ஏகுத்தரிகனயோ
1. ஏககவாரோ
321. ஆபத்திகரா த⁴ம்மா ஜானிதப்³பா³. அனாபத்திகரா த⁴ம்மா ஜானிதப்³பா³. ஆபத்தி ஜானிதப்³பா³. அனாபத்தி ஜானிதப்³பா³. லஹுகா ஆபத்தி ஜானிதப்³பா³. க³ருகா ஆபத்தி ஜானிதப்³பா³. ஸாவஸேஸா ஆபத்தி ஜானிதப்³பா³. அனவஸேஸா ஆபத்தி ஜானிதப்³பா³. து³ட்டு²ல்லா ஆபத்தி ஜானிதப்³பா³. அது³ட்டு²ல்லா ஆபத்தி ஜானிதப்³பா³. ஸப்படிகம்மா ஆபத்தி ஜானிதப்³பா³. அப்படிகம்மா ஆபத்தி ஜானிதப்³பா³. தே³ஸனாகா³மினீ ஆபத்தி ஜானிதப்³பா³. அதே³ஸனாகா³மினீ ஆபத்தி ஜானிதப்³பா³. அந்தராயிகா ஆபத்தி ஜானிதப்³பா³. அனந்தராயிகா ஆபத்தி ஜானிதப்³பா³. ஸாவஜ்ஜபஞ்ஞத்தி ஆபத்தி ஜானிதப்³பா³. அனவஜ்ஜபஞ்ஞத்தி ஆபத்தி ஜானிதப்³பா³. கிரியதோ ஸமுட்டி²தா ஆபத்தி ஜானிதப்³பா³. அகிரியதோ ஸமுட்டி²தா ஆபத்தி ஜானிதப்³பா³. கிரியாகிரியதோ ஸமுட்டி²தா ஆபத்தி ஜானிதப்³பா³. புப்³பா³பத்தி ஜானிதப்³பா³. அபராபத்தி ஜானிதப்³பா³. புப்³பா³பத்தீனங் அந்தராபத்தி ஜானிதப்³பா³. அபராபத்தீனங் அந்தராபத்தி ஜானிதப்³பா³. தே³ஸிதா க³ணனூபகா³ ஆபத்தி ஜானிதப்³பா³. தே³ஸிதா ந க³ணனூபகா³ ஆபத்தி ஜானிதப்³பா³. பஞ்ஞத்தி ஜானிதப்³பா³. அனுபஞ்ஞத்தி ஜானிதப்³பா³. அனுப்பன்னபஞ்ஞத்தி ஜானிதப்³பா³. ஸப்³ப³த்த²பஞ்ஞத்தி ஜானிதப்³பா³. பதே³ஸபஞ்ஞத்தி ஜானிதப்³பா³. ஸாதா⁴ரணபஞ்ஞத்தி ஜானிதப்³பா³ . அஸாதா⁴ரணபஞ்ஞத்தி ஜானிதப்³பா³. ஏகதோபஞ்ஞத்தி ஜானிதப்³பா³. உப⁴தோபஞ்ஞத்தி ஜானிதப்³பா³. து²ல்லவஜ்ஜா ஆபத்தி ஜானிதப்³பா³. அது²ல்லவஜ்ஜா ஆபத்தி ஜானிதப்³பா³. கி³ஹிபடிஸங்யுத்தா ஆபத்தி ஜானிதப்³பா³. ந கி³ஹிபடிஸங்யுத்தா ஆபத்தி ஜானிதப்³பா³. நியதா ஆபத்தி ஜானிதப்³பா³. அனியதா ஆபத்தி ஜானிதப்³பா³. ஆதி³கரோ புக்³க³லோ ஜானிதப்³போ³. அனாதி³கரோ புக்³க³லோ ஜானிதப்³போ³. அதி⁴ச்சாபத்திகோ புக்³க³லோ ஜானிதப்³போ³. அபி⁴ண்ஹாபத்திகோ புக்³க³லோ ஜானிதப்³போ³. சோத³கோ புக்³க³லோ ஜானிதப்³போ³. சுதி³தகோ புக்³க³லோ ஜானிதப்³போ³. அத⁴ம்மசோத³கோ புக்³க³லோ ஜானிதப்³போ³. அத⁴ம்மசுதி³தகோ புக்³க³லோ ஜானிதப்³போ³. த⁴ம்மசோத³கோ புக்³க³லோ ஜானிதப்³போ³. த⁴ம்மசுதி³தகோ புக்³க³லோ ஜானிதப்³போ³ . நியதோ புக்³க³லோ ஜானிதப்³போ³. அனியதோ புக்³க³லோ ஜானிதப்³போ³. அப⁴ப்³பா³பத்திகோ புக்³க³லோ ஜானிதப்³போ³. ப⁴ப்³பா³பத்திகோ புக்³க³லோ ஜானிதப்³போ³. உக்கி²த்தகோ புக்³க³லோ ஜானிதப்³போ³. அனுக்கி²த்தகோ புக்³க³லோ ஜானிதப்³போ³. நாஸிதகோ புக்³க³லோ ஜானிதப்³போ³. அனாஸிதகோ புக்³க³லோ ஜானிதப்³போ³. ஸமானஸங்வாஸகோ புக்³க³லோ ஜானிதப்³போ³. அஸமானஸங்வாஸகோ புக்³க³லோ ஜானிதப்³போ³. ட²பனங் ஜானிதப்³ப³ந்தி.
ஏககங் நிட்டி²தங்.
தஸ்ஸுத்³தா³னங் –
கரா ஆபத்தி லஹுகா, ஸாவஸேஸா ச து³ட்டு²ல்லா;
படிகம்மதே³ஸனா ச, அந்தரா வஜ்ஜகிரியங்.
கிரியாகிரியங் புப்³பா³, அந்தரா க³ணனூபகா³;
பஞ்ஞத்தி அனானுப்பன்ன, ஸப்³ப³ஸாதா⁴ரணா ச ஏகதோ பஞ்ஞத்தானுப்பன்னா ஸப்³பா³, ஸாதா⁴ரணா ச ஏகதோ (ஸ்யா॰).
து²ல்லகி³ஹினியதா ச, ஆதி³ அதி⁴ச்சசோத³கோ;
அத⁴ம்மத⁴ம்மனியதோ, அப⁴ப்³பொ³க்கி²த்தனாஸிதா;
ஸமானங் ட²பனஞ்சேவ, உத்³தா³னங் ஏககே இத³ந்தி.
2. து³கவாரோ
322. அத்தா²பத்தி ஸஞ்ஞா விமொக்கா², அத்தா²பத்தி நோ ஸஞ்ஞாவிமொக்கா². அத்தா²பத்தி லத்³த⁴ஸமாபத்திகஸ்ஸ, அத்தா²பத்தி ந லத்³த⁴ஸமாபத்திகஸ்ஸ. அத்தா²பத்தி ஸத்³த⁴ம்மபடிஸஞ்ஞுத்தா, அத்தா²பத்தி அஸத்³த⁴ம்மபடிஸஞ்ஞுத்தா. அத்தா²பத்தி ஸபரிக்கா²ரபடிஸஞ்ஞுத்தா, அத்தா²பத்தி பரபரிக்கா²ரபடிஸஞ்ஞுத்தா. அத்தா²பத்தி ஸபுக்³க³லபடிஸஞ்ஞுத்தா, அத்தா²பத்தி பரபுக்³க³லபடிஸஞ்ஞுத்தா. அத்தி² ஸச்சங் ப⁴ணந்தோ க³ருகங் ஆபத்திங் ஆபஜ்ஜதி, முஸா ப⁴ணந்தோ லஹுகங். அத்தி² முஸா ப⁴ணந்தோ க³ருகங் ஆபத்திங் ஆபஜ்ஜதி, ஸச்சங் ப⁴ணந்தோ லஹுகங். அத்தா²பத்தி பூ⁴மிக³தோ ஆபஜ்ஜதி, நோ வேஹாஸக³தோ. அத்தா²பத்தி வேஹாஸக³தோ ஆபஜ்ஜதி, நோ பூ⁴மிக³தோ. அத்தா²பத்தி நிக்க²மந்தோ ஆபஜ்ஜதி, நோ பவிஸந்தோ. அத்தா²பத்தி பவிஸந்தோ ஆபஜ்ஜதி, நோ நிக்க²மந்தோ. அத்தா²பத்தி ஆதி³யந்தோ ஆபஜ்ஜதி, அத்தா²பத்தி அனாதி³யந்தோ ஆபஜ்ஜதி. அத்தா²பத்தி ஸமாதி³யந்தோ ஆபஜ்ஜதி , அத்தா²பத்தி ந ஸமாதி³யந்தோ ஆபஜ்ஜதி. அத்தா²பத்தி கரொந்தோ ஆபஜ்ஜதி, அத்தா²பத்தி ந கரொந்தோ ஆபஜ்ஜதி. அத்தா²பத்தி தெ³ந்தோ ஆபஜ்ஜதி, அத்தா²பத்தி ந தெ³ந்தோ ஆபஜ்ஜதி. (அத்தா²பத்தி தே³ஸெந்தோ ஆபஜ்ஜதி, அத்தா²பத்தி ந தே³ஸெந்தோ ஆபஜ்ஜதி.) ( ) (நத்தி² கத்த²சி) அத்தா²பத்தி படிக்³க³ண்ஹந்தோ ஆபஜ்ஜதி, அத்தா²பத்தி ந படிக்³க³ண்ஹந்தோ ஆபஜ்ஜதி. அத்தா²பத்தி பரிபோ⁴கே³ன ஆபஜ்ஜதி, அத்தா²பத்தி ந பரிபோ⁴கே³ன ஆபஜ்ஜதி. அத்தா²பத்தி ரத்திங் ஆபஜ்ஜதி, நோ தி³வா. அத்தா²பத்தி தி³வா ஆபஜ்ஜதி, நோ ரத்திங். அத்தா²பத்தி அருணுக்³கே³ ஆபஜ்ஜதி, அத்தா²பத்தி ந அருணுக்³கே³ ஆபஜ்ஜதி. அத்தா²பத்தி சி²ந்த³ந்தோ ஆபஜ்ஜதி, அத்தா²பத்தி ந சி²ந்த³ந்தோ ஆபஜ்ஜதி. அத்தா²பத்தி சா²தெ³ந்தோ ஆபஜ்ஜதி, அத்தா²பத்தி ந சா²தெ³ந்தோ ஆபஜ்ஜதி. அத்தா²பத்தி தா⁴ரெந்தோ ஆபஜ்ஜதி, அத்தா²பத்தி ந தா⁴ரெந்தோ ஆபஜ்ஜதி.
த்³வே உபோஸதா² – சாதுத்³த³ஸிகோ ச பன்னரஸிகோ ச. த்³வே பவாரணா – சாதுத்³த³ஸிகா ச பன்னரஸிகா ச. த்³வே கம்மானி – அபலோகனகம்மங், ஞத்திகம்மங். அபரானிபி த்³வே கம்மானி – ஞத்திது³தியகம்மங், ஞத்திசதுத்த²கம்மங். த்³வே கம்மவத்தூ²னி – அபலோகனகம்மஸ்ஸ வத்து², ஞத்திகம்மஸ்ஸ வத்து². அபரானிபி த்³வே கம்மவத்தூ²னி – ஞத்திது³தியகம்மஸ்ஸ வத்து², ஞத்திசதுத்த²கம்மஸ்ஸ வத்து². த்³வே கம்மதோ³ஸா – அபலோகனகம்மஸ்ஸ தோ³ஸோ, ஞத்திகம்மஸ்ஸ தோ³ஸோ. அபரேபி த்³வே கம்மதோ³ஸா – ஞத்திது³தியகம்மஸ்ஸ தோ³ஸோ, ஞத்திசதுத்த²கம்மஸ்ஸ தோ³ஸோ. த்³வே கம்மஸம்பத்தியோ – அபலோகனகம்மஸ்ஸ ஸம்பத்தி, ஞத்திகம்மஸ்ஸ ஸம்பத்தி. அபராபி த்³வே கம்மஸம்பத்தியோ – ஞத்திது³தியகம்மஸ்ஸ ஸம்பத்தி, ஞத்திசதுத்த²கம்மஸ்ஸ ஸம்பத்தி. த்³வே நானாஸங்வாஸகபூ⁴மியோ – அத்தனா வா அத்தானங் நானாஸங்வாஸகங் கரோதி, ஸமக்³கோ³ வா நங் ஸங்கோ⁴ உக்கி²பதி அத³ஸ்ஸனே வா அப்படிகம்மே வா அப்படினிஸ்ஸக்³கே³ வா. த்³வே ஸமானஸங்வாஸகபூ⁴மியோ – அத்தனா வா அத்தானங் ஸமானஸங்வாஸகங் கரோதி, ஸமக்³கோ³ வா நங் ஸங்கோ⁴ உக்கி²த்தங் ஓஸாரேதி த³ஸ்ஸனே வா படிகம்மே வா படினிஸ்ஸக்³கே³ வா. த்³வே பாராஜிகா – பி⁴க்கூ²னஞ்ச பி⁴க்கு²னீனஞ்ச. த்³வே ஸங்கா⁴தி³ஸேஸா, த்³வே து²ல்லச்சயா, த்³வே பாசித்தியா, த்³வே பாடிதே³ஸனீயா, த்³வே து³க்கடா, த்³வே து³ப்³பா⁴ஸிதா – பி⁴க்கூ²னஞ்ச பி⁴க்கு²னீனஞ்ச. ஸத்த ஆபத்தியோ, ஸத்த ஆபத்திக்க²ந்தா⁴. த்³வீஹாகாரேஹி ஸங்கோ⁴ பி⁴ஜ்ஜதி – கம்மேன வா ஸலாகக்³கா³ஹேன வா.
த்³வே புக்³க³லா ந உபஸம்பாதே³தப்³பா³ – அத்³தா⁴னஹீனோ, அங்க³ஹீனோ. அபரேபி த்³வே புக்³க³லா ந உபஸம்பாதே³தப்³பா³ – வத்து²விபன்னோ, கரணது³க்கடகோ. அபரேபி த்³வே புக்³க³லா ந உபஸம்பாதே³தப்³பா³ – அபரிபூரோ பரிபூரோ நோ ச யாசதி. த்³வின்னங் புக்³க³லானங் நிஸ்ஸாய ந வத்த²ப்³ப³ங் – அலஜ்ஜிஸ்ஸ ச பா³லஸ்ஸ ச. த்³வின்னங் புக்³க³லானங் நிஸ்ஸயோ ந தா³தப்³போ³ – அலஜ்ஜிஸ்ஸ ச லஜ்ஜினோ ச ந யாசதி. த்³வின்னங் புக்³க³லானங் நிஸ்ஸயோ தா³தப்³போ³ – பா³லஸ்ஸ ச லஜ்ஜிஸ்ஸ ச யாசதி. த்³வே புக்³க³லா அப⁴ப்³பா³ ஆபத்திங் ஆபஜ்ஜிதுங் – பு³த்³தா⁴ ச பச்சேகபு³த்³தா⁴ ச. த்³வே புக்³க³லா ப⁴ப்³பா³, ஆபத்திங் ஆபஜ்ஜிதுங் – பி⁴க்கூ² ச பி⁴க்கு²னியோ ச. த்³வே புக்³க³லா அப⁴ப்³பா³ ஸஞ்சிச்ச ஆபத்திங் ஆபஜ்ஜிதுங் – பி⁴க்கூ² ச பி⁴க்கு²னியோ ச அரியபுக்³க³லா. த்³வே புக்³க³லா ப⁴ப்³பா³ ஸஞ்சிச்ச ஆபத்திங் ஆபஜ்ஜிதுங் – பி⁴க்கூ² ச பி⁴க்கு²னியோ ச புது²ஜ்ஜனா. த்³வே புக்³க³லா அப⁴ப்³பா³ ஸஞ்சிச்ச ஸாதிஸாரங் வத்து²ங் அஜ்ஜா²சரிதுங் – பி⁴க்கூ² ச பி⁴க்கு²னியோ ச அரியபுக்³க³லா. த்³வே புக்³க³லா ப⁴ப்³பா³ ஸஞ்சிச்ச ஸாதிஸாரங் வத்து²ங் அஜ்ஜா²சரிதுங் – பி⁴க்கூ² ச பி⁴க்கு²னியோ ச புது²ஜ்ஜனா.
த்³வே படிக்கோஸா – காயேன வா படிக்கோஸதி வாசாய வா படிக்கோஸதி. த்³வே நிஸ்ஸாரணா – அத்தி² புக்³க³லோ அப்பத்தோ நிஸ்ஸாரணங் தங் சே ஸங்கோ⁴ நிஸ்ஸாரேதி ஏகச்சோ ஸுனிஸ்ஸாரிதோ, ஏகச்சோ து³ன்னிஸ்ஸாரிதோ. த்³வே ஓஸாரணா – அத்தி² புக்³க³லோ அப்பத்தோ ஓஸாரணங் தங் சே ஸங்கோ⁴ ஓஸாரேதி ஏகச்சோ ஸோஸாரிதோ, ஏகச்சோ தோ³ஸாரிதோ. த்³வே படிஞ்ஞா – காயேன வா படிஜானாதி வாசாய வா படிஜானாதி. த்³வே படிக்³க³ஹா – காயேன வா படிக்³க³ண்ஹாதி காயபடிப³த்³தே⁴ன வா படிக்³க³ண்ஹாதி. த்³வே படிக்கே²பா – காயேன வா படிக்கி²பதி வாசாய வா படிக்கி²பதி. த்³வே உபகா⁴திகா – ஸிக்கூ²பகா⁴திகா ச போ⁴கூ³பகா⁴திகா ச. த்³வே சோத³னா – காயேன வா சோதே³தி வாசாய வா சோதே³தி. த்³வே கதி²னஸ்ஸ பலிபோ³தா⁴ – ஆவாஸபலிபோ³தோ⁴ ச சீவரபலிபோ³தோ⁴ ச. த்³வே கதி²னஸ்ஸ அபலிபோ³தா⁴ – ஆவாஸஅபலிபோ³தோ⁴ ச சீவரஅபலிபோ³தோ⁴ ச. த்³வே சீவரானி – க³ஹபதிகஞ்ச பங்ஸுகூலஞ்ச. த்³வே பத்தா – அயோபத்தோ மத்திகாபத்தோ. த்³வே மண்ட³லானி – திபுமயங், ஸீஸமயங். த்³வே பத்தஸ்ஸ அதி⁴ட்டா²னா – காயேன வா அதி⁴ட்டே²தி வாசாய வா அதி⁴ட்டே²தி. த்³வே சீவரஸ்ஸ அதி⁴ட்டா²னா – காயேன வா அதி⁴ட்டே²தி வாசாய வா அதி⁴ட்டே²தி. த்³வே விகப்பனா – ஸம்முகா²விகப்பனா ச பரம்முகா²விகப்பனா ச. த்³வே வினயா – பி⁴க்கூ²னஞ்ச பி⁴க்கு²னீனஞ்ச. த்³வே வேனயிகா – பஞ்ஞத்தஞ்ச பஞ்ஞத்தானுலோமஞ்ச. த்³வே வினயஸ்ஸ ஸல்லேகா² – அகப்பியே ஸேதுகா⁴தோ, கப்பியே மத்தகாரிதா. த்³வீஹாகாரேஹி ஆபத்திங் ஆபஜ்ஜதி – காயேன வா ஆபஜ்ஜதி வாசாய வா ஆபஜ்ஜதி. த்³வீஹாகாரேஹி ஆபத்தியா வுட்டா²தி – காயேன வா வுட்டா²தி வாசாய வா வுட்டா²தி. த்³வே பரிவாஸா – படிச்ச²ன்னபரிவாஸோ, அப்படிச்ச²ன்னபரிவாஸோ. அபரேபி த்³வே பரிவாஸா – ஸுத்³த⁴ந்தபரிவாஸோ ஸமோதா⁴னபரிவாஸோ. த்³வே மானத்தா – படிச்ச²ன்னமானத்தங், அப்படிச்ச²ன்னமானத்தங். அபரேபி த்³வே மானத்தா – பக்க²மானத்தங், ஸமோதா⁴னமானத்தங். த்³வின்னங் புக்³க³லானங் ரத்திச்சே²தோ³ – பாரிவாஸிகஸ்ஸ ச மானத்தசாரிகஸ்ஸ ச. த்³வே அனாத³ரியானி – புக்³க³லானாத³ரியஞ்ச த⁴ம்மானாத³ரியஞ்ச. த்³வே லோணானி – ஜாதிமஞ்ச காரிமஞ்ச ஜாதிமயஞ்ச கா²ரிமயஞ்ச (ஸ்யா॰). அபரானிபி த்³வே லோணானி – ஸாமுத்³த³ங் காளலோணங். அபரானிபி த்³வே லோணானி – ஸிந்த⁴வங், உப்³பி⁴த³ங் உப்³பி⁴ரங் (இதிபி). அபரானிபி த்³வே லோணானி – ரோமகங், பக்காலகங். த்³வே பரிபோ⁴கா³ – அப்³ப⁴ந்தரபரிபோ⁴கோ³ ச பா³ஹிரபரிபோ⁴கோ³ ச. த்³வே அக்கோஸா – ஹீனோ ச அக்கோஸோ உக்கட்டோ² ச அக்கோஸோ. த்³வீஹாகாரேஹி பேஸுஞ்ஞங் ஹோதி – பியகம்யஸ்ஸ வா பே⁴தா³தி⁴ப்பாயஸ்ஸ வா. த்³வீஹாகாரேஹி க³ணபோ⁴ஜனங் பஸவதி – நிமந்தனதோ வா விஞ்ஞத்திதோ வா. த்³வே வஸ்ஸூபனாயிகா – புரிமிகா, பச்சி²மிகா. த்³வே அத⁴ம்மிகானி பாதிமொக்க²ட்ட²பனானி. த்³வே த⁴ம்மிகானி பாதிமொக்க²ட்ட²பனானி.
அ॰ நி॰ 2.99 ஆத³யோ த்³வே புக்³க³லா பா³லா – யோ ச அனாக³தங் பா⁴ரங் வஹதி, யோ ச ஆக³தங் பா⁴ரங் ந வஹதி. த்³வே புக்³க³லா பண்டி³தா – யோ ச அனாக³தங் பா⁴ரங் ந வஹதி, யோ ச ஆக³தங் பா⁴ரங் வஹதி. அபரேபி த்³வே புக்³க³லா பா³லா – யோ ச அகப்பியே கப்பியஸஞ்ஞீ, யோ ச கப்பியே அகப்பியஸஞ்ஞீ. த்³வே புக்³க³லா பண்டி³தா – யோ ச அகப்பியே அகப்பியஸஞ்ஞீ, யோ ச கப்பியே கப்பியஸஞ்ஞீ. அபரேபி த்³வே புக்³க³லா பா³லா – யோ ச அனாபத்தியா ஆபத்திஸஞ்ஞீ, யோ ச ஆபத்தியா அனாபத்திஸஞ்ஞீ. த்³வே புக்³க³லா பண்டி³தா – யோ ச ஆபத்தியா ஆபத்திஸஞ்ஞீ, யோ ச அனாபத்தியா அனாபத்திஸஞ்ஞீ. அபரேபி த்³வே புக்³க³லா பா³லா – யோ ச அத⁴ம்மே த⁴ம்மஸஞ்ஞீ, யோ ச த⁴ம்மே அத⁴ம்மஸஞ்ஞீ. த்³வே புக்³க³லா பண்டி³தா – யோ ச அத⁴ம்மே அத⁴ம்மஸஞ்ஞீ, யோ ச த⁴ம்மே த⁴ம்மஸஞ்ஞீ. அபரேபி த்³வே புக்³க³லா பா³லா – யோ ச அவினயே வினயஸஞ்ஞீ, யோ ச வினயே அவினயஸஞ்ஞீ. த்³வே புக்³க³லா பண்டி³தா – யோ ச அவினயே அவினயஸஞ்ஞீ, யோ ச வினயே வினயஸஞ்ஞீ.
அ॰ நி॰ 2.109 த்³வின்னங் புக்³க³லானங் ஆஸவா வட்³ட⁴ந்தி – யோ ச ந குக்குச்சாயிதப்³ப³ங் குக்குச்சாயதி, யோ ச குக்குச்சாயிதப்³ப³ங் குக்குச்சாயதி. த்³வின்னங் புக்³க³லானங் ஆஸவா ந வட்³ட⁴ந்தி – யோ ச குக்குச்சாயிதப்³ப³ங் ந குக்குச்சாயதி, யோ ச குக்குச்சாயிதப்³ப³ங் குக்குச்சாயதி. அபரேஸம்பி த்³வின்னங் புக்³க³லானங் ஆஸவா வட்³ட⁴ந்தி – யோ ச அகப்பியே கப்பியஸஞ்ஞீ, யோ ச கப்பியே அகப்பியஸஞ்ஞீ. த்³வின்னங் புக்³க³லானங் ஆஸவா ந வட்³ட⁴ந்தி – யோ ச அகப்பியே அகப்பியஸஞ்ஞீ, யோ ச கப்பியே கப்பியஸஞ்ஞீ. அபரேஸம்பி த்³வின்னங் புக்³க³லானங் ஆஸவா வட்³ட⁴ந்தி – யோ ச அனாபத்தியா ஆபத்திஸஞ்ஞீ, யோ ச ஆபத்தியா அனாபத்திஸஞ்ஞீ. த்³வின்னங் புக்³க³லானங் ஆஸவா ந வட்³ட⁴ந்தி – யோ ச அனாபத்தியா அனாபத்திஸஞ்ஞீ, யோ ச ஆபத்தியா ஆபத்திஸஞ்ஞீ. அபரேஸம்பி த்³வின்னங் புக்³க³லானங் ஆஸவா வட்³ட⁴ந்தி – யோ ச அத⁴ம்மே த⁴ம்மஸஞ்ஞீ, யோ ச த⁴ம்மே அத⁴ம்மஸஞ்ஞீ. த்³வின்னங் புக்³க³லானங் ஆஸவா ந வட்³ட⁴ந்தி – யோ ச அத⁴ம்மே அத⁴ம்மஸஞ்ஞீ, யோ ச த⁴ம்மே த⁴ம்மஸஞ்ஞீ. அபரேஸம்பி த்³வின்னங் புக்³க³லானங் ஆஸவா வட்³ட⁴ந்தி – யோ ச அவினயே வினயஸஞ்ஞீ, யோ ச வினயே அவினயஸஞ்ஞீ. த்³வின்னங் புக்³க³லானங் ஆஸவா ந வட்³ட⁴ந்தி – யோ ச அவினயே அவினயஸஞ்ஞீ, யோ ச வினயே வினயஸஞ்ஞீ.
து³கா நிட்டி²தா.
தஸ்ஸுத்³தா³னங் –
ஸஞ்ஞா லத்³தா⁴ ச ஸத்³த⁴ம்மா, பரிக்கா²ரா ச புக்³க³லா;
ஸச்சங் பூ⁴மி நிக்க²மந்தோ, ஆதி³யந்தோ ஸமாதி³யங்.
கரொந்தோ தெ³ந்தோ க³ண்ஹந்தோ, பரிபோ⁴கே³ன ரத்தி ச;
அருணாசி²ந்த³ங் சா²தெ³ந்தோ, தா⁴ரெந்தோ ச உபோஸதா².
பவாரணா கம்மாபரா, வத்து² அபரா தோ³ஸா ச;
அபரா த்³வே ச ஸம்பத்தி, நானா ஸமானமேவ ச.
பாராஜிஸங்க⁴து²ல்லச்சய, பாசித்தி பாடிதே³ஸனா;
து³க்கடா து³ப்³பா⁴ஸிதா சேவ, ஸத்த ஆபத்திக்க²ந்தா⁴ ச.
பி⁴ஜ்ஜதி உபஸம்பதா³, ததே²வ அபரே து³வே;
ந வத்த²ப்³ப³ங் ந தா³தப்³ப³ங், அப⁴ப்³பா³ப⁴ப்³ப³மேவ ச.
ஸஞ்சிச்ச ஸாதிஸாரா ச, படிக்கோஸா நிஸ்ஸாரணா;
ஓஸாரணா படிஞ்ஞா ச, படிக்³க³ஹா படிக்கி²பா.
உபகா⁴தி சோத³னா ச, கதி²னா ச து³வே ததா²;
சீவரா பத்தமண்ட³லா, அதி⁴ட்டா²னா ததே²வ த்³வே.
விகப்பனா ச வினயா, வேனயிகா ச ஸல்லேகா²;
ஆபஜ்ஜதி ச வுட்டா²தி, பரிவாஸாபரே து³வே.
த்³வே மானத்தா அபரே ச, ரத்திச்சே²தோ³ அனாத³ரி;
த்³வே லோணா தயோ அபரே, பரிபோ⁴க³க்கோஸேன ச.
பேஸுஞ்ஞோ ச க³ணாவஸ்ஸ, ட²பனா பா⁴ரகப்பியங்;
அனாபத்தி அத⁴ம்மத⁴ம்மா, வினயே ஆஸவே ததா²தி.
3. திகவாரோ
323. அத்தா²பத்தி திட்ட²ந்தே ப⁴க³வதி ஆபஜ்ஜதி, நோ பரினிப்³பு³தே; அத்தா²பத்தி பரினிப்³பு³தே ப⁴க³வதி ஆபஜ்ஜதி, நோ திட்ட²ந்தே; அத்தா²பத்தி திட்ட²ந்தேபி ப⁴க³வதி ஆபஜ்ஜதி பரினிப்³பு³தேபி. அத்தா²பத்தி காலே ஆபஜ்ஜதி, நோ விகாலே; அத்தா²பத்தி விகாலே ஆபஜ்ஜதி, நோ காலே; அத்தா²பத்தி காலே சேவ ஆபஜ்ஜதி விகாலே ச. அத்தா²பத்தி ரத்திங் ஆபஜ்ஜதி, நோ தி³வா; அத்தா²பத்தி தி³வா ஆபஜ்ஜதி, நோ ரத்திங்; அத்தா²பத்தி ரத்திஞ்சேவ ஆபஜ்ஜதி தி³வா ச. அத்தா²பத்தி த³ஸவஸ்ஸோ ஆபஜ்ஜதி, நோ ஊனத³ஸவஸ்ஸோ; அத்தா²பத்தி ஊனத³ஸவஸ்ஸோ ஆபஜ்ஜதி, நோ த³ஸவஸ்ஸோ; அத்தா²பத்தி த³ஸவஸ்ஸோ சேவ ஆபஜ்ஜதி ஊனத³ஸவஸ்ஸோ ச. அத்தா²பத்தி பஞ்சவஸ்ஸோ ஆபஜ்ஜதி, நோ ஊனபஞ்சவஸ்ஸோ; அத்தா²பத்தி ஊனபஞ்சவஸ்ஸோ ஆபஜ்ஜதி, நோ பஞ்சவஸ்ஸோ; அத்தா²பத்தி பஞ்சவஸ்ஸோ சேவ ஆபஜ்ஜதி ஊனபஞ்சவஸ்ஸோ ச. அத்தா²பத்தி குஸலசித்தோ ஆபஜ்ஜதி; அத்தா²பத்தி அகுஸலசித்தோ ஆபஜ்ஜதி; அத்தா²பத்தி அப்³யாகதசித்தோ ஆபஜ்ஜதி. அத்தா²பத்தி ஸுக²வேத³னாஸமங்கீ³ ஆபஜ்ஜதி; அத்தா²பத்தி து³க்க²வேத³னாஸமங்கீ³ ஆபஜ்ஜதி; அத்தா²பத்தி அது³க்க²மஸுக²வேத³னாஸமங்கீ³ ஆபஜ்ஜதி. தீணி சோத³னாவத்தூ²னி – தி³ட்டே²ன, ஸுதேன, பரிஸங்காய. தயோ ஸலாகக்³கா³ஹா – கு³ள்ஹகோ, விவடகோ விவட்டகோ (க॰), ஸகண்ணஜப்பகோ. தயோ படிக்கே²பா – மஹிச்ச²தா, அஸந்துட்டி²தா அஸந்துட்ட²தா (ஸ்யா॰), அஸல்லேக²தா. தயோ அனுஞ்ஞாதா – அப்பிச்ச²தா, ஸந்துட்டி²தா, ஸல்லேக²தா. அபரேபி தயோ படிக்கே²பா – மஹிச்ச²தா, அஸந்துட்டி²தா, அமத்தஞ்ஞுதா. தயோ அனுஞ்ஞாதா – அப்பிச்ச²தா, ஸந்துட்டி²தா, மத்தஞ்ஞுதா. திஸ்ஸோ பஞ்ஞத்தியோ – பஞ்ஞத்தி, அனுபஞ்ஞத்தி, அனுப்பன்னபஞ்ஞத்தி. அபராபி திஸ்ஸோ பஞ்ஞத்தியோ – ஸப்³ப³த்த²பஞ்ஞத்தி, பதே³ஸபஞ்ஞத்தி, ஸாதா⁴ரணபஞ்ஞத்தி. அபராபி திஸ்ஸோ பஞ்ஞத்தியோ – அஸாதா⁴ரணபஞ்ஞத்தி, ஏகதோபஞ்ஞத்தி, உப⁴தோபஞ்ஞத்தி.
அத்தா²பத்தி பா³லோ ஆபஜ்ஜதி, நோ பண்டி³தோ; அத்தா²பத்தி பண்டி³தோ ஆபஜ்ஜதி, நோ பா³லோ; அத்தா²பத்தி பா³லோ சேவ ஆபஜ்ஜதி பண்டி³தோ ச. அத்தா²பத்தி காளே ஆபஜ்ஜதி, நோ ஜுண்ஹே; அத்தா²பத்தி ஜுண்ஹே ஆபஜ்ஜதி, நோ காளே; அத்தா²பத்தி காளே சேவ ஆபஜ்ஜதி ஜுண்ஹே ச. அத்தி² காளே கப்பதி, நோ ஜுண்ஹே; அத்தி² ஜுண்ஹே கப்பதி, நோ காளே; அத்தி² காளே சேவ கப்பதி ஜுண்ஹே ச. அத்தா²பத்தி ஹேமந்தே ஆபஜ்ஜதி, நோ கி³ம்ஹே நோ வஸ்ஸே; அத்தா²பத்தி கி³ம்ஹே ஆபஜ்ஜதி, நோ ஹேமந்தே நோ வஸ்ஸே; அத்தா²பத்தி வஸ்ஸே ஆபஜ்ஜதி, நோ ஹேமந்தே நோ கி³ம்ஹே. அத்தா²பத்தி ஸங்கோ⁴ ஆபஜ்ஜதி, ந க³ணோ ந புக்³க³லோ; அத்தா²பத்தி க³ணோ ஆபஜ்ஜதி, ந ஸங்கோ⁴ ந புக்³க³லோ; அத்தா²பத்தி புக்³க³லோ ஆபஜ்ஜதி, ந ஸங்கோ⁴ ந க³ணோ. அத்தி² ஸங்க⁴ஸ்ஸ கப்பதி, ந க³ணஸ்ஸ ந புக்³க³லஸ்ஸ; அத்தி² க³ணஸ்ஸ கப்பதி, ந ஸங்க⁴ஸ்ஸ ந புக்³க³லஸ்ஸ; அத்தி² புக்³க³லஸ்ஸ கப்பதி, ந ஸங்க⁴ஸ்ஸ ந க³ணஸ்ஸ. திஸ்ஸோ சா²த³னா வத்து²ங் சா²தே³தி, நோ ஆபத்திங்; ஆபத்திங் சா²தே³தி, நோ வத்து²ங்; வத்து²ஞ்சேவ சா²தே³தி ஆபத்திஞ்ச. திஸ்ஸோ படிச்சா²தி³யோ – ஜந்தாக⁴ரபடிச்சா²தி³, உத³கபடிச்சா²தி³, வத்த²படிச்சா²தி³. அ॰ நி॰ 3.132 தீணி படிச்ச²ன்னானி வஹந்தி, நோ விவடானி – மாதுகா³மோ படிச்ச²ன்னோ வஹதி, நோ விவடோ; ப்³ராஹ்மணானங் மந்தா படிச்ச²ன்னா வஹந்தி, நோ விவடா; மிச்சா²தி³ட்டி² படிச்ச²ன்னா வஹதி, நோ விவடா. தீணி விவடானி விரோசந்தி, நோ படிச்ச²ன்னானி – சந்த³மண்ட³லங் விவடங் விரோசதி, நோ படிச்ச²ன்னங்; ஸூரியமண்ட³லங் விவடங் விரோசதி, நோ படிச்ச²ன்னங்; ததா²க³தப்பவேதி³தோ த⁴ம்மவினயோ விவடோ விரோசதி, நோ படிச்ச²ன்னோ. தயோ ஸேனாஸனக்³கா³ஹா – புரிமகோ , பச்சி²மகோ, அந்தராமுத்தகோ. அத்தா²பத்தி கி³லானோ ஆபஜ்ஜதி, நோ அகி³லானோ; அத்தா²பத்தி அகி³லானோ ஆபஜ்ஜதி, நோ கி³லானோ; அத்தா²பத்தி கி³லானோ சேவ ஆபஜ்ஜதி அகி³லானோ ச.
தீணி அத⁴ம்மிகானி பாதிமொக்க²ட்ட²பனானி. தீணி த⁴ம்மிகானி பாதிமொக்க²ட்ட²பனானி. தயோ பரிவாஸா – படிச்ச²ன்னபரிவாஸோ, அப்படிச்ச²ன்னபரிவாஸோ, ஸுத்³த⁴ந்தபரிவாஸோ. தயோ மானத்தா – படிச்ச²ன்னமானத்தங், அப்படிச்ச²ன்னமானத்தங், பக்க²மானத்தங். தயோ பாரிவாஸிகஸ்ஸ பி⁴க்கு²னோ ரத்திச்சே²தா³ – ஸஹவாஸோ, விப்பவாஸோ, அனாரோசனா. அத்தா²பத்தி அந்தோ ஆபஜ்ஜதி, நோ ப³ஹி; அத்தா²பத்தி ப³ஹி ஆபஜ்ஜதி, நோ அந்தோ; அத்தா²பத்தி அந்தோ சேவ ஆபஜ்ஜதி ப³ஹி ச. அத்தா²பத்தி அந்தோஸீமாய ஆபஜ்ஜதி, நோ ப³ஹிஸீமாய; அத்தா²பத்தி ப³ஹிஸீமாய ஆபஜ்ஜதி, நோ அந்தோஸீமாய; அத்தா²பத்தி அந்தோஸீமாய சேவ ஆபஜ்ஜதி ப³ஹிஸீமாய ச. தீஹாகாரேஹி ஆபத்திங் ஆபஜ்ஜதி – காயேன ஆபஜ்ஜதி, வாசாய ஆபஜ்ஜதி, காயேன வாசாய ஆபஜ்ஜதி. அபரேஹிபி தீஹாகாரேஹி ஆபத்திங் ஆபஜ்ஜதி – ஸங்க⁴மஜ்ஜே², க³ணமஜ்ஜே², புக்³க³லஸ்ஸ ஸந்திகே. தீஹாகாரேஹி ஆபத்தியா வுட்டா²தி – காயேன வுட்டா²தி, வாசாய வுட்டா²தி, காயேன வாசாய வுட்டா²தி. அபரேஹிபி தீஹாகாரேஹி ஆபத்தியா வுட்டா²தி – ஸங்க⁴மஜ்ஜே², க³ணமஜ்ஜே², புக்³க³லஸ்ஸ ஸந்திகே. தீணி அத⁴ம்மிகானி அமூள்ஹவினயஸ்ஸ தா³னானி. தீணி த⁴ம்மிகானி அமூள்ஹவினயஸ்ஸ தா³னானி.
சூளவ॰ 6 தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ தஜ்ஜனீயகம்மங் கரெய்ய – ப⁴ண்ட³னகாரகோ ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி. சூளவ॰ 15 தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ நியஸ்ஸகம்மங் கரெய்ய – ப⁴ண்ட³னகாரகோ ஹோதி…பே॰… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி. சூளவ॰ 27 தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ பப்³பா³ஜனீயகம்மங் கரெய்ய – ப⁴ண்ட³னகாரகோ ஹோதி…பே॰… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ குலதூ³ககோ ஹோதி பாபஸமாசாரோ பாபஸமாசாரா தி³ஸ்ஸந்தி சேவ ஸுய்யந்தி ச. தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ படிஸாரணீயகம்மங் கரெய்ய – ப⁴ண்ட³னகாரகோ ஹோதி…பே॰… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்தி ப³ஹுலோ அனபதா³னோ கி³ஹீ அக்கோஸதி பரிபா⁴ஸதி. சூளவ॰ 50 தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ ஆபத்தியா அத³ஸ்ஸனே உக்கே²பனீயகம்மங் கரெய்ய – ப⁴ண்ட³னகாரகோ ஹோதி…பே॰… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ ஆபத்திங் ஆபஜ்ஜித்வா ந இச்ச²தி ஆபத்திங் பஸ்ஸிதுங். சூளவ॰ 59 தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ ஆபத்தியா அப்படிகம்மே உக்கே²பனீயகம்மங் கரெய்ய – ப⁴ண்ட³னகாரகோ ஹோதி…பே॰… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ ஆபத்திங் ஆபஜ்ஜித்வா ந இச்ச²தி ஆபத்திங் படிகாதுங். சூளவ॰ 69 தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மங் கரெய்ய – ப⁴ண்ட³னகாரகோ ஹோதி…பே॰… ஸங்கே⁴ அதி⁴கரணகாரகோ, பா³லோ ஹோதி அப்³யத்தோ, ஆபத்திப³ஹுலோ அனபதா³னோ ந இச்ச²தி பாபிகங் தி³ட்டி²ங் படினிஸ்ஸஜ்ஜிதுங்.
தீஹங்கே³ஹி ஸமன்னாக³தஸ்ஸ பி⁴க்கு²னோ ஆகங்க²மானோ ஸங்கோ⁴ ஆகா³ள்ஹாய சேதெய்ய – ப⁴ண்ட³னகாரகோ ஹோதி கலஹகாரகோ விவாத³காரகோ ப⁴ஸ்ஸகாரகோ ஸங்கே⁴ அதி⁴கரணகாரகோ, பா³லோ ஹோதி அப்³யத்தோ ஆபத்திப³ஹுலோ அனபதா³னோ, கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி. தீஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங் – அலஜ்ஜீ ச ஹோதி, பா³லோ ச, அபகதத்தோ ச. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங் – அதி⁴ஸீலே ஸீலவிபன்னோ ஹோதி, அஜ்ஜா²சாரே ஆசாரவிபன்னோ ஹோதி, அதிதி³ட்டி²யா தி³ட்டி²விபன்னோ ஹோதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங் – காயிகேன த³வேன ஸமன்னாக³தோ ஹோதி, வாசஸிகேன த³வேன ஸமன்னாக³தோ ஹோதி, காயிகவாசஸிகேன த³வேன ஸமன்னாக³தோ ஹோதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங் – காயிகேன அனாசாரேன ஸமன்னாக³தோ ஹோதி, வாசஸிகேன அனாசாரேன ஸமன்னாக³தோ ஹோதி, காயிகவாசஸிகேன அனாசாரேன ஸமன்னாக³தோ ஹோதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங் – காயிகேன உபகா⁴திகேன ஸமன்னாக³தோ ஹோதி, வாசஸிகேன உபகா⁴திகேன ஸமன்னாக³தோ ஹோதி, காயிகவாசஸிகேன உபகா⁴திகேன ஸமன்னாக³தோ ஹோதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங் – காயிகேன மிச்சா²ஜீவேன ஸமன்னாக³தோ ஹோதி, வாசஸிகேன மிச்சா²ஜீவேன ஸமன்னாக³தோ ஹோதி, காயிகவாசஸிகேன மிச்சா²ஜீவேன ஸமன்னாக³தோ ஹோதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங் – ஆபத்திங் ஆபன்னோ கம்மகதோ உபஸம்பாதே³தி, நிஸ்ஸயங் தே³தி, ஸாமணேரங் உபட்டா²பேதி. அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங் – யாய ஆபத்தியா ஸங்கே⁴ன கம்மங் கதங் ஹோதி தங் ஆபத்திங் ஆபஜ்ஜதி, அஞ்ஞங் வா தாதி³ஸிகங், ததோ வா பாபிட்ட²தரங். அபரேஹிபி தீஹங்கே³ஹி ஸமன்னாக³தஸ்ஸ பி⁴க்கு²னோ கம்மங் காதப்³ப³ங் – பு³த்³த⁴ஸ்ஸ அவண்ணங் பா⁴ஸதி, த⁴ம்மஸ்ஸ அவண்ணங் பா⁴ஸதி, ஸங்க⁴ஸ்ஸ அவண்ணங் பா⁴ஸதி.
தீஹங்கே³ஹி ஸமன்னாக³தஸ்ஸ பி⁴க்கு²னோ ஸங்க⁴மஜ்ஜே² உபோஸத²ங் ட²பெந்தஸ்ஸ – ‘‘அலங், பி⁴க்கு², மா ப⁴ண்ட³னங் மா கலஹங் மா விக்³க³ஹங் மா விவாத³’’ந்தி ஓமத்³தி³த்வா ஸங்கே⁴ன உபோஸதோ² காதப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ ஸங்க⁴மஜ்ஜே² பவாரணங் ட²பெந்தஸ்ஸ – ‘‘அலங், பி⁴க்கு², மா ப⁴ண்ட³னங் மா கலஹங் மா விக்³க³ஹங் மா விவாத³’’ந்தி ஓமத்³தி³த்வா ஸங்கே⁴ன பவாரேதப்³ப³ங் – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ ந காசி ஸங்க⁴ஸம்முதி தா³தப்³பா³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தேன பி⁴க்கு²னா ஸங்கே⁴ ந வோஹரிதப்³ப³ங் ஸங்கோ⁴ ந வோஹரிதப்³போ³ (ஸ்யா॰) – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தோ பி⁴க்கு² ந கிஸ்மிங் சி பச்சேகட்டா²னே ட²பேதப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ நிஸ்ஸாய ந வத்த²ப்³ப³ங் – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ நிஸ்ஸயோ ந தா³தப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ ஓகாஸகம்மங் காராபெந்தஸ்ஸ நாலங் ஓகாஸகம்மங் காதுங் – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ ஸவசனீயங் நாதா³தப்³ப³ங் – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ வினயோ ந புச்சி²தப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தேன பி⁴க்கு²னா வினயோ ந புச்சி²தப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ வினயோ ந விஸ்ஸஜ்ஜேதப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தேன பி⁴க்கு²னா வினயோ ந விஸ்ஸஜ்ஜேதப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தஸ்ஸ பி⁴க்கு²னோ அனுயோகோ³ ந தா³தப்³போ³ – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தேன பி⁴க்கு²னா ஸத்³தி⁴ங் வினயோ ந ஸாகச்சி²தப்³போ³ ஸாகச்சா²தப்³போ³ (க॰) – அலஜ்ஜீ ச ஹோதி, பா³லோ ச, அபகதத்தோ ச. தீஹங்கே³ஹி ஸமன்னாக³தேன பி⁴க்கு²னா ந உபஸம்பாதே³தப்³ப³ங் ந நிஸ்ஸயோ தா³தப்³போ³ ந ஸாமணேரோ உபட்டா²பேதப்³போ³ – அலஜ்ஜீ ச ஹோதி, பா³லோ ச, அபகதத்தோ ச.
தயோ உபோஸதா² – சாதுத்³த³ஸிகோ, பன்னரஸிகோ, ஸாமக்³கி³உபோஸதோ². அபரேபி தயோ உபோஸதா² – ஸங்கே⁴உபோஸதோ², க³ணேஉபோஸதோ², புக்³க³லேஉபோஸதோ². அபரேபி தயோ உபோஸதா² – ஸுத்துத்³தே³ஸோஉபோஸதோ², பாரிஸுத்³தி⁴உபோஸதோ², அதி⁴ட்டா²னுபோஸதோ². திஸ்ஸோ பவாரணா – சாதுத்³த³ஸிகா, பன்னரஸிகா, ஸாமக்³கி³பவாரணா. அபராபி திஸ்ஸோ பவாரணா – ஸங்கே⁴பவாரணா, க³ணேபவாரணா, புக்³க³லேபவாரணா. அபராபி திஸ்ஸோ பவாரணா – தேவாசிகாபவாரணா , த்³வேவாசிகாபவாரணா, ஸமானவஸ்ஸிகாபவாரணா.
தயோ ஆபாயிகா நேரயிகா – இத³மப்பஹாய, யோ ச அப்³ரஹ்மசாரீ ப்³ரஹ்மசாரிபடிஞ்ஞோ, யோ ச ஸுத்³த⁴ங் ப்³ரஹ்மசாரிங் பரிஸுத்³த⁴ப்³ரஹ்மசரியங் சரந்தங் அமூலகேன அப்³ரஹ்மசரியேன அனுத்³த⁴ங்ஸேதி, யோ சாயங் ஏவங்வாதீ³ ஏவங்தி³ட்டி² ஏவங்தி³ட்டீ² (ஸீ॰) – ‘‘நத்தி² காமேஸு தோ³ஸோ’’தி ஸோ காமேஸு பாதப்³யதங் ஆபஜ்ஜதி. அ॰ நி॰ 3.70 தீணி அகுஸலமூலானி – லோபோ⁴ அகுஸலமூலங், தோ³ஸோ அகுஸலமூலங், மோஹோ அகுஸலமூலங். அ॰ நி॰ 3.70 தீணி குஸலமூலானி – அலோபோ⁴ குஸலமூலங், அதோ³ஸோ குஸலமூலங், அமோஹோ குஸலமூலங். தீணி து³ச்சரிதானி – காயது³ச்சரிதங், வசீது³ச்சரிதங், மனோது³ச்சரிதங். தீணி ஸுசரிதானி – காயஸுசரிதங், வசீஸுசரிதங், மனோஸுசரிதங். தயோ அத்த²வஸே படிச்ச ப⁴க³வதா குலேஸு திகபோ⁴ஜனங் பஞ்ஞத்தங் – து³ம்மங்கூனங் புக்³க³லானங் நிக்³க³ஹாய, பேஸலானங் பி⁴க்கூ²னங் பா²ஸுவிஹாராய, ‘‘மா பாபிச்சா² பக்க²ங் நிஸ்ஸாய ஸங்க⁴ங் பி⁴ந்தெ³ய்யு’’ந்தி குலானுத்³த³யதாய ச. சூளவ॰ 350 தீஹி அஸத்³த⁴ம்மேஹி அபி⁴பூ⁴தோ பரியாதி³ன்னசித்தோ தே³வத³த்தோ ஆபாயிகோ நேரயிகோ கப்பட்டோ² அதேகிச்சோ² பாபிச்ச²தா பாபமித்ததா ஓரமத்தகேன விஸேஸாதி⁴க³மேன அந்தரா வோஸானங் ஆபாதி³. திஸ்ஸோ ஸம்முதியோ – த³ண்ட³ஸம்முதி, ஸிக்காஸம்முதி, த³ண்ட³ஸிக்காஸம்முதி. திஸ்ஸோ பாது³கா து⁴வட்டா²னிகா அஸங்கமனீயா – வச்சபாது³கா, பஸ்ஸாவபாது³கா, ஆசமனபாது³கா. திஸ்ஸோ பாத³க⁴ங்ஸனியோ – ஸக்க²ரங், கத²லா, ஸமுத்³த³பே²ணகோதி.
திகங் நிட்டி²தங்.
தஸ்ஸுத்³தா³னங் –
திட்ட²ந்தே காலே ரத்திஞ்ச, த³ஸ பஞ்ச குஸலேன;
வேத³னா சோத³னா வத்து², ஸலாகா த்³வே படிக்கி²பா.
பஞ்ஞத்தி அபரே த்³வே ச, பா³லோ காளே ச கப்பதி;
ஹேமந்தே ஸங்கோ⁴ ஸங்க⁴ஸ்ஸ, சா²த³னா ச படிச்சா²தி³.
படிச்ச²ன்னா விவடா ச, ஸேனாஸனகி³லாயனா;
பாதிமொக்க²ங் பரிவாஸங், மானத்தா பாரிவாஸிகா.
அந்தோ அந்தோ ச ஸீமாய, ஆபஜ்ஜதி புனாபரே;
வுட்டா²தி அபரே சேவ, அமூள்ஹவினயா து³வே.
தஜ்ஜனீயா நியஸ்ஸா ச, பப்³பா³ஜபடிஸாரணீ;
அத³ஸ்ஸனா படிகம்மே, அனிஸ்ஸக்³கே³ ச தி³ட்டி²யா.
ஆகா³ள்ஹகம்மாதி⁴ஸீலே, த³வானாசார கா⁴திகா;
ஆஜீவாபன்னா தாதி³ஸிகா, அவண்ணுபோஸதே²ன ச.
பவாரணா ஸம்முதி ச, வோஹாரபச்சேகேன ச;
ந வத்த²ப்³ப³ங் ந தா³தப்³ப³ங், ஓகாஸங் ந கரே ததா².
ந கரே ஸவசனீயங், ந புச்சி²தப்³ப³கா து³வே;
ந விஸ்ஸஜ்ஜே து³வே சேவ, அனுயோக³ம்பி நோ த³தே³.
ஸாகச்சா² உபஸம்பதா³, நிஸ்ஸயஸாமணேரா ச;
உபோஸத²திகா தீணி, பவாரணதிகா தயோ.
ஆபாயிகா அகுஸலா, குஸலா சரிதா து³வே;
திகபோ⁴ஜனஸத்³த⁴ம்மே, ஸம்முதி பாது³கேன ச;
பாத³க⁴ங்ஸனிகா சேவ, உத்³தா³னங் திககே இத³ந்தி.
4. சதுக்கவாரோ
324. அத்தா²பத்தி ஸகவாசாய ஆபஜ்ஜதி, பரவாசாய வுட்டா²தி; அத்தா²பத்தி பரவாசாய ஆபஜ்ஜதி, ஸகவாசாய வுட்டா²தி; அத்தா²பத்தி ஸகவாசாய ஆபஜ்ஜதி, ஸகவாசாய வுட்டா²தி; அத்தா²பத்தி பரவாசாய ஆபஜ்ஜதி, பரவாசாய வுட்டா²தி. அத்தா²பத்தி காயேன ஆபஜ்ஜதி, வாசாய வுட்டா²தி; அத்தா²பத்தி வாசாய ஆபஜ்ஜதி, காயேன வுட்டா²தி; அத்தா²பத்தி காயேன ஆபஜ்ஜதி, காயேன வுட்டா²தி; அத்தா²பத்தி வாசாய ஆபஜ்ஜதி, வாசாய வுட்டா²தி. அத்தா²பத்தி பஸுத்தோ ஆபஜ்ஜதி, படிபு³த்³தோ⁴ வுட்டா²தி; அத்தா²பத்தி படிபு³த்³தோ⁴ ஆபஜ்ஜதி, பஸுத்தோ வுட்டா²தி; அத்தா²பத்தி பஸுத்தோ ஆபஜ்ஜதி, பஸுத்தோ வுட்டா²தி; அத்தா²பத்தி படிபு³த்³தோ⁴ ஆபஜ்ஜதி, படிபு³த்³தோ⁴ வுட்டா²தி. அத்தா²பத்தி அசித்தகோ ஆபஜ்ஜதி, ஸசித்தகோ வுட்டா²தி; அத்தா²பத்தி ஸசித்தகோ ஆபஜ்ஜதி, அசித்தகோ வுட்டா²தி; அத்தா²பத்தி அசித்தகோ ஆபஜ்ஜதி, அசித்தகோ வுட்டா²தி; அத்தா²பத்தி ஸசித்தகோ ஆபஜ்ஜதி, ஸசித்தகோ வுட்டா²தி. அத்தா²பத்தி ஆபஜ்ஜந்தோ தே³ஸேதி; தே³ஸெந்தோ ஆபஜ்ஜதி; அத்தா²பத்தி ஆபஜ்ஜந்தோ வுட்டா²தி; வுட்ட²ஹந்தோ ஆபஜ்ஜதி. அத்தா²பத்தி கம்மேன ஆபஜ்ஜதி, அகம்மேன வுட்டா²தி; அத்தா²பத்தி அகம்மேன ஆபஜ்ஜதி, கம்மேன வுட்டா²தி; அத்தா²பத்தி கம்மேன ஆபஜ்ஜதி, கம்மேன வுட்டா²தி; அத்தா²பத்தி அகம்மேன ஆபஜ்ஜதி, அகம்மேன வுட்டா²தி.
அ॰ நி॰ 4.250; தீ³॰ நி॰ 3.313; விப⁴॰ 939 சத்தாரோ அனரியவோஹாரா – அதி³ட்டே² தி³ட்ட²வாதி³தா, அஸ்ஸுதே ஸுதவாதி³தா, அமுதே முதவாதி³தா, அவிஞ்ஞாதே விஞ்ஞாதவாதி³தா. சத்தாரோ அரியவோஹாரா – அதி³ட்டே² அதி³ட்ட²வாதி³தா, அஸ்ஸுதே அஸ்ஸுதவாதி³தா, அமுதே அமுதவாதி³தா, அவிஞ்ஞாதே அவிஞ்ஞாதவாதி³தா. அபரேபி சத்தாரோ அனரியவோஹாரா – தி³ட்டே² அதி³ட்ட²வாதி³தா, ஸுதே அஸ்ஸுதவாதி³தா, முதே அமுதவாதி³தா, விஞ்ஞாதே அவிஞ்ஞாதவாதி³தா. சத்தாரோ அரியவோஹாரா – தி³ட்டே² தி³ட்ட²வாதி³தா, ஸுதே ஸுதவாதி³தா, முதே முதவாதி³தா, விஞ்ஞாதே விஞ்ஞாதவாதி³தா.
சத்தாரோ பாராஜிகா பி⁴க்கூ²னங் பி⁴க்கு²னீஹி ஸாதா⁴ரணா; சத்தாரோ பாராஜிகா பி⁴க்கு²னீனங் பி⁴க்கூ²ஹி அஸாதா⁴ரணா. சத்தாரோ பரிக்கா²ரா – அத்தி² பரிக்கா²ரோ ரக்கி²தப்³போ³ கோ³பேதப்³போ³ மமாயிதப்³போ³ பரிபு⁴ஞ்ஜிதப்³போ³; அத்தி² பரிக்கா²ரோ ரக்கி²தப்³போ³ கோ³பேதப்³போ³ மமாயிதப்³போ³, ந பரிபு⁴ஞ்ஜிதப்³போ³; அத்தி² பரிக்கா²ரோ ரக்கி²தப்³போ³ கோ³பேதப்³போ³, ந மமாயிதப்³போ³ ந பரிபு⁴ஞ்ஜிதப்³போ³; அத்தி² பரிக்கா²ரோ ந ரக்கி²தப்³போ³ ந கோ³பேதப்³போ³, ந மமாயிதப்³போ³ ந பரிபு⁴ஞ்ஜிதப்³போ³. அத்தா²பத்தி ஸம்முகா² ஆபஜ்ஜதி, பரம்முகா² வுட்டா²தி; அத்தா²பத்தி பரம்முகா² ஆபஜ்ஜதி , ஸம்முகா² வுட்டா²தி; அத்தா²பத்தி ஸம்முகா² ஆபஜ்ஜதி, ஸம்முகா² வுட்டா²தி; அத்தா²பத்தி பரம்முகா² ஆபஜ்ஜதி, பரம்முகா² வுட்டா²தி. அத்தா²பத்தி அஜானந்தோ ஆபஜ்ஜதி, ஜானந்தோ வுட்டா²தி; அத்தா²பத்தி ஜானந்தோ ஆபஜ்ஜதி, அஜானந்தோ வுட்டா²தி; அத்தா²பத்தி அஜானந்தோ ஆபஜ்ஜதி, அஜானந்தோ வுட்டா²தி; அத்தா²பத்தி ஜானந்தோ ஆபஜ்ஜதி, ஜானந்தோ வுட்டா²தி.
சதூஹாகாரேஹி ஆபத்திங் ஆபஜ்ஜதி – காயேன ஆபஜ்ஜதி, வாசாய ஆபஜ்ஜதி, காயேன வாசாய ஆபஜ்ஜதி, கம்மவாசாய ஆபஜ்ஜதி. அபரேஹிபி சதூஹாகாரேஹி ஆபத்திங் ஆபஜ்ஜதி – ஸங்க⁴மஜ்ஜே², க³ணமஜ்ஜே², புக்³க³லஸ்ஸ ஸந்திகே, லிங்க³பாதுபா⁴வேன. சதூஹாகாரேஹி ஆபத்தியா வுட்டா²தி – காயேன வுட்டா²தி, வாசாய வுட்டா²தி, காயேன வாசாய வுட்டா²தி, கம்மவாசாய வுட்டா²தி. அபரேஹிபி சதூஹாகாரேஹி ஆபத்தியா வுட்டா²தி – ஸங்க⁴மஜ்ஜே², க³ணமஜ்ஜே², புக்³க³லஸ்ஸ ஸந்திகே, லிங்க³பாதுபா⁴வேன. ஸஹ படிலாபே⁴ன புரிமங் ஜஹதி, பச்சி²மே பதிட்டா²தி, விஞ்ஞத்தியோ படிப்பஸ்ஸம்ப⁴ந்தி, பண்ணத்தியோ நிருஜ்ஜ²ந்தி. ஸஹ படிலாபே⁴ன பச்சி²மங் ஜஹதி, புரிமே பதிட்டா²தி, விஞ்ஞத்தியோ படிப்பஸ்ஸம்ப⁴ந்தி, பண்ணத்தியோ நிருஜ்ஜ²ந்தி. சதஸ்ஸோ சோத³னா – ஸீலவிபத்தியா சோதே³தி , ஆசாரவிபத்தியா சோதே³தி, தி³ட்டி²விபத்தியா சோதே³தி, ஆஜீவவிபத்தியா சோதே³தி. சத்தாரோ பரிவாஸா – படிச்ச²ன்னபரிவாஸோ , அப்படிச்ச²ன்னபரிவாஸோ, ஸுத்³த⁴ந்தபரிவாஸோ, ஸமோதா⁴னபரிவாஸோ. சத்தாரோ மானத்தா – படிச்ச²ன்னமானத்தங், அப்படிச்ச²ன்னமானத்தங், பக்க²மானத்தங், ஸமோதா⁴னமானத்தங். சத்தாரோ மானத்தசாரிகஸ்ஸ பி⁴க்கு²னோ ரத்திச்சே²தா³ – ஸஹவாஸோ, விப்பவாஸோ, அனாரோசனா, ஊனே க³ணே சரதி. சத்தாரோ ஸாமுக்கங்ஸா . சத்தாரோ படிக்³க³ஹிதபரிபோ⁴கா³ – யாவகாலிகங், யாமகாலிகங், ஸத்தாஹகாலிகங், யாவஜீவிகங். சத்தாரி மஹாவிகடானி – கூ³தோ², முத்தங், சா²ரிகா, மத்திகா. சத்தாரி கம்மானி – அபலோகனகம்மங், ஞத்திகம்மங், ஞத்திது³தியகம்மங், ஞத்திசதுத்த²கம்மங். அபரானிபி சத்தாரி கம்மானி – அத⁴ம்மேன வக்³க³கம்மங், அத⁴ம்மேன ஸமக்³க³கம்மங், த⁴ம்மேன வக்³க³கம்மங், த⁴ம்மேன ஸமக்³க³கம்மங். சதஸ்ஸோ விபத்தியோ – ஸீலவிபத்தி, ஆசாரவிபத்தி, தி³ட்டி²விபத்தி, ஆஜீவவிபத்தி. சத்தாரி அதி⁴கரணானி – விவாதா³தி⁴கரணங், அனுவாதா³தி⁴கரணங், ஆபத்தாதி⁴கரணங், கிச்சாதி⁴கரணங். அ॰ நி॰ 4.211 சத்தாரோ பரிஸதூ³ஸனா – பி⁴க்கு² து³ஸ்ஸீலோ பாபத⁴ம்மோ பரிஸதூ³ஸனோ, பி⁴க்கு²னீ து³ஸ்ஸீலா பாபத⁴ம்மா பரிஸதூ³ஸனா, உபாஸகோ து³ஸ்ஸீலோ பாபத⁴ம்மோ பரிஸதூ³ஸனோ, உபாஸிகா து³ஸ்ஸீலா பாபத⁴ம்மா பரிஸதூ³ஸனா. சத்தாரோ பரிஸஸோப⁴னா பரிஸஸோப⁴ணா (ஸ்யா॰ க॰) – பி⁴க்கு² ஸீலவா கல்யாணத⁴ம்மோ பரிஸஸோப⁴னோ, பி⁴க்கு²னீ ஸீலவதீ கல்யாணத⁴ம்மா பரிஸஸோப⁴னா, உபாஸகோ ஸீலவா கல்யாணத⁴ம்மோ பரிஸஸோப⁴னோ, உபாஸிகா ஸீலவதீ கல்யாணத⁴ம்மா பரிஸஸோப⁴னா.
அத்தா²பத்தி ஆக³ந்துகோ ஆபஜ்ஜதி, நோ ஆவாஸிகோ; அத்தா²பத்தி ஆவாஸிகோ ஆபஜ்ஜதி, நோ ஆக³ந்துகோ; அத்தா²பத்தி ஆக³ந்துகோ சேவ ஆபஜ்ஜதி ஆவாஸிகோ ச அத்தா²பத்தி நேவ ஆக³ந்துகோ ஆபஜ்ஜதி, நோ ஆவாஸிகோ. அத்தா²பத்தி க³மிகோ ஆபஜ்ஜதி, நோ ஆவாஸிகோ; அத்தா²பத்தி ஆவாஸிகோ ஆபஜ்ஜதி, நோ க³மிகோ; அத்தா²பத்தி க³மிகோ சேவ ஆபஜ்ஜதி ஆவாஸிகோ ச; அத்தா²பத்தி நேவ க³மிகோ ஆபஜ்ஜதி நோ ஆவாஸிகோ. அத்தி² வத்து²னானத்ததா நோ ஆபத்தினானத்ததா, அத்தி² ஆபத்தினானத்ததா நோ வத்து²னானத்ததா, அத்தி² வத்து²னானத்ததா சேவ ஆபத்தினானத்ததா ச, அத்தி² நேவ வத்து²னானத்ததா நோ ஆபத்தினானத்ததா. அத்தி² வத்து²ஸபா⁴க³தா நோ ஆபத்திஸபா⁴க³தா, அத்தி² ஆபத்திஸபா⁴க³தா நோ வத்து²ஸபா⁴க³தா, அத்தி² வத்து²ஸபா⁴க³தா சேவ ஆபத்திஸபா⁴க³தா ச அத்தி² நேவ வத்து²ஸபா⁴க³தா நோ ஆபத்திஸபா⁴க³தா. அத்தா²பத்தி உபஜ்ஜா²யோ ஆபஜ்ஜதி நோ ஸத்³தி⁴விஹாரிகோ, அத்தா²பத்தி ஸத்³தி⁴விஹாரிகோ ஆபஜ்ஜதி நோ உபஜ்ஜா²யோ, அத்தா²பத்தி உபஜ்ஜா²யோ சேவ ஆபஜ்ஜதி ஸத்³தி⁴விஹாரிகோ ச, அத்தா²பத்தி நேவ உபஜ்ஜா²யோ ஆபஜ்ஜதி நோ ஸத்³தி⁴விஹாரிகோ. அத்தா²பத்தி ஆசரியோ ஆபஜ்ஜதி நோ அந்தேவாஸிகோ, அத்தா²பத்தி அந்தேவாஸிகோ ஆபஜ்ஜதி நோ ஆசரியோ, அத்தா²பத்தி ஆசரியோ சேவ ஆபஜ்ஜதி அந்தேவாஸிகோ ச, அத்தா²பத்தி நேவ ஆசரியோ ஆபஜ்ஜதி நோ அந்தேவாஸிகோ. சத்தாரோ பச்சயா அனாபத்தி வஸ்ஸச்சே²த³ஸ்ஸ – ஸங்கோ⁴ வா பி⁴ன்னோ ஹோதி, ஸங்க⁴ங் வா பி⁴ந்தி³துகாமா ஹொந்தி, ஜீவிதந்தராயோ வா ஹோதி, ப்³ரஹ்மசரியந்தராயோ வா ஹோதி. சத்தாரி வசீது³ச்சரிதானி – முஸாவாதோ³, பிஸுணா வாசா, ப²ருஸா வாசா, ஸம்ப²ப்பலாபோ. சத்தாரி வசீஸுசரிதானி – ஸச்சவாசா, அபிஸுணா வாசா, ஸண்ஹா வாசா, மந்தா பா⁴ஸா. அத்தி² ஆதி³யந்தோ க³ருகங் ஆபத்திங் ஆபஜ்ஜதி, பயோஜெந்தோ லஹுகங்; அத்தி² ஆதி³யந்தோ லஹுகங் ஆபத்திங் ஆபஜ்ஜதி, பயோஜெந்தோ க³ருகங், அத்தி² ஆதி³யந்தோபி பயோஜெந்தோபி க³ருகங் ஆபத்திங் ஆபஜ்ஜதி; அத்தி² ஆதி³யந்தோபி பயோஜெந்தோபி லஹுகங் ஆபத்திங் ஆபஜ்ஜதி.
அத்தி² புக்³க³லோ அபி⁴வாத³னாரஹோ, நோ பச்சுட்டா²னாரஹோ; அத்தி² புக்³க³லோ பச்சுட்டா²னாரஹோ, நோ அபி⁴வாத³னாரஹோ; அத்தி² புக்³க³லோ அபி⁴வாத³னாரஹோ சேவ பச்சுட்டா²னாரஹோ ச; அத்தி² புக்³க³லோ நேவ அபி⁴வாத³னாரஹோ நோ பச்சுட்டா²னாரஹோ. அத்தி² புக்³க³லோ ஆஸனாரஹோ, நோ அபி⁴வாத³னாரஹோ; அத்தி² புக்³க³லோ அபி⁴வாத³னாரஹோ, நோ ஆஸனாரஹோ; அத்தி² புக்³க³லோ ஆஸனாரஹோ சேவ அபி⁴வாத³னாரஹோ ச; அத்தி² புக்³க³லோ நேவ ஆஸனாரஹோ நோ அபி⁴வாத³னாரஹோ. அத்தா²பத்தி காலே ஆபஜ்ஜதி, நோ விகாலே; அத்தா²பத்தி விகாலே ஆபஜ்ஜதி, நோ காலே; அத்தா²பத்தி காலே சேவ ஆபஜ்ஜதி விகாலே ச; அத்தா²பத்தி நேவ காலே ஆபஜ்ஜதி நோ விகாலே. அத்தி² படிக்³க³ஹிதங் காலே கப்பதி, நோ விகாலே; அத்தி² படிக்³க³ஹிதங் விகாலே கப்பதி, நோ காலே; அத்தி² படிக்³க³ஹிதங் காலே சேவ கப்பதி விகாலே ச; அத்தி² படிக்³க³ஹிதங் நேவ காலே கப்பதி நோ விகாலே. அத்தா²பத்தி பச்சந்திமேஸு ஜனபதே³ஸு ஆபஜ்ஜதி, நோ மஜ்ஜி²மேஸு; அத்தா²பத்தி மஜ்ஜி²மேஸு ஜனபதே³ஸு ஆபஜ்ஜதி, நோ பச்சந்திமேஸு; அத்தா²பத்தி பச்சந்திமேஸு சேவ ஜனபதே³ஸு ஆபஜ்ஜதி மஜ்ஜி²மேஸு ச; அத்தா²பத்தி நேவ பச்சந்திமேஸு ஜனபதே³ஸு ஆபஜ்ஜதி நோ மஜ்ஜி²மேஸு. அத்தி² பச்சந்திமேஸு ஜனபதே³ஸு கப்பதி, நோ மஜ்ஜி²மேஸு; அத்தி² மஜ்ஜி²மேஸு ஜனபதே³ஸு கப்பதி, நோ பச்சந்திமேஸு; அத்தி² பச்சந்திமேஸு சேவ ஜனபதே³ஸு கப்பதி மஜ்ஜி²மேஸு ச; அத்தி² நேவ பச்சந்திமேஸு ஜனபதே³ஸு கப்பதி நோ மஜ்ஜி²மேஸு. அத்தா²பத்தி அந்தோ ஆபஜ்ஜதி, நோ ப³ஹி; அத்தா²பத்தி ப³ஹி ஆபஜ்ஜதி, நோ அந்தோ; அத்தா²பத்தி அந்தோ சேவ ஆபஜ்ஜதி ப³ஹி ச; அத்தா²பத்தி நேவ அந்தோ ஆபஜ்ஜதி நோ ப³ஹி. அத்தா²பத்தி அந்தோஸீமாய ஆபஜ்ஜதி, நோ ப³ஹிஸீமாய; அத்தா²பத்தி ப³ஹிஸீமாய ஆபஜ்ஜதி, நோ அந்தோஸீமாய; அத்தா²பத்தி அந்தோஸீமாய சேவ ஆபஜ்ஜதி ப³ஹிஸீமாய ச; அத்தா²பத்தி நேவ அந்தோஸீமாய ஆபஜ்ஜதி நோ ப³ஹிஸீமாய. அத்தா²பத்தி கா³மே ஆபஜ்ஜதி, நோ அரஞ்ஞே; அத்தா²பத்தி அரஞ்ஞே ஆபஜ்ஜதி, நோ கா³மே; அத்தா²பத்தி கா³மே சேவ ஆபஜ்ஜதி அரஞ்ஞே ச; அத்தா²பத்தி நேவ கா³மே ஆபஜ்ஜதி நோ அரஞ்ஞே.
சதஸ்ஸோ சோத³னா – வத்து²ஸந்த³ஸ்ஸனா, ஆபத்திஸந்த³ஸ்ஸனா, ஸங்வாஸபடிக்கே²போ , ஸாமீசிபடிக்கே²போ. சத்தாரோ புப்³ப³கிச்சா. சத்தாரோ பத்தகல்லா. சத்தாரி அனஞ்ஞபாசித்தியானி. சதஸ்ஸோ பி⁴க்கு²ஸம்முதியோ. அ॰ நி॰ 4.17; விப⁴॰ 939; தீ³॰ நி॰ 3.311 சத்தாரி அக³திக³மனானி – ச²ந்தா³க³திங் க³ச்ச²தி, தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி. சத்தாரி நாக³திக³மனானி – ந ச²ந்தா³க³திங் க³ச்ச²தி, ந தோ³ஸாக³திங் க³ச்ச²தி, ந மோஹாக³திங் க³ச்ச²தி, ந ப⁴யாக³திங் க³ச்ச²தி. சதூஹங்கே³ஹி ஸமன்னாக³தோ அலஜ்ஜீ பி⁴க்கு² ஸங்க⁴ங் பி⁴ந்த³தி – ச²ந்தா³க³திங் க³ச்ச²ந்தோ, தோ³ஸாக³திங் க³ச்ச²ந்தோ, மோஹாக³திங் க³ச்ச²ந்தோ, ப⁴யாக³திங் க³ச்ச²ந்தோ. சதூஹங்கே³ஹி ஸமன்னாக³தோ பேஸலோ பி⁴க்கு² பி⁴ன்னங் ஸங்க⁴ங் ஸமக்³க³ங் கரோதி – ந ச²ந்தா³க³திங் க³ச்ச²ந்தோ, ந தோ³ஸாக³திங் க³ச்ச²ந்தோ, ந மோஹாக³திங் க³ச்ச²ந்தோ, ந ப⁴யாக³திங் க³ச்ச²ந்தோ. சதூஹங்கே³ஹி ஸமன்னாக³தஸ்ஸ பி⁴க்கு²னோ வினயோ ந புச்சி²தப்³போ³ – ச²ந்தா³க³திங் க³ச்ச²தி, தோ³ஸாக³திங் க³ச்ச²தி, மோஹாக³திங் க³ச்ச²தி , ப⁴யாக³திங் க³ச்ச²தி. சதூஹங்கே³ஹி ஸமன்னாக³தேன பி⁴க்கு²னா வினயோ ந புச்சி²தப்³போ³ – ச²ந்தா³க³திங் க³ச்ச²தி, தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி. சதூஹங்கே³ஹி ஸமன்னாக³தஸ்ஸ பி⁴க்கு²னோ வினயோ ந விஸ்ஸஜ்ஜேதப்³போ³ – ச²ந்தா³க³திங் க³ச்ச²தி, தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி. சதூஹங்கே³ஹி ஸமன்னாக³தேன பி⁴க்கு²னா வினயோ ந விஸ்ஸஜ்ஜேதப்³போ³ – ச²ந்தா³க³திங் க³ச்ச²தி, தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி. சதூஹங்கே³ஹி ஸமன்னாக³தஸ்ஸ பி⁴க்கு²னோ அனுயோகோ³ ந தா³தப்³போ³ – ச²ந்தா³க³திங் க³ச்ச²தி , தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி. சதூஹங்கே³ஹி ஸமன்னாக³தே பி⁴க்கு²னா ஸத்³தி⁴ங் வினயோ ந ஸாகச்சி²தப்³போ³ – ச²ந்தா³க³திங் க³ச்ச²தி, தோ³ஸாக³திங் க³ச்ச²தி, மோஹாக³திங் க³ச்ச²தி, ப⁴யாக³திங் க³ச்ச²தி. அத்தா²பத்தி கி³லானோ ஆபஜ்ஜதி, நோ அகி³லானோ; அத்தா²பத்தி அகி³லானோ ஆபஜ்ஜதி, நோ கி³லானோ; அத்தா²பத்தி கி³லானோ சேவ ஆபஜ்ஜதி அகி³லானோ ச; அத்தா²பத்தி நேவ கி³லானோ ஆபஜ்ஜதி நோ அகி³லானோ. சத்தாரி அத⁴ம்மிகானி பாதிமொக்க²ட்ட²பனானி. சத்தாரி த⁴ம்மிகானி பாதிமொக்க²ட்ட²பனானி.
சதுக்கங் நிட்டி²தங்.
தஸ்ஸுத்³தா³னங் –
ஸகவாசாய காயேன, பஸுத்தோ ச அசித்தகோ;
ஆபஜ்ஜந்தோ ச கம்மேன, வோஹாரா சதுரோ ததா².
பி⁴க்கூ²னங் பி⁴க்கு²னீனஞ்ச, பரிக்கா²ரோ ச ஸம்முகா²;
அஜானகாயே மஜ்ஜே² ச, வுட்டா²தி து³விதா⁴ ததா².
படிலாபே⁴ன சோத³னா, பரிவாஸா ச வுச்சதி;
மானத்தசாரிகா சாபி, ஸாமுக்கங்ஸா படிக்³க³ஹி.
மஹாவிகடகம்மானி, புன கம்மே விபத்தியோ;
அதி⁴கரணா து³ஸ்ஸீலா ச, ஸோப⁴னாக³ந்துகேன ச.
க³மிகோ வத்து²னானத்தா, ஸபா⁴கு³பஜ்ஜா²யேன ச;
ஆசரியோ பச்சயா வா, து³ச்சரிதங் ஸுசரிதங்.
ஆதி³யந்தோ புக்³க³லோ ச, அரஹோ ஆஸனேன ச;
காலே ச கப்பதி சேவ, பச்சந்திமேஸு கப்பதி.
அந்தோ அந்தோ ச ஸீமாய, கா³மே ச சோத³னாய ச;
புப்³ப³கிச்சங் பத்தகல்லங், அனஞ்ஞா ஸம்முதியோ ச.
அக³தி நாக³தி சேவ, அலஜ்ஜீ பேஸலேன ச;
புச்சி²தப்³பா³ து³வே சேவ, விஸ்ஸஜ்ஜெய்யா ததா² து³வே;
அனுயோகோ³ ச ஸாகச்சா², கி³லானோ ட²பனேன சாதி.
5. பஞ்சகவாரோ
325. பஞ்ச ஆபத்தியோ. பஞ்ச ஆபத்திக்க²ந்தா⁴. பஞ்ச வினீதவத்தூ²னி. பஞ்ச கம்மானி ஆனந்தரிகானி. பஞ்ச புக்³க³லா நியதா. பஞ்ச சே²த³னகா ஆபத்தியோ. பஞ்சஹாகாரேஹி ஆபத்திங் ஆபஜ்ஜதி. பஞ்ச ஆபத்தியோ. முஸாவாத³பச்சயா பஞ்சஹாகாரேஹி கம்மங் ந உபேதி – ஸயங் வா கம்மங் ந கரோதி, பரங் வா ந அஜ்ஜே²ஸதி, ச²ந்த³ங் வா பாரிஸுத்³தி⁴ங் வா ந தே³தி, கயிரமானே கம்மே படிக்கோஸதி, கதே வா பன கம்மே அத⁴ம்மதி³ட்டி² ஹோதி. பஞ்சஹாகாரேஹி கம்மங் உபேதி – ஸயங் வா கம்மங் கரோதி, பரங் வா அஜ்ஜே²ஸதி, ச²ந்த³ங் வா பாரிஸுத்³தி⁴ங் வா தே³தி, கயிரமானே கம்மே நப்படிக்கோஸதி, கதே வா பன கம்மே த⁴ம்மதி³ட்டி² ஹோதி. பஞ்ச பிண்ட³பாதிகஸ்ஸ பி⁴க்கு²னோ கப்பந்தி – அனாமந்தசாரோ, க³ணபோ⁴ஜனங், பரம்பரபோ⁴ஜனங், அனதி⁴ட்டா²னங், அவிகப்பனா. அ॰ நி॰ 5.102 பஞ்சஹங்கே³ஹி ஸமன்னாக³தோ பி⁴க்கு² உஸ்ஸங்கிதபரிஸங்கிதோ ஹோதி – பாபபி⁴க்கு²பி அகுப்பத⁴ம்மோபி வேஸியாகோ³சரோ வா ஹோதி, வித⁴வாகோ³சரோ வா ஹோதி, து²ல்லகுமாரிகோ³சரோ வா ஹோதி, பண்ட³ககோ³சரோ வா ஹோதி, பி⁴க்கு²னிகோ³சரோ வா ஹோதி. பஞ்ச தேலானி – திலதேலங், ஸாஸபதேலங், மது⁴கதேலங், ஏரண்ட³கதேலங், வஸாதேலங். பஞ்ச வஸானி – அச்ச²வஸங், மச்ச²வஸங், ஸுஸுகாவஸங், ஸூகரவஸங், க³த்³ரப⁴வஸங். அ॰ நி॰ 5.130; தீ³॰ நி॰ 3.316 பஞ்ச ப்³யஸனானி – ஞாதிப்³யஸனங், போ⁴க³ப்³யஸனங், ரோக³ப்³யஸனங், ஸீலப்³யஸனங், தி³ட்டி²ப்³யஸனங். அ॰ நி॰ 5.130; தீ³॰ நி॰ 3.316 பஞ்ச ஸம்பதா³ – ஞாதிஸம்பதா³, போ⁴க³ஸம்பதா³, அரோக³ஸம்பதா³, ஸீலஸம்பதா³, தி³ட்டி²ஸம்பதா³. பஞ்ச நிஸ்ஸயபடிப்பஸ்ஸத்³தி⁴யோ உபஜ்ஜா²யம்ஹா – உபஜ்ஜா²யோ பக்கந்தோ வா ஹோதி, விப்³ப⁴ந்தோ வா, காலங்கதோ வா, பக்க²ஸங்கந்தோ வா, ஆணத்தியேவ பஞ்சமீ. பஞ்ச புக்³க³லா ந உபஸம்பாதே³தப்³பா³ – அத்³தா⁴னஹீனோ, அங்க³ஹீனோ, வத்து²விபன்னோ, கரணது³க்கடகோ, அபரிபூரோ. பஞ்ச பங்ஸுகூலானி – ஸோஸானிகங், பாபணிகங், உந்தூ³ரக்கா²யிகங், உபசிகக்கா²யிகங், அக்³கி³த³ட்³ட⁴ங். அபரானிபி பஞ்ச பங்ஸுகூலானி – கோ³கா²யிகங், அஜக்கா²யிகங், தூ²பசீவரங், ஆபி⁴ஸேகிகங், க³தபடியாக³தங் ப⁴தபடியாப⁴தங் (க॰). பஞ்ச அவஹாரா – தெ²ய்யாவஹாரோ, பஸய்ஹாவஹாரோ, பரிகப்பாவஹாரோ , படிச்ச²ன்னாவஹாரோ, குஸாவஹாரோ. பஞ்ச மஹாசோரா ஸந்தோ ஸங்விஜ்ஜமானா லோகஸ்மிங். பஞ்ச அவிஸ்ஸஜ்ஜனியானி. பஞ்ச அவேப⁴ங்கி³யானி. பஞ்சாபத்தியோ காயதோ ஸமுட்ட²ந்தி, ந வாசதோ ந சித்ததோ. பஞ்சாபத்தியோ காயதோ ச வாசதோ ச ஸமுட்ட²ந்தி, சித்ததோ. பஞ்சாபத்தியோ தே³ஸனாகா³மினியோ. பஞ்ச ஸங்கா⁴ . பஞ்ச பாதிமொக்கு²த்³தே³ஸா. ஸப்³ப³பச்சந்திமேஸு ஜனபதே³ஸு வினயத⁴ரபஞ்சமேன க³ணேன உபஸம்பாதே³தப்³ப³ங். பஞ்சானிஸங்ஸா கதி²னத்தா²ரே. பஞ்ச கம்மானி. யாவததியகே பஞ்ச ஆபத்தியோ. பஞ்சஹாகாரேஹி அதி³ன்னங் ஆதி³யந்தஸ்ஸ ஆபத்தி பாராஜிகஸ்ஸ. பஞ்சஹாகாரேஹி அதி³ன்னங் ஆதி³யந்தஸ்ஸ ஆபத்தி து²ல்லச்சயஸ்ஸ. பஞ்சஹாகாரேஹி அதி³ன்னங் ஆதி³யந்தஸ்ஸ ஆபத்தி து³க்கடஸ்ஸ. பஞ்ச அகப்பியானி ந பரிபு⁴ஞ்ஜிதப்³பா³னி – அதி³ன்னஞ்ச ஹோதி, அவிதி³தஞ்ச ஹோதி, அகப்பியஞ்ச ஹோதி, அப்படிக்³க³ஹிதஞ்ச ஹோதி, அகதாதிரித்தஞ்ச ஹோதி. பஞ்ச கப்பியானி பரிபு⁴ஞ்ஜிதப்³பா³னி – தி³ன்னஞ்ச ஹோதி, விதி³தஞ்ச ஹோதி, கப்பியஞ்ச ஹோதி, படிக்³க³ஹிதஞ்ச ஹோதி, கதாதிரித்தஞ்ச ஹோதி. பஞ்ச தா³னானி அபுஞ்ஞானி புஞ்ஞஸம்மதானி லோகஸ்மிங் லோகஸ்ஸ (ஸ்யா॰) – மஜ்ஜதா³னங், ஸமஜ்ஜதா³னங், இத்தி²தா³னங், உஸப⁴தா³னங், சித்தகம்மதா³னங். பஞ்ச உப்பன்னா து³ப்படிவினோத³யா வினோதி³யா (ஸ்யா॰) – உப்பன்னோ ராகோ³ து³ப்படிவினோத³யோ, உப்பன்னோ தோ³ஸோ து³ப்படிவினோத³யோ, உப்பன்னோ மோஹோ து³ப்படிவினோத³யோ, உப்பன்னங் படிபா⁴னங் து³ப்படிவினோத³யங், உப்பன்னங் க³மியசித்தங் து³ப்படிவினோத³யங் . பஞ்சானிஸங்ஸா ஸம்மஜ்ஜனியா – ஸகசித்தங் பஸீத³தி, பரசித்தங் பஸீத³தி, தே³வதா அத்தமனா ஹொந்தி, பாஸாதி³கஸங்வத்தனிககம்மங் உபசினதி, காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி. அபரேபி பஞ்சானிஸங்ஸா ஸம்மஜ்ஜனியா – ஸகசித்தங் பஸீத³தி, பரசித்தங் பஸீத³தி, தே³வதா அத்தமனா ஹொந்தி, ஸத்து²ஸாஸனங் கதங் ஹோதி, பச்சி²மா ஜனதா தி³ட்டா²னுக³திங் ஆபஜ்ஜதி.
பஞ்சஹங்கே³ஹி ஸமன்னாக³தோ வினயத⁴ரோ ‘‘பா³லோ’’ த்வேவ ஸங்க²ங் க³ச்ச²தி – அத்தனோ பா⁴ஸபரியந்தங் ந உக்³க³ண்ஹாதி, பரஸ்ஸ பா⁴ஸபரியந்தங் ந உக்³க³ண்ஹாதி, அத்தனோ பா⁴ஸபரியந்தங் ந உக்³க³ஹெத்வா பரஸ்ஸ பா⁴ஸபரியந்தங் ந உக்³க³ஹெத்வா அத⁴ம்மேன காரேதி அப்படிஞ்ஞாய. பஞ்சஹங்கே³ஹி ஸமன்னாக³தோ வினயத⁴ரோ ‘‘பண்டி³தோ’’ த்வேவ ஸங்க²ங் க³ச்ச²தி – அத்தனோ பா⁴ஸபரியந்தங் உக்³க³ண்ஹாதி, பரஸ்ஸ பா⁴ஸபரியந்தங் உக்³க³ண்ஹாதி, அத்தனோ பா⁴ஸபரியந்தங் உக்³க³ஹெத்வா பரஸ்ஸ பா⁴ஸபரியந்தங் உக்³க³ஹெத்வா த⁴ம்மேன காரேதி படிஞ்ஞாய. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – ஆபத்திங் ந ஜானாதி, ஆபத்தியா மூலங் ந ஜானாதி, ஆபத்திஸமுத³யங் ந ஜானாதி, ஆபத்தினிரோத⁴ங் ந ஜானாதி, ஆபத்தினிரோத⁴கா³மினிங் படிபத³ங் ந ஜானாதி. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – ஆபத்திங் ஜானாதி, ஆபத்தியா மூலங் ஜானாதி, ஆபத்திஸமுத³யங் ஜானாதி, ஆபத்தினிரோத⁴ங் ஜானாதி , ஆபத்தினிரோத⁴கா³மினிங் படிபத³ங் ஜானாதி. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – அதி⁴கரணங் ந ஜானாதி, அதி⁴கரணஸ்ஸ மூலங் ந ஜானாதி, அதி⁴கரணஸமுத³யங் ந ஜானாதி, அதி⁴கரணனிரோத⁴ங் ந ஜானாதி, அதி⁴கரணனிரோத⁴கா³மினிங் படிபத³ங் ந ஜானாதி. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – அதி⁴கரணங் ஜானாதி , அதி⁴கரணஸ்ஸ மூலங் ஜானாதி, அதி⁴கரணஸமுத³யங் ஜானாதி, அதி⁴கரணனிரோத⁴ங் ஜானாதி, அதி⁴கரணனிரோத⁴கா³மினிங் படிபத³ங் ஜானாதி. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – வத்து²ங் ந ஜானாதி, நிதா³னங் ந ஜானாதி, பஞ்ஞத்திங் ந ஜானாதி, அனுபஞ்ஞத்திங் ந ஜானாதி, அனுஸந்தி⁴வசனபத²ங் ந ஜானாதி. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – வத்து²ங் ஜானாதி, நிதா³னங் ஜானாதி, பஞ்ஞத்திங் ஜானாதி, அனுபஞ்ஞத்திங் ஜானாதி, அனுஸந்தி⁴வசனபத²ங் ஜானாதி. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – ஞத்திங் ந ஜானாதி, ஞத்தியா கரணங் ந ஜானாதி, ந புப்³ப³குஸலோ ஹோதி, ந அபரகுஸலோ ஹோதி, அகாலஞ்ஞூ ச ஹோதி. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – ஞத்திங் ஜானாதி, ஞத்தியா கரணங் ஜானாதி, புப்³ப³குஸலோ ஹோதி, அபரகுஸலோ ஹோதி, காலஞ்ஞூ ச ஹோதி. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – ஆபத்தானாபத்திங் ந ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங் ஆபத்திங் ந ஜானாதி, ஆசரியபரம்பரா கோ² பனஸ்ஸ ந ஸுக்³க³ஹிதா ஹோதி ந ஸுமனஸிகதா ந ஸூபதா⁴ரிதா. பஞ்சஹங்கே³ஹி ஸமன்னாக³தோ வினயத⁴ரோ பண்டி³தொத்வேவ ஸங்க²ங் க³ச்ச²தி – ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி, ஸாவஸேஸானவஸேஸங் ஆபத்திங் ஜானதி, து³ட்டு²ல்லாது³ட்டு²ல்லங் ஆபத்திங் ஜானாதி, ஆசரியபரம்பரா கோ² பனஸ்ஸ ஸுக்³க³ஹிதா ஹோதி ஸுமனஸிகதா ஸூபதா⁴ரிதா. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – ஆபத்தானாபத்திங் ந ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங் ஆபத்திங் ஜானாதி, உப⁴யானி கோ² பனஸ்ஸ பாதிமொக்கா²னி ந வித்தா²ரேன ஸ்வாக³தானி ஹொந்தி ந ஸுவிப⁴த்தானி ந ஸுப்பவத்தீனி ந ஸுவினிச்சி²தானி ஸுத்தஸோ அனுப்³யஞ்ஜனஸோ. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி, ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங் ஜானாதி, உப⁴யானி கோ² பனஸ்ஸ பாதிமொக்கா²னி வித்தா²ரேன ஸ்வாக³தானி ஹொந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ. அபரேஹிபி பஞ்சஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – ஆபத்தானாபத்திங் ந ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங் ஆபத்திங் ந ஜானாதி, அதி⁴கரணே ச ந வினிச்ச²யகுஸலோ ஹோதி. பஞ்சஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி, ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங் ஜானாதி, அதி⁴கரணே ச வினிச்ச²யகுஸலோ ஹோதி.
அ॰ நி॰ 5.181; பரி॰ 443 பஞ்ச ஆரஞ்ஞிகா – மந்த³த்தா மோமூஹத்தா ஆரஞ்ஞிகோ ஹோதி, பாபிச்சோ² இச்சா²பகதோ ஆரஞ்ஞிகோ ஹோதி, உம்மாதா³ சித்தக்கே²பா ஆரஞ்ஞிகோ ஹோதி, வண்ணிதங் பு³த்³தே⁴ஹி பு³த்³த⁴ஸாவகேஹீதி ஆரஞ்ஞிகோ ஹோதி, அபி ச அப்பிச்ச²ஞ்ஞேவ நிஸ்ஸாய ஸந்துட்டி²ஞ்ஞேவ நிஸ்ஸாய ஸல்லேக²ஞ்ஞேவ நிஸ்ஸாய பவிவேகஞ்ஞேவ நிஸ்ஸாய இத³மத்தி²தஞ்ஞேவ இத³மட்டி²தஞ்ஞேவ (ஸீ॰ ஸ்யா॰) நிஸ்ஸாய ஆரஞ்ஞிகோ ஹோதி. பஞ்ச பிண்ட³பாதிகா…பே॰… பஞ்ச பங்ஸுகூலிகா…பே॰… பஞ்ச ருக்க²மூலிகா…பே॰… பஞ்ச ஸோஸானிகா…பே॰… பஞ்ச அப்³போ⁴காஸிகா…பே॰… பஞ்ச தேசீவரிகா…பே॰… பஞ்ச ஸபதா³னசாரிகா…பே॰… பஞ்ச நேஸஜ்ஜிகா…பே॰… பஞ்ச யதா²ஸந்த²திகா…பே॰… பஞ்ச ஏகாஸனிகா…பே॰… பஞ்ச க²லுபச்சா²ப⁴த்திகா…பே॰… பஞ்ச பத்தபிண்டி³கா – மந்த³த்தா மோமூஹத்தா பத்தபிண்டி³கோ ஹோதி, பாபிச்சோ² இச்சா²பகதோ பத்தபிண்டி³கோ ஹோதி, உம்மாதா³ சித்தக்கே²பா பத்தபிண்டி³கோ ஹோதி, வண்ணிதங் பு³த்³தே⁴ஹி பு³த்³த⁴ஸாவகேஹீதி பத்தபிண்டி³கோ ஹோதி, அபி ச அப்பிச்ச²ஞ்ஞேவ நிஸ்ஸாய ஸந்துட்டி²ஞ்ஞேவ நிஸ்ஸாய ஸல்லேக²ஞ்ஞேவ நிஸ்ஸாய பவிவேகஞ்ஞேவ நிஸ்ஸாய இத³மத்தி²தஞ்ஞேவ நிஸ்ஸாய பத்தபிண்டி³கோ ஹோதி.
பரி॰ 417 பஞ்சஹங்கே³ஹி ஸமன்னாக³தேன பி⁴க்கு²னா நானிஸ்ஸிதேன வத்த²ப்³ப³ங் – உபோஸத²ங் ந ஜானாதி, உபோஸத²கம்மங் ந ஜானாதி, பாதிமொக்க²ங் ந ஜானாதி, பாதிமொக்கு²த்³தே³ஸங் ந ஜானாதி, ஊனபஞ்சவஸ்ஸோ ஹோதி. பஞ்சஹங்கே³ஹி ஸமன்னாக³தேன பி⁴க்கு²னா அனிஸ்ஸிதேன வத்த²ப்³ப³ங் – உபோஸத²ங் ஜானாதி, உபோஸத²கம்மங் ஜானாதி, பாதிமொக்க²ங் ஜானாதி, பாதிமொக்கு²த்³தே³ஸங் ஜானாதி, பஞ்சவஸ்ஸோ வா ஹோதி அதிரேகபஞ்சவஸ்ஸோ வா. அபரேஹிபி பஞ்சஹங்கே³ஹி ஸமன்னாக³தேன பி⁴க்கு²னா நானிஸ்ஸிதேன வத்த²ப்³ப³ங் – பவாரணங் ந ஜானாதி, பவாரணாகம்மங் ந ஜானாதி, பாதிமொக்க²ங் ந ஜானாதி, பாதிமொக்கு²த்³தே³ஸங் ந ஜானாதி, ஊனபஞ்சவஸ்ஸோ ஹோதி. பஞ்சஹங்கே³ஹி ஸமன்னாக³தேன பி⁴க்கு²னா அனிஸ்ஸிதேன வத்த²ப்³ப³ங் – பவாரணங் ஜானாதி, பவாரணாகம்மங் ஜானாதி, பாதிமொக்க²ங் ஜானாதி, பாதிமொக்கு²த்³தே³ஸங் ஜானாதி, பஞ்சவஸ்ஸோ வா ஹோதி அதிரேகபஞ்சவஸ்ஸோ வா. அபரேஹிபி பஞ்சஹங்கே³ஹி ஸமன்னாக³தேன பி⁴க்கு²னா நானிஸ்ஸிதேன வத்த²ப்³ப³ங் – ஆபத்தானாபத்திங் ந ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங் ஆபத்திங் ந ஜானாதி, ஊனபஞ்சவஸ்ஸோ ஹோதி. பஞ்சஹங்கே³ஹி ஸமன்னாக³தேன பி⁴க்கு²னா அனிஸ்ஸிதேன வத்த²ப்³ப³ங் – ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி, ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங் ஜானாதி, பஞ்சவஸ்ஸோ வா ஹோதி அதிரேகபஞ்சவஸ்ஸோ வா. பஞ்சஹங்கே³ஹி ஸமன்னாக³தாய பி⁴க்கு²னியா நானிஸ்ஸிதாய வத்த²ப்³ப³ங் – உபோஸத²ங் ந ஜானாதி, உபோஸத²கம்மங் ந ஜானாதி, பாதிமொக்க²ங் ந ஜானாதி, பாதிமொக்கு²த்³தே³ஸங் ந ஜானாதி, ஊனபஞ்சவஸ்ஸா ஹோதி. பஞ்சஹங்கே³ஹி ஸமன்னாக³தாய பி⁴க்கு²னியா அனிஸ்ஸிதாய வத்த²ப்³ப³ங் – உபோஸத²ங் ஜானாதி, உபோஸத²கம்மங் ஜானாதி, பாதிமொக்க²ங் ஜானாதி, பாதிமொக்கு²த்³தே³ஸங் ஜானாதி, பஞ்சவஸ்ஸா வா ஹோதி அதிரேகபஞ்சவஸ்ஸா வா. அபரேஹிபி பஞ்சஹங்கே³ஹி ஸமன்னாக³தாய பி⁴க்கு²னியா நானிஸ்ஸிதாய வத்த²ப்³ப³ங் – பவாரணங் ந ஜானாதி, பவாரணாகம்மங் ந ஜானாதி, பாதிமொக்க²ங் ந ஜானாதி, பாதிமொக்கு²த்³தே³ஸங் ந ஜானாதி, ஊனபஞ்சவஸ்ஸா ஹோதி. பஞ்சஹங்கே³ஹி ஸமன்னாக³தாய பி⁴க்கு²னியா அனிஸ்ஸிதாய வத்த²ப்³ப³ங் – பவாரணங் ஜானாதி, பவாரணாகம்மங் ஜானாதி, பாதிமொக்க²ங் ஜானாதி, பாதிமொக்கு²த்³தே³ஸங் ஜானாதி, பஞ்சவஸ்ஸா வா ஹோதி அதிரேகபஞ்சவஸ்ஸா வா. அபரேஹிபி பஞ்சஹங்கே³ஹி ஸமன்னாக³தாய பி⁴க்கு²னியா நானிஸ்ஸிதாய வத்த²ப்³ப³ங் – ஆபத்தானாபத்திங் ந ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங் ஆபத்திங் ந ஜானாதி, ஊனபஞ்சவஸ்ஸா ஹோதி. பஞ்சஹங்கே³ஹி ஸமன்னாக³தாய பி⁴க்கு²னியா அனிஸ்ஸிதாய வத்த²ப்³ப³ங் – ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி, ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங் ஜானாதி, பஞ்சவஸ்ஸா வா ஹோதி அதிரேகபஞ்சவஸ்ஸா வா.
பஞ்ச ஆதீ³னவா அபாஸாதி³கே – அத்தாபி அத்தானங் உபவத³தி, அனுவிச்சபி விஞ்ஞூ க³ரஹந்தி, பாபகோ கித்திஸத்³தோ³ அப்³பு⁴க்³க³ச்ச²தி, ஸம்மூள்ஹோ காலங் கரோதி, காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி. பஞ்சானிஸங்ஸா பாஸாதி³கே – அத்தாபி அத்தானங் ந உபவத³தி, அனுவிச்சபி விஞ்ஞூ பஸங்ஸந்தி, கல்யாணோ கித்திஸத்³தோ³ அப்³பு⁴க்³க³ச்ச²தி, அஸம்மூள்ஹோ காலங் கரோதி, காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி. அபரேபி பஞ்ச ஆதீ³னவா அபாஸாதி³கே – அப்பஸன்னா ந பஸீத³ந்தி, பஸன்னானங் ஏகச்சானங் அஞ்ஞத²த்தங் ஹோதி, ஸத்து²ஸாஸனங் அகதங் ஹோதி, பச்சி²மா ஜனதா தி³ட்டா²னுக³திங் நாபஜ்ஜதி, சித்தமஸ்ஸ ந பஸீத³தி. பஞ்சானிஸங்ஸா பாஸாதி³கே – அப்பஸன்னா பஸீத³ந்தி, பஸன்னானங் பி⁴ய்யோபா⁴வாய ஹோதி, ஸத்து²ஸாஸனங் கதங் ஹோதி, பச்சி²மா ஜனதா தி³ட்டா²னுக³திங் ஆபஜ்ஜதி, சித்தமஸ்ஸ பஸீத³தி. பஞ்ச ஆதீ³னவா குலூபகே – அனாமந்தசாரே ஆபஜ்ஜதி, ரஹோ நிஸஜ்ஜாய ஆபஜ்ஜதி, படிச்ச²ன்னே ஆஸனே ஆபஜ்ஜதி, மாதுகா³மஸ்ஸ உத்தரிச²ப்பஞ்சவாசாஹி த⁴ம்மங் தே³ஸெந்தோ ஆபஜ்ஜதி, காமஸங்கப்பப³ஹுலோ ச விஹரதி. பஞ்ச ஆதீ³னவா குலூபகஸ்ஸ பி⁴க்கு²னோ – அதிவேலங் குலேஸு ஸங்ஸட்ட²ஸ்ஸ விஹரதோ மாதுகா³மஸ்ஸ அபி⁴ண்ஹத³ஸ்ஸனங், த³ஸ்ஸனே ஸதி ஸங்ஸக்³கோ³, ஸங்ஸக்³கே³ ஸதி விஸ்ஸாஸோ, விஸ்ஸாஸே ஸதி ஓதாரோ, ஓதிண்ணசித்தஸ்ஸேதங் பி⁴க்கு²னோ பாடிகங்க²ங் அனபி⁴ரதோ வா ப்³ரஹ்மசரியங் சரிஸ்ஸதி அஞ்ஞதரங் வா ஸங்கிலிட்ட²ங் ஆபத்திங் ஆபஜ்ஜிஸ்ஸதி ஸிக்க²ங் வா பச்சக்கா²ய ஹீனாயாவத்திஸ்ஸதி.
பாசி॰ 92 பஞ்ச பீ³ஜஜாதானி – மூலபீ³ஜங், க²ந்த⁴பீ³ஜங், ப²ளுபீ³ஜங், அக்³க³பீ³ஜங், பீ³ஜபீ³ஜஞ்ஞேவ பீ³ஜபீ³ஜமேவ (க॰) பஞ்சமங். பஞ்சஹி ஸமணகப்பேஹி ப²லங் பரிபு⁴ஞ்ஜிதப்³ப³ங் – அக்³கி³பரிஜிதங், ஸத்த²பரிஜிதங், நக²பரிஜிதங், அபீ³ஜங், நிப்³ப³த்தபீ³ஜஞ்ஞேவ நிப்³ப³ட்டபீ³ஜஞ்ஞேவ (ஸீ॰), நிப்³ப³டபீ³ஜஞ்ஞேவ (ஸ்யா॰), நிப்பட்டபீ³ஜஞ்ஞேவ (க॰) பஞ்சமங். பஞ்ச விஸுத்³தி⁴யோ – நிதா³னங் உத்³தி³ஸித்வா அவஸேஸங் ஸுதேன ஸாவேதப்³ப³ங், அயங் பட²மா விஸுத்³தி⁴; நிதா³னங் உத்³தி³ஸித்வா சத்தாரி பாராஜிகானி உத்³தி³ஸித்வா அவஸேஸங் ஸுதேன ஸாவேதப்³ப³ங், அயங் து³தியா விஸுத்³தி⁴; நிதா³னங் உத்³தி³ஸித்வா சத்தாரி பாராஜிகானி உத்³தி³ஸித்வா தேரஸ ஸங்கா⁴தி³ஸேஸே உத்³தி³ஸித்வா அவஸேஸங் ஸுதேன ஸாவேதப்³ப³ங், அயங் ததியா விஸுத்³தி⁴; நிதா³னங் உத்³தி³ஸித்வா சத்தாரி பாராஜிகானி உத்³தி³ஸித்வா தேரஸ ஸங்கா⁴தி³ஸேஸே உத்³தி³ஸித்வா த்³வே அனியதே உத்³தி³ஸித்வா அவஸேஸங் ஸுதேன ஸாவேதப்³ப³ங், அயங் சதுத்தா² விஸுத்³தி⁴; வித்தா²ரேனேவ பஞ்சமீ. அபராபி பஞ்ச விஸுத்³தி⁴யோ – ஸுத்துத்³தே³ஸோ, பாரிஸுத்³தி⁴உபோஸதோ², அதி⁴ட்டா²னுபோஸதோ², பவாரணா, ஸாமக்³கீ³உபோஸதோ²யேவ பஞ்சமோ. பஞ்சானிஸங்ஸா வினயத⁴ரே – அத்தனோ ஸீலக்க²ந்தோ⁴ ஸுகு³த்தோ ஹோதி ஸுரக்கி²தோ, குக்குச்சபகதானங் படிஸரணங் ஹோதி, விஸாரதோ³ ஸங்க⁴மஜ்ஜே² வோஹரதி, பச்சத்தி²கே ஸஹத⁴ம்மேன ஸுனிக்³க³ஹிதங் நிக்³க³ண்ஹாதி, ஸத்³த⁴ம்மட்டி²தியா படிபன்னோ ஹோதி. பஞ்ச அத⁴ம்மிகானி பாதிமொக்க²ட்ட²பனானி . பஞ்ச த⁴ம்மிகானி பாதிமொக்க²ட்ட²பனானீதி.
பஞ்சகங் நிட்டி²தங்.
தஸ்ஸுத்³தா³னங் –
ஆபத்தி ஆபத்திக்க²ந்தா⁴, வினீதானந்தரேன ச;
புக்³க³லா சே²த³னா சேவ, ஆபஜ்ஜதி ச பச்சயா.
ந உபேதி உபேதி ச, கப்பந்துஸங்கிதேலஞ்ச;
வஸங் ப்³யஸனா ஸம்பதா³, பஸ்ஸத்³தி⁴ புக்³க³லேன ச.
ஸோஸானிகங் கா²யிதஞ்ச, தெ²ய்யங் சோரோ ச வுச்சதி;
அவிஸ்ஸஜ்ஜி அவேப⁴ங்கி³, காயதோ காயவாசதோ.
தே³ஸனா ஸங்க⁴ங் உத்³தே³ஸங், பச்சந்திகதி²னேன ச;
கம்மானி யாவததியங், பாராஜிது²ல்லது³க்கடங்.
அகப்பியங் கப்பியஞ்ச, அபுஞ்ஞது³வினோத³யா;
ஸம்மஜ்ஜனீ அபரே ச, பா⁴ஸங் ஆபத்திமேவ ச.
அதி⁴கரணங் வத்து² ஞத்தி, ஆபத்தா உப⁴யானி ச;
லஹுகட்ட²மகா ஏதே, கண்ஹஸுக்கா விஜானத².
அரஞ்ஞங் பிண்ட³பாதஞ்ச, பங்ஸுருக்க²ஸுஸானிகா;
அப்³போ⁴காஸோ சீவரஞ்ச, ஸபதா³னோ நிஸஜ்ஜிகோ.
ஸந்த²தி க²லு பச்சா²பி, பத்தபிண்டி³கமேவ ச;
உபோஸத²ங் பவாரணங், ஆபத்தானாபத்திபி ச.
கண்ஹஸுக்கபதா³ ஏதே, பி⁴க்கு²னீனம்பி தே ததா²;
அபாஸாதி³கபாஸாதி³, ததே²வ அபரே து³வே.
குலூபகே அதிவேலங், பீ³ஜங் ஸமணகப்பி ச;
விஸுத்³தி⁴ அபரே சேவ, வினயாத⁴ம்மிகேன ச;
த⁴ம்மிகா ச ததா² வுத்தா, நிட்டி²தா ஸுத்³தி⁴பஞ்சகாதி.
6. ச²க்கவாரோ
326. தீ³॰ நி॰ 3.324 ச² அகா³ரவா. ச² கா³ரவா. ச² வினீதவத்தூ²னி. ச² ஸாமீசியோ. ச² ஆபத்திஸமுட்டா²னா. ச²ச்சே²த³னகா ஆபத்தியோ. ச²ஹாகாரேஹி ஆபத்திங் ஆபஜ்ஜதி. சா²னிஸங்ஸா வினயத⁴ரே. ச² பரமானி. சா²ரத்தங் திசீவரேன விப்பவஸிதப்³ப³ங். ச² சீவரானி . ச² ரஜனானி. ச² ஆபத்தியோ காயதோ ச சித்ததோ ச ஸமுட்ட²ந்தி ந வாசதோ. ச² ஆபத்தியோ வாசதோ ச சித்ததோ ச ஸமுட்ட²ந்தி ந காயதோ. ச² ஆபத்தியோ காயதோ ச வாசதோ ச சித்ததோ ச ஸமுட்ட²ந்தி. ச² கம்மானி. ச² விவாத³மூலானி. ச² அனுவாத³மூலானி. ச² ஸாரணீயா த⁴ம்மா தீ³க⁴ஸோ. ச² வித³த்தி²யோ, ஸுக³தவித³த்தி²யா, திரியங் ச² வித³த்தி²யோ. ச² நிஸ்ஸயபடிப்பஸ்ஸத்³தி⁴யோ ஆசரியம்ஹா. ச² நஹானே அனுபஞ்ஞத்தியோ – விப்பகதசீவரங் ஆதா³ய பக்கமதி, விப்பகதசீவரங் ஸமாதா³ய பக்கமதி.
மஹாவ॰ 85 ஆத³யோ ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ங் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – அஸெக்கே²ன ஸீலக்க²ந்தே⁴ன ஸமன்னாக³தோ ஹோதி, அஸெக்கே²ன ஸமாதி⁴க்க²ந்தே⁴ன ஸமன்னாக³தோ ஹோதி, அஸெக்கே²ன பஞ்ஞக்க²ந்தே⁴ன ஸமன்னாக³தோ ஹோதி, அஸெக்கே²ன விமுத்திக்க²ந்தே⁴ன ஸமன்னாக³தோ ஹோதி, அஸெக்கே²ன விமுத்திஞாணத³ஸ்ஸனக்க²ந்தே⁴ன ஸமன்னாக³தோ ஹோதி, த³ஸவஸ்ஸோ வா ஹோதி அதிரேகத³ஸவஸ்ஸோ வா.
அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ங் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – அத்தனா அஸெக்கே²ன ஸீலக்க²ந்தே⁴ ஸமன்னாக³தோ ஹோதி, பரங் அஸெக்கே² ஸீலக்க²ந்தே⁴ ஸமாத³பேதா; அத்தனா அஸெக்கே²ன ஸமாதி⁴க்க²ந்தே⁴ன ஸமன்னாக³தோ ஹோதி, பரங் அஸெக்கே² ஸமாதி⁴க்க²ந்தே⁴ ஸமாத³பேதா; அத்தனா அஸெக்கே²ன பஞ்ஞக்க²ந்தே⁴ன ஸமன்னாக³தோ ஹோதி, பரங் அஸெக்கே² பஞ்ஞக்க²ந்தே⁴ ஸமாத³பேதா; அத்தனா அஸெக்கே²ன விமுத்திக்க²ந்தே⁴ன ஸமன்னாக³தோ ஹோதி, பரங் அஸெக்கே² விமுத்திக்க²ந்தே⁴ ஸமாத³பேதா; அத்தனா அஸெக்கே²ன விமுத்திஞாணத³ஸ்ஸனக்க²ந்தே⁴ன ஸமன்னாக³தோ ஹோதி, பரங் அஸெக்கே² விமுத்திஞாணத³ஸ்ஸனக்க²ந்தே⁴ ஸமாத³பேதா; த³ஸவஸ்ஸோ வா ஹோதி அதிரேகத³ஸவஸ்ஸோ வா.
அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ங் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – ஸத்³தோ⁴ ஹோதி, ஹிரிமா ஹோதி, ஒத்தப்பீ ஹோதி, ஆரத்³த⁴வீரியோ ஹோதி , உபட்டி²தஸ்ஸதி ஹோதி, த³ஸவஸ்ஸோ வா ஹோதி அதிரேகத³ஸவஸ்ஸோ வா.
அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ங் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – ந அதி⁴ஸீலே ஸீலவிபன்னோ ஹோதி, ந அஜ்ஜா²சாரே ஆசாரவிபன்னோ ஹோதி, ந அதிதி³ட்டி²யா தி³ட்டி²விபன்னோ ஹோதி, ப³ஹுஸ்ஸுதோ ஹோதி, பஞ்ஞவா ஹோதி, த³ஸவஸ்ஸோ வா ஹோதி அதிரேகத³ஸவஸ்ஸோ வா.
அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ங் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – படிப³லோ ஹோதி அந்தேவாஸிங் வா ஸத்³தி⁴விஹாரிங் வா கி³லானங் உபட்டா²துங் வா உபட்டா²பேதுங் வா, அனபி⁴ரதங் வூபகாஸேதுங் வா வூபகாஸாபேதுங் வா அனபி⁴ரதிங் (க॰), உப்பன்னங் குக்குச்சங் த⁴ம்மதோ வினோதே³துங் வினோதே³துங் வா வினோதா³பேதுங் வா (ஸ்யா॰) மஹாவ॰ 85, ஆபத்திங் ஜானாதி, ஆபத்திவுட்டா²னங் ஜானாதி, த³ஸவஸ்ஸோ வா ஹோதி அதிரேகத³ஸவஸ்ஸோ வா.
அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ங் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – படிப³லோ ஹோதி அந்தேவாஸிங் வா ஸத்³தி⁴விஹாரிங் வா ஆபி⁴ஸமாசாரிகாய ஸிக்கா²ய ஸிக்கா²பேதுங், ஆதி³ப்³ரஹ்மசாரியகாய ஸிக்கா²ய வினேதுங், அபி⁴த⁴ம்மே வினேதுங், அபி⁴வினயே வினேதுங், உப்பன்னங் தி³ட்டி²க³தங் த⁴ம்மதோ விவேசேதுங், த³ஸவஸ்ஸோ வா ஹோதி அதிரேகத³ஸவஸ்ஸோ வா.
அபரேஹிபி ச²ஹங்கே³ஹி ஸமன்னாக³தேன பி⁴க்கு²னா உபஸம்பாதே³தப்³ப³ங் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³ – ஆபத்திங் ஜானாதி, அனாபத்திங் ஜானாதி, லஹுகங் ஆபத்திங் ஜானாதி, க³ருகங் ஆபத்திங் ஜானாதி, உப⁴யானி கோ² பனஸ்ஸ பாதிமொக்கா²னி வித்தா²ரேன ஸ்வாக³தானி ஹொந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ, த³ஸவஸ்ஸோ வா ஹோதி அதிரேகத³ஸவஸ்ஸோ வா.
ச² அத⁴ம்மிகானி பாதிமொக்க²ட்ட²பனானி, ச² த⁴ம்மிகானி பாதிமொக்க²ட்ட²பனானீதி.
ச²க்கங் நிட்டி²தங்.
தஸ்ஸுத்³தா³னங் –
அகா³ரவா கா³ரவா ச, வினீதா ஸாமீசிபி ச;
ஸமுட்டா²னா சே²த³னா சேவ, ஆகாரானிஸங்ஸேன ச.
பரமானி ச சா²ரத்தங், சீவரங் ரஜனானி ச;
காயதோ சித்ததோ சாபி, வாசதோ சித்ததோபி ச.
காயவாசாசித்ததோ ச, கம்மவிவாத³மேவ ச;
அனுவாதா³ தீ³க⁴ஸோ ச, திரியங் நிஸ்ஸயேன ச.
அனுபஞ்ஞத்தி ஆதா³ய, ஸமாதா³ய ததே²வ ச;
அஸெக்கே² ஸமாத³பேதா, ஸத்³தோ⁴ அதி⁴ஸீலேன ச;
கி³லானாபி⁴ஸமாசாரீ, ஆபத்தாத⁴ம்மத⁴ம்மிகாதி.
7. ஸத்தகவாரோ
327. ஸத்தாபத்தியோ . ஸத்தாபத்திக்க²ந்தா⁴. ஸத்த வினீதவத்தூ²னி. ஸத்த ஸாமீசியோ. ஸத்த அத⁴ம்மிகா படிஞ்ஞாதகரணா. ஸத்த த⁴ம்மிகா படிஞ்ஞாதகரணா. ஸத்தன்னங் அனாபத்தி ஸத்தாஹகரணீயேன க³ந்துங். ஸத்தானிஸங்ஸா வினயத⁴ரே. ஸத்த பரமானி . ஸத்தமே அருணுக்³க³மனே நிஸ்ஸக்³கி³யங் ஹோதி. ஸத்த ஸமதா². ஸத்த கம்மானி. ஸத்த ஆமகத⁴ஞ்ஞானி. திரியங் ஸத்தந்தரா. க³ணபோ⁴ஜனே ஸத்த அனுபஞ்ஞத்தியோ. பே⁴ஸஜ்ஜானி படிக்³க³ஹெத்வா ஸத்தாஹபரமங் ஸன்னிதி⁴காரகங் பரிபு⁴ஞ்ஜிதப்³பா³னி. கதசீவரங் ஆதா³ய பக்கமதி. கதசீவரங் ஸமாதா³ய பக்கமதி. பி⁴க்கு²ஸ்ஸ ந ஹோதி ஆபத்தி த³ட்ட²ப்³பா³. பி⁴க்கு²ஸ்ஸ ஹோதி ஆபத்தி த³ட்ட²ப்³பா³. பி⁴க்கு²ஸ்ஸ ஹோதி ஆபத்தி த³ட்ட²ப்³பா³ படிகாதப்³பா³ (ஸப்³ப³த்த²) அட்ட²கதா² ச சம்பெய்யக்க²ந்த⁴கே அத⁴ம்மகம்மாதி³கதா² ச ஓலோகேதப்³பா³. ஸத்த அத⁴ம்மிகானி பாதிமொக்க²ட்ட²பனானி. ஸத்த த⁴ம்மிகானி பாதிமொக்க²ட்ட²பனானி.
அ॰ நி॰ 7.75 ஸத்தஹங்கே³ஹி ஸமன்னாக³தோ பி⁴க்கு² வினயத⁴ரோ ஹோதி – ஆபத்திங் ஜானாதி, அனாபத்திங் ஜானாதி, லஹுகங் ஆபத்திங் ஜானாதி, க³ருகங் ஆபத்திங் ஜானாதி, ஸீலவா ஹோதி, பாதிமொக்க²ஸங்வரஸங்வுதோ விஹரதி ஆசாரகோ³சரஸம்பன்னோ அணுமத்தேஸு வஜ்ஜேஸு ப⁴யத³ஸ்ஸாவீ ஸமாதா³ய ஸிக்க²தி ஸிக்கா²பதே³ஸு, சதுன்னங் ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.
அபரேஹிபி ஸத்தஹங்கே³ஹி ஸமன்னாக³தோ பி⁴க்கு² வினயத⁴ரோ ஹோதி – ஆபத்திங் ஜானாதி, அனாபத்திங் ஜானாதி, லஹுகங் ஆபத்திங் ஜானாதி, க³ருகங் ஆபத்திங் ஜானாதி, ப³ஹுஸ்ஸுதோ ஹோதி ஸுதத⁴ரோ ஸுதஸன்னிசயோ யே தே த⁴ம்மா ஆதி³கல்யாணா மஜ்ஜே²கல்யாணா பரியோஸானகல்யாணா ஸாத்த²ங் ஸப்³யஞ்ஜனங் கேவலபரிபுண்ணங் பரிஸுத்³த⁴ங் ப்³ரஹ்மசரியங் அபி⁴வத³ந்தி ததா²ரூபஸ்ஸ த⁴ம்மா ப³ஹுஸ்ஸுதா ஹொந்தி தா⁴தா த⁴தா (ஸீ॰ ஸ்யா॰) வசஸா பரிசிதா மனஸானுபெக்கி²தா தி³ட்டி²யா ஸுப்படிவித்³தா⁴, சதுன்னங் ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.
அபரேஹிபி ஸத்தஹங்கே³ஹி ஸமன்னாக³தோ பி⁴க்கு² வினயத⁴ரோ ஹோதி – ஆபத்திங் ஜானாதி, அனாபத்திங் ஜானாதி, லஹுகங் ஆபத்திங் ஜானாதி, க³ருகங் ஆபத்திங் ஜானாதி, உப⁴யானி கோ² பனஸ்ஸ பாதிமொக்கா²னி வித்தா²ரேன ஸ்வாக³தானி ஹொந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ, சதுன்னங் ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.
அபரேஹிபி ஸத்தஹங்கே³ஹி ஸமன்னாக³தோ பி⁴க்கு² வினயத⁴ரோ ஹோதி – ஆபத்திங் ஜானாதி; அனாபத்திங் ஜானாதி; லஹுகங் ஆபத்திங் ஜானாதி; க³ருகங் ஆபத்திங் ஜானாதி; அனேகவிஹிதங் புப்³பே³னிவாஸங் அனுஸ்ஸரதி, ஸெய்யதி²த³ங் – ஏகம்பி ஜாதிங் த்³வேபி ஜாதியோ திஸ்ஸோபி ஜாதியோ சதஸ்ஸோபி ஜாதியோ பஞ்சபி ஜாதியோ த³ஸபி ஜாதியோ வீஸம்பி ஜாதியோ திங்ஸம்பி ஜாதியோ சத்தாலீஸம்பி ஜாதியோ பஞ்ஞாஸம்பி ஜாதியோ ஜாதிஸதம்பி ஜாதிஸஹஸ்ஸம்பி ஜாதிஸதஸஹஸ்ஸம்பி அனேகேபி ஸங்வட்டகப்பே அனேகேபி விவட்டகப்பே அனேகேபி ஸங்வட்டவிவட்டகப்பே – ‘‘அமுத்ராஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ அமுத்ர உத³பாதி³ங்; தத்ராபாஸிங் ஏவங்னாமோ ஏவங்கொ³த்தோ ஏவங்வண்ணோ ஏவமாஹாரோ ஏவங்ஸுக²து³க்க²ப்படிஸங்வேதீ³ ஏவமாயுபரியந்தோ, ஸோ ததோ சுதோ இதூ⁴பபன்னோ’’தி இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸரதி; தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன அதிக்கந்தமானுஸ்ஸகேன (க॰) ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே, ஸுக³தே து³க்³க³தே யதா²கம்மூபகே³ ஸத்தே பஜானாதி – ‘‘இமே வத பொ⁴ந்தோ ஸத்தா காயது³ச்சரிதேன ஸமன்னாக³தா வசீது³ச்சரிதேன ஸமன்னாக³தா மனோது³ச்சரிதேன ஸமன்னாக³தா அரியானங் உபவாத³கா மிச்சா²தி³ட்டி²கா மிச்சா²தி³ட்டி²கம்மஸமாதா³னா, தே காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபன்னா, இமே வா பன பொ⁴ந்தோ ஸத்தா காயஸுசரிதேன ஸமன்னாக³தா வசீஸுசரிதேன ஸமன்னாக³தா மனோஸுசரிதேன ஸமன்னாக³தா அரியானங் அனுபவாத³கா ஸம்மாதி³ட்டி²கா ஸம்மாதி³ட்டி²கம்மஸமாதா³னா, தே காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபன்னா’’தி இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே பஜானாதி; ஆஸவானஞ்ச க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.
ஸத்தஹங்கே³ஹி ஸமன்னாக³தோ வினயத⁴ரோ ஸோப⁴தி – ஆபத்திங் ஜானாதி, அனாபத்திங் ஜானாதி, லஹுகங் ஆபத்திங் ஜானாதி, க³ருகங் ஆபத்திங் ஜானாதி, ஸீலவா ஹோதி…பே॰… ஸமாதா³ய ஸிக்க²தி ஸிக்கா²பதே³ஸு, சதுன்னங் ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.
அபரேஹிபி ஸத்தஹங்கே³ஹி ஸமன்னாக³தோ வினயத⁴ரோ. ஸோப⁴தி – ஆபத்திங் ஜானாதி, அனாபத்திங் ஜானாதி, லஹுகங் ஆபத்திங் ஜானாதி, க³ருகங் ஆபத்திங் ஜானாதி, ப³ஹுஸ்ஸுதோ ஹோதி…பே॰… தி³ட்டி²யா ஸுப்படிவித்³தோ⁴ சதுன்னங் ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.
அபரேஹிபி ஸத்தஹங்கே³ஹி ஸமன்னாக³தோ வினயத⁴ரோ ஸோப⁴தி – ஆபத்திங் ஜானாதி, அனாபத்திங் ஜானாதி, லஹுகங் ஆபத்திங் ஜானாதி, க³ருகங் ஆபத்திங் ஜானாதி, உப⁴யானி கோ² பனஸ்ஸ பாதிமொக்கா²னி வித்தா²ரேன ஸ்வாக³தானி ஹொந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ, சதுன்னங் ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானஞ்ச க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.
அபரேஹிபி ஸத்தஹங்கே³ஹி ஸமன்னாக³தோ வினயத⁴ரோ ஸோப⁴தி – ஆபத்திங் ஜானாதி; அனாபத்திங் ஜானாதி; லஹுகங் ஆபத்திங் ஜானாதி; க³ருகங் ஆபத்திங் ஜானாதி; அனேகவிஹிதங் புப்³பே³னிவாஸங் அனுஸ்ஸரதி, ஸெய்யதி²த³ங் – ஏகம்பி ஜாதிங் த்³வேபி ஜாதியோ…பே॰… இதி ஸாகாரங் ஸஉத்³தே³ஸங் அனேகவிஹிதங் புப்³பே³னிவாஸங் அனுஸ்ஸரதி, தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே பஜானாதி…பே॰… இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே யதா²கம்மூபகே³ ஸத்தே பஜானாதி; ஆஸவானஞ்ச க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி.
தீ³॰ நி॰ 3.330 ஸத்த அஸத்³த⁴ம்மா – அஸ்ஸத்³தோ⁴ ஹோதி, அஹிரிகோ ஹோதி, அனொத்தப்பீ ஹோதி, அப்பஸ்ஸுதோ ஹோதி, குஸீதோ ஹோதி, முட்ட²ஸ்ஸதி ஹோதி, து³ப்பஞ்ஞோ ஹோதி.
தீ³॰ நி॰ 3.330 ஸத்த ஸத்³த⁴ம்மா – ஸத்³தோ⁴ ஹோதி, ஹிரிமா ஹோதி, ஒத்தப்பீ ஹோதி, ப³ஹுஸ்ஸுதோ ஹோதி, ஆரத்³த⁴வீரியோ ஹோதி, உபட்டி²தஸ்ஸதி ஹோதி, பஞ்ஞவா ஹோதீதி.
ஸத்தகங் நிட்டி²தங்.
தஸ்ஸுத்³தா³னங் –
ஆபத்தி ஆபத்திக்க²ந்தா⁴, வினீதா ஸாமீசிபி ச;
அத⁴ம்மிகா த⁴ம்மிகா ச, அனாபத்தி ச ஸத்தாஹங்.
ஆனிஸங்ஸா பரமானி, அருணஸமதே²ன ச;
கம்மா ஆமகத⁴ஞ்ஞா ச, திரியங் க³ணபோ⁴ஜனே.
ஸத்தாஹபரமங் ஆதா³ய, ஸமாதா³ய ததே²வ ச;
ந ஹோதி ஹோதி ஹோதி ச, அத⁴ம்மா த⁴ம்மிகானி ச.
சதுரோ வினயத⁴ரா, சதுபி⁴க்கூ² ச ஸோப⁴னே;
ஸத்த சேவ அஸத்³த⁴ம்மா, ஸத்த ஸத்³த⁴ம்மா தே³ஸிதாதி.
8. அட்ட²கவாரோ
328. அட்டா²னிஸங்ஸே ஸம்பஸ்ஸமானேன ந ஸோ பி⁴க்கு² ஆபத்தியா அத³ஸ்ஸனே உக்கி²பிதப்³போ³. அட்டா²னிஸங்ஸே ஸம்பஸ்ஸமானேன பரேஸம்பி ஸத்³தா⁴ய ஸா ஆபத்தி தே³ஸேதப்³பா³. அட்ட² யாவததியகா. அட்ட²ஹாகாரேஹி குலானி தூ³ஸேதி. அட்ட² மாதிகா சீவரஸ்ஸ உப்பாதா³ய. அட்ட² மாதிகா கதி²னஸ்ஸ உப்³பா⁴ராய. அட்ட² பானானி. சூளவ॰ 348; அ॰ நி॰ 8.7 அட்ட²ஹி அஸத்³த⁴ம்மேஹி அபி⁴பூ⁴தோ பரியாதி³ன்னசித்தோ தே³வத³த்தோ ஆபாயிகோ நேரயிகோ கப்பட்டோ² அதேகிச்சோ² . அட்ட² லோகத⁴ம்மா. அட்ட² க³ருத⁴ம்மா. அட்ட² பாடிதே³ஸனீயா. அட்ட²ங்கி³கோ முஸாவாதோ³ . அட்ட² உபோஸத²ங்கா³னி. அட்ட² தூ³தெய்யங்கா³னி. அட்ட² தித்தி²யவத்தானி. அட்ட² அச்ச²ரியா அப்³பு⁴தத⁴ம்மா மஹாஸமுத்³தே³. அட்ட² அச்ச²ரியா அப்³பு⁴தத⁴ம்மா இமஸ்மிங் த⁴ம்மவினயே. அட்ட² அனதிரித்தா. அட்ட² அதிரித்தா. அட்ட²மே அருணுக்³க³மனே நிஸ்ஸக்³கி³யங் ஹோதி. அட்ட² பாராஜிகா. அட்ட²மங் வத்து²ங் பரிபூரெந்தீ நாஸேதப்³பா³. அட்ட²மங் வத்து²ங் பரிபூரெந்தியா தே³ஸிதாபி அதே³ஸிதா ஹோதி. அட்ட²வாசிகா உபஸம்பதா³. அட்ட²ன்னங் பச்சுட்டா²தப்³ப³ங். அட்ட²ன்னங் ஆஸனங் தா³தப்³ப³ங். உபாஸிகா அட்ட² வரானி யாசதி. அட்ட²ஹங்கே³ஹி ஸமன்னாக³தோ பி⁴க்கு² பி⁴க்கு²னோவாத³கோ ஸம்மன்னிதப்³போ³ ஸம்மனிதப்³போ³ (க॰). அட்டா²னிஸங்ஸா வினயத⁴ரே. அட்ட² பரமானி. தஸ்ஸபாபியஸிககம்மகதேன பி⁴க்கு²னா அட்ட²ஸு த⁴ம்மேஸு ஸம்மா வத்திதப்³ப³ங். அட்ட² அத⁴ம்மிகானி பாதிமொக்க²ட்ட²பனானி அட்ட² த⁴ம்மிகானி பாதிமொக்க²ட்ட²பனானீதி.
அட்ட²கங் நிட்டி²தங்.
தஸ்ஸுத்³தா³னங் –
ந ஸோ பி⁴க்கு² பரேஸம்பி, யாவததியதூ³ஸனா;
மாதிகா கதி²னுப்³பா⁴ரா, பானா அபி⁴பூ⁴தேன ச.
லோகத⁴ம்மா க³ருத⁴ம்மா, பாடிதே³ஸனீயா முஸா;
உபோஸதா² ச தூ³தங்கா³, தித்தி²யா ஸமுத்³தே³பி ச.
அப்³பு⁴தா அனதிரித்தங், அதிரித்தங் நிஸ்ஸக்³கி³யங்;
பாராஜிகட்ட²மங் வத்து², அதே³ஸிதூபஸம்பதா³.
பச்சுட்டா²னாஸனஞ்சேவ, வரங் ஓவாத³கேன ச;
ஆனிஸங்ஸா பரமானி, அட்ட²த⁴ம்மேஸு வத்தனா;
அத⁴ம்மிகா த⁴ம்மிகா ச, அட்ட²கா ஸுப்பகாஸிதாதி.
9. நவகவாரோ
329. நவ ஆகா⁴தவத்தூ²னி. நவ ஆகா⁴தபடிவினயா. நவ வினீதவத்தூ²னி. நவ பட²மாபத்திகா. நவஹி ஸங்கோ⁴ பி⁴ஜ்ஜதி. நவ பணீதபோ⁴ஜனானி . நவமங்ஸேஹி து³க்கடங். நவ பாதிமொக்கு²த்³தே³ஸா. நவ பரமானி. நவ தண்ஹாமூலகா த⁴ம்மா. நவ வித⁴மானா. நவ சீவரானி அதி⁴ட்டா²தப்³பா³னி. நவ சீவரானி ந விகப்பேதப்³பா³னி. தீ³க⁴ஸோ நவ வித³த்தி²யோ ஸுக³தவித³த்தி²யா. நவ அத⁴ம்மிகானி தா³னானி. நவ அத⁴ம்மிகா படிக்³க³ஹா. நவ அத⁴ம்மிகா பரிபோ⁴கா³ – தீணி த⁴ம்மிகானி தா³னானி, தயோ த⁴ம்மிகா படிக்³க³ஹா, தயோ த⁴ம்மிகா பரிபோ⁴கா³. நவ அத⁴ம்மிகா ஸஞ்ஞத்தியோ பஞ்ஞத்தியோ (ஸப்³ப³த்த²) அட்ட²கதா² ச ஸமத²க்க²ந்த⁴கே கண்ஹபக்க²னவகஞ்ச ஓலோகேதப்³ப³ங். நவ த⁴ம்மிகா ஸஞ்ஞத்தியோ. அத⁴ம்மகம்மே த்³வே நவகானி. த⁴ம்மகம்மே த்³வே நவகானி. நவ அத⁴ம்மிகானி பாதிமொக்க²ட்ட²பனானி. நவ த⁴ம்மிகானி பாதிமொக்க²ட்ட²பனானீதி.
நவகங் நிட்டி²தங்.
தஸ்ஸுத்³தா³னங் –
ஆகா⁴தவத்து²வினயா, வினீதா பட²மேன ச;
பி⁴ஜ்ஜதி ச பணீதஞ்ச, மங்ஸுத்³தே³ஸபரமானி ச.
தண்ஹா மானா அதி⁴ட்டா²னா, விகப்பே ச வித³த்தி²யோ;
தா³னா படிக்³க³ஹா போ⁴கா³, திவிதா⁴ புன த⁴ம்மிகா.
அத⁴ம்மத⁴ம்மஸஞ்ஞத்தி, து³வே த்³வே நவகானி ச;
பாதிமொக்க²ட்ட²பனானி, அத⁴ம்மத⁴ம்மிகானி சாதி.
10. த³ஸகவாரோ
330. த³ஸ ஆகா⁴தவத்தூ²னி. த³ஸ ஆகா⁴தபடிவினயா. த³ஸ வினீதவத்தூ²னி. த³ஸவத்து²கா மிச்சா²தி³ட்டி². த³ஸவத்து²கா ஸம்மாதி³ட்டி². த³ஸ அந்தக்³கா³ஹிகா தி³ட்டி². த³ஸ மிச்ச²த்தா. த³ஸ ஸம்மத்தா. த³ஸ அகுஸலகம்மபதா². த³ஸ குஸலகம்மபதா². த³ஸ அத⁴ம்மிகா ஸலாகக்³கா³ஹா. த³ஸ த⁴ம்மிகா ஸலாகக்³கா³ஹா. ஸாமணேரானங் த³ஸ ஸிக்கா²பதா³னி. த³ஸஹங்கே³ஹி ஸமன்னாக³தோ ஸாமணேரோ நாஸேதப்³போ³.
த³ஸஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – அத்தனோ பா⁴ஸபரியந்தங் ந உக்³க³ண்ஹாதி, பரஸ்ஸ பா⁴ஸபரியந்தங் ந உக்³க³ண்ஹாதி , அத்தனோ பா⁴ஸபரியந்தங் அனுக்³க³ஹெத்வா பரஸ்ஸ பா⁴ஸபரியந்தங் அனுக்³க³ஹெத்வா அத⁴ம்மேன காரேதி, அப்படிஞ்ஞாய ஆபத்திங் ந ஜானாதி, ஆபத்தியா மூலங் ந ஜானாதி, ஆபத்திஸமுத³யங் ந ஜானாதி, ஆபத்தினிரோத⁴ங் ந ஜானாதி, ஆபத்தினிரோத⁴கா³மினிங் படிபத³ங் ந ஜானாதி.
த³ஸஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – அத்தனோ பா⁴ஸபரியந்தங் உக்³க³ண்ஹாதி, பரஸ்ஸ பா⁴ஸபரியந்தங் உக்³க³ண்ஹாதி, அத்தனோ பா⁴ஸபரியந்தங் உக்³க³ஹெத்வா பரஸ்ஸ பா⁴ஸபரியந்தங் உக்³க³ஹெத்வா த⁴ம்மேன காரேதி, படிஞ்ஞாய ஆபத்திங் ஜானாதி, ஆபத்தியா மூலங் ஜானாதி, ஆபத்திஸமுத³யங் ஜானாதி, ஆபத்தினிரோத⁴ங் ஜானாதி, ஆபத்தினிரோத⁴கா³மினிங் படிபத³ங் ஜானாதி.
அபரேஹிபி த³ஸஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – அதி⁴கரணங் ந ஜானாதி, அதி⁴கரணஸ்ஸ மூலங் ந ஜானாதி, அதி⁴கரணஸமுத³யங் ந ஜானாதி, அதி⁴கரணனிரோத⁴ங் ந ஜானாதி, அதி⁴கரணனிரோத⁴கா³மினிங் படிபத³ங் ந ஜானாதி, வத்து²ங் ந ஜானாதி, நிதா³னங் உத்³தா³னங் (க॰) ந ஜானாதி, பஞ்ஞத்திங் ந ஜானாதி, அனுபஞ்ஞத்திங் ந ஜானாதி , அனுஸந்தி⁴வசனபத²ங் ந ஜானாதி.
த³ஸஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – அதி⁴கரணங் ஜானாதி, அதி⁴கரணஸ்ஸ மூலங் ஜானாதி, அதி⁴கரணஸமுத³யங் ஜானாதி, அதி⁴கரணனிரோத⁴ங் ஜானாதி, அதி⁴கரணனிரோத⁴கா³மினிங் படிபத³ங் ஜானாதி, வத்து²ங் ஜானாதி, நிதா³னங் ஜானாதி, பஞ்ஞத்திங் ஜானாதி, அனுபஞ்ஞத்திங் ஜானாதி, அனுஸந்தி⁴வசனபத²ங் ஜானாதி.
அபரேஹிபி த³ஸஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – ஞத்திங் ந ஜானாதி, ஞத்தியா கரணங் ந ஜானாதி, ந புப்³ப³குஸலோ ஹோதி, ந அபரகுஸலோ ஹோதி, அகாலஞ்ஞூ ச ஹோதி, ஆபத்தானாபத்திங் ந ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங் ஆபத்திங் ந ஜானாதி, ஆசரியபரம்பரா கோ² பனஸ்ஸ ந ஸுக்³க³ஹிதா ஹோதி ந ஸுமனஸிகதா ந ஸூபதா⁴ரிதா.
த³ஸஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – ஞத்திங் ஜானாதி, ஞத்தியா கரணங் ஜானாதி, புப்³ப³குஸலோ ஹோதி, அபரகுஸலோ ஹோதி, காலஞ்ஞூ ச ஹோதி, ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி, ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங் ஜானாதி, ஆசரியபரம்பரா கோ² பனஸ்ஸ ஸுக்³க³ஹிதா ஹோதி ஸுமனஸிகதா ஸூபதா⁴ரிதா.
அபரேஹிபி த³ஸஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – ஆபத்தானாபத்திங் ந ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங் ஆபத்திங் ந ஜானாதி, உப⁴யானி கோ² பனஸ்ஸ பாதிமொக்கா²னி வித்தா²ரேன ந ஸ்வாக³தானி ஹொந்தி ந ஸுவிப⁴த்தானி ந ஸுப்பவத்தீனி ந ஸுவினிச்சி²தானி ஸுத்தஸோ அனுப்³யஞ்ஜனஸோ , ஆபத்தானாபத்திங் ந ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங் ஆபத்திங் ந ஜானாதி, அதி⁴கரணே ச ந வினிச்ச²யகுஸலோ ஹோதி.
த³ஸஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி, ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங் ஜானாதி, உப⁴யானி கோ² பனஸ்ஸ பாதிமொக்கா²னி வித்தா²ரேன ஸ்வாக³தானி ஹொந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ, ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி, ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங் ஜானாதி, அதி⁴கரணே ச வினிச்ச²யகுஸலோ ஹோதி.
அ॰ நி॰ 10.33 த³ஸஹங்கே³ஹி ஸமன்னாக³தோ பி⁴க்கு² உப்³பா³ஹிகாய ஸம்மன்னிதப்³போ³. த³ஸ அத்த²வஸே படிச்ச ததா²க³தேன ஸாவகானங் ஸிக்கா²பத³ங் பஞ்ஞத்தங். த³ஸ ஆதீ³னவா ராஜந்தேபுரப்பவேஸனே. த³ஸ தா³னவத்தூ²னி. த³ஸ ரதனானி. த³ஸவக்³கோ³ பி⁴க்கு²ஸங்கோ⁴. த³ஸவக்³கே³ன க³ணேன உபஸம்பாதே³தப்³ப³ங். த³ஸ பங்ஸுகூலானி. த³ஸ சீவரதா⁴ரணா சீவரதா⁴ரணானி (ஸ்யா॰). த³ஸாஹபரமங் அதிரேகசீவரங் தா⁴ரேதப்³ப³ங் . த³ஸ ஸுக்கானி. த³ஸ இத்தி²யோ. த³ஸ ப⁴ரியாயோ. வேஸாலியா த³ஸ வத்தூ²னி தீ³பெந்தி. த³ஸ புக்³க³லா அவந்தி³யா. த³ஸ அக்கோஸவத்தூ²னி. த³ஸஹாகாரேஹி பேஸுஞ்ஞங் உபஸங்ஹரதி. த³ஸ ஸேனாஸனானி. த³ஸ வரானி யாசிங்ஸு. த³ஸ அத⁴ம்மிகானி பாதிமொக்க²ட்ட²பனானி. த³ஸ த⁴ம்மிகானி பாதிமொக்க²ட்ட²பனானி. த³ஸானிஸங்ஸா யாகு³யா. த³ஸ மங்ஸா அகப்பியா. த³ஸ பரமானி. த³ஸவஸ்ஸேன பி⁴க்கு²னா ப்³யத்தேன படிப³லேன பப்³பா³ஜேதப்³ப³ங் உபஸம்பாதே³தப்³ப³ங் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³. த³ஸவஸ்ஸாய பி⁴க்கு²னியா ப்³யத்தாய படிப³லாய பப்³பா³ஜேதப்³ப³ங் உபஸம்பாதே³தப்³ப³ங் நிஸ்ஸயோ தா³தப்³போ³ ஸாமணேரீ உபட்டா²பேதப்³பா³. த³ஸவஸ்ஸாய பி⁴க்கு²னியா ப்³யத்தாய படிப³லாய வுட்டா²பனஸம்முதி ஸாதி³தப்³பா³. த³ஸவஸ்ஸாய கி³ஹிக³தாய ஸிக்கா² தா³தப்³பா³தி.
த³ஸகங் நிட்டி²தங்.
தஸ்ஸுத்³தா³னங் –
ஆகா⁴தங் வினயங் வத்து², மிச்சா² ஸம்மா ச அந்தகா³;
மிச்ச²த்தா சேவ ஸம்மத்தா, அகுஸலா குஸலாபி ச.
ஸலாகா அத⁴ம்மா த⁴ம்மா, ஸாமணேரா ச நாஸனா;
பா⁴ஸாதி⁴கரணஞ்சேவ, ஞத்திலஹுகமேவ ச.
லஹுகா க³ருகா ஏதே, கண்ஹஸுக்கா விஜானத²;
உப்³பா³ஹிகா ச ஸிக்கா² ச, அந்தேபுரே ச வத்தூ²னி.
ரதனங் த³ஸவக்³கோ³ ச, ததே²வ உபஸம்பதா³;
பங்ஸுகூலதா⁴ரணா ச, த³ஸாஹஸுக்கஇத்தி²யோ.
ப⁴ரியா த³ஸ வத்தூ²னி, அவந்தி³யக்கோஸேன ச;
பேஸுஞ்ஞஞ்சேவ ஸேனானி, வரானி ச அத⁴ம்மிகா.
த⁴ம்மிகா யாகு³மங்ஸா ச, பரமா பி⁴க்கு² பி⁴க்கு²னீ;
வுட்டா²பனா கி³ஹிக³தா, த³ஸகா ஸுப்பகாஸிதாதி.
11. ஏகாத³ஸகவாரோ
331. ஏகாத³ புக்³க³லா அனுபஸம்பன்னா ந உபஸம்பாதே³தப்³பா³, உபஸம்பன்னா நாஸேதப்³பா³. ஏகாத³ஸ பாது³கா அகப்பியா. ஏகாத³ஸ பத்தா அகப்பியா. ஏகாத³ஸ சீவரானி அகப்பியானி. ஏகாத³ஸ யாவததியகா. பி⁴க்கு²னீனங் ஏகாத³ஸ அந்தராயிகா த⁴ம்மா புச்சி²தப்³பா³. ஏகாத³ஸ சீவரானி அதி⁴ட்டா²தப்³பா³னி. ஏகாத³ஸ சீவரானி ந விகப்பேதப்³பா³னி. ஏகாத³ஸே அருணுக்³க³மனே நிஸ்ஸக்³கி³யங் ஹோதி. ஏகாத³ஸ க³ண்டி²கா கப்பியா. ஏகாத³ஸ விதா⁴ வீதா² (ஸ்யா॰) கப்பியா. ஏகாத³ஸ பத²வீ அகப்பியா. ஏகாத³ஸ பத²வீ கப்பியா. ஏகாத³ஸ நிஸ்ஸயபடிப்பஸ்ஸத்³தி⁴யோ. ஏகாத³ஸ புக்³க³லா அவந்தி³யா. ஏகாத³ஸ பரமானி. ஏகாத³ஸ வரானி யாசிங்ஸு. ஏகாத³ஸ ஸீமாதோ³ஸா. அக்கோஸகபரிபா⁴ஸகே புக்³க³லே ஏகாத³ஸாதீ³னவா பாடிகங்கா². அ॰ நி॰ 11.15; மி॰ ப॰ 4.4.6 மெத்தாய சேதோவிமுத்தியா ஆஸேவிதாய பா⁴விதாய ப³ஹுலீகதாய யானீகதாய வத்து²கதாய அனுட்டி²தாய பரிசிதாய ஸுஸமாரத்³தா⁴ய ஏகாத³ஸானிஸங்ஸா பாடிகங்கா² . ஸுக²ங் ஸுபதி, ஸுக²ங் படிபு³ஜ்ஜ²தி, ந பாபகங் ஸுபினங் பஸ்ஸதி, மனுஸ்ஸானங் பியோ ஹோதி, அமனுஸ்ஸானங் பியோ ஹோதி, தே³வதா ரக்க²ந்தி, நாஸ்ஸ அக்³கி³ வா விஸங் வா ஸத்த²ங் வா கமதி, துவட்டங் சித்தங் ஸமாதி⁴யதி, முக²வண்ணோ விப்பஸீத³தி, அஸம்மூள்ஹோ காலங்கரோதி, உத்தரி அப்படிவிஜ்ஜ²ந்தோ ப்³ரஹ்மலோகூபகோ³ ஹோதி – மெத்தாய சேதோவிமுத்தியா ஆஸேவிதாய பா⁴விதாய ப³ஹுலீகதாய யானீகதாய வத்து²கதாய அனுட்டி²தாய பரிசிதாய ஸுஸமாரத்³தா⁴ய இமே ஏகாத³ஸானிஸங்ஸா பாடிகங்கா²தி.
ஏகாத³ஸகங் நிட்டி²தங்.
தஸ்ஸுத்³தா³னங் –
நாஸேதப்³பா³ பாது³கா ச, பத்தா ச சீவரானி ச;
ததியா புச்சி²தப்³பா³ ச, அதி⁴ட்டா²னவிகப்பனா.
அருணா க³ண்டி²கா விதா⁴, அகப்பியா ச கப்பியங்;
நிஸ்ஸயாவந்தி³யா சேவ, பரமானி வரானி ச;
ஸீமாதோ³ஸா ச அக்கோஸா, மெத்தாயேகாத³ஸா கதாதி.
ஏகுத்தரிகனயோ.
தஸ்ஸுத்³தா³னங் –
ஏககா ச து³கா சேவ, திகா ச சதுபஞ்சகா;
ச²ஸத்தட்ட²னவகா ச, த³ஸ ஏகாத³ஸானி ச.
ஹிதாய ஸப்³ப³ஸத்தானங், ஞாதத⁴ம்மேன தாதி³னா;
ஏகுத்தரிகா விமலா, மஹாவீரேன தே³ஸிதாதி.
ஏகுத்தரிகனயோ நிட்டி²தோ.