ஸங்கா⁴தி³ஸேஸகண்டோ³
1. உஸ்ஸயவாதி³காஸிக்கா²பத³வண்ணனா
ஸங்கா⁴தி³ஸேஸேஸு உஸ்ஸயவாதி³காதி மானுஸ்ஸயவஸேன கோது⁴ஸ்ஸயவஸேன க³ஹபதினா வாதிஆதீ³ஹி ட²பெத்வா பஞ்ச ஸஹத⁴ம்மிகே அவஸேஸா க³ஹட்ட²பப்³ப³ஜிதா ஸங்க³ஹிதா. அயங் பி⁴க்கு²னீ பட²மாபத்திகந்தி ஆதி³ம்ஹி பட²மங் ஆபத்தி ஏதஸ்ஸாதி பட²மாபத்திகோ, வீதிக்கமக்க²ணேயேவ ஆபஜ்ஜிதப்³போ³தி அத்தோ², தங் பட²மாபத்திகங். ஆபன்னாதி அட்³ட³பரியோஸானே ஆபன்னா. பி⁴க்கு²னிங் ஸங்க⁴தோ நிஸ்ஸாரேதீதி நிஸ்ஸாரணீயோ, தங் நிஸ்ஸாரணீயங். ஸங்கா⁴தி³ஸேஸந்தி ஏவங்னாமகங்.
ஸாவத்தி²யங் து²ல்லனந்த³ங் ஆரப்³ப⁴ உஸ்ஸயவாதி³கவத்து²ஸ்மிங் பஞ்ஞத்தங், ஸாணத்திகங், ‘‘அட்³ட³ங் கரிஸ்ஸாமீ’’தி யங்கிஞ்சி து³தியிகங் வா ஸக்கி²ங் வா ஸஹாயங் வா பரியேஸந்தியா பரியேஸனே து³க்கடங், யத்த² டி²தாய ‘‘அட்³ட³ங் காதுங் க³ச்சா²மீ’’தி சித்தங் உப்பஜ்ஜதி, ததோ பட்டா²ய க³ச்ச²ந்தியா பதே³ பதே³ து³க்கடங், யத்த²கத்த²சி அந்தமஸோ பி⁴க்கு²னுபஸ்ஸயங் ஆக³தேபி வோஹாரிகே தி³ஸ்வா அத்தனோ கத²ங் ஆரோசெந்தியா து³க்கடங். இதரேன அத்தனோ கதா²ய ஆரோசிதாய பி⁴க்கு²னியா து²ல்லச்சயங், பட²மங் இதரேன பச்சா² பி⁴க்கு²னியா ஆரோசனேபி ஏஸேவ நயோ. ஸசே பன பி⁴க்கு²னீ தங் வத³தி ‘‘மம ச தவ ச கத²ங் த்வங்யேவ ஆரோசேஹீ’’தி, ஸோ அத்தனோ வா கத²ங் பட²மங் ஆரோசேது, தஸ்ஸா வா, பட²மாரோசனே பி⁴க்கு²னியா து³க்கடங், து³தியே து²ல்லச்சயங், தேன ஏவங் வுத்தாய பி⁴க்கு²னியா ஆரோசனேபி ஏஸேவ நயோ. ஸசே பன பி⁴க்கு²னீ அஞ்ஞேன கதா²பேதி, தத்ராபி ஏஸேவ நயோ. யதா² வா ததா² வா ஹி ஆரோசியமானே பட²மாரோசனே பி⁴க்கு²னியா து³க்கடங், து³தியே து²ல்லச்சயங். உபி⁴ன்னங் பன கத²ங் ஸுத்வா வோஹாரிகேஹி வினிச்ச²யே கதே அட்³ட³பரியோஸானங் நாம ஹோதி, தஸ்மிங் அட்³ட³பரியோஸானே பி⁴க்கு²னியா ஜயேபி பராஜயேபி ஸங்கா⁴தி³ஸேஸோ.
யா
உஸ்ஸயவாதி³காஸிக்கா²பத³வண்ணனா நிட்டி²தா.
2. சோரிவுட்டா²பிகாஸிக்கா²பத³வண்ணனா
து³தியே யாய பஞ்சமாஸக்³க⁴னகதோ பட்டா²ய யங்கிஞ்சி பரஸந்தகங் அவஹரிதங், அயங் சோரீ நாம, தங் சோரிங். வஜ்ஜ²ங் விதி³தந்தி தேன அனபலோகெத்வாதி அனாபுச்சா². க³ணந்தி மல்லக³ணப⁴டிபுத்தக³ணாதி³கங். பூக³ந்தி த⁴ம்மக³ணங். ஸேணிந்தி க³ந்தி⁴கஸேணிது³ஸ்ஸிகஸேணிஆதி³கங். யத்த² யத்த² ஹி ராஜானோ க³ணாதீ³னங் கா³மனிக³மே நிய்யாதெந்தி ‘‘தும்ஹேவ எத்த² அனுஸாஸதா²’’தி, தத்த² தத்த² தேயேவ இஸ்ஸரா ஹொந்தி, தஸ்மா தே ஸந்தா⁴ய இத³ங் வுத்தங். எத்த² ச ராஜானங் வா க³ணாதி³கே வா அபலோகெத்வாபி பி⁴க்கு²னிஸங்கோ⁴ அபலோகேதப்³போ³வ. அஞ்ஞத்ர கப்பாதி தித்தி²யேஸு வா அஞ்ஞபி⁴க்கு²னீஸு வா பப்³ப³ஜிதபுப்³பா³ கப்பா நாம, தங் ட²பெத்வா அஞ்ஞங் உபஸம்பாதெ³ந்தியா க³ணஆசரினீ பத்தசீவரபரியேஸனேஸு ஸீமாஸம்முதியா ஞத்தியா ச து³க்கடங், த்³வீஹி கம்மவாசாஹி து²ல்லச்சயங், கம்மவாசாபரியோஸானே ஸங்கா⁴தி³ஸேஸோ.
ஸாவத்தி²யங் து²ல்லனந்த³ங் ஆரப்³ப⁴ சோரிங் வுட்டா²பனவத்து²ஸ்மிங் பஞ்ஞத்தங், சோரியா வேமதிகாய து³க்கடங், ததா² அசோரியா சோரிஸஞ்ஞாய சேவ வேமதிகாய ச. அசோரிஸஞ்ஞாய, அஜானந்தியா, அபலோகெத்வா வுட்டா²பெந்தியா, கப்பங் வுட்டா²பெந்தியா, உம்மத்திகாதீ³னஞ்ச அனாபத்தி. சோரிதா, சோரிஸஞ்ஞிதா, அஞ்ஞத்ர அனுஞ்ஞாதகாரணா வுட்டா²பனந்தி, இமானெத்த² தீணி அங்கா³னி. சோரிவுட்டா²பனஸமுட்டா²னங், கிரியாகிரியங், ஸஞ்ஞாவிமொக்க²ங், ஸசித்தகங், பண்ணத்திவஜ்ஜங், காயகம்மங், வசீகம்மங், திசித்தங், திவேத³னந்தி.
சோரிவுட்டா²பிகாஸிக்கா²பத³வண்ணனா நிட்டி²தா.
3. ஏககா³மந்தரக³மனஸிக்கா²பத³வண்ணனா
ததியே கா³மந்தரந்திஆதீ³ஸு ஸககா³மதோ தாவ நிக்க²மந்தியா அனாபத்தி, நிக்க²மித்வா பன அஞ்ஞங் கா³மங் க³ச்ச²ந்தியா பதே³ பதே³ து³க்கடங், ஏகேன பாதே³ன இதரஸ்ஸ கா³மஸ்ஸ பரிக்கே²பே வா உபசாரே வா அதிக்கந்தே து²ல்லச்சயங், து³தியேன அதிக்கந்தமத்தே ஸங்கா⁴தி³ஸேஸோ, ததோ நிக்க²மித்வா புன ஸககா³மங் பவிஸந்தியாபி ஏஸேவ நயோ. ஸசே பன க²ண்ட³பாகாரேன வா வதிச்சி²த்³தே³ன வா பி⁴க்கு²னிவிஹாரபூ⁴மிங்யேவ ஸக்கா ஹோதி பவிஸிதுங், ஏவங் பவிஸமானாய கப்பியபூ⁴மியா பவிட்டா² நாம ஹோதி, தஸ்மா வட்டதி. ப³ஹிகா³மே ட²த்வா யங்கிஞ்சி ஸககா³மங் வா பரகா³மங் வா அகப்பியபூ⁴மிங் பத³ஸா பவிஸந்தியா ஆபத்தீதி அயமெத்த² ஸங்கே²போ.
நதி³பாரக³மனே வுத்தலக்க²ணாய நதி³யா து³தியிகங் வினா பரதீரங் க³ச்ச²ந்தியா வா அந்தரானதி³யங் து³தியிகாய ஸத்³தி⁴ங் ப⁴ண்டி³த்வா புன
ரத்திவிப்பவாஸே ‘‘புரேஅருணேயேவ து³தியிகாய ஹத்த²பாஸங் ஓக்கமிஸ்ஸாமீ’’தி ஆபோ⁴க³ங் வினா ஏகக³ப்³பே⁴பி து³தியிகாய ஹத்த²பாஸாதிக்கமே ட²த்வா அருணங் உட்டா²பெந்தியா ஆபத்தி.
ஏகா வா க³ணம்ஹாதி எத்த² பன ஏகா பி⁴க்கு²னீபி க³ணோயேவ. ஓஹீயெய்யாதி அவஹீயெய்ய, த³ஸ்ஸனூபசாரங் வா ஸவனூபசாரங் வா விஜஹெய்யாதி அத்தோ². தஸ்மா இந்த³கீ²லாதிக்கமதோ பட்டா²ய ப³ஹிகா³மே ருக்க²த²ம்ப⁴ஸாணிபாகாராதி³அந்தரிதபா⁴வேனாபி து³தியிகாய த³ஸ்ஸனூபசாரே விஜஹிதே ஸசேபி ஸவனூபசாரோ அத்தி², ஆபத்தியேவ. அஜ்ஜோ²காஸே பன தூ³ரேபி த³ஸ்ஸனூபசாரோ ஹோதி, தத்த² மக்³க³மூள்ஹஸத்³தே³ன விய த⁴ம்மஸ்ஸவனாரோசனஸத்³தே³ன விய ச ‘அய்யே’தி ஸத்³தா³யந்தியா ஸத்³த³ஸ்ஸவனாதிக்கமே ஆபத்தியேவ. ஸசே பன மக்³க³ங் க³ச்ச²ந்தீ ஓஹீயித்வா ‘‘இதா³னி பாபுணிஸ்ஸாமீ’’தி ஸஉஸ்ஸாஹா அனுப³ந்த⁴தி, வட்டதி.
ஸாவத்தி²யங்
‘‘ஸிக்கா²பதா³ பு³த்³த⁴வரேன வண்ணிதா;
ஸங்கா⁴தி³ஸேஸா சதுரோ ப⁴வெய்யுங்;
ஆபஜ்ஜெய்ய ஏகபயோகே³ன ஸப்³பா³;
பஞ்ஹா மேஸா குஸலேஹி சிந்திதா’’தி. (பரி॰ 479);
ஏதேனுபாயேன திண்ணங், த்³வின்னஞ்ச ஏகதோபா⁴வோ வேதி³தப்³போ³. து³தியிகாய பன பக்கந்தாய வா விப்³ப⁴ந்தாய வா காலங்கதாய வா பக்க²ஸங்கந்தாய வா ஆபதா³ஸு வா கா³மந்தரக³மனாதீ³னி கரொந்தியா உம்மத்திகாதீ³னஞ்ச அனாபத்தி. அந்தராயேன ஏகதோபா⁴வோ, கா³மந்தரக³மனாதீ³ஸு அஞ்ஞதரதாபஜ்ஜனங், ஆபதா³ய அபா⁴வோதி இமானெத்த² தீணி அங்கா³னி. ஸமுட்டா²னாதீ³னி பட²மபாராஜிகஸதி³ஸானி, இத³ங் பன பண்ணத்திவஜ்ஜங், திசித்தங், திவேத³னந்தி.
ஏககா³மந்தரக³மனஸிக்கா²பத³வண்ணனா நிட்டி²தா.
4. உக்கி²த்தகஓஸாரணஸிக்கா²பத³வண்ணனா
சதுத்தே² உக்கி²த்தந்தி ஆபத்தியா அத³ஸ்ஸனாதீ³ஸு உக்கி²த்தங். அனஞ்ஞாய க³ணஸ்ஸ ச²ந்த³ந்தி தஸ்ஸேவ காரகஸங்க⁴ஸ்ஸ ச²ந்த³ங் அஜானித்வா. ஓஸாரெய்யாதி ஓஸாரணகம்மங் கரெய்ய. தஸ்ஸா ஏவங் கரொந்தியா, க³ணபரியேஸனே ஸீமாஸம்முதியா ஞத்தியா ச து³க்கடங், த்³வீஹி கம்மவாசாஹி து²ல்லச்சயங், கம்மவாசாபரியோஸானே ஸங்கா⁴தி³ஸேஸோ.
ஸாவத்தி²யங் து²ல்லனந்த³ங் ஆரப்³ப⁴ ஏவங் ஓஸாரணவத்து²ஸ்மிங் பஞ்ஞத்தங், திகஸங்கா⁴தி³ஸேஸங், அத⁴ம்மகம்மே திகது³க்கடங், காரகஸங்க⁴ங் வா ஆபுச்சி²த்வா, க³ணஸ்ஸ வா ச²ந்த³ங் ஜானித்வா, வத்தே வா வத்தந்திங், அஸந்தே காரகஸங்கே⁴ ஓஸாரெந்தியா, உம்மத்திகாதீ³னஞ்ச அனாபத்தி. த⁴ம்மகம்மேன உக்கி²த்ததா, அஞ்ஞத்ர அனுஞ்ஞாதகாரணா
உக்கி²த்தகஓஸாரணஸிக்கா²பத³வண்ணனா நிட்டி²தா.
5. போ⁴ஜனப்படிக்³க³ஹணபட²மஸிக்கா²பத³வண்ணனா
பஞ்சமே அவஸ்ஸுதாதி ச²ந்த³ராகே³ன திந்தா. அவஸ்ஸுதஸ்ஸாதி தாதி³ஸஸ்ஸேவ. கா²தெ³ய்ய வா பு⁴ஞ்ஜெய்ய வாதி எத்த² படிக்³க³ஹணே து²ல்லச்சயங், அஜ்ஜோ²ஹாரே அஜ்ஜோ²ஹாரே ஸங்கா⁴தி³ஸேஸோ.
ஸாவத்தி²யங் ஸுந்த³ரீனந்த³ங் ஆரப்³ப⁴ அவஸ்ஸுதாய அவஸ்ஸுதஸ்ஸ ஹத்த²தோ ஆமிஸப்படிக்³க³ஹணவத்து²ஸ்மிங் பஞ்ஞத்தங், ஏகதோஅவஸ்ஸுதே படிக்³க³ஹணே து³க்கடங், அஜ்ஜோ²ஹாரே அஜ்ஜோ²ஹாரே து²ல்லச்சயங், யக்க²பேதபண்ட³கதிரச்சா²னக³தமனுஸ்ஸவிக்³க³ஹானங் ஹத்த²தோ உப⁴தோஅவஸ்ஸுதேபி ஸதி ஏஸேவ நயோ. தத்த² பன ஏகதோஅவஸ்ஸுதே ஸதி து³க்கடங், ஸப்³ப³த்த² உத³கத³ந்தபோனக்³க³ஹணேபி பரிபோ⁴கே³பி து³க்கடமேவ. உபோ⁴ஸு அனவஸ்ஸுதேஸு, ‘‘அனவஸ்ஸுதோ’’தி வா ஞத்வா க³ண்ஹந்தியா, உம்மத்திகாதீ³னஞ்ச அனாபத்தி. உத³கத³ந்தபோனதோ அஞ்ஞங் அஜ்ஜோ²ஹரணீயங், உப⁴தோஅவஸ்ஸுததா, ஸஹத்தா² க³ஹணங், அஜ்ஜோ²ஹரணந்தி இமானெத்த² சத்தாரி அங்கா³னி. ஸமுட்டா²னாதீ³னி பட²மபாராஜிகஸதி³ஸானீதி.
போ⁴ஜனப்படிக்³க³ஹணபட²மஸிக்கா²பத³வண்ணனா நிட்டி²தா.
6. போ⁴ஜனப்படிக்³க³ஹணது³தியஸிக்கா²பத³வண்ணனா
ச²ட்டே² யதோ த்வந்தி யஸ்மா த்வங். இங்கா⁴தி உய்யோஜனத்தே² நிபாதோ. அயம்பீதி யா ஏவங் உய்யோஜேதி, ஸா ஏவங் உய்யோஜனேன ச தேன வசனேன இதரிஸ்ஸா படிக்³க³ஹணேன ச து³க்கடானி, அஜ்ஜோ²ஹாரக³ணனாய து²ல்லச்சயானி ச ஆபஜ்ஜித்வா போ⁴ஜனபரியோஸானே ஸங்கா⁴தி³ஸேஸங் ஆபஜ்ஜதி.
ஸாவத்தி²யங் அஞ்ஞதரங் பி⁴க்கு²னிங் ஆரப்³ப⁴ ஏவங் உய்யோஜனவத்து²ஸ்மிங் பஞ்ஞத்தங், ஸாணத்திகமேவ, புரிஸஸ்ஸ வா யக்கா²தீ³னங் வா ஹத்த²தோ உத³கத³ந்தபோனப்படிக்³க³ஹணுய்யோஜனே ச தேஸங் பரிபோ⁴கே³ ச து³க்கடங், ஏஸ நயோ யக்கா²தீ³னங் ஹத்த²தோ அவஸேஸக்³க³ஹணத்த²ங் உய்யோஜனே, தேஸங் க³ஹணே, அஜ்ஜோ²ஹாரே ச. போ⁴ஜனபரியோஸானே பன து²ல்லச்சயங். ‘‘அனவஸ்ஸுதோ’’தி ஞத்வா
போ⁴ஜனப்படிக்³க³ஹணது³தியஸிக்கா²பத³வண்ணனா நிட்டி²தா.
7-8-9. ஸஞ்சரித்தாதி³ஸிக்கா²பத³வண்ணனா
ஸத்தமஅட்ட²மனவமஸிக்கா²பதா³னங்
ஸஞ்சரித்தாதி³ஸிக்கா²பத³வண்ணனா நிட்டி²தா.
10. ஸிக்க²ங்பச்சாசிக்க²ணஸிக்கா²பத³வண்ணனா
த³ஸமே கிங்னுமாவ ஸமணியோதி கிங்னு இமா ஏவ ஸமணியோ. தாஸாஹந்தி தாஸங் அஹங். யாவததியகபத³த்தோ² பி⁴க்கு²பாதிமொக்க²வண்ணனாயங் (கங்கா²॰ அட்ட²॰ நிக³மனவண்ணனா), அவஸேஸவினிச்ச²யோ ச தத்தே²வ ஸங்க⁴பே⁴த³ஸிக்கா²பத³வண்ணனாயங் வுத்தனயேனேவ வேதி³தப்³போ³, இத³ங் பன ஸாவத்தி²யங் சண்ட³காளிபி⁴க்கு²னிங் (பாசி॰ 709) ஆரப்³ப⁴ ‘‘பு³த்³த⁴ங் பச்சாசிக்கா²மீ’’திஆதி³வசனவத்து²ஸ்மிங் பஞ்ஞத்தங், ஏவங் வசனமேவ செத்த² சதூஸு அங்கே³ஸு பட²மங் அங்க³ந்தி அயங் விஸேஸோ, ஸேஸங் தாதி³ஸமேவாதி.
ஸிக்க²ங்பச்சாசிக்க²ணஸிக்கா²பத³வண்ணனா நிட்டி²தா.
11. அதி⁴கரணகுபிதஸிக்கா²பத³வண்ணனா
ஏகாத³ஸமே கிஸ்மிஞ்சிதே³வ அதி⁴கரணேதி சதுன்னங் அஞ்ஞதரஸ்மிங். பச்சாகதாதி பராஜிதா. இத³ம்பி ஸாவத்தி²யங் சண்ட³காளிங் ஆரப்³ப⁴ ‘‘ச²ந்த³கா³மினியோ ச பி⁴க்கு²னியோ’’திஆதி³வசனவத்து²ஸ்மிங் பஞ்ஞத்தங், ஸேஸங் த³ஸமே வுத்தனயேனேவ வேதி³தப்³ப³ந்தி.
அதி⁴கரணகுபிதஸிக்கா²பத³வண்ணனா நிட்டி²தா.
12. பாபஸமாசாரபட²மஸிக்கா²பத³வண்ணனா
த்³வாத³ஸமே ஸங்ஸட்டா²தி பப்³ப³ஜிதானங் அனநுலோமேன கி³ஹீனங் கொட்டனபசனஸாஸனஹரணாதி³னா காயிகவாசஸிகேன மிஸ்ஸீபூ⁴தா. பாபோ காயிகவாசஸிகோ ஆசாரோ ஏதாஸந்தி பாபாசாரா. பாபோ கித்திஸத்³தோ³ ஏதாஸந்தி பாபஸத்³தா³. பாபோ ஆஜீவஸங்கா²தோ ஸிலோகோ ஏதாஸந்தி பாபஸிலோகா பி⁴க்கு²னிஸங்க⁴ஸ்ஸ விஹேஸிகாதி அஞ்ஞமஞ்ஞிஸ்ஸா கம்மே கரியமானே படிக்கோஸனேன விஹேஸிகா. வஜ்ஜப்படிச்சா²தி³காதி கு²த்³தா³னுகு²த்³த³கஸ்ஸ வஜ்ஜஸ்ஸ படிச்சா²தி³கா.
ஸாவத்தி²யங்
பாபஸமாசாரபட²மஸிக்கா²பத³வண்ணனா நிட்டி²தா.
13. பாபஸமாசாரது³தியஸிக்கா²பத³வண்ணனா
தேரஸமே ஏவங் வதெ³ய்யாதி தா ஸமனுப⁴ட்டா² பி⁴க்கு²னியோ ஏவங் வதெ³ய்ய. ஏவாசாராதி ஏவங்ஆசாரா, யாதி³ஸோ தும்ஹாகங் ஆசாரோ, தாதி³ஸோ ஆசாரோதி அத்தோ², ஏஸ நயோ ஸப்³ப³த்த². உஞ்ஞாயாதி அவஞ்ஞாய நீசங் கத்வா ஜானநாய. பரிப⁴வேனாதி ‘‘கிங் இமா கரிஸ்ஸந்தீ’’தி ஏவங் பரிப⁴வித்வா ஜானநேன. அக்க²ந்தியாதி அஸஹனதாய, கோதே⁴னாதி அத்தோ². வேப⁴ஸ்ஸியாதி ப³லவந்தஸ்ஸ பா⁴வேன, அத்தனோ ப³லப்பகாஸனேன ஸமுத்ராஸேனாதி அத்தோ². து³ப்³ப³ல்யாதி தும்ஹாகங் து³ப்³ப³லபா⁴வேன, ஸப்³ப³த்த² உஞ்ஞாய ச பரிப⁴வேன சாதி ஏவங் ஸமுச்சயத்தோ² த³ட்ட²ப்³போ³. விவிச்சதா²தி நானா ஹோத², அனநுலோமிகங் காயிகவாசஸிகஸங்ஸக்³க³ங் பஜஹதா²தி அத்தோ².
ஸாவத்தி²யங் து²ல்லனந்த³ங் ஆரப்³ப⁴ ‘‘ஸங்ஸட்டா²வ, அய்யே, தும்ஹே விஹரத², மா தும்ஹே நானா விஹரித்தா²’’தி உய்யோஜனவத்து²ஸ்மிங் பஞ்ஞத்தங், ஸேஸமெத்தா²பி த³ஸமே வுத்தனயேனேவ வேதி³தப்³ப³ந்தி.
பாபஸமாசாரது³தியஸிக்கா²பத³வண்ணனா நிட்டி²தா.
14. ஸங்க⁴பே⁴த³காதி³ஸிக்கா²பத³வண்ணனா
ஸங்க⁴பே⁴தா³தீ³ஸு உத்³தி³ட்டா² கோ² அய்யாயோ ஸத்தரஸ ஸங்கா⁴தி³ஸேஸா த⁴ம்மாதி பி⁴க்கூ² ஆரப்³ப⁴ பஞ்ஞத்தா ஸாதா⁴ரணா ஸத்த, அஸாதா⁴ரணா த³ஸாதி ஏவங் ஸத்தரஸ. உப⁴தோஸங்கே⁴ பக்க²மானத்தங் சரிதப்³ப³ந்தி பி⁴க்கு²னியா ஹி ஆபத்திங் சா²தெ³ந்தியாபி பரிவாஸோ நாம நத்தி², சா²த³னபச்சயாபி ந து³க்கடங் ஆபஜ்ஜதி, தஸ்மா சா²தெ³த்வாபி அசா²தெ³த்வாபி
தத்ரித³ங் பட²மாபத்திவஸேன முக²மத்தனித³ஸ்ஸனங் – தாய ஆபன்னாய பி⁴க்கு²னியா பி⁴க்கு²னிஸங்க⁴ங் உபஸங்கமித்வா ஏகங்ஸங் உத்தராஸங்க³ங் கரித்வா வுட்³டா⁴னங் பி⁴க்கு²னீனங் பாதே³ வந்தி³த்வா உக்குடிகங் நிஸீதி³த்வா அஞ்ஜலிங் பக்³க³ஹெத்வா ஏவமஸ்ஸவசனீயோ ‘‘அஹங், அய்யே, ஏகங் ஆபத்திங் ஆபஜ்ஜிங் உஸ்ஸயவாத³ங், ஸாஹங், அய்யே, ஸங்க⁴ங் ஏகிஸ்ஸா ஆபத்தியா உஸ்ஸயவாதா³ய பக்க²மானத்தங் யாசாமீ’’தி, ஏவங் திக்க²த்துங் யாசாபெத்வா ப்³யத்தாய பி⁴க்கு²னியா படிப³லாய ஸங்கோ⁴ ஞாபேதப்³போ³ –
‘‘ஸுணாது மே, அய்யே, ஸங்கோ⁴, அயங் இத்த²ன்னாமா பி⁴க்கு²னீ ஏகங் ஆபத்திங் ஆபஜ்ஜிங் உஸ்ஸயவாத³ங், ஸா ஸங்க⁴ங் ஏகிஸ்ஸா ஆபத்தியா உஸ்ஸயவாதா³ய பக்க²மானத்தங் யாசதி, யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமாய பி⁴க்கு²னியா ஏகிஸ்ஸா ஆபத்தியா உஸ்ஸயவாதா³ய பக்க²மானத்தங் த³தெ³ய்ய, ஏஸா ஞத்தி.
‘‘ஸுணாது மே, அய்யே, ஸங்கோ⁴, அயங் இத்த²ன்னாமா பி⁴க்கு²னீ…பே॰… து³தியம்பி…பே॰… ததியம்பி ஏதமத்த²ங் வதா³மி, ஸுணாது மே, அய்யே, ஸங்கோ⁴…பே॰… ஸா பா⁴ஸெய்ய. தி³ன்னங் ஸங்கே⁴ன இத்த²ன்னாமாய பி⁴க்கு²னியா ஏகிஸ்ஸா ஆபத்தியா
கம்மவாசாபரியோஸானே ‘‘வத்தங் ஸமாதி³யாமி, மானத்தங் ஸமாதி³யாமீ’’தி ஸமாதி³யித்வா ஸங்க⁴ஸ்ஸ ஆரோசெத்வா நிக்கி²த்தவத்தேன தாவ வஸிதுகாமாய தத்தே²வ ஸங்க⁴மஜ்ஜே² வா பக்கந்தாஸு பி⁴க்கு²னீஸு ஏகபி⁴க்கு²னியா வா து³தியிகாய வா ஸந்திகே ‘‘வத்தங் நிக்கி²பாமி, மானத்தங் நிக்கி²பாமீ’’தி நிக்கி²பிதப்³ப³ங். அஞ்ஞிஸ்ஸா பன ஆக³ந்துகாய ஸந்திகே ஆரோசெத்வா நிக்கி²பிதப்³ப³ங், நிக்கி²த்தகாலதோ பட்டா²ய பகதத்தட்டா²னே திட்ட²தி, ததோ புரேஅருணேயேவ சதூஹி பி⁴க்கு²னீஹி தங் பி⁴க்கு²னிங் க³ஹெத்வா கா³மூபசாரதோ ச பி⁴க்கூ²னங் விஹாரூபசாரதோ ச த்³வே லெட்³டு³பாதே அதிக்கமித்வா மஹாமக்³கா³ ஓக்கம்ம கு³ம்ப³வதிஆதீ³ஹி படிச்ச²ன்னே ஓகாஸே நிஸீதி³தப்³ப³ங். சதூஹி
‘‘அஹங், அய்யே, ஏகங் ஆபத்திங் ஆபஜ்ஜிங் உஸ்ஸயவாத³ங், ஸாஹங் ஸங்க⁴ங் ஏகிஸ்ஸா ஆபத்தியா உஸ்ஸயவாதா³ய பக்க²மானத்தங் யாசிங், தஸ்ஸா மே ஸங்கோ⁴ ஏகிஸ்ஸா ஆபத்தியா உஸ்ஸயவாதா³ய பக்க²மானத்தங் அதா³ஸி, ஸாஹங் மானத்தங் சராமி, வேத³யாமஹங், அய்யே, ‘வேத³யதீ’தி மங் ஸங்கோ⁴ தா⁴ரேதூ’’தி.
ததோ பி⁴க்கு²ஸங்க⁴ஸ்ஸ ஸந்திகங் க³ந்த்வா ஏவங் ஆரோசேதப்³ப³ங் ‘‘அஹங், அய்யா, ஏகங் ஆபத்திங் ஆபஜ்ஜிங்…பே॰… வேத³யாமஹங், அய்யா, ‘வேத³யதீ’தி மங் ஸங்கோ⁴ தா⁴ரேதூ’’தி. ஆரோசெத்வா பி⁴க்கு²னிஸங்க⁴ஸ்ஸேவ
அனிக்கி²த்தவத்தாய பன ஆக³ந்துகேஸு அஸதி சதுன்னங் பி⁴க்கூ²னஞ்ச பி⁴க்கு²னீனஞ்ச தே³வஸிகங் ஆரோசெத்வா, ஆக³ந்துகேஸு ஸதி ஸப்³பே³ஸம்பி ஆக³ந்துகானங் ஆரோசெந்தியா சிண்ணமானத்தாய பி⁴க்கு²னியாதி யதா³ ஏவங் சிண்ணமானத்தா பி⁴க்கு²னீ ஹோதி, அத²ஸ்ஸா யத்த² ஸியா வீஸதிக³ணோ பி⁴க்கு²னிஸங்கோ⁴தி வுத்தனயேனேவ அப்³பா⁴னகம்மங் காதப்³ப³ங், ஸேஸங் உத்தானமேவாதி.
கங்கா²விதரணியா பாதிமொக்க²வண்ணனாய
பி⁴க்கு²னிபாதிமொக்கே²
ஸங்கா⁴தி³ஸேஸவண்ணனா நிட்டி²தா.