5. கு²த்³த³கவத்து²க்க²ந்த⁴கங்
கு²த்³த³கவத்து²கதா²வண்ணனா
243. கு²த்³த³கவத்து²க்க²ந்த⁴கே அட்ட²பதா³காரேனாதி அட்ட²பத³ப²லகாகாரேன, ஜூதப²லகஸதி³ஸந்தி வுத்தங் ஹோதி. மல்லகமூலஸண்டா²னேனாதி கே²ளமல்லகமூலஸண்டா²னேன.
245. முத்தோலம்ப³காதீ³னந்தி ஆதி³-ஸத்³தே³ன குண்ட³லாதி³ங் ஸங்க³ண்ஹாதி. பலம்ப³கஸுத்தந்தி யஞ்ஞோபசிதாகாரேன ஓலம்ப³கஸுத்தங்.
246. சிக்கலேனாதி ஸிலேஸேன.
248. ஸாது⁴கீ³தந்தி அனிச்சதாதி³படிஸங்யுத்தகீ³தங்.
249. சதுரஸ்ஸேன வத்தேனாதி பரிபுண்ணேன உச்சாரணவத்தேன. தரங்க³வத்தாதீ³னங் உச்சாரணவிதா⁴னானி நட்ட²ப்பயோகா³னி. பா³ஹிரலோமிந்தி பா⁴வனபுங்ஸகனித்³தே³ஸோ, யதா² தஸ்ஸ உண்ணபாவாரஸ்ஸ ப³ஹித்³தா⁴ லோமானி தி³ஸ்ஸந்தி, ததா² தா⁴ரெந்தஸ்ஸ து³க்கடந்தி வுத்தங் ஹோதி.
251. இமானி சத்தாரி அஹிராஜகுலானீதி (அ॰ நி॰ அட்ட²॰ 2.4.67) இத³ங் த³ட்ட²விஸே ஸந்தா⁴ய வுத்தங். யே ஹி கேசி த³ட்ட²விஸா, ஸப்³பே³ தே இமேஸங் சதுன்னங் அஹிராஜகுலானங் அப்³ப⁴ந்தரக³தாவ ஹொந்தி. அத்தகு³த்தியாதி அத்தனோ கு³த்தத்தா²ய. அத்தரக்கா²யாதி அத்தனோ ரக்க²ணத்தா²ய. அத்தபரித்தங்காதுந்தி அத்தனோ பரித்தாணத்தா²ய அத்தபரித்தங் நாம காதுங் அனுஜானாமீதி அத்தோ².
இதா³னி யதா² தங் பரித்தங் காதப்³ப³ங், தங் த³ஸ்ஸேதுங் ‘‘ஏவஞ்ச பன பி⁴க்க²வே’’திஆதி³மாஹ. தத்த² விரூபக்கே²ஹீதி விரூபக்க²னாக³குலேஹி. ஸேஸேஸுபி ஏஸேவ நயோ. ஸஹயோகே³ சேதங் கரணவசனங், ஏதேஹி ஸஹ மய்ஹங் மித்தபா⁴வோதி வுத்தங் ஹோதி அபாத³கேஹீதி அபாத³கஸத்தேஹி. ஸேஸேஸுபி ஏஸேவ நயோ. ஸப்³பே³ ஸத்தாதி இதோ புப்³பே³ எத்தகேன டா²னேன ஸத்தா பாணா பூ⁴தாதி ஸப்³பா³னேதானி புக்³க³லவேவசனானேவ. ப⁴த்³ரானி பஸ்ஸந்தூதி ப⁴த்³ரானி ஆரம்மணானி பஸ்ஸந்து. மா கஞ்சி பாபமாக³மாதி கஞ்சி ஸத்தங் பாபகங் லாமகங் மா ஆக³ச்ச²து.
அப்பமாணோ பு³த்³தோ⁴தி எத்த² பு³த்³தோ⁴தி பு³த்³த⁴கு³ணா வேதி³தப்³பா³, தே ஹி அப்பமாணா நாம. ஸேஸத்³வயேஸுபி ஏஸேவ நயோ, பமாணவந்தானீதி கு³ணப்பமாணேன யுத்தானி. உண்ணனாபீ⁴தி லோமஸனாபி⁴கோ மக்கடகோ. ஸரபூ³தி க⁴ரகோ³ளிகா. கதா மே ரக்கா² கதங் மே பரித்தந்தி மயா எத்தகஸ்ஸ ஜனஸ்ஸ ரக்கா² ச பரித்தாணஞ்ச கதங். படிக்கமந்து பூ⁴தானீதி ஸப்³பே³பி மே கதபரித்தாணா ஸத்தா அபக³ச்ச²ந்து, மா மங் விஹேட²யிங்ஸூதி அத்தோ². ஸோஹந்தி யஸ்ஸ மம ஏதேஹி ஸப்³பே³ஹிபி மெத்தங், ஸோ அஹங் ப⁴க³வதோ நமோ கரோமி, விபஸ்ஸீஆதீ³னஞ்ச ஸத்தன்னங் ஸம்மாஸம்பு³த்³தா⁴னங் நமோ கரோமீதி ஸம்ப³ந்தோ⁴.
அஞ்ஞம்ஹி சே²தப்³ப³ம்ஹீதி ராகா³னுஸயங் ஸந்தா⁴ய வத³தி. தாதி³ஸங் வா து³க்க²ந்தி முட்டி²ஆதீ³ஹி து³க்க²ங் உப்பாதெ³ந்தஸ்ஸ.
252. ஜாலானி பரிக்கி²பாபெத்வாதி பரிஸ்ஸயமோசனத்த²ஞ்சேவ பமாதே³ன க³ளிதானங் ஆப⁴ரணாதீ³னங் ரக்க²ணத்த²ஞ்ச ஜாலானி கரண்ட³காகாரேன பரிக்கி²பாபெத்வா. சந்த³னக³ண்டி² ஆக³ந்த்வா ஜாலே லக்³கா³தி ஏகோ கிர ரத்தசந்த³னருக்கோ² க³ங்கா³ய உபரிதீரே ஜாதோ க³ங்கோ³த³கேன தோ⁴தமூலோ பதித்வா தத்த² தத்த² பாஸாணேஸு ஸம்பி⁴ஜ்ஜமானோ விப்பகிரி. ததோ ஏகா க⁴டப்பமாணா க⁴டிகா பாஸாணேஸு க⁴ங்ஸியமானா உத³கஊமீஹி போதி²யமானா மட்டா² ஹுத்வா அனுபுப்³பே³ன வுய்ஹமானா ஸேவாலபரியோனத்³தா⁴ ஆக³ந்த்வா தஸ்மிங் ஜாலே லக்³கி³. தங் ஸந்தா⁴யேதங் வுத்தங். லேக²ந்தி லிகி²தக³ஹிதங் சுண்ணங். உட்³டி³த்வாதி வேளுபரம்பராய உத்³த⁴ங் பாபெத்வா, உட்டா²பெத்வாதி வுத்தங் ஹோதி. ஓஹரதூதி இத்³தி⁴யா ஓதாரெத்வா க³ண்ஹது.
பூரணகஸ்ஸபாத³யோ ச² ஸத்தா²ரோ. தத்த² (தீ³॰ நி॰ அட்ட²॰ 1.151-152; ம॰ நி॰ அட்ட²॰ 1.312) பூரணோதி தஸ்ஸ ஸத்து²படிஞ்ஞஸ்ஸ நாமங். கஸ்ஸபோதி கொ³த்தங். ஸோ கிர அஞ்ஞதரஸ்ஸ குலஸ்ஸ ஏகூனதா³ஸஸதங் பூரயமானோ ஜாதோ. தேனஸ்ஸ ‘‘பூரணோ’’தி நாமங் அகங்ஸு. மங்க³லதா³ஸத்தா
மக்க²லீதி தஸ்ஸ நாமங். கோ³ஸாலாய ஜாதத்தா கோ³ஸாலோதி து³தியனாமங். தங் கிர ஸகத்³த³மாய பூ⁴மியா தேலக⁴டங் க³ஹெத்வா க³ச்ச²ந்தங் ‘‘தாத மா க²லீ’’தி ஸாமிகோ ஆஹ. ஸோ பமாதே³ன க²லித்வா பதித்வா ஸாமிகஸ்ஸ ப⁴யேன பலாயிதுங் ஆரத்³தோ⁴. ஸாமிகோ உபதா⁴வித்வா ஸாடககண்ணே அக்³க³ஹேஸி, ஸோ ஸாடகங் ச²ட்³டெ³த்வா அசேலகோ ஹுத்வா பலாயி. ஸேஸங் பூரணஸதி³ஸமேவ.
அஜிதோதி தஸ்ஸ நாமங். கேஸகம்ப³லங் தா⁴ரேதீதி கேஸகம்ப³லோ. இதி நாமத்³வயங் ஸங்ஸந்தி³த்வா ‘‘அஜிதோ கேஸகம்ப³லோ’’தி வுச்சதி. தத்த² கேஸகம்ப³லோ நாம மனுஸ்ஸானங் கேஸேஹி கதகம்ப³லோ. ததோ படிகிட்ட²தரங் வத்த²ங் நாம நத்தி². யதா²ஹ ‘‘ஸெய்யதா²பி, பி⁴க்க²வே, யானி கானிசி தந்தாவுதானங் வத்தா²னங், கேஸகம்ப³லோ தேஸங் படிகிட்டோ² அக்கா²யதி. கேஸகம்ப³லோ, பி⁴க்க²வே, ஸீதே ஸீதோ உண்ஹே உண்ஹோ து³ப்³ப³ண்ணோ து³க்³க³ந்தோ⁴ து³க்க²ஸம்ப²ஸ்ஸோ’’தி (அ॰ நி॰ 3.138).
பகுதோ⁴தி தஸ்ஸ நாமங். கச்சாயனோதி கொ³த்தங். இதி நாமகொ³த்தங் ஸங்ஸந்தி³த்வா ‘‘பகுதோ⁴ கச்சாயனோ’’தி வுச்சதி. ஸீதூத³கபடிக்கி²த்தகோ ஏஸ, வச்சங் கத்வாபி உத³ககிச்சங் ந கரோதி, உண்ஹோத³கங் வா கஞ்ஜியங் வா லபி⁴த்வா கரோதி, நதி³ங் வா மக்³கோ³த³கங் வா அதிக்கம்ம ‘‘ஸீலங் மே பி⁴ன்ன’’ந்தி வாலிகதூ²பங் கத்வா ஸீலங் அதி⁴ட்டா²ய க³ச்ச²தி. ஏவரூபனிஸ்ஸிரிகலத்³தி⁴கோ ஏஸ.
ஸஞ்சயோதி தஸ்ஸ நாமங். பே³லட்ட²ஸ்ஸ புத்தோ பே³லட்ட²புத்தோ. ‘‘அம்ஹாகங் க³ண்ட²னகிலேஸோ பலிபு³ந்த⁴னகிலேஸோ நத்தி², கிலேஸக³ண்டி²ரஹிதா மய’’ந்தி நிக³ண்டோ². நாடஸ்ஸ புத்தோதி நாடபுத்தோ.
பிண்டோ³லபா⁴ரத்³வாஜோதி பிண்டோ³லோ. ஸோ கிர பரிஜிண்ணபோ⁴கோ³ ப்³ராஹ்மணோ ஹுத்வா மஹந்தங் பி⁴க்கு²ஸங்க⁴ஸ்ஸ லாப⁴ஸக்காரங் தி³ஸ்வா பிண்ட³த்தா²ய நிக்க²மித்வா பப்³ப³ஜிதோ. ஸோ மஹந்தங் கபல்லபத்தங் ‘‘பத்த’’ந்தி க³ஹெத்வா சரதி, கபல்லபூரங் யாகு³ங் பிவதி, ப⁴த்தங் பு⁴ஞ்ஜதி, பூவக²ஜ்ஜகஞ்ச கா²த³தி. அத²ஸ்ஸ மஹக்³க⁴ஸபா⁴வங் ஸத்து² ஆரோசயிங்ஸு. ஸத்தா² தஸ்ஸ பத்தத்த²விகங் நானுஜானி. தே²ரோ ஹெட்டா²மஞ்சே பத்தங் நிகுஜ்ஜித்வா ட²பேதி. ஸோ ட²பெந்தோபி க⁴ங்ஸெந்தோவ பணாமெத்வா ட²பேதி, க³ண்ஹந்தோபி க⁴ங்ஸெந்தோவ ஆகட்³டி⁴த்வா க³ண்ஹாதி. தங் க³ச்ச²ந்தே க³ச்ச²ந்தே காலே க⁴ங்ஸனேன பரிக்கீ²ணங் நாளிகோத³னமத்தஸ்ஸேவ க³ண்ஹனகங் ஜாதங். ததோ ஸத்து² ஆரோசேஸுங். அத²ஸ்ஸ ஸத்தா² பத்தத்த²விகங் அனுஜானி. தே²ரோ அபரேன ஸமயேன இந்த்³ரியபா⁴வனங் பா⁴வெந்தோ அக்³க³ப²லே அரஹத்தே பதிட்டா²ஸி. இதி ஸோ புப்³பே³ ஸவிஸேஸங் பிண்ட³த்தா²ய உலதீதி பிண்டோ³லோ. கொ³த்தேன பன பா⁴ரத்³வாஜோதி உப⁴யங் ஏகதோ கத்வா ‘‘பிண்டோ³லபா⁴ரத்³வாஜோ’’தி வுச்சதி.
‘‘அத² கோ² ஆயஸ்மா பிண்டோ³லபா⁴ரத்³வாஜோ…பே॰… ஏதத³வோசா’’தி கஸ்மா ஏவமாஹங்ஸு? ஸோ கிர (த⁴॰ ப॰ அட்ட²॰ 2.180 தே³வோரோஹணவத்து²) ஸெட்டி² நேவ ஸம்மாதி³ட்டி², ந மிச்சா²தி³ட்டி², மஜ்ஜ²த்ததா⁴துகோ. ஸோ சிந்தேஸி ‘‘மய்ஹங் கே³ஹே சந்த³னங் ப³ஹு, கிங் நு கோ² இமினா கரிஸ்ஸாமீ’’தி. அத²ஸ்ஸ ஏதத³ஹோஸி ‘‘இமஸ்மிங் லோகே ‘மயங் அரஹந்தோ, மயங் அரஹந்தோ’தி வத்தாரோ ப³ஹூ, அஹங் ஏகங் அரஹந்தம்பி ந ஜானாமி, கே³ஹே ப⁴மங் யோஜெத்வா பத்தங் லிகா²பெத்வா ஸிக்காய ட²பெத்வா வேளுபரம்பராய ஸட்டி²ஹத்த²மத்தே ஆகாஸே ஓலம்பா³பெத்வா ‘ஸசே அரஹா அத்தி², ஆகாஸேனாக³ந்த்வா க³ண்ஹாதூ’தி வக்கா²மி. யோ தங் க³ஹெஸ்ஸதி, தஸ்ஸ ஸபுத்ததா³ரோ ஸரணங் க³மிஸ்ஸாமீ’’தி. ஸோ சிந்திதனியாமேனேவ பத்தங் லிகா²பெத்வா வேளுபரம்பராய உஸ்ஸாபெத்வா ‘‘யோ இமஸ்மிங் லோகே அரஹா, ஸோ ஆகாஸேன ஆக³ந்த்வா இமங் பத்தங் க³ண்ஹாதூ’’தி ஆஹ.
ததா³
அத² ஸத்தமே தி³வஸே ஆயஸ்மதோ ச மொக்³க³ல்லானஸ்ஸ ஆயஸ்மதோ ச பிண்டோ³லபா⁴ரத்³வாஜஸ்ஸ ‘‘ராஜக³ஹே பிண்டா³ய சரிஸ்ஸாமா’’தி க³ந்த்வா ஏகஸ்மிங் பிட்டி²பாஸாணே ட²த்வா சீவரங் பாருபனகாலே து⁴த்தகா கத²ங் ஸமுட்டா²பேஸுங் ‘‘ஹம்போ⁴ புப்³பே³ ச² ஸத்தா²ரோ ‘மயங் அரஹந்தாம்ஹா’தி விசரிங்ஸு, ராஜக³ஹஸெட்டி²னோ பன அஜ்ஜ ஸத்தமோ தி³வஸோ பத்தங் உஸ்ஸாபெத்வா ட²பயதோ ‘ஸசே அரஹா அத்தி², ஆகாஸேனாக³ந்த்வா க³ண்ஹாதூ’தி வத³ந்தஸ்ஸ, ஏகோபி ‘அஹங் அரஹா’தி ஆகாஸே உப்பதந்தோ நத்தி², அஜ்ஜ நோ லோகே அரஹந்தானங் நத்தி²பா⁴வோ ஞாதோ’’தி. தங் கத²ங் ஸுத்வா ஆயஸ்மா மஹாமொக்³க³ல்லானோ ஆயஸ்மந்தங் பிண்டோ³லபா⁴ரத்³வாஜங்
திக்க²த்துங் ராஜக³ஹங் அனுபரியாயீதி திக்க²த்துங் ராஜக³ஹங் அனுக³ந்த்வா பரிப்³ப⁴மி. ‘‘ஸத்தக்க²த்து’’ந்திபி வத³ந்தி. தே²ரோ கிர அபி⁴ஞ்ஞாபாத³கங் ஜா²னங் ஸமாபஜ்ஜித்வா உட்டா²ய திகா³வுதங் பிட்டி²பாஸாணங் அந்தந்தேன பரிச்சி²ந்த³ந்தோ தூலபிசு விய ஆகாஸே உட்டா²பெத்வா ராஜக³ஹனக³ரஸ்ஸ உபரி ஸத்தக்க²த்துங் அனுபரியாயி. ஸோ திகா³வுதப்பமாணஸ்ஸ நக³ரஸ்ஸ அபிதா⁴னங் விய பஞ்ஞாயி. நக³ரவாஸினோ ‘‘பாஸாணோ நோ அவத்த²ரித்வா க³ண்ஹாதீ’’தி பீ⁴தா ஸுப்பாதீ³னி மத்த²கே கத்வா தத்த² தத்த² நிலீயிங்ஸு. ஸத்தமே வாரே தே²ரோ பிட்டி²பாஸாணங் பி⁴ந்தி³த்வா அத்தானங் த³ஸ்ஸேதி. மஹாஜனோ தே²ரங் தி³ஸ்வா ‘‘ப⁴ந்தே பிண்டோ³லபா⁴ரத்³வாஜ, தவ பாஸாணங் கா³ள்ஹங் கத்வா க³ண்ஹ, மா ‘‘அஸ்ஸோஸி கோ² ப⁴க³வா…பே॰… கிங் நு கோ² ஸோ, ஆனந்த³, உச்சாஸத்³தோ³ மஹாஸத்³தோ³’’தி.
விகுப்³ப³னித்³தி⁴யா பாடிஹாரியங் படிக்கி²த்தந்தி எத்த² விகுப்³ப³னித்³தி⁴ நாம ‘‘ஸோ பகதிவண்ணங் விஜஹித்வா குமாரகவண்ணங் வா த³ஸ்ஸேதி நாக³வண்ணங் வா, விவித⁴ம்பி ஸேனாப்³யூஹங் த³ஸ்ஸேதீ’’தி (படி॰ ம॰ 3.13) ஏவமாக³தா பகதிவண்ணவிஜஹனவிகாரவஸேன பவத்தா அதி⁴ட்டா²னித்³தி⁴ பன ‘‘பகதியா ஏகோ ப³ஹுகங் ஆவஜ்ஜதி ஸதங் வா ஸஹஸ்ஸங் வா ஸதஸஹஸ்ஸங் வா, ஆவஜ்ஜித்வா ஞாணேன அதி⁴ட்டா²தி ‘ப³ஹுகோ ஹோமீ’’’தி (படி॰ ம॰ 3.10 த³ஸஇத்³தி⁴னித்³தே³ஸ) ஏவங் விப⁴ஜித்வா த³ஸ்ஸிதா அதி⁴ட்டா²னவஸேன நிப்ப²ன்னா இத்³தி⁴.
253-254. ந அச்சு²பியந்தீதி ந ஸுப²ஸ்ஸிதானி ஹொந்தி. ரூபகாகிண்ணானீதி இத்தி²ரூபாதீ³ஹி ஆகிண்ணானி. பூ⁴மிஆதா⁴ரகேதி வலயாதா⁴ரகே. தா³ருஆதா⁴ரகத³ண்டா³தா⁴ரகேஸூதி ஏகதா³ருனா கதஆதா⁴ரகே ப³ஹூஹி த³ண்ட³கேஹி கதஆதா⁴ரகே வாதி அத்தோ², தீஹி த³ண்டே³ஹி கதோ பன ந வட்டதி. பூ⁴மியங் பன நிக்குஜ்ஜித்வா ஏகமேவ ட²பேதப்³ப³ந்தி எத்த² த்³வே ட²பெந்தேன உபரி ட²பிதபத்தங் ஏகேன பஸ்ஸேன பூ⁴மியங் பு²ஸாபெத்வா ட²பேதுங் வட்டதீதி வத³ந்தி. ஆலிந்த³கமிட்³டி⁴காதீ³னந்தி பமுக²மிட்³டி⁴கானங். பரிவத்தித்வா தத்தே²வ பதிட்டா²தீதி எத்த² ‘‘பரிவத்தித்வா ததியவாரே தத்தே²வ மிட்³டி⁴யா பதிட்டா²தீ’’தி க³ண்டி²பதே³ஸு வுத்தங். பரிப⁴ண்ட³ங் நாம கே³ஹஸ்ஸ ப³ஹி குட்டபாத³ஸ்ஸ தி²ரபா⁴வத்த²ங் கதா தனுகமிட்³டி⁴கா வுச்சதி. தனுகமிட்³டி⁴காயாதி கு²த்³த³கமிட்³டி⁴காய. மிட்³ட⁴ந்தேபி ஆதா⁴ரகே ட²பேதுங் வட்டதி. ‘‘அனுஜானாமி, பி⁴க்க²வே, ஆதா⁴ரக’’ந்தி ஹி வசனதோ மிட்³டா⁴தீ³ஸு யத்த² கத்த²சி ஆதா⁴ரகங் ட²பெத்வா தத்த² பத்தங் ட²பேதுங் வட்டதி ஆதா⁴ரகே ட²பனோகாஸஸ்ஸ அனியமிதத்தாதி வத³ந்தி. ‘‘பத்தமாளோ நாம வட்டெத்வா பத்தானங் அக³மனத்த²ங் வட்டங் வா சதுரஸ்ஸங் வா இட்ட²காதீ³ஹி பரிக்கி²பித்வா கதோ’’தி க³ண்டி²பதே³ஸு வுத்தங்.
255. க⁴டிகந்தி உபரி யோஜிதங் அக்³க³ளங். தாவகாலிகங் பரிபு⁴ஞ்ஜிதுங் வட்டதீதி ஸகிதே³வ க³ஹெத்வா க⁴டிகடாஹேதி பா⁴ஜனகபாலே. அபு⁴ங் மேதி எத்த² ப⁴வதீதி பூ⁴, வட்³டி⁴. ந பூ⁴தி அபூ⁴, அவட்³டி⁴. ப⁴யவஸேன பன ஸா இத்தீ² ‘‘அபு⁴’’ந்தி ஆஹ, வினாஸோ மய்ஹந்தி அத்தோ². ச²வஸீஸஸ்ஸ பத்தந்தி ச²வஸீஸமயங் பத்தங். பகதிவிகாரஸம்ப³ந்தே⁴ சேதங் ஸாமிவசனங், அபே⁴தே³பி வா பே⁴தூ³பசாரேனாயங் வோஹாரோ ‘‘ஸிலாபுத்தகஸ்ஸ ஸரீர’’ந்திஆதீ³ஸு விய.
சப்³பெ³த்வாதி கா²தி³த்வா. ஏகங் உத³கக³ண்டு³ஸங் க³ஹெத்வாதி வாமஹத்தே²னேவ பத்தங் உக்கி²பித்வா முகே²ன க³ண்டு³ஸங் க³ஹெத்வா. உச்சி²ட்ட²ஹத்தே²னாதி ஸாமிஸேன ஹத்தே²ன. எத்தாவதாதி ஏகக³ண்டு³ஸக³ஹணமத்தேன. லுஞ்சித்வாதி ததோ மங்ஸங்
256. கிண்ணசுண்ணேனாதி ஸுராகிண்ணசுண்ணேன. ‘‘அனுவாதங் பரிப⁴ண்ட³ந்தி கிலஞ்ஜாதீ³ஸு கரொந்தீ’’தி க³ண்டி²பதே³ஸு வுத்தங். பி³த³லகந்தி து³கு³ணகரணஸங்கா²தஸ்ஸ கிரியாவிஸேஸஸ்ஸ அதி⁴வசனங். கஸ்ஸ து³கு³ணகரணங்? யேன கிலஞ்ஜாதி³னா மஹந்தங் கதி²னங் அத்த²தங், தஸ்ஸ. தஞ்ஹி த³ண்ட³கதி²னப்பமாணேன பரியந்தே ஸங்ஹரித்வா து³கு³ணங் காதப்³ப³ங். படிக்³க³ஹந்தி அங்கு³லிகஞ்சுகங்.
257-259. பாதி நாம படிக்³க³ஹணஸண்டா²னேன கதோ பா⁴ஜனவிஸேஸோ. ந ஸம்மதீதி நப்பஹோதி.
260-262. நீசவத்து²கங் சினிதுந்தி ப³ஹிகுட்டஸ்ஸ ஸமந்ததோ நீசவத்து²கங் கத்வா சினிதுங். அரஹடக⁴டியந்தங் நாம ஸகடசக்கஸண்டா²னங் அரே அரே க⁴டிகானி ப³ந்தி⁴த்வா ஏகேன த்³வீஹி வா பரிப்³ப⁴மியமானங் யந்தங்.
263. ஆவித்³த⁴பக்க²பாஸகந்தி கண்ணிகமண்ட³லஸ்ஸ ஸமந்தா ட²பிதபக்க²பாஸகங். மண்ட³லேதி கண்ணிகமண்ட³லே. பக்க²பாஸகே ட²பெத்வாதி ஸமந்தா பக்க²பாஸகப²லகானி ட²பெத்வா.
264. ‘‘நமதகங் ஸந்த²தஸதி³ஸ’’ந்தி க³ண்டி²பதே³ஸு வுத்தங். சம்மக²ண்ட³பரிஹாரேன பரிபு⁴ஞ்ஜிதப்³ப³ந்தி அனதி⁴ட்ட²ஹித்வா பரிபு⁴ஞ்ஜிதப்³ப³ங். எத்தே²வ பவிட்டா²னீதி மளோரிகாய ஏவ அந்தோக³தா⁴னி. புப்³பே³ பத்தஸங்கோ³பனத்த²ங் ஆதா⁴ரகோ அனுஞ்ஞாதோ, இதா³னி பு⁴ஞ்ஜனத்த²ங்.
265. நிக்குஜ்ஜிதப்³போ³தி ‘‘ஏவஞ்ச பன, பி⁴க்க²வே, நிக்குஜ்ஜிதப்³போ³’’திஆதி³. அலாபா⁴யாதி சதுன்னங் பச்சயானங் அலாப⁴த்தா²ய. அனத்தா²யாதி உபத்³த³வாய அவட்³டி⁴யா.
266. பஸாதெ³ஸ்ஸாமாதி ஆயாசிஸ்ஸாம. ஏதத³வோசாதி ‘‘அப்பதிரூபங் மயா கதங், ப⁴க³வா பன மஹந்தேபி அகு³ணே அசிந்தெத்வா மய்ஹங் அச்சயங் படிக்³க³ண்ஹிஸ்ஸதீ’’தி மஞ்ஞமானோ ஏதங் ‘‘அச்சயோ மங் ப⁴ந்தே’’திஆதி³வசனங் அவோச அச்சயோ, அபராதோ⁴. மங் அச்சக³மாதி மங் அதிக்கம்ம அபி⁴ப⁴வித்வா பவத்தோ. புரிஸேன மத்³தி³த்வா அபி⁴ப⁴வித்வா பவத்திதோபி ஹி அபராதோ⁴ அத்த²தோ புரிஸங் அதிச்ச அபி⁴ப⁴வித்வா பவத்தோ நாம ஹோதி. படிக்³க³ண்ஹாதூதி க²மது. ஆயதிங் ஸங்வராயாதி அனாக³தே ஸங்வரணத்தா²ய புன ஏவரூபஸ்ஸ அபராத⁴ஸ்ஸ தோ³ஸஸ்ஸ க²லிதஸ்ஸ அகரணத்தா²ய. தக்³கா⁴தி ஏகங்ஸேன. யதா²த⁴ம்மங் படிகரோஸீதி யதா² த⁴ம்மோ டி²தோ, ததே²வ கரோஸி, க²மாபேஸீதி வுத்தங் ஹோதி. தங் தே மயங் படிக்³க³ண்ஹாமாதி தங் தவ அபராத⁴ங் மயங் க²மாம. வுட்³டி⁴ ஹேஸா, ஆவுஸோ வட்³ட⁴, அரியஸ்ஸ வினயேதி ஏஸா, ஆவுஸோ வட்³ட⁴, அரியஸ்ஸ வினயே பு³த்³த⁴ஸ்ஸ ப⁴க³வதோ ஸாஸனே வுட்³டி⁴ நாம. கதமா? அச்சயங் அச்சயதோ தி³ஸ்வா யதா²த⁴ம்மங் படிகரித்வா ஆயதிங் ஸங்வராபஜ்ஜனா. தே³ஸனங் பன புக்³க³லாதி⁴ட்டா²னங் கரொந்தோ ‘‘யோ அச்சயங் அச்சயதோ தி³ஸ்வா யதா²த⁴ம்மங் படிகரோதி, ஆயதிங் ஸங்வரங் ஆபஜ்ஜதீ’’தி ஆஹ.
268. போ³தி⁴ராஜகுமாரவத்து²ம்ஹி (ம॰ நி॰ அட்ட²॰ 2.324 ஆத³யோ) கோகனதோ³தி கோகனத³ங் வுச்சதி பது³மங், ஸோ ச மங்க³லபாஸாதோ³ ஓலோகனபது³மங் த³ஸ்ஸெத்வா கதோ, தஸ்மா ‘‘கோகனதோ³’’தி ஸங்க²ங் லபி⁴. யாவ பச்சி²மஸோபானகளேவராதி எத்த² பச்சி²மஸோபானகளேவரந்தி பட²மஸோபானப²லகங் வுத்தங் தஸ்ஸ ஸப்³ப³பச்சா² து³ஸ்ஸேன ஸந்த²தத்தா. உபரிமஸோபானப²லகதோ பட்டா²ய ஹி ஸோபானங் ஸந்த²தங். அத்³த³ஸா கோ²தி ஓலோகனத்த²ங்யேவ த்³வாரகொட்ட²கே டி²தோ அத்³த³ஸ.
ப⁴க³வா துண்ஹீ அஹோஸீதி ‘‘கிஸ்ஸ நு கோ² அத்தா²ய ராஜகுமாரேன அயங் மஹாஸக்காரோ கதோ’’தி ஆவஜ்ஜெந்தோ புத்தபத்த²னாய கதபா⁴வங் அஞ்ஞாஸி. ஸோ ஹி ராஜபுத்தோ அபுத்தகோ. ஸுதஞ்சானேன அஹோஸி ‘‘பு³த்³தா⁴னங் கிர அதி⁴காரங் கத்வா மனஸா இச்சி²தங் லப⁴ந்தீ’’தி. ஸோ ‘‘ஸசாஹங் புத்தங் லபி⁴ஸ்ஸாமி, ஸம்மாஸம்பு³த்³தோ⁴ இமங் சேலபடிகங் அக்கமிஸ்ஸதி. நோ சே லபி⁴ஸ்ஸாமி, ந அக்கமிஸ்ஸதீ’’தி பத்த²னங் கத்வா ஸந்த²ராபேஸி. அத² ப⁴க³வா ‘‘நிப்³ப³த்திஸ்ஸதி நு கோ² ஏதஸ்ஸ புத்தோ’’தி ஆவஜ்ஜெத்வா ‘‘ந நிப்³ப³த்திஸ்ஸதீ’’தி அத்³த³ஸ. புப்³பே³ கிர ஸோ ஏகஸ்மிங் பச்சி²மங் ஜனதங் ததா²க³தோ அனுகம்பதீதி இத³ங் பன தே²ரோ வுத்தேஸு காரணேஸு ததியங் காரணங் ஸந்தா⁴யாஹ. மங்க³லங் இச்ச²ந்தீதி மங்க³லிகா.
269. பீ³ஜனிந்தி சதுரஸ்ஸபீ³ஜனிங். தாலவண்டந்தி தாலபத்தாதீ³ஹி கதங் மண்ட³லிகபீ³ஜனிங்.
270-275. ‘‘ஏகபண்ணச்ச²த்தங் நாம தாலபத்த’’ந்தி க³ண்டி²பதே³ஸு வுத்தங். கம்மஸதேனாதி எத்த² ஸத-ஸத்³தோ³ அனேகபரியாயோ, அனேகேன கம்மேனாதி அத்தோ², மஹதா உஸ்ஸாஹேனாதி வுத்தங் ஹோதி. ருதீ⁴தி கு²த்³த³கவணங்.
278. ‘‘அகாயப³ந்த⁴னேன ஸஞ்சிச்ச அஸஞ்சிச்ச வா கா³மப்பவேஸனே ஆபத்தி. ஸரிதட்டா²னதோ ப³ந்தி⁴த்வா பவிஸிதப்³ப³ங் நிவத்திதப்³ப³ங் வா’’தி க³ண்டி²பதே³ஸு வுத்தங். முரஜவட்டிஸண்டா²னங் வேடெ²த்வா கதந்தி ப³ஹூ ரஜ்ஜுகே ஏகதோ கத்வா நானாவண்ணேஹி ஸுத்தேஹி வேடெ²த்வா முரஜவட்டிஸதி³ஸங் கதங். தேனேவ து³தியபாராஜிகவண்ணனாயங் (பாரா॰ அட்ட²॰ 1.85 பாளிமுத்தகவினிச்ச²ய) வுத்தங் ‘‘ப³ஹூ ரஜ்ஜுகே ஏகதோ கத்வா ஏகேன முத்³தி³ககாயப³ந்த⁴னங் நாம சதுரஸ்ஸங் அகத்வா ஸஜ்ஜிதங். பாமங்க³த³ஸா சதுரஸ்ஸா. முதி³ங்க³ஸண்டா²னேனாதி வரகஸீஸாகாரேன. பாஸந்தோதி த³ஸாமூலங்.
280-282. முண்ட³வட்டீதி பமாணங்கு³லேனாதி வட்³ட⁴கீஅங்கு³லங் ஸந்தா⁴ய வுத்தங். ஸேஸமெத்த² பாளிதோ அட்ட²கதா²தோ ச ஸுவிஞ்ஞெய்யமேவ.
கு²த்³த³கவத்து²க்க²ந்த⁴கவண்ணனா நிட்டி²தா.