7. ஸங்க⁴பே⁴த³கக்க²ந்த⁴கங்
ச²ஸக்யபப்³ப³ஜ்ஜாகதா²
330. ஸங்க⁴பே⁴த³கக்க²ந்த⁴கே அபி⁴ஞ்ஞாதா அபி⁴ஞ்ஞாதாதி பாகடா பாகடா. ஸக்யகுமாரா நாம காளுதா³யிப்பபு⁴தயோ த³ஸ தூ³தா ஸத்³தி⁴ங் பரிவாரேஹி அஞ்ஞே ச ப³ஹூ ஜனா. அம்ஹாகந்தி அம்ஹேஸு; அம்ஹாகங் குலதோதி வா வுத்தங் ஹோதி. க⁴ராவாஸத்த²ங் அனுஸாஸிஸ்ஸாமீதி க⁴ராவாஸே யங் கத்தப்³ப³ங், தங் ஜானாபெஸ்ஸாமி. உத³கங் நின்னேதப்³ப³ந்தி யதா² உத³கங் ஸப்³ப³ட்டா²னே ஸமங் ஹோதி, ஏவங் காதப்³ப³ங். நித்³தா⁴பேதப்³ப³ந்தி திணானி உத்³த⁴ரிதப்³பா³னி. பு⁴ஸிகா உத்³த⁴ராபேதப்³பா³தி ஸுகு²மபலாலமிஸ்ஸத⁴ஞ்ஞா பலாலிகா பலாபேதப்³பா³. ஓபுனாபேதப்³ப³ந்தி ஸுகு²மபலாலங் அபனேதப்³ப³ங். த்வஞ்ஞேவ க⁴ராவாஸத்தே²ன உபஜானாஹீதி த்வஞ்ஞேவ க⁴ராவாஸத்த²ங் ஜானாஹி. அஹங் தயா யதா²ஸுக²ங் பப்³ப³ஜாஹீதி எத்த² அஹங் தயா ஸத்³தி⁴ங் பப்³ப³ஜிஸ்ஸாமீதி ஸஹாயஸினேஹேன ஸஹஸா வத்துகாமோ ஹுத்வா புன ரஜ்ஜஸிரிலோபே⁴ன பரிகட்³டி⁴யமானஹத³யோ ‘‘அஹங் தயா’’தி எத்தகமேவ வத்வா ஸேஸங் வத்துங் நாஸக்கீ²தி ஏவமத்தோ² வேதி³தப்³போ³
331. நிப்பாதிதாதி நிக்க²மிதா. மானஸ்ஸினோதி மானஸ்ஸயினோ; மானநிஸ்ஸிதாதி வுத்தங் ஹோதி.
332. யஸ்ஸந்தரதோ ந ஸந்தி கோபாதி ததியமக்³கே³ன ஸமூஹதத்தா யஸ்ஸ சித்தே கோபா ந ஸந்தி. யஸ்மா பன ப⁴வோதி ஸம்பத்தி, விப⁴வோதி விபத்தி; ததா² ப⁴வோதி வுட்³டி⁴, விப⁴வோதி ஹானி; ப⁴வோதி ஸஸ்ஸதங், விப⁴வோதி உச்சே²தோ³; ப⁴வோதி புஞ்ஞங், விப⁴வோதி பாபங்; விப⁴வோதி ச அப⁴வோதி ச அத்த²தோ ஏகமேவ, தஸ்மா இதிப⁴வாப⁴வதஞ்ச வீதிவத்தோதி எத்த² யா ஏஸா ஸம்பத்திவிபத்திவுட்³டி⁴ஹானிஸஸ்ஸதுச்சே²த³புஞ்ஞபாபவஸேன நானுப⁴வந்தீதி ந ஸம்பாபுணந்தி; தஸ்ஸ த³ஸ்ஸனங் தே³வானம்பி து³ல்லப⁴ந்தி அதி⁴ப்பாயோ.
333. அஹிமேக²லிகாதி அஹிங் கடியங் ப³ந்தி⁴த்வா. உச்ச²ங்கே³தி அங்கே.
334. ஸம்மன்னதீதி யங் துமோ கரிஸ்ஸதீதி யங் ஸோ கரிஸ்ஸதி.
ச²ஸக்யபப்³ப³ஜ்ஜாகதா² நிட்டி²தா.
பகாஸனீயகம்மாதி³கதா²
336. கே²ளாஸகஸ்ஸாதி எத்த² மிச்சா²ஜீவேன உப்பன்னபச்சயா அரியேஹி வந்தப்³பா³ கே²ளஸதி³ஸா, ததா²ரூபே பச்சயே அயங் அஜ்ஜோ²ஹரதீதி கத்வா கே²ளாஸகோதி ப⁴க³வதா வுத்தோ.
340. பத்த²த்³தே⁴ன காயேனாதி பொத்த²கரூபஸதி³ஸேன நிச்சலேன காயேன.
342. மயங் கோ² ப⁴ணே ராஜஞாதகா நாமாதி ராஜா அம்ஹே ஜானாதீதி ராஜஞாதகஸ்ஸ பா⁴வேன அத்தானங் உக்கங்ஸந்தோ ஆஹ. பஹட்ட²கண்ணவாலோதி ப³ந்த⁴னே நிச்சலே கத்வா.
து³க்க²ஞ்ஹி குஞ்ஜர நாக³மாஸதோ³தி போ⁴ குஞ்ஜர பு³த்³த⁴னாக³ங் ஆஸாத³னங் வத⁴கசித்தேன உபக³மனங் நாம து³க்க²ங். நாக³ஹதஸ்ஸாதி பு³த்³த⁴னாக³ங் கா⁴தகஸ்ஸ.
படிகுடியோவ ஓஸக்கீதி ததா²க³தாபி⁴முகோ²யேவ பிட்டி²மேஹி பாதே³ஹி அவஸக்கி. அலக்கி²கோதி எத்த² ந லக்கே²தீதி அலக்கி²கோ; ந ஜானாதீதி அத்தோ²
343. திகபோ⁴ஜனந்தி எத்த² தீஹி ஜனேஹி பு⁴ஞ்ஜிதப்³ப³போ⁴ஜனங். தங் பஞ்ஞாபெஸ்ஸாமீதி தங் அனுஜானிஸ்ஸாமி பஞ்சவத்து²யாசனகதா² ஸங்கா⁴தி³ஸேஸவண்ணனாயங் வுத்தா. கப்பந்தி ஆயுகப்பங். ப்³ரஹ்மங் புஞ்ஞந்தி ஸெட்ட²ங் புஞ்ஞங். கப்பங் ஸக்³க³ம்ஹீதி ஆயுகப்பமேவ.
பகாஸனீயகம்மாதி³கதா² நிட்டி²தா.
ஸங்க⁴பே⁴த³ககதா²
344. அத² கோ² தே³வத³த்தோ ஸங்க⁴ங் பி⁴ந்தி³த்வாதி ஸோ கிர ஏவங் ஸலாகங் கா³ஹெத்வா தத்தே²வ ஆவேணிகங் உபோஸத²ங் கத்வா க³தோ, தேனேதங் வுத்தங்.
345. பிட்டி² மே ஆகி³லாயதீதி சிரனிஸஜ்ஜாய வேத³னாபி⁴பூ⁴தா பா³த⁴தி. தமஹங் ஆயமிஸ்ஸாமீதி தங் அஹங் பஸாரெஸ்ஸாமி. ஆதே³ஸனாபாடிஹாரியானுஸாஸனீ நாம ‘‘ஏவம்பி தே மனோ, ததா²பி தே மனோ’’தி ஏவங் பரஸ்ஸ சித்தங் ஜானித்வா தத³னுரூபா த⁴ம்மதே³ஸனா.
346. மமானுகுப்³ப³ந்தி மமானுகிரியங் குருமானோ. கபணோதி து³க்கி²தோ. மஹாவராஹஸ்ஸாதி மஹானாக³ஸ்ஸ. மஹிங் விகுப்³ப³தோதி பத²விங் பதா³லெந்தஸ்ஸ. பி⁴ஸங் க⁴ஸமானஸ்ஸாதி பி⁴ஸங் கா²த³ந்தஸ்ஸ. நதீ³ஸு ஜக்³க³தோதி எத்த² ஸோ கிர ஹத்தி²னாகோ³ ஸாயன்ஹஸமயங் தங் நதி³னாமகங் பொக்க²ரணிங் ஓகா³ஹெத்வா கிலந்தோ ஸப்³ப³ரத்திங் வீதினாமேஸி, ஜாலிகங் கரோதி, தேன வுத்தங் ‘‘நதீ³ஸு ஜக்³க³தோ’’தி.
347. ஸுதாதி ஸோதா. அஸந்தி³த்³தோ⁴ ச அக்கா²தீதி நிஸ்ஸந்தே³ஹோ ஹுத்வா அக்கா²தி அனுஸந்தி⁴வஸேன யோஜெத்வா யோஜெத்வா.
350. அபாயே நிப்³ப³த்திஸ்ஸதீதி ஆபாயிகோ. ஏவங் நேரயிகோ. கப்பங் ட²ஸ்ஸதீதி கப்பட்டோ². இதா³னி பு³த்³த⁴ஸஹஸ்ஸேனாபி திகிச்சி²துங் ந ஸக்காதி அதேகிச்சோ².
மா ஜாது கோசி லோகஸ்மிந்தி மா கதா³சிபி கோசி ஸத்தோ லோகஸ்மிங். உத³பஜ்ஜதா²தி உபபஜ்ஜத² ஜலங்வ யஸஸா அட்டா²தி யஸஸா ஜலந்தோ விய டி²தோ. தே³வத³த்தோதி மே ஸுதந்தி ‘‘ஈதி³ஸோ தே³வத³த்தோ’’தி ப⁴க³வதா ஸுதம்பி அத்தி², ததே³வ க³ஹெத்வா இத³ங் வுத்தங். ஸோ பமாத³மனுசிண்ணோதி எத்த² பமாத³ங் அனுசினாதீதி அனுசிண்ணோ, பமாதோ³ ஆஸஜ்ஜ நந்தி பாபகேன சித்தேன பத்வா, விஸோஸெத்வாதி வா அத்தோ². அவீசினிரயங் பத்தோதி இத³ங் பன ஆஸீஸாயங் அதீதவசனங். பெ⁴ஸ்மாதி ப⁴யானகோ.
ஸங்க⁴பே⁴த³ககதா² நிட்டி²தா.
உபாலிபஞ்ஹாகதா²
351. ஏகதோ உபாலி ஏகோதி த⁴ம்மவாதி³பக்கே² ஏகோ. ஏகதோ த்³வேதி அத⁴ம்மவாதி³பக்கே² த்³வே. சதுத்தோ² அனுஸ்ஸாவேதீதி ஸங்க⁴ங் பி⁴ந்தி³ஸ்ஸாமீதி அத⁴ம்மவாதி³சதுத்தோ² ஸலாகங் கா³ஹேதீதி ஏவங் அனுஸ்ஸாவெத்வா பன ‘‘இத³ங் க³ண்ஹத², இத³ங் ரோசேதா²’’தி வத³ந்தோ ஸலாகங் கா³ஹேதி.
ஏகதோ உபாலி த்³வே ஹொந்தீதிஆதீ³ஸுபி ஏஸேவ நயோ. ஏவங் கோ² உபாலி ஸங்க⁴ராஜி சேவ ஹோதி ஸங்க⁴பே⁴தோ³ சாதி ஏவங் ஹோதி; ந பன எத்தாவதா ஸங்கோ⁴ பி⁴ன்னோ ஹோதி.
பி⁴க்கு² கோ² உபாலி பகதத்தோ ஸமானஸங்வாஸகோ ஸமானஸீமாயங் டி²தோ ஸங்க⁴ங் பி⁴ந்த³தீதி எத்த² ஸியா ஏவங் ‘‘தே³வத³த்தோ கத²ங் பகதத்தோ’’தி. கத²ங் தாவ ந பகதத்தோ, ரஞ்ஞோ கா⁴தாபிதத்தா ருஹிருப்பாத³ஸ்ஸ ச கதத்தாதி? தத்த² வதா³ம – ஆணத்தியா தாவ விரத்³த⁴த்தா ரஞ்ஞோ கா⁴தாபனங் நத்தி². ‘‘தேன ஹி த்வங், குமார, பிதரங் ஹந்த்வா ராஜா ஹோஹி, அஹங் ப⁴க³வந்தங் ஹந்த்வா பு³த்³தோ⁴ ப⁴விஸ்ஸாமீ’’தி ஏவஞ்ஹி தஸ்ஸ ஆணத்தி. குமாரோ பன ராஜா ஹுத்வா பச்சா² பிதரங் மாரேஸி; ஏவங் தாவ ஆணத்தியா விரத்³த⁴த்தா ரஞ்ஞோ கா⁴தாபனங் நத்தி². ருஹிருப்பாதே³ பன கதமத்தேயேவ ருஹிருப்பாத³பச்சயா
‘‘ருஹிருப்பாத³கோ, பி⁴க்க²வே, அனுபஸம்பன்னோ ந உபஸம்பாதே³தப்³போ³, உபஸம்பன்னோ நாஸேதப்³போ³’’தி –
இத³ங் பன ப⁴க³வதா
அத⁴ம்மங் த⁴ம்மோதி தீ³பெந்தீதிஆதீ³ஸு அட்டா²ரஸஸு பே⁴த³கரவத்தூ²ஸு ஸுத்தந்தபரியாயேன தாவ த³ஸ குஸலகம்மபதா² த⁴ம்மோ, த³ஸ அகுஸலகம்மபதா² அத⁴ம்மோ. ததா² சத்தாரோ ஸதிபட்டா²னா, சத்தாரோ ஸம்மப்பதா⁴னா, சத்தாரோ இத்³தி⁴பாதா³, பஞ்சிந்த்³ரியானி, பஞ்ச ப³லானி, ஸத்த பொ³ஜ்ஜ²ங்கா³, அரியோ அட்ட²ங்கி³கோ மக்³கோ³தி ஸத்ததிங்ஸ போ³தி⁴பக்கி²யத⁴ம்மா த⁴ம்மோ நாம; தயோ ஸதிபட்டா²னா
தத்த² யங்கிஞ்சி ஏகங் அத⁴ம்மகொட்டா²ஸங் க³ஹெத்வா ‘‘இமங் அத⁴ம்மங் த⁴ம்மோதி கரிஸ்ஸாம; ஏவங் அம்ஹாகங் ஆசரியகுலங் நிஸ்ஸாய நிய்யானிகங் ப⁴விஸ்ஸதி, மயஞ்ச லோகே பாகடா ப⁴விஸ்ஸாமா’’தி தங் அத⁴ம்மங் ‘‘த⁴ம்மோ அய’’ந்தி கத²யந்தா அத⁴ம்மங் த⁴ம்மோதி தீ³பெந்தி நாம. ததே²வ த⁴ம்மகொட்டா²ஸேஸு ச ஏகங் க³ஹெத்வா அயங் அத⁴ம்மோதி கதெ²ந்தா த⁴ம்மங் அத⁴ம்மோதி தீ³பெந்தி நாம. வினயபரியாயேன பன பூ⁴தேன வத்து²னா சோதெ³த்வா ஸாரெத்வா யதா²படிஞ்ஞாய காதப்³ப³ங் கம்மங் த⁴ம்மோ நாம, அபூ⁴தேன வத்து²னா அசோதெ³த்வா அஸாரெத்வா அபடிஞ்ஞாய காதப்³ப³ங் கம்மங் அத⁴ம்மோ நாம.
ஸுத்தந்தபரியாயேன ராக³வினயோ தோ³ஸவினயோ மோஹவினயோ ஸங்வரோ பஹானங் படிஸங்கா²தி அயங் வினயோ நாம, ராகா³தீ³னங் அவினயோ அஸங்வரோ அப்பஹானங் அப்படிஸங்கா²தி அயங் அவினயோ நாம. வினயபரியாயேன வத்து²ஸம்பத்தி ஞத்திஸம்பத்தி அனுஸ்ஸாவனஸம்பத்தி ஸீமாஸம்பத்தி பரிஸாஸம்பத்தீதி அயங் வினயோ நாம, வத்து²விபத்தி…பே॰… பரிஸாவிபத்தீதி அயங் அவினயோ நாம.
ஸுத்தந்தபரியாயேன சத்தாரோ ஸதிபட்டா²னா… அட்ட²ங்கி³கோ மக்³கோ³தி
ஸுத்தந்தபரியாயேன தே³வஸிகங் ப²லஸமாபத்திஸமாபஜ்ஜனங், மஹாகருணாஸமாபத்திஸமாபஜ்ஜனங், பு³த்³த⁴சக்கு²னா லோகவோலோகனங், அட்டு²ப்பத்திவஸேன ஸுத்தந்ததே³ஸனா, ஜாதககதா²தி இத³ங் ஆசிண்ணங்; ந தே³வஸிகங் ப²லஸமாபத்திஸமாபஜ்ஜனங்…பே॰… ந ஜாதககதா²தி இத³ங் அனாசிண்ணங். வினயபரியாயேன நிமந்திதஸ்ஸ
ஸுத்தந்தபரியாயேன சத்தாரோ ஸதிபட்டா²னா…பே॰… அட்ட²ங்கி³கோ மக்³கோ³தி இத³ங் பஞ்ஞத்தங் நாம; தயோ ஸதிபட்டா²னா…பே॰… நவங்கி³கோ மக்³கோ³தி இத³ங் அபஞ்ஞத்தங் நாம. வினயபரியாயேன சத்தாரோ பாராஜிகா…பே॰… திங்ஸ நிஸ்ஸக்³கி³யா பாசித்தியாதி இத³ங் பஞ்ஞத்தங் நாம; தயோ பாராஜிகா…பே॰… ஏகத்திங்ஸ நிஸ்ஸக்³கி³யா பாசித்தியாதி இத³ங் அபஞ்ஞத்தங் நாம.
‘‘அனாபத்தி அஜானந்தஸ்ஸ, அதெ²ய்யசித்தஸ்ஸ, ந மரணாதி⁴ப்பாயஸ்ஸ, அனுல்லபனாதி⁴ப்பாயஸ்ஸ, ந மோசனாதி⁴ப்பாயஸ்ஸா’’தி தத்த² தத்த² வுத்தா அனாபத்தி அனாபத்தி நாம. ‘‘ஜானந்தஸ்ஸ, தெ²ய்யசித்தஸ்ஸா’’திஆதி³னா நயேன வுத்தா ஆபத்தி ஆபத்தி நாம. பஞ்சாபத்திக்க²ந்தா⁴ லஹுகாபத்தி நாம, த்³வே ஆபத்திக்க²ந்தா⁴ க³ருகாபத்தி நாம. ச² ஆபத்திக்க²ந்தா⁴ ஸாவஸேஸாபத்தி நாம, ஏகோ பாராஜிகாபத்திக்க²ந்தோ⁴ அனவஸேஸாபத்தி நாம. த்³வே ஆபத்திக்க²ந்தா⁴ து³ட்டு²ல்லாபத்தி நாம, பஞ்சாபத்திக்க²ந்தா⁴ அது³ட்டு²ல்லாபத்தி நாம.
புரிமனயேனேவ பனெத்த² வுத்தப்பகாரங் த⁴ம்மங் ‘‘அத⁴ம்மோ அய’’ந்தி கத²யந்தா அபகஸ்ஸந்தீ’’திஆதி³.
தத்த² அபகஸ்ஸந்தீதி பரிஸங் ஆகட்³ட⁴ந்தி, விஜடெந்தி, ஏகமந்தங் உஸ்ஸாரெந்தி ச. அவபகாஸந்தீதி அதி விய பகாஸெந்தி யதா² விஸங்ஸட்டா²வ ஹொந்தி, ஏவங் கரொந்தி. ஆவேனிந்தி விஸுங். எத்தாவதா கோ² உபாலி ஸங்கோ⁴ பி⁴ன்னோ ஹோதீதி ஏவங் அட்டா²ரஸஸு பே⁴த³கரவத்தூ²ஸு யங்கிஞ்சி ஏகம்பி வத்து²ங் தீ³பெத்வா தேன தேன காரணேன ‘‘இமங் க³ண்ஹத², இமங் ரோசேதா²’’தி ஸஞ்ஞாபெத்வா ஸலாகங் கா³ஹாபெத்வா விஸுங் ஸங்க⁴கம்மே கதே ஸங்கோ⁴ பி⁴ன்னோ ஹோதி. பரிவாரே
உபாலிபஞ்ஹாகதா² நிட்டி²தா.
ஸங்க⁴பே⁴த³கக்க²ந்த⁴கவண்ணனா நிட்டி²தா.