5. கு²த்³த³கவத்து²க்க²ந்த⁴கங்
கு²த்³த³கவத்து²கதா²
243. கு²த்³த³கவத்து²க்க²ந்த⁴கே மல்லமுட்டி²காதி முட்டி²கமல்லா. கா³மமுத்³த³வாதி ச²விராக³மண்ட³னானுயுத்தா நாக³ரிகமனுஸ்ஸா. கா³மமொத்³த³வாதிபி பாடோ²; ஏஸேவத்தோ². த²ம்பே⁴தி ந்ஹானதித்தே² நிக²ணித்வா ட²பிதத்த²ம்பே⁴.
குட்டேதி இட்ட²காஸிலாதா³ருகுட்டானங் அஞ்ஞதரஸ்மிங். அட்டானே ந்ஹாயந்தீதி எத்த² அட்டானங் நாம ருக்க²ங் ப²லகங் விய தச்செ²த்வா அட்ட²பதா³காரேன ராஜியோ சி²ந்தி³த்வா ந்ஹானதித்தே² நிக²ணந்தி, தத்த² சுண்ணானி ஆகிரித்வா மனுஸ்ஸா காயங் க⁴ங்ஸந்தி. க³ந்த⁴ப்³ப³ஹத்த²கேனாதி ந்ஹானதித்தே² ட²பிதேன தா³ருமயஹத்தே²ன, தேன கிர சுண்ணானி க³ஹெத்வா மனுஸ்ஸா ஸரீரங் க⁴ங்ஸந்தி குருவிந்த³கஸுத்தியாதி குருவிந்த³கபாஸாணசுண்ணானி லாகா²ய ப³ந்தி⁴த்வா கதகு³ளிககலாபகோ வுச்சதி, தங் உபோ⁴ஸு அந்தேஸு க³ஹெத்வா ஸரீரங் க⁴ங்ஸந்தி. விக்³க³ய்ஹ பரிகம்மங் காராபெந்தீதி அஞ்ஞமஞ்ஞங் ஸரீரேன ஸரீரங் க⁴ங்ஸந்தி. மல்லகங் நாம மகரத³ந்தகே சி²ந்தி³த்வா மல்லகமூலஸண்டா²னேன கதங் மல்லகந்தி வுச்சதி, இத³ங் கி³லானஸ்ஸாபி ந வட்டதி.
244. அகதமல்லகங் நாம த³ந்தே அச்சி²ந்தி³த்வா கதங், இத³ங் அகி³லானஸ்ஸேவ ந வட்டதி; இட்ட²காக²ண்ட³ங் பன கபாலக²ண்ட³ங் வா வட்டதி. உக்காஸிகந்தி வத்த²வட்டிங்; தஸ்மா ந்ஹாயந்தஸ்ஸ யஸ்ஸ கஸ்ஸசி ந்ஹானஸாடகவட்டியா பிட்டி²ங் க⁴ங்ஸிதுங் வட்டதி. புது²பாணிகந்தி ஹத்த²பரிகம்மங் வுச்சதி, தஸ்மா ஸப்³பே³ஸங் ஹத்தே²ன பிட்டி²பரிகம்மங் காதுங் வட்டதி.
245. வல்லிகாதி பாமங்க³ந்தி யங்கிஞ்சி பலம்ப³கஸுத்தங். கண்ட²ஸுத்தகந்தி யங்கிஞ்சி கீ³வூபக³ஆப⁴ரணங். கடிஸுத்தகந்தி யங்கிஞ்சி கடிபிளந்த⁴னங் அந்தமஸோ ஸுத்ததந்துமத்தம்பி. ஓவட்டிகந்தி வலயங். காயூராதீ³னி பாகடானேவ, அக்க²கானங் ஹெட்டா² பா³ஹாப⁴ரணங் யங்கிஞ்சி ஆப⁴ரணங் ந வட்டதி.
246. து³மாஸிகங் வா து³வங்கு³லங் வாதி எத்த² ஸசே கேஸா அந்தொத்³வேமாஸே த்³வங்கு³லங் பாபுணந்தி, அந்தொத்³வேமாஸேவ சி²ந்தி³தப்³பா³. த்³வங்கு³லேஹி அதிக்காமேதுங் ந வட்டதி. ஸசேபி ந தீ³கா⁴, த்³வேமாஸதோ ஏகதி³வஸம்பி அதிக்காமேதுங் ந வட்டதியேவ; ஏவமயங் உப⁴யேனபி உக்கட்ட²பரிச்சே²தோ³வ வுத்தோ, ததோ ஓரங் பன நவட்டனபா⁴வோ நாம நத்தி².
கொச்சே²ன ஓஸண்டெ²ந்தீதி கொச்சே²ன ஓலிகி²த்வா ஸன்னிஸீதா³பெந்தி. ப²ணகேனாதி த³ந்தமயாதீ³ஸு யேன கேனசி. ஹத்த²ப²ணகேனாதி ஸித்த²தேலகேனாதி மது⁴ஸித்த²கனிய்யாஸாதீ³ஸு யேன கேனசி சிக்கலேன. உத³கதேலகேனாதி உத³கமிஸ்ஸகேன தேலேன. மண்ட³னத்தா²ய ஸப்³ப³த்த² து³க்கடங், உத்³த⁴லோமேன பன அனுலோமனிபாதனத்த²ங் ஹத்த²ங் தேமெத்வா ஸீஸங் புஞ்சி²தப்³ப³ங். உண்ஹாபி⁴தத்தரஜஸிரானம்பி அல்லஹத்தே²ன புஞ்சி²துங் வட்டதி.
247. ந பி⁴க்க²வே ஆதா³ஸே வா உத³கபத்தே வாதி எத்த² கங்ஸபத்தாதீ³னிபி யேஸு முக²னிமித்தங் பஞ்ஞாயதி, ஸப்³பா³னி ஆதா³ஸஸங்க²மேவ க³ச்ச²ந்தி. கஞ்ஜியாதீ³னிபி ச உத³கபத்தஸங்க²மேவ. தஸ்மா யத்த² கத்த²சி ஓலோகெந்தஸ்ஸ து³க்கடங். ஆபா³த⁴பச்சயாதி ‘‘ஸஞ்ச²வி நு கோ² மே வணோ, உதா³ஹு ந தாவா’’தி ஜானநத்த²ங்; ‘‘ஜிண்ணோ நு கொ²ம்ஹி நோ’’தி ஏவங் ஆயுஸங்கா²ரங் ஓலோகனத்த²ம்பி வட்டதீதி வுத்தங்.
முக²ங் ஆலிம்பந்தீதி விப்பஸன்னச²விராக³கரேஹி முகா²லேபனேஹி ஆலிம்பந்தி. உம்மத்³தெ³ந்தீதி நானாஉம்மத்³த³னேஹி உம்மத்³தெ³ந்தி. சுண்ணெந்தீதி முக²சுண்ணகேன மக்கெ²ந்தி. மனோஸிலிகாய முக²ங் லஞ்செ²ந்தீதி மனோஸிலாய திலகாதீ³னி லஞ்ச²னானி கரொந்தி, தானி ஹரிதாலாதீ³ஹிபி ந வட்டந்தியேவ. அங்க³ராகா³த³யோ பாகடாயேவ. ஸப்³ப³த்த² து³க்கடங்.
248. ந பி⁴க்க²வே நச்சங் வாதிஆதீ³ஸு யங்கிஞ்சி நச்சங் அந்தமஸோ மோரனச்சம்பி த³ஸ்ஸனாய க³ச்ச²ந்தஸ்ஸ து³க்கடங். ஸயம்பி நச்சந்தஸ்ஸ வா நச்சாபெந்தஸ்ஸ வா து³க்கடமேவ. கீ³தம்பி யங்கிஞ்சி நடகீ³தங் வா ஸாது⁴கீ³தங் வா அந்தமஸோ த³ந்தகீ³தம்பி ‘‘யங் கா³யிஸ்ஸாமா’’தி புப்³ப³பா⁴கே³ ஓகூஜந்தா கரொந்தி, ஏதம்பி ந வட்டதி. ஸயங் கா³யந்தஸ்ஸாபி கா³யாபெந்தஸ்ஸாபி து³க்கடமேவ. வாதி³தம்பி யங்கிஞ்சி
249. ஸரகுத்திந்தி ஸரகிரியங். ப⁴ங்கோ³ ஹோதீதி அலத்³த⁴ங் உப்பாதே³துங் ந ஸக்கோதி; லத்³த⁴ங் ஸமாபஜ்ஜிதுங். பச்சி²மா ஜனதாதி அம்ஹாகங் ஆசரியாபி உபஜ்ஜா²யாபி ஏவங் கா³யிங்ஸூதி பச்சி²மோ ஜனோ தி³ட்டா²னுக³திங் ஆபஜ்ஜதி; ததே²வ கா³யதி. ந பி⁴க்க²வே ஆயதகேனாதி எத்த² ஆயதகோ நாம தங் தங் வத்தங் பி⁴ந்தி³த்வா அக்க²ரானி வினாஸெத்வா பவத்தோ. த⁴ம்மே பன ஸுத்தந்தவத்தங் நாம அத்தி², ஜாதகவத்தங் நாம அத்தி², கா³தா²வத்தங் நாம அத்தி², தங் வினாஸெத்வா அதிதீ³க⁴ங் காதுங் ந வட்டதி. சதுரஸ்ஸேன வத்தேன பரிமண்ட³லானி பத³ப்³யஞ்ஜனானி த³ஸ்ஸேதப்³பா³னி. ஸரப⁴ஞ்ஞந்தி ஸரேன ப⁴ணனங். ஸரப⁴ஞ்ஞே கிர தரங்க³வத்ததோ⁴தகவத்தக³லிதவத்தாதீ³னி த்³வத்திங்ஸ வத்தானி அத்தி². தேஸு யங் இச்ச²தி, தங் காதுங் லப⁴தி. ஸப்³பே³ஸங் பத³ப்³யஞ்ஜனங் அவினாஸெத்வா விகாரங் அகத்வா ஸமணஸாருப்பேன சதுரஸ்ஸேன நயேன பவத்தனங்யேவ லக்க²ணங்.
பா³ஹிரலோமிங் உண்ணிந்தி உண்ணலோமானி ப³ஹி கத்வா உண்ணபாவாரங் பாருபந்தி; ததா² தா⁴ரெந்தஸ்ஸ து³க்கடங். லோமானி அந்தோ கத்வா பாருபிதுங் வட்டதி. ஸமணகப்பகதா² பூ⁴தகா³மஸிக்கா²பத³வண்ணனாயங் வுத்தா.
251. ந பி⁴க்க²வே அத்தனோ அங்க³ஜாதந்தி அங்க³ஜாதங் சி²ந்த³ந்தஸ்ஸேவ து²ல்லச்சயங். அஞ்ஞங் பன கண்ணனாஸாஅங்கு³லிஆதி³ங் யங்கிஞ்சி சி²ந்த³ந்தஸ்ஸ தாதி³ஸங் வா து³க்க²ங் உப்பாதெ³ந்தஸ்ஸ து³க்கடங். அஹிகீடத³ட்டா²தீ³ஸு பன அஞ்ஞஆபா³த⁴பச்சயா வா லோஹிதங் வா மோசெந்தஸ்ஸ சி²ந்த³ந்தஸ்ஸ வா அனாபத்தி.
252. சந்த³னக³ண்டி² உப்பன்னா ஹோதீதி சந்த³னக⁴டிகா உப்பன்னா ஹோதி. ஸோ கிர உத்³த⁴ஞ்ச அதோ⁴ ச ஜாலானி பரிக்கி²பாபெத்வா க³ங்கா³ய இத்³தி⁴பாடிஹாரியந்தி எத்த²
ந பி⁴க்க²வே ஸோவண்ணமயோ பத்தோதிஆதீ³ஸு ஸசேபி கி³ஹீ ப⁴த்தக்³கே³ ஸுவண்ணதட்டிகாதீ³ஸு ப்³யஞ்ஜனங் கத்வா உபனாமெந்தி, ஆமஸிதும்பி ந வட்டதி. ப²லிகமயகாசமயகங்ஸமயானி பன தட்டிகாதீ³னி பா⁴ஜனானி புக்³க³லிகபரிபோ⁴கே³னேவ ந வட்டந்தி, ஸங்கி⁴கபரிபோ⁴கே³ன வா கி³ஹிவிகடானி வா வட்டந்தி. ‘‘தம்ப³லோஹமயோபி பத்தோவ ந வட்டதி, தா²லகங் பன வட்டதீ’’தி இத³ங் ஸப்³ப³ங் குருந்தி³யங் வுத்தங். மணிமயோதி எத்த² பன இந்த³னீலாதி³மணிமயோ வுத்தோ. கங்ஸமயோதி எத்த² வட்டலோஹமயோபி ஸங்க³ஹிதோ.
253. லிகி²துந்தி தனுகரணத்தா²யேதங் வுத்தங். பகதிமண்ட³லந்தி மகரத³ந்தச்சி²ன்னகமண்ட³லமேவ.
254. ஆவட்டித்வாதி அஞ்ஞமஞ்ஞங் பஹரித்வா. பத்தாதா⁴ரகந்தி எத்த² ‘‘த³ந்தவல்லிவெத்தாதீ³ஹி கதே பூ⁴மிஆதா⁴ரகே தயோ, தா³ருஆதா⁴ரகே த்³வே பத்தே உபரூபரி ட²பேதுங் வட்டதீ’’தி குருந்தி³யங் வுத்தங். மஹாஅட்ட²கதா²யங் பன வுத்தங் – ‘‘பூ⁴மிஆதா⁴ரகே திண்ணங் பத்தானங் அனோகாஸோ, த்³வே ட²பேதுங் வட்டதி. தா³ருஆதா⁴ரகத³ண்டா³தா⁴ரகேஸுபி ஸுஸஜ்ஜிதேஸு ஏஸேவ நயோ. ப⁴மகோடிஸதி³ஸோ பன தா³ருஆதா⁴ரகோ தீஹி த³ண்ட³கேஹி ப³த்³தோ⁴ த³ண்ட³காதா⁴ரோ ச ஏகஸ்ஸபி பத்தஸ்ஸ அனோகாஸோ, தத்த² ட²பெத்வாபி ஹத்தே²ன க³ஹெத்வா ஏவ நிஸீதி³தப்³ப³ங். பூ⁴மியங் பன நிக்குஜ்ஜித்வா ஏகமேவ ட²பேதப்³ப³’’ந்தி.
மிட்³ட⁴ந்தேதி ஆலிந்த³கமிட்³டி⁴காதீ³னங் அந்தே. ஸசே பன பரிவத்தெத்வா தத்தே²வ பதிட்டா²தி, ஏவரூபாய வித்தி²ண்ணாய மிட்³டி⁴யா ட²பேதுங் வட்டதி. பரிப⁴ண்ட³ந்தேதி பா³ஹிரபஸ்ஸே கதாய தனுகமிட்³டி⁴காய
சோளகந்தி பத்தமாளகங் இட்ட²காஹி வா தா³ரூஹி வா காதுங் வட்டதி பத்தகுண்டோ³லிகாதி மஹாமுக²குண்ட³ஸண்டா²னா ப⁴ண்ட³குக்க²லிகா வுச்சதி. யோ லக்³கெ³ய்யாதி யத்த² கத்த²சி லக்³கெ³ந்தஸ்ஸ து³க்கடமேவ. சீவரவங்ஸேபி ப³ந்தி⁴த்வா ட²பேதுங் ந வட்டதி. ப⁴ண்ட³கட்ட²பனத்த²மேவ வா கதங் ஹோது நிஸீத³னஸயனத்த²ங் வா யத்த² கத்த²சி மஞ்சே வா பீடே² வா ட²பெந்தஸ்ஸ து³க்கடங், அஞ்ஞேன பன ப⁴ண்ட³கேன ஸத்³தி⁴ங் ப³ந்தி⁴த்வா ட²பேதுங் வட்டதி. அடனியங் ப³ந்தி⁴த்வா ஓலம்பே³துங் வா வட்டதி, ப³ந்தி⁴த்வாபி உபரி ட²பேதுங் ந வட்டதியேவ. ஸசே பன மஞ்சோ வா பீட²ங் வா உக்கி²பித்வா சீவரவங்ஸாதீ³ஸு அட்டகச²ன்னேன ட²பிதங் ஹோதி, தத்த² ட²பேதுங் வட்டதி. அங்ஸவத்³த⁴னகேன அங்ஸகூடே லக்³கெ³த்வா அங்கே ட²பேதுங் வட்டதி. ச²த்தே ப⁴த்தபூரோபி அங்ஸகூடே லக்³கி³தபத்தோபி ட²பேதுங் ந வட்டதி, ப⁴ண்ட³கேன பன ஸத்³தி⁴ங் ப³ந்தி⁴த்வா வா அட்டகங் கத்வா வா ட²பிதே யோ கோசி ட²பேதுங் வட்டதி.
255. பத்தஹத்தே²னாதி எத்த² ந கேவலங் யஸ்ஸ பத்தோ ஹத்தே², ஸோ ஏவ பத்தஹத்தோ², ந கேவலஞ்ச கவாடமேவ பணாமேதுங் ந லப⁴தி; அபிச கோ² பன ஹத்தே² வா பிட்டி²பாதே³ வா யத்த² கத்த²சி ஸரீராவயவே பத்தஸ்மிங் ஸதி ஹத்தே²ன வா பாதே³ன வா ஸீஸேன வா யேன கேனசி ஸரீராவயவேன கவாடங் வா பணாமேதுங் க⁴டிகங் வா உக்கி²பிதுங் ஸூசிங் வா குஞ்சிகாய அபாபுரிதுங் ந லப⁴தி. அங்ஸகூடே பன பத்தங் லக்³கெ³த்வா யதா²ஸுக²ங் அவாபுரிதுங் லப⁴தி.
தும்ப³கடாஹந்தி க⁴டிகடாஹந்தி க⁴டிகபாலங். அபு⁴ங் மேதி உத்ராஸவசனமேதங். ஸப்³ப³பங்ஸுகூலிகேனாதி எத்த² சீவரஞ்ச மஞ்சபீட²ஞ்ச பங்ஸுகூலங் வட்டதி, அஜ்ஜோ²ஹரணீயங் பன தி³ன்னகமேவ க³ஹேதப்³ப³ங்.
சலகானீதி சப்³பெ³த்வா அபவித்³தா⁴மிஸானி. அட்டி²கானீதி மச்ச²மங்ஸஅட்டி²கானி. உச்சி²ட்டோ²த³கந்தி முக²விக்கா²லனோத³கங். ஏதேஸு யங்கிஞ்சி பத்தேன நீஹரந்தஸ்ஸ து³க்கடங். பத்தங் படிக்³க³ஹங் கத்வா ஹத்த²ங் தோ⁴விதும்பி ந லப⁴தி. ஹத்த²தோ⁴தபாத³தோ⁴தஉத³கம்பி பத்தே ஆகிரித்வா நீஹரிதுங் ந வட்டதி. அனுச்சி²ட்ட²ங் ஸுத்³த⁴பத்தங் உச்சி²ட்ட²ஹத்தே²ன க³ண்ஹிதுங் ந வட்டதி, வாமஹத்தே²ன பனெத்த² உத³கங்
256. நமதகந்தி ஸத்த²கவேட²னகங் பிலோதிகக²ண்ட³ங். த³ண்ட³ஸத்த²கந்தி பிப்ப²லகங் வா அஞ்ஞம்பி வா யங்கிஞ்சி த³ண்ட³ங் யோஜெத்வா கதஸத்த²கங்.
கண்ணகிதா ஹொந்தீதி மலக்³க³ஹிதா ஹொந்தி. கிண்ணேன பூரேதுந்தி கிண்ணசுண்ணேன பூரேதுங். ஸத்துயாதி ஸரிதகந்தி பாஸாணசுண்ணங் வுச்சதி; தேன பூரேதுங் அனுஜானாமீதி அத்தோ². மது⁴ஸித்த²கேன ஸாரேதுந்தி மது⁴ஸித்த²கேன மக்கே²துங். ஸரிதகங் பரிபி⁴ஜ்ஜதீதி தங் மக்கி²தமது⁴ஸித்த²கங் பி⁴ஜ்ஜதி. ஸரிதஸிபாடிகந்தி மது⁴ஸித்த²கபிலோதிகங்; ஸத்த²கோஸகஸிபாடியா பன ஸரிதஸிபாடிகாய அனுலோமாதி குருந்தி³யங் வுத்தங். கதி²னந்தி நிஸ்ஸேணிம்பி தத்த² அத்த²ரிதப்³ப³கடஸாரககிலஞ்ஜானங் அஞ்ஞதரம்பி. கதி²னரஜ்ஜுந்தி யாய து³பட்டசீவரங் ஸிப்³ப³ந்தா கதி²னே சீவரம்பி ப³ந்த⁴ந்தி. கதி²னங் நப்பஹோதீதி தீ³க⁴ஸ்ஸ பி⁴க்கு²னோ பமாணேன கதங் கதி²னங்; தத்த² ரஸ்ஸஸ்ஸ பி⁴க்கு²னோ சீவரங் பத்த²ரியமானங் நப்பஹோதி, அந்தோயேவ ஹோதி; த³ண்ட³கே ந பாபுணாதீதி அத்தோ². த³ண்ட³கதி²னந்தி தஸ்ஸ மஜ்ஜே² இதரஸ்ஸ பி⁴க்கு²னோ பமாணேன அஞ்ஞங் நிஸ்ஸேணிங் ப³ந்தி⁴துங் அனுஜானாமீதி அத்தோ².
பி³த³லகந்தி த³ண்ட³கதி²னப்பமாணேன கடஸாரகஸ்ஸ பரியந்தே படிஸங்ஹரித்வா து³கு³ணகரணங். ஸலாகந்தி து³பட்டசீவரஸ்ஸ அந்தரே பவேஸனஸலாகங். வினந்த⁴னரஜ்ஜுந்தி மஹானிஸ்ஸேணியா ஸத்³தி⁴ங் கு²த்³த³கங் நிஸ்ஸேணிங் வினந்தி⁴துங் ரஜ்ஜுங். வினந்த⁴னஸுத்தந்தி கு²த்³த³கனிஸ்ஸேணியா சீவரங் வினந்தி⁴துங் ஸுத்தகங். வினந்தி⁴த்வா சீவரங் ஸிப்³பே³துந்தி தேன ஸுத்தகேன தத்த² சீவரங் வினந்தி⁴த்வா ஸிப்³பி³துங். விஸமா ஹொந்தீதி காசி கு²த்³த³கா ஹொந்தி, காசி மஹந்தா. களிம்ப⁴கந்தி பமாணஸஞ்ஞாகரணங் யங்கிஞ்சி தாலபண்ணாதி³ங். மோக⁴ஸுத்தகந்தி வட்³ட⁴கீனங் தா³ரூஸு அங்கு³லியா படிக்³க³ண்ஹந்தீதி ஸூசிமுக²ங் அங்கு³லியா படிச்ச²ந்தி. படிக்³க³ஹந்தி அங்கு³லிகோஸகங்.
257. ஆவேஸனவித்த²கங் நாம யங்கிஞ்சி பாதிசங்கோடகாதி³. உச்சவத்து²கந்தி பங்ஸுங் ஆகிரித்வா உச்சவத்து²கங் காதுங் ஓகு³ம்பெ²த்வா உல்லித்தாவலித்தங் காதுந்தி ச²த³னங் ஓது⁴னித்வா க⁴னத³ண்ட³கங் கத்வா அந்தோ சேவ ப³ஹி ச மத்திகாய லிம்பிதுந்தி அத்தோ². கோ³க⁴ங்ஸிகாயாதி வேளுங் வா ருக்க²த³ண்ட³ங் வா அந்தோகத்வா தேன ஸத்³தி⁴ங் ஸங்க⁴ரிதுந்தி அத்தோ². ப³ந்த⁴னரஜ்ஜுந்தி ததா² ஸங்க⁴ரிதஸ்ஸ ப³ந்த⁴னரஜ்ஜுங்.
258. கடச்சு²பரிஸ்ஸாவனங் நாம தீஸு த³ண்ட³கேஸு வினந்தி⁴த்வா கதங்.
259. யோ ந த³தெ³ய்யாதி அபரிஸ்ஸாவனகஸ்ஸேவ யோ ந த³தா³தி, தஸ்ஸ ஆபத்தி. யோ பன அத்தனோ ஹத்தே² பரிஸ்ஸாவனே விஜ்ஜமானேபி யாசதி, தஸ்ஸ ந அகாமா தா³தப்³ப³ங். த³ண்ட³பரிஸ்ஸாவனந்தி ரஜகானங் கா²ரபரிஸ்ஸாவனங் விய சதூஸு பாதே³ஸு ப³த்³த⁴னிஸ்ஸேணிகாய ஸாடகங் ப³ந்தி⁴த்வா மஜ்ஜே²த³ண்ட³கே உத³கங் ஆஸிஞ்சிதப்³ப³ங், தங் உபோ⁴பி கொட்டா²ஸே பூரெத்வா பரிஸ்ஸவதி. ஒத்த²ரகங் நாம யங் உத³கே ஒத்த²ரித்வா க⁴டகேன உத³கங் க³ண்ஹந்தி, தஞ்ஹி சதூஸு த³ண்ட³கேஸு வத்த²ங் ப³ந்தி⁴த்வா உத³கே சத்தாரோ கா²ணுகே நிக²ணித்வா தேஸு ப³ந்தி⁴த்வா ஸப்³ப³பரியந்தே உத³கதோ மோசெத்வா மஜ்ஜே² ஒத்த²ரித்வா க⁴டேன உத³கங் க³ண்ஹந்தி. மகஸகுடிகாதி சீவரகுடிகா வுச்சதி.
260. அபி⁴ஸன்னகாயாதி ஸெம்ஹாதி³தோ³ஸுஸ்ஸன்னகாயா. அக்³க³ளவட்டி நாம த்³வாரபா³ஹாய ஸமப்பமாணோயேவ அக்³க³ளத்த²ம்போ⁴ வுச்சதி, யத்த² தீணி சத்தாரி சி²த்³தா³னி கத்வா ஸூசியோ தெ³ந்தி. கபிஸீஸகங் நாம த்³வாரபா³ஹங் விஜ்ஜி²த்வா தத்த² பவேஸிதோ அக்³க³ளபாஸகோ வுச்சதி. ஸூசிகாதி தத்த² மஜ்ஜே² சி²த்³த³ங் கத்வா பவேஸிதா. க⁴டிகாதி உபரி யோஜிதா. மண்ட³லிகங் காதுந்தி நீசவத்து²கங் சினிதுங். தூ⁴மனெத்தந்தி தூ⁴மனிக்க²மனசி²த்³த³ங். வாஸேதுந்தி க³ந்தே⁴ன வாஸேதுங். உத³கட்டா²னந்தி உத³கத்த²பனட்டா²னங். தத்த² க⁴டேன உத³கங் ட²பெத்வா கொட்ட²கோதி த்³வாரகொட்ட²கோ.
261. திஸ்ஸோ படிச்சா²தி³யோதி எத்த² ஜந்தாக⁴ரபடிச்சா²தி³ ச உத³கபடிச்சா²தி³ ச பரிகம்மங் உத³கங் ந ஹோதீதி ந்ஹானோத³கங் ந ஹோதி.
262. துலந்தி பண்ணிகானங் விய உத³கஉப்³பா³ஹனகதுலங். கரகடகோ வுச்சதி கோ³ணே வா யோஜெத்வா ஹத்தே²ஹி வா க³ஹெத்வா தீ³க⁴வரத்தாதீ³ஹி ஆகட்³ட⁴னயந்தங். சக்கவட்டகந்தி அரஹடக⁴டியந்தங். சம்மக²ண்ட³ங் நாம துலாய வா கரகடகே வா யோஜேதப்³ப³கங் சம்மபா⁴ஜனங். பாகடா ஹோதீதி அபரிக்கி²த்தா ஹோதி. உத³கபுஞ்ச²னீதி த³ண்ட³மயாபி விஸாணமயாபி தா³ருமயாபி வட்டதி, தஸ்ஸா அஸதி சோளகேனாபி உத³கங் பச்சுத்³த⁴ரிதுங் வட்டதி.
263. உத³கமாதிகந்தி உத³கஸ்ஸ ஆக³மனமாதிகங். நில்லேக²ஜந்தாக⁴ரங் நாம ஆவித்³த⁴பக்க²பாஸகங் வுச்சதி, கோ³பானஸீனங் உபரி மண்ட³லே பக்க²பாஸகே ட²பெத்வா கதகூடச்ச²த³னஸ்ஸேதங் நாமங். சாதுமாஸங் நிஸீத³னேனாதி நிஸீத³னேன சத்தாரோ மாஸே ந விப்பவஸிதப்³ப³ந்தி அத்தோ².
264. புப்பா²பி⁴கிண்ணேஸூதி புப்பே²ஹி ஸந்த²தேஸு. நமதகங் நாம ஏளகலோமேஹி கதங் அவாயிமங் சம்மக²ண்ட³பரிஹாரேன பரிபு⁴ஞ்ஜிதப்³ப³ங். ஆஸித்தகூபதா⁴னங் நாம தம்ப³லோஹேன வா ரஜதேன வா கதாய பேளாய ஏதங் அதி⁴வசனங், படிக்கி²த்தத்தா பன தா³ருமயாபி ந வட்டதி. மளோரிகாதி த³ண்ட³தா⁴ரகோ வுச்சதி. யட்டி²ஆதா⁴ரகபண்ணாதா⁴ரகபச்சி²கபிட்டா²னிபி எத்தே²வ பவிட்டா²னி. ஆதா⁴ரகஸங்கே²பக³மனதோ ஹி பட்டா²ய சி²த்³த³ங் வித்³த⁴ம்பி அவித்³த⁴ம்பி ஏகபா⁴ஜனேதி எத்த² ஸசே ஏகோ பி⁴க்கு² பா⁴ஜனதோ ப²லங் வா பூவங் வா க³ஹெத்வா க³ச்ச²தி, தஸ்மிங் அபக³தே இதரஸ்ஸ ஸேஸகங் பு⁴ஞ்ஜிதுங் வட்டதி. இதரஸ்ஸாபி தஸ்மிங் கீ²ணே புன க³ஹேதுங் வட்டதி.
265. அட்ட²ஹங்கே³ஹீதி எத்த² ஏகேகேனபி அங்கே³ன ஸமன்னாக³தஸ்ஸ அந்தோஸீமாய வா நிஸ்ஸீமங் க³ந்த்வா நதீ³ஆதீ³ஸு வா நிக்குஜ்ஜிதுங் வட்டதியேவ. ஏவங் நிக்குஜ்ஜிதே பன பத்தே தஸ்ஸ கே³ஹே கோசி தெ³ய்யத⁴ம்மோ ந க³ஹேதப்³போ³
268. புரக்க²த்வாதி ஸங்ஹரந்தூதி ஸங்ஹரியந்து. சேலபடிகந்தி சேலஸந்த²ரங். ஸோ கிர ‘‘ஸசே அஹங் புத்தங் லச்சா²மி, அக்கமிஸ்ஸதி மே ப⁴க³வா சேலபடிக’’ந்தி இமினா அஜ்ஜா²ஸயேன ஸந்த²ரி, அப⁴ப்³போ³ சேஸ புத்தலாபா⁴ய; தஸ்மா ப⁴க³வா ந அக்கமி. யதி³ அக்கமெய்ய, பச்சா² புத்தங் அலப⁴ந்தோ ‘‘நாயங் ஸப்³ப³ஞ்ஞூ’’தி தி³ட்டி²ங் க³ண்ஹெய்ய. இத³ங் தாவ ப⁴க³வதோ அனக்கமனே காரணங். யஸ்மா பன பி⁴க்கூ²பி யே அஜானந்தா அக்கமெய்யுங், தே கி³ஹீனங் பரிபூ⁴தா ப⁴வெய்யுங்; தஸ்மா பி⁴க்கூ² பரிப⁴வதோ மோசேதுங் ஸிக்கா²பத³ங் பஞ்ஞபேஸி. இத³ங் ஸிக்கா²பத³பஞ்ஞாபனே காரணங்.
மங்க³லத்தா²ய யாசியமானேனாதி அபக³தக³ப்³பா⁴ வா ஹோது க³ருக³ப்³பா⁴ வா, ஏவரூபேஸு டா²னேஸு மங்க³லத்தா²ய யாசியமானேன அக்கமிதுங் வட்டதி. தோ⁴தபாத³கங் நாம பாத³தோ⁴வனட்டா²னே தோ⁴தேஹி பாதே³ஹி அக்கமனத்தா²ய பச்சத்த²ரணங் அத்த²தங் ஹோதி, தங் அக்கமிதுங் வட்டதி.
269. கதகங் நாம பது³மகண்ணிகாகாரங் பாத³க⁴ங்ஸனத்த²ங் கண்டகே உட்டா²பெத்வா கதங். தங் வட்டங் வா ஹோது சதுரஸ்ஸாதி³பே⁴த³ங் வா, பா³ஹுலிகானுயோக³த்தா படிக்கி²த்தமேவ, நேவ படிக்³க³ஹேதுங் ந பரிபு⁴ஞ்ஜிதுங் வட்டதி. ஸக்க²ராதி பாஸாணோ வுச்சதி; பாஸாணபே²ணகோபி வட்டதி. விதூ⁴பனந்தி வீஜனீ வுச்சதி மகஸபீ³ஜனீ த³ந்தமயவிஸாணமயத³ண்ட³காபி வட்டதி, வாகமயபீ³ஜனியா கேதகபாரோஹகுந்தாலபண்ணாதி³மயாபி ஸங்க³ஹிதா.
270. கி³லானஸ்ஸ ச²த்தந்தி எத்த² யஸ்ஸ காயடா³ஹோ வா பித்தகோபோ வா ஹோதி, சக்கு² வா து³ப்³ப³லங், அஞ்ஞோ வா கோசி ஆபா³தோ⁴ வினா ச²த்தேன உப்பஜ்ஜதி, தஸ்ஸ கா³மே வா அரஞ்ஞே வா ச²த்தங் வட்டதி. வஸ்ஸே பன சீவரகு³த்தத்த²ங் வாளமிக³சோரப⁴யேஸு ச அத்தகு³த்தத்த²ம்பி வட்டதி. ஏகபண்ணச்ச²த்தங் பன ஸப்³ப³த்தே²வ வட்டதி.
அஸிஸ்ஸாதி விஜ்ஜோதலதீதி விஜ்ஜோததி. த³ண்ட³ஸம்முதிந்தி எத்த² பமாணயுத்தோ சதுஹத்தோ²யேவ த³ண்டோ³ ஸம்மன்னித்வா தா³தப்³போ³. ததோ ஊனாதிரித்தோ வினாபி ஸம்முதியா ஸப்³பே³ஸங் வட்டதி. ஸிக்கா பன அகி³லானஸ்ஸ ந வட்டதி, கி³லானஸ்ஸாபி ஸம்மன்னித்வாவ தா³தப்³பா³.
273. ரோமந்த²கஸ்ஸாதி
யங் தி³ய்யமானந்தி யங் தா³யகேஹி தி³ய்யமானங் படிக்³க³ஹிதபா⁴ஜனதோ ப³ஹி பதிதங், தங் பி⁴க்கு²னா ஸாமங் க³ஹெத்வா பரிபு⁴ஞ்ஜிதுங் அனுஜானாமீதி அத்தோ². இத³ங் போ⁴ஜனவக்³கே³ வண்ணிதமேவ.
274. குப்பங் கரிஸ்ஸாமீதி ஸத்³த³ங் கரிஸ்ஸாமி. நகா²தீ³ஹி நக²ச்சே²த³னே ஆபத்தி நத்தி², அனுரக்க²ணத்த²ங் பன நக²ச்சே²த³னங் அனுஞ்ஞாதங். வீஸதிமட்ட²ந்தி வீஸதிபி நகே² லிகி²தமட்டே² காராபெந்தி. மலமத்தந்தி நக²தோ மலமத்தங் அபகட்³டி⁴துங் அனுஜானாமீதி அத்தோ².
275. கு²ரஸிபாடிகந்தி கு²ரகோஸகங் மஸ்ஸுங் கப்பாபெந்தீதி கத்தரியா மஸ்ஸுங் சே²தா³பெந்தி. மஸ்ஸுங் வட்³டா⁴பெந்தீதி மஸ்ஸுங் தீ³க⁴ங் காரெந்தி. கோ³லோமிகந்தி ஹனுகம்ஹி தீ³க⁴ங் கத்வா ட²பிதங் ஏளகமஸ்ஸு வுச்சதி. சதுரஸ்ஸகந்தி சதுகோணங். பரிமுக²ந்தி உரே லோமஸங்ஹரணங். அட்³ட⁴து³கந்தி உத³ரே லோமராஜிட்ட²பனங். ஆபத்தி து³க்கடஸ்ஸாதி மஸ்ஸுகப்பாபனாதீ³ஸு ஸப்³ப³த்த² ஆபத்தி து³க்கடஸ்ஸ. ஆபா³த⁴ப்பச்சயா ஸம்பா³தே⁴ லோமந்தி க³ண்ட³வணருதி⁴ஆதி³ஆபா³த⁴ப்பச்சயா. கத்தரிகாயாதி க³ண்ட³வணருதி⁴ஸீஸரோகா³பா³த⁴ப்பச்சயா. ஸக்க²ராதீ³ஹி நாஸிகாலோமக்³கா³ஹாபனே ஆபத்தி நத்தி². அனுரக்க²ணத்த²ங் பன ஸண்டா³ஸோ அனுஞ்ஞாதோ. ந பி⁴க்க²வே பலிதங் கா³ஹாபேதப்³ப³ந்தி எத்த² யங் ப⁴முகாய வா நலாடே வா தா³டி²காய வா உக்³க³ந்த்வா பீ³ப⁴ச்ச²ங் டி²தங், தாதி³ஸங் லோமங் பலிதங் வா அபலிதங் வா கா³ஹாபேதுங் வட்டதி.
277. கங்ஸபத்த²ரிகாதி கங்ஸப⁴ண்ட³வாணிஜா. ப³ந்த⁴னமத்தந்தி வாஸிகத்தரயட்டி²ஆதீ³னங் ப³ந்த⁴னமத்தங்.
278. ந பி⁴க்க²வே அகாயப³ந்த⁴னேனாதி எத்த² அப³ந்தி⁴த்வா நிக்க²மந்தேன யத்த² ஸரதி, தத்த² ப³ந்தி⁴தப்³ப³ங். ஆஸனஸாலாய ப³ந்தி⁴ஸ்ஸாமீதி க³ந்துங் வட்டதி. ஸரித்வா யாவ ந ப³ந்த⁴தி, ந தாவ பிண்டா³ய சரிதப்³ப³ங். கலாபு³கங் நாம ப³ஹுரஜ்ஜுகங். தெ³ட்³டு³ப⁴கங் நாம உத³கஸப்பஸீஸஸதி³ஸங். முரஜங் நாம முரஜவட்டிஸண்டா²னங் வேடெ²த்வா கதங். மத்³த³வீணங் நாம பாமங்க³ஸண்டா²னங். ஈதி³ஸஞ்ஹி ஏகம்பி ந வட்டதி, பகே³வ ப³ஹூனி. பட்டிகங் ஸூகரந்தகந்தி எத்த² பகதிவீதா வா மச்ச²கண்டகவாயிமா வா ஸூகரந்தகங் நாம குஞ்ஜிகாகோஸகஸண்டா²னங் ஹோதி. ஏகரஜ்ஜுகங் பன முத்³தி³ககாயப³ந்த⁴னஞ்ச ஸூகரந்தகங் அனுலோமேதி. அனுஜானாமி பி⁴க்க²வே முரஜங் மத்³த³வீணந்தி இத³ங் த³ஸாஸுயேவ அனுஞ்ஞாதங் ஸோப⁴ணங் நாம வேடெ²த்வா முக²வட்டிஸிப்³ப³னங். கு³ணகங் நாம முதி³ங்க³ஸண்டா²னேன ஸிப்³ப³னங்; ஏவங் ஸிப்³பி³தா ஹி அந்தா தி²ரா ஹொந்தி. பவனந்தோதி பாஸந்தோ வுச்சதி.
280. ஹத்தி²ஸொண்ட³கங் நாம நாபி⁴மூலதோ ஹத்தி²ஸொண்ட³ஸண்டா²னங் ஓலம்ப³கங் கத்வா நிவத்த²ங் சோளிகஇத்தீ²னங் நிவாஸனங் விய. மச்ச²வாளகங் நாம ஏகதோ த³ஸந்தங் ஏகதோ பாஸந்தங் ஓலம்பெ³த்வா நிவத்த²ங். சதுகண்ணகங் நாம உபரி த்³வே, ஹெட்ட²தோ த்³வேதி ஏவங் சத்தாரோ கண்ணே த³ஸ்ஸெத்வா நிவத்த²ங். தாலவண்டகங் நாம தாலவண்டாகாரேன ஸாடகங் ஓலம்பெ³த்வா நிவாஸனங். ஸதவலிகங் நாம தீ³க⁴ஸாடகங் அனேகக்க²த்துங் ஓப⁴ஞ்ஜித்வா ஓவட்டிகங் கரொந்தேன நிவத்த²ங், வாமத³க்கி²ணபஸ்ஸேஸு வா நிரந்தரங் வலியோ த³ஸ்ஸெத்வா நிவத்த²ங். ஸசே பன ஜாணுதோ பட்டா²ய ஏகா வா த்³வே வா வலியோ பஞ்ஞாயந்தி, வட்டதி.
ஸங்வேல்லியங் நிவாஸெந்தீதி மல்லகம்மகாராத³யோ விய கச்ச²ங் ப³ந்தி⁴த்வா நிவாஸெந்தி; ஏவங் நிவாஸேதுங் கி³லானஸ்ஸபி மக்³க³ப்படிபன்னஸ்ஸபி ந வட்டதி. யம்பி மக்³க³ங் க³ச்ச²ந்தா ஏகங் வா த்³வே வா கோணே உக்கி²பித்வா அந்தரவாஸகஸ்ஸ உபரி லக்³கெ³ந்தி, அந்தோ வா ஏகங் காஸாவங் ததா² நிவாஸெத்வா ப³ஹி அபரங் நிவாஸெந்தி, ஸப்³ப³ங் ந வட்டதி. கி³லானோ பன அந்தோ காஸாவஸ்ஸ ஓவட்டிகங் த³ஸ்ஸெத்வா அபரங் உபரி நிவாஸேதுங் லப⁴தி. அகி³லானேன த்³வே நிவாஸெந்தேன ஸகு³ணங்
தத்த² யங்கிஞ்சி
281. முண்ட³வட்டீதி யதா² ரஞ்ஞோ குஹிஞ்சி க³ச்ச²தோ பரிக்கா²ரப⁴ண்ட³வஹனமனுஸ்ஸாதி அதி⁴ப்பாயோ. அந்தராகாஜந்தி மஜ்ஜே² லக்³கெ³த்வா த்³வீஹி வஹிதப்³ப³பா⁴ரங்.
282. அசக்கு²ஸ்ஸந்தி நச்சா²தே³தீதி ந ருச்சதி. அட்ட²ங்கு³லபரமந்தி மனுஸ்ஸானங் பமாணங்கு³லேன அதிமடாஹகந்தி அதிகு²த்³த³கங்.
283. தா³யங் ஆலிம்பெந்தீதி திணவனாதீ³ஸு அக்³கி³ங் தெ³ந்தி. படக்³கி³ந்தி படிஅக்³கி³ங். பரித்தந்தி அப்பஹரிதகரணேன வா பரிகா²க²ணனேன வா பரித்தாணங். எத்த² பன அனுபஸம்பன்னே ஸதி ஸயங் அக்³கி³ங் தா³துங் ந லப⁴தி, அஸதி அக்³கி³ம்பி தா³துங் லப⁴தி, பூ⁴மிங் தச்செ²த்வா திணானிபி ஹரிதுங், பரிக²ம்பி க²ணிதுங், அல்லஸாக²ங் ப⁴ஞ்ஜித்வாபி அக்³கி³ங் நிப்³பா³பேதுங் லப⁴தி, ஸேனாஸனங் பத்தங் வா அப்பத்தங் வா ததா² நிப்³பா³பேதுங் லப⁴தியேவ. உத³கேன பன கப்பியேனேவ லப⁴தி, ந இதரேன.
284. ஸதி கரணீயேதி ஸுக்க²கட்டா²தி³க்³க³ஹணகிச்சே ஸதி. போரிஸியந்தி புரிஸப்பமாணங். ஆபதா³ஸூதி
285. கல்யாணவாக்கரணாதி மது⁴ரஸத்³தா³. ச²ந்த³ஸோ ஆரோபேமாதி வேத³ங் விய ஸக்கதபா⁴ஸாய வாசனாமக்³க³ங் ஆரோபேம. ஸகாய நிருத்தியாதி எத்த² ஸகா நிருத்தி நாம ஸம்மாஸம்பு³த்³தே⁴ன வுத்தப்பகாரோ மாக³தி⁴கோ வோஹாரோ.
286. லோகாயதங் நாம ஸப்³ப³ங் உச்சி²ட்ட²ங், ஸப்³ப³ங் அனுச்சி²ட்ட²ங், ஸேதோ காகோ, காளோ ப³கோ; இமினா ச இமினா ச காரணேனாதி ஏவமாதி³னிரத்த²ககாரணபடிஸங்யுத்தங் தித்தி²யஸத்த²ங்.
288. அந்தரா அஹோஸீதி அந்தரிதா அஹோஸி படிச்ச²ன்னா.
289. ஆபா³த⁴ப்பச்சயாதி யஸ்ஸ ஆபா³த⁴ஸ்ஸ லஸுணங் பே⁴ஸஜ்ஜங்; தப்பச்சயாதி அத்தோ².
290. பஸ்ஸாவபாது³கந்தி எத்த² பாது³கா இட்ட²காஹிபி ஸிலாஹிபி தா³ரூஹிபி காதுங் வட்டதி. வச்சபாது³காயபி ஏஸேவ நயோ. பரிவேணந்தி வச்சகுடிபரிக்கே²பப்³ப⁴ந்தரங்.
293. யதா²த⁴ம்மோ காரேதப்³போ³தி து³க்கடவத்து²ம்ஹி து³க்கடேன பாசித்தியவத்து²ம்ஹி பாசித்தியேன காரேதப்³போ³. பஹரணத்த²ங் பஹரணீதி வுச்சதி, யஸ்ஸ கஸ்ஸசி ஆவுத⁴ஸங்கா²தஸ்ஸேதங் அதி⁴வசனங், தங் ட²பெத்வா அஞ்ஞங் ஸப்³ப³ங் லோஹப⁴ண்ட³ங் அனுஜானாமீதி அத்தோ². கதகஞ்ச கும்ப⁴காரிகஞ்சாதி எத்த² கதகங் வுத்தமேவ. கும்ப⁴காரிகஞ்சாதி த⁴னியஸ்ஸேவ ஸப்³ப³மத்திகாமயகுடி வுச்சதி. ஸேஸங் ஸப்³ப³த்த² உத்தானமேவாதி.
கு²த்³த³கவத்து²கதா² நிட்டி²தா.
கு²த்³த³கவத்து²க்க²ந்த⁴கவண்ணனா நிட்டி²தா.