6. பாடிதே³ஸனீயகண்ட³ங்
1. பட²மபாடிதே³ஸனீயஸிக்கா²பத³வண்ணனா
பாடிதே³ஸனீயா
ட²பிதா யே அயங் தா³னி, தேஸங் ப⁴வதி வண்ணனா.
552. பட²மபாடிதே³ஸனீயே தாவ படிக்கமனகாலேதி பிண்டா³ய சரித்வா படிஆக³மனகாலே. ஸப்³பே³வ அக்³க³ஹேஸீதி ஸப்³ப³மேவ அக்³க³ஹேஸி. பவேதெ⁴ந்தீதி கம்பமானா. அபேஹீதி அபக³ச்ச².
553-5. கா³ரய்ஹங் ஆவுஸோதிஆதி³ படிதே³ஸேதப்³பா³காரத³ஸ்ஸனங். ரதி²காதி ரச்சா². ப்³யூஹந்தி அனிப்³பி³ஜ்ஜி²த்வா டி²தா க³தபச்சாக³தரச்சா². ஸிங்கா⁴டகந்தி சதுக்கோணங் வா திகோணங் வா மக்³க³ஸமோதா⁴னட்டா²னங். க⁴ரந்தி குலக⁴ரங். ஏதேஸு யத்த² கத்த²சி ட²த்வா க³ண்ஹந்தஸ்ஸ க³ஹணே து³க்கடங், அஜ்ஜோ²ஹாரே அஜ்ஜோ²ஹாரக³ணனாய பாடிதே³ஸனீயங். ஹத்தி²ஸாலாதீ³ஸு க³ண்ஹந்தஸ்ஸாபி ஏஸேவ நயோ. பி⁴க்கு²னீ ரதி²காய ட²த்வா தே³தி, பி⁴க்கு² ஸசேபி அந்தராராமாதீ³ஸு ட²த்வா க³ண்ஹாதி, ஆபத்தியேவ. ‘‘அந்தரக⁴ரங் பவிட்டா²யா’’தி ஹி வசனதோ பி⁴க்கு²னியா அந்தரக⁴ரே ட²த்வா த³த³மானாய வஸேனெத்த² ஆபத்தி வேதி³தப்³பா³, பி⁴க்கு²ஸ்ஸ டி²தட்டா²னங் பன அப்பமாணங். தஸ்மா ஸசேபி வீதி²ஆதீ³ஸு டி²தோ பி⁴க்கு² அந்தராராமாதீ³ஸு ட²த்வா த³த³மானாய பி⁴க்கு²னியா க³ண்ஹாதி, அனாபத்தியேவ.
யாமகாலிகங் ஸத்தாஹகாலிகங் யாவஜீவிகங் ஆஹாரத்தா²ய படிக்³க³ண்ஹாதி, ஆபத்தி து³க்கடஸ்ஸ. அஜ்ஜோ²ஹாரே அஜ்ஜோ²ஹாரே ஆபத்தி து³க்கடஸ்ஸாதி இத³ங் ஆமிஸேன அஸம்பி⁴ன்னங் ஸந்தா⁴ய வுத்தங், ஸம்பி⁴ன்னே பன ஏகதோ உபஸம்பன்னாயாதி பி⁴க்கு²னீனங் ஸந்திகே உபஸம்பன்னாய. பி⁴க்கூ²னங் ஸந்திகே உபஸம்பன்னாய பன யதா²வத்து²கமேவ.
556. தா³பேதி ந தே³தீதி அஞ்ஞாதிகா அஞ்ஞேன கேனசி தா³பேதி தங் க³ண்ஹந்தஸ்ஸ அனாபத்தி. உபனிக்கி²பித்வா தே³தீதி பூ⁴மியங் ட²பெத்வா ‘‘இத³ங் அய்ய தும்ஹாகங் த³ம்மீ’’தி தே³தி, ஏவங் தி³ன்னங் ‘‘ஸாது⁴ ப⁴கி³னீ’’தி ஸம்படிச்சி²த்வா தாய ஏவ வா பி⁴க்கு²னியா அஞ்ஞேன வா கேனசி படிக்³க³ஹாபெத்வா பு⁴ஞ்ஜிதுங் வட்டதி. ஸிக்க²மானாய ஸாமணேரியாதி ஏதாஸங் த³த³மானானங் க³ண்ஹந்தஸ்ஸ அனாபத்தி. ஸேஸமெத்த² உத்தானமேவ.
ஏளகலோமஸமுட்டா²னங் – கிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், திசித்தங், திவேத³னந்தி.
பட²மபாடிதே³ஸனீயங்.
2. து³தியபாடிதே³ஸனீயஸிக்கா²பத³வண்ணனா
558. து³தியே அபஸக்க தாவ ப⁴கி³னீதிஆதி³ அபஸாதே³தப்³பா³காரத³ஸ்ஸனங்.
561. அத்தனோ ப⁴த்தங் தா³பேதி ந தே³தீதி எத்த² ஸசேபி அத்தனோ ப⁴த்தங் தே³தி, இமினா ஸிக்கா²பதே³ன அனாபத்தியேவ, புரிமஸிக்கா²பதே³ன ஆபத்தி. அஞ்ஞேஸங் ப⁴த்தங் தே³தி ந தா³பேதீதி எத்த² ஸசேபி தா³பெய்ய, இமினா ஸிக்கா²பதே³ன ஆபத்தி ப⁴வெய்ய. தெ³ந்தியா பன நேவ இமினா ந புரிமேன ஆபத்தி. ஸேஸமெத்த² உத்தானமேவ. கதி²னஸமுட்டா²னங் – கிரியாகிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், வசீகம்மங், திசித்தங், திவேத³னந்தி.
து³தியபாடிதே³ஸனீயங்.
3. ததியபாடிதே³ஸனீயஸிக்கா²பத³வண்ணனா
562. ததியே – உப⁴தோபஸன்னந்தி த்³வீஹி பஸன்னங் உபாஸகேனபி உபாஸிகாயபி. தஸ்மிங் கிர குலே உபோ⁴பி தே ஸோதாபன்னாயேவ. போ⁴கே³ன ஹாயதீதி ஏதி³ஸஞ்ஹி குலங் ஸசேபி அஸீதிகோடித⁴னங்
569. க⁴ரதோ நீஹரித்வா தெ³ந்தீதி ஆஸனஸாலங் வா விஹாரங் வா ஆனெத்வா தெ³ந்தி. ஸசேபி அனாக³தே பி⁴க்கு²ம்ஹி பட²மங்யேவ நீஹரித்வா த்³வாரே ட²பெத்வா பச்சா² ஸம்பத்தஸ்ஸ தெ³ந்தி, வட்டதி. பி⁴க்கு²ங் பன தி³ஸ்வா அந்தோகே³ஹதோ நீஹரித்வா தி³ய்யமானங் ந வட்டதீதி மஹாபச்சரியங் வுத்தங். ஸேஸமெத்த² உத்தானமேவ
ததியபாடிதே³ஸனீயங்.
4. சதுத்த²பாடிதே³ஸனீயஸிக்கா²பத³வண்ணனா
570. சதுத்தே² – அவருத்³தா⁴ ஹொந்தீதி படிவிருத்³தா⁴ ஹொந்தி.
573. பஞ்சன்னங் படிஸங்விதி³தந்தி பஞ்சஸு ஸஹத⁴ம்மிகேஸு யங்கிஞ்சி பேஸெத்வா கா²த³னீயங் போ⁴ஜனீயங் ஆஹரிஸ்ஸாமாதி படிஸங்விதி³தங் கதம்பி அப்படிஸங்விதி³தமேவாதி அத்தோ². ஆராமங் ஆராமூபசாரங் ட²பெத்வாதி ஆரஞ்ஞகஸேனாஸனாராமஞ்ச தஸ்ஸ உபசாரஞ்ச ஸசே ஸாஸங்கங் ஹோதி ஸாஸங்கந்தி ஆசிக்கி²தப்³ப³ந்தி கஸ்மா ஆசிக்கி²தப்³ப³ங்? ஆராமே சோரே வஸந்தே அம்ஹாகங் நாரோசெந்தீதி வசனபடிமோசனத்த²ங். சோரா வத்தப்³பா³ மனுஸ்ஸா இதூ⁴பசரந்தீதி கஸ்மா வத்தப்³ப³ங்? அத்தனோ உபட்டா²கேஹி அம்ஹே க³ண்ஹாபெந்தீதி வசனபடிமோசனத்த²ங்.
யாகு³யா படிஸங்விதி³தே தஸ்ஸா பரிவாரோ ஆஹரிய்யதீதி யாகு³யா படிஸங்விதி³தங் கத்வா ‘‘கிங் ஸுத்³த⁴யாகு³யா தி³ன்னாய பூவப⁴த்தாதீ³னிபி ஏதிஸ்ஸா யாகு³யா பரிவாரங் கத்வா த³ஸ்ஸாமா’’தி ஏவங் யங் கிஞ்சி ஆஹரந்தி, ஸப்³ப³ங் படிஸங்விதி³தமேவ ஹோதி. ப⁴த்தேன படிஸங்விதி³தேதிஆதீ³ஸுபி ஏஸேவ நயோ. அஸுகங் நாம குலங் படிஸங்விதி³தங் கத்வா கா²த³னீயாதீ³னி க³ஹெத்வா க³ச்ச²தீதி ஸுத்வா அஞ்ஞானிபி தேன ஸத்³தி⁴ங் அத்தனோ தெ³ய்யத⁴ம்மங் ஆஹரந்தி, வட்டதி. யாகு³யா படிஸங்விதி³தங் கத்வா பூவங் வா ப⁴த்தங் வா ஆஹரந்தி, ஏதம்பி வட்டதீதி குருந்தி³யங் வுத்தங்.
575. கி³லானஸ்ஸாதி படிஸங்விதி³தே வா கி³லானஸ்ஸ வா ஸேஸகந்தி ஏகஸ்ஸத்தா²ய படிஸங்விதி³தங் கத்வா ஆஹடங், தஸ்ஸ ஸேஸகங் அஞ்ஞஸ்ஸாபி பு⁴ஞ்ஜிதுங் வட்டதி. சதுன்னங் பஞ்சன்னங் வா படிஸங்விதி³தங் கத்வா ப³ஹுங் ஆஹடங் ஹோதி, அஞ்ஞேஸம்பி தா³துங் இச்ச²ந்தி, ஏதம்பி தத்த²ஜாதகந்தி ஆராமே ஜாதகமேவ; மூலகா²த³னீயாதி³ங் அஞ்ஞேன கப்பியங் கத்வா தி³ன்னங் பரிபு⁴ஞ்ஜதோ அனாபத்தி. ஸசே பன தங் கா³மங் ஹரித்வா பசித்வா ஆஹரந்தி, ந வட்டதி. படிஸங்விதி³தங் காரேதப்³ப³ங். ஸேஸமெத்த² உத்தானமேவ.
கதி²னஸமுட்டா²னங் – கிரியாகிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், வசீகம்மங், திசித்தங், திவேத³னந்தி.
சதுத்த²பாடிதே³ஸனீயங்
ஸமந்தபாஸாதி³காய வினயஸங்வண்ணனாய
பாடிதே³ஸனீயவண்ணனா நிட்டி²தா.
பாடிதே³ஸனீயகண்ட³ங் நிட்டி²தங்.