2. பாரிவாஸிகக்க²ந்த⁴கங்
பாரிவாஸிகவத்தகதா²
75. பாரிவாஸிகக்க²ந்த⁴கே பாரிவாஸிகாதி பரிவாஸங் பரிவஸந்தா. தத்த² சதுப்³பி³தோ⁴ பரிவாஸோ – அப்படிச்ச²ன்னபரிவாஸோ, படிச்ச²ன்னபரிவாஸோ, ஸுத்³த⁴ந்தபரிவாஸோ, ஸமோதா⁴னபரிவாஸோதி. தேஸு ‘‘யோ, பி⁴க்க²வே, அஞ்ஞோபி அஞ்ஞதித்தி²யபுப்³போ³ இமஸ்மிங் த⁴ம்மவினயே ஆகங்க²தி பப்³ப³ஜ்ஜங், ஆகங்க²தி உபஸம்பத³ங், தஸ்ஸ சத்தாரோ மாஸே பரிவாஸோ தா³தப்³போ³’’தி (மஹாவ॰ 86) ஏவங் மஹாக²ந்த⁴கே வுத்தோ தித்தி²யபரிவாஸோ அப்படிச்ச²ன்னபரிவாஸோ நாம. தத்த² யங் வத்தப்³ப³ங் தங் வுத்தமேவ. அயங்
பகதத்தானங் பி⁴க்கூ²னந்தி ட²பெத்வா நவகதரங் பாரிவாஸிகங் அவஸேஸானங் அந்தமஸோ மூலாயபடிகஸ்ஸனாரஹாதீ³னம்பி. அபி⁴வாத³னபச்சுட்டா²னந்தி யங் தே அபி⁴வாத³னாதி³ங் கரொந்தி, தங் ஸாதி³யந்தி, ஸம்படிச்ச²ந்தி; ந படிக்கி²பந்தீதி அத்தோ². தத்த² ஸாமீசிகம்மந்தி ட²பெத்வா அபி⁴வாத³னாதீ³னி அஞ்ஞஸ்ஸ அனுச்ச²விகஸ்ஸ பீ³ஜனவாததா³னாதி³னோ ஆபி⁴ஸமாசாரிகஸ்ஸேதங் அதி⁴வசனங். ஆஸனாபி⁴ஹாரந்தி ஆஸனஸ்ஸ அபி⁴ஹரணங், ஆஸனங் க³ஹெத்வா அபி⁴க³மனங் பஞ்ஞாபனமேவ வா. ஸெய்யாபி⁴ஹாரேபி ஏஸேவ நயோ. பாதோ³த³கந்தி பாத³தோ⁴வனஉத³கங். பாத³பீட²ந்தி தோ⁴தபாத³ட்ட²பனகங். பாத³கத²லிகந்தி அதோ⁴தபாத³ட்ட²பனகங் பாத³க⁴ங்ஸனங் வா. ஆபத்தி து³க்கடஸ்ஸாதி ஸத்³தி⁴விஹாரிகானம்பி ஸாதி³யந்தஸ்ஸ து³க்கடமேவ, தஸ்மா தே வத்தப்³பா³ – ‘‘அஹங் வினயகம்மங் கரோமி, மய்ஹங் வத்தங் மா கரோத², மா மங் கா³மப்பவேஸனங் ஆபுச்ச²தா²’’தி. ஸசே ஸத்³தா⁴பப்³ப³ஜிதா குலபுத்தா ‘‘தும்ஹே, ப⁴ந்தே, தும்ஹாகங் மிது² யதா²வுட்³ட⁴ந்தி பாரிவாஸிகபி⁴க்கூ²னங் அஞ்ஞமஞ்ஞங் யோ யோ வுட்³டோ⁴ தேன தேன நவகதரஸ்ஸ ஸாதி³துங்.
பஞ்ச யதா²வுட்³ட⁴ந்தி பகதத்தேஹிபி ஸத்³தி⁴ங் வுட்³ட⁴படிபாடியா ஏவ. தஸ்மா பாதிமொக்கே² உத்³தி³ஸ்ஸமானே ஹத்த²பாஸே நிஸீதி³துங் வட்டதி. மஹாபச்சரியங் பன ‘‘பாளியா அனிஸீதி³த்வா பாளிங் விஹாய ஹத்த²பாஸங் அமுஞ்சந்தேன நிஸீதி³தப்³ப³’’ந்தி வுத்தங். பாரிஸுத்³தி⁴உபோஸதே² கரீயமானே ஸங்க⁴னவகட்டா²னே நிஸீதி³த்வா தத்தே²வ
ஓணோஜனந்தி விஸ்ஸஜ்ஜனங் வுச்சதி. ஸசே ஹி பாரிவாஸிகஸ்ஸ த்³வே தீணி உத்³தே³ஸப⁴த்தாதீ³னி பாபுணந்தி, அஞ்ஞா சஸ்ஸ புக்³க³லிகப⁴த்தபச்சாஸா ஹோதி, தானி படிபாடியா க³ஹெத்வா ‘‘ப⁴ந்தே, ஹெட்டா² கா³ஹேத², அஜ்ஜ மய்ஹங் ப⁴த்தபச்சாஸா அத்தி², ஸ்வே க³ண்ஹிஸ்ஸாமீ’’தி வத்வா விஸ்ஸஜ்ஜேதப்³பா³னி. ஏவங் தானி புனதி³வஸேஸு க³ண்ஹிதுங் லப⁴தி. புனதி³வஸே ஸப்³ப³பட²மங் ஏதஸ்ஸ தா³தப்³ப³ந்தி குருந்தி³யங் வுத்தங். யதி³ பன ந க³ண்ஹாதி ந விஸ்ஸஜ்ஜேதி, புனதி³வஸே ந லப⁴தி, இத³ங் ஓணோஜனங் நாம பாரிவாஸிகஸ்ஸேவ ஓதி³ஸ்ஸ அனுஞ்ஞாதங். கஸ்மா? தஸ்ஸ ஹி ஸங்க⁴னவகட்டா²னே நிஸின்னஸ்ஸ ப⁴த்தக்³கே³ யாகு³க²ஜ்ஜகாதீ³னி பாபுணந்தி வா ந வா, தஸ்மா ஸோ ‘‘பி⁴க்கா²ஹாரேன மா கிலமித்தா²’’தி இத³மஸ்ஸ ஸங்க³ஹகரணத்தா²ய ஓதி³ஸ்ஸ அனுஞ்ஞாதங்.
ப⁴த்தந்தி ஆக³தாக³தேஹி வுட்³ட⁴படிபாடியா க³ஹெத்வா க³ந்தப்³ப³ங் விஹாரே ஸங்க⁴ஸ்ஸ சதுஸ்ஸாலப⁴த்தங், ஏதங் யதா²வுட்³ட⁴ங் லப⁴தி. பாளியா பன க³ந்துங் வா டா²துங் வா ந லப⁴தி, தஸ்மா பாளிதோ ஓஸக்கித்வா ஹத்த²பாஸே டி²தேன ஹத்த²ங் பஸாரெத்வா யதா² ஸேனோ நிபதித்வா க³ண்ஹாதி, ஏவங் க³ண்ஹிதப்³ப³ங். ஆராமிகஸமணுத்³தே³ஸேஹி ஆஹராபேதுங் ந லப⁴தி. ஸசே ஸயமேவ ஆஹரந்தி, வட்டதி. ரஞ்ஞோ மஹாபேளப⁴த்தேபி ஏஸேவ நயோ. சதுஸ்ஸாலப⁴த்தே பன ஸசே ஓணோஜனங் கத்துகாமோ ஹோதி, அத்தனோ அத்தா²ய உக்கி²த்தே பிண்டே³ ‘‘அஜ்ஜ மே ப⁴த்தங் அத்தி², ஸ்வே க³ண்ஹிஸ்ஸாமீ’’தி வத்தப்³ப³ங். புனதி³வஸே த்³வே பிண்டே³ லப⁴தீதி மஹாபச்சரியங் வுத்தங். உத்³தே³ஸப⁴த்தாதீ³னிபி பாளிதோ ஓஸக்கித்வாவ
76. இதா³னி ந உபஸம்பாதே³தப்³ப³ந்தி உபஜ்ஜா²யேன ஹுத்வா ந உபஸம்பாதே³தப்³ப³ங்; வத்தங் நிக்கி²பித்வா பன உபஸம்பாதே³துங் வட்டதி. ஆசரியேன ஹுத்வாபி கம்மவாசா ந ஸாவேதப்³பா³, அஞ்ஞஸ்மிங் அஸதி வத்தங் நிக்கி²பித்வா ஸாவேதுங் வட்டதி. ந நிஸ்ஸயோதி ஆக³ந்துகானங் நிஸ்ஸயோ ந தா³தப்³போ³. யேஹிபி பகதியாவ நிஸ்ஸயோ க³ஹிதோ, தே வத்தப்³பா³ – ‘‘அஹங் வினயகம்மங் கரோமி, அஸுகத்தே²ரஸ்ஸ நாம ஸந்திகே நிஸ்ஸயங் க³ண்ஹத², மய்ஹங் வத்தங் மா கரோத², மா மங் கா³மப்பவேஸனங் ஆபுச்ச²தா²’’தி. ஸசே ஏவங் வுத்தேபி கரொந்தியேவ, வாரிதகாலதோ பட்டா²ய கரொந்தேஸுபி அனாபத்தி.
ந ஸாமணேரோதி அஞ்ஞோ ஸாமணேரோ ந க³ஹேதப்³போ³. உபஜ்ஜ²ங் த³த்வா க³ஹிதஸாமணேராபி வத்தப்³பா³ – ‘‘அஹங் வினயகம்மங் கரோமி, மய்ஹங் வத்தங் மா கரோத², மா மங் கா³மப்பவேஸனங் ஆபுச்ச²தா²’’தி. ஸசே ஏவங் வுத்தேபி கரொந்தியேவ, வாரிதகாலதோ பட்டா²ய கரொந்தேஸுபி அனாபத்தி. பி⁴க்கு²னோவாத³கஸம்முதி நாம ஆதி⁴பச்சட்டா²னபூ⁴தாதி படிக்கி²த்தா, தஸ்மா பி⁴க்கு²ஸங்க⁴ஸ்ஸ வத்தப்³ப³ங் – ‘‘ப⁴ந்தே, அஹங் வினயகம்மங் கரோமி, பி⁴க்கு²னோவாத³கங் ஜானாதா²’’தி, படிப³லஸ்ஸ வா பி⁴க்கு²ஸ்ஸ பா⁴ரோ காதப்³போ³. ஆக³தா பி⁴க்கு²னியோ ‘‘ஸங்க⁴ஸந்திகங் க³ச்ச²த², ஸங்கோ⁴ வோ ஓவாத³தா³யகங் ஜானிஸ்ஸதீ’’தி வா ‘‘அஹங் வினயகம்மங் கரோமி, அஸுகபி⁴க்கு²ஸ்ஸ நாம ஸந்திகங் க³ச்ச²த², ஸோ வோ ஓவாத³ங் த³ஸ்ஸதீ’’தி வா வத்தப்³பா³.
ஸா ஆபத்தீதி ஸுக்கவிஸ்ஸட்டி²யா பரிவாஸே தி³ன்னே ஸுக்கவிஸ்ஸட்டி² நாபஜ்ஜிதப்³பா³. அஞ்ஞா வா தாதி³ஸிகாதி காயஸங்ஸக்³கா³தி³க³ருகாபத்தி. ததோ வா பாபிட்ட²தராதி பாராஜிகாபத்தி; ஸத்தஸு ஹி ஆபத்தீஸு து³ப்³பா⁴ஸிதாபத்தி பாபிட்டா²; து³க்கடாபத்தி பாபிட்ட²தரா; து³க்கடாபத்தி பாபிட்டா², பாடிதே³ஸனீயாபத்தி பாபிட்ட²தராதி ஏவங் பாசித்தியது²ல்லச்சயஸங்கா⁴தி³ஸேஸபாராஜிகாபத்தீஸு நயோ நேதப்³போ³. தாஸங் வத்தூ²ஸுபி து³ப்³பா⁴ஸிதவத்து² பாபிட்ட²ங், து³க்கடவத்து² பாபிட்ட²தரந்தி புரிமனயேனேவ பே⁴தோ³ வேதி³தப்³போ³. பண்ணத்திவஜ்ஜஸிக்கா²பதே³ பன வத்து²பி ஆபத்திபி பாபிட்டா². லோகவஜ்ஜே
கம்மந்தி கம்மிகாதி யேஹி பி⁴க்கூ²ஹி கம்மங் கதங், தே வுச்சந்தி, தே ‘‘பா³லா அப்³யத்தா’’திஆதீ³ஹி வசனேஹி ந க³ரஹிதப்³பா³. ந ஸவசனீயங் காதப்³ப³ந்தி பலிபோ³த⁴த்தா²ய வா பக்கோஸனத்தா²ய வா ஸவசனீயங் ந காதப்³ப³ங், பலிபோ³த⁴த்தா²ய ஹி கரொந்தோ ‘‘அஹங் ஆயஸ்மந்தங் இமஸ்மிங் வத்து²ஸ்மிங் ஸவசனீயங் கரோமி, இமம்ஹா ஆவாஸா ஏகபத³ம்பி மா பக்காமி, யாவ ந தங் அதி⁴கரணங் வூபஸந்தங் ஹோதீ’’தி ஏவங் கரோதி. பக்கோஸனத்தா²ய கரொந்தோ ‘‘அஹங் தே ஸவசனீயங் கரோமி, ஏஹி மயா ஸத்³தி⁴ங் வினயத⁴ரானங் ஸம்முகீ²பா⁴வங் க³ச்சா²மா’’தி ஏவங் கரோதி; தது³ப⁴யம்பி ந காதப்³ப³ங்.
ந அனுவாதோ³தி விஹாரே ஜெட்ட²கட்டா²னங் ந காதப்³ப³ங். பாதிமொக்கு²த்³தே³ஸகேன வா த⁴ம்மஜ்ஜே²ஸகேன வா ந ப⁴விதப்³ப³ங். நாபி தேரஸஸு ஸம்முதீஸு ஏகஸம்முதிவஸேனாபி இஸ்ஸரியகம்மங் காதப்³ப³ங். ந ஓகாஸோதி ‘‘கரோது மே ஆயஸ்மா ஓகாஸங், அஹங் தங் வத்துகாமோ’’தி ஏவங் பகதத்தஸ்ஸ ஓகாஸோ ந காரேதப்³போ³, வத்து²னா வா ஆபத்தியா வா ந சோதே³தப்³போ³, ‘‘அயங் புப்³பே³ தே தோ³ஸோ’’தி ந ஸாரேதப்³போ³. ந பி⁴க்கூ²ஹி ஸம்பயோஜேதப்³ப³ந்தி அஞ்ஞமஞ்ஞங் யோஜெத்வா கலஹோ ந காரேதப்³போ³.
புரதோதி ஸங்க⁴த்தே²ரேன ஹுத்வா புரதோ ந க³ந்தப்³ப³ங், த்³வாத³ஸஹத்த²ங் உபசாரங் முஞ்சித்வா ஏககேன க³ந்தப்³ப³ங். நிஸீத³னேபி ஏஸேவ நயோ. ஆஸனபரியந்தோதி ப⁴த்தக்³கா³தீ³ஸு ஸங்க⁴னவகாஸனங் வுச்சதி; ஸ்வாஸ்ஸ தா³தப்³போ³, தத்த² நிஸீதி³தப்³ப³ங். ஸெய்யாபரியந்தோதி ஸெய்யானங் பரியந்தோ, ஸப்³ப³லாமகங் மஞ்சபீட²ங். அயஞ்ஹி வஸ்ஸக்³கே³ன அத்தனோ பத்தட்டா²னே ஸெய்யங் க³ஹேதுங் ந லப⁴தி. ஸப்³ப³பி⁴க்கூ²ஹி விஹாரபரியந்தோதி யதா² ச ஸெய்யா, ஏவங் வஸனஆவாஸோபி வஸ்ஸக்³கே³ன அத்தனோ பத்தட்டா²னே தஸ்ஸ ந வட்டதி. ஸப்³ப³பி⁴க்கூ²ஹி விசினித்வா க³ஹிதாவஸேஸா பன ரஜோஹதபூ⁴மி ஜதுகமூஸிகப⁴ரிதா பண்ணஸாலா அஸ்ஸ தா³தப்³பா³. ஸசே பகதத்தா ஸப்³பே³ ருக்க²மூலிகா அப்³போ⁴காஸிகா ச ஹொந்தி, ச²ன்னங் ந உபெந்தி, ஸப்³பே³பி ஏதேஹி விஸ்ஸட்டா²வாஸா நாம ஹொந்தி. தேஸு யங் இச்ச²தி, தங் லப⁴தி. வஸ்ஸூபனாயிகதி³வஸே பச்சயங் ஏகபஸ்ஸே ட²த்வா வஸ்ஸக்³கே³ன க³ண்ஹிதுங் லப⁴தி. ஸேனாஸனங் ந லப⁴தி, நிப³த்³த⁴வஸ்ஸாவாஸிகங் ஸேனாஸனங் க³ண்ஹிதுகாமேன வத்தங் நிக்கி²பித்வா க³ஹேதப்³ப³ங்.
தேன ச ஸோ ஸாதி³தப்³போ³தி யங் அஸ்ஸ ஆஸனாதி³பரியந்தங் பி⁴க்கூ² தெ³ந்தி, ஸோ ஏவ ஸாதி³தப்³போ³. புரேஸமணேன வா பச்சா²ஸமணேன வாதி ஞாதிபவாரிதட்டா²னே ‘‘எத்தகே பி⁴க்கூ² க³ஹெத்வா ஆக³ச்ச²தா²’’தி நிமந்திதேன ‘‘ப⁴ந்தே, அஸுகங் நாம குலங் பி⁴க்கூ² நிமந்தேஸி, ஏத² தத்த² க³ச்சா²மா’’தி ஏவங் ஸங்விதா⁴ய பி⁴க்கூ² புரேஸமணே வா பச்சா²ஸமணே வா கத்வா ந க³ந்தப்³ப³ங். ‘‘ப⁴ந்தே, அஸுகஸ்மிங் நாம கா³மே மனுஸ்ஸா பி⁴க்கூ²னங் ஆக³மனங் இச்ச²ந்தி, ஸாது⁴ வதஸ்ஸ ஸசே தேஸங் ஸங்க³ஹங் கரெய்யாதா²’’தி ஏவங் பன பரியாயேன கதே²துங் வட்டதி.
ந ஆரஞ்ஞிகங்க³ந்தி ஆக³தாக³தானங் ஆரோசேதுங் ஹராயமானேன ஆரஞ்ஞிகது⁴தங்க³ங் ந ஸமாதா³தப்³ப³ங். யேனாபி பகதியா ஸமாதி³ன்னங், தேன து³தியங் பி⁴க்கு²ங் க³ஹெத்வா அரஞ்ஞே அருணங் உட்டா²பேதப்³ப³ங், ந ச ஏககேன வத்த²ப்³ப³ங். ததா² ப⁴த்தக்³கா³தீ³ஸு ஆஸனபரியந்தே நிஸஜ்ஜாய ஹராயமானேன பிண்ட³பாதிகது⁴தங்க³ம்பி ந ஸமாதா³தப்³ப³ங். யோ பன பகதியாவ பிண்ட³பாதிகோ
ந ச தப்பச்சயாதி ‘‘நீஹடப⁴த்தோ ஹுத்வா விஹாரேயேவ நிஸீதி³த்வா பு⁴ஞ்ஜந்தோ ரத்தியோ க³ணயிஸ்ஸாமி, க³ச்ச²தோ மே பி⁴க்கு²ங் தி³ஸ்வா அனாரோசெந்தஸ்ஸ ரத்திச்சே²தோ³ ஸியா’’தி இமினா காரணேன பிண்ட³பாதோ ந நீஹராபேதப்³போ³. மா மங் ஜானிங்ஸூதி ‘‘மா மங் ஏகபி⁴க்கு²பி ஜானாதூ’’தி ச இமினா அஜ்ஜா²ஸயேன விஹாரே ஸாமணேரேஹி பசாபெத்வா பு⁴ஞ்ஜிதும்பி ந லப⁴தி. கா³மங் பிண்டா³ய பவிஸிதப்³ப³மேவ. கி³லானஸ்ஸ பன நவகம்மஆசரியுபஜ்ஜா²யகிச்சாதி³பஸுதஸ்ஸ வா விஹாரேயேவ அச்சி²துங் வட்டதி. ஸசேபி கா³மே அனேகஸதா பி⁴க்கூ² விசரந்தி, ந ஸக்கா ஹோதி ஆரோசேதுங், கா³மகாவாஸங் க³ந்த்வா ஸபா⁴க³ட்டா²னே வஸிதுங் வட்டதி.
ஆக³ந்துகேனாதி கஞ்சி விஹாரங் க³தேன தத்த² பி⁴க்கூ²னங் ஆரோசேதப்³ப³ங். ஸசே ஸப்³பே³ ஏகட்டா²னே டி²தே பஸ்ஸதி, ஏகட்டா²னே டி²தேனேவ ஆரோசேதப்³ப³ங். அத² ருக்க²மூலாதீ³ஸு விஸுங் விஸுங் டி²தா ஹொந்தி, தத்த² தத்த² க³ந்த்வா ஆரோசேதப்³ப³ங். ஸஞ்சிச்ச அனாரோசெந்தஸ்ஸ ரத்திச்சே²தோ³ ச ஹோதி, வத்தபே⁴தே³ ச து³க்கடங். அத² விசினந்தோ ஏகச்சே ந பஸ்ஸதி, ரத்திச்சே²தோ³வ ஹோதி, ந வத்தபே⁴த³து³க்கடங்.
ஆக³ந்துகஸ்ஸாதி
நதீ³ஆதீ³ஸு நாவாய க³ச்ச²ந்தம்பி பரதீரே டி²தம்பி ஆகாஸேன க³ச்ச²ந்தம்பி பப்³ப³ததலஅரஞ்ஞாதீ³ஸு தூ³ரே டி²தம்பி பி⁴க்கு²ங் தி³ஸ்வா ஸசே ‘‘பி⁴க்கூ²’’தி வவத்தா²னங் அத்தி², நாவாதீ³ஹி வா க³ந்த்வா மஹாஸத்³த³ங் கத்வா வா வேகே³ன அனுப³ந்தி⁴த்வா வா ஆரோசேதப்³ப³ங், அனாரோசெந்தஸ்ஸ ரத்திச்சே²தோ³ சேவ வத்தபே⁴த³து³க்கடஞ்ச. ஸசே வாயமந்தோபி ஸம்பாபுணிதுங் வா ஸாவேதுங் வா ந ஸக்கோதி, ரத்திச்சே²தோ³வ ஹோதி, ந வத்தபே⁴த³து³க்கடங். ஸங்க⁴ஸேனாப⁴யத்தே²ரோ பன விஸயாவிஸயேன கதே²தி – ‘‘விஸயே கிர அனாரோசெந்தஸ்ஸ ரத்திச்சே²தோ³ சேவ வத்தபே⁴த³து³க்கடஞ்ச ஹோதி, அவிஸயே பன உப⁴யம்பி நத்தீ²’’தி. கரவீகதிஸ்ஸத்தே²ரோ ‘‘ஸமணோ அயந்தி வவத்தா²னமேவ பமாணங், ஸசேபி அவிஸயோ ஹோதி, வத்தபே⁴த³து³க்கடமேவ நத்தி², ரத்திச்சே²தோ³ பன ஹோதியேவா’’தி ஆஹ.
உபோஸதே²தி ‘‘உபோஸத²ங் ஸம்பாபுணிஸ்ஸாமா’’தி ஆக³ந்துகா பி⁴க்கூ² ஆக³ச்ச²ந்தி, இத்³தி⁴யா க³ச்ச²ந்தாபி உபோஸத²பா⁴வங் ஞத்வா ஓதரித்வா உபோஸத²ங் கரொந்தி, தஸ்மா ஆக³ந்துகஸோத⁴னத்த²ங் உபோஸத²தி³வஸே ஆரோசேதப்³ப³ங். பவாரணாயபி ஏஸேவ நயோ. கி³லானோதி க³ந்துங் அஸமத்தோ². தூ³தேனாதி எத்த² அனுபஸம்பன்னங் பேஸேதுங் ந வட்டதி, பி⁴க்கு²ங் பேஸெத்வா ஆரோசாபேதப்³ப³ங்.
அபி⁴க்கு²கோ ஆவாஸோதி ஸுஞ்ஞவிஹாரோ; யத்த² ஏகோபி பி⁴க்கு² நத்தி², தத்த² வாஸத்தா²ய ந க³ந்தப்³ப³ங். ந ஹி தத்த² வுத்த²ரத்தியோ க³ணனூபிகா ஹொந்தி, பகதத்தேன பன ஸத்³தி⁴ங் வட்டதி. த³ஸவித⁴ந்தராயே ‘‘யத்த²ஸ்ஸு பி⁴க்கூ² நானாஸங்வாஸகா’’தி. ஸேஸங் உபோஸத²க்க²ந்த⁴கே வுத்தனயமேவ.
81. ஏகச்ச²ன்னே ஆவாஸேதிஆதீ³ஸு ஆவாஸோ நாம வஸனத்தா²ய கதஸேனாஸனங். அனாவாஸோ நாம சேதியக⁴ரங் போ³தி⁴க⁴ரங் ஸம்முஞ்ஜனிஅட்டகோ தா³ருஅட்டகோ பானீயமாளோ வச்சகுடி த்³வாரகொட்ட²கோதி ஏவமாதி³. ததியபதே³ன தது³ப⁴யம்பி க³ஹிதங். ஏதேஸு யத்த² கத்த²சி ஏகச்ச²ன்னே ச²த³னதோ உத³கபதனட்டா²னபரிச்சி²ன்னே ஓகாஸே உக்கி²த்தகோ வஸிதுங் ந லப⁴தி. ‘‘பாரிவாஸிகோ பன அந்தோஆவாஸேயேவ ந லப⁴தீ’’தி மஹாபச்சரியங் வுத்தங். மஹாஅட்ட²கதா²யங் பன ‘‘அவிஸேஸேன உத³கபாதேன வாரித’’ந்தி வுத்தங். குருந்தி³யங் ‘‘ஏதேஸு எத்தகேஸு பஞ்சவண்ணச்ச²த³னப³த்³த⁴ட்டா²னேஸு பாரிவாஸிகஸ்ஸ ச உக்கி²த்தகஸ்ஸ ச பகதத்தேன ஸத்³தி⁴ங் உத³கபாதேன வாரித’’ந்தி வுத்தங். தஸ்மா நானூபசாரேபி ஏகச்ச²ன்னே ந வட்டதி. ஸசே பனெத்த² தத³ஹுபஸம்பன்னேபி பகதத்தே பட²மங் பவிஸித்வா நிபன்னே ஸட்டி²வஸ்ஸோபி பாரிவாஸிகோ பச்சா² பவிஸித்வா ஜானந்தோ நிபஜ்ஜதி, ரத்திச்சே²தோ³ சேவ வத்தபே⁴த³து³க்கடஞ்ச. அஜானந்தஸ்ஸ ரத்திச்சே²தோ³வ ந வத்தபே⁴த³து³க்கடங். ஸசே பன தஸ்மிங் பட²மங் நிபன்னே பச்சா² பகதத்தோ பவிஸித்வா நிபஜ்ஜதி, பாரிவாஸிகோ ச ஜானாதி, ரத்திச்சே²தோ³ சேவ வத்தபே⁴த³து³க்கடஞ்ச. நோ சே ஜானாதி, ரத்திச்சே²தோ³வ ந வத்தபே⁴த³து³க்கடங்.
வுட்டா²தப்³ப³ங் நிமந்தேதப்³போ³தி தத³ஹுபஸம்பன்னம்பி தி³ஸ்வா வுட்டா²தப்³ப³மேவ; வுட்டா²ய ச ‘‘அஹங் இமினா ஸுக²னிஸின்னோ வுட்டா²பிதோ’’தி பரம்முகே²ன ந க³ந்தப்³ப³ங், ‘‘இத³ங் ஆசரிய-ஆஸனங், எத்த² நிஸீத³தா²’’தி ஏவங் நிமந்தேதப்³போ³யேவ. நவகேன பன ‘‘மஹாதே²ரங் ஓப³த்³த⁴ங் கரோமீ’’தி பாரிவாஸிகத்தே²ரஸ்ஸ ஸந்திகங் ந க³ந்தப்³ப³ங். ஏகாஸனேதி ஸமானவஸ்ஸிகாஸனே மஞ்சே வா பீடே² வா ந ச²மாயங் நிஸின்னேதி பகதத்தே பூ⁴மியங் நிஸின்னே இதரேன அந்தமஸோ திணஸந்தா²ரேபி உச்சதரே வாலிகாதலேபி வா ந நிஸீதி³தப்³ப³ங், த்³வாத³ஸஹத்த²ங் பன உபசாரங் ஏகசங்கமேதி ஸஹாயேன விய ஸத்³தி⁴ங் சங்கமந்தோ ஏகஸ்மிங் சங்கமே.
ச²மாயங் சங்கமந்தந்தி ச²மாயங் சங்கமந்தே, அயமேவ வா பாடோ². அயங் பனெத்த² அத்தோ² – அகதபரிச்சே²தா³ய பூ⁴மியா சங்கமந்தே பரிச்சே²த³ங் கத்வா வாலிகங் ஆகிரித்வா ஆலம்ப³னங் யோஜெத்வா கதசங்கமே
வுட்³ட⁴தரேனாதி எத்த² ஸசே வுட்³ட⁴தரே பாரிவாஸிகே பட²மங் நிபன்னே இதரோ ஜானந்தோ பச்சா² நிபஜ்ஜதி, ரத்திச்சே²தோ³ சஸ்ஸ ஹோதி வத்தபே⁴தே³ ச து³க்கடங். வுட்³ட⁴தரஸ்ஸ பன ரத்திச்சே²தோ³வ ந வத்தபே⁴த³து³க்கடங். அஜானித்வா நிபஜ்ஜதி, த்³வின்னம்பி வத்தபே⁴தோ³ நத்தி², ரத்திச்சே²தோ³ பன ஹோதி. அத² நவகபாரிவாஸிகே பட²மங் நிபன்னே வுட்³ட⁴தரோ பச்சா² நிபஜ்ஜதி, நவகோ ச ஜானாதி, ரத்தி சஸ்ஸ சி²ஜ்ஜதி, வத்தபே⁴தே³ ச து³க்கடங் ஹோதி. வுட்³ட⁴தரஸ்ஸ ரத்திச்சே²தோ³வ ந வத்தபே⁴தோ³. நோ சே ஜானாதி, த்³வின்னம்பி வத்தபே⁴தோ³ நத்தி², ரத்திச்சே²தோ³ பன ஹோதி. ஸசே த்³வேபி அபச்சா²புரிமங் நிபஜ்ஜந்தி, வுட்³ட⁴தரஸ்ஸ ரத்திச்சே²தோ³வ இதரஸ்ஸ வத்தபே⁴தோ³பீதி குருந்தி³யங் வுத்தங். த்³வே பாரிவாஸிகா ஸமவஸ்ஸா, ஏகோ பட²மங் நிபன்னோ, ஏகோ ஜானந்தோவ பச்சா² நிபஜ்ஜதி, ரத்தி ச சி²ஜ்ஜதி, வத்தபே⁴தே³ ச து³க்கடங். பட²மங் நிபன்னஸ்ஸ ரத்திச்சே²தோ³வ ந வத்தபே⁴தோ³. ஸசே பச்சா² நிபஜ்ஜந்தோபி ந ஜானாதி, த்³வின்னம்பி வத்தபே⁴தோ³ நத்தி², ரத்திச்சே²தோ³
பாரிவாஸிகசதுத்தோ² சே, பி⁴க்க²வே, பரிவாஸந்தி எத்த² பாரிவாஸிகங் சதுத்த²ங் கத்வா அஞ்ஞஸ்ஸ பரிவாஸதா³னாதீ³னி காதுங் ந வட்டதி. ஏதெஸ்வேவாயங் க³ணபூரகோ
83. இமங் பன வத்தகத²ங் ஸுத்வா வினயத⁴ரஉபாலித்தே²ரஸ்ஸ ரஹோக³தஸ்ஸ ஏவங் பரிவிதக்கோ உத³பாதி³ – ‘‘ப⁴க³வதா ப³ஹு பாரிவாஸிகவத்தங் பஞ்ஞத்தங், கதிஹி நு கோ² எத்த² காரணேஹி ரத்திச்சே²தோ³ ஹோதீ’’தி! ஸோ ப⁴க³வந்தங் உபஸங்கமித்வா தமத்த²ங் புச்சி². ப⁴க³வா சஸ்ஸ ப்³யாகாஸி. தேன வுத்தங் – ‘‘அத² கோ² ஆயஸ்மா உபாலி…பே॰… ரத்திச்சே²தா³’’தி. தத்த² ஸஹவாஸோதி ய்வாயங் பகதத்தேன விப்பவாஸோதி ஏககஸ்ஸேவ வாஸோ. அனாரோசனாதி ஆக³ந்துகாதீ³னங் அனாரோசனா. ஏதேஸு தீஸு ஏகேகேன காரணேன ரத்திச்சே²தோ³ ஹோதி.
84. ந ஸக்கொந்தீதி ஸங்க⁴ஸ்ஸ மஹந்ததாய தத்த² தத்த² க³ந்த்வா ஸப்³பே³ஸங் ஆரோசேதுங் அஸக்கொந்தா ஸோதே⁴துங் ந ஸக்கொந்தி. பரிவாஸங் நிக்கி²பாமி, வத்தங் நிக்கி²பாமீதி இமேஸு த்³வீஸு பதே³ஸு ஏகேனாபி நிக்கி²த்தோவ ஹோதி பரிவாஸோ; த்³வீஹி ஸுனிக்கி²த்தோயேவ. ஸமாதா³னேபி ஏஸேவ நயோ. ஏவங் வத்தங் ஸமாதி³யித்வா பரிவுத்த²பரிவாஸஸ்ஸ
பாரிவாஸிகவத்தகதா² நிட்டி²தா.
மூலாயபடிகஸ்ஸனாரஹவத்தகதா²
86. மூலாயபடிகஸ்ஸனாரஹா பி⁴க்கூ² ஸாதி³யந்தி பகதத்தானந்தி ட²பெத்வா நவகதரங் மூலாயபடிகஸ்ஸனாரஹங் அவஸேஸானங் அந்தமஸோ பாரிவாஸிகாதீ³னம்பி. இமேஸஞ்ஹி பாரிவாஸிகமூலாயபடிகஸ்ஸனாரஹமானத்தாரஹமானத்தாசாரிகப்³பா⁴னாரஹானங் பஞ்சன்னங் ட²பெத்வா அத்தனோ அத்தனோ நவகதரங், ஸேஸா ஸப்³பே³ பகதத்தா ஏவ. கஸ்மா? மிது² யதா²வுட்³ட⁴ங் அபி⁴வாத³னாதீ³னங் அனுஞ்ஞாதத்தா. தேன வுத்தங் – ‘‘அவஸேஸானங் அந்தமஸோ பாரிவாஸிகாதீ³னம்பீ’’தி. மூலாயபடிகஸ்ஸனாரஹாதி³லக்க²ணங் பன நேஸங் பரதோ
87. மூலாயபடிகஸ்ஸனாரஹசதுத்தோ² சேதிஆதீ³ஸுபி யதே²வ பாரிவாஸிகோ; ஏவங் ஏதேபி ஏதேஸு வினயகம்மேஸு க³ணபூரகா ந ஹொந்தி, ஸேஸஸங்க⁴கம்மேஸு ஹொந்தி.
மூலாயபடிகஸ்ஸனாரஹவத்தகதா² நிட்டி²தா.
மானத்தசாரிகவத்தகதா²
90. மானத்தசாரிகஸ்ஸ
92. ரத்திச்சே²தே³ஸு ஊனே க³ணேதி எத்த² க³ணோதி சத்தாரோ வா அதிரேகா வா; தஸ்மா ஸசேபி தீஹி பி⁴க்கூ²ஹி ஸத்³தி⁴ங் வஸதி, ரத்திச்சே²தோ³ ஹோதியேவ. மானத்தனிக்கே²பஸமாதா³னேஸு வுத்தஸதி³ஸோவ வினிச்ச²யோ. ஸேஸங் ஸப்³ப³த்த² உத்தானமேவாதி.
மானத்தசாரிகவத்தகதா² நிட்டி²தா.
பாரிவாஸிகக்க²ந்த⁴கவண்ணனா நிட்டி²தா.