17. மஞ்சபீடா²தி³ஸங்கி⁴கஸேனாஸனேஸு படிபஜ்ஜிதப்³ப³வினிச்ச²யகதா²
82. விஹாரே ஸங்கி⁴கே ஸெய்யங், ஸந்த²ரித்வான பக்கமோதி ஸங்கி⁴கே விஹாரே ஸெய்யங் ஸந்த²ரித்வான அஞ்ஞத்த² வஸிதுகாமதாய விஹாரதோ பக்கமனங். தத்ராயங் வினிச்ச²யோ –
‘‘யோ பன பி⁴க்கு² ஸங்கி⁴கே விஹாரே ஸெய்யங் ஸந்த²ரித்வா வா ஸந்த²ராபெத்வா வா தங் பக்கமந்தோ நேவ உத்³த⁴ரெய்ய ந உத்³த⁴ராபெய்ய அனாபுச்ச²ங் வா க³ச்செ²ய்ய, பாசித்திய’’ந்தி (பாசி॰ 115) –
வசனதோ
தத்த² ஸெய்யா நாம பி⁴ஸி சிமிலிகா உத்தரத்த²ரணங் பூ⁴மத்த²ரணங் தட்டிகா சம்மக²ண்டோ³ நிஸீத³னங் பச்சத்த²ரணங் திணஸந்தா²ரோ பண்ணஸந்தா²ரோதி த³ஸவிதா⁴. தத்த² பி⁴ஸீதி மஞ்சகபி⁴ஸி வா பீட²கபி⁴ஸி வா. சிமிலிகா நாம ஸுதா⁴தி³பரிகம்மகதாய பூ⁴மியா வண்ணானுரக்க²ணத்த²ங் கதா, தங் ஹெட்டா² பத்த²ரித்வா உபரி கடஸாரகங் பத்த²ரந்தி. உத்தரத்த²ரணங் நாம மஞ்சபீடா²னங் உபரி அத்த²ரிதப்³ப³கபச்சத்த²ரணங். பூ⁴மத்த²ரணங் நாம பூ⁴மியங் அத்த²ரிதப்³பா³ கடஸாரகாதி³விகதி. தட்டிகா நாம தாலபண்ணேஹி வா வாகேஹி வா கததட்டிகா. சம்மக²ண்டோ³ நாம ஸீஹப்³யக்³க⁴தீ³பிதரச்ச²சம்மாதீ³ஸுபி யங் கிஞ்சி சம்மங். அட்ட²கதா²ஸு ஹி ஸேனாஸனபரிபோ⁴கே³ படிக்கி²த்தசம்மங் ந தி³ஸ்ஸதி, தஸ்மா ஸீஹப்³யக்³க⁴சம்மாதீ³னங் பரிஹரணேயேவ படிக்கே²போ வேதி³தப்³போ³. நிஸீத³னந்தி ஸத³ஸங் வேதி³தப்³ப³ங். பச்சத்த²ரணந்தி பாவாரோ கோஜவோதி எத்தகமேவ வுத்தங். திணஸந்தா²ரோதி யேஸங் கேஸஞ்சி திணானங் ஸந்தா²ரோ. ஏஸ நயோ பண்ணஸந்தா²ரேபி. ஏவங் பன இமங் த³ஸவித⁴ங் ஸெய்யங் ஸங்கி⁴கே விஹாரே ஸந்த²ரித்வா வா ஸந்த²ராபெத்வா வா பக்கமந்தேன ஆபுச்சி²த்வா பக்கமிதப்³ப³ங், ஆபுச்ச²ந்தேன ச பி⁴க்கு²ம்ஹி ஸதி பி⁴க்கு² ஆபுச்சி²தப்³போ³, தஸ்மிங் அஸதி ஸாமணேரோ, தஸ்மிங் அஸதி ஆராமிகோ, தஸ்மிங் அஸதி யேன விஹாரோ காரிதோ, ஸோ விஹாரஸாமிகோ, தஸ்ஸ வா குலே யோ கோசி ஆபுச்சி²தப்³போ³, தஸ்மிம்பி அஸதி சதூஸு பாஸாணேஸு மஞ்சங் ட²பெத்வா மஞ்சே அவஸேஸமஞ்சபீடா²னி
ஸசே பன ஸேனாஸனங் ஓவஸ்ஸதி, ச²த³னத்த²ஞ்ச திணங் வா இட்ட²கா வா ஆனீதா ஹொந்தி, ஸசே உஸ்ஸஹதி, சா²தே³தப்³ப³ங். நோ சே ஸக்கோதி, யோ ஓகாஸோ அனோவஸ்ஸகோ, தத்த² மஞ்சபீடா²தீ³னி நிக்கி²பித்வா க³ந்தப்³ப³ங். ஸசே ஸப்³ப³ம்பி ஓவஸ்ஸதி, உஸ்ஸஹந்தேன அந்தோகா³மே உபாஸகானங் க⁴ரே ட²பேதப்³ப³ங். ஸசே தேபி ‘‘ஸங்கி⁴கங் நாம, ப⁴ந்தே, பா⁴ரியங், அக்³கி³தா³ஹாதீ³னங் பா⁴யாமா’’தி ந ஸம்படிச்ச²ந்தி, அப்³போ⁴காஸேபி பாஸாணானங் உபரி மஞ்சங் ட²பெத்வா ஸேஸங் புப்³பே³ வுத்தனயேனேவ நிக்கி²பித்வா திணேஹி ச பண்ணேஹி ச படிச்சா²தெ³த்வா க³ந்துங் வட்டதி. யஞ்ஹி தத்த² அங்க³மத்தம்பி அவஸிஸ்ஸதி, தங் அஞ்ஞேஸங் தத்த²
83. ஸேனாஸனேஸு பன அயங் ஆபுச்சி²தப்³பா³னாபுச்சி²தப்³ப³வினிச்ச²யோ – யா தாவ பூ⁴மியங் தீ³க⁴ஸாலா வா பண்ணஸாலா வா ஹோதி, யங் வா ருக்க²த்த²ம்பே⁴ஸு கதகே³ஹங் உபசிகானங் உட்டா²னட்டா²னங் ஹோதி, ததோ பக்கமந்தேன தாவ ஆபுச்சி²த்வாவ பக்கமிதப்³ப³ங். தஸ்மிஞ்ஹி கதிபயானி தி³வஸானி அஜக்³கி³யமானே வம்மிகாவ ஸந்திட்ட²ந்தி. யங் பன பாஸாணபிட்டி²யங் வா பாஸாணத்த²ம்பே⁴ஸு வா கதஸேனாஸனங் ஸிலுச்சயலேணங் வா ஸுதா⁴லித்தஸேனாஸனங் வா, யத்த² யத்த² உபசிகாஸங்கா நத்தி², ததோ பக்கமந்தஸ்ஸ ஆபுச்சி²த்வாபி அனாபுச்சி²த்வாபி க³ந்துங் வட்டதி, ஆபுச்ச²னங் பன வத்தங். ஸசே தாதி³ஸேபி ஸேனாஸனே ஏகேன பஸ்ஸேன உபசிகா ஆரோஹந்தி, ஆபுச்சி²த்வாவ க³ந்தப்³ப³ங். யோ பன ஆக³ந்துகோ பி⁴க்கு² ஸங்கி⁴கஸேனாஸனங் க³ஹெத்வாவ ஸந்தங் பி⁴க்கு²ங் அனுவத்தந்தோ அத்தனோ ஸேனாஸனங் அக்³க³ஹெத்வா வஸதி, யாவ ஸோ ந க³ண்ஹாதி, தாவ தங் ஸேனாஸனங் புரிமபி⁴க்கு²ஸ்ஸேவ பலிபோ³தோ⁴. யதா³ பன ஸோ ஸேனாஸனங் க³ஹெத்வா அத்தனோ இஸ்ஸரியேன வஸதி, ததோ பட்டா²ய ஆக³ந்துகஸ்ஸேவ பலிபோ³தோ⁴. ஸசே உபோ⁴பி விப⁴ஜித்வா க³ண்ஹந்தி, உபி⁴ன்னம்பி பலிபோ³தோ⁴.
மஹாபச்சரியங் பன வுத்தங் – ஸசே த்³வே தயோ ஏகதோ ஹுத்வா பஞ்ஞபெந்தி, க³மனகாலே ஸப்³பே³ஹி ஆபுச்சி²தப்³ப³ங். தேஸு சே பட²மங் க³ச்ச²ந்தோ ‘‘பச்சி²மோ ஜக்³கி³ஸ்ஸதீ’’தி ஆபோ⁴க³ங் கத்வா க³ச்ச²தி, வட்டதி
விஹாரஸ்ஸ உபசாரே பன உபட்டா²னஸாலாய வா மண்ட³பே வா ருக்க²மூலே வா ஸெய்யங் ஸந்த²ரித்வா வா ஸந்த²ராபெத்வா வா தங் பக்கமந்தோ நேவ உத்³த⁴ரதி ந உத்³த⁴ராபேதி அனாபுச்ச²ங் வா க³ச்ச²தி, து³க்கடங். வுத்தப்பகாரஞ்ஹி த³ஸவித⁴ங் ஸெய்யங் அந்தோக³ப்³பா⁴தி³ம்ஹி கு³த்தட்டா²னே பஞ்ஞபெத்வா க³ச்ச²ந்தஸ்ஸ யஸ்மா ஸெய்யாபி ஸேனாஸனம்பி உபசிகாஹி பலுஜ்ஜதி, வம்மிகராஸியேவ ஹோதி, தஸ்மா பாசித்தியங் வுத்தங். ப³ஹி பன உபட்டா²னஸாலாதீ³ஸு பஞ்ஞபெத்வா க³ச்ச²ந்தஸ்ஸ ஸெய்யாமத்தமேவ நஸ்ஸெய்ய டா²னஸ்ஸ அகு³த்ததாய, ந ஸேனாஸனங், தஸ்மா எத்த² து³க்கடங் வுத்தங். மஞ்சபீட²ங் பன யஸ்மா ந ஸக்கா ஸஹஸா உபசிகாஹி கா²யிதுங், தஸ்மா தங் விஹாரேபி ஸந்த²ரித்வா க³ச்ச²ந்தஸ்ஸ து³க்கடங். விஹாரஸ்ஸூபசாரே உபட்டா²னஸாலாயங் மண்ட³பே ருக்க²மூலேபி ஸந்த²ரித்வா பக்கமந்தஸ்ஸ து³க்கடமேவ.
84. ‘‘யோ பன பி⁴க்கு² ஸங்கி⁴கங் மஞ்சங் வா பீட²ங் வா பி⁴ஸிங் வா கொச்ச²ங் வா அஜ்ஜோ²காஸே ஸந்த²ரித்வா வா ஸந்த²ராபெத்வா வா தங் பக்கமந்தோ நேவ உத்³த⁴ரெய்ய ந உத்³த⁴ராபெய்ய அனாபுச்ச²ங் வா க³ச்செ²ய்ய, பாசித்திய’’ந்தி (பாசி॰ 109) வசனதோ ஸங்கி⁴கானி பன மஞ்சபீடா²தீ³னி சத்தாரி அஜ்ஜோ²காஸே ஸந்த²ரித்வா வா ஸந்த²ராபெத்வா வா உத்³த⁴ரணாதீ³னி அகத்வா ‘‘அஜ்ஜேவ ஆக³மிஸ்ஸாமீ’’தி க³ச்ச²ந்தஸ்ஸபி தா²மமஜ்ஜி²மஸ்ஸ புரிஸஸ்ஸ லெட்³டு³பாதாதிக்கமே பாசித்தியங். எத்த² கொச்ச²ங் நாம வாகமயங் வா உஸீரமயங் வா முஞ்ஜமயங் வா பப்³ப³ஜமயங் வா ஹெட்டா² ச உபரி ச வித்த²தங் மஜ்ஜே² ஸங்கி²த்தங் பணவஸண்டா²னங் கத்வா ப³த்³த⁴ங். தங் கிர மஜ்ஜே² ஸீஹப்³யக்³க⁴சம்மபரிக்கி²த்தம்பி
‘‘அனுஜானாமி,
85. அப்³போ⁴காஸிகேனபி வத்தங் ஜானிதப்³ப³ங். தஸ்ஸ ஹி ஸசே புக்³க³லிகமஞ்சகோ அத்தி², தத்தே²வ ஸயிதப்³ப³ங். ஸங்கி⁴கங் க³ண்ஹந்தேன வெத்தேன வா வாகேன வா வீதமஞ்சகோ க³ஹேதப்³போ³, தஸ்மிங் அஸதி புராணமஞ்சகோ க³ஹேதப்³போ³, தஸ்மிங் அஸதி நவவாயிமோ வா ஓனத்³த⁴கோ வா க³ஹேதப்³போ³. க³ஹெத்வா பன ‘‘அஹங் உக்கட்ட²ருக்க²மூலிகோ உக்கட்ட²அப்³போ⁴காஸிகோ’’தி சீவரகுடிம்பி அகத்வா அஸமயே அஜ்ஜோ²காஸே வா ருக்க²மூலே வா பஞ்ஞபெத்வா நிபஜ்ஜிதுங் ந வட்டதி. ஸசே பன சதுக்³கு³ணேனபி சீவரேன கதா குடி அதேமெந்தங் ரக்கி²துங் ந ஸக்கோதி, ஸத்தாஹவத்³த³லிகாதீ³னி ப⁴வந்தி, பி⁴க்கு²னோ காயானுக³திகத்தா வட்டதி. அரஞ்ஞே பண்ணகுடீஸு வஸந்தானங் ஸீலஸம்பதா³ய பஸன்னசித்தா மனுஸ்ஸா நவங் மஞ்சபீட²ங் தெ³ந்தி ‘‘ஸங்கி⁴கபரிபோ⁴கே³ன பரிபு⁴ஞ்ஜதா²’’தி, வஸித்வா க³ச்ச²ந்தேஹி ஸாமந்தவிஹாரே ஸபா⁴க³பி⁴க்கூ²னங் பேஸெத்வா க³ந்தப்³ப³ங், ஸபா⁴கா³னங் அபா⁴வேன அனோவஸ்ஸகே நிக்கி²பித்வா க³ந்தப்³ப³ங், அனோவஸ்ஸகே அஸதி ருக்கே² லக்³கெ³த்வா க³ந்தப்³ப³ங். சேதியங்க³ணே ஸம்மஜ்ஜனிங் க³ஹெத்வா போ⁴ஜனஸாலங்க³ணங் வா உபோஸதா²கா³ரங்க³ணங் வா பரிவேணதி³வாட்டா²னஅக்³கி³ஸாலாதீ³ஸு வா அஞ்ஞதரங் ஸம்மஜ்ஜித்வா தோ⁴வித்வா புன ஸம்மஜ்ஜனிமாளகேயேவ ட²பேதப்³பா³. உபோஸதா²கா³ராதீ³ஸு அஞ்ஞதரஸ்மிங் க³ஹெத்வா அவஸேஸானி ஸம்மஜ்ஜந்தஸ்ஸபி ஏஸேவ நயோ.
யோ மஹாபச்சரியங் வுத்தங். ஸசே பன தத்ர தத்ரேவ ஸம்மஜ்ஜனத்தா²ய ஸம்மஜ்ஜனீ நிக்கி²த்தா ஹோதி, தங் தங் டா²னங் ஸம்மஜ்ஜித்வா தத்ர தத்ரேவ நிக்கி²பிதுங் வட்டதி, ஆஸனஸாலங் ஸம்மஜ்ஜந்தேன வத்தங் ஜானிதப்³ப³ங். தத்ரித³ங் வத்தங் – மஜ்ஜ²தோ பட்டா²ய பாத³ட்டா²னாபி⁴முகா² வாலிகா ஹரிதப்³பா³, கசவரங் ஹத்தே²ஹி க³ஹெத்வா ப³ஹி ச²ட்³டே³தப்³ப³ங்.
86. ஸசே வுத்தப்பகாரங் சதுப்³பி³த⁴ம்பி ஸங்கி⁴கங் ஸேனாஸனங் அஜ்ஜோ²காஸே வா ருக்க²மூலே வா மண்ட³பே வா அனுபஸம்பன்னேன ஸந்த²ராபேதி, யேன ஸந்த²ராபிதங், தஸ்ஸ பலிபோ³தோ⁴. ஸசே பன உபஸம்பன்னேன ஸந்த²ராபேதி, யேன ஸந்த²தங், தஸ்ஸ பலிபோ³தோ⁴. தத்ராயங் வினிச்ச²யோ (பாசி॰ அட்ட²॰ 111) – தே²ரோ போ⁴ஜனஸாலாயங் ப⁴த்தகிச்சங் கத்வா த³ஹரங் ஆணாபேதி ‘‘க³ச்ச² தி³வாட்டா²னே மஞ்சபீட²ங் பஞ்ஞபேஹீ’’தி. ஸோ ததா² கத்வா நிஸின்னோ, தே²ரோ யதா²ருசி விசரித்வா தத்த² க³ந்த்வா த²விகங் வா உத்தராஸங்க³ங் வா ட²பேதி, ததோ பட்டா²ய தே²ரஸ்ஸ பலிபோ³தோ⁴. நிஸீதி³த்வா ஸயங் க³ச்ச²ந்தோ நேவ உத்³த⁴ரதி ந உத்³த⁴ராபேதி, லெட்³டு³பாதாதிக்கமே பாசித்தியங். ஸசே பன தே²ரோ தத்த² த²விகங் வா உத்தராஸங்க³ங் வா அட்ட²பெத்வா சங்கமந்தோவ த³ஹரங் ‘‘க³ச்ச² த்வ’’ந்தி ப⁴ணதி, தேன ‘‘இத³ங், ப⁴ந்தே, மஞ்சபீட²’’ந்தி ஆசிக்கி²தப்³ப³ங். ஸசே தே²ரோ வத்தங் ஜானாதி, ‘‘த்வங் க³ச்ச², அஹங் பாகதிகங் கரிஸ்ஸாமீ’’தி வத்தப்³ப³ங். ஸசே பா³லோ ஹோதி அனுக்³க³ஹிதவத்தோ, ‘‘க³ச்ச², மா இத⁴ திட்ட², நேவ நிஸீதி³துங் ந நிபஜ்ஜிதுங் தே³மீ’’தி த³ஹரங் தஜ்ஜேதியேவ. த³ஹரேன ‘‘ப⁴ந்தே, ஸுக²ங் ஸயதா²’’தி கப்பங் லபி⁴த்வா வந்தி³த்வா க³ந்தப்³ப³ங். தஸ்மிங் க³தே தே²ரஸ்ஸேவ பலிபோ³தோ⁴, புரிமனயேனேவ சஸ்ஸ ஆபத்தி வேதி³தப்³பா³.
அத² பன ஆணத்திக்க²ணேயேவ த³ஹரோ ‘‘மய்ஹங் ப⁴ண்டே³ ப⁴ண்ட³தோ⁴வனாதி³ கிஞ்சி கரணீயங் அத்தீ²’’தி வத³தி, தே²ரோ பன தங் ‘‘பஞ்ஞபெத்வா க³ச்சா²ஹீ’’தி வத்வா போ⁴ஜனஸாலதோ நிக்க²மித்வா அஞ்ஞத்த² க³ச்ச²தி, பாது³த்³தா⁴ரேன காரேதப்³போ³
87. மஹாத⁴ம்மஸ்ஸவனங் நாம ஹோதி, தத்த² உபோஸதா²கா³ரதோபி போ⁴ஜனஸாலதோபி ஆஹரித்வா மஞ்சபீடா²னி பஞ்ஞபெந்தி, ஆவாஸிகானங்யேவ பலிபோ³தோ⁴. ஸசே ஆக³ந்துகா ‘‘இத³ங் அம்ஹாகங் உபஜ்ஜா²யஸ்ஸ, இத³ங் ஆசரியஸ்ஸா’’தி க³ண்ஹந்தி, ததோ பட்டா²ய தேஸங் பலிபோ³தோ⁴. க³மனகாலே பாகதிகங் அகத்வா லெட்³டு³பாதங் அதிக்கமந்தானங் ஆபத்தி. மஹாபச்சரியங் பன வுத்தங் ‘‘யாவ அஞ்ஞே ந நிஸீத³ந்தி, தாவ யேஹி பஞ்ஞத்தங், தேஸங் பா⁴ரோ, அஞ்ஞேஸு ஆக³ந்த்வா நிஸின்னேஸு நிஸின்னகானங் பா⁴ரோ. ஸசே தே அனுத்³த⁴ரித்வா வா அனுத்³த⁴ராபெத்வா வா க³ச்ச²ந்தி, து³க்கடங். கஸ்மா? அனாணத்தியா பஞ்ஞபிதத்தா’’தி. த⁴ம்மாஸனே பஞ்ஞத்தே யாவ உஸ்ஸாரகோ வா த⁴ம்மகதி²கோ வா நாக³ச்ச²தி, தாவ பஞ்ஞாபகானங் பலிபோ³தோ⁴. தஸ்மிங் ஆக³ந்த்வா நிஸின்னே தஸ்ஸ பலிபோ³தோ⁴. ஸகலங் அஹோரத்தங் த⁴ம்மஸ்ஸவனங் ஹோதி, அஞ்ஞோ உஸ்ஸாரகோ வா த⁴ம்மகதி²கோ வா உட்டா²தி, அஞ்ஞோ நிஸீத³தி, யோ யோ ஆக³ந்த்வா நிஸீத³தி, தஸ்ஸ தஸ்ஸேவ பா⁴ரோ. உட்ட²ஹந்தேன பன ‘‘இத³மாஸனங் தும்ஹாகங் பா⁴ரோ’’தி வத்வா க³ந்தப்³ப³ங். ஸசேபி இதரஸ்மிங் அனாக³தே பட²மங் நிஸின்னோ உட்டா²ய க³ச்ச²தி, தஸ்மிஞ்ச அந்தோஉபசாரட்டே²யேவ இதரோ ஆக³ந்த்வா நிஸீத³தி, உட்டா²ய க³தோ ஆபத்தியா ந காரேதப்³போ³. ஸசே பன இதரஸ்மிங் அனாக³தேயேவ பட²மங் நிஸின்னோ உட்டா²யாஸனா லெட்³டு³பாதங் அதிக்கமதி, ஆபத்தியா காரேதப்³போ³. ‘‘ஸப்³ப³த்த² லெட்³டு³பாதாதிக்கமே பட²மபாதே³ து³க்கடங், து³தியபாதே³ பாசித்திய’’ந்தி அயங் நயோ மஹாபச்சரியங் வுத்தோதி.
88. ஸசே மஹாபச்சரியாதீ³ஸு வுத்தங். அத்தனோ புக்³க³லிகே பன அனாபத்தியேவ. யோ பி⁴க்கு²
இதி பாளிமுத்தகவினயவினிச்ச²யஸங்க³ஹே
மஞ்சபீடா²தி³ஸங்கி⁴கஸேனாஸனேஸு
படிபஜ்ஜிதப்³ப³வினிச்ச²யகதா² ஸமத்தா.