியமனித்³தே³ஸவசனங். தஸ்ஸ ஸரூபேன அவுத்தேனபி அபரபா⁴கே³ அத்த²தோ ஸித்³தே⁴ன யேனாதி இமினா வசனேன படினித்³தே³ஸோ காதப்³போ³. அபரபா⁴கே³ ஹி வினயபஞ்ஞத்தியாசனஹேதுபூ⁴தோ ஆயஸ்மதோ ஸாரிபுத்தஸ்ஸ பரிவிதக்கோ ஸித்³தோ⁴. தஸ்மா யேன ஸமயேன ஸோ பரிவிதக்கோ உத³பாதி³, தேன ஸமயேன பு³த்³தோ⁴ ப⁴க³வா வேரஞ்ஜாயங் விஹரதீதி ஏவமெத்த² ஸம்ப³ந்தோ⁴ வேதி³தப்³போ³. அயஞ்ஹி ஸப்³ப³ஸ்மிம்பி வினயே யுத்தி, யதி³த³ங் யத்த² யத்த² ‘‘தேனா’’தி வுச்சதி தத்த² தத்த² புப்³பே³ வா பச்சா² வா அத்த²தோ ஸித்³தே⁴ன ‘‘யேனா’’தி இமினா வசனேன படினித்³தே³ஸோ காதப்³போ³தி.
தத்ரித³ங் முக²மத்தனித³ஸ்ஸனங் – ‘‘தேன ஹி, பி⁴க்க²வே, பி⁴க்கூ²னங் ஸிக்கா²பத³ங் பஞ்ஞபெஸ்ஸாமி, யேன ஸுதி³ன்னோ மேது²னங் த⁴ம்மங் படிஸேவி; யஸ்மா படிஸேவி, தஸ்மா பஞ்ஞபெஸ்ஸாமீ’’தி வுத்தங் ஹோதி. ஏவங் தாவ புப்³பே³ அத்த²தோ ஸித்³தே⁴ன யேனாதி இமினா வசனேன படினித்³தே³ஸோ யுஜ்ஜதி. தேன ஸமயேன பு³த்³தோ⁴ ப⁴க³வா ராஜக³ஹே விஹரதி, யேன ஸமயேன த⁴னியோ கும்ப⁴காரபுத்தோ ரஞ்ஞோ தா³ரூனி அதி³ன்னங் ஆதி³யீதி ஏவங் பச்சா² அத்த²தோ ஸித்³தே⁴ன யேனாதி இமினா வசனேன படினித்³தே³ஸோ யுஜ்ஜதீதி வுத்தோ தேனாதி வசனஸ்ஸ அத்தோ². ஸமயேனாதி எத்த² பன ஸமயஸத்³தோ³ தாவ –
ஸமவாயே
படிலாபே⁴ பஹானே ச, படிவேதே⁴ ச தி³ஸ்ஸதி.
ததா²
‘‘தி³ட்டே² த⁴ம்மே ச யோ அத்தோ², யோ சத்தோ² ஸம்பராயிகோ;
அத்தா²பி⁴ஸமயா தீ⁴ரோ, பண்டி³தோதி பவுச்சதீ’’தி. (ஸங்॰ நி॰ 1.129);
ஏவமாதீ³ஸு படிலாபோ⁴. ‘‘ஸம்மா மானாபி⁴ஸமயா அந்தமகாஸி து³க்க²ஸ்ஸா’’தி (ம॰ நி॰ 1.28) ஏவமாதீ³ஸு பஹானங். ‘‘து³க்க²ஸ்ஸ பீளனட்டோ² ஸங்க²தட்டோ² ஸந்தாபட்டோ² விபரிணாமட்டோ² அபி⁴ஸமயட்டோ²’’தி (படி॰ ம॰ 2.8) ஏவமாதீ³ஸு படிவேதோ⁴ அத்தோ². இத⁴ பனஸ்ஸ காலோ அத்தோ². தஸ்மா யேன காலேன ஆயஸ்மதோ ஸாரிபுத்தஸ்ஸ வினயபஞ்ஞத்தியாசனஹேதுபூ⁴தோ பரிவிதக்கோ உத³பாதி³, தேன காலேனாதி ஏவமெத்த² அத்தோ² த³ட்ட²ப்³போ³.
எத்தா²ஹ – ‘‘அத² கஸ்மா யதா² ஸுத்தந்தே ‘ஏகங் ஸமய’ந்தி உபயோக³வசனேன நித்³தே³ஸோ கதோ, அபி⁴த⁴ம்மே ச ‘யஸ்மிங் ஸமயே காமாவசர’ந்தி பு⁴ம்மவசனேன, ததா² அகத்வா இத⁴ ‘தேன ஸமயேனா’தி கரணவசனேன நித்³தே³ஸோ கதோ’’தி? தத்த² ததா², இத⁴ ச அஞ்ஞதா² அத்த²ஸம்ப⁴வதோ. கத²ங்? ஸுத்தந்தே தாவ அச்சந்தஸங்யோக³த்தோ² ஸம்ப⁴வதி. யஞ்ஹி ஸமயங் ப⁴க³வா ப்³ரஹ்மஜாலாதீ³னி ஸுத்தந்தானி தே³ஸேஸி, அச்சந்தமேவ தங் ஸமயங் கருணாவிஹாரேன விஹாஸி; தஸ்மா தத³த்த²ஜோதனத்த²ங் தத்த² உபயோக³னித்³தே³ஸோ கதோ. அபி⁴த⁴ம்மே ச அதி⁴கரணத்தோ²
‘‘உபயோகே³ன பு⁴ம்மேன, தங் தங் அத்த²மபெக்கி²ய;
அஞ்ஞத்ர ஸமயோ வுத்தோ, கரணேனேவ ஸோ இதா⁴’’தி.
போராணா பன வண்ணயந்தி – ‘ஏகங் ஸமய’ந்தி வா ‘யஸ்மிங் ஸமயே’தி வா ‘தேன ஸமயேனா’தி வா அபி⁴லாபமத்தபே⁴தோ³ ஏஸ, ஸப்³ப³த்த² பு⁴ம்மமேவ அத்தோ²’’தி. தஸ்மா தேஸங் லத்³தி⁴யா ‘‘தேன ஸமயேனா’’தி வுத்தேபி ‘‘தஸ்மிங் ஸமயே’’தி அத்தோ² வேதி³தப்³போ³.
பு³த்³தோ⁴ ப⁴க³வாதி இமேஸங் பதா³னங் பரதோ அத்த²ங் வண்ணயிஸ்ஸாம. வேரஞ்ஜாயங் விஹரதீதி எத்த² பன வேரஞ்ஜாதி அஞ்ஞதரஸ்ஸ நக³ரஸ்ஸேதங் அதி⁴வசனங், தஸ்ஸங் வேரஞ்ஜாயங்; ஸமீபத்தே² பு⁴ம்மவசனங். விஹரதீதி அவிஸேஸேன இரியாபத²தி³ப்³ப³ப்³ரஹ்மஅரியவிஹாரேஸு அஞ்ஞதரவிஹாரஸமங்கீ³பரிதீ³பனமேதங், இத⁴ பன டா²னக³மனநிஸஜ்ஜாஸயனப்பபே⁴தே³ஸு இரியாபதே²ஸு அஞ்ஞதரஇரியாபத²ஸமாயோக³பரிதீ³பனங், தேன டி²தோபி க³ச்ச²ந்தோபி நிஸின்னோபி ஸயானோபி ப⁴க³வா விஹரதிச்சேவ வேதி³தப்³போ³. ஸோ ஹி ஏகங் இரியாபத²பா³த⁴னங் அஞ்ஞேன இரியாபதே²ன விச்சி²ந்தி³த்வா அபரிபதந்தங் அத்தபா⁴வங் ஹரதி பவத்தேதி, தஸ்மா ‘‘விஹரதீ’’தி வுச்சதி.
நளேருபுசிமந்த³மூலேதி எத்த² நளேரு நாம யக்கோ², புசிமந்தோ³தி மூலந்தி ஸமீபங். அயஞ்ஹி மூலஸத்³தோ³ ‘‘மூலானி உத்³த⁴ரெய்ய அந்தமஸோ உஸீரனாளிமத்தானிபீ’’தி (அ॰ நி॰ 4.195) -ஆதீ³ஸு மூலமூலே தி³ஸ்ஸதி. ‘‘லோபோ⁴ அகுஸலமூல’’ந்தி (தீ³॰ நி॰ 3.305) -ஆதீ³ஸு அஸாதா⁴ரணஹேதும்ஹி. ‘‘யாவ மஜ்ஜ²ன்ஹிகே காலே சா²யா ப²ரதி, நிவாதே பண்ணானி பதந்தி, எத்தாவதா ருக்க²மூல’’ந்திஆதீ³ஸு ஸமீபே. இத⁴ பன ஸமீபே அதி⁴ப்பேதோ, தஸ்மா நளேருயக்கே²ன அதி⁴க்³க³ஹிதஸ்ஸ புசிமந்த³ஸ்ஸ ஸமீபேதி ஏவமெத்த² அத்தோ² த³ட்ட²ப்³போ³. ஸோ கிர புசிமந்தோ³ ரமணீயோ பாஸாதி³கோ அனேகேஸங் ருக்கா²னங் ஆதி⁴பச்சங் விய குருமானோ தஸ்ஸ நக³ரஸ்ஸ அவிதூ³ரே க³மனாக³மனஸம்பன்னே டா²னே அஹோஸி. அத² ‘‘வேரஞ்ஜாயங் விஹரதி நளேருபுசிமந்த³மூலே’’தி.
தத்த²
தத்த² வேரஞ்ஜாகித்தனேன ஆயஸ்மா உபாலித்தே²ரோ ப⁴க³வதோ க³ஹட்டா²னுக்³க³ஹகரணங் த³ஸ்ஸேதி, நளேருபுசிமந்த³மூலகித்தனேன பப்³ப³ஜிதானுக்³க³ஹகரணங், ததா² புரிமேன பச்சயக்³க³ஹணதோ அத்தகிலமதா²னுயோக³விவஜ்ஜனங், பச்சி²மேன வத்து²காமப்பஹானதோ காமஸுக²ல்லிகானுயோக³விவஜ்ஜனுபாயத³ஸ்ஸனங்; புரிமேன ச த⁴ம்மதே³ஸனாபி⁴யோக³ங், பச்சி²மேன விவேகாதி⁴முத்திங்; புரிமேன கருணாய உபக³மனங்
மஹதா பி⁴க்கு²ஸங்கே⁴ன ஸத்³தி⁴ந்தி எத்த² மஹதாதி கு³ணமஹத்தேனபி மஹதா; ஸங்க்²யாமஹத்தேனபி, ஸோ ஹி பி⁴க்கு²ஸங்கோ⁴ கு³ணேஹிபி மஹா அஹோஸி, யஸ்மா யோ தத்த² பச்சி²மகோ ஸோ ஸோதாபன்னோ; ஸங்க்²யாயபி மஹா பஞ்சஸதஸங்க்²யத்தா. பி⁴க்கூ²னங் ஸங்கே⁴ன பி⁴க்கு²ஸங்கே⁴ன; தி³ட்டி²ஸீலஸாமஞ்ஞஸங்கா²தஸங்கா⁴தேன ஸமணக³ணேனாதி அத்தோ². ஸத்³தி⁴ந்தி ஏகதோ. பஞ்சமத்தேஹி பி⁴க்கு²ஸதேஹீதி பஞ்ச மத்தா ஏதேஸந்தி பஞ்சமத்தானி. மத்தாதி பமாணங் வுச்சதி. தஸ்மா யதா² ‘‘போ⁴ஜனே பி⁴க்கு²ஸதானி, தேஹி பஞ்சமத்தேஹி பி⁴க்கு²ஸதேஹி. ஏதேன யங் வுத்தங் – ‘‘மஹதா பி⁴க்கு²ஸங்கே⁴ன ஸத்³தி⁴’’ந்தி, எத்த² தஸ்ஸ மஹதோ பி⁴க்கு²ஸங்க⁴ஸ்ஸ ஸங்க்²யாமஹத்தங் த³ஸ்ஸிதங் ஹோதி. பரதோ பனஸ்ஸ
அஸ்ஸோஸி கோ² வேரஞ்ஜோ ப்³ராஹ்மணோதி அஸ்ஸோஸீதி ஸுணி உபலபி⁴, ஸோதத்³வாரஸம்பத்தவசனநிக்³கோ⁴ஸானுஸாரேன அஞ்ஞாஸி. கோ²தி பத³பூரணமத்தே அவதா⁴ரணத்தே² வா நிபாதோ. தத்த² அவதா⁴ரணத்தே²ன அஸ்ஸோஸி ஏவ, நாஸ்ஸ கோசி ஸவனந்தராயோ அஹோஸீதி அயமத்தோ² வேதி³தப்³போ³. பத³பூரணேன பன ப்³யஞ்ஜனஸிலிட்ட²தாமத்தமேவ. வேரஞ்ஜாயங் ஜாதோ, வேரஞ்ஜாயங் ப⁴வோ, வேரஞ்ஜா வா அஸ்ஸ நிவாஸோதி வேரஞ்ஜோ. மாதாபிதூஹி கதனாமவஸேன பனாயங் ‘‘உத³யோ’’தி வுச்சதி. ப்³ரஹ்மங் அணதீதி ப்³ராஹ்மணோ, மந்தே ஸஜ்ஜா²யதீதி அத்தோ². இத³மேவ ஹி ஜாதிப்³ராஹ்மணானங் நிருத்திவசனங். அரியா பன பா³ஹிதபாபத்தா ‘‘ப்³ராஹ்மணா’’தி வுச்சந்தி.
இதா³னி யமத்த²ங் வேரஞ்ஜோ ப்³ராஹ்மணோ அஸ்ஸோஸி, தங் பகாஸெந்தோ ஸமணோ க²லு போ⁴ கோ³தமோதிஆதி³மாஹ. தத்த² ஸமிதபாபத்தா ஸமணோதி வேதி³தப்³போ³. வுத்தங் ஹேதங் – ‘‘பா³ஹிதபாபோதி ப்³ராஹ்மணோ (த⁴॰ ப॰ 388), ஸமிதபாபத்தா க²லூதி அனுஸ்ஸவனத்தே² நிபாதோ. போ⁴தி ப்³ராஹ்மணஜாதிகானங் ஜாதிஸமுதா³க³தங் ஆலபனமத்தங். வுத்தம்பி ஹேதங் –
‘‘போ⁴வாதீ³ நாமஸோ ஹோதி, ஸசே ஹோதி ஸகிஞ்சனோ’’தி. (த⁴॰ ப॰ 396; ஸு॰ நி॰ 625). கோ³தமோதி ப⁴க³வந்தங் கொ³த்தவஸேன பரிகித்தேதி, தஸ்மா ‘‘ஸமணோ க²லு போ⁴ கோ³தமோ’’தி எத்த² ஸமணோ கிர போ⁴ கோ³தமகொ³த்தோதி ஏவமத்தோ² த³ட்ட²ப்³போ³. ஸக்யபுத்தோதி இத³ங் பன ப⁴க³வதோ உச்சாகுலபரிதீ³பனங். ஸக்யகுலா பப்³ப³ஜிதோதி ஸத்³தா⁴பப்³ப³ஜிதபா⁴வபரிதீ³பனங், கேனசி பாரிஜுஞ்ஞேன அனபி⁴பூ⁴தோ அபரிக்கீ²ணங்யேவ, தங் குலங் பஹாய ஸத்³தா⁴ய பப்³ப³ஜிதோதி வுத்தங் ஹோதி. ததோ பரங் வுத்தத்த²மேவ. தங் கோ² பனாதி இத்த²ம்பூ⁴தாக்²யானத்தே² கல்யாணோதி கல்யாணகு³ணஸமன்னாக³தோ; ஸெட்டோ²தி வுத்தங் ஹோதி. கித்திஸத்³தோ³தி கித்தி ஏவ, து²திகோ⁴ஸோ வா.
இதிபி ஸோ ப⁴க³வாதிஆதீ³ஸு பன அயங் தாவ யோஜனா – ஸோ ப⁴க³வா இதிபி அரஹங், இதிபி ஸம்மாஸம்பு³த்³தோ⁴…பே॰… இதிபி ப⁴க³வாதி இமினா ச இமினா ச காரணேனாதி வுத்தங் ஹோதி.
இதா³னி வினயத⁴ரானங் ஸுத்தந்தனயகோஸல்லத்த²ங் வினயஸங்வண்ணனாரம்பே⁴ பு³த்³த⁴கு³ணபடிஸங்யுத்தாய த⁴ம்மியா கதா²ய சித்தஸம்பஹங்ஸனத்த²ஞ்ச ஏதேஸங் பதா³னங் வித்தா²ரனயேன வண்ணனங் கரிஸ்ஸாமி. தஸ்மா யங் வுத்தங் – ‘‘ஸோ ப⁴க³வா இதிபி அரஹ’’ந்திஆதி³; தத்த² ஆரகத்தா, அரீனங் அரானஞ்ச ஹதத்தா, பச்சயாதீ³னங் அரஹத்தா, பாபகரணே ரஹாபா⁴வாதி இமேஹி தாவ காரணேஹி ஸோ ப⁴க³வா அரஹந்தி வேதி³தப்³போ³. ஆரகா ஹி ஸோ ஸப்³ப³கிலேஸேஹி ஸுவிதூ³ரவிதூ³ரே டி²தோ, மக்³கே³ன ஸவாஸனானங் கிலேஸானங் வித்³த⁴ங்ஸிதத்தாதி ஆரகத்தா அரஹங்; தே சானேன கிலேஸாரயோ மக்³கே³ன ஹதாதி அரீனங் ஹதத்தாபி அரஹங். யஞ்சேதங் அவிஜ்ஜாப⁴வதண்ஹாமயனாபி⁴புஞ்ஞாதி³அபி⁴ஸங்கா²ராரங் ஜராமரணனேமி ஆஸவஸமுத³யமயேன அக்கே²ன விஜ்ஜி²த்வா திப⁴வரதே² ஸமாயோஜிதங் அனாதி³காலப்பவத்தங் ஸங்ஸாரசக்கங், தஸ்ஸானேன போ³தி⁴மண்டே³ அரஹங்.
அத² வா ஸங்ஸாரசக்கந்தி அனமதக்³க³ஸங்ஸாரவட்டங் வுச்சதி, தஸ்ஸ ச அவிஜ்ஜா நாபி⁴, மூலத்தா; ஜராமரணங் நேமி, பரியோஸானத்தா; ஸேஸா த³ஸ த⁴ம்மா அரா, அவிஜ்ஜாமூலகத்தா ஜராமரணபரியந்தத்தா ச. தத்த² து³க்கா²தீ³ஸு அஞ்ஞாணங் அவிஜ்ஜா, காமப⁴வே ச அவிஜ்ஜா காமப⁴வே ஸங்கா²ரானங் பச்சயோ ஹோதி. ரூபப⁴வே அவிஜ்ஜா ரூபப⁴வே ஸங்கா²ரானங் பச்சயோ ஹோதி. அரூபப⁴வே அவிஜ்ஜா அரூபப⁴வே ஸங்கா²ரானங் பச்சயோ ஹோதி. காமப⁴வே ஸங்கா²ரா காமப⁴வே
கத²ங்? இதே⁴கச்சோ ‘‘காமே பரிபு⁴ஞ்ஜிஸ்ஸாமீ’’தி காமுபாதா³னபச்சயா காயேன து³ச்சரிதங் சரதி, வாசாய மனஸா து³ச்சரிதங் சரதி; து³ச்சரிதபாரிபூரியா அபாயே உபபஜ்ஜதி. தத்த²ஸ்ஸ உபபத்திஹேதுபூ⁴தங் கம்மங் கம்மப⁴வோ, கம்மனிப்³ப³த்தா க²ந்தா⁴ உபபத்திப⁴வோ, க²ந்தா⁴னங் நிப்³ப³த்தி ஜாதி, பரிபாகோ ஜரா, பே⁴தோ³ மரணங்.
அபரோ
அபரோ பன ‘‘ப்³ரஹ்மலோகஸம்பத்திங் அனுப⁴விஸ்ஸாமீ’’தி காமுபாதா³னபச்சயா ஏவ மெத்தங் பா⁴வேதி, கருணங்… முதி³தங்… உபெக்க²ங் பா⁴வேதி, பா⁴வனாபாரிபூரியா ப்³ரஹ்மலோகே நிப்³ப³த்ததி. தத்த²ஸ்ஸ நிப்³ப³த்திஹேதுபூ⁴தங் கம்மங் கம்மப⁴வோதி ஸோயேவ நயோ.
அபரோ ‘‘அரூபவப⁴ஸம்பத்திங் அனுப⁴விஸ்ஸாமீ’’தி
ஏவங் ‘‘அயங் அவிஜ்ஜா ஹேது, ஸங்கா²ரா ஹேதுஸமுப்பன்னா, உபோ⁴பேதே ஹேதுஸமுப்பன்னாதி பச்சயபரிக்³க³ஹே பஞ்ஞா த⁴ம்மட்டி²திஞாணங்; அதீதம்பி அத்³தா⁴னங், அனாக³தம்பி அத்³தா⁴னங்; அவிஜ்ஜா ஹேது, ஸங்கா²ரா ஹேதுஸமுப்பன்னா, உபோ⁴பேதே ஹேதுஸமுப்பன்னாதி பச்சயபரிக்³க³ஹே பஞ்ஞா த⁴ம்மட்டி²திஞாண’’ந்தி ஏதேன நயேன ஸப்³ப³பதா³னி வித்தா²ரேதப்³பா³னி. தத்த² அவிஜ்ஜா ஸங்கா²ரா ஏகோ ஸங்கே²போ, விஞ்ஞாண-நாமரூப-ஸளாயதன-ப²ஸ்ஸ-வேத³னா ஏகோ, தண்ஹுபாதா³னப⁴வா ஏகோ, ஜாதி-ஜரா-மரணங் ஏகோ. புரிமஸங்கே²போ செத்த² அதீதோ அத்³தா⁴, த்³வே மஜ்ஜி²மா பச்சுப்பன்னோ, ஜாதிஜராமரணங் அனாக³தோ. அவிஜ்ஜாஸங்கா²ரக்³க³ஹணேன செத்த² தண்ஹுபாதா³னப⁴வா க³ஹிதாவ ஹொந்தீதி இமே பஞ்ச த⁴ம்மா அதீதே கம்மவட்டங்; விஞ்ஞாணாத³யோ பஞ்ச த⁴ம்மா ஏதரஹி விபாகவட்டங். தண்ஹுபாதா³னப⁴வக்³க³ஹணேன அரானங் ஹதத்தா அரஹங்.
அக்³க³த³க்கி²ணெய்யத்தா ச சீவராதி³பச்சயே பச்சயாதீ³னங் அரஹத்தாபி அரஹங். யதா² ச லோகே கேசி பண்டி³தமானினோ பா³லா அஸிலோகப⁴யேன ரஹோ பாபங் கரொந்தி; ஏவமேஸ ந கதா³சி கரோதீதி பாபகரணே ரஹாபா⁴வதோபி அரஹங். ஹோதி செத்த² –
‘‘ஆரகத்தா ஹதத்தா ச, கிலேஸாரீன ஸோ முனி;
ஹதஸங்ஸாரசக்காரோ, பச்சயாதீ³ன சாரஹோ;
ந ரஹோ கரோதி பாபானி, அரஹங் தேன வுச்சதீ’’தி.
ஸம்மா ஸாமஞ்ச ஸப்³ப³த⁴ம்மானங் பு³த்³த⁴த்தா பன ஸம்மாஸம்பு³த்³தோ⁴. ததா² ஹேஸ ஸப்³ப³த⁴ம்மே ஸம்மா ஸாமஞ்ச பு³த்³தோ⁴, அபி⁴ஞ்ஞெய்யே த⁴ம்மே அபி⁴ஞ்ஞெய்யதோ பு³த்³தோ⁴, பரிஞ்ஞெய்யே த⁴ம்மே பரிஞ்ஞெய்யதோ, பஹாதப்³பே³ த⁴ம்மே பஹாதப்³ப³தோ, ஸச்சி²காதப்³பே³ த⁴ம்மே ஸச்சி²காதப்³ப³தோ, பா⁴வேதப்³பே³ த⁴ம்மே பா⁴வேதப்³ப³தோ. தேனேவ சாஹ –
‘‘அபி⁴ஞ்ஞெய்யங்
பஹாதப்³ப³ங் பஹீனங் மே, தஸ்மா பு³த்³தொ⁴ஸ்மி ப்³ராஹ்மணா’’தி. (ம॰ நி॰ 2.399; ஸு॰ நி॰ 563);
அபிச சக்கு² து³க்க²ஸச்சங், தஸ்ஸ மூலகாரணபா⁴வேன தங்ஸமுட்டா²பிகா புரிமதண்ஹா ஸமுத³யஸச்சங், உபி⁴ன்னமப்பவத்தி நிரோத⁴ஸச்சங், நிரோத⁴ப்பஜானநா படிபதா³ மக்³க³ஸச்சந்தி ஏவங் ஏகேகபது³த்³தா⁴ரேனாபி ஸப்³ப³த⁴ம்மே ஸம்மா ஸாமஞ்ச பு³த்³தோ⁴. ஏஸ நயோ ஸோத-கா⁴ன-ஜிவ்ஹா-காயமனேஸுபி. ஏதேனேவ நயேன ரூபாதீ³னி ச² ஆயதனானி, சக்கு²விஞ்ஞாணாத³யோ ச² விஞ்ஞாணகாயா, சக்கு²ஸம்ப²ஸ்ஸாத³யோ ச² ப²ஸ்ஸா, சக்கு²ஸம்ப²ஸ்ஸஜாத³யோ ச² வேத³னா, ரூபஸஞ்ஞாத³யோ ச² ஸஞ்ஞா, ரூபஸஞ்சேதனாத³யோ ச² சேதனா, ரூபதண்ஹாத³யோ ச²
தத்ராயங் ஏகபத³யோஜனா – ‘‘ஜராமரணங் து³க்க²ஸச்சங், ஜாதி ஸமுத³யஸச்சங், உபி⁴ன்னம்பி நிஸ்ஸரணங் நிரோத⁴ஸச்சங், நிரோத⁴ப்பஜானநா படிபதா³ மக்³க³ஸச்ச’’ந்தி. ஏவங் ஏகேகபது³த்³தா⁴ரேன ஸப்³ப³த⁴ம்மே ஸம்மா ஸாமஞ்ச பு³த்³தோ⁴ அனுபு³த்³தோ⁴ படிவித்³தோ⁴. தேன வுத்தங் – ஸம்மா ஸாமஞ்ச ஸப்³ப³த⁴ம்மானங் பு³த்³த⁴த்தா பன ஸம்மாஸம்பு³த்³தோ⁴தி.
விஜ்ஜாஹி பன சரணேன ச ஸம்பன்னத்தா விஜ்ஜாசரணஸம்பன்னோ; தத்த² விஜ்ஜாதி திஸ்ஸோபி விஜ்ஜா, அட்ட²பி விஜ்ஜா. திஸ்ஸோ விஜ்ஜா ப⁴யபே⁴ரவஸுத்தே (ம॰ நி॰ 1.34 ஆத³யோ) வுத்தனயேனேவ வேதி³தப்³பா³, அட்ட² விஜ்ஜா அம்ப³ட்ட²ஸுத்தே (தீ³॰ நி॰ 1.278 ஆத³யோ). தத்ர ஹி விபஸ்ஸனாஞாணேன மனோமயித்³தி⁴யா ச ஸஹ ச² அபி⁴ஞ்ஞா பரிக்³க³ஹெத்வா அட்ட² விஜ்ஜா வுத்தா. சரணந்தி ஸீலஸங்வரோ, இந்த்³ரியேஸு கு³த்தத்³வாரதா, போ⁴ஜனே மத்தஞ்ஞுதா, ஜாக³ரியானுயோகோ³, ஸத்த ஸத்³த⁴ம்மா, சத்தாரி ரூபாவசரஜ்ஜா²னானீதி இமே பன்னரஸ த⁴ம்மா வேதி³தப்³பா³. இமேயேவ ஹி பன்னரஸ த⁴ம்மா, யஸ்மா ஏதேஹி சரதி அரியஸாவகோ க³ச்ச²தி அமதங் தி³ஸங் தஸ்மா, சரணந்தி வுத்தா. யதா²ஹ – ‘‘இத⁴, மஹானாம, அரியஸாவகோ ஸீலவா ஹோதீ’’தி (ம॰ நி॰ 2.24) வித்தா²ரோ. ப⁴க³வா இமாஹி விஜ்ஜாஹி இமினா ச சரணேன ஸமன்னாக³தோ, தேன வுச்சதி விஜ்ஜாசரணஸம்பன்னோதி
ஸோப⁴னக³மனத்தா, ஸுந்த³ரங் டா²னங் க³தத்தா, ஸம்மாக³தத்தா, ஸம்மா ச க³த³த்தா ஸுக³தோ. க³மனம்பி ஹி க³தந்தி வுச்சதி, தஞ்ச ப⁴க³வதோ ஸோப⁴னங் பரிஸுத்³த⁴மனவஜ்ஜங் ஸோப⁴னக³மனத்தா ஸுக³தோ. ஸுந்த³ரங் சேஸ டா²னங் க³தோ அமதங் நிப்³பா³னந்தி ஸுந்த³ரங் டா²னங் க³தத்தாபி ஸுக³தோ. ஸம்மா ச க³தோ தேன தேன மக்³கே³ன பஹீனே கிலேஸே புன அபச்சாக³ச்ச²ந்தோ. வுத்தஞ்சேதங் – ‘‘ஸோதாபத்திமக்³கே³ன யே கிலேஸா பஹீனா, தே கிலேஸே ந புனேதி ந பச்சேதி ந பச்சாக³ச்ச²தீதி ஸுக³தோ…பே॰… அரஹத்தமக்³கே³ன யே கிலேஸா பஹீனா, தே கிலேஸே ந புனேதி ந பச்சேதி ந பச்சாக³ச்ச²தீதி ஸுக³தோ’’தி (மஹானி॰ 38). ஸம்மா வா ஆக³தோ தீ³பங்கரபாத³மூலதோ பபு⁴தி யாவ போ³தி⁴மண்டோ³ தாவ ஸமதிங்ஸபாரமிபூரிதாய ஸம்மாபடிபத்தியா ஸப்³ப³லோகஸ்ஸ ஹிதஸுக²மேவ கரொந்தோ ஸஸ்ஸதங் உச்சே²த³ங் காமஸுக²ங் அத்தகிலமத²ந்தி இமே ச அந்தே அனுபக³ச்ச²ந்தோ ஆக³தோதி ஸம்மாக³தத்தாபி ஸுக³தோ. ஸம்மா சேஸ க³த³தி, யுத்தட்டா²னே யுத்தமேவ வாசங் பா⁴ஸதீதி ஸம்மா க³த³த்தாபி ஸுக³தோ.
தத்ரித³ங் ஸாத⁴கஸுத்தங் – ‘‘யங் ததா²க³தோ வாசங் ஜானாதி அபூ⁴தங் அதச்ச²ங் அனத்த²ஸங்ஹிதங், ஸா ச பரேஸங் அப்பியா அமனாபா, ந தங் ததா²க³தோ வாசங் பா⁴ஸதி. யம்பி ததா²க³தோ வாசங் ஜானாதி பூ⁴தங் தச்ச²ங் அனத்த²ஸங்ஹிதங், ஸா ச பரேஸங் அப்பியா அமனாபா, தம்பி ததா²க³தோ வாசங் ந பா⁴ஸதி. யஞ்ச கோ² ததா²க³தோ வாசங் ஜானாதி பூ⁴தங் தச்ச²ங் அத்த²ஸங்ஹிதங், ஸா ச பரேஸங் அப்பியா அமனாபா, தத்ர காலஞ்ஞூ ததா²க³தோ ஹோதி தஸ்ஸா வாசாய வெய்யாகரணாய. யங் ததா²க³தோ வாசங் ஜானாதி அபூ⁴தங் அதச்ச²ங் அனத்த²ஸங்ஹிதங், ஸா ச பரேஸங் பியா மனாபா, ந தங் ததா²க³தோ வாசங் பா⁴ஸதி. யம்பி ததா²க³தோ வாசங் ஜானாதி பூ⁴தங் தச்ச²ங் அனத்த²ஸங்ஹிதங், ஸா ச பரேஸங் பியா மனாபா, தம்பி ததா²க³தோ வாசங் ந பா⁴ஸதி. யஞ்ச கோ² ததா²க³தோ வாசங் ஜானாதி பூ⁴தங் தச்ச²ங் அத்த²ஸங்ஹிதங், ஸா ச பரேஸங் பியா மனாபா, தத்ர காலஞ்ஞூ ததா²க³தோ ஹோதி தஸ்ஸா வாசாய வெய்யாகரணாயா’’தி (ம॰ நி॰ 2.86). ஏவங் ஸம்மா க³த³த்தாபி ஸுக³தோதி வேதி³தப்³போ³.
ஸப்³ப³தா² விதி³தலோகத்தா பன லோகவிதூ³. ஸோ ஹி ப⁴க³வா ஸபா⁴வதோ ஸமுத³யதோ நிரோத⁴தோ நிரோதூ⁴பாயதோதி
‘‘க³மனேன ந பத்தப்³போ³, லோகஸ்ஸந்தோ குதா³சனங்;
ந ச அப்பத்வா லோகந்தங், து³க்கா² அத்தி² பமோசனங்.
‘‘தஸ்மா ஹவே லோகவிதூ³ ஸுமேதோ⁴;
லோகந்தகூ³ வுஸிதப்³ரஹ்மசரியோ;
லோகஸ்ஸ அந்தங் ஸமிதாவி ஞத்வா;
நாஸீஸதீ லோகமிமங் பரஞ்சா’’தி. (அ॰ நி॰ 4.45; ஸங்॰ நி॰ 1.107);
அபிச தயோ லோகா – ஸங்கா²ரலோகோ, ஸத்தலோகோ, ஓகாஸலோகோதி; தத்த² ‘‘ஏகோ லோகோ – ஸப்³பே³ ஸத்தா ஆஹாரட்டி²திகா’’தி (படி॰ ம॰ 1.112) ஆக³தட்டா²னே ஸங்கா²ரலோகோ வேதி³தப்³போ³. ‘‘ஸஸ்ஸதோ லோகோதி வா அஸஸ்ஸதோ லோகோதி வா’’தி (தீ³॰ நி॰ 1.421) ஆக³தட்டா²னே ஸத்தலோகோ.
‘‘யாவதா சந்தி³மஸூரியா, பரிஹரந்தி தி³ஸா ப⁴ந்தி விரோசனா;
தாவ ஸஹஸ்ஸதா⁴ லோகோ, எத்த² தே வத்ததீ வஸோ’’தி. (ம॰ நி॰ 1.503) –
ஆக³தட்டா²னே ஓகாஸலோகோ, தம்பி ப⁴க³வா ஸப்³ப³தா² அவேதி³. ததா² ஹிஸ்ஸ – ‘‘ஏகோ லோகோ – ஸப்³பே³ ஸத்தா ஆஹாரட்டி²திகா. த்³வே லோகா – நாமஞ்ச ரூபஞ்ச. தயோ லோகா – திஸ்ஸோ வேத³னா. சத்தாரோ லோகா – சத்தாரோ ஆஹாரா. பஞ்ச லோகா – பஞ்சுபாதா³னக்க²ந்தா⁴. ச² லோகா – ச² அஜ்ஜ²த்திகானி ஆயதனானி. ஸத்த லோகா ஸத்த விஞ்ஞாணட்டி²தியோ. அட்ட² லோகா – அட்ட² லோகத⁴ம்மா. நவ லோகா – நவ ஸத்தாவாஸா. த³ஸ லோகா – த³ஸாயதனானி. த்³வாத³ஸ லோகா – த்³வாத³ஸாயதனானி
யஸ்மா
ஸப்³ப³ங் ஸதஸஹஸ்ஸானி, ச²த்திங்ஸ பரிமண்ட³லங்;
த³ஸஞ்சேவ ஸஹஸ்ஸானி, அட்³டு⁴ட்³டா⁴னி ஸதானி ச.
தத்த² –
து³வே ஸதஸஹஸ்ஸானி, சத்தாரி நஹுதானி ச;
எத்தகங் ப³ஹலத்தேன, ஸங்கா²தாயங் வஸுந்த⁴ரா.
தஸ்ஸா ஏவ ஸந்தா⁴ரகங் –
சத்தாரி ஸதஸஹஸ்ஸானி, அட்டே²வ நஹுதானி ச;
எத்தகங் ப³ஹலத்தேன, ஜலங் வாதே பதிட்டி²தங்.
தஸ்ஸாபி ஸந்தா⁴ரகோ –
நவஸதஸஹஸ்ஸானி, மாலுதோ நப⁴முக்³க³தோ;
ஸட்டி² சேவ ஸஹஸ்ஸானி, ஏஸா லோகஸ்ஸ ஸண்டி²தி.
ஏவங் ஸண்டி²தே செத்த² யோஜனானங் –
சதுராஸீதி ஸஹஸ்ஸானி, அஜ்ஜோ²கா³ள்ஹோ மஹண்ணவே;
அச்சுக்³க³தோ தாவதே³வ, ஸினேருபப்³ப³துத்தமோ.
ததோ
அஜ்ஜோ²கா³ள்ஹுக்³க³தா தி³ப்³பா³, நானாரதனசித்திதா.
யுக³ந்த⁴ரோ ஈஸத⁴ரோ, கரவீகோ ஸுத³ஸ்ஸனோ;
நேமிந்த⁴ரோ வினதகோ, அஸ்ஸகண்ணோ கி³ரீ ப்³ரஹா.
ஏதே ஸத்த மஹாஸேலா, ஸினேருஸ்ஸ ஸமந்ததோ;
மஹாராஜானமாவாஸா, தே³வயக்க²னிஸேவிதா.
யோஜனானங்
யோஜனானங் ஸஹஸ்ஸானி, தீணி ஆயதவித்த²தோ;
சதுராஸீதிஸஹஸ்ஸேஹி, கூடேஹி படிமண்டி³தோ.
திபஞ்சயோஜனக்க²ந்த⁴, பரிக்கே²பா நக³வ்ஹயா;
பஞ்ஞாஸ யோஜனக்க²ந்த⁴, ஸாகா²யாமா ஸமந்ததோ.
ஸதயோஜனவித்தி²ண்ணா, தாவதே³வ ச உக்³க³தா;
ஜம்பூ³ யஸ்ஸானுபா⁴வேன, ஜம்பு³தீ³போ பகாஸிதோ.
த்³வே அஸீதி ஸஹஸ்ஸானி, அஜ்ஜோ²கா³ள்ஹோ மஹண்ணவே;
அச்சுக்³க³தோ தாவதே³வ, சக்கவாளஸிலுச்சயோ;
பரிக்கி²பித்வா தங் ஸப்³ப³ங், லோகதா⁴துமயங் டி²தோ.
தத்த² சந்த³மண்ட³லங் ஏகூனபஞ்ஞாஸயோஜனங், ஸூரியமண்ட³லங் பஞ்ஞாஸயோஜனங், தாவதிங்ஸப⁴வனங் த³ஸஸஹஸ்ஸயோஜனங்; ததா² அஸுரப⁴வனங், அவீசிமஹானிரயோ, ஜம்பு³தீ³போ ச. அபரகோ³யானங் ஸத்தஸஹஸ்ஸயோஜனங்; ததா² புப்³ப³விதே³ஹோ. உத்தரகுரு அட்ட²ஸஹஸ்ஸயோஜனோ, ஏகமேகோ செத்த² மஹாதீ³போ பஞ்சஸதபஞ்சஸதபரித்ததீ³பபரிவாரோ; தங் ஸப்³ப³ம்பி ஏகங் சக்கவாளங் ஸப்³ப³தா² விதி³தலோகத்தா லோகவிதூ³.
அத்தனோ அனுத்தரோ. ததா² ஹேஸ ஸீலகு³ணேனாபி ஸப்³ப³ங் லோகமபி⁴ப⁴வதி, ஸமாதி⁴…பே॰… பஞ்ஞா… விமுத்தி… விமுத்திஞாணத³ஸ்ஸனகு³ணேனாபி, ஸீலகு³ணேனாபி அஸமோ அஸமஸமோ அப்படிமோ அப்படிபா⁴கோ³ அப்படிபுக்³க³லோ…பே॰… விமுத்திஞாணத³ஸ்ஸனகு³ணேனாபி. யதா²ஹ – ‘‘ந கோ² பனாஹங், பி⁴க்க²வே, ஸமனுபஸ்ஸாமி ஸதே³வகே லோகே ஸமாரகே…பே॰… ஸதே³வமனுஸ்ஸாய அத்தனா ஸீலஸம்பன்னதர’’ந்தி வித்தா²ரோ.
ஏவங்
புரிஸத³ம்மே ஸாரேதீதி புரிஸத³ம்மஸாரதி², த³மேதி வினேதீதி வுத்தங் ஹோதி. தத்த² புரிஸத³ம்மாதி அத³ந்தா த³மேதுங் யுத்தா திரச்சா²னபுரிஸாபி மனுஸ்ஸபுரிஸாபி அமனுஸ்ஸபுரிஸாபி. ததா² ஹி ப⁴க³வதா திரச்சா²னபுரிஸாபி அபலாளோ நாக³ராஜா, சூளோத³ரோ, மஹோத³ரோ, அக்³கி³ஸிகோ², தூ⁴மஸிகோ², த⁴னபாலகோ ஹத்தீ²தி ஏவமாத³யோ த³மிதா, நிப்³பி³ஸா கதா, ஸரணேஸு ச ஸீலேஸு ச பதிட்டா²பிதா. மனுஸ்ஸபுரிஸாபி ஸச்சகனிக³ண்ட²புத்த-அம்ப³ட்ட²மாணவ-பொக்க²ரஸாதி-ஸோணத³ண்ட³கூடத³ந்தாத³யோ. அமனுஸ்ஸபுரிஸாபி ஆளவக-ஸூசிலோம-க²ரலோம-யக்க²-ஸக்கதே³வராஜாத³யோ த³மிதா வினீதா விசித்ரேஹி வினயனூபாயேஹி. ‘‘அஹங் கோ², கேஸி, புரிஸத³ம்மங் ஸண்ஹேனபி வினேமி, ப²ருஸேனபி வினேமி, ஸண்ஹப²ருஸேனபி வினேமீ’’தி (அ॰ நி॰ 4.111) இத³ஞ்செத்த² ஸுத்தங் வித்தா²ரேதப்³ப³ங். அத² வா விஸுத்³த⁴ஸீலாதீ³னங் பட²மஜ்ஜா²னாதீ³னி ஸோதாபன்னாதீ³னஞ்ச உத்தரிமக்³க³படிபத³ங் ஆசிக்க²ந்தோ த³ந்தேபி த³மேதியேவ.
அத² வா அனுத்தரோ புரிஸத³ம்மஸாரதீ²தி ஏகமேவித³ங் அத்த²பத³ங்
தி³ட்ட²த⁴ம்மிகஸம்பராயிகபரமத்தே²ஹி யதா²ரஹங் அனுஸாஸதீதி ஸத்தா². அபிச ஸத்தா² வியாதி ஸத்தா², ப⁴க³வா ஸத்த²வாஹோ. ‘‘யதா² ஸத்த²வாஹோ ஸத்தே² கந்தாரங் தாரேதி, சோரகந்தாரங் தாரேதி, வாளகந்தாரங் தாரேதி, து³ப்³பி⁴க்க²கந்தாரங் தாரேதி, நிருத³ககந்தாரங் தாரேதி, உத்தாரேதி நித்தாரேதி பதாரேதி
தே³வமனுஸ்ஸானந்தி த³ஏவானஞ்ச மனுஸ்ஸானஞ்ச உக்கட்ட²பரிச்சே²த³வஸேனேதங் வுத்தங், ப⁴ப்³ப³புக்³க³லபரிச்சே²த³வஸேன ச. ப⁴க³வா பன திரச்சா²னக³தானம்பி அனுஸாஸனிப்பதா³னேன ஸத்தா²யேவ. தேபி ஹி ப⁴க³வதோ த⁴ம்மஸவனேன உபனிஸ்ஸயஸம்பத்திங் பத்வா தாய ஏவ உபனிஸ்ஸயஸம்பத்தியா து³தியே ததியே வா அத்தபா⁴வே மக்³க³ப²லபா⁴கி³னோ ஹொந்தி. மண்டூ³கதே³வபுத்தாத³யோ செத்த² நித³ஸ்ஸனங். ப⁴க³வதி கிர க³க்³க³ராய பொக்க²ரணியா தீரே சம்பானக³ரவாஸீனங் த⁴ம்மங் தே³ஸயமானே ஏகோ மண்டூ³கோ ப⁴க³வதோ ஸரே நிமித்தங் அக்³க³ஹேஸி. தங் ஏகோ வச்ச²பாலகோ த³ண்ட³மோலுப்³ப⁴ திட்ட²ந்தோ தஸ்ஸ ஸீஸே ஸன்னிரும்பி⁴த்வா அட்டா²ஸி. ஸோ தாவதே³வ காலங் கத்வா தாவதிங்ஸப⁴வனே த்³வாத³ஸயோஜனிகே கனகவிமானே நிப்³ப³த்தி. ஸுத்தப்பபு³த்³தோ⁴ விய ச தத்த² அச்ச²ராஸங்க⁴பரிவுதங் அத்தானங் தி³ஸ்வா ‘‘அரே, அஹம்பி நாம இத⁴ நிப்³ப³த்தொஸ்மி! கிங் நு கோ² கம்மங் அகாஸி’’ந்தி ஆவஜ்ஜெந்தோ நாஞ்ஞங் கிஞ்சி அத்³த³ஸ, அஞ்ஞத்ர ப⁴க³வதோ ஸரே நிமித்தக்³கா³ஹா. ஸோ தஆவதே³வ ஸஹ விமானேன ஆக³ந்த்வா ப⁴க³வதோ பாதே³ ஸிரஸா வந்தி³. ப⁴க³வா ஜானந்தோவ புச்சி² –
‘‘கோ மே வந்த³தி பாதா³னி, இத்³தி⁴யா யஸஸா ஜலங்;
அபி⁴க்கந்தேன வண்ணேன, ஸப்³பா³ ஓபா⁴ஸயங் தி³ஸா’’தி.
‘‘மண்டூ³கோஹங் புரே ஆஸிங், உத³கே வாரிகோ³சரோ;
தவ த⁴ம்மங் ஸுணந்தஸ்ஸ, அவதி⁴ வச்ச²பாலகோ’’தி. (வி॰ வ॰ 857-858);
ப⁴க³வா தஸ்ஸ த⁴ம்மங் தே³ஸேஸி. தே³ஸனாவஸானே சதுராஸீதியா பாணஸஹஸ்ஸானங் த⁴ம்மாபி⁴ஸமயோ அஹோஸி. தே³வபுத்தோபி ஸோதாபத்திப²லே பதிட்டா²ய ஸிதங் கத்வா பக்காமீதி.
யங் பன கிஞ்சி அத்தி² ஞெய்யங் நாம, தஸ்ஸ ஸப்³ப³ஸ்ஸ பு³த்³த⁴த்தா விமொக்க²ந்திகஞாணவஸேன பு³த்³தோ⁴. யஸ்மா வா சத்தாரி ஸச்சானி அத்தனாபி பு³ஜ்ஜி², அஞ்ஞேபி ஸத்தே போ³தே⁴ஸி; தஸ்மா ஏவமாதீ³ஹிபி காரணேஹி பு³த்³தோ⁴. இமஸ்ஸ சத்த²ஸ்ஸ விஞ்ஞாபனத்த²ங் ‘‘பு³ஜ்ஜி²தா ஸச்சானீதி பு³த்³தோ⁴, போ³தே⁴தா பஜாயாதி பு³த்³தோ⁴’’தி ஏவங் பவத்தோ ஸப்³போ³பி நித்³தே³ஸனயோ (மஹானி॰ 192) படிஸம்பி⁴தா³னயோ (படி॰ ம॰ 1.162) வா வித்தா²ரேதப்³போ³.
ப⁴க³வாதி
‘‘ப⁴க³வாதி
க³ரு கா³ரவயுத்தோ ஸோ, ப⁴க³வா தேன வுச்சதீ’’தி.
சதுப்³பி³த⁴ஞ்ஹி நாமங் – ஆவத்தி²கங், லிங்கி³கங், நேமித்திகங், அதி⁴ச்சஸமுப்பன்னந்தி. அதி⁴ச்சஸமுப்பன்னங் நாம லோகியவோஹாரேன ‘‘யதி³ச்ச²க’’ந்தி வுத்தங் ஹோதி. தத்த² ‘‘வச்சோ² த³ம்மோ ப³லிப³த்³தோ³’’தி ஏவமாதி³ ஆவத்தி²கங். ‘‘த³ண்டீ³ ச²த்தீ ஸிகீ² கரீ’’தி ஏவமாதி³ லிங்கி³கங். ‘‘தேவிஜ்ஜோ ச²ளபி⁴ஞ்ஞோ’’தி ஏவமாதி³ நேமித்திகங். ‘‘ஸிரிவட்³ட⁴கோ த⁴னவட்³ட⁴கோ’’தி ஏவமாதி³ வசனத்த²மனபெக்கி²த்வா பவத்தங் அதி⁴ச்சஸமுப்பன்னங். இத³ங் பன ப⁴க³வாதி நாமங் நேமித்திகங், ந மஹாமாயாய ந ஸுத்³தோ⁴த³னமஹாராஜேன ந அஸீதியா ஞாதிஸஹஸ்ஸேஹி கதங், ந ஸக்கஸந்துஸிதாதீ³ஹி தே³வதாவிஸேஸேஹி. வுத்தஞ்ஹேதங் த⁴ம்மஸேனாபதினா – ‘‘ப⁴க³வாதி நேதங் நாமங் மாதரா கதங்…பே॰… விமொக்க²ந்திகமேதங்
யங்கு³ணனேமித்திகஞ்சேதங் நாமங், தேஸங் கு³ணானங் பகாஸனத்த²ங் இமங் கா³த²ங் வத³ந்தி –
‘‘ப⁴கீ³ ப⁴ஜீ பா⁴கீ³ விப⁴த்தவா இதி;
அகாஸி ப⁴க்³க³ந்தி க³ரூதி பா⁴க்³யவா;
ப³ஹூஹி ஞாயேஹி ஸுபா⁴விதத்தனோ;
ப⁴வந்தகோ³ ஸோ ப⁴க³வாதி வுச்சதீ’’தி.
நித்³தே³ஸே வுத்தனயேனேவ செத்த² தேஸங் தேஸங் பதா³னமத்தோ² த³ட்ட²ப்³போ³.
அயங் பன அபரோ நயோ –
‘‘பா⁴க்³யவா ப⁴க்³க³வா யுத்தோ, ப⁴கே³ஹி ச விப⁴த்தவா;
ப⁴த்தவா வந்தக³மனோ, ப⁴வேஸு ப⁴க³வா ததோ’’தி.
தத்த² வண்ணாக³மோ வண்ணவிபரியயோதி ஏதங் நிருத்திலக்க²ணங் க³ஹெத்வா ஸத்³த³னயேன வா பிஸோத³ராதி³பக்கே²பலக்க²ணங் ப⁴க்³க³த்தா ஏதேஸங் பரிஸ்ஸயானங் ப⁴க்³க³வாதி வத்தப்³பே³ ப⁴க³வாதி வுச்சதி. ஆஹ செத்த² –
‘‘ப⁴க்³க³ராகோ³ ப⁴க்³க³தோ³ஸோ, ப⁴க்³க³மோஹோ அனாஸவோ;
ப⁴க்³கா³ஸ்ஸ பாபகா த⁴ம்மா, ப⁴க³வா தேன வுச்சதீ’’தி.
பா⁴க்³யவந்ததாய
யஸ்மா ச லோகே இஸ்ஸரிய-த⁴ம்ம-யஸ-ஸிரீ-காம-பயத்தேஸு ச²ஸு த⁴ம்மேஸு ப⁴க³ஸத்³தோ³ வத்ததி, பரமஞ்சஸ்ஸ ஸகசித்தே இஸ்ஸரியங், அணிமா லகி⁴மாதி³கங் வா லோகியஸம்மதங் ஸப்³பா³காரபரிபூரங் அத்தி² ததா² லோகுத்தரோ த⁴ம்மோ லோகத்தயப்³யாபகோ யதா²பு⁴ச்சகு³ணாதி⁴க³தோ அதிவிய பரிஸுத்³தோ⁴ யஸோ, ரூபகாயத³ஸ்ஸனப்³யாவடஜனநயனப்பஸாத³ஜனநஸமத்தா² ஸப்³பா³காரபரிபூரா ஸப்³ப³ங்க³பச்சங்க³ஸிரீ, யங் யங் ஏதேன இச்சி²தங் பத்தி²தங் அத்தஹிதங் பரஹிதங் வா, தஸ்ஸ தஸ்ஸ ததே²வ அபி⁴னிப்ப²ன்னத்தா இச்சி²திச்சி², தத்த² நிப்ப²த்திஸஞ்ஞிதோ காமோ, ஸப்³ப³லோகக³ருபா⁴வப்பத்திஹேதுபூ⁴தோ ஸம்மாவாயாமஸங்கா²தோ பயத்தோ ச அத்தி²; தஸ்மா இமேஹி ப⁴கே³ஹி யுத்தத்தாபி ப⁴கா³ அஸ்ஸ ஸந்தீதி இமினா அத்தே²ன ப⁴க³வாதி வுச்சதி.
யஸ்மா பன குஸலாதீ³ஹி பே⁴தே³ஹி ஸப்³ப³த⁴ம்மே, க²ந்தா⁴யதன-தா⁴துஸச்ச-இந்த்³ரியபடிச்சஸமுப்பாதா³தீ³ஹி விப⁴த்தவாதி வத்தப்³பே³ ப⁴க³வாதி வுச்சதி
யஸ்மா ச ஏஸ தி³ப்³ப³ப்³ரஹ்மஅரியவிஹாரே காயசித்தஉபதி⁴விவேகே ஸுஞ்ஞதப்பணிஹிதானிமித்தவிமொக்கே² அஞ்ஞே ச லோகியலோகுத்தரே உத்தரிமனுஸ்ஸத⁴ம்மே ப⁴ஜி ஸேவி ப³ஹுலமகாஸி, தஸ்மா ப⁴த்தவாதி வத்தப்³பே³ ப⁴க³வாதி வுச்சதி.
யஸ்மா பன தீஸு ப⁴வேஸு தண்ஹாஸங்கா²தங் க³மனமனேன வந்தங், தஸ்மா ப⁴வேஸு வந்தக³மனோதி வத்தப்³பே³ ப⁴வஸத்³த³தோ ப⁴காரங், க³மனஸத்³த³தோ க³காரங், வந்தஸத்³த³தோ வகாரஞ்ச தீ³க⁴ங் கத்வா ஆதா³ய ப⁴க³வாதி வுச்சதி. யதா² லோகே ‘‘மேஹனஸ்ஸ க²ஸ்ஸ மாலா’’தி வத்தப்³பே³ ‘‘மேக²லா’’தி வுச்சதி.
ஸோ இமங் லோகந்தி ஸோ ப⁴க³வா இமங் லோகங். இதா³னி வத்தப்³ப³ங் நித³ஸ்ஸேதி. ஸதே³வகந்தி ஸஹ தே³வேஹி ஸதே³வகங்; ஏவங் ஸஹ மாரேன ஸமாரகங்; ஸஹ ப்³ரஹ்முனா ஸப்³ரஹ்மகங்; ஸஹ ஸமணப்³ராஹ்மணேஹி ஸஸ்ஸமணப்³ராஹ்மணிங்; பஜாதத்தா பஜா, தங் பஜங்; ஸஹ தே³வமனுஸ்ஸேஹி ஸதே³வமனுஸ்ஸங். தத்த² ஸதே³வகவசனேன பஞ்சகாமாவசரதே³வக்³க³ஹணங் வேதி³தப்³ப³ங், ஸமாரகவசனேன ச²ட்ட²காமாவசரதே³வக்³க³ஹணங், ஸப்³ரஹ்மகவசனேன ப்³ரஹ்மகாயிகாதி³ப்³ரஹ்மக்³க³ஹணங், ஸஸ்ஸமணப்³ராஹ்மணீவசனேன ஸாஸனஸ்ஸ பச்சத்தி²கபச்சாமித்தஸமணப்³ராஹ்மணக்³க³ஹணங், ஸமிதபாப-பா³ஹிதபாப-ஸமணப்³ராஹ்மணக்³க³ஹணஞ்ச, பஜாவசனேன ஸத்தலோகக்³க³ஹணங், ஸதே³வமனுஸ்ஸவசனேன ஸம்முதிதே³வஅவஸேஸமனுஸ்ஸக்³க³ஹணங். ஏவமெத்த² தீஹி பதே³ஹி ஓகாஸலோகோ, த்³வீஹி பஜாவஸேன ஸத்தலோகோ க³ஹிதோதி வேதி³தப்³போ³.
அபரோ நயோ – ஸதே³வகக்³க³ஹணேன அரூபாவசரதே³வலோகோ க³ஹிதோ, ஸமாரகக்³க³ஹணேன ச²காமாவசரதே³வலோகா, ஸப்³ரஹ்மகக்³க³ஹணேன ரூபீப்³ரஹ்மலோகோ, ஸஸ்ஸமணப்³ராஹ்மணாதி³க்³க³ஹணேன சதுபரிஸவஸேன ஸம்முதிதே³வேஹி வா ஸஹ மனுஸ்ஸலோகோ, அவஸேஸஸப்³ப³ஸத்தலோகோ வா.
அபிசெத்த² ஸமாரகந்தி ஸப்³ரஹ்மகந்தி அப்³பு⁴க்³க³தோ. ததோ யேஸங் ஸியா – ‘‘புதூ²ஸமணப்³ராஹ்மணா ஸாஸனபச்சத்தி²கா, கிங் தேபி ஸச்சி²கதா’’தி? தேஸங் விமதிங் வித⁴மந்தோ ஸஸ்ஸமணப்³ராஹ்மணிங் பஜந்தி அப்³பு⁴க்³க³தோ. ஏவங் உக்கட்டு²க்கட்டா²னங் ஸச்சி²கதபா⁴வங் பகாஸெத்வா அத² ஸம்முதிதே³வே அவஸேஸமனுஸ்ஸே ச உபாதா³ய உக்கட்ட²பரிச்சே²த³வஸேன ஸேஸஸத்தலோகஸ்ஸ ஸச்சி²கதபா⁴வங் பகாஸெந்தோ ஸதே³வமனுஸ்ஸந்தி அப்³பு⁴க்³க³தோ. அயமெத்தா²னுஸந்தி⁴க்கமோ.
ஸயங் அபி⁴ஞ்ஞா ஸச்சி²கத்வா பவேதே³தீதி எத்த² பன ஸயந்தி ஸாமங், அபரனெய்யோ ஹுத்வா; அபி⁴ஞ்ஞாதி அபி⁴ஞ்ஞாய, அதி⁴கேன ஞாணேன ஞத்வாதி அத்தோ². ஸச்சி²கத்வாதி பச்சக்க²ங் கத்வா, ஏதேன அனுமானாதி³படிக்கே²போ கதோ ஹோதி. பவேதே³தீதி போ³தே⁴தி ஞாபேதி பகாஸேதி. ஸோ த⁴ம்மங் தே³ஸேதி ஆதி³கல்யாணங்…பே॰… பரியோஸானகல்யாணந்தி ஸோ ப⁴க³வா ஸத்தேஸு காருஞ்ஞதங் படிச்ச ஹித்வாபி அனுத்தரங் விவேகஸுக²ங் த⁴ம்மங் தே³ஸேதி. தஞ்ச கோ² அப்பங் வா ப³ஹுங் வா தே³ஸெந்தோ ஆதி³கல்யாணாதி³ப்பகாரமேவ தே³ஸேதி.
கத²ங்? ஏககா³தா²பி ஹி ஸமந்தப⁴த்³ரகத்தா த⁴ம்மஸ்ஸ பட²மபாதே³ன ஆதி³கல்யாணா, து³தியததியபாதே³ஹி மஜ்ஜே²கல்யாணா, பச்சி²மபாதே³ன பரியோஸானகல்யாணா. ஏகானுஸந்தி⁴கங் ஸுத்தங் நிதா³னேன ஆதி³கல்யாணங், நிக³மனேன பரியோஸானகல்யாணங், ஸேஸேன மஜ்ஜே²கல்யாணங். நானானுஸந்தி⁴கங் ஸுத்தங் பட²மானுஸந்தி⁴னா ஆதி³கல்யாணங், பச்சி²மேன பரியோஸானகல்யாணங், ஸேஸேஹி மஜ்ஜே²கல்யாணங். ஸகலோபி ஸாஸனத⁴ம்மோ அத்தனோ அத்த²பூ⁴தேன ஸீலேன ஆதி³கல்யாணோ, ஸமத²விபஸ்ஸனாமக்³க³ப²லேஹி மஜ்ஜே²கல்யாணோ, நிப்³பா³னேன பரியோஸானகல்யாணோ. ஸீலஸமாதீ⁴ஹி வா ஆதி³கல்யாணோ, விபஸ்ஸனாமக்³கே³ஹி மஜ்ஜே²கல்யாணோ, ப²லனிப்³பா³னேஹி பரியோஸானகல்யாணோ
ஸாத்த²ங் ஸப்³யஞ்ஜனந்தி ஏவமாதீ³ஸு பன யஸ்மா இமங் த⁴ம்மங் தே³ஸெந்தோ ஸாஸனப்³ரஹ்மசரியங் மக்³க³ப்³ரஹ்மசரியஞ்ச பகாஸேதி, நானானயேஹி தீ³பேதி; தஞ்ச யதா²னுரூபங் அத்த²ஸம்பத்தியா ஸாத்த²ங், ப்³யஞ்ஜனஸம்பத்தியா ஸப்³யஞ்ஜனங். ஸங்காஸனபகாஸன-விவரண-விப⁴ஜன-உத்தானீகரண-பஞ்ஞத்தி-அத்த²பத³ஸமாயோக³தோ ஸாத்த²ங், அக்க²ரபத³-ப்³யஞ்ஜனாகாரனிருத்தினித்³தே³ஸஸம்பத்தியா ஸப்³யஞ்ஜனங். அத்த²க³ம்பீ⁴ரதா-படிவேத⁴க³ம்பீ⁴ரதாஹி ஸாத்த²ங், த⁴ம்மக³ம்பீ⁴ரதாதே³ஸனாக³ம்பீ⁴ரதாஹி ஸப்³யஞ்ஜனங். அத்த²படிபா⁴னபடிஸம்பி⁴தா³விஸயதோ ஸாத்த²ங், த⁴ம்மனிருத்திபடிஸம்பி⁴தா³விஸயதோ ஸப்³யஞ்ஜனங். பண்டி³தவேத³னீயதோ பரிக்க²கஜனப்பஸாத³கந்தி ஸாத்த²ங், ஸத்³தெ⁴ய்யதோ லோகியஜனப்பஸாத³கந்தி ஸப்³யஞ்ஜனங். க³ம்பீ⁴ராதி⁴ப்பாயதோ ஸாத்த²ங், உத்தானபத³தோ ஸப்³யஞ்ஜனங். உபனேதப்³ப³ஸ்ஸ அபா⁴வதோ ஸகலபரிபுண்ணபா⁴வேன கேவலபரிபுண்ணங்; அபனேதப்³ப³ஸ்ஸ அபா⁴வதோ நித்³தோ³ஸபா⁴வேன பரிஸுத்³த⁴ங்; ஸிக்க²த்தயபரிக்³க³ஹிதத்தா ப்³ரஹ்மபூ⁴தேஹி ஸெட்டே²ஹி சரிதப்³ப³தோ தேஸஞ்ச சரியபா⁴வதோ ப்³ரஹ்மசரியங். தஸ்மா ‘‘ஸாத்த²ங் ஸப்³யஞ்ஜனங்…பே॰… ப்³ரஹ்மசரியங் பகாஸேதீ’’தி வுச்சதி.
அபிச யஸ்மா ஸனிதா³னங் ஸஉப்பத்திகஞ்ச தே³ஸெந்தோ ஆதி³கல்யாணங் தே³ஸேதி, வேனெய்யானங் அனுரூபதோ அத்த²ஸ்ஸ அவிபரீததாய ச ஹேதுதா³ஹரணயுத்ததோ ச மஜ்ஜே²கல்யாணங், ஸோதூனங் ஸத்³தா⁴படிலாபே⁴ன நிக³மனேன
ஸாது⁴ கோ² பனாதி ஸுந்த³ரங் கோ² பன அத்தா²வஹங் ஸுகா²வஹந்தி வுத்தங் ஹோதி. ததா²ரூபானங் அரஹதந்தி யதா²ரூபோ ஸோ ப⁴வ கோ³தமோ, ஏவரூபானங் யதா²பு⁴ச்சகு³ணாதி⁴க³மேன லோகே அரஹந்தோதி லத்³த⁴ஸத்³தா³னங் அரஹதங். த³ஸ்ஸனங் ஹோதீதி பஸாத³ஸொம்மானி அக்கீ²னி உம்மீலித்வா ‘‘த³ஸ்ஸனமத்தம்பி ஸாது⁴ ஹோதீ’’தி ஏவங் அஜ்ஜா²ஸயங் கத்வா அத² கோ² வேரஞ்ஜோ ப்³ராஹ்மணோ யேன ப⁴க³வா தேனுபஸங்கமீதி.
2. யேனாதி பு⁴ம்மத்தே² கரணவசனங். தஸ்மா யத்த² ப⁴க³வா தத்த² உபஸங்கமீதி ஏவமெத்த² அத்தோ² த³ட்ட²ப்³போ³ உபஸங்கமித்வாதி உபஸங்கமனபரியோஸானதீ³பனங். அத² வா ஏவங் க³தோ ததோ ஆஸன்னதரங் டா²னங் ப⁴க³வதோ ஸமீபஸங்கா²தங் க³ந்த்வாதிபி வுத்தங் ஹோதி.
ப⁴க³வதா ஸத்³தி⁴ங் ஸம்மோதீ³தி யதா² க²மனீயாதீ³னி புச்ச²ந்தோ ப⁴க³வா தேன, ஏவங் ஸோபி ப⁴க³வதா ஸத்³தி⁴ங் ஸமப்பவத்தமோதோ³ அஹோஸி, ஸீதோத³கங் விய உண்ஹோத³கேன ஸம்மோதி³தங் ஏகீபா⁴வங் அக³மாஸி. யாய ச ‘‘கச்சி, போ⁴, கோ³தம, க²மனீயங்; கச்சி யாபனீயங், கச்சி போ⁴தோ கோ³தமஸ்ஸ, ச ஸாவகானஞ்ச அப்பாபா³த⁴ங் அப்பாதங்கங் லஹுட்டா²னங் ப³லங் பா²ஸுவிஹாரோ’’திஆதி³காய கதா²ய ஸம்மோதி³, தங் பீதிபாமோஜ்ஜஸங்கா²தங் ஸம்மோத³ங் ஜனநதோ ஸம்மோதி³துங் யுத்தபா⁴வதோ ச ஸம்மோத³னீயங். அத்த²ப்³யஞ்ஜனமது⁴ரதாய ஸுசிரம்பி காலங் ஸாரேதுங் ஸாரணீயங், ஸுய்யமானஸுக²தோ வா ஸம்மோத³னீயங், அனுஸ்ஸரியமானஸுக²தோ
ஏகமந்தந்தி பா⁴வனபுங்ஸகனித்³தே³ஸோ ‘‘விஸமங் சந்தி³மஸூரியா பரிவத்தந்தீ’’திஆதீ³ஸு (அ॰ நி॰ 4.70) விய. தஸ்மா யதா² நிஸின்னோ ஏகமந்தங் நிஸின்னோ ஹோதி ததா² நிஸீதீ³தி ஏவமெத்த² அத்தோ² த³ட்ட²ப்³போ³. பு⁴ம்மத்தே² வா ஏதங் உபயோக³வசனங். நிஸீதீ³தி உபாவிஸி. பண்டி³தா ஹி புரிஸா க³ருட்டா²னியங் உபஸங்கமித்வா ஆஸனகுஸலதாய ஏகமந்தங் நிஸீத³ந்தி. அயஞ்ச தேஸங் அஞ்ஞதரோ, தஸ்மா ஏகமந்தங் நிஸீதி³.
கத²ங் நிஸின்னோ பன ஏகமந்தங் நிஸின்னோ ஹோதீதி? ச² நிஸஜ்ஜதோ³ஸே வஜ்ஜெத்வா. ஸெய்யதி²த³ங் – அதிதூ³ரங், அச்சாஸன்னங், உபரிவாதங், உன்னதப்பதே³ஸங், அதிஸம்முக²ங், அதிபச்சா²தி. அதிதூ³ரே நிஸின்னோ ஹி ஸசே கதே²துகாமோ ஹோதி உச்சாஸத்³தே³ன கதே²தப்³ப³ங் ஹோதி. அச்சாஸன்னே நிஸின்னோ ஸங்க⁴ட்டனங் கரோதி. உபரிவாதே நிஸின்னோ ஸரீரக³ந்தே⁴ன பா³த⁴தி. உன்னதப்பதே³ஸே நிஸின்னோ அகா³ரவங் பகாஸேதி. அதிஸம்முகா² நிஸின்னோ ஸசே த³ட்டு²காமோ ஹோதி, சக்கு²னா சக்கு²ங் ஆஹச்ச த³ட்ட²ப்³ப³ங் ஹோதி. அதிபச்சா² நிஸின்னோ ஸசே த³ட்டு²காமோ ஹோதி கீ³வங் பஸாரெத்வா த³ட்ட²ப்³ப³ங் ஹோதி. தஸ்மா
ஏகமந்தங் நிஸின்னோ கோ² வேரஞ்ஜோ ப்³ராஹ்மணோ ப⁴க³வந்தங் ஏதத³வோசாதி ஏதந்தி இதா³னி வத்தப்³ப³மத்த²ங் த³ஸ்ஸேதி. த³காரோ பத³ஸந்தி⁴கரோ. அவோசாதி அபா⁴ஸி. ஸுதங் மேதந்தி ஸுதங் மே ஏதங், ஏதங் மயா ஸுதந்தி இதா³னி வத்தப்³ப³மத்த²ங் த³ஸ்ஸேதி. போ⁴ கோ³தமாதி ப⁴க³வந்தங் கொ³த்தேன ஆலபதி.
இதா³னி யங் தேன ஸுதங் – தங் த³ஸ்ஸெந்தோ ந ஸமணோ கோ³தமோதி ஏவமாதி³மாஹ. தத்ராயங் அனுத்தானபத³வண்ணனா – ப்³ராஹ்மணேதி ஜாதிப்³ராஹ்மணே. ஜிண்ணேதி ஜஜ்ஜரீபூ⁴தே வுட்³டே⁴தி அங்க³பச்சங்கா³னங் வுட்³டி⁴மரியாத³ப்பத்தே. மஹல்லகேதி ஜாதிமஹல்லகதாய ஸமன்னாக³தே, சிரகாலப்பஸுதேதி வுத்தங் ஹோதி. அத்³த⁴க³தேதி அத்³தா⁴னங் க³தே வயோ அனுப்பத்தேதி பச்சி²மவயங் ஸம்பத்தே, பச்சி²மவயோ நாம வஸ்ஸஸதஸ்ஸ பச்சி²மோ ததியபா⁴கோ³.
அபிச – ஜிண்ணேதி போராணே, சிரகாலப்பவத்தகுலன்வயேதி வுத்தங் ஹோதி. வுட்³டே⁴தி ஸீலாசாராதி³கு³ணவுட்³டி⁴யுத்தே. மஹல்லகேதி விப⁴வமஹத்ததாய ஸமன்னாக³தே மஹத்³த⁴னே மஹாபோ⁴கே³. அத்³த⁴க³தேதி மக்³க³ப்படிபன்னே, ப்³ராஹ்மணானங் வதசரியாதி³மரியாத³ங் அவீதிக்கம்ம சரமானே. வயோஅனுப்பத்தேதி ஜாதிவுட்³ட⁴பா⁴வங் அந்திமவயங் அனுப்பத்தேதி ஏவமெத்த² யோஜனா வேதி³தப்³பா³.
இதா³னி அபி⁴வாதே³தீதி ஏவமாதீ³னி ‘‘ந ஸமணோ கோ³தமோ’’தி எத்த² வுத்தனகாரேன யோஜெத்வா ஏவமத்த²தோ வேதி³தப்³பா³னி – ‘‘ந வந்த³தி வா, நாஸனா வுட்ட²ஹதி வா, நாபி ‘இத⁴ பொ⁴ந்தோ நிஸீத³ந்தூ’தி ஏவங் ஆஸனேன வா உபனிமந்தேதீ’’தி. எத்த² ஹி வா ஸத்³தோ³ விபா⁴வனே நாம அத்தே², ‘‘ரூபங் நிச்சங் வா அனிச்சங் வா’’திஆதீ³ஸு விய. ஏவங் வத்வா அத² அத்தனோ அபி⁴வாத³னாதீ³னி அகரொந்தங் ப⁴க³வந்தங் தி³ஸ்வா ஆஹ – ‘‘தயித³ங் போ⁴ கோ³தம ததே²வா’’தி. யங் தங் மயா ஸுதங் – தங் ததே²வ, தங் ஸவனஞ்ச மே த³ஸ்ஸனஞ்ச ஸங்ஸந்த³தி ஸமேதி, அத்த²தோ ஏகீபா⁴வங் க³ச்ச²தி. ‘‘ந ஹி ப⁴வங் கோ³தமோ…பே॰… ஆஸனேன வா நிமந்தேதீ’’தி ஏவங் அத்தனா ஸுதங் தி³ட்டே²ன நிக³மெத்வா நிந்த³ந்தோ ஆஹ – ‘‘தயித³ங் போ⁴ கோ³தம ந ஸம்பன்னமேவா’’தி தங் அபி⁴வாத³னாதீ³னங் அகரணங் ந யுத்தமேவ.
அத²ஸ்ஸ ப⁴க³வா அத்துக்கங்ஸனபரவம்ப⁴னதோ³ஸங் அனுபக³ம்ம கருணாஸீதலஹத³யேன தங் அஞ்ஞாணங் வித⁴மித்வா ‘‘நாஹங் தங் ப்³ராஹ்மண …பே॰… முத்³தா⁴பி தஸ்ஸ விபதெய்யா’’தி. தத்ராயங் ஸங்கே²பத்தோ² – ‘‘அஹங், ப்³ராஹ்மண, அப்படிஹதேன ஸப்³ப³ஞ்ஞுதஞ்ஞாணசக்கு²னா ஓலோகெந்தோபி தங் புக்³க³லங் ஏதஸ்மிங் ஸதே³வகாதி³பே⁴தே³ லோகே ந பஸ்ஸாமி, யமஹங் அபி⁴வாதெ³ய்யங் வா பச்சுட்டெ²ய்யங் வா ஆஸனேன வா நிமந்தெய்யங். அனச்ச²ரியங் வா ஏதங், ய்வாஹங் அஜ்ஜ ஸப்³ப³ஞ்ஞுதங் பத்தோ ஏவரூபங் நிபச்சகாராரஹங் புக்³க³லங் ந பஸ்ஸாமி. அபிச கோ² யதா³பாஹங் ஸம்பதிஜாதோவ உத்தராபி⁴முகோ² ஸத்தபத³வீதிஹாரேன க³ந்த்வா ஸகலங் த³ஸஸஹஸ்ஸிலோகதா⁴துங் ஓலோகேஸிங்; ததா³பி ஏதஸ்மிங் ஸதே³வகாதி³பே⁴தே³ லோகே தங் புக்³க³லங் ந பஸ்ஸாமி, யமஹங்
3. ஏவங் வுத்தேபி ப்³ராஹ்மணோ து³ப்பஞ்ஞதாய ததா²க³தஸ்ஸ லோகே ஜெட்ட²பா⁴வங் அஸல்லக்கெ²ந்தோ கேவலங் தங் வசனங் அஸஹமானோ ஆஹ – ‘‘அரஸரூபோ ப⁴வங் கோ³தமோ’’தி. அயங் கிரஸ்ஸ அதி⁴ப்பாயோ – யங் லோகே அபி⁴வாத³னபச்சுட்டா²னஅஞ்ஜலிகம்மஸாமீசிகம்மங் ‘‘ஸாமக்³கி³ரஸோ’’தி வுச்சதி, தங் போ⁴தோ கோ³தமஸ்ஸ நத்தி² ‘‘அத்தி² க்²வேஸ ப்³ராஹ்மண பரியாயோ’’திஆதி³மாஹ.
தத்த² பரியாயோதி காரணங்; அயஞ்ஹி பரியாயஸத்³தோ³ தே³ஸனா-வார-காரணேஸு வத்ததி. ‘‘மது⁴பிண்டி³கபரியாயொத்வேவ நங் தா⁴ரேஹீ’’திஆதீ³ஸு (ம॰ நி॰ 1.205) ஹி ஏஸ தே³ஸனாயங் வத்ததி. ‘‘கஸ்ஸ நு கோ², ஆனந்த³, அஜ்ஜ பரியாயோ பி⁴க்கு²னியோ ஓவதி³து’’ந்திஆதீ³ஸு (ம॰ நி॰ 3.398) வாரே. ‘‘ஸாது⁴, ப⁴ந்தே, ப⁴க³வா அஞ்ஞங் பரியாயங் ஆசிக்க²து, யதா²யங் பி⁴க்கு²ஸங்கோ⁴ அஞ்ஞாய ஸண்ட²ஹெய்யா’’திஆதீ³ஸு (பாரா॰ 164) காரணே. ஸ்வாயமித⁴ காரணே வத்ததி
தத்த² பஹீனாதி சித்தஸந்தானதோ விக³தா ஜஹிதா வா. ஏதஸ்மிங் பனத்தே² கரணே ஸாமிவசனங் த³ட்ட²ப்³ப³ங். அரியமக்³க³ஸத்தே²ன உச்சி²ன்னங் தண்ஹாவிஜ்ஜாமயங் மூலமேதேஸந்தி உச்சி²ன்னமூலா. தாலவத்து² விய நேஸங் வத்து² கதந்தி தாலாவத்து²கதா. யதா² ஹி தாலருக்க²ங் ஸமூலங் ‘‘அனபா⁴வங்கதா’’தி. அயஞ்ஹெத்த² பத³ச்சே²தோ³ – அனுஅபா⁴வங் கதா அனபா⁴வங்கதாதி. ‘‘அனபா⁴வங் க³தா’’திபி பாடோ², தஸ்ஸ அனுஅபா⁴வங் க³தாதி அத்தோ². தத்த² பத³ச்சே²தோ³ அனுஅபா⁴வங் க³தா அனபா⁴வங் க³தாதி, யதா² அனுஅச்ச²ரியா அனச்ச²ரியாதி. ஆயதிங் அனுப்பாத³த⁴ம்மாதி அனாக³தே அனுப்பஜ்ஜனகஸபா⁴வா. யே ஹி அபா⁴வங் க³தா, தே புன கத²ங் உப்பஜ்ஜிஸ்ஸந்தி? தேனாஹ – ‘‘அனபா⁴வங் க³தா ஆயதிங் அனுப்பாத³த⁴ம்மா’’தி.
அயங் கோ² ப்³ராஹ்மண பரியாயோதி இத³ங் கோ², ப்³ராஹ்மண, காரணங் யேன மங் ஸம்மா வத³மானோ வதெ³ய்ய ‘‘அரஸரூபோ ஸமணோ கோ³தமோ’’தி. நோ ச கோ² யங் த்வங் ஸந்தா⁴ய வதே³ஸீதி யஞ்ச கோ² த்வங் ஸந்தா⁴ய வதே³ஸி, ஸோ பரியாயோ ந ஹோதி. கஸ்மா பன ப⁴க³வா ஏவமாஹ? நனு ஏவங் வுத்தே
4. ஏவங் ப்³ராஹ்மணோ அத்தனா அதி⁴ப்பேதங் அரஸரூபதங் ஆரோபேதுங் அஸக்கொந்தோ அதா²பரங் நிப்³போ⁴கோ³ ப⁴வங் கோ³தமோதிஆதி³மாஹ. ஸப்³ப³பரியாயேஸு செத்த² வுத்தனயேனேவ யோஜனக்கமங் விதி³த்வா நிப்³போ⁴கோ³தி ஆஹ. ப⁴க³வா பன ய்வாயங் ரூபாதீ³ஸு ஸத்தானங் ச²ந்த³ராக³பரிபோ⁴கோ³ தத³பா⁴வங் அத்தனி ஸம்பஸ்ஸமானோ அபரம்பி பரியாயங் அனுஜானாதி.
5. புன ப்³ராஹ்மணோ யங் லோகே வயோவுட்³டா⁴னங் அபி⁴வாத³னாதி³குலஸமுதா³சாரகம்மங் லோகியா கரொந்தி தஸ்ஸ அகிரியங் ஸம்பஸ்ஸமானோ ப⁴க³வந்தங் அகிரியவாதோ³தி ஆஹ. ப⁴க³வா பன, யஸ்மா காயது³ச்சரிதாதீ³னங் அகிரியங் வத³தி தஸ்மா, தங் அகிரியவாத³ங் அத்தனி ஸம்பஸ்ஸமானோ அபரம்பி பரியாயங் அனுஜானாதி. தத்த² ச காயது³ச்சரிதந்தி பாணாதிபாத-அதி³ன்னாதா³ன-மிச்சா²சாரசேதனா வேதி³தப்³பா³. வசீது³ச்சரிதந்தி முஸாவாத³-பிஸுணவாசா-ப²ருஸவாசா-ஸம்ப²ப்பலாபசேதனா வேதி³தப்³பா³. மனோது³ச்சரிதந்தி அபி⁴ஜ்ஜா²ப்³யாபாத³மிச்சா²தி³ட்டி²யோ வேதி³தப்³பா³. ட²பெத்வா தே த⁴ம்மே, அவஸேஸா அகுஸலா த⁴ம்மா ‘‘அனேகவிஹிதா பாபகா அகுஸலா த⁴ம்மா’’தி வேதி³தப்³பா³.
6. புன ப்³ராஹ்மணோ தமேவ அபி⁴வாத³னாதி³கம்மங் ப⁴க³வதி அபஸ்ஸந்தோ இமங் ‘‘ஆக³ம்ம அயங் லோகதந்தி லோகபவேணீ உச்சி²ஜ்ஜதீ’’தி மஞ்ஞமானோ ப⁴க³வந்தங் உச்சே²த³வாதோ³தி ஆஹ. ப⁴க³வா பன யஸ்மா அட்ட²ஸு லோப⁴ஸஹக³தசித்தேஸு பஞ்சகாமகு³ணிகராக³ஸ்ஸ த்³வீஸு அகுஸலசித்தேஸு உப்பஜ்ஜமானகதோ³ஸஸ்ஸ ச அனாகா³மிமக்³கே³ன உச்சே²த³ங் வத³தி. ஸப்³பா³குஸலஸம்ப⁴வஸ்ஸ பன நிரவஸேஸஸ்ஸ மோஹஸ்ஸ அரஹத்தமக்³கே³ன உச்சே²த³ங் வத³தி. ட²பெத்வா தே தயோ, அவஸேஸானங் பாபகானங் அகுஸலானங் த⁴ம்மானங் யதா²னுரூபங் சதூஹி மக்³கே³ஹி
7. புன ப்³ராஹ்மணோ ‘‘ஜிகு³ச்ச²தி மஞ்ஞே ஸமணோ கோ³தமோ இத³ங் வயோவுட்³டா⁴னங் அபி⁴வாத³னாதி³குலஸமுதா³சாரகம்மங், தேன தங் ந கரோதீ’’தி மஞ்ஞமானோ ப⁴க³வந்தங் ஜேகு³ச்சீ²தி ஆஹ. ப⁴க³வா பன யஸ்மா ஜிகு³ச்ச²தி காயது³ச்சரிதாதீ³ஹி; கிங் வுத்தங் ஹோதி ‘‘காயது³ச்சரிதேனா’’தி உபயோக³த்தே² கரணவசனங் த³ட்ட²ப்³ப³ங்.
8. புன ப்³ராஹ்மணோ தமேவ அபி⁴வாத³னாதி³கம்மங் ப⁴க³வதி அபஸ்ஸந்தோ ‘‘அயங் இமங் லோகஜெட்ட²ககம்மங் வினேதி வினாஸேதி, அத² வா யஸ்மா ஏதங் ஸாமீசிகம்மங் ந கரோதி தஸ்மா அயங் வினேதப்³போ³ நிக்³க³ண்ஹிதப்³போ³’’தி மஞ்ஞமானோ ப⁴க³வந்தங் வேனயிகோதி ஆஹ. தத்ராயங் பத³த்தோ² – வினயதீதி வினயோ, வினாஸேதீதி வுத்தங் ஹோதி. வினயோ ஏவ வேனயிகோ, வினயங் வா அரஹதீதி வேனயிகோ, நிக்³க³ஹங் அரஹதீதி வுத்தங் ஹோதி. ப⁴க³வா பன, யஸ்மா ராகா³தீ³னங் வினயாய வூபஸமாய த⁴ம்மங் தே³ஸேதி, தஸ்மா வேனயிகோ ஹோதி. அயமேவ செத்த² பத³த்தோ² – வினயாய த⁴ம்மங் தே³ஸேதீதி வேனயிகோ. விசித்ரா ஹி தத்³தி⁴தவுத்தி! ஸ்வாயங் தங் வேனயிகபா⁴வங் அத்தனி ஸம்பஸ்ஸமானோ அபரம்பி பரியாயங் அனுஜானாதி.
9. புன ப்³ராஹ்மணோ யஸ்மா அபி⁴வாத³னாதீ³னி ஸாமீசிகம்மானி கரொந்தா வயோவுட்³டே⁴ தோஸெந்தி ஹாஸெந்தி, அகரொந்தா பன தாபெந்தி விஹேஸெந்தி தோ³மனஸ்ஸங் நேஸங் உப்பாதெ³ந்தி, ப⁴க³வா ச தானி ந கரோதி; தஸ்மா ‘‘அயங் வயோவுட்³டே⁴ தபதீ’’தி மஞ்ஞமானோ ஸப்புரிஸாசாரவிரஹிதத்தா வா ‘‘கபணபுரிஸோ அய’’ந்தி மஞ்ஞமானோ ப⁴க³வந்தங் தபஸ்ஸீதி ஆஹ. தத்ராயங் பத³த்தோ² – தபதீதி தபோ, ரோஸேதி விஹேஸேதீதி வுத்தங் ஹோதி, ஸாமீசிகம்மாகரணஸ்ஸேதங் நாமங். தபோ அஸ்ஸ அத்தீ²தி தபஸ்ஸீ. து³தியே அத்த²விகப்பே ப்³யஞ்ஜனானி அவிசாரெத்வா லோகே கபணபுரிஸோ ‘‘தபஸ்ஸீ’’தி வுச்சதி. ப⁴க³வா பன யே அகுஸலா த⁴ம்மா லோகங் தபனதோ தபனீயாதி
10. புன ப்³ராஹ்மணோ தங் அபி⁴வாத³னாதி³கம்மங் தே³வலோகக³ப்³ப⁴ஸம்பத்தியா தே³வலோகபடிஸந்தி⁴படிலாபா⁴ய ஸங்வத்ததீதி மஞ்ஞமானோ ப⁴க³வதி சஸ்ஸ அபா⁴வங் தி³ஸ்வா ப⁴க³வந்தங் அபக³ப்³போ⁴தி ஆஹ. கோத⁴வஸேன வா ப⁴க³வதோ மாதுகுச்சி²ஸ்மிங் படிஸந்தி⁴க்³க³ஹணே தோ³ஸங் த³ஸ்ஸெந்தோபி ஏவமாஹ. தத்ராயங் பத³த்தோ² – க³ப்³ப⁴தோ அபக³தோதி அபக³ப்³போ⁴, அப⁴ப்³போ³ தே³வலோகூபபத்திங் பாபுணிதுந்தி யஸ்ஸ கோ² ப்³ராஹ்மண ஆயதிங் க³ப்³ப⁴ஸெய்யா புனப்³ப⁴வாபி⁴னிப்³ப³த்தி பஹீனாதி ஏதேஸங் பதா³னங் ஏவமத்தோ² த³ட்ட²ப்³போ³ – ப்³ராஹ்மண, யஸ்ஸ புக்³க³லஸ்ஸ அனாக³தே க³ப்³ப⁴ஸெய்யா, புனப்³ப⁴வே ச அபி⁴னிப்³ப³த்தி அனுத்தரேன மக்³கே³ன விஹதகாரணத்தா பஹீனாதி. க³ப்³ப⁴ஸெய்யக்³க³ஹணேன செத்த² ஜலாபு³ஜயோனி க³ஹிதா. புனப்³ப⁴வாபி⁴னிப்³ப³த்திக்³க³ஹணேன இதரா திஸ்ஸோபி.
அபிச க³ப்³ப⁴ஸ்ஸ ஸெய்யா க³ப்³ப⁴ஸெய்யா, புனப்³ப⁴வோ ஏவ அபி⁴னிப்³ப³த்தி புனப்³ப⁴வாபி⁴னிப்³ப³த்தீதி ஏவமெத்த² அத்தோ² த³ட்ட²ப்³போ³. யதா² ச விஞ்ஞாணட்டி²தீதி வுத்தேபி ந விஞ்ஞாணதோ அஞ்ஞா டி²தி அத்தி², ஏவமிதா⁴பி ந க³ப்³ப⁴தோ அஞ்ஞா ஸெய்யாதி வேதி³தப்³பா³. அபி⁴னிப்³ப³த்தி ச நாம யஸ்மா புனப்³ப⁴வபூ⁴தாபி அபுனப்³ப⁴வபூ⁴தாபி அத்தி², இத⁴ ச புனப்³ப⁴வபூ⁴தா அதி⁴ப்பேதா. தஸ்மா வுத்தங் – ‘‘புனப்³ப⁴வோ ஏவ அபி⁴னிப்³ப³த்தி புனப்³ப⁴வாபி⁴னிப்³ப³த்தீ’’தி.
11. ஏவங் ஆக³தகாலதோ பட்டா²ய அரஸரூபதாதீ³ஹி அட்ட²ஹி அக்கோஸவத்தூ²ஹி அக்கோஸந்தம்பி ப்³ராஹ்மணங் ப⁴க³வா த⁴ம்மிஸ்ஸரோ த⁴ம்மராஜா த⁴ம்மஸ்ஸாமீ ஸெய்யதா²பி ப்³ராஹ்மணாதிஆதி³னா நயேன ப்³ராஹ்மணஸ்ஸ த⁴ம்மதே³ஸனங் வட்³டே⁴ஸி.
தத்த² ஸெய்யதா²தி ஓபம்மத்தே² நிபாதோ; பீதி ஸம்பா⁴வனத்தே²; உப⁴யேனாபி யதா² நாம ப்³ராஹ்மணாதி குக்குடியா அண்டா³னி அட்ட² வா த³ஸ வா த்³வாத³ஸ வாதி எத்த² பன கிஞ்சாபி குக்குடியா வுத்தப்பகாரதோ ஊனாதி⁴கானிபி அண்டா³னி ஹொந்தி, அத² கோ² வசனஸிலிட்ட²தாய ஏவங் வுத்தந்தி வேதி³தப்³ப³ங். ஏவஞ்ஹி லோகே ஸிலிட்ட²வசனங் ஹோதி. தானஸ்ஸூதி தானி அஸ்ஸு, ப⁴வெய்யுந்தி வுத்தங் ஹோதி. குக்குடியா ஸம்மா அதி⁴ஸயிதானீதி தாய ஜனெத்தியா குக்குடியா பக்கே² பஸாரெத்வா தேஸங் உபரி ஸயந்தியா ஸம்மா அதி⁴ஸயிதானி. ஸம்மா பரிஸேதி³தானீதி காலேன காலங் உதுங் க³ண்ஹாபெந்தியா ஸுட்டு² ஸமந்ததோ ஸேதி³தானி, உஸ்மீகதானீதி வுத்தங் ஹோதி. ஸம்மா பரிபா⁴விதானீதி காலேன காலங் ஸுட்டு² ஸமந்ததோ பா⁴விதானி, குக்குடக³ந்த⁴ங் கா³ஹாபிதானீதி வுத்தங் ஹோதி.
இதா³னி யஸ்மா தாய குக்குடியா ஏவங் தீஹி பகாரேஹி தானி அண்டா³னி பரிபாலியமானானி ந பூதீனி ஹொந்தி. யோபி நேஸங் அல்லஸினேஹோ ஸோ பரியாதா³னங் க³ச்ச²தி. கபாலங் தனுகங் ஹோதி, பாத³னக²ஸிகா² ச முக²துண்ட³கஞ்ச க²ரங் ஹோதி, குக்குடபோதகா பரிபாகங் க³ச்ச²ந்தி, கபாலஸ்ஸ தனுகத்தா ப³ஹித்³தா⁴ ‘‘யோ நு கோ² தேஸங் குக்குடச்சா²பகானங்…பே॰… கிந்தி ஸ்வஸ்ஸ வசனீயோ’’தி. தத்த² குக்குடச்சா²பகானந்தி குக்குடபோதகானங். கிந்தி ஸ்வஸ்ஸ வசனீயோதி ஸோ கிந்தி வசனீயோ அஸ்ஸ, கிந்தி வத்தப்³போ³ ப⁴வெய்ய ஜெட்டோ² வா கனிட்டோ² வாதி. ஸேஸங் உத்தானத்த²மேவ.
ததோ ப்³ராஹ்மணோ ஆஹ – ‘‘ஜெட்டோ²திஸ்ஸ போ⁴ கோ³தம வசனீயோ’’தி. போ⁴, கோ³தம, ஸோ ஜெட்டோ² இதி அஸ்ஸ வசனீயோ. கஸ்மாதி சே? ஸோ ஹி நேஸங் ஜெட்டோ², தஸ்மா ஸோ நேஸங் வுட்³ட⁴தரோதி அத்தோ². அத²ஸ்ஸ ப⁴க³வா ஓபம்மங் ஸம்படிபாதெ³ந்தோ ஆஹ – ‘‘ஏவமேவ கோ² அஹங் ப்³ராஹ்மணா’’திஆதி³. யதா² ஸோ குக்குடச்சா²பகோ ஜெட்டோ²தி ஸங்க்²யங் க³ச்ச²தி; ஏவங் அஹம்பி அவிஜ்ஜாக³தாய பஜாய. அவிஜ்ஜாக³தாயாதி அவிஜ்ஜா வுச்சதி அஞ்ஞாணங், தத்த² க³தாய. பஜாயாதி ஸத்தாதி⁴வசனமேதங். தஸ்மா எத்த² அவிஜ்ஜண்ட³கோஸஸ்ஸ அந்தோ பவிட்டே²ஸு ஸத்தேஸூதி ஏவங் அத்தோ² த³ட்ட²ப்³போ³. அண்ட³பூ⁴தாயாதி அண்டே³ பூ⁴தாய ஜாதாய ஸஞ்ஜாதாய. யதா² ஹி அண்டே³ நிப்³ப³த்தா ஏகச்சே ஸத்தா அண்ட³பூ⁴தாதி வுச்சந்தி; ஏவமயங் ஸப்³பா³பி பஜா அவிஜ்ஜண்ட³கோஸே நிப்³ப³த்தத்தா அண்ட³பூ⁴தாதி வுச்சதி. பரியோனத்³தா⁴யாதி தேன அவிஜ்ஜண்ட³கோஸேன ஸமந்ததோ ஓனத்³தா⁴ய ப³த்³தா⁴ய வேடி²தாய அவிஜ்ஜண்ட³கோஸங் பதா³லெத்வாதி தங் அவிஜ்ஜாமயங் அண்ட³கோஸங் பி⁴ந்தி³த்வா ஏகோவ லோகேதி ஸகலேபி லோகஸன்னிவாஸே அஹமேவ ஏகோ அது³தியோ. அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴தி அனுத்தரந்தி உத்தரவிரஹிதங் ஸப்³ப³ஸெட்ட²ங். ஸம்மாஸம்போ³தி⁴ந்தி ஸம்மா ஸாமஞ்ச போ³தி⁴ங்; அத² வா பஸத்த²ங் ஸுந்த³ரஞ்ச போ³தி⁴ங்; போ³தீ⁴தி ருக்கோ²பி மக்³கோ³பி ஸப்³ப³ஞ்ஞுதஞ்ஞாணம்பி நிப்³பா³னம்பி வுச்சதி. ‘‘போ³தி⁴ருக்க²மூலே பட²மாபி⁴ஸம்பு³த்³தோ⁴’’தி (மஹாவ॰ 1; உதா³॰ 1) ச ‘‘அந்தரா ச க³யங் அந்தரா ச போ³தி⁴’’ந்தி (மஹாவ॰ 11; ம॰ நி॰ 1.285) ச ஆக³தட்டா²னேஸு ஹி ருக்கோ² போ³தீ⁴தி வுச்சதி. ‘‘போ³தி⁴ அபி⁴ஸம்பு³த்³தோ⁴தி அப்³ப⁴ஞ்ஞாஸிங் படிவிஜ்ஜி²ங்; பத்தொம்ஹி அதி⁴க³தொம்ஹீதி வுத்தங் ஹோதி.
இதா³னி யதே³தங் ப⁴க³வதா ‘‘ஏவமேவ கோ² அஹங் ப்³ராஹ்மணா’’தி ஆதி³னா நயேன வுத்தங் ஓபம்மஸம்படிபாத³னங், தங் ஏவமத்தே²ன ஸத்³தி⁴ங் ஸங்ஸந்தி³த்வா வேதி³தப்³ப³ங். யதா² ஹி தஸ்ஸா குக்குடியா அத்தனோ அண்டே³ஸு அதி⁴ஸயனாதி³திவித⁴கிரியாகரணங்; ஏவங் போ³தி⁴பல்லங்கே நிஸின்னஸ்ஸ போ³தி⁴ஸத்தபூ⁴தஸ்ஸ ப⁴க³வதோ அத்தனோ சித்தஸந்தானே அனிச்சங் து³க்க²ங் அனத்தாதி திவிதா⁴னுபஸ்ஸனாகரணங். குக்குடியா திவித⁴கிரியாஸம்பாத³னேன அண்டா³னங் அபூதிபா⁴வோ விய போ³தி⁴ஸத்தபூ⁴தஸ்ஸ ப⁴க³வதோ திவிதா⁴னுபஸ்ஸனாஸம்பாத³னேன விபஸ்ஸனாஞாணஸ்ஸ அபரிஹானி. குக்குடியா
ததோ குக்குடியா திவித⁴கிரியாகரணேன குக்குடச்சா²பகஸ்ஸ பாத³னக²ஸிகா²ய வா முக²துண்ட³கேன வா அண்ட³கோஸங் பதா³லெத்வா பக்கே² பப்போ²டெத்வா ஸொத்தி²னா அபி⁴னிப்³பி⁴தா³காலோ விய போ³தி⁴ஸத்தபூ⁴தஸ்ஸ ப⁴க³வதோ திவிதா⁴னுபஸ்ஸனாஸம்பாத³னேன விபஸ்ஸனாஞாணங் க³ப்³ப⁴ங் க³ண்ஹாபெத்வா அனுபுப்³பா³தி⁴க³தேன அரஹத்தமக்³கே³ன அவிஜ்ஜண்ட³கோஸங் பதா³லெத்வா அபி⁴ஞ்ஞாபக்கே² பப்போ²டெத்வா ஸொத்தி²னா ஸகலபு³த்³த⁴கு³ணஸச்சி²கதகாலோ வேதி³தப்³போ³தி.
ஸ்வாஹங் ப்³ராஹ்மண ஜெட்டோ² ஸெட்டோ² லோகஸ்ஸாதி ஸோ அஹங் ப்³ராஹ்மண யதா² தேஸங் குக்குடபோதகானங் பட²மதரங் அண்ட³கோஸங் பதா³லெத்வா அபி⁴னிப்³பி⁴தோ³ குக்குடபோதகோ ஜெட்டோ² ஹோதி; ஏவங் அவிஜ்ஜாக³தாய பஜாய தங் அவிஜ்ஜண்ட³கோஸங் பதா³லெத்வா பட²மதரங் அரியாய ஜாதியா ஜாதத்தா ஜெட்டோ² வுட்³ட⁴தரோதி ஸங்க்²யங் க³தோ. ஸப்³ப³கு³ணேஹி பன அப்படிஸமத்தா ஸெட்டோ²தி.
ஏவங் ப⁴க³வா அத்தனோ அனுத்தரங் ஜெட்ட²ஸெட்ட²பா⁴வங் ப்³ராஹ்மணஸ்ஸ பகாஸெத்வா இதா³னி யாய படிபதா³ய தங் அதி⁴க³தோ தங் படிபத³ங் புப்³ப³பா⁴க³தோ பபு⁴தி த³ஸ்ஸேதுங் ‘‘ஆரத்³த⁴ங் கோ² பன மே ப்³ராஹ்மணா’’திஆதி³மாஹ. இமங் வா ப⁴க³வதோ அனுத்தரங் ஆரத்³த⁴ங் கோ² பன மே ப்³ராஹ்மண வீரியங் அஹோஸீதி ப்³ராஹ்மண, ந மயா அயங் அனுத்தரோ ஜெட்ட²ஸெட்ட²பா⁴வோ குஸீதேன முட்ட²ஸ்ஸதினா ஸாரத்³த⁴காயேன விக்கி²த்தசித்தேன அதி⁴க³தோ, அபிச கோ² தத³தி⁴க³மாய ஆரத்³த⁴ங் கோ² பன மே வீரியங் அஹோஸி, போ³தி⁴மண்டே³ நிஸின்னேன மயா சதுரங்க³ஸமன்னாக³தங் வீரியங் ஆரத்³த⁴ங் அஹோஸி, பக்³க³ஹிதங் அஸிதி²லப்பவத்திதந்தி வுத்தங் ஹோதி. ஆரத்³த⁴த்தாயேவ ச மே தங் அஸல்லீனங் அஹோஸி. ந கேவலஞ்ச வீரியமேவ, ஸதிபி மே ஆரம்மணாபி⁴முகீ²பா⁴வேன உபட்டி²தா அஹோஸி. உபட்டி²தத்தாயேவ ச அஸம்முட்டா². பஸ்ஸத்³தோ⁴ காயோ அஸாரத்³தோ⁴தி காயசித்தபஸ்ஸத்³தி⁴வஸேன காயோபி மே பஸ்ஸத்³தோ⁴ அஹோஸி அஸாரத்³தோ⁴தி ஸோ ச கோ² பஸ்ஸத்³த⁴த்தாயேவ அஸாரத்³தோ⁴, விக³தத³ரதோ²தி வுத்தங் ஹோதி. ஸமாஹிதங் சித்தங் ஏகக்³க³ந்தி சித்தம்பி மே ஸம்மா
பட²மஜ்ஜா²னகதா²
இதா³னி இமாய படிபதா³ய அதி⁴க³தங் பட²மஜ்ஜா²னங் ஆதி³ங் கத்வா விஜ்ஜத்தயபரியோஸானங் விஸேஸங் த³ஸ்ஸெந்தோ ‘‘ஸோ கோ² அஹ’’ந்தி ஆதி³மாஹ. தத்த² விவிச்சேவ காமேஹி விவிச்ச அகுஸலேஹி த⁴ம்மேஹீதிஆதீ³னங் கிஞ்சாபி ‘‘தத்த² கதமே காமா? ச²ந்தோ³ காமோ, ராகோ³ காமோ, ச²ந்த³ராகோ³ காமோ; ஸங்கப்போ காமோ, ராகோ³ காமோ, ஸங்கப்பராகோ³ காமோ – இமே வுச்சந்தி காமா. தத்த² கதமே அகுஸலா த⁴ம்மா? காமச்ச²ந்தோ³…பே॰… விசிகிச்சா² – இமே வுச்சந்தி அகுஸலா த⁴ம்மா. இதி இமேஹி ச காமேஹி இமேஹி ச அகுஸலேஹி த⁴ம்மேஹி
ஸெய்யதி²த³ங் – விவிச்சேவ காமேஹீதி காமேஹி விவிச்சித்வா வினா ஹுத்வா அபஸக்கெத்வா. யோ பனாயமெத்த² ஏவகாரோ, ஸோ நியமத்தோ²தி வேதி³தப்³போ³. யஸ்மா ச நியமத்தோ², தஸ்மா தஸ்மிங் பட²மஜ்ஜா²னங் உபஸம்பஜ்ஜ விஹரணஸமயே அவிஜ்ஜமானானம்பி காமானங் தஸ்ஸ பட²மஜ்ஜா²னஸ்ஸ படிபக்க²பா⁴வங் காமபரிச்சாகே³னேவ சஸ்ஸ அதி⁴க³மங் தீ³பேதி. கத²ங்? ‘‘விவிச்சேவ காமேஹீ’’தி ஏவஞ்ஹி நியமே கரியமானே இத³ங் பஞ்ஞாயதி. நூனிமஸ்ஸ ஜா²னஸ்ஸ காமா படிபக்க²பூ⁴தா, யேஸு ஸதி இத³ங் ந பவத்ததி, அந்த⁴காரே ஸதி பதீ³போ விய, தேஸங் பரிச்சாகே³னேவ சஸ்ஸ அதி⁴க³மோ ஹோதி, ஓரிமதீரபரிச்சாகே³ன பாரிமதீரஸ்ஸேவ, தஸ்மா நியமங் கரோதீதி.
தத்த² ஸியா – ‘‘கஸ்மா பனேஸ புப்³ப³பதே³யேவ வுத்தோ ந உத்தரபதே³, கிங் அகுஸலேஹி த⁴ம்மேஹி அவிவிச்சாபி ஜா²னங் உபஸம்பஜ்ஜ விஹரெய்யா’’தி? ந
விவிச்ச அகுஸலேஹி த⁴ம்மேஹீதி கிலேஸகாமேஹி ஸப்³பா³குஸலேஹி த⁴ம்மேஹி வா விவிச்சாதி அத்தோ² யுஜ்ஜதி. தேன சித்தவிவேகோ வுத்தோ ஹோதி. புரிமேன செத்த² வத்து²காமேஹி விவேகவசனதோயேவ காமஸுக²பரிச்சாகோ³, து³தியேன கிலேஸகாமேஹி விவேகவசனதோ நெக்க²ம்மஸுக²பரிக்³க³ஹோ விபா⁴விதோ ஹோதி. ஏவங் வத்து²காமகிலேஸகாமவிவேகவசனதோயேவ ச ஏதேஸங் பட²மேன ஸங்கிலேஸவத்து²ப்பஹானங், து³தியேன ஸங்கிலேஸப்பஹானங்; பட²மேன லோலபா⁴வஸ்ஸ ஹேதுபரிச்சாகோ³, து³தியேன பா³லபா⁴வஸ்ஸ; பட²மேன ச பயோக³ஸுத்³தி⁴, து³தியேன ஆஸயபோஸனங் விபா⁴விதங் ஹோதீதி விஞ்ஞாதப்³ப³ங். ஏஸ தாவ நயோ ‘‘காமேஹீ’’தி எத்த² வுத்தகாமேஸு வத்து²காமபக்கே².
கிலேஸகாமபக்கே² பன ச²ந்தோ³தி ச ராகோ³தி ச ஏவமாதீ³ஹி அனேகபே⁴தோ³ காமச்ச²ந்தோ³யேவ காமோதி அதி⁴ப்பேதோ. ஸோ ச அகுஸலபரியாபன்னோபி பேடகே வுத்தங்.
ஏவமெத்த² ‘‘விவிச்சேவ காமேஹீ’’தி இமினா காமச்ச²ந்த³ஸ்ஸ விக்க²ம்ப⁴னவிவேகோ வுத்தோ ஹோதி. ‘‘விவிச்ச அகுஸலேஹி த⁴ம்மேஹீ’’தி இமினா பஞ்சன்னம்பி நீவரணானங். அக்³க³ஹிதக்³க³ஹணேன பன
எத்தாவதா ச பட²மஸ்ஸ ஜா²னஸ்ஸ பஹானங்க³ங் த³ஸ்ஸெத்வா இதா³னி ஸம்பயோக³ங்க³ங் த³ஸ்ஸெந்தோ ஸவிதக்கங் ஸவிசாரந்திஆதி³மாஹ. தத்த² விதக்கனங் விதக்கோ, ஊஹனந்தி வுத்தங் ஹோதி. ஸ்வாயங் ஆரம்மணே சித்தஸ்ஸ அபி⁴னிரோபனலக்க²ணோ, ஆஹனநபரியாஹனநரஸோ. ததா² ஹி ‘‘தேன யோகா³வசரோ ஆரம்மணங் விதக்காஹதங் விதக்கபரியாஹதங் கரோதீ’’தி வுச்சதி. ஆரம்மணே சித்தஸ்ஸ ஆனயனபச்சுபட்டா²னோ. விசரணங் விசாரோ, அனுஸஞ்சரணந்தி
விவேகஜந்தி எத்த² விவித்தி விவேகோ, நீவரணவிக³மோதி அத்தோ². விவித்தோதி வா விவேகோ, நீவரணவிவித்தோ ஜா²னஸம்பயுத்தத⁴ம்மராஸீதி அத்தோ². தஸ்மா விவேகா, தஸ்மிங் வா விவேகே ஜாதந்தி விவேகஜங். பீதிஸுக²ந்தி எத்த² பினயதீதி பீதி, ஸா ஸம்பியாயனலக்க²ணா காயசித்தபீனநரஸா
அத² வா பீதி ச ஸுக²ஞ்ச பீதிஸுக²ங், த⁴ம்மவினயாத³யோ விய. விவேகஜங் பீதிஸுக²மஸ்ஸ ஜா²னஸ்ஸ, அஸ்மிங் வா ஜா²னே அத்தீ²தி ஏவம்பி விவேகஜங்பீதிஸுக²ங். யதே²வ
பட²மந்தி க³ணனானுபுப்³ப³தா பட²மங், இத³ங் பட²மங் ஸமாபஜ்ஜதீதிபி பட²மங். பச்சனீகத⁴ம்மே ஜா²பேதீதி ஜா²னங், இமினா யோகி³னோ ஜா²யந்தீதிபி ஜா²னங், பச்சனீகத⁴ம்மே ட³ஹந்தி கோ³சரங் வா சிந்தெந்தீதி அத்தோ². ஸயங் வா தங் ஜா²யதி உபனிஜ்ஜா²யதீதி ஜா²னங், தேனேவ உபனிஜ்ஜா²யனலக்க²ணந்தி வுச்சதி. ததே³தங் ஆரம்மணூபனிஜ்ஜா²னங் ஆரம்மணூபனிஜ்ஜா²னந்தி ஸஹ உபசாரேன அட்ட² ஸமாபத்தியோ வுச்சந்தி. கஸ்மா? கஸிணாதி³ஆரம்மணூபனிஜ்ஜா²யனதோ. லக்க²ணூபனிஜ்ஜா²னந்தி விபஸ்ஸனாமக்³க³ப²லானி வுச்சந்தி. கஸ்மா? லக்க²ணூபனிஜ்ஜா²யனதோ. எத்த² ஹி விபஸ்ஸனா அனிச்சலக்க²ணாதீ³னி உபனிஜ்ஜா²யதி, விபஸ்ஸனாய உபனிஜ்ஜா²யனகிச்சங் பன மக்³கே³ன ஸிஜ்ஜ²தீதி மக்³கோ³ லக்க²ணூபனிஜ்ஜா²னந்தி வுச்சதி. ப²லங் பன நிரோத⁴ஸ்ஸ தத²லக்க²ணங் உபனிஜ்ஜா²யதீதி லக்க²ணூபனிஜ்ஜா²னந்தி வுச்சதி. இமஸ்மிங் பனத்தே² ஆரம்மணூபனிஜ்ஜா²னமேவ ஜா²னந்தி அதி⁴ப்பேதங்.
எத்தா²ஹ – ‘‘கதமங் பன தங் ஜா²னங் நாம, யங் ஸவிதக்கங் ஸவிசாரங்…பே॰… பீதிஸுக²ந்தி ஏவங் அபதே³ஸங் அரஹதீ’’தி? வுச்சதே – யதா² ஸத⁴னோ ஸபரிஜனோதிஆதீ³ஸு ட²பெத்வா த⁴னஞ்ச பரிஜனஞ்ச அஞ்ஞோ அபதே³ஸாரஹோ ஹோதி, ஏவங் ட²பெத்வா விதக்காதி³த⁴ம்மே அஞ்ஞங் அபதே³ஸாரஹங் நத்தி². யதா² பன ஸரதா² ஸபத்தி ஸேனாதி வுத்தே ஸேனங்கே³ஸுயேவ ஸேனாஸம்முதி, ஏவமித⁴ பஞ்சஸு அங்கே³ஸுயேவ
உபஸம்பஜ்ஜாதி விஹாஸிந்தி போ³தி⁴மண்டே³ நிஸஜ்ஜஸங்கா²தேன இரியாபத²விஹாரேன இதிவுத்தப்பகாரஜா²னஸமங்கீ³
கிங் பன கத்வா ப⁴க³வா இமங் ஜா²னங் உபஸம்பஜ்ஜ விஹாஸீதி? கம்மட்டா²னங் பா⁴வெத்வா. கதரங்? ஆனாபானஸ்ஸதிகம்மட்டா²னங். அஞ்ஞேன தத³த்தி²கேன கிங் காதப்³ப³ந்தி? அஞ்ஞேனபி ஏதங் வா கம்மட்டா²னங் பத²வீகஸிணாதீ³னங் வா அஞ்ஞதரங் பா⁴வேதப்³ப³ங். தேஸங் பா⁴வனானயோ விஸுத்³தி⁴மக்³கே³ (விஸுத்³தி⁴॰ 1.55) வுத்தனயேனேவ வேதி³தப்³போ³. இத⁴ பன வுச்சமானே அதிபா⁴ரியங் வினயனிதா³னங் ஹோதி, தஸ்மா பாளியா அத்த²ப்பகாஸனமத்தமேவ கரோமாதி.
பட²மஜ்ஜா²னகதா² நிட்டி²தா.
து³தியஜ்ஜா²னகதா²
விதக்கவிசாரானங் வூபஸமாதி விதக்கஸ்ஸ ச விசாரஸ்ஸ சாதி இமேஸங் த்³வின்னங் வூபஸமா ஸமதிக்கமா; து³தியஜ்ஜா²னக்க²ணே அபாதுபா⁴வாதி வுத்தங் ஹோதி. தத்த² கிஞ்சாபி து³தியஜ்ஜா²னே ஸப்³பே³பி பட²மஜ்ஜா²னத⁴ம்மா ந ஸந்தி, அஞ்ஞேயேவ ஹி பட²மஜ்ஜா²னே ப²ஸ்ஸாத³யோ, அஞ்ஞே இத⁴; ஓளாரிகஸ்ஸ பன ஓளாரிகஸ்ஸ அங்க³ஸ்ஸ ஸமதிக்கமா பட²மஜ்ஜா²னதோ பரேஸங் து³தியஜ்ஜா²னாதீ³னங் அதி⁴க³மோ அஜ்ஜ²த்தந்தி இத⁴ நியகஜ்ஜ²த்தமதி⁴ப்பேதங். விப⁴ங்கே³ பன ‘‘அஜ்ஜ²த்தங் பச்சத்த’’ந்தி (விப⁴॰ 573) எத்தகமேவ வுத்தங். யஸ்மா பன நியகஜ்ஜ²த்தங் அதி⁴ப்பேதங், தஸ்மா அத்தனி ஜாதங் அத்தனோ ஸந்தானே நிப்³ப³த்தந்தி அயமெத்த² அத்தோ².
ஸம்பஸாத³னந்தி ஸம்பஸாத³னங் வுச்சதி ஸத்³தா⁴. ஸம்பஸாத³னயோக³தோ ஜா²னம்பி ஸம்பஸாத³னங், நீலவண்ணயோக³தோ நீலவத்த²ங் விய. யஸ்மா வா தங் ஜா²னங் ஸம்பஸாத³னஸமன்னாக³தத்தா விதக்கவிசாரக்கோ²ப⁴வூபஸமனேன சேதோ ஸம்பஸாத³யதி, தஸ்மாபி ஸம்பஸாத³னந்தி வுத்தங். இமஸ்மிஞ்ச அத்த²விகப்பே ஸம்பஸாத³னங் சேதஸோதி ஏவங் பத³ஸம்ப³ந்தோ⁴ வேதி³தப்³போ³. புரிமஸ்மிங் பன அத்த²விகப்பே ஏகோதி³, விதக்கவிசாரேஹி அனஜ்ஜா²ரூள்ஹத்தா அக்³கோ³ ஸெட்டோ² ஹுத்வா உதே³தீதி ஏகோதி³பா⁴வங். ஸோ பனாயங் ஏகோதி³ யஸ்மா சேதஸோ, ந ஸத்தஸ்ஸ ந ஜீவஸ்ஸ, தஸ்மா ஏதங் சேதஸோ ஏகோதி³பா⁴வந்தி வுத்தங்.
நனு சாயங் ஸத்³தா⁴ பட²மஜ்ஜா²னேபி அத்தி², அயஞ்ச ஏகோதி³னாமகோ ஸமாதி⁴; அத² கஸ்மா இத³மேவ ஸம்பஸாத³னங் ‘‘சேதஸோ ஏகோதி³பா⁴வஞ்சா’’தி வுத்தந்தி? வுச்சதே – அது³ஞ்ஹி பட²மஜ்ஜா²னங் விதக்கவிசாரக்கோ²பே⁴ன வீசிதரங்க³ஸமாகுலமிவ ஜலங் ந ஸுப்பஸன்னங் ஹோதி, தஸ்மா ஸதியாபி ஸத்³தா⁴ய ஸம்பஸாத³னந்தி ந வுத்தங். ந ஸுப்பஸன்னத்தாயேவ செத்த² ஸமாதி⁴பி ந ஸுட்டு² பாகடோ, தஸ்மா ஏகோதி³பா⁴வந்திபி ந வுத்தங். இமஸ்மிங் பன ஜா²னே விதக்கவிசாரபலிபோ³தா⁴பா⁴வேன லத்³தோ⁴காஸா ப³லவதீ ஸத்³தா⁴, ப³லவஸத்³தா⁴ஸஹாயப்படிலாபே⁴னேவ ச ஸமாதி⁴பி பாகடோ; தஸ்மா இத³மேவ ஏவங் வுத்தந்தி வேதி³தப்³ப³ங். விப⁴ங்கே³ பன ‘‘ஸம்பஸாத³னந்தி யா ஸத்³தா⁴ ஸத்³த³ஹனா ஓகப்பனா அபி⁴ப்பஸாதோ³, சேதஸோ ஏகோதி³பா⁴வந்தி யா சித்தஸ்ஸ டி²தி…பே॰… ஸம்மாஸமாதீ⁴’’தி எத்தகமேவ வுத்தங். ஏவங் வுத்தேன பனேதேன ஸத்³தி⁴ங் அயங் அத்த²வண்ணனா யதா² ந விருஜ்ஜ²தி அஞ்ஞத³த்து² ஸங்ஸந்த³தி சேவ ஸமேதி ச ஏவங் வேதி³தப்³பா³.
அவிதக்கங் அவிசாரந்தி பா⁴வனாய பஹீனத்தா ஏதஸ்மிங் ஏதஸ்ஸ வா விதக்கோ நத்தீ²தி அவிதக்கங். இமினாவ நயேன அவிசாரங். விப⁴ங்கே³பி (விப⁴॰ 576) வுத்தங் ‘‘இதி அயஞ்ச விதக்கோ
எத்தா²ஹ – நனு ச ‘‘விதக்கவிசாரானங் வூபஸமாதி இமினாபி அயமத்தோ² ஸித்³தோ⁴, அத² கஸ்மா புன வுத்தங் அவிதக்கங் அவிசார’’ந்தி? வுச்சதே – ஏவமேதங் ஸித்³தோ⁴ வாயமத்தோ², ந பனேதங் தத³த்த²தீ³பகங்; நனு அவோசும்ஹ – ‘‘ஓளாரிகஸ்ஸ பன ஓளாரிகஸ்ஸ
அபிச விதக்கவிசாரானங் வூபஸமா இத³ங் ஸம்பஸாத³னங், ந கிலேஸகாலுஸியஸ்ஸ. விதக்கவிசாரானஞ்ச வூபஸமா ஏகோதி³பா⁴வங் ந உபசாரஜ்ஜா²னமிவ நீவரணப்பஹானா, ந பட²மஜ்ஜா²னமிவ ச அங்க³பாதுபா⁴வாதி ஏவங் ஸம்பஸாத³னஏகோதி³பா⁴வானங் ஹேதுபரிதீ³பகமித³ங் வசனங். ததா² விதக்கவிசாரானங் வூபஸமா இத³ங் அவிதக்கஅவிசாரங், ந ததியசதுத்த²ஜ்ஜா²னானி விய சக்கு²விஞ்ஞாணாதீ³னி விய ச அபா⁴வாதி ஏவங் அவிதக்கஅவிசாரபா⁴வஸ்ஸ ஹேதுபரிதீ³பகஞ்ச, ந விதக்கவிசாராபா⁴வமத்தபரிதீ³பகங். விதக்கவிசாராபா⁴வமத்தபரிதீ³பகமேவ பன ‘‘அவிதக்கங் அவிசார’’ந்தி இத³ங் வசனங், தஸ்மா புரிமங் வத்வாபி புன வத்தப்³ப³மேவாதி.
ஸமாதி⁴ஜந்தி பட²மஜ்ஜா²னஸமாதி⁴தோ ஸம்பயுத்தஸமாதி⁴தோ வா ஜாதந்தி அத்தோ². தத்த² கிஞ்சாபி பட²மம்பி ஸம்பயுத்தஸமாதி⁴தோ ஜாதங், அத² கோ² அயமேவ ‘‘ஸமாதீ⁴’’தி வத்தப்³ப³தங் அரஹதி விதக்கவிசாரக்கோ²ப⁴விரஹேன அதிவிய அசலத்தா ஸுப்பஸன்னத்தா ச. தஸ்மா இமஸ்ஸ வண்ணப⁴ணனத்த²ங் இத³மேவ ‘‘ஸமாதி⁴ஜ’’ந்தி வுத்தங். பீதிஸுக²ந்தி இத³ங் வுத்தனயமேவ.
து³தியந்தி க³ணனானுபுப்³ப³தோ து³தியங், இத³ங் து³தியங் ஸமாபஜ்ஜதீதிபி து³தியங். ஜா²னந்தி எத்த² பன யதா² பட²மஜ்ஜா²னங் விதக்காதீ³ஹி பஞ்சங்கி³கங் ஹோதி, ஏவமித³ங் ஸம்பஸாதா³தீ³ஹி ‘‘சதுரங்கி³க’’ந்தி வேதி³தப்³ப³ங். யதா²ஹ – ‘‘ஜா²னந்தி ஸம்பஸாதோ³, பீதி, ஸுக²ங், சித்தஸ்ஸேகக்³க³தா’’தி (விப⁴॰ 580). பரியாயோயேவ சேஸோ. ஸம்பஸாத³னங் பன ட²பெத்வா நிப்பரியாயேன திவங்கி³கமேவேதங் ஹோதி. யதா²ஹ – ‘‘கதமங் தஸ்மிங் ஸமயே திவங்கி³கங் ஜா²னங் ஹோதி? பீதி, ஸுக²ங், சித்தஸ்ஸேகக்³க³தா’’தி (த⁴॰ ஸ॰ 161). ஸேஸங் வுத்தனயமேவாதி.
து³தியஜ்ஜா²னகதா² நிட்டி²தா.
ததியஜ்ஜா²னகதா²
பீதியா ச விராகா³தி எத்த² வுத்தத்தா²யேவ பீதி. விராகோ³தி தஸ்ஸா ஜிகு³ச்ச²னங் வா ஸமதிக்கமோ வா. உபி⁴ன்னமந்தரா ‘‘ச’’ ஸத்³தோ³ ஸம்பிண்ட³னத்தோ², ஸோ
காமஞ்சேதே விதக்கவிசாரா து³தியஜ்ஜா²னேயேவ வூபஸந்தா இமஸ்ஸ பன ஜா²னஸ்ஸ மக்³க³பரிதீ³பனத்த²ங் வண்ணப⁴ணனத்த²ஞ்சேதங் வுத்தங். ‘‘விதக்கவிசாரானங் வூபஸமா’’தி ஹி வுத்தே இத³ங் பஞ்ஞாயதி – ‘‘நூன விதக்கவிசாரவூபஸமோ மக்³கோ³ இமஸ்ஸ ஜா²னஸ்ஸா’’தி. யதா² ச ததியே அரியமக்³கே³ அப்பஹீனானம்பி ஸக்காயதி³ட்டா²தீ³னங் ‘‘பஞ்சன்னங் ஓரம்பா⁴கி³யானங் ஸங்யோஜனானங் பஹானா’’தி (ம॰ நி॰ 2.132) ஏவங் பஹானங் வுச்சமானங் வண்ணப⁴ணனங் ஹோதி தத³தி⁴க³மாய உஸ்ஸுகானங் உஸ்ஸாஹஜனகங்; ஏவமேவங் இத⁴ அவூபஸந்தானம்பி விதக்கவிசாரானங் வூபஸமோ வுச்சமானோ வண்ணப⁴ணனங் ஹோதி. தேனாயமத்தோ² வுத்தோ – ‘‘பீதியா ச ஸமதிக்கமா, விதக்கவிசாரானஞ்ச வூபஸமா’’தி.
உபெக்க²கோ ச விஹாஸிந்தி எத்த² உபபத்திதோ இக்க²தீதி உபெக்கா², ஸமங் பஸ்ஸதி, அபக்க²பதிதாவ ஹுத்வா பஸ்ஸதீதி அத்தோ². தாய விஸதா³ய விபுலாய தா²மக³தாய ஸமன்னாக³தத்தா ததியஜ்ஜா²னஸமங்கீ³ ‘‘உபெக்க²கோ’’தி வுச்சதி. உபெக்கா² பன த³ஸவிதா⁴ ஹோதி – ச²ளங்கு³பெக்கா², ப்³ரஹ்மவிஹாருபெக்கா², பொ³ஜ்ஜ²ங்கு³பெக்கா², வீரியுபெக்கா², ஸங்கா²ருபெக்கா², வேத³னுபெக்கா², விபஸ்ஸனுபெக்கா², தத்ரமஜ்ஜ²த்துபெக்கா², ஜா²னுபெக்கா², பாரிஸுத்³து⁴பெக்கா²தி. ஏவமயங் த³ஸவிதா⁴பி தத்த² தத்த² ஆக³தனயதோ பூ⁴மிபுக்³க³லசித்தாரம்மணதோ, க²ந்த⁴ஸங்க³ஹ-ஏகக்க²ணகுஸலத்திகஸங்கே²பவஸேன ச அட்ட²ஸாலினியா த⁴ம்மஸங்க³ஹட்ட²கதா²ய
எத்தா²ஹ
நிட்டி²தா ‘‘உபெக்க²கோ ச விஹாஸி’’ந்தி ஏதஸ்ஸ ஸப்³ப³ஸோ அத்த²வண்ணனா.
இதா³னி ஸதோ ச ஸம்பஜானோதி எத்த² ஸரதீதி ஸதோ, ஸம்பஜானாதீதி ஸம்பஜானோ. புக்³க³லேன ஸதி ச ஸம்பஜஞ்ஞஞ்ச வுத்தங். தத்த² ஸரணலக்க²ணா ஸதி, அஸம்முஸ்ஸனரஸா, ஆரக்க²பச்சுபட்டா²னா; அஸம்மோஹலக்க²ணங் ஸம்பஜஞ்ஞங், தீரணரஸங், பவிசயபச்சுபட்டா²னங். தத்த² கிஞ்சாபி இத³ங் ஸதிஸம்பஜஞ்ஞங் புரிமஜ்ஜா²னேஸுபி அத்தி², முட்ட²ஸ்ஸதிஸ்ஸ ஹி அஸம்பஜானஸ்ஸ உபசாரஜ்ஜா²னமத்தம்பி ந ஸம்பஜ்ஜதி, பகே³வ அப்பனா; ஓளாரிகத்தா பன தேஸங் ஜா²னானங் பூ⁴மியங் விய புரிஸஸ்ஸ சித்தஸ்ஸ க³தி ஸுகா² ஹோதி, அப்³யத்தங் தத்த² ஸதிஸம்பஜஞ்ஞகிச்சங். ஓளாரிகங்க³ப்பஹானேன பன ஸுகு²மத்தா இமஸ்ஸ ஜா²னஸ்ஸ புரிஸஸ்ஸ கு²ரதா⁴ராயங் விய ஸதிஸம்பஜஞ்ஞகிச்சபரிக்³க³ஹிதாயேவ சித்தஸ்ஸ க³தி இச்சி²தப்³பா³தி இதே⁴வ வுத்தங். கிஞ்ச பி⁴ய்யோ? யதா²பி தே⁴னுபகோ³ வச்சோ² தே⁴னுதோ அபனீதோ அரக்கி²யமானோ புனதே³வ தே⁴னுங் உபக³ச்ச²தி; ஏவமித³ங் ததியஜ்ஜா²னஸுக²ங் பீதிதோ அபனீதம்பி ஸதிஸம்பஜஞ்ஞாரக்கே²ன அரக்கி²யமானங் புனதே³வ பீதிங் உபக³ச்செ²ய்ய பீதிஸம்பயுத்தமேவ ஸியா. ஸுகே² வாபி ஸத்தா ரஜ்ஜந்தி, இத³ஞ்ச அதிமது⁴ரங் ஸுக²ங், ததோ பரங் ஸுகா²பா⁴வா
இதா³னி ஸுக²ஞ்ச காயேன படிஸங்வேதே³ஸிந்தி எத்த² கிஞ்சாபி ததியஜ்ஜா²னஸமங்கி³னோ ஸுக²ப்படிஸங்வேத³னாபோ⁴கோ³ நத்தி², ஏவங் ஸந்தேபி யஸ்மா தஸ்ஸ நாமகாயேன ஸம்பயுத்தங் ஸுக²ங், யங் வா தங் நாமகாயஸம்பயுத்தங் ஸுக²ங், தங்ஸமுட்டா²னேனஸ்ஸ யஸ்மா அதிபணீதேன ரூபேன ரூபகாயோ பு²டோ, யஸ்ஸ
இதா³னி யங் தங் அரியா ஆசிக்க²ந்தி உபெக்க²கோ ஸதிமா ஸுக²விஹாரீதி எத்த² யங்ஜா²னஹேது யங்ஜா²னகாரணா தங் ததியஜ்ஜா²னஸமங்கீ³புக்³க³லங் பு³த்³தா⁴த³யோ அரியா ஆசிக்க²ந்தி தே³ஸெந்தி பஞ்ஞபெந்தி
கஸ்மா பன தங் தே ஏவங் பஸங்ஸந்தீதி? பஸங்ஸாரஹதோ. அயஞ்ஹி யஸ்மா அதிமது⁴ரஸுகே² ஸுக²பாரமிப்பத்தேபி ததியஜ்ஜா²னே உபெக்க²கோ, ந தத்த² ஸுகா²பி⁴ஸங்கே³ன ஆகட்³டீ⁴யதி, யதா² ச பீதி ந உப்பஜ்ஜதி; ஏவங் உபட்டி²தஸ்ஸதிதாய ஸதிமா. யஸ்மா ச அரியகந்தங் அரியஜனஸேவிதமேவ ச அஸங்கிலிட்ட²ங் ஸுக²ங் நாமகாயேன படிஸங்வேதே³தி, தஸ்மா பஸங்ஸாரஹோ. இதி பஸங்ஸாரஹதோ நங் அரியா தே ஏவங் பஸங்ஸாஹேதுபூ⁴தே கு³ணே பகாஸெந்தா ‘‘உபெக்க²கோ ஸதிமா ஸுக²விஹாரீ’’தி ஏவங் பஸங்ஸந்தீதி வேதி³தப்³ப³ங்.
ததியந்தி க³ணனானுபுப்³ப³தோ ததியங். இத³ங் ததியங் ஸமாபஜ்ஜதீதிபி ததியங். ஜா²னந்தி எத்த² ச யதா² து³தியங் ஸம்பஸாதா³தீ³ஹி சதுரங்கி³கங்; ஏவமித³ங் உபெக்கா²தீ³ஹி பஞ்சங்கி³கங். யதா²ஹ – ‘‘ஜா²னந்தி உபெக்கா² ஸதி ஸம்பஜஞ்ஞங் ஸுக²ங் சித்தஸ்ஸ ஏகக்³க³தா’’தி (விப⁴॰ 591). பரியாயோயேவ சேஸோ. உபெக்கா²ஸதிஸம்பஜஞ்ஞானி பன ட²பெத்வா நிப்பரியாயேன து³வங்கி³கமேவேதங் ஹோதி. யதா²ஹ – ‘‘கதமங் தஸ்மிங் ஸமயே து³வங்கி³கங் ஜா²னங் ஹோதி
ததியஜ்ஜா²னகதா² நிட்டி²தா.
சதுத்த²ஜ்ஜா²னகதா²
ஸுக²ஸ்ஸ ச பஹானா து³க்க²ஸ்ஸ ச பஹானாதி காயிகஸுக²ஸ்ஸ ச காயிகது³க்க²ஸ்ஸ ச பஹானா. புப்³பே³வாதி தஞ்ச கோ² புப்³பே³வ, ந சதுத்த²ஜ்ஜா²னக்க²ணே ஸோமனஸ்ஸதோ³மனஸ்ஸானங் அத்த²ங்க³மாதி சேதஸிகஸுக²ஸ்ஸ ச சேதஸிகது³க்க²ஸ்ஸ சாதி இமேஸம்பி த்³வின்னங் புப்³பே³வ அத்த²ங்க³மா பஹானா இச்சேவ வுத்தங் ஹோதி. கதா³ பன நேஸங் பஹானங் ஹோதி? சதுன்னங் ஜா²னானங் உபசாரக்க²ணே. ஸோமனஸ்ஸஞ்ஹி சதுத்த²ஜ்ஜா²னஸ்ஸ உபசாரக்க²ணேயேவ பஹீயதி, து³க்க²தோ³மனஸ்ஸஸுகா²னி பட²மது³தியததியானங் உபசாரக்க²ணேஸு. ஏவமேதேஸங் பஹானக்கமேன அவுத்தானங், இந்த்³ரியவிப⁴ங்கே³ பன இந்த்³ரியானங் உத்³தே³ஸக்கமேனேவ இதா⁴பி வுத்தானங் ஸுக²து³க்க²ஸோமனஸ்ஸ தோ³மனஸ்ஸானங் பஹானங் வேதி³தப்³ப³ங்.
யதி³
எத்தா²ஹ – ‘‘அதே²வங் தஸ்ஸ தஸ்ஸ ஜா²னஸ்ஸூபசாரே பஹீனாபி ஏதா வேத³னா இத⁴ கஸ்மா ஸமாஹரீ’’தி? ஸுக²க்³க³ஹணத்த²ங். யா ஹி அயங் ‘‘அது³க்க²மஸுக²’’ந்தி எத்த² அது³க்க²மஸுகா² வேத³னா வுத்தா, ஸா ஸுகு²மா அதிது³ப்³பி³ஞ்ஞெய்யா ந ஸக்கா ஸுகே²ன க³ஹேதுங். தஸ்மா யதா² நாம து³ட்ட²ஸ்ஸ யதா² வா ததா² வா உபஸங்கமித்வா க³ஹேதுங் அஸக்குணெய்யஸ்ஸ கோ³ணஸ்ஸ க³ஹணத்த²ங் கோ³போ ஏகஸ்மிங் வஜே ஸப்³பே³ கா³வோ ஸமாஹரதி, அதே²கேகங் நீஹரந்தோ படிபாடியா ஆக³தங் ‘‘அயங் ஸோ, க³ண்ஹத² ந’’ந்தி தம்பி கா³ஹாபயதி; ஏவமேவ ப⁴க³வா ஸுக²க்³க³ஹணத்த²ங் ஸப்³பா³ ஏதா ஸமாஹரி. ஏவஞ்ஹி
அபிச அது³க்க²மஸுகா²ய சேதோவிமுத்தியா பச்சயத³ஸ்ஸனத்த²ஞ்சாபி ஏதா வுத்தாதி வேதி³தப்³பா³. ஸுக²ப்பஹானாத³யோ ஹி தஸ்ஸா பச்சயா. யதா²ஹ – ‘‘சத்தாரோ கோ², ஆவுஸோ, பச்சயா அது³க்க²மஸுகா²ய சேதோவிமுத்தியா ஸமாபத்தியா. இதா⁴வுஸோ, பி⁴க்கு², ஸுக²ஸ்ஸ ச பஹானா…பே॰… சதுத்த²ஜ்ஜா²னங்
அது³க்க²மஸுக²ந்தி து³க்கா²பா⁴வேன அது³க்க²ங், ஸுகா²பா⁴வேன அஸுக²ங். ஏதேனெத்த² து³க்க²ஸுக²படிபக்க²பூ⁴தங் ததியவேத³னங் தீ³பேதி, ந து³க்க²ஸுகா²பா⁴வமத்தங். ததியவேத³னா நாம – அது³க்க²மஸுகா², உபெக்கா²திபி வுச்சதி. ஸா இட்டா²னிட்ட²விபரீதானுப⁴வனலக்க²ணா, மஜ்ஜ²த்தரஸா, அவிபூ⁴தபச்சுபட்டா²னா, ஸுக²னிரோத⁴பத³ட்டா²னாதி வேதி³தப்³பா³. உபெக்கா²ஸதிபாரிஸுத்³தி⁴ந்தி உபெக்கா²ய ஜனிதஸதிபாரிஸுத்³தி⁴ங். இமஸ்மிஞ்ஹி ஜா²னே ஸுபரிஸுத்³தா⁴ ஸதி. யா ச தஸ்ஸா ஸதியா பாரிஸுத்³தி⁴, ஸா உபெக்கா²ய கதா ந அஞ்ஞேன; தஸ்மா ஏதங் உபெக்கா²ஸதிபாரிஸுத்³தி⁴ந்தி வுச்சதி. விப⁴ங்கே³பி வுத்தங் – ‘‘அயங் ஸதி இமாய உபெக்கா²ய விஸதா³ ஹோதி பரிஸுத்³தா⁴ பரியோதா³தா, தேன வுச்சதி – ‘உபெக்கா²ஸதிபாரிஸுத்³தி⁴’’’ந்தி (விப⁴॰ 597). யாய ச உபெக்கா²ய எத்த² ஸதியா பாரிஸுத்³தி⁴ ஹோதி, ஸா அத்த²தோ தத்ரமஜ்ஜ²த்ததா வேதி³தப்³பா³. ந கேவலஞ்செத்த² தாய ஸதியேவ பரிஸுத்³தா⁴, அபிச கோ² ஸப்³பே³பி ஸம்பயுத்தத⁴ம்மா; ஸதிஸீஸேன பன தே³ஸனா வுத்தா.
தத்த²
சதுத்த²ந்தி க³ணனானுபுப்³ப³தோ சதுத்த²ங். இத³ங் சதுத்த²ங் ஸமாபஜ்ஜதீதிபி சதுத்த²ங். ஜா²னந்தி எத்த² யதா² ததியங் உபெக்கா²தீ³ஹி பஞ்சங்கி³கங்; ஏவமித³ங் உபெக்கா²தீ³ஹி திவங்கி³கங். யதா²ஹ – ‘‘ஜா²னந்தி உபெக்கா², ஸதி சித்தஸ்ஸேகக்³க³தா’’தி. பரியாயோ ஏவ சேஸோ. ட²பெத்வா பன ஸதிங் உபெக்கே²கக்³க³தமேவ க³ஹெத்வா நிப்பரியாயேன து³வங்கி³கமேவேதங் ஹோதி. யதா²ஹ – ‘‘கதமங் தஸ்மிங் ஸமயே து³வங்கி³கங் ஜா²னங் ஹோதி? உபெக்கா², சித்தஸ்ஸேகக்³க³தா’’தி (த⁴॰ ஸ॰ 165). ஸேஸங் வுத்தனயமேவாதி.
சதுத்த²ஜ்ஜா²னகதா² நிட்டி²தா.
புப்³பே³னிவாஸகதா²
12. இதி இமானி சத்தாரி ஜா²னானி கேஸஞ்சி சித்தேகக்³க³தத்தா²னி ஹொந்தி, கேஸஞ்சி விபஸ்ஸனாபாத³கானி, கேஸஞ்சி அபி⁴ஞ்ஞாபாத³கானி, கேஸஞ்சி நிரோத⁴பாத³கானி, கேஸஞ்சி ப⁴வோக்கமனத்தா²னி. தத்த² கீ²ணாஸவானங் சித்தேகக்³க³தத்தா²னி ஹொந்தி, தே ஹி ஸமாபஜ்ஜித்வா ‘‘ஏகக்³க³சித்தா ஸுக²ங் தி³வஸங் விஹரிஸ்ஸாமா’’தி
ப⁴க³வதா ‘‘ஸோ ஏவங் ஸமாஹிதே சித்தே’’திஆதி³மாஹ.
தத்த² ஸோதி ஸோ அஹங். ஏவந்தி சதுத்த²ஜ்ஜா²னக்கமனித³ஸ்ஸனமேதங். இமினா கமேன சதுத்த²ஜ்ஜா²னங் படிலபி⁴த்வாதி வுத்தங் ஹோதி. ஸமாஹிதேதி இமினா சதுத்த²ஜ்ஜா²னஸமாதி⁴னா ஸமாஹிதே. பரிஸுத்³தே⁴திஆதீ³ஸு பன உபெக்கா²ஸதிபாரிஸுத்³தி⁴பா⁴வேன பரிஸுத்³தே⁴. பரிஸுத்³த⁴த்தாயேவ பரியோதா³தே, பப⁴ஸ்ஸரேதி வுத்தங் ஹோதி. ஸுகா²தீ³னங் பச்சயானங் கா⁴தேன விஹதராகா³தி³அங்க³ணத்தா அனங்க³ணே. அனங்க³ணத்தாயேவ ச விக³தூபக்கிலேஸே; அங்க³ணேன ஹி சித்தங் உபக்கிலிஸ்ஸதி. ஸுபா⁴விதத்தா முது³பூ⁴தே, வஸீபா⁴வப்பத்தேதி வுத்தங் ஹோதி. வஸே வத்தமானஞ்ஹி சித்தங் முதூ³தி வுச்சதி. முது³த்தாயேவ ச கம்மனியே, கம்மக்க²மே கம்மயொக்³கே³தி வுத்தங் ஹோதி. முது³ ஹி சித்தங் கம்மனியங் ஹோதி ஸுத⁴ந்தமிவ ஸுவண்ணங், தது³ப⁴யம்பி ச ஸுபா⁴விதத்தா ஏவ. யதா²ஹ – ‘‘நாஹங், பி⁴க்க²வே, அஞ்ஞங் ஏகத⁴ம்மம்பி ஸமனுபஸ்ஸாமி, யங் ஏவங் பா⁴விதங் ப³ஹுலீகதங் முது³ ச ஹோதி கம்மனியஞ்ச, யத²யித³ங், பி⁴க்க²வே, சித்த’’ந்தி (அ॰ நி॰ 1.22).
ஏதேஸு டி²தே. டி²தத்தாயேவ ஆனேஞ்ஜப்பத்தே, அசலே நிரிஞ்ஜனேதி வுத்தங் ஹோதி. முது³கம்மஞ்ஞபா⁴வேன வா அத்தனோ வஸே டி²தத்தா டி²தே, ஸத்³தா⁴தீ³ஹி பரிக்³க³ஹிதத்தா ஆனேஞ்ஜப்பத்தே. ஸத்³தா⁴பரிக்³க³ஹிதஞ்ஹி சித்தங் அஸ்ஸத்³தி⁴யேன ந இஞ்ஜதி, வீரியபரிக்³க³ஹிதங் கோஸஜ்ஜேன ந இஞ்ஜதி, ஸதிபரிக்³க³ஹிதங் பமாதே³ன ந இஞ்ஜதி, ஸமாதி⁴பரிக்³க³ஹிதங் உத்³த⁴ச்சேன ந இஞ்ஜதி, பஞ்ஞாபரிக்³க³ஹிதங் அவிஜ்ஜாய ந இஞ்ஜதி, ஓபா⁴ஸக³தங் கிலேஸந்த⁴காரேன ந இஞ்ஜதி. இமேஹி
அபரோ நயோ – சதுத்த²ஜ்ஜா²னஸமாதி⁴னா ஸமாஹிதே. நீவரணதூ³ரீபா⁴வேன பரிஸுத்³தே⁴. விதக்காதி³ஸமதிக்கமேன பரியோதா³தே. ஜா²னப்படிலாப⁴பச்சயானங் பாபகானங் இச்சா²வசரானங் அபா⁴வேன அனங்க³ணே. அபி⁴ஜ்ஜா²தீ³னங் சித்தூபக்கிலேஸானங் விக³மேன விக³தூபக்கிலேஸே. உப⁴யம்பி சேதங் அனங்க³ணவத்த²ஸுத்தானுஸாரேன (ம॰ நி॰ 1.57 ஆத³யோ) வேதி³தப்³ப³ங். வஸிப்பத்தியா முது³பூ⁴தே. இத்³தி⁴பாத³பா⁴வூபக³மேன கம்மனியே. பா⁴வனாபாரிபூரியா பணீதபா⁴வூபக³மேன டி²தே ஆனேஞ்ஜப்பத்தே
புப்³பே³னிவாஸானுஸ்ஸதிஞாணாயாதி ஏவங் அபி⁴ஞ்ஞாபாத³கே ஜாதே ஏதஸ்மிங் சித்தே புப்³பே³னிவாஸானுஸ்ஸதிம்ஹி யங் ஞாணங் தத³த்தா²ய. தத்த² புப்³பே³னிவாஸோதி புப்³பே³ அதீதஜாதீஸு நிவுத்த²க்க²ந்தா⁴. நிவுத்தா²தி அஜ்ஜா²வுத்தா² அனுபூ⁴தா அத்தனோ ஸந்தானே உப்பஜ்ஜித்வா நிருத்³தா⁴ நிவுத்த²த⁴ம்மா வா நிவுத்தா², கோ³சரனிவாஸேன நிவுத்தா², அத்தனோ விஞ்ஞாணேன விஞ்ஞாதா பரிச்சி²ன்னா, பரவிஞ்ஞாணவிஞ்ஞாதாபி வா சி²ன்னவடுமகானுஸ்ஸரணாதீ³ஸு. புப்³பே³னிவாஸானுஸ்ஸதீதி யாய ஸதியா புப்³பே³னிவாஸங் அனுஸ்ஸரதி, ஸா புப்³பே³னிவாஸானுஸ்ஸதி. ஞாணந்தி தாய ஸதியா ஸம்பயுத்தஞாணங். ஏவமிமஸ்ஸ புப்³பே³னிவாஸானுஸ்ஸதிஞாணஸ்ஸ அத்தா²ய புப்³பே³னிவாஸானுஸ்ஸதிஞாணாய ஏதஸ்ஸ ஞாணஸ்ஸ அதி⁴க³மாய பத்தியாதி வுத்தங் ஹோதி. அபி⁴னின்னாமேஸிந்தி அபி⁴னீஹரிங்.
ஸோதி அனேகவிஹிதந்தி அனேகவித⁴ங், அனேகேஹி வா பகாரேஹி பவத்திதங் ஸங்வண்ணிதந்தி அத்தோ². புப்³பே³னிவாஸந்தி ஸமனந்தராதீதங் ப⁴வங் ஆதி³ங் கத்வா தத்த² தத்த² நிவுத்த²ஸந்தானங். அனுஸ்ஸராமீதி ‘‘ஏகம்பி ஜாதிங் த்³வேபி ஜாதியோ’’தி ஏவங் ஜாதிபடிபாடியா அனுக³ந்த்வா அனுக³ந்த்வா ஸராமி, அனுதே³வ வா ஸராமி, சித்தே விஸுத்³தி⁴மக்³கே³ (விஸுத்³தி⁴॰ 2.402 ஆத³யோ) வுத்தனயேனேவ க³ஹேதப்³ப³ங். இத⁴ பன பாளிமேவ வண்ணயிஸ்ஸாம.
ஸெய்யதி²த³ந்தி ஆரத்³த⁴ப்பகாரத³ஸ்ஸனத்தே² நிபாதோ. தேனேவ ய்வாயங் புப்³பே³னிவாஸோ ஆரத்³தோ⁴, தஸ்ஸ பகாரப்பபே⁴த³ங் த³ஸ்ஸெந்தோ ஏகம்பி ஜாதிந்திஆதி³மாஹ. தத்த² ஏகம்பி ஜாதிந்தி ஏகம்பி படிஸந்தி⁴மூலங் சுதிபரியோஸானங் ஏகப⁴வபரியாபன்னங் க²ந்த⁴ஸந்தானங். ஏஸ நயோ த்³வேபி ஜாதியோதிஆதீ³ஸு. அனேகேபி ஸங்வட்டகப்பேதிஆதீ³ஸு பன பரிஹாயமானோ கப்போ ஸங்வட்டகப்போ, வட்³ட⁴மானோ விவட்டகப்போதி வேதி³தப்³போ³. தத்த² ச ஸங்வட்டேன ஸங்வட்டட்டா²யீ க³ஹிதோ ஹோதி தம்மூலகத்தா. விவட்டேன ச விவட்டட்டா²யீ. ஏவஞ்ஹி ஸதி யானி தானி ‘‘சத்தாரிமானி, பி⁴க்க²வே, கப்பஸ்ஸ அஸங்க்²யெய்யானி
தத்த² தயோ ஸங்வட்டா – தேஜோஸங்வட்டோ, ஆபோஸங்வட்டோ, வாயோஸங்வட்டோதி. திஸ்ஸோ ஸங்வட்டஸீமா – ஆப⁴ஸ்ஸரா, ஸுப⁴கிண்ஹா, வேஹப்ப²லாதி. யதா³ கப்போ தேஜேன ஸங்வட்டதி, ஆப⁴ஸ்ஸரதோ ஹெட்டா² அக்³கி³னா ட³ய்ஹதி. யதா³ உத³கேன ஸங்வட்டதி, ஸுப⁴கிண்ஹதோ ஹெட்டா² உத³கேன விலீயதி. யதா³ வாதேன ஸங்வட்டதி, வேஹப்ப²லதோ ஹெட்டா² வாதேன வித்³த⁴ங்ஸியதி. வித்தா²ரதோ பன ஸதா³பி ஏகங் பு³த்³த⁴க்கெ²த்தங் வினஸ்ஸதி.
பு³த்³த⁴க்கெ²த்தங் நாம திவித⁴ங் ஹோதி – ஜாதிக்கெ²த்தங், ஆணாக்கெ²த்தங், விஸயக்கெ²த்தஞ்ச. தத்த² ஜாதிக்கெ²த்தங் த³ஸஸஹஸ்ஸசக்கவாளபரியந்தங் ஹோதி, யங் ததா²க³தஸ்ஸ படிஸந்தி⁴ஆதீ³ஸு கம்பதி. ஆணாக்கெ²த்தங் விஸுத்³தி⁴மக்³கே³ (விஸுத்³தி⁴॰ 2.404) வுத்தங். அத்தி²கேஹி ததோ க³ஹேதப்³ப³ங்.
யே பனேதே ஸங்வட்டவிவட்டா வுத்தா, ஏதேஸு ப⁴க³வா போ³தி⁴மண்டே³ ஸம்மாஸம்போ³தி⁴ங் அபி⁴ஸம்பு³ஜ்ஜ²னத்தா²ய நிஸின்னோ அனேகேபி ஸங்வட்டகப்பே அனேகேபி விவட்டகப்பே அனேகேபி ஸங்வட்டவிவட்டகப்பே ஸரி. கத²ங்? ‘‘அமுத்ராஸி’’ந்திஆதி³னா நயேன. தத்த² அமுத்ராஸிந்தி அமும்ஹி ஸங்வட்டகப்பே அஹங் அமும்ஹி ப⁴வே வா யோனியா வா க³தியா வா விஞ்ஞாணட்டி²தியா வா ஸத்தாவாஸே வா ஸத்தனிகாயே வா அஹோஸிங். ஏவங்னாமோதி வெஸ்ஸந்தரோ வா ஜோதிபாலோ வா. ஏவங்கொ³த்தோதி ப⁴க்³க³வோ வா கோ³தமோ வா. ஏவங்வண்ணோதி ஓதா³தோ வா ஸாமோ வா. ஏவமாஹாரோதி ஸாலிமங்ஸோத³னாஹாரோ வா பவத்தப²லபோ⁴ஜனோ வா. ஏவங்ஸுக²து³க்க²ப்படிஸங்வேதீ³தி அனேகப்பகாரேன காயிகசேதஸிகானங் ஸாமிஸனிராமிஸாதி³ப்பபே⁴தா³னங் வா ஸுக²து³க்கா²னங் படிஸங்வேதீ³. ஏவமாயுபரியந்தோதி ஏவங் வஸ்ஸஸதபரமாயுபரியந்தோ வா சதுராஸீதிகப்பஸஹஸ்ஸபரமாயுபரியந்தோ வா.
ஸோ ததோ சுதோ அமுத்ர உத³பாதி³ந்தி ஸோ அஹங் ததோ ப⁴வதோ யோனிதோ க³திதோ விஞ்ஞாணட்டி²திதோ ஸத்தாவாஸதோ ஸத்தனிகாயதோ வா சுதோ, புன அமுகஸ்மிங் நாம ப⁴வே யோனியா க³தியா விஞ்ஞாணட்டி²தியா ஸத்தாவாஸே ஸத்தனிகாயே வா உத³பாதி³ங். தத்ராபாஸிந்தி அத² தத்ராபி ப⁴வே யோனியா க³தியா விஞ்ஞாணட்டி²தியா ஸத்தாவாஸே ஸத்தனிகாயே வா புன அஹோஸிங். ஏவங்னாமோதிஆதி³ வுத்தனயமேவ.
அத² வா யஸ்மா அமுத்ராஸிந்தி இத³ங் அனுபுப்³பே³ன ஆரோஹந்தஸ்ஸ யாவதி³ச்ச²கங் ஸரணங். ஸோ ததோ சுதோதி படினிவத்தந்தஸ்ஸ பச்சவெக்க²ணங். தஸ்மா இதூ⁴பபன்னோதி இமிஸ்ஸா இதூ⁴பபத்தியா அனந்தரங் அமுத்ர உத³பாதி³ந்தி துஸிதப⁴வனங் ஸந்தா⁴யாஹாதி வேதி³தப்³ப³ங். தத்ராபாஸிங் ஏவங்னாமோதி தத்ராபி ஏவங்கொ³த்தோதி தாஹி தே³வதாஹி ஸத்³தி⁴ங் ஏககொ³த்தோ. ஏவங்வண்ணோதி ஸுவண்ணவண்ணோ. ஏவமாஹாரோதி தி³ப்³ப³ஸுதா⁴ஹாரோ. ஏவங்ஸுக²து³க்க²ப்படிஸங்வேதீ³தி ஏவங் தி³ப்³ப³ஸுக²ப்படிஸங்வேதீ³. து³க்க²ங் பன ஸங்கா²ரது³க்க²மத்தமேவ. ஏவமாயுபரியந்தோதி ஏவங் ஸத்தபஞ்ஞாஸவஸ்ஸகோடிஸட்டி²வஸ்ஸஸதஸஹஸ்ஸாயுபரியந்தோ. ஸோ ததோ சுதோதி ஸோ அஹங் ததோ துஸிதப⁴வனதோ சுதோ. இதூ⁴பபன்னோதி இத⁴ மஹாமாயாய தே³வியா குச்சி²ம்ஹி நிப்³ப³த்தோ.
இதீதி ஏவங். ஸாகாரங் ஸஉத்³தே³ஸந்தி நாமகொ³த்தவஸேன ஸஉத்³தே³ஸங், வண்ணாதி³வஸேன ஸாகாரங். நாமகொ³த்தவஸேன ஹி ஸத்தோ ‘‘த³த்தோ, திஸ்ஸோ, கோ³தமோ’’தி உத்³தி³ஸீயதி; வண்ணாதீ³ஹி ஓதா³தோ, ஸாமோதி நானத்ததோ பஞ்ஞாயதி; தஸ்மா நாமகொ³த்தங் உத்³தே³ஸோ, இதரே ஆகாரா. கிங் பன பு³த்³தா⁴யேவ புப்³பே³னிவாஸங் ஸரந்தீதி? வுச்சதே – ந பு³த்³தா⁴யேவ, பச்சேகபு³த்³த⁴-பு³த்³த⁴ஸாவக-தித்தி²யாபி, நோ ச கோ² அவிஸேஸேன. தித்தி²யா ஹி சத்தாலீஸங்யேவ கப்பே ஸரந்தி, ந ததோ பரங். கஸ்மா? து³ப்³ப³லபஞ்ஞத்தா. தேஸஞ்ஹி நாமரூபபரிச்சே²த³விரஹதோ து³ப்³ப³லா பஞ்ஞா ஹோதி. ஸாவகேஸு பன அஸீதிமஹாஸாவகா கப்பஸதஸஹஸ்ஸங் ஸரந்தி; த்³வே அக்³க³ஸாவகா ஏகமஸங்க்²யெய்யங் ஸதஸஹஸ்ஸஞ்ச. பச்சேகபு³த்³தா⁴ த்³வே அஸங்க்²யெய்யானி ஸதஸஹஸ்ஸஞ்ச. எத்தகோ ஹி தேஸங் அபி⁴னீஹாரோ. பு³த்³தா⁴னங் பன பரிச்சே²தோ³ நத்தி², யாவ இச்ச²ந்தி தாவ ஸரந்தி. தித்தி²யா ச க²ந்த⁴படிபாடிமேவ ஸரந்தி. படிபாடிங் முஞ்சித்வா சுதிபடிஸந்தி⁴வஸேன ஸரிதுங் ந ஸக்கொந்தி. தேஸஞ்ஹி அந்தா⁴னங் விய இச்சி²தப்பதே³ஸோக்கமனங் நத்தி². ஸாவகா உப⁴யதா²பி ஸரந்தி; ததா² பச்சேகபு³த்³தா⁴. பு³த்³தா⁴ பன க²ந்த⁴படிபாடியாபி சுதிபடிஸந்தி⁴வஸேனபி ஸீஹோக்கந்தவஸேனபி அனேகாஸு கப்பகோடீஸு ஹெட்டா² வா உபரி வா யங் யங் டா²னங் ஆகங்க²ந்தி, தங் ஸப்³ப³ங் ஸரந்தியேவ.
அயங் கோ² மே ப்³ராஹ்மணாதிஆதீ³ஸு மேதி மயா. விஜ்ஜாதி விதி³தகரணட்டே²ன விஜ்ஜா. கிங் விதி³தங் அவிஜ்ஜாதி தஸ்ஸேவ புப்³பே³னிவாஸஸ்ஸ அவிதி³தகரணட்டே²ன தப்படிச்சா²த³கமோஹோ வுச்சதி. தமோதி ஸ்வேவ மோஹோ தப்படிச்சா²த³கட்டே²ன ஆலோகோதி ஸாயேவவிஜ்ஜா ஓபா⁴ஸகரணட்டே²ன ‘‘ஆலோகோ’’தி வுச்சதி. எத்த² ச விஜ்ஜா அதி⁴க³தாதி அயங் அத்தோ², ஸேஸங் பஸங்ஸாவசனங். யோஜனா
யதா² தந்தி எத்த² யதா²தி ஓபம்மத்தே². தந்தி நிபாதோ. ஸதியா அவிப்பவாஸேன அப்பமத்தஸ்ஸ. வீரியாதாபேன ஆதாபினோ. காயே ச ஜீவிதே ச அனபெக்க²தாய பஹிதத்தஸ்ஸ, பேஸிதசித்தஸ்ஸாதி அத்தோ². இத³ங் வுத்தங் ஹோதி – யதா² அப்பமத்தஸ்ஸ ஆதாபினோ பஹிதத்தஸ்ஸ விஹரதோ அவிஜ்ஜா விஹஞ்ஞெய்ய விஜ்ஜா உப்பஜ்ஜெய்ய, தமோ விஹஞ்ஞெய்ய ஆலோகோ உப்பஜ்ஜெய்ய; ஏவமேவ மம அவிஜ்ஜா விஹதா விஜ்ஜா உப்பன்னா, தமோ விஹதோ ஆலோகோ உப்பன்னோ. ஏதஸ்ஸ மே பதா⁴னானுயோக³ஸ்ஸ அனுரூபமேவ ப²லங் லத்³த⁴ந்தி.
அயங் கோ² மே ப்³ராஹ்மண பட²மா அபி⁴னிப்³பி⁴தா³ அஹோஸி குக்குடச்சா²பகஸ்ஸேவ அண்ட³கோஸம்ஹாதி அயங் கோ² மம ப்³ராஹ்மண புப்³பே³னிவாஸானுஸ்ஸதிஞாணமுக²துண்ட³கேன புப்³பே³ நிவுத்த²க்க²ந்த⁴படிச்சா²த³கங் அவிஜ்ஜண்ட³கோஸங் பதா³லெத்வா பட²மா அபி⁴னிப்³பி⁴தா³ பட²மா நிக்க²ந்தி பட²மா அரியாஜாதி அஹோஸி, குக்குடச்சா²பகஸ்ஸேவ முக²துண்ட³கேன வா பாத³னக²ஸிகா²ய வா அண்ட³கோஸங் பதா³லெத்வா தம்ஹா அண்ட³கோஸம்ஹா அபி⁴னிப்³பி⁴தா³ நிக்க²ந்தி குக்குடனிகாயே பச்சாஜாதீதி.
புப்³பே³னிவாஸகதா² நிட்டி²தா.
தி³ப்³ப³சக்கு²ஞாணகதா²
13. ஸோ ஏவங்…பே॰… சுதூபபாதஞாணாயாதி சுதியா ச உபபாதே ச ஞாணாய; யேன ஞாணேன ஸத்தானங் சுதி ச உபபாதோ ச ஞாயதி, தத³த்த²ந்தி வுத்தங் ஹோதி. சித்தங் அபி⁴னின்னாமேஸிந்தி பரிகம்மசித்தங் நீஹரிங். ஸோ தி³ப்³பே³ன…பே॰… பஸ்ஸாமீதி எத்த² பன பூரிதபாரமீனங் மஹாஸத்தானங் பரிகம்மகரணங் நத்தி². தே ஹி சித்தே அபி⁴னின்னாமிதமத்தே ஏவ தி³ப்³பே³ன சக்கு²னா ஸத்தே பஸ்ஸந்தி, ஆதி³கம்மிககுலபுத்தா பன பரிகம்மங் கத்வா. தஸ்மா தேஸங் வஸேன பரிகம்மங் வத்தப்³ப³ங் ஸியா. தங் பன வுச்சமானங் அதிபா⁴ரியங் வினயனிதா³னங் கரோதி; தஸ்மா தங் விஸுத்³தி⁴மக்³கே³ (விஸுத்³தி⁴॰ 2.411) வுத்தனயேன க³ஹேதப்³ப³ங். இத⁴ பன பாளிமேவ வண்ணயிஸ்ஸாம.
ஸோதி தி³ப்³பே³னாதிஆதீ³ஸு தி³ப்³ப³ஸதி³ஸத்தா தி³ப்³ப³ங் சக்கு². சக்கு²கிச்சகரணேன சக்கு²மிவாதிபி சக்கு². சுதூபபாதத³ஸ்ஸனேன தி³ட்டி²விஸுத்³தி⁴ஹேதுத்தா விஸுத்³த⁴ங். யோ ஹி சுதிமத்தமேவ பஸ்ஸதி ந உபபாதங், ஸோ உச்சே²த³தி³ட்டி²ங் க³ண்ஹாதி. யோ உபபாதமத்தமேவ பஸ்ஸதி ந சுதிங், ஸோ நவஸத்தபாதுபா⁴வதி³ட்டி²ங் க³ண்ஹாதி. யோ பன தது³ப⁴யங் பஸ்ஸதி, ஸோ யஸ்மா து³வித⁴ம்பி தங் தி³ட்டி²க³தங் அதிவத்ததி, தஸ்மாஸ்ஸ தங் த³ஸ்ஸனங் தி³ட்டி²விஸுத்³தி⁴ஹேது ஹோதி. தது³ப⁴யஞ்ச ப⁴க³வா அத்³த³ஸ. தேனேதங் வுத்தங் – ‘‘சுதூபபாதத³ஸ்ஸனேன தி³ட்டி²விஸுத்³தி⁴ஹேதுத்தா விஸுத்³த⁴’’ந்தி.
ஏகாத³ஸஉபக்கிலேஸவிரஹதோ வா விஸுத்³த⁴ங். ப⁴க³வதோ ஹி ஏகாத³ஸபக்கிலேஸவிரஹிதங் தி³ப்³ப³சக்கு². யதா²ஹ – ‘‘ஸோ கோ² அஹங், அனுருத்³த⁴, ‘விசிகிச்சா² சித்தஸ்ஸ உபக்கிலேஸோ’தி இதி விதி³த்வா விசிகிச்ச²ங் சித்தஸ்ஸ உபக்கிலேஸங் பஜஹிங். அமனஸிகாரோ…பே॰… தி²னமித்³த⁴ங்… ச²ம்பி⁴தத்தங்… உப்பிலங்… து³ட்டு²ல்லங்… அச்சாரத்³த⁴வீரியங்… அதிலீனவீரியங்… அபி⁴ஜப்பா… நானத்தஸஞ்ஞா… ‘அதினிஜ்ஜா²யிதத்தங் ரூபானங் சித்தஸ்ஸ உபக்கிலேஸோ’தி இதி விதி³த்வா அதினிஜ்ஜா²யிதத்தங் ரூபானங் சித்தஸ்ஸ உபக்கிலேஸங் பஜஹிங். ஸோ கோ² அஹங், அனுருத்³த⁴, அப்பமத்தோ ஆதாபீ பஹிதத்தோ விஹரந்தோ ஓபா⁴ஸஞ்ஹி கோ² ஸஞ்ஜானாமி, ந ச ரூபானி பஸ்ஸாமி. ரூபானி ஹி கோ² பஸ்ஸாமி, ந ச ஓபா⁴ஸங் ஸஞ்ஜானாமீ’’தி (ம॰ நி॰ 3.242-243) ஏவமாதி³. ததே³வங் ஏகாத³ஸுபக்கிலேஸவிரஹதோ
மனுஸ்ஸூபசாரங் அதிக்கமித்வா ரூபத³ஸ்ஸனேன அதிக்கந்தமானுஸகங்; மானுஸகங் வா மங்ஸசக்கு²ங் அதிக்கந்தத்தா அதிக்கந்தமானுஸகந்தி வேதி³தப்³ப³ங். தேன தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன.
ஸத்தே பஸ்ஸாமீதி மனுஸ்ஸமங்ஸசக்கு²னா விய ஸத்தே பஸ்ஸாமி த³க்கா²மி ஓலோகேமி. சவமானே உபபஜ்ஜமானேதி எத்த² சுதிக்க²ணே வா உபபத்திக்க²ணே வா சவமானா. யே ச க³ஹிதபடிஸந்தி⁴கா ஸம்பதினிப்³ப³த்தா வா, தே உபபஜ்ஜமானாதி அதி⁴ப்பேதா. தே ஏவரூபே சவமானே உபபஜ்ஜமானே ச பஸ்ஸாமீதி த³ஸ்ஸேதி. ஹீனேதி மோஹனிஸ்ஸந்த³யுத்தத்தா ஹீனானங் ஜாதிகுலபோ⁴கா³தீ³னங் வஸேன ஹீளிதே ஓஹீளிதே உஞ்ஞாதே அவஞ்ஞாதே. பணீதேதி அமோஹனிஸ்ஸந்த³யுத்தத்தா தப்³பி³பரீதே. ஸுவண்ணேதி அதோ³ஸனிஸ்ஸந்த³யுத்தத்தா இட்ட²கந்தமனாபவண்ணயுத்தே. து³ப்³ப³ண்ணேதி தோ³ஸனிஸ்ஸந்த³யுத்தத்தா அனிட்டா²கந்தஅமனாபவண்ணயுத்தே; அபி⁴ரூபே விரூபேதிபி அத்தோ². ஸுக³தேதி ஸுக³திக³தே, அலோப⁴னிஸ்ஸந்த³யுத்தத்தா வா அட்³டே⁴ மஹத்³த⁴னே. து³க்³க³தேதி து³க்³க³திக³தே, லோப⁴னிஸ்ஸந்த³யுத்தத்தா வா த³லித்³தே³ அப்பன்னபானே. யதா²கம்மூபகே³தி யங் யங் கம்மங் உபசிதங் தேன தேன உபக³தே. தத்த² புரிமேஹி ‘‘சவமானே’’திஆதீ³ஹி தி³ப்³ப³சக்கு²கிச்சங் வுத்தங்; இமினா பன பதே³ன யதா²கம்மூபக³ஞாணகிச்சங்.
தஸ்ஸ ச ஞாணஸ்ஸ அயமுப்பத்திக்கமோ – ஸோ ஹெட்டா² நிரயாபி⁴முக²ங் ஆலோகங் வட்³டெ⁴த்வா நேரயிகஸத்தே பஸ்ஸதி மஹந்தங் து³க்க²மனுப⁴வமானே, தங் த³ஸ்ஸனங் தி³ப்³ப³சக்கு²கிச்சமேவ. ஸோ ஏவங் மனஸி கரோதி – ‘‘கின்னு கோ² கம்மங் கத்வா இமே ஸத்தா ஏதங் து³க்க²மனுப⁴வந்தீ’’தி? அத²ஸ்ஸ ‘‘இத³ங் நாம கத்வா’’தி தங் கம்மாரம்மணங் ஞாணங் உப்பஜ்ஜதி. ததா² உபரி தே³வலோகாபி⁴முக²ங் ஆலோகங் வட்³டெ⁴த்வா நந்த³னவன-மிஸ்ஸகவன-பா²ருஸகவனாதீ³ஸு ஸத்தே பஸ்ஸதி மஹாஸம்பத்திங் அனுப⁴வமானே. தம்பி த³ஸ்ஸனங் தி³ப்³ப³சக்கு²கிச்சமேவ. ஸோ ஏவங் மனஸி கரோதி – ‘‘கின்னு கோ² கம்மங் கத்வா இமே ஸத்தா ஏதங் ஸம்பத்திங் அனுப⁴வந்தீ’’தி? அத²ஸ்ஸ ‘‘இத³ங்
காயது³ச்சரிதேனாதிஆதீ³ஸு து³ட்டு² சரிதங் து³ட்ட²ங் வா சரிதங் கிலேஸபூதிகத்தாதி து³ச்சரிதங்; காயேன து³ச்சரிதங், காயதோ வா உப்பன்னங் து³ச்சரிதந்தி காயது³ச்சரிதங். ஏவங் வசீமனோது³ச்சரிதானிபி த³ட்ட²ப்³பா³னி. ஸமன்னாக³தாதி ஸமங்கீ³பூ⁴தா. அரியானங் உபவாத³காதி பு³த்³த⁴-பச்சேகபு³த்³த⁴-பு³த்³த⁴ஸாவகானங் அரியானங் அந்தமஸோ கி³ஹிஸோதாபன்னானம்பி அனத்த²காமா ஹுத்வா அந்திமவத்து²னா
‘‘அஞ்ஞதரஸ்மிங் கிர கா³மே ஏகோ தே²ரோ ச த³ஹரபி⁴க்கு² ச பிண்டா³ய சரந்தி. தே பட²மக⁴ரேயேவ உளுங்கமத்தங் உண்ஹயாகு³ங் லபி⁴ங்ஸு. தே²ரஸ்ஸ ச குச்சி²வாதோ அத்தி². ஸோ சிந்தேஸி – ‘அயங் யாகு³ மய்ஹங் ஸப்பாயா, யாவ ந ஸீதலா ஹோதி தாவ நங் பிவாமீ’தி. ஸோ மனுஸ்ஸேஹி உம்மாரத்தா²ய ஆஹடே தா³ருக்க²ந்தே⁴ நிஸீதி³த்வா தங் பிவி. இதரோ தங் ஜிகு³ச்சி² – ‘அதிச்சா²தோ வதாயங் மஹல்லகோ அம்ஹாகங் லஜ்ஜிதப்³ப³கங் அகாஸீ’தி. தே²ரோ கா³மே சரித்வா விஹாரங் க³ந்த்வா த³ஹரபி⁴க்கு²ங் ஆஹ – ‘அத்தி² தே, ஆவுஸோ, இமஸ்மிங் ஸாஸனே பதிட்டா²’தி? ‘ஆம, ப⁴ந்தே, ஸோதாபன்னோ அஹ’ந்தி. ‘தேன ஹாவுஸோ, உபரிமக்³க³த்தா²ய வாயாமங் மா அகாஸி, கீ²ணாஸவோ தயா உபவதி³தோ’தி. ஸோ தங் க²மாபேஸி. தேனஸ்ஸ தங் பாகதிகங் அஹோஸி’’. தஸ்மா யோ அஞ்ஞோபி அரியங் உபவத³தி, தேன க³ந்த்வா ஸசே அத்தனா வுட்³ட⁴தரோ ஹோதி, ‘‘அஹங் ஆயஸ்மந்தங் இத³ஞ்சித³ஞ்ச அவசங், தங் மே க²மாஹீ’’தி க²மாபேதப்³போ³. ஸசே நவகதரோ ஹோதி
மிச்சா²தி³ட்டி²காதி விபரீதத³ஸ்ஸனா. மிச்சா²தி³ட்டி²கம்மஸமாதா³னாதி மிச்சா²தி³ட்டி²வஸேன ஸமாதி³ன்னநானாவித⁴கம்மா, யே ச மிச்சா²தி³ட்டி²மூலகேஸு காயகம்மாதீ³ஸு அஞ்ஞேபி
மிச்சா²தி³ட்டி²தோ
காயஸ்ஸ பே⁴தா³தி உபாதி³ன்னக்க²ந்த⁴பரிச்சாகா³. பரங் மரணாதி தத³னந்தரங் அபி⁴னிப்³ப³த்தக்க²ந்த⁴க்³க³ஹணே. அத²வா காயஸ்ஸ பே⁴தா³தி ஜீவிதிந்த்³ரியஸ்ஸுபச்சே²தா³. பரங் மரணாதி சுதிசித்ததோ உத்³த⁴ங். அபாயந்தி ஏவமாதி³ ஸப்³ப³ங் நிரயவேவசனங். நிரயோ ஹி ஸக்³க³மொக்க²ஹேதுபூ⁴தா புஞ்ஞஸம்மதா அயா அபேதத்தா, ஸுகா²னங் து³க்³க³தி; தோ³ஸப³ஹுலதாய வா து³ட்டே²ன கம்முனா நிப்³ப³த்தா க³தீதி து³க்³க³தி. விவஸா நிபதந்தி எத்த² து³க்கடகாரினோதி வினிபாதோ; வினஸ்ஸந்தா வா எத்த² நிபதந்தி ஸம்பி⁴ஜ்ஜமானங்க³பச்சங்கா³தி வினிபாதோ. நத்தி² எத்த² அஸ்ஸாத³ஸஞ்ஞிதோ அயோதி நிரயோ.
அத² வா அபாயக்³க³ஹணேன திரச்சா²னயோனிங் தீ³பேதி. திரச்சா²னயோனி ஹி அபாயோ, ஸுக³தியா அபேதத்தா; ந து³க்³க³தி, மஹேஸக்கா²னங் நாக³ராஜாதீ³னங் ஸம்ப⁴வதோ. து³க்³க³திக்³க³ஹணேன பெத்திவிஸயங் தீ³பேதி. ஸோ ஹி அபாயோ சேவ து³க்³க³தி ச ஸுக³திதோ அபேதத்தா, து³க்க²ஸ்ஸ ச க³திபூ⁴தத்தா; ந து வினிபாதோ அஸுரஸதி³ஸங் அவினிபதிதத்தா. பேதமஹித்³தி⁴கானஞ்ஹி விமானானிபி நிப்³ப³த்தந்தி. வினிபாதக்³க³ஹணேன அஸுரகாயங் தீ³பேதி. ஸோ ஹி யதா²வுத்தேனத்தே²ன அபாயோ சேவ து³க்³க³தி ச ஸப்³ப³ஸமுஸ்ஸயேஹி ச வினிபதிதத்தா வினிபாதோதி வுச்சதி. நிரயக்³க³ஹணேன அவீசி-ஆதி³அனேகப்பகாரங் நிரயமேவ தீ³பேதி. உபபன்னாதி உபக³தா, தத்த² அபி⁴னிப்³ப³த்தாதி அதி⁴ப்பாயோ. வுத்தவிபரியாயேன ஸுக்கபக்கோ² வேதி³தப்³போ³.
அயங் ஸுக³தி. ரூபாதி³விஸயேஹி ஸுட்டு² அக்³கோ³தி ஸக்³கோ³. ஸோ ஸப்³போ³பி லுஜ்ஜனபலுஜ்ஜனட்டே²ன லோகோதி அயங் வசனத்தோ². விஜ்ஜாதி தி³ப்³ப³சக்கு²ஞாணவிஜ்ஜா. அவிஜ்ஜாதி ஸத்தானங் சுதிபடிஸந்தி⁴படிச்சா²தி³கா அவிஜ்ஜா. ஸேஸங் வுத்தனயமேவ. அயமேவ ஹெத்த² விஸேஸோ – யதா² புப்³பே³னிவாஸகதா²யங் ‘‘புப்³பே³னிவாஸானுஸ்ஸதிஞாணமுக²துண்ட³கேன புப்³பே³னிவுத்த²க்க²ந்த⁴பஅச்சா²த³கங் அவிஜ்ஜண்ட³கோஸங் பதா³லெத்வா’’தி வுத்தங்; ஏவமித⁴ ‘‘சுதூபபாதஞாணமுக²துண்ட³கேன சுதூபபாதபடிச்சா²த³கங் அவிஜ்ஜண்ட³கோஸங் பதா³லெத்வா’’தி வத்தப்³ப³ந்தி.
தி³ப்³ப³சக்கு²ஞாணகதா² நிட்டி²தா.
ஆஸவக்க²யஞாணகதா²
14. ஸோ ஏவங் ஸமாஹிதே சித்தேதி இத⁴ விபஸ்ஸனாபாத³கங் சதுத்த²ஜ்ஜா²னசித்தங் வேதி³தப்³ப³ங். ஆஸவானங் க²யஞாணாயாதி அரஹத்தமக்³க³ஞாணத்தா²ய. அரஹத்தமக்³கோ³ ஹி ஆஸவவினாஸனதோ ஆஸவானங் க²யோதி வுச்சதி. தத்ர சேதங் ஞாணங் தப்பரியாபன்னத்தாதி சித்தங் அபி⁴னின்னாமேஸிந்தி விபஸ்ஸனாசித்தங் அபி⁴னீஹரிங். ஸோ இத³ங் து³க்க²ந்தி ஏவமாதீ³ஸு ‘‘எத்தகங் து³க்க²ங், ந இதோ பி⁴ய்யோ’’தி ஸப்³ப³ம்பி து³க்க²ஸச்சங் ஸரஸலக்க²ணபடிவேதே⁴ன யதா²பூ⁴தங் அப்³ப⁴ஞ்ஞாஸிங் ஜானிங் படிவிஜ்ஜி²ங். தஸ்ஸ ச து³க்க²ஸ்ஸ நிப்³ப³த்திகங் தண்ஹங் ‘‘அயங் து³க்க²ஸமுத³யோ’’தி, தது³ப⁴யம்பி யங் டா²னங் பத்வா நிருஜ்ஜ²தி தங் தேஸங் அப்பவத்திங் நிப்³பா³னங் ‘‘அயங் து³க்க²னிரோதோ⁴’’தி, தஸ்ஸ ச ஸம்பாபகங் அரியமக்³க³ங் ‘‘அயங் து³க்க²னிரோத⁴கா³மினீ படிபதா³’’தி ஸரஸலக்க²ணபடிவேதே⁴ன யதா²பூ⁴தங் அப்³ப⁴ஞ்ஞாஸிங் ஜானிங் படிவிஜ்ஜி²ந்தி ஏவமத்தோ² வேதி³தப்³போ³.
ஏவங் ஸரூபதோ ஸச்சானி த³ஸ்ஸெத்வா இதா³னி கிலேஸவஸேன பரியாயதோ த³ஸ்ஸெந்தோ ‘‘இமே ஆஸவா’’திஆதி³மாஹ. தஸ்ஸ மே ஏவங் ஜானதோ ஏவங் பஸ்ஸதோதி தஸ்ஸ மய்ஹங் ஏவங் ஜானந்தஸ்ஸ ஏவங் பஸ்ஸந்தஸ்ஸ ஸஹ விபஸ்ஸனாய கோடிப்பத்தங் மக்³க³ங் கதே²தி. காமாஸவாதி காமாஸவதோ. விமுச்சித்தா²தி இமினா ப²லக்க²ணங் த³ஸ்ஸேதி. மக்³க³க்க²ணே ஹி சித்தங் விமுச்சதி, ப²லக்க²ணே விமுத்தங் ஹோதி. விமுத்தஸ்மிங் விமுத்தமிதி ஞாணந்தி இமினா பச்சவெக்க²ணஞாணங் கீ²ணா ஜாதீதிஆதீ³ஹி தஸ்ஸ பூ⁴மிங். தேன ஹி ஞாணேன ப⁴க³வா பச்சவெக்க²ந்தோ ‘‘கீ²ணா ஜாதீ’’திஆதீ³னி அப்³ப⁴ஞ்ஞாஸிங். கதமா பன ப⁴க³வதோ ஜாதி கீ²ணா, கத²ஞ்ச நங் அப்³ப⁴ஞ்ஞாஸீதி? வுச்சதே – ந தாவஸ்ஸ அதீதா ஜாதி கீ²ணா, புப்³பே³வ கீ²ணத்தா; ந அனாக³தா, அனாக³தே வாயாமாபா⁴வதோ; ந பச்சுப்பன்னா, விஜ்ஜமானத்தா. யா பன மக்³க³ஸ்ஸ அபா⁴விதத்தா உப்பஜ்ஜெய்ய ஏகசதுபஞ்சவோகாரப⁴வேஸு ஏகசதுபஞ்சக்க²ந்த⁴ப்பபே⁴தா³ ஜாதி, ஸா மக்³க³ஸ்ஸ பா⁴விதத்தா அனுப்பாத³த⁴ம்மதங் ஆபஜ்ஜனேன கீ²ணா; தங் ஸோ மக்³க³பா⁴வனாய பஹீனகிலேஸே பச்சவெக்கி²த்வா ‘‘கிலேஸாபா⁴வே விஜ்ஜமானம்பி கம்மங் ஆயதிங் அப்படிஸந்தி⁴கங் ஹோதீ’’தி ஜானந்தோ அப்³ப⁴ஞ்ஞாஸிங்.
வுஸிதந்தி வுத்த²ங் பரிவுத்த²ங், கதங் சரிதங் நிட்டி²தந்தி அத்தோ². ப்³ரஹ்மசரியந்தி மக்³க³ப்³ரஹ்மசரியங், புது²ஜ்ஜனகல்யாணகேன ஹி ஸத்³தி⁴ங் ஸத்த ஸெக்கா² ப்³ரஹ்மசரியவாஸங் வஸந்தி நாம, கீ²ணாஸவோ வுத்த²வாஸோ. தஸ்மா ப⁴க³வா அத்தனோ ப்³ரஹ்மசரியவாஸங் பச்சவெக்க²ந்தோ ‘‘வுஸிதங் ப்³ரஹ்மசரிய’’ந்தி அப்³ப⁴ஞ்ஞாஸிங். கதங் கரணீயந்தி சதூஸு ஸச்சேஸு சதூஹி மக்³கே³ஹி பரிஞ்ஞாபஹானஸச்சி²கிரியாபா⁴வனாபி⁴ஸமயவஸேன நாபரங் இத்த²த்தாயாதி இதா³னி புன இத்த²பா⁴வாய ஏவங் ஸோளஸகிச்சபா⁴வாய கிலேஸக்க²யாய வா மக்³க³பா⁴வனாகிச்சங் மே நத்தீ²தி அப்³ப⁴ஞ்ஞாஸிங்.
இதா³னி ஏவங் பச்சவெக்க²ணஞாணபரிக்³க³ஹிதங் தங் ஆஸவானங் க²யஞாணாதி⁴க³மங் ப்³ராஹ்மணஸ்ஸ த³ஸ்ஸெந்தோ அயங் கோ² மே ப்³ராஹ்மணாதிஆதி³மாஹ. தத்த² விஜ்ஜாதி அரஹத்தமக்³க³ஞாணவிஜ்ஜா. அவிஜ்ஜாதி சதுஸச்சபடிச்சா²தி³கா அவிஜ்ஜா. ஸேஸங் வுத்தனயமேவ. அயங் பன விஸேஸோ – அயங் கோ² மே ப்³ராஹ்மண ததியா அபி⁴னிப்³பி⁴தா³ அஹோஸீதி எத்த² அயங் கோ² மம ப்³ராஹ்மண ஆஸவானங் க²யஞாணமுக²துண்ட³கேன சதுஸச்சபடிச்சா²த³கங் அவிஜ்ஜண்ட³கோஸங் பதா³லெத்வா ததியா அபி⁴னிப்³பி⁴தா³ ததியா நிக்க²ந்தி ததியா அரியஜாதி அஹோஸி, குக்குடச்சா²பகஸ்ஸேவ முக²துண்ட³கேன வா பாத³னக²ஸிகா²ய வா அண்ட³கோஸங் பதா³லெத்வா தம்ஹா அண்ட³கோஸம்ஹா அபி⁴னிப்³பி⁴தா³ நிக்க²ந்தி குக்குடனிகாயே பச்சாஜாதீதி.
எத்தாவதா
பதா³லெத்வா ததோ நிக்க²மந்தோ ஸகிமேவ ஜாயதி, அஹங் பன புப்³பே³-நிவுத்த²க்க²ந்த⁴படிச்சா²த³கங் அவிஜ்ஜண்ட³கோஸங் பி⁴ந்தி³த்வா பட²மங் தாவ புப்³பே³னிவாஸானுஸ்ஸதிஞாணவிஜ்ஜாய ஜாதோ, ததோ ஸத்தானங் சுதிபடிஸந்தி⁴படிச்சா²த³கங் அவிஜ்ஜண்ட³கோஸங் பதா³லெத்வா து³தியங் தி³ப்³ப³சக்கு²ஞாணவிஜ்ஜாய ஜாதோ, புன சதுஸச்சபடிச்சா²த³கங் அவிஜ்ஜண்ட³கோஸங் பதா³லெத்வா ததியங் ஆஸவானங் க²யஞாணவிஜ்ஜாய ஜாதோ; ஏவங் தீஹி விஜ்ஜாஹி திக்க²த்துங் ஜாதோ. ஸா ச மே ஜாதி அரியா ஸுபரிஸுத்³தா⁴தி இத³ங் த³ஸ்ஸேஸி. ஏவங் த³ஸ்ஸெந்தோ ச புப்³பே³னிவாஸஞாணேன அதீதங்ஸஞாணங், தி³ப்³ப³சக்கு²னா பச்சுப்பன்னானாக³தங்ஸஞாணங், ஆஸவக்க²யேன ஸகலலோகியலோகுத்தரகு³ணந்தி ஏவங் தீஹி விஜ்ஜாஹி ஸப்³பே³பி ஸப்³ப³ஞ்ஞுகு³ணே பகாஸெத்வா அத்தனோ அரியாய ஜாதியா ஜெட்ட²ஸெட்ட²பா⁴வங் ப்³ராஹ்மணஸ்ஸ த³ஸ்ஸேஸீதி.
ஆஸவக்க²யஞாணகதா² நிட்டி²தா.
தே³ஸனானுமோத³னகதா²
15. ஏவங் வுத்தே வேரஞ்ஜோ ப்³ராஹ்மணோதி ஏவங் ப⁴க³வதா லோகானுகம்பகேன ப்³ராஹ்மணங் அனுகம்பமானேன வினிகூ³ஹிதப்³பே³பி அத்தனோ அரியாய ஜாதியா ஜெட்ட²ஸெட்ட²பா⁴வே விஜ்ஜத்தயபகாஸிகாய ஜெட்டோ² ப⁴வங் கோ³தமோ ஸெட்டோ² ப⁴வங் கோ³தமோ’’தி. ஏவஞ்ச பன வத்வா புன தங் ப⁴க³வதோ த⁴ம்மதே³ஸனங் அப்³ப⁴னுமோத³மானோ ‘‘அபி⁴க்கந்தங், போ⁴ கோ³தம, அபி⁴க்கந்தங், போ⁴ கோ³தமா’’திஆதி³மாஹ.
தத்தா²யங் அபி⁴க்கந்தஸத்³தோ³ க²யஸுந்த³ராபி⁴ரூபஅப்³ப⁴னுமோத³னேஸு தி³ஸ்ஸதி. ‘‘அபி⁴க்கந்தா, ப⁴ந்தே, ரத்தி; நிக்க²ந்தோ பட²மோ யாமோ, சிரனிஸின்னோ பி⁴க்கு²ஸங்கோ⁴’’திஆதீ³ஸு
‘‘கோ மே வந்த³தி பாதா³னி, இத்³தி⁴யா யஸஸா ஜலங்;
அபி⁴க்கந்தேன வண்ணேன, ஸப்³பா³ ஓபா⁴ஸயங் தி³ஸா’’தி. –
ஆதீ³ஸு (வி॰ வ॰ 857) அபி⁴ரூபே. ‘‘அபி⁴க்கந்தங், ப⁴ந்தே’’திஆதீ³ஸு (தீ³॰ நி॰ 1.250) அப்³ப⁴னுமோத³னே. இதா⁴பி அப்³ப⁴னுமோத³னேயேவ. யஸ்மா ச அப்³ப⁴னுமோத³னே, தஸ்மா ‘‘ஸாது⁴ ஸாது⁴, போ⁴ கோ³தமா’’தி வுத்தங் ஹோதீதி வேதி³தப்³ப³ங்.
‘‘ப⁴யே கோதே⁴ பஸங்ஸாயங், துரிதே கோதூஹலச்ச²ரே;
ஹாஸே ஸோகே பஸாதே³ ச, கரே ஆமேடி³தங் பு³தோ⁴’’தி.
இமினா ச லக்க²ணேன இத⁴ பஸாத³வஸேன பஸங்ஸாவஸேன சாயங் த்³விக்க²த்துங் வுத்தோதி வேதி³தப்³போ³.
அத² வா அபி⁴க்கந்தந்தி அதிஇட்ட²ங் அதிமனாபங் அதிஸுந்த³ரந்தி வுத்தங் ஹோதி. தத்த² ஏகேன அபி⁴க்கந்தஸத்³தே³ன தே³ஸனங் தோ²மேதி, ஏகேன அத்தனோ பஸாத³ங். அயஞ்ஹி எத்த² அதி⁴ப்பாயோ – ‘‘அபி⁴க்கந்தங், போ⁴ கோ³தம, யதி³த³ங் போ⁴தோ கோ³தமஸ்ஸ த⁴ம்மதே³ஸனா, அபி⁴க்கந்தங் யதி³த³ங் போ⁴தோ கோ³தமஸ்ஸ த⁴ம்மதே³ஸனங் ஆக³ம்ம மம பஸாதோ³’’தி. ப⁴க³வதோயேவ வா வசனங் த்³வே
ததோ பரம்பி சதூஹி உபமாஹி தே³ஸனங்யேவ தோ²மேதி. தத்த² நிக்குஜ்ஜிதந்தி அதோ⁴முக²ட²பிதங், ஹெட்டா²முக²ஜாதங் வா. உக்குஜ்ஜெய்யாதி உபரிமுக²ங் கரெய்ய. படிச்ச²ன்னந்தி திணபண்ணாதி³படிச்சா²தி³தங். விவரெய்யாதி உக்³கா⁴டெய்ய. மூள்ஹஸ்ஸாதி தி³ஸாமூள்ஹஸ்ஸ. மக்³க³ங் ஆசிக்கெ²ய்யாதி ஹத்தே² க³ஹெத்வா ஏஸ மக்³கோ³தி அந்த⁴காரேதி காளபக்க²சாதுத்³த³ஸீ அட்³ட⁴ரத்த-க⁴னவனஸண்ட³-மேக⁴படலேஹி சதுரங்கே³ தமஸி. அயங் தாவ அனுத்தானபத³த்தோ². அயங் பன அதி⁴ப்பாயயோஜனா – யதா² கோசி நிக்குஜ்ஜிதங் உக்குஜ்ஜெய்ய, ஏவங் ஸத்³த⁴ம்மவிமுக²ங் அஸத்³த⁴ம்மே பதிட்டி²தங் மங் அஸத்³த⁴ம்மா வுட்டா²பெந்தேன; யதா² படிச்ச²ன்னங் விவரெய்ய, ஏவங் கஸ்ஸபஸ்ஸ ப⁴க³வதோ ஸாஸனந்தரதா⁴னா பபு⁴தி மிச்சா²தி³ட்டி²க³ஹனபடிச்ச²ன்னங் ஸாஸனங் விவரந்தேன; யதா² மூள்ஹஸ்ஸ மக்³க³ங் ஆசிக்கெ²ய்ய, ஏவங் கும்மக்³க³மிச்சா²மக்³க³ப்படிபன்னஸ்ஸ மே ஸக்³க³மொக்க²மக்³க³ங் ஆசிக்க²ந்தேன; யதா² அந்த⁴காரே தேலபஜ்ஜோதங் தா⁴ரெய்ய, ஏவங் மோஹந்த⁴காரே நிமுக்³க³ஸ்ஸ மே பு³த்³தா⁴தி³ரதனத்தயரூபானி அபஸ்ஸதோ தப்படிச்சா²த³கமோஹந்த⁴காரவித்³த⁴ங்ஸகதே³ஸனாபஜ்ஜோதங் தா⁴ரெந்தேன, மய்ஹங் போ⁴தா கோ³தமேன ஏதேஹி பரியாயேஹி பகாஸிதத்தா அனேகபரியாயேன த⁴ம்மோ பகாஸிதோதி.
தே³ஸனானுமோத³னகதா² நிட்டி²தா.
பஸன்னாகாரகதா²
ஏவங் தே³ஸனங் தோ²மெத்வா இமாய தே³ஸனாய ரதனத்தயே பஸன்னசித்தோ பஸன்னாகாரங் கரொந்தோ ‘‘ஏஸாஹ’’ந்திஆதி³மாஹ. தத்த² ஏஸாஹந்தி ஏஸோ அஹங். ப⁴வந்தங் கோ³தமங் ஸரணங் க³ச்சா²மீதி ப⁴வந்தங் கோ³தமங் ஸரணந்தி க³ச்சா²மி; ப⁴வங் மே கோ³தமோ ஸரணங், பராயணங், அக⁴ஸ்ஸ தாதா, ஹிதஸ்ஸ ச விதா⁴தாதி இமினா அதி⁴ப்பாயேன ப⁴வந்தங் கோ³தமங் க³ச்சா²மி ப⁴ஜாமி ஸேவாமி பயிருபாஸாமி த⁴ம்மஞ்ச பி⁴க்கு²ஸங்க⁴ஞ்சாதி எத்த² பன அதி⁴க³தமக்³கே³ ஸச்சி²கதனிரோதே⁴ யதா²னுஸிட்ட²ங் படிபஜ்ஜமானே ச சதூஸு அபாயேஸு அபதமானே த⁴ம்மோ; ஸோ அத்த²தோ அரியமக்³கோ³ சேவ நிப்³பா³னஞ்ச. வுத்தங் ஹேதங் – ‘‘யாவதா, பி⁴க்க²வே, த⁴ம்மா ஸங்க²தா, அரியோ அட்ட²ங்கி³கோ மக்³கோ³ தேஸங் அக்³க³மக்கா²யதீ’’தி (அ॰ நி॰ 4.34) வித்தா²ரோ. ந கேவலஞ்ச அரியமக்³கோ³ சேவ நிப்³பா³னஞ்ச, அபி ச கோ² அரியப²லேஹி ஸத்³தி⁴ங் பரியத்தித⁴ம்மோபி. வுத்தம்பி ஹேதங் ச²த்தமாணவகவிமானே –
‘‘ராக³விராக³மனேஜமஸோகங், த⁴ம்மமஸங்க²தமப்படிகூலங்;
மது⁴ரமிமங் பகு³ணங் ஸுவிப⁴த்தங், த⁴ம்மமிமங் ஸரணத்த²முபேஹீ’’தி. (வி॰ வ॰ 887);
எத்த² ஹி ராக³விராகோ³தி மக்³கோ³ கதி²தோ. அனேஜமஸோகந்தி ப²லங். த⁴ம்மமஸங்க²தந்தி நிப்³பா³னங். அப்படிகூலங் மது⁴ரமிமங் பகு³ணங் ஸுவிப⁴த்தந்தி பிடகத்தயேன விப⁴த்தா ஸங்கோ⁴, ஸோ அத்த²தோ அட்ட²அரியபுக்³க³லஸமூஹோ. வுத்தஞ்ஹேதங் தஸ்மிங்யேவ விமானே –
‘‘யத்த² ச தி³ன்னமஹப்ப²லமாஹு, சதூஸு ஸுசீஸு புரிஸயுகே³ஸு;
அட்ட² ச புக்³க³லத⁴ம்மத³ஸா தே, ஸங்க⁴மிமங் ஸரணத்த²முபேஹீ’’தி. (வி॰ வ॰ 888);
பி⁴க்கூ²னங் ஸங்கோ⁴ பி⁴க்கு²ஸங்கோ⁴. எத்தாவதா ச ப்³ராஹ்மணோ தீணி ஸரணக³மனானி படிவேதே³ஸி.
பஸன்னாகாரகதா² நிட்டி²தா.
ஸரணக³மனகதா²
இதா³னி தெஸ்வேவ தீஸு ஸரணக³மனேஸு கோஸல்லத்த²ங் ஸரணங், ஸரணக³மனங், யோ ஸரணங் க³ச்ச²தி,
ஸரணக³மனப்பபே⁴தோ³, ஸரணக³மனப²லங், ஸங்கிலேஸோ, பே⁴தோ³தி அயங் விதி⁴ வேதி³ தப்³போ³. ஸோ பன இத⁴ வுச்சமானோ அதிபா⁴ரியங் வினயனிதா³னங் கரோதீதி ந வுத்தோ. அத்தி²கேஹி பன பபஞ்சஸூத³னியங் வா மஜ்ஜி²மட்ட²கதா²யங் ப⁴யபே⁴ரவஸுத்தவண்ணனதோ (ம॰ நி॰ அட்ட²॰ 1.56) ஸுமங்க³லவிலாஸினியங் வா தீ³க⁴னிகாயட்ட²கதா²யங் (தீ³॰ நி॰ அட்ட²॰ 1.250) ஸரணவண்ணனதோ க³ஹேதப்³போ³தி.
ஸரணக³மனகதா² நிட்டி²தா.
உபாஸகத்தபடிவேத³னாகதா²
உபாஸகங் மங் ப⁴வங் கோ³தமோ தா⁴ரேதூதி மங் ப⁴வங் கோ³தமோ ‘‘உபாஸகோ அய’’ந்தி ஏவங் தா⁴ரேதூதி அத்தோ². உபாஸகவிதி⁴கோஸல்லத்த²ங் பனெத்த² கோ உபாஸகோ, கஸ்மா பபஞ்சஸூத³னியங் மஜ்ஜி²மட்ட²கதா²யங் (ம॰ நி॰ அட்ட²॰ 1.56) வுத்தனயேனேவ வேதி³தப்³ப³ங். அஜ்ஜதக்³கே³தி எத்த² அயங் அக்³க³ஸத்³தோ³ ஆதி³கோடிகொட்டா²ஸஸெட்டே²ஸு தி³ஸ்ஸதி. ‘‘அஜ்ஜதக்³கே³, ஸம்ம தோ³வாரிக, ஆவராமி த்³வாரங் நிக³ண்டா²னங் நிக³ண்டீ²ன’’ந்திஆதீ³ஸு (ம॰ நி॰ 2.70) ஹி ஆதி³ம்ஹி தி³ஸ்ஸதி. ‘‘தேனேவ அங்கு³லக்³கே³ன தங் அங்கு³லக்³க³ங் பராமஸெய்ய (கதா²॰ 441), உச்ச²க்³க³ங் வேளக்³க³’’ந்திஆதீ³ஸு கோடியங். ‘‘அம்பி³லக்³க³ங் வா மது⁴ரக்³க³ங் வா தித்தகக்³க³ங் வா (ஸங்॰ நி॰ 5.374) அனுஜானாமி, பி⁴க்க²வே, விஹாரக்³கே³ன வா பரிவேணக்³கே³ன வா பா⁴ஜேது’’ந்திஆதீ³ஸு (சூளவ॰ 318) கொட்டா²ஸே. ‘‘யாவதா, பி⁴க்க²வே, ஸத்தா அபதா³ வா த்³விபதா³ வா…பே॰… ததா²க³தோ தேஸங் அக்³க³மக்கா²யதீ’’திஆதீ³ஸு (அ॰ நி॰ 4.34) ஸெட்டே². இத⁴ பனாயங் ஆதி³ம்ஹி த³ட்ட²ப்³போ³. தஸ்மா அஜ்ஜதக்³கே³தி அஜ்ஜதங் ஆதி³ங் கத்வாதி ஏவமெத்த² அத்தோ² வேதி³தப்³போ³. அஜ்ஜதந்தி அஜ்ஜபா⁴வந்தி வுத்தங் ஹோதி. அஜ்ஜத³க்³கே³ இச்சேவ வா பாணுபேதந்தி பாணேஹி உபேதங், யாவ மே ஜீவிதங் பவத்ததி, தாவ உபேதங் அனஞ்ஞஸத்து²கங் தீஹி ஸரணக³மனேஹி ஸரணக³தங் மங் ப⁴வங் கோ³தமோ தா⁴ரேது ஜானாது, அஹஞ்ஹி ஸசேபி மே திகி²ணேன அஸினா ஸீஸங் சி²ந்தெ³ய்யுங், நேவ பு³த்³த⁴ங் ‘‘ந பு³த்³தோ⁴’’தி வா, த⁴ம்மங் ‘‘ந த⁴ம்மோ’’தி வா, ஸங்க⁴ங் ‘‘ந ஸங்கோ⁴’’தி வா வதெ³ய்யந்தி. எத்த² ச ப்³ராஹ்மணோ பாணுபேதங் ஸரணக³தந்தி புன ஸரணக³மனங் வத³ந்தோ அத்தஸன்னிய்யாதனங் பகாஸேதீதி வேதி³தப்³போ³.
ஏவங் அத்தானங் நிய்யாதெத்வா ப⁴க³வந்தங் ஸபரிஸங் உபட்டா²துகாமோ ஆஹ – ‘‘அதி⁴வாஸேது ச மே ப⁴வங் கோ³தமோ வேரஞ்ஜாயங் வஸ்ஸாவாஸங் ஸத்³தி⁴ங் பி⁴க்கு²ஸங்கே⁴னா’’தி. கிங் வுத்தங் ஹோதி – உபாஸகஞ்ச மங் ப⁴வங் கோ³தமோ தா⁴ரேது, அதி⁴வாஸேது ச மே வேரஞ்ஜாயங் வஸ்ஸாவாஸங், தயோ மாஸே வேரஞ்ஜங் உபனிஸ்ஸாய மம அனுக்³க³ஹத்த²ங் வாஸங் ஸம்படிச்ச²தூதி. அதி⁴வாஸேஸி ப⁴க³வா துண்ஹீபா⁴வேனாதி அத²ஸ்ஸ வசனங் ஸுத்வா ப⁴க³வா காயங்க³ங் வா வாசங்க³ங் வா அசோபெத்வா அப்³ப⁴ந்தரேயேவ க²ந்திங் சாரெத்வா துண்ஹீபா⁴வேன அதி⁴வாஸேஸி; ப்³ராஹ்மணஸ்ஸ அனுக்³க³ஹத்த²ங் மனஸாவ ஸம்படிச்சீ²தி
அத² கோ² வேரஞ்ஜோ ப்³ராஹ்மணோ ப⁴க³வதோ அதி⁴வாஸனங் விதி³த்வாதி அத² வேரஞ்ஜோ ப்³ராஹ்மணோ ஸசே மே
உபாஸகத்தபடிவேத³னாகதா² நிட்டி²தா.
து³ப்³பி⁴க்க²கதா²
16. தேன கோ² பன ஸமயேன வேரஞ்ஜா து³ப்³பி⁴க்கா² ஹோதீதி யஸ்மிங் ஸமயே வேரஞ்ஜேன ப்³ராஹ்மணேன ப⁴க³வா வேரஞ்ஜங் உபனிஸ்ஸாய வஸ்ஸாவாஸங் யாசிதோ து³ப்³பி⁴க்கா²தி து³ல்லப⁴பி⁴க்கா²; ஸா பன து³ல்லப⁴பி⁴க்க²தா யத்த² மனுஸ்ஸா அஸ்ஸத்³தா⁴ ஹொந்தி அப்பஸன்னா, தத்த² ஸுஸஸ்ஸகாலேபி அதிஸமக்³கே⁴பி புப்³ப³ண்ணாபரண்ணே ஹோதி. வேரஞ்ஜாயங் பன யஸ்மா ந ததா² அஹோஸி, அபிச கோ² து³ஸஸ்ஸதாய சா²தகதோ³ஸேன அஹோஸி தஸ்மா தமத்த²ங் த³ஸ்ஸெந்தோ த்³வீஹிதிகாதிஆதி³மாஹ. தத்த² த்³வீஹிதிகாதி த்³விதா⁴ பவத்தஈஹிதிகா. ஈஹிதங் நாம இரியா த்³விதா⁴ பவத்தா – சித்தஇரியா, சித்தஈஹா. ‘‘எத்த² லச்சா²ம நு கோ² கிஞ்சி பி⁴க்க²மானா ந லச்சா²மா’’தி, ‘‘ஜீவிதுங் வா ஸக்கி²ஸ்ஸாம நு கோ² நோ’’தி அயமெத்த² அதி⁴ப்பாயோ.
அத² வா த்³வீஹிதிகாதி து³ஜ்ஜீவிகா, ஈஹிதங் ஈஹா இரியனங் பவத்தனங் ஜீவிதந்திஆதீ³னி பதா³னி ஏகத்தா²னி. தஸ்மா து³க்கே²ன ஈஹிதங் எத்த² பவத்ததீதி த்³வீஹிதிகாதி அயமெத்த² ஸேதட்டி²காதி ஸேதகானி அட்டீ²னி எத்தா²தி ஸேதட்டி²கா. தி³வஸம்பி யாசித்வா கிஞ்சி அலத்³தா⁴ மதானங் கபணமனுஸ்ஸானங் அஹிச்ச²த்தகவண்ணேஹி அட்டீ²ஹி தத்ர தத்ர பரிகிண்ணாதி வுத்தங் ஹோதி. ஸேதட்டிகாதிபி பாடோ². தஸ்ஸத்தோ² – ஸேதா அட்டி எத்தா²தி ஸேதட்டிகா. அட்டீதி ஆதுரதா ப்³யாதி⁴ ரோகோ³. தத்த² ச ஸஸ்ஸானங் க³ப்³ப⁴க்³க³ஹணகாலே ஸேதகரோகே³ன உபஹதமேவ பச்சி²ன்னகீ²ரங் அக்³க³ஹிததண்டு³லங் பண்ட³ரபண்ட³ரங் ஸாலிஸீஸங் வா யவகோ³தூ⁴மஸீஸங் வா நிக்க²மதி, தஸ்மா ‘‘ஸேதட்டிகா’’தி வுச்சதி.
வப்பகாலே ஸலாகாவுத்தா; ஸலாகாய வா தத்த² ஜீவிதங் பவத்தெந்தீதி ஸலாகாவுத்தா. கிங் வுத்தங் ஹோதி? தத்த² கிர த⁴ஞ்ஞவிக்கயகானங் ஸந்திகங் கயகேஸு க³தேஸு து³ப்³ப³லமனுஸ்ஸே அபி⁴ப⁴வித்வா ப³லவமனுஸ்ஸாவ த⁴ஞ்ஞங் கிணித்வா க³ச்ச²ந்தி. து³ப்³ப³லமனுஸ்ஸா அலப⁴மானா மஹாஸத்³த³ங் கரொந்தி. த⁴ஞ்ஞவிக்கயகா ‘‘ஸப்³பே³ஸங் ஸங்க³ஹங் கரிஸ்ஸாமா’’தி த⁴ஞ்ஞகரணட்டா²னே த⁴ஞ்ஞமாபகங் நிஸீதா³பெத்வா ஏகபஸ்ஸே வண்ணஜ்ஜ²க்க²ங் நிஸீதா³பேஸுங். த⁴ஞ்ஞத்தி²கா வண்ணஜ்ஜ²க்க²ஸ்ஸ ஸந்திகங் க³ச்ச²ந்தி. ஸோ ஆக³தபடிபாடியா மூலங் க³ஹெத்வா ‘‘இத்த²ன்னாமஸ்ஸ எத்தகங் தா³தப்³ப³’’ந்தி ஸலாகங் லிகி²த்வா தே³தி, தே தங் க³ஹெத்வா த⁴ஞ்ஞமாபகஸ்ஸ ஸந்திகங் க³ந்த்வா தி³ன்னபடிபாடியா த⁴ஞ்ஞங் க³ண்ஹந்தி. ஏவங் ஸலாகாய தத்த² ஜீவிதங் பவத்தெந்தீதி ஸலாகாவுத்தா.
ந ஸுகரா உஞ்சே²ன பக்³க³ஹேன யாபேதுந்தி பக்³க³ஹேன யோ உஞ்சோ², தேன யாபேதுங் ந ஸுகரா. பத்தங் க³ஹெத்வா யங் அரியா உஞ்ச²ங் கரொந்தி, பி⁴க்கா²சரியங் சரந்தி, தேன உஞ்சே²ன யாபேதுங் ந ஸுகராதி வுத்தங் ஹோதி. ததா³ கிர தத்த² ஸத்தட்ட²கா³மே பிண்டா³ய சரித்வா ஏகதி³வஸம்பி யாபனமத்தங் ந லப⁴ந்தி.
தேன கோ² பன ஸமயேன உத்தராபத²கா அஸ்ஸவாணிஜா…பே॰… அஸ்ஸோஸி கோ² ப⁴க³வா உது³க்க²லஸத்³த³ந்தி – தேனாதி யஸ்மிங் ஸமயே ப⁴க³வா வேரஞ்ஜங் உபனிஸ்ஸாய வஸ்ஸாவாஸங் உபக³தோ தேன ஸமயேன. உத்தராபத²வாஸிகா உத்தராபத²தோ வா ஆக³தத்தா ஏவங் லத்³த⁴வோஹாரா அஸ்ஸவாணிஜா உத்தராபதே² அஸ்ஸானங் உட்டா²னட்டா²னே தேஹி அஸ்ஸமண்ட³லிகாஸு பி⁴க்கூ²னங் பத்த²பத்த²புலகங் பஞ்ஞத்தங் ஹோதீ’’தி. பத்த²பத்த²புலகந்தி ஏகமேகஸ்ஸ பி⁴க்கு²னோ பத்த²பத்த²பமாணங் புலகங். பத்தோ² நாம நாளிமத்தங் ஹோதி, ஏகஸ்ஸ புரிஸஸ்ஸ அலங் யாபனாய. வுத்தம்பி ஹேதங் – ‘‘பத்தோ²த³னோ நாலமயங் து³வின்ன’’ந்தி (ஜா॰ 2.21.192). புலகங் நாம நித்து²ஸங் கத்வா உஸ்ஸேதெ³த்வா க³ஹிதயவதண்டு³லா வுச்சந்தி. யதி³ ஹி ஸது²ஸா ஹொந்தி, பாணகா விஜ்ஜ²ந்தி, அத்³தா⁴னக்க²மா ந ஹொந்தி. தஸ்மா தே வாணிஜா அத்³தா⁴னக்க²மங் கத்வா யவதண்டு³லமாதா³ய அத்³தா⁴னங் படிபஜ்ஜந்தி
கஸ்மா பன தேஹி தங் பி⁴க்கூ²னங் பஞ்ஞத்தந்தி? வுச்சதே – ‘‘ந ஹி தே த³க்கி²ணாபத²மனுஸ்ஸா விய அஸ்ஸத்³தா⁴ அப்பஸன்னா, தே பன ஸத்³தா⁴ பஸன்னா பு³த்³த⁴மாமகா, த⁴ம்மமாமகா, ஸங்க⁴மாமகா; தே புப்³ப³ண்ஹஸமயங் கேனசிதே³வ கரணீயேன நக³ரங் பவிஸந்தா த்³வே தயோ தி³வஸே அத்³த³ஸங்ஸு ஸத்தட்ட² பி⁴க்கூ² ஸுனிவத்தே² ஸுபாருதே
பஞ்ஞத்தந்தி நிச்சப⁴த்தஸங்கே²பேன ட²பிதங். இதா³னி பி⁴க்கூ² புப்³ப³ண்ஹஸமயங் நிவாஸெத்வாதிஆதீ³ஸு புப்³ப³ண்ஹஸமயந்தி தி³வஸஸ்ஸ புப்³ப³பா⁴க³ஸமயங், புப்³ப³ண்ஹஸமயேதி அத்தோ². புப்³ப³ண்ஹே வா ஸமயங் புப்³ப³ண்ஹஸமயங், புப்³ப³ண்ஹே ஏகங் க²ணந்தி வுத்தங் ஹோதி. ஏவங் அச்சந்தஸங்யோகே³ உபயோக³வசனங் லப்³ப⁴தி. நிவாஸெத்வாதி பரித³ஹித்வா, விஹாரனிவாஸனபரிவத்தனவஸேனேதங் வேதி³தப்³ப³ங். ந ஹி தே ததோ புப்³பே³ அனிவத்தா² அஹேஸுங். பத்தசீவரமாதா³யாதி பத்தங் ஹத்தே²ஹி சீவரங் காயேன ஆதி³யித்வா ஸம்படிச்சா²தெ³த்வா, தா⁴ரெத்வாதி அத்தோ². யேன வா தேன வா ஹி பகாரேன க³ண்ஹந்தா ஆதா³யஇச்சேவ வுச்சந்தி, யதா² ‘‘ஸமாதா³யேவ பக்கமதீ’’தி (தீ³॰ நி॰ 1.21). பிண்ட³ங் அலப⁴மானாதி ஸகலம்பி வேரஞ்ஜங் சரித்வா திட்ட²து பிண்டோ³, அந்தமஸோ ‘‘அதிச்ச²தா²’’தி வாசம்பி அலப⁴மானா.
பத்த²பத்த²புலகங் ஆராமங் ஆஹரித்வாதி க³தக³தட்டா²னே லத்³த⁴ங் ஏகமேகங் பத்த²பத்த²புலகங் க³ஹெத்வா ஆராமங் நெத்வா. உது³க்க²லே கொட்டெத்வா கொட்டெத்வா பரிபு⁴ஞ்ஜந்தீதி தே²ரானங் கோசி கப்பியகாரகோ நத்தி², யோ நேஸங் தங் க³ஹெத்வா யாகு³ங் வா ப⁴த்தங் வா பசெய்ய. ஸாமம்பி பசனங் ஸமணஸாருப்பங் ந ஹோதி ந ச வட்டதி. தே ஏவங் நோ ஸல்லஹுகவுத்திதா ச ப⁴விஸ்ஸதி, ஸாமபாகபரிமோசனஞ்சாதி அட்ட² அட்ட²
கிங் பனானந்த³த்தே²ரோ ததா³ ப⁴க³வதோ உபட்டா²கோ ஹோதீதி? ஹோதி, நோ ச கோ² உபட்டா²கட்டா²னங் லத்³தா⁴. ப⁴க³வதோ ஹி பட²மபோ³தி⁴யங் வீஸதிவஸ்ஸந்தரே நிப³த்³து⁴பட்டா²கோ நாம நத்தி². கதா³சி நாக³ஸமாலத்தே²ரோ ப⁴க³வந்தங் உபட்டா²ஸி, கதா³சி நாகி³தத்தே²ரோ, கதா³சி மேகி⁴யத்தே²ரோ, கதா³சி உபவாணத்தே²ரோ, கதா³சி ஸாக³தத்தே²ரோ, கதா³சி ஸுனக்க²த்தோ லிச்ச²விபுத்தோ. தே அத்தனோ ருசியா உபட்ட²ஹித்வா யதா³ இச்ச²ந்தி ததா³ பக்கமந்தி. ஆனந்த³த்தே²ரோ தேஸு தேஸு உபட்ட²ஹந்தேஸு அப்பொஸ்ஸுக்கோ ஹோதி, பக்கந்தேஸு ஸயமேவ வத்தபடிபத்திங் கரோதி. ப⁴க³வாபி கிஞ்சாபி மே ஞாதிஸெட்டோ² உபட்டா²கட்டா²னங் ந தாவ லப⁴தி, அத² கோ² ஏவரூபேஸு டா²னேஸு அயமேவ பதிரூபோதி அதி⁴வாஸேஸி. தேன வுத்தங் – ‘‘ஆயஸ்மா பனானந்தோ³ பத்த²புலகங் ஸிலாயங் பிஸித்வா ப⁴க³வதோ உபனாமேஸி, தங் ப⁴க³வா பரிபு⁴ஞ்ஜதீ’’தி.
நனு ச மனுஸ்ஸா து³ப்³பி⁴க்க²காலே அதிவிய உஸ்ஸாஹஜாதா புஞ்ஞானி கரொந்தி, அத்தனா அபு⁴ஞ்ஜித்வாபி பி⁴க்கூ²னங் தா³தப்³ப³ங் மஞ்ஞந்தி. தே ததா³ கஸ்மா கடச்சு²பி⁴க்க²ம்பி ந அத³ங்ஸு? அயஞ்ச வேரஞ்ஜோ ப்³ராஹ்மணோ மஹதா உஸ்ஸாஹேன ப⁴க³வந்தங் வஸ்ஸாவாஸங் யாசி, ஸோ கஸ்மா ப⁴க³வதோ அத்தி²பா⁴வம்பி ந ஜானாதீதி? வுச்சதே – மாராவட்டனாய. வேரஞ்ஜஞ்ஹி ப்³ராஹ்மணங் ப⁴க³வதோ ஸந்திகா பக்கந்தமத்தமேவ ஸகலஞ்ச நக³ரங் ஸமந்தா ச யோஜனமத்தங் யத்த² ஸக்கா புரேப⁴த்தங் பிண்டா³ய சரித்வா பச்சாக³ந்துங், தங் ஸப்³ப³ங் மாரோ ஆவட்டெத்வா மோஹெத்வா ஸப்³பே³ஸங் அஸல்லக்க²ணபா⁴வங் கத்வா பக்காமி. தஸ்மா ந கோசி அந்தமஸோ ஸாமீசிகம்மம்பி கத்தப்³ப³ங் மஞ்ஞித்த².
கிங்
கிங் பன மாரோ வாணிஜகே ஆவட்டேதுங் ந ஸக்கோதீதி? நோ ந ஸக்கோதி, தே பன ஆவட்டிதபரியோஸானே ஆக³மிங்ஸு. படினிவத்தித்வா கஸ்மா ந ஆவட்டேதீதி? அவிஸஹதாய. ந ஹி ஸோ ததா²க³தஸ்ஸ அபி⁴ஹடபி⁴க்கா²ய நிப³த்³த⁴தா³னஸ்ஸ அப்பிதவத்தஸ்ஸ அந்தராயங் காதுங் விஸஹதி. சதுன்னஞ்ஹி ந ஸக்கா அந்தராயோ காதுங். கதமேஸங் சதுன்னங்? ததா²க³தஸ்ஸ அபி⁴ஹடபி⁴க்கா²ஸங்கே²பேன வா நிப³த்³த⁴தா³னஸ்ஸ அப்பிதவத்தஸங்கே²பேன வா பரிச்சத்தானங் சதுன்னங் பச்சயானங் ந ஸக்கா கேனசி அந்தராயோ காதுங். பு³த்³தா⁴னங் ஜீவிதஸ்ஸ ந ஸக்கா கேனசி அந்தராயோ காதுங். அஸீதியா அனுப்³யஞ்ஜனானங் ப்³யாமப்பபா⁴ய வா ந ஸக்கா கேனசி அந்தராயோ காதுங். சந்தி³மஸூரியதே³வப்³ரஹ்மானம்பி ஹி பபா⁴ ததா²க³தஸ்ஸ அனுப்³யஞ்ஜனப்³யாமப்பபா⁴ப்பதே³ஸங் பத்வா விஹதானுபா⁴வா ஹொந்தி. பு³த்³தா⁴னங் ஸப்³ப³ஞ்ஞுதஞ்ஞாணஸ்ஸ ந ஸக்கா கேனசி அந்தராயோ காதுந்தி இமேஸங் சதுன்னங் ந ஸக்கா கேனசி அந்தராயோ காதுங். தஸ்மா மாரேன அகதந்தராயங் பி⁴க்க²ங் ப⁴க³வா ஸஸாவகஸங்கோ⁴ ததா³ பரிபு⁴ஞ்ஜதீதி வேதி³தப்³போ³.
ஏவங் பரிபு⁴ஞ்ஜந்தோ ச ஏகதி³வஸங் அஸ்ஸோஸி கோ² ப⁴க³வா உது³க்க²லஸத்³த³ந்தி ப⁴க³வா பத்த²பத்த²புலகங் கொட்டெந்தானங் பி⁴க்கூ²னங் முஸலஸங்க⁴ட்டஜனிதங் உது³க்க²லஸத்³த³ங் ஸுணி. ததோ பரங் ஜானந்தாபி ததா²க³தாதி ஏவமாதி³ யங் பரதோ ‘‘கின்னு கோ² ஸோ, ஆனந்த³, உது³க்க²லஸத்³தோ³’’தி புச்சி², தஸ்ஸ பரிஹாரத³ஸ்ஸனத்த²ங் வுத்தங். தத்ராயங் ஸங்கே²பவண்ணனா – ததா²க³தா நாம ஜானந்தாபி ஸசே தாதி³ஸங் புச்சா²காரணங் ஹோதி, புச்ச²ந்தி. ஸசே பன தாதி³ஸங் புச்சா²காரணங் நத்தி², ஜானந்தாபி காலங் விதி³த்வா புச்ச²ந்தீதி ஸசே தஸ்ஸா புச்சா²ய ஸோ காலோ ஹோதி, ஏவங் தங் காலங் விதி³த்வா புச்ச²ந்தி; ஸசே ந ஹோதி ஸேது வுச்சதி மக்³கோ³, மக்³கே³னேவ தாதி³ஸஸ்ஸ வசனஸ்ஸ கா⁴தோ, ஸமுச்சே²தோ³தி வுத்தங் ஹோதி.
இதா³னி அத்த²ஸங்ஹிதந்தி எத்த² யங் அத்த²ஸன்னிஸ்ஸிதங் வசனங் ததா²க³தா புச்ச²ந்தி, தங் த³ஸ்ஸெந்தோ ‘‘த்³வீஹாகாரேஹீ’’தி ஆதி³மாஹ. தத்த² ஆகாரேஹீதி காரணேஹி. த⁴ம்மங் வா தே³ஸெஸ்ஸாமாதி அட்டு²ப்பத்தியுத்தங் ஸுத்தங் வா புப்³ப³சரிதகாரணயுத்தங் ஜாதகங் வா கத²யிஸ்ஸாம. ஸாவகானங் வா ஸிக்கா²பத³ங் பஞ்ஞபெஸ்ஸாமாதி ஸாவகானங் வா தாய புச்சா²ய வீதிக்கமங் பாகடங் கத்வா க³ருகங் வா லஹுகங் வா ஸிக்கா²பத³ங் பஞ்ஞபெஸ்ஸாம ஆணங் ட²பெஸ்ஸாமாதி.
அத² கோ² ப⁴க³வா…பே॰… ஏதமத்த²ங் ஆரோசேஸீதி எத்த² நத்தி² கிஞ்சி வத்தப்³ப³ங். புப்³பே³ வுத்தமேவ ஹி பி⁴க்கூ²னங் பத்த²பத்த²புலகபடிலாப⁴ங் ஸல்லஹுகவுத்திதங் ஸாமபாகபரிமோசனஞ்ச ஆரோசெந்தோ ஏதமத்த²ங் ஆரோசேஸீதி வுச்சதி. ‘‘ஸாது⁴ ஸாது⁴, ஆனந்தா³’’தி இத³ங் பன ப⁴க³வா ஆயஸ்மந்தங் ஆனந்த³ங் ஸம்பஹங்ஸெந்தோ ஆஹ. ஸாது⁴காரங் பன த³த்வா த்³வீஸு ஆகாரேஸு ஏகங் க³ஹெத்வா த⁴ம்மங் தே³ஸெந்தோ ஆஹ – ‘‘தும்ஹேஹி, ஆனந்த³, ஸப்புரிஸேஹி விஜிதங், பச்சி²மா ஜனதா ஸாலிமங்ஸோத³னங் அதிமஞ்ஞிஸ்ஸதீ’’தி. தத்ராயமதி⁴ப்பாயோ – தும்ஹேஹி, ஆனந்த³, ஸப்புரிஸேஹி ஏவங் து³ப்³பி⁴க்கே² து³ல்லப⁴பிண்டே³ இமாய ஸல்லஹுகவுத்திதாய இமினா ச ஸல்லேகே²ன விஜிதங். கிங் விஜிதந்தி? து³ப்³பி⁴க்க²ங் விஜிதங், லோபோ⁴ விஜிதோ, இச்சா²சாரோ விஜிதோ. கத²ங்? ‘‘அயங் வேரஞ்ஜா து³ப்³பி⁴க்கா², ஸமந்ததோ பன அனந்தரா கா³மனிக³மா ப²லபா⁴ரனமிதஸஸ்ஸா ஸுபி⁴க்கா² ஸுலப⁴பிண்டா³. ஏவங் ஸந்தேபி ப⁴க³வா இதே⁴வ அம்ஹே நிக்³க³ண்ஹித்வா வஸதீ’’தி ஏகபி⁴க்கு²ஸ்ஸபி சிந்தா வா விகா⁴தோ வா நத்தி². ஏவங் தாவ து³ப்³பி⁴க்க²ங் விஜிதங் அபி⁴பூ⁴தங் அத்தனோ வஸே வத்திதங்.
கத²ங் லோபோ⁴ விஜிதோ? ‘‘அயங் வேரஞ்ஜா து³ப்³பி⁴க்கா², ஸமந்ததோ பன அனந்தரா கா³மனிக³மா ப²லபா⁴ரனமிதஸஸ்ஸா ஸுபி⁴க்கா² ஸுலப⁴பிண்டா³
கத²ங்
அனாக³தே பன பச்சி²மா ஜனதா விஹாரே நிஸின்னா அப்பகஸிரேனேவ லபி⁴த்வாபி ‘‘கிங் இத³ங் உத்தண்டு³லங் அதிகிலின்னங் அலோணங் அதிலோணங் அனம்பி³லங் அச்சம்பி³லங், கோ இமினா அத்தோ²’’தி ஆதி³னா நயேன ஸாலிமங்ஸோத³னங் அதிமஞ்ஞிஸ்ஸதி, ஓஞ்ஞாதங் அவஞ்ஞாதங் கரிஸ்ஸதி. அத² வா ஜனபதோ³
து³ப்³பி⁴க்க²கதா² நிட்டி²தா.
மஹாமொக்³க³ல்லானஸ்ஸஸீஹனாத³கதா²
17. அத² கோ² ஆயஸ்மா மஹாமொக்³க³ல்லானோதிஆதீ³ஸு ஆயஸ்மாதி பியவசனமேதங், க³ருகா³ரவஸப்பதிஸ்ஸாதி⁴வசனமேதங். மஹாமொக்³க³ல்லானோதி மஹா ச ஸோ கு³ணமஹந்ததாய மொக்³க³ல்லானோ ச கொ³த்தேனாதி மஹாமொக்³க³ல்லானோ. ஏதத³வோசாதி ஏதங் அவோச. இதா³னி வத்தப்³ப³ங் ‘‘ஏதரஹி ப⁴ந்தே’’திஆதி³வசனங் த³ஸ்ஸேதி. கஸ்மா அவோச? தே²ரோ கிர பப்³ப³ஜித்வா ஸத்தமே தி³வஸே ஸாவகபாரமிஞாணஸ்ஸ
ஹெட்டி²மதலங் ஸம்பன்னந்தி பத²வியா கிர ஹெட்டி²மதலே பத²விமண்டோ³ பத²வோஜோ பத²வி-பப்படகோ அத்தி², தங் ஸந்தா⁴ய வத³தி. தத்த² ஸம்பன்னந்தி மது⁴ரங், ஸாது³ரஸந்தி அத்தோ². யதே²வ ஹி ‘‘தத்ரஸ்ஸ ருக்கோ² ஸம்பன்னப²லோ ச உபபன்னப²லோ சா’’தி (ம॰ நி॰ 2.48) எத்த² மது⁴ரப²லோதி அத்தோ²; ஏவமிதா⁴பி ஸம்பன்னந்தி மது⁴ரங் ஸாது³ரஸந்தி வேதி³தப்³ப³ங். ஸெய்யதா²பி கு²த்³த³மது⁴ங் அனீளகந்தி இத³ங் பனஸ்ஸ மது⁴ரதாய ஓபம்மனித³ஸ்ஸனத்த²ங் வுத்தங். கு²த்³த³மது⁴ந்தி கு²த்³த³கமக்கி²காஹி கதமது⁴. அனீளகந்தி நிம்மக்கி²கங் நிம்மக்கி²கண்ட³கங் பரிஸுத்³த⁴ங். ஏதங் கிர மது⁴ ஸப்³ப³மதூ⁴ஹி அக்³க³ஞ்ச ஸெட்ட²ஞ்ச ஸுரஸஞ்ச ஓஜவந்தஞ்ச. தேனாஹ – ‘‘ஸெய்யதா²பி கு²த்³த³மது⁴ங் அனீளகங் ஏவமஸ்ஸாத³’’ந்தி.
ஸாதா⁴ஹங் ப⁴ந்தேதி ஸாது⁴ அஹங், ப⁴ந்தே. எத்த² ஸாதூ⁴தி ஆயாசனவசனமேதங். பத²விபரிவத்தனங் ஆயாசந்தோ ஹி தே²ரோ ப⁴க³வந்தங் ஏவமாஹ. பரிவத்தெய்யந்தி உக்குஜ்ஜெய்யங், ஹெட்டி²மதலங் உபரிமங் கரெய்யங். கஸ்மா? ஏவஞ்ஹி கதே ஸுகே²ன பி⁴க்கூ² பப்படகோஜங் பத²விமண்ட³ங் பரிபு⁴ஞ்ஜிஸ்ஸந்தீதி. அத² ப⁴க³வா அனநுஞ்ஞாதுகாமோபி தே²ரங் ஸீஹனாத³ங் நதா³பேதுங் புச்சி² – ‘‘யே பன தே, மொக்³க³ல்லான, பத²வினிஸ்ஸிதா பாணா தே கத²ங் கரிஸ்ஸஸீ’’தி. யே பத²வினிஸ்ஸிதா கா³மனிக³மாதீ³ஸு பாணா, தே பத²வியா பரிவத்தியமானாய ஆகாஸே ‘‘ஏகாஹங், ப⁴ந்தே’’திஆதி³மாஹ. தஸ்ஸத்தோ² – ஏகங் அஹங் ப⁴ந்தே ஹத்த²ங் யதா² அயங் மஹாபத²வீ ஏவங் அபி⁴னிம்மினிஸ்ஸாமி, பத²விஸதி³ஸங் கரிஸ்ஸாமி. ஏவங் கத்வா யே பத²வினிஸ்ஸிதா பாணா தே ஏகஸ்மிங் ஹத்த²தலே டி²தே பாணே ததோ து³தியஹத்த²தலே ஸங்காமெந்தோ விய தத்த² ஸங்காமெஸ்ஸாமீதி.
அத²ஸ்ஸ ப⁴க³வா ஆயாசனங் படிக்கி²பந்தோ ‘‘அலங் மொக்³க³ல்லானா’’திஆதி³மாஹ. தத்த² அலந்தி படிக்கே²பவசனங். விபல்லாஸம்பி ஸத்தா படிலபெ⁴ய்யுந்தி விபரீதக்³கா³ஹம்பி ஸத்தா ஸம்பாபுணெய்யுங். கத²ங்? அயங் நு கோ² பத²வீ மா தே ருச்சி பத²விங் பரிவத்தேதுந்தி.
அத² தே²ரோ இமங் யாசனங் அலப⁴மானோ அஞ்ஞங் யாசந்தோ ‘‘ஸாது⁴, ப⁴ந்தே’’திஆதி³மாஹ. தம்பிஸ்ஸ ப⁴க³வா படிக்கி²பந்தோ ‘‘அலங் மொக்³க³ல்லானா’’திஆதி³மாஹ. தத்த² கிஞ்சாபி ந வுத்தங் ‘‘விபல்லாஸம்பி ஸத்தா படிலபெ⁴ய்யு’’ந்தி, அத² கோ² புப்³பே³ வுத்தனயேனேவ க³ஹேதப்³ப³ங்; அத்தோ²பி சஸ்ஸ வுத்தஸதி³ஸமேவ வேதி³தப்³போ³. யதி³ பன ப⁴க³வா அனுஜானெய்ய, தே²ரோ கிங் கரெய்யாதி? மஹாஸமுத்³த³ங் ஏகேன
நிட்டி²தா மஹாமொக்³க³ல்லானஸ்ஸ ஸீஹனாத³கதா².
வினயபஞ்ஞத்தியாசனகதா²வண்ணனா
18. இதா³னி ஆயஸ்மா உபாலி வினயபஞ்ஞத்தியா மூலதோ பபு⁴தி நிதா³னங் த³ஸ்ஸேதுங் ஸாரிபுத்தத்தே²ரஸ்ஸ ஸிக்கா²பத³படிஸங்யுத்தங் விதக்குப்பாத³ங் த³ஸ்ஸெந்தோ ‘‘அத² கோ² ஆயஸ்மதோ ஸாரிபுத்தஸ்ஸா’’திஆதி³மாஹ. தத்த² ரஹோக³தஸ்ஸாதி ரஹஸி க³தஸ்ஸ. படிஸல்லீனஸ்ஸாதி ஸல்லீனஸ்ஸ ஏகீபா⁴வங் க³தஸ்ஸ. கதமேஸானந்தி அதீதேஸு விபஸ்ஸீஆதீ³ஸு பு³த்³தே⁴ஸு கதமேஸங். சிரங் அஸ்ஸ டி²தி, சிரா வா அஸ்ஸ டி²தீதி சிரட்டி²திகங். ஸேஸமெத்த² உத்தானபத³த்த²மேவ.
கிங் பன தே²ரோ இமங் அத்தனோ பரிவிதக்கங் ஸயங் வினிச்சி²னிதுங் ந ஸக்கோதீதி? வுச்சதே – ஸக்கோதி ச ந ஸக்கோதி ச. அயஞ்ஹி இமேஸங் நாம பு³த்³தா⁴னங் ஸாஸனங் ந சிரட்டி²திகங் அஹோஸி, இமேஸங் சிரட்டி²திகந்தி எத்தகங் ஸக்கோதி வினிச்சி²னிதுங். இமினா பன காரணேன ந சிரட்டி²திகங் அஹோஸி, இமினா சிரட்டி²திகந்தி ஏதங் ந ஸக்கோதி. மஹாபது³மத்தே²ரோ பனாஹ – ‘‘ஏதம்பி ஸோளஸவிதா⁴ய பஞ்ஞாய மத்த²கங் பத்தஸ்ஸ அக்³க³ஸாவகஸ்ஸ ந பா⁴ரியங், ஸம்மாஸம்பு³த்³தே⁴ன பன ஸத்³தி⁴ங் ஏகட்டா²னே வஸந்தஸ்ஸ ஸயங் வினிச்ச²யகரணங் துலங் ச²ட்³டெ³த்வா ஹத்தே²ன துலனஸதி³ஸங் ஹோதீதி ப⁴க³வந்தங்யேவ உபஸங்கமித்வா புச்சீ²’’தி. அத²ஸ்ஸ ப⁴க³வா தங் விஸ்ஸஜ்ஜெந்தோ ‘‘ப⁴க³வதோ ச ஸாரிபுத்த விபஸ்ஸிஸ்ஸா’’திஆதி³மாஹ. தங் உத்தானத்த²மேவ.
19. புன தே²ரோ காரணங் புச்ச²ந்தோ கோ நு கோ², ப⁴ந்தே, ஹேதூதிஆதி³மாஹ. தத்த² கோ நு கோ² ப⁴ந்தேதி காரணபுச்சா² ஹேது பச்சயோதி உப⁴யமேதங் காரணாதி⁴வசனங்; காரணஞ்ஹி யஸ்மா தேன தஸ்ஸ ப²லங் ஹினோதி பவத்ததி, தஸ்மா ஹேதூதி வுச்சதி. யஸ்மா தங் படிச்ச ஏதி பவத்ததி, தஸ்மா பச்சயோதி வுச்சதி. ஏவங் அத்த²தோ ஏகம்பி வோஹாரவஸேன ச வசனஸிலிட்ட²தாய ச தத்ர தத்ர ஏதங் உப⁴யம்பி வுச்சதி. ஸேஸமெத்த² உத்தானத்த²மேவ.
இதா³னி ‘‘ப⁴க³வா ச ஸாரிபுத்த விபஸ்ஸீ’’திஆதி³மாஹ. தத்த² கிலாஸுனோ அஹேஸுந்தி ந ஆலஸியகிலாஸுனோ, ந ஹி பு³த்³தா⁴னங் ஆலஸியங் வா ஓஸன்னவீரியதா வா அத்தி². பு³த்³தா⁴ ஹி ஏகஸ்ஸ வா த்³வின்னங் வா ஸகலசக்கவாளஸ்ஸ வா த⁴ம்மங் தே³ஸெந்தா ஸமகேனேவ உஸ்ஸாஹேன த⁴ம்மங் தே³ஸெந்தி, ந பரிஸாய அப்பபா⁴வங் தி³ஸ்வா ஓஸன்னவீரியா ஹொந்தி, நாபி மஹந்தபா⁴வங் தி³ஸ்வா உஸ்ஸன்னவீரியா. யதா² ஹி ஸீஹோ மிக³ராஜா ஸத்தன்னங் தி³வஸானங் அச்சயேன கோ³சராய பக்கந்தோ கு²த்³த³கே வா மஹந்தே வா
யதா² பன அம்ஹாகங் ப⁴க³வா மஹாஸமுத்³த³ங் பூரயமானோ விய வித்தா²ரேன த⁴ம்மங் தே³ஸேஸி, ஏவங் தே ந தே³ஸேஸுங். கஸ்மா? ஸத்தானங் அப்பரஜக்க²தாய. தேஸங் கிர காலே தீ³கா⁴யுகா ஸத்தா அப்பரஜக்கா² அஹேஸுங். தே சதுஸச்சபடிஸங்யுத்தங் ஏககா³த²ம்பி ஸுத்வா த⁴ம்மங் அபி⁴ஸமெந்தி, தஸ்மா ந வித்தா²ரேன த⁴ம்மங் தே³ஸேஸுங். தேனேவ காரணேன அப்பகஞ்ச நேஸங் அஹோஸி ஸுத்தங்…பே॰… வேத³ல்லந்தி. தத்த² ஸுத்தாதீ³னங் நானத்தங் பட²மஸங்கீ³திவண்ணனாயங் வுத்தமேவ.
அபஞ்ஞத்தங் ஸாவகானங் ஸிக்கா²பத³ந்தி ஸாவகானங் நித்³தோ³ஸதாய தோ³ஸானுரூபதோ பஞ்ஞபேதப்³ப³ங் ஸத்தாபத்திக்க²ந்த⁴வஸேன ஆணாஸிக்கா²பத³ங் அபஞ்ஞத்தங். அனுத்³தி³ட்ட²ங் பாதிமொக்க²ந்தி அன்வத்³த⁴மாஸங் ஆணாபாதிமொக்க²ங் அனுத்³தி³ட்ட²ங் அஹோஸி. ஓவாத³பாதிமொக்க²மேவ தே உத்³தி³ஸிங்ஸு; தம்பி ச நோ அன்வத்³த⁴மாஸங். ததா² ஹி விபஸ்ஸீ ப⁴க³வா ச²ன்னங் ச²ன்னங் வஸ்ஸானங் ஸகிங் ஸகிங் ஓவாத³பாதிமொக்க²ங் உத்³தி³ஸி; தஞ்ச கோ² ஸாமங்யேவ. ஸாவகா பனஸ்ஸ அத்தனோ அத்தனோ வஸனட்டா²னேஸு ந உத்³தி³ஸிங்ஸு. ஸகலஜம்பு³தீ³பே ஏகஸ்மிங்யேவ டா²னே ப³ந்து⁴மதியா ராஜதா⁴னியா கே²மே மிக³தா³யே விபஸ்ஸிஸ்ஸ ப⁴க³வதோ வஸனட்டா²னே ஸப்³போ³பி பி⁴க்கு²ஸங்கோ⁴ உபோஸத²ங் அகாஸி. தஞ்ச கோ² ஸங்கு⁴போஸத²மேவ; ந க³ணுபோஸத²ங், ந புக்³க³லுபோஸத²ங், ந பாரிஸுத்³தி⁴உபோஸத²ங், ந அதி⁴ட்டா²னுபோஸத²ங்.
ததா³ கிர ஜம்பு³தீ³பே சதுராஸீதிவிஹாரஸஹஸ்ஸானி ஹொந்தி. ஏகமேகஸ்மிங் விஹாரே அப்³போ³கிண்ணானி த³ஸபி வீஸதிபி பி⁴க்கு²ஸஹஸ்ஸானி வஸந்தி, பி⁴ய்யோபி வஸந்தி. உபோஸதா²ரோசிகா தே³வதா தத்த² தத்த² க³ந்த்வா ஆரோசெந்தி – ‘‘மாரிஸா, ஏகங் வஸ்ஸங் அதிக்கந்தங், த்³வே தீணி சத்தாரி பஞ்ச வஸ்ஸானி அதிக்கந்தானி, இத³ங் ச²ட்ட²ங் வஸ்ஸங், ஆகா³மினியா புண்ணமாஸியா பு³த்³த⁴த³ஸ்ஸனத்த²ங் உபோஸத²கரணத்த²ஞ்ச க³ந்தப்³ப³ங்! ஸம்பத்தோ வோ ஸன்னிபாதகாலோ’’தி. ததோ ஓவாத³பாதிமொக்க²ங் உத்³தி³ஸதி.
‘‘க²ந்தீ பரமங் தபோ திதிக்கா²;
நிப்³பா³னங் பரமங் வத³ந்தி பு³த்³தா⁴;
ந ஹி பப்³ப³ஜிதோ பரூபகா⁴தீ;
ந ஸமணோ ஹோதி பரங் விஹேட²யந்தோ.
‘‘ஸப்³ப³பாபஸ்ஸ அகரணங், குஸலஸ்ஸ உபஸம்பதா³;
ஸசித்தபரியோத³பனங், ஏதங் பு³த்³தா⁴ன ஸாஸனங்.
‘‘அனுபவாதோ³
மத்தஞ்ஞுதா ச ப⁴த்தஸ்மிங், பந்தஞ்ச ஸயனாஸனங்;
அதி⁴சித்தே ச ஆயோகோ³, ஏதங் பு³த்³தா⁴ன ஸாஸன’’ந்தி. (தீ³॰ நி॰ 2.90; த⁴॰ ப॰ 183-185);
ஏதேனேவ உபாயேன இதரேஸம்பி பு³த்³தா⁴னங் பாதிமொக்கு²த்³தே³ஸோ வேதி³தப்³போ³. ஸப்³ப³பு³த்³தா⁴னஞ்ஹி இமா திஸ்ஸோவ ஓவாத³பாதிமொக்க²கா³தா²யோ ஹொந்தி. தா தீ³கா⁴யுகபு³த்³தா⁴னங் யாவ ஸாஸனபரியந்தா உத்³தே³ஸமாக³ச்ச²ந்தி; அப்பாயுகபு³த்³தா⁴னங் பட²மபோ³தி⁴யங்யேவ. ஸிக்கா²பத³பஞ்ஞத்திகாலதோ பன பபு⁴தி ஆணாபாதிமொக்க²மேவ உத்³தி³ஸீயதி. தஞ்ச கோ² பி⁴க்கூ² ஏவ உத்³தி³ஸந்தி, ந பு³த்³தா⁴. தஸ்மா அம்ஹாகம்பி ப⁴க³வா பட²மபோ³தி⁴யங் வீஸதிவஸ்ஸமத்தமேவ இத³ங் ஓவாத³பாதிமொக்க²ங் உத்³தி³ஸி. அதே²கதி³வஸங் புப்³பா³ராமே மிகா³ரமாதுபாஸாதே³ நிஸின்னோ பி⁴க்கூ² ஆமந்தேஸி – ‘‘ந தா³னாஹங், பி⁴க்க²வே, இதோ பரங் உபோஸத²ங் கரிஸ்ஸாமி பாதிமொக்க²ங் உத்³தி³ஸிஸ்ஸாமி, தும்ஹேவ தா³னி பி⁴க்க²வே இதோ பரங் உபோஸத²ங் கரெய்யாத², பாதிமொக்க²ங் உத்³தி³ஸெய்யாத². அட்டா²னமேதங், பி⁴க்க²வே, அனவகாஸோ யங் ததா²க³தோ அபரிஸுத்³தா⁴ய பரிஸாய உபோஸத²ங் கரெய்ய, பாதிமொக்க²ங் உத்³தி³ஸெய்யா’’தி (சூளவ॰ 386). ததோ பட்டா²ய பி⁴க்கூ² ஆணாபாதிமொக்க²ங் உத்³தி³ஸந்தி. இத³ங் ஆணாபாதிமொக்க²ங் தேஸங் அனுத்³தி³ட்ட²ங் அஹோஸி. தேன வுத்தங் – ‘‘அனுத்³தி³ட்ட²ங் பாதிமொக்க²’’ந்தி.
தேஸங் பு³த்³தா⁴னந்தி தேஸங் விபஸ்ஸீஆதீ³னங் திண்ணங் பு³த்³தா⁴னங். அந்தரதா⁴னேனாதி க²ந்த⁴ந்தரதா⁴னேன; பரினிப்³பா³னேனாதி வுத்தங் ஹோதி. பு³த்³தா⁴னுபு³த்³தா⁴னந்தி யே தேஸங் பு³த்³தா⁴னங் அனுபு³த்³தா⁴ ஸம்முக²ஸாவகா தேஸஞ்ச க²ந்த⁴ந்தரதா⁴னேன. யே தே பச்சி²மா ஸாவகாதி நானானாமாதி ‘‘பு³த்³த⁴ரக்கி²தோ, த⁴ம்மரக்கி²தோ’’திஆதி³ நாமவஸேன விவித⁴னாமா. நானாகொ³த்தாதி ‘‘கோ³தமோ, மொக்³க³ல்லானோ’’திஆதி³ கொ³த்தவஸேன விவித⁴கொ³த்தா. நானாஜச்சாதி ‘‘க²த்தியோ, ப்³ராஹ்மணோ’’திஆதி³ஜாதிவஸேன நானாஜச்சா. நானாகுலா பப்³ப³ஜிதாதி க²த்தியகுலாதி³வஸே நேவ உச்சனீசஉளாருளாரபோ⁴கா³தி³குலவஸேன வா விவித⁴குலா நிக்க²ம்ம பப்³ப³ஜிதா.
தே தங் ப்³ரஹ்மசரியந்தி தே பச்சி²மா ஸாவகா ஸெய்யதா²பீதி தஸ்ஸத்த²ஸ்ஸ ஓபம்மனித³ஸ்ஸனங். விகிரதீதி விக்கி²பதி. வித⁴மதீதி டா²னந்தரங் நேதி. வித்³த⁴ங்ஸேதீதி டி²தட்டா²னதோ அபனேதி. யதா² தங் ஸுத்தேன அஸங்க³ஹிதத்தாதி யதா² ஸுத்தேன அஸங்க³ஹிதத்தா அக³ந்தி²தத்தா அப³த்³த⁴த்தா ஏவங் விகிரதி யதா² ஸுத்தேன அஸங்க³ஹிதானி விகிரியந்தி, ஏவங் விகிரதீதி வுத்தங் ஹோதி. ஏவமேவ கோ²தி ஓபம்மஸம்படிபாத³னங். அந்தரதா⁴பேஸுந்தி வக்³க³ஸங்க³ஹ-பண்ணாஸஸங்க³ஹாதீ³ஹி அஸங்க³ண்ஹந்தா யங் யங் அத்தனோ ருச்சதி, தங் ததே³வ க³ஹெத்வா ஸேஸங் வினாஸேஸுங் அத³ஸ்ஸனங் நயிங்ஸு.
அகிலாஸுனோ ச தே ப⁴க³வந்தோ அஹேஸுங் ஸாவகே சேதஸா சேதோ பரிச்ச ஓவதி³துந்தி அபிச ஸாரிபுத்த தே பு³த்³தா⁴ அத்தனோ சேதஸா ஸாவகானங் சேதோ பரிச்ச பரிச்சி²ந்தி³த்வா ஓவதி³துங் அகிலாஸுனோ அஹேஸுங், பரசித்தங் ஞத்வா அனுஸாஸனிங் ந பா⁴ரியதோ ந பபஞ்சதோ அத்³த³ஸங்ஸு. பூ⁴தபுப்³ப³ங் ஸாரிபுத்தாதிஆதி³ தேஸங் அகிலாஸுபா⁴வப்பகாஸனத்த²ங் வுத்தங். பி⁴ங்ஸனகேதி ப⁴யானகே ப⁴யஜனநகே. ஏவங் விதக்கேதா²தி நெக்க²ம்மவிதக்காத³யோ தயோ விதக்கே விதக்கேத². மா ஏவங் விதக்கயித்தா²தி காமவிதக்காத³யோ தயோ அகுஸலவிதக்கே மா விதக்கயித்த². ஏவங் மனஸி கரோதா²தி ‘‘அனிச்சங் து³க்க²மனத்தா அஸுப⁴’’ந்தி மனஸி கரோத². மா ஏவங் மனஸா இத³ங் பஜஹதா²தி அகுஸலங் பஜஹத². இத³ங் உபஸம்பஜ்ஜ விஹரதா²தி குஸலங் உபஸம்பஜ்ஜ படிலபி⁴த்வா நிப்பா²தெ³த்வா விஹரத².
அனுபாதா³ய ஆஸவேஹி சித்தானி விமுச்சிங்ஸூதி அக்³க³ஹெத்வா விமுச்சிங்ஸு. தேஸஞ்ஹி சித்தானி யேஹி ஆஸவேஹி விமுச்சிங்ஸு, ந தே தானி க³ஹெத்வா விமுச்சிங்ஸு. அனுப்பாத³னிரோதே⁴ன பன நிருஜ்ஜ²மானா அக்³க³ஹெத்வா விமுச்சிங்ஸு. தேன வுத்தங் – ‘‘அனுபாதா³ய ஆஸவேஹி சித்தானி விமுச்சிங்ஸூ’’தி. ஸப்³பே³பி தே அரஹத்தங் பத்வா ஸூரியரஸ்மிஸம்பு²ட்ட²மிவ பது³மவனங் விகஸிதசித்தா அஹேஸுங். தத்ர ஸுத³ங் ஸாரிபுத்த பி⁴ங்ஸனகஸ்ஸ வனஸண்ட³ஸ்ஸ பி⁴ங்ஸனகதஸ்மிங் ஹோதீதி தத்ராதி புரிமவசனாபெக்க²ங்; ஸுத³ந்தி பத³பூரணமத்தே நிபாதோ; ஸாரிபுத்தாதி ஆலபனங். அயங் பனெத்த² அத்த²யோஜனா – தத்ராதி யங் வுத்தங் ‘‘அஞ்ஞதரஸ்மிங் பி⁴ங்ஸனகே வனஸண்டே³’’தி, தத்ர யோ ஸோ பி⁴ங்ஸனகோதி வனஸண்டோ³ வுத்தோ, தஸ்ஸ பி⁴ங்ஸனகஸ்ஸ வனஸண்ட³ஸ்ஸ பி⁴ங்ஸனகதஸ்மிங் ஹோதி, பி⁴ங்ஸனகிரியாய ஹோதீதி அத்தோ². கிங் ஹோதி? இத³ங் ஹோதி – யோ கோசி அவீதராகோ³…பே॰… லோமானி ஹங்ஸந்தீதி.
அத² வா தத்ராதி ஸாமிஅத்தே² பு⁴ம்மங். ஸுஇதி நிபாதோ; ‘‘கிங் ஸு நாம தே பொ⁴ந்தோ ஸமணப்³ராஹ்மணா’’திஆதீ³ஸு (ம॰ நி॰ 1.469) விய. இத³ந்தி அதி⁴ப்பேதமத்த²ங் பச்சக்க²ங் விய கத்வா த³ஸ்ஸனவசனங். ஸுஇத³ந்தி ஸுத³ங், ஸந்தி⁴வஸேன இகாரலோபோ வேதி³தப்³போ³. ‘‘சக்கு²ந்த்³ரியங், இத்தி²ந்த்³ரியங், அனஞ்ஞாதஞ்ஞஸ்ஸாமீதிந்த்³ரியங் (விப⁴॰ 219), ‘‘கிங் ஸூத⁴ வித்த’’ந்திஆதீ³ஸு (ஸங்॰ நி॰ 1.73, 246; ஸு॰ நி॰ 183) விய. அயங் பனெத்த² அத்த²யோஜனா – தஸ்ஸ ஸாரிபுத்த பி⁴ங்ஸனகஸ்ஸ வனஸண்ட³ஸ்ஸ பி⁴ங்ஸனகதஸ்மிங் இத³ங்ஸு ஹோதி. பி⁴ங்ஸனகதஸ்மிந்தி பி⁴ங்ஸனகபா⁴வேதி அத்தோ². ஏகஸ்ஸ தகாரஸ்ஸ லோபோ த³ட்ட²ப்³போ³. பி⁴ங்ஸனகத்தஸ்மிந்தியேவ வா பாடோ². ‘‘பி⁴ங்ஸனகதாய’’ இதி வா வத்தப்³பே³ லிங்க³விபல்லாஸோ கதோ. நிமித்தத்தே² சேதங் பு⁴ம்மவசனங், தஸ்மா ஏவங் ஸம்ப³ந்தோ⁴ வேதி³தப்³போ³ – பி⁴ங்ஸனகபா⁴வே இத³ங்ஸு ஹோதி, பி⁴ங்ஸனகபா⁴வனிமித்தங் பி⁴ங்ஸனகபா⁴வஹேது பி⁴ங்ஸனகபா⁴வபச்சயா இத³ங்ஸு ஹோதி. யோ கோசி அவீதராகோ³ தங் வனஸண்ட³ங் பவிஸதி, யேபு⁴ய்யேன லோமானி ஹங்ஸந்தீதி ப³ஹுதரானி லோமானி ஹங்ஸந்தி உத்³த⁴ங் முகா²னி ஸூசிஸதி³ஸானி கண்டகஸதி³ஸானி ச ஹுத்வா திட்ட²ந்தி, அப்பானி ந ஹங்ஸந்தி. ப³ஹுதரானங் வா ஸத்தானங் ஹங்ஸந்தி. அப்பகானங் அதிஸூரபுரிஸானங் ந ஹங்ஸந்தி.
இதா³னி அயங் கோ², ஸாரிபுத்த, ஹேதூதிஆதி³ நிக³மனங். யஞ்செத்த² அந்தரந்தரா ந வுத்தங், தங் உத்தானத்த²மேவ. தஸ்மா பாளிக்கமேனேவ வேதி³தப்³ப³ங். யங் பன வுத்தங் ந சிரட்டி²திகங் அஹோஸீதி, தங் புரிஸயுக³வஸேன வுத்தந்தி வேதி³தப்³ப³ங். வஸ்ஸக³ணனாய ஹி விபஸ்ஸிஸ்ஸ ப⁴க³வதோ அஸீதிவஸ்ஸஸஹஸ்ஸானி ஆயு, ஸம்முக²ஸாவகானம்பிஸ்ஸ தத்தகமேவ. ஏவமஸ்ஸ ய்வாயங் ஸப்³ப³பச்சி²மகோ ஸாவகோ, தேன ஸஹ க⁴டெத்வா ஸதஸஹஸ்ஸங் ஸட்டி²மத்தானி ச வஸ்ஸஸஹஸ்ஸானி ப்³ரஹ்மசரியங்
20. ஏவங் ஆயஸ்மா ஸாரிபுத்தோ திண்ணங் பு³த்³தா⁴னங் ப்³ரஹ்மசரியஸ்ஸ ந சிரட்டி²திகாரணங் ஸுத்வா இதரேஸங் திண்ணங் ப்³ரஹ்மசரியஸ்ஸ சிரட்டி²திகாரணங் ஸோதுகாமோ புன ப⁴க³வந்தங் ‘‘கோ பன ப⁴ந்தே ஹேதூ’’தி ஆதி³னா நயேன புச்சி². ப⁴க³வாபிஸ்ஸ ப்³யாகாஸி. தங் ஸப்³ப³ங் வுத்தபடிபக்க²வஸேன வேதி³தப்³ப³ங். சிரட்டி²திகபா⁴வேபி செத்த² தேஸங் பு³த்³தா⁴னங் ஆயுபரிமாணதோபி புரிஸயுக³தோபி உப⁴யதா² சிரட்டி²திகதா வேதி³தப்³பா³. ககுஸந்த⁴ஸ்ஸ ஹி ப⁴க³வதோ சத்தாலீஸவஸ்ஸஸஹஸ்ஸானி ஆயு, கோணாக³மனஸ்ஸ ப⁴க³வதோ திங்ஸவஸ்ஸஸஹஸ்ஸானி, கஸ்ஸபஸ்ஸ ப⁴க³வதோ வீஸதிவஸ்ஸஸஹஸ்ஸானி; ஸம்முக²ஸாவகானம்பி நேஸங் தத்தகமேவ. ப³ஹூனி ச நேஸங் ஸாவகயுகா³னி பரம்பராய ப்³ரஹ்மசரியங் பவத்தேஸுங். ஏவங் தேஸங் ஆயுபரிமாணதோபி ஸாவகயுக³தோபி உப⁴யதா² ப்³ரஹ்மசரியங் சிரட்டி²திகங் அஹோஸி.
அம்ஹாகங் பன ப⁴க³வதோ கஸ்ஸபஸ்ஸ ப⁴க³வதோ உபட்³டா⁴யுகப்பமாணே த³ஸவஸ்ஸஸஹஸ்ஸாயுககாலே
21. அத² கோ² ஆயஸ்மா ஸாரிபுத்தோதி கோ அனுஸந்தி⁴? ஏவங் திண்ணங் பு³த்³தா⁴னங் ப்³ரஹ்மசரியஸ்ஸ சிரட்டி²திகாரணங் ஸுத்வா ஸிக்கா²பத³பஞ்ஞத்தியேவ சிரட்டி²திகபா⁴வஹேதூதி நிட்ட²ங் க³ந்த்வா ப⁴க³வதோபி ப்³ரஹ்மசரியஸ்ஸ சிரட்டி²திகபா⁴வங் இச்ச²ந்தோ ஆயஸ்மா ஸாரிபுத்தோ ப⁴க³வந்தங் ஸிக்கா²பத³பஞ்ஞத்திங் யாசி. தஸ்ஸா யாசனவிதி⁴த³ஸ்ஸனத்த²மேதங் வுத்தங் – அத² கோ² ஆயஸ்மா ஸாரிபுத்தோ உட்டா²யாஸனா …பே॰… சிரட்டி²திகந்தி. தத்த²
அத²ஸ்ஸ ப⁴க³வா ‘‘ந தாவாயங் ஸிக்கா²பத³பஞ்ஞத்திகாலோ’’தி பகாஸெந்தோ ‘‘ஆக³மேஹி த்வங் ஸாரிபுத்தா’’திஆதி³மாஹ. தத்த² ஆக³மேஹி த்வந்தி திட்ட² தாவ த்வங்; அதி⁴வாஸேஹி தாவ த்வந்தி வுத்தங் ஹோதி. ஆத³ரத்த²வஸேனேவெத்த² த்³விக்க²த்துங் வுத்தங். ஏதேன ப⁴க³வா ஸிக்கா²பத³பஞ்ஞத்தியா ஸாவகானங் விஸயபா⁴வங் படிக்கி²பித்வா ‘‘பு³த்³த⁴விஸயோவ ஸிக்கா²பத³பஞ்ஞத்தீ’’தி ஆவிகரொந்தோ ‘‘ததா²க³தோ வா’’திஆதி³மாஹ. எத்த² ச தத்தா²தி ஸிக்கா²பத³பஞ்ஞத்தியாசனாபெக்க²ங் பு⁴ம்மவசனங். தத்ராயங் யோஜனா – யங் வுத்தங் ‘‘ஸிக்கா²பத³ங் பஞ்ஞபெய்யா’’தி, தத்த² தஸ்ஸா ஸிக்கா²பத³பஞ்ஞத்தியா ததா²க³தோயேவ காலங் ஜானிஸ்ஸதீதி. ஏவங் வத்வா அகாலங் தாவ த³ஸ்ஸேதுங் ‘‘ந தாவ ஸாரிபுத்தா’’திஆதி³மாஹ.
தத்த² ஆஸவா திட்ட²ந்தி ஏதேஸூதி ஆஸவட்டா²னீயா. யேஸு தி³ட்ட²த⁴ம்மிகஸம்பராயிகா து³க்கா²ஸவா கிலேஸாஸவா ச பரூபவாத³விப்படிஸாரவத⁴ப³ந்த⁴னாத³யோ சேவ அபாயது³க்க²விஸேஸபூ⁴தா ச ஆஸவா திட்ட²ந்தியேவ, யஸ்மா நேஸங்
கத²ங்? பஞ்ஞபெந்தேன ஹி ‘‘யோ பன பி⁴க்கு² மேது²னங் த⁴ம்மங் படிஸேவெய்யா’’திஆதி³ ஸப்³ப³ங் பஞ்ஞபேதப்³ப³ங் ப⁴வெய்ய. அதி³ஸ்வாவ வீதிக்கமதோ³ஸங் இமங் பஞ்ஞத்திங் ஞத்வா ‘‘ந தாவ ஸாரிபுத்த ஸத்தா² ஸாவகானங்…பே॰… பாதுப⁴வந்தீ’’தி.
ஏவங் அகாலங் த³ஸ்ஸெத்வா புன காலங் த³ஸ்ஸேதுங் ‘‘யதோ ச கோ² ஸாரிபுத்தா’’திஆதி³மாஹ. தத்த² யதோதி யதா³; யஸ்மிங் காலேதி வுத்தங் ஹோதி. ஸேஸங் வுத்தானுஸாரேனேவ வேதி³தப்³ப³ங். அயங் வா ஹெத்த² ஸங்கே²பத்தோ² – யஸ்மிங் ஸமயே ‘‘ஆஸவட்டா²னீயா த⁴ம்மா’’தி ஸங்க்²யங் க³தா வீதிக்கமதோ³ஸா ஸங்கே⁴ பாதுப⁴வந்தி, ததா³ ஸத்தா² ஸாவகானங் ஸிக்கா²பத³ங் பஞ்ஞபேதி, உத்³தி³ஸதி பாதிமொக்க²ங். கஸ்மா? தேஸங்யேவ ‘‘ஆஸவட்டா²னீயா த⁴ம்மா’’தி ஸங்க்²யங்
ஏவங் ஆஸவட்டா²னீயானங் த⁴ம்மானங் அனுப்பத்திங் ஸிக்கா²பத³பஞ்ஞத்தியா அகாலங் உப்பத்திஞ்ச காலந்தி வத்வா இதா³னி தேஸங் த⁴ம்மானங் அனுப்பத்திகாலஞ்ச உப்பத்திகாலஞ்ச த³ஸ்ஸேதுங் ‘‘ந தாவ ஸாரிபுத்த இதே⁴கச்சே’’திஆதி³மாஹ. தத்த² உத்தானத்தா²னி பதா³னி பாளிவஸேனேவ வேதி³தப்³பா³னி. அயங் பன அனுத்தானபத³வண்ணனா – ரத்தியோ ஜானந்தீதி ரத்தஞ்ஞூ, அத்தனோ பப்³ப³ஜிததி³வஸதோ பட்டா²ய ப³ஹுகா ரத்தியோ ஜானந்தி, சிரபப்³ப³ஜிதாதி வுத்தங் ஹோதி. ரத்தஞ்ஞூஹி மஹத்தங் ரத்தஞ்ஞுமஹத்தங்; சிரபப்³ப³ஜிதேஹி மஹந்தபா⁴வந்தி அத்தோ². தத்ர ரத்தஞ்ஞுமஹத்தங் பத்தே ஸங்கே⁴
வேபுல்லமஹத்தந்தி விபுலபா⁴வேன மஹத்தங். ஸங்கோ⁴ ஹி யாவ ந தே²ரனவமஜ்ஜி²மானங் வஸேன வேபுல்லமஹத்தங் பத்தோ ஹோதி, தாவ ஸேனாஸனானி பஹொந்தி. ஸாஸனே ஏகச்சே ஆஸவட்டா²னீயா த⁴ம்மா ந உப்பஜ்ஜந்தி. வேபுல்லமஹத்தங் பன பத்தே தே உப்பஜ்ஜந்தி. அத² ஸத்தா² ஸாவகானங் ஸிக்கா²பத³ங் பஞ்ஞபேதி. தத்த² வேபுல்லமஹத்தங் பத்தே ஸங்கே⁴ பஞ்ஞத்தஸிக்கா²பதா³னி ‘‘யோ பன பி⁴க்கு² அனுபஸம்பன்னேன உத்தரி தி³ரத்ததிரத்தங் ஸஹஸெய்யங் கப்பெய்ய, பாசித்தியங்’’
லாப⁴க்³க³மஹத்தந்தி லாப⁴ஸ்ஸ அக்³க³மஹத்தங்; யோ லாப⁴ஸ்ஸ அக்³கோ³ உத்தமோ மஹந்தபா⁴வோ, தங் பத்தோ ஹோதீதி அத்தோ². லாபே⁴ன வா அக்³க³மஹத்தம்பி, லாபே⁴ன ஸெட்ட²த்தஞ்ச மஹந்தத்தஞ்ச பத்தோதி அத்தோ². ஸங்கோ⁴ ஹி யாவ ந லாப⁴க்³க³மஹத்தங் பத்தோ ஹோதி, தாவ ந லாப⁴ங் படிச்ச ஆஸவட்டா²னீயா த⁴ம்மா உப்பஜ்ஜந்தி. பத்தே பன உப்பஜ்ஜந்தி, அத² ஸத்தா² ஸாவகானங் ஸிக்கா²பத³ங் பஞ்ஞபேதி
பா³ஹுஸச்சமஹத்தந்தி பா³ஹுஸச்சஸ்ஸ மஹந்தபா⁴வங். ஸங்கோ⁴ ஹி யாவ ந பா³ஹுஸச்சமஹத்தங் பத்தோ ஹோதி, தாவ ந ஆஸவட்டா²னீயா த⁴ம்மா உப்பஜ்ஜந்தி. பா³ஹுஸச்சமஹத்தங் பத்தே பன யஸ்மா ஏகம்பி நிகாயங், த்³வேபி…பே॰… பஞ்சபி நிகாயே உக்³க³ஹெத்வா அயோனிஸோ உம்முஜ்ஜமானா புக்³க³லா ரஸேன ரஸங் ஸங்ஸந்தி³த்வா உத்³த⁴ம்மங் உப்³பி³னயங் ஸத்து²ஸாஸனங் தீ³பெந்தி. அத² ஸத்தா² ‘‘யோ பன பி⁴க்கு² ஏவங் வதெ³ய்ய – ததா²ஹங் ப⁴க³வதா த⁴ம்மங் தே³ஸிதங் ஆஜானாமி…பே॰… ஸமணுத்³தே³ஸோபி சே ஏவங் வதெ³ய்யா’’திஆதி³னா (பாசி॰ 418) நயேன ஸிக்கா²பத³ங் பஞ்ஞபேதீதி.
ஏவங் ‘‘நிரப்³பு³தோ³ ஹி ஸாரிபுத்தா’’திஆதி³மாஹ. தத்த² நிரப்³பு³தோ³தி அப்³பு³த³விரஹிதோ; அப்³பு³தா³ வுச்சந்தி சோரா, நிச்சோரோதி அத்தோ². சோராதி ச இமஸ்மிங் அத்தே² து³ஸ்ஸீலாவ அதி⁴ப்பேதா. தே ஹி அஸ்ஸமணாவ ஹுத்வா ஸமணபடிஞ்ஞதாய பரேஸங் பச்சயே சோரெந்தி. தஸ்மா நிரப்³பு³தோ³தி நிச்சோரோ, நித்³து³ஸ்ஸீலோதி வுத்தங் ஹோதி. நிராதீ³னவோதி நிருபத்³த³வோ நிருபஸக்³கோ³; து³ஸ்ஸீலாதீ³னவரஹிதோயேவாதி வுத்தங் ஹோதி. அபக³தகாளகோதி காளகா வுச்சந்தி து³ஸ்ஸீலாயேவ; தே ஹி ஸுவண்ணவண்ணாபி ஸமானா காளகத⁴ம்மயோகா³ காளகாத்வேவ வேதி³தப்³பா³. தேஸங் அபா⁴வா அபக³தகாளகோ ஸுத்³தோ⁴தி அபக³தகாளகத்தாயேவ ஸுத்³தோ⁴ பரியோதா³தோ பப⁴ஸ்ஸரோ. ஸாரே பதிட்டி²தோதி ஸாரோ வுச்சந்தி ஸீல-ஸமாதி⁴-பஞ்ஞாவிமுத்தி-விமுத்திஞாணத³ஸ்ஸனகு³ணா, தஸ்மிங் ஸாரே பதிட்டி²தத்தா ஸாரே பதிட்டி²தோ.
ஏவங் ஸாரே பதிட்டி²தபா⁴வங் வத்வா புன ஸோ சஸ்ஸ ஸாரே பதிட்டி²தபா⁴வோ ஏவங் வேதி³தப்³போ³தி த³ஸ்ஸெந்தோ இமேஸஞ்ஹி ஸாரிபுத்தாதி ஆதி³மாஹ. தத்ராயங் ஸங்கே²பவண்ணனா – யானிமானி வேரஞ்ஜாயங் ஸோதாபன்னோதி ஸோதங் ஆபன்னோ; ஸோதோதி ச மக்³க³ஸ்ஸேதங் அதி⁴வசனங். ஸோதாபன்னோதி தேன ஸமன்னாக³தஸ்ஸ புக்³க³லஸ்ஸ. யதா²ஹ –
‘‘ஸோதோ ஸோதோதி ஹித³ங், ஸாரிபுத்த, வுச்சதி; கதமோ நு கோ², ஸாரிபுத்த, ஸோதோதி? அயமேவ ஹி, ப⁴ந்தே, அரியோ அட்ட²ங்கி³கோ மக்³கோ³, ஸெய்யதி²த³ங் – ஸம்மாதி³ட்டி²…பே॰… ஸம்மாஸமாதீ⁴’’தி. ‘‘ஸோதாபன்னோ ஸோதாபன்னோதி ஹித³ங், ஸாரிபுத்த, வுச்சதி; கதமோ நு கோ², ஸாரிபுத்த, ஸோதாபன்னோ’’தி? ‘‘யோ ஹி, ப⁴ந்தே, இமினா அரியேன அட்ட²ங்கி³கேன மக்³கே³ன ஸமன்னாக³தோ, அயங் வுச்சதி – ஸோதாபன்னோ. ஸோயமாயஸ்மா ஏவங்னாமோ ஏவங்கொ³த்தோ’’தி (ஸங்॰ நி॰ 5.1001). இத⁴ பன மக்³கே³ன ப²லஸ்ஸ நாமங் தி³ன்னங். தஸ்மா ப²லட்டோ² ‘‘ஸோதாபன்னோ’’தி வேதி³தப்³போ³.
அவினிபாதத⁴ம்மோதி வினிபாதேதீதி வினிபாதோ; நாஸ்ஸ வினிபாதோ த⁴ம்மோதி அவினிபாதத⁴ம்மோ, ந அத்தானங் அபாயேஸு வினிபாதனஸபா⁴வோதி வுத்தங் ஹோதி. கஸ்மா? யே த⁴ம்மா அபாயக³மனீயா, தேஸங் பரிக்க²யா. வினிபதனங் வா வினிபாதோ, நாஸ்ஸ வினிபாதோ த⁴ம்மோதி அவினிபாதத⁴ம்மோ, அபாயேஸு வினிபாதனஸபா⁴வோ அஸ்ஸ நத்தீ²தி வுத்தங் ஹோதி. ஸம்மத்தனியாமேன மக்³கே³ன நியதோ. ஸம்போ³தி⁴ பரங் அயனங் பரா க³தி அஸ்ஸாதி ஸம்போ³தி⁴பராயணோ. உபரி மக்³க³த்தயங் அவஸ்ஸங் ஸம்பாபகோதி அத்தோ². கஸ்மா? படிலத்³த⁴பட²மமக்³க³த்தாதி.
வினயபஞ்ஞத்தியாசனகதா² நிட்டி²தா.
பு³த்³தா⁴சிண்ணகதா²
22. ஏவங் த⁴ம்மஸேனாபதிங் ஸஞ்ஞாபெத்வா வேரஞ்ஜாயங் தங் வஸ்ஸாவாஸங் வீதினாமெத்வா வுத்த²வஸ்ஸோ மஹாபவாரணாய பவாரெத்வா அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி. ஆமந்தேஸீதி ஆலபி அபா⁴ஸி ஸம்போ³தே⁴ஸி. கிந்தி? ஆசிண்ணங் கோ² பனேதந்தி ஏவமாதி³. ஆசிண்ணந்தி சரிதங் வத்தங் அனுத⁴ம்மதா. தங் கோ² பனேதங் ஆசிண்ணங் து³வித⁴ங் ஹோதி – பு³த்³தா⁴சிண்ணங், ஸாவகாசிண்ணந்தி. கதமங் பு³த்³தா⁴சிண்ணங்? இத³ங் தாவ ஏகங் – யேஹி நிமந்திதா வஸ்ஸங் வஸந்தி, ந தே அனபலோகெத்வா அனாபுச்சி²த்வா ஜனபத³சாரிகங் பக்கமந்தி. ஸாவகா பன அபலோகெத்வா வா அனபலோகெத்வா வா யதா²ஸுக²ங் பக்கமந்தி.
அபரம்பி பு³த்³தா⁴சிண்ணங் – வுத்த²வஸ்ஸா பவாரெத்வா ஜனஸங்க³ஹத்தா²ய ஜனபத³சாரிகங் பக்கமந்தியேவ. ஜனபத³சாரிகங் சரந்தா ச மஹாமண்ட³லங் மஜ்ஜி²மமண்ட³லங் அந்திமமண்ட³லந்தி இமேஸங் திண்ணங் மண்ட³லானங் அஞ்ஞதரஸ்மிங் மண்ட³லே
அபரம்பி பு³த்³தா⁴னங் ஆசிண்ணங் – தே³வஸிகங் பச்சூஸஸமயே ஸந்தங் ஸுக²ங் நிப்³பா³னாரம்மணங் கத்வா ப²லஸமாபத்திஸமாபஜ்ஜனங், ப²லஸமாபத்தியா வுட்ட²ஹித்வா தே³வஸிகங் மஹாகருணாஸமாபத்தியா ஸமாபஜ்ஜனங், ததோ வுட்ட²ஹித்வா த³ஸஸஹஸ்ஸசக்கவாளே போ³த⁴னெய்யஸத்தஸமவலோகனங்.
அபரம்பி
கதமங் ஸாவகாசிண்ணங்? பு³த்³த⁴ஸ்ஸ ப⁴க³வதோ காலே த்³விக்க²த்துங் ஸன்னிபாதோ புரே வஸ்ஸூபனாயிகாய ச கம்மட்டா²னக்³க³ஹணத்த²ங், வுத்த²வஸ்ஸானஞ்ச அதி⁴க³தகு³ணாரோசனத்த²ங் உபரி கம்மட்டா²னக்³க³ஹணத்த²ஞ்ச ‘‘ஆசிண்ணங் கோ² பனேதங், ஆனந்த³, ததா²க³தான’’ந்தி.
ஆயாமாதி ஆக³ச்ச² யாம. அபலோகெஸ்ஸாமாதி சாரிகங் சரணத்தா²ய ஆபுச்சி²ஸ்ஸாம. ஏவந்தி ஸம்படிச்ச²னத்தே² நிபாதோ. ப⁴ந்தேதி கா³ரவாதி⁴வசனமேதங்; ஸத்து²னோ படிவசனதா³னந்திபி வட்டதி. ப⁴க³வதோ பச்சஸ்ஸோஸீதி ப⁴க³வதோ வசனங் படிஅஸ்ஸோஸி, அபி⁴முகோ² ஹுத்வா ஸுணி ஸம்படிச்சி². ஏவந்தி இமினா வசனேன படிக்³க³ஹேஸீதி வுத்தங் ஹோதி.
அத² கோ² ப⁴க³வா நிவாஸெத்வாதி இத⁴ புப்³ப³ண்ஹஸமயந்தி வா ஸாயன்ஹஸமயந்தி வா ந வுத்தங். ஏவங் ஸந்தேபி ப⁴க³வா கதப⁴த்தகிச்சோ மஜ்ஜ²ன்ஹிகங் வீதினாமெத்வா ஆயஸ்மந்தங் ஆனந்த³ங் பச்சா²ஸமணங் கத்வா நக³ரத்³வாரதோ பட்டா²ய நக³ரவீதி²யோ ஸுவண்ணரஸபிஞ்ஜராஹி ரங்ஸீஹி ஸமுஜ்ஜோதயமானோ யேன வேரஞ்ஜஸ்ஸ ப்³ராஹ்மணஸ்ஸ நிவேஸனங் தேனுபஸங்கமி. க⁴ரத்³வாரே டி²தமத்தமேவ சஸ்ஸ ப⁴க³வந்தங் தி³ஸ்வா பரிஜனோ ஆரோசேஸி. ப்³ராஹ்மணோ ஸதிங் படிலபி⁴த்வா ஸங்வேக³ஜாதோ ஸஹஸா வுட்டா²ய மஹாரஹங் ஆஸனங் பஞ்ஞபெத்வா ப⁴க³வந்தங் பச்சுக்³க³ம்ம ‘‘இதோ, ப⁴க³வா, உபஸங்கமதூ’’தி ஆஹ. ப⁴க³வா உபஸங்கமித்வா பஞ்ஞத்தே ஆஸனே நிஸீதி³. அத² கோ² வேரஞ்ஜோ ப்³ராஹ்மணோ ப⁴க³வந்தங் உபனிஸீதி³துகாமோ அத்தனா டி²தபதே³ஸதோ யேன ப⁴க³வா தேனுபஸங்கமி. இதோ பரங் உத்தானத்த²மேவ.
யங் பன ப்³ராஹ்மணோ ஆஹ – ‘‘அபிச யோ தெ³ய்யத⁴ம்மோ, ஸோ ந தி³ன்னோ’’தி. தத்ராயமதி⁴ப்பாயோ தஞ்ச கோ² நோ அஸந்தந்தி எத்த² பன லிங்க³விபல்லாஸோ வேதி³தப்³போ³. ஸோ ச கோ² தெ³ய்யத⁴ம்மோ அம்ஹாகங் நோ அஸந்தோதி அயஞ்ஹெத்த² அத்தோ². அத²
நோபி அதா³துகம்யதாதி அதா³துகாமதாபி தங் குதெத்த² லப்³பா⁴ ப³ஹுகிச்சா க⁴ராவாஸாதி தத்ராயங் யோஜனா – யஸ்மா ப³ஹுகிச்சா க⁴ராவாஸா, தஸ்மா எத்த² ஸந்தேபி தெ³ய்யத⁴ம்மே தா³துகம்யதாய ச தங் குதோ லப்³பா⁴ குதோ தங் ஸக்கா லத்³து⁴ங், யங் மயங் தும்ஹாகங் தெ³ய்யத⁴ம்மங் த³தெ³ய்யாமாதி க⁴ராவாஸங் க³ரஹந்தோ ஆஹ. ஸோ கிர மாரேன ஆவட்டிதபா⁴வங் ந ஜானாதி, ‘‘க⁴ராவாஸபலிபோ³தே⁴ன மே ஸதிஸம்மோஸோ ஜாதோ’’தி மஞ்ஞி, தஸ்மா ஏவமாஹ. அபிச – தங் குதெத்த² லப்³பா⁴தி இமஸ்மிங் தேமாஸப்³ப⁴ந்தரே யமஹங் தும்ஹாகங் த³தெ³ய்யங், தங் குதோ லப்³பா⁴? ப³ஹுகிச்சா ஹி க⁴ராவாஸாதி ஏவமெத்த² யோஜனா வேதி³தப்³பா³.
அத² ப்³ராஹ்மணோ ‘‘யங்னூனாஹங் யங் மே தீஹி மாஸேஹி தா³தப்³ப³ங் ஸியா, தங் ஸப்³ப³ங் ஏகதி³வஸேனேவ த³தெ³ய்ய’’ந்தி சிந்தெத்வா அதி⁴வாஸேது மே ப⁴வங் கோ³தமோதிஆதி³மாஹ. தத்த² ஸ்வாதனாயாதி யங் மே தும்ஹேஸு ஸக்காரங் கரோதோ ஸ்வே ப⁴விஸ்ஸதி புஞ்ஞஞ்சேவ பீதிபாமோஜ்ஜஞ்ச, தத³த்தா²ய. அத² ததா²க³தோ ‘‘ஸசே அஹங் நாதி⁴வாஸெய்யங், ‘அயங் தேமாஸங் கிஞ்சி அலத்³தா⁴ குபிதோ மஞ்ஞே, தேன மே யாசியமானோ ஏகப⁴த்தம்பி ந படிக்³க³ண்ஹாதி, நத்தி² இமஸ்மிங் அதி⁴வாஸனக²ந்தி, அஸப்³ப³ஞ்ஞூ அய’ந்தி ஏவங் ப்³ராஹ்மணோ ச வேரஞ்ஜாவாஸினோ ச க³ரஹித்வா ப³ஹுங் அபுஞ்ஞங் பஸவெய்யுங், தங் தேஸங் மா அஹோஸீ’’தி தேஸங் அனுகம்பாய அதி⁴வாஸேஸி ப⁴க³வா துண்ஹீபா⁴வேன.
அதி⁴வாஸெத்வா ச அத² கோ² ப⁴க³வா வேரஞ்ஜங் ப்³ராஹ்மணங் ‘‘அலங் க⁴ராவாஸபலிபோ³த⁴சிந்தாயா’’தி ஸஞ்ஞாபெத்வா தங்க²ணானுரூபாய த⁴ம்மியா கதா²ய தி³ட்ட²த⁴ம்மிகஸம்பராயிகங் அத்த²ங் ஸந்த³ஸ்ஸெத்வா குஸலே த⁴ம்மே ஸமாத³பெத்வா க³ண்ஹாபெத்வா தத்த² ச நங் ஸமுத்தேஜெத்வா ஸஉஸ்ஸாஹங் கத்வா தாய ஸஉஸ்ஸாஹதாய அஞ்ஞேஹி ச விஜ்ஜமானகு³ணேஹி ஸம்பஹங்ஸெத்வா த⁴ம்மரதனவஸ்ஸங் வஸ்ஸெத்வா உட்டா²யாஸனா பக்காமி. பக்கந்தே ச பன ப⁴க³வதி வேரஞ்ஜோ ப்³ராஹ்மணோ புத்ததா³ரங் ஆமந்தேஸி – ‘‘மயங், ப⁴ணே, ப⁴க³வந்தங் தேமாஸங் நிமந்தெத்வா ஏகதி³வஸங் ஏகப⁴த்தம்பி நாத³ம்ஹ. ஹந்த³, தா³னி ததா² தா³னங் படியாதே³த² யதா² தேமாஸிகோபி தெ³ய்யத⁴ம்மோ ஸ்வே ஏகதி³வஸேனேவ ‘‘அத² கோ² வேரஞ்ஜோ ப்³ராஹ்மணோ தஸ்ஸா ரத்தியா அச்சயேன…பே॰… நிட்டி²தங் ப⁴த்த’’ந்தி.
23. ப⁴க³வா பி⁴க்கு²ஸங்க⁴பரிவுதோ தத்த² அக³மாஸி. தேன வுத்தங் – ‘‘அத² கோ² ப⁴க³வா…பே॰… நிஸீதி³ ஸத்³தி⁴ங் பி⁴க்கு²ஸங்கே⁴னா’’தி. அத² கோ² வேரஞ்ஜோ ப்³ராஹ்மணோ பு³த்³த⁴ப்பமுக²ங் பி⁴க்கு²ஸங்க⁴ந்தி பு³த்³த⁴ப்பமுக²ந்தி பு³த்³த⁴பரிணாயகங்; பு³த்³த⁴ங் ஸங்க⁴த்தே²ரங் கத்வா நிஸின்னந்தி வுத்தங் ஹோதி. பணீதேனாதி உத்தமேன. ஸஹத்தா²தி ஸஹத்தே²ன. ஸந்தப்பெத்வாதி ஸுட்டு² தப்பெத்வா, பரிபுண்ணங் ஸுஹிதங் யாவத³த்த²ங் கத்வா. ஸம்பவாரெத்வாதி ஸுட்டு² பவாரெத்வா ‘அல’ந்தி ஹத்த²ஸஞ்ஞாய முக²ஸஞ்ஞாய வசீபே⁴தே³ன ச படிக்கி²பாபெத்வா. பு⁴த்தாவிந்தி பு⁴த்தவந்தங். ஓனீதபத்தபாணிந்தி பத்ததோ ஓனீதபாணிங்; அபனீதஹத்த²ந்தி வுத்தங் ஹோதி. திசீவரேன அச்சா²தே³ஸீதி திசீவரங் ப⁴க³வதோ அதா³ஸி. இத³ங் பன வோஹாரவசனமத்தங் ஹோதி ‘‘திசீவரேன அச்சா²தே³ஸீ’’தி, தஸ்மிஞ்ச திசீவரே ஏகமேகோ ஸாடகோ ஸஹஸ்ஸங் அக்³க⁴தி. இதி ப்³ராஹ்மணோ ப⁴க³வதோ திஸஹஸ்ஸக்³க⁴னகங் திசீவரமதா³ஸி உத்தமங் காஸிகவத்த²ஸதி³ஸங். ஏகமேகஞ்ச பி⁴க்கு²ங் ஏகமேகேன து³ஸ்ஸயுகே³னாதி ஏகமேகேன து³ஸ்ஸயுக³ளேன. தத்ர ஏகஸாடகோ பஞ்சஸதானி அக்³க⁴தி. ஏவங் பஞ்சன்னங் பி⁴க்கு²ஸதானங் பஞ்சஸதஸஹஸ்ஸக்³க⁴னகானி து³ஸ்ஸானி அதா³ஸி. ப்³ராஹ்மணோ எத்தகம்பி த³த்வா அதுட்டோ² புன ஸத்தட்ட²ஸஹஸ்ஸக்³க⁴னகே அனேகரத்தகம்ப³லே ச பட்டுண்ணபத்தபடே ச பா²லெத்வா பா²லெத்வா ஆயோக³அங்ஸப³த்³த⁴ககாயப³ந்த⁴னபரிஸ்ஸாவனாதீ³னங் அத்தா²ய அதா³ஸி. ஸதபாகஸஹஸ்ஸபாகானஞ்ச பே⁴ஸஜ்ஜதேலானங் தும்பா³னி பூரெத்வா ஏகமேகஸ்ஸ பி⁴க்கு²னோ அப்³ப⁴ஞ்ஜனத்தா²ய ஸஹஸ்ஸக்³க⁴னகங் தேலமதா³ஸி. கிங் ப³ஹுனா, சதூஸு பச்சயேஸு ந கோசி பரிக்கா²ரோ ஸமணபரிபோ⁴கோ³
ஏவங் மஹாயாக³ங் யஜித்வா ஸபுத்ததா³ரங் வந்தி³த்வா நிஸின்னங் அத² கோ² ப⁴க³வா வேரஞ்ஜங் ப்³ராஹ்மணங் தேமாஸங் மாராவட்டனேன த⁴ம்மஸவனாமதரஸபரிபோ⁴க³பரிஹீனங் ஏகதி³வஸேனேவ த⁴ம்மாமதவஸ்ஸங் வஸ்ஸெத்வா புரிபுண்ணஸங்கப்பங் குருமானோ த⁴ம்மியா கதா²ய ஸந்த³ஸ்ஸெத்வா…பே॰… உட்டா²யாஸனா பக்காமி. ப்³ராஹ்மணோபி ஸபுத்ததா³ரோ ப⁴க³வந்தஞ்ச பி⁴க்கு²ஸங்க⁴ஞ்ச வந்தி³த்வா ‘‘புனபி, ப⁴ந்தே, அம்ஹாகங் அனுக்³க³ஹங் கரெய்யாதா²’’தி ஏவமாதீ³னி வத³ந்தோ அனுப³ந்தி⁴த்வா அஸ்ஸூனி பவத்தயமானோ நிவத்தி.
அத² கோ² ப⁴க³வா வேரஞ்ஜாயங் யதா²பி⁴ரந்தங் விஹரித்வாதி யதா²ஜ்ஜா²ஸயங் யதா²ருசிதங் வாஸங் வஸித்வா வேரஞ்ஜாய நிக்க²மித்வா மஹாமண்ட³லே சாரிகாய சரணகாலே க³ந்தப்³ப³ங் பு³த்³த⁴வீதி² பஹாய து³ப்³பி⁴க்க²தோ³ஸேன ‘‘அனுபக³ம்ம ஸோரெய்யங்…பே॰… வேஸாலியங் விஹரதி மஹாவனே கூடாகா³ரஸாலாய’’ந்தி.
பு³த்³தா⁴சிண்ணகதா² நிட்டி²தா.
ஸமந்தபாஸாதி³காய வினயஸங்வண்ணனாய
வேரஞ்ஜகண்ட³வண்ணனா நிட்டி²தா.
தத்ரித³ங் ஸமந்தபாஸாதி³காய ஸமந்தபாஸாதி³கத்தஸ்மிங் –
ஆசரியபரம்பரதோ, நிதா³னவத்து²ப்பபே⁴த³தீ³பனதோ;
பரஸமயவிவஜ்ஜனதோ, ஸகஸமயவிஸுத்³தி⁴தோ சேவ.
ப்³யஞ்ஜனபரிஸோத⁴னதோ, பத³த்த²தோ பாளியோஜனக்கமதோ;
ஸிக்கா²பத³னிச்ச²யதோ, விப⁴ங்க³னயபே⁴த³த³ஸ்ஸனதோ.
ஸம்பஸ்ஸதங் ந தி³ஸ்ஸதி, கிஞ்சி அபாஸாதி³கங் யதோ எத்த²;
விஞ்ஞூனமயங் தஸ்மா, ஸமந்தபாஸாதி³காத்வேவ.
ஸங்வண்ணனா
வுத்தஸ்ஸ லோகனாதே²ன, லோகமனுகம்பமானேனாதி.
வேரஞ்ஜகண்ட³வண்ணனா நிட்டி²தா.