31. சோத³னாதி³வினிச்ச²யகதா²
230. சோத³னாதி³வினிச்ச²யோதி
அயங் பன சோத³னா நாம தி³ட்ட²சோத³னா ஸுதசோத³னா பரிஸங்கிதசோத³னாதி திவிதா⁴ ஹோதி. அபராபி சதுப்³பி³தா⁴ ஹோதி ஸீலவிபத்திசோத³னா ஆசாரவிபத்திசோத³னா தி³ட்டி²விபத்திசோத³னா ஆஜீவவிபத்திசோத³னாதி. தத்த² க³ருகானங் த்³வின்னங் ஆபத்திக்க²ந்தா⁴னங் வஸேன ஸீலவிபத்திசோத³னா வேதி³தப்³பா³ ஆசாரவிபத்திசோத³னா, மிச்சா²தி³ட்டி²அந்தக்³கா³ஹிகதி³ட்டி²வஸேன தி³ட்டி²விபத்திசோத³னா, ஆஜீவஹேது பஞ்ஞத்தானங் ச²ன்னங் ஸிக்கா²பதா³னங் வஸேன ஆஜீவவிபத்திசோத³னா வேதி³தப்³பா³.
அபராபி சதுப்³பி³தா⁴ ஹோதி வத்து²ஸந்த³ஸ்ஸனா ஆபத்திஸந்த³ஸ்ஸனா ஸங்வாஸபடிக்கே²போ ஸாமீசிபடிக்கே²போதி. தத்த² வத்து²ஸந்த³ஸ்ஸனா நாம ‘‘த்வங் மேது²னங் த⁴ம்மங் படிஸேவி, அதி³ன்னங் ஆதி³யி, மனுஸ்ஸங் கா⁴தயித்த², அபூ⁴தங் ஆரோசயித்தா²’’தி ஏவங் பவத்தா. ஆபத்திஸந்த³ஸ்ஸனா நாம ‘‘த்வங் மேது²னத⁴ம்மபாராஜிகாபத்திங் ஆபன்னோ’’திஏவமாதி³னயப்பவத்தா. ஸங்வாஸபடிக்கே²போ நாம ‘‘நத்தி² தயா ஸத்³தி⁴ங் உபோஸதோ² வா பவாரணா வா ஸங்க⁴கம்மங் வா’’தி ஏவங் பவத்தோ. ஸாமீசிபடிக்கே²போ நாம
அபரா பாதிமொக்க²ட்ட²பனக்க²ந்த⁴கே (சூளவ॰ 387) ‘‘ஏகங், பி⁴க்க²வே, அத⁴ம்மிகங் பாதிமொக்க²ட்ட²பனங், ஏகங் த⁴ம்மிக’’ந்திஆதி³ங் கத்வா யாவ த³ஸ அத⁴ம்மிகானி பாதிமொக்க²ட்ட²பனானி, த³ஸ த⁴ம்மிகானீதி ஏவங் அத⁴ம்மிகா பஞ்சபஞ்ஞாஸ, த⁴ம்மிகா பஞ்சபஞ்ஞாஸாதி த³ஸுத்தரஸதங் சோத³னா வுத்தா. தா தி³ட்டே²ன சோதெ³ந்தஸ்ஸ த³ஸுத்தரஸதங், ஸுதேன சோதெ³ந்தஸ்ஸ த³ஸுத்தரஸதங், பரிஸங்காய சோதெ³ந்தஸ்ஸ த³ஸுத்தரஸதந்தி திங்ஸாதி⁴கானி தீணி ஸதானி ஹொந்தி. தானி காயேன சோதெ³ந்தஸ்ஸ, வாசாய சோதெ³ந்தஸ்ஸ, காயவாசாய சோதெ³ந்தஸ்ஸாதி திகு³ணானி கதானி நவுதாதி⁴கானி நவ ஸதானி ஹொந்தி. தானி அத்தனா சோதெ³ந்தஸ்ஸபி பரேன சோதா³பெந்தஸ்ஸபி தத்தகானேவாதி வீஸதிஊனானி த்³வே ஸஹஸ்ஸானி ஹொந்தி. புன தி³ட்டா²தி³பே⁴தே³ ஸமூலிகாமூலிகவஸேன அனேகஸஹஸ்ஸா சோத³னா ஹொந்தீதி வேதி³தப்³பா³.
231. வுத்தப்பபே⁴தா³ஸு பன இமாஸு சோத³னாஸு யாய காயசி சோத³னாய வஸேன ஸங்க⁴மஜ்ஜே² ஓஸடே வத்து²ஸ்மிங் சுதி³தகசோத³கா வத்தப்³பா³ ‘‘தும்ஹே அம்ஹாகங் வினிச்ச²யேன துட்டா² ப⁴விஸ்ஸதா²’’தி. ஸசே ‘‘ப⁴விஸ்ஸாமா’’தி
தத்த² ச த⁴ம்மோதி பூ⁴தங் வத்து². வினயோதி சோத³னா சேவ ஸாரணா ச. ஸத்து²ஸாஸனந்தி ஞத்திஸம்பதா³ ச அனுஸ்ஸாவனஸம்பதா³ ச. தஸ்மா சோத³கேன வத்து²ஸ்மிங் ஆரோசிதே சுதி³தகோ புச்சி²தப்³போ³ ‘‘ஸந்தமேதங், நோ’’தி. ஏவங் வத்து²ங் உபபரிக்கி²த்வா பூ⁴தேன வத்து²னா சோதெ³த்வா ஸாரெத்வா ஞத்திஸம்பதா³ய ச அனுஸ்ஸாவனஸம்பதா³ய ச தங் அதி⁴கரணங் வூபஸமேதப்³ப³ங். தத்ர சே அலஜ்ஜீ லஜ்ஜிங் சோதே³தி, ஸோ ச அலஜ்ஜீ பா³லோ ஹோதி அப்³யத்தோ, நாஸ்ஸ நயோ தா³தப்³போ³, ஏவங் பன வத்தப்³போ³
ஸசே லஜ்ஜீ அலஜ்ஜிங் சோதே³தி, ஸோ ச லஜ்ஜீ பா³லோ ஹோதி அப்³யத்தோ, ந ஸக்கோதி அனுயோக³ங் தா³துங், தஸ்ஸ நயோ தா³தப்³போ³ ‘‘கிம்ஹி நங் சோதே³ஸி ஸீலவிபத்தியா வா ஆசாரவிபத்திஆதீ³ஸு வா ஏகிஸ்ஸா’’தி. கஸ்மா பன இமஸ்ஸேவ ஏவங் நயோ தா³தப்³போ³, ந இதரஸ்ஸாதி, நனு ந யுத்தங் வினயத⁴ரானங் அக³திக³மனந்தி? ந யுத்தமேவ. இத³ங் பன அக³திக³மனங் ந ஹோதி, த⁴ம்மானுக்³க³ஹோ நாம ஏஸோ. அலஜ்ஜினிக்³க³ஹத்தா²ய ஹி லஜ்ஜிபக்³க³ஹத்தா²ய ச ஸிக்கா²பத³ங் பஞ்ஞத்தங். தத்ர அலஜ்ஜீ நயங் லபி⁴த்வா அஜ்ஜொ²த்த²ரந்தோ ஏஹிதி, லஜ்ஜீ
தத³த்த²தீ³பனத்த²ஞ்ச இத³ங் வத்து² வேதி³தப்³ப³ங் – திபிடகசூளாப⁴யத்தே²ரோ கிர லோஹபாஸாத³ஸ்ஸ ஹெட்டா² பி⁴க்கூ²னங் வினயங் கதெ²த்வா ஸாயன்ஹஸமயே வுட்டா²தி, தஸ்ஸ வுட்டா²னஸமயே த்³வே அத்தபச்சத்தி²கா கத²ங் பவத்தேஸுங். ஏகோ ‘‘ஏதம்பி நத்தி², ஏதம்பி நத்தீ²’’தி படிஞ்ஞங் ந தே³தி, அத² அப்பாவஸேஸே பட²மயாமே தே²ரஸ்ஸ தஸ்மிங் புக்³க³லே ‘‘அயங் பதிட்டா²ய கதே²தி, அயங் பன படிஞ்ஞங் ந தே³தி, ப³ஹூனி ச வத்தூ²னி ஓஸடானி, அத்³தா⁴ ஏதங் கதங் ப⁴விஸ்ஸதீ’’தி அஸுத்³த⁴லத்³தி⁴ உப்பன்னா. ததோ பீ³ஜனீத³ண்ட³கேன பாத³கத²லிகாய ஸஞ்ஞங் த³த்வா ‘‘அஹங், ஆவுஸோ, வினிச்சி²னிதுங் அனநுச்ச²விகோ, அஞ்ஞேன வினிச்சி²னாபேஹீ’’தி ஆஹ. ‘‘கஸ்மா, ப⁴ந்தே’’தி? தே²ரோ தமத்த²ங் ஆரோசேஸி. சுதி³தகபுக்³க³லஸ்ஸ காயே டா³ஹோ உட்டி²தோ, ததோ ஸோ தே²ரங் வந்தி³த்வா ‘‘ப⁴ந்தே, வினிச்சி²னிதுங் அனுரூபேன வினயத⁴ரேன நாம தும்ஹாதி³ஸேனேவ ப⁴விதுங் வட்டதி, சோத³கேன ச ஈதி³ஸேனேவ ப⁴விதுங் வட்டதீ’’தி வத்வா ஸேதகானி நிவாஸெத்வா ‘‘சிரங் கிலமிதாத்த² மயா’’தி க²மாபெத்வா பக்காமி.
ஏவங் லஜ்ஜினா சோதி³யமானோ அலஜ்ஜீ ப³ஹூஸுபி வத்தூ²ஸு உப்பன்னேஸு படிஞ்ஞங் ந தே³தி, ஸோ நேவ ‘‘ஸுத்³தோ⁴’’தி வத்தப்³போ³, ந ‘‘அஸுத்³தோ⁴’’தி, ஜீவமதகோ நாம ஆமகபூதிகோ நாம சேஸ. ஸசே பனஸ்ஸ அஞ்ஞம்பி தாதி³ஸங் வத்து² உப்பஜ்ஜதி, ந வினிச்சி²னிதப்³ப³ங், ததா² நாஸிதகோ ப⁴விஸ்ஸதி
அத² லஜ்ஜீ லஜ்ஜிங் சோதே³தி, விவாதோ³ ச நேஸங் கிஸ்மிஞ்சிதே³வ அப்பமத்தகோ ஹோதி, ஸஞ்ஞாபெத்வா ‘‘மா ஏவங் கரோதா²’’தி அச்சயங் தே³ஸாபெத்வா உய்யோஜேதப்³பா³
232. அதி³ன்னாதா³னவத்து²ங் வினிச்சி²னந்தேன (பாரா॰ அட்ட²॰ 1.92) பன பஞ்சவீஸதி அவஹாரா ஸாது⁴கங் ஸல்லக்கே²தப்³பா³. தேஸு ச குஸலேன வினயத⁴ரேன ஓதிண்ணங் வத்து²ங் ஸஹஸா அவினிச்சி²னித்வாவ பஞ்ச டா²னானி ஓலோகேதப்³பா³னி, யானி ஸந்தா⁴ய போராணா ஆஹு –
‘‘வத்து²ங் காலஞ்ச தே³ஸஞ்ச, அக்³க⁴ங் பரிபோ⁴க³பஞ்சமங்;
துலயித்வா பஞ்ச டா²னானி, தா⁴ரெய்யத்த²ங் விசக்க²ணோ’’தி. (பாரா॰ அட்ட²॰ 1.92);
தத்த² வத்து²ந்தி ப⁴ண்ட³ங். அவஹாரகேன ஹி ‘‘மயா இத³ங் நாம அவஹட’’ந்தி வுத்தேபி ஆபத்திங் அனாரோபெத்வாவ தங் ப⁴ண்ட³ங் ‘‘ஸஸாமிகங் வா அஸாமிகங் வா’’தி உபபரிக்கி²தப்³ப³ங். ஸஸாமிகேபி ஸாமிகானங் ஸாலயபா⁴வோ வா நிராலயபா⁴வோ வா உபபரிக்கி²தப்³போ³. ஸசே தேஸங் ஸாலயகாலே அவஹடங், ப⁴ண்ட³ங் அக்³கா⁴பெத்வா ஆபத்தி காதப்³பா³. ஸசே நிராலயகாலே, பாராஜிகேன ந காதப்³பா³. ப⁴ண்ட³ஸாமிகேஸு பன ப⁴ண்ட³ங் ஆஹராபெந்தேஸு ப⁴ண்ட³ங் தா³தப்³ப³ங். அயமெத்த² ஸாமீசி.
இமஸ்ஸ பனத்த²ஸ்ஸ தீ³பனத்த²மித³ங் வத்து² – பா⁴தியராஜகாலே கிர மஹாசேதியபூஜாய த³க்கி²ணதி³ஸதோ ஏகோ பி⁴க்கு² ஸத்தஹத்த²ங் பண்டு³காஸாவங் அங்ஸே கரித்வா சேதியங்க³ணங் பாவிஸி. தங்க²ணமேவ ச ராஜாபி சேதியவந்த³னத்த²ங் ஆக³தோ. ததோ உஸ்ஸாரணாய வத்தமானாய மஹாஜனஸம்மத்³தோ³ அஹோஸி. அத² ஸோ பி⁴க்கு² ஜனஸம்மத்³த³பீளிதோ அங்ஸதோ பதந்தங் காஸாவங் அதி³ஸ்வாவ நிக்க²ந்தோ, நிக்க²மித்வா
தேன
காலோதி அவஹாரகாலோ. ததே³வ ஹி ப⁴ண்ட³ங் கதா³சி அப்பக்³க⁴ங் ஹோதி, கதா³சி மஹக்³க⁴ங். தஸ்மா தங் ப⁴ண்ட³ங் யஸ்மிங் காலே அவஹடங், தஸ்மிங்யேவ காலே யோ தஸ்ஸ அக்³கோ⁴ ஹோதி, தேன அக்³கே⁴ன ஆபத்தி காரேதப்³பா³. ஏவங் காலோ ஓலோகேதப்³போ³.
தே³ஸோதி அவஹாரதே³ஸோ. தஞ்ஹி ப⁴ண்ட³ங் யஸ்மிங் தே³ஸே அவஹடங், தஸ்மிங்யேவ தே³ஸே யோ தஸ்ஸ அக்³கோ⁴ ஹோதி, தேன அக்³கே⁴ன ஆபத்தி காரேதப்³பா³. ப⁴ண்டு³ட்டா²னதே³ஸே ஹி ப⁴ண்ட³ங் அப்பக்³க⁴ங் ஹோதி, அஞ்ஞத்த² மஹக்³க⁴ங்.
இமஸ்ஸபி
தஸ்மிஞ்ச ஸன்னிபாதே ஆபி⁴த⁴ம்மிககோ³த³த்தத்தே²ரோ நாம வினயகுஸலோ ஹோதி, ஸோ ஏவமாஹ ‘‘இமினா இத³ங் தா²லகங் குஹிங் அவஹட’’ந்தி? ‘‘அந்தரஸமுத்³தே³ அவஹட’’ந்தி. தத்த² தங் கிங் அக்³க⁴தீதி. ந கிஞ்சி அக்³க⁴தி. தத்ர ஹி நாளிகேரங் பி⁴ந்தி³த்வா மிஞ்ஜங் கா²தி³த்வா கபாலங் ச²ட்³டே³தி, தா³ருஅத்த²ங் பன ப²ரதீதி. இமஸ்ஸ பி⁴க்கு²னோ எத்த² ஹத்த²கம்மங் கிங் அக்³க⁴தீதி? மாஸகங் வா ஊனமாஸகங் வாதி. அத்தி² பன கத்த²சி ஸம்மாஸம்பு³த்³தே⁴ன மாஸகே வா ஊனமாஸகே வா பாராஜிகங் பஞ்ஞத்தந்தி. ஏவங் வுத்தே ‘‘ஸாது⁴ ஸாது⁴, ஸுகதி²தங் ஸுவினிச்சி²த’’ந்தி ஏகஸாது⁴காரோ அஹோஸி. தேன ச ஸமயேன பா⁴தியராஜாபி சேதியவந்த³னத்த²ங் நக³ரதோ நிக்க²ந்தோ தங் ஸத்³த³ங் ஸுத்வா ‘‘கிங் இத³’’ந்தி புச்சி²த்வா ஸப்³ப³ங் படிபாடியா ஸுத்வா நக³ரே பே⁴ரிங் சராபேஸி ‘‘மயி ஸந்தே பி⁴க்கூ²னம்பி பி⁴க்கு²னீனம்பி கி³ஹீனம்பி அதி⁴கரணங் ஆபி⁴த⁴ம்மிககோ³த³த்தத்தே²ரேன வினிச்சி²தங் ஸுவினிச்சி²தங், தஸ்ஸ வினிச்ச²யே அதிட்ட²மானங் ராஜாணாய ட²பேமீ’’தி. ஏவங் தே³ஸோ ஓலோகேதப்³போ³.
அக்³கோ⁴தி ப⁴ண்ட³க்³கோ⁴. நவப⁴ண்ட³ஸ்ஸ ஹி யோ அக்³கோ⁴ ஹோதி, ஸோ பச்சா² பரிஹாயதி. யதா² நவதோ⁴தோ பத்தோ அட்ட² வா த³ஸ வா அக்³க⁴தி, ஸோ பச்சா² பி⁴ன்னோ வா சி²த்³தோ³ வா ஆணிக³ண்டி²காஹதோ வா அப்பக்³கோ⁴ ஹோதி, தஸ்மா ந ஸப்³ப³தா³ ப⁴ண்ட³ங் பகதிஅக்³கே⁴னேவ காதப்³ப³ந்தி. ஏவங் அக்³கோ⁴ ஓலோகேதப்³போ³.
பரிபோ⁴கோ³தி ப⁴ண்ட³பரிபோ⁴கோ³. பரிபோ⁴கே³னபி ஹி வாஸிஆதி³ப⁴ண்ட³ஸ்ஸ அக்³கோ⁴ பரிஹாயதி. தஸ்மா ஏவங் உபபரிக்கி²தப்³ப³ங் – ஸசே கோசி கஸ்ஸசி பாத³க்³க⁴னகங் வாஸிங் ஹரதி, தத்ர வாஸிஸாமிகோ புச்சி²தப்³போ³ ‘‘தயா அயங் வாஸி கித்தகேன கீதா’’தி? ‘‘பாதே³ன, ப⁴ந்தே’’தி. கிங் பன தே கிணித்வாவ ட²பிதா, உதா³ஹு நங் வளஞ்ஜேஸீதி? ஸசே வத³தி ‘‘ஏகதி³வஸங் மே த³ந்தகட்ட²ங்
ஏவங் இமானி துலயித்வா பஞ்ச டா²னானி தா⁴ரெய்ய அத்த²ங் விசக்க²ணோ, ஆபத்திங் வா அனாபத்திங் வா க³ருகங் வா லஹுகங் வா ஆபத்திங் யதா²டா²னே ட²பெய்யாதி. தேனாஹு அட்ட²கதா²சரியா –
‘‘ஸிக்கா²பத³ங் ஸமங் தேன, அஞ்ஞங் கிஞ்சி ந விஜ்ஜதி;
அனேகனயவோகிண்ணங், க³ம்பீ⁴ரத்த²வினிச்ச²யங்.
‘‘தஸ்மா வத்து²ம்ஹி ஓதிண்ணே, பி⁴க்கு²னா வினயஞ்ஞுனா;
வினயானுக்³க³ஹேனெத்த², கரொந்தேன வினிச்ச²யங்.
‘‘பாளிங் அட்ட²கத²ஞ்சேவ, ஸாதி⁴ப்பாயமஸேஸதோ;
ஓக³ய்ஹ அப்பமத்தேன, கரணீயோ வினிச்ச²யோ.
‘‘ஆபத்தித³ஸ்ஸனுஸ்ஸாஹோ, ந கத்தப்³போ³ குதா³சனங்;
பஸ்ஸிஸ்ஸாமி அனாபத்தி-மிதி கயிராத² மானஸங்.
‘‘பஸ்ஸித்வாபி ச ஆபத்திங், அவத்வாவ புனப்புனங்;
வீமங்ஸித்வாத² விஞ்ஞூஹி, ஸங்ஸந்தி³த்வா ச தங் வதே³.
‘‘கப்பியேபி
வஸேன ஸாமஞ்ஞகு³ணா, சவந்தீத⁴ புது²ஜ்ஜனா.
‘‘தஸ்மா பரபரிக்கா²ரங், ஆஸீவிஸமிவோரக³ங்;
அக்³கி³ங் விய ச ஸம்பஸ்ஸங், நாமஸெய்ய விசக்க²ணோ’’தி. (பாரா॰ அட்ட²॰ 1.160-1 தத்ராயங் அனுஸாஸனீ);
233. உத்தரிமனுஸ்ஸத⁴ம்மாரோசனங் வினிச்சி²னந்தேன (பாரா॰ அட்ட²॰ 2.197) பன ‘‘கிங் தே அதி⁴க³தங். கிந்தி தே அதி⁴க³தங், கதா³ தே அதி⁴க³தங், கத்த² தே அதி⁴க³தங், கதமே தே கிலேஸா பஹீனா, கதமேஸங் த்வங் த⁴ம்மானங் லாபீ⁴’’தி இமானி ச² டா²னானி விஸோதே⁴தப்³பா³னி. ஸசே ஹி கோசி பி⁴க்கு² உத்தரிமனுஸ்ஸத⁴ம்மாதி⁴க³மங் ப்³யாகரெய்ய, ந ஸோ எத்தாவதா ஸக்காரோ காதப்³போ³, இமேஸங் பன ச²ன்னங் டா²னானங் ஸோத⁴னத்த²ங் ஏவங் வத்தப்³போ³ ‘‘கிங் தே அதி⁴க³தங், கிங் ஜா²னங் உதா³ஹு விமொக்கா²தீ³ஸு அஞ்ஞதர’’ந்தி. யோ ஹி யேன அதி⁴க³தோ த⁴ம்மோ, ஸோ தஸ்ஸ பாகடோ ஹோதி. ஸசே ‘‘இத³ங் நாம மே அதி⁴க³த’’ந்தி வத³தி, ததோ ‘‘கிந்தி தே அதி⁴க³த’’ந்தி புச்சி²தப்³போ³, ‘‘அனிச்சலக்க²ணாதீ³ஸு கிங் து⁴ரங் கத்வா அட்ட²திங்ஸாய வா ஆரம்மணேஸு ரூபாரூபஅஜ்ஜ²த்தப³ஹித்³தா⁴தி³பே⁴தே³ஸு வா த⁴ம்மேஸு கேன முகே²ன அபி⁴னிவிஸித்வா’’தி. யோ ஹி யஸ்ஸாபி⁴னிவேஸோ, ஸோ தஸ்ஸ பாகடோ ஹோதி. ஸசே ‘‘அயங் நாம மே அபி⁴னிவேஸோ, ஏவங் மயா அதி⁴க³த’’ந்தி வத³தி, ததோ ‘‘கதா³ தே அதி⁴க³த’’ந்தி புச்சி²தப்³போ³, ‘‘கிங் புப்³ப³ண்ஹே, உதா³ஹு மஜ்ஜ²ன்ஹிகாதீ³ஸு அஞ்ஞதரஸ்மிங் காலே’’தி. ஸப்³பே³ஸஞ்ஹி அத்தனா அதி⁴க³தகாலோ பாகடோ ஹோதி. ஸசே ‘‘அமுகஸ்மிங் நாம காலே அதி⁴க³க’’ந்தி வத³தி, ததோ ‘‘கத்த² தே அதி⁴க³த’’ந்தி புச்சி²தப்³போ³, ‘‘கிங் தி³வாட்டா²னே, உதா³ஹு ரத்திட்டா²னாதீ³ஸு அஞ்ஞதரஸ்மிங் ஓகாஸே’’தி. ஸப்³பே³ஸஞ்ஹி அத்தனா அதி⁴க³தோகாஸோ பாகடோ ஹோதி. ஸசே ‘‘அமுகஸ்மிங் நாம மே ஓகாஸே அதி⁴க³த’’ந்தி வத³தி, ததோ ‘‘கதமே தே கிலேஸா பஹீனா’’தி புச்சி²தப்³போ³, ‘‘கிங் பட²மமக்³க³வஜ்ஜா², உதா³ஹு து³தியாதி³மக்³க³வஜ்ஜா²’’தி. ஸப்³பே³ஸஞ்ஹி அத்தனா அதி⁴க³தமக்³கே³ன பஹீனா கிலேஸா பாகடா ஹொந்தி.
ஸசே ‘‘இமே நாம மே கிலேஸா பஹீனா’’தி வத³தி, ததோ ‘‘கதமேஸங் த்வங் த⁴ம்மானங் லாபீ⁴’’தி புச்சி²தப்³போ³, ‘‘கிங் ஸோதாபத்திமக்³க³ஸ்ஸ, உதா³ஹு ஸகதா³கா³மிமக்³கா³தீ³ஸு அஞ்ஞதரஸ்ஸா’’தி. ஸப்³பே³ஸஞ்ஹி அத்தனா அதி⁴க³தத⁴ம்மோ பாகடோ
தத்ரிமானி வத்தூ²னி (ம॰ நி॰ அட்ட²॰ 3.102) – தீ³க⁴பா⁴ணகஅப⁴யத்தே²ரோ கிர ஏகங் பிண்ட³பாதிகங் பரிக்³க³ஹேதுங் அஸக்கொந்தோ த³ஹரஸ்ஸ ஸஞ்ஞங் அதா³ஸி. ஸோ தங் நஹாயமானங் கல்யாணீனதீ³முக²த்³வாரே நிமுஜ்ஜித்வா பாதே³ அக்³க³ஹேஸி. பிண்ட³பாதிகோ ‘‘கும்பீ⁴லோ’’தி ஸஞ்ஞாய மஹாஸத்³த³மகாஸி, ததா³ நங் ‘‘புது²ஜ்ஜனோ’’தி ஜானிங்ஸு.
சந்த³முக²திஸ்ஸராஜகாலே பன மஹாவிஹாரே ஸங்க⁴த்தே²ரோ கீ²ணாஸவோ து³ப்³ப³லசக்கு²கோ விஹாரேயேவ அச்ச²தி. ராஜா ‘‘தே²ரங் பரிக்³க³ண்ஹிஸ்ஸாமீ’’தி பி⁴க்கூ²ஸு பி⁴க்கா²சாரங் க³தேஸு அப்பஸத்³தோ³ உபஸங்கமித்வா ஸப்போ விய பாதே³ அக்³க³ஹேஸி. தே²ரோ ஸிலாத²ம்போ⁴ விய நிச்சலோ ஹுத்வா ‘‘கோ எத்தா²’’தி ஆஹ. ‘‘அஹங், ப⁴ந்தே, திஸ்ஸோ’’தி? ‘‘ஸுக³ந்த⁴ங் வாயஸி நோ திஸ்ஸா’’தி. ஏவங் கீ²ணாஸவஸ்ஸ ப⁴யங் நாம நத்தி².
ஏகச்சோ பன புது²ஜ்ஜனோபி அதிஸூரோ ஹோதி நிப்³ப⁴யோ. ஸோ ரஜனீயேன ஆரம்மணேன பரிக்³க³ண்ஹிதப்³போ³. வஸப⁴ராஜாபி ஏகங் தே²ரங் பரிக்³க³ண்ஹமானோ க⁴ரே நிஸீதா³பெத்வா தஸ்ஸ ஸந்திகே ப³த³ரஸாளவங் மத்³த³மானோ
234. ஸகலே பன வினயவினிச்ச²யே (பாரா॰ அட்ட²॰ 1.45) கோஸல்லங் பத்த²யந்தேன சதுப்³பி³தோ⁴ வினயோ ஜானிதப்³போ³.
சதுப்³பி³த⁴ஞ்ஹி வினயங், மஹாதே²ரா மஹித்³தி⁴கா;
நீஹரித்வா பகாஸேஸுங், த⁴ம்மஸங்கா³ஹகா புரா.
கதமங் சதுப்³பி³த⁴ங்? ஸுத்தங் ஸுத்தானுலோமங் ஆசரியவாத³ங் அத்தனோமதிந்தி. யங் ஸந்தா⁴ய வுத்தங் ‘‘ஆஹச்சபதே³ன கோ², மஹாராஜ, ரஸேன ஆசரியவங்ஸேன அதி⁴ப்பாயா’’தி (மி॰ ப॰ 4.2.3). எத்த² ஹி ஆஹச்சபத³ந்தி ஸுத்தங் அதி⁴ப்பேதங். ரஸோதி ஸுத்தானுலோமங். ஆசரியவங்ஸோதி ஆசரியவாதோ³. அதி⁴ப்பாயோதி அத்தனோமதி.
தத்த² ஸுத்தங் நாம ஸகலவினயபிடகே பாளி.
ஸுத்தானுலோமங் நாம சத்தாரோ மஹாபதே³ஸா. யே ப⁴க³வதா ஏவங் வுத்தா –
‘‘யங், பி⁴க்க²வே, மயா ‘இத³ங் ந கப்பதீ’தி அப்படிக்கி²த்தங், தஞ்சே அகப்பியங் அனுலோமேதி, கப்பியங் படிபா³ஹதி, தங் வோ ந கப்பதி. யங், பி⁴க்க²வே, மயா ‘இத³ங் ந கப்பதீ’தி அப்படிக்கி²த்தங், தஞ்சே கப்பியங் அனுலோமேதி, அகப்பியங் படிபா³ஹதி, தங் வோ கப்பதி. யங், பி⁴க்க²வே, மயா ‘இத³ங் கப்பதீ’தி அனநுஞ்ஞாதங், தங் சே அகப்பியங் அனுலோமேதி, கப்பியங் படிபா³ஹதி, தங் வோ ந கப்பதி. யங், பி⁴க்க²வே, மயா ‘இத³ங் கப்பதீ’தி அனநுஞ்ஞாதங், தஞ்சே கப்பியங் அனுலோமேதி, அகப்பியங் படிபா³ஹதி, தங் வோ கப்பதீ’’தி (மஹாவ॰ 305).
ஆசரியவாதோ³
அத்தனோமதி
அபிச ஸுத்தந்தாபி⁴த⁴ம்மவினயட்ட²கதா²ஸு ஆக³தோ ஸப்³போ³பி தே²ரவாதோ³ அத்தனோமதி நாம. தங் பன அத்தனோமதிங் க³ஹெத்வா கதெ²ந்தேன ந த³ள்ஹக்³கா³ஹங் க³ஹெத்வா வோஹரிதப்³ப³ங், காரணங் ஸல்லக்கெ²த்வா அத்தே²ன பாளிங், பாளியா ச அத்த²ங் ஸங்ஸந்தி³த்வா கதே²தப்³ப³ங், அத்தனோமதி ஆசரியவாதே³ ஓதாரேதப்³பா³. ஸசே தத்த² ஓதரதி சேவ ஸமேதி ச, க³ஹேதப்³பா³. ஸசே நேவ ஓதரதி ந ஸமேதி, ந க³ஹேதப்³பா³. அயஞ்ஹி அத்தனோமதி நாம ஸப்³ப³து³ப்³ப³லா, அத்தனோமதிதோ ஆசரியவாதோ³ ப³லவதரோ.
ஆசரியவாதோ³பி ஸுத்தானுலோமே ஓதாரேதப்³போ³. தத்த² ஓதரந்தோ ஸமெந்தோ ஏவ க³ஹேதப்³போ³, இதரோ ந க³ஹேதப்³போ³. ஆசரியவாத³தோ ஹி ஸுத்தானுலோமங் ப³லவதரங்.
ஸுத்தானுலோமம்பி ஸுத்தே ஓதாரேதப்³ப³ங். தத்த² ஓதரந்தங் ஸமெந்தமேவ க³ஹேதப்³ப³ங், இதரங் ந க³ஹேதப்³ப³ங். ஸுத்தானுலோமதோ ஹி ஸுத்தமேவ ப³லவதரங். ஸுத்தஞ்ஹி அப்படிவத்தியங் காரகஸங்க⁴ஸதி³ஸங் பு³த்³தா⁴னங் டி²தகாலஸதி³ஸங். தஸ்மா யதா³ த்³வே பி⁴க்கூ² ஸாகச்ச²ந்தி, ஸகவாதீ³ ஸுத்தங் க³ஹெத்வா கதே²தி, பரவாதீ³ ஸுத்தானுலோமங். தேஹி அஞ்ஞமஞ்ஞங் கே²பங் வா க³ரஹங் வா அகத்வா ஸுத்தானுலோமங் ஸுத்தே ஓதாரேதப்³ப³ங். ஸசே ஓதரதி ஸமேதி, க³ஹேதப்³ப³ங், நோ சே, ந க³ஹேதப்³ப³ங், ஸுத்தஸ்மிங்யேவ டா²தப்³ப³ங். அதா²யங் ஸுத்தங் க³ஹெத்வா கதே²தி, பரோ ஆசரியவாத³ங். தேஹிபி அஞ்ஞமஞ்ஞங் கே²பங் வா க³ரஹங் வா அகத்வா ஆசரியவாதோ³ ஸுத்தே ஓதாரேதப்³போ³. ஸசே ஓதரதி ஸமேதி, க³ஹேதப்³போ³. அனோதரந்தோ அஸமெந்தோ ச கா³ரய்ஹாசரியவாதோ³ ந க³ஹேதப்³போ³, ஸுத்தஸ்மிங்யேவ டா²தப்³ப³ங். அதா²யங் ஸுத்தங் க³ஹெத்வா கதே²தி, பரோ அத்தனோமதிங். தேஹிபி அஞ்ஞமஞ்ஞங் கே²பங் வா க³ரஹங் வா அகத்வா அத்தனோமதி ஸுத்தே ஓதாரேதப்³பா³. ஸசே ஓதரதி ஸமேதி, க³ஹேதப்³பா³, நோ சே, ந க³ஹேதப்³பா³, ஸுத்தஸ்மிங்யேவ டா²தப்³ப³ங்.
அதா²யங்
அதா²யங் ஆசரியவாத³ங் க³ஹெத்வா கதே²தி, பரோ ஸுத்தங். ஸுத்தங் ஆசரியவாதே³ ஓதாரேதப்³ப³ங். ஸசே ஓதரதி ஸமேதி, க³ஹேதப்³ப³ங். இதரங் கா³ரய்ஹஸுத்தங் ந க³ஹேதப்³ப³ங், ஆசரியவாதே³யேவ டா²தப்³ப³ங். அதா²யங் ஆசரியவாத³ங் க³ஹெத்வா கதே²தி, பரோ ஸுத்தானுலோமங். ஸுத்தானுலோமங் ஆசரியவாதே³ ஓதாரேதப்³ப³ங். ஓதரந்தங் ஸமெந்தமேவ க³ஹேதப்³ப³ங், இதரங் ந க³ஹேதப்³ப³ங், ஆசரியவாதே³யேவ டா²தப்³ப³ங். அதா²யங் ஆசரியவாத³ங் க³ஹெத்வா கதே²தி, பரோ அத்தனோமதிங். அத்தனோமதி ஆசரியவாதே³ ஓதாரேதப்³பா³. ஸசே ஓதரதி ஸமேதி, க³ஹேதப்³பா³. நோ சே, ந க³ஹேதப்³பா³, ஆசரியவாதே³யேவ டா²தப்³ப³ங்.
அத² பனாயங் அத்தனோமதிங் க³ஹெத்வா கதே²தி, பரோ ஸுத்தங். ஸுத்தங் அத்தனோமதியங் ஓதாரேதப்³ப³ங். ஸசே ஓதரதி ஸமேதி, க³ஹேதப்³ப³ங். இதரங் கா³ரய்ஹஸுத்தங் ந க³ஹேதப்³ப³ங், அத்தனோமதியமேவ டா²தப்³ப³ங். அதா²யங் அத்தனோமதிங் க³ஹெத்வா கதே²தி, பரோ ஸுத்தானுலோமங். ஸுத்தானுலோமங் அத்தனோமதியங் ஓதாரேதப்³ப³ங். ஓதரந்தங் ஸமெந்தமேவ க³ஹேதப்³ப³ங், இதரங் ந க³ஹேதப்³ப³ங், அத்தனோமதியமேவ டா²தப்³ப³ங். அதா²யங் அத்தனோமதிங் க³ஹெத்வா கதே²தி, பரோ ஆசரியவாத³ங். ஆசரியவாதோ³ அத்தனோமதியங் ஓதாரேதப்³போ³. ஸசே ஓதரதி ஸமேதி, க³ஹேதப்³போ³. இதரோ கா³ரய்ஹாசரியவாதோ³ ந க³ஹேதப்³போ³, அத்தனோமதியமேவ
அத² பனாயங் கப்பியந்தி க³ஹெத்வா கதே²தி, பரோ அகப்பியந்தி, ஸுத்தே ச ஸுத்தானுலோமே ச ஓதாரேதப்³ப³ங். ஸசே கப்பியங் ஹோதி, கப்பியே டா²தப்³ப³ங். ஸசே அகப்பியங், அகப்பியே டா²தப்³ப³ங். அதா²யங் தஸ்ஸ கப்பியபா⁴வஸாத⁴கங் ஸுத்ததோ ப³ஹுங் காரணஞ்ச வினிச்ச²யஞ்ச த³ஸ்ஸேதி, பரோ காரணங் ந விந்த³தி, கப்பியேவ டா²தப்³ப³ங். அத² பரோ தஸ்ஸ அகப்பியபா⁴வஸாத⁴கங் ஸுத்ததோ ப³ஹுங் காரணஞ்ச வினிச்ச²யஞ்ச த³ஸ்ஸேதி, அனேன அத்தனோ க³ஹணந்தி கத்வா த³ள்ஹங் ஆதா³ய ந டா²தப்³ப³ங், ‘‘ஸாதூ⁴’’தி ஸம்படிச்சி²த்வா அகப்பியே ஏவ டா²தப்³ப³ங். அத² த்³வின்னம்பி காரணச்சா²யா தி³ஸ்ஸதி, படிக்கி²த்தபா⁴வோயேவ ஸாது⁴, அகப்பியே டா²தப்³ப³ங். வினயஞ்ஹி பத்வா கப்பியாகப்பியவிசாரணங் ஆக³ம்ம ருந்தி⁴தப்³ப³ங், கா³ள்ஹங் கத்தப்³ப³ங், ஸோதங் பச்சி²ந்தி³தப்³ப³ங், க³ருகபா⁴வேயேவ டா²தப்³ப³ங்.
அத²
ஏவங் கப்பியாகப்பியாதி³வினிச்ச²யே உப்பன்னே யோ ஸுத்தஸுத்தானுலோமஆசரியவாத³அத்தனோமதீஸு அதிரேககாரணங் லப⁴தி, தஸ்ஸ வாதே³ டா²தப்³ப³ங், ஸப்³ப³ஸோ பன காரணவினிச்ச²யங் அலப⁴ந்தேன ஸுத்தங் ந ஜஹிதப்³ப³ங், ஸுத்தஸ்மிங்யேவ டா²தப்³ப³ந்தி. ஏவங் ஸகலவினயவினிச்ச²யே கோஸல்லங் பத்த²யந்தேன அயங் சதுப்³பி³தோ⁴ வினயோ ஜானிதப்³போ³.
இமஞ்ச பன சதுப்³பி³த⁴ங் வினயங் ஞத்வாபி வினயத⁴ரேன புக்³க³லேன திலக்க²ணஸமன்னாக³தேன ப⁴விதப்³ப³ங். தீணி ஹி வினயத⁴ரஸ்ஸ லக்க²ணானி இச்சி²தப்³பா³னி. கதமானி
தத்த² ஸுத்தங் நாம ஸகலங் வினயபிடகங். தத³ஸ்ஸ ஸ்வாக³தங் ஹோதீதி ஸுட்டு² ஆக³தங். ஸுப்பவத்தீதி ஸுட்டு² பவத்தங் பகு³ணங் வாசுக்³க³தங். ஸுவினிச்சி²தங் ஸுத்தஸோ அனுப்³யஞ்ஜனஸோதி பாளிதோ ச பரிபுச்ச²தோ ச அட்ட²கதா²தோ ச ஸுவினிச்சி²தங் ஹோதி கங்கா²சே²த³னங் கத்வா உக்³க³ஹிதங். வினயே கோ² பன டி²தோ ஹோதீதி வினயே லஜ்ஜிபா⁴வேன பதிட்டி²தோ ஹோதி. அலஜ்ஜீ ஹி ப³ஹுஸ்ஸுதோபி ஸமானோ லாப⁴க³ருகதாய தந்திங் விஸங்வாதெ³த்வா உத்³த⁴ம்மங் உப்³பி³னயங் ஸத்து²ஸாஸனங் தீ³பெத்வா ஸாஸனே மஹந்தங் உபத்³த³வங் கரோதி, ஸங்க⁴பே⁴த³ம்பி ஸங்க⁴ராஜிம்பி உப்பாதே³தி. லஜ்ஜீ பன குக்குச்சகோ ஸிக்கா²காமோ ஜீவிதஹேதுபி தந்திங் அவிஸங்வாதெ³த்வா த⁴ம்மமேவ வினயமேவ தீ³பேதி, ஸத்து²ஸாஸனங் க³ருகங் கத்வா ட²பேதி. ததா² ஹி புப்³பே³ மஹாதே²ரா திக்க²த்துங் வாசங் நிச்சா²ரேஸுங் ‘‘அனாக³தே லஜ்ஜீ ரக்கி²ஸ்ஸதி, லஜ்ஜீ ரக்கி²ஸ்ஸதி, லஜ்ஜீ ரக்கி²ஸ்ஸதீ’’தி (பாரா॰ அட்ட²॰ 1.45). ஏவங் யோ லஜ்ஜீ, ஸோ வினயங் அவிஜஹந்தோ அவோக்கமந்தோ லஜ்ஜிபா⁴வேனேவ வினயே டி²தோ ஹோதி ஸுப்பதிட்டி²தோதி.
அஸங்ஹீரோதி ஸங்ஹீரோ நாம யோ பாளியங் வா அட்ட²கதா²யங் வா ஹெட்ட²தோ வா உபரிதோ வா பத³படிபாடியா வா புச்சி²யமானோ வித்து²னதி விப்ப²ந்த³தி ஸந்திட்டி²துங் ந ஸக்கோதி, யங் யங் பரேன வுச்சதி, தங் தங் அனுஜானாதி, ஸகவாத³ங் ச²ட்³டெ³த்வா பரவாத³ங் க³ண்ஹாதி. யோ பன பாளியங் வா அட்ட²கதா²யங் வா ஹெட்டு²பரியேன வா பத³படிபாடியா வா புச்சி²யமானோ ந வித்து²னதி ந விப்ப²ந்த³தி, ஏகேகலோமங் ஸண்டா³ஸேன க³ண்ஹந்தோ விய ‘‘ஏவங் மயங் வதா³ம, ஏவங் நோ ஆசரியா வத³ந்தீ’’தி விஸ்ஸஜ்ஜேதி, யம்ஹி பாளி ச பாளிவினிச்ச²யோ ச ஸுவண்ணபா⁴ஜனே பக்கி²த்தஸீஹவஸா விய பரிக்க²யங் பரியாதா³னங் அக³ச்ச²ந்தோ திட்ட²தி, அயங் வுச்சதி ‘‘அஸங்ஹீரோ’’தி.
ஆசரியபரம்பரா கோ² பனஸ்ஸ ஸுக்³க³ஹிதா ஹோதீதி தே²ரபரம்பரா வங்ஸபரம்பரா அஸ்ஸ ஸுட்டு² க³ஹிதா ஹோதி. ஸுமனஸிகதாதி ஸுட்டு² மனஸிகதா, ஆவஜ்ஜிதமத்தே உஜ்ஜலிதபதீ³போ விய ஹோதி. ஸூபதா⁴ரிதாதி ஸுட்டு² உபதா⁴ரிதா புப்³பா³பரானுஸந்தி⁴தோ அத்த²தோ காரணதோ ச உபதா⁴ரிதா
இமேஹி ச பன தீஹி லக்க²ணேஹி ஸமன்னாக³தேன வினயத⁴ரேன வத்து²வினிச்ச²யத்த²ங் ஸன்னிபதிதே ஸங்கே⁴ ஓதிண்ணே வத்து²ஸ்மிங் சோத³கேன ச சுதி³தகேன ச வுத்தே வத்தப்³பே³ ஸஹஸா அவினிச்சி²னித்வாவ ச² டா²னானி ஓலோகேதப்³பா³னி. கதமானி ச²? வத்து² ஓலோகேதப்³ப³ங், மாதிகா ஓலோகேதப்³பா³, பத³பா⁴ஜனீயங் ஓலோகேதப்³ப³ங், திகபரிச்சே²தோ³ ஓலோகேதப்³போ³, அந்தராபத்தி ஓலோகேதப்³பா³, அனாபத்தி ஓலோகேதப்³பா³தி.
வத்து²ங்
மாதிகங் ஓலோகெந்தோபி ‘‘ஸம்பஜானமுஸாவாதே³ பாசித்திய’’ந்திஆதி³னா (பாசி॰ 3) நயேன பஞ்சன்னங் ஆபத்தீனங் அஞ்ஞதரங் ஆபத்திங் பஸ்ஸதி, ஸோ தங் ஸுத்தங் ஆனெத்வா தங் அதி⁴கரணங் வூபஸமெஸ்ஸதி.
பத³பா⁴ஜனீயங் ஓலோகெந்தோபி ‘‘அக்க²யிதே ஸரீரே மேது²னங் த⁴ம்மங் படிஸேவதி, ஆபத்தி பாராஜிகஸ்ஸ. யேபு⁴ய்யேன க²யிதே ஸரீரே மேது²னங் த⁴ம்மங்
திகபரிச்சே²த³ங் ஓலோகெந்தோபி திகஸங்கா⁴தி³ஸேஸங் வா திகபாசித்தியங் வா திகது³க்கடங் வா அஞ்ஞதரங் வா ஆபத்திங் திகபரிச்சே²தே³ பஸ்ஸதி, ஸோ ததோ ஸுத்தங் ஆனெத்வா தங் அதி⁴கரணங் வூபஸமெஸ்ஸதி.
அந்தராபத்திங் ஓலோகெந்தோபி ‘‘படிலாதங் உக்கி²பதி, ஆபத்தி து³க்கடஸ்ஸா’’தி (பாசி॰ 355) ஏவங் யா ஸிக்கா²பத³ந்தரேஸு அந்தராபத்தி ஹோதி, தங் பஸ்ஸதி, ஸோ தங் ஸுத்தங் ஆனெத்வா தங் அதி⁴கரணங் வூபஸமெஸ்ஸதி.
அனாபத்திங் ஓலோகெந்தோபி ‘‘அனாபத்தி பி⁴க்கு² அஸாதி³யந்தஸ்ஸ, அதெ²ய்யசித்தஸ்ஸ, ந மரணாதி⁴ப்பாயஸ்ஸ, அனுல்லபனாதி⁴ப்பாயஸ்ஸ, ந மோசனாதி⁴ப்பாயஸ்ஸ அஸஞ்சிச்ச அஸதியா அஜானந்தஸ்ஸா’’தி (பாரா॰ 72, 136, 180, 225, 263 தோ²கங் தோ²கங் விஸதி³ஸங்) ஏவங் தஸ்மிங் தஸ்மிங் ஸிக்கா²பதே³ நித்³தி³ட்ட²ங் அனாபத்திங் பஸ்ஸதி, ஸோ தங் ஸுத்தங் ஆனெத்வா தங் அதி⁴கரணங் வூபஸமெஸ்ஸதி.
யோ ஹி பி⁴க்கு² சதுப்³பி³த⁴வினயகோவிதோ³ திலக்க²ணஸம்பன்னோ இமானி ச² டா²னானி ஓலோகெத்வா அதி⁴கரணங் வூபஸமெஸ்ஸதி, தஸ்ஸ வினிச்ச²யோ அப்படிவத்தியோ பு³த்³தே⁴ன ஸயங் நிஸீதி³த்வா வினிச்சி²தஸதி³ஸோ ஹோதி. தங் சே ஏவங் வினிச்ச²யகுஸலங் பி⁴க்கு²ங் கோசி கதஸிக்கா²பத³வீதிக்கமோ
யஸ்ஸ பன ஸீலங் பி⁴ன்னங் ஹோதி, தஸ்ஸ கம்மட்டா²னங் ந க⁴டயதி, பதோதா³பி⁴துன்னங் விய சித்தங் விகம்பதி, விப்படிஸாரக்³கி³னா ட³ய்ஹதி, தத்தபாஸாணே நிஸின்னோ விய தங்க²ணேயேவ வுட்டா²தி. ஸோ ஆக³தோ ‘‘கா தே சித்தபவத்தீ’’தி புச்சி²தப்³போ³. ஆரோசிதாய சித்தபவத்தியா ‘‘நத்தி² லோகே ரஹோ நாம பாபகம்மங் பகுப்³ப³தோ. ஸப்³ப³பட²மஞ்ஹி பாபங் கரொந்தோ அத்தனா ஜானாதி. அத²ஸ்ஸ ஆரக்க²தே³வதா பரசித்தவிதூ³ ஸமணப்³ராஹ்மணா அஞ்ஞா ச தே³வதா ஜானந்தி, த்வங்யேவ தா³னி தவ ஸொத்தி²ங்
235. இதா³னி யா ஸா புப்³பே³ வுத்தப்பபே⁴தா³ சோத³னா, தஸ்ஸாயேவ ஸம்பத்திவிபத்திஜானநத்த²ங் ஆதி³மஜ்ஜ²பரியோஸானாதீ³னங் வஸேன வினிச்ச²யோ வேதி³தப்³போ³ சோத³னாய ‘‘அஹங் தங் வத்துகாமோ, கரோது மே ஆயஸ்மா ஓகாஸ’’ந்தி ஏவங் ஓகாஸகம்மங் ஆதி³. ஓதிண்ணேன வத்து²னா சோதெ³த்வா ஸாரெத்வா வினிச்ச²யோ மஜ்ஜே². ஆபத்தியங் வா அனாபத்தியங் வா பதிட்டா²பனேன ஸமதோ² பரியோஸானங்.
சோத³னாய கதி மூலானி, கதி வத்தூ²னி, கதி பூ⁴மியோ? சோத³னாய த்³வே மூலானி ஸமூலிகா வா அமூலிகா வா. தீணி வத்தூ²னி தி³ட்ட²ங் ஸுதங் பரிஸங்கிதங். பஞ்ச பூ⁴மியோ காலேன வக்கா²மி, நோ அகாலேன, பூ⁴தேன வக்கா²மி, நோ அபூ⁴தேன, ஸண்ஹேன வக்கா²மி, நோ ப²ருஸேன, அத்த²ஸங்ஹிதேன வக்கா²மி, நோ அனத்த²ஸங்ஹிதேன, மெத்தசித்தோ வக்கா²மி, நோ தோ³ஸந்தரோதி. இமாய ச பன சோத³னாய சோத³கேன புக்³க³லேன ‘‘பரிஸுத்³த⁴காயஸமாசாரோ நு கொ²ம்ஹீ’’திஆதி³னா (பரி॰ 436) நயேன உபாலிபஞ்சகேஸு வுத்தேஸு பன்னரஸஸு த⁴ம்மேஸு பதிட்டா²தப்³ப³ங். சுதி³தகேன த்³வீஸு த⁴ம்மேஸு பதிட்டா²தப்³ப³ங் ஸச்சே ச அகுப்பே சாதி.
அனுவிஜ்ஜகேன (பரி॰ 360) ச சோத³கோ புச்சி²தப்³போ³ ‘‘யங் கோ² த்வங், ஆவுஸோ, இமங் பி⁴க்கு²ங் சோதே³ஸி, கிம்ஹி நங் சோதே³ஸி, ஸீலவிபத்தியா சோதே³ஸி, ஆசாரவிபத்தியா சோதே³ஸி, தி³ட்டி²விபத்தியா சோதே³ஸீ’’தி. ஸோ சே ஏவங் வதெ³ய்ய ‘‘ஸீலவிபத்தியா வா சோதே³மி, ஆசாரவிபத்தியா வா சோதே³மி, தி³ட்டி²விபத்தியா வா சோதே³மீ’’தி. ஸோ ஏவமஸ்ஸ வசனீயோ ‘‘ஜானாஸி பனாயஸ்மா ஸீலவிபத்திங், ஜானாஸி ஆசாரவிபத்திங், ஜானாஸி தி³ட்டி²விபத்தி’’ந்தி. ஸோ சே ஏவங் வதெ³ய்ய ‘‘ஜானாமி கோ² அஹங், ஆவுஸோ, ஸீலவிபத்திங், ஜானாமி ஆசாரவிபத்திங், ஜானாமி தி³ட்டி²விபத்தி’’ந்தி. ஸோ ஏவமஸ்ஸ வசனீயோ ‘‘கதமா பனாவுஸோ, ஸீலவிபத்தி, கதமா ஆசாரவிபத்தி, கதமா தி³ட்டி²விபத்தீ’’தி? ஸோ சே ஏவங் வதெ³ய்ய ‘‘சத்தாரி பாராஜிகானி தேரஸ ஸங்கா⁴தி³ஸேஸா, அயங் ஸீலவிபத்தி. து²ல்லச்சயங் பாசித்தியங் பாடிதே³ஸனீயங் து³க்கடங் து³ப்³பா⁴ஸிதங், அயங் ஆசாரவிபத்தி. மிச்சா²தி³ட்டி² அந்தக்³கா³ஹிகா தி³ட்டி², அயங் தி³ட்டி²விபத்தீ’’தி.
ஸோ ஏவமஸ்ஸ வசனீயோ ‘‘யங் கோ² த்வங், ஆவுஸோ, இமங் பி⁴க்கு²ங் சோதே³ஸி, தி³ட்டே²ன வா சோதே³ஸி, ஸுதேன வா சோதே³ஸி, பரிஸங்காய வா சோதே³ஸீ’’தி
ஸோ சே ஏவங் வதெ³ய்ய ‘‘ந கோ² அஹங், ஆவுஸோ, இமங் பி⁴க்கு²ங் தி³ட்டே²ன சோதே³மி, அபிச ஸுதேன சோதே³மீ’’தி. ஸோ ஏவமஸ்ஸ வசனீயோ ‘‘யங் கோ² த்வங், ஆவுஸோ, இமங் பி⁴க்கு²ங் ஸுதேன சோதே³ஸி, கிங் தே ஸுதங், கிந்தி தே ஸுதங், கதா³ தே ஸுதங், கத்த² தே ஸுதங், பாராஜிகங் அஜ்ஜா²பன்னோதி ஸுதங், ஸங்கா⁴தி³ஸேஸங் அஜ்ஜா²பன்னோதி ஸுதங், து²ல்லச்சயங் பாசித்தியங் பாடிதே³ஸனீயங் து³க்கடங் து³ப்³பா⁴ஸிதங் அஜ்ஜா²பன்னோதி ஸுதங், பி⁴க்கு²ஸ்ஸ ஸுதங், பி⁴க்கு²னியா ஸுதங், ஸிக்க²மானாய ஸுதங், ஸாமணேரஸ்ஸ ஸுதங், ஸாமணேரியா ஸுதங், உபாஸகஸ்ஸ ஸுதங், உபாஸிகாய ஸுதங், ராஜூனங் ஸுதங், ராஜமஹாமத்தானங் ஸுதங், தித்தி²யானங் ஸுதங், தித்தி²யஸாவகானங் ஸுத’’ந்தி.
ஸோ சே ஏவங் வதெ³ய்ய ‘‘ந கோ² அஹங், ஆவுஸோ, இமங் பி⁴க்கு²ங் ஸுதேன சோதே³மி, அபிச பரிஸங்காய சோதே³மீ’’தி. ஸோ ஏவமஸ்ஸ வசனீயோ ‘‘யங் கோ² த்வங், ஆவுஸோ, இமங் பி⁴க்கு²ங் பரிஸங்காய சோதே³ஸி, கிங் பரிஸங்கஸி, கிந்தி பரிஸங்கஸி, கதா³ பரிஸங்கஸி, கத்த² பரிஸங்கஸி? பாராஜிகங் த⁴ம்மங் அஜ்ஜா²பன்னோதி பரிஸங்கஸி, ஸங்கா⁴தி³ஸேஸங் து²ல்லச்சயங் பாசித்தியங் பாடிதே³ஸனீயங் து³க்கடங் து³ப்³பா⁴ஸிதங் அஜ்ஜா²பன்னோதி பரிஸங்கஸி, பி⁴க்கு²ஸ்ஸ ஸுத்வா பரிஸங்கஸி, பி⁴க்கு²னியா ஸுத்வா…பே॰… தித்தி²யஸாவகானங் ஸுத்வா பரிஸங்கஸீ’’தி.
தி³ட்ட²ங் தி³ட்டே²ன ஸமேதி, தி³ட்டே²ன ஸங்ஸந்த³தே தி³ட்ட²ங்;
தி³ட்ட²ங் படிச்ச ந உபேதி, அஸுத்³த⁴பரிஸங்கிதோ;
ஸோ புக்³க³லோ படிஞ்ஞாய, காதப்³போ³ தேனுபோஸதோ².
ஸுதங் ஸுதேன ஸமேதி, ஸுதேன ஸங்ஸந்த³தே ஸுதங்;
ஸுதங் படிச்ச ந உபேதி, அஸுத்³த⁴பரிஸங்கிதோ;
ஸோ புக்³க³லோ படிஞ்ஞாய, காதப்³போ³ தேனுபோஸதோ².
முதங்
முதங் படிச்ச ந உபேதி, அஸுத்³த⁴பரிஸங்கிதோ;
ஸோ புக்³க³லோ படிஞ்ஞாய, காதப்³போ³ தேனுபோஸதோ².
படிஞ்ஞா லஜ்ஜீஸு கதா, அலஜ்ஜீஸு ஏவங் ந விஜ்ஜதி;
ப³ஹும்பி அலஜ்ஜீ பா⁴ஸெய்ய, வத்தானுஸந்தி⁴தேன காரயேதி. (பரி॰ 359);
அபிசெத்த² ஸங்கா³மாவசரேன பி⁴க்கு²னா ஸங்க⁴ங் உபஸங்கமந்தேன நீசசித்தேன ஸங்கோ⁴ உபஸங்கமிதப்³போ³ ரஜோஹரணஸமேன சித்தேன, ஆஸனகுஸலேன ப⁴விதப்³ப³ங் நிஸஜ்ஜகுஸலேன, தே²ரே பி⁴க்கூ² அனுபக²ஜ்ஜந்தேன நவே பி⁴க்கூ² ஆஸனேன அப்படிபா³ஹந்தேன யதா²பதிரூபே ஆஸனே நிஸீதி³தப்³ப³ங், அனானாகதி²கேன ப⁴விதப்³ப³ங் அதிரச்சா²னகதி²கேன, ஸாமங் வா த⁴ம்மோ பா⁴ஸிதப்³போ³, பரோ வா அஜ்ஜே²ஸிதப்³போ³, அரியோ வா துண்ஹீபா⁴வோ நாதிமஞ்ஞிதப்³போ³.
ஸங்கே⁴ன அனுமதேன புக்³க³லேன அனுவிஜ்ஜகேன அனுவிஜ்ஜிதுகாமேன ந உபஜ்ஜா²யோ புச்சி²தப்³போ³, ந ஆசரியோ புச்சி²தப்³போ³, ந ஸத்³தி⁴விஹாரிகோ புச்சி²தப்³போ³, ந அந்தேவாஸிகோ புச்சி²தப்³போ³, ந ஸமானுபஜ்ஜா²யகோ புச்சி²தப்³போ³, ந ஸமானாசரியகோ புச்சி²தப்³போ³, ந ஜாதி புச்சி²தப்³பா³, ந நாமங் புச்சி²தப்³ப³ங், ந கொ³த்தங் புச்சி²தப்³ப³ங், ந ஆக³மோ புச்சி²தப்³போ³, ந குலபதே³ஸோ புச்சி²தப்³போ³, ந ஜாதிபூ⁴மி புச்சி²தப்³பா³. தங் கிங்காரணா? அத்ரஸ்ஸ பேமங் வா தோ³ஸோ வா, பேமே வா ஸதி தோ³ஸே வா ச²ந்தா³பி க³ச்செ²ய்ய தோ³ஸாபி க³ச்செ²ய்ய மோஹாபி க³ச்செ²ய்ய ப⁴யாபி க³ச்செ²ய்யாதி.
ஸங்கே⁴ன அனுமதேன புக்³க³லேன அனுவிஜ்ஜகேன அனுவிஜ்ஜிதுகாமேன ஸங்க⁴க³ருகேன ப⁴விதப்³ப³ங், நோ புக்³க³லக³ருகேன, ஸத்³த⁴ம்மக³ருகேன ப⁴விதப்³ப³ங், நோ ஆமிஸக³ருகேன, அத்த²வஸிகேன ப⁴விதப்³ப³ங், நோ பரிஸகப்பிகேன, காலேன அனுவிஜ்ஜிதப்³ப³ங், நோ அகாலேன, பூ⁴தேன அனுவிஜ்ஜிதப்³ப³ங், நோ அபூ⁴தேன, ஸண்ஹேன அனுவிஜ்ஜிதப்³ப³ங், நோ ப²ருஸேன, அத்த²ஸங்ஹிதேன அனுவிஜ்ஜிதப்³ப³ங், நோ அனத்த²ஸங்ஹிதேன, மெத்தசித்தேன அனுவிஜ்ஜிதப்³ப³ங், நோ தோ³ஸந்தரேன, ந உபகண்ணகஜப்பினா ப⁴விதப்³ப³ங், ந ஜிம்ஹங் பெக்கி²தப்³ப³ங், ந அக்கி² நிக²ணிதப்³ப³ங், ந ப⁴முகங் உக்கி²பிதப்³ப³ங், ந ஸீஸங் உக்கி²பிதப்³ப³ங், ந ஹத்த²விகாரோ காதப்³போ³, ந ஹத்த²முத்³தா³ த³ஸ்ஸேதப்³பா³.
ஆஸனகுஸலேன
இதி பாளிமுத்தகவினயவினிச்ச²யஸங்க³ஹே
சோத³னாதி³வினிச்ச²யகதா² ஸமத்தா.