நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
வினயபிடகே
மஹாவக்³க³-அட்ட²கதா²
1. மஹாக²ந்த⁴கங்
போ³தி⁴கதா²
உபி⁴ன்னங்
ஸங்கா³யிங்ஸு மஹாதே²ரா, க²ந்த⁴கங் க²ந்த⁴கோவிதா³.
யங் தஸ்ஸ தா³னி ஸம்பத்தோ, யஸ்மா ஸங்வண்ணனாக்கமோ;
தஸ்மா ஹோதி அயங் தஸ்ஸ, அனுத்தானத்த²வண்ணனா.
பத³பா⁴ஜனியே அத்தா², யேஹி யேஸங் பகாஸிதா;
தே சே புன வதெ³ய்யாம, பரியோஸானங் கதா³ ப⁴வே.
உத்தானா
அதி⁴ப்பாயானுஸந்தீ⁴ஹி, ப்³யஞ்ஜனேன ச யே பன.
அனுத்தானா ந தே யஸ்மா, ஸக்கா ஞாதுங் அவண்ணிதா;
தேஸங்யேவ அயங் தஸ்மா, ஹோதி ஸங்வண்ணனானயோதி.
1. தேன ஸமயேன பு³த்³தோ⁴ ப⁴க³வா உருவேலாயங் விஹரதி நஜ்ஜா நேரஞ்ஜராய தீரே போ³தி⁴ருக்க²மூலே பட²மாபி⁴ஸம்பு³த்³தோ⁴தி எத்த² கிஞ்சாபி ‘‘தேன ஸமயேன பு³த்³தோ⁴ ப⁴க³வா வேரஞ்ஜாய’’ந்திஆதீ³ஸு விய கரணவசனே விஸேஸகாரணங் நத்தி², வினயங் பத்வா பன கரணவசனேனேவ அயமபி⁴லாபோ ஆரோபிதோதி ஆதி³தோ பட்டா²ய ஆருள்ஹாபி⁴லாபவஸேனேவேதங் வுத்தந்தி வேதி³தப்³ப³ங். ஏஸ நயோ அஞ்ஞேஸுபி இதோ பரேஸு ஏவரூபேஸு.
கிங் பனேதஸ்ஸ
தத்த² உருவேலாயந்தி மஹாவேலாயங்; மஹந்தே வாலிகராஸிம்ஹீதி அத்தோ². அத² வா ‘‘உரூ’’தி வாலிகா வுச்சதி; ‘‘வேலா’’தி மரியாதா³; வேலாதிக்கமனஹேது ஆஹடா உரு உருவேலாதி ஏவம்பெத்த² அத்தோ² த³ட்ட²ப்³போ³. அதீதே கிர அனுப்பன்னே பு³த்³தே⁴ த³ஸஸஹஸ்ஸகுலபுத்தா தாபஸபப்³ப³ஜ்ஜங் பப்³ப³ஜித்வா தஸ்மிங் பதே³ஸே விஹரந்தா ஏகதி³வஸங் ஸன்னிபதித்வா கதிகவத்தங் அகங்ஸு – ‘‘காயகம்மவசீகம்மானி நாம பரேஸம்பி பாகடானி ஹொந்தி, மனோகம்மங் பன அபாகடங்; தஸ்மா யோ காமவிதக்கங் வா ப்³யாபாத³விதக்கங் வா விஹிங்ஸாவிதக்கங் வா விதக்கேதி, தஸ்ஸ அஞ்ஞோ சோத³கோ நாம நத்தி², ஸோ அத்தனாவ அத்தானங் சோதெ³த்வா பத்தபுடேன வாலிகங் ஆஹரித்வா இமஸ்மிங் டா²னே ஆகிரது, இத³மஸ்ஸ த³ண்ட³கம்ம’’ந்தி. ததோ பட்டா²ய யோ தாதி³ஸங் விதக்கங் விதக்கேதி, ஸோ தத்த² பத்தபுடேன வாலிகங் ஆகிரதி. ஏவங் தத்த² அனுக்கமேன மஹாவாலிகராஸி ஜாதோ, ததோ நங்
போ³தி⁴ருக்க²மூலேதி போ³தி⁴ வுச்சதி சதூஸு மக்³கே³ஸு ஞாணங்; தங் போ³தி⁴ங் ப⁴க³வா எத்த² பத்தோதி ருக்கோ²பி ‘‘போ³தி⁴ருக்கோ²’’த்வேவ நாமங் லபி⁴, தஸ்ஸ போ³தி⁴ருக்க²ஸ்ஸ மூலே போ³தி⁴ருக்க²மூலே. பட²மாபி⁴ஸம்பு³த்³தோ⁴தி ஏகபல்லங்கேனாதி ஸகிம்பி அனுட்ட²ஹித்வா யதா²ஆபு⁴ஜிதேன ஏகேனேவ பல்லங்கேன. விமுத்திஸுக²படிஸங்வேதீ³தி விமுத்திஸுக²ங் ப²லஸமாபத்திஸுக²ங் படிஸங்வேத³யமானோ.
படிச்சஸமுப்பாத³ந்தி அனுலோமபடிலோமந்தி அனுலோமஞ்ச படிலோமஞ்ச. தத்த² ‘‘அவிஜ்ஜாபச்சயா ஸங்கா²ரா’’திஆதி³னா நயேன வுத்தோ அவிஜ்ஜாதி³கோ பச்சயாகாரோ அத்தனா கத்தப்³ப³கிச்சகரணதோ ‘‘அனுலோமோ’’தி வுச்சதி. ‘‘அவிஜ்ஜாய த்வேவ அஸேஸவிராக³னிரோதா⁴ ஸங்கா²ரனிரோதோ⁴’’திஆதி³னா நயேன வுத்தோ ஸ்வேவ அனுப்பாத³னிரோதே⁴ன நிருஜ்ஜ²மானோ தங் கிச்சங் ந கரோதீதி தஸ்ஸ அகரணதோ ‘‘படிலோமோ’’தி வுச்சதி. புரிமனயேன வா வுத்தோ பவத்தியா அனுலோமோ, இதரோ தஸ்ஸா படிலோமோதி ஏவம்பெத்த² அத்தோ² த³ட்ட²ப்³போ³. ஆதி³தோ பன பட்டா²ய யாவ அந்தங், அந்ததோ ச பட்டா²ய யாவ ஆதி³ங் பாபெத்வா அவுத்தத்தா இதோ அஞ்ஞேனத்தே²ன அனுலோமபடிலோமதா ந யுஜ்ஜதி.
மனஸாகாஸீதி மனஸி அகாஸி. தத்த² யதா² அனுலோமங் மனஸி அகாஸி, இத³ங் தாவ த³ஸ்ஸேதுங் ‘‘அவிஜ்ஜாபச்சயா ஸங்கா²ரா’’திஆதி³ வுத்தங். தத்த² அவிஜ்ஜா ச ஸா பச்சயோ சாதி அவிஜ்ஜாபச்சயோ. தஸ்மா அவிஜ்ஜாபச்சயா ஸங்கா²ரா ஸம்ப⁴வந்தீதி இமினா நயேன ஸப்³ப³பதே³ஸு அத்தோ² வேதி³தப்³போ³. அயமெத்த² ஸங்கே²போ. வித்தா²ரோ பன ஸப்³பா³காரஸம்பன்னங் வினிச்ச²யங் இச்ச²ந்தேன விஸுத்³தி⁴மக்³க³தோவ க³ஹேதப்³போ³.
யதா² பன படிலோமங் மனஸி அகாஸி, இத³ங் த³ஸ்ஸேதுங் அவிஜ்ஜாய த்வேவ அஸேஸவிராக³னிரோதா⁴ ஸங்கா²ரனிரோதோ⁴திஆதி³ வுத்தங். தத்த² அவிஜ்ஜாய த்வேவாதி அவிஜ்ஜாய து ஏவ. அஸேஸவிராக³னிரோதா⁴தி ஸங்கா²ரனிரோதோ⁴தி ஸங்கா²ரானங் அனுப்பாத³னிரோதோ⁴ ஹோதி. ஏவங் நிருத்³தா⁴னங் பன ஸங்கா²ரானங் நிரோதா⁴ விஞ்ஞாணங் நிருத்³த⁴ங், விஞ்ஞாணாதீ³னஞ்ச நிரோதா⁴ நாமரூபாதீ³னி நிருத்³தா⁴னியேவ ஹொந்தீதி த³ஸ்ஸேதுங் ஸங்கா²ரனிரோதா⁴ விஞ்ஞாணனிரோதோ⁴திஆதீ³னி வத்வா ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ நிரோதோ⁴ ஹோதீதி வுத்தங். தத்த² கேவலஸ்ஸாதி ஸகலஸ்ஸ; ஸுத்³த⁴ஸ்ஸ வா ஸத்தவிரஹிதஸ்ஸாதி அத்தோ². து³க்க²க்க²ந்த⁴ஸ்ஸாதி து³க்க²ராஸிஸ்ஸ. நிரோதோ⁴ ஹோதீதி அனுப்பாதோ³ ஹோதி.
ஏதமத்த²ங் விதி³த்வாதி ய்வாயங் ‘‘அவிஜ்ஜாதி³வஸேன ஸங்கா²ராதி³கஸ்ஸ து³க்க²க்க²ந்த⁴ஸ்ஸ ஸமுத³யோ ச அவிஜ்ஜானிரோதா⁴தி³வஸேன ச நிரோதோ⁴ ஹோதீ’’தி வுத்தோ, ஸப்³பா³காரேன ஏதமத்த²ங் விதி³த்வா. தாயங் வேலாயந்தி தாயங் தஸ்ஸ அத்த²ஸ்ஸ விதி³தவேலாயங். இமங் உதா³னங் உதா³னேஸீதி இமங் தஸ்மிங் விதி³தே அத்தே² ஹேதுனோ ச ஹேதுஸமுப்பன்னத⁴ம்மஸ்ஸ ச பஜானநாய ஆனுபா⁴வதீ³பகங் ‘‘யதா³ ஹவே பாதுப⁴வந்தீ’’திஆதி³கங் ஸோமனஸ்ஸயுத்தஞாணஸமுட்டா²னங் உதா³னங் உதா³னேஸி, அத்தமனவாசங் நிச்சா²ரேஸீதி வுத்தங் ஹோதி.
தஸ்ஸத்தோ² – யதா³ ஹவேதி யஸ்மிங் ப⁴வே காலே. பாதுப⁴வந்தீதி உப்பஜ்ஜந்தி. த⁴ம்மாதி அனுலோமபச்சயாகாரபடிவேத⁴ஸாத⁴கா போ³தி⁴பக்கி²யத⁴ம்மா. அத² வா பாதுப⁴வந்தீதி பகாஸந்தி; அபி⁴ஸமயவஸேன ப்³யத்தா பாகடா ஹொந்தி. த⁴ம்மாதி சதுஅரியஸச்சத⁴ம்மா. ஆதாபோ வுச்சதி கிலேஸஸந்தாபனட்டே²ன வீரியங்; ஆதாபினோதி ஸம்மப்பதா⁴னவீரியவதோ. ஜா²யதோதி ஆரம்மணூபனிஜ்ஜா²னலக்க²ணேன ச லக்க²ணூபனிஜ்ஜா²னலக்க²ணேன ச ஜா²னேன ஜா²யந்தஸ்ஸ. ப்³ராஹ்மணஸ்ஸாதி பா³ஹிதபாபஸ்ஸ கீ²ணாஸவஸ்ஸ. அத²ஸ்ஸ கங்கா² வபயந்தீதி அத²ஸ்ஸ ஏவங் பாதுபூ⁴தத⁴ம்மஸ்ஸ கங்கா² வபயந்தி. ஸப்³பா³தி யா ஏதா ‘‘கோ நு கோ² ப⁴ந்தே பு²ஸதீதி; நோ கல்லோ பஞ்ஹோதி ப⁴க³வா அவோசா’’திஆதி³னா, ததா² ‘‘கதமங் நு கோ² ப⁴ந்தே ஜராமரணங்; கஸ்ஸ ச பனித³ங் ஜராமரணந்தி யதோ பஜானாதி ஸஹேதுத⁴ம்மந்தி யஸ்மா அவிஜ்ஜாதி³கேன ஹேதுனா ஸஹேதுகங் இமங் ஸங்கா²ராதி³ங் கேவலங் து³க்க²க்க²ந்த⁴த⁴ம்மங் பஜானாதி அஞ்ஞாதி படிவிஜ்ஜ²தீதி.
2. து³தியவாரே – இமங் உதா³னங் உதா³னேஸீதி இமங் தஸ்மிங் விதி³தே அத்தே² ‘‘அவிஜ்ஜாய த்வேவ அஸேஸவிராக³னிரோதா⁴ ஸங்கா²ரனிரோதோ⁴’’தி ஏவங் பகாஸிதஸ்ஸ நிப்³பா³னஸங்கா²தஸ்ஸ பச்சயக்க²யஸ்ஸ அவபோ³தா⁴னுபா⁴வதீ³பகங்
3. ததியவாரே – இமங் உதா³னங் உதா³னேஸீதி இமங் யேன மக்³கே³ன ஸோ து³க்க²க்க²ந்த⁴ஸ்ஸ ஸமுத³யனிரோத⁴ஸங்கா²தோ அத்தோ² கிச்சவஸேன ச ஆரம்மணகிரியாய ச விதி³தோ, தஸ்ஸ அரியமக்³க³ஸ்ஸ ஆனுபா⁴வதீ³பகங் வுத்தப்பகாரங் உதா³னங் உதா³னேஸீதி அத்தோ². தத்ராபாயங் ஸங்கே²பத்தோ² – யதா³ ஹவே பாதுப⁴வந்தி த⁴ம்மா ஆதாபினோ ஜா²யதோ ப்³ராஹ்மணஸ்ஸ, ததா³ ஸோ ப்³ராஹ்மணோ தேஹி வா உப்பன்னேஹி போ³தி⁴பக்கி²யத⁴ம்மேஹி, யஸ்ஸ வா அரியமக்³க³ஸ்ஸ சதுஸச்சத⁴ம்மா பாதுபூ⁴தா, தேன அரியமக்³கே³ன விதூ⁴பயங் திட்ட²தி மாரஸேனங் ‘‘காமா தே பட²மா ஸேனா’’திஆதி³னா நயேன வுத்தப்பகாரங் மாரஸேனங் விதூ⁴பயந்தோ வித⁴மெந்தோ வித்³த⁴ங்ஸெந்தோ திட்ட²தி. கத²ங்? ஸூரியோவ ஓபா⁴ஸயமந்தலிக்க²ங், யதா² ஸூரியோ அப்³பு⁴க்³க³தோ அத்தனோ பபா⁴ய அந்தலிக்க²ங் ஓபா⁴ஸெந்தோவ அந்த⁴காரங் வித⁴மெந்தோ திட்ட²தி, ஏவங் ஸோபி ப்³ராஹ்மணோ தேஹி த⁴ம்மேஹி தேன வா மக்³கே³ன ஸச்சானி படிவிஜ்ஜ²ந்தோவ மாரஸேனங் விதூ⁴பயந்தோ திட்ட²தீதி.
ஏவமெத்த² பட²மங் உதா³னங் பச்சயாகாரபச்சவெக்க²ணவஸேன, து³தியங் நிப்³பா³னபச்சவெக்க²ணவஸேன
போ³தி⁴கதா² நிட்டி²தா.
அஜபாலகதா²
4. அத² கோ² ப⁴க³வா ஸத்தாஹஸ்ஸ அச்சயேன தம்ஹா ஸமாதி⁴ம்ஹா வுட்ட²ஹித்வா போ³தி⁴ருக்க²மூலா யேன அஜபாலனிக்³ரோதோ⁴ தேனுபஸங்கமீதி எத்த² ந ப⁴க³வா தம்ஹா ஸமாதி⁴ம்ஹா வுட்ட²ஹித்வா அனந்தரமேவ போ³தி⁴ருக்க²மூலா யேன அஜபாலனிக்³ரோதோ⁴ தேனுபஸங்கமி. யதா² பன ‘‘பு⁴த்வா ஸயதீ’’தி வுத்தே ந ‘‘ஹத்தே² அதோ⁴வித்வா முக²ங் அவிக்கா²லெத்வா ஸயனஸமீபங் அக³ந்த்வா அஞ்ஞங் கிஞ்சி ஆலாபஸல்லாபங் அகத்வா ஸயதி’’ச்சேவ வுத்தங் ஹோதி, போ⁴ஜனதோ பன பச்சா² ஸயதி, ந நஸயதீதி இத³மேவத்த² தீ³பிதங் ஹோதி. ஏவமிதா⁴பி ‘‘ந தம்ஹா ஸமாதி⁴ம்ஹா வுட்ட²ஹித்வா அனந்தரமேவ பக்காமீ’’தி வுத்தங் ஹோதி, வுட்டா²னதோ ச பன பச்சா² பக்காமி, ந நபக்காமீதி
அனந்தரங் பன அபக்கமித்வா ப⁴க³வா கிங் அகாஸீதி? அபரானிபி தீணி ஸத்தாஹானி போ³தி⁴ஸமீபேயேவ வீதினாமேஸி. தத்ராயங் அனுபுப்³பி³கதா² – ப⁴க³வதி கிர பு³த்³த⁴த்தங் பத்வா ஸத்தாஹங் ஏகபல்லங்கேன நிஸின்னே ‘‘ந ப⁴க³வா வுட்டா²தி; கிங் நு கோ² அஞ்ஞேபி பு³த்³த⁴த்தகரா த⁴ம்மா அத்தீ²’’தி ஏகச்சானங் தே³வதானங் கங்கா² உத³பாதி³. அத² ப⁴க³வா அட்ட²மே தி³வஸே ஸமாபத்திதோ வுட்டா²ய தே³வதானங் கங்க²ங் ஞத்வா கங்கா²வித⁴மனத்த²ங் ஆகாஸே உப்பதித்வா யமகபாடிஹாரியங் த³ஸ்ஸெத்வா தாஸங் கங்க²ங் வித⁴மித்வா பல்லங்கதோ ஈஸகங் பாசீனநிஸ்ஸிதே உத்தரதி³ஸாபா⁴கே³ ட²த்வா சத்தாரி அஸங்க்²யெய்யானி கப்பஸதஸஹஸ்ஸஞ்ச உபசிதானங் பாரமீனங் ப³லாதி⁴க³மனட்டா²னங் பல்லங்கங் போ³தி⁴ருக்க²ஞ்ச அனிமிஸேஹி அக்கீ²ஹி ஓலோகயமானோ ஸத்தாஹங் வீதினாமேஸி, தங் டா²னங் அனிமிஸசேதியங் நாம ஜாதங். அத² பல்லங்கஸ்ஸ ச டி²தட்டா²னஸ்ஸ ச அந்தரா புரத்தி²மதோ ச பச்சி²மதோ ச ஆயதே ரதனசங்கமே சங்கமந்தோ ஸத்தாஹங் வீதினாமேஸி, தங் டா²னங் ரதனசங்கமசேதியங் நாம ஜாதங். ததோ பச்சி²மதி³ஸாபா⁴கே³ தே³வதா ரதனக⁴ரங் மாபயிங்ஸு. தத்த² பல்லங்கேன நிஸீதி³த்வா அபி⁴த⁴ம்மபிடகங் விஸேஸதோ செத்த² அனந்தனயங் ஸமந்தபட்டா²னங் ரதனக⁴ரசேதியங் நாம ஜாதங்.
ஏவங் போ³தி⁴ஸமீபேயேவ சத்தாரி ஸத்தாஹானி வீதினாமெத்வா பஞ்சமே ஸத்தாஹே போ³தி⁴ருக்க²மூலா யேன அஜபாலனிக்³ரோதோ⁴ தேனுபஸங்கமி. தஸ்ஸ கிர நிக்³ரோத⁴ஸ்ஸ சா²யாய அஜபாலகா க³ந்த்வா நிஸீத³ந்தி; தேனஸ்ஸ அஜபாலனிக்³ரோதொ⁴த்வேவ நாமங் உத³பாதி³. ஸத்தாஹங் விமுத்திஸுக²படிஸங்வேதீ³தி தத்ராபி த⁴ம்மங் விசினந்தோயேவ விமுத்திஸுக²ங் படிஸங்வேதெ³ந்தோ நிஸீதி³. போ³தி⁴தோ புரத்தி²மதி³ஸாபா⁴கே³ ஏஸ ருக்கோ² ஹோதி. ஏவங் நிஸின்னே ச பனெத்த² ப⁴க³வதி ஏகோ ப்³ராஹ்மணோ க³ந்த்வா பஞ்ஹங் புச்சி². தேன வுத்தங் ‘‘அத² கோ² அஞ்ஞதரோ’’திஆதி³. தத்த² ஹுங்ஹுங்கஜாதிகோதி ஸோ கிர தி³ட்ட²மங்க³லிகோ நாம
ஏதமத்த²ங் விதி³த்வாதி ஏதங் தேன வுத்தஸ்ஸ வசனஸ்ஸ ஸிகா²பத்தமத்த²ங் விதி³த்வா தாயங் வேலாயங் இமங் உதா³னங் உதா³னேஸி. தஸ்ஸத்தோ² – யோ பா³ஹிதபாபத⁴ம்மதாய ப்³ராஹ்மணோ ந தி³ட்ட²மங்க³லிகதாய, ஹுங்ஹுங்காரகபா⁴வாதி³பாபத⁴ம்மயுத்தோ ஹுத்வா கேவலங் ஜாதிமத்தகேன ப்³ரஹ்மஞ்ஞங் படிஜானாதி, ஸோ ப்³ராஹ்மணோ பா³ஹிதபாபத⁴ம்மத்தா ஹுங்ஹுங்காரப்பஹானேன நிஹுங்ஹுங்கோ, ராகா³தி³கஸாவாபா⁴வேன நிக்கஸாவோ, பா⁴வனானுயோக³யுத்தசித்ததாய யதத்தோ, ஸீலஸங்வரேன வா ஸஞ்ஞதசித்ததாய யதத்தோ, சதுமக்³க³ஞாணஸங்கா²தேஹி வேதே³ஹி அந்தங், வேதா³னங் வா அந்தங் க³தத்தா வேத³ந்தகூ³, மக்³க³ப்³ரஹ்மசரியஸ்ஸ வுஸிதத்தா வுஸிதப்³ரஹ்மசரியோ. த⁴ம்மேன ப்³ரஹ்மவாத³ங் வதெ³ய்ய, ‘‘ப்³ராஹ்மணோ, அஹ’’ந்தி ஏதங் வாத³ங் த⁴ம்மேன வதெ³ய்ய, யஸ்ஸ ஸகலே லோகஸன்னிவாஸே குஹிஞ்சி ஏகாரம்மணேபி ராகு³ஸ்ஸதோ³ தோ³ஸுஸ்ஸதோ³ மோஹுஸ்ஸதோ³ மானுஸ்ஸதோ³ தி³ட்டு²ஸ்ஸதோ³தி இமே உஸ்ஸதா³ நத்தீ²தி.
அஜபாலகதா² நிட்டி²தா.
முசலிந்த³கதா²
5. அகாலமேகோ⁴தி அஸம்பத்தே வஸ்ஸகாலே உப்பன்னமேகோ⁴. அயங் பன கி³ம்ஹானங் பச்சி²மே மாஸே உத³பாதி³. ஸத்தாஹவத்³த³லிகாதி தஸ்மிங் உப்பன்னே ஸத்தாஹங் அவிச்சி²ன்னவுட்டி²கா அஹோஸி. ஸீதவாதது³த்³தி³னீதி ஸா ச பன ஸத்தாஹவத்³த³லிகா அத² கோ² முசலிந்தோ³ நாக³ராஜாதி தஸ்ஸேவ முசலிந்த³ருக்க²ஸ்ஸ ஸமீபே பொக்க²ரணியா நிப்³ப³த்தோ மஹானுபா⁴வோ நாக³ராஜா. ஸத்தக்க²த்துங் போ⁴கே³ஹி பரிக்கி²பித்வாதி ஏவங் போ⁴கே³ஹி பரிக்கி²பித்வா உபரிமுத்³த⁴னி மஹந்தங் ப²ணங் கரித்வாவ டி²தே; தஸ்மிங் தஸ்ஸ பரிக்கே²பப்³ப⁴ந்தரங் லோஹபாஸாதே³ ப⁴ண்டா³கா³ரக³ப்³ப⁴ப்பமாணங் அஹோஸி, தஸ்மா ப⁴க³வா நிவாதே பிஹிதத்³வாரவாதபானே கூடாகா³ரே நிஸின்னோ விய ஜாதோ. மா ப⁴க³வந்தங் ஸீதந்திஆதி³ தஸ்ஸ ததா² கரித்வா டா²னகாரணபரிதீ³பனங். ஸோ ஹி ‘‘மா ப⁴க³வந்தங் ஸீதங் பா³த⁴யித்த², மா உண்ஹங், மா ட³ங்ஸாதி³ஸம்ப²ஸ்ஸோ பா³த⁴யித்தா²’’தி ததா² கரித்வா அட்டா²ஸி. தத்த² கிஞ்சாபி ஸத்தாஹவத்³த³லிகாய உண்ஹமேவ நத்தி², ஸசே பன அந்தரந்தரா மேகோ⁴ விக³ச்செ²ய்ய உண்ஹங் ப⁴வெய்ய வித்³த⁴ந்தி உப்³பி³த்³த⁴ங்; மேக⁴விக³மேன விக³தவலாஹகந்தி அபக³தமேக⁴ங். தே³வந்தி ஆகாஸங். ஸகவண்ணந்தி அத்தனோ ரூபங்.
ஸுகோ² விவேகோதி நிப்³பா³னஸங்கா²தோ உபதி⁴விவேகோ ஸுகோ². துட்ட²ஸ்ஸாதி சதுமக்³க³ஞாணஸந்தோஸேன ஸந்துட்ட²ஸ்ஸ. ஸுதத⁴ம்மஸ்ஸாதி பகாஸிதத⁴ம்மஸ்ஸ. பஸ்ஸதோதி தங் விவேகங் யங் வா கிஞ்சி பஸ்ஸிதப்³ப³ங் நாம, தங் ஸப்³ப³ங் அத்தனோ வீரியப³லாதி⁴க³தேன ஞாணசக்கு²னா பஸ்ஸந்தஸ்ஸ. அப்³யாபஜ்ஜந்தி அகுப்பனபா⁴வோ; ஏதேன மெத்தாபுப்³ப³பா⁴கோ³ த³ஸ்ஸிதோ. பாணபூ⁴தேஸு ஸங்யமோதி ஸத்தேஸு ச ஸங்யமோ; அவிஹிங்ஸனபா⁴வோ ஸுகோ²தி அத்தோ². ஏதேன கருணாபுப்³ப³பா⁴கோ³ த³ஸ்ஸிதோ. ஸுகா² விராக³தா லோகேதி வீதராக³தாபி ஸுகா²தி தீ³பேதி. காமானங் ஸமதிக்கமோதி யா ‘‘காமானங் ஸமதிக்கமோ’’தி வுச்சதி; ஸா விராக³தாபி ஸுகா²தி அத்தோ². ஏதேன அனாகா³மிமக்³கோ³ கதி²தோ. அஸ்மிமானஸ்ஸ யோ வினயோதி இமினா பன அரஹத்தங் கதி²தங்; அரஹத்தஞ்ஹி அஸ்மிமானஸ்ஸ ‘‘பஸ்ஸத்³தி⁴வினயோ’’தி வுச்சதி. இதோ பரஞ்ச ஸுக²ங் நாம நத்தி², தேனாஹ ‘‘ஏதங் வே பரமங் ஸுக²’’ந்தி.
முசலிந்த³கதா² நிட்டி²தா.
ராஜாயதனகதா²
6. முசலிந்த³மூலாதி மஹாபோ³தி⁴தோ பாசீனகோணே டி²தமுசலிந்த³ருக்க²மூலா. ராஜாயதனந்தி த³க்கி²ணதி³ஸாபா⁴கே³ டி²தங் ராஜாயதனருக்க²ங் உபஸங்கமி தேன கோ² பன ஸமயேனாதி கதரேன ஸமயேன. ப⁴க³வதோ கிர ராஜாயதனமூலே ஸத்தாஹங் ஏகபல்லங்கேன நிஸின்னஸ்ஸ ஸமாதி⁴தோ வுட்டா²னதி³வஸே அருணுக்³க³மனவேலாயமேவ ‘‘போ⁴ஜனகிச்சேன ப⁴விதப்³ப³’’ந்தி ஞத்வா ஸக்கோ தே³வராஜா ஓஸத⁴ஹரீதகங் உபனேஸி. ப⁴க³வா தங் பரிபு⁴ஞ்ஜி, பரிபு⁴த்தமத்தஸ்ஸேவ ஸரீரகிச்சங் அஹோஸி. ஸக்கோ முகோ²த³கங் அதா³ஸி. ப⁴க³வா முக²ங் தோ⁴வித்வா தஸ்மிங்யேவ ருக்க²மூலே நிஸீதி³. ஏவங் உக்³க³தே அருணம்ஹி நிஸின்னே ப⁴க³வதி.
தேன கோ² பன ஸமயேன தபுஸ்ஸப⁴ல்லிகா வாணிஜாதி தபுஸ்ஸோ ச ப⁴ல்லிகோ சாதி த்³வே பா⁴தரோ வாணிஜா. உக்கலாதி உக்கலஜனபத³தோ. தங் தே³ஸந்தி யஸ்மிங் தே³ஸே ப⁴க³வா விஹரதி. கதரஸ்மிஞ்ச தே³ஸே ப⁴க³வா விஹரதி? மஜ்ஜி²மதே³ஸே. தஸ்மா மஜ்ஜி²மதே³ஸங் க³ந்துங் அத்³தா⁴னமக்³க³ப்படிபன்னா ஞாதிஸாலோஹிதா தே³வதாதி தேஸங் ஞாதிபூ⁴தபுப்³பா³ தே³வதா. ஏதத³வோசாதி ஸா கிர நேஸங் ஸப்³ப³ஸகடானி அப்பவத்தீனி அகாஸி. ததோ மந்தே²ன ச மது⁴பிண்டி³காய சாதி அப³த்³த⁴ஸத்துனா ச ஸப்பிமது⁴பா²ணிதாதீ³ஹி யோஜெத்வா ப³த்³த⁴ஸத்துனா ச. பதிமானேதா²தி உபட்ட²ஹத². தங் வோதி தங் பதிமானநங் தும்ஹாகங் ப⁴விஸ்ஸதி தீ³க⁴ரத்தங் ஹிதாய ஸுகா²ய. யங் அம்ஹாகந்தி யங் படிக்³க³ஹணங் அம்ஹாகங் அஸ்ஸ தீ³க⁴ரத்தங் ஹிதாய ஸுகா²ய. ப⁴க³வதோ ஏதத³ஹோஸீதி யோ கிரஸ்ஸ பதா⁴னானுயோக³காலே பத்தோ அஹோஸி, ஸோ ஸுஜாதாய பாயாஸங் தா³துங் ஆக³ச்ச²ந்தியா ஏவ அந்தரதா⁴யி. தேனஸ்ஸ ஏதத³ஹோஸி – ‘‘பத்தோ மே நத்தி², புரிமகாபி ச ந கோ² ததா²க³தா ஹத்தே²ஸு படிக்³க³ண்ஹந்தி, கிம்ஹி நு கோ² அஹங் படிக்³க³ண்ஹெய்யங் மந்த²ஞ்ச மது⁴பிண்ட³கஞ்சா’’தி.
பரிவிதக்கமஞ்ஞாயாதி இதோ புப்³பே³வ ப⁴க³வதோ ஸுஜாதாய தி³ன்னபோ⁴ஜனங்யேவ ஓஜானுப்பப³ந்த⁴னவஸேன அட்டா²ஸி, எத்தகங் காலங் நேவ ஜிக⁴ச்சா² ந பிபாஸா ந காயது³ப்³ப³ல்யங் அஹோஸி. இதா³னி பனஸ்ஸ ஆஹாரங் படிக்³க³ஹேதுகாமதாய ‘‘ந கோ² ததா²க³தா’’திஆதி³னா நயேன பரிவிதக்கோ உத³பாதி³ சதுத்³தி³ஸாதி சதூஹி தி³ஸாஹி. ஸேலமயே பத்தேதி முக்³க³வண்ணஸேலமயே பத்தே. இத³ங்யேவ ப⁴க³வா படிக்³க³ஹேஸி, தேயேவ ஸந்தா⁴ய வுத்தங். சத்தாரோ பன மஹாராஜானோ பட²மங் இந்த³னீலமணிமயே பத்தே உபனாமேஸுங், ந தே ப⁴க³வா அக்³க³ஹேஸி. ததோ இமே சத்தாரோபி முக்³க³வண்ணஸிலாமயே பத்தே உபனாமேஸுங், ப⁴க³வா சத்தாரோபி பத்தே அக்³க³ஹேஸி தேஸங் பஸாதா³னுரக்க²ணத்தா²ய, நோ மஹிச்ச²தாய. க³ஹெத்வா ச பன சத்தாரோபி யதா² ஏகோவ பத்தோ ஹோதி ததா² அதி⁴ட்ட²ஹி, சதுன்னம்பி ஏகஸதி³ஸோ புஞ்ஞவிபாகோ அஹோஸி. ஏவங் ஏகங் கத்வா அதி⁴ட்டி²தே படிக்³க³ஹேஸி ப⁴க³வா பச்சக்³கே⁴ ஸேலமயே பத்தே மந்த²ஞ்ச மது⁴பிண்டி³கஞ்ச. பச்சக்³கே⁴தி பச்சக்³க⁴ஸ்மிங்; பாடேக்கங் மஹக்³க⁴ஸ்மிந்தி அத்தோ². அத² வா பச்சக்³கே⁴தி அபி⁴னவே அப்³பு⁴ண்ஹே; தங்க²ணே நிப்³ப³த்தஸ்மிந்தி அத்தோ². த்³வே வாசா ஏதேஸங் அஹேஸுந்தி த்³வேவாசிகா. அத² வா த்³வீஹி வாசாஹி உபாஸகபா⁴வங் பத்தாதி அத்தோ²
ராஜாயதனகதா² நிட்டி²தா.
ப்³ரஹ்மயாசனகதா²
7. அத² பரிவிதக்கோ உத³பாதீ³தி தஸ்மிங் நிஸின்னமத்தஸ்ஸேவ ஸப்³ப³பு³த்³தா⁴னங் ஆசிண்ணஸமாசிண்ணோ அயங் சேதஸோ பரிவிதக்கோ உத³பாதி³. கஸ்மா பனாயங் ஸப்³ப³பு³த்³தா⁴னங் உப்பஜ்ஜதீதி? த⁴ம்மஸ்ஸ மஹந்தபா⁴வங் க³ருபா⁴வங் பா⁴ரியபா⁴வங் பச்சவெக்க²ணாய ப்³ரஹ்முனா யாசிதே தே³ஸேதுகாமதாய ச. ஜானந்தி ஹி பு³த்³தா⁴ ‘‘ஏவங் பரிவிதக்கிதே ப்³ரஹ்மா ஆக³ந்த்வா த⁴ம்மதே³ஸனங் யாசிஸ்ஸதி, ததோ ஸத்தா த⁴ம்மே கா³ரவங் உப்பாதெ³ஸ்ஸந்தி, ப்³ரஹ்மக³ருகோ ஹி லோகஸன்னிவாஸோ’’தி. இதி இமேஹி த்³வீஹி காரணேஹி அயங் விதக்கோ உப்பஜ்ஜதீதி.
தத்த² அதி⁴க³தோ கோ² ம்யாயந்தி அதி⁴க³தோ கோ² மே அயங். ஆலயராமாதி ஸத்தா பஞ்ச காமகு³ணே அல்லீயந்தி, தஸ்மா தே ‘‘ஆலயா’’தி வுச்சந்தி. தேஹி ஆலயேஹி ரமந்தீதி ஆலயராமா. ஆலயேஸு ரதாதி ஆலயரதா. ஆலயேஸு ஸுட்டு²முதி³தாதி ஆலயஸம்முதி³தா. யதி³த³ந்தி நிபாதோ. தஸ்ஸ டா²னங் ஸந்தா⁴ய ‘‘யங் இத³’’ந்தி படிச்சஸமுப்பாத³ங் ஸந்தா⁴ய ‘‘யோ அய’’ந்தி ஏவமத்தோ² த³ட்ட²ப்³போ³. இத³ப்பச்சயதாபடிச்சஸமுப்பாதோ³தி இமேஸங் பச்சயா இத³ப்பச்சயா, இத³ப்பச்சயாவ இத³ப்பச்சயதா, இத³ப்பச்சயதா ச ஸா படிச்சஸமுப்பாதோ³ சாதி இத³ப்பச்சயதாபடிச்சஸமுப்பாதோ³. ஸோ மமஸ்ஸ கிலமதோ²தி யா அஜானந்தானங் தே³ஸனா நாம, ஸோ மம கிலமதோ² அஸ்ஸ; ஸா மம விஹேஸா அஸ்ஸாதி அத்தோ². ப⁴க³வந்தந்தி ப⁴க³வதோ. அனச்ச²ரியாதி அனு அச்ச²ரியா. படிப⁴ங்ஸூதி படிபா⁴னஸங்கா²தஸ்ஸ ஞாணஸ்ஸ கோ³சரா அஹேஸுங், பரிவிதக்கயிதப்³ப³பா⁴வங் பாபுணிங்ஸு.
ஹலந்தி எத்த² ஹகாரோ நிபாதமத்தோ; அலந்தி அத்தோ². பகாஸிதுந்தி தே³ஸிதுங். அலங் தா³னி படிஸோதகா³மிந்தி படிஸோதங் வுச்சதி நிப்³பா³னங்; நிப்³பா³னகா³மிந்தி அத்தோ². ராக³ரத்தாதி காமராக³ப⁴வராக³தி³ட்டி²ராகே³ன ரத்தா. ந த³க்க²ந்தீதி ந பஸ்ஸிஸ்ஸந்தி. தமோக²ந்தே⁴ன ஆவுடாதி அவிஜ்ஜாராஸினா அஜ்ஜொ²த்த²டா. அப்பொஸ்ஸுக்கதாயாதி நிருஸ்ஸுக்கபா⁴வேன; அதே³ஸேதுகாமதாயாதி அத்தோ².
8. யத்ர ஹி நாமாதி யஸ்மிங் நாம லோகே. ப⁴க³வதோ புரதோ பாதுரஹோஸீதி த⁴ம்மதே³ஸனாயாசனத்த²ங் த³ஸஸு சக்கவாளஸஹஸ்ஸேஸு மஹாப்³ரஹ்மானோ க³ஹெத்வா ஆக³ம்ம ப⁴க³வதோ புரதோ பாதுரஹோஸி அப்பரஜக்க²ஜாதிகாதி பஞ்ஞாமயே அக்கி²ம்ஹி அப்பங் ராக³தோ³ஸமோஹரஜங் ஏதேஸங் ஏவங்ஸபா⁴வாதி அப்பரஜக்க²ஜாதிகா. ப⁴விஸ்ஸந்தி த⁴ம்மஸ்ஸ அஞ்ஞாதாரோதி படிவிஜ்ஜி²தாரோ.
பாதுரஹோஸீதி பாதுப⁴வி. ஸமலேஹி சிந்திதோதி ராகா³தீ³ஹி மலேஹி ஸமலேஹி ச²ஹி ஸத்தா²ரேஹி சிந்திதோ. அபாபுரேதந்தி விவர ஏதங். அமதஸ்ஸ த்³வாரந்தி அமதஸ்ஸ நிப்³பா³னஸ்ஸ த்³வாரபூ⁴தங் அரியமக்³க³ங். ஸுணந்து த⁴ம்மங் விமலேனானுபு³த்³த⁴ந்தி
ஸேலே யதா² பப்³ப³தமுத்³த⁴னிட்டி²தோதி ஸேலமயே ஏகக்³க⁴னே பப்³ப³தமுத்³த⁴னி யதா²டி²தோவ யதா² சக்கு²மா புரிஸோ ஸமந்ததோ ஜனதங் பஸ்ஸெய்ய, த்வம்பி ஸுமேத⁴ ஸுந்த³ரபஞ்ஞ ஸப்³ப³ஞ்ஞுதஞ்ஞாணேன ஸமந்தசக்கு² ப⁴க³வா த⁴ம்மமயங் பஞ்ஞாமயங் பாஸாத³மாருய்ஹ ஸயங் அபேதஸோகோ ஸோகாவதிண்ணங் ஜாதிஜராபி⁴பூ⁴தஞ்ச ஜனதங் அவெக்க²ஸ்ஸு உபதா⁴ரய.
உட்டே²ஹீதி ப⁴க³வதோ த⁴ம்மதே³ஸனத்த²ங் சாரிகசரணங் யாசந்தோ ப⁴ணதி. வீராதிஆதீ³ஸு ப⁴க³வா வீரியவந்ததாய வீரோ. தே³வபுத்தமச்சுகிலேஸாபி⁴ஸங்கா²ரமாரானங் விஜிதத்தா விஜிதஸங்கா³மோ. ஜாதிகந்தாராதி³னித்த²ரணஸமத்த²தாய ஸத்த²வாஹோ. காமச்ச²ந்த³இணஸ்ஸ அணணோ.
9. அஜ்ஜே²ஸனந்தி யாசனங். பு³த்³த⁴சக்கு²னாதி இந்த்³ரியபரோபரியத்தஞாணேன ச ஆஸயானுஸயஞாணேன ச. இமேஸஞ்ஹி த்³வின்னங் ஞாணானங் பு³த்³த⁴சக்கூ²தி நாமங். அப்பரஜக்கா²தி பஞ்ஞாசக்கு²ம்ஹி ராகா³தி³ரஜங் அப்பங் யேஸங், தே அப்பரஜக்கா². யேஸங் தங் மஹந்தங் தே மஹாரஜக்கா². யேஸங் ஸத்³தா⁴தீ³னி இந்த்³ரியானி திக்கா²னி தே திக்கி²ந்த்³ரியா. யேஸங் தானி முதூ³னி தே முதி³ந்த்³ரியா. யேஸங் தேயேவ ஸத்³தா⁴த³யோ ஆகாரா ஸுந்த³ரா தே ஸ்வாகாரா. யேஸங் தேயேவ ஸத்³தா⁴த³யோ ஆகாரா அஸுந்த³ரா தே த்³வாகாரா. யே கதி²தகாரணங் ஸல்லக்கெ²ந்தி, ஸுகே²ன ஸக்கா ஹொந்தி விஞ்ஞாபேதுங் தே ஸுவிஞ்ஞாபயா. யே பரலோகஞ்ச வஜ்ஜஞ்ச ப⁴யதோ பஸ்ஸந்தி தே பரலோகவஜ்ஜப⁴யத³ஸ்ஸாவினோ. உப்பலினியந்தி உப்பலவனே. இதரேஸுபி ஏஸேவ நயோ. அந்தோனிமுக்³க³போஸீனீதி யானி உத³கஸ்ஸ அந்தோ நிமுக்³கா³னேவ போஸயந்தி. ஸமோத³கங் டி²தானீதி உத³கேன ஸமங் டி²தானி. உத³கங் அச்சுக்³க³ம்ம டி²தானீதி உத³கங் அதிக்கமித்வா டி²தானி.
அபாருதாதி விவடா. அமதஸ்ஸ த்³வாராதி அரியமக்³கோ³. ஸோ ஹி அமதஸங்கா²தஸ்ஸ நிப்³பா³னஸ்ஸ த்³வாரங். பமுஞ்சந்து ஸத்³த⁴ந்தி ஸப்³பே³ அத்தனோ ஸத்³த⁴ங் பமுஞ்சந்து. பச்சி²மபத³த்³வயே அயமத்தோ²
ப்³ரஹ்மயாசனகதா² நிட்டி²தா.
பஞ்சவக்³கி³யகதா²
10. பண்டி³தோதி பண்டி³ச்சேன ஸமன்னாக³தோ. ப்³யத்தோதி வெய்யத்தியேன ஸமன்னாக³தோ. மேதா⁴வீதி டா²னுப்பத்தியா பஞ்ஞாய ஸமன்னாக³தோ. அப்பரஜக்க²ஜாதிகோதி ஸமாபத்தியா விக்க²ம்பி⁴தத்தா நிக்கிலேஸஜாதிகோ விஸுத்³த⁴ஸத்தோ. ஆஜானிஸ்ஸதீதி ஸல்லக்கெ²ஸ்ஸதி படிவிஜ்ஜி²ஸ்ஸதி. ப⁴க³வதோபி கோ² ஞாணங் உத³பாதீ³தி ஸப்³ப³ஞ்ஞுதஞ்ஞாணங் உப்பஜ்ஜி ‘‘இதோ ஸத்தமதி³வஸமத்த²கே காலங்கத்வா ஆகிஞ்சஞ்ஞாயதனே நிப்³ப³த்தோ’’தி. மஹாஜானியோதி ஸத்ததி³வஸப்³ப⁴ந்தரே மஹாஜானியோ அக்க²ணே நிப்³ப³த்தத்தா. அபி⁴தோ³ஸகாலங்கதோதி ஹிய்யோ காலங்கதோ, ஸோபி நேவஸஞ்ஞானாஸஞ்ஞாயதனே நிப்³ப³த்தோதி அத்³த³ஸ. ப³ஹூகாராதி ப³ஹூபகாரா. பதா⁴னபஹிதத்தங் உபட்ட²ஹிங்ஸூதி பதா⁴னத்தா²ய பேஸிதத்தபா⁴வங் முகோ²த³கதா³னாதி³னா உபட்ட²ஹிங்ஸு.
11. அந்தரா ச க³யங் அந்தரா ச போ³தி⁴ந்தி உபகோ போ³தி⁴மண்ட³ஸ்ஸ ச க³யாய ச அந்தரே ப⁴க³வந்தங் அத்³த³ஸ. அத்³தா⁴னமக்³க³ப்படிபன்னந்தி அத்³தா⁴னமக்³க³ங் படிபன்னங்.
ஸப்³பா³பி⁴பூ⁴தி ஸப்³ப³ங் தேபூ⁴மகத⁴ம்மங் அபி⁴ப⁴வித்வா டி²தோ. ஸப்³ப³விதூ³தி ஸப்³ப³ங் சதுபூ⁴மகத⁴ம்மங் அவேதி³ங் அஞ்ஞாஸிங். ஸப்³பே³ஸு த⁴ம்மேஸு அனூபலித்தோதி ஸப்³பே³ஸு தேபூ⁴மகத⁴ம்மேஸு கிலேஸலேபேன அலித்தோ. ஸப்³ப³ஞ்ஜஹோதி ஸப்³ப³ங் தேபூ⁴மகத⁴ம்மங் ஜஹித்வா டி²தோ. தண்ஹக்க²யே விமுத்தோதி தண்ஹக்க²யே நிப்³பா³னே ஆரம்மணதோ விமுத்தோ. ஸயங் அபி⁴ஞ்ஞாயாதி ஸப்³ப³ங் சதுபூ⁴மகத⁴ம்மங் அத்தனாவ ஜானித்வா. கமுத்³தி³ஸெய்யந்தி கங் அஞ்ஞங் ‘‘அயங் மே ஆசரியோ’’தி உத்³தி³ஸெய்யங்.
ந மே ஆசரியோ அத்தீ²தி லோகுத்தரத⁴ம்மே மய்ஹங் ஆசரியோ நாம நத்தி². நத்தி² மே படிபுக்³க³லோதி மய்ஹங் படிபா⁴க³புக்³க³லோ நாம நத்தி². ஸீதிபூ⁴தோதி ஸப்³ப³கிலேஸக்³கி³னிப்³பா³பனேன ஸீதிபூ⁴தோ. கிலேஸானங்யேவ நிப்³பு³தத்தா நிப்³பு³தோ.
காஸீனங் புரந்தி காஸிரட்டே² நக³ரங். ஆஹஞ்ச²ங் அமதது³ந்து³பி⁴ந்தி த⁴ம்மசக்கப்படிலாபா⁴ய அமதபே⁴ரிங் பஹரிஸ்ஸாமீதி க³ச்சா²மி.
அரஹஸி அனந்தஜினோதி அனந்தஜினோ ப⁴விதுங் யுத்தோ. ஹுபெய்யபாவுஸோதி ஆவுஸோ ஏவம்பி நாம ப⁴வெய்ய. ஸீஸங் ஓகம்பெத்வாதி ஸீஸங் சாலெத்வா.
12. ஸண்ட²பேஸுந்தி கதிகங் அகங்ஸு. பா³ஹுல்லிகோதி சீவரபா³ஹுல்லாதீ³னங் அத்தா²ய படிபன்னோ. பதா⁴னவிப்³ப⁴ந்தோதி ஆவத்தோ பா³ஹுல்லாயாதி சீவராதி³ப³ஹுலபா⁴வத்தா²ய ஆவத்தோ. ஓத³ஹத² பி⁴க்க²வே ஸோதந்தி உபனேத² பி⁴க்க²வே ஸோதங்; ஸோதிந்த்³ரியங் த⁴ம்மஸவனத்த²ங் அபி⁴முக²ங் கரோதா²தி அத்தோ². அமதமதி⁴க³தந்தி அமதங் நிப்³பா³னங் மயா அதி⁴க³தந்தி த³ஸ்ஸேதி. இரியாயாதி து³க்கரஇரியாய. படிபதா³யாதி து³க்கரபடிபதா³ய. அபி⁴ஜானாத² மே நோதி அபி⁴ஜானாத² நு மே ஸமனுபஸ்ஸத². ஏவரூபங் பா⁴ஸிதமேதந்தி ஏதங் ஏவரூபங் வாக்யங் பா⁴ஸிதந்தி அத்தோ². அஸக்கி² கோ² ப⁴க³வா பஞ்சவக்³கி³யே பி⁴க்கூ² ஸஞ்ஞாபேதுந்தி ‘‘அஹங் பு³த்³தோ⁴’’தி ஜானாபேதுங் அஸக்கி².
13. சக்கு²கரணீதி பஞ்ஞாசக்கு²ங் ஸந்தா⁴யாஹ. இதோ பரங் ஸப்³ப³ங் பத³த்த²தோ உத்தானமேவ. அதி⁴ப்பாயானுஸந்தி⁴யோஜனாதி³பே⁴த³தோ பன பபஞ்சஸூத³னியா மஜ்ஜி²மட்ட²கதா²யங் வுத்தனயேன வேதி³தப்³ப³ங். இதோ பட்டா²ய ஹி அதிவித்தா²ரபீ⁴ருகஸ்ஸ மஹாஜனஸ்ஸ சித்தங் அனுரக்க²ந்தா ஸுத்தந்தகத²ங் அவண்ணயித்வா வினயகத²ங்யேவ வண்ணயிஸ்ஸாம.
18. ஸாவ தஸ்ஸ ஆயஸ்மதோ உபஸம்பதா³ அஹோஸீதி ஆஸாள்ஹீபுண்ணமாய அட்டா²ரஸஹி தே³வதாகோடீஹி ஸத்³தி⁴ங் ஸோதாபத்திப²லே பதிட்டி²தஸ்ஸ ‘‘ஏஹி பி⁴க்கூ²’’தி ப⁴க³வதோ வசனேன அபி⁴னிப்ப²ன்னா ஸாவ தஸ்ஸ ஆயஸ்மதோ ஏஹிபி⁴க்கூ²பஸம்பதா³ அஹோஸி.
19. அத² கோ² ஆயஸ்மதோ ச வப்பஸ்ஸாதி ஆதி³ம்ஹி வப்பத்தே²ரஸ்ஸ பாடிபத³தி³வஸே த⁴ம்மசக்கு²ங் உத³பாதி³, ப⁴த்³தி³யத்தே²ரஸ்ஸ து³தியதி³வஸே, மஹானாமத்தே²ரஸ்ஸ ததியதி³வஸே, அஸ்ஸஜித்தே²ரஸ்ஸ சதுத்தி²யந்தி. இமேஸஞ்ச பன ‘‘அத² கோ² ப⁴க³வா பஞ்சவக்³கி³யே’’திஆதி³.
24. தேன கோ² பன ஸமயேன ச² லோகே அரஹந்தோ ஹொந்தீதி பஞ்சமியா பக்க²ஸ்ஸ லோகஸ்மிங் ச² மனுஸ்ஸா அரஹந்தோ ஹொந்தீதி அத்தோ².
பஞ்சவக்³கி³யகதா² நிட்டி²தா.
பப்³ப³ஜ்ஜாகதா²
31. புப்³பா³னுபுப்³ப³கானந்தி தேன கோ² பன ஸமயேன ஏகஸட்டி² லோகே அரஹந்தோ ஹொந்தீதி புரிமா ச² இமே ச பஞ்சபஞ்ஞாஸாதி அந்தோவஸ்ஸம்ஹியேவ ஏகஸட்டி² மனுஸ்ஸா அரஹந்தோ ஹொந்தீதி அத்தோ².
தத்ர யஸஆதீ³னங் குலபுத்தானங் அயங் புப்³ப³யோகோ³ – அதீதே கிர பஞ்சபஞ்ஞாஸஜனா ஸஹாயகா வக்³க³ப³ந்தே⁴ன புஞ்ஞானி கரொந்தா அனாத²ஸரீரானி படிஜக்³க³ந்தா விசரந்தி, தே ஏகதி³வஸங் க³ப்³பி⁴னிங் இத்தி²ங் காலங்கதங் தி³ஸ்வா ‘‘ஜா²பெஸ்ஸாமா’’தி ஸுஸானங் நீஹரிங்ஸு. தேஸு பஞ்ச ஜனே ‘‘தும்ஹே ஜா²பேதா²’’தி ஸுஸானே ட²பெத்வா ஸேஸா கா³மங் பவிட்டா². யஸோ தா³ரகோ தங் ஸரீரங் விஜ்ஜி²த்வா பரிவத்தெத்வா ச ஜா²பயமானோ அஸுப⁴ஸஞ்ஞங் படிலபி⁴. ஸோ இதரேஸம்பி சதுன்னங் ஜனானங் ‘‘பஸ்ஸத² போ⁴ இமங் அஸுசிங் படிகூல’’ந்தி த³ஸ்ஸேஸி. தேபி தத்த² அஸுப⁴ஸஞ்ஞங் படிலபி⁴ங்ஸு. தே பஞ்சபி ஜனா கா³மங் க³ந்த்வா ஸேஸஸஹாயகானங் கத²யிங்ஸு. யஸோ பன தா³ரகோ கே³ஹம்பி க³ந்த்வா மாதாபிதூன்னஞ்ச ப⁴ரியாய ச கதே²ஸி. தே ஸப்³பே³பி அஸுப⁴ங் பா⁴வயிங்ஸு. அயமேதேஸங் புப்³ப³யோகோ³. தேனாயஸ்மதோ யஸஸ்ஸ நாடகஜனேஸு ஸுஸானஸஞ்ஞாயேவ உப்பஜ்ஜி, தாயேவ ச உபனிஸ்ஸயஸம்பத்தியா ஸப்³பே³ஸங் விஸேஸாதி⁴க³மோ நிப்³ப³த்தீதி.
அத² கோ² ப⁴க³வா பி⁴க்கூ² ஆமந்தேஸீதி ப⁴க³வா யாவ பச்சி²மகத்திகபுண்ணமா, தாவ பா³ராணஸியங் விஹரந்தோ ஏகதி³வஸங் தே கீ²ணாஸவே ஸட்டி² பி⁴க்கூ² ஆமந்தேஸி.
32. தி³ப்³பா³ மானுஸா நாம மானுஸகேஸு விஸயேஸு லோப⁴பாஸா. மா ஏகேன த்³வேதி ஏகேன மக்³கே³ன த்³வே மா அக³மித்த². அஸ்ஸவனதாதி அஸ்ஸவனதாய. பரிஹாயந்தீதி அனதி⁴க³தங் நாதி⁴க³ச்ச²ந்தா விஸேஸாதி⁴க³மதோ பரிஹாயந்தி.
33. அந்தகாதி அந்தலிக்க²சரோதி ராக³பாஸங் ஸந்தா⁴யாஹ. தஞ்ஹி ஸோ ‘‘அந்தலிக்க²சரோ’’தி மந்த்வா ஆஹ.
34. நானாதி³ஸா நானாஜனபதா³தி நானாதி³ஸதோ ச நானாஜனபத³தோ ச. அனுஜானாமி பி⁴க்க²வே தும்ஹேவ தா³னி தாஸு தாஸு தி³ஸாஸு தேஸு தேஸு ஜனபதே³ஸு பப்³பா³ஜேதா²திஆதி³ம்ஹி பப்³ப³ஜ்ஜாபெக்க²ங் குலபுத்தங் பப்³பா³ஜெந்தேன யே பரதோ ‘‘ந பி⁴க்க²வே பஞ்சஹி ஆபா³தே⁴ஹி பு²ட்டோ² பப்³பா³ஜேதப்³போ³’’திஆதி³ங் கத்வா யாவ ‘‘ந அந்த⁴மூக³ப³தி⁴ரோ பப்³பா³ஜேதப்³போ³’’தி ஏவங் படிக்கி²த்தா புக்³க³லா, தே வஜ்ஜெத்வா பப்³ப³ஜ்ஜாதோ³ஸவிரஹிதோ புக்³க³லோ பப்³பா³ஜேதப்³போ³. ஸோபி ச மாதாபிதூஹி அனுஞ்ஞாதோயேவ. தஸ்ஸ அனுஜானநலக்க²ணங் ‘‘ந பி⁴க்க²வே அனநுஞ்ஞாதோ மாதாபிதூஹி புத்தோ பப்³பா³ஜேதப்³போ³, யோ பப்³பா³ஜெய்ய, ஆபத்தி து³க்கடஸ்ஸா’’தி ஏதஸ்மிங் ஸுத்தே வண்ணயிஸ்ஸாம.
ஏவங் பப்³ப³ஜ்ஜாதோ³ஸவிரஹிதங் மாதாபிதூஹி அனுஞ்ஞாதங் பப்³பா³ஜெந்தேனாபி ச ஸசே அச்சி²ன்னகேஸோ ஹோதி, ஏகஸீமாய ச அஞ்ஞேபி பி⁴க்கூ² அத்தி², கேஸச்சே²த³னத்தா²ய ப⁴ண்டு³கம்மங் ஆபுச்சி²தப்³ப³ங். தஸ்ஸ ஆபுச்ச²னாகாரங் ‘‘அனுஜானாமி, பி⁴க்க²வே, ஸங்க⁴ங் அபலோகேதுங் ப⁴ண்டு³கம்மாயா’’தி எத்த² வண்ணயிஸ்ஸாம. ஸசே ஓகாஸோ ஹோதி, ஸயங் பப்³பா³ஜேதப்³போ³. ஸசே உத்³தே³ஸபரிபுச்சா²தீ³ஹி ப்³யாவடோ ஹோதி, ஓகாஸங் ந லப⁴தி, ஏகோ த³ஹரபி⁴க்கு² வத்தப்³போ³ ‘‘ஏதங் பப்³பா³ஜேஹீ’’தி. அவுத்தோபி சே த³ஹரபி⁴க்கு² உபஜ்ஜா²யங் உத்³தி³ஸ்ஸ பப்³பா³ஜேதி, வட்டதி. ஸசே த³ஹரபி⁴க்கு² நத்தி², ஸாமணேரோபி வத்தப்³போ³ ‘‘ஏதங் க²ண்ட³ஸீமங் நெத்வா பப்³பா³ஜெத்வா காஸாயானி அச்சா²தெ³த்வா ஏஹீ’’தி. ஸரணானி பன ஸயங் தா³தப்³பா³னி. ஏவங் பி⁴க்கு²னாவ பப்³ப³ஜிதோ ஹோதி. புரிஸஞ்ஹி பி⁴க்கு²தோ அஞ்ஞோ பப்³பா³ஜேதுங் ந லப⁴தி, மாதுகா³மங் பி⁴க்கு²னிதோ அஞ்ஞோ. ஸாமணேரோ பன ஸாமணேரீ வா ஆணத்தியா காஸாயானி தா³துங் லப⁴தி. கேஸோரோபனங் யேன கேனசி கதங் ஸுகதங்.
ஸசே
ஏவங் நஹாபனகாலே பன கேஸமஸ்ஸுங் ஓரோபனகாலே வா ‘‘த்வங் ஞாதோ யஸஸ்ஸீ, இதா³னி மயங் தங் நிஸ்ஸாய பச்சயேஹி ந கிலமிஸ்ஸாமா’’தி ந வத்தப்³போ³, அஞ்ஞாபி அனிய்யானிககதா² ந கதே²தப்³பா³. அத² க்²வஸ்ஸ ‘‘ஆவுஸோ, ஸுட்டு² உபதா⁴ரேஹி ஸதிங் உபட்டா²பேஹீ’’தி வத்வா தசபஞ்சககம்மட்டா²னங் ஆசிக்கி²தப்³ப³ங், ஆசிக்க²ந்தேன ச வண்ணஸண்டா²னக³ந்தா⁴ஸயோகாஸவஸேன அஸுசிஜேகு³ச்ச²படிகூலபா⁴வங் நிஜ்ஜீவனிஸ்ஸத்தபா⁴வங் வா பாகடங் கரொந்தேன ஆசிக்கி²தப்³ப³ங். ஸசே ஹி ஸோ புப்³பே³ மத்³தி³தஸங்கா²ரோ ஹோதி பா⁴விதபா⁴வனோ, கண்டகவேதா⁴பெக்கோ² விய பரிபக்கக³ண்டோ³, ஸூரியுக்³க³மனாபெக்க²ங் விய ச பரிணதபது³மங், அத²ஸ்ஸ ஆரத்³த⁴மத்தே கம்மட்டா²னமனஸிகாரே இந்தா³ஸனி விய பப்³ப³தே கிலேஸபப்³ப³தே சுண்ணயமானங்யேவ ஞாணங் பவத்ததி, கு²ரக்³கே³யேவ அரஹத்தங் பாபுணாதி. யே ஹி கேசி கு²ரக்³கே³ அரஹத்தங் பத்தா, ஸப்³பே³ தே ஏவரூபங் ஸவனங் லபி⁴த்வா கல்யாணமித்தேன ஆசரியேன தி³ன்னநயங் நிஸ்ஸாய நோ அனிஸ்ஸாய. தஸ்மாஸ்ஸ ஆதி³தோவ ஏவரூபீ கதா² கதே²தப்³பா³தி.
கேஸேஸு பன ஓரோபிதேஸு ஹலித்³தி³சுண்ணேன வா க³ந்த⁴சுண்ணேன வா ஸீஸஞ்ச ஸரீரஞ்ச உப்³ப³ட்டெத்வா கி³ஹிக³ந்த⁴ங் அபனெத்வா காஸாயானி திக்க²த்துங் வா த்³விக்க²த்துங்
யங் பன நிவாஸனங் வா பாருபனங் வா அனாணத்தியா ‘‘பட²மங் கேஸமஸ்ஸுங் ஓஹாரெத்வா காஸாயானி வத்தா²னி அச்சா²தா³பெத்வா ஏகங்ஸங் உத்தராஸங்க³ங் காராபெத்வா’’தி எத்த² வினிச்ச²யோ.
பி⁴க்கூ²னங் பாதே³ வந்தா³பெத்வாதி யே தத்த² ஸன்னிபதிதா பி⁴க்கூ², தேஸங் பாதே³ வந்தா³பெத்வா; அத² ஸரணக்³க³ஹணத்த²ங் உக்குடிகங் நிஸீதா³பெத்வா அஞ்ஜலிங் பக்³க³ண்ஹாபெத்வா ஏவங் வதே³ஹீதி வத்தப்³போ³. ‘‘யமஹங் வதா³மி, தங் வதே³ஹீ’’தி வத்தப்³போ³. அத²ஸ்ஸ உபஜ்ஜா²யேன வா ஆசரியேன வா ‘‘பு³த்³த⁴ங் ஸரணங் க³ச்சா²மீ’’திஆதி³னா நயேன ஸரணானி தா³தப்³பா³னி யதா²வுத்தபடிபாடியாவ ந உப்படிபாடியா. ஸசே ஹி ஏகபத³ம்பி ஏகக்க²ரம்பி உப்படிபாடியா தே³தி, பு³த்³த⁴ங் ஸரணங்யேவ வா திக்க²த்துங் த³த்வா புன இதரேஸு ஏகேகங் திக்க²த்துங் தே³தி, அதி³ன்னானி ஹொந்தி ஸரணானி.
இமஞ்ச பன ஸரணக³மனூபஸம்பத³ங் படிக்கி²பித்வா அனுஞ்ஞாதஉபஸம்பதா³ ஏகதோ ஸுத்³தி⁴யா வட்டதி. ஸாமணேரபப்³ப³ஜ்ஜா பன உப⁴தோஸுத்³தி⁴யாவ வட்டதி, நோ ஏகதோ ஸுத்³தி⁴யா. தஸ்மா உபஸம்பதா³ய ஸசே ஆசரியோ ஞத்திதோ³ஸஞ்சேவ கம்மவாசாதோ³ஸஞ்ச வஜ்ஜெத்வா கம்மங் கரோதி, ஸுகதங் ஹோதி. பப்³ப³ஜ்ஜாய பன இமானி தீணி ஸரணானி பு³காரத⁴காராதீ³னங் ப்³யஞ்ஜனானங் டா²னகரணஸம்பத³ங் அஹாபெந்தேனேவ ஆசரியேனபி அந்தேவாஸிகேனபி வத்தப்³பா³னி. ஸசே ஆசரியோ வத்துங் ஸக்கோதி, அந்தேவாஸிகோ ந ஸக்கோதி; அந்தேவாஸிகோ வா ஸக்கோதி, ஆசரியோ ந ஸக்கோதி; உபோ⁴பி வா ந ஸக்கொந்தி, ந வட்டதி. ஸசே பன உபோ⁴பி ஸக்கொந்தி, வட்டதி.
இமானி அந்த⁴கட்ட²கதா²யங் நாமங் ஸாவெத்வா ‘‘அஹங் ப⁴ந்தே பு³த்³த⁴ரக்கி²தோ யாவஜீவங் பு³த்³த⁴ங் ஸரணங் க³ச்சா²மீ’’தி வுத்தங், தங் ஏகஅட்ட²கதா²யம்பி நத்தி², பாளியம்பி ந வுத்தங், தேஸங் ருசிமத்தமேவ, தஸ்மா ந க³ஹேதப்³ப³ங். ந ஹி ததா² அவத³ந்தஸ்ஸ ஸரணங் குப்பதீதி.
அனுஜானாமி பி⁴க்க²வே இமேஹி தீஹி ஸரணக³மனேஹி பப்³ப³ஜ்ஜங் உபஸம்பத³ந்தி இமேஹி பு³த்³த⁴ங் ஸரணங் க³ச்சா²மீதிஆதீ³ஹி ஏவங் திக்க²த்துங் உப⁴தோஸுத்³தி⁴யா வுத்தேஹி தீஹி ஸரணக³மனேஹி பப்³ப³ஜ்ஜஞ்சேவ உபஸம்பத³ஞ்ச அனுஜானாமீதி அத்தோ². தத்த² யஸ்மா உபஸம்பதா³ பரதோ படிக்கி²த்தா, தஸ்மா ஸா ஏதரஹி ஸரணமத்தேனேவ ந ருஹதி. பப்³ப³ஜ்ஜா பன யஸ்மா பரதோ ‘‘அனுஜானாமி, பி⁴க்க²வே, இமேஹி தீஹி ஸரணக³மனேஹி ஸாமணேரபப்³ப³ஜ்ஜ’’ந்தி அனுஞ்ஞாதா ஏவ, தஸ்மா ஸா ஏதரஹிபி ஸரணமத்தேனேவ ருஹதி. எத்தாவதா ஹி ஸாமணேரபூ⁴மியங் பதிட்டி²தோ ஹோதி.
ஸசே பனேஸ மதிமா ஹோதி பண்டி³தஜாதிகோ, அத²ஸ்ஸ தஸ்மிங்யேவ டா²னே ஸிக்கா²பதா³னி உத்³தி³ஸிதப்³பா³னி. கத²ங்? யதா² ப⁴க³வதா உத்³தி³ட்டா²னி. வுத்தஞ்ஹேதங் –
‘‘அனுஜானாமி
அந்த⁴கட்ட²கதா²யங் பன ‘‘அஹங், ப⁴ந்தே, இத்த²ன்னாமோ யாவஜீவங் பாணாதிபாதா வேரமணிஸிக்கா²பத³ங்
ஸமாதி³யாமீ’’தி ஏவங் ஸரணதா³னங் விய ஸிக்கா²பத³தா³னம்பி வுத்தங், தங் நேவ பாளியங் ந அட்ட²கதா²ஸு அத்தி², தஸ்மா யதா²பாளியாவ உத்³தி³ஸிதப்³பா³னி. பப்³ப³ஜ்ஜா ஹி ஸரணக³மனேஹேவ ஸித்³தா⁴, ஸிக்கா²பதா³னி பன கேவலங் ஸிக்கா²பரிபூரணத்த²ங்
பப்³ப³ஜ்ஜாகதா² நிட்டி²தா.
து³தியமாரகதா²
35. மய்ஹங் கோ² பி⁴க்க²வேதி மயா கோ²தி அத்தோ². அத² வா யோ மய்ஹங் யோனிஸோ மனஸிகாரோ, தேன ஹேதுனாதி அத்தோ². புன அனுப்பத்தாதி எத்த² விப⁴த்திங் பரிணாமெத்வா மயாதி வத்தப்³ப³ங்.
து³தியமாரகதா² நிட்டி²தா.
ப⁴த்³த³வக்³கி³யகதா²
36. ப⁴த்³த³வக்³கி³யாதி தேன ஹி வோதி எத்த² வோகாரோ நிபாதமத்தோ. த⁴ம்மசக்கு²ங் உத³பாதீ³தி கேஸஞ்சி ஸோதாபத்திமக்³கோ³, கேஸஞ்சி ஸகதா³கா³மிமக்³கோ³, கேஸஞ்சி அனாகா³மிமக்³கோ³ உத³பாதி³. தயோபி ஹி ஏதே மக்³கா³ ‘‘த⁴ம்மசக்கூ²’’தி வுச்சந்தி. தே கிர துண்டி³லஜாதகே திங்ஸது⁴த்தா அஹேஸுங், அத² துண்டி³லோவாத³ங் ஸுத்வா பஞ்சஸீலானி ரக்கி²ங்ஸு; இத³ங் நேஸங் புப்³ப³கம்மங்.
ப⁴த்³த³வக்³கி³யகதா² நிட்டி²தா.
உருவேலபாடிஹாரியகதா²
37. பமுகோ²தி புப்³ப³ங்க³மோ. பாமொக்கோ²தி உத்தமோ விஸுத்³த⁴பஞ்ஞோ.
38. அனுபஹச்சாதி தேஜஸா தேஜந்தி அத்தனோ தேஜேன நாக³ஸ்ஸ தேஜங். பரியாதி³யெய்யந்தி அபி⁴ப⁴வெய்யங், வினாஸெய்யங் வாதி. மக்க²ந்தி கோத⁴ங். நத்வேவ ச கோ² அரஹா யதா² அஹந்தி அத்தானங் ‘‘அரஹா அஹ’’ந்தி மஞ்ஞமானோ வத³தி.
39. நேரஞ்ஜராயங் ப⁴க³வாதிஆதி³கா கா³தா²யோ பச்சா² பக்கி²த்தா.
44-9. விஸ்ஸஜ்ஜெய்யந்தி ஆஹரஹத்தோ². உய்யோஜெத்வாதி விஸ்ஸஜ்ஜெத்வா. மந்தா³முகி²யோதி அக்³கி³பா⁴ஜனானி வுச்சந்தி.
51. சிரபடிகாதி சிரகாலதோ பட்டா²ய.
52. கேஸமிஸ்ஸந்திஆதீ³ஸு கேஸா ஏவ கேஸமிஸ்ஸங். ஏஸ நயோ ஸப்³ப³த்த². கா²ரிகாஜந்தி கா²ரிபா⁴ரோ.
உருவேலபாடிஹாரியகதா² நிட்டி²தா.
பி³ம்பி³ஸாரஸமாக³மகதா²
55. லட்டி²வனேதி ஸுப்பதிட்டே² சேதியேதி அஞ்ஞதரஸ்மிங் வடருக்கே²; தஸ்ஸ கிரேதங் நாமங். த்³வாத³ஸனஹுதேஹீதி எத்த² ஏகங் நஹுதங் த³ஸஸஹஸ்ஸானி. அஜ்ஜ²பா⁴ஸீதி தேஸங் கங்கா²ச்சே²த³னத்த²ங் அபா⁴ஸி.
கிஸகோவதா³னோதி தாபஸசரியாய கிஸஸரீரத்தா ‘‘கிஸகோ’’தி லத்³த⁴னாமானங் தாபஸானங் ஓவாத³கோ அனுஸாஸகோ ஸமானோதி அத்தோ². அத² வா ஸயங் கிஸகோ தாபஸோ ஸமானோ வதா³னோ ச அஞ்ஞே ஓவத³ந்தோ அனுஸாஸந்தோதிபி அத்தோ². கத²ங் பஹீனந்தி கேன காரணேன பஹீனங். இத³ங் வுத்தங் ஹோதி – ‘‘த்வங் உருவேலவாஸிஅக்³கி³பரிசாரகானங் தாபஸானங் ஸயங் ஓவாதா³சரியோ ஸமானோ கிங் தி³ஸ்வா பஹாஸி, புச்சா²மி தங் ஏதமத்த²ங் கேன காரணேன தவ அக்³கி³ஹுத்தங் பஹீன’’ந்தி.
து³தியகா³தா²ய அயமத்தோ² – ஏதே ரூபாதி³கே காமே இத்தி²யோ ச யஞ்ஞா அபி⁴வத³ந்தி, ஸ்வாஹங் ஏதங் ஸப்³ப³ம்பி ரூபாதி³கங் காமப்பபே⁴த³ங் க²ந்து⁴பதீ⁴ஸு மலந்தி ஞத்வா யஸ்மா இமே யிட்ட²ஹுதப்பபே⁴தா³ யஞ்ஞா மலமேவ வத³ந்தி, தஸ்மா ந யிட்டே²
ததியகா³தா²ய அத² கோசரஹீதி அத² க்வசரஹி. ஸேஸங் உத்தானமேவ.
சதுத்த²கா³தா²ய – பத³ந்தி நிப்³பா³னபத³ங். ஸந்தஸபா⁴வதாய ஸந்தங். உபதீ⁴னங் அபா⁴வேன அனுபதி⁴கங். ராக³கிஞ்சனாதீ³னங் அபா⁴வேன அகிஞ்சனங். தீஸு ப⁴வேஸு அலக்³க³தாய யங் காமப⁴வங் யஞ்ஞா வத³ந்தி, தஸ்மிம்பி காமப⁴வே அஸத்தங். ஜாதிஜராமரணானங் அபா⁴வேன அனஞ்ஞதா²பா⁴விங். அத்தனா பா⁴விதேன மக்³கே³னேவ அதி⁴க³ந்தப்³ப³ங், ந அஞ்ஞேன கேனசி அதி⁴க³மேதப்³ப³ந்தி அனஞ்ஞனெய்யங். யஸ்மா ஈதி³ஸங் பத³மத்³த³ஸங், தஸ்மா ந யிட்டே² ந ஹுதே அரஞ்ஜிங். தேன கிங் த³ஸ்ஸேதி? யோ அஹங் தே³வமனுஸ்ஸலோகஸம்பத்திஸாத⁴கே ந யிட்டே² ந ஹுதே அரஞ்ஜிங், ஸோ கிங் வக்கா²மி ‘‘எத்த² நாம மே தே³வமனுஸ்ஸலோகே ரதோ மனோ’’தி.
56. ஏவங் ஸப்³ப³லோகே அனபி⁴ரதிபா⁴வங் பகாஸெத்வா அத² கோ² ஆயஸ்மா உருவேலகஸ்ஸபோ ‘‘ஸாவகோஹமஸ்மீ’’தி ஏவங் ப⁴க³வதோ ஸாவகபா⁴வங் பகாஸேஸி. தஞ்ச கோ² ஆகாஸே விவிதா⁴னி பாடிஹாரியானி த³ஸ்ஸெத்வா. த⁴ம்மசக்கு²ந்தி ஸோதாபத்திமக்³க³ஞாணங்.
57. அஸ்ஸாஸகாதி ஏஸாஹங் ப⁴ந்தேதி எத்த² பன கிஞ்சாபி மக்³க³ப்படிவேதே⁴னேவஸ்ஸ ஸித்³த⁴ங் ஸரணக³மனங், தத்த² பன நிச்ச²யக³மனமேவ க³தோ, இதா³னி வாசாய அத்தஸன்னிய்யாதனங் கரோதி. மக்³க³வஸேனேவாயங் நியதஸரணதங் பத்தோ, தங் பரேஸங் வாசாய பாகடங் கரொந்தோ பணிபாதக³மனஞ்ச க³ச்ச²ந்தோ ஏவங் வத³தி.
58. ஸிங்கீ³னிக்க²ஸவண்ணோதி ஸிங்கீ³ஸுவண்ணனிக்கே²ன ஸமானவண்ணோ. த³ஸவாஸோதி த³ஸஸு அரியவாஸேஸு வுத்த²வாஸோ. த³ஸத⁴ம்மவிதூ³தி த³ஸகம்மபத²விதூ³. த³ஸபி⁴ சுபேதோதி த³ஸஹி அஸெக்கே²ஹி அங்கே³ஹி உபேதோ. ஸப்³ப³தி⁴த³ந்தோதி ஸப்³பே³ஸு த³ந்தோ; ப⁴க³வதோ ஹி சக்கு²ஆதீ³ஸு கிஞ்சி அத³ந்தங் நாம நத்தி².
59. ப⁴க³வந்தங் பு⁴த்தாவிங் ஓனீதபத்தபாணிங் ஏகமந்தங் நிஸீதீ³தி அத்தி²கானந்தி பு³த்³தா⁴பி⁴வாத³னக³மனேன ச த⁴ம்மஸவனேன ச அத்தி²கானங். அபி⁴க்கமனீயந்தி அபி⁴க³ந்துங் ஸக்குணெய்யங். அப்பாகிண்ணந்தி அனாகிண்ணங். அப்பஸத்³த³ந்தி வசனஸத்³தே³ன அப்பஸத்³த³ங். அப்பனிக்³கோ⁴ஸந்தி நக³ரனிக்³கோ⁴ஸஸத்³தே³ன அப்பனிக்³கோ⁴ஸங். விஜனவாதந்தி அனுஸஞ்சரணஜனஸ்ஸ ஸரீரவாதேன விரஹிதங். ‘‘விஜனவாத³’’ந்திபி பாடோ²; அந்தோ ஜனவாதே³ன ரஹிதந்தி அத்தோ². ‘‘விஜனபாத’’ந்திபி பாடோ²; ஜனஸஞ்சாரவிரஹிதந்தி அத்தோ². மனுஸ்ஸராஹஸெய்யகந்தி மனுஸ்ஸானங் ரஹஸ்ஸகிரியட்டா²னியங். படிஸல்லானஸாருப்பந்தி விவேகானுரூபங்.
ஸாரிபுத்தமொக்³க³ல்லானபப்³ப³ஜ்ஜாகதா²
60. ஸாரிபுத்தமொக்³க³ல்லானாதி ஸாரிபுத்தோ ச மொக்³க³ல்லானோ ச. தேஹி கதிகா கதா ஹோதி ‘‘யோ பட²மங் அமதங் அதி⁴க³ச்ச²தி, ஸோ ஆரோசேதூ’’தி தே கிர உபோ⁴பி கி³ஹிகாலே உபதிஸ்ஸோ கோலிதோதி ஏவங் பஞ்ஞாயமானநாமா அட்³ட⁴தெய்யஸதமாணவகபரிவாரா கி³ரக்³க³ஸமஜ்ஜங் அக³மங்ஸு. தத்ர நேஸங் மஹாஜனங் தி³ஸ்வா ஏதத³ஹோஸி – ‘‘அயங் நாம ஏவங் மஹாஸத்தனிகாயோ அப்பத்தே வஸ்ஸஸதே மரணமுகே² பதிஸ்ஸதீ’’தி. அத² உபோ⁴பி உட்டி²தாய பரிஸாய அஞ்ஞமஞ்ஞங் புச்சி²த்வா ஏகஜ்ஜா²ஸயா பச்சுபட்டி²தமரணஸஞ்ஞா ஸம்மந்தயிங்ஸு ‘‘ஸம்ம மரணே ஸதி அமதேனாபி ப⁴விதப்³ப³ங், ஹந்த³ மயங் அமதங் பரியேஸாமா’’தி அமதபரியேஸனத்த²ங் ஸஞ்சயஸ்ஸ ச²ன்னபரிப்³பா³ஜகஸ்ஸ ஸந்திகே ஸபரிஸா
பாஸாதி³கேன அபி⁴க்கந்தேனாதிஆதீ³ஸு இத்த²ம்பூ⁴தலக்க²ணே கரணவசனங் வேதி³தப்³ப³ங். அத்தி²கேஹி உபஞ்ஞாதங் மக்³க³ந்தி ஏதங் அனுப³ந்த⁴னஸ்ஸ காரணவசனங்; இத³ஞ்ஹி வுத்தங் ஹோதி – ‘‘யங்னூனாஹங் இமங் பி⁴க்கு²ங் பிட்டி²தோ பிட்டி²தோ அனுப³ந்தெ⁴ய்யங், கஸ்மா
பிண்ட³பாதங் ஆதா³ய படிக்கமீதி ஸுதி³ன்னகண்டே³ வுத்தப்பகாரங் அஞ்ஞதரங் குட்டமூலங் உபஸங்கமித்வா நிஸீதி³. ஸாரிபுத்தோபி கோ² ‘‘அகாலோ கோ² தாவ பஞ்ஹங் புச்சி²து’’ந்தி காலங் ஆக³மயமானோ ஏகமந்தங் ட²த்வா வத்தபடிபத்திபூரணத்த²ங் கதப⁴த்தகிச்சஸ்ஸ தே²ரஸ்ஸ அத்தனோ கமண்ட³லுதோ உத³கங் த³த்வா தோ⁴தஹத்த²பாதே³ன தே²ரேன ஸத்³தி⁴ங் படிஸந்தா²ரங் கத்வா பஞ்ஹங் புச்சி². தேன வுத்தங் – ‘‘அத² கோ² ஸாரிபுத்தோ பரிப்³பா³ஜகோ’’திஆதி³. ந தாஹங் ஸக்கோமீதி ந தே அஹங் ஸக்கோமி. எத்த² ச படிஸம்பி⁴தா³ப்பத்தோ தே²ரோ ந எத்தகங் ந ஸக்கோதி. அத² கோ² இமஸ்ஸ த⁴ம்மகா³ரவங் உப்பாதெ³ஸ்ஸாமீதி ஸப்³பா³காரேன பு³த்³த⁴விஸயே அவிஸயபா⁴வங் க³ஹெத்வா ஏவமாஹ.
யே த⁴ம்மா ஹேதுப்பப⁴வாதி ஹேதுப்பப⁴வா நாம பஞ்சக்க²ந்தா⁴; தேனஸ்ஸ து³க்க²ஸச்சங் த³ஸ்ஸேதி. தேஸங் ஹேதுங் ததா²க³தோ ஆஹாதி தேஸங் ஹேது நாம ஸமுத³யஸச்சங்; தஞ்ச ததா²க³தோ ஆஹாதி த³ஸ்ஸேதி. தேஸஞ்ச யோ நிரோதோ⁴தி தேஸங் உபி⁴ன்னம்பி ஸச்சானங் யோ அப்பவத்தினிரோதோ⁴; தஞ்ச ததா²க³தோ ஆஹாதி அத்தோ². தேனஸ்ஸ நிரோத⁴ஸச்சங் த³ஸ்ஸேதி. மக்³க³ஸச்சங் பனெத்த² ஸரூபதோ அத³ஸ்ஸிதம்பி நயதோ த³ஸ்ஸிதங் ஹோதி, நிரோதே⁴ ஹி வுத்தே தஸ்ஸ ஸம்பாபகோ மக்³கோ³ வுத்தோவ ஹோதி. அத² வா தேஸஞ்ச யோ நிரோதோ⁴தி எத்த² தேஸங் யோ நிரோதோ⁴ ச நிரோது⁴பாயோ சாதி ஏவங் த்³வேபி ஸச்சானி த³ஸ்ஸிதானி ஹொந்தீதி. இதா³னி தமேவத்த²ங் படிபாதெ³ந்தோ ஆஹ – ‘‘ஏவங்வாதீ³ மஹாஸமணோ’’தி.
ஏஸேவ த⁴ம்மோ யதி³ தாவதே³வாதி ஸசேபி இதோ உத்தரி நத்தி², எத்தகமேவ இத³ங் ஸோதாபத்திப²லமத்தமேவ பத்தப்³ப³ங், ததா²பி ஏஸோ ஏவ த⁴ம்மோதி அத்தோ². பச்சப்³யத்த² பத³மஸோகந்தி யங் அதி³ட்ட²ங் அப்³ப⁴தீதங் ப³ஹுகேஹி கப்பனஹுதேஹீதி அம்ஹேஹி நாம இத³ங் பத³ங் ப³ஹுகேஹி
62. க³ம்பீ⁴ரே ஞாணவிஸயேதி க³ம்பீ⁴ரே சேவ க³ம்பீ⁴ரஸ்ஸ ச ஞாணஸ்ஸ விஸயபூ⁴தே. அனுத்தரே உபதி⁴ஸங்க²யேதி நிப்³பா³னே. விமுத்தேதி ததா³ரம்மணாய விமுத்தியா விமுத்தே. ப்³யாகாஸீதி ‘‘ஏதங் மே ஸாவகயுக³ங் ப⁴விஸ்ஸதி அக்³க³ங் ப⁴த்³த³யுக³’’ந்தி வத³ந்தோ ஸாவகபாரமிஞ்ஞாணே ப்³யாகாஸி. ஸாவ தேஸங் ஆயஸ்மந்தானங் உபஸம்பதா³ அஹோஸீதி ஸா ஏஹிபி⁴க்கூ²பஸம்பதா³யேவ தேஸங் உபஸம்பதா³ அஹோஸி. ஏவங் உபஸம்பன்னேஸு ச தேஸு மஹாமொக்³க³ல்லானத்தே²ரோ ஸத்தஹி தி³வஸேஹி அரஹத்தே பதிட்டி²தோ, ஸாரிபுத்தத்தே²ரோ அட்³ட⁴மாஸேன.
அதீதே கிர அனோமத³ஸ்ஸீ நாம பு³த்³தோ⁴ லோகே உத³பாதி³. தஸ்ஸ ஸரதோ³ நாம தாபஸோ ஸகே அஸ்ஸமே நானாபுப்பே²ஹி மண்ட³பங் கத்வா புப்பா²ஸனேயேவ ப⁴க³வந்தங் நிஸீதா³பெத்வா பி⁴க்கு²ஸங்க⁴ஸ்ஸாபி ததே²வ மண்ட³பங் கத்வா புப்பா²ஸனானி பஞ்ஞபெத்வா அக்³க³ஸாவகபா⁴வங் பத்தே²ஸி. பத்த²யித்வா ச ஸிரீவட்³ட⁴ஸ்ஸ நாம ஸெட்டி²னோ பேஸேஸி ‘‘மயா அக்³க³ஸாவகட்டா²னங் பத்தி²தங், த்வம்பி ஆக³ந்த்வா ஏகங் டா²னங் பத்தே²ஹீ’’தி. ஸெட்டி² நீலுப்பலமண்ட³பங் கத்வா பு³த்³த⁴ப்பமுக²ங் பி⁴க்கு²ஸங்க⁴ங், தத்த² போ⁴ஜெத்வா து³தியஸாவகபா⁴வங் பத்தே²ஸி. தேஸு ஸரத³தாபஸோ ஸாரிபுத்தத்தே²ரோ ஜாதோ, ஸிரீவட்³டோ⁴ மஹாமொக்³க³ல்லானத்தே²ரோதி இத³ங் நேஸங் புப்³ப³கம்மங்.
63. அபுத்தகதாயாதிஆதீ³ஸு யேஸங் புத்தா பப்³ப³ஜந்தி, தேஸங் அபுத்தகதாய. யாஸங் பதீ பப்³ப³ஜந்தி, தாஸங் வேத⁴ப்³யாய வித⁴வாபா⁴வாய. உப⁴யேனாபி குலுபச்சே²தா³ய. ஸஞ்சயானீதி ஸஞ்சயஸ்ஸ அந்தேவாஸிகானி. மக³தா⁴னங் கி³ரிப்³ப³ஜந்தி மக³தா⁴னங் ஜனபத³ஸ்ஸ கி³ரிப்³ப³ஜங் நக³ரங். மஹாவீராதி மஹாவீரியவந்தோ. நயமானானந்தி நயமானேஸு. பு⁴ம்மத்தே² கா உஸூயா விஜானதந்தி த⁴ம்மேன நயந்தீதி ஏவங் விஜானந்தானங் கா இஸ்ஸா.
ஸாரிபுத்தமொக்³க³ல்லானபப்³ப³ஜ்ஜாகதா² நிட்டி²தா.
உபஜ்ஜா²யவத்தகதா²
64-5. அனுபஜ்ஜா²யகாதி அனாகப்பஸம்பன்னாதி ந ஆகப்பேன ஸம்பன்னா; ஸமணஸாருப்பாசாரவிரஹிதாதி அத்தோ² உபரிபோ⁴ஜனேதி போ⁴ஜனஸ்ஸ உபரி. உத்திட்ட²பத்தந்தி பிண்டா³ய சரணகபத்தங். தஸ்மிஞ்ஹி மனுஸ்ஸா உச்சி²ட்ட²ஸஞ்ஞினோ, தஸ்மா உத்திட்ட²பத்தந்தி வுத்தங். அத² வா உட்ட²ஹித்வா பத்தங் உபனாமெந்தீதி ஏவம்பெத்த² அத்தோ² த³ட்ட²ப்³போ³. அனுஜானாமி பி⁴க்க²வே உபஜ்ஜா²யந்தி உபஜ்ஜா²யங் க³ஹேதுங் அனுஜானாமீதி அத்தோ². புத்தசித்தங் உபட்ட²பெஸ்ஸதீதி புத்தோ மே அயந்தி ஏவங் கே³ஹஸ்ஸிதபேமவஸேன சித்தங் உபட்ட²பெஸ்ஸதி. ஏஸ நயோ து³தியபதே³பி. ஸகா³ரவா ஸப்பதிஸ்ஸாதி க³ருபா⁴வஞ்சேவ ஜெட்ட²கபா⁴வஞ்ச உபட்ட²பெத்வா. ஸபா⁴க³வுத்தினோதி ஸபா⁴க³ஜீவிகா. ஸாஹூதி வாதிஆதீ³னி பஞ்ச பதா³னி உபஜ்ஜா²யபா⁴வஸம்படிச்ச²னவேவசனானி. காயேன விஞ்ஞாபேதீதி ஏவங் ஸத்³தி⁴விஹாரிகேன ‘‘உபஜ்ஜா²யோ மே ப⁴ந்தே ஹோஹீ’’தி திக்க²த்துங் வுத்தே ஸசே உபஜ்ஜா²யோ ‘‘ஸாஹூ’’திஆதீ³ஸு பஞ்சஸு பதே³ஸு யஸ்ஸ கஸ்ஸசி பத³ஸ்ஸ வஸேன காயேன வா வாசாய வா காயவாசாஹி வா ‘‘க³ஹிதோ தயா உபஜ்ஜா²யோ’’தி உபஜ்ஜா²யக்³க³ஹணங் விஞ்ஞாபேதி, க³ஹிதோ ஹோதி உபஜ்ஜா²யோ. இத³மேவ ஹி எத்த² உபஜ்ஜா²யக்³க³ஹணங், யதி³த³ங் உபஜ்ஜா²யஸ்ஸ இமேஸு பஞ்சஸு பதே³ஸு யஸ்ஸ கஸ்ஸசி பத³ஸ்ஸ வாசாய வா ஸாவனங் காயேன வா அத்த²விஞ்ஞாபனந்தி. கேசி பன ஸாதூ⁴தி ஸம்படிச்ச²னங் ஸந்தா⁴ய வத³ந்தி. ந தங் பமாணங், ஆயாசனதா³னமத்தேன ஹி க³ஹிதோ ஹோதி உபஜ்ஜா²யோ, ந எத்த² ஸம்படிச்ச²னங் அங்க³ங். ஸத்³தி⁴விஹாரிகேனாபி ந கேவலங் இமினா மே பதே³ன உபஜ்ஜா²யோ க³ஹிதோதி ஞாதுங் வட்டதி. ‘‘அஜ்ஜதக்³கே³ தா³னி தே²ரோ மய்ஹங் பா⁴ரோ, அஹம்பி தே²ரஸ்ஸ பா⁴ரோ’’தி இத³ம்பி ஞாதுங் வட்டதி.
66. தத்ராயங் ஸம்மாவத்தனாதி யங் வுத்தங் ஸம்மா வத்திதப்³ப³ந்தி, தத்ர அயங் ஸம்மாவத்தனா. காலஸ்ஸேவ உட்டா²ய உபாஹனா ஓமுஞ்சித்வாதி ஸசஸ்ஸ பச்சூஸகாலே சங்கமனத்தா²ய வா தோ⁴தபாத³பரிஹரணத்தா²ய வா படிமுக்கா உபாஹனா பாத³க³தா ஹொந்தி, தா காலஸ்ஸேவ உட்டா²ய அபனெத்வா. த³ந்தகட்ட²ங் தா³தப்³ப³ந்தி மஹந்தங் மஜ்ஜி²மங் கு²த்³த³கந்தி
முகோ²த³கங் தா³தப்³ப³ந்தி ஸீதஞ்ச உண்ஹஞ்ச உத³கங் உபனெத்வா ததோ யங் தீணி தி³வஸானி வளஞ்ஜேதி, சதுத்த²தி³வஸதோ பட்டா²ய தாதி³ஸமேவ முக²தோ⁴வனோத³கங் ‘‘ஸசே யாகு³ ஹோதீ’’திஆதி³னா நயேன வுத்தவத்தங் காதப்³ப³ங். உக்லாபோதி கேனசி கசவரேன ஸங்கிண்ணோ, ஸசே பன அஞ்ஞோ கசவரோ நத்தி², உத³கபு²ஸிதானேவ ஹொந்தி, ஹத்தே²னபி பமஜ்ஜிதப்³போ³.
ஸகு³ணங் கத்வாதி த்³வே சீவரானி ஏகதோ கத்வா, தா ஏகதோ கதா த்³வேபி ஸங்கா⁴டியோ தா³தப்³பா³. ஸப்³ப³ஞ்ஹி சீவரங் ஸங்க⁴டிதத்தா ‘‘ஸங்கா⁴டீ’’தி வுச்சதி. தேன வுத்தங் – ‘‘ஸங்கா⁴டியோ தா³தப்³பா³’’தி. நாதிதூ³ரே க³ந்தப்³ப³ங் நாச்சாஸன்னேதி எத்த² ஸசே உபஜ்ஜா²யங் நிவத்தித்வா ஓலோகெந்தங் ஏகேன வா த்³வீஹி வா பத³வீதிஹாரேஹி ஸம்பாபுணாதி, எத்தாவதா நாதிதூ³ரே நாச்சாஸன்னே க³தோ ஹோதீதி வேதி³தப்³ப³ங். பத்தபரியாபன்னங் படிக்³க³ஹேதப்³ப³ந்தி ஸசே உபஜ்ஜா²யேன பி⁴க்கா²சாரே யாகு³யா வா ப⁴த்தே வா லத்³தே⁴ பத்தோ உண்ஹோ வா பா⁴ரிகோ வா ஹோதி, அத்தனோ பத்தங் தஸ்ஸ த³த்வா ஸோ பத்தோ க³ஹேதப்³போ³தி அத்தோ². ந உபஜ்ஜா²யஸ்ஸ ப⁴ணமானஸ்ஸ அந்தரந்தரா கதா² ஓபாதேதப்³பா³தி அந்தரக⁴ரே வா அஞ்ஞத்ர வா ப⁴ணமானஸ்ஸ அனிட்டி²தே தஸ்ஸ வசனே அஞ்ஞா கதா² ந ஸமுட்டா²பேதப்³பா³. இதோ பட்டா²ய ச பன யத்த² யத்த² நகாரேன படிஸேதோ⁴ கரியதி, ஸப்³ப³த்த² து³க்கடாபத்தி வேதி³தப்³பா³. அயஞ்ஹி க²ந்த⁴கத⁴ம்மதா. ஆபத்திஸாமந்தா ப⁴ணமானோதி பத³ஸோத⁴ம்மது³ட்டு²ல்லாதி³வஸேன ஆபத்தியா ஆஸன்னவாசங் ப⁴ணமானோ. நிவாரேதப்³போ³தி ‘‘கிங் ப⁴ந்தே ஈதி³ஸங் நாம வத்துங் வட்டதி, ஆபத்தி
பட²மதரங் ஆக³ந்த்வாதி ஸசே ஆஸன்னே கா³மோ ஹோதி, விஹாரே வா கி³லானோ பி⁴க்கு² ஹோதி, கா³மதோ பட²மதரங் ஆக³ந்தப்³ப³ங். ஸசே தூ³ரே கா³மோ ஹோதி, உபஜ்ஜா²யேன ஸத்³தி⁴ங் ஆக³ச்ச²ந்தோ நத்தி², தேனேவ ஸத்³தி⁴ங் கா³மதோ நிக்க²மித்வா சீவரேன பத்தங் வேடெ²த்வா அந்தராமக்³க³தோ பட²மதரங் ஆக³ந்தப்³ப³ங் ஸின்னங் ஹோதீதி திந்தங் ஸேத³க்³க³ஹிதங். சதுரங்கு³லங் கண்ணங் உஸ்ஸாரெத்வாதி கண்ணங் சதுரங்கு³லப்பமாணங் அதிரேகங் கத்வா ஏவங் சீவரங் ஸங்ஹரிதப்³ப³ங். கிங் காரணா? மா மஜ்ஜே² ப⁴ங்கோ³ அஹோஸீதி. ஸமங் கத்வா ஸங்ஹரிதஸ்ஸ ஹி மஜ்ஜே² ப⁴ங்கோ³ ஹோதி, ததோ நிச்சங் பி⁴ஜ்ஜமானங் து³ப்³ப³லங் ஹோதி தங் நிவாரணத்த²மேதங் வுத்தங். தஸ்மா யதா² அஜ்ஜ ப⁴ங்க³ட்டா²னேயேவ ஸ்வே ந பி⁴ஜ்ஜதி, ததா² தி³வஸே தி³வஸே சதுரங்கு³லங் உஸ்ஸாரெத்வா ஸங்ஹரிதப்³ப³ங். ஓபோ⁴கே³ காயப³ந்த⁴னங் காதப்³ப³ந்தி காயப³ந்த⁴னங் ஸங்ஹரித்வா சீவரபோ⁴கே³ பக்கி²பித்வா ட²பேதப்³ப³ங்.
ஸசே பிண்ட³பாதோ ஹோதீதி எத்த² யோ கா³மேயேவ வா அந்தரக⁴ரே வா படிக்கமனே வா பு⁴ஞ்ஜித்வா ஆக³ச்ச²தி, பிண்ட³ங் வா ந லப⁴தி, தஸ்ஸ பிண்ட³பாதோ ந ஹோதி, கா³மே அபு⁴த்தஸ்ஸ பன லத்³த⁴பி⁴க்க²ஸ்ஸ வா ஹோதி; தஸ்மா ‘‘ஸசே பிண்ட³பாதோ ஹோதீ’’திஆதி³ வுத்தங். ஸசேபி தஸ்ஸ ந ஹோதி, பு⁴ஞ்ஜிதுகாமோ ச ஹோதி, உத³கங் த³த்வா அத்தனா லத்³த⁴தோபி பிண்ட³பாதோ உபனேதப்³போ³. பானீயேன புச்சி²தப்³போ³தி பு⁴ஞ்ஜமானோ திக்க²த்துங் ‘‘பானீயங் ப⁴ந்தே ஆஹரியதூ’’தி பானீயேன புச்சி²தப்³போ³. ஸசே காலோ அத்தி², உபஜ்ஜா²யே பு⁴த்தே ஸயங் பு⁴ஞ்ஜிதப்³ப³ங். ஸசே உபகட்டோ² காலோ, பானீயங் உபஜ்ஜா²யஸ்ஸ ஸந்திகே ட²பெத்வா ஸயம்பி பு⁴ஞ்ஜிதப்³ப³ங்.
அனந்தரஹிதாயாதி தட்டிகத⁴ம்மக²ண்டா³தீ³ஸு யேன கேனசி அனத்த²தாய பங்ஸுஸக்க²ரமிஸ்ஸாய பூ⁴மியா பத்தோ² ந ட²பேதப்³போ³தி அத்தோ². ஸசே பன காளவண்ணகதா வா ஸுதா⁴ப³த்³தா⁴ வா ஹோதி நிரஜமத்திகா, ததா²ரூபாய பூ⁴மியா பாரதோ அந்தங் ஓரதோ போ⁴க³ந்தி இத³ங் சீவரவங்ஸாதீ³னங் ஹெட்டா² ஹத்த²ங் பவேஸெத்வா அபி⁴முகே²ன ஹத்தே²ன ஸணிகங் நிக்கி²பனத்த²ங் வுத்தங். அந்தே பன க³ஹெத்வா போ⁴கே³ன சீவரவங்ஸாதீ³னங் உபரி நிக்கி²பந்தஸ்ஸ பி⁴த்தியங் போ⁴கோ³ படிஹஞ்ஞதி, தஸ்மா ததா² ந காதப்³ப³ங்.
சுண்ணங் ஸன்னேதப்³ப³ந்தி ந்ஹானசுண்ணங் உத³கேன தேமெத்வா பிண்டி³ காதப்³பா³. ஏகமந்தங் நிக்கி²பிதப்³ப³ந்தி ஏகஸ்மிங் நித்³தூ⁴மே டா²னே ட²பேதப்³ப³ங். ஜந்தாக⁴ரே பரிகம்மங் நாம உத³கேபி பரிகம்மந்தி அங்க³பச்சங்க³க⁴ங்ஸனாதி³கங் ஸப்³ப³ங் கிச்சங். பானீயேன புச்சி²தப்³போ³தி ஜந்தாக⁴ரே உண்ஹஸந்தாபேன பிபாஸா ஹோதி, தஸ்மா புச்சி²தப்³போ³.
ஸசே உஸ்ஸஹதீதி ஸசே பஹோதி; ந கேனசி கே³லஞ்ஞேன அபி⁴பூ⁴தோ ஹோதி; அகி³லானேன ஹி ஸத்³தி⁴விஹாரிகேன ஸட்டி²வஸ்ஸேனாபி ஸப்³ப³ங் உபஜ்ஜா²யவத்தங் காதப்³ப³ங், அனாத³ரேன அகரொந்தஸ்ஸ வத்தபே⁴தே³ து³க்கடங். நகாரபடிஸங்யுத்தேஸு பன பதே³ஸு கி³லானஸ்ஸாபி படிக்கி²த்தகிரியங் கரொந்தஸ்ஸ து³க்கடமேவ. அப்படிக⁴ங்ஸந்தேனாதி பூ⁴மியங் அப்படிக⁴ங்ஸந்தேன. கவாடபிட்ட²ந்தி கவாடஞ்ச பிட்ட²ஸங்கா⁴தஞ்ச அச்சு²பந்தேன. ஸந்தானகந்தி யங்கிஞ்சி கீடகுலாவகமக்கடகஸுத்தாதி³. உல்லோகா பட²மங் ஓஹாரேதப்³ப³ந்தி உல்லோகதோ பட²மங் உல்லோகங் ஆதி³ங்கத்வா அவஹரிதப்³ப³ந்தி அத்தோ². ஆலோகஸந்தி⁴கண்ணபா⁴கா³தி ஆலோகஸந்தி⁴பா⁴கா³ ச கண்ணபா⁴கா³ ச அந்தரபா³ஹிரவாதபானகவாடகானி ச க³ப்³ப⁴ஸ்ஸ ச சத்தாரோ கோணா பமஜ்ஜிதப்³பா³தி அத்தோ².
யதா²பஞ்ஞத்தங் பஞ்ஞபேதப்³ப³ந்தி யதா² பட²மங் பஞ்ஞத்தங் அஹோஸி, ததே²வ பஞ்ஞபேதப்³ப³ங். ஏதத³த்த²மேவ ஹி யதா²பஞ்ஞத்தங் ஸல்லக்கெ²த்வா நீஹரித்வா ஏகமந்தங் நிக்கி²பிதப்³ப³ந்தி புரிமவத்தங் பஞ்ஞத்தங். ஸசே பன பட²மங் அஜானந்தேன கேனசி பஞ்ஞத்தங் அஹோஸி, ஸமந்ததோ பி⁴த்திங் த்³வங்கு³லமத்தேன வா திவங்கு³லமத்தேன வா மோசெத்வா பஞ்ஞபேதப்³ப³ங். இத³ஞ்ஹி பஞ்ஞாபனவத்தங். ஸசே கடஸாரகோ ஹோதி அதிமஹந்தோ ச, சி²ந்தி³த்வா கோடிங் நிவத்தெத்வா ப³ந்தி⁴த்வா புரத்தி²மா வாதபானா த²கேதப்³பா³தி புரத்தி²மாய வாதபானா த²கேதப்³பா³. ஏவங் ஸேஸாபி வாதபானா த²கேதப்³பா³.
வூபகாஸேதப்³போ³தி அஞ்ஞத்த² நேதப்³போ³. வூபகாஸாபேதப்³போ³தி அஞ்ஞோ பி⁴க்கு² வத்தப்³போ³ ‘‘தே²ரங் க³ஹெத்வா அஞ்ஞத்த² க³ச்சா²’’தி விவேசேதப்³ப³ந்தி விஸ்ஸஜ்ஜாபேதப்³ப³ங். விவேசாபேதப்³ப³ந்தி அஞ்ஞோ வத்தப்³போ³ ‘‘தே²ரங் தி³ட்டி²க³தங் விஸ்ஸஜ்ஜாபேஹீ’’தி. உஸ்ஸுக்கங் காதப்³ப³ந்தி பரிவாஸதா³னத்த²ங் ஸோ ஸோ பி⁴க்கு² உபஸங்கமித்வா யாசிதப்³போ³. ஸசே அத்தனா படிப³லோ ஹோதி, அத்தனாவ தா³தப்³போ³. நோ சே படிப³லோ ஹோதி, அஞ்ஞேன தா³பேதப்³போ³. கிந்தி நு கோ²தி கேன நு கோ² உபாயேன. ஏஸ நயோ ஸப்³ப³த்த². லஹுகாய வா பரிணாமெய்யாதி உக்கே²பனீயங் அகத்வா தஜ்ஜனீயங் வா நியஸ்ஸங் வா கரெய்யாதி அத்தோ². தேன ஹி ‘‘உபஜ்ஜா²யஸ்ஸ உக்கே²பனீயகம்மங் கத்துகாமோ ஸங்கோ⁴’’தி ஞத்வா ஏகமேகங் பி⁴க்கு²ங் உபஸங்கமித்வா ‘‘மா ப⁴ந்தே அம்ஹாகங் உபஜ்ஜா²யஸ்ஸ கம்மங் கரித்தா²’’தி யாசிதப்³பா³. ஸசே கரொந்தியேவ, ‘‘தஜ்ஜனீயங் வா நியஸ்ஸங் வா கரோதா²’’தி யாசிதப்³பா³. ஸசே கரொந்தியேவ, அத² உபஜ்ஜா²யோ ‘‘ஸம்மா வத்தத² ப⁴ந்தே’’தி யாசிதப்³போ³. இதி தங் ஸம்மா வத்தாபெத்வா ‘‘படிப்பஸ்ஸம்பே⁴த² ப⁴ந்தே கம்ம’’ந்தி பி⁴க்கூ² யாசிதப்³பா³.
ஸம்பரிவத்தகங் ஸம்பரிவத்தகந்தி ஸம்பரிவத்தெத்வா ஸம்பரிவத்தெத்வா. ந ச அச்சி²ன்னே தே²வே பக்கமிதப்³ப³ந்தி யதி³ அப்பமத்தகம்பி ரஜனங் க³ளதி, ந தாவ பக்கமிதப்³ப³ங். ந உபஜ்ஜா²யங் அனாபுச்சா² ஏகச்சஸ்ஸ பத்தோ தா³தப்³போ³திஆதி³ ஸப்³ப³ங் உபஜ்ஜா²யஸ்ஸ விஸபா⁴க³புக்³க³லவஸேன கதி²தங். ந உபஜ்ஜா²யங் அனாபுச்சா² கா³மோ பவிஸிதப்³போ³தி பிண்டா³ய வா அஞ்ஞேன வா கரணீயேன பவிஸிதுகாமேன ஆபுச்சி²த்வாவ பவிஸிதப்³போ³. ஸசே உபஜ்ஜா²யோ காலஸ்ஸேவ வுட்டா²ய தூ³ரங் பி⁴க்கா²சாரங் க³ந்துகாமோ ஹோதி, ‘‘த³ஹரா பிண்டா³ய பவிஸந்தூ’’தி வத்வா க³ந்தப்³ப³ங். அவத்வா க³தே பரிவேணங் க³ந்த்வா உபஜ்ஜா²யங் அபஸ்ஸந்தேன கா³மங் பவிஸிதுங் வட்டதி. ஸசே கா³மங் பவிஸந்தோபி பஸ்ஸதி, தி³ட்ட²ட்டா²னதோ பட்டா²ய ஆபுச்சி²துங்யேவ வட்டதி.
ந ஸுஸானங் க³ந்தப்³ப³ந்தி வாஸத்தா²ய வா த³ஸ்ஸனத்தா²ய வா ந க³ந்தப்³ப³ங். ந தி³ஸா பக்கமிதப்³பா³தி வுட்டா²னமஸ்ஸ ஆக³மேதப்³ப³ந்தி கே³லஞ்ஞதோ வுட்டா²னங் அஸ்ஸ ஆக³மேதப்³ப³ங்; ந கத்த²சி க³ந்தப்³ப³ங். ஸசே அஞ்ஞோ பி⁴க்கு² உபட்டா²கோ அத்தி², பே⁴ஸஜ்ஜங் பரியேஸித்வா தஸ்ஸ ஹத்தே² த³த்வா ‘‘ப⁴ந்தே அயங் உபட்ட²ஹிஸ்ஸதீ’’தி வத்வா க³ந்தப்³ப³ங்.
உபஜ்ஜா²யவத்தகதா² நிட்டி²தா.
ஸத்³தி⁴விஹாரிகவத்தகதா²
67. உபஜ்ஜா²யேன ஸங்க³ஹேதப்³போ³ அனுக்³க³ஹேதப்³போ³தி உத்³தே³ஸாதீ³ஹிஸ்ஸ ஸங்க³ஹோ ச அனுக்³க³ஹோ ச கத்தப்³போ³. தத்த² உத்³தே³ஸோதி பாளிவாசனங். பரிபுச்சா²தி பாளியா அத்த²வண்ணனா. ஓவாதோ³தி அனோதிண்ணே வத்து²ஸ்மிங் ‘‘இத³ங் கரோஹி, இத³ங் மா கரித்தா²’’தி வசனங். அனுஸாஸனீதி ஓதிண்ணே வத்து²ஸ்மிங். அபி ச ஓதிண்ணே வா அனோதிண்ணே வா பட²மங் வசனங் ஓவாதோ³; புனப்புனங் வசனங் அனுஸாஸனீதி. ஸசே உபஜ்ஜா²யஸ்ஸ பத்தோ ஹோதீதி ஸசே அதிரேகபத்தோ ஹோதி. ஏஸ நயோ ஸப்³ப³த்த². பரிக்கா²ரோதி அஞ்ஞோபி ஸமணபரிக்கா²ரோ. இத⁴ உஸ்ஸுக்கங் நாம த⁴ம்மிகேன நயேன உப்பஜ்ஜமானஉபாயபரியேஸனங். இதோ பரங் த³ந்தகட்ட²தா³னங் ஆதி³ங் கத்வா ஆசமனகும்பி⁴யா உத³காஸிஞ்சனபரியோஸானங் வத்தங் கி³லானஸ்ஸேவ ஸத்³தி⁴விஹாரிகஸ்ஸ காதப்³ப³ங். அனபி⁴ரதிவூபகாஸனாதி³ பன அகி³லானஸ்ஸாபி கத்தப்³ப³மேவ. சீவரங் ரஜந்தேனாதி ‘‘ஏவங் ரஜெய்யாஸீ’’தி உபஜ்ஜா²யதோ உபாயங் ஸுத்வா ரஜந்தேன. ஸேஸங் வுத்தனயேனேவ வேதி³தப்³ப³ங்.
ஸத்³தி⁴விஹாரிகவத்தகதா² நிட்டி²தா.
நஸம்மாவத்தனாதி³கதா²
68. ந ஸம்மா வத்தந்தீதி யதா²பஞ்ஞத்தங் உபஜ்ஜா²யவத்தங் ந பூரெந்தி. யோ ந ஸம்மா வத்தெய்யாதி யோ யதா²பஞ்ஞத்தங் வத்தங் ந பூரெய்ய; ஸோ து³க்கடங் ஆபஜ்ஜதீதி அத்தோ². பணாமேதப்³போ³தி அபஸாதே³தப்³போ³. ந அதி⁴மத்தங் பேமங் ஹோதீதி உபஜ்ஜா²யம்ஹி அதி⁴மத்தங் கே³ஹஸ்ஸிதபேமங் ந ஹோதி. நாதி⁴மத்தா பா⁴வனா ஹோதீதி அதி⁴மத்தா மெத்தாபா⁴வனா ந ஹோதி; வுத்தபடிபக்க²னயேன அலங் பணாமேதுந்தி யுத்தோ பணாமேதுங்.
அப்பணாமெந்தோ உபஜ்ஜா²யோ ஸாதிஸாரோ ஹோதீதி ஸதோ³ஸோ ஹோதி, ஆபத்திங் ஆபஜ்ஜதி; தஸ்மா ந ஸம்மா வத்தந்தோ பணாமேதப்³போ³வ. ந ஸம்மாவத்தனாய ச யாவ சீவரரஜனங் தாவ வத்தே அகரியமானே உபஜ்ஜா²யஸ்ஸ
ஸத்³தி⁴விஹாரிகா ஸம்மா வத்தந்தி, உபஜ்ஜா²யோ ஸம்மா ந வத்ததி, உபஜ்ஜா²யஸ்ஸ ஆபத்தி. உபஜ்ஜா²யோ ஸம்மா வத்ததி, ஸத்³தி⁴விஹாரிகா ஸம்மா ந வத்தந்தி, தேஸங் ஆபத்தி. உபஜ்ஜா²யே வத்தங் ஸாதி³யந்தே ஸத்³தி⁴விஹாரிகா ப³ஹுகாபி ஹொந்தி, ஸப்³பே³ஸங் ஆபத்தி. ஸசே உபஜ்ஜா²யோ ‘‘மய்ஹங் உபட்டா²கோ அத்தி², தும்ஹே அத்தனோ ஸஜ்ஜா²யமனஸிகாராதீ³ஸு யோக³ங் கரோதா²’’தி வத³தி, ஸத்³தி⁴விஹாரிகானங் அனாபத்தி. ஸசே உபஜ்ஜா²யோ ஸாதி³யனங் வா அஸாதி³யனங் வா ந ஜானாதி, பா³லோ ஹோதி, ஸத்³தி⁴விஹாரிகா ப³ஹுகா. தேஸு ஏகோ வத்தஸம்பன்னோ பி⁴க்கு² ‘‘உபஜ்ஜா²யஸ்ஸ கிச்சங் அஹங் கரிஸ்ஸாமி, தும்ஹே அப்பொஸ்ஸுக்கா விஹரதா²’’தி ஏவஞ்சே அத்தனோ பா⁴ரங் கத்வா இதரே விஸ்ஸஜ்ஜேதி, தஸ்ஸ பா⁴ரகரணதோ பட்டா²ய தேஸங் அனாபத்தி.
நஸம்மாவத்தனாதி³கதா² நிட்டி²தா.
ராத⁴ப்³ராஹ்மணவத்து²கதா²
69. ராத⁴ப்³ராஹ்மணவத்து²ஸ்மிங் – கிஞ்சாபி ஆயஸ்மா ஸாரிபுத்தோ ப⁴க³வதா பா³ராணஸியங் தீஹி ஸரணக³மனேஹி அனுஞ்ஞாதங் பப்³ப³ஜ்ஜஞ்சேவ உபஸம்பத³ஞ்ச ஜானாதி, ப⁴க³வா பன தங் லஹுகங் உபஸம்பத³ங் படிக்கி²பித்வா ஞத்திசதுத்த²கம்மேன க³ருகங் கத்வா உபஸம்பத³ங் அனுஞ்ஞாதுகாமோ. அத²ஸ்ஸ தே²ரோ அஜ்ஜா²ஸயங் விதி³த்வா ‘‘கதா²ஹங் ப⁴ந்தே தங் ப்³ராஹ்மணங் பப்³பா³ஜேமி உபஸம்பாதே³மீ’’தி ஆஹ. பு³த்³தா⁴னஞ்ஹி பரிஸா அஜ்ஜா²ஸயகுஸலா ஹொந்தி, அயஞ்ச பு³த்³த⁴பரிஸாய அக்³கோ³.
ப்³யத்தேன பி⁴க்கு²னா படிப³லேனாதி எத்த² ப்³யத்தோ நாம யஸ்ஸ ஸாட்ட²கத²ங் வினயபிடகங் வாசுக்³க³தங் பவத்ததி, தஸ்மிங் அஸதி யஸ்ஸ அந்தமஸோ இத³ங் ஞத்திசதுத்த²கம்மவாசாமத்தம்பி ஸுக்³க³ஹிதங் ஹோதி, வாசுக்³க³தங் பவத்ததி, அயம்பி இமஸ்மிங் அத்தே² ப்³யத்தோ. யோ பன காஸஸோஸஸெம்ஹாதி³னா வா கே³லஞ்ஞேன அப்படிப³லோ. தப்³பி³பரீதோ இமஸ்மிங் அத்தே² ‘‘படிப³லோ’’தி வேதி³தப்³போ³. ஸங்கோ⁴ ஞாபேதப்³போ³தி ஸங்கோ⁴ ஜானாபேதப்³போ³. ததோ பரங் யங் ஸங்கோ⁴ ஜானாபேதப்³போ³, தங் த³ஸ்ஸேதுங் ‘‘ஸுணாது மே ப⁴ந்தே’’திஆதி³மாஹ.
71. உபஸம்பன்னஸமனந்தராதி உபஸம்பன்னோ ஹுத்வா ஸமனந்தரா. அனாசாரங் ஆசரதீதி பண்ணத்திவீதிக்கமங் கரோதி. உல்லும்பது மந்தி உத்³த⁴ரது மங், அகுஸலா வுட்டா²பெத்வா குஸலே பதிட்ட²பேது; ஸாமணேரபா⁴வா வா உத்³த⁴ரித்வா பி⁴க்கு²பா⁴வே பதிட்டா²பேதூதி. அனுகம்பங் உபாதா³யாதி அனுத்³த³யங் படிச்ச; மயி அனுகப்பங் கத்வாதி அத்தோ².
73. அட்டி²தா ஹோதீதி நிச்சப்பவத்தினீ ஹோதி. சத்தாரோ நிஸ்ஸயேதி சத்தாரோ பச்சயே. யஸ்மா சத்தாரோ பச்சயே நிஸ்ஸாய அத்தபா⁴வோ பவத்ததி, தஸ்மா தே நிஸ்ஸயாதி வுச்சந்தி.
ராத⁴ப்³ராஹ்மணவத்து²கதா² நிட்டி²தா.
ஆசரியவத்தகதா²
75. கிந்தாயங் பி⁴க்கு² ஹோதீதி கிங் தே அயங் பி⁴க்கு² ஹோதி. அஞ்ஞேஹி ஓவதி³யோ அனுஸாஸியோதி அஞ்ஞேஹி ஓவதி³தப்³போ³ சேவ அனுஸாஸிதப்³போ³ ச. பா³ஹுல்லாய ஆவத்தோ யதி³த³ங் க³ணப³ந்தி⁴கந்தி க³ணப³ந்தோ⁴ ஏதஸ்ஸ பா³ஹுல்லஸ்ஸ அத்தீ²தி க³ணப³ந்தி⁴கங், பா³ஹுல்லங். யங் இத³ங் க³ணப³ந்தி⁴கங் நாம பா³ஹுல்லங், தத³த்தா²ய அதிலஹுங் த்வங் ஆபன்னோதி வுத்தங் ஹோதி.
76. அப்³யத்தாதி பஞ்ஞாவெய்யத்தியேன விரஹிதா. அஞ்ஞத்தரோபி அஞ்ஞதித்தி²யபுப்³போ³தி பஸூரோ பரிப்³பா³ஜகோ. ஸோ கிர ‘‘த⁴ம்மங் தே²னெஸ்ஸாமீ’’தி அனுஜானாமி பி⁴க்க²வே ப்³யத்தேன பி⁴க்கு²னாதிஆதி³ம்ஹி ப்³யத்தோ புப்³பே³ பி⁴க்கு²னோவாத³கவண்ணனாயங் வுத்தலக்க²ணோயேவ. யோ பன அந்தேவாஸினோ வா ஸத்³தி⁴விஹாரிகஸ்ஸ வா கி³லானஸ்ஸ ஸக்கோதி உபட்டா²னாதீ³னி காதுங், அயங் இத⁴ படிப³லோதி அதி⁴ப்பேதோ. வுத்தம்பி சேதங் –
‘‘பஞ்சஹுபாலி
77. பக்க²ஸங்கந்தேஸூதி தித்தி²யபக்க²ஸங்கந்தேஸு. அனுஜானாமி பி⁴க்க²வே ஆசரியந்தி ஆசாரஸமாசாரஸிக்கா²பனகங் ஆசரியங் அனுஜானாமி. ஆசரியோ பி⁴க்க²வே அந்தேவாஸிகம்ஹீதிஆதி³ ஸப்³ப³ங் ‘‘உபஜ்ஜா²யோ பி⁴க்க²வே ஸத்³தி⁴விஹாரிகம்ஹீ’’திஆதி³னா நயேன வுத்தவஸேனேவ வேதி³தப்³ப³ங். நாமமத்தமேவ ஹி எத்த² நானங்.
ஆசரியவத்தகதா² நிட்டி²தா.
பணாமனாக²மனாகதா²
80. அந்தேவாஸிகா ஆசரியேஸு ந ஸம்மா வத்தந்தீதி எத்த² பன யங் புப்³பே³ ‘‘நஸம்மாவத்தனாய ச யாவ சீவரரஜனங், தாவ வத்தே அகரியமானே உபஜ்ஜா²யஸ்ஸ பரிஹானி ஹோதி, தஸ்மா தங் அகரொந்தஸ்ஸ நிஸ்ஸயமுத்தகஸ்ஸாபி அமுத்தகஸ்ஸாபி ஆபத்தியேவா’’தி ச, ‘‘ஏகச்சஸ்ஸ பத்ததா³னதோ பட்டா²ய அமுத்தகனிஸ்ஸயஸ்ஸேவ ஆபத்தீ’’தி ச லக்க²ணங் வுத்தங், ந தேனேவ லக்க²ணேன நிஸ்ஸயந்தேவாஸிகஸ்ஸ ஆபத்தி வேதி³தப்³பா³. நிஸ்ஸயந்தேவாஸிகேன ஹி யாவ ஆசரியங் நிஸ்ஸாய வஸதி, தாவ ஸப்³ப³ங் ஆசரியவத்தங் காதப்³ப³ங். பப்³ப³ஜ்ஜாஉபஸம்பதா³த⁴ம்மந்தேவாஸிகேஹி பன நிஸ்ஸயமுத்தகேஹிபி
பணாமனாக²மனாகதா² நிட்டி²தா.
நிஸ்ஸயபடிப்பஸ்ஸத்³தி⁴கதா²
83. உபஜ்ஜா²யம்ஹா உபஜ்ஜா²யோ பக்கந்தோ வாதிஆதீ³ஸு அயங் வினிச்ச²யோ – பக்கந்தோதி தம்ஹா ஆவாஸா விப்பவஸிதுகாமோ பக்கந்தோ தி³ஸங் க³தோ. ஏவங் க³தே ச பன தஸ்மிங் ஸசே விஹாரே நிஸ்ஸயதா³யகோ அத்தி², யஸ்ஸ ஸந்திகே அஞ்ஞதா³பி நிஸ்ஸயோ வா க³ஹிதபுப்³போ³ ஹோதி, யோ வா ஏகஸம்போ⁴க³பரிபோ⁴கோ³, தஸ்ஸ ஸந்திகே நிஸ்ஸயோ க³ஹேதப்³போ³, ஏகதி³வஸம்பி பரிஹாரோ நத்தி². ஸசே தாதி³ஸோ நத்தி², அஞ்ஞோ லஜ்ஜீ பேஸலோ அத்தி², தஸ்ஸ லஜ்ஜீபேஸலபா⁴வங் ஜானந்தேன தத³ஹேவ நிஸ்ஸயோ யாசிதப்³போ³. ஸசே தே³தி, இச்சேதங் குஸலங். அத² பன ‘‘தும்ஹாகங் உபஜ்ஜா²யோ லஹுங் ஆக³மிஸ்ஸதீ’’தி புச்ச²தி, உபஜ்ஜா²யேன ச ததா² வுத்தங், ‘‘ஆம, ப⁴ந்தே’’தி வத்தப்³ப³ங். ஸசே வத³தி ‘‘தேன
ஸசே பன விஹாரே நிஸ்ஸயதா³யகோ நத்தி², உபஜ்ஜா²யோ ச ‘‘அஹங் கதிபாஹேன ஆக³மிஸ்ஸாமி, மா உக்கண்டி²த்தா²’’தி வத்வா க³தோ, யாவ ஆக³மனா பரிஹாரோ லப்³ப⁴தி. அதா²பி நங் தத்த² மனுஸ்ஸா பரிச்சி²ன்னகாலதோ உத்தரிபி பஞ்ச வா த³ஸ வா தி³வஸானி வாஸெந்தியேவ, தேன விஹாரங் பவத்தி பேஸேதப்³பா³ ‘‘த³ஹரா மா உக்கண்ட²ந்து, அஹங் அஸுகதி³வஸங் நாம
விப்³ப⁴ந்தே பன காலங்கதே பக்க²ஸங்கந்தே வா ஏகதி³வஸம்பி பரிஹாரோ நத்தி². யத்த² நிஸ்ஸயோ லப்³ப⁴தி, தத்த² க³ந்தப்³ப³ங். ஆணத்தீதி பன நிஸ்ஸயபணாமனா வுச்சதி. தஸ்மா ‘‘பணாமேமி த’’ந்தி வா ‘‘மா இத⁴ படிக்கமீ’’தி வா ‘‘நீஹர தே பத்தசீவர’’ந்தி வா ‘‘நாஹங் தயா உபட்டா²தப்³போ³’’தி வாதி இமினா பாளினயேன ‘‘மா மங் கா³மப்பவேஸனங் ஆபுச்சீ²’’திஆதி³னா பாளிமுத்தகனயேன வா யோ நிஸ்ஸயபணாமனாய பணாமிதோ ஹோதி, தேன உபஜ்ஜா²யோ க²மாபேதப்³போ³.
ஸசே ஆதி³தோவ ந க²மதி, த³ண்ட³கம்மங் ஆஹரித்வா திக்க²த்துங் தாவ ஸயமேவ க²மாபேதப்³போ³. நோ சே க²மதி, தஸ்மிங் விஹாரே மஹாதே²ரே க³ஹெத்வா க²மாபேதப்³போ³. நோ சே க²மதி, ஸாமந்தவிஹாரே
ஆசரியம்ஹா நிஸ்ஸயபடிப்பஸ்ஸத்³தீ⁴ஸு ஆசரியோ பக்கந்தோ வா ஹோதீதி எத்த² கோசி ஆசரியோ ஆபுச்சி²த்வா பக்கமதி, கோசி அனாபுச்சி²த்வா. அந்தேவாஸிகோபி ஏவமேவ. தத்ர ஸசே அந்தேவாஸிகோ ஆசரியங் ஆபுச்ச²தி ‘‘அஸுகங் நாம ப⁴ந்தே டா²னங் க³ந்துங் இச்சா²மி கேனசிதே³வ கரணீயேனா’’தி, ஆசரியேன ச ‘‘கதா³ க³மிஸ்ஸஸீ’’தி வுத்தோ ‘‘ஸாயன்ஹே வா ரத்திங் வா உட்ட²ஹித்வா க³மிஸ்ஸாமீ’’தி வத³தி, ஆசரியோபி ‘‘ஸாதூ⁴’’தி ஸம்படிச்ச²தி, தங்க²ணஞ்ஞேவ நிஸ்ஸயோ படிப்பஸ்ஸம்ப⁴தி.
ஸசே
ஸசே பன ஆசரியோ அந்தேவாஸிகங் ஆபுச்ச²தி ‘‘ஆவுஸோ அஸுகங் நாம டா²னங் க³மிஸ்ஸாமீ’’தி, அந்தேவாஸிகேன ச ‘‘கதா³’’தி வுத்தே ‘‘ஸாயன்ஹே வா ரத்திபா⁴கே³ வா’’தி வத³தி, அந்தேவாஸிகோபி ‘‘ஸாதூ⁴’’தி ஸம்படிச்ச²தி, தங்க²ணஞ்ஞேவ நிஸ்ஸயோ படிப்பஸ்ஸம்ப⁴தி.
ஸசே பன ஆசரியோ ‘‘ஸ்வே பிண்டா³ய சரித்வா க³மிஸ்ஸாமீ’’தி வத³தி, இதரோ ச ‘‘ஸாதூ⁴’’தி ஸம்படிச்ச²தி, ஏகதி³வஸங் தாவ நிஸ்ஸயோ ந படிப்பஸ்ஸம்ப⁴தி, புனதி³வஸே படிப்பஸ்ஸத்³தோ⁴ ஹோதி. ‘‘அஸுகஸ்மிங் நாம கா³மே பிண்டா³ய சரித்வா ஜானிஸ்ஸாமி மம க³மனங் வா அக³மனங் வா’’தி வத்வா ஸசே ந க³ச்ச²தி, நிஸ்ஸயோ ந படிப்பஸ்ஸம்ப⁴தி. அதா²பி ‘‘க³ச்சா²மீ’’தி
ஸசே உபோ⁴பி ஆசரியந்தேவாஸிகா கேனசி கரணீயேன ப³ஹிஸீமங் க³ச்ச²ந்தி, ததோ சே ஆசரியோ க³மியசித்தே உப்பன்னே அனாபுச்சா²வ க³ந்த்வா த்³வின்னங் லெட்³டு³பாதானங் அந்தோயேவ நிவத்ததி, நிஸ்ஸயோ ந படிப்பஸ்ஸம்ப⁴தி. ஸசே த்³வே லெட்³டு³பாதே அதிக்கமித்வா நிவத்ததி, படிப்பஸ்ஸத்³தோ⁴ ஹோதி. ஆசரியுபஜ்ஜா²யா த்³வே லெட்³டு³பாதே அதிக்கம்ம அஞ்ஞஸ்மிங் விஹாரே வஸந்தி, நிஸ்ஸயோ படிப்பஸ்ஸம்ப⁴தி.
ஆசரியே விப்³ப⁴ந்தே காலங்கதே பக்க²ஸங்கந்தே ச தங்க²ணஞ்ஞேவ படிப்பஸ்ஸம்ப⁴தி. ஆணத்தியங் பன ஸசேபி
உபஜ்ஜா²யேன வா ஸமோதா⁴னக³தோதி எத்த² த³ஸ்ஸனஸவனவஸேன ஸமோதா⁴னங் வேதி³தப்³ப³ங். ஸசே ஹி ஆசரியங் நிஸ்ஸாய வஸந்தோ ஸத்³தி⁴விஹாரிகோ ஏகவிஹாரே சேதியங் வா வந்த³ந்தங் ஏககா³மே பிண்டா³ய வா சரந்தங் உபஜ்ஜா²யங் பஸ்ஸதி, நிஸ்ஸயோ படிப்பஸ்ஸம்ப⁴தி. உபஜ்ஜா²யோ பஸ்ஸதி, ஸத்³தி⁴விஹாரிகோ பன ந பஸ்ஸதி, ந படிப்பஸ்ஸம்ப⁴தி. மக்³க³ப்படிபன்னங் வா ஆகாஸேன வா க³ச்ச²ந்தங் உபஜ்ஜா²யங் தி³ஸ்வா தூ³ரத்தா பி⁴க்கூ²தி ஜானாதி, உபஜ்ஜா²யோதி ந ஜானாதி, ந படிப்பஸ்ஸம்ப⁴தி. ஸசே ஜானாதி, படிப்பஸ்ஸம்ப⁴தி. உபரிபாஸாதே³ உபஜ்ஜா²யோ வஸதி, ஹெட்டா² ஸத்³தி⁴விஹாரிகோ, தங் அதி³ஸ்வாவ யாகு³ங் பிவித்வா பக்கமதி, ஆஸனஸாலாய வா நிஸின்னங் அதி³ஸ்வாவ ஏகமந்தே பு⁴ஞ்ஜித்வா பக்கமதி, த⁴ம்மஸ்ஸவனமண்ட³பே வா நிஸின்னம்பி தங் அதி³ஸ்வாவ த⁴ம்மங் ஸுத்வா பக்கமதி, நிஸ்ஸயோ ந படிப்பஸ்ஸம்ப⁴தி. ஏவங் தாவ த³ஸ்ஸனவஸேன ஸமோதா⁴னங் வேதி³தப்³ப³ங்.
ஸவனவஸேன பன ஸசே உபஜ்ஜா²யஸ்ஸ விஹாரே வா அந்தரக⁴ரே வா த⁴ம்மங் கதெ²ந்தஸ்ஸ அனுமோத³னங்
நிஸ்ஸயபடிப்பஸ்ஸத்³தி⁴கதா² நிட்டி²தா.
உபஸம்பாதே³தப்³ப³பஞ்சககதா²
84. இதா³னி யங் புப்³பே³ ‘‘அனுஜானாமி பி⁴க்க²வே ப்³யத்தேன பி⁴க்கு²னா படிப³லேன த³ஸவஸ்ஸேன வா அதிரேகத³ஸவஸ்ஸேன வா உபஸம்பாதே³துங், நிஸ்ஸயங் தா³து’’ந்தி ஸங்கே²பதோ உபஜ்ஜா²யாசரியானங் லக்க²ணங் வுத்தங், தங் வித்தா²ரதோ த³ஸ்ஸேதுங் ‘‘பஞ்சஹி, பி⁴க்க²வே, அங்கே³ஹி ஸமன்னாக³தேனா’’திஆதி³மாஹ. தத்த² பஞ்சஹி அங்கே³ஹீதி பஞ்சஹி அகு³ணங்கே³ஹி. ஸோ ஹி ஸீலக்க²ந்தா⁴தீ³ஹி அஸமன்னாக³தத்தாவ ந உபஸம்பாதே³தப்³ப³ந்தி உபஜ்ஜா²யேன ந நிஸ்ஸயோ தா³தப்³போ³தி ஆசரியேன ஹுத்வா நிஸ்ஸயோ ந தா³தப்³போ³. எத்த² ச ந அஸெக்கே²ன ஸீலக்க²ந்தே⁴னாதி ச அத்தனா ந அஸெக்கே²னாதி ச அஸ்ஸத்³தோ⁴தி ச ஆதீ³ஸு தீஸு பஞ்சகேஸு அயுத்தவஸேன படிக்கே²போ கதோ, ந ஆபத்திஅங்க³வஸேன. யோ ஹி அஸெக்கே²ஹி ஸீலக்க²ந்தா⁴தீ³ஹி அஸமன்னாக³தோ பரே ச தத்த² ஸமாத³பேதுங் அஸக்கொந்தோ அஸ்ஸத்³தி⁴யாதி³தோ³ஸயுத்தோவ ஹுத்வா பரிஸங் பரிஹரதி, தஸ்ஸ பரிஸா ஸீலாதீ³ஹி பரிஹாயதியேவ, ந வட்³ட⁴தி. தஸ்மா தேன ந உபஸம்பாதே³தப்³ப³ந்திஆதி³ அயுத்தவஸேன வுத்தங், ந ஆபத்திஅங்க³வஸேன. ந ஹி கீ²ணாஸவஸ்ஸேவ உபஜ்ஜா²யாசரியபா⁴வோ ப⁴க³வதா அனுஞ்ஞாதோ. யதி³ தஸ்ஸேவ அனுஞ்ஞாதோ அப⁴விஸ்ஸ, ‘‘ஸசே உபஜ்ஜா²யஸ்ஸ அனபி⁴ரதி உப்பன்னா ஹோதீ’’திஆதி³ங் ந வதெ³ய்ய. யஸ்மா பன கீ²ணாஸவஸ்ஸ பரிஸா ஸீலாதீ³ஹி ந பரிஹாயதி, தஸ்மா ‘‘பஞ்சஹி பி⁴க்க²வே அங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³’’ந்திஆதி³ வுத்தங்.
அதி⁴ஸீலே ஸீலவிபன்னோதிஆதீ³ஸு பாராஜிகஞ்ச ஸங்கா⁴தி³ஸேஸஞ்ச ஆபன்னோ அதி⁴ஸீலே ஸீலவிபன்னோ நாம. இதரே பஞ்சாபத்திக்க²ந்தே⁴ ஆபன்னோ அஜ்ஜா²சாரே ஆசாரவிபன்னோ நாம. ஸம்மாதி³ட்டி²ங் பஹாய அந்தக்³கா³ஹிகாய தி³ட்டி²யா ஸமன்னாக³தோ அதிதி³ட்டி²யா தி³ட்டி²விபன்னோ நாம. யத்தகங் ஸுதங் பரிஸங் பரிஹரந்தஸ்ஸ இச்சி²தப்³ப³ங், தேன விரஹிதத்தா அப்பஸ்ஸுதோ. யங் தேன ஜானிதப்³ப³ங் ஆபத்தாதி³, தஸ்ஸ அஜானநதோ து³ப்பஞ்ஞோ. இமஸ்மிங் பஞ்சகே புரிமானி தீணி பதா³னி அயுத்தவஸேன வுத்தானி, பச்சி²மானி த்³வே ஆபத்திஅங்க³வஸேன.
ஆபத்திங் ந ஜானாதீதி ‘‘இத³ங் நாம மயா கத’’ந்தி வுத்தே ‘‘இமங் நாம ஆபத்திங் அயங் ஆபன்னோ’’தி ந ஜானாதி. வுட்டா²னங் ந ஜானாதீதி வுட்டா²னகா³மினிதோ வா தே³ஸனாகா³மினிதோ வா ஆபத்திதோ ஏவங் நாம வுட்டா²னங் ஹோதீதி ந ஜானாதி. இமஸ்மிங் பஞ்சகே புரிமானி த்³வே பதா³னி அயுத்தவஸேன வுத்தானி, பச்சி²மானி தீணி ஆபத்திஅங்க³வஸேன.
ஆபி⁴ஸமாசாரிகாய ஸிக்கா²யாதி க²ந்த⁴கவத்தே ஆதி³ப்³ரஹ்மசரியகாயாதி ஸெக்க²பண்ணத்தியங் வினேதுங் ந படிப³லோதி அத்தோ². அபி⁴த⁴ம்மேதி நாமரூபபரிச்சே²தே³ வினேதுங் ந படிப³லோதி அத்தோ². அபி⁴வினயேதி ஸகலே வினயபிடகே வினேதுங் ந படிப³லோதி அத்தோ². வினேதுங் ந படிப³லோதி ச ஸப்³ப³த்த² ஸிக்கா²பேதுங் ந ஸக்கோதீதி த⁴ம்மதோ விவேசேதுந்தி த⁴ம்மேன காரணேன விஸ்ஸஜ்ஜாபேதுங். இமஸ்மி பஞ்சகே ஸப்³ப³பதே³ஸு ஆபத்தி. ஆபத்திங் ந ஜானாதீதிஆதி³பஞ்சகஸ்மிம்பி ஸப்³ப³பதே³ஸு ஆபத்தி. ஊனத³ஸவஸ்ஸபரியோஸானபஞ்சகேபி ஏஸேவ நயோ. இதி ஆதி³தோ தயோ பஞ்சகா, சதுத்தே² தீணி பதா³னி, பஞ்சமே த்³வே பதா³னீதி ஸப்³பே³பி சத்தாரோ பஞ்சகா அயுத்தவஸேன வுத்தா. சதுத்த²பஞ்சகே த்³வே பதா³னி, பஞ்சமே தீணி, ச²ட்ட²ஸத்தமஅட்ட²மா தயோ பஞ்சகாதி ஸப்³பே³பி சத்தாரோ பஞ்சகா ஆபத்திஅங்க³வஸேன வுத்தா; ஸுக்கபக்கே² அட்ட²ஸு அனாபத்தியேவாதி.
உபஸம்பாதே³தப்³ப³பஞ்சககதா² நிட்டி²தா.
உபஸம்பாதே³தப்³ப³ச²க்ககதா²
85. ச²க்கேஸு ஊனத³ஸவஸ்ஸபத³ங் விஸேஸோ, தங் ஸப்³ப³த்த² ஆபத்திகரங். ஸேஸங் வுத்தனயேனேவ வேதி³தப்³ப³ங். தத்த² உப⁴யானி கோ² பனஸ்ஸ பாதிமொக்கா²னி வித்தா²ரேன ந ஸ்வாக³தானி ஹொந்தீதி உப⁴தோவிப⁴ங்க³வஸேன ந ஸ்வாக³தானி. ந ஸுவிப⁴த்தானீதி மாதிகாவிப⁴ங்க³வஸேன. ந ஸுப்பவத்தீனீதி வாசுக்³க³தவஸேன. ந ஸுவினிச்சி²தானி ஸுத்தஸோ அனுப்³யஞ்ஜனஸோதி மாதிகாதோ ச விப⁴ங்க³தோ ச ந ஸுட்டு² வினிச்சி²தானி.
உபஸம்பாதே³தப்³ப³ச²க்ககதா² நிட்டி²தா.
அஞ்ஞதித்தி²யபுப்³ப³வத்து²கதா²
86. அஞ்ஞதித்தி²யபுப்³ப³வத்து²ஸ்மிங் ‘‘யோ ஸோ பி⁴க்க²வே அஞ்ஞோபீ’’திஆதி³மாஹ. தத்த² தஸ்ஸ சத்தாரோ மாஸே பரிவாஸோ தா³தப்³போ³தி அயங் தித்தி²யபரிவாஸோ நாம; அப்படிச்ச²ன்னபரிவாஸோதிபி வுச்சதி. அயங் பன நக்³க³பரிப்³பா³ஜகஸ்ஸேவ ஆஜீவகஸ்ஸ வா
பட²மங் கேஸமஸ்ஸுந்திஆதி³னா தஸ்ஸ ஆதி³தோவ ஸாமணேரபப்³ப³ஜ்ஜங் த³ஸ்ஸேதி. ஏவங் பப்³பா³ஜெந்தேஹி பன தஸ்மிங் ஸங்க⁴மஜ்ஜே² நிஸின்னேயேவ ‘‘த்வங் பப்³பா³ஜேஹி, த்வங் ஆசரியோ ஹோஹி, த்வங் உபஜ்ஜா²யோ ஹோஹீ’’தி தே²ரா பி⁴க்கூ² ந வத்தப்³பா³. ஏவங் வுத்தா ஹி ஸசே தஸ்ஸ ஆசரியுபஜ்ஜா²யபா⁴வேன ஜிகு³ச்ச²ந்தா ந ஸம்படிச்ச²ந்தி, அத² ஸோ ‘‘நயிமே மய்ஹங் ஸத்³த³ஹந்தீ’’தி குஜ்ஜி²த்வாபி க³ச்செ²ய்ய. தஸ்மா தங் ஏகமந்தங் நெத்வா தஸ்ஸ ஆசரியுபஜ்ஜா²யா பரியேஸிதப்³பா³.
87. ஏவங் கோ² பி⁴க்க²வே அஞ்ஞதித்தி²யபுப்³போ³ ஆராத⁴கோ ஹோதி, ஏவங் அனாராத⁴கோதி அயமஸ்ஸ பரிவாஸவத்தத³ஸ்ஸனத்த²ங் மாதிகா. கத²ஞ்ச பி⁴க்க²வேதிஆதி³ தஸ்ஸேவ விப⁴ங்கோ³. தத்த² அதிகாலேன கா³மங் பவிஸதீதி பி⁴க்கூ²னங் வத்தகரணவேலாயமேவ கா³மங் பிண்டா³ய பவிஸதி. அதிதி³வா படிக்கமதீதி குலக⁴ரேஸு இத்தி²புரிஸதா³ரகதா³ரிகாதீ³ஹி ஸத்³தி⁴ங் கே³ஹஸ்ஸிதகத²ங் கதெ²ந்தோ தத்தே²வ பு⁴ஞ்ஜித்வா பி⁴க்கூ²ஸு பத்தசீவரங் படிஸாமெத்வா உத்³தே³ஸபரிபுச்சா²தீ³னி வா கரொந்தேஸு படிஸல்லீனேஸு வா ஆக³ச்ச²தி; ந உபஜ்ஜா²யவத்தங் நாசரியவத்தங் கரோதி, அஞ்ஞத³த்து² வஸனட்டா²னங் பவிஸித்வா நித்³தா³யதி. ஏவம்பி பி⁴க்க²வே அஞ்ஞதித்தி²யபுப்³போ³ அனாராத⁴கோ ஹோதீதி ஏவம்பி கரொந்தோ பரிவாஸவத்தஸ்ஸ ஸம்பாத³கோ பூரகோ ந ஹோதி.
வேஸியாகோ³சரோ வாதிஆதீ³ஸு வேஸியாதி ஆமிஸகிஞ்சிக்க²ஸம்பதா³னாதி³னா ஸுலப⁴ஜ்ஜா²சாரா ரூபூபஜீவிகா இத்தி²யோ. வித⁴வாதி மதபதிகா வா பவுத்த²பதிகா வா இத்தி²யோ; தா யேன கேனசி ஸத்³தி⁴ங் மித்தபா⁴வங் பத்தெ²ந்தி. து²ல்லகுமாரிகாதி யொப்³ப³ன்னப்பத்தா யொப்³ப³ன்னாதீதா வா குமாரியோ; தா புரிஸாதி⁴ப்பாயாவ விசரந்தி, யேன கேனசி ஸத்³தி⁴ங் மித்தபா⁴வங் பத்தெ²ந்தி. பண்ட³காதி உஸ்ஸன்னகிலேஸா அவூபஸந்தபரிளாஹா நபுங்ஸகா; தே பரிளாஹவேகா³பி⁴பூ⁴தா யேன பி⁴க்கு²னியோதி ஸமானபப்³ப³ஜ்ஜா இத்தி²யோ; தாஹி ஸத்³தி⁴ங் கி²ப்பமேவ விஸ்ஸாஸோ ஹோதி, ததோ ஸீலங் பி⁴ஜ்ஜதி.
தத்த²
உச்சாவசானி கரணீயானீதி மஹந்தகு²த்³த³கானி கம்மானி. தத்த² க⁴ண்டிங் பஹரித்வா ஸமக்³கே³ன ஸங்கே⁴ன ஸன்னிபதித்வா கத்தப்³பா³னி சேதியமஹாபாஸாத³படிஸங்க²ரணாதீ³னி கம்மானி உச்சானி நாம. சீவரதோ⁴வனரஜனாதீ³னி க²ந்த⁴கபரியாபன்னானி ச அக்³கி³ஸாலவத்தாதீ³னி ஆபி⁴ஸமாசாரிகானி அவசானி நாம. தத்த² ந த³க்கோ² ஹோதீதி தேஸு கம்மேஸு சே²கோ ஸுஸிக்கி²தோ ந ஹோதி. ந அனலஸோதி உட்டா²னவீரியஸம்பன்னோ ந ஹோதி; ‘‘பி⁴க்கு²ஸங்க⁴ஸ்ஸ கம்மங் அத்தீ²’’தி ஸுத்வா பகே³வ ப⁴த்தகிச்சங் கத்வா க³ப்³ப⁴ந்தரங் பவிஸித்வா யாவத³த்த²ங் ஸுபித்வா ஸாயங் நிக்க²மதி. தத்ருபாயாயாதி தேஸு கம்மேஸு உபாயபூ⁴தாய. வீமங்ஸாயாதி டா²னுப்பத்திகவீமங்ஸாய. ‘‘இத³மேவங் கத்தப்³ப³ங், இத³மேவங் ந கத்தப்³ப³’’ந்தி தஸ்மிங்யேவ க²ணே உப்பன்னபஞ்ஞாய ஸமன்னாக³தோ ந ஹோதி. ந அலங் காதுங் ந அலங் ஸங்விதா⁴துந்தி ஸஹத்தா²பி காதுங் ஸமத்தோ² ந ஹோதி; ‘‘க³ண்ஹத² ப⁴ந்தே, க³ண்ஹ த³ஹர, க³ண்ஹ ஸாமணேர, ஸசே தும்ஹே வா ந கரிஸ்ஸத², அம்ஹே வா ந கரிஸ்ஸாம, கோ தா³னி இமங் கரிஸ்ஸதீ’’தி ஏவங் உஸ்ஸாஹங் ஜனெத்வா ஸங்விதா⁴துங் அஞ்ஞமஞ்ஞங் காரேதும்பி ஸமத்தோ² ந ஹோதி. பி⁴க்கூ²ஹி ‘‘கம்மங் கரிஸ்ஸாமா’’தி வுத்தே கிஞ்சி ரோக³ங் அபதி³ஸதி, பி⁴க்கூ²னங் கம்மங் கரொந்தானங் ஸமீபேனேவ விசரதி, ஸீஸமேவ த³ஸ்ஸேதி, அயம்பி அனாராத⁴கோ ஹோதி.
ந திப்³ப³ச்ச²ந்தோ³ ஹோதீதி ப³லவச்ச²ந்தோ³ ந உத்³தே³ஸேதி பாளிபரியாபுணனே. பரிபுச்சா²யாதி அத்த²ஸவனே. அதி⁴ஸீலேதி பாதிமொக்க²ஸீலே. அதி⁴சித்தேதி லோகியஸமாதி⁴பா⁴வனாய. அதி⁴பஞ்ஞாயாதி லோகுத்தரமக்³க³பா⁴வனாய.
ஸங்கந்தோ ஹோதீதி இதா⁴க³தோ ஹோதி. தஸ்ஸ ஸத்து²னோதி தஸ்ஸ தித்தா²யதனஸாமிகஸ்ஸ. தஸ்ஸ தி³ட்டி²யாதி அவண்ணே ப⁴ஞ்ஞமானேதி க³ரஹாய ப⁴ஞ்ஞமானாய. அனபி⁴ரத்³தோ⁴தி அபரிபுண்ணஸங்கப்போ; நோ பக்³க³ஹிதசித்தோ. உத³க்³கோ³தி அப்³பு⁴ன்னதகாயசித்தோ. இத³ங் பி⁴க்க²வே ஸங்கா⁴தனிகங் அஞ்ஞதித்தி²யபுப்³ப³ஸ்ஸ அனாராத⁴னீயஸ்மிந்தி பி⁴க்க²வே யமித³ங் தஸ்ஸ ஸத்து²னோ தஸ்ஸேவ ச லத்³தி⁴யா அவண்ணே ப⁴ஞ்ஞமானே ‘‘கிங் இமே பரங் க³ரஹந்தீ’’தி காயவசீவிகாரனிப்³ப³த்தகங் அனத்தமனத்தங், பு³த்³தா⁴தீ³னஞ்ச அவண்ணே ப⁴ஞ்ஞமானே அத்தமனத்தங், யஞ்ச தஸ்ஸேவ ஸத்து²னோ தஸ்ஸேவ ச லத்³தி⁴யா வண்ணே ப⁴ஞ்ஞமானே அத்தமனத்தங், பு³த்³தா⁴தீ³னஞ்ச வண்ணப⁴ணனே அனத்தமனத்தங், இத³ங் அஞ்ஞதித்தி²யபுப்³ப³ஸ்ஸ அனாராத⁴னீயஸ்மிங் ஸங்கா⁴தனிகங், அனாராத⁴கே பரிவாஸவத்தங் அபூரகே கம்மே இத³ங் லிங்க³ங், இத³ங் லக்க²ணங், இத³மசலப்பமாணந்தி வுத்தங் ஹோதி. ஏவங் அனாராத⁴கோ கோ² பி⁴க்க²வே அஞ்ஞதித்தி²யபுப்³போ³ ஆக³தோ ந உபஸம்பாதே³தப்³போ³தி இதோ ஏகேனபி அங்கே³ன ஸமன்னாக³தோ ந உபஸம்பாதே³தப்³போ³. ஸுக்கபக்கே² ஸப்³ப³ங் வுத்தவிபல்லாஸேன வேதி³தப்³ப³ங்.
ஏவங் ஆராத⁴கோ கோ² பி⁴க்க²வேதி ஏவங் நாதிகாலேன கா³மப்பவேஸனா நாதிதி³வா படிக்கமனங், ந வேஸியாதி³கோ³சரதா, ஸப்³ரஹ்மசாரீனங் கிச்சேஸு த³க்க²தாதி³, உத்³தே³ஸாதீ³ஸு திப்³ப³ச்ச²ந்த³தா, தித்தி²யானங் அவண்ணப⁴ணனே அத்தமனதா, பு³த்³தா⁴தீ³னங் அவண்ணப⁴ணனே அனத்தமனதா, தித்தி²யானங் வண்ணப⁴ணனே அனத்தமனதா, பு³த்³தா⁴தீ³னங் வண்ணப⁴ணனே அத்தமனதாதி இமேஸங் அட்ட²ன்னங் தித்தி²யவத்தானங் பரிபூரணேன
ஸசே பன உபஸம்பத³மாளகேபி ஏகங் வத்தங் பி⁴ந்த³தி, புன சத்தாரோ மாஸே பரிவஸிதப்³ப³ங். யதா² பன பி⁴ன்னஸிக்கா²ய ஸிக்க²மானாய புன ஸிக்கா²பதா³னி ச ஸிக்கா²ஸம்முதி ச தி³ய்யதி, ஏவங் நயிமஸ்ஸ கிஞ்சி புன தா³தப்³ப³மத்தி². புப்³பே³ தி³ன்னபரிவாஸோயேவ ஹி தஸ்ஸ பரிவாஸோ. தஸ்மா புன சத்தாரோ மாஸே பரிவஸிதப்³ப³ங். ஸசே பரிவஸந்தோ அந்தரா அட்ட² ஸமாபத்தியோ நிப்³ப³த்தேதி, லோகியத⁴ம்மோ
உபஜ்ஜா²யமூலகங் சீவரங் பரியேஸிதப்³ப³ந்தி உபஜ்ஜா²யங் இஸ்ஸரங் கத்வா தஸ்ஸ சீவரங் பரியேஸிதப்³ப³ங். பத்தம்பி ததே²வ. தஸ்மா யதி³ உபஜ்ஜா²யஸ்ஸ பத்தசீவரங் அத்தி², ‘‘இமஸ்ஸ தே³ஹீ’’தி வத்தப்³போ³. அத² நத்தி², அஞ்ஞே தா³துகாமா ஹொந்தி, தேஹிபி உபஜ்ஜா²யஸ்ஸேவ தா³தப்³ப³ங் ‘‘இத³ங் தும்ஹாகங் கத்வா இமஸ்ஸ தே³தா²’’தி. கஸ்மா? தித்தி²யா நாம விலோமா ஹொந்தி ‘‘ஸங்கே⁴ன மே பத்தசீவரங் தி³ன்னங், கிங் மய்ஹங் தும்ஹேஸு ஆயத்த’’ந்தி வத்வா ஓவாதா³னுஸாஸனிங் ந கரெய்யுங், உபஜ்ஜா²யேன பன ஆயத்தஜீவிகத்தா தஸ்ஸ வசனகரோ ப⁴விஸ்ஸதி. தேனஸ்ஸ ‘‘உபஜ்ஜா²யமூலகங் சீவரங் பரியேஸிதப்³ப³’’ந்தி வுத்தங். ப⁴ண்டு³கம்மாயாதி கேஸோரோபனத்த²ங். ப⁴ண்டு³கம்மகதா² பரதோ ஆக³மிஸ்ஸதி.
அக்³கி³காதி அக்³கி³பரிசரணகா. ஜடிலகாதி தாபஸா. ஏதே பி⁴க்க²வே கிரியவாதி³னோதி ஏதே கிரியங் ந படிபா³ஹந்தி, ‘‘அத்தி² கம்மங், அத்தி² கம்மவிபாகோ’’தி இமாஹங் பி⁴க்க²வே ஞாதீனங் ஆவேணிகங் பரிஹாரங் த³ம்மீதி இமங் அஹங் தேஸங் பாடேக்கங் ஓதி³ஸ்ஸகங் பரிஹாரங் த³தா³மி. கஸ்மா ஏவமாஹ? தே ஹி தித்தா²யதனே பப்³ப³ஜிதாபி ஸாஸனஸ்ஸ அவண்ணகாமா ந ஹொந்தி, அம்ஹாகங் ஞாதிஸெட்ட²ஸ்ஸ ஸாஸனந்தி வண்ணவாதி³னோவ ஹொந்தி, தஸ்மா ஏவமாஹாதி.
அஞ்ஞதித்தி²யபுப்³ப³வத்து²கதா² நிட்டி²தா.
பஞ்சாபா³த⁴வத்து²கதா²
88. மக³தே⁴ஸு பஞ்ச ஆபா³தா⁴ உஸ்ஸன்னா ஹொந்தீதி மக³த⁴னாமகே ஜனபதே³ மனுஸ்ஸானஞ்ச அமனுஸ்ஸானஞ்ச பஞ்ச ரோகா³ உஸ்ஸன்னா வுட்³டி⁴ப்பத்தா பா²திப்பத்தா ஹொந்தி. ஜீவககோமாரப⁴ச்சகதா² சீவரக்க²ந்த⁴கே ஆவிப⁴விஸ்ஸதி. ந பி⁴க்க²வே பஞ்சஹி ஆபா³தே⁴ஹி பு²ட்டோ² பப்³பா³ஜேதப்³போ³தி யே தே குட்டா²த³யோ பஞ்ச ஆபா³தா⁴ உஸ்ஸன்னா, தேஹி பு²ட்டோ² அபி⁴பூ⁴தோ ந பப்³பா³ஜேதப்³போ³.
தத்த² குட்ட²ந்தி ரத்தகுட்ட²ங் வா ஹோது காளகுட்ட²ங் வா, யங்கிஞ்சி கிடிப⁴த³த்³து³கச்சு²ஆதி³ப்பபே⁴த³ம்பி ஸப்³ப³ங்
க³ண்டோ³தி மேத³க³ண்டோ³ வா ஹோது அஞ்ஞோ வா யோ கோசி கோலட்டி²மத்தகோபி சே வட்³ட⁴னகபக்கே² டி²தோ க³ண்டோ³ ஹோதி, ந பப்³பா³ஜேதப்³போ³. படிச்ச²ன்னட்டா²னே பன கோலட்டி²மத்தே அவட்³ட⁴னகபக்கே² டி²தோ
கிலாஸோதி ஸோஸோதி ஸோஸப்³யாதி⁴; தஸ்மிங் ஸதி ந பப்³பா³ஜேதப்³போ³. அபமாரோதி பித்தும்மாரோ வா யக்கு²ம்மாரோ வா; தத்த² புப்³ப³வேரிகேன அமனுஸ்ஸேன க³ஹிதோ து³த்திகிச்சோ² ஹோதி. அப்பமத்தகேபி பன அபமாரே ஸதி ந பப்³பா³ஜேதப்³போ³.
பஞ்சாபா³த⁴வத்து²கதா² நிட்டி²தா.
ராஜப⁴டவத்து²கதா²
90. ராஜப⁴டவத்து²ஸ்மிங் – பச்சந்தங் உச்சினதா²தி பச்சந்தங் வட்³டே⁴த². சோரே பலாபெத்வா சோரப⁴யேன வுட்டி²தே கா³மே ஆவாஸாபெத்வா ஆரக்க²ங் த³த்வா கஸிகம்மாதீ³னி பவத்தாபேதா²தி வுத்தங் ஹோதி. ராஜா பன ஸோதாபன்னத்தா ‘‘சோரே கா⁴தேத², ஹனதா²’’தி ந ஆணாபேதி. உபஜ்ஜா²யஸ்ஸ தே³வ ஸீஸங் சி²ந்தி³தப்³ப³ந்திஆதி³ ஸப்³ப³ங் ‘‘பப்³ப³ஜ்ஜாய உபஜ்ஜா²யோ ஸெட்டோ², ததோ ஆசரியோ, ததோ க³ணோ’’தி சிந்தெத்வா இத³ங் வோஹாரே அட்³ட³வினிச்ச²யே ஆக³தந்தி ஆஹங்ஸு. ந பி⁴க்க²வே ராஜப⁴டோ பப்³பா³ஜேதப்³போ³தி எத்த² அமச்சோ வா ஹோது மஹாமத்தோ வா ஸேவகோ வா கிஞ்சி டா²னந்தரங் பத்தோ வா அப்பத்தோ வா, யோ கோசி ரஞ்ஞோ ப⁴த்தவேதனப⁴டோ, ஸப்³போ³ ராஜப⁴டோதி ஸங்க்²யங் க³ச்ச²தி, ஸோ ந பப்³பா³ஜேதப்³போ³. தஸ்ஸ பன புத்தனத்தபா⁴துகா யே ராஜதோ ப⁴த்தவேதனங் ந க³ண்ஹந்தி, தே பப்³பா³ஜேதுங்
ராஜப⁴டவத்து²கதா² நிட்டி²தா.
சோரவத்து²கதா²
91. சோரவத்தூ²ஸு – மனுஸ்ஸா பஸ்ஸித்வாதி யேஹி கி³ஹிகாலே தி³ட்ட²புப்³போ³ யே ச ‘‘அயங் ஸோ’’தி அஞ்ஞேஸங் ஸுணந்தி, தே பஸ்ஸித்வா உப்³பி³ஜ்ஜந்திபி…பே॰… த்³வாரம்பி ந பி⁴க்க²வேதி ப⁴க³வா ஸயங் த⁴ம்மஸ்ஸாமீ, தஸ்மா ஆயதிங் அகரணத்தா²ய பி⁴க்கூ²னங் ஸிக்கா²பத³ங் பஞ்ஞபெந்தோ ஏவமாஹ. தத்த² த⁴ஜங் ப³ந்தி⁴த்வா விய விசரதீதி த⁴ஜப³ந்தோ⁴. மூலதே³வாத³யோ விய லோகே பாகடோதி வுத்தங் ஹோதி. தஸ்மா யோ கா³மகா⁴தங் வா பந்த²து³ஹனங் வா நக³ரே ஸந்தி⁴ச்சே²தா³தி³கம்மங் வா கரொந்தோ விசரதி, பஞ்ஞாயதி ச ‘‘அஸுகோ நாம இத³ங் இத³ங் கரோதீ’’தி, ஸோ ந பப்³பா³ஜேதப்³போ³. யோ பன ராஜபுத்தோ ரஜ்ஜங் பத்தெ²ந்தோ கா³மகா⁴தாதீ³னி கரோதி, ஸோ பப்³பா³ஜேதப்³போ³. ராஜானோ ஹி தஸ்மிங் பப்³ப³ஜிதே துஸ்ஸந்தி, ஸசே பன ந துஸ்ஸந்தி, ந பப்³பா³ஜேதப்³போ³. புப்³பே³ மஹாஜனே பாகடோ சோரோ பச்சா² சோரகம்மங் பஹாய பஞ்சஸீலாதீ³னி ஸமாதி³யதி, தஞ்சே மனுஸ்ஸா ஏவங் ஜானந்தி, பப்³பா³ஜேதப்³போ³. யே பன அம்ப³லபு³ஜாதி³சோரகா ஸந்தி⁴ச்சே²தா³தி³சோரா ஏவ வா அதி³ஸ்ஸமானா தெ²ய்யங் கரொந்தி, பச்சா²பி இமினா நாம இத³ங் கதந்தி ந பஞ்ஞாயந்தி, தேபி பப்³பா³ஜேதுங் வட்டதி.
92. காரங் பி⁴ந்தி³த்வாதி அட்டப³ந்த⁴னாதி³ங் பி⁴ந்தி³த்வா. அப⁴யூவராதி எத்த² ப⁴யேன உபரமந்தீதி ப⁴யூவரா, ஏதே பன லத்³தா⁴ப⁴யத்தா ந ப⁴யூவராதி அப⁴யூவரா; பகாரஸ்ஸ செத்த² வகாரோ கதோதி வேதி³தப்³போ³. ந பி⁴க்க²வே காரபே⁴த³கோ பப்³பா³ஜேதப்³போ³தி காரோ வுச்சதி ப³ந்த⁴னாகா³ரங். இத⁴ பன அந்து³ப³ந்த⁴னங்
93. ந பி⁴க்க²வே லிகி²தகோதி எத்த² லிகி²தகோ நாம ந கேவலங் ‘‘யத்த² பஸ்ஸதி தத்த² ஹந்தப்³போ³’’தி, அத² கோ² யோ கோசி சோரிகங் வா அஞ்ஞங் வா க³ருங் ராஜாபராத⁴ங் கத்வா பலாதோ, ராஜா ச நங் பண்ணே வா பொத்த²கே வா ‘‘இத்த²ன்னாமோ யத்த² தி³ஸ்ஸதி, தத்த² க³ஹெத்வா மாரேதப்³போ³’’தி வா ‘‘ஹத்த²பாதா³னிஸ்ஸ சி²ந்தி³தப்³பா³னீ’’தி வா ‘‘எத்தகங் நாம த³ண்ட³ங் ஆஹராபேதப்³போ³’’தி வா லிகா²பேதி, அயங் லிகி²தகோ நாம, ஸோ ந பப்³பா³ஜேதப்³போ³.
94. கஸாஹதோ கதத³ண்ட³கம்மோதி எத்த² யோ வசனபேஸனாதீ³னி அகரொந்தோ ஹஞ்ஞதி, ந ஸோ கதத³ண்ட³கம்மோ. யோ பன கேணியா வா அஞ்ஞதா² வா கிஞ்சி க³ஹெத்வா கா²தி³த்வா புன தா³துங் அஸக்கொந்தோ ‘‘அயமேவ தே த³ண்டோ³ ஹோதூ’’தி கஸாஹி ஹஞ்ஞதி, அயங் கஸாஹதோ கதத³ண்ட³கம்மோ. ஸோ ச கஸாஹி வா ஹதோ ஹோது அத்³த⁴த³ண்ட³காதீ³னங் வா அஞ்ஞதரேன, யாவ அல்லவணோ ஹோதி, தாவ ந பப்³பா³ஜேதப்³போ³. வணே பன பாகதிகே கத்வா பப்³பா³ஜேதப்³போ³. ஸசே பன ஜாணூஹி வா கப்பரேஹி வா நாளிகேரபாஸாணாதீ³ஹி வா கா⁴தெத்வா முத்தோ ஹோதி, ஸரீரே சஸ்ஸ க³ண்டி²யோ பஞ்ஞாயந்தி, ந பப்³பா³ஜேதப்³போ³. பா²ஸுகங்
95. லக்க²ணாஹதோ கதத³ண்ட³கம்மோதி எத்த² கதத³ண்ட³கம்மபா⁴வோ புரிமனயேனேவ வேதி³தப்³போ³. யஸ்ஸ பன நலாடே வா ஊருஆதீ³ஸு வா தத்தேன லோஹேன லக்க²ணங் ஆஹதங் ஹோதி, ஸோ ஸசே பு⁴ஜிஸ்ஸோ யாவ அல்லவணோ ஹோதி, தாவ ந பப்³பா³ஜேதப்³போ³. ஸசேபிஸ்ஸ வணா ருள்ஹா ஹொந்தி, ச²வியா
சோரவத்து²கதா² நிட்டி²தா.
இணாயிகவத்து²கதா²
96. ந பி⁴க்க²வே இணாயிகோதி எத்த² இணாயிகோ நாம யஸ்ஸ பிதிபிதாமஹேஹி வா இணங் க³ஹிதங் ஹோதி, ஸயங் வா இணங் க³ஹிதங் ஹோதி, யங் வா ஆத²பெத்வா மாதாபிதூஹி கிஞ்சி க³ஹிதங் ஹோதி, ஸோ தங்
ஸசே இணாயிகோ அஞ்ஞங் தே³ஸங் க³ந்த்வா புச்சி²யமானோபி ‘‘நாஹங் கஸ்ஸசி கிஞ்சி தா⁴ரேமீ’’தி வத்வா பப்³ப³ஜதி, இணஸாமிகோ ச தங் பரியேஸந்தோ தத்த² க³ச்ச²தி, த³ஹரோ தங் தி³ஸ்வா பலாயதி, ஸோ ச தே²ரங் உபஸங்கமித்வா ‘‘அயங் ப⁴ந்தே கேன பப்³பா³ஜிதோ, மம எத்தகங் நாம த⁴னங் க³ஹெத்வா
ஸசே பன நங் தே²ரஸ்ஸ ஸம்முகா²வ தி³ஸ்வா ‘‘அயங் மம இணாயிகோ’’தி வத³தி, ‘‘தவ இணாயிகங்
இணாயிகவத்து²கதா² நிட்டி²தா.
தா³ஸவத்து²கதா²
97. ந பி⁴க்க²வே தா³ஸோதி எத்த² சத்தாரோ தா³ஸா – அந்தோஜாதோ, த⁴னக்கீதோ, கரமரானீதோ, ஸாமங் தா³ஸப்³யங் உபக³தோதி. தத்த² அந்தோஜாதோ நாம ஜாதிதா³ஸோ க⁴ரதா³ஸியா புத்தோ. த⁴னக்கீதோ நாம மாதாபிதூனங் ஸந்திகா புத்தோ வா ஸாமிகானங் ஸந்திகா தா³ஸோ வா த⁴னங் த³த்வா தா³ஸசாரித்தங் ஆரோபெத்வா கீதோ. ஏதே த்³வேபி ந பப்³பா³ஜேதப்³பா³. பப்³பா³ஜெந்தேன தத்த² தத்த² சாரித்தவஸேன அதா³ஸங் கத்வா பப்³பா³ஜேதப்³பா³.
கரமரானீதோ நாம திரோரட்ட²ங் விலோபங் வா கத்வா உபலாபெத்வா வா திரோரட்ட²தோ பு⁴ஜிஸ்ஸமானுஸகானி ஆஹரந்தி, அந்தோரட்டே²யேவ வா கதாபராத⁴ங் கிஞ்சி கா³மங் ராஜா ‘‘விலும்பதா²’’தி ஆணாபேதி, ததோ மானுஸகானிபி ஆஹரந்தி. தத்த² ஸப்³பே³ புரிஸா தா³ஸா, இத்தி²யோ தா³ஸியோ. ஏவரூபோ கரமரானீதோ தா³ஸோ யேஹி ஆனீதோ, தேஸங் ஸந்திகே வஸந்தோ வா ப³ந்த⁴னாகா³ரே ப³த்³தோ⁴ வா புரிஸேஹி ரக்கி²யமானோ வா ந பப்³பா³ஜேதப்³போ³. பலாயித்வா பன க³தோ, க³தட்டா²னே பப்³பா³ஜேதப்³போ³. ரஞ்ஞா
ஸாமங் தா³ஸப்³யங் உபக³தோ நாம ஜீவிதஹேது வா ஆரக்க²ஹேது வா ‘‘அஹங் தே தா³ஸோ’’தி ஸயமேவ தா³ஸபா⁴வங் உபக³தோ. ராஜூனங் ஹத்தி²அஸ்ஸகோ³மஹிங்ஸகோ³பகாத³யோ விய, தாதி³ஸோ தா³ஸோ ந பப்³பா³ஜேதப்³போ³. ரஞ்ஞோ வண்ணதா³ஸீனங் புத்தா ஹொந்தி அமச்சபுத்தஸதி³ஸா, தேபி ந பப்³பா³ஜேதப்³பா³. பு⁴ஜிஸ்ஸித்தி²யோ
இமஸ்ஸ ச அத்த²ஸ்ஸ பகாஸனத்த²ங் இத³ங் வத்து²ங் வத³ந்தி – ஏகா கிர குலதா³ஸீ ஏகேன ஸத்³தி⁴ங் அனுராத⁴புரா பலாயித்வா ரோஹணே வஸமானா
தா³ஸவத்து²கதா² நிட்டி²தா.
கம்மாரப⁴ண்டு³வத்தா²தி³கதா²
98-9. கம்மாரப⁴ண்டூ³தி ஸங்க⁴ங் அபலோகேதுங் ப⁴ண்டு³கம்மாயாதி ஸங்க⁴ங் ப⁴ண்டு³கம்மத்தா²ய ஆபுச்சி²துங் அனுஜானாமீதி அத்தோ². தத்ராயங் ஆபுச்ச²னவிதி⁴ – ஸீமாபரியாபன்னே பி⁴க்கூ² ஸன்னிபாதெத்வா பப்³ப³ஜ்ஜாபெக்க²ங் தத்த² நெத்வா ‘‘ஸங்க⁴ங் ப⁴ந்தே இமஸ்ஸ தா³ரகஸ்ஸ ப⁴ண்டு³கம்மங் ஆபுச்சா²மீ’’தி திக்க²த்துங் வா த்³விக்க²த்துங் வா ஸகிங் வா வத்தப்³ப³ங். எத்த² ச ‘‘இமஸ்ஸ தா³ரகஸ்ஸ ப⁴ண்டு³கம்மங் ஆபுச்சா²மீ’’திபி ‘‘இமஸ்ஸ ஸமணகரணங் ஆபுச்சா²மீ’’திபி ‘‘இமஸ்ஸ பப்³பா³ஜனங் ஆபுச்சா²மீ’’திபி ‘‘அயங் ஸமணோ ஹோதுகாமோ’’திபி ‘‘அயங் பப்³ப³ஜிதுகாமோ’’திபி வத்துங் வட்டதியேவ.
ஸசே ஸபா⁴க³ட்டா²னங் ஹோதி, த³ஸ வா வீஸங் வா திங்ஸங் வா பி⁴க்கூ² வஸந்தீதி பரிச்சே²தோ³ பஞ்ஞாயதி, தேஸங் டி²தோகாஸங் வா நிஸின்னோகாஸங் வா க³ந்த்வாபி புரிமனயேனேவ ஆபுச்சி²தப்³ப³ங். பப்³ப³ஜ்ஜாபெக்க²ங் வினாவ த³ஹரபி⁴க்கூ² வா ஸாமணேரே வா பேஸெத்வாபி ‘‘ஏகோ ப⁴ந்தே பப்³ப³ஜ்ஜாபெக்கோ² அத்தி² தஸ்ஸ ப⁴ண்டு³கம்மங்
ஸசே கேசி பி⁴க்கூ² ஸேனாஸனங் வா கு³ம்பா³தீ³னி வா பவிஸித்வா நித்³தா³யந்தி வா ஸமணத⁴ம்மங் வா கரொந்தி, ஆபுச்ச²கா ச பரியேஸந்தாபி அதி³ஸ்வா ‘‘ஸப்³பே³ ஆபுச்சி²தா அம்ஹேஹீ’’தி ஸஞ்ஞினோ ஹொந்தி, பப்³ப³ஜ்ஜா நாம லஹுகங் கம்மங், தஸ்மா பப்³ப³ஜிதோ ஸுபப்³ப³ஜிதோவ பப்³பா³ஜெந்தஸ்ஸாபி அனாபத்தி.
ஸசே பன மஹாவிஹாரோ ஹோதி அனேகபி⁴க்கு²ஸஹஸ்ஸாவாஸோ, ஸப்³பே³ பி⁴க்கூ² ஸன்னிபாதேதும்பி து³க்கரங், பகே³வ படிபாடியா ஆபுச்சி²துங், க²ண்ட³ஸீமாயங் வா ட²த்வா நதீ³ஸமுத்³தா³தீ³னி வா க³ந்த்வா பப்³பா³ஜேதப்³போ³. யோ பன நவமுண்டோ³ வா ஹோதி விப்³ப⁴ந்தகோ வா நிக³ண்டா²தீ³ஸு அஞ்ஞதரோ வா த்³வங்கு³லகேஸோ உபாலிவத்து² மஹாவிப⁴ங்கே³ வுத்தனயமேவ.
100. அஹிவாதகரோகே³னாதி மாரிப்³யாதி⁴னா; யத்ர ஹி ஸோ ரோகோ³ உப்பஜ்ஜதி, தங் குலங் த்³விபத³சதுப்பத³ங் ஸப்³ப³ங் நஸ்ஸதி, யோ பி⁴த்திங் வா ச²த³னங் வா பி⁴ந்தி³த்வா பலாயதி, திரோகா³மாதி³க³தோ
காகுட்³டே³பகந்தி யோ வாமஹத்தே²ன லெட்³டு³ங் க³ஹெத்வா நிஸின்னோ ஸக்கோதி ஆக³தாக³தே காகே உட்³டா³பெத்வா புரதோ நிக்கி²த்தங் ப⁴த்தங் பு⁴ஞ்ஜிதுங், அயங் காகுட்³டே³பகோ நாம, தங் பப்³பா³ஜேதுங் வட்டதி.
102. இத்தரோதி அப்பமத்தகோ; கதிபாஹமேவ வாஸோ ப⁴விஸ்ஸதீதி அத்தோ².
103. ஓக³ணேனாதி பரிஹீனக³ணேன; அப்பமத்தகேன பி⁴க்கு²ஸங்கே⁴னாதி அத்தோ². அப்³யத்தேன யாவஜீவந்தி எத்த² ஸசாயங் வுட்³ட⁴தரங் ஆசரியங் ந லப⁴தி, உபஸம்பதா³ய ஸட்டி²வஸ்ஸோ வா ஸத்ததிவஸ்ஸோ வா ஹோது, நவகதரஸ்ஸாபி ப்³யத்தஸ்ஸ ஸந்திகே உக்குடிகங் நிஸீதி³த்வா அஞ்ஜலிங் பக்³க³ஹெத்வா ‘‘ஆசரியோ மே ஆவுஸோ ஹோஹி, ஆயஸ்மதோ நிஸ்ஸாய வச்சா²மீ’’தி ஏவங் திக்க²த்துங் வத்வா நிஸ்ஸயோ க³ஹேதப்³போ³வ. கா³மப்பவேஸனங் ஆபுச்ச²ந்தேனாபி உக்குடிகங் நிஸீதி³த்வா அஞ்ஜலிங் பக்³க³ஹெத்வா கா³மப்பவேஸனங் ஆபுச்சா²மி ஆசரியா’’தி வத்தப்³ப³ங். ஏஸ நயோ ஸப்³ப³ஆபுச்ச²னேஸு. பஞ்சகச²க்கேஸு செத்த² யத்தகங் ஸுதங் நிஸ்ஸயமுத்தகஸ்ஸ அப்பஸ்ஸுதோ; அத்தி²தாய ச ப³ஹுஸ்ஸுதோதி வேதி³தப்³போ³. ஸேஸங் வுத்தனயேனேவ.
கம்மாரப⁴ண்டு³வத்தா²தி³கதா² நிட்டி²தா.
ராஹுலவத்து²கதா²
105. யேன கபிலவத்து² தேன சாரிகங் பக்காமீதி எத்த² அயங் அனுபுப்³பி³கதா². ஸுத்³தோ⁴த³னமஹாராஜா கிர போ³தி⁴ஸத்தஸ்ஸ அபி⁴னிக்க²மனதி³வஸதோ பட்டா²ய ‘‘மம புத்தோ பு³த்³தோ⁴ ப⁴விஸ்ஸாமீதி நிக்க²ந்தோ, ஜாதோ நு கோ² பு³த்³தோ⁴’’தி பவத்திஸவனத்த²ங் ஓஹிதஸோதோவ விஹரதி. ஸோ ப⁴க³வதோ பதா⁴னசரியஞ்ச ஸம்போ³தி⁴ஞ்ச த⁴ம்மசக்கப்பவத்தனாதீ³னி ச ஸுணந்தோ ‘‘இதா³னி கிர மே புத்தோ ராஜக³ஹங் உபனிஸ்ஸாய விஹரதீ’’தி ஸுத்வா ஏகங் அமச்சங் ஆணாபேஸி – ‘‘அஹங் தாத வுட்³டோ⁴ மஹல்லகோ, ஸாது⁴ மே ஜீவந்தஸ்ஸேவ புத்தங் த³ஸ்ஸேஹீ’’தி. ஸோ ‘‘ஸாதூ⁴’’தி படிஸ்ஸுணித்வா புரிஸஸஹஸ்ஸபரிவாரோ ராஜக³ஹங் க³ந்த்வா ப⁴க³வதோ பாதே³ வந்தி³த்வா நிஸீதி³. அத²ஸ்ஸ ப⁴க³வா த⁴ம்மகத²ங் கதே²ஸி, ஸோ பஸீதி³த்வா பப்³ப³ஜ்ஜஞ்சேவ உபஸம்பத³ஞ்ச யாசி. ததோ நங் ப⁴க³வா ஏஹிபி⁴க்கூ²பஸம்பதா³ய உபஸம்பாதே³ஸி
அத² ராஜா போ³தி⁴ஸத்தேன ஸத்³தி⁴ங் ஏகதி³வஸங்ஜாதங் காளுதா³யிங் நாம அமச்சங் பஹிணிதுகாமோ புரிமனயேனேவ யாசி, ஸோ ‘‘ஸசே அஹங் பப்³ப³ஜிதுங் லபா⁴மி, த³ஸ்ஸெஸ்ஸாமீ’’தி ஆஹ. தங் ராஜா ‘‘பப்³ப³ஜித்வாபி மே புத்தங் த³ஸ்ஸேஹீ’’தி பஹிணி; ஸோபி புரிஸஸஹஸ்ஸபரிவாரோ க³ந்த்வா ததே²வ ஸபரிவாரோ அரஹத்தங் பாபுணி. ஸோ ஏகதி³வஸங் ஸம்ப⁴தேஸு ஸப்³ப³ஸஸ்ஸேஸு விஸ்ஸட்ட²கம்மந்தேஸு ஜனபத³மனுஸ்ஸேஸு புப்பி²தேஸு த²லஜஜலஜபுப்பே²ஸு படிபஜ்ஜனக்க²மே மக்³கே³ ப⁴க³வந்தங் வந்தி³த்வா ஸட்டி²மத்தாஹி கா³தா²ஹி க³மனவண்ணங் வண்ணேஸி. ப⁴க³வா ‘‘கிமேத’’ந்தி புச்சி². ‘‘ப⁴ந்தே தும்ஹாகங் பிதா ஸுத்³தோ⁴த³னமஹாராஜா மஹல்லகொம்ஹி, ஜீவந்தஸ்ஸேவ மே புத்தங் த³ஸ்ஸேஹீ’’தி மங் பேஸேஸி, ஸாது⁴ ப⁴ந்தே ப⁴க³வா ஞாதகானங் ஸங்க³ஹங் கரோது, காலோ சாரிகங் பக்கமிதுந்தி. தேன ஹி
ஏவங் பக்கந்தே ச ப⁴க³வதி உதா³யித்தே²ரோ நிக்க²ந்ததி³வஸதோ பட்டா²ய ஸுத்³தோ⁴த³னமஹாராஜஸ்ஸ கே³ஹே ப⁴த்தகிச்சங் கரோதி. ராஜா தே²ரங் பரிவிஸித்வா பத்தங் க³ந்த⁴சுண்ணேன உப்³ப³ட்டெத்வா உத்தமபோ⁴ஜனஸ்ஸ பூரெத்வா ‘‘ப⁴க³வதோ தே³ஹீ’’தி தே²ரஸ்ஸ ஹத்தே² ட²பேதி. தே²ரோபி ததே²வ கரோதி. இதி ப⁴க³வா அந்தராமக்³கே³ ரஞ்ஞோயேவ பிண்ட³பாதங் பரிபு⁴ஞ்ஜி. தே²ரோபி ச ப⁴த்தகிச்சாவஸானே தி³வஸே தி³வஸே ரஞ்ஞோ ஆரோசேதி ‘‘அஜ்ஜ ப⁴க³வா எத்தகங் ஆக³தோ’’தி, பு³த்³த⁴கு³ணபடிஸங்யுத்தாய ச கதா²ய ஸாகியானங் ப⁴க³வதி ஸத்³த⁴ங் உப்பாதே³ஸி. தேனேவ நங் ப⁴க³வா ‘‘ஏதத³க்³க³ங், பி⁴க்க²வே, மம ஸாவகானங் பி⁴க்கூ²னங் குலப்பஸாத³கானங் யதி³த³ங் காளுதா³யீ’’தி ஏதத³க்³கே³ ட²பேஸி.
ஸாகியாபி கோ² அனுப்பத்தே ப⁴க³வதி ‘‘அம்ஹாகங் ஞாதிஸெட்ட²ங் பஸ்ஸிஸ்ஸாமா’’தி ஸன்னிபதித்வா ப⁴க³வதோ வஸனட்டா²னங் வீமங்ஸமானா நிக்³ரோத⁴ஸக்கஸ்ஸ ஆராமோ ரமணீயோதி ஸல்லக்கெ²த்வா தத்த² ஸப்³ப³ங் படிஜக்³க³னவிதி⁴ங் காரெத்வா க³ந்த⁴புப்பா²தி³ஹத்தா² பச்சுக்³க³மனங் கரொந்தா ஸப்³பா³லங்காரபடிமண்டி³தே த³ஹரத³ஹரே
தேஸு ஏவங் நிஸின்னேஸு ப⁴க³வா தேஸங் அஜ்ஜா²ஸயங் ஓலோகெத்வா ‘‘ந மங் ஞாதீ வந்த³ந்தி, ஹந்த³ நே வந்தா³பயிஸ்ஸாமீ’’தி அபி⁴ஞ்ஞாபாத³கங் சதுத்த²ஜ்ஜா²னங் ஸமாபஜ்ஜித்வா வுட்டா²ய இத்³தி⁴யா ஆகாஸங் அப்³பு⁴க்³க³ந்த்வா தேஸங் ஸீஸே பாத³பங்ஸுங் ஓகிரமானோ
ஸுத்³தோ⁴த³னமஹாராஜேன பன வந்தி³தே ப⁴க³வதி அவந்தி³த்வா டி²தோ நாம ஏகஸாகியோபி நாஹோஸி, ஸப்³பே³யேவ வந்தி³ங்ஸு. இதி ப⁴க³வா ஞாதயோ வந்தா³பெத்வா ஆகாஸதோ ஓருய்ஹ பஞ்ஞத்தே ஆஸனே நிஸீதி³. நிஸின்னே ப⁴க³வதி ஸிகா²ப்பத்தோ ஞாதிஸமாக³மோ அஹோஸி, ஸப்³பே³ ஏகக்³கா³ ஸன்னிபதிங்ஸு. ததோ மஹாமேகோ⁴ பொக்க²ரவஸ்ஸங் வஸ்ஸி, தம்ப³வண்ணமுத³கங் ஹெட்டா² விரவந்தங் க³ச்ச²தி. கஸ்ஸசி ஸரீரே ஏகபி³ந்து³மத்தம்பி ந பததி, தங் தி³ஸ்வா ஸப்³பே³ அச்ச²ரியப்³பு⁴தஜாதா அஹேஸுங். ப⁴க³வா ‘‘ந இதா³னேவ மய்ஹங் ஞாதிஸமாக³மே பொக்க²ரவஸ்ஸங் வஸ்ஸதி, அதீதேபி வஸ்ஸீ’’தி இமிஸ்ஸா அட்டு²ப்பத்தியா வெஸ்ஸந்தரஜாதகங் கதே²ஸி. த⁴ம்மதே³ஸனங் ஸுத்வா ஸப்³பே³ உட்டா²ய வந்தி³த்வா பத³க்கி²ணங் கத்வா பக்கமிங்ஸு. ஏகோபி ராஜா வா ராஜமஹாமத்தோ வா ‘‘ஸ்வே அம்ஹாகங் பி⁴க்க²ங் க³ண்ஹதா²’’தி வத்வா க³தோ நாம நத்தி².
ப⁴க³வா து³தியதி³வஸே வீஸதிபி⁴க்கு²ஸஹஸ்ஸபரிவாரோ கபிலவத்து²ங் பிண்டா³ய பாவிஸி, ந கோசி பச்சுக்³க³ந்த்வா நிமந்தேஸி வா பத்தங் வா அக்³க³ஹேஸி. ப⁴க³வா இந்த³கீ²லே டி²தோ ஆவஜ்ஜேஸி – ‘‘கத²ங் நு கோ² புப்³பே³ பு³த்³தா⁴ குலனக³ரே
‘‘உத்திட்டே² நப்பமஜ்ஜெய்ய, த⁴ம்மங் ஸுசரிதங் சரே;
த⁴ம்மசாரீ ஸுக²ங் ஸேதி, அஸ்மிங் லோகே பரம்ஹி சா’’தி.
இமங்
‘‘த⁴ம்மங் சரே ஸுசரிதங், ந நங் து³ச்சரிதங் சரே;
த⁴ம்மசாரீ ஸுக²ங் ஸேதி, அஸ்மிங் லோகே பரம்ஹி சா’’தி.
இமங் பன கா³த²ங் ஸுத்வா ஸகதா³கா³மிப²லே பதிட்டா²ஸி, த⁴ம்மபாலஜாதகங் ஸுத்வா அனாகா³மிப²லே பதிட்டா²ஸி, மரணஸமயே ஸேதச்ச²த்தஸ்ஸ ஹெட்டா² ஸிரிஸயனே நிபன்னோயேவ அரஹத்தங் பாபுணி. அரஞ்ஞவாஸேன பதா⁴னானுயோக³கிச்சங் ரஞ்ஞோ நாஹோஸி.
ஸோதாபத்திப²லஞ்ச
ராஜா ராஜதீ⁴தாய ப⁴க³வதி ஸினேஹப³ஹுமானாதி³கு³ணஸம்பத்திங் கதே²ஸி. ப⁴க³வா ‘‘அனச்ச²ரியங் மஹாராஜ யங் இதா³னி பரிபக்கே ஞாணே தயா ரக்கி²யமானா ராஜதீ⁴தா அத்தானங் ரக்கி², ஸா புப்³பே³ அனாரக்கா² பப்³ப³தபாதே³ விசரமானா அபரிபக்கே ஞாணே அத்தானங் ரக்கீ²’’தி வத்வா சந்த³கின்னரீஜாதகங் கதே²ஸி.
தங்தி³வஸமேவ ச நந்த³ராஜகுமாரஸ்ஸ கேஸவிஸ்ஸஜ்ஜனங் பட்டப³ந்தோ⁴ க⁴ரமங்க³லங் ஆவாஹமங்க³லங் ச²த்தமங்க³லந்தி பஞ்ச மஹாமங்க³லானி ஹொந்தி. ப⁴க³வா நந்த³ங் பத்தங் கா³ஹாபெத்வா மங்க³லங் வத்வா உட்டா²யாஸனா பக்காமி. ஜனபத³கல்யாணீ குமாரங் க³ச்ச²ந்தங் தி³ஸ்வா ‘‘துவடங் கோ² அய்யபுத்த ஆக³ச்செ²ய்யாஸீ’’தி வத்வா கீ³வங் பஸாரெத்வா ஓலோகேஸி. ஸோபி ப⁴க³வந்தங் ‘‘பத்தங் க³ண்ஹதா²’’தி
ஸத்தமே தி³வஸே ராஹுலமாதா குமாரங் அலங்கரித்வா ப⁴க³வதோ ஸந்திகங் பேஸேஸி – ‘‘பஸ்ஸ தாத ஏதங் வீஸதிஸஹஸ்ஸஸமணபரிவுதங் ஸுவண்ணவண்ணங் ப்³ரஹ்மரூபவண்ணங் ஸமணங், அயங் தே பிதா, ஏதஸ்ஸ மஹந்தா நித⁴யோ அஹேஸுங், த்யஸ்ஸ நிக்க²மனதோ பட்டா²ய ந பஸ்ஸாம, க³ச்ச² நங் தா³யஜ்ஜங் யாச, அஹங் தாத குமாரோ ச²த்தங் உஸ்ஸாபெத்வா சக்கவத்தீ ப⁴விஸ்ஸாமி, த⁴னேன மே அத்தோ², த⁴னங் மே தே³ஹி, ஸாமிகோ ஹி புத்தோ பிதுஸந்தகஸ்ஸா’’தி. ராஹுலகுமாரோ ப⁴க³வதோ ஸந்திகங் க³ந்த்வாவ பிதுஸினேஹங் படிலபி⁴த்வா ஹட்ட²சித்தோ ‘‘ஸுகா² தே ஸமண சா²யா’’தி வத்வா அஞ்ஞம்பி ப³ஹுங் அத்தனோ அனுரூபங் வத³ந்தோ அட்டா²ஸி. ப⁴க³வா கதப⁴த்தகிச்சோ அனுமோத³னங் கத்வா உட்டா²யாஸனா பக்காமி. குமாரோபி ‘‘தா³யஜ்ஜங் மே ஸமண தே³ஹி, தா³யஜ்ஜங் மே ஸமண தே³ஹீ’’தி ப⁴க³வந்தங் அனுப³ந்தி⁴. தேன வுத்தங்
அத² கோ² ப⁴க³வா ஆயஸ்மந்தங் ஸாரிபுத்தங் ஆமந்தேஸீதி ப⁴க³வா குமாரங் ந நிவத்தாபேஸி, பரிஜனோபி ப⁴க³வதா ஸத்³தி⁴ங் க³ச்ச²ந்தங் நிவத்தேதுங் ந விஸஹதி. அத² ஆராமங் க³ந்த்வா ‘‘யங் அயங் பிதுஸந்தகங் த⁴னங் இச்ச²தி, தங் வட்டானுக³தங் ஸவிகா⁴தகங், ஹந்த³ஸ்ஸ போ³தி⁴மண்டே³ படிலத்³த⁴ங் ஸத்தவித⁴ங் அரியத⁴னங் தே³மி, லோகுத்தரதா³யஜ்ஜஸ்ஸ நங் ஸாமிகங் கரோமீ’’தி ஆயஸ்மந்தங் ஸாரிபுத்தங் ஆமந்தேஸி. ஆமந்தெத்வா ச பனாஹ – ‘‘தேன ஹி த்வங் ஸாரிபுத்த ராஹுலகுமாரங் பப்³பா³ஜேஹீ’’தி. யஸ்மா அயங் தா³யஜ்ஜங் யாசதி, தஸ்மா நங் லோகுத்தரதா³யஜ்ஜபடிலாபா⁴ய பப்³பா³ஜேஹீதி அத்தோ².
இதா³னி யா ஸா ப⁴க³வதா பா³ராணஸியங் தீஹி ஸரணக³மனேஹி பப்³ப³ஜ்ஜா ச உபஸம்பதா³ ச அனுஞ்ஞாதா, ததோ யஸ்மா உபஸம்பத³ங் படிக்கி²பித்வா க³ருபா⁴வே ட²பெத்வா ஞத்திசதுத்தே²ன கம்மேன உபஸம்பதா³ அனுஞ்ஞாதா, பப்³ப³ஜ்ஜா பன நேவ படிக்கி²த்தா, ந புன அனுஞ்ஞாதா, தஸ்மா அனாக³தே பி⁴க்கூ²னங் விமதி உப்பஜ்ஜிஸ்ஸதி – ‘‘அயங் பப்³ப³ஜ்ஜா நாம புப்³பே³ உபஸம்பதா³ஸதி³ஸா, கிங் நு கோ² இதா³னிபி உபஸம்பதா³ விய கம்மவாசாய ‘‘கதா²ஹங் ப⁴ந்தே ராஹுலகுமாரங் பப்³பா³ஜேமீ’’தி.
அத² கோ² ஆயஸ்மா ஸாரிபுத்தோ ராஹுலகுமாரங் பப்³பா³ஜேஸீதி குமாரஸ்ஸ மஹாமொக்³க³ல்லானத்தே²ரோ கேஸே சி²ந்தி³த்வா காஸாயானி த³த்வா ஸரணானி அதா³ஸி. மஹாகஸ்ஸபத்தே²ரோ ஓவாதா³சரியோ அஹோஸி. யஸ்மா பன உபஜ்ஜா²யமூலகா பப்³ப³ஜ்ஜா ச உபஸம்பதா³ ச, உபஜ்ஜா²யோவ தத்த² இஸ்ஸரோ, ந ஆசரியோ, தஸ்மா வுத்தங் – ‘‘அத² கோ² ஆயஸ்மா ஸாரிபுத்தோ ராஹுலகுமாரங் பப்³பா³ஜேஸீ’’தி.
ஏவங் ‘‘குமாரோ பப்³ப³ஜிதோ’’தி ஸுத்வா உப்பன்னஸங்வேகே³ன ஹத³யேன அத² கோ² ஸுத்³தோ⁴த³னோ ஸக்கோதி ஸப்³ப³ங் வத்தப்³ப³ங். தத்த² யஸ்மா உஞ்சா²சரியாய ஜீவதோ பப்³ப³ஜிதஸ்ஸ அவிஸேஸேன ‘‘வரங் யாசாமீ’’தி வுத்தே ‘‘யாசஸ்ஸூ’’தி வசனங் அப்பதிரூபங், ந ச பு³த்³தா⁴னங் ஆசிண்ணங், தஸ்மா ‘‘அதிக்கந்தவரா கோ² கோ³தம ததா²க³தா’’தி வுத்தங். யஞ்ச ப⁴ந்தே கப்பதி யஞ்ச அனவஜ்ஜந்தி யங் தும்ஹாகஞ்சேவ தா³துங் கப்பதி, அனவஜ்ஜஞ்ச ஹோதி, மம ச ஸம்படிச்ச²னபச்சயா விஞ்ஞூஹி ந க³ரஹிதப்³ப³ங் ததா² நந்தே³ அதி⁴மத்தங் ராஹுலேதி
ஸாது⁴ ப⁴ந்தே அய்யாதி இத³ங் கஸ்மா ஆஹ? ஸோ கிர சிந்தேஸி – ‘‘யத்ர ஹி நாம அஹம்பி பு³த்³த⁴மாமகோ த⁴ம்மமாமகோ ஸங்க⁴மாமகோ ஸமானோ அத்தனோ பியதரபுத்தே பப்³பா³ஜியமானே ஞாதிவியோக³து³க்க²ங் அதி⁴வாஸேதுங் ந ‘‘ந பி⁴க்க²வே அனநுஞ்ஞாதோ மாதாபிதூஹி புத்தோ பப்³பா³ஜேதப்³போ³’’தி ஸிக்கா²பத³ங் பஞ்ஞபேஸி.
தத்த² மாதாபிதூஹீதி ஜனநிஜனகே ஸந்தா⁴ய வுத்தங். ஸசே த்³வே அத்தி², த்³வேபி ஆபுச்சி²தப்³பா³. ஸசே பிதா மதோ மாதா வா, யோ ஜீவதி ஸோ ஆபுச்சி²தப்³போ³. பப்³ப³ஜிதாபி ஆபுச்சி²தப்³பா³வ. ஆபுச்ச²ந்தேன ஸயங் வா க³ந்த்வா ஆபுச்சி²தப்³ப³ங், அஞ்ஞோ வா பேஸேதப்³போ³, ஸோ ஏவ வா பேஸேதப்³போ³ ‘‘க³ச்ச² மாதாபிதரோ ஆபுச்சி²த்வா ஏஹீ’’தி. ஸசே ‘‘அனுஞ்ஞாதொம்ஹீ’’தி வத³தி, ஸத்³த³ஹந்தேன பப்³பா³ஜேதப்³போ³. பிதா ஸயங் பப்³ப³ஜிதோ புத்தம்பி பப்³பா³ஜேதுகாமோ ஹோதி, மாதரங் ஆபுச்சி²த்வாவ பப்³பா³ஜேது. மாதா வா தீ⁴தரங் பப்³பா³ஜேதுகாமா, பிதரங் ஆபுச்சி²த்வாவ பப்³பா³ஜேது. பிதா புத்ததா³ரேன அனத்தி²கோ பலாயி, மாதா ‘‘இமங் பப்³பா³ஜேதா²’’தி புத்தங் பி⁴க்கூ²னங் தே³தி, ‘‘பிதாஸ்ஸ குஹி’’ந்தி வுத்தே ‘‘சித்தகேளியங் கீளிதுங் பலாதோ’’தி வத³தி, தங் பப்³பா³ஜேதுங் வட்டதி. மாதா கேனசி புரிஸேன ஸத்³தி⁴ங் பலாதா ஹோதி, பிதா பன ‘‘பப்³பா³ஜேதா²’’தி தே³தி, எத்தா²பி ஏஸேவ நயோ. பிதா விப்பவுத்தோ² ஹோதி, மாதா புத்தங் ‘‘பப்³பா³ஜேதா²’’தி அனுஜானாதி, ‘‘பிதா
மாதாபிதரோ மதா, தா³ரகோ சூளமாதாதீ³னங் ஸந்திகே ஸங்வத்³தோ⁴, தஸ்மிங் பப்³பா³ஜியமானே ஞாதகா
யோபி த³ஹரகாலேயேவ ‘‘அயங் தும்ஹாகங் தி³ன்னோ, யதா³ இச்ச²த², ததா³ பப்³பா³ஜெய்யாதா²’’தி ஏவங் தி³ன்னோ ஹோதி, ஸோபி ஆக³தாக³தோ புன அனாபுச்சா²வ பப்³பா³ஜேதப்³போ³. யங் பன த³ஹரகாலேயேவ ‘‘இமங் ப⁴ந்தே பப்³பா³ஜெய்யாதா²’’தி அனுஜானித்வா பச்சா² வுட்³டி⁴ப்பத்தகாலே நானுஜானந்தி, அயங் ந அனாபுச்சா² பப்³பா³ஜேதப்³போ³. ஏகோ மாதாபிதூஹி ஸத்³தி⁴ங் ப⁴ண்டி³த்வா ‘‘பப்³பா³ஜேத² ம’’ந்தி ஆக³ச்ச²தி, ‘‘ஆபுச்சி²த்வா ஏஹீ’’தி ச வுத்தோ ‘‘நாஹங் க³ச்சா²மி, ஸசே மங் ந பப்³பா³ஜேத², விஹாரங் வா ஜா²பேமி, ஸத்தே²ன வா தும்ஹே பஹராமி, தும்ஹாகங் ஞாதகஉபட்டா²கானங் வா ஆராமச்சே²த³னாதீ³ஹி அனத்த²ங் உப்பாதே³மி, ருக்கா² வா பதித்வா மராமி, சோரமஜ்ஜ²ங் வா பவிஸாமி, தே³ஸந்தரங் வா க³ச்சா²மீ’’தி வத³தி, தங் ஜீவஸ்ஸேவ ரக்க²ணத்தா²ய பப்³பா³ஜேதுங் வட்டதி. ஸசே பனஸ்ஸ மாதாபிதரோ ஆக³ந்த்வா ‘‘கஸ்மா அம்ஹாகங் புத்தங் பப்³பா³ஜயித்தா²’’தி வத³ந்தி, தேஸங் தமத்த²ங் ஆரோசெத்வா ‘‘ரக்க²ணத்தா²ய நங் பப்³பா³ஜயிம்ஹ, பஞ்ஞாயத² தும்ஹே புத்தேனா’’தி வத்தப்³பா³. ‘‘ருக்கா² பதிஸ்ஸாமீ’’தி ஆருஹித்வா பன ஹத்த²பாதே³ முஞ்சந்தங் பப்³பா³ஜேதுங் வட்டதியேவ.
ஏகோபி
யாவதகே வா பன உஸ்ஸஹதீதி யத்தகே ஸக்கோதி.
ராஹுலவத்து²கதா² நிட்டி²தா.
ஸிக்கா²பத³த³ண்ட³கம்மவத்து²கதா²
106. த³ஸஸு ஸிக்கா²பதே³ஸு புரிமானங் பஞ்சன்னங் அதிக்கமோ நாஸனவத்து²
107. அப்பதிஸ்ஸாதி பி⁴க்கூ² ஜெட்ட²கட்டா²னே இஸ்ஸரியட்டா²னே ந ட²பெந்தி. அஸபா⁴க³வுத்திகாதி ஸமானஜீவிகா ந ப⁴வந்தி, விஸபா⁴க³ஜீவிகாதி அத்தோ². அலாபா⁴ய பரிஸக்கதீதி யதா² லாப⁴ங் ந லப⁴ந்தி; ஏவங் பரக்கமதி. அனத்தா²யாதி உபத்³த³வாய. அவாஸாயாதி ‘‘கிந்தி இமஸ்மிங் ஆவாஸே ந வஸெய்யு’’ந்தி பரக்கமதி. அக்கோஸதி பரிபா⁴ஸதீதி அக்கோஸதி சேவ ப⁴யத³ஸ்ஸனேன ச தஜ்ஜேதி. பே⁴தே³தீதி பேஸுஞ்ஞங் உபஸங்ஹரித்வா பே⁴தே³தி. ஆவரணங் காதுந்தி ‘‘மா இத⁴ பவிஸா’’தி நிவாரணங் காதுங். யத்த² வா வஸதி யத்த² வா படிக்கமதீதி யத்த² வஸதி வா பவிஸதி வா; உப⁴யேனாபி அத்தனோ பரிவேணஞ்ச வஸ்ஸக்³கே³ன பத்தஸேனாஸனஞ்ச வுத்தங்.
முக²த்³வாரிகங் ஆஹாரங் ஆவரணங் கரொந்தீதி ‘‘அஜ்ஜ மா கா²த³, மா பு⁴ஞ்ஜா’’தி ஏவங் நிவாரெந்தி. ந பி⁴க்க²வே முக²த்³வாரிகோ ஆஹாரோ ஆவரணங் காதப்³போ³தி
ஸிக்கா²பத³த³ண்ட³கம்மவத்து²கதா² நிட்டி²தா.
அனாபுச்சா²வரணவத்து²ஆதி³கதா²
108. ந பி⁴க்க²வே உபஜ்ஜா²யங் அனாபுச்சா²தி எத்த² ‘‘தும்ஹாகங் ஸாமணேரஸ்ஸ அயங் நாம அபராதோ⁴, த³ண்ட³கம்மமஸ்ஸ கரோதா²’’தி திக்க²த்துங் வுத்தே, ஸசே உபஜ்ஜா²யோ த³ண்ட³கம்மங் ந கரோதி, ஸயங் காதுங் வட்டதி. ஸசேபி ஆதி³தோவ உபஜ்ஜா²யோ வத³தி ‘‘மய்ஹங் ஸாமணேரானங் தோ³ஸே ஸதி தும்ஹே த³ண்ட³கம்மங் கரோதா²’’தி காதுங் வட்டதியேவ. யதா² ச ஸாமணேரானங் ஏவங் ஸத்³தி⁴விஹாரிகந்தேவாஸிகானம்பி த³ண்ட³கம்மங் காதுங் வட்டதி.
அபலாளெந்தீதி ‘‘தும்ஹாகங் ந பி⁴க்க²வே அஞ்ஞஸ்ஸ பரிஸா அபலாளேதப்³பா³தி எத்த² ஸாமணேரா வா ஹொந்து உபஸம்பன்னா வா, அந்தமஸோ து³ஸ்ஸீலபி⁴க்கு²ஸ்ஸாபி பரஸ்ஸ பரிஸபூ⁴தே பி⁴ந்தி³த்வா க³ண்ஹிதுங் ந வட்டதி, ஆதீ³னவங் பன வத்துங் வட்டதி ‘‘தயா ந்ஹாயிதுங் ஆக³தேன கூ³த²மக்க²னங் விய கதங் து³ஸ்ஸீலங் நிஸ்ஸாய விஹரந்தேனா’’தி. ஸசே ஸோ ஸயமேவ ஜானித்வா உபஜ்ஜ²ங் வா நிஸ்ஸயங் வா யாசதி, தா³துங் வட்டதி.
அனுஜானாமி பி⁴க்க²வே த³ஸஹங்கே³ஹி ஸமன்னாக³தங் ஸாமணேரங் நாஸேதுந்தி எத்த² கண்டகஸிக்கா²பத³வண்ணனாயங் வுத்தாஸு தீஸு நாஸனாஸு லிங்க³னாஸனாவ அதி⁴ப்பேதா, தஸ்மா யோ பாணாதிபாதாதீ³ஸு ஏகம்பி கம்மங் கரோதி, ஸோ லிங்க³னாஸனாய நாஸேதப்³போ³. யதா² ச பி⁴க்கூ²னங் பாணாதிபாதாதீ³ஸு நானாஆபத்தியோ ஹொந்தி, ந ததா² ஸாமணேரானங். ஸாமணேரோ ஹி குந்த²கிபில்லிகம்பி மாரெத்வா மங்கு³ரண்ட³கம்பி பி⁴ந்தி³த்வா நாஸேதப்³ப³தங்யேவ
அதி³ன்னாதா³னே
அவண்ணபா⁴ஸனே பன அரஹங் ஸம்மாஸம்பு³த்³தோ⁴திஆதீ³னங் படிபக்க²வஸேன பு³த்³த⁴ஸ்ஸ வா, ஸ்வாக்கா²தோதிஆதீ³னங் படிபக்க²வஸேன த⁴ம்மஸ்ஸ வா, ஸுப்படிபன்னோதிஆதீ³னங் படிபக்க²வஸேன ஸங்க⁴ஸ்ஸ வா அவண்ணங் பா⁴ஸந்தோ ரதனத்தயங் நிந்த³ந்தோ க³ரஹந்தோ ஆசரியுபஜ்ஜா²யாதீ³ஹி ‘‘மா ஏவங் அவசா’’தி அவண்ணபா⁴ஸனே ஆதீ³னவங் த³ஸ்ஸெத்வா நிவாரேதப்³போ³. ஸசே யாவததியங் வுச்சமானோ ந ஓரமதி, கண்டகனாஸனாய நாஸேதப்³போ³தி குருந்தி³யங் வுத்தங். மஹாஅட்ட²கதா²யங் பன ‘‘ஸசே ஏவங் வுச்சமானோ தங் லத்³தி⁴ங் நிஸ்ஸஜ்ஜதி, த³ண்ட³கம்மங் காரெத்வா அச்சயங் தே³ஸாபேதப்³போ³. ஸசே ந நிஸ்ஸஜ்ஜதி, ததே²வ ஆதா³ய பக்³க³ய்ஹ
மிச்சா²தி³ட்டி²கேபி ஏஸேவ நயோ. ஸஸ்ஸதுச்சே²தா³னஞ்ஹி அஞ்ஞதரதி³ட்டி²கோ ஸசே ஆசரியாதீ³ஹி ஓவதி³யமானோ நிஸ்ஸஜ்ஜதி, த³ண்ட³கம்மங் காரெத்வா அச்சயங் தே³ஸாபேதப்³போ³. அப்படினிஸ்ஸஜ்ஜந்தோவ நாஸேதப்³போ³தி. பி⁴க்கு²னிதூ³ஸகோ செத்த² காமங் அப்³ரஹ்மசாரிக்³க³ஹணேன க³ஹிதோவ அப்³ரஹ்மசாரிங் பன ஆயதிங் ஸங்வரே டா²துகாமங் ஸரணானி த³த்வா உபஸம்பாதே³துங் வட்டதி. பி⁴க்கு²னிதூ³ஸகோ ஆயதிங் ஸங்வரே டா²துகாமோபி பப்³ப³ஜ்ஜம்பி ந லப⁴தி, பகே³வ உபஸம்பத³ந்தி ஏதமத்த²ங் த³ஸ்ஸேதுங் ‘‘பி⁴க்கு²னிதூ³ஸகோ’’தி இத³ங் விஸுங் த³ஸமங் அங்க³ங் வுத்தந்தி வேதி³தப்³ப³ங்.
அனாபுச்சா²வரணவத்து²ஆதி³கதா² நிட்டி²தா.
பண்ட³கவத்து²கதா²
109. த³ஹரே த³ஹரேதி தருணே தருணே. மோளிக³ல்லேதி தூ²லஸரீரே. ஹத்தி²ப⁴ண்டே³ அஸ்ஸப⁴ண்டே³தி ஹத்தி²கோ³பகே ச அஸ்ஸகோ³பகே ச.
பண்ட³கோ பி⁴க்க²வேதி எத்த² ஆஸித்தபண்ட³கோ உஸூயபண்ட³கோ ஓபக்கமிகபண்ட³கோ பக்க²பண்ட³கோ நபுங்ஸகபண்ட³கோதி பஞ்ச
பண்ட³வத்து²கதா² நிட்டி²தா.
தெ²ய்யஸங்வாஸகவத்து²கதா²
110. புராணகுலபுத்தோதி புராணஸ்ஸ அனுக்கமேன பாரிஜுஞ்ஞங் பத்தஸ்ஸ குலஸ்ஸ புத்தோ. மாதிபக்க²பிதிபக்க²தோ கோலஞ்ஞா கீ²ணா வினட்டா² மதா அஸ்ஸாதி கீ²ணகோலஞ்ஞோ. அனதி⁴க³தந்தி அப்பத்தங். பா²திங்காதுந்தி வட்³டே⁴துங். இங்கா⁴தி உய்யோஜனத்தே² நிபாதோ. அனுயுஞ்ஜியமானோதி ஏகமந்தங் நெத்வா கேஸமஸ்ஸுஓரோபனகாஸாயபடிக்³க³ஹணஸரணக³மனஉபஜ்ஜா²யக்³க³ஹணகம்மவாசானிஸ்ஸயத⁴ம்மே புச்சி²யமானோ. ஏதமத்த²ங் ஆரோசேஸீதி ஏதங் ஸயங் பப்³ப³ஜிதபா⁴வங் ஆதி³தோ பட்டா²ய ஆசிக்கி².
தெ²ய்யஸங்வாஸகோ பி⁴க்க²வேதி எத்த² தயோ தெ²ய்யஸங்வாஸகா – லிங்க³த்தே²னகோ, ஸங்வாஸத்தே²னகோ, உப⁴யத்தே²னகோதி. தத்த² யோ ஸயங் பப்³ப³ஜித்வா விஹாரங் க³ந்த்வா ந பி⁴க்கு²வஸ்ஸானி க³ணேதி, ந யதா²வுட்³ட⁴ங் வந்த³னங் ஸாதி³யதி, ந ஆஸனேன படிபா³ஹதி, ந உபோஸத²பவாரணாதீ³ஸு ஸந்தி³ஸ்ஸதி, அயங் லிங்க³மத்தஸ்ஸேவ தே²னிதத்தா லிங்க³த்தே²னகோ நாம.
யோ பன பி⁴க்கூ²ஹி பப்³பா³ஜிதோ ஸாமணேரோ ஸமானோபி விதே³ஸங் க³ந்த்வா ‘‘அஹங் த³ஸவஸ்ஸோ வா
யோ பன ஸயங் பப்³ப³ஜித்வா விஹாரங் க³ந்த்வா பி⁴க்கு²வஸ்ஸானி க³ணேதி, யதா²வுட்³ட⁴ங் வந்த³னங் ஸாதி³யதி, ஆஸனேன படிபா³ஹதி, உபோஸத²பவாரணாதீ³ஸு ஸந்தி³ஸ்ஸதி, அயங் லிங்க³ஸ்ஸ சேவ ஸங்வாஸஸ்ஸ ச தே²னிதத்தா உப⁴யத்தே²னகோ நாம. அயங் திவிதோ⁴பி தெ²ய்யஸங்வாஸகோ அனுபஸம்பன்னோ ந உபஸம்பாதே³தப்³போ³, உபஸம்பன்னோ நாஸேதப்³போ³, புன பப்³ப³ஜ்ஜங் யாசந்தோபி ந பப்³பா³ஜேதப்³போ³.
எத்த²
‘‘ராஜது³ப்³பி⁴க்க²கந்தார-ரோக³வேரிப⁴யேஹி வா;
சீவராஹரணத்த²ங் வா, லிங்க³ங் ஆதி³யதீத⁴ யோ.
ஸங்வாஸங் நாதி⁴வாஸேதி, யாவ ஸோ ஸுத்³த⁴மானஸோ;
தெ²ய்யஸங்வாஸகோ நாம, தாவ ஏஸ ந வுச்சதீ’’தி.
தத்ராயங் வித்தா²ரனயோ – இதே⁴கச்சஸ்ஸ ராஜா குத்³தோ⁴ ஹோதி, ஸோ ‘‘ஏவங் மே ஸொத்தி² ப⁴விஸ்ஸதீ’’தி ஸயமேவ லிங்க³ங் க³ஹெத்வா பலாயதி. தங் தி³ஸ்வா ரஞ்ஞோ ஆரோசெந்தி. ராஜா ‘‘ஸசே பப்³ப³ஜிதோ, ந தங் லப்³பா⁴ கிஞ்சி காது’’ந்தி தஸ்மிங் கோத⁴ங் படிவினேதி, ஸோ ‘‘வூபஸந்தங் மே ராஜப⁴ய’’ந்தி ஸங்க⁴மஜ்ஜ²ங் அனோஸரித்வாவ கி³ஹிலிங்க³ங் க³ஹெத்வா ஆக³தோ பப்³பா³ஜேதப்³போ³. அதா²பி ‘‘ஸாஸனங் நிஸ்ஸாய மயா ஜீவிதங் லத்³த⁴ங், ஹந்த³ தா³னி அஹங் பப்³ப³ஜாமீ’’தி உப்பன்னஸங்வேகோ³ தேனேவ லிங்கே³ன ஆக³ந்த்வா ஆக³ந்துகவத்தங் ந ஸாதி³யதி, பி⁴க்கூ²ஹி புட்டோ² வா அபுட்டோ² வா யதா²பூ⁴தமத்தானங் ஆவிகத்வா பப்³ப³ஜ்ஜங் யாசதி, லிங்க³ங் அபனெத்வா பப்³பா³ஜேதப்³போ³. ஸசே பன வத்தங் ஸாதி³யதி, பப்³ப³ஜிதாலயங் த³ஸ்ஸேதி, ஸப்³ப³ங் புப்³பே³ வுத்தங் வஸ்ஸக³ணனாதி³பே⁴த³ங் விதி⁴ங் படிபஜ்ஜதி, அயங் ந பப்³பா³ஜேதப்³போ³.
இத⁴ பனேகச்சோ து³ப்³பி⁴க்கே² ஜீவிதுங் அஸக்கொந்தோ ஸயமேவ லிங்க³ங் க³ஹெத்வா ஸப்³ப³பாஸண்டி³யப⁴த்தானி
அபரோ மஹாகந்தாரங் நித்த²ரிதுகாமோ ஹோதி, ஸத்த²வாஹோ ச பப்³ப³ஜிதே க³ஹெத்வா க³ச்ச²தி. ஸோ ‘‘ஏவங் மங் ஸத்த²வாஹோ க³ஹெத்வா க³மிஸ்ஸதீ’’தி ஸயமேவ லிங்க³ங் க³ஹெத்வா ஸத்த²வாஹேன ஸத்³தி⁴ங் கந்தாரங் நித்த²ரித்வா கே²மந்தங் பத்வா ஸங்க⁴மஜ்ஜ²ங் அனோஸரித்வாவ கி³ஹிலிங்க³ங் க³ஹெத்வா ஆக³தோதி ஸப்³ப³ங் புரிமஸதி³ஸமேவ.
அபரோ ரோக³ப⁴யே உப்பன்னே ஜீவிதுங் அஸக்கொந்தோ ஸயமேவ லிங்க³ங் க³ஹெத்வா ஸப்³ப³பாஸண்டி³யப⁴த்தானி பு⁴ஞ்ஜந்தோ ரோக³ப⁴யே வூபஸந்தே ஸங்க⁴மஜ்ஜ²ங்
அபரஸ்ஸ ஏகோ வேரிகோ குத்³தோ⁴ ஹோதி, கா⁴தேதுகாமோ நங் விசரதி, ஸோ ‘‘ஏவங் மே ஸொத்தி² ப⁴விஸ்ஸதீ’’தி ஸயமேவ லிங்க³ங் க³ஹெத்வா பலாயதி. வேரிகோ ‘‘குஹிங் ஸோ’’தி பரியேஸந்தோ ‘‘பப்³ப³ஜித்வா பலாதோ’’தி ஸுத்வா ‘‘ஸசே பப்³ப³ஜிதோ, ந தங் லப்³பா⁴ கிஞ்சி காது’’ந்தி தஸ்மிங் கோத⁴ங் படிவினேதி. ஸோ ‘‘வூபஸந்தங் மே வேரிப⁴ய’’ந்தி ஸங்க⁴மஜ்ஜ²ங் அனோஸரித்வாவ கி³ஹிலிங்க³ங் க³ஹெத்வா ஆக³தோதி ஸப்³ப³ங் புரிமஸதி³ஸமேவ.
அபரோ ஞாதிகுலங் க³ந்த்வா ஸிக்க²ங் பச்சக்கா²ய கி³ஹி ஹுத்வா ‘‘இமானி சீவரானி இத⁴ வினஸ்ஸிஸ்ஸந்தி, ஸசேபி இமானி க³ஹெத்வா விஹாரங் க³மிஸ்ஸாமி, அந்தராமக்³கே³ மங் ‘சோரோ’தி க³ஹெஸ்ஸந்தி, யங்னூனாஹங் காயபரிஹாரியானி கத்வா க³ச்செ²ய்ய’’ந்தி சீவராஹரணத்த²ங் நிவாஸெத்வா ச பாருபித்வா ச விஹாரங் க³ச்ச²தி. தங் தூ³ரதோவ ஆக³ச்ச²ந்தங் தி³ஸ்வா ஸாமணேரா ச த³ஹரா ச அப்³பு⁴க்³க³ச்ச²ந்தி, வத்தங் த³ஸ்ஸெந்தி. ஸோ ந ஸாதி³யதி, யதா²பூ⁴தமத்தானங் ஆவிகரோதி. ஸசே பி⁴க்கூ² ‘‘ந தா³னி மயங் தங் முஞ்சிஸ்ஸாமா’’தி ப³லக்காரேன பப்³பா³ஜேதுகாமா ஹொந்தி, காஸாயானி அபனெத்வா புன பப்³பா³ஜேதப்³போ³. ஸசே பன ‘‘நயிமே மம ஹீனாயாவத்தபா⁴வங் ஜானந்தீ’’தி தங்யேவ பி⁴க்கு²பா⁴வங் படிஜானித்வா ஸப்³ப³ங் புப்³பே³ வுத்தங் வஸ்ஸக³ணனாதி³பே⁴த³ங் விதி⁴ங் படிபஜ்ஜதி, அயங் ந பப்³பா³ஜேதப்³போ³.
அபரோ மஹாஸாமணேரோ ஞாதிகுலங் க³ந்த்வா உப்பப்³ப³ஜித்வா கம்மந்தானுட்டா²னேன உப்³பா³ள்ஹோ ஹுத்வா புன ‘‘தா³னி அஹங் ஸமணோவ ப⁴விஸ்ஸாமி, தே²ரோபி மே உப்பப்³ப³ஜிதபா⁴வங் ந ஜானாதீ’’தி ததே³வ பத்தசீவரங்
அபரோ
பி⁴க்கு² ஸிக்க²ங் பச்சக்கா²ய லிங்க³ங் அனபனெத்வா து³ஸ்ஸீலகம்மங் கத்வா வா அகத்வா வா புன ஸப்³ப³ங் புப்³பே³ வுத்தங் வஸ்ஸக³ணனாதி³பே⁴த³ங் விதி⁴ங் படிபஜ்ஜதி, தெ²ய்யஸங்வாஸகோ ஹோதி. ஸிக்க²ங் அப்பச்சக்கா²ய ஸலிங்கே³ டி²தோ மேது²னங் படிஸேவித்வா வஸ்ஸக³ணனாதி³பே⁴த³ங் விதி⁴ங் ஆபஜ்ஜந்தோ தெ²ய்யஸங்வாஸகோ ந ஹோதி, பப்³ப³ஜ்ஜாமத்தங் லப⁴தி. அந்த⁴கட்ட²கதா²யங் பன ஏஸோ தெ²ய்யஸங்வாஸகோதி வுத்தங், தங் ந க³ஹேதப்³ப³ங்.
ஏகோ பி⁴க்கு² காஸாயே ஸஉஸ்ஸாஹோவ ஓதா³தங் நிவாஸெத்வா மேது²னங் படிஸேவித்வா புன காஸாயானி நிவாஸெத்வா வஸ்ஸக³ணனாதி³பே⁴த³ங் ஸப்³ப³ங் விதி⁴ங் ஆபஜ்ஜதி, அயம்பி தெ²ய்யஸங்வாஸகோ ந ஹோதி, பப்³ப³ஜ்ஜாமத்தங் லப⁴தி. ஸசே பன
ஸாமணேரோ ஸலிங்கே³ டி²தோ மேது²னாதி³அஸ்ஸமணகரணத⁴ம்மங் ஆபஜ்ஜித்வாபி தெ²ய்யஸங்வாஸகோ ந ஹோதி. ஸசேபி காஸாயே ஸஉஸ்ஸாஹோவ காஸாயானி அபனெத்வா மேது²னங் படிஸேவித்வா புன காஸாயானி நிவாஸேதி, நேவ தெ²ய்யஸங்வாஸகோ ஹோதி. ஸசே பன காஸாயே து⁴ரங் நிக்கி²பித்வா நக்³கோ³ வா ஓதா³தனிவத்தோ² வா மேது²னஸேவனாதீ³ஹி அஸ்ஸமணோ
ஸசே பன நிவத்த²காஸாயஸ்ஸ உபரி ஓதா³தங் நிவாஸெத்வா வீமங்ஸதி வா ஸம்படிச்ச²தி வா, ரக்க²தியேவ. பி⁴க்கு²னியாபி ஏஸேவ நயோ. ஸாபி ஹி கி³ஹிபா⁴வங் பத்த²யமானா ஸசே காஸாயங் கி³ஹினிவாஸனங் நிவாஸேதி, ‘‘ஸோப⁴தி நு கோ² மே கி³ஹிலிங்க³ங், ந ஸோப⁴தீ’’தி வீமங்ஸனத்த²ங், ரக்க²தி தாவ. ஸசே ‘‘ஸோப⁴தீ’’தி ஸம்படிச்ச²தி, ந ரக்க²தி. ஓதா³தங் நிவாஸெத்வா வீமங்ஸனஸம்படிச்ச²னேஸுபி ஏஸேவ நயோ. நிவத்த²காஸாயஸ்ஸ பன உபரி ஓதா³தங் நிவாஸெத்வா வீமங்ஸது வா ஸம்படிச்ச²து வா, ரக்க²தியேவ.
ஸசே கோசி வுட்³ட⁴பப்³ப³ஜிதோ வஸ்ஸானி அக³ணெத்வா பாளியம்பி அட்ட²த்வா ஏகபஸ்ஸேனாக³ந்த்வா மஹாபேளாதீ³ஸு கடச்சு²னா உக்கி²த்தே ப⁴த்தபிண்டே³ பத்தங் உபனாமெத்வா ஸேனோ விய மங்ஸபேஸிங் க³ஹெத்வா க³ச்ச²தி, தெ²ய்யஸங்வாஸகோ ந ஹோதி. பி⁴க்கு²வஸ்ஸானி பன க³ணெத்வா க³ண்ஹந்தோ தெ²ய்யஸங்வாஸகோ ஹோதி.
ஸயங் ஸாமணேரோவ ஸாமணேரபடிபாடியா கூடவஸ்ஸானி க³ணெத்வா க³ண்ஹந்தோ தெ²ய்யஸங்வாஸகோ ந ஹோதி. பி⁴க்கு² பி⁴க்கு²படிபாடியா கூடவஸ்ஸானி க³ணெத்வா க³ண்ஹந்தோ ப⁴ண்ட³க்³கே⁴ன காரேதப்³போ³தி.
தெ²ய்யஸங்வாஸகவத்து²கதா² நிட்டி²தா.
தித்தி²யபக்கந்தககதா²
தித்தி²யபக்கந்தகோ பி⁴க்க²வேதி எத்த² பன தித்தி²யேஸு பக்கந்தோ பவிட்டோ²தி தித்தி²யபக்கந்தகோ. ஸோ ந கேவலங் ந உபஸம்பாதே³தப்³போ³, அத² கோ² ந பப்³பா³ஜேதப்³போ³பி. தத்ராயங் வினிச்ச²யோ – உபஸம்பன்னோ பி⁴க்கு² தித்தி²யோ ப⁴விஸ்ஸாமீதி ஸலிங்கே³னேவ தேஸங் உபஸ்ஸயங் க³ச்ச²தி, பத³வாரே பத³வாரே து³க்கடங். தேஸங் லிங்கே³ ஆதி³ன்னமத்தே தித்தி²யபக்கந்தகோ ஹோதி. யோபி
ஸசே பன ‘‘கிங் தும்ஹாகங் பப்³ப³ஜ்ஜாய உக்கட்ட²’’ந்தி புச்சி²த்வா ‘‘கேஸமஸ்ஸுலுஞ்சனாதீ³னீ’’தி வுத்தோ ஏககேஸம்பி லுஞ்சாபேதி, உக்குடிகப்பதா⁴னாதீ³னி வா வத்தானி ஆதி³யதி, மோரபிஞ்சா²தீ³னி வா நிவாஸேதி, தேஸங் லிங்க³ங் க³ண்ஹாதி, ‘‘அயங் பப்³ப³ஜ்ஜா ஸெட்டா²’’தி ஸெட்ட²பா⁴வங் வா உபக³ச்ச²தி, ந முச்சதி, தித்தி²யபக்கந்தகோ ஹோதி. ஸசே பன ‘‘ஸோப⁴தி நு கோ² மே தித்தி²யபப்³ப³ஜ்ஜா, நனு கோ² ஸோப⁴தீ’’தி வீமங்ஸனத்த²ங் குஸசீராதீ³னி வா நிவாஸேதி, ஜடங் வா ப³ந்த⁴தி, கா²ரிகாஜங் வா ஆதி³யதி, யாவ ந ஸம்படிச்ச²தி, தாவ நங் லத்³தி⁴ ரக்க²தி, ஸம்படிச்சி²தமத்தே தித்தி²யபக்கந்தகோ ஹோதி. அச்சி²ன்னசீவரோ பன குஸசீராதீ³னி நிவாஸெந்தோ ராஜப⁴யாதீ³ஹி வா தித்தி²யலிங்க³ங் க³ண்ஹந்தோ லத்³தி⁴யா அபா⁴வேன நேவ தித்தி²யபக்கந்தகோ ஹோதி.
அயஞ்ச தித்தி²யபக்கந்தகோ நாம உபஸம்பன்னபி⁴க்கு²னா கதி²தோ, தஸ்மா ஸாமணேரோ ஸலிங்கே³ன தித்தா²யதனங் க³தோபி புன பப்³ப³ஜ்ஜஞ்ச உபஸம்பத³ஞ்ச லப⁴தீதி குருந்தி³யங் வுத்தங். புரிமோ பன தெ²ய்யஸங்வாஸகோ அனுபஸம்பன்னேன கதி²தோ; தஸ்மா உபஸம்பன்னோ கூடவஸ்ஸங் க³ணெந்தோபி அஸ்ஸமணோ ந ஹோதி. லிங்கே³ ஸஉஸ்ஸாஹோ பாராஜிகங் ஆபஜ்ஜித்வா பி⁴க்கு²வஸ்ஸாதீ³னி க³ணெந்தோபி தெ²ய்யஸங்வாஸகோ ந ஹோதீதி.
தித்தி²யபக்கந்தககதா² நிட்டி²தா.
திரச்சா²னக³தவத்து²கதா²
111. நாக³யோனியா அட்டீயதீதி எத்த² கிஞ்சாபி ஸோ பவத்தியங் குஸலவிபாகேன தே³வஸம்பத்திஸதி³ஸங் இஸ்ஸரியஸம்பத்திங் அனுபோ⁴தி, அகுஸலவிபாகபடிஸந்தி⁴கஸ்ஸ ஹராயதீதி லஜ்ஜதி. ஜிகு³ச்ச²தீதி அத்தபா⁴வங் ஜிகு³ச்ச²தி. தஸ்ஸ பி⁴க்கு²னோ நிக்க²ந்தேதி தஸ்மிங் பி⁴க்கு²ஸ்மிங் நிக்க²ந்தே. அத² வா தஸ்ஸ பி⁴க்கு²னோ நிக்க²மனேதி அத்தோ². விஸ்ஸட்டோ² நித்³த³ங் ஓக்கமீதி தஸ்மிங் அனிக்க²ந்தே விஸ்ஸரப⁴யேன ஸதிங் அவிஸ்ஸஜ்ஜித்வா கபிமித்³த⁴வஸேனேவ நித்³தா³யந்தோ நிக்க²ந்தே ஸதிங் விஸ்ஸஜ்ஜித்வா விஸ்ஸட்டோ² நிராஸங்கோ மஹானித்³த³ங் படிபஜ்ஜி. விஸ்ஸரமகாஸீதி ப⁴யவஸேன ஸமணஸஞ்ஞங் பஹாய விரூபங் மஹாஸத்³த³மகாஸி.
தும்ஹே கொ²த்தா²தி தும்ஹே கோ² அத்த²; அகாரஸ்ஸ லோபங் கத்வா வுத்தங். தும்ஹே கோ² நாகா³ ஜா²னவிபஸ்ஸனாமக்³க³ப²லானங் அப⁴ப்³ப³த்தா இமஸ்மிங் த⁴ம்மவினயே அவிருள்ஹித⁴ம்மா அத்த², விருள்ஹித⁴ம்மா ந ப⁴வதா²தி அயமெத்த² ஸங்கே²பத்தோ². ஸஜாதியாதி நாகி³யா ஏவ. யதா³ பன மனுஸ்ஸித்தி²ஆதி³பே⁴தா³ய அஞ்ஞஜாதியா படிஸேவதி, ததா³ தே³வபுத்தோ விய ஹோதி. எத்த² ச பவத்தியங் அபி⁴ண்ஹங் ஸபா⁴வபாதுகம்மத³ஸ்ஸனவஸேன ‘‘த்³வே பச்சயா’’தி வுத்தங். நாக³ஸ்ஸ பன பஞ்சஸு காலேஸு ஸபா⁴வபாதுகம்மங் ஹோதி – படிஸந்தி⁴காலே, தசஜஹனகாலே, ஸஜாதியா மேது²னகாலே, விஸ்ஸட்ட²னித்³தோ³க்கமனகாலே, சுதிகாலேதி.
திரச்சா²னக³தோ பி⁴க்க²வேதி எத்த² நாகோ³ வா ஹோது ஸுபண்ணமாணவகாதீ³னங் வா அஞ்ஞதரோ, அந்தமஸோ ஸக்கங் தே³வராஜானங் உபாதா³ய யோ கோசி அமனுஸ்ஸஜாதியோ, ஸப்³போ³வ இமஸ்மிங் அத்தே² திரச்சா²னக³தோதி வேதி³தப்³போ³. ஸோ நேவ உபஸம்பாதே³தப்³போ³, ந பப்³பா³ஜேதப்³போ³, உபஸம்பன்னோபி நாஸேதப்³போ³தி.
திரச்சா²னக³தவத்து²கதா² நிட்டி²தா.
மாதுகா⁴தகாதி³வத்து²கதா²
112. மாதுகா⁴தகாதி³வத்தூ²ஸு – நிக்க²ந்திங் கரெய்யந்தி நிக்க²மனங் நிக்³க³மனங் அபவாஹனங் கரெய்யந்தி அத்தோ². மாதுகா⁴தகோ பி⁴க்க²வேதி எத்த² யேன மனுஸ்ஸித்தி²பூ⁴தா
114. அரஹந்தகா⁴தகோபி மனுஸ்ஸஅரஹந்தவஸேனேவ வேதி³தப்³போ³. மனுஸ்ஸஜாதியஞ்ஹி அந்தமஸோ அபப்³ப³ஜிதம்பி கீ²ணாஸவங் தா³ரகங் தா³ரிகங் வா ஸஞ்சிச்ச ஜீவிதா வோரோபெந்தோ அரஹந்தகா⁴தகோவ ஹோதி, ஆனந்தரியஞ்ச பு²ஸதி, பப்³ப³ஜ்ஜா சஸ்ஸ வாரிதா. அமனுஸ்ஸஜாதிகங் பன அரஹந்தங் மனுஸ்ஸஜாதிகங் வா அவஸேஸங் அரியபுக்³க³லங் கா⁴தெத்வா ஆனந்தரியோ ந ஹோதி, பப்³ப³ஜ்ஜாபிஸ்ஸ ந வாரிதா, கம்மங் பன ப³லவங் ஹோதி. திரச்சா²னோ மனுஸ்ஸஅரஹந்தம்பி கா⁴தெத்வா ஆனந்தரியோ ந ஹோதி, கம்மங் பன பா⁴ரியந்தி அயமெத்த² வினிச்ச²யோ. தே வதா⁴ய ஓனீயந்தீதி வத⁴த்தா²ய ஓனீயந்தி, மாரேதுங் நீயந்தீதி அத்தோ². யங் பன பாளியங் ‘‘ஸசா ச மய’’ந்தி வுத்தங், தஸ்ஸ ஸசே மயந்தி அயமேவத்தோ². ‘‘ஸசே’’தி ஹி வத்தப்³பே³ எத்த² ‘‘ஸசா ச’’ இதி அயங் நிபாதோ வுத்தோ. ‘‘ஸசே ச’’ இச்சேவ வா பாடோ². தத்த² ஸசேதி ஸம்பா⁴வனத்தே² நிபாதோ; ச இதி பத³பூரணமத்தே. ‘‘ஸசஜ்ஜ மய’’ந்திபி பாடோ². தஸ்ஸ ஸசே அஜ்ஜ மயந்தி அத்தோ².
115. பி⁴க்கு²னிதூ³ஸகோ பி⁴க்க²வேதி எத்த² யோ பகதத்தங் பி⁴க்கு²னிங் திண்ணங் மக்³கா³னங் அஞ்ஞதரஸ்மிங் தூ³ஸேதி, அயங் பி⁴க்கு²னிதூ³ஸகோ நாம. ஏதஸ்ஸ பப்³ப³ஜ்ஜா ச உபஸம்பதா³ ச வாரிதா. யோ பன காயஸங்ஸக்³கே³ன ஸீலவினாஸங் பாபேதி, தஸ்ஸ பப்³ப³ஜ்ஜா ச உபஸம்பதா³ ச ந வாரிதா. ப³லக்காரேன ஓதா³தவத்த²வஸனங் கத்வா அனிச்ச²மானங்யேவ
ஸங்க⁴பே⁴த³கோ பி⁴க்க²வேதி எத்த² யோ தே³வத³த்தோ விய ஸாஸனங் உத்³த⁴ம்மங் உப்³பி³னயங் கத்வா சதுன்னங் கம்மானங் அஞ்ஞதரவஸேன ஸங்க⁴ங் பி⁴ந்த³தி, அயங் ஸங்க⁴பே⁴த³கோ நாம. ஏதஸ்ஸ பப்³ப³ஜ்ஜா ச உபஸம்பதா³ ச வாரிதா.
லோஹிதுப்பாத³கோ பி⁴க்க²வேதி எத்தா²பி யோ தே³வத³த்தோ விய து³ட்ட²சித்தேன வத⁴கசித்தேன ததா²க³தஸ்ஸ ஜீவமானகஸரீரே கு²த்³த³கமக்கி²காய பிவனகமத்தம்பி லோஹிதங் உப்பாதே³தி, அயங் லோஹிதுப்பாத³கோ நாம. ஏதஸ்ஸ பப்³ப³ஜ்ஜா ச உபஸம்பதா³ ச வாரிதா. யோ பன ரோக³வூபஸமனத்த²ங் ஜீவகோ விய ஸத்தே²ன பா²லெத்வா பூதிமங்ஸஞ்ச லோஹிதஞ்ச நீஹரித்வா பா²ஸுங் கரோதி, ப³ஹுங் ஸோ புஞ்ஞங் பஸவதீதி.
மாதுகா⁴தகாதி³வத்து²கதா² நிட்டி²தா.
உப⁴தொப்³யஞ்ஜனகவத்து²கதா²
116. உப⁴தொப்³யஞ்ஜனகோ பி⁴க்க²வேதி இத்தி²னிமித்துப்பாத³னகம்மதோ ச புரிஸனிமித்துப்பாத³னகம்மதோ ச உப⁴தோ ப்³யஞ்ஜனமஸ்ஸ அத்தீ²தி உப⁴தொப்³யஞ்ஜனகோ. கரோதீதி புரிஸனிமித்தேன இத்தீ²ஸு மேது²னவீதிக்கமங் கரோதி. காராபேதீதி பரங் ஸமாத³பெத்வா அத்தனோ இத்தி²னிமித்தே காராபேதி, ஸோ து³விதோ⁴ ஹோதி – இத்தி²உப⁴தொப்³யஞ்ஜனகோ, புரிஸஉப⁴தொப்³யஞ்ஜனகோதி.
தத்த² இத்தி²உப⁴தொப்³யஞ்ஜனகஸ்ஸ இத்தி²னிமித்தங் பாகடங் ஹோதி, புரிஸனிமித்தங் படிச்ச²ன்னங். புரிஸஉப⁴தொப்³யஞ்ஜனகஸ்ஸ புரிஸனிமித்தங் பாகடங், இத்தி²னிமித்தங் படிச்ச²ன்னங். இத்தி²உப⁴தொப்³யஞ்ஜனகஸ்ஸ இத்தீ²ஸு புரிஸத்தங் கரொந்தஸ்ஸ இத்தி²னிமித்தங் படிச்ச²ன்னங் ஹோதி, புரிஸனிமித்தங் பாகடங் ஹோதி. புரிஸஉப⁴தொப்³யஞ்ஜனகஸ்ஸ புரிஸானங் இத்தி²பா⁴வங் உபக³ச்ச²ந்தஸ்ஸ புரிஸனிமித்தங் படிச்ச²ன்னங் ஹோதி, இத்தி²னிமித்தங் பாகடங் ஹோதி. இத்தி²உப⁴தொப்³யஞ்ஜனகோ ஸயஞ்ச க³ப்³ப⁴ங் க³ண்ஹாதி, பரஞ்ச க³ண்ஹாபேதி. புரிஸஉப⁴தொப்³யஞ்ஜனகோ பன ஸயங் ந க³ண்ஹாதி, பரங் க³ண்ஹாபேதீதி, இத³மேதேஸங் நானாகரணங். குருந்தி³யங் பன வுத்தங் – ‘‘யதி³ படிஸந்தி⁴யங் புரிஸலிங்க³ங்
உப⁴தொப்³யஜ்ஜனகவத்து²கதா² நிட்டி²தா.
அனுபஜ்ஜா²யகாதி³வத்து²கதா²
117. தேன கோ² பன ஸமயேனாதி யேன ஸமயேன ப⁴க³வதா ஸிக்கா²பத³ங் அபஞ்ஞத்தங் ஹோதி, தேன ஸமயேன. அனுபஜ்ஜா²யகந்தி உபஜ்ஜ²ங் அகா³ஹாபெத்வா ஸப்³பே³ன ஸப்³ப³ங் உபஜ்ஜா²யவிரஹிதங். ஏவங் உபஸம்பன்னா நேவ த⁴ம்மதோ ந ஆமிஸதோ ஸங்க³ஹங் லப⁴ந்தி, தே பரிஹாயந்தியேவ, ந வட்³ட⁴ந்தி. ந பி⁴க்க²வே அனுபஜ்ஜா²யகோதி உபஜ்ஜ²ங் அகா³ஹாபெத்வா நிருபஜ்ஜா²யகோ ந உபஸம்பாதே³தப்³போ³. யோ உபஸம்பாதெ³ய்ய ஆபத்தி து³க்கடஸ்ஸாதி ஸிக்கா²பத³பஞ்ஞத்திதோ பட்டா²ய ஏவங் உபஸம்பாதெ³ந்தஸ்ஸ ஆபத்தி ஹோதி; கம்மங் பன ந குப்பதி. கேசி குப்பதீதி வத³ந்தி, தங் ந க³ஹேதப்³ப³ங். ஸங்கே⁴ன உபஜ்ஜா²யேனாதிஆதீ³ஸுபி உப⁴தொப்³யஞ்ஜனகுபஜ்ஜா²யபரியோஸானேஸு ஏஸேவ நயோ.
அனுபஜ்ஜா²யகாதி³வத்து²கதா² நிட்டி²தா.
அபத்தகாதி³வத்து²கதா²
118. ஹத்தே²ஸு பிண்டா³ய சரந்தீதி யோ ஹத்தே²ஸு பிண்டோ³ லப்³ப⁴தி, தத³த்தா²ய சரந்தி. ஸெய்யதா²பி தித்தி²யாதி யதா² ஆஜீவகனாமகா தித்தி²யா; ஸூபப்³யஞ்ஜனேஹி மிஸ்ஸெத்வா ஹத்தே²ஸு ட²பிதபிண்ட³மேவ ஹி தே பு⁴ஞ்ஜந்தி. ஆபத்தி து³க்கடஸ்ஸாதி ஏவங் உபஸம்பாதெ³ந்தஸ்ஸேவ ஆபத்தி ஹோதி, கம்மங் பன ந குப்பதி. அசீவரகாதி³வத்தூ²ஸுபி ஏஸேவ நயோ.
யாசிதகேனாதி ‘‘யாவ உபஸம்பத³ங் கரோம, தாவ தே³தா²’’தி யாசித்வா க³ஹிதேன; தாவகாலிகேனாதி அத்தோ². ஈதி³ஸேன ஹி பத்தேன வா சீவரேன வா பத்தசீவரேன வா உபஸம்பாதெ³ந்தஸ்ஸேவ ஆபத்தி ஹோதி, கம்மங் பன ந குப்பதி, தஸ்மா பரிபுண்ணபத்தசீவரோவ உபஸம்பாதே³தப்³போ³. ஸசே தஸ்ஸ நத்தி², ஆசரியுபஜ்ஜா²யா சஸ்ஸ தா³துகாமா ஹொந்தி, அஞ்ஞே வா பி⁴க்கூ² நிரபெக்கே²ஹி நிஸ்ஸஜ்ஜித்வா அதி⁴ட்டா²னுபக³ங் பத்தசீவரங் தா³தப்³ப³ங். பப்³ப³ஜ்ஜாபெக்க²ங் பன பண்டு³பலாஸங் யாசிதகேனாபி பத்தசீவரேன பப்³பா³ஜேதுங் வட்டதி, ஸபா⁴க³ட்டா²னே விஸ்ஸாஸேன க³ஹெத்வாபி பப்³பா³ஜேதுங் வட்டதி.
ஸசே பன
அபத்தகாதி³வத்து²கதா² நிட்டி²தா.
ஹத்த²ச்சி²ன்னாதி³வத்து²கதா²
119. ஹத்த²ச்சி²ன்னாதி³வத்தூ²ஸு – ஹத்த²ச்சி²ன்னோதி யஸ்ஸ ஹத்த²தலே வா மணிப³ந்தே⁴ வா கப்பரே வா யத்த² கத்த²சி ஏகோ வா த்³வே வா ஹத்தா² சி²ன்னா ஹொந்தி. பாத³ச்சி²ன்னோதி யஸ்ஸ அக்³க³பாதே³ வா கொ³ப்ப²கேஸு வா ஜங்கா⁴ய வா யத்த² கத்த²சி ஏகோ வா த்³வே வா பாதா³ சி²ன்னா ஹொந்தி. ஹத்த²பாத³ச்சி²ன்னோதி யஸ்ஸ வுத்தப்பகாரேனேவ சதூஸு ஹத்த²பாதே³ஸு த்³வே வா தயோ வா ஸப்³பே³ வா ஹத்த²பாதா³ சி²ன்னா ஹொந்தி. கண்ணச்சி²ன்னோதி யஸ்ஸ கண்ணமூலே வா கண்ணஸக்க²லிகாய வா ஏகோ வா த்³வே வா கண்ணா சி²ன்னா ஹொந்தி. யஸ்ஸ பன கண்ணாவித்³தே⁴ சி²ஜ்ஜந்தி, ஸக்கா ச ஹோதி ஸங்கா⁴டேதுங், ஸோ கண்ணங் ஸங்கா⁴டெத்வா பப்³பா³ஜேதப்³போ³. நாஸச்சி²ன்னோதி யஸ்ஸ அஜபத³கே வா அக்³கே³ வா ஏகபுடே வா யத்த² கத்த²சி நாஸா சி²ன்னா ஹோதி. யஸ்ஸ பன நாஸிகா ஸக்கா ஹோதி ஸந்தே⁴துங், ஸோ தங் பா²ஸுகங் கத்வா பப்³பா³ஜேதப்³போ³. கண்ணனாஸச்சி²ன்னோ உப⁴யவஸேன வேதி³தப்³போ³. அங்கு³லிச்சி²ன்னோதி யஸ்ஸ நக²ஸேஸங் அத³ஸ்ஸெத்வா ஏகா வா ப³ஹூ வா அங்கு³லியோ சி²ன்னா ஹொந்தி. யஸ்ஸ பன ஸுத்ததந்துமத்தம்பி நக²ஸேஸங் பஞ்ஞாயதி, தங் பப்³பா³ஜேதுங் வட்டதி. அளச்சி²ன்னோதி யஸ்ஸ சதூஸு அங்கு³ட்ட²கேஸு அங்கு³லியங் வுத்தனயேனேவ ஏகோ வா ப³ஹூ வா அங்கு³ட்ட²கா சி²ன்னா ஹொந்தி. கண்ட³ரச்சி²ன்னோதி யஸ்ஸ கண்ட³ரனாமகா மஹான்ஹாரூ புரதோ வா பச்ச²தோ வா சி²ன்னா ஹொந்தி; யேஸு ஏகஸ்ஸபி சி²ன்னத்தா அக்³க³பாதே³ன வா சங்கமதி, மூலேன வா சங்கமதி, ந வா பாத³ங் பதிட்டா²பேதுங் ஸக்கோதி.
ப²ணஹத்த²கோதி
கு²ஜ்ஜோதி யோ உரஸ்ஸ வா பிட்டி²யா வா பஸ்ஸஸ்ஸ வா நிக்க²ந்தத்தா கு²ஜ்ஜஸரீரோ. யஸ்ஸ பன
வாமனோதி ஜங்க⁴வாமனோ வா கடிவாமனோ வா உப⁴யவாமனோ வா. ஜங்க⁴வாமனஸ்ஸ கடிதோ பட்டா²ய ஹெட்டி²மகாயோ ரஸ்ஸோ ஹோதி, உபரிமகாயோ பரிபுண்ணோ. கடிவாமனஸ்ஸ கடிதோ பட்டா²ய உபரிமகாயோ ரஸ்ஸோ ஹோதி, ஹெட்டி²மகாயோ பரிபுண்ணோ. உப⁴யவாமனஸ்ஸ உபோ⁴பி காயா ரஸ்ஸா ஹொந்தி, யேஸங் ரஸ்ஸத்தா பூ⁴தானங் விய பரிவடுமோ மஹாகுச்சி²க⁴டஸதி³ஸோ அத்தபா⁴வோ ஹோதி, தங் திவித⁴ம்பி பப்³பா³ஜேதுங் ந வட்டதி.
க³லக³ண்டீ³தி யஸ்ஸ கும்ப⁴ண்ட³ங் விய க³லே க³ண்டோ³ ஹோதி. தே³ஸனாமத்தமேவ சேதங், யஸ்மிங் கிஸ்மிஞ்சி பன பதே³ஸே க³ண்டே³ ஸதி ந பப்³பா³ஜேதப்³போ³. தத்த² வினிச்ச²யோ – ‘‘ந பி⁴க்க²வே பஞ்சஹி ஆபா³தே⁴ஹி பு²ட்டோ² பப்³பா³ஜேதப்³போ³’’தி எத்த² வுத்தனயேனேவ வேதி³தப்³போ³. லக்க²ணாஹதகஸாஹதலிகி²தகேஸு யங் வத்தப்³ப³ங், தங் ‘‘ந பி⁴க்க²வே லக்க²ணாஹதோ’’திஆதீ³ஸு வுத்தமேவ.
ஸீபதீ³தி பா⁴ரபாதோ³ வுச்சதி. யஸ்ஸ பாதோ³ தூ²லோ ஹோதி ஸஞ்ஜாதபிளகோ க²ரோ, ஸோ ந பப்³பா³ஜேதப்³போ³. யஸ்ஸ பன ந தாவ க²ரபா⁴வங் க³ண்ஹாதி, ஸக்கா ஹோதி உபனாஹங் ப³ந்தி⁴த்வா உத³கஆவாடே பவேஸெத்வா உத³கவாலிகாய பூரெத்வா யதா² ஸிரா பஞ்ஞாயந்தி, ஜங்கா⁴ ச தேலனாளிகா விய ஹோதி, ஏவங் மிலாபேதுங் ஸக்கா, தஸ்ஸ பாத³ங் ஈதி³ஸங் கத்வா தங் பப்³பா³ஜேதுங் வட்டதி. ஸசே புன வட்³ட⁴தி, உபஸம்பாதெ³ந்தேனாபி ததா² கத்வாவ உபஸம்பாதே³தப்³போ³.
பாபரோகீ³தி அரிஸப⁴க³ந்த³ரபித்தஸெம்ஹகாஸஸோஸாதீ³ஸு யேன கேனசி ரோகே³ன நிச்சாதுரோ அதேகிச்ச²ரோகோ³ ஜேகு³ச்சோ² அமனாபோ; அயங் ந பப்³பா³ஜேதப்³போ³.
பரிஸதூ³ஸகோதி யோ அத்தனோ விரூபதாய பரிஸங் தூ³ஸேதி; அதிதீ³கோ⁴ வா ஹோதி அஞ்ஞேஸங் ஸீஸப்பமாணனாபி⁴ப்பதே³ஸோ, அதிரஸ்ஸோ
ஸம்ப³த்³த⁴ப⁴முகோ வா நில்லோமப⁴முகோ வா மக்கடப⁴முகோ வா அதிமஹந்தக்கி² வா அதிகு²த்³த³கக்கி² வா மஹிங்ஸசம்மே வாஸிகோணேன பஹரித்வா கதசி²த்³த³ஸதி³ஸேஹி அக்கீ²ஹி ஸமன்னாக³தோ, விஸமக்கி² வா ஏகேன மஹந்தேன ஏகேன கு²த்³த³கேன அக்கி²னா ஸமன்னாக³தோ, விஸமசக்கலோ வா ஏகேன உத்³த⁴ங் ஏகேன அதோ⁴தி ஏவங் விஸமஜாதேஹி அக்கி²சக்கலேஹி ஸமன்னாக³தோ, கேகரோ வா க³ம்பீ⁴ரக்கி² வா யஸ்ஸ க³ம்பீ⁴ரே உத³பானே உத³கதாரகா விய அக்கி²தாரகா பஞ்ஞாயந்தி; நிக்க²ந்தக்கி² வா யஸ்ஸ கக்கடகஸ்ஸேவ அக்கி²தாரகா நிக்க²ந்தா ஹொந்தி; ஹத்தி²கண்ணோ வா மஹதீஹி கண்ணஸக்க²லிகாஹி ஸமன்னாக³தோ, மூஸிககண்ணோ வா ஜடுககண்ணோ வா கு²த்³தி³காஹி கண்ணஸக்க²லிகாஹி ஸமன்னாக³தோ, சி²த்³த³மத்தகண்ணோ வா யஸ்ஸ வினா கண்ணஸக்க²லிகாஹி
அதிமஹந்தனாஸிகோ வா அதிகு²த்³த³கனாஸிகோ வா சிபிடனாஸிகோ வா மஜ்ஜே² அப்பதிட்ட²ஹித்வா ஏகபஸ்ஸே டி²தவங்கனாஸிகோ வா, தீ³க⁴னாஸிகோ வா ஸுகதுண்ட³ஸதி³ஸாய ஜிவ்ஹாய லேஹிதுங் ஸக்குணெய்யாய நாஸிகாய ஸமன்னாக³தோ, நிச்சபக்³க⁴ரிதஸிங்கா⁴ணிகனாஸோ வா.
மஹாமுகோ² வா யஸ்ஸ படங்க³மண்டூ³கஸ்ஸேவ முக²னிமித்தங்யேவ மஹந்தங் ஹோதி, முக²ங் பன லாபு³ஸதி³ஸங்
மஹாத³ந்தோ வா அட்ட²கத³ந்தஸதி³ஸேஹி த³ந்தேஹி ஸமன்னாக³தோ அஸுரத³ந்தோ வா ஹெட்டா² வா உபரி வா ப³ஹினிக்க²ந்தத³ந்தோ, யஸ்ஸ பன ஸக்கா ஹோதி ஒட்டே²ஹி பித³ஹிதுங் கதெ²ந்தஸ்ஸேவ பஞ்ஞாயதி நோ அகதெ²ந்தஸ்ஸ, தங் பப்³பா³ஜேதுங் வட்டதி. பூதித³ந்தோ வா நித்³த³ந்தோ வா யஸ்ஸ பன த³ந்தந்தரே கலந்த³கத³ந்தோ விய ஸுகு²மத³ந்தோ ஹோதி, தங் பப்³பா³ஜேதுங் வட்டதி.
மஹாஹனுகோ வா கோ³ஹனுஸதி³ஸேன ஹனுனா ஸமன்னாக³தோ, தீ³க⁴ஹனுகோ வா சிபிடஹனுகோ வா அந்தோபவிட்டே²ன விய அதிரஸ்ஸேன ஹனுகேன ஸமன்னாக³தோ, பி⁴ன்னஹனுகோ வா வங்கஹனுகோ வா நிம்மஸ்ஸுதா³டி²கோ வா பி⁴க்கு²னிஸதி³ஸமுகோ² தீ³க⁴க³லோ வா ப³கக³லஸதி³ஸேன க³லேன ஸமன்னாக³தோ, ரஸ்ஸக³லோ வா அந்தோபவிட்டே²ன
ப⁴ட்ட²கடிகோ வா மஹாஆனிஸதோ³ வா உத்³த⁴னகூடஸதி³ஸேஹி ஆனிஸத³மங்ஸேஹி அச்சுக்³க³தேஹி ஸமன்னாக³தோ, மஹாஊருகோ வா வாதண்டி³கோ வா மஹாஜாணுகோ வா ஸங்க⁴ட்டனஜாணுகோ வா தீ³க⁴ஜங்கோ⁴ வா யட்டி²ஸதி³ஸஜங்கோ⁴ விகடோ வா பண்ஹோ வா உப்³ப³த்³த⁴பிண்டி³கோ வா, ஸோ து³விதோ⁴ ஹெட்டா² ஓருள்ஹாஹி வா உபரி ஆருள்ஹாஹி வா மஹதீஹி ஜங்க⁴பிண்டி³காஹி ஸமன்னாக³தோ, மஹாஜங்கோ⁴ வா தூ²லஜங்க⁴பிண்டி³கோ வா மஹாபாதோ³ வா மஹாபண்ஹி வா பிட்டி²கபாதோ³ வா பாத³வேமஜ்ஜ²தோ உட்டி²தஜங்கோ⁴ வங்கபாதோ³ வா ஸோ து³விதோ⁴ – அந்தோ வா ப³ஹி வா பரிவத்தபாதோ³ க³ண்டி²கங்கு³லி வா ஸிங்கி³வேரப²ணஸதி³ஸாஹி அங்கு³லீஹி ஸமன்னாக³தோ, அந்த⁴னகோ² வா காளவண்ணேஹி பூதினகே²ஹி ஸமன்னாக³தோ, ஸப்³போ³பி ஏஸ பரிஸதூ³ஸகோ. ஏவரூபோ பரிஸதூ³ஸகோ ந பப்³பா³ஜேதப்³போ³.
காணோதி பஸன்னந்தோ⁴ வா ஹோது புப்பா²தீ³ஹி வா உபஹதபஸாதோ³. யோ த்³வீஹி வா ஏகேன வா அக்கி²னா குணீதி ஹத்த²குணீ வா பாத³குணீ வா அங்கு³லிகுணீ வா; யஸ்ஸ ஏதேஸு ஹத்தா²தீ³ஸு யங்கிஞ்சி வங்கங் பஞ்ஞாயதி, ஸோ குணீ நாம. க²ஞ்ஜோதி நதஜாணுகோ வா பி⁴ன்னஜங்கோ⁴ வா மஜ்ஜே² ஸங்குடிதபாத³த்தா குண்ட³பாத³கோ வா பிட்டி²பாத³மஜ்ஜே²ன சங்கமந்தோ அக்³கே³ ஸங்குடிதபாத³த்தா குண்ட³பாத³கோ வா பிட்டி²பாத³க்³கே³ன சங்கமந்தோ அக்³க³பாதே³னேவ சங்கமனக²ஞ்ஜோ வா பண்ஹிகாய சங்கமனக²ஞ்ஜோ
பக்க²ஹதோதி சி²ன்னிரியாபதோ²தி பீட²ஸப்பி வுச்சதி. ஜராது³ப்³ப³லோதி ஜிண்ணபா⁴வேன து³ப்³ப³லோ அத்தனோ சீவரரஜனாதி³கம்மங் காதும்பி அஸமத்தோ². யோ பன மஹல்லகோபி ப³லவா ஹோதி, அத்தானங் படிஜக்³கி³துங் ஸக்கோதி, ஸோ பப்³பா³ஜேதப்³போ³. அந்தோ⁴தி ஜச்சந்தோ⁴ வுச்சதி. மூகோ³தி யஸ்ஸ வசீபே⁴தோ³ நப்பவத்ததி; யஸ்ஸாபி பவத்ததி, ஸரணக³மனங் பன பரிபுண்ணங் பா⁴ஸிதுங் ந ஸக்கோதி, தாதி³ஸங் மம்மனம்பி பப்³பா³ஜேதுங் ந வட்டதி. யோ பன ஸரணக³மனமத்தங் பரிபுண்ணங் பா⁴ஸிதுங் ஸக்கோதி, தங் பப்³பா³ஜேதுங் வட்டதி.
ப³தி⁴ரோதி யோ ஸப்³பே³ன ஸப்³ப³ங் ந ஸுணாதி. யோ பன மஹாஸத்³த³ங் ஸுணாதி, தங் பப்³பா³ஜேதுங் வட்டதி. அந்த⁴மூகா³த³யோ உப⁴யதோ³ஸவஸேன வுத்தா. யேஸஞ்ச பப்³ப³ஜ்ஜா படிக்கி²த்தா, உபஸம்பதா³பி தேஸங் படிக்கி²த்தாவ. ஸசே பன தே ஸங்கோ⁴ உபஸம்பாதே³தி, ஸப்³பே³பி ஹத்த²ச்சி²ன்னாத³யோ ஸூபஸம்பன்னா, காரகஸங்கோ⁴ பன ஆசரியுபஜ்ஜா²யா ச ஆபத்திதோ ந முச்சந்தி. வக்க²தி ச – ‘‘அத்தி² பி⁴க்க²வே புக்³க³லோ அப்பத்தோ ஓஸாரணங், தஞ்சே ஸங்கோ⁴ ஓஸாரேதி, ஏகச்சோ ஸுஓஸாரிதோ, ஏகச்சோ து³ஓஸாரிதோ’’தி தஸ்ஸத்தோ² ஆக³தட்டா²னேயேவ ஆவி ப⁴விஸ்ஸதீதி.
ஹத்த²ச்சி²ன்னாதி³வத்து²கதா² நிட்டி²தா.
அலஜ்ஜீனிஸ்ஸயவத்து²கதா²
120. அலஜ்ஜீனங் நிஸ்ஸாய வஸந்தீதி உபயோக³த்தே² ஸாமிவசனங்; அலஜ்ஜிபுக்³க³லே நிஸ்ஸாய வஸந்தீதி யாவ பி⁴க்கு²ஸபா⁴க³தங் ஜானாமீதி நிஸ்ஸயதா³யகஸ்ஸ பி⁴க்கு²னோ பி⁴க்கூ²ஹி ஸபா⁴க³தங் லஜ்ஜிபா⁴வங் யாவ ஜானாமீதி அத்தோ². தஸ்மா நவங் டா²னங் க³தேன ‘‘ஏஹி பி⁴க்கு², நிஸ்ஸயங் க³ண்ஹாஹீ’’தி வுச்சமானேனாபி சதூஹபஞ்சாஹங் நிஸ்ஸயதா³யகஸ்ஸ லஜ்ஜிபா⁴வங் உபபரிக்கி²த்வா நிஸ்ஸயோ க³ஹேதப்³போ³.
ஸசே ‘‘தே²ரோ லஜ்ஜீ’’தி பி⁴க்கூ²னங் ஸந்திகே ஸுத்வா ஆக³ததி³வஸேயேவ க³ஹேதுகாமோ ஹோதி, தே²ரோ பன ‘‘ஆக³மேஹி தாவ, வஸந்தோ ஜானிஸ்ஸஸீ’’தி கதிபாஹங் ஆசாரங் உபபரிக்கி²த்வா நிஸ்ஸயங் தே³தி, வட்டதி. பகதியா நிஸ்ஸயக்³க³ஹணட்டா²னங்
அலஜ்ஜீனிஸ்ஸயவத்து²கதா² நிட்டி²தா.
க³மிகாதி³னிஸ்ஸயவத்து²கதா²
121. நிஸ்ஸயகரணீயோதி கரணீயனிஸ்ஸயோ, கரணீயோ மயா நிஸ்ஸயோ; க³ஹேதப்³போ³தி அத்தோ². நிஸ்ஸயங் அலப⁴மானேனாதி அத்தனா ஸத்³தி⁴ங் அத்³தா⁴னமக்³க³ப்படிபன்னேஸு நிஸ்ஸயதா³யகே அஸதி நிஸ்ஸயங் ந லப⁴தி நாம. ஏவங் அலப⁴ந்தேன அனிஸ்ஸிதேன ப³ஹூனிபி தி³வஸானி க³ந்தப்³ப³ங். ஸசே புப்³பே³பி நிஸ்ஸயங் க³ஹெத்வா வுத்த²புப்³ப³ங் கஞ்சி ஆவாஸங் பவிஸதி, ஏகரத்தங் வஸந்தேனாபி நிஸ்ஸயோ க³ஹேதப்³போ³. அந்தராமக்³கே³ விஸ்ஸமந்தோ வா ஸத்த²ங் பரியேஸந்தோ வா கதிபாஹங் வஸதி, அனாபத்தி. அந்தோவஸ்ஸே பன நிப³த்³த⁴வாஸங் வஸிதப்³ப³ங், நிஸ்ஸயோ ச க³ஹேதப்³போ³. நாவாய க³ச்ச²ந்தஸ்ஸ பன வஸ்ஸானே ஆக³தேபி நிஸ்ஸயங் அலப⁴ந்தஸ்ஸ அனாபத்தி.
யாசியமானேனாதி தேன கி³லானேன யாசியமானேன அனிஸ்ஸிதேன வஸிதப்³ப³ங். ஸசே ‘‘யாசாஹி ம’’ந்தி வுச்சமானோபி கி³லானோ மானேன ந யாசதி, க³ந்தப்³ப³ங்.
பா²ஸு ஹோதீதி ஸமத²விபஸ்ஸனானங் படிலாப⁴வஸேன பா²ஸு ஹோதி. இமஞ்ஹி பரிஹாரங் நேவ ஸோதாபன்னோ ந ஸகதா³கா³மீ அனாகா³மீ அரஹந்தோ லப⁴ந்தி; ந தா²மக³தஸ்ஸ ஸமாதி⁴னோ வா விபஸ்ஸனாய வா லாபீ⁴, விஸ்ஸட்ட²கம்மட்டா²னே பன பா³லபுது²ஜ்ஜனே கதா²வ நத்தி². யஸ்ஸ கோ² பன ஸமதோ² வா விபஸ்ஸனா வா தருணோ ஹோதி, அயங் இமங் பரிஹாரங் லப⁴தி, பவாரணஸங்க³ஹோபி ஏதஸ்ஸேவ அனுஞ்ஞாதோ. தஸ்மா இமினா புக்³க³லேன ஆசரியே பவாரெத்வா க³தேபி ‘‘யதா³ பதிரூபோ நிஸ்ஸயதா³யகோ ஆக³ச்சி²ஸ்ஸதி, தஸ்ஸ நிஸ்ஸாய வஸிஸ்ஸாமீ’’தி ஆபோ⁴க³ங் கத்வா புன யாவ
122. கொ³த்தேனபி அனுஸ்ஸாவேதுந்தி மஹாகஸ்ஸபஸ்ஸ உபஸம்பதா³பெக்கோ²தி ஏவங் கொ³த்தங் வத்வா அனுஸ்ஸாவேதுங் அனுஜானாமீதி அத்தோ².
123. த்³வே ஏகானுஸ்ஸாவனேதி த்³வே ஏகதோ அனுஸ்ஸாவனே; ஏகேன ஏகஸ்ஸ அஞ்ஞேன இதரஸ்ஸாதி ஏவங் த்³வீஹி வா ஆசரியேஹி ஏகேன வா ஏகக்க²ணே கம்மவாசங் அனுஸ்ஸாவெந்தேஹி உபஸம்பாதே³துங் அனுஜானாமீதி அத்தோ².
த்³வே தயோ ஏகானுஸ்ஸாவனே காதுங் தஞ்ச கோ² ஏகேன உபஜ்ஜா²யேனாதி த்³வே வா தயோ வா ஜனே புரிமனயேனேவ ஏகதோ அனுஸ்ஸாவனே காதுங் அனுஜானாமி; தஞ்ச கோ² அனுஸ்ஸாவனகிரியங் ஏகேன உபஜ்ஜா²யேன அனுஜானாமீதி அத்தோ². தஸ்மா ஏகேன ஆசரியேன த்³வே வா தயோ வா அனுஸ்ஸாவேதப்³பா³. த்³வீஹி வா தீஹி வா ஆசரியேஹி விஸுங் விஸுங் ஏகேன ஏகஸ்ஸாதி ஏவங் ஏகப்பஹாரேனேவ த்³வே திஸ்ஸோ வா கம்மவாசா காதப்³பா³. ஸசே பன நானாசரியா நானுபஜ்ஜா²யா ஹொந்தி, திஸ்ஸத்தே²ரோ ஸுமனத்தே²ரஸ்ஸ ஸத்³தி⁴விஹாரிகங், ஸுமனத்தே²ரோ திஸ்ஸத்தே²ரஸ்ஸ ஸத்³தி⁴விஹாரிகங் அனுஸ்ஸாவேதி, அஞ்ஞமஞ்ஞஞ்ச க³ணபூரகா ஹொந்தி, வட்டதி. ஸசே பன நானாஉபஜ்ஜா²யா ஹொந்தி, ஏகோ ஆசரியோ ஹோதி, ‘‘நத்வேவ நானுபஜ்ஜா²யேனா’’தி படிக்கி²த்தத்தா ந வட்டதி. இத³ங் ஸந்தா⁴ய ஹி ஏஸ படிக்கே²போ.
க³மிகாதி³னிஸ்ஸயவத்து²கதா² நிட்டி²தா.
உபஸம்பதா³விதி⁴கதா²
126. பட²மங் உபஜ்ஜ²ங் கா³ஹாபேதப்³போ³தி எத்த² வஜ்ஜாவஜ்ஜங் உபனிஜ்ஜா²யதீதி உபஜ்ஜா², தங் உபஜ்ஜ²ங்; ‘‘உபஜ்ஜா²யோ மே ப⁴ந்தே ஹோஹீ’’தி ஏவங் வதா³பெத்வா கா³ஹாபேதப்³போ³. வித்தா²யந்தீதி வித்த²த்³த⁴க³த்தா ஹொந்தி. யங் ஜாதந்தி யங் தவ ஸரீரே ஜாதங் நிப்³ப³த்தங் விஜ்ஜமானங், தங் ஸங்க⁴மஜ்ஜே² புச்ச²ந்தே ஸந்தங் அத்தீ²தி வத்தப்³ப³ந்திஆதி³. உல்லும்பது மந்தி உத்³த⁴ரது மங்.
உபஸம்பதா³விதி⁴கதா² நிட்டி²தா.
சத்தாரோனிஸ்ஸயாதி³கதா²
128. தாவதே³வாதி சா²யா மேதப்³பா³தி ஏகபோரிஸா வா த்³விபோரிஸா வாதி சா²யா மேதப்³பா³. உதுப்பமாணங் ஆசிக்கி²தப்³ப³ந்தி ‘‘வஸ்ஸானோ ஹேமந்தோ கி³ம்ஹோ’’தி ஏவங் உதுப்பமாணங் ஆசிக்கி²தப்³ப³ங். எத்த² ச உதுயேவ உதுப்பமாணங். ஸசே வஸ்ஸானாத³யோ அபரிபுண்ணா ஹொந்தி, யத்தகேஹி தி³வஸேஹி யஸ்ஸ யோ உது அபரிபுண்ணோ, தே தி³வஸே ஸல்லக்கெ²த்வா ஸோ தி³வஸபா⁴கோ³ ஆசிக்கி²தப்³போ³. அத² வா ‘‘அயங் நாம உது, ஸோ ச கோ² பரிபுண்ணோ வா அபரிபுண்ணோ வா’’தி ஏவங் உதுப்பமாணங் ஆசிக்கி²தப்³ப³ங். ‘‘புப்³ப³ண்ஹோ வா ஸாயன்ஹோ வா’’தி ஏவங் தி³வஸபா⁴கோ³ ஸங்கீ³தீதி இத³மேவ ஸப்³ப³ங் ஏகதோ கத்வா ‘‘த்வங் கிங் லப⁴ஸி, கா தே சா²யா, கிங் உதுப்பமாணங், கோ தி³வஸபா⁴கோ³’’தி புட்டோ² ‘‘இத³ங் நாம லபா⁴மி – வஸ்ஸங் வா ஹேமந்தங் வா கி³ம்ஹங் வா, அயங் மே சா²யா, இத³ங் உதுப்பமாணங், அயங் தி³வஸபா⁴கோ³தி வதெ³ய்யாஸீ’’தி ஏவங் ஆசிக்கி²தப்³ப³ங்.
129. ஓஹாயாதி ச²ட்³டெ³த்வா. து³தியங் தா³துந்தி உபஸம்பத³மாளகதோ பரிவேணங் க³ச்ச²ந்தஸ்ஸ து³தியகங் தா³துங் அனுஜானாமி, சத்தாரி ச அகரணீயானி ஆசிக்கி²துந்தி அத்தோ². பண்டு³பலாஸோதி பண்டு³வண்ணோ பத்தோ. ப³ந்த⁴னா பவுத்தோதி வண்டதோ பதிதோ. அப⁴ப்³போ³ ஹரிதத்தா²யாதி புன ஹரிதோ ப⁴விதுங் அப⁴ப்³போ³. புது²ஸிலாதி மஹாஸிலா.
130. அலப்³ப⁴மானாய ஸாமக்³கி³யா அனாபத்தி ஸம்போ⁴கே³ ஸங்வாஸேதி யாவ தஸ்ஸ உக்கே²பனீயகம்மகரணத்தா²ய ஸாமக்³கீ³ ந லப்³ப⁴தி, தாவ தேன ஸத்³தி⁴ங் ஸம்போ⁴கே³ ச உபோஸத²பவாரணாதி³கரணபே⁴தே³
சத்தாரோனிஸ்ஸயாதி³கதா² நிட்டி²தா.
ஸமந்தபாஸாதி³காய வினயஸங்வண்ணனாய
த்³வாஸத்ததிஅதி⁴கவத்து²ஸதபடிமண்டி³தஸ்ஸ மஹாக²ந்த⁴கஸ்ஸ
அத்த²வண்ணனா நிட்டி²தா.
மஹாக²ந்த⁴கவண்ணனா நிட்டி²தா.