9. பாதிமொக்க²ட்ட²பனக்க²ந்த⁴கங்
பாதிமொக்கு²த்³தே³ஸயாசனகதா²
383. பாதிமொக்க²ட்ட²பனக்க²ந்த⁴கே (நந்தி³முகி²யா ரத்தியாதி அருணுட்டி²தகாலேபி ஹி நந்தி³முகா² விய ரத்தி கா²யதி. தேனாஹ ‘‘நந்தி³முகி²யா ரத்தியா’’தி. அந்தோபூதிந்தி அத்தசித்தஸந்தானே கிலேஸபூதிபா⁴வேன அந்தோபூதிங். அவஸ்ஸுதந்தி கிலேஸவஸ்ஸனவஸேன அவஸ்ஸுதங். கஸம்பு³கஜாதந்தி ஆகிண்ணதோ³ஸதாய ஸங்கிலிட்ட²ஜாதங்.) யாவ பா³ஹாக³ஹணாபி நாமாதி ‘‘அபரிஸுத்³தா⁴ ஆனந்த³ பரிஸா’’தி வசனங் ஸுத்வாயேவ ஹி தேன பக்கமிதப்³ப³ங் ஸியா, ஏவங் அபக்கமித்வா யாவ பா³ஹாக³ஹணாபி நாம ஸோ மோக⁴புரிஸோ ஆக³மெஸ்ஸதி, அச்ச²ரியமித³ந்தி த³ஸ்ஸேதி.
384. ந ஆயதகேனேவ பபாதோதி ந பட²மமேவ க³ம்பீ⁴ரோ; அனுபுப்³பே³ன க³ம்பீ⁴ரோதி அத்தோ². டி²தத⁴ம்மோ வேலங் நாதிவத்ததீதி வீசீனங் ஓஸக்கனகந்த³ரங் மரியாத³வேலங் நாதிக்கமதி. தீரங் வாஹேதீதி தீரதோ அப்பேதி; உஸ்ஸாரேதீதி அத்தோ². அஞ்ஞாபடிவேதோ⁴தி அரஹத்தப்பத்தி.
385. ச²ன்னமதிவஸ்ஸதீதி ஆபத்திங் ஆபஜ்ஜித்வா படிச்சா²தெ³ந்தோ அஞ்ஞங் நவங் ஆபத்திங் ஆபஜ்ஜதி இத³மேதங் ஸந்தா⁴ய வுத்தங். விவடங் நாதிவஸ்ஸதீதி ஆபத்திங் ஆபஜ்ஜித்வா விவரந்தோ அஞ்ஞங் நாபஜ்ஜதி இத³மேதங் ஸந்தா⁴ய வுத்தங்.
பாதிமொக்கு²த்³தே³ஸயாசனகதா² நிட்டி²தா.
பாதிமொக்க²ஸவனாரஹகதா²
386. ட²பிதங் ஹோதி பாதிமொக்க²ந்தி எத்த² புரே வா பச்சா² வா ட²பிதம்பி அட்ட²பிதங் ஹோதி, கெ²த்தே ட²பிதமேவ பன ட²பிதங் நாம ஹோதி. தஸ்மா ‘‘ஸுணாது மே, ப⁴ந்தே ஸங்கோ⁴, அஜ்ஜுபோஸதோ² பன்னரஸோ, யதி³ ஸங்க⁴ஸ்ஸ பத்தகல்லங், ஸங்கோ⁴ உபோஸத²ங் கரெய்யா’’தி எத்த² யாவ ரே-காரங் ப⁴ணதி, தாவ ட²பேதப்³ப³ங், இத³ஞ்ஹி கெ²த்தங். ய்ய-காரே பன வுத்தே ட²பெந்தேன பச்சா² ட²பிதங் நாம ஹோதி. ‘‘ஸுணாது மே’’தி அனாரத்³தே⁴யேவ ட²பெந்தேன புரே ட²பிதங் ஹோதி.
பாதிமொக்க²ஸவனாரஹகதா² நிட்டி²தா.
த⁴ம்மிகாத⁴ம்மிகபாதிமொக்க²ட்ட²பனகதா²
387. அமூலிகாய ஸீலவிபத்தியா பாதிமொக்க²ங் ட²பேதி அகதாயாதி தேன புக்³க³லேன ஸா விபத்தி கதா வா ஹோது அகதா வா, பாதிமொக்க²ட்ட²பனகஸ்ஸ ஸஞ்ஞாஅமூலிகவஸேன அமூலிகா ஹோதி. கதாகதாயாதி கதஞ்ச அகதஞ்ச உப⁴யங் க³ஹெத்வா வுத்தங்.
த⁴ம்மிகங் ஸாமக்³கி³ங் ந உபேதீதி கம்மங் கோபேதுகாமதாய ஸங்க⁴ஸ்ஸ கம்மே கரீயமானே நேவ ஆக³ச்ச²தி, ந ச²ந்த³ங் தே³தி, ஸம்முகீ²பூ⁴தோவ படிக்கோஸதி, தேன து³க்கடங் ஆபஜ்ஜதி. இச்சஸ்ஸாபி ஸாபத்திகஸ்ஸேவ பாதிமொக்க²ங் ட²பிதங் ஹோதி. பச்சாதி³யதீதி ‘‘புன காதப்³ப³ங் கம்ம’’ந்தி பச்சாதி³யதி, தேன உக்கோடனகேன பாசித்தியங் ஆபஜ்ஜதி. இச்சஸ்ஸாபி ஸாபத்திகஸ்ஸேவ பாதிமொக்க²ங் ட²பிதங் ஹோதி.
த⁴ம்மிகாத⁴ம்மிகபாதிமொக்க²ட்ட²பனகதா² நிட்டி²தா.
த⁴ம்மிகபாதிமொக்க²ட்ட²பனகதா²
388. யேஹி ஆகாரேஹி யேஹி லிங்கே³ஹி யேஹி நிமித்தேஹீதி எத்த² மக்³கே³னமக்³க³படிபாத³னாதீ³ஸு ஆகாராதி³ஸஞ்ஞா வேதி³தப்³பா³. தேன தி³ட்டே²ன தேன ஸுதேன தாய பரிஸங்காயாதி எத்த² தி³ட்ட²ஞ்ச ஸுதஞ்ச பாளியங்
த⁴ம்மிகபாதிமொக்க²ட்ட²பனகதா² நிட்டி²தா.
அத்தாதா³னஅங்க³கதா²
398. அத்தாதா³னங் ஆதா³துகாமேனாதி எத்த² ஸாஸனங் ஸோதே⁴துகாமோ பி⁴க்கு² யங் அதி⁴கரணங் அத்தனா ஆதி³யதி, தங் அத்தாதா³னந்தி வுச்சதி. அகாலோ இமங் அத்தாதா³னங் ஆதா³துந்தி எத்த² ராஜப⁴யங் சோரப⁴யங் து³ப்³பி⁴க்க²ப⁴யங் வஸ்ஸாரத்தோதி அயங் அகாலோ, விபரீதோ காலோ.
அபூ⁴தங் இத³ங் அத்தாதா³னந்தி அஸந்தமித³ங், மயா அத⁴ம்மோ வா த⁴ம்மோதி, த⁴ம்மோ வா அத⁴ம்மோதி, அவினயோ வா வினயோதி, வினயோ வா அவினயோதி, து³ஸ்ஸீலோ வா புக்³க³லோ ஸீலவாதி, ஸீலவா வா து³ஸ்ஸீலோதி க³ஹிதோதி அத்தோ²; விபரியாயேன பூ⁴தங் வேதி³தப்³ப³ங். அனத்த²ஸங்ஹிதங் இத³ங் அத்தாதா³னந்தி எத்த²
ந லபி⁴ஸ்ஸாமி ஸந்தி³ட்டே² ஸம்ப⁴த்தே பி⁴க்கூ²தி அப்பேகதா³ ஹி ராஜப⁴யாதீ³ஸு ஏவரூபா அத்தனோ பக்க²ஸ்ஸ உபத்த²ம்ப⁴கா பி⁴க்கூ² லத்³து⁴ங் ந ஸக்கா ஹொந்தி, தங் ஸந்தா⁴ய வுத்தங் ‘‘ந லபி⁴ஸ்ஸாமீ’’தி
ப⁴விஸ்ஸதி ஸங்க⁴ஸ்ஸ ததோனிதா³னங் ப⁴ண்ட³னந்தி கோஸம்ப³கானங் விய ப⁴ண்ட³னங் கலஹோ விக்³க³ஹோ விவாதோ³ ஸங்க⁴பே⁴தோ³ ச ப⁴விஸ்ஸதீதி. பச்சா²பி அவிப்படிஸாரகரங் ப⁴விஸ்ஸதீதி ஸுப⁴த்³த³ங் வுட்³ட⁴பப்³ப³ஜிதங் நிக்³க³ஹெத்வா பஞ்சஸதிகஸங்கீ³திங் கரொந்தஸ்ஸ மஹாகஸ்ஸபத்தே²ரஸ்ஸேவ, த³ஸவத்து²கே அதி⁴கரணே த³ஸபி⁴க்கு²ஸஹஸ்ஸானி நிக்³க³ஹெத்வா ஸத்தஸதிகஸங்கீ³திங் கரொந்தஸ்ஸ ஆயஸ்மதோ யஸஸ்ஸேவ, ஸட்டி²பி⁴க்கு²ஸஹஸ்ஸானி நிக்³க³ஹெத்வா ஸஹஸ்ஸிகஸங்கீ³திங் கரொந்தஸ்ஸ மொக்³க³லிபுத்ததிஸ்ஸத்தே²ரஸ்ஸேவ ச பச்சா²
அத்தாதா³னஅங்க³கதா² நிட்டி²தா.
சோத³கேனபச்சவெக்கி²தப்³ப³த⁴ம்மகதா²
399. அச்சி²த்³தே³ன அப்படிமங்ஸேனாதிஆதீ³ஸு யேன க³ஹட்ட²பப்³ப³ஜிதேஸு யோ கோசி பஹடோ வா ஹோதி, கி³ஹீனங் க³ண்ட³பா²லனாதீ³னி வேஜ்ஜகம்மானி வா கதானி, தஸ்ஸ காயஸமாசாரோ உபசிகாஹி கா²யிததாலபண்ணமிவ சி²த்³தோ³ ச படிமாஸிதுங் யத்த² கத்த²சி க³ஹெத்வா ஆகட்³டி⁴துங் ஸக்குணெய்யதாய ஸப்படிமங்ஸோ ச ஹோதி, விபரீதோ அச்சி²த்³தோ³ அப்படிமங்ஸோதி வேதி³தப்³போ³தி. வசீஸமாசாரோ பன முஸாவாத³ஓமஸவாத³பேஸுஞ்ஞஅமூலகானுத்³த⁴ங்ஸனாதீ³ஹி சி²த்³தோ³ ச ஸப்படிமங்ஸோ ச ஹோதி, விபரீதோ அச்சி²த்³தோ³ அப்படிமங்ஸோ.
மெத்தங் நு கோ² மே சித்தந்தி பலிபோ³தே⁴ சி²ந்தி³த்வா கம்மட்டா²னபா⁴வனானுயோகே³ன அதி⁴க³தங் மெத்தசித்தங். அனாகா⁴தந்தி ஆகா⁴தவிரஹிதங், விக்க²ம்ப⁴னவஸேன விஹதாகா⁴தந்தி அத்தோ². இத³ங் பனாவுஸோ கத்த² வுத்தங் ப⁴க³வதாதி இத³ங் ஸிக்கா²பத³ங் கதரஸ்மிங் நக³ரே வுத்தந்தி அத்தோ².
சோத³கேனபச்சவெக்கி²தப்³ப³த⁴ம்மகதா² நிட்டி²தா.
சோத³கேனஉபட்டா²பேதப்³ப³கதா²
400. காலேன வக்கா²மீதிஆதீ³ஸு ஏகோ ஏகங் ஓகாஸங் காரெத்வா சோதெ³ந்தோ காலேன வத³தி நாம. ஸங்க⁴மஜ்ஜ²க³ணமஜ்ஜ²ஸலாகக்³க³யாகு³அக்³க³விதக்கமாளகபி⁴க்கா²சாரமக்³க³ஆஸனஸாலாதீ³ஸு உபட்டா²கேஹி பரிவாரிதக்க²ணே வா சோதெ³ந்தோ அகாலேன வத³தி நாம. தச்சே²ன வத³ந்தோ பூ⁴தேன வத³தி நாம. ‘‘அம்போ⁴ மஹல்லக, பரிஸாவசர, பங்ஸுகூலிக, த⁴ம்மகதி²க, பதிரூபங் தவ இத³’’ந்தி வத³ந்தோ ப²ருஸேன வத³தி நாம. காரணனிஸ்ஸிதங் பன கத்வா ‘‘ப⁴ந்தே மஹல்லகத்த², பரிஸாவசரா, பங்ஸுகூலிகா, த⁴ம்மகதி²கத்த², பதிரூபங் தும்ஹாகங் இத³’’ந்தி வத³ந்தோ ஸண்ஹேன வத³தி நாம. காரணனிஸ்ஸிதங் கத்வா வத³ந்தோ அத்த²ஸங்ஹிதேன வத³தி நாம. மெத்தசித்தோ வக்கா²மி நோ தோ³ஸந்தரோதி மெத்தசித்தங் உபட்ட²பெத்வா வக்கா²மி, ந து³ட்ட²சித்தோ ஹுத்வா.
சோத³கேனஉபட்டா²பேதப்³ப³கதா² நிட்டி²தா.
சோத³கசுதி³தகபடிஸங்யுத்தகதா²
401. அஜ்ஜ²த்தங் மனஸிகரித்வாதி அத்தனோ சித்தே உப்பாதெ³த்வா. காருஞ்ஞதாதி கருணாபா⁴வோ. இமினா கருணஞ்ச கருணாபுப்³ப³பா⁴க³ஞ்ச த³ஸ்ஸேதி. ஹிதேஸிதாதி ஹிதக³வேஸனதா. அனுகம்பிதாதி தேன ஹிதேன ஸங்யோஜனதா. த்³வீஹிபி மெத்தஞ்ச மெத்தாபுப்³ப³பா⁴க³ஞ்ச த³ஸ்ஸேதி. ஆபத்திவுட்டா²னதாதி ஆபத்திதோ வுட்டா²பெத்வா ஸுத்³த⁴ந்தே பதிட்டா²பனா. வத்து²ங் சோதெ³த்வா ஸாரெத்வா படிஞ்ஞங் ஆரோபெத்வா யதா²படிஞ்ஞாய கம்மகரணங் வினயபுரெக்கா²ரதா நாம. இமே பஞ்ச த⁴ம்மேதி யே ஏதே காருஞ்ஞதாதிஆதி³னா நயேன வுத்தா, இமே பஞ்ச த⁴ம்மே அஜ்ஜ²த்தங் மனஸி கரித்வா பரோ சோதே³தப்³போ³தி.
ஸச்சே ச அகுப்பே சாதி வசீஸச்சே ச அகுப்பனதாய ச. சுதி³தகேன ஹி ஸச்சஞ்ச வத்தப்³ப³ங், கோபோ ச ந காதப்³போ³. நேவ அத்தனா குஜ்ஜி²தப்³போ³, ந பரோ க⁴ட்டேதப்³போ³தி அத்தோ². ஸேஸங் ஸப்³ப³த்த² உத்தானமேவாதி.
சோத³கசுதி³தகபடிஸங்யுத்தகதா² நிட்டி²தா.
பாதிமொக்க²ட்ட²பனக்க²ந்த⁴கவண்ணனா நிட்டி²தா.