28. சதுபச்சயபா⁴ஜனீயவினிச்ச²யகதா²
194. சதுபச்சயபா⁴ஜனந்தி
தத்த² (மஹாவ॰ அட்ட²॰ 340-342) ‘‘அனுஜானாமி, பி⁴க்க²வே, பஞ்சஹங்கே³ஹி ஸமன்னாக³தங் பி⁴க்கு²ங் சீவரபடிக்³கா³ஹகங் ஸம்மன்னிதுங், யோ ந ச²ந்தா³க³திங் க³ச்செ²ய்ய, ந தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந ப⁴யாக³திங் க³ச்செ²ய்ய, க³ஹிதாக³ஹிதஞ்ச ஜானெய்யா’’தி (மஹாவ॰ 342) வசனதோ இமேஹி பஞ்சஹங்கே³ஹி ஸமன்னாக³தோ சீவரபடிக்³கா³ஹகோ ஸம்மன்னிதப்³போ³. தத்த² பச்சா² ஆக³தானம்பி அத்தனோ ஞாதகாதீ³னங் பட²மதரங் படிக்³க³ண்ஹந்தோ வா ஏகச்சஸ்மிங் பேமங் த³ஸ்ஸெத்வா க³ண்ஹந்தோ வா லோப⁴பகதிதாய அத்தனோ பரிணாமெந்தோ வா ச²ந்தா³க³திங் க³ச்ச²தி நாம. பட²மதரங் ஆக³தஸ்ஸபி கோத⁴வஸேன பச்சா² க³ண்ஹந்தோ வா து³க்³க³தமனுஸ்ஸேஸு அவமஞ்ஞங் கத்வா க³ண்ஹந்தோ வா ‘‘கிங் வோ க⁴ரே ட²பனோகாஸோ நத்தி², தும்ஹாகங் ஸந்தகங் க³ஹெத்வா க³ச்ச²தா²’’தி ஏவங் ஸங்க⁴ஸ்ஸ லாப⁴ந்தராயங் கரொந்தோ வா தோ³ஸாக³திங் க³ச்ச²தி நாம. யோ பன முட்ட²ஸ்ஸதி அஸம்பஜானோ, அயங் மோஹாக³திங் க³ச்ச²தி நாம. பச்சா² ஆக³தானம்பி இஸ்ஸரானங் ப⁴யேன பட²மதரங் படிக்³க³ண்ஹந்தோ வா ‘‘சீவரபடிக்³கா³ஹகட்டா²னங் நாமேதங் பா⁴ரிய’’ந்தி ஸந்தஸந்தோ வா ப⁴யாக³திங் க³ச்ச²தி நாம. ‘‘மயா இத³ஞ்சித³ஞ்ச க³ஹிதங், இத³ஞ்சித³ஞ்ச ந க³ஹித’’ந்தி ஏவங் ஜானந்தோ க³ஹிதாக³ஹிதங் ஜானாதி நாம. தஸ்மா யோ ச²ந்தா³க³திஆதி³வஸேன ந க³ச்ச²தி, ஞாதகஅஞ்ஞாதகஅட்³ட⁴து³க்³க³தேஸு விஸேஸங் அகத்வா ஆக³தபடிபாடியா க³ண்ஹாதி, ஸீலாசாரபடிபத்தியுத்தோ ஹோதி ஸதிமா மேதா⁴வீ ப³ஹுஸ்ஸுதோ, ஸக்கோதி தா³யகானங் விஸ்ஸட்டா²ய வாசாய பரிமண்ட³லேஹி பத³ப்³யஞ்ஜனேஹி அனுமோத³னங் கரொந்தோ பஸாத³ங் ஜனேதுங், ஏவரூபோ ஸம்மன்னிதப்³போ³.
ஏவஞ்ச பன ஸம்மன்னிதப்³போ³. பட²மங் பி⁴க்கு² யாசிதப்³போ³, யாசித்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴, யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் சீவரபடிக்³கா³ஹகங் ஸம்மன்னெய்ய, ஏஸா ஞத்தி.
‘‘ஸுணாது
‘‘ஸம்மதோ ஸங்கே⁴ன இத்த²ன்னாமோ பி⁴க்கு² சீவரபடிக்³கா³ஹகோ, க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி (மஹாவ॰ 342) –
இதி இமாய கம்மவாசாய வா அபலோகனேன வா அந்தோவிஹாரே ஸப்³ப³ஸங்க⁴மஜ்ஜே²பி க²ண்ட³ஸீமாயம்பி ஸம்மன்னிதுங் வட்டதியேவ. ஏவங் ஸம்மதேன ச விஹாரபச்சந்தே வா பதா⁴னக⁴ரே வா ந அச்சி²தப்³ப³ங். யத்த² பன ஆக³தாக³தா மனுஸ்ஸா ஸுக²ங் பஸ்ஸந்தி, தாதி³ஸே து⁴ரவிஹாரட்டா²னே பீ³ஜனிங் பஸ்ஸே ட²பெத்வா ஸுனிவத்தே²ன ஸுபாருதேன நிஸீதி³தப்³ப³ங்.
195. சீவரனித³ஹகோபி ‘‘அனுஜானாமி, பி⁴க்க²வே, பஞ்சஹங்கே³ஹி ஸமன்னாக³தங் பி⁴க்கு²ங் சீவரனித³ஹகங் ஸம்மன்னிதுங், யோ ந ச²ந்தா³க³திங் க³ச்செ²ய்ய, ந தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந ப⁴யாக³திங் க³ச்செ²ய்ய, நிஹிதானிஹிதஞ்ச ஜானெய்யா’’தி வசனதோ பஞ்சங்க³ஸமன்னாக³தோ பி⁴க்கு² –
‘‘ஸுணாது மே, ப⁴ந்தே, ஸங்கோ⁴, யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் சீவரனித³ஹகங் ஸம்மன்னெய்ய, ஏஸா ஞத்தி.
‘‘ஸுணாது மே ப⁴ந்தே ஸங்கோ⁴, ஸங்கோ⁴ இத்த²ன்னாமங் பி⁴க்கு²ங் சீவரனித³ஹகங் ஸம்மன்னதி, யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ சீவரனித³ஹகஸ்ஸ ஸம்முதி, ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸெய்ய.
‘‘ஸம்மதோ ஸங்கே⁴ன இத்த²ன்னாமோ பி⁴க்கு² சீவரனித³ஹகோ, க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி (மஹாவ॰ 342) –
இதி இமாய கம்மவாசாய வா அபலோகனேன வா வுத்தனயேனேவ ஸம்மன்னிதப்³போ³.
196. ப⁴ண்டா³கா³ரிகோபி
எத்த² (மஹாவ॰ அட்ட²॰ 343) ச யத்த² ச²த³னாதீ³ஸு கோசி தோ³ஸோ நத்தி², தங் கு³த்தங். யத்த² பன ச²த³னதிணங் வா ச²த³னிட்ட²கா வா யத்த² கத்த²சி பதிதா, யேன ஓவஸ்ஸதி வா, மூஸிகாதீ³னங் வா பவேஸோ ஹோதி, பி⁴த்திஆதீ³ஸு வா கத்த²சி சி²த்³த³ங் ஹோதி, உபசிகா வா உட்ட²ஹந்தி, தங் ஸப்³ப³ங் அகு³த்தங் நாம. தங் ஸல்லக்கெ²த்வா ப⁴ண்டா³கா³ரிகேன படிஸங்க²ரிதப்³ப³ங். ஸீதஸமயே த்³வாரஞ்ச வாதபானஞ்ச ஸுபிஹிதங் காதப்³ப³ங். ஸீதேன ஹி சீவரானி கண்ணகிதானி ஹொந்தி. உண்ஹஸமயே அந்தரந்தரா வாதப்பவேஸனத்த²ங் விவரிதப்³ப³ங். ஏவங் கரொந்தோ ஹி கு³த்தாகு³த்தங் ஜானாதி நாம.
197. ‘‘அனுஜானாமி, பி⁴க்க²வே, ப⁴ண்டா³கா³ரங் ஸம்மன்னிதுங், யங் ஸங்கோ⁴ ஆகங்க²தி விஹாரங் வா அட்³ட⁴யோக³ங் வா பாஸாத³ங் வா ஹம்மியங் வா கு³ஹங் வா’’தி (மஹாவ॰ 343) வசனதோ ப⁴ண்டா³கா³ரங் ஸம்மன்னித்வா ட²பேதப்³ப³ங். எத்த² ச யோ ஆராமமஜ்ஜே² ஆராமிகஸாமணேராதீ³ஹி அவிவித்தோ ஸப்³பே³ஸங் ஸமோஸரணட்டா²னே விஹாரோ வா அட்³ட⁴யோகோ³ வா ஹோதி, ஸோ ஸம்மன்னிதப்³போ³. பச்சந்தஸேனாஸனங் பன ந ஸம்மன்னிதப்³ப³ங். இமங் பன ப⁴ண்டா³கா³ரங் க²ண்ட³ஸீமங் க³ந்த்வா க²ண்ட³ஸீமாய நிஸின்னேஹி ஸம்மன்னிதுங் ந வட்டதி. விஹாரமஜ்ஜே²யேவ ‘‘ஸுணாது மே, ப⁴ந்தே, ஸங்கோ⁴, யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் விஹாரங் ப⁴ண்டா³கா³ரங் ஸம்மன்னெய்யா’’திஆதி³னா (மஹாவ॰ 343) நயேன கம்மவாசாய வா அபலோகனேன வா ஸம்மன்னிதப்³ப³ங்.
சீவரபடிக்³கா³ஹகாதீ³ஹி பன தீஹிபி அத்தனோ வத்தங் ஜானிதப்³ப³ங். தத்த² சீவரபடிக்³கா³ஹகேன தாவ யங் யங் மனுஸ்ஸா ‘‘காலசீவர’’ந்தி வா ‘‘அகாலசீவர’’ந்தி வா ‘‘அச்சேகசீவர’’ந்தி வா ‘‘வஸ்ஸிகஸாடிக’’ந்தி வா ‘‘நிஸீத³ன’’ந்தி வா ‘‘பச்சத்த²ரண’’ந்தி வா ‘‘முக²புஞ்ச²னசோள’’ந்தி வா தெ³ந்தி, தங் ஸப்³ப³ங் ஏகராஸிங்
198. சீவரபா⁴ஜகோவி ‘‘அனுஜானாமி, பி⁴க்க²வே, பஞ்சஹங்கே³ஹி ஸமன்னாக³தங் பி⁴க்கு²ங் சீவரபா⁴ஜகங் ஸம்மன்னிதுங், யோ ந ச²ந்தா³க³திங் க³ச்செ²ய்ய, ந தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ந ப⁴யாக³திங் க³ச்செ²ய்ய, பா⁴ஜிதாபா⁴ஜிதஞ்ச ஜானெய்யா’’தி (மஹாவ॰ 343) வசனதோ பஞ்சஹங்கே³ஹி ஸமன்னாக³தோயேவ ‘‘ஸுணாது மே, ப⁴ந்தே, ஸங்கோ⁴, யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் சீவரபா⁴ஜகங் ஸம்மன்னெய்யா’’தி(மஹாவ॰ 343) ஆதி³னா நயேன கம்மவாசாய வா அபலோகனேன வா ஸம்மன்னித்வா ட²பேதப்³போ³.
எத்த² ஸபா⁴கா³னங் பி⁴க்கூ²னங் அபாபுணந்தம்பி மஹக்³க⁴சீவரங் தெ³ந்தோ ச²ந்தா³க³திங் க³ச்ச²தி நாம. அஞ்ஞேஸங் வுட்³ட⁴தரானங் பாபுணந்தம்பி மஹக்³க⁴சீவரங் அத³த்வா அப்பக்³க⁴ங் தெ³ந்தோ தோ³ஸாக³திங் க³ச்ச²தி நாம. மோஹமூள்ஹோ சீவரதா³னவத்தங் அஜானந்தோ மோஹாக³திங் க³ச்ச²தி நாம. முக²ரானங் நவகானம்பி ப⁴யேன அபாபுணந்தங் ஏவ மஹக்³க⁴ங் சீவரங் தெ³ந்தோ ப⁴யாக³திங் க³ச்ச²தி நாம. யோ ஏவங் ந
‘‘அனுஜானாமி, பி⁴க்க²வே, ஸாமணேரானங் உபட்³ட⁴படிவீஸங் தா³து’’ந்தி (மஹாவ॰ 343) வசனதோ யே ஸாமணேரா அத்திஸ்ஸரா பி⁴க்கு²ஸங்க⁴ஸ்ஸ கத்தப்³ப³கம்மங் ந கரொந்தி, உத்³தே³ஸபரிபுச்சா²ஸு யுத்தா ஆசரியுபஜ்ஜா²யானங்யேவ வத்தபடிவத்தங் கரொந்தி, அஞ்ஞேஸங் ந கரொந்தி, ஏதேஸங்யேவ உபட்³ட⁴பா⁴கோ³ தா³தப்³போ³. யே பன புரேப⁴த்தஞ்ச பச்சா²ப⁴த்தஞ்ச பி⁴க்கு²ஸங்க⁴ஸ்ஸேவ கத்தப்³ப³கிச்சங் கரொந்தி, தேஸங் ஸமகோ தா³தப்³போ³. இத³ஞ்ச பிட்டி²ஸமயே உப்பன்னேன ப⁴ண்டா³கா³ரே ட²பிதேன அகாலசீவரேனேவ கதி²தங், காலசீவரங் பன ஸமகங்யேவ தா³தப்³ப³ங். தத்ருப்பாத³வஸ்ஸாவாஸிகங் ஸம்முஞ்ஜனீப³ந்த⁴னாதி³ ஸங்க⁴ஸ்ஸ பா²திகம்மங் கத்வா க³ஹேதப்³ப³ங். ஏதஞ்ஹெத்த² ஸப்³பே³ஸங் வத்தங். ப⁴ண்டா³கா³ரசீவரேபி ஸசே ஸாமணேரா ஆக³ந்த்வா ‘‘ப⁴ந்தே, மயங் யாகு³ங் பசாம, ப⁴த்தங் பசாம, க²ஜ்ஜகங் பசாம, அப்பஹரிதங் கரோம, த³ந்தகட்ட²ங் ஆஹராம, ரங்க³ச²ல்லிங் கப்பியங் கத்வா தே³ம, கிங் அம்ஹேஹி ந கதங் நாமா’’தி உக்குட்டி²ங் கரொந்தி, ஸமபா⁴கோ³வ தா³தப்³போ³. ஏதங்யேவ விரஜ்ஜி²த்வா கரொந்தி, யேஸஞ்ச கரணபா⁴வோ ந பஞ்ஞாயதி, தே ஸந்தா⁴ய வுத்தங் ‘‘அனுஜானாமி, பி⁴க்க²வே, ஸாமணேரானங் உபட்³ட⁴படிவீஸங் தா³து’’ந்தி. குருந்தி³யங் பன ‘‘ஸசே ஸாமணேரா ‘கஸ்மா மயங், ப⁴ந்தே, ஸங்க⁴கம்மங் ந கரோம, கரிஸ்ஸாமா’தி யாசந்தி, ஸமபடிவீஸோ தா³தப்³போ³’’தி வுத்தங்.
ஸசே
சி²ந்த³ந்தேன
199. இதா³னி ‘‘அட்டி²மா, பி⁴க்க²வே, மாதிகா சீவரஸ்ஸ உப்பாதா³ய, ஸீமாய தே³தி, கதிகாய தே³தி, பி⁴க்கா²பஞ்ஞத்தியா தே³தி, ஸங்க⁴ஸ்ஸ தே³தி, உப⁴தோஸங்க⁴ஸ்ஸ தே³தி, வஸ்ஸங்வுட்ட²ஸங்க⁴ஸ்ஸ தே³தி, ஆதி³ஸ்ஸ தே³தி, புக்³க³லஸ்ஸ தே³தீ’’தி (மஹாவ॰ 379) சீவரானங் படிலாப⁴கெ²த்தத³ஸ்ஸனத்த²ங் யா தா அட்ட² மாதிகா வுத்தா, தாஸங் வஸேன வினிச்ச²யோ வேதி³தப்³போ³.
தத்த² ஸீமாய தே³தி நாம. ஏவங் ஸீமாய தி³ன்னங் யாவதிகா பி⁴க்கூ² அந்தோஸீமாக³தா, தேஹி பா⁴ஜேதப்³ப³ங். ஸீமா ச நாமேஸா க²ண்ட³ஸீமா உபசாரஸீமா ஸமானஸங்வாஸஸீமா அவிப்பவாஸஸீமா லாப⁴ஸீமா கா³மஸீமா நிக³மஸீமா நக³ரஸீமா அப்³ப⁴ந்தரஸீமா உத³குக்கே²பஸீமா ஜனபத³ஸீமா ரட்ட²ஸீமா ரஜ்ஜஸீமா தீ³பஸீமா சக்கவாளஸீமாதி பன்னரஸவிதா⁴ ஹோதி. தத்த² க²ண்ட³ஸீமா ஸீமாகதா²யங் வுத்தாவ. உபசாரஸீமா நாம பரிக்கி²த்தஸ்ஸ விஹாரஸ்ஸ பரிக்கே²பேன, அபரிக்கி²த்தஸ்ஸ பரிக்கே²பாரஹட்டா²னேன பரிச்சி²ன்னா ஹோதி. அபிச பி⁴க்கூ²னங் து⁴வஸன்னிபாதட்டா²னதோ பரியந்தே டி²தபோ⁴ஜனஸாலதோ வா நிப³த்³த⁴வஸனஆவாஸதோ வா தா²மமஜ்ஜி²மஸ்ஸ புரிஸஸ்ஸ த்³வின்னங் லெட்³டு³பாதானங் அந்தோ உபசாரஸீமாதி வேதி³தப்³பா³. ஸா பன ஆவாஸேஸு வட்³ட⁴ந்தேஸு வட்³ட⁴தி, பரிஹாயந்தேஸு பரிஹாயதி. மஹாபச்சரியங் பன ‘‘பி⁴க்கூ²ஸுபி வட்³ட⁴ந்தேஸு வட்³ட⁴தீ’’தி வுத்தங். தஸ்மா ஸசே விஹாரே ஸன்னிபதிதபி⁴க்கூ²ஹி ஸத்³தி⁴ங் ஏகாப³த்³தா⁴ ஹுத்வா யோஜனஸதம்பி பூரெத்வா நிஸீத³ந்தி, யோஜனஸதம்பி உபசாரஸீமாவ ஹோதி, ஸப்³பே³ஸங் லாபோ⁴ பாபுணாதி. ஸமானஸங்வாஸஅவிப்பவாஸஸீமாத்³வயம்பி வுத்தமேவ. லாப⁴ஸீமா நாம நேவ ஸம்மாஸம்பு³த்³தே⁴ன அனுஞ்ஞாதா, ந த⁴ம்மஸங்கா³ஹகத்தே²ரேஹி ட²பிதா, அபிச கோ² ராஜராஜமஹாமத்தா விஹாரங் காரெத்வா கா³வுதங் வா அட்³ட⁴யோஜனங் வா யோஜனங் வா ஸமந்ததோ பரிச்சி²ந்தி³த்வா ‘‘அயங் அம்ஹாகங் விஹாரஸ்ஸ லாப⁴ஸீமா’’தி நாமலிகி²தகே த²ம்பே⁴ நிக²ணித்வா ‘‘யங் எத்த²ந்தரே உப்பஜ்ஜதி, ஸப்³ப³ங் அம்ஹாகங் விஹாரஸ்ஸ தே³மா’’தி ஸீமா ட²பெந்தி, அயங் லாப⁴ஸீமா நாம. கா³மனிக³மனக³ரஅப்³ப⁴ந்தரஉத³குக்கே²பஸீமாபி வுத்தா ஏவ.
ஜனபத³ஸீமா ரட்ட²ஸீமா நாம காஸிகோஸலாதி³ரட்ட²பரிச்சே²தோ³. ரஜ்ஜஸீமா நாம ‘‘சோளபோ⁴கோ³ கேரளபோ⁴கோ³’’தி ஏவங் ஏகேகஸ்ஸ ரஞ்ஞோ ஆணாபவத்திட்டா²னங். தீ³பஸீமா நாம ஸமுத்³த³ந்தேன பரிச்சி²ன்னமஹாதீ³பா ச அந்தரதீ³பா ச. சக்கவாளஸீமா சக்கவாளபப்³ப³தேனேவ பரிச்சி²ன்னா. ஏவமேதாஸு ஸீமாஸு க²ண்ட³ஸீமாய கேனசி கம்மேன ஸன்னிபதிதங் ஸங்க⁴ங் தி³ஸ்வா ‘‘எத்தே²வ ஸீமாய ஸங்க⁴ஸ்ஸ தே³மீ’’தி வுத்தே யாவதிகா பி⁴க்கூ² அந்தோக²ண்ட³ஸீமாக³தா, தேஹி பா⁴ஜேதப்³ப³ங். தேஸங்யேவ ஹி தங் பாபுணாதி, அஞ்ஞேஸங் ஸீமந்தரிகாய வா உபசாரஸீமாய
ஸசே பன ஜம்பு³தீ³பே டி²தோ ‘‘தம்ப³வண்ணிதீ³பே ஸங்க⁴ஸ்ஸ த³ம்மீ’’தி வத³தி, தம்ப³பண்ணிதீ³பதோ ஏகோபி ஆக³ந்த்வா ஸப்³பே³ஸங் க³ண்ஹிதுங் லப⁴தி. ஸசேபி தத்ரேவ ஏகோ ஸபா⁴க³பி⁴க்கு² ஸபா⁴கா³னங் பா⁴க³ங் க³ண்ஹாதி, ந வாரேதப்³போ³. ஏவங் தாவ யோ ஸீமங் பராமஸித்வா தே³தி, தஸ்ஸ தா³னே வினிச்ச²யோ வேதி³தப்³போ³. யோ பன ‘‘அஸுகஸீமாய’’ந்தி வத்துங் ந ஜானாதி, கேவலங் ‘‘ஸீமா’’தி வசனமத்தமேவ ஜானந்தோ விஹாரங் ஆக³ந்த்வா ‘‘ஸீமாய த³ம்மீ’’தி வா ‘‘ஸீமட்ட²கஸங்க⁴ஸ்ஸ த³ம்மீ’’தி வா ப⁴ணதி, ஸோ புச்சி²தப்³போ³ ‘‘ஸீமா நாம ப³ஹுவிதா⁴, கதரஸீமங் ஸந்தா⁴ய ப⁴ணஸீ’’தி. ஸசே வத³தி ‘‘அஹங் ‘அஸுகஸீமா’தி ந ஜானாமி, ஸீமட்ட²கஸங்கோ⁴ பா⁴ஜெத்வா க³ண்ஹதூ’’தி, கதரஸீமாய பா⁴ஜேதப்³ப³ங்? மஹாஸீவத்தே²ரோ கிராஹ ‘‘அவிப்பவாஸஸீமாயா’’தி. ததோ நங் ஆஹங்ஸு ‘‘அவிப்பவாஸஸீமா நாம தியோஜனாபி ஹோதி, ஏவங் ஸந்தே தியோஜனே டி²தா லாப⁴ங் க³ண்ஹிஸ்ஸந்தி, தியோஜனே ட²த்வா ஆக³ந்துகவத்தங் பூரெத்வா ஆராமங் பவிஸிதப்³ப³ங் ப⁴விஸ்ஸதி, க³மிகோ தியோஜனங் க³ந்த்வா ஸேனாஸனங் ஆபுச்சி²ஸ்ஸதி, நிஸ்ஸயப்படிபன்னஸ்ஸ தியோஜனாதிக்கமே நிஸ்ஸயோ படிப்பஸ்ஸம்பி⁴ஸ்ஸதி, பாரிவாஸிகேன தியோஜனங் அதிக்கமித்வா அருணங் உட்ட²பேதப்³ப³ங் ப⁴விஸ்ஸதி, பி⁴க்கு²னியா தியோஜனே ட²த்வா ஆராமப்பவேஸனங் ஆபுச்சி²தப்³ப³ங் ப⁴விஸ்ஸதி, ஸப்³ப³ம்பேதங் உபசாரஸீமாபரிச்சே²த³வஸேனேவ காதுங் வட்டதி, தஸ்மா உபசாரஸீமாய பா⁴ஜேதப்³ப³’’ந்தி.
200. கதிகாய தே³தீதி எத்த² பன கதிகா நாம ஸமானலாப⁴கதிகா. தத்ரேவங் கதிகா காதப்³பா³, ஏகஸ்மிங் விஹாரே ஸன்னிபதிதேஹி பி⁴க்கூ²ஹி யங் விஹாரங் ஸங்க³ண்ஹிதுகாமா ஸமானலாப⁴ங் காதுங் இச்ச²ந்தி
201. பி⁴க்கா²பஞ்ஞத்தி நாம அத்தனோ பரிச்சாக³பஞ்ஞாபனட்டா²னங், யத்த² ஸங்க⁴ஸ்ஸ து⁴வகாரா கரீயந்தி. எத்த² ச யஸ்மிங் விஹாரே இமஸ்ஸ சீவரதா³யகஸ்ஸ ஸந்தகங் ஸங்க⁴ஸ்ஸ பாகவட்டங் வா வத்ததி, யஸ்மிங் விஹாரே பி⁴க்கூ² அத்தனோ பா⁴ரங் கத்வா ஸதா³ கே³ஹே போ⁴ஜேதி, யத்த² வா தேன ஆவாஸோ காரிதோ, ஸலாகப⁴த்தாதீ³னி வா நிப³த்³தா⁴னி, இமே து⁴வகாரா நாம. யேன பன ஸகலோபி விஹாரோ பதிட்டா²பிதோ, தத்த² வத்தப்³ப³மேவ நத்தி², தஸ்மா ஸசே ஸோ ‘‘யத்த² மய்ஹங் து⁴வகாரா கரீயந்தி, தத்த² த³ம்மீ’’தி வா ‘‘தத்த² தே³தா²’’தி வா ப⁴ணதி, ப³ஹூஸு சேபி டா²னேஸு து⁴வகாரா ஹொந்தி, ஸப்³ப³த்த² தி³ன்னமேவ ஹோதி. ஸசே பன ஏகஸ்மிங் விஹாரே பி⁴க்கூ² ப³ஹுதரா ஹொந்தி, தேஹி வத்தப்³ப³ங் ‘‘தும்ஹாகங் து⁴வகாரே ஏகத்த² பி⁴க்கூ² ப³ஹூ, ஏகத்த² அப்பகா’’தி. ஸசே ‘‘பி⁴க்கு²க³ணனாய க³ண்ஹதா²’’தி ப⁴ணதி, ததா² பா⁴ஜெத்வா க³ண்ஹிதுங் வட்டதி. எத்த² ச வத்த²பே⁴ஸஜ்ஜாதி³ அப்பகம்பி ஸுகே²ன பா⁴ஜீயதி. யதி³ பன மஞ்சோ வா பீட²ங் வா ஏகமேவ ஹோதி, தங் புச்சி²த்வா யஸ்ஸ விஹாரஸ்ஸ, ஏகவிஹாரேபி வா யஸ்ஸ ஸேனாஸனஸ்ஸ ஸோ விசாரேதி, தத்த² தா³தப்³ப³ங். ஸசேபி ‘‘அஸுகபி⁴க்கு² க³ண்ஹதூ’’தி வத³தி, வட்டதி. அத² ‘‘மய்ஹங் து⁴வகாரே தே³தா²’’தி வத்வா அவிசாரெத்வா க³ச்ச²தி, ஸங்க⁴ஸ்ஸபி விசாரேதுங் வட்டதி. ஏவங் பன விசாரேதப்³ப³ங், ‘‘ஸங்க⁴த்தே²ரஸ்ஸ வஸனட்டா²னே தே³தா²’’தி வத்தப்³ப³ங். ஸசே தத்த² ஸேனாஸனங் பரிபுண்ணங் ஹோதி, யத்த² நப்பஹோதி, தத்த² தா³தப்³ப³ங். ஸசே ஏகோ பி⁴க்கு² ‘‘மய்ஹங் வஸனட்டா²னே ஸேனாஸனபரிபோ⁴க³ப⁴ண்ட³ங் நத்தீ²’’தி வத³தி, தத்த² தா³தப்³ப³ங்.
202. ஸங்க⁴ஸ்ஸ தே³தீதி எத்த² பன ஸசே விஹாரங் பவிஸித்வா ‘‘இமானி சீவரானி ஸங்க⁴ஸ்ஸ த³ம்மீ’’தி தே³தி, உபசாரஸீமாய டி²தேன ஸங்கே⁴ன க⁴ண்டிங் பஹரித்வா
ஏகஸ்மிங் விஹாரே த³ஸ பி⁴க்கூ² ஹொந்தி, த³ஸ வத்தா²னி ‘‘ஸங்க⁴ஸ்ஸ தே³மா’’தி தெ³ந்தி, பாடேக்கங் பா⁴ஜேதப்³பா³னி. ஸசே ‘‘ஸப்³பா³னேவ அம்ஹாகங் பாபுணந்தீ’’தி க³ஹெத்வா க³ச்ச²ந்தி, து³ப்பாபிதானி சேவ து³க்³க³ஹிதானி ச, க³தக³தட்டா²னே ஸங்கி⁴கானேவ ஹொந்தி. ஏகங் பன உத்³த⁴ரித்வா ‘‘இத³ங் தும்ஹாகங் பாபுணாதீ’’தி ஸங்க⁴த்தே²ரஸ்ஸ பாபெத்வா ‘‘ஸேஸானி அம்ஹாகங் பாபுணந்தீ’’தி க³ஹேதுங் வட்டதி. ஏகமேவ வத்த²ங் ‘‘ஸங்க⁴ஸ்ஸ தே³மா’’தி ஆஹரந்தி, அபா⁴ஜெத்வாவ ‘‘அம்ஹாகங் பாபுணாதீ’’தி க³ண்ஹந்தி, து³ப்பாபிதஞ்சேவ து³க்³க³ஹிதஞ்ச. ஸத்த²கேன வா ஹலித்³தி³ஆதி³னா வா லேக²ங் கத்வா ஏககொட்டா²ஸங் ‘‘இத³ங் டா²னங் தும்ஹாகங் பாபுணாதீ’’தி ஸங்க⁴த்தே²ரஸ்ஸ பாபெத்வா ‘‘ஸேஸங் அம்ஹாகங் பாபுணாதீ’’தி க³ஹேதுங் வட்டதி. யங் பன வத்த²ஸ்ஸேவ புப்ப²ங் வா வலி வா, தேன பரிச்சே²த³ங் காதுங் ந வட்டதி. ஸசே ஏகங் தந்தங் உத்³த⁴ரித்வா ‘‘இத³ங் டா²னங் தும்ஹாகங் பாபுணாதீ’’தி தே²ரஸ்ஸ த³த்வா ‘‘ஸேஸங் அம்ஹாகங் பாபுணாதீ’’தி க³ண்ஹந்தி, வட்டதி. க²ண்ட³ங் க²ண்ட³ங் சி²ந்தி³த்வா பா⁴ஜியமானங் வட்டதியேவ.
ஏகபி⁴க்கு²கே விஹாரே ஸங்க⁴ஸ்ஸ சீவரேஸு உப்பன்னேஸு ஸசே புப்³பே³ வுத்தனயேனேவ ஸோ பி⁴க்கு² ‘‘ஸப்³பா³னி மய்ஹங் பாபுணந்தீ’’தி க³ண்ஹாதி, ஸுக்³க³ஹிதானி
203. உப⁴தோஸங்க⁴ஸ்ஸ தே³தீதி எத்த² ‘‘உப⁴தோஸங்க⁴ஸ்ஸ த³ம்மீ’’தி வுத்தேபி ‘‘த்³விதா⁴ ஸங்க⁴ஸ்ஸ த³ம்மீ’’தி, ‘‘த்³வின்னங் ஸங்கா⁴னங் த³ம்மீ’’தி, ‘‘பி⁴க்கு²ஸங்க⁴ஸ்ஸ ச பி⁴க்கு²னீஸங்க⁴ஸ்ஸ
‘‘பி⁴க்கு²ஸங்க⁴ஸ்ஸ
‘‘பி⁴க்கூ²னஞ்ச பி⁴க்கு²னீனஞ்ச த³ம்மீ’’தி வுத்தேபி மஜ்ஜே² பி⁴ந்தி³த்வா ந தா³தப்³ப³ங், புக்³க³லக³ணனாய ஏவ விப⁴ஜிதப்³ப³ங். ‘‘பி⁴க்கூ²னஞ்ச பி⁴க்கு²னீனஞ்ச துய்ஹஞ்ச, பி⁴க்கூ²னஞ்ச பி⁴க்கு²னீனஞ்ச சேதியஸ்ஸ ச, பி⁴க்கூ²னஞ்ச பி⁴க்கு²னீனஞ்ச துய்ஹஞ்ச சேதியஸ்ஸ சா’’தி ஏவங் வுத்தேபி சேதியஸ்ஸ ஏகபடிவீஸோ லப்³ப⁴தி, புக்³க³லஸ்ஸ விஸுங் நத்தி², பி⁴க்கூ² ச பி⁴க்கு²னியோ ச க³ணெத்வா ஏவ பா⁴ஜேதப்³ப³ங். யதா² ச பி⁴க்கு²ஸங்க⁴ங் ஆதி³ங் கத்வா நயோ நீதோ, ஏவங் பி⁴க்கு²னீஸங்க⁴ங் ஆதி³ங் கத்வாபி நேதப்³போ³.
‘‘பி⁴க்கு²ஸங்க⁴ஸ்ஸ
புப்³பே³ பு³த்³த⁴ப்பமுக²ஸ்ஸ உப⁴தோஸங்க⁴ஸ்ஸ தா³னங் தெ³ந்தி, ப⁴க³வா மஜ்ஜே² நிஸீத³தி, த³க்கி²ணதோ பி⁴க்கூ², வாமதோ பி⁴க்கு²னியோ நிஸீத³ந்தி, ப⁴க³வா உபி⁴ன்னங் ஸங்க⁴த்தே²ரோ, ததா³ ப⁴க³வா அத்தனா லத்³த⁴பச்சயே அத்தனாபி பரிபு⁴ஞ்ஜதி, பி⁴க்கூ²னம்பி தா³பேதி. ஏதரஹி பன பண்டி³தமனுஸ்ஸா ஸதா⁴துகங் படிமங் வா சேதியங் வா ட²பெத்வா பு³த்³த⁴ப்பமுக²ஸ்ஸ உப⁴தோஸங்க⁴ஸ்ஸ தா³னங் தெ³ந்தி, படிமாய வா சேதியஸ்ஸ வா புரதோ ஆதா⁴ரகே பத்தங் ட²பெத்வா த³க்கி²ணோத³கங் த³த்வா ‘‘பு³த்³தா⁴னங் தே³மா’’தி, தத்த² பட²மங் கா²த³னீயபோ⁴ஜனீயங் தெ³ந்தி, விஹாரங் வா ஆஹரித்வா ‘‘இத³ங் சேதியஸ்ஸ தே³மா’’தி பிண்ட³பாதஞ்ச மாலாக³ந்தா⁴தீ³னி ச தெ³ந்தி, தத்த² கத²ங் படிபஜ்ஜிதப்³ப³ந்தி? மாலாக³ந்தா⁴தீ³னி தாவ சேதியே ஆரோபேதப்³பா³னி, வத்தே²ஹி படாகா, தேலேன பதீ³பா காதப்³பா³. பிண்ட³பாதமது⁴பா²ணிதாதீ³னி பன
204. வஸ்ஸங்வுட்ட²ஸங்க⁴ஸ்ஸ தே³தீதி எத்த² பன ஸசே விஹாரங் பவிஸித்வா ‘‘இமானி சீவரானி வஸ்ஸங்வுட்ட²ஸங்க⁴ஸ்ஸ த³ம்மீ’’தி தே³தி, யத்தகா பி⁴க்கூ² தஸ்மிங் ஆவாஸே வஸ்ஸச்சே²த³ங் அகத்வா புரிமவஸ்ஸங்வுட்டா², தேஹி பா⁴ஜேதப்³ப³ங், அஞ்ஞேஸங் ந பாபுணாதி. தி³ஸாபக்கந்தஸ்ஸபி ஸதி கா³ஹகே யாவ கதி²னஸ்ஸுப்³பா⁴ரா
சீவரமாஸதோ பட்டா²ய யாவ ஹேமந்தஸ்ஸ பச்சி²மோ தி³வஸோ, தாவ ‘‘வஸ்ஸாவாஸிகங் தே³மா’’தி வுத்தே கதி²னங் அத்த²தங் வா ஹோது அனத்த²தங் வா, அதீதவஸ்ஸங்வுட்டா²னமேவ பாபுணாதி. கி³ம்ஹானங் பட²மதி³வஸதோ பட்டா²ய வுத்தே பன மாதிகா ஆரோபேதப்³பா³ ‘‘அதீதபஸ்ஸாவாஸஸ்ஸ பஞ்ச மாஸா அதிக்கந்தா, அனாக³தோ சாதுமாஸச்சயேன ப⁴விஸ்ஸதி, கதரவஸ்ஸாவாஸஸ்ஸ தே³ஸீ’’தி. ஸசே ‘‘அதீதவஸ்ஸங்வுட்டா²னங் த³ம்மீ’’தி வத³தி, தங் அந்தோவஸ்ஸங்வுட்டா²னமேவ பாபுணாதி, தி³ஸாபக்கந்தானம்பி ஸபா⁴கா³ க³ண்ஹிதுங் லப⁴ந்தி. ஸசே ‘‘அனாக³தே வஸ்ஸாவாஸிகங் த³ம்மீ’’தி வத³தி, தங் ட²பெத்வா வஸ்ஸூபனாயிகதி³வஸே க³ஹேதப்³ப³ங். அத² ‘‘அகு³த்தோ விஹாரோ, சோரப⁴யங் அத்தி², ந ஸக்கா ட²பேதுங் க³ண்ஹித்வா வா ஆஹிண்டி³து’’ந்தி வுத்தே ‘‘ஸம்பத்தானங் த³ம்மீ’’தி வத³தி, பா⁴ஜெத்வா க³ஹேதப்³ப³ங். ஸசே வத³தி
205. ஆதி³ஸ்ஸ தே³தீதி எத்த² பன யாகு³யா வா ப⁴த்தே வா கா²த³னீயே வா சீவரே வா ஸேனாஸனே வா பே⁴ஸஜ்ஜே வா ஆதி³ஸித்வா பரிச்சி²ந்தி³த்வா தெ³ந்தோ ஆதி³ஸ்ஸ தே³தி நாம. தத்ராயங் வினிச்ச²யோ – பி⁴க்கூ² அஜ்ஜதனாய வா
206. புக்³க³லஸ்ஸ தே³தீதி எத்த² பன ‘‘இமங் சீவரங் இத்த²ன்னாமஸ்ஸ த³ம்மீ’’தி ஏவங் பரம்முகா² வா, பாத³மூலே ட²பெத்வா ‘‘இத³ங், ப⁴ந்தே, தும்ஹாகங் த³ம்மீ’’தி ஏவங் ஸம்முகா² வா தே³தி, தங் தஸ்ஸேவ ஹோதி. ஸசே பன ‘‘இத³ங் தும்ஹாகஞ்ச தும்ஹாகங் அந்தேவாஸிகானஞ்ச த³ம்மீ’’தி ஏவங் வத³தி, தே²ரஸ்ஸ ச அந்தேவாஸிகானஞ்ச பாபுணாதி. உத்³தே³ஸங் க³ஹேதுங் ஆக³தோ க³ஹெத்வா க³ச்ச²ந்தோ ச அத்தி², தஸ்ஸபி பாபுணாதி. ‘‘தும்ஹேஹி ஸத்³தி⁴ங் நிப³த்³த⁴சாரிகபி⁴க்கூ²னங் த³ம்மீ’’தி வுத்தே உத்³தே³ஸந்தேவாஸிகானங் வத்தங் கத்வா
ஸசே கோசி பி⁴க்கு² ஏகோவ வஸ்ஸங் வஸதி, தத்த² மனுஸ்ஸா ‘‘ஸங்க⁴ஸ்ஸ தே³மா’’தி சீவரானி தெ³ந்தி, தத்த² கிங் காதப்³ப³ந்தி? ‘‘அனுஜானாமி, பி⁴க்க²வே, தஸ்ஸேவ
அத² க⁴ண்டிஸஞ்ஞாய வா காலஸஞ்ஞாய வா அஞ்ஞே பி⁴க்கூ² ந ஆக³ச்ச²ந்தி, ‘‘மய்ஹிமானி சீவரானி பாபுணந்தீ’’தி அதி⁴ட்டா²தப்³பா³னி. ஏவங் அதி⁴ட்டி²தே ஸப்³பா³னி தஸ்ஸேவ ஹொந்தி, டி²திகா பன ந திட்ட²தி. ஸசே ஏகேகங் உத்³த⁴ரித்வா ‘‘அயங் பட²மபா⁴கோ³ மய்ஹங் பாபுணாதி, அயங் து³தியபா⁴கோ³’’தி ஏவங் க³ண்ஹாதி, க³ஹிதானி ச ஸுக்³க³ஹிதானி ஹொந்தி, டி²திகா ச திட்ட²தி, ஏவங் பாபெத்வா க³ண்ஹந்தேனபி அதி⁴ட்டி²தமேவ ஹோதி. ஸசே பன க⁴ண்டிங் பஹரித்வா வா அப்பஹரித்வா வா காலம்பி கோ⁴ஸெத்வா வா அகோ⁴ஸெத்வா வா ‘‘அஹமேவெத்த²
‘‘ந, பி⁴க்க²வே, அஞ்ஞத்ர வஸ்ஸங்வுட்டே²ன அஞ்ஞத்ர சீவரபா⁴கோ³ ஸாதி³தப்³போ³, யோ ஸாதி³யெய்ய, ஆபத்தி து³க்கடஸ்ஸா’’தி (மஹாவ॰ 364) வசனதோ அஞ்ஞத்ர வஸ்ஸங்வுட்டோ² அஞ்ஞத்ர பா⁴க³ங் க³ண்ஹாதி, து³க்கடங். எத்த² பன கிஞ்சாபி லஹுகா ஆபத்தி, அத² கோ² க³ஹிதானி சீவரானி க³ஹிதட்டா²னே தா³தப்³பா³னி. ஸசேபி நட்டா²னி வா ஜிண்ணானி வா ஹொந்தி, தஸ்ஸேவ கீ³வா. ‘‘தே³ஹீ’’தி வுத்தே அதெ³ந்தோ து⁴ரனிக்கே²பே ப⁴ண்ட³க்³கே⁴ன காரேதப்³போ³.
ஏகோ பி⁴க்கு² த்³வீஸு ஆவாஸேஸு வஸ்ஸங் வஸதி ‘‘ஏவங் மே ப³ஹு சீவரங் உப்பஜ்ஜிஸ்ஸதீ’’தி, ஏகங் புக்³க³லபடிவீஸங்யேவ லப⁴தி. தஸ்மா ஸசே ஏகேகஸ்மிங் விஹாரே ஏகாஹமேகாஹங் வா ஸத்தாஹங் வா வஸதி, ஏகேகஸ்மிங் விஹாரே யங் ஏகோ புக்³க³லோ லப⁴தி, ததோ ததோ உபட்³ட⁴ங் உபட்³ட⁴ங் தா³தப்³ப³ங். ஏவஞ்ஹி ஏகபுக்³க³லபடிவீஸோ தி³ன்னோ ஹோதி. ஸசே பன ஏகஸ்மிங் விஹாரே வஸந்தோ இதரஸ்மிங் ஸத்தாஹவாரேன அருணமேவ உட்டா²பேதி, ப³ஹுதரங் வஸிதவிஹாரதோ தஸ்ஸ படிவீஸோ தா³தப்³போ³. ஏவம்பி ஏகபுக்³க³லபடிவீஸோயேவ தி³ன்னோ ஹோதி. இத³ஞ்ச நானாலாபே⁴ஹி நானூபசாரேஹி ஏகஸீமாவிஹாரேஹி கதி²தங், நானாஸீமாவிஹாரே பன ஸேனாஸனக்³கா³ஹோ படிப்பஸ்ஸம்ப⁴தி. தஸ்மா தத்த² சீவரபடிவீஸோ ந பாபுணாதி, ஸேஸங் பன ஆமிஸபே⁴ஸஜ்ஜாதி³ ஸப்³ப³ங் ஸப்³ப³த்த² அந்தோஸீமாக³தஸ்ஸ பாபுணாதி.
207. ‘‘பி⁴க்கு²ஸ்ஸ, பி⁴க்க²வே, காலகதே ஸங்கோ⁴ ஸாமீ பத்தசீவரே, அபிச கி³லானுபட்டா²கா ப³ஹூபகாரா, அனுஜானாமி, பி⁴க்க²வே, ஸங்கே⁴ன திசீவரஞ்ச
‘‘ஸுணாது
‘‘ஸுணாது மே, ப⁴ந்தே, ஸங்கோ⁴, இத்த²ன்னாமோ பி⁴க்கு² காலகதோ, இத³ங் தஸ்ஸ திசீவரஞ்ச பத்தோ ச, ஸங்கோ⁴ இமங் திசீவரஞ்ச பத்தஞ்ச கி³லானுபட்டா²கானங் தே³தி, யஸ்ஸாயஸ்மதோ க²மதி இமஸ்ஸ திசீவரஸ்ஸ ச பத்தஸ்ஸ ச கி³லானுபட்டா²கானங் தா³னங், ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸெய்ய.
‘‘தி³ன்னங் இத³ங் ஸங்கே⁴ன திசீவரஞ்ச பத்தோ ச கி³லானுபட்டா²கானங், க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி (மஹாவ॰ 367) –
ஏவங் கம்மவாசங் வா ஸாவெத்வா கி³லானுபட்டா²கானங் பத்தசீவரங் த³த்வா ஸேஸங் லஹுபரிக்கா²ரங் ஸம்முகீ²பூ⁴தேன ஸங்கே⁴ன பா⁴ஜெத்வா க³ஹேதப்³ப³ங்.
208. கி³லானுபட்டா²கானங் லாபே⁴ பன அயங் வினிச்ச²யோ – ஸசே ஸகலே பி⁴க்கு²ஸங்கே⁴ உபட்ட²ஹந்தே காலங் கரோதி, ஸப்³பே³பி ஸாமிகா. அத² ஏகச்சேஹி வாரே கதே ஏகச்சேஹி அகதேயேவ காலங் கரோதி, தத்ர ஏகச்சே ஆசரியா வத³ந்தி ‘‘ஸப்³பே³பி அத்தனோ வாரே ஸம்பத்தே கரெய்யுங், தஸ்மா ஸப்³பே³பி ஸாமினோ’’தி. ஏகச்சே வத³ந்தி ‘‘யேஹி ஜக்³கி³தோ, தே ஏவ லப⁴ந்தி, இதரே ந லப⁴ந்தீ’’தி. ஸாமணேரேபி காலகதே ஸசே சீவரங் அத்தி², கி³லானுபட்டா²கானங் தா³தப்³ப³ங். நோ சே அத்தி², யங் அத்தி², தங் தா³தப்³ப³ங். அஞ்ஞஸ்மிங் பரிக்கா²ரே ஸதி சீவரபா⁴க³ங் கத்வா தா³தப்³ப³ங். பி⁴க்கு² ச ஸாமணேரோ ச ஸசே ஸமங் உபட்ட²ஹிங்ஸு, ஸமகோ பா⁴கோ³ தா³தப்³போ³. அத² ஸாமணேரோவ உபட்ட²ஹதி, பி⁴க்கு²ஸ்ஸ ஸங்வித³ஹனமத்தமேவ ஹோதி, ஸாமணேரஸ்ஸ ஜெட்ட²கொட்டா²ஸோ தா³தப்³போ³. ஸசே ஸாமணேரோ
யேன பன ஏகதி³வஸம்பி கி³லானுபட்டா²கவஸேன யாகு³ப⁴த்தங் வா பசித்வா தி³ன்னங், ந்ஹானங் வா படிஸாதி³தங், ஸோபி கி³லானுபட்டா²கோவ. யோ பன ஸமீபங் அனாக³ந்த்வா பே⁴ஸஜ்ஜதண்டு³லாதீ³னி பேஸேதி, அயங் கி³லானுபட்டா²கோ ந ஹோதி. யோ பரியேஸித்வா கா³ஹெத்வா ஆக³ச்ச²தி, அயங் கி³லானுபட்டா²கோவ
ஸசே
ஸசே வஸ்ஸங்வுட்டா²னங் பி⁴க்கூ²னங் அனுப்பன்னே சீவரே ஸங்கோ⁴ பி⁴ஜ்ஜதி, கோஸம்ப³கபி⁴க்கூ² விய த்³வே கொட்டா²ஸா ஹொந்தி, தத்த² மனுஸ்ஸா ஏகஸ்மிங் பக்கே² த³க்கி²ணோத³கஞ்ச க³ந்தா⁴தீ³னி ச தெ³ந்தி, ஏகஸ்மிங் சீவரானி தெ³ந்தி ‘‘ஸங்க⁴ஸ்ஸ தே³மா’’தி, யத்த² வா உத³கங் தி³ன்னங், யஸ்மிங்யேவ பக்கே² சீவரானி தெ³ந்தி ‘‘ஸங்க⁴ஸ்ஸ தே³மா’’தி, ஸங்க⁴ஸ்ஸேவ தானி சீவரானி, த்³வின்னம்பி கொட்டா²ஸானங் பாபுணந்தி, க⁴ண்டிங் பஹரித்வா த்³வீஹிபி பக்கே²ஹி ஏகதோ பா⁴ஜேதப்³பா³னி. ஸசே பன மனுஸ்ஸா ஏகஸ்மிங் பக்கே² த³க்கி²ணோத³கங் க³ந்தா⁴தீ³னி ச தெ³ந்தி, ஏகஸ்மிங் பக்கே² சீவரானி தெ³ந்தி ‘‘பக்க²ஸ்ஸ மஹாஅட்ட²கதா²யங் வுத்தங். ஸசே யஸ்மிங் பக்கே² உத³கங் தி³ன்னங், தஸ்மிங்யேவ பக்கே² சீவரானி தெ³ந்தி ‘‘பக்க²ஸ்ஸ தே³மா’’தி, பக்க²ஸ்ஸேவ தானி சீவரானி, இதரோ பக்கோ² அனிஸ்ஸரோயேவ. ஸசே பன வஸ்ஸங்வுட்டா²னங் பி⁴க்கூ²னங் உப்பன்னே சீவரே அபா⁴ஜிதே ஸங்கோ⁴ பி⁴ஜ்ஜதி, ஸப்³பே³ஸங் ஸமகங் பா⁴ஜேதப்³ப³ங்.
ஸசே ஸம்ப³ஹுலேஸு பி⁴க்கூ²ஸு அத்³தா⁴னமக்³க³ப்படிபன்னேஸு கேசி பி⁴க்கூ² பங்ஸுகூலத்தா²ய ஸுஸானங் ஓக்கமந்தி, கேசி அனாக³மெந்தா பக்கமந்தி, அனாக³மெந்தானங் ந அகாமா பா⁴கோ³ தா³தப்³போ³, ஆக³மெந்தானங் பன அகாமாபி தா³தப்³போ³ பா⁴கோ³. யதி³ பன மனுஸ்ஸா ‘‘இதா⁴க³தா ஏவ க³ண்ஹந்தூ’’தி தெ³ந்தி, ஸஞ்ஞாணங் வா கத்வா க³ச்ச²ந்தி ‘‘ஸம்பத்தா க³ண்ஹந்தூ’’தி, ஸம்பத்தானங் ஸப்³பே³ஸம்பி பாபுணாதி
209. பிண்ட³பாதபா⁴ஜனே பன ‘‘அனுஜானாமி, பி⁴க்க²வே, ஸங்க⁴ப⁴த்தங் உத்³தே³ஸப⁴த்தங் நிமந்தனங் ஸலாகப⁴த்தங் பக்கி²கங் உபோஸதி²கங் பாடிபதி³க’’ந்தி (சூளவ॰ 325) ஏவங் அனுஞ்ஞாதேஸு ஸங்க⁴ப⁴த்தாதீ³ஸு அயங் வினிச்ச²யோ (சூளவ॰ அட்ட²॰ 325) –
ஸங்க⁴ப⁴த்தங் நாம ஸகலஸ்ஸ ஸங்க⁴ஸ்ஸ தா³தப்³ப³ங் ப⁴த்தங். தஸ்மா ஸங்க⁴ப⁴த்தே டி²திகா நாம நத்தி², ததோயேவ
உத்³தே³ஸப⁴த்தாதீ³ஸு பன அயங் நயோ – ரஞ்ஞா வா ராஜமஹாமத்தேன வா ‘‘ஸங்க⁴தோ உத்³தி³ஸித்வா எத்தகே பி⁴க்கூ² ஆனேதா²’’தி பஹிதே காலங் கோ⁴ஸெத்வா டி²திகா புச்சி²தப்³பா³. ஸசே அத்தி², ததோ பட்டா²ய கா³ஹேதப்³ப³ங். நோ சே, தே²ராஸனதோ பட்டா²ய கா³ஹேதப்³ப³ங். உத்³தே³ஸகேன பிண்ட³பாதிகானம்பி ந அதிக்காமேதப்³ப³ங். தே பன து⁴தங்க³ங் ரக்க²ந்தா ஸயமேவ அதிக்கமிஸ்ஸந்தி. ஏவங் கா³ஹியமானே அலஸஜாதிகா மஹாதே²ரா பச்சா² ஆக³ச்ச²ந்தி, ‘‘ப⁴ந்தே, வீஸதிவஸ்ஸானங் கா³ஹீயதி, தும்ஹாகங் டி²திகா அதிக்கந்தா’’தி ந வத்தப்³பா³, டி²திகங் ட²பெத்வா தேஸங் கா³ஹெத்வா பச்சா² டி²திகாய கா³ஹேதப்³ப³ங். ‘‘அஸுகவிஹாரே
ஏகஸ்மிங் விஹாரே ஏகங் ப⁴த்துத்³தே³ஸட்டா²னங் பரிச்சி²ந்தி³த்வா கா³வுதப்பமாணாயபி உபசாரஸீமாய யத்த² கத்த²சி ஆரோசிதங் உத்³தே³ஸப⁴த்தங் தஸ்மிங்யேவ ப⁴த்துத்³தே³ஸட்டா²னே கா³ஹேதப்³ப³ங். ஏகோ ஏகஸ்ஸ பி⁴க்கு²னோ பஹிணதி ‘‘ஸ்வே ஸங்க⁴தோ உத்³தி³ஸித்வா த³ஸ பி⁴க்கூ² பஹிணதா²’’தி, தேன ஸோ அத்தோ² ப⁴த்துத்³தே³ஸகஸ்ஸ ஆரோசேதப்³போ³. ஸசே தங் தி³வஸங் பமுஸ்ஸதி, து³தியதி³வஸே பாதோவ ஆரோசேதப்³போ³, அத² பமுஸ்ஸித்வாவ பிண்டா³ய பவிஸந்தோ ஸரதி, யாவ உபசாரஸீமங் நாதிக்கமதி, தாவ யா போ⁴ஜனஸாலாய பகதிடி²திகா, தஸ்ஸாயேவ வஸேன கா³ஹேதப்³ப³ங். ஸசேபி உபசாரஸீமங் அதிக்கந்தோ, பி⁴க்கூ² ச உபசாரஸீமட்ட²கேஹி ஏகாப³த்³தா⁴ ஹொந்தி, அஞ்ஞமஞ்ஞங் த்³வாத³ஸஹத்த²ந்தரங் அவிஜஹித்வா க³ச்ச²ந்தி, பகதிடி²திகாய வஸேன கா³ஹேதப்³ப³ங். பி⁴க்கூ²னங் பன தாதி³ஸே ஏகாப³த்³தே⁴ அஸதி ப³ஹிஉபசாரஸீமாய யஸ்மிங் டா²னே ஸரதி, தத்த² நவங் டி²திகங் கத்வா கா³ஹேதப்³ப³ங். அந்தோகா³மே ஆஸனஸாலாய ஸரந்தேன ஆஸனஸாலாய டி²திகாய கா³ஹேதப்³ப³ங். யத்த² கத்த²சி ஸரித்வா கா³ஹேதப்³ப³மேவ, அகா³ஹேதுங் ந வட்டதி. ந ஹி ஏதங் து³தியதி³வஸே லப்³ப⁴தீதி.
ஸசே
க⁴ரூபசாரோ செத்த² ஏகக⁴ரங் ஏகூபசாரங், ஏகக⁴ரங் நானூபசாரங், நானாக⁴ரங் ஏகூபசாரங், நானாக⁴ரங் நானூபசாரந்தி இமேஸங் வஸேன வேதி³தப்³போ³. தத்த² யங் ஏககுலஸ்ஸ க⁴ரங் ஏகவளஞ்ஜங் ஹோதி, தங் ஸுப்பபாதபரிச்சே²த³ஸ்ஸ அந்தோ ஏகூபசாரங் நாம, தத்து²ப்பன்னோ உத்³தே³ஸலாபோ⁴ ஏகஸ்மிங் உபசாரே பி⁴க்கா²சாரவத்தேனபி டி²தானங் ஸப்³பே³ஸங் பாபுணாதி. ஏதங் ஏகக⁴ரங் ஏகூபசாரங் நாம. யங் பன ஏகக⁴ரங் த்³வின்னங் ப⁴ரியானங் ஸுக²விஹாரத்தா²ய மஜ்ஜே² பி⁴த்திங் உட்ட²பெத்வா நானாத்³வாரவளஞ்ஜங் கதங், தத்து²ப்பன்னோ உத்³தே³ஸலாபோ⁴ பி⁴த்திஅந்தரிகஸ்ஸ ந பாபுணாதி, தஸ்மிங் தஸ்மிங் டா²னே நிஸின்னஸ்ஸேவ பாபுணாதி. ஏதங் ஏகக⁴ரங் நானூபசாரங் நாம. யஸ்மிங் பன க⁴ரே ப³ஹூ பி⁴க்கூ² நிமந்தெத்வா அந்தோகே³ஹதோ பட்டா²ய ஏகாப³த்³தே⁴ கத்வா படிவிஸ்ஸகக⁴ரானிபி பூரெத்வா நிஸீதா³பெந்தி, தத்த² உப்பன்னோ உத்³தே³ஸலாபோ⁴ ஸப்³பே³ஸங் பாபுணாதி. யம்பி நானாகுலஸ்ஸ நிவேஸனங் மஜ்ஜே² பி⁴த்திங் அகத்வா ஏகத்³வாரேனேவ வளஞ்ஜந்தி, தத்ராபி ஏஸேவ நயோ. ஏதங் நானாக⁴ரங் ஏகூபசாரங் நாம. யோ பன நானானிவேஸனேஸு நிஸின்னானங் பி⁴க்கூ²னங் உத்³தே³ஸலாபோ⁴ உப்பஜ்ஜதி, கிஞ்சாபி பி⁴த்திச்சி²த்³தே³ன பி⁴க்கூ² தி³ஸ்ஸந்தி, தஸ்மிங் தஸ்மிங் நிவேஸனே நிஸின்னானங்யேவ பாபுணாதி. ஏதங் நானாக⁴ரங் நானூபசாரங் நாம.
யோ பன கா³மத்³வாரவீதி²சதுக்கேஸு அஞ்ஞதரஸ்மிங் டா²னே உத்³தே³ஸப⁴த்தங் லபி⁴த்வா அஞ்ஞஸ்மிங் பி⁴க்கு²ஸ்மிங் அஸதி அத்தனோவ பாபுணாபெத்வா து³தியதி³வஸேபி தஸ்மிங்யேவ டா²னே அஞ்ஞங் லப⁴தி, தேன யங் அஞ்ஞங் நவகங் வா வுட்³ட⁴ங் வா பி⁴க்கு²ங் பஸ்ஸதி, தஸ்ஸ கா³ஹேதப்³ப³ங். ஸசே கோசி நத்தி², அத்தனோவ பாபெத்வா பு⁴ஞ்ஜிதப்³ப³ங். ஸசே ஆஸனஸாலாய நிஸீதி³த்வா காலங் படிமானெந்தேஸு பி⁴க்கூ²ஸு கோசி ஆக³ந்த்வா ‘‘ஸங்கு⁴த்³தே³ஸபத்தங் தே³த², உத்³தே³ஸபத்தங் தே³த², ஸங்க⁴தோ உத்³தி³ஸித்வா பத்தங் தே³த², ஸங்கி⁴கங் பத்தங் தே³தா²’’தி வா வத³தி, உத்³தே³ஸபத்தங் டி²திகாய கா³ஹெத்வா தா³தப்³ப³ங். ‘‘ஸங்கு⁴த்³தே³ஸபி⁴க்கு²ங் தே³த², ஸங்க⁴தோ உத்³தி³ஸித்வா பி⁴க்கு²ங் தே³த², ஸங்கி⁴கங் பி⁴க்கு²ங் தே³தா²’’தி வுத்தேபி ஏஸேவ நயோ.
உத்³தே³ஸகோ
கோசி ஆஸனஸாலதோ அட்ட² உத்³தே³ஸபத்தே ஆஹராபெத்வா ஸத்த பத்தே பணீதபோ⁴ஜனானங், ஏகங் உத³கஸ்ஸ பூரெத்வா ஆஸனஸாலங் பஹிணதி, க³ஹெத்வா ஆக³தா கிஞ்சி அவத்வா பி⁴க்கூ²னங் ஹத்தே²ஸு பதிட்ட²பெத்வா பக்கமந்தி, யேன யங் லத்³த⁴ங், தஸ்ஸேவ தங் ஹோதி. யேன பன உத³கங் லத்³த⁴ங், தஸ்ஸ அதிக்கந்தம்பி டி²திகங் ட²பெத்வா அஞ்ஞங் உத்³தே³ஸப⁴த்தங் கா³ஹேதப்³ப³ங், தஞ்ச லூக²ங் வா லப⁴து பணீதங் வா திசீவரபரிவாரங் வா, தஸ்ஸேவ தங் ஹோதி. ஈதி³ஸோ ஹிஸ்ஸ புஞ்ஞவிஸேஸோ, உத³கங் பன யஸ்மா ஆமிஸங் ந ஹோதி, தஸ்மா அஞ்ஞங் உத்³தே³ஸப⁴த்தங் லப⁴தி. ஸசே பன தே க³ஹெத்வா ஆக³தா ‘‘இத³ங் கிர, ப⁴ந்தே, ஸப்³ப³ங் பா⁴ஜெத்வா பு⁴ஞ்ஜதா²’’தி வத்வா க³ச்ச²ந்தி, ஸப்³பே³ஹி பா⁴ஜெத்வா பு⁴ஞ்ஜித்வா உத³கங் பாதப்³ப³ங். ‘‘ஸங்க⁴தோ உத்³தி³ஸித்வா அட்ட² மஹாதே²ரே தே³த², மஜ்ஜி²மே தே³த², நவகே தே³த², பரிபுண்ணவஸ்ஸே ஸாமணேரே தே³த², மஜ்ஜி²மபா⁴ணகாத³யோ தே³த², மய்ஹங் ஞாதிபி⁴க்கூ² தே³தா²’’தி வத³ந்தஸ்ஸ பன ‘‘உபாஸக, த்வங் ஏவங் வத³ஸி, டி²திகாய பன தேஸங் ந பாபுணாதீ’’தி வத்வா டி²திகாவஸேனேவ தா³தப்³பா³. த³ஹரஸாமணேரேஹி பன உத்³தே³ஸப⁴த்தேஸு லத்³தே⁴ஸு ஸசே தா³யகானங் க⁴ரே
ஏகோ ‘‘ஸங்கு⁴த்³தே³ஸபத்தங் ஆஹரா’’தி பேஸிதோ ‘‘ப⁴ந்தே, ஏகங் பத்தங் தே³த², நிமந்தனப⁴த்தங் ஆஹரிஸ்ஸாமீ’’தி வத³தி, ஸோ சே ‘‘உத்³தே³ஸப⁴த்தக⁴ரதோ அயங் ஆக³தோ’’தி ஞத்வா பி⁴க்கூ²ஹி ‘‘நனு த்வங் அஸுகக⁴ரதோ ஆக³தோ’’தி வுத்தோ ‘‘ஆம, ப⁴ந்தே, ந நிமந்தனப⁴த்தங், உத்³தே³ஸப⁴த்த’’ந்தி ப⁴ணதி, டி²திகாய கா³ஹேதப்³ப³ங். யோ பன ‘‘ஏகங் பத்தங் ஆஹரா’’தி வுத்தே ‘‘கிந்தி வத்வா ஆஹராமீ’’தி வத்வா ‘‘யதா² தே ருச்சதீ’’தி வுத்தோ ஆக³ச்ச²தி, அயங் விஸ்ஸட்ட²தூ³தோ நாம. உத்³தே³ஸபத்தங் வா படிபாடிபத்தங் வா புக்³க³லிகபத்தங் வா யங் இச்ச²தி, தங் ஏதஸ்ஸ தா³தப்³ப³ங். ஏகோ பா³லோ அப்³யத்தோ ‘‘உத்³தே³ஸபத்தங் ஆஹரா’’தி பேஸிதோ வத்துங் ந ஜானாதி, துண்ஹீபூ⁴தோ திட்ட²தி, ஸோ ‘‘கஸ்ஸ ஸந்திகங் ஆக³தோஸீ’’தி வா ‘‘கஸ்ஸ பத்தங் ஹரிஸ்ஸஸீ’’தி வா ந வத்தப்³போ³. ஏவஞ்ஹி வுத்தோ புச்சா²ஸபா⁴கே³ன ‘‘தும்ஹாகங் ஸந்திகங் ஆக³தொம்ஹீ’’தி வா ‘‘தும்ஹாகங் பத்தங் ஹரிஸ்ஸாமீ’’தி வா வதெ³ய்ய. ததோ தங் பி⁴க்கு²ங் அஞ்ஞே பி⁴க்கூ² ஜிகு³ச்ச²ந்தா ந ஓலோகெய்யுங், ‘‘குஹிங் க³ச்ச²ஸி, கிங் கரொந்தோ ஆஹிண்ட³ஸீ’’தி பன வத்தப்³போ³. தஸ்ஸ ‘‘உத்³தே³ஸபத்தத்தா²ய ஆக³தொம்ஹீ’’தி வத³ந்தஸ்ஸ கா³ஹெத்வா பத்தோ தா³தப்³போ³.
ஏகா கூடட்டி²திகா நாம ஹோதி. ரஞ்ஞோ வா ராஜமஹாமத்தஸ்ஸ வா கே³ஹே அதிபணீதானி அட்ட² உத்³தே³ஸப⁴த்தானி நிச்சங் தீ³யந்தி, தானி ஏகசாரிகப⁴த்தானி கத்வா பி⁴க்கூ² விஸுங் டி²திகாய பரிபு⁴ஞ்ஜந்தி. ஏகச்சே பி⁴க்கூ² ‘‘ஸ்வே தா³னி அம்ஹாகங் பாபுணிஸ்ஸந்தீ’’தி அத்தனோ டி²திகங் ஸல்லக்கெ²த்வா க³தா. தேஸு அனாக³தேஸுயேவ அஞ்ஞே ஆக³ந்துகா பி⁴க்கூ² ஆக³ந்த்வா ஆஸனஸாலாய நிஸீத³ந்தி. தங்க²ணஞ்ஞேவ ராஜபுரிஸா ஆக³ந்த்வா ‘‘பணீதப⁴த்தபத்தே தே³தா²’’தி வத³ந்தி, ஆக³ந்துகா டி²திகங் அஜானந்தா கா³ஹெந்தி, தங்க²ணஞ்ஞேவ ச டி²திகங் ஜானநகபி⁴க்கூ² ஆக³ந்த்வா ‘‘கிங் கா³ஹேதா²’’தி வத³ந்தி
அத² நே ராஜா போ⁴ஜெத்வா பத்தேபி நேஸங் பூரெத்வா தே³தி, யங் ஆஹடங், தங் டி²திகாய கா³ஹேதப்³ப³ங்
ஏகோ திசீவரபரிவாரோ ஸதக்³க⁴னகோ பிண்ட³பாதோ அவஸ்ஸிகஸ்ஸ பி⁴க்கு²னோ பத்தோ, விஹாரே ச ‘‘ஏவரூபோ பிண்ட³பாதோ அவஸ்ஸிகஸ்ஸ பத்தோ’’தி லிகி²த்வா ட²பேஸுங். அத² ஸட்டி²வஸ்ஸச்சயேன அஞ்ஞோ ததா²ரூபோ பிண்ட³பாதோ உப்பன்னோ, அயங் கிங் அவஸ்ஸிகடி²திகாய கா³ஹேதப்³போ³, உதா³ஹு ஸட்டி²வஸ்ஸடி²திகாயாதி? ஸட்டி²வஸ்ஸடி²திகாயாதி வுத்தங். அயஞ்ஹி பி⁴க்கு²டி²திகங் க³ஹெத்வாயேவ வட்³டி⁴தோதி. ஏகோ உத்³தே³ஸப⁴த்தங் பு⁴ஞ்ஜித்வா ஸாமணேரோ ஜாதோ, புன தங் ப⁴த்தங் ஸாமணேரடி²திகாய பத்தங் க³ண்ஹிதுங் லப⁴தி. அயங் கிர அந்தராப⁴ட்ட²கோ நாம. யோ பன பரிபுண்ணவஸ்ஸோ ஸாமணேரோ ‘‘ஸ்வே உத்³தே³ஸப⁴த்தங் லபி⁴ஸ்ஸதீ’’தி அஜ்ஜேவ உபஸம்பஜ்ஜதி, அதிக்கந்தா தஸ்ஸ டி²திகா. ஏகஸ்ஸ பி⁴க்கு²னோ உத்³தே³ஸப⁴த்தங் பத்தங், பத்தோ சஸ்ஸ ந துச்சோ² ஹோதி, ஸோ அஞ்ஞஸ்ஸ ஸமீபே நிஸின்னஸ்ஸ பத்தங் தா³பேதி, தங் சே தெ²ய்யாய ஹரந்தி, கீ³வா ஹோதி. ஸசே பன ஸோ பி⁴க்கு² ‘‘மய்ஹங் பத்தங் த³ம்மீ’’தி ஸயமேவ தே³தி, அஸ்ஸ கீ³வா ந ஹோதி. அதா²பி தேன ப⁴த்தேன அனத்தி²கோ ஹுத்வா ‘‘அலங் மய்ஹங், தவேதங்
விஹாரே த³ஸ பி⁴க்கூ² ஹொந்தி, தேஸு நவ பிண்ட³பாதிகா, ஏகோ ஸாதி³யனகோ, ‘‘த³ஸ உத்³தே³ஸபத்தே தே³தா²’’தி வுத்தே பிண்ட³பாதிகா க³ஹேதுங் ந இச்ச²ந்தி. இதரோ பி⁴க்கு² ‘‘ஸப்³பா³னி மய்ஹங் பாபுணந்தீ’’தி க³ண்ஹாதி, டி²திகா ந ஹோதி. ஏகேகங் சே பாபெத்வா க³ண்ஹாதி, டி²திகா திட்ட²தி. ஏவங் கா³ஹெத்வா த³ஸஹிபி பத்தேஹி ஆஹராபெத்வா ‘‘ப⁴ந்தே, மய்ஹங் ஸங்க³ஹங் கரோதா²’’தி நவ பத்தே பிண்ட³பாதிகானங் தே³தி, பி⁴க்கு²த³த்தியங் நாமேதங், க³ஹேதுங் வட்டதி. ஸசே ஸோ உபாஸகோ ‘‘ப⁴ந்தே, க⁴ரங் ஆக³ந்தப்³ப³’’ந்தி வத³தி, ஸோ ச பி⁴க்கு² தே பி⁴க்கூ² ‘‘ஏத², ப⁴ந்தே, மய்ஹங் ஸஹாயா ஹோதா²’’தி தஸ்ஸ க⁴ரங் க³ச்ச²தி, யங் தத்த² லப⁴தி, ஸப்³ப³ங் தஸ்ஸேவ ஹோதி, இதரே தேன தி³ன்னங் லப⁴ந்தி. அத² நேஸங் க⁴ரேயேவ நிஸீதா³பெத்வா த³க்கி²ணோத³கங் த³த்வா யாகு³க²ஜ்ஜகாதீ³னி தெ³ந்தி ‘‘ப⁴ந்தே, யங் மனுஸ்ஸா தெ³ந்தி, தங் க³ண்ஹதா²’’தி, தஸ்ஸ பி⁴க்கு²னோ வசனேனேவ இதரேஸங் வட்டதி. பு⁴த்தாவீனங் பத்தே பூரெத்வா க³ண்ஹித்வா க³மனத்தா²ய தெ³ந்தி, ஸப்³ப³ங் தஸ்ஸேவ பி⁴க்கு²னோ ஹோதி, தேன தி³ன்னங் இதரேஸங் வட்டதி. யதி³ பன
ஏகோ ஸங்க⁴தோ உத்³தி³ஸாபெத்வா டி²திகாய கா³ஹிதபத்தங் ஹரித்வா பணீதஸ்ஸ கா²த³னீயபோ⁴ஜனீயஸ்ஸ பூரெத்வா ஆஹரித்வா ‘‘இமங், ப⁴ந்தே, ஸப்³போ³ ஸங்கோ⁴ பரிபு⁴ஞ்ஜதூ’’தி தே³தி, ஸப்³பே³ஹி பா⁴ஜெத்வா பரிபு⁴ஞ்ஜிதப்³ப³ங். பத்தஸாமிகஸ்ஸ பன அதிக்கந்தம்பி டி²திகங் ட²பெத்வா அஞ்ஞங் உத்³தே³ஸப⁴த்தங் தா³தப்³ப³ங். அத² பட²மங்யேவ ‘‘ஸப்³ப³ங் ஸங்கி⁴கபத்தங் தே³தா²’’தி வத³தி, ஏகஸ்ஸ லஜ்ஜிபி⁴க்கு²னோ ஸந்தகோ பத்தோ தா³தப்³போ³. ஆஹரித்வா ச ‘‘ஸப்³போ³ ஸங்கோ⁴
‘‘ஸங்கு⁴த்³தே³ஸபத்தங் தே³தா²’’தி வுத்தே ‘‘கிங் ஆஹரிஸ்ஸஸீ’’தி அவத்வா பகதிடி²திகாய ஏவ கா³ஹேதப்³ப³ங். யோ பன பாயாஸோ வா ரஸபிண்ட³பாதோ வா நிச்சங் லப்³ப⁴தி, ஏவரூபானங் பணீதபோ⁴ஜனானங் ஆவேணிகா டி²திகா காதப்³பா³, ததா² ஸபரிவாராய யாகு³யா மஹக்³கா⁴னங் ப²லானங் பணீதானஞ்ச க²ஜ்ஜகானங். பகதிப⁴த்தயாகு³ப²லக²ஜ்ஜகானங் ஏகாவ டி²திகா காதப்³பா³. ‘‘ஸப்பிங் ஆஹரிஸ்ஸாமீ’’தி வுத்தே ஸப்³ப³ஸப்பீனங் ஏகாவ டி²திகா வட்டதி, ததா² ஸப்³ப³தேலானங். ‘‘மது⁴ங் ஆஹரிஸ்ஸாமீ’’தி வுத்தே பன மது⁴னோ ஏகாவ டி²திகா வட்டதி, ததா² பா²ணிதஸ்ஸ லட்டி²மது⁴காதீ³னஞ்ச பே⁴ஸஜ்ஜானங். ஸசே பன க³ந்த⁴மாலங் ஸங்கு⁴த்³தே³ஸங் தெ³ந்தி, பிண்ட³பாதிகஸ்ஸ வட்டதி, ந
உத்³தே³ஸப⁴த்தகதா² நிட்டி²தா.
210. நிமந்தனங் புக்³க³லிகங் சே, ஸயமேவ இஸ்ஸரோ. ஸங்கி⁴கங் பன உத்³தே³ஸப⁴த்தே வுத்தனயேனேவ கா³ஹேதப்³ப³ங். ஸசே பனெத்த² தூ³தோ ப்³யத்தோ ஹோதி, ‘‘ப⁴ந்தே, ராஜகே³ஹே பி⁴க்கு²ஸங்க⁴ஸ்ஸ ப⁴த்தங் க³ண்ஹதா²’’தி அவத்வா ‘‘பி⁴க்க²ங் க³ண்ஹதா²’’தி வத³தி, பிண்ட³பாதிகானம்பி வட்டதி. அத² தூ³தோ அப்³யத்தோ ‘‘ப⁴த்தங் க³ண்ஹதா²’’தி வத³தி, ப⁴த்துத்³தே³ஸகோ ப்³யத்தோ ‘‘ப⁴த்த’’ந்தி அவத்வா ‘‘ப⁴ந்தே
நிமந்தனப⁴த்தக⁴ரதோ பன பத்தத்தா²ய ஆக³தஸ்ஸ உத்³தே³ஸப⁴த்தே வுத்தனயேனேவ டி²திகாய பத்தோ தா³தப்³போ³. ஏகோ ‘‘ஸங்க⁴தோ படிபாடியா பத்த’’ந்தி அவத்வா கேவலங் ‘‘ஏகங் பத்தங் தே³தா²’’தி வத்வா அக்³கா³ஹிதேயேவ பத்தே யஸ்ஸ கஸ்ஸசி பத்தங் க³ஹெத்வா பூரெத்வா ஆஹரதி, தங் பத்தஸாமிகஸ்ஸேவ ஹோதி. உத்³தே³ஸப⁴த்தே விய டி²திகாய ந கா³ஹேதப்³ப³ங். இதா⁴பி யோ ஆக³ந்த்வா துண்ஹீபூ⁴தோ திட்ட²தி, ஸோ ‘‘கஸ்ஸ ஸந்திகங் ஆக³தோஸீ’’தி வா ‘‘கஸ்ஸ பத்தங் ஹரிஸ்ஸஸீ’’தி வா ந வத்தப்³போ³. புச்சா²ஸபா⁴கே³ன ஹி ‘‘தும்ஹாகங் ஸந்திகங் ஆக³தோ, தும்ஹாகங் பத்தங் ஹரிஸ்ஸாமீ’’தி வதெ³ய்ய, ததோ ஸோ பி⁴க்கு² பி⁴க்கூ²ஹி ஜிகு³ச்ச²னீயோ அஸ்ஸ. ‘‘குஹிங் க³ச்ச²ஸி, கிங் கரொந்தோ ஆஹிண்ட³ஸீ’’தி பன வுத்தே ‘‘தஸ்ஸ பத்தத்தா²ய ஆக³தொம்ஹீ’’தி வத³ந்தஸ்ஸ படிபாடிப⁴த்தட்டி²திகாய க³ஹெத்வா பத்தோ தா³தப்³போ³. ‘‘ப⁴த்தஹரணபத்தங் தே³தா²’’தி வுத்தேபி படிபாடிப⁴த்தட்டி²திகாய ஏவ தா³தப்³போ³. ஸசே ஆஹரித்வா ‘‘ஸப்³போ³ ஸங்கோ⁴ பு⁴ஞ்ஜதூ’’தி வத³தி, பா⁴ஜெத்வா பு⁴ஞ்ஜிதப்³ப³ங். பத்தஸாமிகஸ்ஸ அதிக்கந்தம்பி டி²திகங் ட²பெத்வா அஞ்ஞங் படிபாடிப⁴த்தங் கா³ஹேதப்³ப³ங்.
ஏகோ
உபாஸகோ ஸங்க⁴த்தே²ரஸ்ஸ வா க³ந்த²து⁴தங்க³வஸேன அபி⁴ஞ்ஞாதஸ்ஸ வா ப⁴த்துத்³தே³ஸகஸ்ஸ வா பஹிணதி ‘‘அம்ஹாகங் ப⁴த்தக³ஹணத்தா²ய அட்ட² பி⁴க்கூ² க³ஹெத்வா ஆக³ச்ச²தா²’’தி, ஸசேபி ஞாதிஉபட்டா²கேஹி பேஸிதங் ஹோதி, இமே தயோ ஜனா புச்சி²துங் ந லப⁴ந்தி, ஆருள்ஹாயேவ மாதிகங். ஸங்க⁴தோ அட்ட² பி⁴க்கூ² உத்³தி³ஸாபெத்வா அத்தனவமேஹி க³ந்தப்³ப³ங். கஸ்மா? பி⁴க்கு²ஸங்க⁴ஸ்ஸ ஹி ஏதே பி⁴க்கூ² நிஸ்ஸாய லாபோ⁴ உப்பஜ்ஜதீதி. க³ந்த²து⁴தங்கா³தீ³ஹி பன அனபி⁴ஞ்ஞாதோ ஆவாஸிகபி⁴க்கு² ஆபுச்சி²துங் லப⁴தி, தஸ்மா தேன ‘‘கிங் ஸங்க⁴தோ க³ண்ஹாமி, உதா³ஹு யே ஜானாமி, தேஹி ஸத்³தி⁴ங் ஆக³ச்சா²மீ’’தி மாதிகங் ஆரோபெத்வா யதா² தா³யகா வத³ந்தி, ததா² படிபஜ்ஜிதப்³ப³ங். ‘‘தும்ஹாகங் நிஸ்ஸிதகே வா யே வா ஜானாத², தே க³ஹெத்வா ஏதா²’’தி வுத்தே பன யே இச்ச²ந்தி, தேஹி ஸத்³தி⁴ங் க³ந்துங் லப⁴தி. ஸசே ‘‘அட்ட² பி⁴க்கூ² பஹிணதா²’’தி பேஸெந்தி, ஸங்க⁴தோவ பேஸேதப்³பா³. அத்தனா ஸசே அஞ்ஞஸ்மிங் கா³மே ஸக்கா ஹோதி பி⁴க்கா² லபி⁴துங், அஞ்ஞோ கா³மோ க³ந்தப்³போ³. ந ஸக்கா சே ஹோதி லபி⁴துங், ஸோயேவ கா³மோ பிண்டா³ய பவிஸிதப்³போ³.
நிமந்திதபி⁴க்கூ² ஆஸனஸாலாய நிஸின்னா ஹொந்தி, தத்ர சே மனுஸ்ஸா ‘‘பத்தே தே³தா²’’தி ஆக³ச்ச²ந்தி, அனிமந்திதேஹி ந தா³தப்³பா³, ‘‘ஏதே நிமந்திதா பி⁴க்கூ²’’தி வத்தப்³ப³ங், ‘‘தும்ஹேபி தே³தா²’’தி வுத்தே பன தா³துங் வட்டதி. உஸ்ஸவாதீ³ஸு மனுஸ்ஸா ஸயமேவ பரிவேணானி ச பதா⁴னக⁴ரானி ச க³ந்த்வா திபிடகே ச த⁴ம்மகதி²கே ச பி⁴க்கு²ஸதேனபி ஸத்³தி⁴ங் நிமந்தெந்தி, ததா³ தேஹி யே ஜானந்தி, தே க³ஹெத்வா க³ந்துங் வட்டதி. கஸ்மா? ந ஹி மஹாபி⁴க்கு²ஸங்கே⁴ன அத்தி²கா மனுஸ்ஸா பரிவேணபதா⁴னக⁴ரானி க³ச்ச²ந்தி, ஸன்னிபாதட்டா²னதோவ யதா²ஸத்தி யதா²ப³லங் பி⁴க்கூ² க³ண்ஹித்வா க³ச்ச²ந்தீதி.
ஸசே குருந்தி³யங் பன ‘‘அட்ட² மஹாதே²ரே தே³தா²தி வுத்தே அட்ட² மஹாதே²ராவ தா³தப்³பா³’’தி வுத்தங். ஏஸ நயோ மஜ்ஜி²மாதீ³ஸு. ஸசே பன அவிஸேஸெத்வா ‘‘அட்ட² பி⁴க்கூ² தே³தா²’’தி வத³தி, ஸங்க⁴தோ தா³தப்³பா³தி.
நிமந்தனப⁴த்தகதா² நிட்டி²தா.
211. ஸலாகப⁴த்தங் பன ‘‘அனுஜானாமி, பி⁴க்க²வே, ஸலாகாய வா பட்டிகாய வா உபனிப³ந்தி⁴த்வா ஓபுஞ்ஜித்வா ப⁴த்தங் உத்³தி³ஸிது’’ந்தி (சூளவ॰ 326) வசனதோ ருக்க²ஸாரமயாய ஸலாகாய வா வேளுவிலீவதாலபண்ணாதி³மயாய பட்டிகாய வா ‘‘அஸுகஸ்ஸ நாம ஸலாகப⁴த்த’’ந்தி ஏவங் அக்க²ரானி உபனிப³ந்தி⁴த்வா பச்சி²யங் வா சீவரபோ⁴கே³ வா கத்வா ஸப்³ப³ஸலாகாயோ ஓபுஞ்ஜித்வா புனப்புனங் ஹெட்டு²பரியவஸேன ஆலோளெத்வா பஞ்சங்க³ஸமன்னாக³தேன ப⁴த்துத்³தே³ஸகேன ஸசே டி²திகா அத்தி², டி²திகதோ பட்டா²ய, நோ சே அத்தி², தே²ராஸனதோ பட்டா²ய ஸலாகா தா³தப்³பா³. பச்சா² ஆக³தானம்பி ஏகாப³த்³த⁴வஸேன தூ³ரே டி²தானம்பி உத்³தே³ஸப⁴த்தே வுத்தனயேனேவ தா³தப்³பா³.
ஸசே விஹாரஸ்ஸ ஸமந்ததோ ப³ஹூ கோ³சரகா³மா, பி⁴க்கூ² பன ந ப³ஹூ, கா³மவஸேனபி ஸலாகா பாபுணந்தி. ‘‘தும்ஹாகங் அஸுககா³மே ஸலாகப⁴த்தங் பாபுணாதீ’’தி கா³மவஸேனேவ கா³ஹேதப்³ப³ங். ஏவங் கா³ஹெந்தேன ஸசேபி ஏகமேகஸ்மிங் கா³மே நானப்பகாரானி ஸட்டி² ஸலாகப⁴த்தானி, ஸப்³பா³னி க³ஹிதானேவ ஹொந்தி. தஸ்ஸ பத்தகா³மஸமீபே அஞ்ஞானிபி த்³வே தீணி ஸலாகப⁴த்தானி
ஸசே ஏகச்சேஸு கா³மேஸு ப³ஹூனி ஸலாகப⁴த்தானி ஸல்லக்கெ²த்வா ஸத்தன்னம்பி அட்ட²ன்னம்பி பி⁴க்கூ²னங் தா³தப்³பா³னி. தெ³ந்தேன பன சதுன்னங் பஞ்சன்னங் ப⁴த்தானங் ஸலாகாயோ ஏகதோ ப³ந்தி⁴த்வா தா³தப்³பா³. ஸசே தங் கா³மங் அதிக்கமித்வா அஞ்ஞோ கா³மோ ஹோதி, தஸ்மிஞ்ச ஏகமேவ ஸலாகப⁴த்தங், தங் பன பாதோவ தெ³ந்தி, தம்பி ஏதேஸு பி⁴க்கூ²ஸு ஏகஸ்ஸ நிக்³க³ஹேன த³த்வா ‘‘பாதோவ தங் க³ஹெத்வா பச்சா² குருந்தி³யங் வுத்தோ. ஸசே பன பி⁴க்கூ² ப³ஹூ ஹொந்தி, கா³மவஸேன ஸலாகா ந பாபுணந்தி, வீதி²வஸேன வா வீதி²யங் ஏககே³ஹவஸேன வா ஏககுலவஸேன வா கா³ஹேதப்³ப³ங். வீதி²ஆதீ³ஸு ச யத்த² ப³ஹூனி ப⁴த்தானி, தத்த² கா³மே வுத்தனயேனேவ ப³ஹூனங் பி⁴க்கூ²னங் கா³ஹேதப்³பா³னி, ஸலாகாஸு அஸதி உத்³தி³ஸித்வாபி கா³ஹேதப்³பா³னி.
212. ஸலாகதா³யகேன பன வத்தங் ஜானிதப்³ப³ங். தேன ஹி காலஸ்ஸேவ வுட்டா²ய பத்தசீவரங் க³ஹெத்வா போ⁴ஜனஸாலங் க³ந்த்வா அஸம்மட்ட²ட்டா²னங் ஸம்மஜ்ஜித்வா பானீயங் பரிபோ⁴ஜனீயங் உபட்டா²பெத்வா ‘‘இதா³னி பி⁴க்கூ²ஹி வத்தங் கதங் ப⁴விஸ்ஸதீ’’தி காலங் ஸல்லக்கெ²த்வா க⁴ண்டிங் பஹரித்வா பி⁴க்கூ²ஸு ஸன்னிபதிதேஸு பட²மமேவ வாரகா³மே ஸலாகப⁴த்தங் கா³ஹேதப்³ப³ங், ‘‘துய்ஹங் அஸுகஸ்மிங் நாம வாரகா³மே ஸலாகா பாபுணாதி, தத்ர க³ச்சா²’’தி வத்தப்³ப³ங். ஸசே அபி⁴ரேககா³வுதே கா³மோ ஹோதி, தங் தி³வஸங் க³ச்ச²ந்தா கிலமந்தி, ‘‘ஸ்வே துய்ஹங் வாரகா³மே பாபுணாதீ’’தி அஜ்ஜேவ கா³ஹேதப்³ப³ங். யோ வாரகா³மங் பேஸியமானோ ந க³ச்ச²தி, அஞ்ஞங் ஸலாகங் மக்³க³தி, ந தா³தப்³பா³. ஸத்³தா⁴னஞ்ஹி மனுஸ்ஸானங் புஞ்ஞஹானி ச ஸங்க⁴ஸ்ஸ ச லாப⁴ச்சே²தோ³ ஹோதி, தஸ்மா தஸ்ஸ து³தியேபி ததியேபி தி³வஸே அஞ்ஞா ஸலாகா ந தா³தப்³பா³, ‘‘அத்தனோ பத்தட்டா²னங் க³ந்த்வா பு⁴ஞ்ஜாஹீ’’தி வத்தப்³போ³, தீணி பன தி³வஸானி அக³ச்ச²ந்தஸ்ஸ வாரகா³மதோ ஓரிமவாரகா³மே ஸலாகா கா³ஹேதப்³பா³. தஞ்சே ந க³ண்ஹாதி, ததோ பட்டா²ய தஸ்ஸ அஞ்ஞங் ஸலாகங் தா³துங் ந வட்டதி, த³ண்ட³கம்மங் த³ள்ஹங் காதப்³ப³ங்
ஸசே விஹாரவாரிகானங் ஸபா⁴கா³ ஆஹரித்வா தெ³ந்தி, இச்சேதங் குஸலங். நோ சே, வாரங் க³ஹெத்வா தேஸங் யாகு³ப⁴த்தங் ஆஹராபேதப்³ப³ங், தாவ நேஸங் ஸலாகா பா²திகம்மமேவ ப⁴வந்தி. வஸ்ஸக்³கே³ன பத்தட்டா²னே பன அஞ்ஞம்பி பணீதப⁴த்தஸலாகங் க³ண்ஹிதுங் லப⁴ந்தியேவ. அதிரேகஉத்தரிப⁴ங்க³ஸ்ஸ ஏகசாரிகப⁴த்தஸ்ஸ விஸுங் டி²திகங் கத்வா ஸலாகா தா³தப்³பா³. ஸசே யேன ஸலாகா லத்³தா⁴, ஸோ தங் தி³வஸங் தங் ப⁴த்தங் ந லப⁴தி, புன தி³வஸே கா³ஹேதப்³ப³ங். ப⁴த்தஞ்ஞேவ லப⁴தி, ந உத்தரிப⁴ங்க³ங், ஏவம்பி
ஸசே கு²த்³த³கோ விஹாரோ ஹோதி, ஸப்³பே³ பி⁴க்கூ² ஏகஸம்போ⁴கா³, உச்சு²ஸலாகங் கா³ஹெந்தேன யஸ்ஸ கஸ்ஸசி ஸம்முகீ²பூ⁴தஸ்ஸ பாபெத்வா மஹாதே²ராதீ³னங் தி³வா தச்செ²த்வா தா³துங் வட்டதி. ரஸஸலாகங் பாபெத்வா பச்சா²ப⁴த்தம்பி பரிஸ்ஸாவெத்வா பா²ணிதங் வா காரெத்வா பிண்ட³பாதிகாதீ³னம்பி தா³தப்³ப³ங், ஆக³ந்துகானங் ஆக³தானாக³தபா⁴வங் ஞத்வா கா³ஹேதப்³பா³. மஹாஆவாஸே டி²திகங் கத்வா கா³ஹேதப்³பா³. தக்கஸலாகம்பி ஸபா⁴க³ட்டா²னே பாபெத்வா வா தூ⁴மாபெத்வா பசாபெத்வா வா தே²ரானங் தா³துங் வட்டதி. மஹாஆவாஸே வுத்தனயேனேவ படிபஜ்ஜிதப்³ப³ங். ப²லஸலாகபூவஸலாகபே⁴ஸஜ்ஜக³ந்த⁴மாலாஸலாகாயோபி விஸுங் டி²திகாய கா³ஹேதப்³பா³. பே⁴ஸஜ்ஜாதி³ஸலாகாயோ செத்த² கிஞ்சாபி பிண்ட³பாதிகானம்பி வட்டந்தி, ஸலாகவஸேன பன கா³ஹிதத்தா ந ஸாதி³தப்³பா³. அக்³க³பி⁴க்கா²மத்தங் ஸலாகப⁴த்தங் தெ³ந்தி, டி²திகங்
யோ ஸலாகாஸு க³ஹிதாஸு பச்சா² ஆக³ச்ச²தி, தஸ்ஸ அதிக்கந்தாவ ஸலாகா ந உபட்டா²பெத்வா தா³தப்³பா³. ஸலாகங் நாம க⁴ண்டிங் பஹரணதோ பட்டா²ய ஆக³ந்த்வா ஹத்த²ங் பஸாரெந்தோவ லப⁴தி, அஞ்ஞஸ்ஸ ஆக³ந்த்வா ஸமீபே டி²தஸ்ஸபி அதிக்கந்தா அதிக்கந்தாவ ஹோதி. ஸசே பனஸ்ஸ அஞ்ஞோ க³ண்ஹந்தோ அத்தி², ஸயங் அனாக³தோபி லப⁴தி, ஸபா⁴க³ட்டா²னே ‘‘அஸுகோ அனாக³தோ’’தி ஞத்வா ‘‘அயங் தஸ்ஸ ஸலாகா’’தி ட²பேதுங் வட்டதி. ஸசே ‘‘அனாக³தஸ்ஸ ந தா³தப்³பா³’’தி கதிகங் கரொந்தி, அத⁴ம்மிகா ஹோதி. அந்தோஉபசாரே டி²தஸ்ஸ ஹி பா⁴ஜனீயப⁴ண்ட³ங் பாபுணாதி. ஸசே பன ‘‘அனாக³தஸ்ஸ தே³தா²’’தி மஹாஸத்³த³ங் கரொந்தி, த³ண்ட³கம்மங் ட²பேதப்³ப³ங், ‘‘ஆக³ந்த்வா க³ண்ஹந்தூ’’தி வத்தப்³ப³ங். ச² பஞ்சஸலாகா நட்டா² ஹொந்தி, ப⁴த்துத்³தே³ஸகோ தா³யகானங் நாமங் ந ஸரதி, ஸோ சே நட்ட²ஸலாகா மஹாதே²ரஸ்ஸ வா அத்தனோ வா பாபெத்வா பி⁴க்கூ² வதெ³ய்ய ‘‘மயா அஸுககா³மே
க³மிகோ பி⁴க்கு² யங் தி³ஸாபா⁴க³ங் க³ந்துகாமோ, தத்த² அஞ்ஞேன வாரகா³மஸலாகா லத்³தா⁴ ஹோதி, தங் க³ஹெத்வா இதரங் பி⁴க்கு²ங் ‘‘மய்ஹங் பத்தஸலாகங் த்வங் க³ண்ஹாஹீ’’தி வத்வா க³ந்துங் வட்டதி. தேன பன உபசாரஸீமங் அனதிக்கந்தேயேவ தஸ்மிங் தஸ்ஸ ஸலாகா கா³ஹேதப்³பா³. ச²ட்³டி³தவிஹாரே வஸித்வா மனுஸ்ஸா ‘‘போ³தி⁴சேதியாதீ³னி ஜக்³கி³த்வா பு⁴ஞ்ஜந்தூ’’தி ஸலாகப⁴த்தங் பட்ட²பெந்தி, பி⁴க்கூ² ஸபா⁴க³ட்டா²னேஸு வஸித்வா காலஸ்ஸேவ க³ந்த்வா தத்த² வத்தங் கரித்வா தங் ப⁴த்தங் பு⁴ஞ்ஜந்தி, வட்டதி. ஸசே தேஸு ஸ்வாதனாய அத்தனோ பாபெத்வா க³தேஸு ஆக³ந்துகோ பி⁴க்கு² ச²ட்³டி³தவிஹாரே வஸித்வா காலஸ்ஸேவ வத்தங் கத்வா க⁴ண்டிங் பஹரித்வா ஸலாகப⁴த்தங் அத்தனோ பாபெத்வா ஆஸனஸாலங் க³ச்ச²தி, ஸோவ தஸ்ஸ ப⁴த்தஸ்ஸ இஸ்ஸரோ. யோ பன பி⁴க்கூ²ஸு வத்தங் கரொந்தேஸுயேவ பூ⁴மியங் த்³வே தயோ ஸம்முஞ்ஜனீபஹாரே த³த்வா க⁴ண்டிங் பஹரித்வா ‘‘து⁴ரகா³மே ஸலாகப⁴த்தங் மய்ஹங் பாபுணாதீ’’தி க³ச்ச²தி, தஸ்ஸ தங் சோரிகாய க³ஹிதத்தா ந பாபுணாதி, வத்தங் கத்வா பாபெத்வா பச்சா²க³தபி⁴க்கூ²னங்யேவ ஹோதி.
ஏகோ கா³மோ அதிதூ³ரே ஹோதி, பி⁴க்கூ² நிச்சங் க³ந்துங் ந இச்ச²ந்தி, மனுஸ்ஸா ‘‘மயங் புஞ்ஞேன பரிபா³ஹிரா ஹோமா’’தி வத³ந்தி, யே தஸ்ஸ கா³மஸ்ஸ ஆஸன்னவிஹாரே ஸபா⁴க³பி⁴க்கூ², தே வத்தப்³பா³ ‘‘இமேஸங் பி⁴க்கூ²னங் அனாக³ததி³வஸே தும்ஹே பு⁴ஞ்ஜதா²’’தி, ஸலாகா பன தே³வஸிகங் பாபேதப்³பா³. தா ச கோ² பன க⁴ண்டிபஹரணமத்தேன வா பச்சி²சாலனமத்தேன வா பாபிதா ந ஹொந்தி, பச்சி²ங் பன க³ஹெத்வா ஸலாகா பீட²கே ஆகிரிதப்³பா³, பச்சி² பன முக²வட்டியங் ந க³ஹேதப்³பா³. ஸசே ஹி தத்த² அஹி வா விச்சி²கோ வா ப⁴வெய்ய, து³க்க²ங் உப்பாதெ³ய்ய, தஸ்மா ஹெட்டா² க³ஹெத்வா பச்சி²ங் பரம்முக²ங் கத்வா ஸலாகா ஆகிரிதப்³பா³ ‘‘ஸசேபி ஸப்போ ப⁴விஸ்ஸதி, எத்தோவ பலாயிஸ்ஸதீ’’தி. ஏவங் ஸலாகா ஆகிரித்வா கா³மாதி³வஸேன புப்³பே³ வுத்தனயேனேவ கா³ஹேதப்³பா³.
அபிச
ஸலாகப⁴த்தகதா² நிட்டி²தா.
213. பக்கி²காதீ³ஸு பன யங் அபி⁴லக்கி²தேஸு சாதுத்³த³ஸீ பஞ்சத³ஸீ பஞ்சமீ அட்ட²மீதி இமேஸு பக்கே²ஸு கம்மப்பஸுதேஹி உபோஸத²ங் காதுங் ஸதிகரணத்தா²ய தீ³யதி, தங் பக்கி²கங் நாம. தங் ஸலாகப⁴த்தக³திகமேவ ஹோதி, கா³ஹெத்வா பு⁴ஞ்ஜிதப்³ப³ங். ஸசே ஸலாகப⁴த்தம்பி பக்கி²கப⁴த்தம்பி ப³ஹுங் ஸப்³பே³ஸங் வினிவிஜ்ஜி²த்வா க³ச்ச²தி, த்³வேபி ப⁴த்தானி விஸுங் விஸுங் கா³ஹேதப்³பா³னி. ஸசே பி⁴க்கு²ஸங்கோ⁴ மஹா, பக்கி²கங் கா³ஹெத்வா தஸ்ஸ டி²திகாய ஸலாகப⁴த்தங் கா³ஹேதப்³ப³ங், ஸலாகப⁴த்தங் வா கா³ஹாபெத்வா தஸ்ஸ டி²திகாய பக்கி²கங் கா³ஹேதப்³ப³ங். யேஸங் ந பாபுணாதி, தே பிண்டா³ய சரிஸ்ஸந்தி. ஸசே த்³வேபி ப⁴த்தானி ப³ஹூனி, பி⁴க்கூ² மந்தா³, ஸலாகப⁴த்தங் நாம தே³வஸிகங் லப்³ப⁴தி, தஸ்மா தங் ட²பெத்வா ‘‘பக்கி²கங், ஆவுஸோ, பு⁴ஞ்ஜதா²’’தி பக்கி²கமேவ தா³தப்³ப³ங். பக்கி²கங் பணீதங் தெ³ந்தி, விஸுங் டி²திகா காதப்³பா³, ‘‘ஸ்வே பக்கோ²’’தி அஜ்ஜ பக்கி²கங் ந கா³ஹேதப்³ப³ங். ஸசே பன தா³யகா வத³ந்தி ‘‘ஸ்வேபி அம்ஹாகங் க⁴ரே லூக²ப⁴த்தங் ப⁴விஸ்ஸதி, அஜ்ஜேவ பக்கி²கப⁴த்தங் உத்³தி³ஸதா²’’தி, ஏவங் வட்டதி.
உபோஸதி²கங் பாடிபதி³கங் நாம ‘‘உபோஸதே² ப³ஹூ ஸத்³தா⁴ பஸன்னா பி⁴க்கூ²னங் ஸக்காரங் கரொந்தி, பாடிபதே³ பன பி⁴க்கூ² கிலமந்தி, பாடிபதே³ தி³ன்னங் து³ப்³பி⁴க்க²தா³னஸதி³ஸங் மஹப்ப²லங் ஹோதி, உபோஸத²கம்மேன வா பரிஸுத்³த⁴ஸீலானங் து³தியதி³வஸே தி³ன்னங் மஹப்ப²லங் ஹோதீ’’தி ஸல்லக்கெ²த்வா பாடிபதே³
214. அபரானிபி சீவரக்க²ந்த⁴கே (மஹாவ॰ 350) விஸாகா²ய வரங் யாசித்வா தி³ன்னானி ஆக³ந்துகப⁴த்தங் க³மிகப⁴த்தங் கி³லானப⁴த்தங் கி³லானுபட்டா²கப⁴த்தந்தி சத்தாரி ப⁴த்தானி பாளியங் ஆக³தானேவ. தத்த² ஆக³ந்துகானங் தி³ன்னங் ப⁴த்தங் ஆக³ந்துகப⁴த்தங். ஏஸ நயோ ஸேஸேஸு. ஸசே பனெத்த² ஆக³ந்துகப⁴த்தானிபி ஆக³ந்துகாபி ப³ஹூ ஹொந்தி, ஸப்³பே³ஸங் ஏகேகங் கா³ஹேதப்³ப³ங். ப⁴த்தேஸு அப்பஹொந்தேஸு டி²திகாய கா³ஹேதப்³ப³ங். ஏகோ ஆக³ந்துகோ பட²மமேவ ஆக³ந்த்வா ஸப்³ப³ங் ஆக³ந்துகப⁴த்தங் அத்தனோ கா³ஹெத்வா நிஸீத³தி, ஸப்³ப³ங் தஸ்ஸேவ ஹோதி. பச்சா² ஆக³தேஹி ஆக³ந்துகேஹி தேன தி³ன்னானி பரிபு⁴ஞ்ஜிதப்³பா³னி. தேனபி ஏகங் அத்தனோ க³ஹெத்வா ஸேஸானி தா³தப்³பா³னி. அயங் உளாரதா. ஸசே பன பட²மங் ஆக³ந்த்வாபி அத்தனோ அக்³க³ஹெத்வா துண்ஹீபூ⁴தோ நிஸீத³தி, பச்சா² ஆக³தேஹி ஸத்³தி⁴ங் படிபாடியா க³ண்ஹிதப்³ப³ங். ஸசே நிச்சங் ஆக³ந்துகா ஆக³ச்ச²ந்தி, ஆக³ததி³வஸேயேவ பு⁴ஞ்ஜிதப்³ப³ங். அந்தரந்தரா சே ஆக³ச்ச²ந்தி, த்³வே தீணி தி³வஸானி பு⁴ஞ்ஜிதப்³ப³ங். மஹாபச்சரியங் பன ‘‘ஸத்த தி³வஸானி பு⁴ஞ்ஜிதுங் வட்டதீ’’தி வுத்தங். ஆவாஸிகோ கத்த²சி க³ந்த்வா ஆக³தோ, தேனபி ஆக³ந்துகப⁴த்தங் பு⁴ஞ்ஜிதப்³ப³ங். ஸசே பன தங் விஹாரே நிப³ந்தா⁴பிதங் ஹோதி, விஹாரே கா³ஹேதப்³ப³ங். அத² விஹாரோ தூ³ரே ஹோதி, ஆஸனஸாலாய நிப³ந்தா⁴பிதங், ஆஸனஸாலாய கா³ஹேதப்³ப³ங். ஸசே பன தா³யகா ‘‘ஆக³ந்துகேஸு அஸதி ஆவாஸிகாபி பு⁴ஞ்ஜந்தூ’’தி வத³ந்தி, வட்டதி, அவுத்தே பன ந வட்டதி.
க³மிகப⁴த்தேபி அயமேவ கதா²மக்³கோ³. அயங் பன விஸேஸோ – ஆக³ந்துகோ ஆக³ந்துகப⁴த்தமேவ லப⁴தி, க³மிகோ ஆக³ந்துகப⁴த்தம்பி க³மிகப⁴த்தம்பி. ஆவாஸிகோபி பக்கமிதுகாமோ க³மிகோ ஹோதி, க³மிகப⁴த்தங் மஹாபச்சரியங் வுத்தங். ‘‘க³மிஸ்ஸாமி க³மிஸ்ஸாமீ’’தி பன லேஸங் ஒட்³டெ³த்வா பு⁴ஞ்ஜிதுங் ந லப⁴தி.
கி³லானப⁴த்தம்பி ஸசே ஸப்³பே³ஸங் கி³லானானங் பஹோதி, தங் ஸப்³பே³ஸங் தா³தப்³ப³ங். நோ சே, டி²திகங் கத்வா கா³ஹேதப்³ப³ங். ஏகோ கி³லானோ அரோக³ரூபோ ஸக்கோதி அந்தோகா³மங் க³ந்துங், ஏகோ ந ஸக்கோதி, அயங் மஹாகி³லானோ நாம, ஏதஸ்ஸ கி³லானப⁴த்தங் தா³தப்³ப³ங். த்³வே மஹாகி³லானா, ஏகோ லாபீ⁴ அபி⁴ஞ்ஞாதோ
கி³லானுபட்டா²கப⁴த்தம்பி யங் ஸப்³பே³ஸங் பஹோதி, தங் ஸப்³பே³ஸங் தா³தப்³ப³ங். நோ சே பஹோதி, டி²திகங் கத்வா கா³ஹேதப்³ப³ங். இத³ம்பி த்³வீஸு கி³லானேஸு மஹாகி³லானுபட்டா²கஸ்ஸ கா³ஹேதப்³ப³ங், த்³வீஸு மஹாகி³லானேஸு அனாத²கி³லானுபட்டா²கஸ்ஸ. யங் குலங் கி³லானப⁴த்தம்பி தே³தி கி³லானுபட்டா²கப⁴த்தம்பி, தத்த² யஸ்ஸ கி³லானஸ்ஸ கி³லானப⁴த்தங் பாபுணாதி, தது³பட்டா²கஸ்ஸபி தத்தே²வ கா³ஹேதப்³ப³ங். கி³லானுபட்டா²கப⁴த்தேபி தி³வஸபரிச்சே²தோ³ நத்தி², யாவ கி³லானோ லப⁴தி, தாவஸ்ஸ உபட்டா²கோபி லப⁴தீதி. இமானி சத்தாரி ப⁴த்தானி ஸசே ஏவங் தி³ன்னானி ஹொந்தி ‘‘ஆக³ந்துகக³மிககி³லானகி³லானுபட்டா²கா மம பி⁴க்க²ங் க³ண்ஹந்தூ’’தி, பிண்ட³பாதிகானம்பி வட்டதி. ஸசே பன ‘‘ஆக³ந்துகாதீ³னங் சதுன்னங் ப⁴த்தங் நிப³ந்தா⁴பேமி, மம ப⁴த்தங் க³ண்ஹந்தூ’’தி ஏவங் தி³ன்னானி ஹொந்தி, பிண்ட³பாதிகானங் ந வட்டதி.
215. அபரானிபி து⁴ரப⁴த்தங் குடிப⁴த்தங் வாரகப⁴த்தந்தி தீணி ப⁴த்தானி. தத்த² து⁴ரப⁴த்தந்தி நிச்சப⁴த்தங் வுச்சதி, தங் து³வித⁴ங் ஸங்கி⁴கஞ்ச புக்³க³லிகஞ்ச. தத்த² யங் ‘‘ஸங்க⁴ஸ்ஸ து⁴ரப⁴த்தங் தே³மா’’தி நிப³ந்தா⁴பிதங், தங் ஸலாகப⁴த்தக³திகங். ‘‘மம
குடிப⁴த்தங் நாம யங் ஸங்க⁴ஸ்ஸ ஆவாஸங் காரெத்வா ‘‘அம்ஹாகங் ஸேனாஸனவாஸினோ அம்ஹாகங்யேவ ப⁴த்தங் க³ண்ஹந்தூ’’தி ஏவங் நிப³ந்தா⁴பிதங், தங் ஸலாகப⁴த்தக³திகமேவ ஹோதி, கா³ஹெத்வா பு⁴ஞ்ஜிதப்³ப³ங். ‘‘அம்ஹாகங் ஸேனாஸனவாஸினோ அம்ஹாகங்யேவ பி⁴க்க²ங் க³ண்ஹந்தூ’’தி வுத்தே பன பிண்ட³பாதிகானம்பி வட்டதி. யங் பன புக்³க³லே பஸீதி³த்வா தஸ்ஸ ஆவாஸங் கத்வா ‘‘தும்ஹாகங் தே³மா’’தி தி³ன்னங், தங் தஸ்ஸேவ ஹோதி, தஸ்மிங் கத்த²சி க³தே நிஸ்ஸிதகேஹி பு⁴ஞ்ஜிதப்³ப³ங்.
வாரகப⁴த்தங் நாம து³ப்³பி⁴க்க²ஸமயே ‘‘வாரேன பி⁴க்கூ² ஜக்³கி³ஸ்ஸாமா’’தி து⁴ரகே³ஹதோ பட்டா²ய தி³ன்னங், தம்பி பி⁴க்கா²வசனேன தி³ன்னங் பிண்ட³பாதிகானங் வட்டதி, ‘‘வாரகப⁴த்த’’ந்தி வுத்தே பன ஸலாகப⁴த்தக³திகங் ஹோதி. ஸசே தண்டு³லாதீ³னி பேஸெந்தி ‘‘ஸாமணேரா பசித்வா தெ³ந்தூ’’தி, பிண்ட³பாதிகானங்
216. அட்ட²கதா²யங் பன விஹாரப⁴த்தங் அட்ட²கப⁴த்தங் சதுக்கப⁴த்தங் கு³ள்ஹகப⁴த்தந்தி அஞ்ஞானிபி சத்தாரி ப⁴த்தானி வுத்தானி. தத்த² விஹாரப⁴த்தங் நாம விஹாரே தத்ருப்பாத³ப⁴த்தங், தங் ஸங்க⁴ப⁴த்தேன ஸங்க³ஹிதங். தங் பன திஸ்ஸமஹாவிஹாரசித்தலபப்³ப³தாதீ³ஸு படிஸம்பி⁴தா³ப்பத்தேஹி கீ²ணாஸவேஹி யதா² பிண்ட³பாதிகானம்பி ஸக்கா ஹொந்தி பரிபு⁴ஞ்ஜிதுங், ததா² படிக்³க³ஹிதத்தா தாதி³ஸேஸு டா²னேஸு பிண்ட³பாதிகானம்பி வட்டதி. ‘‘அட்ட²ன்னங் பி⁴க்கூ²னங் தே³ம, சதுன்னங் தே³மா’’தி ஏவங் தி³ன்னங் பன அட்ட²கப⁴த்தஞ்சேவ சதுக்கப⁴த்தஞ்ச, தம்பி பி⁴க்கா²வசனேன தி³ன்னங் பிண்ட³பாதிகானங் வட்டதி. மஹாபி⁴ஸங்கா²ரேன அதிரஸகபூவேன பத்தங் த²கெத்வா தி³ன்னங் கு³ள்ஹகப⁴த்தங் நாம. இமானி தீணி ஸலாகப⁴த்தக³திகானேவ. அபரம்பி கு³ள்ஹகப⁴த்தங் நாம அத்தி², இதே⁴கச்சே மனுஸ்ஸா மஹாத⁴ம்மஸ்ஸவனஞ்ச விஹாரபூஜஞ்ச காரெத்வா ‘‘ஸகலஸங்க⁴ஸ்ஸ தா³துங் ந ஸக்கோம, த்³வே தீணி பி⁴க்கு²ஸதானி அம்ஹாகங் பி⁴க்க²ங் க³ண்ஹந்தூ’’தி பி⁴க்கு²பரிச்சே²த³ஜானநத்த²ங் கு³ள்ஹகே தெ³ந்தி, இத³ங் பிண்ட³பாதிகானம்பி வட்டதி.
பிண்ட³பாதபா⁴ஜனீயங் நிட்டி²தங்.
217. கி³லானபச்சயபா⁴ஜனீயங்
யஸ்மிங்
218. இதா³னி ஸேனாஸனக்³கா³ஹே வினிச்ச²யோ வேதி³தப்³போ³ (சூளவ॰ அட்ட²॰ 318) – அயங் ஸேனாஸனக்³கா³ஹோ நாம து³விதோ⁴ ஹோதி உதுகாலே ச வஸ்ஸாவாஸே ச. தத்த² உதுகாலே தாவ கேசி ஆக³ந்துகா பி⁴க்கூ² புரேப⁴த்தங் ஆக³ச்ச²ந்தி, கேசி பச்சா²ப⁴த்தங் பட²மயாமங் மஜ்ஜி²மயாமங் பச்சி²மயாமங் வா. யே யதா³ ஆக³ச்ச²ந்தி, தேஸங் ததா³வ பி⁴க்கூ² உட்டா²பெத்வா ஸேனாஸனங் தா³தப்³ப³ங், அகாலோ நாம நத்தி². ஸேனாஸனபஞ்ஞாபகேன பன பண்டி³தேன ப⁴விதப்³ப³ங், ஏகங் வா த்³வே வா மஞ்சட்டா²னானி ட²பேதப்³பா³னி. ஸசே விகாலே ஏகோ வா த்³வே வா தே²ரா ஆக³ச்ச²ந்தி, தே வத்தப்³பா³ ‘‘ப⁴ந்தே, ஆதி³தோ பட்டா²ய வுட்டா²பியமானே ஸப்³பே³பி பி⁴க்கூ² உப்³ப⁴ண்டி³கா ப⁴விஸ்ஸந்தி, தும்ஹே அம்ஹாகங் வஸனட்டா²னே வஸதா²’’தி.
ப³ஹூஸு பன ஆக³தேஸு வுட்டா²பெத்வா படிபாடியா தா³தப்³ப³ங். ஸசே ஏகேகங் பரிவேணங் பஹோதி, ஏகேகங் பரிவேணங் தா³தப்³ப³ங். தத்த² அக்³கி³ஸாலாதீ³க⁴ஸாலாமண்ட³லமாளாத³யோ ஸப்³பே³பி தஸ்ஸேவ பாபுணந்தி. ஏவங் அப்பஹொந்தே பாஸாத³க்³கே³ன தா³தப்³ப³ங், பாஸாதே³ஸு அப்பஹொந்தேஸு ஓவரகக்³கே³ன தா³தப்³ப³ங், ஓவரகேஸு அப்பஹொந்தேஸு ஸெய்யக்³கே³ன தா³தப்³ப³ங், ஸெய்யக்³கே³ஸு அப்பஹொந்தேஸு மஞ்சட்டா²னேன தா³தப்³ப³ங், மஞ்சட்டா²னே அப்பஹொந்தே ஏகபீட²கட்டா²னவஸேன தா³தப்³ப³ங், பி⁴க்கு²னோ பன டி²தோகாஸமத்தங் ந கா³ஹேதப்³ப³ங். ஏதஞ்ஹி ஸேனாஸனங் நாம ந ஹோதி. பீட²கட்டா²னே பன அப்பஹொந்தே ஏகங் மஞ்சட்டா²னங் வா ஏகங் பீட²ட்டா²னங் வா ‘‘வாரேன வாரேன, ப⁴ந்தே, விஸ்ஸமதா²’’தி திண்ணங் ஜனானங் தா³தப்³ப³ங். ந ஹி ஸக்கா
219. வஸ்ஸாவாஸே பன அத்தி² ஆக³ந்துகவத்தங், அத்தி² ஆவாஸிகவத்தங். ஆக³ந்துகேன தாவ ஸகட்டா²னங் முஞ்சித்வா அஞ்ஞத்த² க³ந்த்வா வஸிதுகாமேன வஸ்ஸூபனாயிகதி³வஸமேவ தத்த² ந க³ந்தப்³ப³ங். வஸனட்டா²னங் வா ஹி தத்ர ஸம்பா³த⁴ங் ப⁴வெய்ய, பி⁴க்கா²சாரோ வா ந ஸம்பஜ்ஜெய்ய, தேன ந பா²ஸுகங் விஹரெய்ய, தஸ்மா ‘‘இதா³னி மாஸமத்தேன வஸ்ஸூபனாயிகா ப⁴விஸ்ஸதீ’’தி தங் விஹாரங் பவிஸிதப்³ப³ங். தத்த² மாஸமத்தங் வஸந்தோ ஸசே உத்³தே³ஸத்தி²கோ, உத்³தே³ஸஸம்பத்திங் ஸல்லக்கெ²த்வா, ஸசே கம்மட்டா²னிகோ, கம்மட்டா²னஸப்பாயதங் ஸல்லக்கெ²த்வா, ஸசே பச்சயத்தி²கோ, பச்சயலாப⁴ங் ஸல்லக்கெ²த்வா அந்தோவஸ்ஸே ஸுக²ங் வஸிஸ்ஸதி. ஸகட்டா²னதோ ச தத்த² க³ச்ச²ந்தேன ந கோ³சரகா³மோ க⁴ட்டேதப்³போ³. ந தத்த² மனுஸ்ஸா வத்தப்³பா³ ‘‘தும்ஹே நிஸ்ஸாய ஸலாகப⁴த்தாதீ³னி வா யாகு³க²ஜ்ஜகாதீ³னி வா வஸ்ஸாவாஸிகங் வா நத்தி², அயங் சேதியஸ்ஸ பரிக்கா²ரோ, அயங் உபோஸதா²கா³ரஸ்ஸ, இத³ங் தாளஞ்சேவ ஸூசி ச, ஸம்படிச்ச²த² தும்ஹாகங் விஹார’’ந்தி. ஸேனாஸனங் பன ஜக்³கி³த்வா தா³ருப⁴ண்ட³மத்திகாப⁴ண்டா³னி படிஸாமெத்வா க³மிகவத்தங் பூரெத்வா க³ந்தப்³ப³ங்.
ஏவங் க³ச்ச²ந்தேனபி த³ஹரேஹி பத்தசீவரப⁴ண்டி³காயோ உக்கி²பாபெத்வா தேலனாளிகத்தரத³ண்டா³தீ³னி கா³ஹெத்வா ச²த்தங் பக்³க³ய்ஹ அத்தானங் த³ஸ்ஸெந்தேன கா³மத்³வாரேனேவ ந க³ந்தப்³ப³ங், படிச்ச²ன்னேன அடவிமக்³கே³ன க³ந்தப்³ப³ங். அடவிமக்³கே³ அஸதி கு³ம்பா³தீ³னி மத்³த³ந்தேன ந க³ந்தப்³ப³ங், க³மிகவத்தங் பன பூரெத்வா விதக்கங் சி²ந்தி³த்வா ஸுத்³த⁴சித்தேன க³மனவத்தேனேவ க³ந்தப்³ப³ங். ஸசே பன கா³மத்³வாரேன மக்³கோ³ ஹோதி, க³ச்ச²ந்தஞ்ச நங் ஸபரிவாரங் தி³ஸ்வா மனுஸ்ஸா ‘‘அம்ஹாகங் தே²ரோ வியா’’தி உபதா⁴வித்வா ‘‘குஹிங், ப⁴ந்தே, ஸப்³ப³பரிக்கா²ரே க³ஹெத்வா க³ச்ச²தா²’’தி வத³ந்தி, தேஸு சே ஏகோ ஏவங் வத³தி ‘‘வஸ்ஸூபனாயிககாலோ நாமாயங், யத்த² அந்தோவஸ்ஸேனிப³த்³த⁴பி⁴க்கா²சாரோ ப⁴ண்ட³படிச்சா²த³னஞ்ச லப்³ப⁴தி, தத்த² பி⁴க்கூ² க³ச்ச²ந்தீ’’தி, தஸ்ஸ குருந்தி³யங் பன ‘‘குஹிங் க³ச்ச²தா²தி வுத்தே ‘அஸுகட்டா²ன’ந்தி வத்வா ‘கஸ்மா தத்த² க³ச்ச²தா²’தி வுத்தே ‘காரணங் ஆசிக்கி²தப்³ப³’’’ந்தி வுத்தங். உப⁴யம்பி பனேதங் ஸுத்³த⁴சித்தத்தாவ அனவஜ்ஜங். இத³ங் ஆக³ந்துகவத்தங் நாம.
இத³ங் பன ஆவாஸிகவத்தங். படிகச்சேவ ஹி ஆவாஸிகேஹி விஹாரோ ஜக்³கி³தப்³போ³, க²ண்ட³பு²ல்லபடிஸங்க²ரணபரிப⁴ண்டா³னி காதப்³பா³னி, ரத்திட்டா²னதி³வாட்டா²னவச்சகுடிபஸ்ஸாவட்டா²னானி பதா⁴னக⁴ரவிஹாரமக்³கோ³தி இமானி ஸப்³பா³னி படிஜக்³கி³தப்³பா³னி. சேதியே ஸுதா⁴கம்மங் முண்ட³வேதி³காய தேலமக்க²னங் மஞ்சபீட²ஜக்³க³னந்தி இத³ம்பி ஸப்³ப³ங் காதப்³ப³ங் ‘‘வஸ்ஸங் வஸிதுகாமா ஆக³ந்த்வா உத்³தே³ஸபரிபுச்சா²கம்மட்டா²னானுயோகா³தீ³னி கரொந்தா ஸுக²ங் வஸிஸ்ஸந்தீ’’தி. கதபரிகம்மேஹி ஆஸாள்ஹீஜுண்ஹபஞ்சமிதோ பட்டா²ய வஸ்ஸாவாஸிகங் புச்சி²தப்³ப³ங். கத்த² புச்சி²தப்³ப³ங்? யதோ பகதியா லப்³ப⁴தி. யேஹி பன ந தி³ன்னபுப்³ப³ங், தே புச்சி²துங் ந வட்டதி. கஸ்மா புச்சி²தப்³ப³ங்? கதா³சி ஹி மனுஸ்ஸா தெ³ந்தி, கதா³சி து³ப்³பி⁴க்கா²தீ³ஹி உபத்³து³தா ந தெ³ந்தி, தத்த² யே ந த³ஸ்ஸந்தி, தே அபுச்சி²த்வா வஸ்ஸாவாஸிகே கா³ஹிதே கா³ஹிதபி⁴க்கூ²னங் லாப⁴ந்தராயோ ஹோதி, தஸ்மா புச்சி²த்வாவ கா³ஹேதப்³ப³ங்.
புச்ச²ந்தேன ‘‘தும்ஹாகங் வஸ்ஸாவாஸிகங் கா³ஹணகாலோ உபகட்டோ²’’தி வத்தப்³ப³ங். ஸசே வத³ந்தி ‘‘ப⁴ந்தே, இமங் ஸங்வச்ச²ரங் சா²தகாதீ³ஹி உபத்³து³தம்ஹ, ந ஸக்கோம தா³து’’ந்தி வா ‘‘யங் புப்³பே³ தே³ம, ததோ ஊனதரங் த³ஸ்ஸாமா’’தி வா ‘‘இதா³னி கப்பாஸோ ஸுலபோ⁴, யங் புப்³பே³ தே³ம, ததோ ப³ஹுதரங் த³ஸ்ஸாமா’’தி வா, தங் ஸல்லக்கெ²த்வா தத³னுரூபேன நயேன தேஸங் ஸேனாஸனே பி⁴க்கூ²னங் வஸ்ஸாவாஸிகங் கா³ஹேதப்³ப³ங். ஸசே மனுஸ்ஸா வத³ந்தி ‘‘யஸ்ஸ அம்ஹாகங் வஸ்ஸாவாஸிகங் பாபுணாதி, ஸோ தேமாஸங் பானீயங் உபட்டா²பேது, விஹாரமக்³க³ங் ஜக்³க³து, சேதியங்க³ணபோ³தி⁴யங்க³ணானி ஜக்³க³து, போ³தி⁴ருக்கே² உத³கங் ஆஸிஞ்சதூ’’தி, யஸ்ஸ தங் பாபுணாதி, தஸ்ஸ ஆசிக்கி²தப்³ப³ங். யோ பன கா³மோ படிக்கம்ம யோஜனத்³வியோஜனந்தரே ஹோதி, தத்ர சே குலானி உபனிக்கே²பங்
தத்ருப்பாதே³ பன கப்பியகாரகா புச்சி²தப்³பா³. கத²ங் புச்சி²தப்³பா³? கிங், ஆவுஸோ, ஸங்க⁴ஸ்ஸ ப⁴ண்ட³படிச்சா²த³னங் ப⁴விஸ்ஸதீதி? ஸசே வத³ந்தி ‘‘ப⁴விஸ்ஸதி, ப⁴ந்தே, ஏகேகஸ்ஸ நவஹத்த²ஸாடகங் த³ஸ்ஸாம, வஸ்ஸாவாஸிகங் கா³ஹேதா²’’தி, கா³ஹேதப்³ப³ங். ஸசேபி வத³ந்தி ‘‘ஸாடகா நத்தி², வத்து² பன அத்தி², கா³ஹேத², ப⁴ந்தே’’தி, வத்து²ம்ஹி ஸந்தேபி கா³ஹேதுங் வட்டதியேவ. கப்பியகாரகானஞ்ஹி ஹத்தே² ‘‘கப்பியப⁴ண்ட³ங் பரிபு⁴ஞ்ஜதா²’’தி தி³ன்னவத்து²தோ யங் யங் கப்பியங், ஸப்³ப³ங் பரிபு⁴ஞ்ஜிதுங் அனுஞ்ஞாதங். யங் பனெத்த² பிண்ட³பாதத்தா²ய கி³லானபச்சயத்தா²ய ச உத்³தி³ஸ்ஸ தி³ன்னங், தங் சீவரே உபனாமெந்தேஹி ஸங்க⁴ஸுட்டு²தாய அபலோகெத்வா உபனாமேதப்³ப³ங், ஸேனாஸனத்தா²ய பன உத்³தி³ஸ்ஸ தி³ன்னங் க³ருப⁴ண்ட³ங் ஹோதி. சீவரவஸேனேவ பன சதுபச்சயவஸேன வா தி³ன்னங் சீவரே உபனாமெந்தானங் அபலோகனகம்மகிச்சங் நத்தி². அபலோகனகம்மங் கரொந்தேஹி ச புக்³க³லவஸேனேவ காதப்³ப³ங், ஸங்க⁴வஸேன ந காதப்³ப³ங். ஜாதரூபரஜதவஸேனபி ஆமகத⁴ஞ்ஞவஸேன வா அபலோகனகம்மங் ந வட்டதி, கப்பியப⁴ண்ட³வஸேன சீவரதண்டு³லாதி³வஸேனேவ ச வட்டதி. தங் பன ஏவங் கத்தப்³ப³ங் ‘‘இதா³னி ஸுபி⁴க்க²ங் ஸுலப⁴பிண்ட³ங், பி⁴க்கூ² சீவரேன கிலமந்தி, எத்தகங் நாம தண்டு³லபா⁴க³ங் பி⁴க்கூ²னங் சீவரங் காதுங் ருச்சதீ’’தி, ‘‘கி³லானபச்சயோ ஸுலபோ⁴, கி³லானோ வா நத்தி², எத்தகங் நாம தண்டு³லபா⁴க³ங் பி⁴க்கூ²னங் சீவரங் காதுங் ருச்சதீ’’தி.
ஏவங் சீவரபச்சயங் ஸல்லக்கெ²த்வா ஸேனாஸனஸ்ஸ காலே கோ⁴ஸிதே ஸன்னிபதிதே ஸங்கே⁴ ஸேனாஸனக்³கா³ஹகோ ஸம்மன்னிதப்³போ³. ஸம்மன்னந்தேன ச த்³வே ஸம்மன்னிதப்³பா³தி வுத்தங். ஏவஞ்ஹி நவகோ வுட்³ட⁴ஸ்ஸ, வுட்³டோ⁴ ச நவகஸ்ஸ கா³ஹெஸ்ஸதீதி. மஹந்தே பன மஹாவிஹாரஸதி³ஸே விஹாரே தயோ சத்தாரோ ஜனா ஸம்மன்னிதப்³பா³. குருந்தி³யங் பன ‘‘அட்ட²பி ஸோளஸபி ஜனே ஸம்மன்னிதுங்
220. கா³ஹெந்தேன ச ‘‘அனுஜானாமி, பி⁴க்க²வே, பட²மங் பி⁴க்கூ² க³ணேதுங், பி⁴க்கூ² க³ணெத்வா ஸெய்யா க³ணேதுங், ஸெய்யா க³ணெத்வா ஸெய்யக்³கே³ன கா³ஹேது’’ந்தி(சூளவ॰ 318) ஆதி³வசனதோ பட²மங் விஹாரே
‘‘ந, பி⁴க்க²வே, நிஸ்ஸீமே டி²தஸ்ஸ ஸேனாஸனங் கா³ஹேதப்³ப³ங், யோ கா³ஹெய்ய, ஆபத்தி து³க்கடஸ்ஸா’’தி (சூளவ॰ 318) வசனதோ உபசாரஸீத⁴தோ ப³ஹி டி²தஸ்ஸ ந கா³ஹேதப்³ப³ங், அந்தோஉபசாரஸீமாய பன தூ³ரே டி²தஸ்ஸபி லப்³ப⁴தியேவ.
‘‘அனுஜானாமி, பி⁴க்க²வே, கி³லானஸ்ஸ பதிரூபங் ஸெய்யங் தா³து’’ந்தி (சூளவ॰ 316) வசனதோ யோ (சூளவ॰ அட்ட²॰ 316) காஸஸாஸப⁴க³ந்த³ராதிஸாராதீ³ஹி கி³லானோ ஹோதி, கே²ளமல்லகவச்சகபாலாதீ³னி ட²பேதப்³பா³னி ஹொந்தி, குட்டீ² வா ஹோதி, ஸேனாஸனங் தூ³ஸேதி, ஏவரூபஸ்ஸ ஹெட்டா²பாஸாத³பண்ணஸாலாதீ³ஸு அஞ்ஞதரங் ஏகமந்தங் ஸேனாஸனங் தா³தப்³ப³ங். யஸ்மிங் வஸந்தே ஸேனாஸனங் ந து³ஸ்ஸதி, தஸ்ஸ வரஸெய்யாபி தா³தப்³பா³வ. யோபி ஸினேஹபானவிரேசனநத்து²கம்மாதீ³ஸு யங் கிஞ்சி
‘‘ந, பி⁴க்க²வே, ஏகேன த்³வே படிபா³ஹேதப்³பா³, யோ படிபா³ஹெய்ய, ஆபத்தி து³க்கடஸ்ஸா’’தி (சூளவ॰ 319) வசனதோ ஏகேன த்³வே ஸேனாஸனானி ந க³ஹேதப்³பா³னி. ஸசேபி க³ண்ஹெய்ய, பச்சி²மேன க³ஹணேன புரிமக்³க³ஹணங் படிப்பஸ்ஸம்ப⁴தி. க³ஹணேன ஹி க³ஹணங் படிப்பஸ்ஸம்ப⁴தி, க³ஹணேன ஆலயோ படிப்பஸ்ஸம்ப⁴தி, ஆலயேன க³ஹணங் படிப்பஸ்ஸம்ப⁴தி, ஆலயேன ஆலயோ படிப்பஸ்ஸம்ப⁴தி. கத²ங்? இதே⁴கச்சோ (சூளவ॰ அட்ட²॰ 319) வஸ்ஸூபனாயிகதி³வஸே ஏகஸ்மிங் விஹாரே ஸேனாஸனங் க³ஹெத்வா ஸாமந்தவிஹாரங் க³ந்த்வா தத்ராபி க³ண்ஹாதி, தஸ்ஸ இமினா க³ஹணேன புரிமக்³க³ஹணங் படிப்பஸ்ஸம்ப⁴தி. அபரோ ‘‘இத⁴ வஸிஸ்ஸாமீ’’தி ஆலயமத்தங் கத்வா ஸாமந்தவிஹாரங் க³ந்த்வா தத்த² ஸேனாஸனங் க³ண்ஹாதி, தஸ்ஸ இமினா க³ஹணேனேவ புரிமோ ஆலயோ படிப்பஸ்ஸம்ப⁴தி. ஏகோ ‘‘இத⁴ வஸிஸ்ஸாமீ’’தி ஸேனாஸனங் வா க³ஹெத்வா ஆலயங் வா கத்வா ஸாமந்தவிஹாரங் க³ந்த்வா ‘‘இதே⁴வ தா³னி வஸிஸ்ஸாமீ’’தி ஆலயங் கரோதி, இச்சஸ்ஸ ஆலயேன வா க³ஹணங், ஆலயேன வா ஆலயோ
ஸேனாஸனக்³கா³ஹகேன ச ஸேனாஸனங் கா³ஹெத்வா வஸ்ஸாவாஸிகங் கா³ஹேதப்³ப³ங். கா³ஹெந்தேன ஸசே ஸங்கி⁴கோ ச ஸத்³தா⁴தெ³ய்யோ சாதி த்³வே சீவரபச்சயா ஹொந்தி, தேஸு யங் பி⁴க்கூ² பட²மங் க³ஹிதுங் இச்ச²ந்தி, தங் க³ஹெத்வா தஸ்ஸ டி²திகதோ பட்டா²ய இதரோ கா³ஹேதப்³போ³. ‘‘ஸசே பி⁴க்கூ²னங் அப்பதாய பரிவேணக்³கே³ன ஸேனாஸனே கா³ஹியமானே ஏகங் பரிவேணங் மஹாலாப⁴ங் ஹோதி, த³ஸ வா த்³வாத³ஸ வா சீவரானி லப⁴ந்தி, தங் விஜடெத்வா அஞ்ஞேஸு அலாப⁴கேஸு ஆவாஸேஸு பக்கி²பித்வா அஞ்ஞேஸம்பி பி⁴க்கூ²னங் கா³ஹேதப்³ப³’’ந்தி மஹாஸுமத்தே²ரோ ஆஹ. மஹாபது³மத்தே²ரோ பனாஹ ‘‘ந ஏவங்
221. ஸசே பனெத்த² மஹாதே²ரோ படிக்கோஸதி ‘‘மா, ஆவுஸோ, ஏவங் கா³ஹேத², ப⁴க³வதோ அனுஸிட்டி²ங் கரோத². வுத்தஞ்ஹேதங் ப⁴க³வதா ‘‘அனுஜானாமி, பி⁴க்க²வே, பரிவேணக்³கே³ன கா³ஹேது’’ந்தி (சூளவ॰ 318). தஸ்ஸ படிக்கோஸனாய அட்ட²த்வா ‘‘ப⁴ந்தே, பி⁴க்கூ² ப³ஹூ, பச்சயோ மந்தோ³, ஸங்க³ஹங் காதுங் வட்டதீ’’தி ஸஞ்ஞாபெத்வா கா³ஹேதப்³ப³மேவ. கா³ஹெந்தேன ச ஸம்மதேன பி⁴க்கு²னா மஹாதே²ரஸ்ஸ ஸந்திகங் க³ந்த்வா ஏவங் வத்தப்³ப³ங் ‘‘ப⁴ந்தே, தும்ஹாகங் ஸேனாஸனங் பாபுணாதி, பச்சயங் தா⁴ரேதா²’’தி. அஸுககுலஸ்ஸ பச்சயோ அஸுகஸேனாஸனஞ்ச மய்ஹங் பாபுணாதி, ஆவுஸோதி. பாபுணாதி ப⁴ந்தே, க³ண்ஹத² நந்தி. க³ண்ஹாமி, ஆவுஸோதி. க³ஹிதங் ஹோதி. ‘‘ஸசே பன ‘க³ஹிதங் வோ, ப⁴ந்தே’தி வுத்தே ‘க³ஹிதங் மே’தி வா, ‘க³ண்ஹிஸ்ஸத², ப⁴ந்தே’தி வுத்தே ‘க³ண்ஹிஸ்ஸாமீ’தி வா வத³தி, அக்³க³ஹிதங் ஹோதீ’’தி மஹாஸுமத்தே²ரோ ஆஹ. மஹாபது³மத்தே²ரோ பனாஹ ‘‘அதீதானாக³தவசனங் வா ஹோது வத்தமானவசனங் வா, ஸதுப்பாத³மத்தங் ஆலயகரணமத்தமேவ செத்த² பமாணங், தஸ்மா க³ஹிதமேவ ஹோதீ’’தி.
யோபி பங்ஸுகூலிகோ பி⁴க்கு² ஸேனாஸனங் க³ஹெத்வா பச்சயங் விஸ்ஸஜ்ஜேதி, அயம்பி ந அஞ்ஞஸ்மிங் ஆவாஸே பக்கி²பிதப்³போ³, தஸ்மிங்யேவ பரிவேணே அக்³கி³ஸாலாய வா தீ³க⁴ஸாலாய வா ருக்க²மூலே வா அஞ்ஞஸ்ஸ கா³ஹேதுங் வட்டதி. பங்ஸுகூலிகோ ‘‘வஸாமீ’’தி ஸேனாஸனங் ஜக்³கி³ஸ்ஸதி, இதரோ ‘‘பச்சயங் க³ண்ஹாமீ’’தி ஏவங் த்³வீஹி காரணேஹி ஸேனாஸனங் ஸுஜக்³கி³ததரங் ப⁴விஸ்ஸதி. மஹாபச்சரியங் மஹாபச்சரியங் வுத்தங்.
ஸேனாஸனக்³கா³ஹகேன பன பாடிபத³அருணதோ பட்டா²ய யாவ புன அருணங் ந பி⁴ஜ்ஜதி, தாவ கா³ஹேதப்³ப³ங். இத³ஞ்ஹி ஸேனாஸனக்³கா³ஹஸ்ஸ கெ²த்தங். ஸசே பாதோவ கா³பி⁴தே ஸேனாஸனே அஞ்ஞோ விதக்கசாரிகோ பி⁴க்கு² ஆக³ந்த்வா ஸேனாஸனங் யாசதி, ‘‘க³ஹிதங், ப⁴ந்தே, ஸேனாஸனங், வஸ்ஸூபக³தோ ஸங்கோ⁴, ரமணீயோ விஹாரோ, ருக்க²மூலாதீ³ஸு யத்த² இச்ச²த², தத்த² வஸதா²’’தி வத்தப்³போ³. பச்சி²மவஸ்ஸூபனாயிகதி³வஸே பன ஸசே காலங் கோ⁴ஸெத்வா ஸன்னிபதிதே ஸங்கே⁴ கோசி த³ஸஹத்த²ங் வத்த²ங் ஆஹரித்வா வஸ்ஸாவாஸிகங் தே³தி, ஆக³ந்துகோ சே பி⁴க்கு² ஸங்க⁴த்தே²ரோ ஹோதி, தஸ்ஸ தா³தப்³ப³ங். நவகோ சே ஹோதி, ஸம்மதேன பி⁴க்கு²னா ஸங்க⁴த்தே²ரோ வத்தப்³போ³ ‘‘ஸசே, ப⁴ந்தே, இச்ச²த², பட²மபா⁴க³ங் முஞ்சித்வா இத³ங் வத்த²ங் க³ண்ஹதா²’’தி, அமுஞ்சந்தஸ்ஸ ந தா³தப்³ப³ங். ஸசே பன புப்³பே³ கா³ஹிதங் முஞ்சித்வா க³ண்ஹாதி, தா³தப்³ப³ங். ஏதேனேவ உபாயேன து³தியத்தே²ரதோ பட்டா²ய பரிவத்தெத்வா பத்தட்டா²னேவ ஆக³ந்துகஸ்ஸ தா³தப்³ப³ங். ஸசே பன பட²மவஸ்ஸூபக³தா த்³வே தீணி சத்தாரி பஞ்ச வா வத்தா²னி அலத்து²ங், லத்³த⁴ங் லத்³த⁴ங் ஏதேனேவ உபாயேன விஸ்ஸஜ்ஜாபெத்வா யாவ ஆக³ந்துகஸ்ஸ ஸமகங் ஹோதி, தாவ தா³தப்³ப³ங். தேன ஸமகே லத்³தே⁴ அவஸிட்டோ² அனுபா⁴கோ³ தே²ராஸனே தா³தப்³போ³. பச்சுப்பன்னே லாபே⁴ ஸதி டி²திகாய கா³ஹேதுங் கதிகங் காதுங் வட்டதி.
ஸசே து³ப்³பி⁴க்க²ங் ஹோதி, த்³வீஸுபி வஸ்ஸூபனாயிகாஸு வஸ்ஸூபக³தா பி⁴க்கூ² பி⁴க்கா²ய கிலமந்தா ‘‘ஆவுஸோ, இத⁴ வஸந்தா ஸப்³பே³வ கிலமாம, ஸாது⁴ வத த்³வே பா⁴கா³ ஹோம, யேஸங் ஞாதிபவாரிதட்டா²னானி அத்தி², தே தத்த² வஸித்வா பவாரணாய ஆக³ந்த்வா அத்தனோ பத்தங் வஸ்ஸாவாஸிகங் க³ண்ஹந்தூ’’தி வத³ந்தி, தேஸு யே தத்த² வஸித்வா பவாரணாய ஆக³ச்ச²ந்தி, தேஸங் அபலோகெத்வா குருந்தி³யங் பன வுத்தங் ‘‘கதிகவத்தங் காதப்³ப³ங் ‘ஸப்³பே³ஸங் நோ இத⁴ யாகு³ப⁴த்தங்
ஸசே வுட்ட²வஸ்ஸோ தி³ஸங்க³மிகோ பி⁴க்கு² ஆவாஸிகஸ்ஸ ஹத்த²தோ கிஞ்சிதே³வ கப்பியப⁴ண்ட³ங் க³ஹெத்வா ‘‘அஸுககுலே மய்ஹங் வஸ்ஸாவாஸிகங் பத்தங், தங் க³ண்ஹதா²’’தி வத்வா க³தட்டா²னே விப்³ப⁴மதி, வஸ்ஸாவாஸிகங் ஸங்கி⁴கங் ஹோதி. ஸசே பன மனுஸ்ஸே ஸம்முகா² ஸம்படிச்சா²பெத்வா க³ச்ச²தி, லப⁴தி. ‘‘இத³ங் வஸ்ஸாவாஸிகங் அம்ஹாகங் ஸேனாஸனே வுத்த²பி⁴க்கு²னோ தே³மா’’தி வுத்தே யஸ்ஸ கா³ஹிதங், தஸ்ஸேவ ஹோதி. ஸசே பன ஸேனாஸனஸாமிகஸ்ஸ பியகம்யதாய புத்ததீ⁴தாத³யோ ப³ஹூனி வத்தா²னி ஆஹரித்வா ‘‘அம்ஹாகங் ஸேனாஸனே தே³மா’’தி தெ³ந்தி, தத்த² வஸ்ஸூபக³தஸ்ஸ ஏகமேவ வத்த²ங் தா³தப்³ப³ங், ஸேஸானி ஸங்கி⁴கானி ஹொந்தி. வஸ்ஸாவாஸிகடி²திகாய கா³ஹேதப்³பா³னி, டி²திகாய அஸதி தே²ராஸனதோ பட்டா²ய கா³ஹேதப்³பா³னி. ஸேனாஸனே வஸ்ஸூபக³தங் பி⁴க்கு²ங் நிஸ்ஸாய உப்பன்னேன சித்தப்பஸாதே³ன ப³ஹூனி வத்தா²னி ஆஹரித்வா ‘‘ஸேனாஸனஸ்ஸ தே³மா’’தி தி³ன்னேஸுபி ஏஸேவ நயோ. ஸசே பன பாத³மூலே ட²பெத்வா ‘‘ஏதஸ்ஸ பி⁴க்கு²னோ தே³மா’’தி வத³ந்தி, தஸ்ஸேவ ஹொந்தி.
ஏகஸ்ஸ கே³ஹே த்³வே வஸ்ஸாவாஸிகானி, பட²மபா⁴கோ³ ஸாமணேரஸ்ஸ கா³ஹிதோ ஹோதி, து³தியோ தே²ராஸனே. ஸோ ஏகங் த³ஸஹத்த²ங், ஏகங் அட்ட²ஹத்த²ங் ஸாடகங் பேஸேதி ‘‘வஸ்ஸாவாஸிகங் பத்தபி⁴க்கூ²னங் தே³தா²’’தி, விசினித்வா வரபா⁴க³ங் ஸாமணேரஸ்ஸ த³த்வா அனுபா⁴கோ³ தே²ராஸனே தா³தப்³போ³ மஹாபச்சரியங் ஆக³தனயோ ஹோதி – ஏகஸ்ஸ க⁴ரே த³ஹரஸாமணேரஸ்ஸ வஸ்ஸாவாஸிகங் பாபுணாதி, ஸோ சே புச்ச²தி ‘‘அம்ஹாகங் வஸ்ஸாவாஸிகங் கஸ்ஸ பத்த’’ந்தி, ‘‘ஸாமணேரஸ்ஸா’’தி அவத்வா
அயங் தாவ அந்தோவஸ்ஸே வஸ்ஸூபனாயிகதி³வஸவஸேன
ஸேனாஸனக்³கா³ஹகதா².
222. அயமபரோபி உதுகாலே அந்தராமுத்தகோ நாம ஸேனாஸனக்³கா³ஹோ வேதி³தப்³போ³. தி³வஸவஸேன ஹி திவிதோ⁴ ஸேனாஸனக்³கா³ஹோ புரிமகோ பச்சி²மகோ அந்தராமுத்தகோதி. வுத்தஞ்ஹேதங் –
‘‘தயோமே, பி⁴க்க²வே, ஸேனாஸனக்³கா³ஹா, புரிமகோ பச்சி²மகோ அந்தராமுத்தகோ. அபரஜ்ஜுக³தாய ஆஸாள்ஹியா புரிமகோ கா³ஹேதப்³போ³, மாஸக³தாய ஆஸாள்ஹியா பச்சி²மகோ கா³ஹேதப்³போ³, அபரஜ்ஜுக³தாய பவாரணாய ஆயதிங் வஸ்ஸாவாஸத்தா²ய அந்தராமுத்தகோ கா³ஹேதப்³போ³’’தி (மஹாவ॰ 318).
ஏதேஸு (சூளவ॰ அட்ட²॰ 318) தீஸு ஸேனாஸனக்³கா³ஹேஸு புரிமகோ பச்சி²மகோ சாதி இமே த்³வே கா³ஹா தா²வரா, அந்தராமுத்தகோ பன ஸேனாஸனபடிஜக்³க³னத்த²ங் ப⁴க³வதா அனுஞ்ஞாதோ. ததா² ஹி ஏகஸ்மிங் விஹாரே மஹாலாப⁴ங் ஸேனாஸனங் ஹோதி, ஸேனாஸனஸாமிகா வஸ்ஸூபக³தங் பி⁴க்கு²ங் ஸப்³ப³பச்சயேஹி ஸக்கச்சங் உபட்ட²ஹித்வா பவாரெத்வா க³மனகாலே ப³ஹுங் ஸமணபரிக்கா²ரங் தெ³ந்தி, மஹாதே²ரா தூ³ரதோவ ஆக³ந்த்வா வஸ்ஸூபனாயிகதி³வஸே தங்
தங் கா³ஹெந்தேன ஸங்க⁴த்தே²ரோ வத்தப்³போ³ ‘‘ப⁴ந்தே, அந்தராமுத்தகஸேனாஸனங் க³ண்ஹதா²’’தி. ஸசே க³ண்ஹாதி
223. ‘‘அனுஜானாமி, பி⁴க்க²வே, அகதங் வா விஹாரங் விப்பகதங் வா நவகம்மங் தா³துங், கு²த்³த³கே விஹாரே கம்மங் ஓலோகெத்வா ச²ப்பஞ்சவஸ்ஸிகங் நவகம்மங் தா³துங், அட்³ட⁴யோகே³ கம்மங் ஓலோகெத்வா ஸத்தட்ட²வஸ்ஸிகங் நவகம்மங் தா³துங், மஹல்லகே விஹாரே பாஸாதே³ வா கம்மங் ஓலோகெத்வா த³ஸத்³வாத³ஸவஸ்ஸிகங் நவகம்மங் தா³து’’ந்தி (சூளவ॰ 323) வசனதோ அகதங் விப்பகதங் வா ஸேனாஸனங் ஏகஸ்ஸ பி⁴க்கு²னோ அபலோகனேன வா கம்மவாசாய வா ஸாவெத்வா நவகம்மங்
து³ப்³பி⁴க்கே² பி⁴க்கூ²ஸு பக்கந்தேஸு ஸப்³பே³ ஆவாஸா நஸ்ஸந்தி, தஸ்மா ஏகங் வா த்³வே வா தயோ வா
குருந்தி³யங் பன வுத்தங் ‘‘ஸங்கி⁴கே பச்சயே அஸதி ஏகோ பி⁴க்கு² ‘துய்ஹங் ஏகமஞ்சட்டா²னங் க³ஹெத்வா ஜக்³கா³ஹீ’தி வத்தப்³போ³. ஸசே ப³ஹுதரங் இச்ச²தி, திபா⁴க³ங் வா உபட்³ட⁴பா⁴க³ங் வா த³த்வாபி ஜக்³கா³பேதப்³ப³ங். அத² த²ம்ப⁴மத்தமேவெத்த² அவஸிட்ட²ங், ப³ஹுகம்மங் காதப்³ப³ந்தி ந இச்ச²தி, ‘துய்ஹங் புக்³க³லிகமேவ கத்வா ஜக்³கா³ஹீ’தி தா³தப்³ப³ங். ஏவம்பி ஹி ‘ஸங்க⁴ஸ்ஸ ப⁴ண்ட³கட²பனட்டா²னஞ்ச நவகானஞ்ச வஸனட்டா²னங் லபி⁴ஸ்ஸதீ’தி ஜக்³கா³பேதப்³போ³. ஏவங் ஜக்³கி³தோ பன தஸ்மிங் ஜீவந்தே புக்³க³லிகோ ஹோதி, மதே ஸங்கி⁴கோவ. ஸசே ஸத்³தி⁴விஹாரிகானங் தா³துகாமோ ஹோதி, கம்மங் ஓலோகெத்வா திபா⁴க³ங் வா உபட்³ட⁴ங் வா புக்³க³லிகங் கத்வா ஜக்³கா³பேதப்³போ³. ஏவஞ்ஹி ஸத்³தி⁴விஹாரிகானங் தா³துங் லப⁴தி. ஏவங் ஜக்³க³னகே பன அஸதி ஏகங் ஆவாஸங் விஸ்ஸஜ்ஜெத்வாதிஆதி³னா நயேன ஜக்³கா³பேதப்³போ³’’தி வுத்தங். இத³ம்பி ச அஞ்ஞங் தத்தே²வ வுத்தங்.
த்³வே பி⁴க்கூ² ஸங்கி⁴கபூ⁴மிங் க³ஹெத்வா ஸோதெ⁴த்வா ஸங்கி⁴கஸேனாஸனங் கரொந்தி, யேன ஸா பூ⁴மி பட²மங் க³ஹிதா, ஸோ ஸாமீ. உபோ⁴பி புக்³க³லிகங் கரொந்தி, ஸோயேவ ஸாமீ. ஸோ ஸங்கி⁴கங் கரோதி, இதரோ புக்³க³லிகங் கரோதி, அஞ்ஞங் சே ப³ஹு ஸேனாஸனட்டா²னங் அத்தி², புக்³க³லிகங் கரொந்தோபி ந வாரேதப்³போ³. அஞ்ஞஸ்மிங் பன தாதி³ஸே பதிரூபே டா²னே அஸதி
224. யோ பன ஸங்கி⁴கங் வல்லிமத்தம்பி அக்³க³ஹெத்வா ஆஹரிமேன உபகரணேன ஸங்கி⁴காய பூ⁴மியா புக்³க³லிகவிஹாரங் காரேதி, உபட்³ட⁴ங் ஸங்கி⁴கங் ஹோதி, உபட்³ட⁴ங் புக்³க³லிகங். பாஸாதோ³ சே ஹோதி, ஹெட்டா²பாஸாதோ³ ஸங்கி⁴கோ, உபரி புக்³க³லிகோ. ஸசே யோ ஹெட்டா²பாஸாத³ங் இச்ச²தி, ஹெட்டா²பாஸாத³ங் தஸ்ஸ ஹோதி. அத² ஹெட்டா² ச உபரி ச இச்ச²தி, உப⁴யத்த² உபட்³ட⁴ங் லப⁴தி. த்³வே ஸேனாஸனானி காரேதி, ஏகங் ஸங்கி⁴கங், ஏகங் புக்³க³லிகங். ஸசே விஹாரே உட்டி²தேன த³ப்³ப³ஸம்பா⁴ரேன காரேதி, திபா⁴க³ங் லப⁴தி. ஸசே அகதட்டா²னே சயங் வா பமுக²ங் வா கரோதி ப³ஹிகுட்டே, உபட்³ட⁴ங் ஸங்க⁴ஸ்ஸ, உபட்³ட⁴ங் தஸ்ஸ. அத² மஹந்தங் விஸமங் பூரெத்வா அபதே³ பத³ங் த³ஸ்ஸெத்வா கதங் ஹோதி, அனிஸ்ஸரோ தத்த² ஸங்கோ⁴.
ஸசே
225. அயங் சதுபச்சயஸாதா⁴ரணகதா² (சூளவ॰ அட்ட²॰ 325 பக்கி²கப⁴த்தாதி³கதா²) – ஸம்மதேன அப்பமத்தகவிஸ்ஸஜ்ஜகேன பி⁴க்கு²னா சீவரகம்மங் கரொந்தஸ்ஸ ‘‘ஸூசிங் தே³ஹீ’’தி வத³தோ ஏகா தீ³கா⁴, ஏகா ரஸ்ஸாதி த்³வே ஸூசியோ தா³தப்³பா³. ‘‘அவிப⁴த்தங் ஸங்கி⁴கப⁴ண்ட³’’ந்தி புச்சி²தப்³ப³கிச்சங் நத்தி². பிப்ப²லத்தி²கஸ்ஸ ஏகோ பிப்ப²லகோ, கந்தாரங் படிபஜ்ஜிதுகாமஸ்ஸ உபாஹனயுக³ளங், காயப³ந்த⁴னத்தி²கஸ்ஸ காயப³ந்த⁴னங், ‘‘அங்ஸப³த்³த⁴கோ மே ஜிண்ணோ’’தி ஆக³தஸ்ஸ அங்ஸப³த்³த⁴கோ, பரிஸ்ஸாவனத்தி²கஸ்ஸ பரிஸ்ஸாவனங் தா³தப்³ப³ங், த⁴ம்மகரணத்தி²கஸ்ஸ த⁴ம்மகரணோ. ஸசே பட்டகோ ந ஹோதி, த⁴ம்மகரணோ பட்டகேன ஸத்³தி⁴ங் தா³தப்³போ³. ‘‘ஆக³ந்துகபத்தங் ஆரோபெஸ்ஸாமீ’’தி யாசந்தஸ்ஸ குஸியா ச அட்³ட⁴குஸியா ச பஹோனகங் தா³தப்³ப³ங். ‘‘மண்ட³லங் நப்பஹோதீ’’தி ஆக³தஸ்ஸ மண்ட³லங் ஏகங் தா³தப்³ப³ங், அட்³ட⁴மண்ட³லானி த்³வே தா³தப்³பா³னி, த்³வே மண்ட³லானி யாசந்தஸ்ஸ ந தா³தப்³பா³னி. அனுவாதபரிப⁴ண்ட³த்தி²கஸ்ஸ ஏகஸ்ஸ சீவரஸ்ஸ பஹோனகங் தா³தப்³ப³ங், ஸப்பினவனீதாதி³அத்தி²கஸ்ஸ கி³லானஸ்ஸ ஏகங் பே⁴ஸஜ்ஜங் நாளிமத்தங் கத்வா ததோ ததியகொட்டா²ஸோ தா³தப்³போ³. ஏவங் தீணி தி³வஸானி த³த்வா நாளியா பரிபுண்ணாய சதுத்த²தி³வஸதோ பட்டா²ய ஸங்க⁴ங் ஆபுச்சி²த்வா தா³தப்³ப³ங், கு³ளபிண்டே³பி ஏகதி³வஸங் ததியபா⁴கோ³ தா³தப்³போ³. ஏவங் தீஹி தி³வஸேஹி நிட்டி²தே பிண்டே³ ததோ பரங் ஸங்க⁴ங் ஆபுச்சி²த்வா தா³தப்³ப³ங். ஸம்மன்னித்வா ட²பிதயாகு³பா⁴ஜகாதீ³ஹி ச பா⁴ஜனீயட்டா²னங் ஆக³தமனுஸ்ஸானங் அனாபுச்சி²த்வாவ உபட்³ட⁴பா⁴கோ³ தா³தப்³போ³. அஸம்மதேஹி பன அபலோகெத்வா தா³தப்³போ³தி.
ஸங்க⁴ஸ்ஸ ஸந்தகங் ஸம்மதேன வா ஆணத்தேஹி வா ஆராமிகாதீ³ஹி தீ³யமானங், கி³ஹீனஞ்ச ஸந்தகங்
பிண்டா³ய
பாளிங் அட்ட²கத²ஞ்சேவ, ஓலோகெத்வா விசக்க²ணோ;
ஸங்கி⁴கே பச்சயே ஏவங், அப்பமத்தோவ பா⁴ஜயேதி.
இதி பாளிமுத்தகவினயவினிச்ச²யஸங்க³ஹே ஸப்³பா³காரதோ
சதுபச்சயபா⁴ஜனீயவினிச்ச²யகதா² ஸமத்தா.