1. பாராஜிககண்டோ³
1. பட²மபாராஜிகங்
ஸுதி³ன்னபா⁴ணவாரவண்ணனா
24. விக்காயிகப⁴ண்ட³ஸ்ஸ ப⁴ண்ட³ப்பயோஜனங் நாம. ஏவங் பயோஜிதஸ்ஸ மூலஸ்ஸ ஸஹ வட்³டி⁴யா க³ஹணவாயாமோ உத்³தா⁴ரோ நாம. அஸுகதி³வஸே தி³ன்னந்திஆதி³னா பமுட்ட²ஸ்ஸ ஸதுப்பாத³னாதி³ ஸாரணங் நாம. சதுப்³பி³தா⁴யாதி க²த்தியப்³ராஹ்மணக³ஹபதிஸமணானங் வஸேன, பி⁴க்கு²ஆதீ³னங் வா வஸேன சதுப்³பி³தா⁴ய. தி³ஸ்வானஸ்ஸ ஏதத³ஹோஸீதி ஹேதுஅத்தே² அயங் தி³ஸ்வான-ஸத்³தோ³ அஸமானகத்துகத்தா, யதா² க⁴தங் பிவித்வா ப³லங் ஹோதீதி, ஏவமஞ்ஞத்தா²பி ஏவரூபேஸு. ப⁴ப்³ப³குலபுத்தோதி உபனிஸ்ஸயமத்தஸபா⁴வேன வுத்தங், ந பச்சி²மப⁴விகதாய. தேனேவஸ்ஸ மாதாதி³அகல்யாணமித்தஸமாயோகே³ன கதவீதிக்கமனங் நிஸ்ஸாய உப்பன்னவிப்படிஸாரேன அதி⁴க³மந்தராயோ ஜாதோ. பச்சி²மப⁴விகானங் புப்³ப³பு³த்³து⁴ப்பாதே³ஸு லத்³த⁴ப்³யாகரணானங் ந ஸக்கா கேனசி அந்தராயங் காதுங். தேனேவ அங்கு³லிமாலத்தே²ராத³யோ அகுஸலங் கத்வாபி அதி⁴க³மஸம்பன்னா ஏவ அஹேஸுந்தி. சரிமகசித்தந்தி சுதிசித்தங். ஸங்க²ங் விய லிகி²தங் க⁴ங்ஸித்வா தோ⁴விதங் ஸங்க²லிகி²தந்தி ஆஹ தோ⁴தஇச்சாதி³. அஜ்ஜா²வஸதாதி அதி⁴-ஸத்³த³யோகே³ன அகா³ரந்தி பு⁴ம்மத்தே² உபயோக³வசனந்தி ஆஹ ‘‘அகா³ரமஜ்ஜே²’’தி. கஸாயரஸரத்தானி காஸாயானீதி ஆஹ ‘‘கஸாயரஸபீததாயா’’தி. கஸாயதோ நிப்³ப³த்ததாய ச ஹி ரஸோபி ‘‘கஸாயரஸோ’’தி வுச்சதி.
26. யதா³ ஜானாதி-ஸத்³தோ³ போ³த⁴னத்தோ² ந ஹோதி, ததா³ தஸ்ஸ பயோகே³ ஸப்பினோ ஜானாதி மது⁴னோ ஜானாதீதிஆதீ³ஸு விய கரணத்தே² ஸாமிவசனங் ஸத்³த³ஸத்த²விதூ³ இச்ச²ந்தீதி ஆஹ ‘‘கிஞ்சி து³க்கே²ன நானுபோ⁴ஸீ’’தி. கேனசி து³க்கே²ன நானுபோ⁴ஸீதி அத்தோ², கிஞ்சீதி எத்தா²பி ஹி கரணத்தே² ஸாமிவசனஸ்ஸ லோபோ கதோ, தேனேவ வக்க²தி ‘‘விகப்பத்³வயேபி புரிமபத³ஸ்ஸ உத்தரபதே³ன ஸமானவிப⁴த்திலோபோ விகப்பத்³வயேபீதி அனுப⁴வனஸரணத்த²வஸேன வுத்தே து³தியததியவிகப்பத்³வயே. புரிமபத³ஸ்ஸாதி கிஞ்சீதி பத³ஸ்ஸ. உத்தரபதே³னாதி து³க்க²ஸ்ஸாதிபதே³ன. ஸமானாய ஸாமிவசனபூ⁴தாய விப⁴த்தியா ‘‘கஸ்ஸசி து³க்க²ஸ்ஸா’’தி வத்தப்³பே³ ‘‘கிஞ்சி து³க்க²ஸ்ஸா’’தி லோபோதி த³ட்ட²ப்³போ³. மரணேனபி மயங் தேதி எத்த² தேதி பத³ஸ்ஸ ஸஹத்தே² கரணவஸேனபி அத்த²ங் த³ஸ்ஸேதுங் தயா வியோக³ங் வா பாபுணிஸ்ஸாமாதி அத்த²ந்தரங் வுத்தங்.
28. க³ந்த⁴ப்³பா³ நாம கா³யனகா. நடா நாம ரங்க³னடா. நாடகா லங்க⁴னகாத³யோ. ஸுகூ²பகரணேஹி அத்தனோ பரிசரணங் கரொந்தோ யஸ்மா லளந்தோ கீளந்தோ நாம ஹோதி, தஸ்மா து³தியே அத்த²விகப்பே லளாதிஆதி³ வுத்தங். தா³னப்பதா³னாதீ³னீதி எத்த² நிச்சதா³னங் தா³னங் நாம, விஸேஸதா³னங் பதா³னங் நாம, ஆதி³-ஸத்³தே³ன ஸீலாதீ³னி ஸங்க³ண்ஹாதி.
30. சுத்³த³ஸ ப⁴த்தானீதி ஸங்க⁴ப⁴த்தங் உத்³தே³ஸப⁴த்தங் நிமந்தனங் ஸலாகங் பக்கி²கங் உபோஸதி²கங் பாடிபதி³கங் ஆக³ந்துகங் க³மிகங் கி³லானங் கி³லானுபட்டா²கங் விஹார-து⁴ர-வாரப⁴த்தந்தி இமானி சுத்³த³ஸ ப⁴த்தானி. எத்த² ச ஸேனாஸனாதி³பச்சயத்தயனிஸ்ஸிதேஸு ஆரஞ்ஞகங்கா³தி³பதா⁴னங்கா³னங் க³ஹணவஸேன ஸேஸது⁴தங்கா³னிபி க³ஹிதானேவ ஹொந்தீதி வேதி³தப்³ப³ங். வஜ்ஜீனந்தி வஜ்ஜீராஜூனங். வஜ்ஜீஸூதி ஜனபதா³பெக்க²ங் ப³ஹுவசனங், வஜ்ஜீனாமகே ஜனபதே³தி அத்தோ². பஞ்சகாமகு³ணாயேவ உபபு⁴ஞ்ஜிதப்³ப³தோ பரிபு⁴ஞ்ஜிதப்³ப³தோ ச உபபோ⁴க³பரிபோ⁴கா³, இத்தி²வத்தா²தீ³னி ச தது³பகரணானீதி ஆஹ ‘‘யேஹி தேஸ’’ந்திஆதி³. உக்கட்ட²பிண்ட³பாதிகத்தாதி ஸேஸது⁴தங்க³பரிவாரிதேன உக்கட்ட²பிண்ட³பாதிகது⁴தங்கே³ன ஸமன்னாக³தத்தா, தேனாஹ ‘‘ஸபதா³னசாரங் சரிதுகாமோ’’தி.
31. தோ³ஸாதி ரத்தி. தத்த² அபி⁴வுத்த²ங் பரிவுஸிதங் ஆபி⁴தோ³ஸிகங், அபி⁴தோ³ஸங் வா பச்சூஸகாலங் க³தோ பத்தோ அதிக்கந்தோ ஆபி⁴தோ³ஸிகோ, தேனாஹ ஏகரத்தாதிக்கந்தஸ்ஸ வாதிஆதி³.
32. உத³ககஞ்ஜியந்தி பானீயபரிபோ⁴ஜனீயஉத³கஞ்ச யாகு³ ச. ததா²தி ஸமுச்சயத்தே².அனோகப்பனங் அஸத்³த³ஹனங், அமரிஸனங் அஸஹனங்.
34. தத்³தி⁴தலோபந்தி இணாயிகா. பலிபு³த்³தோ⁴தி ‘மா க³ச்ச² மா பு⁴ஞ்ஜா’திஆதி³னா கதாவரணோ, பீளிதோதி அத்தோ².
35. அத்தனாதி ஸயங். ஸபதினோ த⁴னஸாமினோ இத³ங் ஸாபதெய்யங், த⁴னங். ததே³வ விப⁴வோ.
36. பி⁴ஜ்ஜந்தீதி அக³ஹிதபுப்³பா³ ஏவ பி⁴ஜ்ஜந்தி. தி³ன்னாபி படிஸந்தீ⁴தி பிதரா தி³ன்னங் ஸுக்கங் நிஸ்ஸாய உப்பன்னஸ்ஸ ஸத்தஸ்ஸ படிஸந்தி⁴பி தேன தி³ன்னா நாம ஹோதீதி வுத்தங். ஸுக்கமேவ வா இத⁴ படிஸந்தி⁴னிஸ்ஸயத்தா ‘‘படிஸந்தீ⁴’’தி வுத்தங், தேனாஹ ‘‘கி²ப்பங் பதிட்டா²தீ’’தி. ந ஹி பிது ஸங்யோக³க்க²ணேயேவ ஸத்தஸ்ஸ உப்பத்தினியமோ அத்தி² ஸுக்கமேவ ததா² பதிட்டா²னநியமதோ. ஸுக்கே பன பதிட்டி²தே யாவ ஸத்த தி³வஸானி, அட்³ட⁴மாஸமத்தங் வா, தங் க³ப்³ப⁴ஸண்டா²னஸ்ஸ கெ²த்தமேவ ஹோதி மாது மங்ஸஸ்ஸ லோஹிதலேஸஸ்ஸ ஸப்³ப³தா³பி விஜ்ஜமானத்தா. புப்³பே³பி பஞ்ஞத்தஸிக்கா²பதா³னங் ஸப்³பா⁴வதோ அபஞ்ஞத்தே ஸிக்கா²பதே³தி இமஸ்ஸ பட²மபாராஜிகஸிக்கா²பதே³ அட்ட²பிதேதி அத்தோ² வுத்தோ. ஏவரூபந்தி ஏவங் க³ருகஸபா⁴வங், பாராஜிகஸங்கா⁴தி³ஸேஸவத்து²பூ⁴தந்தி அத்தோ², தேனாஹ ‘‘அவஸேஸே பஞ்சகு²த்³த³காபத்திக்க²ந்தே⁴ ஏவ பஞ்ஞபேஸீ’’தி. யங் ஆதீ³னவந்தி ஸம்ப³ந்தோ⁴. காயவிஞ்ஞத்திசோபனதோதி காயவிஞ்ஞத்தியா நிப்³ப³த்தசலனதோ.
தேனேவாதி அவதா⁴ரணேன யானி க³ப்³ப⁴க்³க³ஹணகாரணானி நிவத்திதானி, தானிபி த³ஸ்ஸேதுங் கிங் பனாதிஆதி³ வுத்தங். தத்த² உப⁴யேஸங் ச²ந்த³ராக³வஸேன காயஸங்ஸக்³கோ³ வுத்தோ. இத்தி²யா ஏவ ச²ந்த³ராக³வஸேன நாபி⁴பராமஸனங் விஸுங் வுத்தங். ஸாமபண்டி³தஸ்ஸ ஹி மாதா புத்துப்பத்தியா ஸஞ்ஜாதாத³ரா நாபி⁴பராமஸனகாலே காமராக³ஸமாகுலசித்தா அஹோஸி, இதரதா² புத்துப்பத்தியா ஏவ அஸம்ப⁴வதோ. ‘‘ஸக்கோ சஸ்ஸா காமராக³ஸமுப்பத்தினிமித்தானி அகாஸீ’’திபி வத³ந்தி, வத்து²வஸேன வா ஏதங் நாபி⁴பராமஸனங் காயஸங்ஸக்³க³தோ விஸுங் வுத்தந்தி த³ட்ட²ப்³ப³ங். மாதங்க³பண்டி³தஸ்ஸ தி³ட்ட²மங்க³லிகாய நாபி⁴பராமஸனேன மண்ட³ப்³யஸ்ஸ நிப்³ப³த்தி அஹோஸி. சண்ட³பஜ்ஜோதமாது நாபி⁴யங் விச்சி²கா ப²ரித்வா ஏதேனேவ நயேனாதிஆதி³.
அயந்தி ஸுதி³ன்னஸ்ஸ புராணது³தியிகா. யங் ஸந்தா⁴யாதி யங் அஜ்ஜா²சாரங் ஸந்தா⁴ய. மாதாபிதரோ ச ஸன்னிபதிதா ஹொந்தீதி இமினா ஸுக்கஸ்ஸ ஸம்ப⁴வங் தீ³பேதி, மாதா ச உதுனீ ஹோதீதி இமினா ஸோணிதஸ்ஸ. க³ந்த⁴ப்³போ³தி தத்ருபகோ³ ஸத்தோ அதி⁴ப்பேதோ, க³ந்தப்³போ³தி வுத்தங் ஹோதி, த-காரஸ்ஸ செத்த² த⁴-காரோ கதோ. அத² வா க³ந்த⁴ப்³பா³ நாம ரங்க³னடா, தே விய தத்ர தத்ர ப⁴வேஸு நானாவேஸக்³க³ஹணதோ அயம்பி ‘‘க³ந்த⁴ப்³போ³’’தி வுத்தோ, ஸோ மாதாபிதூனங் ஸன்னிபாதக்க²ணதோ பச்சா²பி ஸத்தாஹப்³ப⁴ந்தரே க³ப்³ப⁴ஸ்ஸாதி கலலரூபஸஹிதஸ்ஸ படிஸந்தி⁴விஞ்ஞாணஸ்ஸ. தஞ்ஹி இத⁴ ‘‘க³ப்³போ⁴’’தி அதி⁴ப்பேதங் ஸா தேன க³ப்³ப⁴ங் க³ண்ஹீதிஆதீ³ஸு (பாரா॰ 36) விய. அஸ்ஸ தங் அஜ்ஜா²சாரந்தி ஸம்ப³ந்தோ⁴. பாளியங் நிரப்³பு³தோ³ வத போ⁴ பி⁴க்கு²ஸங்கோ⁴ நிராதீ³னவோதி இமஸ்ஸ அனந்தரங் தஸ்மிங் பி⁴க்கு²ஸங்கே⁴தி அஜ்ஜா²ஹரித்வா ஸுதி³ன்னேன…பே॰… ஆதீ³னவோ உப்பாதி³தோதி யோஜனா வேதி³தப்³பா³. இதிஹாதி நிபாதஸமுதா³யஸ்ஸ ஏவந்தி இத³ங் அத்த²ப⁴வனங். முஹுத்தேனாதி இத³ங் க²ணேனாதி பத³ஸ்ஸ வேவசனங். யாவ ப்³ரஹ்மலோகா அப்³பு⁴க்³க³தோபி தே³வானங் தாவமஹந்தோ ஸத்³தோ³ தேஸங் ரூபங் விய மனுஸ்ஸானங் கோ³சரோ ந ஹோதி. தஸ்மா பச்சா² ஸுதி³ன்னேன வுத்தே ஏவ ஜானிங்ஸூதி த³ட்ட²ப்³ப³ங்.
37. மக்³க³ப்³ரஹ்மசரியந்தி மக்³க³பத³ட்டா²னங் ஸிக்க²த்தயமேவ உபசாரதோ வுத்தங் தஸ்ஸேவ யாவஜீவங் சரிதப்³ப³த்தா. அவிப்பா²ரிகோதி உத்³தே³ஸாதீ³ஸு அப்³யாவடோ. வஹச்சி²ன்னோதி சி²ன்னபாதோ³, சி²ன்னக²ந்தோ⁴ வா. சிந்தயீதி இமினா பஜ்ஜா²யீதி பத³ஸ்ஸ கிரியாபத³த்தங் த³ஸ்ஸேதி. தேன ‘‘கிஸோ அஹோஸி…பே॰… பஜ்ஜா²யி சா’’தி ச-காரங் ஆனெத்வா பாளியோஜனா காதப்³பா³.
38. க³ணே ஜனஸமாக³மே ஸன்னிபாதனங் க³ணஸங்க³ணிகா, ஸாவ பபஞ்சா, தேன க³ணஸங்க³ணிகாபபஞ்சேன. யஸ்ஸாதி யே அஸ்ஸ. கதா²பா²ஸுகாதி விஸ்ஸாஸிகபா⁴வேன பா²ஸுககதா², ஸுக²ஸம்பா⁴ஸாதி அத்தோ². உபாதா³ரூபங் பூ⁴தரூபமுகே²னேவ மந்த³னங் பீனநஞ்ச ஹோதீதி ஆஹ பஸாத³இச்சாதி³. தா³னீதி நிபாதோ இத⁴ பன-ஸத்³த³த்தே² வத்ததி தக்காலவாசினோ ஏதரஹி-பத³ஸ்ஸ விஸுங் வுச்சமானத்தாதி ஆஹ ‘‘ஸோ பன த்வ’’ந்தி. நோ-ஸத்³தோ³பி நு-ஸத்³தோ³ விய தமேவாதி கி³ஹிபா⁴வபத்த²னாலக்க²ணமேவ. அனபி⁴ரதிமேவாதி ஏவ-காரேன நிவத்திதாய பன தத³ஞ்ஞாய அனபி⁴ரதியா விஜ்ஜமானத்தங் த³ஸ்ஸேதுங் அதி⁴குஸலானந்திஆதி³ வுத்தங், ஸமத²விபஸ்ஸனா அதி⁴குஸலா நாம. இத³ங் பனாதிஆதி³ உபரி வத்தப்³ப³விஸேஸத³ஸ்ஸனங். பரியாயவசனமத்தந்தி ஸத்³த³த்த²கத²னமத்தங்.
தஸ்மிந்தி த⁴ம்மே, ஏவங் விராகா³ய தே³ஸிதே ஸதீதி அத்தோ². நாமாதி க³ரஹாயங். லோகுத்தரனிப்³பா³னந்தி விராகா³யாதிஆதி³னா வுத்தகிலேஸக்க²யனிப்³பா³னதோ விஸேஸேதி. ஜாதிங் நிஸ்ஸாய உப்பஜ்ஜனகமானோ ஏவ மத³ஜனநட்டே²ன மதோ³தி மானமதோ³. ‘‘அஹங் புரிஸோ’’தி பவத்தோ மானோ புரிஸமதோ³. ‘‘அஸத்³த⁴ம்மஸேவனாஸமத்த²தங் நிஸ்ஸாய மானோ, ராகோ³ ஏவ வா புரிஸமதோ³’’தி கேசி. ஆதி³-ஸத்³தே³ன ப³லமதா³தி³ங் ஸங்க³ண்ஹாதி. தேபூ⁴மகவட்டந்தி தீஸு பூ⁴மீஸு கம்மகிலேஸவிபாகா பவத்தனட்டே²ன விரஜ்ஜதீதி விக³ச்ச²தி. யோனியோதி அண்ட³ஜாத³யோ, தா பன யவந்தி தாஹி ஸத்தா அமிஸ்ஸிதாபி ஸமானஜாதிதாய மிஸ்ஸிதா ஹொந்தீதி ‘‘யோனியோ’’தி வுத்தா.
ஞாததீரணபஹானவஸேனாதி எத்த² லக்க²ணாதி³வஸேன ஸப்பச்சயனாமரூபபரிக்³க³ஹோ ஞாதபரிஞ்ஞா நாம. கலாபஸம்மஸனாதி³வஸேன பவத்தா லோகியவிபஸ்ஸனா தீரணபரிஞ்ஞா நாம. அரியமக்³கோ³ பஹானபரிஞ்ஞா நாம. இத⁴ பன ஞாததீரணகிச்சானம்பி அஸம்மோஹதோ மக்³க³க்க²ணே ஸிஜ்ஜ²னதோ அரியமக்³க³மேவ ஸந்தா⁴ய திவிதா⁴பி பரிஞ்ஞா வுத்தா, தேனேவ ‘‘லோகுத்தரமக்³கோ³வ கதி²தோ’’தி வுத்தங். காமேஸு பாதப்³யதானந்தி வத்து²காமேஸு பாதப்³யதாஸங்கா²தானங் ஸுபா⁴தி³ஆகாரானங் ததா³காரகா³ஹிகானங் தண்ஹானந்தி அத்தோ². விஸயமுகே²ன ஹெத்த² விஸயினோ க³ஹிதா. தீஸு டா²னேஸூதி ‘‘விராகா³ய த⁴ம்மோ தே³ஸிதோ…பே॰… நோ ஸஉபாதா³னாயா’’தி ஏவங் வுத்தேஸு.
39. கலிஸாஸனாரோபனத்தா²யாதி தோ³ஸாரோபனத்தா²ய. கலீதி கோத⁴ஸ்ஸ நாமங், தஸ்ஸ ஸாஸனங் கலிஸாஸனங், கோத⁴வஸேன வுச்சமானா க³ரஹா. அஜ்ஜா²சாரோவ வீதிக்கமோ. ஸமணகரணானங் த⁴ம்மானந்தி ஸமணபா⁴வகரானங் ஹிரொத்தப்பாதி³த⁴ம்மானங். பாளியங் கத²ங்-ஸத்³த³யோகே³ன ந ஸக்கி²ஸ்ஸஸீதி அனாக³தவசனங் கதங், ‘‘நாம-ஸத்³த³யோகே³னா’’திபி வத³ந்தி. அதிவிய து³க்க²விபாகந்தி உத³ககிச்சந்திஆதி³. ஸமாபஜ்ஜிஸ்ஸஸீதி அனாக³தவசனங் நாம-ஸத்³த³யோகே³ன கதந்தி ஆஹ ‘‘நாம-ஸத்³தே³ன யோஜேதப்³ப³’’ந்தி. து³ப்³ப⁴ரதாதீ³னங் ஹேதுபூ⁴தோ அஸங்வரோ இத⁴ து³ப்³ப⁴ரதாதி³-ஸத்³தே³ன வுத்தோ காரணே காரியோபசாரேனாதி ஆஹ ‘‘து³ப்³ப⁴ரதாதீ³னங் வத்து²பூ⁴தஸ்ஸ அஸங்வரஸ்ஸா’’தி. அத்தாதி அத்தபா⁴வோ. து³ப்³ப⁴ரதந்தி அத்தனா உபட்டா²கேஹி ச து³க்கே²ன ப⁴ரிதப்³ப³தங். ஸத்தேஹி கிலேஸேஹி ச ஸங்க³ணனங் ஸமோதா⁴னங் ஸங்க³ணிகாதி ஆஹ க³ணஸங்க³ணிகாயாதிஆதி³. அட்ட²குஸீதவத்து²பாரிபூரியாதி எத்த² கம்மங் காதப்³ப³ந்தி ஏகங், ததா² அகாஸிந்தி, மக்³கோ³ க³ந்தப்³போ³தி அக³மாஸிந்தி, நாலத்த²ங் போ⁴ஜனஸ்ஸ பாரிபூரிந்தி, அலத்த²ந்தி, உப்பன்னோ மே ஆபா³தோ⁴தி, அசிரவுட்டி²தோ கே³லஞ்ஞாதி ஏகந்தி இமானி அட்ட² குஸீதவத்தூ²னி நாம. எத்த² ச கோஸஜ்ஜங் குஸீத-ஸத்³தே³ன வுத்தங். வினாபி ஹி பா⁴வஜோதனபச்சயங் பா⁴வத்தோ² விஞ்ஞாயதி யதா² படஸ்ஸ ஸுக்கந்தி. ஸப்³ப³கிலேஸாபசயபூ⁴தாய விவட்டாயாதி ராகா³தி³ஸப்³ப³கிலேஸானங் அபசயஹேதுபூ⁴தாய நிப்³பா³னாய, நிப்³பா³னத்த²ந்தி அத்தோ². ஸங்வரப்பஹானபடிஸங்யுத்தந்தி ஸீலஸங்வராதீ³ஹி பஞ்சஹி ஸங்வரேஹி சேவ தத³ங்க³ப்பஹானாதீ³ஹி பஞ்சஹி பஹானேஹி ச உபேதங். அஸுத்தந்த வினிப³த்³த⁴ந்தி தீஸு பிடகேஸு பாளிஸங்கா²தஸுத்தந்தவஸேன அரசிதங், ஸங்கீ³திகாரேஹி ச அனாரோபிதங், தேனாஹ ‘‘பாளிவினிமுத்த’’ந்தி. தேன ச அட்ட²கதா²ஸு யதா²னுரூபங் ஸங்க³ஹிதந்தி ஓக்கந்திகத⁴ம்மதே³ஸனா நாம தஸ்மிங் தஸ்மிங் பஸங்கே³ ஓதாரெத்வா ஓதாரெத்வா நானானயேஹி கதி²யமானா த⁴ம்மதே³ஸனா, தேனாஹ ப⁴க³வா கிராதிஆதி³. படிக்கி²பனாதி⁴ப்பாயாதி பஞ்ஞத்தம்பி ஸிக்கா²பத³ங் ‘‘கிமேதேனா’’தி மத்³த³னசித்தா.
வுத்தத்த²வஸேனாதி பதிட்டா²அதி⁴க³முபாயவஸேன. ஸிக்கா²பத³விப⁴ங்கே³ யா தஸ்மிங் ஸமயே காமேஸுமிச்சா²சாரா ஆரதி விரதீதிஆதி³னா (விப⁴॰ 706) நித்³தி³ட்ட²விரதியோ சேவ, யா தஸ்மிங் ஸமயே சேதனா ஸஞ்சேதனாதிஆதி³னா (விப⁴॰ 704) நித்³தி³ட்ட²சேதனா ச, காமேஸுமிச்சா²சாரா விரமந்தஸ்ஸ ப²ஸ்ஸோ…பே॰… அவிக்கே²போதிஆதி³னா (விப⁴॰ 705) நித்³தி³ட்ட²ப²ஸ்ஸாதி³த⁴ம்மா ச ஸிக்கா²பத³ந்தி த³ஸ்ஸேதுங் ‘‘அயஞ்ச அத்தோ² நாமகாயோதி நாமஸமூஹோ நாமபஞ்ஞத்தியேவ, ஸேஸானிபி தஸ்ஸேவ வேவசனானி. ஸிக்கா²கொட்டா²ஸோதி விரதிஆத³யோ வுத்தா தப்பகாஸகஞ்ச வசனங்.
அத்த²வஸேதி ஹிதவிஸேஸே ஆனிஸங்ஸவிஸேஸே, தே ச ஸிக்கா²பத³பஞ்ஞத்தியா ஹேதூதி ஆஹ ‘‘காரணவஸே’’தி. ஸுக²விஹாராபா⁴வே ஸஹஜீவனஸ்ஸ அபா⁴வதோ ஸஹஜீவிதாதி ஸுக²விஹாரோவ வுத்தோ. து³ஸ்ஸீலபுக்³க³லாதி நிஸ்ஸீலா தூ³ஸிதஸீலா ச. பாராஜிகஸிக்கா²பத³ப்பஸங்கே³ ஹி நிஸ்ஸீலா அதி⁴ப்பேதா, ஸேஸஸிக்கா²பத³பஸங்கே³ தேஹி தேஹி வீதிக்கமேஹி க²ண்ட³சி²த்³தா³தி³பா⁴வப்பத்தியா தூ³ஸிதஸீலா அதி⁴ப்பேதா. உப⁴யேனபி அலஜ்ஜினோவ இத⁴ ‘‘து³ஸ்ஸீலா’’தி வுத்தாதி வேதி³தப்³பா³. ஸப்³ப³ஸிக்கா²பதா³னம்பி த³ஸ அத்த²வஸே படிச்சேவ பஞ்ஞத்தத்தா உபரி து³ஸ்ஸீலபுக்³க³லே நிஸ்ஸாயாதி எத்தா²பி ஏஸேவ நயோ, தேனேவ ‘‘யே மங்குதங்…பே॰… நிக்³க³ஹெஸ்ஸதீ’’தி ஸப்³ப³ஸிக்கா²பத³ஸாதா⁴ரணவஸேன அத்தோ² வுத்தோ. தத்த² மங்குதந்தி நித்தேஜதங் அதோ⁴முக²தங். த⁴ம்மேனாதிஆதீ³ஸு த⁴ம்மோதி பூ⁴தங் வத்து². வினயோதி சோத³னா சேவ ஸாரணா ச. ஸத்து²ஸாஸனந்தி ஞத்திஸம்பதா³ சேவ அனுஸாவனஸம்பதா³ ச. ஸந்தி³ட்ட²மானாதி ஸங்ஸயங் ஆபஜ்ஜமானா. உப்³பா³ள்ஹாதி பீளிதா. து³ஸ்ஸீலபுக்³க³லே நிஸ்ஸாய ஹி உபோஸதோ² ந திட்ட²தி, பவாரணா ந திட்ட²தி, ஸங்க⁴கம்மானி நப்பவத்தந்தி, ஸாமக்³கீ³ ந ஹோதீதி இமினா அலஜ்ஜீஹி ஸத்³தி⁴ங் உபோஸதா²தி³ஸகலஸங்க⁴கம்மங் காதுங் ந வட்டதி த⁴ம்மபரிபோ⁴க³த்தாதி த³ஸ்ஸேதி. உபோஸத²பவாரணானங் நியதகாலிகதாய ச அவஸ்ஸங் கத்தப்³ப³த்தா ஸங்க⁴கம்மதோ விஸுங் க³ஹணங் வேதி³தப்³ப³ங். அகித்தி க³ரஹா. அயஸோ பரிவாரஹானி.
சுத்³த³ஸ க²ந்த⁴கவத்தானி நாம வத்தக்க²ந்த⁴கே (சூளவ॰ 356 ஆத³யோ) வுத்தானி ஆக³ந்துகவத்தங் த்³வே அஸீதி மஹாவத்தானி பன தஜ்ஜனீயகம்மகதாதி³காலேயேவ சரிதப்³பா³னி, ந ஸப்³ப³தா³. தஸ்மா விஸுங் க³ணிதானி. தானி பன ‘‘பாரிவாஸிகானங் பி⁴க்கூ²னங் வத்தங் பஞ்ஞபெஸ்ஸாமீ’’தி (சூளவ॰ 75) ஆரபி⁴த்வா ‘‘ந உபஸம்பாதே³தப்³ப³ங்…பே॰… ந ச²மாய சங்கமந்தே
ஸங்வரவினயோதி ஸீலஸங்வரோ ஸதிஸங்வரோ ஞாணஸங்வரோ க²ந்திஸங்வரோ வீரியஸங்வரோதி பஞ்சவிதோ⁴பி ஸங்வரோ யதா²ஸகங் ஸங்வரிதப்³பா³னங் வினேதப்³பா³னஞ்ச காயது³ச்சரிதாதீ³னங் ஸங்வரணதோ ஸங்வரோ, வினயனதோ வினயோதி வுச்சதி. பஹானவினயோதி தத³ங்க³ப்பஹானங் விக்க²ம்ப⁴னப்பஹானங் ஸமுச்சே²த³ப்பஹானங் படிப்பஸ்ஸத்³தி⁴ப்பஹானங் நிஸ்ஸரணப்பஹானந்தி பஞ்சவித⁴ம்பி பஹானங், யஸ்மா சாக³ட்டே²ன பஹானங், வினயனட்டே²ன வினயோ, தஸ்மா ‘‘பஹானவினயோ’’தி வுச்சதி. ஸமத²வினயோதி ஸத்த அதி⁴கரணஸமதா². பஞ்ஞத்திவினயோதி ஸிக்கா²பத³மேவ. தம்பி ஹி ப⁴க³வதோ ஸிக்கா²பத³பஞ்ஞத்தியாவ அனுக்³க³ஹிதங் ஹோதி தப்³பா⁴வே ஏவ பா⁴வதோ. ஸங்க²லிகனயங் கத்வா த³ஸக்க²த்துங் யோஜனஞ்ச கத்வா யங் வுத்தந்தி ஸம்ப³ந்தோ⁴. தத்த² புரிமபுரிமபத³ஸ்ஸ அனந்தரபதே³னேவ யோஜிதத்தா அயோஸங்க²லிகஸதி³ஸந்தி ‘‘ஸங்க²லிகனய’’ந்தி வுத்தங். த³ஸஸு பதே³ஸு ஏகமேகங் பத³ங் தத³வஸேஸேஹி நவனவபதே³ஹி யோஜிதத்தா ‘‘ஏகேகபத³மூலிக’’ந்தி வுத்தங்.
அத்த²ஸதங் த⁴ம்மஸதந்தி எத்த² யோ ஹி ஸோ பரிவாரே (பரி॰ 334) யங் ஸங்க⁴ஸுட்டு², தங் ஸங்க⁴பா²ஸூதி ஆதி³ங்கத்வா யங் ஸத்³த⁴ம்மட்டி²தியா, தங் வினயானுக்³க³ஹாயாதி பரியோஸானங் க²ண்ட³சக்கவஸேனேவ ஸங்க²லிகனயோ வுத்தோ, தஸ்மிங் ஏகமூலகனயே ஆக³தப³த்³த⁴சக்கனயேன யங் வினயானுக்³க³ஹாய, தங் ஸங்க⁴ஸுட்டூ²தி இத³ம்பி யோஜெத்வா ப³த்³த⁴சக்கே கதே புரிமபுரிமானி த³ஸ த⁴ம்மபதா³னி, பச்சி²மபச்சி²மானி த³ஸ அத்த²பதா³னி சாதி வீஸதி பதா³னி ஹொந்தி. ஏகமூலகனயே பன ஏகஸ்மிங் வாரே நவேவ அத்த²பதா³னி லப்³ப⁴ந்தி. ஏவங் த³ஸஹி வாரேஹி நவுதி அத்த²பதா³னி நவுதி த⁴ம்மபதா³னி ச ஹொந்தி, தானி ஸங்க²லிகனயே வுத்தேஹி த³ஸஹி அத்த²பதே³ஹி த³ஸஹி த⁴ம்மபதே³ஹி ச ஸத்³தி⁴ங் யோஜிதானி யதா²வுத்தங் அத்த²ஸதங் த⁴ம்மஸதஞ்ச ஹொந்தீதி வேதி³தப்³ப³ங். யங் பனெத்த² ஸாரத்த²தீ³பனியங் (ஸாரத்த² டீ॰ பாராஜிககண்ட³ 2.39) ஸங்க²லிகனயேபி ஏகமூலகனயேபி பச்சேகங் அத்த²ஸதஸ்ஸ த⁴ம்மஸதஸ்ஸ யோஜனாமுக²ங் வுத்தங், தங் ததா² ஸித்³தே⁴பி அத்த²ஸதங் த⁴ம்மஸதந்தி (பரி॰ 334) கா³தா²ய ந ஸமேதி த்³வே அத்த²ஸதானி த்³வே த⁴ம்மஸதானி சத்தாரி நிருத்திஸதானி அட்ட² ஞாணஸதானீதி வத்தப்³ப³தோ. தஸ்மா இத⁴ வுத்தனயேனேவ அத்த²ஸதங் த⁴ம்மஸதந்தி வுத்தந்தி க³ஹேதப்³ப³ங். த்³வே ச நிருத்திஸதானீதி அத்த²ஜோதிகானங் நிருத்தீனங் வஸேன நிருத்திஸதங், த⁴ம்மபூ⁴தானங் நிருத்தீனஞ்ச வஸேன நிருத்திஸதந்தி த்³வே நிருத்திஸதானி. சத்தாரி ச ஞாணஸதானீதி அத்த²ஸதே ஞாணஸதங், த⁴ம்மஸதே ஞாணஸதங், த்³வீஸு நிருத்திஸதேஸு த்³வே ஞாணஸதானீதி சத்தாரி ஞாணஸதானி. அதிரேகானயனத்தோ²தி அவுத்தஸமுச்சயத்தோ².
பட²மபஞ்ஞத்திகதா²வண்ணனானயோ நிட்டி²தோ.
ஸுதி³ன்னபா⁴ணவாரவண்ணனா நிட்டி²தா.
மக்கடீவத்து²கதா²வண்ணனா
40. பசுரத்தே² ஹி வத்தமானவசனந்தி ஏகதா³ படிஸேவித்வா பச்சா² அனோரமித்வா தி³வஸே தி³வஸே ஸேவனிச்சா²ய வத்தமானத்தா ஸேவனாய அபா⁴வக்க²ணேபி இஹ மல்லா யுஜ்ஜ²ந்தீதிஆதீ³ஸு விய அப்³பொ³ச்சி²ன்னதங் பா³ஹுல்லவுத்திதஞ்ச உபாதா³ய படிஸேவதீதி வத்தமானவசனங் கதந்தி அத்தோ². ஆஹிண்ட³ந்தாதி விசரந்தா.
41. ஸஹொட்³ட⁴க்³க³ஹிதோதி தங் ஸிக்கா²பத³ங் ததே²வ ஹோதீதி மனுஸ்ஸாமனுஸ்ஸாதி³புக்³க³லவிஸேஸங் கிஞ்சி அனுபாதி³யித்வா ஸாமஞ்ஞதோ ‘‘யோ பன பி⁴க்கு² மேது²னங் த⁴ம்மங் படிஸேவெய்யா’’தி (பாரா॰ 39) வுத்தத்தா மனுஸ்ஸாமனுஸ்ஸதிரச்சா²னக³தானங் இத்தி²புரிஸபண்ட³கஉப⁴தொப்³யஞ்ஜனானங் ஆமஸனங் ஆமட்ட²மத்தங். ததோ த³ள்ஹதரங் பு²ஸனங். க⁴ட்டனங் பன ததோ த³ள்ஹதரங் கத்வா ஸரீரேன ஸரீரஸ்ஸ ஸங்க⁴ட்டனங். தங் ஸப்³ப³ம்பீதி அனுராகே³ன பவத்திதங் த³ஸ்ஸனாதி³ஸப்³ப³ம்பி.
42. பாணாதிபாதாதி³ஸசித்தகஸிக்கா²பதா³னங் ஸுராபானாதி³அசித்தகஸிக்கா²பதா³னஞ்ச (பாசி॰ 326 ஆத³யோ) ஏகேனேவ லக்க²ணவசனேன லோகவஜ்ஜதங் த³ஸ்ஸேதுங் ‘‘யஸ்ஸ ஸசித்தகபக்கே² சித்தங் அகுஸலமேவ ஹோதி, தங் லோகவஜ்ஜங் நாமா’’தி வுத்தங். தத்த² ஸசித்தகபக்கே²தி இத³ங் கிஞ்சாபி அசித்தகஸிக்கா²பத³ங் ஸந்தா⁴யேவ வத்துங் யுத்தங் தஸ்ஸேவ ஸசித்தகபக்க²ஸம்ப⁴வதோ, ததா²பி ஸசித்தகஸிக்கா²பதா³னம்பி அஸஞ்சிச்ச சங்கமனாதீ³ஸு லோகே பாணகா⁴தவோஹாரஸம்ப⁴வேன அசித்தகபக்க²ங் பரிகப்பெத்வா உபி⁴ன்னம்பி ஸசித்தகாசித்தகஸிக்கா²பதா³னங் ஸாதா⁴ரணவஸேன ‘‘ஸசித்தகபக்கே²’’தி வுத்தங். இதரதா² ஸசித்தகஸிக்கா²பதா³னங் இமஸ்மிங் வாக்யே லோகவஜ்ஜதாலக்க²ணங் ந வுத்தங் ஸியா. ‘‘ஸசித்தகபக்கே² சித்தங் அகுஸலமேவா’’தி வுத்தே பன ஸசித்தகஸிக்கா²பதா³னங் சித்தங் அகுஸலமேவ, இதரேஸங் ஸசித்தகபக்கே²யேவ அகுஸலனியமோ, ந அசித்தகபக்கே². தத்த² பன யதா²ஸம்ப⁴வங் குஸலங் வா ஸியா, அகுஸலங் வா, அப்³யாகதங் வாதி அயமத்தோ² ஸாமத்தி²யதோ ஸிஜ்ஜ²தீதி வேதி³தப்³ப³ங். ஸசித்தகபக்கே²தி வத்து²வீதிக்கமவிஜானநசித்தேன ஸசித்தகபக்கே²தி க³ஹேதப்³ப³ங், ந பண்ணத்திவிஜானநசித்தேன ததா² ஸதி ஸப்³ப³ஸிக்கா²பதா³னம்பி லோகவஜ்ஜதாபஸங்க³தோ. ‘‘படிக்கி²த்தமித³ங் காதுங் ந வட்டதீ’’தி ஜானந்தஸ்ஸ ஹி பண்ணத்திவஜ்ஜேபி அனாத³ரியவஸேன படிக⁴சித்தமேவ உப்பஜ்ஜதி, தஸ்மா இத³ங் வாக்யங் நிரத்த²கமேவ ஸியா ஸப்³ப³ஸிக்கா²பதா³னிபி லோகவஜ்ஜானீதி எத்தகமத்தஸ்ஸேவ வத்தப்³ப³தாபஸங்க³தோ.
எத்த² ஸாரத்த²தீ³பனியங் (ஸாரத்த²॰ டீ॰ பாராஜிககண்ட³ 2.42) ‘‘ஸசித்தகபக்கே² சித்தங் அகுஸலமேவாதி வசனதோ அசித்தகஸ்ஸ வத்து²அஜானநவஸேன அசித்தகபக்கே² சித்தங் அகுஸலமேவாதி அயங் நியமோ நத்தீ²தி விஞ்ஞாயதீ’’தி வுத்தங், தங் ந யுத்தங் ஸசித்தகபக்கே²தி விஸேஸனம்பி ஸாத்த²கங் ஸியா. அசித்தகஸிக்கா²பதா³னங் ஸசித்தகபக்கே²ஸு அகுஸலனியமேன லோகவஜ்ஜதா ச ஸிஜ்ஜ²தி. தேஸு ச ஸுராபானஸ்ஸேவ அசித்தகபக்கே²பி லோகவஜ்ஜதா அகுஸலசித்ததா ச, இதரேஸங் பன ஸசித்தகபக்கே² ஏவாதி வாதோ³பி ந விருஜ்ஜ²தீதி ந கிஞ்செத்த² அனுபபன்னங் நாம.
யங் பனெத்த² ‘‘ஸுராதி அஜானித்வா பிவந்தஸ்ஸ…பே॰… வினாபி அகுஸலசித்தேன ஆபத்திஸம்ப⁴வதோ…பே॰… ஸுராபானாதி³அசித்தகஸிக்கா²பதா³னங் லோகவஜ்ஜதா ந ஸியா’’திஆதி³ வுத்தங். யஞ்ச தமத்த²ங் ஸாதே⁴துங் க³ண்டி²பதே³ஸு ஆக³தவசனங் த³ஸ்ஸெத்வா ப³ஹுங் பபஞ்சிதங், தங் ந ஸாரதோ பச்சேதப்³ப³ங் அட்ட²கதா²ஹி விருத்³த⁴த்தா. ததா² ஹி ‘‘வத்து²அஜானநதாய செத்த² அசித்தகதா வேதி³தப்³பா³ அகுஸலேனேவ பாதப்³ப³தாய லோகவஜ்ஜதா’’தி வுத்தங். யஞ்சேதஸ்ஸ ‘‘ஸசித்தகபக்கே² ஸுராபானட்ட²கதா²யம்பி வுத்தோ’’தி ஸக்கா வத்துங் வுத்தஸ்ஸேவ புன வசனே பயோஜனாபா⁴வா, தத³ஞ்ஞேஸுபி அசித்தகலோகவஜ்ஜேஸு வத்தப்³ப³தாபஸங்க³தோ ச, நாபி ஏகத்த² வுத்தோ நயோ தத³ஞ்ஞேஸுபி ஏகலக்க²ணதாய வுத்தோ ஏவ ஹோதீதி ‘‘ஸுராபானஸிக்கா²பதே³யேவ (பாசி॰ 326 ஆத³யோ) வுத்தோ’’தி ஸக்கா வத்துங் அசித்தகலோகவஜ்ஜானங் ஸப்³ப³பட²மே உய்யுத்தஸிக்கா²பதே³யேவ (பாசி॰ 311 ஆத³யோ) வத்தப்³ப³தோ, ஸுராபானஸிக்கா²பதே³யேவ வா வத்வா ஏஸேவ நயோ ஸேஸேஸு அசித்தகலோகவஜ்ஜேஸுபீதி அதிதி³ஸிதப்³ப³தோ ச.
அபிச வுத்தமேவத்த²ங் வத³ந்தேன ‘‘ஸசித்தகபக்கே² அகுஸலேனேவ பாதப்³ப³தாயா’’தி புப்³பே³ வுத்தக்கமேனேவ பி⁴க்கு²னீவிப⁴ங்க³ட்ட²கதா²யங் ‘‘வினாபி சித்தேன ஆபஜ்ஜிதப்³ப³த்தா அசித்தகானி, சித்தே பன ஸதி அகுஸலேனேவ ஆபஜ்ஜிதப்³ப³த்தா லோகவஜ்ஜானி சேவ அகுஸலசித்தானி சா’’தி கி³ரக்³க³ஸமஜ்ஜாதீ³னங் ஸசித்தகபக்கே² ஏவ லோகவஜ்ஜதா அகுஸலசித்ததா ச விஸேஸெத்வா வுத்தா, ந ஏவங் ஸுராபானஸ்ஸ. தஸ்ஸ பன பக்க²த்³வயஸ்ஸாபி ஸாதா⁴ரணவஸேன ‘‘அகுஸலேனேவ பாதப்³ப³தாயா’’தி வுத்தங், ந பன ‘‘ஸசித்தகபக்கே²’’தி விஸேஸெத்வா. தஸ்மா இத³ங் ஸுராபானங் ஸசித்தகாசித்தகபக்க²த்³வயேபி லோகவஜ்ஜங் அகுஸலசித்தஞ்சாதி த³ஸ்ஸேதுமேவ ‘‘அகுஸலேனேவ பாதப்³ப³தாய லோகவஜ்ஜதா’’தி விஸுங் வுத்தந்தி ஸுட்டு² ஸிஜ்ஜ²தி. ஏதேனேவ யங் ஸாரத்த²தீ³பனியங் ‘‘ஸசித்தகபக்கே² அகுஸலேனேவ பாதப்³ப³தாய லோகவஜ்ஜதா’’தி வுத்தஸ்ஸ இமஸ்ஸேவ அதி⁴ப்பாயஸ்ஸ படிபாத³கமேதந்தி ஸஞ்ஞாய இமினா ஏவ ஹி அதி⁴ப்பாயேன அஞ்ஞேஸுபி லோகவஜ்ஜேஸு அசித்தகஸிக்கா²பதே³ஸு அகுஸலசித்ததா ஏவ வுத்தா, ந பன திசித்ததா. தேனேவ பி⁴க்கு²னீவிப⁴ங்க³ட்ட²கதா²யங் பரமத்த²ஜோதிகாய (கு²॰ பா॰ அட்ட²॰ 2.பச்சி²மபஞ்சஸிக்கா²பத³வண்ணனா) கு²த்³த³கட்ட²கதா²ய ஸிக்கா²பத³வண்ணனாய ‘‘ஸுராமேரயமஜ்ஜபமாத³ட்டா²னங் ஸுத்தபிடகாதி³அட்ட²கதா²ஸு கத்த²சி ஜானநங்க³ங் ந வுத்தங். தஸ்மா ‘‘அகுஸலேனேவ பாதப்³ப³தாய லோகவஜ்ஜதா’’தி இமஸ்ஸ அட்ட²கதா²பாட²ஸ்ஸ அசித்தகபக்கே²பி ‘‘அகுஸலேனேவ பாதப்³ப³தாய லோகவஜ்ஜதா’’தி ஏவமேவ அத்தோ²தி நிட்ட²மெத்த² க³ந்தப்³ப³ங்.
அபிச யங் க³ண்டி²பதே³ஸு ‘‘ஏதங் ஸத்தங் மாரெஸ்ஸாமீதி தஸ்மிங்யேவ பதே³ஸே நிபன்னங் அஞ்ஞங் மாரெந்தஸ்ஸ பாணஸாமஞ்ஞஸ்ஸ அத்தி²தாய யதா² பாணாதிபாதோ ஹோதி, ஏவங் ஏதங் மஜ்ஜங் பிவிஸ்ஸாமீதி அஞ்ஞங் மஜ்ஜங் பிவந்தஸ்ஸ மஜ்ஜஸாமஞ்ஞஸ்ஸ அத்தி²தாய அகுஸலமேவ ஹோதி, யதா² பன கட்ட²ஸஞ்ஞாய ஸப்பங் கா⁴தெந்தஸ்ஸ பாணாதிபாதோ ந ஹோதி, ஏவங் நாளிகேரபானஸஞ்ஞாய மஜ்ஜங் பிவந்தஸ்ஸ அகுஸலங் ந ஹோதீ’’தி பாணாதிபாதேன ஸத்³தி⁴ங் ஸப்³ப³தா² ஸமானத்தேன உபமெத்வா வுத்தங், தங் அதிவிய அயுத்தங் ஸப்³பே³ஸங் ஸிக்கா²பதா³னங் பாணாதிபாதாதி³அகுஸலானஞ்ச அஞ்ஞமஞ்ஞங் ஸமானதாய நியமாபா⁴வா. பாணாதிபாதோ ஹி பரியாயேனாபி ஸிஜ்ஜ²தி, ந ததா² அதி³ன்னாதா³னங். தங் பன ஆணத்தியாபி ஸிஜ்ஜ²தி, ந ச மேது²னாதீ³ஸு. தஸ்மா பயோக³ங்கா³தீ³ஹிபி பி⁴ன்னானமேவ ஸங்ஸட்ட²ங் ஸப்³ப³தா² ஸமீகரணங் அயுத்தமேவ. ‘‘பாணாதிபாதோ விய அதி³ன்னாதா³னமேது²னாதீ³னிபி பரியாயகதா²தீ³ஹி ஸிஜ்ஜ²ந்தீ’’தி கேனசி வுத்தே தங் கிந்தி ந க³ய்ஹதி ததா² வசனாபா⁴வாதி சே? இதா⁴பி ‘‘ததா² பாணாதிபாதஸதி³ஸங் ஸுராபான’’ந்தி வசனாபா⁴வா இத³ம்பி ந க³ஹேதப்³ப³மேவ. கிஞ்சி அட்ட²கதா²வசனேனேவ ஸித்³த⁴மேவத்த²ங் படிபா³ஹந்தேன வினயஞ்ஞுனா ஸுத்தஸுத்தானுலோமாதீ³ஹி தஸ்ஸ விரோத⁴ங் த³ஸ்ஸெத்வா படிபா³ஹேதப்³ப³ங், ந பன பயோக³ங்கா³தீ³ஹி அச்சந்தவிபி⁴ன்னேன ஸிக்கா²பத³ந்தரேன ஸஹ ஸமீகரணமத்தேன. ந ஹி ‘‘ஸுராதி அஜானித்வா பிவந்தஸ்ஸாபி அகுஸலமேவா’’தி எத்த² ஸுத்தாதி³விரோதோ⁴ அத்தி², வினயபிடகே தாவ ஏதஸ்ஸ அத்த²ஸ்ஸ விருத்³த⁴ங் ஸுத்தாதி³கங் ந தி³ஸ்ஸதி, நாபி ஸுத்தபிடகாதீ³ஸு.
யங்
அபிச பா³லபுது²ஜ்ஜனானங் ச²ஸு த்³வாரேஸு உப்பஜ்ஜமானானி ஜவனானி யேபு⁴ய்யேன அகுஸலானேவ உப்பஜ்ஜந்தி. குஸலானி பன தேஸங் கல்யாணமித்தாதி³உபனிஸ்ஸயப³லேன அப்பகானேவ உப்பஜ்ஜந்தி, துண்ஹீபூ⁴தானம்பி நித்³தா³யித்வா ஸுபினங் பஸ்ஸந்தானம்பி உத்³த⁴ச்சாதி³அகுஸலஜவனஸ்ஸேவ யேபு⁴ய்யப்பவத்திதோ குஸலாகுஸலவிரஹிதஸ்ஸ ஜவனஸ்ஸ தேஸங் அபா⁴வா. அகுஸலா ஹி விஸயானுகு³ணங் வாஸனானுகு³ணஞ்ச யதா²பச்சயங் ஸமுப்பஜ்ஜந்தி, தத்த² கிங் புப்³பே³ ஜானநாஜானநனிப³த்³தே⁴ன. யே பன ஜானநாதி³அங்க³ஸம்பன்னா பாணாதிபாதாத³யோ, யே ச ஜானநாதி³ங் வினாபி ஸிஜ்ஜ²மானா ஸுராபானமிச்சா²தி³ட்டி²ஆத³யோ, தே தே ததா² ததா² யாதா²வதோ ஞத்வா ஸம்மாஸம்பு³த்³தே⁴ன நித்³தி³ட்டா², தேஸஞ்ச யதா²னித்³தி³ட்ட²வஸேன க³ஹணே கோ நாம அபி⁴த⁴ம்மவிரோதோ⁴. ஏவங் ஸுத்தாதி³விரோதா⁴பா⁴வதோ, அட்ட²கதா²ய ச வுத்தத்தா யதா²வுத்தவஸேனேவெத்த² அத்தோ² க³ஹேதப்³போ³. யதி³ ஏவங் கஸ்மா ‘‘ஸாமணேரோ ஜானித்வா பிவந்தோ ஸீலபே⁴த³ங் ஆபஜ்ஜதி, ந அஜானித்வா’’தி அட்ட²கதா²யங் வுத்தந்தி? நாயங் தோ³ஸோ ஸீலபே⁴த³ஸ்ஸ ப⁴க³வதோ ஆணாயத்தத்தா உக்கி²த்தானுவத்திகாதீ³னங் ஸீலபே⁴தோ³ விய. ந ஹி தாஸங் அகுஸலுப்பத்தியா ஏவ ஸீலபே⁴தோ³ ஹோதி ஸங்கா⁴யத்தஸமனுபா⁴ஸனானந்தரேயேவ விஹிதத்தா. ஏவமிதா⁴பி ஜானித்வா பிவனே ஏவ விஹிதோ, ந அஜானித்வா பிவனே. அஞ்ஞோ ஹி ஸிக்கா²பத³விஸயோ, அஞ்ஞோ அகுஸலவிஸயோ. தேனேவ ஸாமணேரானங் புரிமேஸு பஞ்சஸு ஸிக்கா²பதே³ஸு ஏகஸ்மிங் பி⁴ன்னே ஸப்³பா³னிபி ஸிக்கா²பதா³னி பி⁴ஜ்ஜந்தி. அகுஸலங் பன யங் பி⁴ன்னங், தேன ஏகேனேவ ஹோதி, நாஞ்ஞேஹி. தஸ்மா ஸாமணேரஸ்ஸ
யங் பன ஸாரத்த²தீ³பனியங் (ஸாரத்த²॰ டீ॰ பாராஜிககண்ட³ 2.42) ‘‘ஸாமணேரஸ்ஸ ஸுராதி அஜானித்வா
யஞ்ச ஸாரத்த²தீ³பனியங் (ஸாரத்த²॰ டீ॰ பாராஜிககண்ட³ 2.42) ‘‘அஜானித்வா பிவந்தஸ்ஸாபி ஸோதாபன்னஸ்ஸ முக²ங் ஸுரா ந பவிஸதி கம்மபத²ப்பத்தஅகுஸலசித்தேனேவ பாதப்³ப³தோ’’தி கேஹிசி வுத்தவசனங் ‘‘ந ஸுந்த³ர’’ந்தி படிக்கி²பித்வா ‘‘போ³தி⁴ஸத்தே குச்சி²க³தே போ³தி⁴ஸத்தமாது ஸீலங் விய ஹி இத³ம்பி அரியஸாவகானங் த⁴ம்மதாஸித்³த⁴ந்தி வேதி³தப்³ப³’’ந்தி வத்வா த⁴ம்மதாஸித்³த⁴த்தங்யேவ ஸமத்தே²துங் ‘‘ப⁴வந்தரேபி ஹி அரியஸாவகோ ஜீவிதஹேதுபி நேவ பாணங் ஹனதி, ந ஸுரங் பிவதி. ஸசே பிஸ்ஸ ஸுரஞ்ச கீ²ரஞ்ச மிஸ்ஸெத்வா முகே² பக்கி²பந்தி, கீ²ரமேவ பவிஸதி, ந ஸுரா. யதா² கிங்? யதா² கோஞ்சஸகுணானங் கீ²ரமிஸ்ஸகே உத³கே கீ²ரமேவ பவிஸதி, ந உத³கங். இத³ங் யோனிஸித்³த⁴ந்தி சே, இத³ம்பி த⁴ம்மதாஸித்³த⁴ந்தி வேதி³தப்³ப³’’ந்தி இத³ங் அட்ட²கதா²வசனங் த³ஸ்ஸிதங், தம்பி ந யுத்தமேவ. யதா² ஹி போ³தி⁴ஸத்தமாது ஸீலங் விய அரியஸாவகானங் த⁴ம்மதாஸித்³த⁴ந்தி எத்த²
யம்பி தீ³க⁴னிகாயட்ட²கதா²யங் (தீ³॰ நி॰ அட்ட²॰ 1.352) ‘‘ஸுரஞ்ச கீ²ரஞ்ச மிஸ்ஸெத்வா…பே॰… இத³ங் த⁴ம்மதாஸித்³த⁴’’ந்தி வசனங், தம்பி ஸுராபானஸ்ஸ அசித்தகபக்கே²பி அகுஸலசித்தஞ்ஞேவ ஸாதே⁴தி. ததா² ஹி ‘‘ப⁴வந்தரேபி ஹி அரியஸாவகோ ஜீவிதஹேதுபி பாணங் ந ஹனதி, நாதி³ன்னங் ஆதி³யதி…பே॰… ந ஸுரங் பிவதீ’’தி வுத்தே ‘‘புரிமானங் தாவ சதுன்னங் கம்மபதா²னங் ஸசித்தகத்தா விரமணங் ஸுகரங், பச்சி²மஸ்ஸ பன ஸுராபானஸ்ஸ அசித்தகத்தா கத²ங் விரமணங் ப⁴வெய்யா’’தி சோத³னாஸம்ப⁴வங் மனஸிகத்வா வத்து²அஜானநவஸேன அசித்தகத்தேபி யஸ்மா கம்மபத²ப்பத்தஅகுஸலேனேவ ஸுரா அஜ்ஜோ²ஹரிதப்³பா³, தாதி³ஸீ ச அகுஸலப்பவத்தி அரியஸாவகஸ்ஸ மக்³கே³னேவ ஹதா, தஸ்மாஸ்ஸ பரக³லங் ஸுராய பவிஸனங் நத்தீ²தி அத்த²தோ க³ம்யமானத்த²ங் பரிஹாரவசனங் வத³தா ‘‘ஸசே பிஸ்ஸ ஸுரஞ்ச கீ²ரஞ்சா’’திஆதி³ வுத்தங். தத்த² கீ²ரமேவ பவிஸதி, ந ஸுராதி இத³ங் ஸுராய ஸப்³ப³தா²பி பரக³லப்பவேஸாபா⁴வத³ஸ்ஸனபரங், ந பன ஸுராமிஸ்ஸகீ²ரஸ்ஸ ஸுராய வியோஜனஸாமத்தி²யத³ஸ்ஸனபரங். அயஞ்ஹெத்த² அதி⁴ப்பாயோ – யதி³ ஹி ஸுராமிஸ்ஸே கீ²ரே கிஞ்சி பவிஸெய்ய, கீ²ரமேவ பவிஸெய்ய, ந ஸுரா. கீ²ரே பன ஸுராய அவியுத்தே ந கிஞ்சி பவிஸதீதி இத³ங் யோனிஸித்³த⁴ந்தி உத³கஸ்ஸ முகே² அப்பவிஸனங் யோனிஸித்³த⁴ங். யோனீதி செத்த² ஜாதி அதி⁴ப்பேதா. தஸ்மா கோஞ்சஜாதிகானங் முக²துண்ட³ஸங்கா²தானங் ரூபத⁴ம்மானங் கீ²ரமிஸ்ஸஉத³கஜ்ஜோ²ஹரணஹேதுத்தாபா⁴வேன தங் அப்பவிஸனங் ஸித்³த⁴ந்தி அத்தோ². இத³ம்பி ஹி கீ²ரமிஸ்ஸாய ஸுராய கீ²ரே பவிஸந்தேபி பரக³லாபவிஸனந்தி. த⁴ம்மதாஸித்³த⁴ந்தி அரியஸாவகஸ்ஸ அரூபத⁴ம்மானங் ஸுராபிவனஹேதுபூ⁴தகிலேஸஸஹிதத்தாபா⁴வஸங்கா²தாய த⁴ம்மதாய ஸித்³த⁴ங். ஏவமெத்த² அசித்தகபக்கே²பி ஸுராய அகுஸலசித்தேனேவ பாதப்³ப³தோ அரியஸாவகானங் அபிவனங் ஸமத்தி²தந்தி வேதி³தப்³ப³ங். அதா²பி ஸியா அஜானநபக்கே² அகுஸலசித்தேன வினாவ பாதப்³ப³த்தேபி ஸுராய அபிவனங் அரியானங் த⁴ம்மதாதி
அபிச பாணாதிபாதாதீ³னங் பஞ்சன்னங் கம்மபதா²னங் ப⁴வந்தரேபி அகரணங் அரியானங் த⁴ம்மதாஸீலமேவ, தேஸஞ்ச யதி³ ஸசித்தகதங் ஸமானங். ஸுராபானங் விய இதரானிபி சத்தாரி அஜானந்தேனாபி அரியஸாவகேன ந கத்தப்³பா³னி ஸியுங், ததா² ச அஜானந்தானங் அரியானங் குஸலாப்³யாகதசித்தேஹிபி விரமணபரமாரணபரஸந்தகக³ஹணாதீ³ஸு காயவசீபவத்தி ந ஸம்பஜ்ஜெய்ய, நோ சே ஸம்பஜ்ஜதி, சக்கு²பாலத்தே²ரஸ்ஸ சங்கமனேன பாணவியோக³ஸ்ஸ, உப்பலவண்ணத்தே²ரியா ப³லக்காரேன மக்³கே³னமக்³க³பு²ஸனஸ்ஸ ச பவத்தத்தா. தஸ்மா ஸுராபானஸ்ஸ அசித்தகபக்கே²பி அகுஸலேனேவ பாதப்³ப³தாய ஸுரா அரியானங் பரக³லங் ந பவிஸதீதி விஸேஸெத்வா வுத்தந்தி வேதி³தப்³ப³ங்.
நனு வத்து²ங் ஜானந்தஸ்ஸேவ ஸப்³பே³ கம்மபதா² வுத்தாதி? ந, மிச்சா²தி³ட்டி²யா விபரீதக்³க³ஹணேனேவ பவத்தத்தா. கத²ஞ்ஹி நாம அஸப்³ப³ஞ்ஞுங் ஸப்³ப³ஞ்ஞுதோ, அனிச்சாதி³ங் நிச்சாதி³தோ ச க³ஹணந்தீ தி³ட்டி² வத்து²ங் விஜானாதி. யதி³ ஹி ஜானெய்ய, மிச்சா²தி³ட்டி²யேவ ந ஸியா. ஸா ச கம்மபதே²ஸு க³ணிதாதி குதோ ஜானந்தஸ்ஸேவ கம்மபத²ப்பவத்தினியமோ. அத² ஸப்³ப³ஞ்ஞுங் ஸப்³ப³ஞ்ஞூதி க³ண்ஹந்தீபி ‘‘அயங் ஸத்தோ’’தி தஸ்ஸ ஸரூபக்³க³ஹணதோ தி³ட்டி²பி வத்து²ங் விஜானாதீதி சே? ந, ஸுராபானஸ்ஸபி ‘‘அயங் ந ஸுரா’’தி ஸரூபக்³க³ஹணஸ்ஸ ஸமானத்தா. ‘‘அய’’ந்தி ச வத்து²பராமஸனேபி ‘‘ஸுரா’’தி விஸேஸவிஜானநாபா⁴வா ந ஜானாதீதி சே? ‘‘அய’’ந்தி புக்³க³லத்தங் ஜானந்தீபி ‘‘அஸப்³ப³ஞ்ஞூ’’திபி விஸேஸஜானநாபா⁴வா தி³ட்டி²பி வத்து²ங் ந ஜானாதீதி ஸமானமேவ. ஏவஞ்ஹி தேஸங்
அபிச ஸுராய பீயமானாய நியமேன அகுஸலுப்பாத³னங் ஸபா⁴வோ பீதாய விய. கீ²ராதி³ஸஞ்ஞாய பீதஸுரஸ்ஸ புக்³க³லஸ்ஸ மாதுப⁴கி³னிஆதீ³ஸுபி ராக³தோ³ஸாதி³அகுஸலப்பப³ந்தோ⁴ வத்து²ஸபா⁴வேனேவ உப்பஜ்ஜதி, ஏவங் பீயமானக்க²ணேபி திகி²ணோ ராகோ³ உப்பஜ்ஜதேவ, தேனேவ ஸாக³தத்தே²ரஸ்ஸ அஜானித்வா பிவனகாலே பஞ்சாபி⁴ஞ்ஞாதி³ஜா²னபரிஹானி, பச்சா² ச பு³த்³தா⁴தீ³ஸு அகா³ரவாதி³அகுஸலப்பப³ந்தோ⁴ யாவ ஸுராவிக³மா பவத்தித்த². தேனேவ ப⁴க³வாபி தஸ்ஸ அகா³ரவாதி³அகஉஸலப்பவத்தித³ஸ்ஸனமுகே²ன ஸுராதோ³ஸங் பகாஸெத்வா ஸிக்கா²பத³ங் பஞ்ஞபேஸி. ந ஹி பஞ்சனீவரணுப்பத்திங் வினா ஜா²னபரிஹானி ஹோதி. தஸ்மா அஜானந்தஸ்ஸாபி ஸுரா பீயமானா பீதா ச அத்தனோ ஸபா⁴வேனேவ அகுஸலுப்பாதி³காதி அயமத்தோ² ஸாக³தத்தே²ரஸ்ஸ ஜா²னபரிஹானியா அன்வயதோபி, அரியானங் கிலேஸாபா⁴வேன முகே²ன ஸுராய அப்பவேஸஸங்கா²தப்³யதிரேகதோபி ஸிஜ்ஜ²தீதி நிட்ட²மெத்த² க³ந்தப்³ப³ங், ஏவங் க³ஹணமேவ ஹி விப⁴ஜ்ஜவாதீ³மதானுஸாரங்.
யங் பன ‘‘ஜானித்வா பிவந்தஸ்ஸேவ அகுஸல’’ந்தி க³ஹணங், தங் பி⁴ன்னலத்³தி⁴கானங் அப⁴யகி³ரிகாதீ³னமேவ இமஸ்மிம்பி த³மிளரட்டே² கோசி பி⁴ன்னலத்³தி⁴கோ நாக³ஸேனோ நாம தே²ரோ குண்ட³லகேஸீவத்து²ங் பரவாத³மத²னநயத³ஸ்ஸனத்த²ங் த³மிளகப்³ப³ரூபேன காரெந்தோ ‘‘இமங் ஸுராபானஸ்ஸ ஜானித்வாவ பிவனே அகுஸலனயங், அஞ்ஞஞ்ச தே³ஸகாலாதி³பே⁴தே³ன அனந்தம்பி ஞெய்யங் ஸப்³ப³ஞ்ஞுதஞ்ஞாணங் ஸலக்க²ணவஸேனேவ ஞாதுங் ந ஸக்கோதி ஞாணேன பரிச்சி²ன்னத்தேன ஞெய்யஸ்ஸ அனந்தத்தஹானிப்பஸங்க³தோ. அனிச்சாதி³ஸாமஞ்ஞலக்க²ணவஸேனேவ பன ஞாதுங் ஸக்கோதீ’’தி ச, ‘‘பரமத்த²த⁴ம்மேஸு நாமரூபந்திஆதி³பே⁴தோ³ விய புக்³க³லாதி³ஸம்முதிபி விஸுங் வத்து²பே⁴தோ³ ஏவா’’தி ச ஏவமாதி³கங் ப³ஹுங் விபரீதத்த²னயங் கப்³பா³காரஸ்ஸ கவினோ உபதி³ஸித்வா தஸ்மிங் பப³ந்தே⁴ காரணாபா⁴ஸேஹி ஸதிங் ஸம்மோஹெத்வா பப³ந்தா⁴பேஸி, தஞ்ச கப்³ப³ங் நிஸ்ஸாய இமங் பி⁴ன்னலத்³தி⁴கமதங் இத⁴ விப⁴ஜ்ஜவாதீ³மதே ஸாரத்த²தீ³பனியா (ஸாரத்த²॰ டீ॰ பாராஜிககண்ட³ 2.42) வினயடீகாய ஸுராபானஸ்ஸ ஸசித்தகபக்கே²யேவ சித்தங் அகுஸலந்தி ஸமத்த²னவசனங் நிஸ்ஸாய கேஹிசி விபல்லத்தசித்தேஹி புன உக்கி²த்தஸிரங் ஜாதங், தஞ்ச மஹாதே²ரேஹி வினிச்சி²னித்வா கா³ரய்ஹவாத³ங் கத்வா மத்³தி³த்வா லத்³தி⁴கா³ஹகே ச பி⁴க்கூ² வியோஜெத்வா த⁴ம்மேன வினயேன ஸத்து²ஸாஸனேன சிரேனேவ வூபஸமிதங். தேனேவெத்த² மயங் ஏவங் வித்தா²ரதோ இத³ங் படிக்கி²பிம்ஹ ‘‘மா அஞ்ஞேபி விப⁴ஜ்ஜவாதி³னோ அயங் லத்³தி⁴ தூ³ஸேஸீ’’தி. தஸ்மா இத⁴ வுத்தானி அவுத்தானி ச காரணானி ஸுட்டு² ஸல்லக்கெ²த்வா யதா² ஆக³மவிரோதோ⁴ ந ஹோதி, ததா² அத்தோ² க³ஹேதப்³போ³.
ஸேஸந்தி யஸ்ஸ வத்து²விஜானநசித்தேன ஸசித்தகபக்கே²பி சித்தங் அகுஸலமேவாதி நியமோ நத்தி², தங் ஸப்³ப³ந்தி அத்தோ². ருந்த⁴ந்தீதி ‘‘திரச்சா²னக³தித்தி²யா தோ³ஸோ நத்தீ²’’திஆதி³னா அனாபத்தியா லேஸக்³க³ஹணங் நிவாரெந்தீ. த்³வாரங் பித³ஹந்தீதி ‘‘தஞ்ச கோ² மனுஸ்ஸித்தி²யா’’திஆதி³னா (பாரா॰ 41) லேஸக்³க³ஹணஸ்ஸ காரணஸங்கா²தங் த்³வாரங் பித³ஹந்தீ. ஸோதங் பச்சி²ந்த³மானாதி தது³ப⁴யலேஸக்³க³ஹணத்³வாரானங் வஸேன அவிச்சி²ன்னங் வீதிக்கமஸோதங் பச்சி²ந்த³மானா. கா³ள்ஹதரங் கரொந்தீதி யதா²வுத்தேஹி காரணேஹி பட²மபஞ்ஞத்திஸித்³த⁴ங் ஆபத்திஞ்ஞேவ த³ள்ஹங் கரொந்தீ, அனாபத்தியா ஓகாஸங் அத³த³மானாதி அத்தோ². ஸா ச யஸ்மா வீதிக்கமாபா⁴வே, அவிஸயதாய அப்³போ³ஹாரிகே வீதிக்கமே ச லோகவஜ்ஜேபி ஸிதி²லங் கரொந்தீ உப்பஜ்ஜதி, தஸ்மா ததா² உப்பத்திங் உப்பத்திகாரணஞ்ச த³ஸ்ஸெந்தோ ஆஹ அஞ்ஞத்ர அதி⁴மானாதிஆதி³. அஞ்ஞத்ர அதி⁴மானாதி இமிஸ்ஸா அனுபஞ்ஞத்தியா ‘‘வீதிக்கமாபா⁴வா’’தி காரணங் வுத்தங். அஞ்ஞத்ர ஸுபினந்தாதி இமிஸ்ஸா ‘‘அப்³போ³ஹாரிகத்தா’’தி காரணங் வுத்தங். தத்த² வீதிக்கமாபா⁴வாதி பாபிச்சா²ய அவிஜ்ஜமானஸ்ஸ உத்தரிமனுஸ்ஸத⁴ம்மஸ்ஸ விஜ்ஜமானதோ அப்³போ³ஹாரிகத்தாதி ‘‘அத்தே²ஸா, பி⁴க்க²வே, சேதனா, ஸா ச கோ² அப்³போ³ஹாரிகா’’தி (பாரா॰ 235) வசனதோ மோசனஸ்ஸாத³சேதனாய உபக்கமனஸ்ஸ ச விஜ்ஜமானத்தேபி தி²னமித்³தே⁴ன அபி⁴பூ⁴ததாய வா-ஸத்³தோ³ செத்த² ஸமுச்சயத்தோ² த³ட்ட²ப்³போ³, ‘‘அப்³போ³ஹாரிகத்தா சா’’தி வா பாடோ². வுத்தாதி து³விதா⁴பி சேஸா அனுபஞ்ஞத்தி அனாபத்திகரா வுத்தாதி அதி⁴ப்பாயோ.
அகதே வீதிக்கமேதி ஆபதா³ஸுபி பி⁴க்கூ²ஹி ஸிக்கா²பத³வீதிக்கமே அகதே, குக்குச்சா ந பு⁴ஞ்ஜிங்ஸூதிஆதீ³ஸு விய வீதிக்கமங் அகத்வா பி⁴க்கூ²ஹி அத்தனோ து³க்கு²ப்பத்தியா ஆரோசிதாயாதி அத்தோ². ஸிதி²லங் கரொந்தீதி பட²மங் ஸாமஞ்ஞதோ ப³த்³த⁴ஸிக்கா²பத³ங் மோசெத்வா அத்தனோ விஸயே அனாபத்திகரணவஸேன ஸிதி²லங் கரொந்தீ. த்³வாரங் த³த³மானாதி அனாபத்தியா த்³வாரங் த³த³மானா. அபராபரம்பி அனாபத்திங் குருமானாதி தி³ன்னேன தேன த்³வாரேன உபரூபரி அனாபத்திபா⁴வங் தீ³பெந்தீ. பஞ்ஞத்தேபி ஸிக்கா²பதே³ உதா³யினா ‘‘முஹுத்திகாய வேஸியா ந தோ³ஸோ’’தி லேஸேன வீதிக்கமித்வா ஸஞ்சரித்தாபஜ்ஜனவத்து²ஸ்மிங் (பாரா॰ 296 ஆத³யோ) பஞ்ஞத்தத்தா ‘‘கதே வீதிக்கமே’’தி வுத்தங். பஞ்ஞத்திக³திகாதி அத்த²தோ மூலபஞ்ஞத்தியேவாதி அதி⁴ப்பாயோ.
மக்கடீவத்து²கதா²வண்ணனானயோ நிட்டி²தோ.
ஸந்த²தபா⁴ணவாரோ
வஜ்ஜிபுத்தகவத்து²கதா²வண்ணனா
43-44. வஜ்ஜிபுத்தகவத்து²கதா²ய பாளியங் ‘‘வேஸாலிகா…பே॰… மேது²னங் த⁴ம்மங் படிஸேவிங்ஸூ’’தி எத்த² தே ஞாதிகுலங் க³ந்த்வா கி³ஹிலிங்க³ங் க³ஹெத்வா ‘‘கி³ஹிபூ⁴தா மய’’ந்தி ஸஞ்ஞாய மேது²னங் படிஸேவிங்ஸூதி க³ஹேதப்³ப³ங், தேனாஹ ஞாதிப்³யஸனேனபி பு²ட்டா²திஆதி³. ஞாதீனங் வினாஸோ ராஜத³ண்டா³தி³காரணேன ஹோதீதி ஆஹ ராஜத³ண்ட³இச்சாதி³. த⁴ஞ்ஞஹிரஞ்ஞதா³ஸிதா³ஸகோ³மஹிங்ஸாதி³த⁴னானி போ⁴கா³ நாம, தேஸம்பி ராஜத³ண்டா³தி³னாவ வினாஸோதி ஆஹ ‘‘ஏஸ நயோ து³தியபதே³பீ’’தி. ந ஸப்³ப³ஞ்ஞுபு³த்³தோ⁴திஆதி³னா ந மயந்திஆதி³மாஹங்ஸூதி வேதி³தப்³ப³ங். ‘‘அட்ட²திங்ஸாரம்மணேஸூ’’தி பாளியங் அனாக³தே ஆலோகாகாஸகஸிணே வஜ்ஜெத்வா வுத்தங், தேஹி பன விப⁴த்தா குஸலா த⁴ம்மாதி ‘‘இமஸ்மிங் ஆரம்மணே இத³ங் ஹோதீ’’தி விபா⁴க³ஸோ த³ஸ்ஸிதா ஸஉபசாரஜ்ஜா²னா மஹக்³க³தகுஸலா த⁴ம்மா. கி³ஹிபலிபோ³த⁴ந்தி ஸஹஸோகிதாதி³வஸேன கி³ஹீஸு ப்³யாவடதங். ஆவாஸபலிபோ³த⁴ந்தி ஸேனாஸனேஸு நவகம்மாதி³வஸேன நிச்சப்³யாவடதங். து³ப்பரிச்சாகா³னங் இமேஸங் த்³வின்னங் பலிபோ³தா⁴னங் வஸேன ஸப்³பே³பி பலிபோ³தா⁴ ஸங்க³ஹிதா ஏவாதி வேதி³தப்³ப³ங்.
யேனாதி காரணேன. அஸங்வாஸோதி இத³ங் தஸ்மிங் அத்தபா⁴வே கேனசிபி பரியாயேன பி⁴க்கு² ஹுத்வா பி⁴க்கூ²ஹி ஸத்³தி⁴ங் ஸங்வாஸங் நாரஹதீதி இமமத்த²ங் ஸந்தா⁴ய வுத்தந்தி ஆஹ ‘‘அஸங்வாஸோ’’தி. பஞ்ஞத்தங் ஸமூஹனெய்யாதி ‘‘ஸோ ஆக³தோ ந பப்³பா³ஜேதப்³போ³’’தி அவத்வா ‘‘ந உபஸம்பாதே³தப்³போ³’’தி எத்தகஸ்ஸேவ வுத்தத்தா பாராஜிகஸ்ஸ ஸாமணேரபூ⁴மி அனுஞ்ஞாதாதி விஞ்ஞாயதி, தேனாஹ ஸாமணேரபூ⁴மியங் பன டி²தோதிஆதி³. ‘‘யோ பன பி⁴க்கூ²’’தி வுத்தத்தா (பாரா॰ 39) பச்சக்கா²தஸிக்கோ² யஸ்மா பி⁴க்கு² ந ஹோதி, மேது²னஸேவனே ச பாராஜிகங் நாபஜ்ஜதி, தஸ்மாஸ்ஸ ‘‘ஆக³தோ உபஸம்பாதே³தப்³போ³’’தி உபஸம்பத³ங் அனுஜானந்தோ பாராஜிகங் ந ஸமூஹனதி நாம, தேனாஹ ‘‘பி⁴க்கு²பா⁴வே ட²த்வா அவிபன்னஸீலதாயா’’தி. உத்தமத்த²ங் அரஹத்தங், நிப்³பா³னமேவ வா.
சதுப்³பி³த⁴வினயாதி³கதா²வண்ணனா
45. நீஹரித்வாதி பாளிதோ உத்³த⁴ரித்வா, ததா² ஹி ‘‘பஞ்சஹுபாலி, அங்கே³ஹி ஸமன்னாக³தேன பி⁴க்கு²னா நானுயுஞ்ஜிதப்³ப³ங். கதமேஹி பஞ்சஹி? ஸுத்தங் ந ஜானாதி, ஸுத்தானுலோமங் ந ஜானாதீ’’திஆதி³பாளிதோ ஸுத்தங் ஸுத்தானுலோமஞ்ச நீஹரிங்ஸு. ‘‘அனாபத்தி ஏவங் அம்ஹாகங் ஆசரியானங் உக்³க³ஹோ பரிபுச்சா²தி ப⁴ணதீ’’தி ஏவமாதி³தோ ஆசரியவாத³ங். ‘‘ஆயஸ்மா உபாலி ஏவமாஹ – ‘அனாபத்தி, ஆவுஸோ, ஸுபினந்தேனா’தி’’ ஏவமாதி³தோ அத்தனோ மதிங் நீஹரிங்ஸு, ஸா ச தே²ரஸ்ஸ அத்தனோமதி ஸுத்தேன ஸங்க³ஹிதத்தா ஸுத்தங் ஜாதங், ஏவமஞ்ஞாபி ஸுத்தாதீ³ஹி ஸங்க³ஹிதாவ க³ஹேதப்³பா³, நேதராதி வேதி³தப்³ப³ங். அத² வா நீஹரித்வாதி விப⁴ஜித்வா ஸாட்ட²கத²ங் ஸகலங் வினயபிடகங் ஸுத்தாதீ³ஸு சதூஸு பதே³ஸேஸு பக்கி²பித்வா சதுதா⁴ விப⁴ஜித்வா வினயங் பகாஸேஸுங் வுத்தந்தி நாக³ஸேனத்தே²ரேன மிலிந்த³பஞ்ஹே வுத்தங். கண்டா²தி³வண்ணுப்பத்திட்டா²னகரணாதீ³ஹி ஆஹரித்வா அத்தனோ வசீவிஞ்ஞத்தியாவ பா⁴ஸிதவசனங் ஆஹச்சபத³ங். ரஸோதி ஸாரோ ‘‘பத்தரஸோ’’திஆதீ³ஸு (த⁴॰ ஸ॰ 628-630) விய, படிக்கி²த்தஅனுஞ்ஞாதஸுத்தஸாரோதி ரஸோதி வா லக்க²ணங் படிவத்து²கங் அனுத்³த⁴ரித்வா லக்க²ணானுலோமேன வுத்தத்தா. த⁴ம்மஸங்கா³ஹகாதி³ஆசரியவங்ஸேன ஆப⁴தா அட்ட²கதா² ஆசரியவங்ஸோதி ஆஹ ‘‘ஆசரியவங்ஸோதி ஆசரியவாதோ³’’தி.
வினயபிடகே பாளீதி இத⁴ அதி⁴காரவஸேன வுத்தங். ஸேஸபிடகேஸுபி ஸுத்தாதி³சதுனயா யதா²னுரூபங் லப்³ப⁴ந்தேவ. மஹாபதே³ஸாதி மஹாஓகாஸா மஹாவிஸயா, தே அத்த²தோ ‘‘யங், பி⁴க்க²வே’’திஆதி³பாளிவஸேன அகப்பியானுலோமதோ கப்பியானுலோமதோ ச புக்³க³லேஹி நயதோ ததா² ததா² க³ய்ஹமானா அத்த²னயா ஏவ. தே ஹி ப⁴க³வதா ஸரூபதோ அவுத்தேஸுபி படிக்கி²த்தானுலோமேஸு, அனுஞ்ஞாதானுலோமேஸு ச ஸேஸேஸு கிச்சேஸு நிவத்திபவத்திஹேதுதாய மஹாகோ³சராதி ‘‘மஹாபதே³ஸா’’தி வுத்தா, ந பன ‘‘யங், பி⁴க்க²வே, மயா இத³ங் ந கப்பதீ’’திஆதி³னா வுத்தா ஸாதி⁴ப்பாயா பாளியேவ தஸ்ஸா ஸுத்தே பவிட்ட²த்தா. ‘‘ஸுத்தானுலோமம்பி ஸுத்தே ஓதாரேதப்³ப³ங்…பே॰… ஸுத்தமேவ ப³லவதர’’ந்தி (பாரா॰ அட்ட²॰ 1.45) ஹி வுத்தங், ந ஹேஸா ஸாதி⁴ப்பாயா பாளி ஸுத்தே ஓதாரேதப்³பா³, ந க³ஹேதப்³பா³ வா ஹோதி, யேனாயங் ஸுத்தானுலோமங் ஸியா. தஸ்மா இமங் பாளிஅதி⁴ப்பாயங் நிஸ்ஸாய புக்³க³லேஹி க³ஹிதா யதா²வுத்தஅத்தா²வ ஸுத்தானுலோமங். தப்பகாஸகத்தா பன அயங் பாளிபி ஸுத்தானுலோமந்தி க³ஹேதப்³ப³ங், தேனாஹ யே ப⁴க³வதா ஏவங் வுத்தாதிஆதி³. யங் பி⁴க்க²வேதிஆதி³பாளினயேன ஹி புக்³க³லேஹி க³ஹேதப்³பா³ யே அகப்பியானுலோமாத³யோ அத்தா² வுத்தா, தே மஹாபதே³ஸாதி அத்தோ².
ப⁴க³வதோ பகிண்ணகதே³ஸனாபூ⁴தா ச ஸுத்தானுலோமபூ⁴தா ச அட்ட²கதா². யஸ்மா த⁴ம்மஸங்கா³ஹகத்தே²ரேஹி பாளிவண்ணனாக்கமேன ஸங்க³ஹெத்வா வுத்தா, தஸ்மா ‘‘ஆசரியவாதோ³’’தி வுத்தா, ஏதேன ச அட்ட²கதா² ஸுத்தஸுத்தானுலோமேஸு அத்த²தோ ஸங்க³ய்ஹதீதி வேதி³தப்³பா³. யதா² ச ஏஸா, ஏவங் அத்தனோமதிபி பமாணபூ⁴தா. ந ஹி ப⁴க³வதோ வசனங் வசனானுலோமஞ்ச அனிஸ்ஸாய அக்³க³ஸாவகாத³யோபி அத்தனோ ஞாணப³லேன ஸுத்தாபி⁴த⁴ம்மவினயேஸு
தே²ரவாதோ³தி மஹாஸுமத்தே²ராதீ³னங் கா³ஹோ. ஸுத்தாதி³ங் நிஸ்ஸாயேவ விபரீததோபி அத்தனோமதி உப்பஜ்ஜதீதி தங் பனாதிஆதி³. அத்தே²னாதி அத்தனா நயக்³க³ஹிதேன அத்தே²ன. பாளிந்தி அத்தனோ கா³ஹஸ்ஸ நிஸ்ஸயபூ⁴தங் ஸாட்ட²கத²ங் பாளிங். பாளியாதி தப்படிக்கே²பத்த²ங் பரேனாஹடாய ஸாட்ட²கதா²ய பாளியா, அத்தனா க³ஹிதங் அத்த²ங் நிஸ்ஸாய பாளிஞ்ச ஸங்ஸந்தி³த்வாதி அத்தோ². ஆசரியவாதே³தி அத்தனா பரேன ச ஸமுத்³த⁴டஅட்ட²கதா²ய. ஓதரதி சேவ ஸமேதி சாதி அத்தனா உத்³த⁴டேஹி ஸங்ஸந்த³னவஸேன ஓதரதி, பரேன உத்³த⁴டேன ஸமேதி. ஸப்³ப³து³ப்³ப³லாதி அஸப்³ப³ஞ்ஞுபுக்³க³லஸ்ஸ தோ³ஸவாஸனாய யாதா²வதோ அத்த²ஸம்படிபத்திஅபா⁴வதோ வுத்தங். பமாத³பாட²வஸேன ஆசரியவாத³ஸ்ஸ ஸுத்தானுலோமேன அஸங்ஸந்த³னாபி ஸியாதி ஆஹ ‘‘இதரோ ந க³ஹேதப்³போ³’’தி.
ஸமெந்தமேவ க³ஹேதப்³ப³ந்தி யே ஸுத்தேன ஸங்ஸந்த³ந்தி, ஏவரூபாவ அத்தா² மஹாபதே³ஸதோ உத்³த⁴ரிதப்³பா³தி த³ஸ்ஸேதி ததா² ததா² உத்³த⁴டஅத்தா²னமேவ ஸுத்தானுலோமத்தா, தேனாஹ ‘‘ஸுத்தானுலோமதோ ஹி ஸுத்தமேவ ப³லவதர’’ந்தி. அப்படிவத்தியந்தி அப்படிபா³ஹியங். காரகஸங்க⁴ஸதி³ஸந்தி பமாணத்தா ஸங்கீ³திகாரகஸங்க⁴ஸதி³ஸங். பு³த்³தா⁴னங் டி²தகாலஸதி³ஸந்தி த⁴ரமானகபு³த்³த⁴ஸதி³ஸந்தி அத்தோ². ஸகவாதீ³ ஸுத்தங் க³ஹெத்வா கதே²தீதிஆதீ³ஸு யோ யதா²பூ⁴தமத்த²ங் க³ஹெத்வா கத²னஸீலோ, ஸோ ஸகவாதீ³. ஸுத்தந்தி ஸங்கீ³தித்தயாருள்ஹங் பாளிவசனங். பரவாதீ³தி மஹாவிஹாரவாஸீ வா ஹோது அஞ்ஞனிகாயவாஸீ வா, யோ விபரீததோ அத்த²ங் க³ஹெத்வா கத²னஸீலோ, ஸோவ இத⁴ ‘‘பரவாதீ³’’தி வுத்தோ. ஸுத்தானுலோமந்தி ஸங்கீ³தித்தயாருள்ஹங் வா அனாருள்ஹங் வா யங்கிஞ்சி விபல்லாஸதோ வா வஞ்சனாய வா ‘‘ஸங்கீ³தித்தயாக³தமித³’’ந்தி த³ஸ்ஸியமானங் ஸுத்தானுலோமங். கேசி ‘‘அஞ்ஞனிகாயே ஸுத்தானுலோம’’ந்தி கதா²வத்து²ப்பகரணே ஸகவாதே³ பஞ்ச ஸுத்தஸதானி பரவாதே³ பஞ்சாதி (த⁴॰ ஸ॰ அட்ட²॰ நிதா³னகதா²; கதா²॰ அட்ட²॰ நிதா³னகதா²)
கே²பந்தி ‘‘கிங் இமினா’’தி படிக்கே²பங் ச²ட்³ட³னங். க³ரஹந்தி ‘‘கிமேஸ பா³லோ ஜானாதீ’’தி நிந்த³னங். ஸுத்தே ஓதாரேதப்³ப³ந்தி யஸ்ஸ ஸுத்தஸ்ஸ அனுலோமனதோ இத³ங் ஸுத்தானுலோமங் அகாஸி, தஸ்மிங், தத³னுரூபே வா அஞ்ஞதரஸ்மிங் ஸுத்தே அத்தனா க³ஹிதங் ஸுத்தானுலோமங் அத்த²தோ ஸங்ஸந்த³னவஸேன ஓதாரேதப்³ப³ங், ‘‘இமினா ச இமினா ச காரணேன இமஸ்மிங் ஸுத்தே ஸங்ஸந்த³தீ’’தி ஸங்ஸந்தி³த்வா த³ஸ்ஸேதப்³ப³ந்தி அத்தோ². அயந்தி ஸகவாதீ³. பரோதி பரவாதீ³. ஆசரியவாதோ³ ஸுத்தே ஓதாரேதப்³போ³தி யஸ்ஸ ஸுத்தஸ்ஸ வண்ணனாவஸேன அயங் ஆசரியவாதோ³ பவத்தோ, தஸ்மிங், தாதி³ஸே ச அஞ்ஞதரஸ்மிங் ஸுத்தே புப்³பா³பரஅத்த²ஸங்ஸந்த³னவஸேன ஓதாரேதப்³ப³ங். கா³ரய்ஹாசரியவாதோ³தி பமாத³லிகி²தோ, பி⁴ன்னலத்³தி⁴கேஹி வா ட²பிதோ, ஏஸ நயோ ஸப்³ப³த்த².
யங் கிஞ்சி கூடஸுத்தங் பா³ஹிரகஸுத்தாதி³வசனங் ந க³ஹேதப்³ப³ந்தி த³ஸ்ஸேதுங் ஸுத்தங் ஸுத்தானுலோமே ஓதாரேதப்³ப³ந்திஆதி³ வுத்தங். கு³ள்ஹவெஸ்ஸந்தராதீ³னி மஹாஸங்கி⁴காதி³பி⁴ன்னலத்³தி⁴கானங் பகரணானி. ஆதி³-ஸத்³தே³ன கு³ள்ஹஉம்மக்³கா³தீ³னங் க³ஹணங்
ஏவங் ஸுத்தஸுத்தானுலோமாதி³முகே²ன ஸாமஞ்ஞதோ விவாத³ங் த³ஸ்ஸெத்வா இதா³னி விஸேஸதோ விவாத³வத்து²ங் தப்³பி³னிச்ச²யமுகே²ன ஸுத்தாதீ³னஞ்ச த³ஸ்ஸேதுங் அத² பனாயங் கப்பியந்திஆதி³ வுத்தங். ஸுத்தே ச ஸுத்தானுலோமே சாதி எத்த² ச-காரோ விகப்பத்தோ², தேன ஆசரியவாதா³தீ³னம்பி ஸங்க³ஹோ, தேனாஹ ‘‘காரணஞ்ச வினிச்ச²யஞ்ச த³ஸ்ஸேதீ’’தி. தத்த² காரணந்தி ஸுத்தாதி³னயங் நிஸ்ஸாய அத்தனோமதியா உத்³த⁴டங் ஹேதுங். வினிச்ச²யந்தி அட்ட²கதா²வினிச்ச²யங். காரணச்சா²யாதி ஸுத்தாதீ³ஸு ‘‘கப்பிய’’ந்தி கா³ஹஸ்ஸ, ‘‘அகப்பிய’’ந்தி கா³ஹஸ்ஸ ச நிமித்தபூ⁴தங் கிச்சே²ன படிபாத³னீயங் அவிபூ⁴தகாரணங் காரணச்சா²யா, காரணபதிரூபகந்தி அத்தோ². வினயஞ்ஹி பத்வாதி இமஸ்ஸ விவரணங் கப்பியாகப்பியவிசாரணமாக³ம்மாதி. ருந்தி⁴தப்³ப³ந்தி கப்பியஸஞ்ஞாய வீதிக்கமகரணங் ருந்தி⁴தப்³ப³ங், தங்னிவாரணசித்தங் த³ள்ஹதரங் காதப்³ப³ங். ஸோதங் பச்சி²ந்தி³தப்³ப³ந்தி தத்த² வீதிக்கமப்பவத்தி பச்சி²ந்தி³தப்³பா³. க³ருகபா⁴வேதி அகப்பியபா⁴வே. ஸுத்தவினிச்ச²யகாரணேஹீதி ஸுத்தேன அட்ட²கதா²வினிச்ச²யேன ச லத்³த⁴காரணேஹி. ஏவந்திஆதி³ யதா²வுத்தஸ்ஸ அத்த²ஸ்ஸ நிக³மனவசனங். அதிரேககாரணந்தி ஸுத்தாதீ³ஸு புரிமங் புரிமங் அதிரேககாரணங் நாம, ப³ஹுகாரணங் வா.
வாசுக்³க³தந்தி ஸுத்ததோதி தத³த்த²படிபாத³கங் ஸுத்தாபி⁴த⁴ம்மபாளிவசனங் அதி⁴ப்பேதங். அனுப்³யஞ்ஜனதோதி இமஸ்ஸ விவரணங் பரிபுச்ச²தோ ச அட்ட²கதா²தோ சாதி. தத்த² பரிபுச்சா²தி ஆசரியஸ்ஸ ஸந்திகா பாளியா அத்த²ஸவனங். அட்ட²கதா²தி பாளிமுத்தகவினிச்ச²யோ. தது³ப⁴யம்பி ஹி பாளிங் அனுக³ந்த்வா அத்த²ஸ்ஸ ப்³யஞ்ஜனதோ ‘‘அனுப்³யஞ்ஜன’’ந்தி வுத்தங். வினயேதி வினயாசாரே, தேனேவ வக்க²தி வினயங் அவிஜஹந்தோ அவோக்கமந்தோதிஆதி³. தத்த² பதிட்டா²னங் நாம ஸஞ்சிச்ச ஆபத்தியா அனாபஜ்ஜனாதி³ ஹோதீதி ஆஹ ‘‘லஜ்ஜீபா⁴வேன பதிட்டி²தோ’’தி, தேன லஜ்ஜீ ஹோதீதி வுத்தங் ஹோதி. வினயத⁴ரஸ்ஸ லக்க²ணே வத்தப்³பே³ கிங் இமினா லஜ்ஜீபா⁴வேனாதி ஆஹ அலஜ்ஜீ ஹீதிஆதி³. தத்த² ப³ஹுஸ்ஸுதோபீதி இமினா பட²மலக்க²ணஸமன்னாக³மங் த³ஸ்ஸேதி. லாப⁴க³ருதாயாதிஆதி³னா வினயே டி²ததாய அபா⁴வே பட²மலக்க²ணயோகோ³ கிச்சகரோ ந ஹோதி, அத² ஸங்க⁴ராஜி.
வித்து²னதீதி வித்த²ம்ப⁴தி, நித்து²னதி வா ஸந்திட்டி²துங் ந ஸக்கோதி, தேனாஹ யங் யந்திஆதி³. ஆசரியபரம்பராதி ஆசரியானங் வினிச்ச²யபரம்பரா, தேனேவ வக்க²தி ‘‘அத்தனோ மதிங் பஹாய…பே॰… யதா² ஆசரியோ ச ஆசரியாசரியோ ச பாளிஞ்ச பரிபுச்ச²ஞ்ச வத³ந்தி, ததா² ஞாதுங் வட்டதீ’’தி. ந ஹி ஆசரியானங் நாமமத்ததோ பரம்பராஜானநே பயோஜனமத்தி². புப்³பா³பரானுஸந்தி⁴தோதி புப்³ப³வசனஸ்ஸ அபரவசனேன ஸஹ அத்த²ஸம்ப³ந்த⁴ஜானநதோ. அத்த²தோதி பத³த்த²பிண்ட³த்த²அதி⁴ப்பேதத்தா²தி³தோ. காரணதோதி தத³த்து²பபத்திதோ. தே²ரவாத³ங்க³ந்தி தே²ரவாத³படிபாடிங், தேஸங் வினிச்ச²யபடிபாடிந்தி அத்தோ².
இமேஹி ச பன தீஹி லக்க²ணேஹீதி எத்த² பட²மேன லக்க²ணேன வினயஸ்ஸ ஸுட்டு² உக்³க³ஹிதபா⁴வோ வுத்தோ. து³தியேனஸ்ஸ லஜ்ஜீபா⁴வேன சேவ அசலதாய ச பதிட்டி²ததா. ததியேன பாளிஅட்ட²கதா²ஸு அனுரூபேன அனாக³தம்பி தத³னுலோமதோ ஆசரியேஹி தி³ன்னநயதோ வினிச்சி²னிதுங் ஸமத்த²தா. ஓதிண்ணே வத்து²ஸ்மிந்தி சோத³னாவஸேன வீதிக்கமவத்து²ஸ்மிங் ஸங்க⁴மஜ்ஜே² ஓதிண்ணே. சோத³கேன சுதி³தகேன ச வுத்தே வத்தப்³பே³தி ஏவங் ஓதிண்ணே வத்து²ங் நிஸ்ஸாய சோத³கேன ‘‘தி³ட்ட²ங் ஸுத’’ந்திஆதி³னா சுதி³தகேன ‘‘அத்தி² நத்தீ²’’திஆதி³னா ச யங் வத்தப்³ப³ங், தஸ்மிங் வத்தப்³பே³ வுத்தேதி அத்தோ². து²ல்லச்சயது³ப்³பா⁴ஸிதானங் மாதிகாய அனாக³தத்தா ‘‘பஞ்சன்னங் ஆபத்தீன’’ந்தி வுத்தங். திகது³க்கடந்தி ‘‘அனுபஸம்பன்னே உபஸம்பன்னஸஞ்ஞீ உஜ்ஜா²யதி வா கீ²யதி வா ஆபத்தி து³க்கடஸ்ஸா’’திஆதி³னா (பாசி॰ 106 தோ²கங் விஸதி³ஸங்) ஆக³தங் திகது³க்கடங். அஞ்ஞதரங் வா ஆபத்திந்தி ‘‘காலே விகாலஸஞ்ஞீ ஆபத்தி து³க்கடஸ்ஸ, காலே வேமதிகோ ஆபத்தி து³க்கடஸ்ஸா’’திஆதி³கங் (பாசி॰ 250) து³கது³க்கடங் அந்தராபத்திந்தி தஸ்மிங் தஸ்மிங் ஸிக்கா²பதே³ ஆக³தவத்து²வீதிக்கமங் வினா அஞ்ஞஸ்மிங் வத்து²வீதிக்கமே நிதா³னதோ பபு⁴தி வினீதவத்து²பரியோஸானா அந்தரந்தரா வுத்தங் ஆபத்திங். இத⁴ பன ‘‘வத்து²ங் ஓலோகேதீ’’தி விஸுங் க³ஹிதத்தா தத³வஸேஸா அந்தராபத்தீதி க³ஹிதா. படிலாதங் உக்கி²பதீதி இத³ங் விஸிப்³ப³னஸிக்கா²பதே³ (பாசி॰ 350-351) ஆக³தங். தத்த² ட³ய்ஹமானங் அலாதங் அக்³கி³கபாலாதி³தோ ப³ஹி பதிதங் அவிஜ்ஜா²தமேவ படிஉக்கி²பதி அனாபத்திந்தி எத்த² அந்தரந்தரா வுத்தா அனாபத்திபி அத்தி², ‘‘அனாபத்தி, பி⁴க்க²வே, இத்³தி⁴மஸ்ஸ இத்³தி⁴விஸயே’’திஆதி³ (பாரா॰ 159) விய ஸாபி ஸங்க³ய்ஹதி.
பாராஜிகாபத்தீதி ந தாவ வத்தப்³ப³ந்தி இத³ங் ஆபன்னபுக்³க³லேன லஜ்ஜீத⁴ம்மே ட²த்வா யதா²பூ⁴தங் ஆவிகரணேபி து³ப்³பி³னிச்ச²யங் அதி³ன்னாதா³னாதி³ங் ஸந்தா⁴ய வுத்தங். யங் பன மேது²னாதீ³ஸு விஜானநங், தங் வத்தப்³ப³மேவ, தேனாஹ மேது²னத⁴ம்மவீதிக்கமோ ஹீதிஆதி³. யோ பன அலஜ்ஜிதாய படிஞ்ஞங் அத³த்வா விக்கே²பங் கரோதி, தஸ்ஸ ஆபத்தி ந ஸக்கா ஓளாரிகாபி வினிச்சி²னிதுங், யாவ ஸோ யதா²பூ⁴தங் நாவி கரோதி, ஸங்க⁴ஸ்ஸ ச ஆபத்திஸந்தே³ஹோ ந விக³ச்ச²தி, தாவ நாஸிதகோவ ப⁴விஸ்ஸதி. ஸுகு²மாதி சித்தபரிவத்தியா ஸுகு²மதாய ஸுகு²மா. தேனாஹ ‘‘சித்தலஹுகா’’தி, சித்தங் தஸ்ஸ லஹுகந்தி அத்தோ². தேதி வீதிக்கமே. தங்வத்து²கந்தி அதி³ன்னாதா³னாதி³மூலகங். யங் ஆசரியோ ப⁴ணதி, தங் கரோஹீதிஆதி³ ஸப்³ப³ங் லஜ்ஜீபேஸலங் குக்குச்சகமேவ ஸந்தா⁴ய வுத்தங். யோ யாதா²வதோ பகாஸெத்வா ஸுத்³தி⁴மேவ க³வேஸதி, தேனாபி, பாராஜிகோஸீதி ந வத்தப்³போ³தி அனாபத்திகோடியாபி ஸங்கியமானத்தா வுத்தங், தேனேவ ‘‘பாராஜிகச்சா²யா’’தி வுத்தங். ஸீலானி ஸோதெ⁴த்வாதி யஸ்மிங் வீதிக்கமே பாராஜிகாஸங்கா வத்ததி, தத்த² பாராஜிகாபா⁴வபக்க²ங் க³ஹெத்வா தே³ஸனாவுட்டா²னகா³மினீனங் ஆபத்தீனங் ஸோத⁴னவஸேன ஸீலானி ஸோதெ⁴த்வா. த்³வத்திங்ஸாகாரந்தி பாகடபா⁴வதோ உபலக்க²ணவஸேன வுத்தங், யங் கிஞ்சி அபி⁴ருசிதங் மனஸிகாதுங் வட்டதேவ. கம்மட்டா²னங் க⁴டியதீதி விப்படிஸாரமூலகேன விக்கே²பேன அந்தரந்தரா க²ண்ட³ங் அத³ஸ்ஸெத்வா பப³ந்த⁴வஸேன சித்தேன ஸங்க⁴டியதி. ஸங்கா²ராதி விபஸ்ஸனாகம்மட்டா²னவஸேன வுத்தங். ஸாபத்திகஸ்ஸ ஹி பகு³ணம்பி கம்மட்டா²னங் ந ஸுட்டு² உபட்டா²தி, பகே³வ பாராஜிகஸ்ஸ. தஸ்ஸ ஹி விப்படிஸாரனின்னதாய சித்தங் ஏகக்³க³ங் ந ஹோதி. ஏகஸ்ஸ பன விதக்கவிக்கே²பாதி³ப³ஹுலஸ்ஸ ஸுத்³த⁴ஸீலஸ்ஸபி சித்தங் ந ஸமாதி⁴யதி, தங் இத⁴ பாராஜிகமூலகந்தி ந க³ஹேதப்³ப³ங். கதபாபமூலகேன விப்படிஸாரேனேவெத்த² சித்தஸ்ஸ அஸமாதி⁴யனங் ஸந்தா⁴ய ‘‘கம்மட்டா²னங் ந க⁴டியதீ’’தி வுத்தங், தேனாஹ விப்படிஸாரக்³கி³னாதிஆதி³. அத்தனாதி சித்தேன கரணபூ⁴தேன புக்³க³லோ கத்தா ஜானாதி, பச்சத்தே வா கரணவசனங், அத்தா ஸயங் பஜானாதீதி அத்தோ².
சதுப்³பி³த⁴வினயாதி³கதா²வண்ணனானயோ நிட்டி²தோ.
பத³பா⁴ஜனீயவண்ணனா
யோ யாதி³ஸோ, யங்-ஸத்³த³த்தே² யதா²-ஸத்³தோ³ வத்ததீதி ஆஹ ‘‘யேன வா தேன வா யுத்தோ’’தி. யேன தேனாதி ஹி பத³த்³வயேன அனியமதோ யங்-ஸத்³த³த்தோ²வ த³ஸ்ஸிதோ. வாஸது⁴ரயுத்தோதி விபஸ்ஸனாது⁴ரயுத்தோ. யா ஜாதி அஸ்ஸாதி யங்ஜாதி, புக்³க³லோ, ஸோவ யங்ஜச்சோ ஸகத்தே² யபச்சயங் கத்வா. கொ³த்தவஸேன யேன வா தேன வா கொ³த்தேன யதா²கொ³த்தோ வா ததா²கொ³த்தோ வா ஹோதூதி ஸம்ப³ந்தோ⁴. ஸீலேஸூதி பகதீஸு. அத² கோ²தி இத³ங் கிந்தூதி இமஸ்மிங் அத்தே². கிங் வுத்தங் ஹோதீதி அத்தோ². இமஸ்மிங் அத்தே²தி இமஸ்மிங் பாராஜிகவிஸயே. ஏஸோதி யதா²வுத்தேஹி பகாரேஹி யுத்தோ. அரியாயாதி ‘‘உத்³தி³ஸ்ஸ அரியா திட்ட²ந்தி, ஏஸா அரியானங் யாசனா’’தி ஏவங் வுத்தாய, ந, ‘‘தே³ஹி மே’’தி கபணாய. லிங்க³ஸம்படிச்ச²னேனாதி ‘‘பி⁴க்க²ங் சரிஸ்ஸாமீ’’தி சித்தாபா⁴வேபி பி⁴க்கா²ஹாரனிஸ்ஸிதபப்³ப³ஜ்ஜாலிங்க³ஸ்ஸ ஸம்படிச்ச²னேன. காஜப⁴த்தந்தி காஜேஹி ஆனீதப⁴த்தங். அத⁴ம்மிகாயாதி அதி⁴ஸீலஸிக்கா²தி³பி⁴க்கு²கு³ணாபா⁴வதோ வுத்தங், தேனாஹ ‘‘அபூ⁴தாயா’’தி. ‘‘மயங் பி⁴க்கூ²’’தி வத³ந்தா படிஞ்ஞாமத்தேனேவ பி⁴க்கூ², ந அத்த²தோதி அத்தோ². இத³ஞ்ச ‘‘மயங் பி⁴க்கூ²’’தி படிஜானநஸ்ஸாபி ஸம்ப⁴வதோ வுத்தங். ‘‘மயங் பி⁴க்கூ²’’தி அப்படிஜானந்தாபி ஹி பி⁴க்கு²வோஹாரனிமித்தஸ்ஸ லிங்க³ஸ்ஸ க³ஹணேன சேவ பி⁴க்கூ²னங் தி³ன்னபச்சயபா⁴க³க்³க³ஹணாதி³னா ச பி⁴க்கு²படிஞ்ஞா ஏவ நாம ஹொந்தி. ததா² ஹி வுத்தங் புக்³க³லபஞ்ஞத்திஅட்ட²கதா²யங் –
‘‘‘அப்³ரஹ்மசாரீ ப்³ரஹ்மசாரிபடிஞ்ஞோ’தி அஞ்ஞே ப்³ரஹ்மசாரினோ ஸுனிவத்தே² ஸுபாருதே ஸும்ப⁴கபத்தத⁴ரே கா³மனிக³மஜனபத³ராஜதா⁴னீஸு பிண்டா³ய சரித்வா ஜீவிகங் கப்பெந்தே தி³ஸ்வா ஸயம்பி தாதி³ஸேன ஆகாரேன ததா² படிபஜ்ஜனதோ ‘அஹங் ப்³ரஹ்மசாரீ’தி படிஞ்ஞங் தெ³ந்தோ விய ஹோதி. ‘அஹங் பி⁴க்கூ²’தி வத்வா உபோஸத²க்³கா³தீ³னி பவிஸந்தோ பன ப்³ரஹ்மசாரிபடிஞ்ஞோ ஹோதியேவ, ததா² ஸங்கி⁴கங் லாப⁴ங் க³ண்ஹந்தோ’’தி (பு॰ ப॰ அட்ட²॰ 91).
தஸ்மா ஏவரூபேஹி படிஞ்ஞாய பி⁴க்கூ²ஹி கொ³த்ரபு⁴பரியோஸானேஹி ஸத்³தி⁴ங் ஸம்போ⁴க³பரிபோ⁴கோ³ ந வட்டதி, அலஜ்ஜீபரிபோ⁴கோ³வ ஹோதி. ஸஞ்சிச்ச ஆபத்திஆபஜ்ஜனாதி³அலஜ்ஜீலக்க²ணங் பன உக்கட்டா²னங் பி⁴க்கூ²னங் வஸேன வுத்தங் ஸாமணேராதீ³னம்பி
‘‘ப⁴விஸ்ஸந்தி கோ² பனானந்த³, அனாக³தமத்³தா⁴னங் கொ³த்ரபு⁴னோ காஸாவகண்டா² து³ஸ்ஸீலா பாபத⁴ம்மா, தேஸு து³ஸ்ஸீலேஸு ஸங்க⁴ங் உத்³தி³ஸ்ஸ தா³னங் த³ஸ்ஸந்தி, ததா³பாஹங், ஆனந்த³, ஸங்க⁴க³தங் த³க்கி²ணங் அஸங்க்²யெய்யங் அப்பமெய்யங் வதா³மீ’’தி (ம॰ நி॰ 3.380).
ப⁴க³வதோ ஸங்க⁴ங் உத்³தி³ஸ்ஸ தி³ன்னத்தா த³க்கி²ணா அஸங்க்²யெய்யா அப்பமெய்யா ஜாதா. து³ஸ்ஸீலானங் தி³ன்னத்தா நாதி சே? ந, தேஸு ஸங்க⁴ங் உத்³தி³ஸ்ஸாதி கொ³த்ரபூ⁴னங் படிக்³கா³ஹகத்தேன பராமட்ட²த்தா, இதரதா² ‘‘யேஸு கேஸுசி க³ஹட்டே²ஸு வா பப்³ப³ஜிதேஸு வா ஸங்க⁴ங் உத்³தி³ஸ்ஸா’’தி வத்தப்³ப³தாபஸங்க³தோ, ததா² ச ‘‘ததா³பாஹங், ஆனந்தா³’’தி ஹெட்டி²மகோடித³ஸ்ஸனஸ்ஸ பயோஜனங் ந ஸியா. தஸ்மா கொ³த்ரபூ⁴னம்பி அபா⁴வே ஸங்க⁴ங் உத்³தி³ஸ்ஸ தா³னங் நத்தி², ஹெட்டி²மகோடியா தேஸுபி தி³ன்னா ஸங்க⁴க³தா த³க்கி²ணா அஸங்க்²யெய்யா, ந ததோ பரங் ஸிஜ்ஜ²தீதி தேபி படிஞ்ஞாய பி⁴க்கு² ஏவாதி க³ஹேதப்³ப³ங்.
ப்³ரஹ்மகோ⁴ஸந்தி உத்தமகோ⁴ஸங், ப்³ரஹ்முனோ கோ⁴ஸஸதி³ஸங் வா கோ⁴ஸங். ஏஹி பி⁴க்கூ²தி ‘‘பி⁴க்கூ²’’திஸம்போ³த⁴னங். ஸங்ஸாரே ப⁴யஇக்க²க தஸ்ஸ ப⁴யஸ்ஸ ஸப்³ப³ஸோ வினாஸனத்த²ங் திஸரணங், ஸாஸனங் வா ஏஹி மனஸா ‘‘தாணங் லேண’’ந்தி பவிஸ உபக³ச்ச². உபக³ந்த்வாபி சர ப்³ரஹ்மசரியந்தி ஸாஸனப்³ரஹ்மசரியங் மக்³க³ப்³ரஹ்மசரியஞ்ச சரஸ்ஸு. ப⁴ண்டூ³தி முண்டி³தகேஸோ. வாஸீதி த³ந்தகட்டா²தி³ச்சே²த³னவாஸி. ப³ந்த⁴னந்தி காயப³ந்த⁴னங். யுத்தோ யோகோ³ ஸமாதி⁴பஞ்ஞாவஸேன ஸோ யுத்தயோகோ³, தஸ்ஸ அட்டே²தே பரிக்கா²ராதி ஸேஸோ. ஸரீரே படிமுக்கேஹியேவ உபலக்கி²தோதி ஸேஸோ. ‘‘தீணி ஸதானீ’’தி வத்தப்³பே³ கா³தா²ப³ந்த⁴ஸுக²த்த²ங் ‘‘தீணி ஸத’’ந்தி வுத்தங்.
தஸ்மாதி இஹாதி இமஸ்மிங் ஸாஸனே. திப்³ப³ந்தி மஹந்தங். பச்சுபட்டி²தங் ப⁴விஸ்ஸதீதி தே²ராதி³உபஸங்கமனதோ புரேதரமேவ தேஸு யங்னூன மே ஹிரொத்தப்பங் உபட்டி²தங் ப⁴விஸ்ஸதீதி அத்தோ². குஸலூபஸங்ஹிதந்தி அனவஜ்ஜத⁴ம்மனிஸ்ஸிதங். அட்டி²ங் கத்வாதி அத்தானங் தேன த⁴ம்மேன அட்டி²கங் கத்வா, தங் வா த⁴ம்மங் ‘‘ஏஸ மே அத்தோ²’’தி அத்த²ங் கத்வா. ஓஹிதஸோதோதி த⁴ம்மே நிஹிதஸோதோ. ஏவஞ்ஹி தே, கஸ்ஸப, ஸிக்கி²தப்³ப³ந்தி ஞாணஸோதஞ்ச பஸாத³ஸோதஞ்ச ஓத³ஹித்வா ‘‘த⁴ம்மங் ஸக்கச்சமேவ ஸுணிஸ்ஸாமீ’’தி ஏவமேவ தயா ஸிக்கி²தப்³ப³ங். ஸாதஸஹக³தா ச மே காயக³தாஸதீதி
உத்³து⁴மாதகபடிபா⁴கா³ரம்மணங் ஜா²னங் உத்³து⁴மாதகஸஞ்ஞா. கஸிணாரம்மணங் ரூபாவசரஜ்ஜா²னங் ரூபஸஞ்ஞா. இமேதி ஸஞ்ஞாஸீஸேன நித்³தி³ட்டா² இமே த்³வே ஜா²னத⁴ம்மா. ஸோபாகோ ச ப⁴க³வதா புட்டோ² ‘‘ரூபாவசரபா⁴வேன ஏகத்தா², ப்³யஞ்ஜனமேவ நான’’ந்தி ஆஹ. ஆரத்³த⁴சித்தோதி ஆராதி⁴தசித்தோ. க³ருத⁴ம்மபடிக்³க³ஹணாதி³உபஸம்பதா³ உபரி ஸயமேவ ஆவி ப⁴விஸ்ஸதி.
ஸப்³ப³ந்திமேன பரியாயேனாதி ஸப்³ப³ந்திமேன பரிச்சே²தே³ன. ஞத்திசதுத்தா² கம்மவாசா உபஸம்பதா³கம்மஸ்ஸ காரணத்தா டா²னங், தஸ்ஸ டா²னஸ்ஸ அரஹங் அனுச்ச²விகந்தி வத்து²தோ³ஸாதி³வினிமுத்தகம்மங் ‘‘டா²னாரஹ’’ந்தி வுத்தங் வத்தா²தி³தோ³ஸயுத்தஸ்ஸ கம்மஸ்ஸ ஸபா⁴வதோ கம்மவாசாரஹத்தாபா⁴வா. அத² வா டா²னந்தி நிப்³பா³னப்பத்திஹேதுதோ ஸிக்க²த்தயஸங்க³ஹங் ஸாஸனங் வுச்சதி, தஸ்ஸ அனுச்ச²விகங் கம்மங் டா²னாரஹங். யதா²விஹிதலக்க²ணேன ஹி கம்மேன உபஸம்பன்னோவ ஸகலங் ஸாஸனங் ஸமாதா³ய பரிபூரேதுமரஹதி. தஸ்மா பரிஸுத்³த⁴கம்மவாசாபரியோஸானங் ஸப்³ப³ங் ஸங்க⁴கிச்சங் டா²னாரஹங் நாம, தேனாஹ ‘‘ஸத்து²ஸாஸனாரஹேனா’’தி, ஸீலாதி³ஸகலஸாஸனபரிபுண்ணஸ்ஸ அனுச்ச²விகேனாதி அத்தோ². அயங் இமஸ்மிங் அத்தே²தி ஞத்திசதுத்த²கம்மேன உபஸம்பன்னஸ்ஸேவ ஸப்³ப³ஸிக்கா²பதே³ஸு வுத்தத்தா கிஞ்சாபி ஏஹிபி⁴க்கூ²பஸம்பதா³தீ³ஹி உபஸம்பன்னானங் ஸுத்³த⁴ஸத்தானங் பண்ணத்திவஜ்ஜஸிக்கா²பத³வீதிக்கமேபி அப⁴ப்³ப³தா வா தோ³ஸாபா⁴வோ வா ஞத்திசதுத்தே²ன கம்மேன உபஸம்பன்னோதி இத³ங் பன ஸப்³ப³ஸிக்கா²பத³வீதிக்கமாரஹே ஸப்³ப³காலிகே ச பி⁴க்கூ² க³ஹெத்வா யேபு⁴ய்யவஸேன வுத்தங். நிருத்திவஸேனாதி நிப்³ப³சனவஸேன. அபி⁴லாபவஸேனாதி வோஹாரவஸேன. கு³ணவஸேனாதி பி⁴க்கு²வோஹாரனிமித்தானங் கு³ணானங் வஸேன.
ஸாஜீவபத³பா⁴ஜனீயவண்ணனா
விவட்டூபனிஸ்ஸயா ஸீலாத³யோ லோகியேஹி அபி⁴விஸிட்ட²த்தா அதி⁴ஸீலாதி³வோஹாரேன வுத்தாதி த³ஸ்ஸேதுங் கதமங் பனாதிஆதி³ ஆரத்³த⁴ங். தத்த² பஞ்சங்க³த³ஸங்க³ஸீலந்தி அபு³த்³து⁴ப்பாத³காலே ஸீலங் ஸந்தா⁴ய வுத்தங் தஸ்ஸ விவட்டூபனிஸ்ஸயத்தாபா⁴வா. யங் பன பு³த்³து⁴ப்பாதே³ ரதனத்தயகு³ணங் தத²தோ ஞத்வா ஸாஸனே ஸுனிவிட்ட²ஸத்³தா⁴ஹி உபாஸகோபாஸிகாஹி சேவ ஸாமணேரஸிக்க²மானாஹி ச ரக்கி²யமானங் பஞ்சங்க³அட்ட²ங்க³த³ஸங்க³ஸீலங், தம்பி அதி⁴ஸீலமேவ மக்³கு³ப்பத்திஹேதுதோ. விபஸ்ஸனாமக்³கு³ப்பத்தினிமித்ததாய ஹி பாதிமொக்க²ஸங்வரஸீலங் லோகியானங் ஸீலேஹி அதி⁴ஸீலங் ஜாதங் அதி⁴சித்தங் விய. ந ஹி விபஸ்ஸனாமக்³க³னிமித்ததங் முஞ்சித்வா லோகியசித்ததோ அதி⁴சித்தஸ்ஸ அஞ்ஞோ கோசி விஸேஸோ உபலப்³ப⁴தி, தது³ப⁴யஞ்ச அனாதி³மதோ ஸங்ஸாரவட்டஸ்ஸ அத்தாதி³ஸாரவிரஹிததாய திலக்க²ணப்³பா⁴ஹதத்தங், ‘‘அஹங் மமா’’தி ஆகாரேன பவத்தஅவிஜ்ஜாதண்ஹாதி³தோ³ஸமூலகத்தஞ்ச, தங்தோ³ஸமூலவித்³த⁴ங்ஸனஸமத்தா²ய ஸீலசித்தப³லோபத்த²த்³தா⁴ய விபஸ்ஸனாய உக்கங்ஸேனேவ தஸ்ஸ ஸங்ஸாரவட்டஸ்ஸ விக³மஞ்ச, தது³பதே³ஸகஸ்ஸ ஸம்மாஸம்பு³த்³த⁴ஸ்ஸ ஸப்³ப³ஞ்ஞுதாதி³அபரிமிதகு³ணக³ணயோகே³ன அவிபரீதஸத்³த⁴ம்மதே³ஸகத்தஞ்ச யாதா²வதோ ஞத்வா படிபன்னேன ஸமாதா³ய ஸிக்கி²தப்³ப³தாய விவட்டூபனிஸ்ஸயங் ஜாதங், ந அஞ்ஞேன காரணேன, தஞ்ச விவட்டூபனிஸ்ஸயத்தங் யதி³ ஸாஸனே பஞ்சஸீலாதி³ஸ்ஸாபி ஸமானங், கிமித³ங் அதி⁴ஸீலங் ந ஸியா. பஞ்சஸீலாதி³மத்தே டி²தானஞ்ஹி அனாத²பிண்டி³காதீ³னங் க³ஹட்டா²னம்பி மக்³கோ³ உப்பஜ்ஜதி. ந ஹி அதி⁴ஸீலாதி⁴சித்தங் வினா மக்³கு³ப்பத்தி ஹோதி, தஞ்ச கிஞ்சாபி கேஸஞ்சி பு³த்³து⁴ப்பாதே³யேவ ச பவத்ததீதிஆதி³. விவட்டங் பத்தெ²த்வா ரக்கி²யமானம்பி பஞ்சஸீலாதி³ பு³த்³து⁴ப்பாதே³யேவ பவத்ததி. ந ஹி தங் பஞ்ஞத்திந்திஆதி³ பன உக்கட்ட²வஸேன ஸப்³ப³ங் பாதிமொக்க²ங் ஸந்தா⁴ய வுத்தங். ததே³கதே³ஸபூ⁴தம்பி ஹி பாணாதிபாதாதி³ன்னாதா³னாதி³க³ஹட்ட²ஸீலம்பி. பு³த்³தா⁴யேவ வினயே பாராஜிகஸுத்தவிப⁴ங்கா³தீ³ஸு ஆக³தவஸேன ஸப்³ப³ஸோ காயவசீத்³வாரேஸு மக்³கு³ப்பத்தியா விப³ந்த⁴கஅஜ்ஜா²சாரஸோதங் விச்சி²ந்தி³த்வா மக்³கு³ப்பத்தியா பத³ட்டா²னபா⁴வேன பஞ்ஞபேதுங் ஸக்கொந்தி, ந அஞ்ஞே. மக்³கு³ப்பத்திங் ஸந்தா⁴ய ஹிஸ்ஸ அதி⁴ஸீலதா வுத்தா. தேனாஹ ‘‘பாதிமொக்க²ஸங்வரதோபி ச மக்³க³ப²லஸம்பயுத்தமேவ ஸீலங் அதி⁴ஸீல’’ந்தி. தஸ்ஸேவ ஹி அதி⁴ஸீலந்தி அப்³யவதா⁴னேன மக்³கா³தி⁴ட்டா²னாதி. இத⁴ அனதி⁴ப்பேதந்தி இமஸ்மிங் பட²மபாராஜிகவிஸயே ‘‘ஸிக்கா²’’தி அனதி⁴ப்பேதங்.
லோகியஅட்ட²ஸமாபத்திசித்தானீதி ஸாஸனஸபா⁴வங் அஜானந்தேஹி லோகியஜனேஹி ஸமாபஜ்ஜிதப்³பா³னி அட்ட² ரூபாரூபஜ்ஜா²னஸம்பயுத்தசித்தானி ஸந்தா⁴ய வுத்தங். ந ஹி மஹக்³க³தேஸு லோகியலோகுத்தரபே⁴தோ³ அத்தி², யேன லோகியவிஸேஸனங் லோகுத்தரனிவத்தனங் ஸியா. தஸ்மா ஸாஸனிகேஹி ஸமாபஜ்ஜிதப்³ப³மஹக்³க³தஜ்ஜா²னநிவத்தனமேவ லோகியவிஸேஸனங் கதங். யதா² செத்த², ஏவங் காமாவசரானி பன அட்ட² குஸலசித்தானீதி எத்தா²பி லோகியவிஸேஸனங் காதப்³ப³மேவ. அயமேவ ஹி அதி⁴சித்ததோ ந வினா பு³த்³து⁴ப்பாதா³தி இத³ங் பன அஞ்ஞேஸங் அபி⁴ஸமயஹேதுபா⁴வேன பச்சேகபு³த்³த⁴போ³தி⁴ஸத்தாதீ³னங் தே³ஸனாஸாமத்தி²யாபா⁴வதோ வுத்தங். ஆயதிங் வாஸனாஹேதுங் பன ஸீலசித்தங் தேபி தே³ஸெந்தியேவ, தஞ்ச மக்³க³ஹேதுதாய அதி⁴ஸீலாதி⁴சித்தம்பி ஹொந்தங் அப்பகதாய விப்பா²ரிகதாபா³ஹுஜஞ்ஞத்தாபா⁴வேன அப்³போ³ஹாரிகந்தி ‘‘பு³த்³து⁴ப்பாதே³யேவா’’தி அவதா⁴ரணங் கதந்தி வேதி³தப்³ப³ங். ந ஹி தங்ஸமாபன்னோதிஆதி³அட்ட²கதா²வசனேஹி இத⁴ அதி⁴சித்தனித்³தே³ஸே, உபரி அதி⁴பஞ்ஞானித்³தே³ஸே ச மக்³க³ப²லஸம்பயுத்தஅதி⁴சித்தஅதி⁴பஞ்ஞானமேவ படிக்கே²பதோ லோகியாதி⁴சித்தாதி⁴பஞ்ஞானங் பாளியங் பன ‘‘யாயங் அதி⁴ஸீலஸிக்கா², அயங் இமஸ்மிங் அத்தே² அதி⁴ப்பேதா ஸிக்கா²’’தி வுத்தத்தா லோகியாபி அதி⁴சித்தாதி⁴பஞ்ஞா அனதி⁴ப்பேதாதி விஞ்ஞாயதி. தஸ்மா பாளியங் அட்ட²கதா²யஞ்ச ஏவமதி⁴ப்பாயோ வேதி³தப்³போ³ – ‘‘மேது²னங் த⁴ம்மங் படிஸேவிஸ்ஸாமீ’’தி சித்தே உப்பன்னமத்தே லோகியங் அதி⁴சித்தங் அதி⁴பஞ்ஞா ச பரிஹாயதி, அதி⁴ஸீலங் பன சித்துப்பாத³மத்தேன ந பரிஹாயதீதி பாளியங் அதி⁴ஸீலஸிக்கா²வ வுத்தா. அட்ட²கதா²யங் பன படிலத்³த⁴லோகுத்தரமக்³க³ஸ்ஸ பி⁴க்கு²னோ ‘‘மேது²னங் படிஸேவிஸ்ஸாமீ’’தி சித்தம்பி ந உப்பஜ்ஜதி ஸப்³ப³ஸோ அகுப்பத⁴ம்மத்தா, புது²ஜ்ஜனானங் ஸமாபத்திலாபீ⁴னம்பி கேனசி காரணேன உப்பஜ்ஜதி குப்பத⁴ம்மத்தாதி இமங் விஸேஸங் த³ஸ்ஸேதுங் ‘‘ந ஹி தங்ஸமாபன்னோ’’தி லோகுத்தராவ படிக்கி²த்தாதி வேதி³தப்³ப³ங்.
அத்தி² தி³ன்னந்தி எத்த² தி³ன்னந்தி தா³னசேதனா அதி⁴ப்பேதா, தஸ்ஸ தி³ன்னஸ்ஸ ப²லங் அத்தீ²தி அத்தோ². ஏஸ நயோ அத்தி² யிட்ட²ந்தி எத்தா²பி. ஆதி³-ஸத்³தே³ன ஹுதாதீ³னங் ஸங்க³ஹோ. தத்த² யிட்ட²ந்தி மஹாயாகோ³ ஸப்³ப³ஸாதா⁴ரணங் மஹாதா³னமேவ. ஹுதந்தி பஹோனகஸக்காரோ, அத்தனோ வா ஹோது, பரேஸங் வா த³ஸ அகுஸலகம்மபதா², ஸப்³பே³பி வா அகுஸலா த⁴ம்மா அனத்து²ப்பாத³னதோ ந ஸகங் கம்மங் நாம, தப்³பி³பரீதா குஸலா த⁴ம்மா ஸகங் நாம, தது³ப⁴யம்பி வா குஸலாகுஸலங் கம்மஸ்ஸகொம்ஹீதிஆதி³வசனதோ ஸதி ஸங்ஸாரப்பவத்தியங் அதி⁴முச்சனட்டே²ன ஸத்தானங் ஸகந்தி ஏவங் கம்மஸ்ஸகதாய ஸகபா⁴வே அத்தனோ ஸந்தகதாய உப்பஜ்ஜனகஞாணங் கம்மஸ்ஸகதஞ்ஞாணங், உபலக்க²ணமத்தஞ்சேதங். ஸாஸனநிஸ்ஸிதா பன ஸப்³பா³பி வட்டகா³மினிகுஸலபஞ்ஞா கம்மஸ்ஸகதஞ்ஞாணே பவிட்டா². ஸாஸனநிஸ்ஸிதா ஹி விவட்டகா³மினீ ஸப்³பா³பி பஞ்ஞா ‘‘ஸச்சானுலோமிகஞாண’’ந்தி வுச்சதி. ஸா ஏவ ச அதி⁴பஞ்ஞா தத³வஸேஸங் ஸப்³ப³ங் கம்மஸ்ஸகதஞ்ஞாணந்தி வேதி³தப்³ப³ங், தேனேவ ப⁴க³வா ‘‘கம்மஸ்ஸகதஞ்ஞாணங் ஸச்சானுலோமிகஞாணங் மக்³க³ஸமங்கி³ஸ்ஸ ஞாணங் ப²லஸமங்கி³ஸ்ஸ ஞாண’’ந்தி ஸப்³ப³ம்பி ஞாணசதுக்கேயேவ ஸங்க³ஹேஸி. திலக்க²ணாகாரபரிச்சே²த³கங் பன விபஸ்ஸனாஞாணந்தி இத³ங் பன மக்³க³ஸ்ஸ
ஸாஜீவபத³பா⁴ஜனீயவண்ணனானயோ நிட்டி²தோ.
பச்சக்கா²னவிப⁴ங்க³வண்ணனா
து³ப்³ப³ல்யே ஆவிகதேதி யங்னூனாஹங் பு³த்³த⁴ங் பச்சக்கெ²ய்யந்திஆதி³னா து³ப்³ப³லபா⁴வே பகாஸிதே. முகா²ருள்ஹதாதி லோகஜனானங் ஸத்தட்டா²திஆதீ³ஸு முகா²ருள்ஹஞாயேனாதி அதி⁴ப்பாயோ. தி³ரத்ததிரத்தந்தி (பாசி॰ 52) எத்த² யதா² அந்தரந்தரா ஸஹஸெய்யாவஸேன திரத்தங் அக்³க³ஹெத்வா நிரந்தரமேவ திஸ்ஸோ ரத்தியோ அனுபஸம்பன்னேன ஸத்³தி⁴ங் ஸஹஸெய்யாய அருணுட்டா²பனவஸேன திரத்தக்³க³ஹணத்த²ங் ‘‘தி³ரத்ததிரத்த’’ந்தி அப்³யவதா⁴னேன வுத்தந்தி தி³ரத்தக்³க³ஹணஸ்ஸ பயோஜனம்பி ஸக்கா க³ஹேதுங், ஏவமிதா⁴பி து³ப்³ப³ல்யங் அனாவிகத்வாதி இமஸ்ஸாபி க³ஹணஸ்ஸ பயோஜனமத்தே²வாதி த³ஸ்ஸேதுங் யஸ்மா வா ஸிக்கா²பச்சக்கா²னஸ்ஸாதிஆதி³ வுத்தங்.
இதா³னி து³ப்³ப³ல்யங் அனாவிகத்வாதி இமஸ்ஸ புரிமபத³ஸ்ஸேவ விவரணபா⁴வங் வினாபி விஸுங் அத்த²ஸப்³பா⁴வங் த³ஸ்ஸேதுங் அபிசாதிஆதி³ வுத்தங். விஸேஸாவிஸேஸந்தி எத்த² யேன வாக்யேன து³ப்³ப³ல்யாவிகம்மமேவ ஹோதி, ந ஸிக்கா²பச்சக்கா²னங், தத்த² ஸிக்கா²பச்சக்கா²னது³ப்³ப³ல்யாவிகம்மானங் அஞ்ஞமஞ்ஞங் விஸேஸோ ஹோதி. யேன பன வசனேன தது³ப⁴யம்பி ஹோதி, தத்த² நேவத்தி² விஸேஸோ அவிஸேஸோபி, தங் விஸேஸாவிஸேஸங். ‘‘கட² கிச்ச²ஜீவனே’’தி தா⁴தூஸு படி²தத்தா வுத்தங் ‘‘கிச்ச²ஜீவிகப்பத்தோ’’தி. உக்கண்ட²னஞ்ஹி உக்கண்டா², தங் இதோ க³தோதி உக்கண்டி²தோ, கிச்ச²ஜீவிகங் பத்தோதி அத்தோ². உத்³த⁴ங் க³தோ கண்டோ² ஏதிஸ்ஸாதி உக்கண்டா², அனபி⁴ரதியா வஜே நிருத்³த⁴கோ³க³ணோ விய க³மனமக்³க³ங் க³வேஸந்தோ புக்³க³லோ உக்கண்டோ² ஹோதி, தங் உக்கண்ட²ங். அனபி⁴ரதிங் இதோதிபி உக்கண்டி²தோதி அத்த²ங் த³ஸ்ஸெந்தோ ஆஹ – ‘‘உத்³த⁴ங் கண்ட²ங் கத்வா விஹரமானோ’’தி. ஸா ச உக்கண்ட²தா விக்கே²பேனேவாதி விக்கி²த்தோதிஆதி³ வுத்தங்.
ஸமணபா⁴வதோதி உபஸம்பத³தோ. பா⁴வவிகப்பாகாரேனாதி பி⁴க்கு²பா⁴வதோ சவித்வா யங் யங் கி³ஹிஆதி³பா⁴வங் பத்துகாமோ ‘‘அஹங் அஸ்ஸ’’ந்தி அத்தனோ ப⁴வனங் விகப்பேதி, தேன தேன கி³ஹிஆதி³ஆகாரேன, அத்தனோ ப⁴வனஸ்ஸ விகப்பனாகாரேனாதி அதி⁴ப்பாயோ.
46. பாளியங் யதி³ பனாஹந்தி அஹங் யதி³ பு³த்³த⁴ங் பச்சக்கெ²ய்யங், ஸாது⁴ வதஸ்ஸாதி அத்தோ². அபாஹங், ஹந்தா³ஹந்தி எத்தா²பி வுத்தனயேனேவ அத்தோ² க³ஹேதப்³போ³. ‘‘ஹோதி மே பு³த்³த⁴ங் பச்சக்கெ²ய்ய’’ந்தி மம சித்தங் உப்பஜ்ஜதீதி வத³தி.
50. ந ரமாமீதி பப்³ப³ஜ்ஜாய து³க்க²ப³ஹுலதாய ஸுகா²பா⁴வங் த³ஸ்ஸேதி. நாபி⁴ரமாமீதி பப்³ப³ஜ்ஜாய விஜ்ஜமானேபி அனவஜ்ஜஸுகே² அத்தனோ அபி⁴ரதிஅபா⁴வங் த³ஸ்ஸேதி.
51. தேனேவ வசீபே⁴தே³னாதி வசீபே⁴த³ங் கத்வாபி அஞ்ஞேன காயப்பயோகே³ன விஞ்ஞாபனங் நிவத்தேதி. அயங் ஸாஸனங் ஜஹிதுகாமோதிஆதி³னா பா⁴ஸாகோஸல்லாபா⁴வேன ஸப்³ப³ஸோ பத³த்தா²வபோ³தா⁴பா⁴வேபி ‘‘அயங் அத்தனோ பப்³ப³ஜிதபா⁴வங் ஜஹிதுகாமோ இமங் வாக்யபே⁴த³ங் கரோதீ’’தி எத்தகங் அதி⁴ப்பேதத்த²மத்தங் சேபி ஸோ தாவ ஜானாதி, பச்சக்கா²னமேவ ஹோதீதி த³ஸ்ஸேதி. தேனாஹ ‘‘எத்தகமத்தம்பி ஜானாதீ’’தி. பத³பச்சா²ப⁴ட்ட²ந்தி பத³பராவத்தி, மாக³த⁴பா⁴ஸதோ அவஸிட்டா² ஸப்³பா³பி பா⁴ஸா ‘‘மிலக்க²பா⁴ஸா’’தி வேதி³தப்³பா³. கெ²த்தமேவ ஓதிண்ணந்தி ஸிக்கா²பச்சக்கா²னஸ்ஸ ருஹனட்டா²னபூ⁴தங் கெ²த்தமேவ ஓதிண்ணங்.
தூ³தந்தி முக²ஸாஸனங். ஸாஸனந்தி பண்ணஸாஸனங், பி⁴த்தித²ம்பா⁴தீ³ஸு அக்க²ரங் வா சி²ந்தி³த்வா த³ஸ்ஸேதி. பச்சக்கா²துகாமதாசித்தே த⁴ரந்தேயேவ வசீபே⁴த³ஸமுப்பத்திங் ஸந்தா⁴ய ‘‘சித்தஸம்பயுத்த’’ந்தி வுத்தங், சித்தஸமுட்டா²னந்தி அத்தோ². நியமிதானியமிதவஸேன விஜானநபே⁴த³ங் த³ஸ்ஸேதுமாஹ யதி³ அயமேவ ஜானாதூதிஆதி³. அயஞ்ச விபா⁴கோ³ வத³தி விஞ்ஞாபேதீதி எத்த² யஸ்ஸ வத³தி, தஸ்ஸேவ விஜானநங் அதி⁴ப்பேதந்தி இமினா வுத்தனயேன லத்³தோ⁴தி த³ட்ட²ப்³ப³ங், ந ஹெத்த² ஏகஸ்ஸ வத³தி அஞ்ஞஸ்ஸ விஞ்ஞாபேதீதி அயமத்தோ² ஸம்ப⁴வதி. ‘‘தேஸு ஏகஸ்மிங் ஜானந்தேபீ’’தி வுத்தத்தா ‘‘த்³வேயேவ ஜானந்து ஏகோ மா ஜானாதூ’’தி ஏவங் த்³வின்னம்பி ஜனானங் நியமெத்வா ஆரோசிதேபி தேஸு ஏகஸ்மிம்பி ஜானந்தே பச்சக்கா²னங் ஹோதியேவாதி க³ஹேதப்³ப³ங். பரிஸங்கமானோதி ‘‘வாரெஸ்ஸந்தீ’’தி ஆஸங்கமானோ. ஸமயஞ்ஞூதி ஸாஸனஸங்கேதஞ்ஞூ, இத⁴ பன அதி⁴ப்பாயமத்தஜானநேனாபி ஸமயஞ்ஞூ நாம ஹோதி, தேனாஹ உக்கண்டி²தோதிஆதி³. தஸ்மா பு³த்³த⁴ங் பச்சக்கா²மீதிஆதி³கெ²த்தபதா³னங் ஸப்³ப³ஸோ அத்த²ங் ஞத்வாபி ஸசே ‘‘பி⁴க்கு²பா⁴வதோ சவிதுகாமதாய ஏஸ வத³தீ’’தி அதி⁴ப்பாயங் ந ஜானாதி, அப்பச்சக்கா²தாவ ஹோதி ஸிக்கா². அத்த²ங் பன அஜானித்வாபி ‘‘உக்கண்டி²தோ வத³தீ’’தி தங் ஜானாதி, பச்சக்கா²தாவ ஹோதி ஸிக்கா². ஸோதவிஞ்ஞாணவீதி²யா ஸத்³த³மத்தக்³க³ஹணமேவ, அத்த²க்³க³ஹணங் பன மனோவிஞ்ஞாணவீதி²பரம்பராயாதி ஆஹ தங்க²ணஞ்ஞேவாதிஆதி³.
53. வண்ணபட்டா²னந்தி உபாலிகா³தா²ஸூதி உபாலிஸுத்தே உபாலிக³ஹபதினா தீ⁴ரஸ்ஸ விக³தமோஹஸ்ஸாதிஆதி³னா வுத்தகா³தா²ஸு. யதா²ருதந்தி பாளியங் வுத்தமேவாதி அத்தோ². அனந்தபு³த்³தீ⁴திஆதீ³னி வண்ணபட்டா²னே ஆக³தனாமானி. தீ⁴ரந்திஆதீ³னி (ம॰ நி॰ 2.76) பன உபாலிகா³தா²ஸு. தத்த² போ³தி⁴ வுச்சதி ஸப்³ப³ஞ்ஞுதஞ்ஞாணங், ஸா ஜானநஹேதுத்தா பஞ்ஞாணங் ஏதஸ்ஸாதி போ³தி⁴பஞ்ஞாணோ. ஸ்வாக்கா²தங் த⁴ம்மந்திஆதீ³ஸு த⁴ம்ம-ஸத்³தோ³ ஸ்வாக்கா²தாதி³பதா³னங் த⁴ம்மவேவசனபா⁴வங் த³ஸ்ஸேதுங் வுத்தோ. தஸ்மா ஸ்வாக்கா²தங் பச்சக்கா²மீதிஆதி³னா வுத்தேயேவ வேவசனேன பச்சக்கா²னங் நாம ஹோதி. த⁴ம்ம-ஸத்³தே³ன ஸஹ யோஜெத்வா வுத்தே பன யதா²ருதவஸேன பச்சக்கா²னந்தி வேதி³தப்³ப³ங். ஸுப்படிபன்னங் ஸங்க⁴ந்திஆதீ³ஸுபி ஏஸேவ நயோ. குஸலங் த⁴ம்மந்திஆதீ³னிபி குஸலா த⁴ம்மா அகுஸலா த⁴ம்மாதிஆதி³த⁴ம்மமேவ (த⁴॰ ஸ॰ திகமாதிகா 1) ஸந்தா⁴ய வுத்தனாமானி, இதரதா² அகுஸலத⁴ம்மபச்சக்கா²னே தோ³ஸாபா⁴வப்பஸங்க³தோதி, தேனாஹ சதுராஸீதித⁴ம்மக்க²ந்த⁴ஸஹஸ்ஸேஸூதிஆதி³. பட²மபாராஜிகந்திஆதி³னா ஸிக்கா²பதா³னங்யேவ க³ஹணங் வேதி³தப்³ப³ங், ந ஆபத்தீனங்.
யஸ்ஸ மூலேனாதி யஸ்ஸ ஸந்திகே. ஆசரியவேவசனேஸு யோ உபஜ்ஜ²ங் அத³த்வா ஆசரியோவ ஹுத்வா பப்³பா³ஜேஸி, தங் ஸந்தா⁴ய ‘‘யோ மங் பப்³பா³ஜேஸீ’’தி வுத்தங். தஸ்ஸ மூலேனாதி தஸ்ஸ ஸந்திகே. ஓகல்லகோதி கு²ப்பிபாஸாதி³து³க்கா²துரானங் கிஸலூக²ஸரீரவேஸானங் க³ஹட்ட²மனுஸ்ஸானங் அதி⁴வசனங். மோளிப³த்³தோ⁴தி ப³த்³த⁴கேஸகலாபோ க³ஹட்டோ². குமாரகோதி குமாராவத்தோ² அதிவிய த³ஹரோ ஸாமணேரோ. சேல்லகோதி ததோ கிஞ்சி மஹந்தோ. சேடகோதி மஜ்ஜி²மோ. மோளிக³ல்லோதி மஹாஸாமணேரோ. ஸமணுத்³தே³ஸோதி அவிஸேஸதோ ஸாமணேராதி⁴வசனங். அஸுசிஸங்கஸ்ஸரஸமாசாரோதி அஸுசி ஹுத்வா ‘‘மயா கதங் பரே ஜானந்தி நு கோ², ந நு கோ²’’தி அத்தனா, ‘‘அஸுகேன நு கோ² இத³ங் கத’’ந்தி பரேஹி ச ஸங்காய ஸரிதப்³பே³ன அனுஸ்ஸரிதப்³பே³ன ஸமாசாரேன யுத்தோ. ஸஞ்ஜாதராகா³தி³கசவரத்தா கஸம்பு³ஜாதோ. கொண்டோ²தி து³ஸ்ஸீலாதி⁴வசனமேதங்.
54. திஹேதுகபடிஸந்தி⁴காதி அதிகி²ப்பங் ஜானநஸமத்தே² ஸந்தா⁴ய வுத்தங், ந து³ஹேதுகானங் தத்த² அஸம்ப⁴வதோ. ஸபா⁴க³ஸ்ஸாதி புரிஸஸ்ஸ. விஸபா⁴க³ஸ்ஸாதி மாதுகா³மஸ்ஸ. பொத்த²கரூபஸதி³ஸஸ்ஸாதி மத்திகாதீ³ஹி கதரூபஸதி³ஸஸ்ஸ க³ருமேத⁴ஸ்ஸாதி ஆரம்மணேஸு லஹுப்பவத்தியா அபா⁴வதோ த³ந்த⁴க³திகதாய க³ருபஞ்ஞஸ்ஸ, மந்த³பஞ்ஞஸ்ஸாதி வுத்தங் ஹோதி.
இதா³னெத்த² ஸிக்கா²பச்சக்கா²னவாரஸ்ஸ பாளியங் அட்ட²கதா²யஞ்ச வுத்தனயானங் ஸம்பிண்ட³னத்த²வஸேன ஏவங் வினிச்ச²யோ வேதி³தப்³போ³ – தத்த² ஹி ஸாமஞ்ஞா சவிதுகாமோதிஆதீ³ஹி பதே³ஹி சித்தனியமங் த³ஸ்ஸேதி. பு³த்³த⁴ந்திஆதீ³ஹி பதே³ஹி கெ²த்தனியமங், பச்சக்கா²மி தா⁴ரேதீதி ஏதேன காலனியமங், வத³தீதி
கத²ங்? உபஸம்பன்னபா⁴வதோ சவிதுகாமதாசித்தேனேவ ஹி ஸிக்கா²பச்சக்கா²னங் ஹோதி, ந த³வா வா ரவா வா ப⁴ணந்தஸ்ஸ. ஏவங் சித்தவஸேன ஸிக்கா²பச்சக்கா²னங் ஹோதி, ந தத³பா⁴வேன. ததா² பு³த்³த⁴ங் பச்சக்கா²மீதிஆதி³னா வுத்தானங் பு³த்³தா⁴தீ³னங் ஸப்³ரஹ்மசாரிபரியோஸானானங் சதுத்³த³ஸன்னஞ்சேவ கி³ஹீதி மங் தா⁴ரேஹீதிஆதி³னா வுத்தானங் கி³ஹிஆதீ³னங் அஸக்யபுத்தியபரியோஸானானங் அட்ட²ன்னஞ்சாதி இமேஸங் த்³வாவீஸதியா கெ²த்தபதா³னங் யஸ்ஸ கஸ்ஸசி ஸவேவசனஸ்ஸ வஸேன தேஸு யங் கிஞ்சி வத்துகாமஸ்ஸ யங் கிஞ்சி வத³தோபி ஸிக்கா²பச்சக்கா²னங் ஹோதி. ஏவங் கெ²த்தவஸேன ஸிக்கா²பச்சக்கா²னங் ஹோதி, ந தத³பா⁴வேன. தத்த² யதே³தங் ‘‘பச்சக்கா²மீதி ச மங் தா⁴ரேஹீதி சா’’தி வுத்தங் வத்தமானகாலவசனங், யானி ச ‘‘அலங் மே பு³த்³தே⁴ன, கிங் நு மே பு³த்³தே⁴ன, ந மமத்தோ² பு³த்³தே⁴ன, ஸுமுத்தாஹங் பு³த்³தே⁴னா’’திஆதி³னா நயேன ஆக்²யாதவஸேன காலங் அனாமஸித்வா புரிமேஹி சுத்³த³ஸஹி பதே³ஹி ஸத்³தி⁴ங் யோஜெத்வா வுத்தானி அலங் மேதிஆதீ³னி சத்தாரி பதா³னி, தேஸங்யேவ ச ஸவேவசனானங் வஸேன
புக்³க³லோ
ஸிக்கா²பச்சக்கா²னவண்ணனானயோ நிட்டி²தோ.
மூலபஞ்ஞத்திவண்ணனா
55. இதோ பட்டா²யாதி து³ட்டு²ல்லபத³தோ பட்டா²ய. மேது²னத⁴ம்மோ யதா² ஸரூபேனேவ து³ட்டு²ல்லங், ஏவங் த³ஸ்ஸனாதி³து³ட்டு²ல்லத⁴ம்மபரிவாரத்தாபி து³ட்டு²ல்லந்தி த³ஸ்ஸேதுங் யஸ்மாதிஆதி³ வுத்தங். அவஸ்ஸுதானந்தி மேது²னராகே³ன திந்தானங். பரியுட்டி²தானந்தி மேது²னராகே³ன அபி⁴பூ⁴தசித்தானங். மேது²ன-ஸத்³த³ஸ்ஸ ஸதி³ஸஸத்³த³பஅயாயத்தா வுத்தங் ‘‘ஸதி³ஸான’’ந்தி, ரத்ததாதீ³ஹி ஸதி³ஸானந்தி அத்தோ². இத³ஞ்ச யேபு⁴ய்யதோ வுத்தங் உபோ⁴ஸு அஞ்ஞதரஸ்ஸ ராகா³பா⁴வேபி இதரஸ்ஸ மேது²னஸேவனஸங்ஸித்³தி⁴தோ. மேது²ன-ஸத்³தோ³ வா உப⁴யஸத்³த³பஅயாயோ, மேது²னங் யுக³ளங் யமகங் உப⁴யந்தி ஹி அத்த²தோ ஏகங், தேனாஹ ‘‘உபி⁴ன்னங் ரத்தான’’ந்தி. ‘‘த்³வயங்த்³வயஸமாபத்தீ’’தி ஹி பாளியம்பி வுத்தங். நிமித்தேனாதி பு⁴ம்மத்தே² கரணவசனங், இத்தி²னிமித்தே அத்தனோ நிமித்தங் பவேஸேதீதி அத்தோ². நிமித்தங் அங்க³ஜாதந்தி அத்த²தோ ஏகங். திலப²லந்தி ஸாஸபமத்தங் திலபீ³ஜங் அதி⁴ப்பேதங், ந கோஸஸஹிதங் ப²லந்தி ஆஹ ‘‘திலபீ³ஜமத்தம்பீ’’தி. அல்லோகாஸேதி ஸபா⁴வேன பிஹிதஸ்ஸ நிமித்தஸ்ஸ பகதிவாதேன அஸம்பு²ட்டே² திந்தப்பதே³ஸே. தாதி³ஸோ பதே³ஸோ
வேமஜ்ஜ²ந்தி யதா² சத்தாரி பஸ்ஸானி அபு²ஸந்தோ பவேஸேதி, ஏவங் கதவிவரஸ்ஸ இத்தி²னிமித்தஸ்ஸ அப்³ப⁴ந்தரதலங் வுச்சதி. புரிஸனிமித்தே பன மஜ்ஜ²ந்தி அக்³க³கோடிங் ஸந்தா⁴ய வத³தி. உபரீதி மஜ்ஜி²மபப்³பே³ன ஸமிஞ்ஜித்வா பவேஸியமானஸ்ஸ அங்க³ஜாதஸ்ஸ ஸமிஞ்ஜிதங்கு³லியா மஜ்ஜி²மபப்³ப³பிட்டி²ஸதி³ஸஅக்³க³கோடியேவ. ஹெட்டா² பவேஸெந்தோதி இத்தி²னிமித்தஸ்ஸ ஹெட்டா²பா⁴கே³ன சு²பியமானங் பவேஸெந்தோ, யதா² இத்தி²னிமித்தஸ்ஸ அல்லோகாஸங் ஹெட்டி²மதலங் திலபீ³ஜமத்தம்பி அத்தனோ நிமித்தேன சு²பதி, ஏவங் பவேஸெந்தோதி அத்தோ². சு²பனமேவ ஹெத்த² பவேஸனங், ஏவங் ஸேஸேஸுபி. மஜ்ஜே²ன பவேஸெந்தோதி அப்³ப⁴ந்தரதலேன சு²பியமானங் பவேஸெந்தோ, யதா² அப்³ப⁴ந்தரதலங் சு²பதி, ஏவங் பவேஸெந்தோதி அத்தோ². கத்த²சி அச்சு²பந்தங் பவேஸெத்வா ஆகாஸக³தமேவ நீஹரந்தஸ்ஸ நத்தி² பாராஜிகங், து³க்கடங் பன ஹோதி சி²ன்னஸீஸவத்து²ஸ்மிங் (பாரா॰ 73) விய. மஜ்ஜே²னேவ சு²பந்தங் பவேஸெந்தோதி அக்³க³கோடியா சு²பந்தங் பவேஸெந்தோ. மஜ்ஜி²மபப்³ப³பிட்டி²யா ஸங்கோசெத்வாதி நிமித்தங் அத்தனோ மஜ்ஜி²மபப்³ப³பிட்டி²யா உபரிபா⁴கே³னாதி ஸங்கோசிதஸ்ஸ நிமித்தஸ்ஸ உபரிகோடியா.
இதா³னி புரிஸனிமித்தஸ்ஸ ஹெட்டா² வுத்தேஸு ச²ஸு ‘‘உபரீ’’தி வுத்தஸ்ஸ ச²ட்ட²ஸ்ஸ டா²னஸ்ஸ வஸேன விஸுங் சத்தாரி பஸ்ஸானி க³ஹெத்வா புரிஸனிமித்தே த³ஸட்டா²னபே⁴த³ங் த³ஸ்ஸெந்தோ தத்தா²திஆதி³மாஹ. ஹெட்டா² பன அக³ஹிதக்³க³ஹணவஸேன ச² டா²னானி வுத்தானி. துலாத³ண்ட³ஸதி³ஸங் பவேஸெந்தஸ்ஸாபீதி அஸமிஞ்ஜித்வா உஜுகங் பவேஸெந்தஸ்ஸ. சம்மகீ²லந்தி ஏளகாதீ³னங் கீ³வாய விய நிமித்தே ஜாதங் சம்மங்குரங், ‘‘உண்ணிக³ண்டோ³’’திபி வத³ந்தி. ‘‘உபஹதகாயப்பஸாத³’’ந்தி அவத்வா நட்ட²காயப்பஸாத³ந்தி வசனேன உபாதி³ன்னபா⁴வே ஸதி கேனசி பச்சயேன உபஹதேபி காயப்பஸாதே³ உபஹதிந்த்³ரியவத்து²ஸ்மிங் (பாரா॰ 73) விய பாராஜிகமேவாதி த³ஸ்ஸேதி. இத்தி²னிமித்தஸ்ஸ பன நட்டே²பி உபாதி³ன்னபா⁴வே ஸதி மதஸரீரே விய பாராஜிகக்கெ²த்ததா ந விஜஹதீதி வேதி³தப்³பா³. மேது²னஸ்ஸாதே³னாதி இத³ங் காயஸங்ஸக்³க³ராகே³ ஸதி ஸங்கா⁴தி³ஸேஸோ ஹோதீதி வுத்தங். பீ³ஜானீதி அண்டா³னி.
முக²ங் அபிதா⁴யாதி பமாதே³ன ஸமுப்பன்னம்பி ஹாஸங் பீ³ஜனியா படிச்சா²த³னம்பி அகத்வா நிஸீத³னங் அகா³ரவந்தி வுத்தங். அத² வா அபிதா⁴யாதி பித³ஹித்வா, பீ³ஜனியா முக²ங் படிச்சா²தெ³த்வா ஹஸமானேன த³ந்தவித³ங்ஸகந்தி த³ந்தே த³ஸ்ஸெத்வா. க³ப்³பி⁴தேனாதி ‘‘அயுத்தகதா²’’தி ஸங்கோசங் அனாபஜ்ஜந்தேன, நிரவஸேஸாதி⁴ப்பாயகத²னே ஸஞ்ஜாதுஸ்ஸாஹேனாதி அத்தோ².
அனுபஞ்ஞத்திவண்ணனா
பாராஜிகவத்து²பூ⁴தாதி யேஸங் தீஸு மக்³கே³ஸு திலபீ³ஜமத்தம்பி நிமித்தஸ்ஸ பவேஸோகாஸோ ஹோதி, தே இத்தி²புரிஸாதி³பே⁴தா³ ஸப்³பே³ ஸங்க³ய்ஹந்தி, ந இதரே. இத⁴ பன திரச்சா²னக³தாயாதி-பாளிபதா³னுரூபதோ ந ஸப்³பா³திஆதி³னா இத்தி²லிங்க³வஸேன வுத்தங். கோ³னஸாதி ஸப்பவிஸேஸா, யேஸங் பிட்டீ²ஸு மஹந்தமஹந்தானி மண்ட³லானி ஹொந்தி. கச்ச²பமண்டூ³கானங் சதுப்பத³த்தேபி ஓத³கதாஸாமஞ்ஞேன முக²ஸண்டா²னந்தி ஒட்ட²சம்மஸண்டா²னங். வணஸங்கே²பந்தி வணஸங்க³ஹங். வணே து²ல்லச்சயஞ்ச ‘‘அமக்³கே³ன அமக்³க³ங் பவேஸேதி, ஆபத்தி து²ல்லச்சயஸ்ஸா’’தி (பாரா॰ 66) இமஸ்ஸ ஸுத்தஸ்ஸ வஸேன வேதி³தப்³ப³ங். மங்கு³ஸாதி நகுலா. ஏதமேவ ஹி அத்த²ந்தி யோ நங் அஜ்ஜா²பஜ்ஜதி, தங் பராஜேதீதி இமமத்த²ங் வுத்தானங்யேவ பாராஜிகாதி³ஸத்³தா³னங் நிப்³ப³சனப்பஸங்கே³ இமிஸ்ஸா பரிவாரகா³தா²ய பவத்தத்தா. ப⁴ட்டோ²தி ஸாஸனதோ பரிஹீனோ. நிரங்கதோதி நிராகதோ. ஏதந்தி ஆபத்திரூபங் பாராஜிகங். சி²ன்னோதி அந்தராக²ண்டி³தோ.
பகதத்தேஹி பி⁴க்கூ²ஹீதி எத்த² பகதத்தா நாம பாராஜிகங் அனாபன்னா அனுக்கி²த்தா ச. கேசி பன ‘‘பகதத்தேஹி பி⁴க்கூ²ஹி ஏகதோ கத்தப்³ப³த்தாதி அட்ட²கதா²யங் வுத்தத்தா பகதத்தபூ⁴தேஹி அலஜ்ஜீஹிபி ஸத்³தி⁴ங் உபோஸதா²தி³ஸங்க⁴கம்மகரணே தோ³ஸோ நத்தீ²’’தி வத³ந்தி, தங் ந யுத்தங், இமினா வசனேன தஸ்ஸ அத்த²ஸ்ஸ அஸிஜ்ஜ²னதோ. யதி³ ஹி ஸங்க⁴கம்மங் கரீயதி, பகதத்தேஹேவ கரீயதி, ந அபகதத்தேஹீதி ஏவங் அபகதத்தேஹி ஸஹஸங்வாஸபடிக்கே²பபரங் இத³ங் வசனங், ந பன பகதத்தேஹி ஸப்³பே³ஹி அலஜ்ஜீஆதீ³ஹி ஏகதோ ஸங்க⁴கம்மங் கத்தப்³ப³மேவாதி. ஏவங் ஸங்வாஸவிதா⁴னபரங் பகதத்தேஸுபி ஸபா⁴கா³பத்திங் ஆபன்னேஹி அஞ்ஞமஞ்ஞஞ்ச அலஜ்ஜீஹி ச ஸத்³தி⁴ங் ஏகதோ கம்மகரணஸ்ஸ படிக்கி²த்தத்தா. வுத்தஞ்ஹி ‘‘ஸசே ஸப்³போ³ ஸங்கோ⁴ ஸபா⁴கா³பத்தியா ஸதி வுத்தவிதி⁴ங் அகத்வா உபோஸத²ங் கரோதி, வுத்தனயேனேவ ஸப்³போ³ ஸங்கோ⁴ ஆபத்திங் ஆபஜ்ஜதீ’’திஆதி³ (கங்கா²॰ அட்ட²॰ நிதா³னவண்ணனா). ‘‘யத்த² ஆமிஸபரிபோ⁴கோ³ வட்டதி, த⁴ம்மபரிபோ⁴கோ³பி தத்த² வட்டதீ’’தி அலஜ்ஜீஹி ஸஹ பரிபோ⁴கோ³ ச அட்ட²கதா²யங் படிக்கி²த்தோ ஏகதோ கம்மகரணஸ்ஸாபி த⁴ம்மபரிபோ⁴க³த்தா. தஸ்மா யதா² ஹி பாளியங் பாராஜிகாபத்திஆபஜ்ஜனகபுக்³க³லனியமத்த²ங் ய்வாயங் ஞத்திசதுத்தே²ன கம்மேன…பே॰… உபஸம்பன்னோ, அயங் இமஸ்மிங் அத்தே² அதி⁴ப்பேதோ பி⁴க்கூ²தி இமஸ்மிங் வசனே ஸப்³பே³பி ஞத்திசதுத்த²கம்மேன உபஸம்பன்னா பாராஜிகாபஜ்ஜனகபுக்³க³லாயேவாதி நியமோ ந ஸிஜ்ஜ²தி
ததா²தி ஸீமாபரிச்சி²ன்னேஹீதிஆதி³ங் பராமஸதி. ஏகதோ வந்த³னபு⁴ஞ்ஜனகா³மப்பவேஸனவத்தாபடிவத்தகரணஉக்³க³ஹபரிபுச்சா²ஸஜ்ஜா²யகரணாதி³ஸாமக்³கி³கிரியாவஸேன ப⁴க³வதா பஞ்ஞத்தஸிக்கா²பத³ஸிக்க²னங் ஸமஸிக்க²தா நாம, தஞ்ச லஜ்ஜீஹேவ ஸமங் ஸிக்கி²தப்³ப³ங், ந அலஜ்ஜீஹீதி த³ஸ்ஸேதுங் ‘‘பஞ்ஞத்தங் பன…பே॰… ஸமஸிக்க²தா நாமா’’தி வுத்தங். தத்த² அனதிக்கமனவஸேன உக்³க³ஹபரிபுச்சா²தி³வஸேன ச லஜ்ஜீபுக்³க³லேஹி ஸமங் ஏகதோ ஸிக்கி²தப்³பா³ ஸமஸிக்கா²தி ஸிக்கா²பதா³னி வுத்தானி, தாஸங் ஸமஸிக்க²னங் யதா²வுத்தனயேன லஜ்ஜீஹி ஸிக்கி²தப்³ப³பா⁴வோ ஸமஸிக்க²தா நாமாதி அதி⁴ப்பாயோ. யதா²வுத்தேஸு ஏககம்மாதீ³ஸு அலஜ்ஜீனங் லஜ்ஜித⁴ம்மே அனோக்கந்தே லஜ்ஜீஹி ஸஹ ஸங்வாஸோ நத்தி², ததோ ப³ஹியேவ தே ஸந்தி³ஸ்ஸந்தீதி ஆஹ ஸப்³பே³பி லஜ்ஜினோதிஆதி³.
56. யங் தங் வுத்தந்தி ஸம்ப³ந்தோ⁴. வத்து²மேவ ந ஹோதீதி ஸுவண்ணாதீ³ஹி கதஇத்தி²ரூபானங் அங்க³ஜாதேஸுபி நிமித்தவோஹாரத³ஸ்ஸனதோ தத்த² பாராஜிகாஸங்கானிவத்தனத்த²ங் வுத்தங். தேனேவ வினீதவத்தூ²ஸு லேபசித்தாதி³வத்தூ²ஸு ஸஞ்ஜாதகுக்குச்சஸ்ஸ பாராஜிகேன அனாபத்தி வுத்தா.
பட²மசதுக்கவண்ணனா
57. அஸ்ஸாதி ஆக்²யாதபத³ந்தி தஸ்ஸ அத்த²ங் த³ஸ்ஸெந்தோ ‘‘ஹோதீ’’தி ஆஹ, ப⁴வெய்யாதி அத்தோ², ஹோதீதி வுத்தங் ஹோதி. து³தியே அத்த²விகப்பே ‘‘ஹோதீ’’தி இத³ங் வசனஸேஸோ.
58. ஸாதி³யந்தஸ்ஸேவாதி எத்த² ஸாதி³யனங் நாம ஸேவேதுகாமதாசித்தஸ்ஸ உப்பாத³னமேவாதி ஆஹ ‘‘படிஸேவனசித்தஸமங்கி³ஸ்ஸா’’தி. படிபக்க²ந்தி அனிட்ட²ங் பி⁴க்கூ² ஏவ பச்சத்தி²காதி ராஜபச்சத்தி²கானுரூபேன அத்தோ² த³ஸ்ஸிதோ. தஸ்மிங் க²ணேதி பவேஸனக்க²ணே. அக்³க³தோ ஹி யாவ மூலா பவேஸனகிரியாய வத்தமானகாலோ பவேஸனக்க²ணோ நாம. பவிட்ட²காலேதி அங்க³ஜாதஸ்ஸ யத்தகங் டா²னங் பவேஸனாரஹங், தத்தகங் அனவஸேஸதோ பவிட்ட²காலே, பவேஸனகிரியாய நிட்டி²தக்க²ணேதி அத்தோ². ஏவங் பவிட்ட²ஸ்ஸ உத்³த⁴ரணாரம்ப⁴தோ அந்தரா டி²தகாலே டி²தங் அங்க³ஜாதங், தஸ்ஸ டி²தி வா டி²தங் நாம, அட்ட²கதா²யங் பன மாதுகா³மஸ்ஸ ஸுக்கவிஸ்ஸட்டி²ங் பத்வா ஸப்³ப³தா² வாயாமதோ ஓரமித்வா டி²தகாலங் ஸந்தா⁴ய ‘‘ஸுக்கவிஸ்ஸட்டி²ஸமயே’’தி வுத்தங், தது³ப⁴யம்பி டி²தமேவாதி க³ஹேதப்³ப³ங். உத்³த⁴ரணங் நாம யாவ அக்³கா³ நீஹரணகிரியாய வத்தமானகாலோதி ஆஹ ‘‘நீஹரணகாலே படிஸேவனசித்தங் உபட்டா²பேதீ’’தி.
எத்த² ச யஸ்மா பரேஹி உபக்கமியமானஸ்ஸ அங்க³ஜாதாதி³காயசலனஸ்ஸ விஜ்ஜமானத்தா ஸேவனசித்தே உபட்டி²தமத்தே தஸ்மிங் க²ணே சித்தஜரூபேன ஸஞ்ஜாயமானங் அங்க³ஜாதாதி³சலனங் இமினா ஸேவனசித்தேன உப்பாதி³தமேவ ஹோதி. அபிச ஸேவனசித்தே உப்பன்னே பரேஹி அனுபக்கமியமானஸ்ஸாபி அங்க³ஜாதே சலனங் ஹோதேவ, தஞ்ச தேன கதங் நாம ஹோதி, தஸ்மா காயசித்ததோ ஸமுட்டி²தங் பாராஜிகாபத்திங் ஸோ ஆபஜ்ஜதியேவ உப்³ப⁴ஜாணுமண்ட³லிகா (பாசி॰ 657-658) விய. தத்தா²பி ஹி ‘‘அத⁴க்க²கங் உப்³ப⁴ஜாணுமண்ட³லங் ஆமஸனங் வா…பே॰… படிபீளனங் வா ஸாதி³யெய்யா’’தி (பாசி॰ 657) ஸாதி³யனமத்தேயேவ ஆபத்தி வுத்தா, பி⁴க்கு²னோ காயஸங்ஸக்³கே³ பன ‘‘காயஸங்ஸக்³க³ங் ஸமாபஜ்ஜெய்யா’’தி (பாரா॰ 270) அத்தனோ உபக்கமஸ்ஸ ஆபத்தினிமித்தபா⁴வேன வுத்தத்தா இத்தி²யா பு²ஸியமானஸ்ஸ காயஸங்ஸக்³க³ராகே³ ச இத்தி²யா ஸஞ்ஜனிதகாயசலனே ச விஜ்ஜமானேபி அத்தனோ பயோகா³பா⁴வேன அனாபத்தியேவ வுத்தாதி க³ஹேதப்³ப³ங். கேசி பன ‘‘பட²மஸங்கா⁴தி³ஸேஸவிஸயேபி பரேஹி ப³லக்காரேன ஹத்தா²தீ³ஹி உபக்கமியமானஸ்ஸ மோசனஸ்ஸாதோ³ ச உப்பஜ்ஜதி, தேன ச அஸுசிம்ஹி முத்தே ஸங்கா⁴தி³ஸேஸோ, அமுத்தே து²ல்லச்சயங் ஏவா’’தி வத³ந்தி. அங்கா³ரகாஸுந்தி அங்கா³ரராஸிங், அங்கா³ரபுண்ணாவாடங் வா. இத்தி²யா உபக்கமியமானே அஸாதி³யனங் நாம ந ஸப்³பே³ஸங் விஸயோதி இமஞ்ஹீதிஆதி³. ஏகாத³ஸஹி அக்³கீ³ஹீதி ராக³தோ³ஸமோஹஜாதிஜராமரணஸோகபரிதே³வது³க்க²தோ³மனஸ்ஸுபாயாஸஸங்கா²தேஹி ஏகாத³ஸக்³கீ³ஹி. அஸ்ஸாதி அஸாதி³யந்தஸ்ஸ. சதுக்கங் நீஹரித்வா ட²பேஸீதி எத்த² ஏகபுக்³க³லவிஸயதாய ஏகோபி அனாபத்திவாரோ பவேஸனபவிட்ட²டி²தஉத்³த⁴ரணஸங்க²ஆதானங் சதுன்னங் பதா³னங் வஸேன ‘‘சதுக்க’’ந்தி வுத்தோ. பட²மசதுக்ககதா²தி எத்த² பன அனாபத்திவாரேன ஸத்³தி⁴ங் பஞ்சன்னங் வாரானங் வுத்தனயேன ‘‘பஞ்ச சதுக்கா’’தி வத்தப்³பே³பி ஏகமக்³க³விஸயதாய திண்ணங் மக்³கா³னங் வஸேன தீணி ஸுத்³தி⁴கசதுக்கானீதிஆதி³.
ஏகூனஸத்ததித்³விஸதசதுக்ககதா²வண்ணனா
59-60. மத்தந்தி ஸுராதீ³ஹி மத்தங். அக்கா²யிதனிமித்தா இத⁴ உத்தரபத³லோபேன அக்கா²யிதஸத்³தே³ன வுத்தாதி ஆஹ ‘‘அக்கா²யிதனிமித்த’’ந்தி. ஜாக³ரந்திந்திஆதி³ விஸேஸனரஹிதத்தா ‘‘ஸுத்³தி⁴கசதுக்கானீ’’தி வுத்தங். ஸமானாசரியகாதே²ராதி ஏகாசரியஸ்ஸ உத்³தே³ஸந்தேவாஸிகா. க³ங்கா³ய அபரபா⁴கோ³ அபரக³ங்க³ங். வதரேதி க³ரஹத்தே² நிபாதோ. ஏவங் வினயக³ருகானந்தி இமினா உபரி உபதிஸ்ஸத்தே²ரேன வுச்சமானவினிச்ச²யஸ்ஸ க³ருகரணீயதாய காரணங் வுத்தங். ஸப்³ப³ங் பரியாதி³யித்வாதி ஸப்³ப³ங் பாராஜிககெ²த்தங் அனவஸேஸதோ க³ஹெத்வா. யதி³ ஹி ஸாவஸேஸங் கத்வா பஞ்ஞபெய்ய, அலஜ்ஜீனங் தத்த² லேஸேன அஜ்ஜா²சாரஸோதோ பவத்ததீதி ஆஹ ‘‘ஸோதங் சி²ந்தி³த்வா’’தி. ஸஹஸெய்யாதி³பண்ணத்திவஜ்ஜஸிக்கா²பதே³ஸுயேவ (பாசி॰ 49-51) ஸாவஸேஸங் கத்வாபி பஞ்ஞாபனங் ஸம்ப⁴வதி, ந லோகவஜ்ஜேஸூதி ஆஹ இத³ஞ்ஹீதிஆதி³. ஸஹஸெய்யஸிக்கா²பதே³ ஹி (பாசி॰ 49 ஆத³யோ) கிஞ்சாபி யேபு⁴ய்யச்ச²ன்னே யேபு⁴ய்யபரிச்ச²ன்னே ஹெட்டி²மபரிச்சே²த³தோ பாசித்தியங் த³ஸ்ஸிதங், உபட்³ட⁴ச்ச²ன்னே உபட்³ட⁴பரிச்ச²ன்னே து³க்கடங், ததா²பி ஸாவஸேஸத்தா பஞ்ஞத்தியா யேபு⁴ய்யச்ச²ன்னஉபட்³ட⁴பரிச்ச²ன்னாதீ³ஸுபி அட்ட²கதா²யங் பாசித்தியமேவ த³ஸ்ஸிதங். இத⁴ பன நிரவஸேஸத்தா பஞ்ஞத்தியா ப⁴க³வதா த³ஸ்ஸிதங் யேபு⁴ய்யேன அக்கா²யிதனிமித்ததோ ஹெட்டா² பாராஜிகக்கெ²த்தங் நத்தி², து²ல்லச்சயாதி³மேவ தத்த² லப்³ப⁴தி.
உபதிஸ்ஸத்தே²ரேன வுத்தஸ்ஸேவ வினிச்ச²யஸ்ஸ அஞ்ஞம்பி உபத்த²ம்ப⁴காரணங் த³ஸ்ஸெந்தோ அபிசாதிஆதி³மாஹ. நிமித்தே அப்பமத்திகாபி மங்ஸராஜி ஸசே அவஸிட்டா² மதஸரீரஸ்மிங்யேவ வேதி³தப்³ப³ந்தி மதங் யேபு⁴ய்யேன அக்கா²யிதந்திஆதி³வசனதோ வுத்தங். யதி³பி நிமித்தந்திஆதி³ ஜீவமானகஸரீரமேவ ஸந்தா⁴ய வுத்தங் தஸ்ஸேவ அதி⁴கதத்தா. தேனேவ மாதிகாட்ட²கதா²யங் (கங்கா²॰ அட்ட²॰ பட²மபாராஜிகவண்ணனா) ‘‘ஜீவமானகஸரீரஸ்ஸ வுத்தப்பகாரே மக்³கே³ ஸசேபி தசாதீ³னி அனவஸேஸெத்வா ஸப்³ப³ஸோ சி²ன்னே’’திஆதி³ ஸப்³ப³ஸோ கா²யிதந்தி நிமித்தமங்ஸங் ஸப்³ப³ங் சி²ன்னந்தி அத்தோ². நிமித்தஸண்டா²னந்தி சி²ன்னமங்ஸஸ்ஸ அந்தோ யாவ முத்தவத்தி²கோஸா சி²த்³தா³காரோ அப்³ப⁴ந்தரச²விசம்மமத்தோ இத்தி²னிமித்தாகாரோ, தேனாஹ ‘‘பவேஸனங் ஜாயதீ’’தி. நிமித்தஸண்டா²னங் பன அனவஸேஸெத்வாதி பவேஸனாரஹசி²த்³தா³காரேன டி²தஅப்³ப⁴ந்தரமங்ஸாதி³ங் அனவஸேஸெத்வா. ஏதேன யாவ பவேஸோ லப்³ப⁴தி, தாவ மக்³கோ³யேவாதி த³ஸ்ஸேதி. நிமித்ததோ பதிதாய மங்ஸபேஸியாதி இத³ங் நிமித்தஸண்டா²னவிரஹிதங் அப்³ப⁴ந்தரமங்ஸக²ண்ட³ங் ஸந்தா⁴ய வுத்தங். நிமித்தஸண்டா²னங் அகோபெத்வா ஸமந்ததோ சி²ந்தி³த்வா உத்³த⁴டமங்ஸபேஸியா பன மதஸரீரே யேபு⁴ய்யேன அக்கா²யிதனிமித்தே விய உபக்கமந்தஸ்ஸ பாராஜிகமேவ.
ஏவங் ஜீவமானகமனுஸ்ஸஸரீரே லப்³ப⁴மானவிஸேஸங் த³ஸ்ஸெத்வா இதா³னி மதஸரீரே த³ஸ்ஸேதுங் மதஸரீரே பனாதிஆதி³மாஹ. வத்தி²கோஸேஸூதி புரிஸானங் அங்க³ஜாதகோஸசம்மேஸு. ‘‘நவத்³வாரோ மஹாவணோ’’திஆதி³ (மி॰ ப॰ 2.6.1) வசனதோ மனுஸ்ஸானங் அக்கி²னாஸாதீ³னி வணஸங்கே²பேன து²ல்லச்சயக்கெ²த்தானீதி தேஸுபி து²ல்லச்சயங் வுத்தங், ஏவங் மனுஸ்ஸானங் மதஸரீரேபி, தேனாஹ மதே அல்லஸரீரேதிஆதி³. தத்த² அல்லஸரீரேதி அகுதி²தங் ஸந்தா⁴ய வுத்தங். பாராஜிகக்கெ²த்தேதி யேபு⁴ய்யேன அக்கா²யிதம்பி ஸந்தா⁴ய வுத்தங். து²ல்லச்சயக்கெ²த்தேதி உபட்³ட⁴க்கா²யிதாதி³ம்பி ஸந்தா⁴ய வுத்தங். எத்த² ச அக்கி²னாஸாதி³து²ல்லச்சயக்கெ²த்தேஸு யேபு⁴ய்யேன அக்கா²யிதேஸுபி து²ல்லச்சயங், உபட்³ட⁴க்கா²யிதாதீ³ஸு து³க்கடந்தி வேதி³தப்³ப³ங். ஸப்³பே³ஸம்பீதி யதா²வுத்தஹத்தி²ஆதீ³ஹி அஞ்ஞேஸங் திரச்சா²னானங்
மேது²னராகே³ன வத்தி²கோஸங் பவேஸெந்தஸ்ஸ து²ல்லச்சயங் வுத்தந்தி ஆஹ ‘‘வத்தி²கோஸங் அப்பவேஸெந்தோ’’தி. மேது²னராகோ³ ச நாம காயஸங்ஸக்³க³ராக³ங் மோசனஸ்ஸாத³ஞ்ச முஞ்சித்வா விஸுங் த்³வயங்த்³வயஸமாபத்தியா ராகோ³, ஸோ ச புரிஸாதீ³ஸுபி உப்பஜ்ஜதி, தேன ச அபாராஜிகக்கெ²த்தே இத்தி²ஸரீரேபி உபக்கமந்தஸ்ஸ அஸுசிம்ஹி முத்தேபி ஸங்கா⁴தி³ஸேஸோ ந ஹோதி, கெ²த்தானுரூபங் து²ல்லச்சயது³க்கடமேவ ஹோதீதி வேதி³தப்³ப³ங். அப்பவேஸெந்தோதி இமினா தீஸு மக்³கே³ஸு பவேஸனாதி⁴ப்பாயே அஸதிபி மேது²னராகே³ன ப³ஹி க⁴ட்டனங் ஸம்ப⁴வதீதி த³ஸ்ஸேதி, தேனேவ து²ல்லச்சயங் வுத்தங், இதரதா² பவேஸனாதி⁴ப்பாயேன நிமித்தேன நிமித்தங் சு²பதி து²ல்லச்சயந்தி இத³ஞ்ச ‘‘ந ச, பி⁴க்க²வே, ரத்தசித்தேன அங்க³ஜாதங் சு²பிதப்³ப³ங், யோ சு²பெய்ய, ஆபத்தி து²ல்லச்சயஸ்ஸா’’தி (மஹாவ॰ 252) இமஸ்ஸ சம்மக்க²ந்த⁴கே ஆக³தஸ்ஸ ஸுத்தஸ்ஸ வஸேன வுத்தங். தத்த² ச கேஸஞ்சி அஞ்ஞதா²பி அத்த²விகப்பஸ்ஸ பீ³ஜங் த³ஸ்ஸெந்தோ மஹாஅட்ட²கதா²யங் பனாதிஆதி³மாஹ. முகே²னேவ சு²பனங் ஸந்தா⁴யாதி ஒட்ட²ஜிவ்ஹாதி³முகா²வயவேன சு²பனங் ஸந்தா⁴ய. ஓளாரிகத்தாதி அஜ்ஜா²சாரஸ்ஸ து²ல்லத்தா. தங் ஸந்தா⁴யபா⁴ஸிதந்தி தங் யதா²வுத்தஸுத்தங். ஸுத்தஞ்ஹி அஜ்ஜா²சாரங் ஸந்தா⁴ய படிச்ச வுத்தத்தா ‘‘ஸந்தா⁴யபா⁴ஸித’’ந்தி வுச்சதி. ஸுட்டு²ஸல்லக்கெ²த்வாதி பிட்டி²ங் அபி⁴ருஹந்தானங் அங்க³ஜாதமுகே²னேவ நிமித்தசு²பனஸ்ஸ ஸம்ப⁴வங் மேது²னராகீ³னஞ்ச அங்க³ஜாதேன சு²பனஸ்ஸேவ அனுரூபதஞ்ச ஸுத்தே ச ‘‘முகே²னா’’தி அவுத்ததஞ்ச அஞ்ஞஞ்ச நயங் யதா²ப³லங் ஸுட்டு² ஸல்லக்கெ²த்வாதி அத்தோ². ஸங்கா⁴தி³ஸேஸோதி மனுஸ்ஸித்தி²ங் ஸந்தா⁴ய வுத்தங். பஸ்ஸாவமக்³க³ந்தி இத³ங் சம்மக்க²ந்த⁴கே நிதா³னவஸேன வுத்தங். இதரமக்³க³த்³வயங் பன நிமித்தமுகே²ன சு²பந்தஸ்ஸ வணஸங்கே²பேன து²ல்லச்சயமேவ. வுத்தனயேனேவாதி மேது²னராகே³னேவ. நிமித்தமுகே²ன பன வினா மேது²னராகே³ன மனுஸ்ஸித்தி²யா வா திரச்சா²னக³தித்தி²யா வா பஸ்ஸாவமக்³க³ங் காயஸங்ஸக்³க³ராகே³ன து³க்கடந்தி நிமித்தமுகே²ன வா பகதிமுகா²தி³ங் இதரகாயேன வா காயஸங்ஸக்³க³ராகே³ன சு²பந்தஸ்ஸ து³க்கடமேவ.
எத்த² ச காயஸங்ஸக்³க³ராகே³ன ப³ஹினிமித்தே உபக்கமதோ அஜானந்தஸ்ஸேவ அங்க³ஜாதங் யதி³ பாராஜிகக்கெ²த்தங் சு²பதி, தத்த² கிங் ஹோதீதி? கேசி தாவ ‘‘மேது²னராக³ஸ்ஸ அபா⁴வா மனுஸ்ஸித்தி²யா ஸங்கா⁴தி³ஸேஸோ, ஸேஸேஸு வத்து²வஸேன து²ல்லச்சயது³க்கடானீ’’தி வத³ந்தி. அஞ்ஞே பன ‘‘பவேஸனக்க²ணே ப²ஸ்ஸஸ்ஸ ஸாதி³யனஸம்ப⁴வதோ ப³லக்காரேன உபக்கமனக்க²ணே விய பாராஜிகமேவா’’தி வத³ந்தி, இத³மேவ யுத்ததரங். மக்³க³த்தயதோ ஹி அஞ்ஞஸ்மிங் பதே³ஸேயேவ காயஸங்ஸக்³கா³தி³ராக³பே⁴த³தோ ஆபத்திபே⁴தோ³ லப்³ப⁴தி, ந மக்³க³த்தயே. தத்த² பன யேன கேனசி ஆகாரேன ப²ஸ்ஸஸ்ஸ ஸாதி³யனக்க²ணே பாராஜிகமேவ, தேனேவ பரோபக்கமேன பவேஸனாதீ³ஸு ராக³பே⁴த³ங் அனுத்³த⁴ரித்வா ஸாதி³யனமத்தேன பாராஜிகங் வுத்தங்.
ஸந்த²தசதுக்கபே⁴த³கதா²வண்ணனா
61-2. படிபன்னகஸ்ஸாதி ஆரத்³த⁴விபஸ்ஸகஸ்ஸ. உபாதி³ன்னகந்தி காயிந்த்³ரியங் ஸந்தா⁴ய வுத்தங். உபாதி³ன்னகேன பு²ஸதீதி உபாதி³ன்னகஸரீரேன பு²ஸீயதீதி கம்மஸாத⁴னேன அத்தோ² த³ட்ட²ப்³போ³. அத² வா ஏவங் லேஸங் ஒட்³டெ³ஸ்ஸந்தீதி லேஸங் ட²பெஸ்ஸந்தி, பரிகப்பெஸ்ஸந்தீதி அத்தோ². ஸந்த²தாதி³பே⁴தே³ஹி பி⁴ந்தி³த்வாதி ஸந்த²தாதி³விஸேஸனேஹி விஸேஸெத்வா. ஸந்த²தாயாதி ஸமுதா³யே ஏகதே³ஸவோஹாரோ த³ட்³ட⁴ஸ்ஸ படஸ்ஸ சி²த்³த³ந்திஆதீ³ஸு விய. யதா² ஹி படஸ்ஸ ஏகதே³ஸோவ வத்த²தோ த³ட்³டோ⁴தி வுச்சதி, தங் ஏகதே³ஸவோஹாரங் ஸமுதா³யே படே உபசாரதோ ஆரோபெத்வா புன தங் ஸமுதா³யங் த³ட்³ட⁴ப்பதே³ஸஸங்கா²தசி²த்³த³ஸம்ப³ந்தீ⁴பா⁴வேன ‘‘த³ட்³ட⁴ஸ்ஸ படஸ்ஸ சி²த்³த³’’ந்தி வோஹரந்தி, ஏவமிதா⁴பி இத்தி²யா மக்³க³ப்பதே³ஸவோஹாரங் ஸமுதா³யபூ⁴தாய இத்தி²யா ஆரோபெத்வா புன தங் இத்தி²ங் ஸந்த²தமக்³க³ஸம்ப³ந்தி⁴னிங் கத்வா ஸந்த²தாய இத்தி²யா வச்சமக்³கே³னாதிஆதி³ வுத்தங். ஸாரத்த²தீ³பனியங் (ஸாரத்த²॰ டீ॰ பாராஜிககண்ட³ 2.61-62) பனெத்த² ‘‘ஏகதே³ஸே ஸமுதா³யவோஹாரோ’’தி வுத்தங், தங் ந
வத்தா²தீ³னி மக்³க³ஸ்ஸ அந்தோ அப்பவேஸெத்வா ப³ஹியேவ வேட²னங் ஸந்தா⁴ய ‘‘பலிவேடெ²த்வா’’தி வுத்தங். ஸமுதா³யே அவயவூபசாரேனேவ பி⁴க்கு²பி ஸந்த²தோ நாமாதிஆதி³ வுத்தங். யத்தகே பவிட்டே²தி திலபீ³ஜமத்தே பவிட்டே². அக்கி²னாஸாதீ³னங் ஸந்த²தத்தேபி யதா²வத்து²கமேவாதி ஆஹ து²ல்லச்சயக்கெ²த்தே து²ல்லச்சயந்திஆதி³. கா²ணுங் க⁴ட்டெந்தஸ்ஸ து³க்கடந்தி இத்தி²னிமித்தஸ்ஸ அந்தோ கா²ணுங் பவேஸெத்வா ஸமதலங், அதிரித்தங் வா டி²தங் கா²ணுங் ஸசே க⁴ட்டேதி, க⁴ட்டெந்தஸ்ஸ து³க்கடங் பவேஸாபா⁴வதோ. ஸசே பன ஈஸகங் அந்தோ அல்லோகாஸே பவேஸெத்வா டி²தங் அனுபாதி³ன்னமேவ கா²ணுஸீஸங் அங்க³ஜாதேன சு²பதி, பாராஜிகமேவ. தஸ்ஸ தலந்தி வேளுனளாதி³கஸ்ஸ அந்தோதலங். ப³ஹித்³தா⁴ கா²ணுகேதி அந்தோ பவேஸிதவேளுபப்³பா³தி³கஸ்ஸ ப³ஹி நிக்க²ந்தஸீஸங் ஸந்தா⁴ய வுத்தங். யதா² ச இத்தி²னிமித்தேதிஆதீ³ஸு யதா² இத்தி²யா பஸ்ஸாவமக்³கே³ கா²ணுங் கத்வா க⁴ட்டனாதி³கங் வுத்தங், ஏவங் ஸப்³ப³த்த² வச்சமக்³கா³தீ³ஸுபி லக்க²ணங் வேதி³தப்³ப³ந்தி அத்தோ².
ராஜபச்சத்தி²காதி³சதுக்கபே⁴த³கதா²வண்ணனா
65. கேராடிகாதி வஞ்சகா. பட²மங் இத்தி²து⁴த்தமேவ த³ஸ்ஸெத்வா இதா³னி இதரது⁴த்தேபி ஸங்க³ஹெத்வா த³ஸ்ஸேதுங் ‘‘இத்தி²து⁴த்தஸுராது⁴த்தாத³யோ வா’’தி வுத்தங்.
ஆபத்தானாபத்திவாரவண்ணனா
66. படிஞ்ஞாதகரணங் தத்தே²வாதி வேஸாலியங் மஹாவனே ஏவ. ஸப்³ப³ங்க³க³தந்தி ஸப்³ப³காயக³தங். ‘‘லோஹிதங் வியா’’தி வுத்தத்தா கேஸாதீ³னங் வினிமுத்தட்டா²னே ஸப்³ப³த்தா²தி க³ஹேதப்³ப³ங். நிச்சமேவ உம்மத்தகோ ஹோதீதி
பத³பா⁴ஜனீயவண்ணனானயோ நிட்டி²தோ.
பகிண்ணககதா²வண்ணனா
பகிண்ணகந்தி வோமிஸ்ஸகனயங். ஸமுட்டா²னந்தி உப்பத்திகாரணங். கிரியாதிஆதி³ நித³ஸ்ஸனமத்தங் அகிரியாதீ³னம்பி ஸங்க³ஹதோ. வேத³னாய ஸஹ குஸலஞ்ச வேதி³தப்³ப³ந்தி யோஜேதப்³ப³ங். ஸப்³ப³ஸங்கா³ஹகவஸேனாதி ஸப்³பே³ஸங் ஸிக்கா²பதா³னங் ஸங்கா³ஹகவஸேன ‘‘காயோ வாசா காயவாசா காயசித்தங் வாசாசித்தங் காயவாசாசித்த’’ந்தி ஏவங் வுத்தானி ச² ஆபத்திஸமுட்டா²னானி. ஸமுட்டா²னாத³யோ ஹி ஆபத்தியா ஏவ ஹொந்தி, ந ஸிக்கா²பத³ஸ்ஸ. தங்தங்ஸிக்கா²பத³ஸ்ஸ நியதஆபத்தியா ஏவ க³ஹணத்த²ங் பன ஸிக்கா²பத³ஸீஸேன ஸமுட்டா²னாதீ³னங் கத²னங். ஏவஞ்ஹி ஆபத்திவிஸேஸோ பஞ்ஞாயதி ஆபத்தி-ஸத்³த³ஸ்ஸ ஸப்³பா³பத்திஸாதா⁴ரணத்தா, இமேஸு பன ச²ஸு ஸமுட்டா²னேஸு புரிமானி தீணி அசித்தகானி, பச்சி²மானி ஸசித்தகானி. ஸமாஸதோ தங் இமங் பகிண்ணகங் விதி³த்வா வேதி³தப்³ப³ந்தி ஸம்ப³ந்தோ⁴. ச² ஸமுட்டா²னானி ஏதஸ்ஸாதி ச²ஸமுட்டா²னங். ஏவங் ஸேஸேஸுபி.
அத்தி² கதி²னஸமுட்டா²னந்திஆதி³ ஸமுட்டா²னஸீஸவஸேன த்³விஸமுட்டா²னஏகஸமுட்டா²னானங் த³ஸ்ஸனங். தேரஸ ஹி ஸமுட்டா²னஸீஸானி பட²மபாராஜிகஸமுட்டா²னங் அதி³ன்னாதா³னஸமுட்டா²னங் ஸஞ்சரித்தஸமுட்டா²னங் ஸமனுபா⁴ஸனஸமுட்டா²னங் கதி²னஸமுட்டா²னங் ஏளகலோமஸமுட்டா²னங் பத³ஸோத⁴ம்மஸமுட்டா²னங் அத்³தா⁴னஸமுட்டா²னங் தெ²ய்யஸத்த²ஸமுட்டா²னங் த⁴ம்மதே³ஸனாஸமுட்டா²னங் பூ⁴தாரோசனஸமுட்டா²னங் சோரீவுட்டா²பனஸமுட்டா²னங் அனநுஞ்ஞாதஸமஉட்டா²னந்தி. தத்த² அத்தி² ச²ஸமுட்டா²னந்தி இமினா ஸஞ்சரித்தஸமுட்டா²னங் வுத்தங், பஞ்சஸமுட்டா²னஸ்ஸ அபா⁴வதோ அத்தி² திஸமுட்டா²னந்தி இமினா அதி³ன்னாதா³னஸமுட்டா²னங் பூ⁴தாரோசனஸமுட்டா²னஞ்ச ஸங்க³ஹிதங். யஞ்ஹி ஸசித்தகேஹி தீஹி ஸமுட்டா²தி, இத³ங் அதி³ன்னாதா³னஸமுட்டா²னங். யங் பன அசித்தகேஹி தீஹி ஸமுட்டா²தி, இத³ங் பூ⁴தாரோசனஸமுட்டா²னங். அத்தி² கதி²னஸமுட்டா²னந்திஆதி³னா பன அவஸேஸஸமஉட்டா²னஸீஸவஸேன த்³விஸமுட்டா²னங் ஏகஸமுட்டா²னஞ்ச ஸங்க³ண்ஹாதி. தத்த² ஹி யங் ததியச²ட்டே²ஹி ஸமுட்டா²தி, இத³ங் கதி²னஸமுட்டா²னங் நாம. யங் பன பட²மசதுத்தே²ஹி ஸமுட்டா²தி, இத³ங் ஏளகலோமஸமுட்டா²னங். யங் ச²ட்டே²னேவ ஸமுட்டா²தி, இத³ங் து⁴ரனிக்கே²பஸமுட்டா²னங், ‘‘ஸமனுபா⁴ஸனஸமஉட்டா²ன’’ந்திபி தஸ்ஸேவ நாமங். இதி ஸரூபேன அட்ட² ஆபத்திஸீஸானி த³ஸ்ஸிதானி. ஆதி³ஸத்³தே³ன பனெத்த² அவஸேஸானி பட²மபாராஜிகஸமுட்டா²னபத³ஸோத⁴ம்மதெ²ய்யஸத்த²த⁴ம்மதே³ஸனாசோரீவுட்டா²பனஸமுட்டா²னானி பஞ்சபி ஸமுட்டா²னஸீஸானி ஸங்க³ஹிதானி. தத்த² யங் காயசித்ததோ ஸமுட்டா²தி, இத³ங் பட²மபாராஜிகஸமுட்டா²னங். யங் து³தியபஞ்சமேஹி ஸமுட்டா²தி, இத³ங் பத³ஸோத⁴ம்மஸமுட்டா²னங். யங் சதுத்த²ச²ட்டே²ஹி ஸமுட்டா²தி, இத³ங் தெ²ய்யஸத்த²ஸமுட்டா²னங். யங் பஞ்சமேனேவ ஸமுட்டா²தி, இத³ங் த⁴ம்மதே³ஸனாஸமஉட்டா²னங். யங் பஞ்சமச²ட்டே²ஹி ஸமுட்டா²தி, இத³ங் சோரீவுட்டா²பனஸமுட்டா²னங். எத்த² ச பச்சி²மேஸு தீஸு ஸசித்தகஸமுட்டா²னேஸு ஏகேகஸமுட்டா²னவஸேன ஏகஸமுட்டா²னானி திவிதா⁴னி. த்³விஸமுட்டா²னானி பன பட²மசதுத்தே²ஹி வா து³தியபஞ்சமேஹி வா ததியச²ட்டே²ஹி வா சதுத்த²ச²ட்டே²ஹி வா பஞ்சமச²ட்டே²ஹி வா ஸமுட்டா²னவஸேன பஞ்சவிதா⁴னீதி வேதி³தப்³பா³னி.
ஏவங் ஸமுட்டா²னவஸேன ஸப்³ப³ஸிக்கா²பதா³னி தேரஸதா⁴ த³ஸ்ஸெத்வா இதா³னி கிரியாவஸேன பஞ்சதா⁴ த³ஸ்ஸேதுங் தத்ராபீதிஆதி³ வுத்தங். கிஞ்சீதி ஸிக்கா²பத³ங். கிரியதோதி பத²வீக²ணனாதி³ (பாசி॰ 84-85) விய காயவசீவிஞ்ஞத்திஜனிதகம்மதோ. அகிரியதோதி பட²மகதி²னாதி³ (பாரா॰ 459 ஆத³யோ) விய கத்தப்³ப³ஸ்ஸ அகரணேனேவ. கிரியாகிரியதோதி அஞ்ஞாதிகாய பி⁴க்கு²னியா ஹத்த²தோ சீவரபடிக்³க³ஹணாதி³ (பாரா॰ 508 ஆத³யோ) விய. ஸியா கிரியதோ, ஸியா அகிரியதோ ரூபியபடிக்³க³ஹணாதி³ (பாரா॰ 582 ஆத³யோ) விய, ஸியா கிரியதோ, ஸியா கிரியாகிரியதோ குடிகாராதி³ (பாரா॰ 342) விய. வீதிக்கமஸஞ்ஞாய அபா⁴வேன விமொக்கோ² அஸ்ஸாதி ஸஞ்ஞாவிமொக்க²ந்தி மஜ்ஜே²பத³லோபீஸமாஸோ த³ட்ட²ப்³போ³. சித்தங்க³ங் லப⁴தி ஸசித்தகஸமுட்டா²னேஹேவ இதரந்தி யஸ்ஸ சித்தங்க³னியமோ நத்தி², தங், அனாபத்திமுகே²ன சேதங் ஸஞ்ஞாது³கங் வுத்தங், ஆபத்திமுகே²ன ஸசித்தகது³கந்தி எத்தகமேவ விஸேஸோ, அத்த²தோ ஸமானாவ.
காயவசீத்³வாரேஹி அத்தி² ஸிக்கா²பத³ங் காயகம்மந்திஆதி³னா காயகம்மங் வசீகம்மஞ்சாதி து³கமேவ வுத்தங், விபா⁴க³தோ பன காயவசீகம்மேன ஸத்³தி⁴ங் திகமேவ ஹோதி. தேனேவ மாதிகாட்ட²கதா²யங் (கங்கா²॰ அட்ட²॰ பட²மபாராஜிகவண்ணனா) வுத்தங் ‘‘ஸப்³பா³ ச காயகம்மவசீகம்மதது³ப⁴யவஸேன திவிதா⁴ ஹொந்தீ’’தி. ததோயேவ இதா⁴பி அதி³ன்னாதா³னாதீ³ஸு (பாரா॰ 89) காயகம்மவசீகம்மந்தி தது³ப⁴யவஸேன த³ஸ்ஸிதங். அத்தி² பன ஸிக்கா²பத³ங் குஸலந்திஆதி³ ஆபத்திஸமுட்டா²பகசித்தவஸேன காரியே காரணோபசாரேன வுத்தங், ந பன ஆபத்தியா குஸலாதி³பரமத்த²த⁴ம்மதாவஸேன ஆபத்தியா ஸம்முதிஸபா⁴வத்தா. குஸலாகுஸலாதி³பரமத்த²த⁴ம்மே உபாதா³ய ஹி ப⁴க³வதா ஆபத்திஸம்முதி பஞ்ஞத்தா. வக்க²தி ஹி ‘‘யங் குஸலசித்தேன ஆபஜ்ஜதி, தங் குஸல’’ந்திஆதி³ (பாரா॰ அட்ட²॰ 1.66 பகண்ணககதா²). ந ஹி ப⁴க³வதோ ஆணாயத்தா ஆபத்தி குஸலாதி³பரமத்த²ஸபா⁴வா ஹோதி அனுபஸம்பன்னானங் ஆதி³கம்மிகானஞ்ச ஆபத்திப்பஸங்க³தோ, தஸ்ஸா தே³ஸனாதீ³ஹி விஸுத்³தி⁴அபா⁴வப்பஸங்க³தோ ச. ந ஹி காரணப³லேன உப்பஜ்ஜமானா குஸலாதி³ஸபா⁴வா ஆபத்தி அனுபஸம்பன்னாதீ³ஸு நிவத்ததி, உப்பன்னாய ச தஸ்ஸா கேனசி வினாஸோ ந ஸம்ப⁴வதி. ஸரஸவினாஸதோ தே³ஸனாதி³னா ச ஆபத்தி விக³ச்ச²தீதி வசனமத்தி², ந பன தேன அகுஸலாதி³ விக³ச்ச²தி. பிதுகா⁴தாதி³கம்மேன ஹி பாராஜிகங் ஆபன்னஸ்ஸ பி⁴க்கு²னோ கி³ஹிலிங்க³ங் க³ஹெத்வா பி⁴க்கு²பா⁴வபரிச்சாகே³ன பாராஜிகாபத்தி விக³ச்ச²தி, ந பாணாதிபாதாதி³அகுஸலங் ஆனந்தரியாதி³பா⁴வதோ. தஸ்மா து³ம்மங்கூனங் நிக்³க³ஹாதி³த³ஸஅத்த²வஸே (பாரா॰ 39; பரி॰ 2) படிச்ச ப⁴க³வதா யதா²பச்சயங் ஸமுப்பஜ்ஜமானே குஸலாகுஸலாதி³னாமரூபத⁴ம்மே உபாதா³ய பஞ்ஞத்தா ஸம்முதியேவ ஆபத்தி, ஸா ச யதா²விதி⁴படிகம்மகரணேன விக³தா நாம ஹோதீதி வேதி³தப்³ப³ங், தேனாஹ த்³வத்திங்ஸேவ ஹி ஆபத்திஸமுட்டா²பகசித்தானீதிஆதி³. ஆபத்திஸமுட்டா²பகத்தேனேவ ஹெத்த² குஸலாதீ³னங் ஆபத்திதோ பே⁴தோ³ ஸித்³தோ⁴. ந ஸாரத்த²தீ³பனியங் (ஸாரத்த²॰ டீ॰ பாராஜிககண்ட³ 2.66 பகிண்ணககதா²வண்ணனா) பன ஆபத்தியா பரமத்த²தோ குஸலத்தமேவ ந ஸம்ப⁴வதி ‘‘ஆபத்தாதி⁴கரணங் ஸியா அகுஸலங், ஸியா அப்³யாகதங், நத்தி² ஆபத்தாதி⁴கரணங் குஸல’’ந்தி வசனதோ, ‘‘அகுஸலத்தங் பன அப்³யாகதத்தஞ்ச ஆபத்தியா ஸம்ப⁴வதீ’’தி ஸஞ்ஞாய குஸலசித்தஸமுட்டா²னக்க²ணேபி ரூபாப்³யாகதத்தங் ஆபத்தியா ஸமத்தே²துங் யங் குஸலசித்தேன ஆபஜ்ஜதி, தங் குஸலங், இதரேஹி இதரந்தி (பாரா॰ அட்ட²॰ 1.66 பகிண்ணககதா²) இமங் அட்ட²கதா²வசனங் நிஸ்ஸாய வுத்தங் ‘‘யங் குஸலசித்தேன ஆபஜ்ஜதீதி யங் ஸிக்கா²பத³ஸீஸே க³ஹிதங் ஆபத்திங் குஸலசித்தஸமங்கீ³ ஆபஜ்ஜதி, இமினா பன வசனேன தங் குஸலந்தி ஆபத்தியா வுச்சமானோ குஸலபா⁴வோ பரியாயதோ, ந பரமத்த²தோதி த³ஸ்ஸேதி. குஸலசித்தேன ஹி ஆபத்திங் ஆபஜ்ஜந்தோ ஸவிஞ்ஞத்திகங்
யங் பன வுத்தங் ‘‘குஸலசித்தேன ஹி ஆபத்திங் ஆபஜ்ஜந்தோ…பே॰… ரூபக்க²ந்த⁴ஸங்கா²தங் அப்³யாகதாபத்திங் ஆபஜ்ஜதீ’’தி, தங் அயுத்தமேவ ரூபக்க²ந்த⁴ஸ்ஸ க²ணிகதாய ஆபத்தியாபி தே³ஸனாதி³படிகம்மங் வினாவ படிபஸ்ஸத்³தி⁴ப்பஸங்க³தோ. ரூபபரம்பரா ஆபத்தீதி சே? தன்ன, படிகம்மேனாபி அவிக³மப்பஸங்க³தோ. ந ஹி ரூபஸந்ததிதே³ஸனாதீ³ஹி விக³ச்ச²தி ஸகாரணாயத்தத்தா, இதி ஸப்³ப³தா² ஆபத்தியா பரமத்த²தா அயுத்தா, ஏதேனேவ யங் வுத்தங் ‘‘நிபஜ்ஜித்வா நிரோத⁴ஸமாபன்னஸ்ஸ ஸஹஸெய்யவஸேன ததா²காரப்பவத்தரூபத⁴ம்மஸ்ஸேவ ஆபத்திபா⁴வதோ’’திஆதி³, தம்பி படிஸித்³த⁴ந்தி வேதி³தப்³ப³ங். இத⁴ பன நிரோத⁴ஸமாபன்னானங் ரூபத⁴ம்மமேவ படிச்ச உப்பன்னத்தா ஆபத்தி அசித்தா அவேத³னா, அஞ்ஞத்த² பன ஸசித்தா ஸவேத³னாவ, ஸப்³ப³த்தா²பி பஞ்ஞத்திஸபா⁴வாதி வேதி³தப்³பா³. தேனேவ து³ட்ட²தோ³ஸஸிக்கா²பத³ட்ட²கதா²யங் ஆபத்தியா அகுஸலாதி³ஸபா⁴வங் பரபரிகப்பிதங் நிஸேதே⁴துங் ‘‘ஆதி³கம்மிகஸ்ஸ அனாபத்திவசனதோ…பே॰… பண்ணத்திமத்தமேவ ஆபத்தாதி⁴கரணந்தி வேதி³தப்³ப³’’ந்தி ஸயமேவ வக்க²தி, தஸ்மா ‘‘தங்தங்குஸலாதி³த⁴ம்மஸமுப்பத்தியா ப⁴க³வதா பஞ்ஞத்தா ஆபத்திஸம்முதி ஸமுட்டி²தா’’தி ச, ‘‘யாவ படிப்பஸ்ஸத்³தி⁴காரணா திட்ட²தீ’’தி ச, ‘‘படிப்பஸ்ஸத்³தி⁴காரணேஹி
த³ஸாதி கிரியாஹேதுகமனோவிஞ்ஞாணதா⁴துத்³வயேன ஸஹ அட்ட² மஹாகிரியசித்தானி. பஞ்ஞத்திங் அஜானித்வா இத்³தி⁴விகுப்³ப³னாதீ³ஸு அபி⁴ஞ்ஞானங் ஆபத்திஸமுட்டா²பகத்தங் வேதி³தப்³ப³ங். எத்த² ச கிஞ்சி ஸிக்கா²பத³ங் அகுஸலசித்தமேவ, கிஞ்சி கிரியாஸமுட்டா²னந்தி பரூபக்கமேன ஜாயமானங் அங்க³ஜாதாதி³சலனங் ஸாதி³யனசித்தஸங்கா²தே ஸேவனசித்தே உப்பன்னே தேன சித்தேன ஸமுப்பாதி³தமேவ ஹோதீதி வுத்தங் இதரதா² ‘‘ஸியா கிரியஸமுட்டா²னங், ஸியா அகிரியஸமுட்டா²ன’’ந்தி வத்தப்³ப³தோ.
யங் பன ஸாரத்த²தீ³பனியங் (ஸாரத்த²॰ டீ॰ பாராஜிககண்ட³ 2.66 பகிண்ணககதா²வண்ணனா) வுத்தங் ‘‘கிரியஸமுட்டா²னந்தி இத³ங் யேபு⁴ய்யவஸேன வுத்தங் பரூபக்கமே ஸதி ஸாதி³யந்தஸ்ஸ அகிரியஸமுட்டா²னபா⁴வதோ’’திஆதி³, தங் ந க³ஹேதப்³ப³ங் பட²மபாராஜிகஸ்ஸ அகிரியஸமுட்டா²னதாய பாளிஅட்ட²கதா²ஸு அவுத்தத்தா. ‘‘மனொத்³வாரே ஆபத்தி நாம நத்தீ²’’தி (கங்கா²॰ அட்ட²॰ பட²மபாராஜிகவண்ணனா; பாரா॰ அட்ட²॰ 2.583-4) ஹி வுத்தங். கத²ஞ்ஹி நாம பரூபக்கமேன மேது²னங் ஸாதி³யந்தோ அத்தனோ அங்க³ஜாதாதி³காயசலனங் ந ஸாதி³யெய்ய, ஸாதி³யனசித்தானுகு³ணமேவ பன ஸகலஸரீரே சித்தஜரூபஸமுப்பத்தியா விஞ்ஞத்திபி ஸுகு²மா ஸமுப்பன்னா ஏவ ஹோதீதி த³ட்ட²ப்³ப³ங், தேனாஹ காயத்³வாரேனேவ ஸமுட்டா²னதோ காயகம்மந்திஆதி³. சித்தங் பனெத்த² அங்க³மத்தங் ஹோதீதி காயவிஞ்ஞத்தி ஏவ காயகம்மபா⁴வே காரணங், ந சித்தங். தங் பனெத்த² காயஸங்கா²தாய விஞ்ஞத்தியாயேவ அங்க³மத்தங், ந காயகம்மபா⁴வஸ்ஸ, இதரதா² மேது²னஸ்ஸ ‘‘மனோகம்ம’’ந்தி வத்தப்³ப³தோ, தேனாஹ ‘‘ந தஸ்ஸ வஸேன கம்மபா⁴வோ லப்³ப⁴தீ’’தி. கம்மபா⁴வோதி காயகம்மபா⁴வோ. ஸப்³ப³ஞ்சேதந்தி ஏதங் ஸமுட்டா²னாதி³கங். ஸிக்கா²பத³ஸீஸேனாதி தங்தங்ஸிக்கா²பத³னியதஆபத்தியா ஏவ க³ஹணத்த²ங் ஸிக்கா²பத³முகே²ன.
பகிண்ணககதா²வண்ணனானயோ நிட்டி²தோ.
வினீதவத்து²வண்ணனா
இத³ங் கிந்தி கதே²துகாமதாபுச்சா². இமாதிஆதி³ விஸ்ஸஜ்ஜனங். வினீதானி ஆபத்திங் த்வங் பி⁴க்கு² ஆபன்னோதிஆதி³னா (பாரா॰ 67) ப⁴க³வதா வினிச்சி²னிதானி வத்தூ²னி வினீதவத்தூ²னி. தங் தங் வத்து²ங் உத்³த⁴ரித்வா தா³னதோ த³ஸ்ஸனதோ உத்³தா³னபூ⁴தா கா³தா² உத்³தா³னகா³தா², ஸங்க³ஹகா³தா², உத்³தே³ஸகா³தா²தி வுத்தங் ஹோதி. வத்து² கா³தா²தி தேன கோ² பன ஸமயேன அஞ்ஞதரோ பி⁴க்கூ²திஆதி³கா வினீதவத்து²பாளியேவ தேஸங் தேஸங் வினீதவத்தூ²னங் க³ந்த²னதோ ‘‘வத்து²கா³தா²’’தி வுத்தா எத்தா²தி வினீதவத்தூ²ஸு. து³தியாதீ³னந்தி து³தியபாராஜிகாதீ³னங். யங் பஸ்ஸித்வா சித்தகாராத³யோ ஸிப்பிகா சித்தகம்மாதீ³னி ஸிக்க²ந்தி, தங் படிச்ச²ன்னகரூபங், படிமாரூபந்தி அத்தோ².
67. புரிமானி த்³வேதி மக்கடீவஜ்ஜிபுத்தகவத்தூ²னி த்³வே. தானிபி ப⁴க³வதா வினீதபா⁴வேன புன வினீதவத்தூ²ஸு பக்கி²த்தானி. தத்த² தஸ்ஸ குக்குச்சங் அஹோஸீதிஆதி³ பன கிஞ்சாபி தேஸங் பட²மங் குக்குச்சங் ந உப்பன்னங், பி⁴க்கூ²ஹி பன ப⁴க³வதா ச க³ரஹித்வா வுத்தவசனங் ஸந்தா⁴ய பச்சா² உப்பன்னத்தங் ஸந்தா⁴ய வுத்தங். ப⁴க³வதோ ஏதமத்த²ங் ஆரோசேஸுந்திஆதி³ ச பி⁴க்கூ²ஹி ஆனந்த³த்தே²ரேன ச பட²மங் ப⁴க³வதோ ஆரோசிதே, ப⁴க³வதா ச தேஸங் பாராஜிகத்தே பகாஸிதே பீ⁴தா தே ஸயம்பி க³ந்த்வா அத்தனோ குக்குச்சங் பச்சா² ஆரோசெந்தி ஏவ. ‘‘ஸச்சங் கிர த்வ’’ந்திஆதி³னா ப⁴க³வதா புட்டா² பன ‘‘ஸச்சங் ப⁴க³வா’’தி படிஜானநவஸேனாபி ஆரோசெந்தி. ப⁴க³வாபி ஆபத்திங் த்வந்திஆதி³னா தேஸங் பாராஜிகத்தங் வினிச்சி²னோதி ஏவ. அனுபஞ்ஞத்திகதா²யங் பன தங் ஸப்³ப³ங் அவத்வா அனுபஞ்ஞத்தியா அனுகு³ணமேவ கிஞ்சிமத்தங் வுத்தங், இதா⁴பி தேஸங் வத்தூ²னங் ப⁴க³வதா வினீதபா⁴வத³ஸ்ஸனத்த²ங் ஏவங் வுத்தந்தி வேதி³தப்³ப³ங். கேசி இமங் அதி⁴ப்பாயங் அமனஸிகத்வா ‘‘அஞ்ஞானேவேதானி வத்தூ²னீ’’தி வத³ந்தி. குஸேதி குஸதிணானி. கேஸேஹீதி மனுஸ்ஸகேஸேஹி.
68. வண்ணபொக்க²ரதாயாதி எத்த² பொக்க²லங் நாம ஸமித்³த⁴ங் ஸுந்த³ரஞ்ச, தஸ்ஸ பா⁴வோ ‘‘பொக்க²ரதா’’தி ர-காரங் கத்வா வுத்தோ, ஸமித்³த⁴தா ஸுந்த³ரதாதி அத்தோ². பத⁴ங்ஸேஸீதி அபி⁴ப⁴வி. ந லிம்பதீதி ந அல்லீயதி.
69. ஏவரூபா பரிவத்தலிங்கா³ பி⁴க்கு²னியோ அத்த²தோ ஏகதோ உபஸம்பன்னாபி உப⁴தோஸங்கே⁴ உபஸம்பன்னாஸுயேவ ஸங்க³ய்ஹந்தி பி⁴க்கூ²பஸம்பதா³ய பி⁴க்கு²னீஉபஸம்பத³தோபி உக்கட்ட²த்தா. பாளியங் ‘‘தாஹி ஆபத்தீஹி அனாபத்தி’’ந்தி உபயோக³வசனங் கத்வா அனுஜானாமீதி பதே³ன ஸம்ப³ந்தி⁴தப்³ப³ங். இத்தி²லிங்க³ந்தி தாதி ஆபத்தியோ, தஸ்ஸ வுட்டா²துந்தி இமினா ஸம்ப³ந்தோ⁴, தாஹி ஆபத்தீஹி வுட்டா²பேதுந்தி தா ஸப்³பா³பி பி⁴க்கு²னீஹி காதப்³ப³ந்திஆதி³. தேன படிச்ச²ன்னாயபி அப்படிச்ச²ன்னாயபி க³ருகாபத்தியா பக்க²மானத்தசரணாதி³கங் விதி⁴ங் த³ஸ்ஸேதி.
ஓக்கந்திகவினிச்ச²யோதி பஸங்கா³னுகு³ணங் ஓதரணகவினிச்ச²யோ. ப³லவஅகுஸலேனாதி பரதா³ரிககம்மாதி³னா. து³ப்³ப³லகுஸலேனாதி யதா²வுத்தப³லவாகுஸலோபஹதஸத்தினா ததோ ஏவ து³ப்³ப³லபூ⁴தேன குஸலேன. து³ப்³ப³லஅகுஸலேனாதி புரிஸபா⁴வுப்பாத³கப்³ரஹ்மசரியாதி³ப³லவகுஸலோபஹதஸத்தினா ததோ ஏவ து³ப்³ப³லபூ⁴தேன பரதா³ரிகாதி³அகுஸலேன. ஸுக³தியங் பா⁴வத்³வயஸ்ஸ குஸலகம்மஜத்தா அகுஸலேனேவ வினாஸோ குஸலேனேவ உப்பத்தீதி ஆஹ உப⁴யம்பீதிஆதி³. து³க்³க³தியங் பன அகுஸலேனேவ உபி⁴ன்னம்பி உப்பத்தி ச வினாஸோ ச, தத்த² து³ப்³ப³லப³லவபா⁴வோவ விஸேஸோ.
‘‘ஏஹி மயங் க³மிஸ்ஸாமா’’தி பி⁴க்கு²னியா ஸத்³தி⁴ங் ஸங்விதா⁴ய ஏகத்³தா⁴னக³மனே பாசித்தியாபத்திபரிஹாரத்த²ங் வுத்தங் ‘‘ஸங்வித³ஹனங் பரிமோசெத்வா’’தி. தேன ஏககா³மக்கெ²த்தேபி ப³ஹிகா³மதோ அந்தரக⁴ரங் ஸங்விதா⁴ய க³மனம்பி ஆபத்திகரமேவாதி த³ஸ்ஸேதி. பரிமோசனவிதி⁴ங் த³ஸ்ஸெந்தோ ஆஹ மயந்திஆதி³. ப³ஹிகா³மேதி கா³மந்தரே. து³தியிகா பி⁴க்கு²னீ பக்கந்தா வா ஹோதீதிஆதி³னா (பாசி॰ 693) வுத்தஅனாபத்திலக்க²ணங் அனுலோமேதீதி வுத்தங் ‘‘கா³மந்தர…பே॰… அனாபத்தீ’’தி. கோபெத்வாதி பரிச்சஜித்வா. லஜ்ஜினியோ…பே॰… லப்³ப⁴தீதி லிங்க³பரிவத்தனது³க்க²பீளிதஸ்ஸ ஸங்க³ஹேபி அஸதி ஹீனாயாவத்தனம்பி ப⁴வெய்யாதி ‘‘ஆபதா³ஸூ’’தி வுத்தஅனாபத்திஅனுலோமேன வுத்தங். தாய து³தியிகங் க³ஹெத்வாவ க³ந்தப்³ப³ங். அலஜ்ஜினியோ…பே॰… லப்³ப⁴தீதி அலஜ்ஜினீஹி ஸத்³தி⁴ங் ஏககம்மாதி³ஸங்வாஸே ஆபத்திஸம்ப⁴வதோ தா அஸந்தபக்க²ங் ப⁴ஜந்தீதி வுத்தங், இமினாபேதங் வேதி³தப்³ப³ங் ‘‘அலஜ்ஜினீஹி ஸத்³தி⁴ங் பரிபோ⁴கோ³ ந வட்டதீ’’தி. யதி³ ஹி வட்டெய்ய, ததோபி து³தியிகங் வினா கா³மந்தரக³மனாதீ³ஸு ஆபத்தி ஏவ ஸியா ஸங்கா³ஹிகத்தா தாஸங் ஸங்கா³ஹிகலஜ்ஜினிக³ணதோ விய. ஞாதிகா ந ஹொந்தி…பே॰… வட்டதீதி வத³ந்தீதி இமினா அட்ட²கதா²ஸு அனாக³தபா⁴வங் தீ³பேதி. தத்தா²பி விஸ்ஸாஸிகஞாதிகபி⁴க்கு²னியோ வினா பி⁴க்கு²னிபா⁴வே அரமந்தஸ்ஸ மானபகதிகஸ்ஸ ஆபதா³ட்டா²னஸம்ப⁴வேன தங் வசனங் அப்படிக்கி²த்தம்பி தத³ஞ்ஞேஸங் ந வட்டதியேவாதி க³ஹேதப்³ப³ங். பி⁴க்கு²பா⁴வேபீதி பி⁴க்கு²காலேபி தங் நிஸ்ஸாயாதி தங் நிஸ்ஸயாசரியங் கத்வா. உபஜ்ஜா² க³ஹேதப்³பா³தி உபஸம்பதா³க³ஹணத்த²ங் உபஜ்ஜா² க³ஹேதப்³பா³.
வினயகம்மந்தி புன காதப்³ப³ந்தி புன விகப்பேதப்³ப³ங். புன படிக்³க³ஹெத்வா ஸத்தாஹங் வட்டதீதி ‘‘அனுஜானாமி, பி⁴க்க²வே, பி⁴க்கு²னீனங் ஸன்னிதி⁴ங் பி⁴க்கூ²ஹி, பி⁴க்கூ²னங் ஸன்னிதி⁴ங் பி⁴க்கு²னீஹி ச படிக்³கா³ஹாபெத்வா பரிபு⁴ஞ்ஜிது’’ந்தி (சூளவ॰ 421) வசனதோ புன படிக்³க³ஹெத்வா பரிபு⁴ஞ்ஜிதுங் வட்டதீதி த³ஸ்ஸனத்த²ங் வுத்தங். ஸத்தமே தி³வஸேதி இத³ஞ்ச நிஸ்ஸக்³கி³யங் அனாபஜ்ஜித்வாவ புனபி ஸத்தாஹங் பரிபு⁴ஞ்ஜிதுங் வட்டதீதி த³ஸ்ஸனத்த²ங் வுத்தங். பகதத்தோதி அபரிவத்தலிங்கோ³. ரக்க²தீதி தங் படிக்³க³ஹணவிஜஹனதோ ரக்க²தி, அவிப⁴த்ததாய படிக்³க³ஹணங் ந விஜஹதீதி அதி⁴ப்பாயோ.
ஸாமங் க³ஹெத்வான நிக்கி²பெய்யாதி ஸஹத்தே²ன படிக்³க³ஹெத்வான நிக்கி²பெய்ய. பரிபு⁴ஞ்ஜந்தஸ்ஸ ஆபத்தீதி லிங்க³பரிவத்தே ஜாதே புன அப்படிக்³க³ஹெத்வா பரிபு⁴ஞ்ஜந்தஸ்ஸ ஆபத்தி.
ஹீனாயாவத்தனேனாதி எத்த² கேசி ‘‘பகதத்தஸ்ஸ பி⁴க்கு²னோ ஸிக்க²ங் அப்பச்சக்கா²ய ‘கி³ஹீ ப⁴விஸ்ஸாமீ’தி கி³ஹிலிங்க³க்³க³ஹணங் ஹீனாயாவத்தன’’ந்தி வத³ந்தி, தங் ந யுத்தங் தத்தகேன பி⁴க்கு²பா⁴வஸ்ஸ அவிஜஹனதோ. அஞ்ஞே பன ‘‘பாராஜிகங் ஆபன்னஸ்ஸ பி⁴க்கு²படிஞ்ஞங் பஹாய கி³ஹிலிங்க³பா⁴வூபக³மனம்பி ஹீனாயாவத்தன’’ந்தி வத³ந்தி, தங் யுத்தமேவ. பாராஜிகங் ஆபன்னோ ஹி தங் படிச்சா²தெ³த்வா யாவ பி⁴க்கு²படிஞ்ஞோ ஹோதி, தாவ பி⁴க்கு² ஏவ ஹோதி பி⁴க்கூ²னமேவ பாராஜிகஸ்ஸ பஞ்ஞத்தத்தா. ‘‘யோ பன பி⁴க்கூ²’’தி ஹி வுத்தங். ததா² ஹி ஸோ ஸங்வாஸங் ஸாதி³யந்தோபி தெ²ய்யஸங்வாஸகோ ந ஹோதி, ஸஹஸெய்யாதி³ஆபத்திஞ்ச ந ஜனேதி, அத்தானங் ஓமஸந்தஸ்ஸ பாசித்தியஞ்ச ஜனேதி. வுத்தஞ்ஹி –
‘‘அஸுத்³தோ⁴ ஹோதி புக்³க³லோ அஞ்ஞதரங் பாராஜிகங் த⁴ம்மங் அஜ்ஜா²பன்னோ, தஞ்சே ஸுத்³த⁴தி³ட்டி² ஸமானோ ஓகாஸங் காராபெத்வா அக்கோஸாதி⁴ப்பாயோ வதே³தி, ஆபத்தி ஓமஸவாத³ஸ்ஸா’’தி (பாரா॰ 389).
ஏகே பன ‘‘பாராஜிகங் ஆபன்னானங் தோ³ஸங் படிஜானித்வா கி³ஹிலிங்க³க்³க³ஹணங் நாம ஸிக்கா²பச்சக்கா²னே ஸமோதா⁴னங் க³ச்ச²தி தேனாபி படிஞ்ஞாய பி⁴க்கு²பா⁴வஸ்ஸ விஜஹனதோ. தேனேவ வினயவினிச்ச²யாதீ³ஸு ஹீனாயாவத்தனங் ஸிக்கா²பச்சக்கா²னே ஸமோதா⁴னெத்வா கு²த்³த³ஸிக்கா²யங் ‘‘அச்சே²த³விஸ்ஸஜ்ஜனகா³ஹவிப்³ப⁴மா’’தி அதி⁴ட்டா²னவிஜஹனே விப்³ப⁴மனாமேன வுத்தங்.
அனபெக்க²விஸ்ஸஜ்ஜனேனாதி அஞ்ஞஸ்ஸ அத³த்வாவ அனத்தி²கஸ்ஸேவ படிக்³க³ஹிதவத்தூ²னங் ப³ஹி ச²ட்³ட³னேன. கேசி ‘‘படிக்³க³ஹிதவத்தூ²ஸு ஸாபெக்க²ஸ்ஸ புரே படிக்³க³ஹிதபா⁴வதோ பரிமோசனத்த²ங் தத்த² படிக்³க³ஹமத்தஸ்ஸ விஸ்ஸஜ்ஜனம்பி அனபெக்க²விஸ்ஸஜ்ஜனமேவ சீவராதி³அதி⁴ட்டா²னபச்சுத்³தா⁴ரோ வியா’’தி வத³ந்தி, தங் ந ஸுந்த³ரங் ததா²வசனாபா⁴வா. யதே²வ ஹி சீவராதீ³ஸு அனபெக்க²விஸ்ஸஜ்ஜனேன அதி⁴ட்டா²னவிஜஹனங் வத்வாபி விஸுங் பச்சுத்³தா⁴ரோ ச வுத்தோ, ஏவமிதா⁴பி வத்தப்³ப³ங், யதா² ச சீவராதீ³ஸு காயபடிப³த்³தே⁴ஸுபி பச்சுத்³தா⁴ரேன அதி⁴ட்டா²னங் விக³ச்ச²தி, ந ஏவமித⁴. இத⁴ பன படிக்³க³ஹிதவத்து²ஸ்மிங் அனபெக்க²ஸ்ஸாபி காயதோ முத்தேயேவ தஸ்மிங் படிக்³க³ஹணங் விஜஹதி. ததா² ஹி வுத்தங் ‘‘ஸதக்க²த்தும்பி பரிச்சஜது, யாவ அத்தனோ ஹத்த²க³தங் படிக்³க³ஹிதமேவா’’தி. அனபெக்க²விஸ்ஸஜ்ஜனேனாதி எத்த² ச ‘‘அனபெக்கா²யா’’தி எத்தகமேவ வத்தப்³ப³ங் அனபெக்க²தங் முஞ்சித்வா இத⁴ விஸுங் விஸ்ஸஜ்ஜனஸ்ஸ அபா⁴வா. ந ஹெத்த² பச்சுத்³தா⁴ரே விய விஸ்ஸஜ்ஜனவிதா⁴னமத்தி². அபிச படிக்³க³ஹணமத்தவிஸ்ஸஜ்ஜனே ஸதி புரே படிக்³க³ஹிதோபி ஆஹாரோ பு⁴ஞ்ஜிதுகம்யதாய உப்பன்னாய படிக்³க³ஹணமத்தங் விஸ்ஸஜ்ஜெத்வா புன படிக்³க³ஹெத்வா யதா²ஸுக²ங் பு⁴ஞ்ஜிதப்³போ³ ஸியாதி, ததா² ச ஸன்னிதி⁴காரகஸிக்கா²பதே³ வுத்தா ஸப்³பா³பி வினிச்ச²யபே⁴தா³ நிரத்த²கா ஏவ ஸியுங். வுத்தஞ்ஹி தத்த² –
‘‘க³ண்டி²கபத்தஸ்ஸ வா க³ண்டி²கந்தரே ஸ்னேஹோ பவிட்டோ² ஹோதி…பே॰… தாதி³ஸே பத்தேபி புனதி³வஸே பு⁴ஞ்ஜந்தஸ்ஸ பாசித்திய’’ந்திஆதி³ (பாசி॰ அட்ட²॰ 253).
தத்த² பன ‘‘படிக்³க³ஹணங் அனபெக்க²சித்தேன விஸ்ஸஜ்ஜெத்வா பு⁴ஞ்ஜிதப்³ப³’’ந்தி எத்தகமேவ வத்தப்³ப³ங், ந ச வுத்தங். கத்த²சி ஈதி³ஸேஸு ச க³ண்டி²கபத்தாதீ³ஸு படிக்³க³ஹணே அபெக்கா² கஸ்ஸசிபி நத்தே²வ தப்பஹானாய வாயாமதோ, ததா²பி தத்த²க³தஆமிஸே படிக்³க³ஹணங் ந விக³ச்ச²தி. கஸ்மா? பி⁴க்கு²ஸ்ஸ பத்தே புன பு⁴ஞ்ஜிதுகாமதாபெக்கா²ய அனாபத்திவாரே –
‘‘அந்தோஸத்தாஹங்
ஏவங் ஸப்³ப³த்த² வத்து²விஸ்ஸஜ்ஜனமேவ வுத்தங். எத்த² ச ‘‘அந்தோஸத்தாஹங் அதி⁴ட்டே²தீ’’தி பா³ஹிரபரிபோ⁴கா³ய அதி⁴ட்டா²னவசனதோ வத்து²ங் அவிஸ்ஸஜ்ஜெத்வாபி கேவலங் அனஜ்ஜோ²ஹரிதுகாமதாய ஸுத்³த⁴சித்தேன பா³ஹிரபரிபோ⁴க³த்தா²ய நியமனம்பி விஸுங் ஏகங் படிக்³க³ஹணவிஜஹனகாரணமேவ, இத³ஞ்ச ஸந்தா⁴ய படிக்³க³ஹணமத்தவிஸ்ஸஜ்ஜனங் வுத்தங் ஸியா, ஸுவுத்தமேவ ஸியா, ததா² ச ‘‘புன படிக்³க³ஹெத்வா பரிபு⁴ஞ்ஜிஸ்ஸாமீ’’தி படிக்³க³ஹணவிஸ்ஸஜ்ஜனங் ந வத்தப்³ப³ங் ஸியா பா³ஹிரபரிபோ⁴கா³தி⁴ட்டா²னஸ்ஸ இதா⁴தி⁴ப்பேதத்தா.
ஸாரத்த²தீ³பனியஞ்ஹி (ஸாரத்த²॰ தீ³॰ பாராஜிககண்ட³ 2.69) ‘‘அனபெக்க²விஸ்ஸஜ்ஜனேனாதி எத்த² அஞ்ஞஸ்ஸ அத³த்வாவ அனத்தி²கதாய ‘நத்தி² இமினா கம்மங் ந தா³னி நங் பரிபு⁴ஞ்ஜிஸ்ஸாமீ’தி வத்தூ²ஸு வா, ‘புன படிக்³க³ஹெத்வா படிபு⁴ஞ்ஜிஸ்ஸாமீ’தி படிக்³க³ஹணே வா அனபெக்க²விஸ்ஸஜ்ஜனேனா’’தி ஏவங் பரிபு⁴ஞ்ஜிதுகாமஸ்ஸேவ படிக்³க³ஹணமத்தவிஸ்ஸஜ்ஜனம்பி படிக்³க³ஹணவிஜஹனகாரணங் வுத்தங், தங் ந க³ஹேதப்³ப³ங். புரிமமேவ பன பா³ஹிரபரிபோ⁴கா³தி⁴ட்டா²னங் க³ஹேதப்³ப³ங். இத³ங் பன அட்ட²கதா²ஸு ‘‘அனபெக்க²விஸ்ஸஜ்ஜனஸங்கா²தே விஸ்ஸஜ்ஜேதீ’’தி வுத்தபாளிபத³த்தே² ஸங்க³ஹெத்வா விஸுங் ந வுத்தங். நஸ்ஸதி, வினஸ்ஸதி, ட³ய்ஹதி, விஸ்ஸாஸங் வா க³ண்ஹந்தீதி இமானி பன பதா³னி அச்சி²ந்தி³த்வா க³ண்ஹந்தீதி இமஸ்மிங் பதே³ ஸங்க³ஹிதானீதி வேதி³தப்³ப³ங்.
அச்சி²ந்தி³த்வா க³ஹணேனாதி அனுபஸம்பன்னானங் ப³லக்காராதி³னா அச்சி²ந்தி³த்வா க³ஹணேன. உபஸம்பன்னானஞ்ஹி அச்சி²ந்த³னவிஸ்ஸாஸக்³கா³ஹேஸு படிக்³க³ஹணங் ந விஜஹதி. எத்தா²தி பி⁴க்கு²விஹாரே. உபரோபகாதி தேன ரோபிதா ருக்க²க³ச்சா². தேரஸஸு ஸம்முதீஸூதி ப⁴த்துத்³தே³ஸகஸேனாஸனபஞ்ஞாபகப⁴ண்டா³கா³ரிகசீவரபடிக்³கா³ஹகசீவரபா⁴ஜகயாகு³பா⁴ஜகப²லபா⁴ஜகக²ஜ்ஜபா⁴ஜகஅப்பமத்தகவிஸ்ஸஜ்ஜகஸாதி³யகா³ஹாபகபத்தகா³ஹாபகஆராமிகபேஸகஸாமணேரபேஸகஸம்முதிஸங்கா²தாஸு தேரஸஸு ஸம்முதீஸு.
பச்சி²மிகாய ஸேனாஸனக்³கா³ஹே படிப்பஸ்ஸத்³தே⁴பி அப்படிப்பஸ்ஸத்³தே⁴பி கதி²னத்தா²ரஸ்ஸ, தம்மூலகானங் பஞ்சானிஸங்ஸானஞ்ச அபா⁴வஸ்ஸ ஸமானத்தா தத்த² விஜ்ஜமானம்பி ஸேனாஸனக்³கா³ஹபடிப்பஸ்ஸத்³தி⁴ங் அத³ஸ்ஸெத்வா தத்த² பி⁴க்கூ²ஹி கத்தப்³ப³ங் ஸங்க³ஹமேவ த³ஸ்ஸேதுங் ஸசே பச்சி²மிகாயாதிஆதி³ வுத்தங். ஸசே அகுஸலவிபாகே …பே॰… சா²ரத்தங் மானத்தமேவ தா³தப்³ப³ந்தி இத³ங் படிச்ச²ன்னாய ஸாதா⁴ரணாபத்தியா பரிவஸந்தஸ்ஸ அஸமாதி³ன்னபரிவாஸஸ்ஸ வா லிங்கே³ பரிவத்தே பக்க²மானத்தங் சரந்தஸ்ஸ வஸேன வுத்தங். ஸசே பனஸ்ஸ பக்க²மானத்தே அஸமாதி³ன்னே ஏவ புன லிங்க³ங் பரிவத்ததி, பரிவாஸங் த³த்வா பரிவுத்த²பரிவாஸஸ்ஸேவ சா²ரத்தங் மானத்தங் தா³தப்³ப³ங்.
71. ததே²வாதி முச்சது வா மா வாதி இமமத்த²ங் அதிதி³ஸதி. அஞ்ஞேஸந்தி புது²ஜ்ஜனே ஸந்தா⁴ய வுத்தங். தேஸஞ்ஹி ஈதி³ஸே டா²னே அஸாதி³யனங் து³க்கரங் ஸோதாபன்னாதி³அரியானங் தத்த² து³க்கரத்தாபா⁴வா. ந ஹி அரியா பாராஜிகாதி³லோகவஜ்ஜாபத்திங் ஆபஜ்ஜந்தி.
73. ஸுபு²ஸிதாதி உபரிமாய த³ந்தபந்தியா ஹெட்டி²மா த³ந்தபந்தி ஆஹச்ச டி²தா, அவிவடாதி அத்தோ². தேனாஹ ‘‘அந்தோமுகே² ஓகாஸோ நத்தீ²’’தி. உப்பாடிதே பன ஒட்ட²மங்ஸே த³ந்தே ஸுயேவ உபக்கமந்தஸ்ஸ து²ல்லச்சயந்தி நிமித்தேன ப³ஹினிமித்தே சு²பனத்தா வுத்தங். ப³ஹினிக்க²ந்தத³ந்தஜிவ்ஹாஸுபி ஏஸேவ நயோ. நிஜ்ஜா²மதண்ஹிகா நாம லோமகூபேஹி ஸமுட்டி²தஅக்³கி³ஜாலாஹி த³ட்³ட⁴ஸரீரதாய அதிவிய தஸிதரூபா. ஆதி³-ஸத்³தே³ன கு²ப்பிபாஸாஸுரா அட்டி²சம்மாவஸிட்டா² ப⁴யானகஸரீரா பேதியோ ஸங்க³ஹிதா. விஸஞ்ஞங் கத்வாதி யதா² ஸோ கதம்பி உபஹதகாயப்பஸாதோ³தி வாதபித்தாதி³தோ³ஸேஹி காயவிஞ்ஞாணானுப்பாத³கபா⁴வேன தூ³ஸிதகாயப்பஸாதோ³, ந பன வினட்ட²காயப்பஸாதோ³. ஸீஸே பத்தேதி மக்³கே³ன மக்³க³ப்படிபாத³னே ஜாதே. அப்பவேஸேதுகாமதாய ஏவ நிமித்தேன நிமித்தசு²பனே து²ல்லச்சயங் வுத்தங், ஸேவேதுகாமஸ்ஸ பன தத்தா²பி து³க்கடமேவாதி ஆஹ ‘‘து³க்க²டமேவ ஸாமந்த’’ந்தி.
74. ஜாதி-ஸத்³தே³ன ஸுமனபுப்ப²பரியாயேன தன்னிஸ்ஸயோ கு³ம்போ³ அதி⁴ப்பேதோதி ஆஹ ‘‘ஜாதிபுப்ப²கு³ம்பா³ன’’ந்தி. தேன ச ஜாதியா உபலக்கி²தங் வனங் ஜாதியாவனந்தி அலுத்தஸமாஸோதி த³ஸ்ஸேதி. ஏகரஸந்தி வீதி²சித்தேஹி அஸம்மிஸ்ஸங்.
77. உப்பன்னே வத்து²ம்ஹீதி இத்தீ²ஹி கதஅஜ்ஜா²சாரவத்து²ஸ்மிங். ருக்க²ஸூசிகண்டகத்³வாரந்தி ருக்க²ஸூசித்³வாரங் ருக்க²ஸூசித்³வாரங் நாம. பவேஸனநிக்க²மனகாலே பன அபனெத்வா த²கனகயொக்³கே³ன கண்டகஸாகா²படலேன யுத்தங் த்³வாரங் கண்டகத்³வாரங் நாம. கா³மத்³வாரஸ்ஸ பிதா⁴னத்த²ங் பத³ரேன கண்டகஸாகா²தீ³ஹி வா கதஸ்ஸ கவாடஸ்ஸ உது³க்க²லபாஸரஹிததாய ஏகேன ஸங்வரிதுங் விவரிதுஞ்ச அஸக்குணெய்யஸ்ஸ ஹெட்டா² ஏகங் சக்கங் யோஜெந்தி, யேன பரிவத்தமானேன தங் கவாடங் ஸுக²த²கனங் ஹோதி, தங் ஸந்தா⁴ய வுத்தங் ‘‘சக்கலகயுத்தத்³வார’’ந்தி. சக்கமேவ ஹி லாதப்³ப³ட்டே²ன ஸங்வரணவிவரணத்தா²ய க³ஹேதப்³ப³ட்டே²ன சக்கலகங், தேன யுத்தம்பி கவாடங் சக்கலகங் நாம, தேன யுத்தங் த்³வாரங் சக்கலகயுத்தத்³வாரங். மஹாத்³வாரேஸு பன த்³வே தீணிபி சக்கலகானி யோஜெந்தீதி ஆஹ ப²லகேஸூதிஆதி³. கிடிகாஸூதி வேளுபேஸிகாஹி கண்டகஸாகா²தீ³ஹி ச கதத²கனகேஸு. ஸங்ஸரணகிடிகத்³வாரந்தி சக்கலகயந்தேன ஸங்ஸரணகிடிகாயுத்தமஹாத்³வாரங். கொ³ப்பெ²த்வாதி ஆவுணித்வா, ரஜ்ஜூஹி க³ந்தெ²த்வா வா. ஏகங் து³ஸ்ஸஸாணித்³வாரமேவாதி எத்த² கிலஞ்ஜஸாணித்³வாரம்பி ஸங்க³ஹங் க³ச்ச²தி தக்³க³திகத்தா. அத² பி⁴க்கூ²…பே॰… நிஸின்னா ஹொந்தீதி இத³ங் பி⁴க்கூ²னங் ஸன்னிஹிதபா⁴வத³ஸ்ஸனத்த²ங் வுத்தங். நிபன்னேபி ஆபோ⁴க³ங் காதுங் வட்டதி, நிபஜ்ஜித்வா நித்³தா³யந்தே பன ஆபோ⁴க³ங் காதுங் ந வட்டதி அஸந்தபக்கே² டி²தத்தா. ரஹோ பி⁴க்கு²னிங் வாதிஆதி³. நிஸ்ஸேணிங் ஆரோபெத்வாதி இத³ங் ஹெட்டி²மதலஸ்ஸ ஸத்³வாரப³ந்த⁴தாய வுத்தங். சதூஸு தி³ஸாஸு பரிக்கி²த்தஸ்ஸ குட்டஸ்ஸ ஏகாப³த்³த⁴தாய ‘‘ஏககுட்டகே’’தி வுத்தங். பச்சி²மானங் பா⁴ரோதி பாளியா ஆக³ச்ச²ந்தே ஸந்தா⁴ய வுத்தங். யேன கேனசி பரிக்கி²த்தேதி எத்த² பரிக்கே²பஸ்ஸ உப்³பே³த⁴தோ பமாணங் ஸஹஸெய்யப்பஹோனகே வுத்தஸதி³ஸமேவ.
மஹாபரிவேணந்தி மஹந்தங் அங்க³ணங், தேன ச ப³ஹுஜனஸஞ்சாரங் த³ஸ்ஸேதி, தேனாஹ மஹாபோ³தீ⁴திஆதி³. அருணே உக்³க³தே வுட்ட²ஹதி, அனாபத்தி அனாபத்திகெ²த்தபூ⁴தாய ரத்தியா ஸுத்³த⁴சித்தேன நிபன்னத்தா. பபு³ஜ்ஜி²த்வா புன ஸுபதி ஆபத்தீதி அருணே உக்³க³தே பபு³ஜ்ஜி²த்வா அருணுக்³க³மனங் ஞத்வா வா அஞத்வா வா அனுட்ட²ஹித்வா ஸயிதஸந்தானேன ஸுபதி உட்ட²ஹித்வா கத்தப்³ப³ஸ்ஸ த்³வாரஸங்வரணாதி³னோ அகதத்தா அகிரியஸமுட்டா²னா ஆபத்தி ஹோதி அனாபத்திகெ²த்தே கதனிபஜ்ஜனகிரியாய அனங்க³த்தா. அயஞ்ஹி ஆபத்தி ஈதி³ஸே டா²னே அகிரியா, தி³வா அஸங்வரித்வா நிபஜ்ஜனக்க²ணே கிரியா ச அசித்தகா சாதி வேதி³தப்³பா³. புராருணா பபு³ஜ்ஜி²த்வாபி யாவ அருணுக்³க³மனா ஸயந்தஸ்ஸாபி புரிமனயேன ஆபத்தியேவ. அருணே உக்³க³தே வுட்ட²ஹிஸ்ஸாமீதி…பே॰… ஆபத்தியேவாதி எத்த² கதா³ தஸ்ஸ ஆபத்தீதி? வுச்சதே – ந தாவ ரத்தியங் ‘‘தி³வா ஆபஜ்ஜதி நோ ரத்தி’’ந்தி (பரி॰ 323) வுத்தத்தா. ‘‘அனாத³ரியது³க்கடா ந முச்சதீ’’தி வுத்தது³க்கடங் பன தி³வாஸயனது³க்கடமேவ ந யதா²பரிச்சே²த³மேவ ச ந வுட்டா²தீதி அருணே உக்³க³தேயேவ உட்டா²தி. ஆபத்தியேவாதி மூலாபத்திங்யேவ ஸந்தா⁴ய வுத்தங், அனாத³ரியஆபத்தி பன புராருணா உட்டி²தஸ்ஸாபி தஸ்ஸ ஹோதேவ ‘‘து³க்கடா
நித்³தா³வஸேன நிபஜ்ஜதீதி வோஹாரவஸேன வுத்தங், பாதா³னங் பன பூ⁴மிதோ அமோசிதத்தா அயங் நிபன்னோ நாம ந ஹோதி, தேனேவ அனாபத்தி வுத்தா. அபஸ்ஸாய ஸுபந்தஸ்ஸாதி கடிட்டி²தோ உத்³த⁴ங் பிட்டி²கண்டகே அப்பமத்தகம்பி பதே³ஸங் பூ⁴மிங் அபு²ஸாபெத்வா த²ம்பா⁴தி³ங் அபஸ்ஸாய ஸுபந்தஸ்ஸ. கடிட்டி²ங் பன பூ⁴மிங் பு²ஸாபெந்தஸ்ஸ ஸயனங் நாம ஹோதி. பிட்டி²பஸாரணலக்க²ணா ஹி ஸெய்யா. தீ³க⁴வந்த³னாதீ³ஸுபி திரியங் பிட்டி²கண்டகானங் பஸாரிதத்தா நிபஜ்ஜனமேவாதி ஆபத்தி பரிஹரிதப்³பா³வ ‘‘வந்தா³மீதி பாத³மூலே நிபஜ்ஜீ’’திஆதீ³ஸு நிபஜ்ஜனஸ்ஸேவ வுத்தத்தா. தஸ்ஸாபி அனாபத்தி பதனக்க²ணே அவிஸயத்தா, விஸயே ஜாதே ஸஹஸா வுட்டி²தத்தா ச. யஸ்ஸ பன விஸஞ்ஞிதாய பச்சா²பி அவிஸயோ, ஏதஸ்ஸ அனாபத்தியேவ பதிதக்க²ணே விய. தத்தே²வ ஸயதி ந வுட்டா²தீதி இமினா விஸயேபி அகரணங் த³ஸ்ஸேதி, தேனேவ ‘‘தஸ்ஸ ஆபத்தீ’’தி வுத்தங்.
ஏகப⁴ங்கே³னாதி உபோ⁴ பாதே³ பூ⁴மிதோ அமோசெத்வாவ ஏகபஸ்ஸேன ஸரீரங் ப⁴ஞ்ஜித்வா நிபன்னோ. மஹாஅட்ட²கதா²யங் பன மஹாபது³மத்தே²ரேன வுத்தந்தி ஸம்ப³ந்தோ⁴, தேன ‘‘மஹாஅட்ட²கதா²ய லிகி²தமஹாபது³மத்தே²ரவாதோ³ அய’’ந்தி த³ஸ்ஸேதி. தத்த² ஸுபந்தஸ்ஸாபி அவிஸயத்தமத்தீ²தி மஹாபது³மத்தே²ரேன ‘‘அவிஸயத்தா பன ஆபத்தி ந தி³ஸ்ஸதீ’’தி வுத்தங். ஆசரியா பன ஸுபந்தஸ்ஸ விஸஞ்ஞத்தாபா⁴வேன விஸயத்தா அனாபத்திங் ந கத²யந்தி. விஸஞ்ஞத்தே ஸதி அனாபத்தியேவ. த்³வே பன ஜனாதிஆதி³பி மஹாஅட்ட²கதா²யமேவ வசனங், ததே³வ பச்சா² வுத்தத்தா பமாணங். யக்க²க³ஹிதக்³க³ஹணேனேவ செத்த² விஸஞ்ஞீபூ⁴தோபி ஸங்க³ஹிதோ. ஏகப⁴ங்கே³ன நிபன்னோ பன அனிபன்னத்தா ஆபத்திதோ முச்சதியேவாதி க³ஹேதப்³ப³ங்.
78. அபதே³தி பத³ந்தி பத³வளஞ்ஜங், தேனாஹ ‘‘ஆகாஸே பத³’’ந்தி. ஏதத³க்³க³ந்தி ஏஸோ அக்³கோ³. யதி³த³ந்தி யோ அயங். ஸேஸங் உத்தானமேவ.
இதி ஸமந்தபாஸாதி³காய வினயட்ட²கதா²ய விமதிவினோத³னியங்
பட²மபாராஜிகவண்ணனானயோ நிட்டி²தோ.
2. து³தியபாராஜிகங்
அது³தியேனாதி
த⁴னியவத்து²வண்ணனா
84. ராஜூஹி க³ஹிதந்தி ராஜக³ஹந்தி ஆஹ ‘‘மந்தா⁴தூ’’தி. ராஜபுரோஹிதேன பரிக்³க³ஹிதம்பி ராஜபரிக்³க³ஹிதமேவாதி மஹாகோ³விந்த³க்³க³ஹணங், நக³ரஸத்³தா³பெக்கா²ய செத்த² ‘‘ராஜக³ஹ’’ந்தி நபுங்ஸகனித்³தே³ஸோ. அஞ்ஞேபெத்த² பகாரேதி ஸுஸங்விஹிதாரக்க²த்தா ராஜூனங் க³ஹங் கே³ஹபூ⁴தந்தி ராஜக³ஹந்திஆதி³கே பகாரே. வஸந்தவனந்தி கீளாவனங், வஸந்தகாலே கீளாய யேபு⁴ய்யத்தா பன வஸந்தவனந்தி வுத்தங்.
ஸத்³வாரப³ந்தா⁴தி வஸ்ஸூபக³மனயொக்³க³தாத³ஸ்ஸனங். நாலகபடிபத³ந்தி ஸுத்தனிபாதே (ஸு॰ நி॰ 684 ஆத³யோ) நாலகத்தே²ரஸ்ஸ தே³ஸிதங் மோனெய்யபடிபத³ங். பஞ்சன்னங் ச²த³னானந்தி திணபண்ணஇட்ட²கஸிலாஸுதா⁴ஸங்கா²தானங் பஞ்சன்னங். நோ சே லப⁴தி…பே॰… ஸாமம்பி காதப்³ப³ந்தி இமினா நாவாஸத்த²வஜே ட²பெத்வா அஞ்ஞத்த² ‘‘அஸேனாஸனிகோ அஹ’’ந்தி ஆலயகரணமத்தேன உபக³மனங் ந வட்டதி. ஸேனாஸனங் பரியேஸித்வா வசீபே⁴த³ங் கத்வா வஸ்ஸங் உபக³ந்தப்³ப³மேவாதி த³ஸ்ஸேதி. ‘‘ந, பி⁴க்க²வே, அஸேனாஸனிகேனா’’திஆதி³னா (மஹாவ॰ 204) ஹி பாளியங் ‘‘நாலகபடிபத³ங் படிபன்னேனாபீ’’தி அட்ட²கதா²யஞ்ச அவிஸேஸேன த³ள்ஹங் கத்வா வுத்தங், நாவாஸத்த²வஜேஸுயேவ ச ‘‘அனுஜானாமி, பி⁴க்க²வே, நாவாய வஸ்ஸங் உபக³ந்து’’ந்திஆதி³னா (மஹாவ॰ 203) அஸதிபி ஸேனாஸனே ஆலயகரணவஸேன வஸ்ஸூபக³மனங் அனுஞ்ஞாதங், நாஞ்ஞத்தா²தி க³ஹேதப்³ப³ங். அயமனுத⁴ம்மதாதி ஸாமீசிவத்தங். கதிகவத்தானீதி ப⁴ஸ்ஸாராமதாதி³ங் விஹாய ஸப்³ப³தா³ அப்பமத்தேஹி ப⁴விதப்³ப³ந்திஆதி³கதிகவத்தானி. க²ந்த⁴கவத்தானீதி ‘‘ஆக³ந்துகாதி³க²ந்த⁴கவத்தங் பூரேதப்³ப³’’ந்தி ஏவங் க²ந்த⁴கவத்தானி ச அதி⁴ட்ட²ஹித்வா.
வஸ்ஸங்வுத்தா²தி பத³ஸ்ஸ அட்ட²கதா²யங் ‘‘புரிமிகாய உபக³தா மஹாபவாரணாய பவாரிதா பாடிபத³தி³வஸதோ பரிவாரே ச ‘‘கதி²னஸ்ஸ அத்தா²ரமாஸோ ஜானிதப்³போ³’’தி (பரி॰ 412) வத்வா ‘‘வஸ்ஸானஸ்ஸ பச்சி²மோ மாஸோ ஜானிதப்³போ³’’தி (பரி॰ 412) வுத்தங். யோ ஹி கதி²னத்தா²ரஸ்ஸ காலோ, ததோ பட்டா²யேவ சாரிகாபக்கமனஸ்ஸாபி காலோ, ந ததோ புரே வஸ்ஸங்வுத்தா²னங்யேவ கதி²னத்தா²ராரஹத்தா. யத³க்³கே³ன ஹி பவாரணாதி³வஸே கதி²னத்தா²ரோ ந வட்டதி, தத³க்³கே³ன பி⁴க்கூ²பி வுத்த²வஸ்ஸா ந ஹொந்தி பவாரணாதி³வஸஸ்ஸ அவுத்த²த்தா.
யங் பன ஸாரத்த²தீ³பனியங் (ஸாரத்த²॰ டீ॰ பாராஜிககண்ட³ 2.84) ‘‘ஏகதே³ஸேன அவுத்த²ம்பி தங் தி³வஸங் வுத்த²பா⁴கா³பெக்கா²ய வுத்த²மேவ ஹோதீ’’திஆதி³ வுத்தங், தங் ந யுத்தங், தங்தி³வஸபரியோஸானே அருணுக்³க³மனகாலே வஸந்தோவ ஹி தங் தி³வஸங் வுத்தோ² நாம ஹோதி
மஹாபவாரணாய பவாரிதாதி புரிமிகாய வஸ்ஸங் உபக³ந்த்வா அச்சி²ன்னவஸ்ஸதாத³ஸ்ஸனபரங் ஏதங் கேனசி அந்தராயேன அப்பவாரிதானம்பி வுத்த²வஸ்ஸத்தா. ந ஓவஸ்ஸியதீதி அனோவஸ்ஸகந்தி கம்மஸாத⁴னங் த³ட்ட²ப்³ப³ங், யதா² ந தேமியதி, ததா² கத்வாதி அத்தோ². அனவயோதி எத்த² அனுஸத்³தோ³ விச்சா²யங் வத்ததீதி ஆஹ அனு அனு அவயோதிஆதி³. ஆசரியஸ்ஸ கம்மங் ஆசரியகந்தி ஆஹ ‘‘ஆசரியகம்மே’’தி. கட்ட²கம்மங் த²ம்பா⁴தி³. தேலதம்ப³மத்திகாயாதி தேலமிஸ்ஸாய தம்ப³மத்திகாய.
85. குடிகாய கரணபா⁴வந்தி குடியா கதபா⁴வங். கிங்-ஸத்³த³ப்பயோகே³ அனாக³தப்பச்சயவிதா⁴னங் ஸந்தா⁴ய தஸ்ஸ லக்க²ணந்திஆதி³ வுத்தங். கிஞ்சாபி தே²ரஸ்ஸ பாணகா⁴தாதி⁴ப்பாயோ நத்தி², அனுபபரிக்கி²த்வா கரணேன பன ப³ஹூனங் பாணானங் மரணத்தா பாணே ப்³யாபா³தெ⁴ந்தஸ்ஸாதிஆதி³ வுத்தங். பாதப்³யபா⁴வந்தி வினாஸேதப்³ப³தங். பாணாதிபாதங் கரொந்தானந்தி தே²ரேன அகதேபி பாணாதிபாதே பாணகானங் மரணமத்தேன பச்சி²மானங் லேஸேன க³ஹணாகாரங் த³ஸ்ஸேதி, தேன ச ‘‘மம தாதி³ஸங் அகுஸலங் நத்தீ²’’தி பச்சி²மானங் விபல்லாஸலேஸக்³க³ஹணனிமித்தகிச்சங் ந கத்தப்³ப³ந்தி தீ³பிதங் ஹோதி. தி³ட்டா²னுக³திந்தி தி³ட்ட²ஸ்ஸ கம்மஸ்ஸ அனுபக³மனங் அனுகிரியங், தி³ட்டி²யா வா லத்³தி⁴யா அனுக³மனங் கா³ஹங். க⁴ங்ஸிதப்³பே³தி மத்³தி³தப்³பே³, வினாஸிதப்³பே³தி அத்தோ². கதங் லபி⁴த்வா தத்த² வஸந்தானம்பி து³க்கடமேவாதி இத³ங் ப⁴க³வதா குடியா பே⁴தா³பனவசனேன ஸித்³த⁴ங், ஸாபி திணத³ப்³ப³ஸம்பா⁴ரேஹி துலாத²ம்பா⁴தீ³ஹி அமிஸ்ஸா ஸுத்³த⁴மத்திகாமயாபி இட்ட²காஹி கதா வட்டதி. கேசி ஹி இட்ட²காஹியேவ த²ம்பே⁴ சினித்வா தது³பரி இட்ட²காஹியேவ விதானாதி³ஸண்டா²னேன துலாதி³தா³ருஸம்பா⁴ரவிரஹிதங் ச²த³னம்பி ப³ந்தி⁴த்வா இட்ட²காமயமேவ ஆவஸத²ங் கரொந்தி, தாதி³ஸங் வட்டதி. கி³ஞ்ஜகாவஸத²ஸங்கே²பேன கதாதி எத்த² கி³ஞ்ஜகா வுச்சந்தி இட்ட²கா, தாஹியேவ கதோ ஆவஸதோ² கி³ஞ்ஜகாவஸதோ². வயகம்மம்பீதி மத்திகுத்³தா⁴ரணஇட்ட²கதா³ருச்சே²த³னாதி³காரகானங் தி³ன்னப⁴த்தவெத்தனாதி³வத்து²ப்³ப³யேன நிப்ப²ன்னகம்மம்பி அத்தி², ஏதேன குடிபே⁴த³கானங் கீ³வாதி³பா⁴வங் பரிஸங்கதி. தித்தி²யத⁴ஜோதி தித்தி²யானமேவ ஸஞ்ஞாணபூ⁴தத்தா வுத்தங். தே ஹி ஈதி³ஸேஸு சாடிஆதீ³ஸு வஸந்தி. அஞ்ஞானிபீதி பி-ஸத்³தே³ன அத்தனா வுத்தகாரணத்³வயம்பி மஹாஅட்ட²கதா²யமேவ வுத்தந்தி த³ஸ்ஸேதி. யஸ்மா ஸப்³ப³மத்திகாமயா
பாளிமுத்தகவினிச்ச²யவண்ணனா
ச²த்தத³ண்ட³க்³கா³ஹகங் ஸலாகபஞ்ஜரந்தி எத்த² யோ பஞ்ஜரஸலாகானங் மஜ்ஜ²ட்டோ² பு³ந்தே³ புது²லோ அஹிச்ச²த்தகஸதி³ஸோ அக்³கே³ ஸசி²த்³தோ³ யத்த² த³ண்ட³ந்தரங் பவேஸெத்வா ச²த்தங் க³ண்ஹந்தி, யோ வா ஸயமேவ தீ³க⁴தாய க³ஹணத³ண்டோ³ ஹோதி, அயங் ச²த்தத³ண்டோ³ நாம, தஸ்ஸ அபரிக³ளனத்தா²ய ச²த்தஸலாகானங் மூலப்பதே³ஸத³ண்ட³ஸ்ஸ ஸமந்ததோ த³ள்ஹபஞ்ஜரங் கத்வா ஸுத்தேஹி வினந்த⁴ந்தி, ஸோ பதே³ஸோ ச²த்தத³ண்ட³கா³ஹகஸலாகபஞ்ஜரங் நாம, தங் வினந்தி⁴துங் வட்டதி. ந வண்ணமட்ட²த்தா²யாதி இமினா தி²ரகரணத்த²மேவ ஏகவண்ணஸுத்தேன வினந்தி⁴யமானங் யதி³ வண்ணமட்ட²ங் ஹோதி, ந தத்த² தோ³ஸோதி த³ஸ்ஸேதி. ஆரக்³கே³னாதி நிகா²த³னமுகே²ன. த³ண்ட³பு³ந்தே³தி த³ண்ட³மூலே கோடியங். ச²த்தமண்ட³லிகந்தி ச²த்தபஞ்ஜரே மண்ட³லாகாரேன ப³த்³த⁴த³ண்ட³வலயங். உக்கிரித்வாதி நின்னங், உன்னதங் வா கத்வா.
நானாஸுத்தகேஹீதி நானாவண்ணேஹி ஸுத்தேஹி. இத³ஞ்ச ததா² கரொந்தானங் வஸேன வுத்தங், ஏகவண்ணஸுத்தகேனாபி ந வட்டதியேவ, ‘‘பகதிஸூசிகம்மமேவ வட்டதீ’’தி ஹி வுத்தங். பட்டமுகே²தி த்³வின்னங் பட்டானங் ஸங்க⁴டிதட்டா²னங் ஸந்தா⁴யேதங் வுத்தங். பரியந்தேதி சீவரபரியந்தே, அனுவாதங் ஸந்தா⁴யேதங் வுத்தங். வேணிந்தி வரகஸீஸாகாரேன ஸிப்³ப³னங். ஸங்க²லிகந்தி தி³கு³ணஸங்க²லிகாகாரேன ஸிப்³ப³னங், வேணிங் வா ஸங்க²லிகங் வா கரொந்தீதி பகதேன ஸம்ப³ந்தோ⁴. அக்³கி⁴யங் நாம சேதியஸண்டா²னங், யங் அக்³கி⁴யத்த²ம்போ⁴தி வத³ந்தி. உக்கிரந்தீதி உட்ட²பெந்தி. சதுகோணமேவ வட்டதீதி க³ண்டி²கபாஸகபட்டானி ஸந்தா⁴ய வுத்தங். கோணஸுத்தபிளகாதி க³ண்டி²கபாஸகபட்டானங் கோணேஹி ப³ஹி நிக்³க³தஸுத்தானங் மணினாதி நீலமணிஆதி³மட்ட²பாஸாணேன, அங்ஸவத்³த⁴ககாயப³ந்த⁴னாதி³கங் பன அசீவரத்தா ஸங்கா²தீ³ஹி க⁴ங்ஸிதுங் வட்டதீதி வத³ந்தி. கண்ணஸுத்தகந்தி சீவரஸ்ஸ தீ³க⁴தோ திரியஞ்ச ஸிப்³பி³தானங் சதூஸு கண்ணேஸு கோணேஸு ச நிக்க²ந்தானங் ஸுத்தஸீஸானமேதங் நாமங், தங் சி²ந்தி³த்வாவ பாருபிதப்³ப³ங், தேனாஹ ‘‘ரஜிதகாலே சி²ந்தி³தப்³ப³’’ந்தி. ப⁴க³வதா அனுஞ்ஞாதங் ஏகங் கண்ணஸுத்தம்பி அத்தி², தங் பன நாமேன யங் பனாதிஆதி³ வுத்தங். லக்³க³னத்தா²யாதி சீவரரஜ்ஜுயங் சீவரப³ந்த⁴னத்தா²ய. க³ண்டி²கேதி த³ந்தாதி³மயே. பீளகாதி பி³ந்து³ங் பி³ந்து³ங் கத்வா உட்டா²பேதப்³ப³பீளகா.
தா²லகே வாதி தம்பா³தி³மயே புக்³க³லிகே திவிதே⁴பி கப்பியதா²லகே. ந வட்டதீதி மணிவண்ணகரணப்பயோகோ³ ந வட்டதி, தேலவண்ணகரணத்த²ங் பன வட்டதி. பத்தமண்ட³லேதி திபுஸீஸாதி³மயே. ‘‘ந, பி⁴க்க²வே, சித்தானி பத்தமண்ட³லானி தா⁴ரேதப்³பா³னி ரூபகாகிண்ணானி பி⁴த்திகம்மகதானீ’’தி (சூளவ॰ 253) வுத்தத்தா ‘‘பி⁴த்திகம்மங் ந வட்டதீ’’தி வுத்தங். ‘‘அனுஜானாமி, பி⁴க்க²வே, மகரத³ந்தகங் சி²ந்தி³து’’ந்தி (சூளவ॰ 253) வுத்தத்தா ‘‘மகரத³ந்தகங் பன வட்டதீ’’தி வுத்தங், இத³ங் பன பாளியா லத்³த⁴ம்பி இத⁴ பாளியா முத்தத்தா பாளிமுத்தகனயே வுத்தங். ஏவமஞ்ஞம்பி ஈதி³ஸங்.
லேகா² ந வட்டதீதி ஆரக்³கே³ன தி³ன்னலேகா²வ ந வட்டதி, ஜாதிஹிங்கு³லிகாதி³வண்ணேஹி கதலேகா² வட்டதி. ச²த்தமுக²வட்டியந்தி த⁴மகரணஸ்ஸ ஹத்தே²ன க³ஹணச²த்தாகாரஸ்ஸ
தெ³ட்³டு³ப⁴ஸீஸந்தி உத³கஸப்பஸீஸங். அச்சீ²னீதி குஞ்ஜரச்சி²ஸண்டா²னானி. ஏகமேவ வட்டதீதி எத்த² ஏகரஜ்ஜுகங் தி³கு³ணங் திகு³ணங் கத்வாபி ப³ந்தி⁴துங் ந வட்டதி, ஏகமேவ பன ஸதவாரம்பி ஸரீரங் பரிக்கி²பித்வா ப³ந்தி⁴துங் வட்டதி, ப³ஹுரஜ்ஜுகே ஏகதோ கத்வா ஏகேன நிரந்தரங் வேடெ²த்வா கதங் ‘‘ப³ஹுரஜ்ஜுக’’ந்தி ந வத்தப்³ப³ங் ‘‘வட்டதீ’’தி வுத்தத்தா, தங் முரஜஸங்க²ங் ந க³ச்ச²தீதி வேதி³தப்³ப³ங். முரஜஞ்ஹி நானாவண்ணேஹி ஸுத்தேஹி முரஜவட்டிஸண்டா²னங் வேடெ²த்வா கதங், இத³ங் பன முரஜங் மத்³த³வீணஸங்கா²தங் பாமங்க³ஸண்டா²னஞ்ச த³ஸாஸு வட்டதி ‘‘காயப³ந்த⁴னஸ்ஸ த³ஸா ஜீரந்தி; அனுஜானாமி, பி⁴க்க²வே, முரஜங் மத்³த³வீண’’ந்தி (சூளவ॰ 278) வுத்தத்தா.
விதே⁴தி த³ஸாபரியோஸானே தி²ரபா⁴வாய த³ந்தவிஸாணஸுத்தாதீ³ஹி கத்தப்³பே³ விதே⁴. அட்ட² மங்க³லானி நாம ஸங்கோ² சக்கங் புண்ணகும்போ⁴ க³யா ஸிரீவச்சோ² அங்குஸோ த⁴ஜங் ஸோவத்திகந்தி வத³ந்தி. மச்ச²யுக³ளச²த்தனந்தி³யாவட்டாதி³வஸேனபி வத³ந்தி. பரிச்சே²த³லேகா²மத்தந்தி த³ந்தாதீ³ஹி கதவித⁴ஸ்ஸ உபோ⁴ஸு கோடீஸு கதபரிச்சே²த³ராஜிமத்தங்.
‘‘உஜுகமேவா’’தி வுத்தத்தா சதுரஸ்ஸாதி³ஸண்டா²னாபி அஞ்ஜனீ வங்கக³திகா ந வட்டதி. ஸிபாடிகாயாதி ஆரகண்டகங் நாம பொத்த²காதி³அஅஸங்கா²ரணத்த²ங் கததீ³க⁴முக²ஸத்த²கந்தி வத³ந்தி. ‘‘ப⁴மகாரானங் தா³ருஆதி³லிக²னஸத்த²க’’ந்தி கேசி. வட்டமணிகந்தி வட்டங் கத்வா உட்ட²பேதப்³ப³ங் புப்பு²ளகங். அஞ்ஞந்தி இமினா பிளகாதி³ங் ஸங்க³ண்ஹாதி. பிப்ப²லிகேதி யங் கிஞ்சி சே²த³னகே கு²த்³த³கஸத்தே². வலிதகந்தி நக²ச்சே²த³னகாலே த³ள்ஹக்³க³ஹணத்த²ங் வலீஹி யுத்தமேவ கரொந்தி. தஸ்மா தங் வட்டதீதி இமினா யங் அஞ்ஞம்பி விகாரங் த³ள்ஹீகம்மாதி³அத்தா²ய கரொந்தி, ந வண்ணமட்ட²த்தா²ய, தங் வட்டதீதி தீ³பிதங், தேன ச கத்தரத³ண்ட³கோடியங் அஞ்ஞமஞ்ஞம்பி க⁴ட்டனேன ஸத்³த³னிச்ச²ரணத்தா²ய கதங் அயோவலயாதி³கங் ஸங்யுத்தம்பி கப்பியதோ உபபன்னங் ஹோதி. மண்ட³லந்தி உத்தராரணியா பவேஸனத்த²ங் ஆவாடமண்ட³லங் ஹோதி. உஜுகமேவ ப³ந்தி⁴துந்தி ஸம்ப³ந்தோ⁴, உபோ⁴ஸு வா பஸ்ஸேஸு ஏகபஸ்ஸே வாதி வசனஸேஸோ. வாஸித³ண்ட³ஸ்ஸ உபோ⁴ஸு பஸ்ஸேஸு த³ண்ட³கோடீனங் அசலனத்த²ங் ப³ந்தி⁴துந்தி அத்தோ².
ஆமண்ட³ஸாரகேதி பூ⁴மத்த²ரணேதி கடஸாராதி³மயே பரிகம்மகதாய பூ⁴மியா அத்த²ரிதப்³ப³அத்த²ரணே. பானீயக⁴டேதி ஸப்³ப³ங் பா⁴ஜனவிகதிங் ஸங்க³ண்ஹாதி. ஸப்³ப³ங்…பே॰… வட்டதீதி யதா²வுத்தேஸு மஞ்சாதீ³ஸு இத்தி²புரிஸரூபம்பி வட்டதி தேலபா⁴ஜனேஸுயேவ இத்தி²புரிஸரூபானங் படிக்கி²த்தத்தா, தேலபா⁴ஜனேன ஸஹ அக³ணெத்வா விஸுங் மஞ்சாதீ³னங் க³ஹிதத்தா சாதி வத³ந்தி, கிஞ்சாபி வத³ந்தி, ஏதேஸங் பன மஞ்சாதீ³னங் ஹத்தே²ன ஆமஸிதப்³ப³ப⁴ண்ட³த்தா இத்தி²ரூபமேவெத்த² ந வட்டதீதி க³ஹேதப்³ப³ங். அஞ்ஞேஸந்தி ஸீமஸாமிகானங். ராஜவல்லபே⁴ஹீதி லஜ்ஜீபேஸலாதீ³னங் உபோஸதா²தி³அந்தராயகரா அலஜ்ஜினோ பி⁴ன்னலத்³தி⁴கா ச பி⁴க்கூ² அதி⁴ப்பேதா தேஹி ஸஹ உபோஸதா²தி³கரணாயோகா³, தேனேவ ‘‘ஸீமாயா’’தி வுத்தங். தேஸங் லஜ்ஜீபரிஸாதி தேஸங் ஸீமாஸாமிகானங் அனுப³லங் தா³துங் ஸமத்தா² லஜ்ஜீபரிஸா. பி⁴க்கூ²ஹி கதந்தி யங் அலஜ்ஜீனங் ஸேனாஸனபே⁴த³னாதி³கங் லஜ்ஜீபி⁴க்கூ²ஹி கதங், ஸப்³ப³ஞ்சேதங் ஸுகதமேவ அலஜ்ஜீனிக்³க³ஹத்தா²ய பவத்திதப்³ப³தோ.
88. அவஜ்ஜா²யந்தீதி நீசதோ சிந்தெந்தி. உஜ்ஜா²யனத்தோ²தி பி⁴க்கு²னோ தெ²ய்யகம்மனிந்த³னத்தோ² ‘‘கத²ஞ்ஹி நாம அதி³ன்னங் ஆதி³யிஸ்ஸதீ’’தி, ந பன தா³ரு-ஸத்³த³விஸேஸனத்தோ² தஸ்ஸ ப³ஹுவசனத்தா. வசனபே⁴தே³தி ஏகவசனப³ஹுவசனானங் பே⁴தே³. ஸப்³பா³வந்தந்தி பி⁴க்கு²பி⁴க்கு²னீஆதி³ஸப்³பா³வயவவந்தங். பி³ம்பி³ஸாரோதி தஸ்ஸ நாமந்தி எத்த² பி³ம்பீ³தி ஸுவண்ணங். தஸ்மா ஸாரஸுவண்ணஸதி³ஸவண்ணதாய ‘‘பி³ம்பி³ஸாரோ’’தி வுச்சதீதி வேதி³தப்³ப³ங். போராணஸத்தா²னுரூபங் உப்பாதி³தோ வீஸதிமாஸப்பமாணஉத்தமஸுவண்ணக்³க⁴னகோ லக்க²ணஸம்பன்னோ நீலகஹாபணோதி வேதி³தப்³போ³. ருத்³ரதா³மேன நாம கேனசி உப்பாதி³தோ ருத்³ரதா³மகோ. ஸோ கிர நீலகஹாபணஸ்ஸ திபா⁴க³ங் அக்³க⁴தி. யஸ்மிங் பன தே³ஸே நீலகஹாபணா தேனாதி நீலகஹாபணஸ்ஸ சதுத்த²பா⁴க³பூ⁴தேன. பாராஜிகவத்து²ம்ஹி வாதிஆதி³ பாராஜிகானங் ஸப்³ப³பு³த்³தே⁴ஹி பஞ்ஞத்தபா⁴வேன வுத்தங், ஸங்கா⁴தி³ஸேஸாதீ³ஸு பன இதராபத்தீஸுபி தப்³ப³த்தூ²ஸு ச நானத்தங் நத்தே²வ, கேவலங் கேசி ஸப்³பா³காரேன பஞ்ஞபெந்தி, கேசி ஏகதே³ஸேனாதி எத்தகமேவ விஸேஸோ. ந ஹி கதா³சிபி ஸம்மாஸம்பு³த்³தா⁴ யதா²பராத⁴ங் அதிக்கம்ம ஊனமதி⁴கங் வா ஸிக்கா²பத³ங் பஞ்ஞபெந்தி.
பத³பா⁴ஜனீயவண்ணனா
92. புனபி அரஞ்ஞபரிச்சே²த³த³ஸ்ஸனத்த²ந்தி கா³மகா³மூபசாரேஸு த³ஸ்ஸிதேஸு தத³ஞ்ஞங் அரஞ்ஞந்தி அரஞ்ஞபரிச்சே²தோ³ ஸக்கா ஞாதுந்தி வுத்தங். மாதிகாயங் பன கா³மக்³க³ஹணேனேவ கா³மூபசாரோபி க³ஹிதோதி த³ட்ட²ப்³போ³. இந்த³கீ²லேதி உம்மாரே. அரஞ்ஞஸங்கே²பங் க³ச்ச²தி ததா² அபி⁴த⁴ம்மே வுத்தத்தா. அஸதிபி இந்த³கீ²லே இந்த³கீ²லட்டா²னியத்தா ‘‘வேமஜ்ஜ²மேவ இந்த³கீ²லோதி வுச்சதீ’’தி வுத்தங். யத்த² பன த்³வாரபா³ஹாபி நத்தி², தத்த² பாகாரவேமஜ்ஜ²மேவ இந்த³கீ²லோதி க³ஹேதப்³ப³ங். லுடி²த்வாதி பவட்டித்வா.
மஜ்ஜி²மஸ்ஸ புரிஸஸ்ஸ ஸுப்பபாதோ வாதிஆதி³ மாதுகா³மஸ்ஸ காகுட்டா²பனவஸேன க³ஹேதப்³ப³ங், ந ப³லத³ஸ்ஸனவஸேன ‘‘மாதுகா³மோ பா⁴ஜனதோ⁴வனஉத³கங் ச²ட்³டே³தீ’’தி (பாரா॰ அட்ட²॰ 1.92) உபரி வுச்சமானத்தா, தேனேவ ‘‘லெட்³டு³பாதோ’’தி அவத்வா ஸுப்பபாதோதிஆதி³ வுத்தங். குருந்த³ட்ட²கதா²யங் மஹாபச்சரியஞ்ச க⁴ரூபசாரோவ கா³மோதி அதி⁴ப்பாயேன ‘‘க⁴ரூபசாரே டி²தஸ்ஸ லெட்³டு³பாதோ கா³மூபசாரோ’’தி வுத்தங். கதபரிக்கே²போதி இமினா பரிக்கே²பதோ ப³ஹி உபசாரோ ந க³ஹேதப்³போ³தி த³ஸ்ஸேதி. ஸுப்பமுஸலபாதோபி அபரிக்கி²த்தகே³ஹஸ்ஸேவ, ஸோ ச யதோ பஹோதி, தத்தே²வ க³ஹேதப்³போ³, அப்பஹோனட்டா²னே பன விஜ்ஜமானட்டா²னமேவ க³ஹேதப்³ப³ங். யஸ்ஸ பன க⁴ரஸ்ஸ ஸமந்ததோ பாகாராதீ³ஹி பரிக்கே²போ கதோ ஹோதி, தத்த² ஸோவ பரிக்கே²போ க⁴ரூபசாரோதி க³ஹேதப்³ப³ங்.
புப்³பே³ வுத்தனயேனாதி பரிக்கி²த்தகா³மே வுத்தனயேன. ஸங்கரீயதீதி மிஸ்ஸீயதி. விகாலே கா³மப்பவேஸனே ‘‘பரிக்கி²த்தஸ்ஸ கா³மஸ்ஸ பரிக்கே²பங் அதிக்கமந்தஸ்ஸ ஆபத்தி பாசித்தியஸ்ஸ. அபரிக்கி²த்தஸ்ஸ கா³மஸ்ஸ உபசாரங் ஓக்கமந்தஸ்ஸ ஆபத்தி பாசித்தியஸ்ஸா’’தி (பாசி॰ 513) வுத்தத்தா அஸங்கரதோ சாதிஆதி³. கேசி பனெத்த² பாளியங் ‘‘அபரிக்கி²த்தஸ்ஸ கா³மஸ்ஸ உபசாரங் ஓக்கமந்தஸ்ஸாதி இத³ங் பரிக்கே²பாரஹட்டா²னங் ஸந்தா⁴ய வுத்தங், ந ததோ பரங் ஏகலெட்³டு³பாதபரிச்சி²ன்னங் உபசாரங் அட்ட²கதா²யங் வுத்தத்தா. விகாலே கா³மப்பவேஸனஸிக்கா²பத³ட்ட²கதா²யஞ்ஹி அபரிக்கி²த்தஸ்ஸ கா³மஸ்ஸ உபசாரோ அதி³ன்னாதா³னே வுத்தனயேனேவ வேதி³தப்³போ³தி (பாசி॰ அட்ட²॰ 512) அயமேவ நயோ அதிதி³ஸிதோ. தேனேவ மாதிகாட்ட²கதா²யம்பி ‘‘ய்வாயங் அபரிக்கி²த்தஸ்ஸ கா³மஸ்ஸ உபசாரோ த³ஸ்ஸிதோ, தஸ்ஸ வஸேன விகாலே கா³மப்பவேஸனாதீ³ஸு ஆபத்தி பரிச்சி²ந்தி³தப்³பா³’’தி (கங்கா²॰ அட்ட²॰ து³தியபாராஜிகவண்ணனா) வுத்தங், தஸ்மா பரிக்கி²த்தஸ்ஸ கா³மஸ்ஸ பரிக்கே²பங் அதிக்கமந்தஸ்ஸ, அபரிக்கி²த்தஸ்ஸ கா³மஸ்ஸ க⁴ரூபசாரதோ பட்டா²ய து³தியலெட்³டு³பாதஸங்கா²தங் கா³மூபசாரங் ஓக்கமந்தஸ்ஸ விகாலே கா³மப்பவேஸனாபத்தி ஹோதி, மாதிகாயஞ்ச விகாலே கா³மங் பவிஸெய்யாதி கா³மக்³க³ஹணேனேவ கா³மூபசாரோபி க³ஹிதோதி வேதி³தப்³ப³ங். விகாலே கா³மப்பவேஸனாதீ³ஸூதி ஆதி³-ஸத்³தே³ன க⁴ரக⁴ரூபசாராதீ³ஸு டி²தானங் உப்பன்னலாப⁴பா⁴ஜனாதி³ங் ஸங்க³ண்ஹாதி.
நிக்க²மித்வா ப³ஹி இந்த³கீ²லாதி இந்த³கீ²லதோ ப³ஹி நிக்க²மித்வா டி²தங் யங் டா²னங் ஸப்³ப³மேதங் அரஞ்ஞந்தி யோஜனா. ஆசரியத⁴னு நாம பகதிஹத்தே²ன நவவித³த்தி²பமாணங், ஜியாய பன ஆரோபிதாய ஸத்தட்ட²வித³த்தி²மத்தந்தி வத³ந்தி.
கப்பியந்தி அனுரூபவஸேன வுத்தங் அகப்பியஸ்ஸாபி அப்படிக்³க³ஹிதஸ்ஸ பரிபோ⁴கே³ பாசித்தியத்தா. பரிச்சாகா³தி³ம்ஹி அகதே ‘‘இத³ங் மய்ஹங் ஸந்தக’’ந்தி வத்து²ஸாமினா அவிதி³தம்பி பரிக்³க³ஹிதமேவ பா³லும்மத்தாதீ³னங் ஸந்தகங் விய, தாதி³ஸங் அவஹரந்தோபி ஞாதகாதீ³ஹி பச்சா² ஞத்வா வத்து²ஸாமினா ச அனுப³ந்தி⁴தப்³ப³தோ பாராஜிகோவ ஹோதி. யஸ்ஸ வஸேன புரிஸோ தே²னோ ஹோதி, தங் தெ²ய்யந்தி ஆஹ ‘‘அவஹரணசித்தஸ்ஸேதங் அதி⁴வசன’’ந்தி. பபஞ்சஸங்கா²தி தண்ஹாமானதி³ட்டி²ஸங்கா²தா பபஞ்சகொட்டா²ஸா. ஏகோ சித்தகொட்டா²ஸோதி டா²னாசாவனபயோக³ஸமுட்டா²பகோ ஏகோ சித்தகொட்டா²ஸோதி அத்தோ².
அபி⁴யோக³வஸேனாதி அட்டகரணவஸேன. ஸவிஞ்ஞாணகேனேவாதி இத³ங் ஸவிஞ்ஞாணகானஞ்ஞேவ ஆவேணிகவினிச்ச²யங் ஸந்தா⁴ய வுத்தங். பாணோ அபத³ந்திஆதீ³ஸு ஹி ‘‘பத³ஸா நெஸ்ஸாமீ’’தி பட²மங் பாத³ங் பாளியங் (பாரா॰ 111), பி⁴க்கு² தா³ஸங் தி³ஸ்வா ஸுக²து³க்க²ங் புச்சி²த்வா அட்ட²கதா²யஞ்ச யோ ஸவிஞ்ஞாணகானஞ்ஞேவ ஆவேணிகோ வினிச்ச²யோ வுத்தோ, ஸோ ஆராமாதி³அவிஞ்ஞாணகேஸு ந லப்³ப⁴தீதி தாதி³ஸங் ஸந்தா⁴ய ‘‘ஸவிஞ்ஞாணகேனேவா’’தி வுத்தங். யோ பன வினிச்ச²யோ ஆராமாதி³அவிஞ்ஞாணகேஸு லப்³ப⁴தி, ஸோ யஸ்மா ஸவிஞ்ஞாணகேஸு அலப்³ப⁴னகோ நாம நத்தி², தஸ்மா வுத்தங் ‘‘நானாப⁴ண்ட³வஸேன ஸவிஞ்ஞாணகாவிஞ்ஞாணகமிஸ்ஸகேனா’’தி. ஸவிஞ்ஞாணகேன ச அவிஞ்ஞாணகேன சாதி அத்தோ². யஸ்மா செத்த² அவிஞ்ஞாணகேனேவ ஆதி³யனாதீ³னி ச²பி பதா³னி ந ஸக்கா யோஜேதுங் இரியாபத²விகோபனஸ்ஸ ஸவிஞ்ஞாணகவஸேனேவ யோஜேதப்³ப³தோ, தஸ்மா ‘‘அவிஞ்ஞாணகேனேவா’’தி ததியங் பகாரங் ந வுத்தந்தி த³ட்ட²ப்³ப³ங்.
ஆராமந்தி இத³ங் உபலக்க²ணமத்தங் தா³ஸாதி³ஸவிஞ்ஞாணகஸ்ஸாபி இத⁴ ஸங்க³ஹேதப்³ப³தோ, நானாப⁴ண்ட³வஸேன ஹெத்த² யோஜனா த³ஸ்ஸியதி. பரிகப்பிதட்டா²னந்தி பரிகப்பிதோகாஸங். ஸுங்ககா⁴தந்தி எத்த² மக்³க³ங் க³ச்ச²ந்தேஹி ஸத்தி²கேஹி அத்தனா நீயமானப⁴ண்ட³தோ ரஞ்ஞோ தா³தப்³ப³பா⁴கோ³ ஸுங்கோ நாம, ஸோ எத்த² ஹஞ்ஞதி அத³த்வா க³ச்ச²ந்தேஹி அவஹரீயதி, தங் வா ஹந்தி எத்த² ராஜபுரிஸா அத³த³ந்தானங் ஸந்தகங் ப³லக்காரேனாதி ஸுங்ககா⁴தோ, ‘‘எத்த² பவிட்டே²ஹி ஸுங்கோ தா³தப்³போ³’’தி ருக்க²பப்³ப³தாதி³ஸஞ்ஞாணேன நியமிதப்பதே³ஸஸ்ஸேதங் அதி⁴வசனங்.
பஞ்சவீஸதிஅவஹாரகதா²வண்ணனா
கத்த²சீதி ஏகிஸ்ஸா அட்ட²கதா²யங். ஏகங் பஞ்சகங் த³ஸ்ஸிதந்தி ‘‘பரபரிக்³க³ஹிதஞ்ச ஹோதி, பரபரிக்³க³ஹிதஸஞ்ஞீ ச, க³ருகோ ச ஹோதி பரிக்கா²ரோ பஞ்சமாஸகோ வா அதிரேகபஞ்சமாஸகோ வா, தெ²ய்யசித்தஞ்ச பச்சுபட்டி²தங் ஹோதி, டா²னா சாவேதீ’’தி (பாரா॰ 122) வுத்தபஞ்சஅவஹாரங்கா³னி ஏகங் பஞ்சகந்தி த³ஸ்ஸிதங். த்³வே பஞ்சகானி த³ஸ்ஸிதானீதி ‘‘ச²ஹி ஆகாரேஹி அதி³ன்னங் ஆதி³யந்தஸ்ஸ ஆபத்தி பாராஜிகஸ்ஸ. ந ச ஸகஸஞ்ஞீ, ந ச விஸ்ஸாஸக்³கா³ஹீ, ந ச தாவகாலிகங், க³ருகோ ச ஹோதி பரிக்கா²ரோ பஞ்சமாஸகோ வா அதிரேகபஞ்சமாஸகோ வா, தெ²ய்யசித்தஞ்ச பச்சுபட்டி²தங் ஹோதி, டா²னா சாவேதி, ஆபத்தி பாராஜிகஸ்ஸா’’தி (பாரா॰ 125) ஏவங் வுத்தேஸு ச²ஸு பதே³ஸு ஏகங் அபனெத்வா ஸேஸானி எத்த² பனாதி பஞ்சஹாகாரேஹீதிஆதீ³ஸு. ஸப்³பே³ஹிபி பதே³ஹீதி பரபரிக்³க³ஹிதஞ்ச ஹோதீதிஆதீ³ஹி ஸப்³பே³ஹி பஞ்சஹி பதே³ஹி.
பஞ்சன்னங் பஞ்சகங். ஸகோ ஹத்தோ² ஸஹத்தோ², தேன நிப்³ப³த்தோ, தஸ்ஸ வா ஸம்ப³ந்தீ⁴தி ஸாஹத்தி²கோ, அவஹாரோ. ஸாஹத்தி²காதி³ பஞ்சகங் ஸாஹத்தி²கபஞ்சகந்திஆதி³பத³வஸேன நாமலாபோ⁴ த³ட்ட²ப்³போ³. ஏவங் ஸேஸேஸுபி. ததியபஞ்சமேஸு பஞ்சகேஸூதி ஸாஹத்தி²கபஞ்சகதெ²ய்யாவஹாரபஞ்சகேஸு. லப்³ப⁴மானபத³வஸேனாதி ஸாஹத்தி²கபஞ்சகே லப்³ப⁴மானஸ்ஸ நிஸ்ஸக்³கி³யாவஹாரபத³ஸ்ஸ வஸேன, தெ²ய்யாவஹாரபஞ்சகே லப்³ப⁴மானஸ்ஸ பரிகப்பாவஹாரபத³ஸ்ஸ ச வஸேன யோஜேதப்³ப³ந்தி அத்தோ².
நிஸ்ஸக்³கி³யோ நாம…பே॰… பாராஜிகஸ்ஸாதி இமினா ப³ஹிஸுங்ககா⁴தபாதனங் நிஸ்ஸக்³கி³யபயோகோ³தி த³ஸ்ஸேதி. ‘‘ஹத்தே² பா⁴ரங் தெ²ய்யசித்தோ பூ⁴மியங் நிக்கி²பதி, ஆபத்தி பாராஜிகஸ்ஸா’’தி (பாரா॰ 101) வுத்தத்தா பன ஸுத்³த⁴சித்தேன க³ஹிதபரப⁴ண்ட³ஸ்ஸ தெ²ய்யசித்தேன கு³ம்பா³தி³படிச்ச²ன்னட்டா²னே கி²பனம்பி இமஸ்மிங் நிஸ்ஸக்³கி³யபயோகே³ ஸங்க³ய்ஹதீதி த³ட்ட²ப்³ப³ங். கிரியாஸித்³தி⁴தோ புரேதரமேவ பாராஜிகாபத்திஸங்கா²தங் அத்த²ங் ஸாதே⁴தீதி அத்த²ஸாத⁴கோ. அத² வா அத்தனோ வத்தமானக்க²ணே அவிஜ்ஜமானம்பி கிரியாஸித்³தி⁴ஸங்கா²தங் அத்த²ங் அவஸ்ஸங் ஆபத்திங் ஸாதே⁴தீதிபி அத்த²ஸாத⁴கோ. அஸுகங் நாம ப⁴ண்ட³ங் யதா³ ஸக்கோஸீதி இத³ங் நித³ஸ்ஸனமத்தங் பரஸ்ஸ தேலகும்பி⁴யா உபாஹனாதீ³னங் நிக்கே²பபயோக³ஸ்ஸாபி அத்த²ஸாத⁴கத்தா. ததா² ஹி வுத்தங் மாதிகாட்ட²கதா²யங் –
‘‘அத்த²ஸாத⁴கோ நாம ‘அஸுகஸ்ஸ ப⁴ண்ட³ங் யதா³ ஸக்கோதி, ததா³ தங் அவஹரா’தி அஞ்ஞங் ஆணாபேதி. தத்த² ஸசே பரோ அனந்தராயிகோ ஹுத்வா தங் அவஹரதி, ஆணாபகஸ்ஸ ஆணத்திக்க²ணேயேவ பாராஜிகங். பரஸ்ஸ வா பன தேலகும்பி⁴யா பாத³க்³க⁴னகதேலங் அவஸ்ஸங் பிவனகானி உபாஹனாதீ³னி பக்கி²பதி, ஹத்த²தோ முத்தமத்தேயேவ பாராஜிக’’ந்தி (கங்கா²॰ அட்ட²॰ து³தியபாராஜிகவண்ணனா).
இமஸ்ஸ ஆணத்திகபயோகோ³, காலந்தரேன க³ஹணத்த²ங் நியோகோ³ அத்த²ஸாத⁴கோதி அயங் நேஸங் விஸேஸோ. தேனேவாஹ ‘‘அஸுகங் நாம ப⁴ண்ட³ங் யதா³ ஸக்கோஸீ’’திஆதி³. து⁴ரனிக்கே²போ பன உபனிக்கி²த்தப⁴ண்ட³வஸேன வேதி³தப்³போ³தி இத³ங் நித³ஸ்ஸனமத்தங், ஆராமாபி⁴யுஞ்ஜனாதீ³ஸுபி தாவகாலிகப⁴ண்ட³தெ³ய்யானங் அதா³னேபி ஏஸேவ நயோ. ப⁴ண்ட³க்³க³ஹணப்பயோக³தோ ஆணத்தியா புப்³ப³த்தா ஆஹ ‘‘ஆணத்திவஸேன புப்³ப³பயோகோ³ வேதி³தப்³போ³’’தி. பயோகே³ன ஸஹ வத்தமானோ அவஹாரோ ஸஹபயோகோ³தி ஆஹ ‘‘டா²னாசாவனவஸேனா’’தி, இத³ஞ்ச நித³ஸ்ஸனமத்தங் கீ²லஸங்கமனாதீ³ஸுபி அஸதி டா²னாசாவனே ஸஹபயோக³த்தா. வுத்தஞ்ஹி மாதிகாட்ட²கதா²யங் ‘‘டா²னாசாவனவஸேன கீ²லாதீ³னி ஸங்காமெத்வா கெ²த்தாதி³க்³க³ஹணவஸேன ச ஸஹபயோகோ³ வேதி³தப்³போ³’’தி (கங்கா²॰ அட்ட²॰ து³தியபாராஜிகவண்ணனா).
துலயித்வாதி உபபரிக்கி²த்வா. ஸாமீசீதி வத்தங். ஸகஸஞ்ஞாய அதெ³ந்தஸ்ஸ ஆபத்தி நத்தீ²தி வத³ந்தி. ஸம்மத்³தோ³தி நிவித்³த⁴தாஸங்கோ²போ⁴. ப⁴ட்டே² ஜனகாயேதி அபக³தே ஜனஸமூஹே. அத்தனோ ஸந்தகங் கத்வா ஏதஸ்ஸேவ பி⁴க்கு²னோ தே³ஹீதி இத³ங் உபி⁴ன்னம்பி குக்குச்சவினோத³னத்த²ங் வுத்தங். அவஹாரகஸ்ஸ ஹி ‘‘மயா ஸஹத்தே²ன ந தி³ன்னங், ப⁴ண்ட³தெ³ய்யங் ஏத’’ந்தி குக்குச்சங் உப்பஜ்ஜெய்ய, இதரஸ்ஸ ச ‘‘மயா பட²மங் து⁴ரனிக்கே²பங் கத்வா பச்சா² அதி³ன்னங் க³ஹித’’ந்தி குக்குச்சங் உப்பஜ்ஜெய்யாதி.
ஸமக்³க⁴ந்தி அப்பக்³க⁴ங். தா³ருஅத்த²ங் ப²ரதீதி தா³ரூஹி கத்தப்³ப³கிச்சங் ஸாதே⁴தி. ஏகதி³வஸங் த³ந்தகட்ட²ச்சே²த³னாதி³னா யா அயங் அக்³க⁴ஹானி வுத்தா, ஸா ஸப்³பா³ ப⁴ண்ட³ஸாமினா கிணித்வா க³ஹிதமேவ ஸந்தா⁴ய வுத்தா. ஸப்³ப³ங் பனேதங் அட்ட²கதா²சரியப்பமாணேன வேதி³தப்³ப³ங். பாஸாணஞ்ச ஸக்க²ரஞ்ச பாஸாணஸக்க²ரங்.
அக்க²த³ஸ்ஸாதி எத்த² அக்க²-ஸத்³தே³ன கிர வினிச்ச²யஸாலா வுச்சதி, தத்த² நிஸீதி³த்வா வஜ்ஜாவஜ்ஜங் நிரூபயந்தீதி ‘‘அக்க²த³ஸ்ஸா’’தி வுச்சந்தி த⁴ம்மவினிச்ச²னகா. ஹனநங் நாம ஹத்த²பாதா³தீ³ஹி போத²னஞ்சேவ ஹத்த²னாஸாதி³ச்சே²த³னஞ்ச ஹோதீதி ஆஹ ‘‘ஹனெய்யுந்தி போதெ²ய்யுஞ்சேவ சி²ந்தெ³ய்யுஞ்சா’’தி.
பத³பா⁴ஜனீயஞ்ச ‘‘ஹத்தே²ன வா பாதே³ன வா கஸாய வா வெத்தேன வா அட்³ட⁴த³ண்ட³கேன வா ச²ஜ்ஜாய வா ஹனெய்யு’’ந்தி (பாரா॰ 92) வுத்தங். தத்த² அட்³ட⁴த³ண்ட³கேனாதி த்³விஹத்த²ப்பமாணேன சே²ஜ்ஜாய வாதி ஹத்தா²தீ³னங் சே²த³னேன. சி²ந்த³ந்தி ஏதாய ஹத்த²பாதா³தீ³னீதி சே²ஜ்ஜா, ஸத்த²ங், தேன ஸத்தே²னாதிபி அத்தோ². நீஹரெய்யுந்தி ரட்ட²தோ நீஹரெய்யுங். ‘‘சோரோஸி…பே॰… தே²னோஸீ’’தி எத்த² பரிபா⁴ஸெய்யுந்தி பத³ங் அஜ்ஜா²ஹரித்வா அத்தோ² வேதி³தப்³போ³தி ஆஹ ‘‘சோரோஸி…பே॰… பரிபா⁴ஸெய்யு’’ந்தி. யங் தங் ப⁴ண்ட³ங் த³ஸ்ஸிதந்தி ஸம்ப³ந்தோ⁴.
93. யத்த² யத்த² டி²தந்தி பூ⁴மியாதீ³ஸு யத்த² யத்த² டி²தங். யதா² யதா² ஆதா³னங் க³ச்ச²தீதி யேன யேன ஆகாரேன க³ஹணங் உபக³ச்ச²தி.
பூ⁴மட்ட²கதா²வண்ணனா
94. வாசாய வாசாயாதி ஏகேகத்த²தீ³பிகாய வாசாய வாசாய. உபலத்³தோ⁴தி ஞாதோ. பாளியங் ஸேஸஅட்ட²கதா²ஸு ச குதா³லங் வா பிடகங் வாதி இத³மேவ த்³வயங் வத்வா வாஸிப²ரஸூனங் அவுத்தத்தா தேஸம்பி ஸங்கே²பட்ட²கதா²தீ³ஸு ஆக³தபா⁴வங் த³ஸ்ஸேதுங் ஸங்கே²பட்ட²கதா²யந்திஆதி³ வுத்தங். தெ²ய்யசித்தேன கதத்தா ‘‘து³க்கடேஹி ஸத்³தி⁴ங் பாசித்தியானீ’’தி வுத்தங்.
அட்ட²வித⁴ங் ஹேதந்திஆதீ³ஸு ஏதங் து³க்கடங் நாம தே²ரேஹி த⁴ம்மஸங்கா³ஹகேஹி இமஸ்மிங் டா²னே ஸமோதா⁴னெத்வா அட்ட²வித⁴ந்தி த³ஸ்ஸிதந்தி யோஜனா. ஸப்³பே³ஸம்பி து³க்கடானங் இமேஸுயேவ அட்ட²ஸு ஸங்க³ஹேதப்³ப³பா⁴வதோ பன இதரேஹி ஸத்தஹி து³க்கடேஹி வினிமுத்தங் வினயது³க்கடேயேவ ஸங்க³ஹேதப்³ப³ங். த³ஸவித⁴ங் ரதனந்தி ‘‘முத்தா மணி வேளுரியோ ஸங்கோ² ஸிலா பவாளங் ரஜதங் ஜாதரூபங் லோஹிதகோ மஸாரக³ல்ல’’ந்தி ஏவமாக³தங் த³ஸவித⁴ங் ரதனங்.
‘‘முத்தா மணி வேளுரியோ ச ஸங்கோ²,
ஸிலா பவாளங் ரஜதஞ்ச ஹேமங்;
லோஹிதகஞ்ச மஸாரக³ல்லங்,
த³ஸேதே தீ⁴ரோ ரதனானி ஜஞ்ஞா’’தி. –
ஹி வுத்தங். ஸத்தவித⁴ங் த⁴ஞ்ஞந்தி ஸாலி வீஹி யவோ கங்கு³ குத்³ரூஸங் வரகோ கோ³து⁴மோதி இமங் ஸத்தவித⁴ங் த⁴ஞ்ஞங். ஆவுத⁴ப⁴ண்டா³தி³ந்தி ஆதி³-ஸத்³தே³ன துரியப⁴ண்ட³இத்தி²ரூபாதி³ங் ஸங்க³ண்ஹாதி. அனாமஸிதப்³பே³ வத்து²ம்ஹி து³க்கடங் அனாமாஸது³க்கடங். து³ரூபசிண்ணது³க்கடந்தி ‘‘அகத்தப்³ப³’’ந்தி வாரிதஸ்ஸ கதத்தா து³ட்டு² வினயது³க்கடங். ஏகாத³ஸ ஸமனுபா⁴ஸனா நாம பி⁴க்கு²பாதிமொக்கே² சத்தாரோ யாவததியகா ஸங்கா⁴தி³ஸேஸா அரிட்ட²ஸிக்கா²பத³ந்தி பஞ்ச, பி⁴க்கு²னீபாதிமொக்கே² ஏகங் யாவததியகபாராஜிகங் சத்தாரோ ஸங்கா⁴தி³ஸேஸா சண்ட³காளீஸிக்கா²பத³ந்தி ச².
ஸஹபயோக³தோ பட்டா²ய செத்த² புரிமபுரிமா ஆபத்தியோ படிப்பஸ்ஸம்ப⁴ந்தீதி ஆஹ அத² து⁴ரனிக்கே²பங் அகத்வாதிஆதி³. ‘‘து⁴ரனிக்கே²பங் அகத்வா’’தி வுத்தத்தா து⁴ரனிக்கே²பங் கத்வா புன க²ணந்தஸ்ஸ புரிமாபத்தியோ ந படிப்பஸ்ஸம்ப⁴ந்தீதி வத³ந்தி. ‘‘சே²த³னபச்சயா து³க்கடங் தே³ஸெத்வா முச்சதீ’’தி
அபரத்³த⁴ங் விரத்³த⁴ங் க²லிதந்தி ஸப்³ப³மேதங் யஞ்ச து³க்கடந்தி எத்த² வுத்தஸ்ஸ து³க்கடஸ்ஸ பரியாயவசனங், யங் மனுஸ்ஸோ கரேதிஆதி³ பனெத்த² ஓபம்மனித³ஸ்ஸனங். ஸங்யோக³பா⁴வோதி த்³வித்தங் ஸந்தா⁴ய வுத்தங், தேன ரஸ்ஸத்தஸ்ஸாபி நிமித்தங் த³ஸ்ஸிதந்தி வேதி³தப்³ப³ங். ஏகஸ்ஸ மூலேதி ஏகஸ்ஸ ஸந்திகே. ஸப்³ப³த்தா²பி ஆமஸனே து³க்கடங், ப²ந்தா³பனே து²ல்லச்சயஞ்ச விஸுங் விஸுங் ஆமஸனப²ந்தா³பனபயோக³ங் கரொந்தஸ்ஸேவ ஹோதி, ஏகபயோகே³ன க³ண்ஹந்தஸ்ஸ பன உத்³தா⁴ரே பாராஜிகமேவ, ந து³க்கடது²ல்லச்சயானீதி வத³ந்தி, ஏகபயோகே³ன க³ண்ஹந்தஸ்ஸாபி ஆமஸனப²ந்தா³பனானம்பி லப்³ப⁴மானத்தா தங் ந க³ஹேதப்³ப³ங். ந ஹி ஸக்கா அனாமஸித்வா அப²ந்தா³பெத்வா ச கிஞ்சி க³ஹேதுங். ‘‘ஏகமேவ தே³ஸெத்வா முச்சதீ’’தி பங்ஸுக²ணனாதி³ஸமானபயோகே³பி புரிமா ஆபத்தி உத்தரமுத்தரங் ஆபத்திங் பத்வா படிப்பஸ்ஸம்ப⁴ந்தீதி ஸஞ்ஞாய குருந்த³ட்ட²கதா²யங் வுத்தங், இதரட்ட²கதா²ஸு பன க²ணனபயோக³பே⁴தே³ஹி பயோகே³ பயோகே³ ஆபன்னா ஆபத்தியோ உத்தரமுத்தரங் பத்வா ந படிப்பஸ்ஸம்ப⁴ந்தி அஞ்ஞமஞ்ஞங் ஸதி³ஸத்தா வியூஹனங் பத்வா தா ஸப்³பா³பி படிப்பஸ்ஸம்ப⁴ந்தி விஸதி³ஸபயோக³த்தாதி இமினா அதி⁴ப்பாயேன படிப்பஸ்ஸத்³தி⁴விதா⁴னங் வுத்தந்தி வேதி³தப்³ப³ங். இமினா ஹி அவஹாரகஸ்ஸ ஆஸன்னங் ஓரிமந்தங் பராமஸதி.
தத்தே²வாதி முக²வட்டியமேவ. பு³ந்தே³னாதி கும்பி⁴யா ஹெட்டி²மதலேன. ஏகட்டா²னே டி²தாய கும்பி⁴யா டா²னா சாவனங் ச²ஹி ஆகாரேஹி வேதி³தப்³ப³ந்தி ஸம்ப³ந்தோ⁴. ஏகட்டா²னேதி ச ஸங்க²லிகப³த்³த⁴பா⁴வேன ஏகஸ்மிங் பதிட்டி²தோகாஸட்டா²னேதி கா²ணுகங் கேஸக்³க³மத்தம்பி டா²னா சாவேதீதி கா²ணுகங் அத்தனோ பதிட்டி²தட்டா²னதோ பஞ்சஹி ஆகாரேஹி டா²னா சாவேதி. சி²ன்னமத்தே பாராஜிகந்தி அவஸ்ஸங் சே பததி, சி²ன்னமத்தே பாராஜிகங். பரிச்சே²தோ³தி பஞ்சமாஸகாதி³க³ருபா⁴வபரிச்சே²தோ³. அபப்³யூஹந்தோதி டி²தட்டா²னதோ அபனயனவஸேன வியூஹந்தோ ராஸிங் கரொந்தோ. ஏவங் கத்வாதி பா⁴ஜனமுக²வட்டியா கும்பி⁴க³தேன பா⁴ஜனக³தஸ்ஸ ஏகாப³த்³த⁴பா⁴வங் வியோஜெத்வாதி அத்தோ². உபட்³ட⁴கும்பீ⁴யந்தி உபட்³ட⁴புண்ணாய கும்பி⁴யா. வினயத⁴ம்மதாதி அதி⁴ககாரணாலாபே⁴ வினயவினிச்ச²யத⁴ம்மதாதி அதி⁴ப்பாயோ. ந கேவலஞ்செத்த² க³ருகதாவ, ஸுத்தானுக³மனம்பி அத்தீ²தி த³ஸ்ஸெந்தோ அபிசாதிஆதி³மாஹ. கண்டே²ன பன பரிச்சி²ன்னகாலேதி முக²க³தங் அஜ்ஜோ²ஹடகாலேதி அத்தோ². அஜ்ஜோ²ஹரணமேவ ஹெத்த² பரிச்சி²ந்த³னங், ந கண்ட²பித³ஹனங். சிக்கனந்தி த²த்³த⁴ங், ப³ஹலங் க⁴னந்தி அத்தோ².
யோபி தெ²ய்யசித்தேன பரஸ்ஸ கும்பி⁴யா பாத³க்³க⁴னகங் ஸப்பிங் வா தேலங் வா அவஸ்ஸங் பிவனகங் யங் கிஞ்சி து³கூலஸாடகங் வா சம்மக²ண்டா³தீ³னங் வா அஞ்ஞதரங் பக்கி²பதி, ஹத்த²தோ முத்தமத்தே பாராஜிகந்தி எத்த² அவஹாரோ வீமங்ஸிதப்³போ³. யதி³ ச து³கூலாதீ³ஸு ஸப்பிதேலானங் பவிஸனங் ஸந்தா⁴ய பாராஜிகங் ப⁴வெய்ய, தத்த² பவிட்ட²தேலாதி³னோ கும்பி⁴க³தேன ஏகாப³த்³த⁴தாய ந தாவ அவஹாரோ பா⁴ஜனந்தரங் பவேஸெத்வா க³ஹணகாலே விய. ததா² ஹி வுத்தங் – ‘‘பா⁴ஜனங் பன நிமுஜ்ஜாபெத்வா க³ண்ஹந்தஸ்ஸ யாவ ஏகாப³த்³த⁴ங் ஹோதி, தாவ ரக்க²தீ’’திஆதி³. அத² தேலாதி³வினாஸேன பாராஜிகங் ப⁴வெய்ய, ததா³பி திணஜ்ஜா²பனாதீ³ஸு விய அவஹாரோ நத்தி², து³க்கடேன ஸத்³தி⁴ங் ப⁴ண்ட³தெ³ய்யமேவ ஹோதி, ததா² ச பாத³க்³க⁴னகங் தேலாதி³ங் பீதங் து³கூலாதி³ங் உத்³த⁴ரந்தஸ்ஸாபி பாராஜிகங் ந ஸியா தத்த² பவிட்ட²ஸ்ஸ தேலாதி³னோ வினட்ட²ட்டே²ன க³ஹணக்க²ணே அவிஜ்ஜமானத்தா, விஜ்ஜமானத்தேன ச உத்³தா⁴ரேயேவ பாராஜிகங் வத்தப்³ப³ங், ந ஹத்த²தோ முத்தமத்தேதி.
பலிபு³ஜ்ஜி²ஸ்ஸதீதி நிவாரெஸ்ஸதி. வுத்தனயேன பாராஜிகந்தி ஹத்த²தோ முத்தமத்தேயேவ பாராஜிகங். நேவ அவஹாரோ, ந கீ³வாதி அத்தனோ பா⁴ஜனத்தா ப³ஹிக³தங் நாம ஹோதீதி ததோ பட்டா²ய தேலஸ்ஸ அட்டா²னதோ அதோ⁴முக²பா⁴வதோ ச ப³ஹிக³தங் நாம ஹோதி. அந்தோ பட்டா²ய சி²த்³தே³ கரியமானே தேலஸ்ஸ நிக்க²மித்வா க³தக³தட்டா²னங் பா⁴ஜனஸங்க்²யமேவ க³ச்ச²தீதி ஆஹ ‘‘பா³ஹிரந்ததோ பாத³க்³க⁴னகே க³ளிதே பாராஜிக’’ந்தி. யதா² ததா² வா கதஸ்ஸாதி பா³ஹிரந்ததோ வா அப்³ப⁴ந்தரந்ததோ வா பட்டா²ய கதஸ்ஸ. மஜ்ஜே² ட²பெத்வா கதசி²த்³தே³தி மஜ்ஜே² தோ²கங் கபாலங் ட²பெத்வா பச்சா² தங் சி²ந்த³ந்தேன கதசி²த்³தே³.
பத்தீ²னஸ்ஸ கா²த³னங் இதரஸ்ஸ பானஞ்ச ஸப்பிஆதீ³னங் பரிபோ⁴கோ³தி ஆஹ ‘‘அகா²தி³தப்³ப³ங் வா அபாதப்³ப³ங் வா கரோதீ’’தி. கஸ்மா பனெத்த² து³க்கடங் வுத்தந்தி ஆஹ ‘‘டா²னாசாவனஸ்ஸ நத்தி²தாய து³க்கட’’ந்தி. புரிமத்³வயந்தி பே⁴த³னங் ச²ட்³ட³னஞ்ச. கும்பி⁴ஜஜ்ஜரகரணேனாதி புண்ணகும்பி⁴யா ஜஜ்ஜரகரணேன. மாதிகாஉஜுகரணேனாதி உத³கபுண்ணாய மாதிகாய உஜுகரணேன. ஏகலக்க²ணந்தி பே⁴த³னங் கும்பி⁴யா ஜஜ்ஜரகரணேன, ச²ட்³ட³னங் மாதிகாய உஜுகரணேன ச ஸத்³தி⁴ங் ஏகஸபா⁴வங். பச்சி²மங் பன த்³வயந்தி ஜா²பனங் அபரிபோ⁴க³கரணஞ்ச. எத்த² ஏவங் வினிச்ச²யங் வத³ந்தீதி ஏதஸ்மிங் மஹாஅட்ட²கதா²யங் வுத்தே அத்தே² ஏகே ஆசரியா ஏவங் வினிச்ச²யங் வத³ந்தி. பச்சி²மத்³வயங் ஸந்தா⁴ய வுத்தந்தி எத்த² புரிமபத³த்³வயே வினிச்ச²யோ ஹெட்டா² வுத்தானுஸாரேன ஸக்கா விஞ்ஞாதுந்தி தத்த² கிஞ்சி அவத்வா பச்சி²மபத³த்³வயங் ஸந்தா⁴ய ‘‘டா²னாசாவனஸ்ஸ நத்தி²தாய து³க்கட’’ந்தி இத³ங் வுத்தந்தி அதி⁴ப்பாயோ தெ²ய்யசித்தேனாதி அத்தனோ வா பரஸ்ஸ வா காதுகாமதாவஸேன உப்பன்னதெ²ய்யசித்தேன. வினாஸேதுகாமதாயாதி ஹத்த²பாதா³தீ³னி சி²ந்த³ந்தோ விய கேவலங் வினாஸேதுகாமதாய. வுத்தனயேன பி⁴ந்த³ந்தஸ்ஸ வா ச²ட்³டெ³ந்தஸ்ஸ வாதி முக்³க³ரேன போதெ²த்வா பி⁴ந்த³ந்தஸ்ஸ வா உத³கங் வா வாலிகங் வா ஆகிரித்வா உத்தராபெந்தஸ்ஸ வாதி அத்தோ². அயுத்தந்தி சேதி பாளியங் புரிமத்³வயேபி து³க்கடஸ்ஸேவ வுத்தத்தா ‘‘புரிமத்³வயே பாராஜிக’’ந்தி இத³ங் அயுத்தந்தி யதி³ தும்ஹாகங் ஸியாதி அத்தோ². நாதி அயுத்தபா⁴வங் நிஸேதெ⁴த்வா தத்த² காரணமாஹ ‘‘அஞ்ஞதா² க³ஹேதப்³ப³த்த²தோ’’தி.
ஏவமேகே வத³ந்தீதி ஹெட்டா² வுத்தஸ்ஸ அத்த²னயஸ்ஸ அத்தனா அனபி⁴மதபா⁴வங் த³ஸ்ஸெத்வா ஸயங் அஞ்ஞதா²பி பாளிங் அட்ட²கத²ஞ்ச ஸங்ஸந்தி³த்வா அத்த²ங் த³ஸ்ஸேதுகாமோ அயங் பனெத்த² ஸாரோதிஆதி³மாஹ. அசாவேதுகாமோவாதி தெ²ய்யசித்தேன டா²னா அசாவேதுகாமோவ. அச²ட்³டே³துகாமோயேவாதி எத்தா²பி தெ²ய்யசித்தேனாதி ஸம்ப³ந்தி⁴தப்³ப³ங். இத³ஞ்ஹி தெ²ய்யசித்தபக்க²ங் ஸந்தா⁴ய வுத்தங் நாஸேதுகாமதாபக்க²ஸ்ஸ வக்க²மானத்தா. தேனேவாஹ நாஸேதுகாமதாபக்கே² பனாதிஆதி³. இதரதா²பி யுஜ்ஜதீதி தெ²ய்யசித்தாபா⁴வா டா²னா சாவேதுகாமஸ்ஸாபி து³க்கடங் யுஜ்ஜதீதி வுத்தங் ஹோதி.
பூ⁴மட்ட²கதா²வண்ணனானயோ நிட்டி²தோ.
ஆகாஸட்ட²கதா²வண்ணனா
96. ஆகாஸட்ட²கதா²யங் அந்தோவத்து²ம்ஹீதி பரிக்கி²த்தஸ்ஸ வத்து²ஸ்ஸ அந்தோ. அந்தோகா³மேதி பரிக்கி²த்தஸ்ஸ கா³மஸ்ஸ அந்தோ. அபரிக்கி²த்தே பன வத்து²ம்ஹி கா³மே வா டி²தட்டா²னமேவ டா²னங். அடவிமுக²ங் கரோதி…பே॰… ரக்க²தீதி தேன பயோகே³ன தஸ்ஸ இச்சி²தட்டா²னங் ஆக³தத்தா ரக்க²தி. கா³மதோ நிக்க²ந்தஸ்ஸாதி பரிக்கி²த்தகா³மதோ நிக்க²ந்தஸ்ஸ. கபிஞ்ஜரோ நாம அஞ்ஞமஞ்ஞங் யுஜ்ஜா²பனத்தா²ய பா³லஜனேஹி போஸாவனியபக்கி²ஜாதி.
வேஹாஸட்ட²கதா²வண்ணனா
97. வேஹாஸட்ட²கதா²யங் சி²ன்னமத்தே முத்தமத்தேதி யதா² சி²ன்னங் முத்தஞ்ச பகதிட்டா²னே ந திட்ட²தி, ததா² சே²த³னங் மோசனஞ்ச ஸந்தா⁴ய வுத்தங்.
உத³கட்ட²கதா²வண்ணனா
98. உத³கட்ட²கதா²யங் அனாபத்தீதி ஹத்த²வாரபத³வாரேஸு து³க்கடாபத்தியா அபா⁴வங் ஸந்தா⁴ய வுத்தங். கட்³ட⁴தீதி ஹெட்ட²தோ ஓஸாரேதி. ஸகலமுத³கந்தி த³ண்டே³ன பு²ட்டோ²காஸக³தங் ஸகலமுத³கங். ந உத³கங் டா²னந்தி அத்தனா கதட்டா²னஸ்ஸ அட்டா²னத்தா. பது³மினியந்தி பது³மக³ச்சே². கலாபப³ந்த⁴ந்தி ஹத்த²கவஸேன கு²த்³த³கங் கத்வா ப³த்³த⁴ங் கலாபப³த்³த⁴ங். பா⁴ரப³த்³த⁴ங் நாம ஸீஸபா⁴ராதி³வஸேன ப³த்³த⁴ங். முளாலந்தி கந்த³ங். பத்தங் வா புப்ப²ங் வாதி இத³ங் கத்³த³மஸ்ஸ அந்தோ நித்³த⁴மனதும்ப³ந்தி வாபியா உத³கஸ்ஸ நிக்க²மனநாளங். உத³கவாஹகந்தி மஹாமாதிகங். அவஹாரேன ஸோ ந காரேதப்³போ³தி இமினா பாணங் ஜீவிதா வோரோபனே ஆபத்தியா ஸப்³ப³த்த² ந முச்சதீதி தீ³பேதி. மாதிகங் ஆரோபெத்வாதி கு²த்³த³கமாதிகங் ஆரோபெத்வா. மரித்வா…பே॰… திட்ட²ந்தீதி எத்த² மதமச்சா²னங்யேவ தேஸங் ஸந்தகத்தா அமதே க³ண்ஹந்தஸ்ஸ நத்தி² அவஹாரோ.
நாவட்ட²கதா²வண்ணனா
99. நாவட்ட²கதா²யங் து²ல்லச்சயம்பி பாராஜிகம்பி ஹோதீதி எத்த² பட²மங் டா²னா அசாவெத்வா முத்தே து²ல்லச்சயங், பட²மங் பன டா²னா சாவெத்வா முத்தே பாராஜிகந்தி வேதி³தப்³ப³ங். பாஸே ப³த்³த⁴ஸூகரோ வியாதிஆதி³னா வுத்தங் ஸந்தா⁴யாஹ ‘‘தத்த² யுத்தி புப்³பே³ வுத்தாஏவா’’தி. விபன்னட்ட²னாவாதி விஸமவாதேஹி தே³ஸந்தரங் பலாதா, பி⁴ஜ்ஜித்வா வா வினாஸங் பத்வா உத³கே நிமுஜ்ஜித்வா ஹெட்டா² பூ⁴மிதலங் அப்பத்வா ஸாமிகேஹி ச அபரிச்சத்தாலயா வுச்சதி. ப³லவா ச வாதோ ஆக³ம்மாதி இமினா அஸதி வாதே அயங் பயோகோ³ கதோதி த³ஸ்ஸேதி. புக்³க³லஸ்ஸ நத்தி² அவஹாரோதி ஸுக்க²மாதிகாயங் உஜுகரணனயேன வுத்தங். தங் அத்தனோ பாதே³ன அனக்கமித்வா ஹத்தே²ன ச அனுக்கி²பித்வா அஞ்ஞஸ்மிங் த³ண்டா³தீ³ஸு ப³ந்தி⁴த்வா ட²பிதே யுஜ்ஜதி, அத்தனோ பாதே³ன அக்கமித்வா ஹத்தே²ன ச உக்கி²பித்வா டி²தஸ்ஸ பன ப³லவவாதேன ச²த்தசீவராதீ³ஸு பஹடேஸு பகதிங் விஜஹித்வா த³ள்ஹதரங் அக்கமனக³ஹணாதி³பயோகோ³ அபி⁴னவோ காதப்³போ³ ஸியா. இதரதா² ச²த்தசீவராதீ³னி வா விக³ச்ச²ந்தி, அவஹாரகோ வா ஸயங் பதிஸ்ஸதி, நாவா ச ததா³ ந க³மிஸ்ஸதி. தஸ்மா ஈதி³ஸே அபி⁴னவப்பயோகே³ ஸதி அவஹாரேன ப⁴விதப்³ப³ங். ஸுக்க²மாதிகாயங் உஜுகதாய உத³காக³மனகாலே காதப்³ப³கிச்சங் நத்தீ²தி தங் இத⁴ நித³ஸ்ஸனங் ந ஹோதி. தா³ஸங் பன பகதியா பலாயந்தங் ‘‘ஸீக⁴ங் யாஹீ’’தி வத்வா பகதிக³மனதோ துரிதக³மனுப்பாத³னாதி³னா இத⁴ நித³ஸ்ஸனேன ப⁴விதப்³ப³ந்தி அம்ஹாகங் க²ந்தி
யானட்ட²கதா²வண்ணனா
100. யானட்ட²கதா²யங் உபோ⁴ஸு பஸ்ஸேஸூதி சதுன்னங் த²ம்பா⁴னங் உபரி சதுரஸ்ஸங் தா³ருஸங்கா⁴டங் ஆரோபெத்வா தஸ்ஸ வாமத³க்கி²ணபஸ்ஸேஸு உபோ⁴ஸு வாதாதபாதி³பரிஸ்ஸயவினோத³னத்த²ங் க³ருளபக்கி²னோ உபோ⁴ பக்கா² விய கதா ஸந்த³மானிகா. து³கயுத்தஸ்ஸாதி த்³வீஹி கோ³ணேஹி யுத்தஸ்ஸ. அயுத்தகந்தி கோ³ணேஹி அயுத்தங். கப்பகதாதி த்³வின்னங் ஸிகா²னங் ஸந்தி⁴ட்டா²னே கோ³ஸிங்கா³னி விய த்³வே கோடியோ ட²பெத்வா உபத்த²ம்ப⁴னீ கப்பகதா நாம, ஸா த்³வீஹிபி கோடீஹி பூ⁴மியங் பதிட்டா²தி, தேனாஹ ‘‘ச² டா²னானீ’’தி. தீணி வா சத்தாரி வா டா²னானீதி அகப்பகதாய உபத்த²ம்ப⁴னியா ச த்³வின்னங் சக்கானஞ்ச வஸேன தீணி டா²னானி, கப்பகதாய வஸேன சத்தாரி டா²னானி, ததா² பத²வியங் ட²பிதஸ்ஸ தீணி டா²னானீதி ஸம்ப³ந்தோ⁴. அக்க²ஸீஸேஹீதி அக்க²தா³ருனோ த்³வீஹி கோடீஹி. அக்கு²த்³தீ⁴ஹீதி அக்க²தா³ருனா ஸம்படிச்ச²கா ஹெட்டி²மபா⁴கே³ கப்பகதா த்³வே தா³ருக²ண்டா³ அக்கு²த்³தி⁴யோ நாம, தாஸங் கப்பகதானங் த்³வின்னங் கப்பஸீஸானி சத்தாரி இத⁴ ‘‘அக்கு²த்³தி⁴யோ’’தி வுச்சந்தி, தேனாஹ ‘‘சதூஹி ச அக்கு²த்³தீ⁴ஹீ’’தி. தாஹி பதிட்டி²தாஹி பதிட்டி²தட்டா²னானி சத்தாரி து⁴ரேன பதிட்டி²தட்டா²னங் ஏகந்தி பஞ்ச டா²னானி ஹொந்தி. உத்³தி⁴யோவ ‘‘உத்³தி⁴கா²ணுகா’’தி வுத்தா, உத்³தி⁴கா²ணுகானங் அபா⁴வே அக்க²ஸீஸானங் பதிட்டா²னோகாஸங் த³ஸ்ஸெந்தோ ஆஹ ஸமமேவ பா³ஹங் கத்வாதிஆதி³. தத்த² ஸமமேவாதி உத்³தி⁴யோ ஹெட்டா² அனோலம்பெ³த்வா பா³ஹுனோ ஹெட்டி²மபா⁴க³ங் ஸமங் கத்வா த்³வின்னங் பா³ஹுதா³ரூனங் மஜ்ஜே² அக்க²ஸீஸப்பமாணேன சி²த்³த³ங் கத்வா தத்த² அக்க²ஸீஸானி பவேஸிதானி ஹொந்தி, தேன பா³ஹானங் ஹெட்டா²பா⁴க³ங் ஸப்³ப³ங் பூ⁴மிங் பு²ஸித்வா திட்ட²தி, தேனாஹ ‘‘ஸப்³ப³ங் பத²விங் பு²ஸித்வா திட்ட²தீ’’தி. ஸேஸங் நாவாயங் வுத்தஸதி³ஸந்தி இமினா யதி³ பன தங் ஏவங் க³ச்ச²ந்தங் பகதிக³மனங் பச்சி²ந்தி³த்வா அஞ்ஞங் தி³ஸாபா⁴க³ங் நேதி, பாராஜிகங். ஸயமேவ யங் கிஞ்சி டா²னங் ஸம்பத்தங் டா²னா அசாலெந்தோவ விக்கிணித்வா க³ச்ச²தி, நேவத்தி² அவஹாரோ, ப⁴ண்ட³தெ³ய்யங் பன ஹோதீதி இமங் நயங் அதிதி³ஸதி.
பா⁴ரட்ட²கதா²வண்ணனா
101. பா⁴ரட்ட²கதா²யங் பா⁴ரட்ட²ந்தி மாதிகாபத³ஸ்ஸ பா⁴ரோ நாமாதி இத³ங் அத்த²த³ஸ்ஸனந்தி ஆஹ ‘‘பா⁴ரோயேவ பா⁴ரட்ட²’’ந்தி. புரிமக³லேதி க³லஸ்ஸ புரிமபா⁴கே³. க³லவாடகோதி கீ³வாய உபரிமக³லவாடகோ. உரபரிச்சே²த³மஜ்ஜே²தி ஸாமிகேஹி அனாணத்தோதி இத³ங் யதி³ க⁴ங்ஸந்தோதி ஸீஸதோ அனுக்கி²பந்தோ, யதி³ உக்கி²பெய்ய, உக்கி²த்தமத்தே பாராஜிகங், தேனாஹ ஸீஸதோ கேஸக்³க³மத்தம்பீதிஆதி³. யோ சாயந்தி யோ அயங் வினிச்ச²யோ.
ஆராமட்ட²கதா²வண்ணனா
102. ஆராமட்ட²கதா²யங் ஆராமங் அபி⁴யுஞ்ஜதீதி இத³ங் அபி⁴யோக³கரணங் பரேஸங் பூ⁴மட்ட²ப⁴ண்டா³தீ³ஸுபி காதுங் வட்டதியேவ. ஆராமாதி³தா²வரேஸு பன யேபு⁴ய்யேன அபி⁴யோக³வஸேனேவ க³ஹணஸம்ப⁴வதோ எத்தே²வ பாளியங் அபி⁴யோகோ³ வுத்தோ, இதி இமினா நயேன ஸப்³ப³த்தா²பி ஸக்கா ஞாதுந்தி க³ஹேதப்³ப³ங். அதி³ன்னாதா³னஸ்ஸ பயோக³த்தாதி ஸஹபயோக³மாஹ. வத்து²ம்ஹியேவ கதபயோக³த்தா ஸஹபயோக³வஸேன ஹேதங் து³க்கடங். ஸயம்பீதி அபி⁴யுஞ்ஜகோபி. ‘‘கிங் கரோமி கிங் கரோமீ’’தி ஏவங் கிங்காரமேவ படிஸ்ஸுணந்தோ விய சரதீதி கிங்காரபடிஸ்ஸாவீ, தஸ்ஸ பா⁴வோ கிங்காரபடிஸ்ஸாவிபா⁴வோ, தஸ்மிங், அத்தனோ வஸவத்திபா⁴வேதி வுத்தங் ஹோதி. உக்கோசந்தி லஞ்ஜங். ஸப்³பே³ஸங் பாராஜிகந்தி கூடவினிச்ச²யிகாதீ³னங். அயங் வத்து²ஸாமீதிஆதி³கஸ்ஸ உபி⁴ன்னங் து⁴ரனிக்கே²பகரணஹேதுனோ பயோக³ஸ்ஸ கரணக்க²ணேவ பாராஜிகங் ஹோதீதி வேதி³தப்³ப³ங். ஸசே பன ஸாமிகஸ்ஸ விமதி ச து⁴ரனிக்கே²போ ச கமேன உப்பஜ்ஜந்தி, பயோக³ஸமுட்டா²பகசித்தக்க²ணே பாராஜிகமேவ ஹோதி, ந து²ல்லச்சயங். யதி³ விமதியேவ உப்பஜ்ஜதி, ததா³ து²ல்லச்சயமேவாதி வேதி³தப்³ப³ங், அயங் நயோ ஸப்³ப³த்த² யதா²னுரூபங் க³ஹேதப்³போ³. து⁴ரனிக்கே²பவஸேனேவ பராஜயோதி ஸாமிகோ ‘‘அஹங் ந முச்சாமீ’’தி து⁴ரங் அனிக்கி²பந்தோ அட்டோ பராஜிதோ நாம ந ஹோதீதி த³ஸ்ஸேதி.
விஹாரட்ட²கதா²வண்ணனா
103. விஹாரட்ட²கதா²யங் விஹாரந்தி உபசாரஸீமாஸங்கா²தங் ஸகலங் விஹாரங். பரிவேணந்தி தஸ்ஸ விஹாரஸ்ஸ அப்³ப⁴ந்தரே விஸுங் விஸுங் பாகாராதி³பரிச்சி²ன்னட்டா²னங். ஆவாஸந்தி ஏகங் ஆவஸத²மத்தங். க³ணஸந்தகே பரிச்சி²ன்னஸாமிகத்தா ஸக்கா து⁴ரங் நிக்கி²பாபேதுந்தி ஆஹ ‘‘தீ³க⁴பா⁴ணகாதி³பே⁴த³ஸ்ஸ பன க³ணஸ்ஸா’’தி. இதா⁴பி ஸசே ஏகோபி து⁴ரங் ந நிக்கி²பதி, ரக்க²தியேவ. ஏஸ நயோ ப³ஹூனங் ஸந்தகே ஸப்³ப³த்த².
கெ²த்தட்ட²கதா²வண்ணனா
104. கெ²த்தட்ட²கதா²யங் நிரும்பி⁴த்வா வாதிஆதீ³ஸு க³ண்ஹந்தஸ்ஸாதி பச்சேகங் யோஜேதப்³ப³ங், தத்த² நிரும்பி⁴த்வா க³ஹணங் நாம வீஹிஸீஸங் அச்சி²ந்தி³த்வா யதா²டி²தமேவ ஹத்தே²ன க³ஹெத்வா ஆகட்³டி⁴த்வா பீ³ஜமத்தஸ்ஸேவ க³ஹணங். ஏகமேகந்தி ஏகங் வீஹிஸீஸங். யஸ்மிங் பீ³ஜே வாதிஆதி³ நிரும்பி⁴த்வா க³ஹணாதீ³ஸு யதா²க்கமங் யோஜேதப்³ப³ங். ‘‘தஸ்மிங் ப³ந்த⁴னா மோசிதமத்தே’’தி வசனதோ தஸ்மிங் பீ³ஜாதி³ம்ஹி ப³ந்த⁴னா முத்தே ஸதி ததோ அனபனீதேபி டா²னந்தரஸ்ஸ அபா⁴வா பாராஜிகமேவ. யஸ்ஸ பன ஸீஸாதி³கஸ்ஸ ஸந்தராதி³னா ஸஹ ஸங்ஸிப்³ப³னங் வா ஏகாப³த்³த⁴தா வா ஹோதி, தஸ்ஸ ப³ந்த⁴னா மோசிதே து²ல்லச்சயங், இதரட்டா²னதோ மோசிதே பாராஜிகந்தி க³ஹேதப்³ப³ங், தேனாஹ வீஹினாளந்திஆதி³. ஸபு⁴ஸந்தி பலாலஸஹிதங். கீ²லேனாதி கா²ணுகேன. எத்த² ச கீ²லஸங்கமனாதீ³ஸு ஸஹபயோகோ³ து⁴ரனிக்கே²போ சாதி உப⁴யங் ஸம்ப⁴வதி. கீ²லஸங்கமனாதி³ எத்த² ஸஹபயோகோ³. தஸ்மிஞ்ச கதே யதி³ ஸாமிகா து⁴ரங் ந நிக்கி²பந்தி புன க³ண்ஹிதுகாமாவ ஹொந்தி, ந தாவ அவஹாரோ, ‘‘கீ²லங் ஸங்காமெத்வா கெ²த்தாதி³ங் அஸுகோ ராஜவல்லபோ⁴ பி⁴க்கு² க³ண்ஹிதுகாமோ’’தி ஞத்வா தஸ்ஸ ப³லங் கக்க²ளாதி³பா⁴வஞ்ச நிஸ்ஸாய கீ²லஸங்கமனாதி³கிரியானிட்டா²னதோ பட²மமேவ ஸாமிகா து⁴ரங் நிக்கி²பந்தி, ந அவஹாரோ ஏதஸ்ஸ பயோக³னிட்டா²னதோ புரேதரமேவ து⁴ரஸ்ஸ நிக்கி²த்தத்தா. யதா³ பன கீ²லஸங்கமனாதி³பயோகே³னேவ து⁴ரனிக்கே²போ ஹோதி, ததா³யேவ அவஹாரோ, தேனேவெத்த² ‘‘தஞ்ச கோ² ஸாமிகானங் து⁴ரனிக்கே²பேனா’’தி வுத்தங். கீ²லாதீ³னங் ஸங்கமிதபா⁴வங் அஜானித்வா ஸாமிகானங் ஸம்படிச்ச²னம்பெத்த² து⁴ரனிக்கே²போதி வேதி³தப்³போ³. ஏவங் ஸப்³ப³த்தா²தி யதா²வுத்தமத்த²ங் ரஜ்ஜுஸங்கமனாதீ³ஸுபி அதிதி³ஸதி. யட்டி²ந்தி மானத³ண்ட³ங். ஏகஸ்மிங் அனாக³தே து²ல்லச்சயங், தஸ்மிங் ஆக³தே பாராஜிகந்தி
வத்து²ட்ட²கதா²வண்ணனா
105. வத்து²ட்ட²கதா²யங் திண்ணங் பாகாரானந்தி இட்ட²கஸிலாதா³ரூனங் வஸேன திண்ணங் பாகாரானங்.
106. கா³மட்ட²கதா²யங் பாளியங் ந வுத்தங் ஸப்³ப³ஸோ கா³மலக்க²ணஸ்ஸ புப்³பே³ வுத்தத்தா.
அரஞ்ஞட்ட²கதா²வண்ணனா
107. அரஞ்ஞட்ட²கதா²யங் வினிவிஜ்ஜி²த்வாதி உஜுகமேவ வினிவிஜ்ஜி²த்வா. லக்க²ணச்சி²ன்னஸ்ஸாதி அரஞ்ஞஸாமிகானங் ஹத்த²தோ கிணித்வா க³ண்ஹந்தேஹி கதஅக்க²ராதி³ஸஞ்ஞாணஸ்ஸ. ச²ல்லியா பரியோனத்³த⁴ந்தி இமினா ஸாமிகானங் நிராபெக்க²தாய சிரச²ட்³டி³தபா⁴வங் தீ³பேதி, தேனாஹ ‘‘க³ஹேதுங் வட்டதீ’’தி. யதி³ ஸாமிகானங் ஸாபெக்க²தா அத்தி², ந வட்டதி. தானி கதானி அஜ்ஜா²வுத்தா²னி ச ஹொந்தீதி தானி கே³ஹாதீ³னி கதானி பரினிட்டி²தானி மனுஸ்ஸேஹி ச அஜ்ஜா²வுத்தா²னி ச ஹொந்தி. தா³ரூனீதி கே³ஹாதீ³னங் கதத்தா அவஸிட்ட²தா³ரூனி. க³ஹேதுங் வட்டதீதி ஸாமிகானங் அனாலயத்தா வுத்தங், தே ச யதி³ க³ஹணகாலே தி³ஸ்வா ஸாலயா ஹுத்வா வாரெந்தி, க³ஹேதுங் ந வட்டதியேவ. ‘‘தே³ஹீ’’தி வுத்தே தா³தப்³ப³மேவாதி ‘‘தே³ஹீ’’தி வுத்தே ‘‘த³ஸ்ஸாமீ’’தி ஆபோ⁴க³ங் கத்வா க³ச்ச²ந்தஸ்ஸ ‘‘தே³ஹீ’’தி அவுத்தே அத³த்வா க³மனே ஆபத்தி நத்தி². பச்சா²பி தேஹி சோதி³தே தா³தப்³ப³மேவ.
அதி³ஸ்வா க³ச்ச²தி, ப⁴ண்ட³தெ³ய்யந்தி ஸுத்³த⁴சித்தேன க³தஸ்ஸ ப⁴ண்ட³தெ³ய்யங். ஆரக்க²ட்டா²னம்பி ஸுத்³த⁴சித்தேன அதிக்கமித்வா தெ²ய்யசித்தே உப்பன்னேபி அவஹாரோ நத்தி² இத³ங் பன தெ²ய்யசித்தேன பரிஹரந்தஸ்ஸாதி யஸ்மிங் பதே³ஸே அதிக்கந்தே தேஸங் அரஞ்ஞங் ஆரக்க²ட்டா²னஞ்ச அதிக்கந்தோ நாம ஹோதி, தங் பதே³ஸங் ஆகாஸேனாபி அதிக்கமனவஸேன க³ச்ச²ந்தஸ்ஸாபீதி அத்தோ².
உத³ககதா²வண்ணனா
108. உத³ககதா²யங் மஹாகுச்சி²கா உத³கசாடி உத³கமணிகோ, ‘‘ஸமேக²லா சாடி உத³கமணிகோ’’திபி வத³ந்தி. தத்தா²தி தேஸு பா⁴ஜனேஸு. பூ⁴தகா³மேன ஸத்³தி⁴ம்பீதி பி-ஸத்³தே³ன அகப்பியபத²விம்பி ஸங்க³ண்ஹாதி. தளாகரக்க²ணத்தா²யாதி ‘‘மஹோத³கங் ஆக³ந்த்வா தளாகமரியாத³ங் மா சி²ந்தீ³’’தி தளாகரக்க²ணத்த²ங். நிப்³ப³ஹனஉத³கந்தி எத்த² தளாகஸ்ஸ ஏகேன உன்னதேன பஸ்ஸேன அதி⁴கஜலங் நிப்³ப³ஹதி நிக³ச்ச²தி ஏதேனாதி ‘‘நிப்³ப³ஹன’’ந்தி அதி⁴கஜலனிக்க²மனமாதிகா நித்³த⁴மனதும்ப³ந்தி ஸஸ்ஸாதீ³னங் அத்தா²ய இட்ட²காதீ³ஹி கதங் உத³கனிக்க²மனபனாளி. மரியாத³ங் து³ப்³ப³லங் கத்வாதி எத்த² து³ப்³ப³லங் அகத்வாபி யதா²வுத்தப்பயோகே³ கதே மரியாத³ங் சி²ந்தி³த்வா நிக்க²ந்தஉத³கக்³கா⁴னுரூபேன அவஹாரேன கத்தப்³ப³மேவ. யத்தகங் தப்பச்சயா ஸஸ்ஸங் உப்பஜ்ஜதீதி பீ³ஜகஸிகம்மாதி³ப்³ப³யங் ட²பெத்வா யங் அதி⁴கலாப⁴ங் உப்பஜ்ஜதி, தங் ஸந்தா⁴ய வுத்தங். ந ஹி தேஹி காதப்³ப³ங் வயகரணம்பி ஏதஸ்ஸ தா³தப்³ப³ங். இத³ஞ்ச தருணஸஸ்ஸே ஜாதே உத³கங் வினாஸெந்தஸ்ஸ யுஜ்ஜதி, ஸஸ்ஸே பன ஸப்³ப³தா² அகதேயேவ உத³கங் வினாஸெந்தேன ச உத³கக்³க⁴மேவ தா³தப்³ப³ங், ந தப்பச்சயா ஸகலங் ஸஸ்ஸங் தேன வினாஸிதப⁴ண்ட³ஸ்ஸேவ ப⁴ண்ட³தெ³ய்யத்தா, இதரதா² வாணிஜ்ஜாதி³அத்தா²ய பரேஹி ட²பிதப⁴ண்ட³ங் அவஹரந்தஸ்ஸ தது³ப⁴யம்பி க³ஹெத்வா ப⁴ண்ட³க்³க⁴ங் காதப்³ப³ங் ஸியா, தஞ்ச ந யுத்தந்தி அம்ஹாகங் க²ந்தி. ஸாமிகானங் து⁴ரனிக்கே²பேனாதி எத்த² ஏகஸ்ஸ ஸந்தகே தளாகே கெ²த்தே ச ஜாதே தஸ்ஸேவ து⁴ரனிக்கே²பேன பாராஜிகங், யதி³ பன தங் தளாகங் ஸப்³ப³ஸாதா⁴ரணங், கெ²த்தானி பாடிபுக்³க³லிகானி, தஸ்ஸ தஸ்ஸ புக்³க³லஸ்ஸேவ து⁴ரனிக்கே²பே அவஹாரோ, அத² கெ²த்தானிபி ஸப்³ப³ஸாதா⁴ரணானி, ஸப்³பே³ஸங் து⁴ரனிக்கே²பேயேவ பாராஜிகங், நாஸதீதி த³ட்ட²ப்³ப³ங்.
அனிக்³க³தேதி அனிக்க²ந்தே, தளாகேயேவ டி²தேதி அத்தோ². பரேஸங் மாதிகாமுக²ந்தி கு²த்³த³கமாதிகாமுக²ங். அஸம்பத்தேவாதி தளாகதோ நிக்க²மித்வா மஹாமாதிகாயங் ஏவ டி²தே. அனிக்க²ந்தே ப³த்³தா⁴ ஸுப³த்³தா⁴தி தளாகதோ அனிக்க²ந்தே ப⁴ண்ட³தெ³ய்யம்பி ந ஹோதி ஸப்³ப³ஸாதா⁴ரணத்தா உத³கஸ்ஸாதி நத்தி² அவஹாரோதி எத்த² ‘‘அவஹாரோ நத்தி², ப⁴ண்ட³தெ³ய்யங் பன ஹோதீ’’தி கேசி வத³ந்தி, தங் ந யுத்தங். வத்து²ங்…பே॰… ந ஸமேதீதி எத்த² தளாகக³தஉத³கஸ்ஸ ஸப்³ப³ஸாதா⁴ரணத்தா பரஸந்தகவத்து² ந ஹோதீதி அதி⁴ப்பாயோ.
த³ந்தபோனகதா²வண்ணனா
109. த³ந்தகட்ட²கதா²யங் ததோ பட்டா²ய அவஹாரோ நத்தீ²தி ‘‘யதா²ஸுக²ங் பி⁴க்கு²ஸங்கோ⁴ பரிபு⁴ஞ்ஜதூ’’தி அபா⁴ஜெத்வாவ யாவதி³ச்ச²கங் க³ஹணத்த²மேவ ட²பிதத்தா அரக்கி²தத்தா ஸப்³ப³ஸாதா⁴ரணத்தா ச அஞ்ஞங் ஸங்கி⁴கங் விய ந ஹோதீதி தெ²ய்யசித்தேன க³ண்ஹந்தஸ்ஸாபி நத்தி² அவஹாரோ. கா²த³ந்து, புன ஸாமணேரா ஆஹரிஸ்ஸந்தீதி கேசி தே²ரா வதெ³ய்யுந்தி யோஜேதப்³ப³ங்.
வனப்பதிகதா²வண்ணனா
110. வனப்பதிகதா²யங் ஸந்தா⁴ரிதத்தாதி சி²ன்னஸ்ஸ ருக்க²ஸ்ஸ பதிதுங் ஆரத்³த⁴ஸ்ஸ ஸந்தா⁴ரணமத்தேன வுத்தங், ந பன மரிசவல்லிஆதீ³ஹி புப்³பே³ வேடெ²த்வா டி²தபா⁴வேன. தாதி³ஸே ஹி சி²ன்னேபி அவஹாரோ நத்தி² அரஞ்ஞட்ட²கதா²யங் வேடி²தவல்லியங் விய. உஜுகமேவ திட்ட²தீதி இமினா ஸப்³ப³ஸோ சி²ந்த³னமேவ வல்லிஆதீ³ஹி அஸம்ப³த்³த⁴ஸ்ஸ ருக்க²ஸ்ஸ டா²னாசாவனங் புப்³பே³ விய ஆகாஸாதீ³ஸு பு²ட்ட²ஸகலபதே³ஸதோ மோசனந்தி ஆவேணிகமித⁴ டா²னாசாவனங் த³ஸ்ஸேதி. கேசி பன ‘‘ருக்க²பா⁴ரேன கிஞ்சிதே³வ ப⁴ஸ்ஸித்வா டி²தத்தா ஹோதியேவ டா²னாசாவன’’ந்தி வத³ந்தி, தன்ன, ருக்கே²ன பு²ட்ட²ஸ்ஸ ஸகலஸ்ஸ ஆகாஸபதே³ஸஸ்ஸ பஞ்சஹி ச²ஹி வா ஆகாரேஹி அனதிக்கமிதத்தா. வாதமுக²ங் ஸோதே⁴தீதி யதா² வாதோ ஆக³ந்த்வா ருக்க²ங் பாதேதி, ஏவங் வாதஸ்ஸ ஆக³மனமக்³க³ங் ருந்தி⁴த்வா டி²தானி ஸாகா²கு³ம்பா³தீ³னி சி²ந்தி³த்வா அபனெந்தோ ஸோதே⁴தி. மண்டூ³ககண்டகங் வாதி மண்டூ³கானங் நங்கு³ட்டே² அக்³க³கோடியங் டி²தகண்டகந்தி வத³ந்தி, ஏகே ‘‘விஸமச்ச²கண்டக’’ந்திபி வத³ந்தி.
ஹரணககதா²வண்ணனா
111. ஹரணககதா²யங் ஹரணகந்தி வத்து²ஸாமினா ஹரியமானங். ஸோ ச பாத³ங் அக்³க⁴தி, பாராஜிகமேவாதி ‘‘அந்தங் ந க³ண்ஹிஸ்ஸாமீ’’தி அஸல்லக்கி²தத்தா ஸாமஞ்ஞதோ ‘‘க³ண்ஹிஸ்ஸாமி ஏத’’ந்தி ஸல்லக்கி²தஸ்ஸேவ படஸ்ஸ ஏகதே³ஸதாய தம்பி க³ண்ஹிதுகாமோவாதி பாராஜிகங் வுத்தங். ஸப⁴ண்ட³ஹாரகந்தி ஸஹப⁴ண்ட³ஹாரகங், ஸகாராதே³ஸஸ்ஸ விகப்பத்தா ஸஹ ஸத்³தோ³வ டி²தோ, ப⁴ண்ட³ஹாரகேன ஸஹ தங் ப⁴ண்ட³ந்தி அத்தோ². ஸாஸங்கோதி ‘‘யதி³ உபஸங்கமித்வா ஏகமந்தங் படிக்கம்மாதி ப⁴யேனேவ அனுபக³ந்த்வா மக்³க³தோ ஸயங் படிக்கம்ம. ஸந்தஜ்ஜெத்வாதி ப²ருஸவாசாய சேவ ஆவுத⁴பரிவத்தனாதி³காயவிகாரேன ச ஸந்தஜ்ஜெத்வா. அனஜ்ஜா²வுத்த²கந்தி அபரிக்³க³ஹிதகங். ஆலயேன அனதி⁴முத்தம்பி ப⁴ண்ட³ங் அனஜ்ஜா²வுத்த²கங் நாம ஹோதீதி ஆஹ ‘‘ஆஹராபெந்தே தா³தப்³ப³’’ந்தி, இமினா பட²மங் பரிச்சத்தாலயானம்பி யதி³ பச்சா²பி ஸகஸஞ்ஞா உப்பஜ்ஜதி, தேஸஞ்ஞேவ தங் ப⁴ண்ட³ங் ஹோதி, ப³லக்காரேனாபி ஸகஸஞ்ஞாய தஸ்ஸ க³ஹணே தோ³ஸோ நத்தி², அத³த³ந்தஸ்ஸேவ அவஹாரோதி த³ஸ்ஸேதி. யதி³ பன ஸாமினோ ‘‘பரிச்சத்தங் மயா பட²மங், இதா³னி மம ஸந்தகங் வா ஏதங், நோ’’தி ஆஸங்கா ஹோதி, ப³லக்காரேன க³ஹேதுங் ந வட்டதி ஸகஸஞ்ஞாப³லேனேவ புன க³ஹேதப்³ப³பா⁴வஸ்ஸ ஆபன்னத்தா. ‘‘அதெ³ந்தஸ்ஸ பாராஜிக’’ந்தி வசனதோ சோரஸ்ஸ ஸகஸஞ்ஞாய விஜ்ஜமானாயபி ஸாமிகேஸு ஸாலயேஸு அதா³துங் ந வட்டதீதி தீ³பிதங் ஹோதி. அஞ்ஞேஸூதி மஹாபச்சரியாதீ³ஸு. விசாரணாயேவ நத்தீ²தி இமினா தத்தா²பி படிக்கே²பாபா⁴வதோ அயமேவ அத்தோ²தி த³ஸ்ஸேதி.
உபனிதி⁴கதா²வண்ணனா
112. உபனிதி⁴கதா²யங் ஸங்கோ³பனத்தா²ய அத்தனோ ஹத்தே² நிக்கி²த்தஸ்ஸ ப⁴ண்ட³ஸ்ஸ கு³த்தட்டா²னே படிஸாமனப்பயோக³ங் வினா நாஹங் க³ண்ஹாமீதிஆதி³னா அஞ்ஞஸ்மிங் பயோகே³ அகதே ரஜ்ஜஸங்கோ²பா⁴தி³காலே ‘‘ந தா³னி தஸ்ஸ த³ஸ்ஸாமி, ந மய்ஹங் தா³னி த³ஸ்ஸதீ’’தி உபோ⁴ஹிபி ஸகஸகட்டா²னே நிஸீதி³த்வா து⁴ரனிக்கே²பே கதேபி அவஹாரோ நத்தி². கேசி பனெத்த² ‘‘பாராஜிகமேவ படிஸாமனப்பயோக³ஸ்ஸ கதத்தா’’தி வத³ந்தி, தங் தேஸங் மதிமத்தங், ந ஸாரதோ பச்சேதப்³ப³ங். படிஸாமனகாலே ஹிஸ்ஸ தெ²ய்யசித்தங் நத்தி², ‘‘ந தா³னி தஸ்ஸ த³ஸ்ஸாமீ’’தி தெ²ய்யசித்துப்பத்திக்க²ணே பன ஸாமினோ து⁴ரனிக்கே²பசித்துப்பத்தியா ஹேதுபூ⁴தோ காயவசீபயோகோ³ நத்தி², யேன ஸோ ஆபத்திங் ஆபஜ்ஜெய்ய. ந ஹி அகிரியஸமுட்டா²னாயங் ஆபத்தீதி. தா³னே ஸஉஸ்ஸாஹோ, ரக்க²தி தாவாதி அவஹாரங் ஸந்தா⁴ய அவுத்தத்தா நாஹங் க³ண்ஹாமீதிஆதி³னா முஸாவாத³கரணே பாசித்தியமேவ ஹோதி, ந து³க்கடங் யதி³பி முகே²ன த³ஸ்ஸாமீதி வத³தி…பே॰… பாராஜிகந்தி எத்த² கதரபயோகே³ன ஆபத்தி, ந தாவ பட²மேன ப⁴ண்ட³படிஸாமனப்பயோகே³ன ததா³ தெ²ய்யசித்தாபா⁴வா, நாபி ‘‘த³ஸ்ஸாமீ’’தி அட்ட²கதா²யங் வுத்தங் – ‘‘கிங் தும்ஹே ப⁴ணத²…பே॰… ஏவங் உபி⁴ன்னங் து⁴ரனிக்கே²பேன பி⁴க்கு²னோ பாராஜிக’’ந்தி (பாரா॰ அட்ட²॰ 1.111). பரஸந்தகஸ்ஸ பரேஹி க³ண்ஹாபனே ஏவ பரியாயதோ முத்தி, ந ஸப்³ப³த்தா²தி க³ஹேதப்³ப³ங். அத்தனோ ஹத்தே² நிக்கி²த்தத்தாதி எத்த² அத்தனோ ஹத்தே² ஸாமினா தி³ன்னதாய ப⁴ண்டா³கா³ரிகட்டா²னே டி²தத்தா ச டா²னாசாவனேபி நத்தி² அவஹாரோ, தெ²ய்யசித்தேன பன க³ஹணே து³க்கடதோ ந முச்சதீதி வேதி³தப்³ப³ங்.
ஏஸேவ நயோதி உத்³தா⁴ரேயேவ சோரஸ்ஸ பாராஜிகங், கஸ்மா? அஞ்ஞேஹி ஸாதா⁴ரணஸ்ஸ அபி⁴ஞ்ஞாணஸ்ஸ வுத்தத்தா. அஞ்ஞங் தாதி³ஸமேவ க³ண்ஹந்தே யுஜ்ஜதீதி ஸஞ்ஞாணதோ ஓகாஸதோ ச தேன ஸதி³ஸமேவ அஞ்ஞங் க³ண்ஹந்தே யுஜ்ஜதி, சோரேன ஸல்லக்கி²தப்பதே³ஸதோ தங் அபனெத்வா கேஹிசி தத்த² தாதி³ஸே அஞ்ஞஸ்மிங் பத்தே ட²பிதே தங் க³ண்ஹந்தேயேவ யுஜ்ஜதீதி அதி⁴ப்பாயோ, தேன சோரேன தி³வா ஸல்லக்கி²தபத்தங் அஞ்ஞத்த² அபனெத்வா தத³ஞ்ஞே தாதி³ஸே பத்தே தத்த² ட²பிதேபி சோரஸ்ஸ பச்சா² ரத்திபா⁴கே³ உப்பஜ்ஜமானங் தெ²ய்யசித்தங் தி³வா ஸல்லக்கி²தப்பதே³ஸே ட²பிதங் அஞ்ஞங் தாதி³ஸங் பத்தமேவ ஆலம்பி³த்வா உப்பஜ்ஜதீதி த³ஸ்ஸிதங் ஹோதி. பத³வாரேனாதி தே²ரேன நீஹரித்வா தி³ன்னங் பத்தங் க³ஹெத்வா க³ச்ச²தோ சோரஸ்ஸ பத³வாரேன. அதாதி³ஸமேவ க³ண்ஹந்தே யுஜ்ஜதீதி அதாதி³ஸஸ்ஸ தே²ரேன க³ஹணக்க²ணே அவஹாராபா⁴வதோ பச்சா² ஹத்த²பத்தங் ‘‘த’’ந்தி வா ‘‘அஞ்ஞ’’ந்தி வா ஸஞ்ஞாய ‘‘இத³ங் க³ஹெத்வா க³ச்சா²மீ’’தி க³மனே பத³வாரேனேவ அவஹாரோ யுஜ்ஜதீதி அதி⁴ப்பாயோ.
பாராஜிகங் நத்தீ²தி பத³வாரேபி பாராஜிகங் நத்தி² உபனிதி⁴ப⁴ண்டே³ வியாதி க³ஹேதப்³ப³ங். கா³மத்³வாரந்தி ப³ஹிகா³மே விஹாரஸ்ஸ பதிட்டி²தத்தா கா³மப்பவேஸஸ்ஸ ஆரம்ப⁴ப்பதே³ஸத³ஸ்ஸனவஸேன வுத்தங், அந்தோகா³மந்தி அத்தோ². த்³வின்னம்பி உத்³தா⁴ரேயேவ பாராஜிகந்தி தே²ரஸ்ஸ அப⁴ண்டா³கா³ரிகத்தா வுத்தங். யதி³ ஹி ஸோ ப⁴ண்டா³கா³ரிகோ ப⁴வெய்ய, ஸப்³ப³ம்பி உபனிக்கி²த்தமேவ ஸியா, உபனிக்கி²த்தப⁴ண்டே³ ச தெ²ய்யசித்தேன க³ண்ஹதோபி ந தாவ தே²ரஸ்ஸ அவஹாரோ ஹோதி, சோரஸ்ஸேவ அவஹாரோ. உபி⁴ன்னம்பி து³க்கடந்தி
ஆணத்தியா க³ஹிதத்தாதி ‘‘பத்தசீவரங் க³ண்ஹா’’தி ஏவங் தே²ரேன கதஆணத்தியா க³ஹிதத்தா. அடவிங் பவிஸதி, பத³வாரேன காரேதப்³போ³தி ‘‘பத்தசீவரங் க³ண்ஹ, அஸுகங் நாம கா³மங் க³ந்த்வா பிண்டா³ய சரிஸ்ஸாமா’’தி தே²ரேன விஹாரதோ பட்டா²ய கா³மமக்³கே³பி ஸகலேபி கா³மே விசரணஸ்ஸ நியமிதத்தா மக்³க³தோ ஓக்கம்ம க³ச்ச²ந்தஸ்ஸேவ பத³வாரேன ஆபத்தி வுத்தா. விஹாரஸ்ஸ ஹி பரபா⁴கே³ உபசாரதோ பட்டா²ய யாவ தஸ்ஸ கா³மஸ்ஸ பரதோ உபசாரோ, தாவ ஸப்³ப³ங் த³ஹரஸ்ஸ தே²ராணத்தியா ஸஞ்சரணூபசாரோவ ஹோதி, ந பன ததோ பரங். தேனேவ ‘‘உபசாராதிக்கமே பாராஜிகங். கா³மூபசாராதிக்கமே பாராஜிக’’ந்தி ச வுத்தங். படினிவத்தனே சீவரதோ⁴வனாதி³அத்தா²ய பேஸனேபி ஏஸேவ நயோ. அட்ட²த்வா அனிஸீதி³த்வாதி எத்த² விஹாரங் பவிஸித்வா ஸீஸாதீ³ஸு பா⁴ரங் பூ⁴மியங் அனிக்கி²பித்வா திட்ட²ந்தோ வா நிஸீத³ந்தோ வா விஸ்ஸமித்வா தெ²ய்யசித்தே வூபஸந்தே புன தெ²ய்யசித்தங் உப்பாதெ³த்வா க³ச்ச²தி சே, பாது³த்³தா⁴ரேன காரேதப்³போ³. ஸசே பூ⁴மியங் நிக்கி²பித்வா புன தங் க³ஹெத்வா க³ச்ச²தி, உத்³தா⁴ரேன காரேதப்³போ³. கஸ்மா? ஆணாபகஸ்ஸ ஆணத்தியா யங் கத்தப்³ப³ங், தஸ்ஸ தாவதா பரினிட்டி²தத்தா. ‘‘அஸுகங் நாம கா³ம’’ந்தி அனியமெத்வா ‘‘அந்தோகா³மங் க³மிஸ்ஸாமா’’தி அவிஸேஸேன வுத்தே விஹாரஸாமந்தா புப்³பே³ பிண்டா³ய பவிட்ட²புப்³பா³ ஸப்³பே³ கோ³சரகா³மாபி கெ²த்தமேவாதி வத³ந்தி. ஸேஸந்தி மக்³கு³க்கமனவிஹாராபி⁴முக²க³மனாதி³ ஸப்³ப³ங். புரிமஸதி³ஸமேவாதி அனாணத்தியா க³ஹிதேபி ஸாமிகஸ்ஸ கதெ²த்வா க³ஹிதத்தா ஹெட்டா² வுத்தவிஹாரூபசாராதி³ ஸப்³ப³ங் கெ²த்தமேவாதி கத்வா வுத்தங். ஏஸேவ நயோதி அந்தராமக்³கே³ தெ²ய்யசித்தங் உப்பாதெ³த்வாதிஆதி³னா (பாரா॰ அட்ட²॰ 1.112) வுத்தங் நயங் அதிதி³ஸதி.
நிமித்தே வா கதேதி சீவரங் மே கிலிட்ட²ங், கோ நு கோ² ரஜித்வா த³ஸ்ஸதீதிஆதி³னா நிமித்தே கதே. வுத்தனயேனேவாதி அனாணத்தஸ்ஸ தே²ரேன ஏகபஸ்ஸேதி விஹாரஸ்ஸ மஹந்ததாய அத்தானங் அத³ஸ்ஸெத்வா ஏகஸ்மிங் பஸ்ஸே. தெ²ய்யசித்தேன பரிபு⁴ஞ்ஜந்தோ ஜீராபேதீதி தெ²ய்யசித்தே உப்பன்னே டா²னாசாவனங் அகத்வா நிவத்த²பாருதனீஹாரேனேவ பரிபு⁴ஞ்ஜந்தோ ஜீராபேதி, டா²னா சாவெந்தஸ்ஸ பன தெ²ய்யசித்தே ஸதி பாராஜிகமேவ ஸீஸே பா⁴ரங் க²ந்தே⁴ கரணாதீ³ஸு விய (பாரா॰ 101). யதா² வா ததா² வா நஸ்ஸதீதி அக்³கி³ஆதி³னா நஸ்ஸதி, அஞ்ஞோ வா கோசீதி இமினா யேன ட²பிதங், ஸோபி ஸங்க³ஹிதோதி வேதி³தப்³ப³ங்.
இதரஸ்ஸாதி இதரங் க³ண்ஹதோ உத்³தா⁴ரே பாராஜிகந்தி எத்த² ‘‘பவிஸித்வா தவ ஸாடகங் க³ண்ஹாஹீ’’தி இமினாவ உபனிதி⁴பா⁴வதோ மோசிதத்தா, ஸாமிகஸ்ஸ இதரங் க³ண்ஹதோ அத்தனோ ஸாடகே ஆலயஸ்ஸ ஸப்³பா⁴வதோ ச ‘‘உத்³தா⁴ரே பாராஜிக’’ந்தி வுத்தங். ஸாமிகோ சே ‘‘மம ஸந்தகங் இத³ங் வா ஹோது, அஞ்ஞங் வா, கிங் தேன, அலங் மய்ஹங் இமினா’’தி ஏவங் ஸுட்டு² நிராலயோ ஹோதி, சோரஸ்ஸ பாராஜிகங் நத்தீ²தி க³ஹேதப்³ப³ங். ந ஜானந்தீதி தேன வுத்தவசனங் அஸுணந்தா ந ஜானந்தி. ஏஸேவ நயோதி எத்த² ஸசே ஜானித்வாபி சித்தேன ந ஸம்படிச்ச²ந்தி, ஏஸேவ நயோதி த³ட்ட²ப்³ப³ங். படிக்கி²பந்தீதி எத்த² சித்தேன படிக்கே²போபி ஸங்க³ஹிதோவாதி வேதி³தப்³ப³ங். உபசாரே விஜ்ஜமானேதி ப⁴ண்டா³கா³ரஸ்ஸ ஸமீபே உச்சாரபஸ்ஸாவட்டா²னே விஜ்ஜமானே. மயி ச மதே ஸங்க⁴ஸ்ஸ ச ஸேனாஸனே வினட்டே²தி எத்த² ‘‘தங் மாரெஸ்ஸாமா’’தி எத்தகே வுத்தேபி விவரிதுங் வட்டதி கி³லானபக்கே² டி²தத்தா அவிஸயோதி வுத்தத்தா. மரணதோ ஹி பரங் கே³லஞ்ஞங் அவிஸயத்தஞ்ச நத்தி². ‘‘த்³வாரங் சி²ந்தி³த்வா பரிக்கா²ரங் ஹரிஸ்ஸாமா’’தி எத்தகே வுத்தேபி விவரிதுங் வட்டதியேவ. ஸஹாயேஹி ப⁴விதப்³ப³ந்தி தேஹிபி பி⁴க்கா²சாராதீ³ஹி பரியேஸித்வா அத்தனோ ஸந்தகேபி கிஞ்சி கிஞ்சி தா³தப்³ப³ந்தி வுத்தங் ஹோதி. அயங் ஸாமீசீதி ப⁴ண்டா³கா³ரே வஸந்தானங் இத³ங் வத்தங்.
லோலமஹாதே²ரோதி மந்தோ³ மோமூஹோ ஆகிண்ணவிஹாரீ. இதரேஹீதி தஸ்மிங்யேவ க³ப்³பே⁴ வஸந்தேஹி இதரபி⁴க்கூ²ஹி. விஹாரரக்க²ணவாரே நியுத்தோ விஹாரவாரிகோ, வுட்³ட⁴படிபாடியா அத்தனோ வாரே விஹாரரக்க²ணகோ. நிவாபந்தி ப⁴த்தவேதனங். சோரானங் படிபத²ங் க³தேஸூதி சோரானங் ஆக³மனங் ஞத்வா ‘‘பட²மதரஞ்ஞேவ க³ந்த்வா ஸத்³த³ங் கரிஸ்ஸாமா’’தி சோரானங் அபி⁴முக²ங் நிப³த்³த⁴ங் கத்வாதி ‘‘அஸுககுலே யாகு³ப⁴த்தங் விஹாரவாரிகானஞ்ஞேவா’’தி ஏவங் நியமனங் கத்வா. த்³வே திஸ்ஸோ யாகு³ஸலாகா சத்தாரி பஞ்ச ஸலாகப⁴த்தானி ச லப⁴மானோவாதி இத³ங் நித³ஸ்ஸனமத்தங், ததோ ஊனங் வா ஹோது அதி⁴கங் வா அத்தனோ வெய்யாவச்சகரஸ்ஸ ச யாபனமத்தங் லப⁴னமேவ பமாணந்தி க³ஹேதப்³ப³ங். நிஸ்ஸிதகே ஜக்³கெ³ந்தீதி தேஹி விஹாரங் ஜக்³கா³பெந்தீதி அத்தோ². அஸஹாயகஸ்ஸாதி ஸஹாயரஹிதஸ்ஸ. அத்தது³தியஸ்ஸாதி அப்பிச்ச²ஸ்ஸ அத்தா ஸரீரமேவ து³தியோ அஸ்ஸ நாஞ்ஞோதி அத்தது³தியோ. தது³ப⁴யஸ்ஸாபி அத்த²ஸ்ஸ விபா⁴வனங் யஸ்ஸாதிஆதி³, ஏதேன ஸப்³பே³ன ஏகேகஸ்ஸ வாரோ ந பாபேதப்³போ³தி த³ஸ்ஸிதந்தி வேதி³தப்³ப³ங். பாகவத்தத்தா²யாதி நிச்சங் பசிதப்³ப³யாகு³ப⁴த்தஸங்கா²தவத்தத்தா²ய. ட²பெந்தீதி தா³யகா ட²பெந்தி. தங் க³ஹெத்வாதி தங் ஆராமிகாதீ³ஹி தி³ய்யமானங் பா⁴க³ங் க³ஹெத்வா. ந கா³ஹாபேதப்³போ³தி எத்த² அப்³போ⁴காஸிகஸ்ஸாபி அத்தனோ அதி⁴கபரிக்கா²ரோ வா ட²பிதோ அத்தி², சீவராதி³ஸங்கி⁴கபா⁴கே³பி ஆலயோ வா அத்தி², ஸோபி கா³ஹாபேதப்³போ³வ. தி³கு³ணந்தி அஞ்ஞேஹி லப்³ப⁴மானதோ தி³கு³ணங். பக்க²வாரேனாதி அட்³ட⁴மாஸவாரேன.
ஸுங்ககா⁴தகதா²வண்ணனா
113. ஸுங்ககா⁴தகதா²யங் ஸுங்ககா⁴தந்தி ஏவம்பி அத்தோ² த³ட்ட²ப்³போ³. வுத்தமேவத்த²ங் பாகடங் காதுங் தஞ்ஹீதிஆதி³ வுத்தங். து³தியங் பாத³ங் அதிக்காமேதீதி எத்த² பட²மபாத³ங் பரிச்சே²த³தோ ப³ஹி ட²பெத்வா து³தியபாதே³ உத்³த⁴டமத்தே பாராஜிகங். உத்³த⁴ரித்வா ப³ஹி அட்ட²பிதேபி ப³ஹி டி²தோ ஏவ நாம ஹோதீதி கத்வா ஏவங் ஸப்³ப³த்த² பத³வாரேஸுபீதி த³ட்ட²ப்³ப³ங். பரிவத்தித்வா அப்³ப⁴ந்தரிமங் ப³ஹி ட²பேதி, பாராஜிகந்தி இத³ங் ஸயங் ப³ஹி ட²த்வா பட²மங் அப்³ப⁴ந்தரிமங் உக்கி²பித்வா வா ஸமகங் உக்கி²பித்வா வா பரிவத்தனங் ஸந்தா⁴ய வுத்தங். ப³ஹி ட²த்வா உக்கி²த்தமத்தே ஹி ஸப்³ப³ங் ப³ஹிக³தமேவ ஹோதீதி. ஸசே பன ஸோ ப³ஹி ட²த்வாபி பா³ஹிரபுடகங் பட²மங் அந்தோ ட²பெத்வா பச்சா² அப்³ப⁴ந்தரிமங் உக்கி²பித்வா ப³ஹி ட²பேதி, ததா³பி ஏகாப³த்³த⁴தாய அவிஜஹிதத்தா அவஹாரோ ந தி³ஸ்ஸதி. கேசி பன ‘‘பூ⁴மியங் பதித்வா வத்தந்தங் புன அந்தோ பவிஸதி, பாராஜிகமேவாதி (பாரா॰ அட்ட²॰ 1.113) வுத்தத்தா பா³ஹிரபுடகே ஏகாப³த்³த⁴ந்தி காஜகோடியங் ரஜ்ஜுயா ப³ந்த⁴னங் ஸந்தா⁴ய வுத்தங். அப³ந்தி⁴த்வா காஜகோடியங் ட²பிதமத்தமேவ ஹோதி, பாராஜிகந்தி ப³ஹி க³ஹிதகாஜகோடியங் ட²பிதங் யதி³ பாத³ங் அக்³க⁴தி, பாராஜிகமேவ, அந்தோட²பிதேன ஏகாப³த்³த⁴தாய அபா⁴வாதி அதி⁴ப்பாயோ. க³ச்ச²ந்தே யானே வா…பே॰… ட²பேதீதி ஸுங்ககா⁴தங் பவிஸித்வா அப்பவிஸித்வா வா ட²பேதி. ஸுங்கட்டா²னஸ்ஸ ப³ஹி டி²தந்தி யானாதீ³ஹி நீஹடத்தா ப³ஹி டி²தங். கேசி பன ‘‘ப³ஹி ட²பித’’ந்தி பாட²ங் விகப்பெத்வா ஸுங்கட்டா²னதோ புப்³பே³வ ப³ஹி ட²பிதந்தி அத்த²ங் வத³ந்தி, தங் ந ஸுந்த³ரங்; ஸுங்கட்டா²னே பவிஸித்வா யானே ட²பிதேபி பவத்தித்வா க³தே விய தோ³ஸாபா⁴வதோ. யோ பன ஸுங்கட்டா²னஸ்ஸ அந்தோவ பவிஸித்வா ‘‘ஸுங்கட்டா²ன’’ந்தி ஞத்வா தெ²ய்யசித்தேன ஆக³தமக்³கே³ன படினிவத்தித்வா க³ச்ச²தி, தஸ்ஸாபி யதி³ தேன தி³ஸாபா⁴கே³ன க³ச்ச²ந்தானம்பி ஹத்த²தோ ஸுங்கங் க³ண்ஹந்தி, பாராஜிகமேவ. இமஸ்மிங் டா²னேதி யானாதீ³ஹி நீஹரணே. தத்ராதி தஸ்மிங் ஏளகலோமஸிக்கா²பதே³ (பாரா॰ 571 ஆத³யோ).
பாணகதா²வண்ணனா
114. பாணகதா²யங் ஆட²பிதோதி மாதாபிதூஹி இணங் க³ண்ஹந்தேஹி ‘‘யாவ இணதா³னா அயங் தும்ஹாகங் ஸந்திகே ஹோதூ’’தி இணதா³யகானங் நிய்யாதிதோ. அவஹாரோ நத்தீ²தி மாதாபிதூஹி புத்தஸ்ஸ அபரிச்சத்தத்தா மாதாபிதூனஞ்ச அஸந்தகத்தா அவஹாரோ நத்தி². த⁴னங் பன க³தட்டா²னே வட்³ட⁴தீதி இமினா ஆட²பெத்வா க³ஹிதத⁴னங் வட்³டி⁴யா ஸஹ ஆட²பிதபுத்தஹாரகஸ்ஸ கீ³வாதி த³ஸ்ஸிதந்தி வத³ந்தி. தா³ஸஸ்ஸ ஜாதோதி உக்கட்ட²லக்க²ணங் த³ஸ்ஸேதுங் வுத்தங். தா³ஸிகுச்சி²யங் பன அதா³ஸஸ்ஸ ஜாதோபி எத்தே²வ ஸங்க³ஹிதோ பரதே³ஸதோ பஹரித்வாதி பரதே³ஸவிலும்பகேஹி ராஜசோராதீ³ஹி பஹரித்வா. ஸுக²ங் ஜீவாதி வத³தீதி தெ²ய்யசித்தேன ஸாமிகானங் ஸந்திகதோ பலாபேதுகாமதாய வத³தி, ததா² பன அசிந்தெத்வா காருஞ்ஞேன ‘‘ஸுக²ங் க³ந்த்வா ஜீவா’’தி வத³ந்தஸ்ஸ நத்தி² அவஹாரோ, கீ³வா பன ஹோதி. து³தியபத³வாரேதி யதி³ து³தியபத³ங் அவஸ்ஸங் உத்³த⁴ரிஸ்ஸதி, பி⁴க்கு²ஸ்ஸ ‘‘பலாயித்வா ஸுக²ங் ஜீவா’’தி வசனக்க²ணேயேவ பாராஜிகங். அனாபத்தி பாராஜிகஸ்ஸாதி தஸ்ஸ வசனேன வேக³வட்³ட⁴னே அகதேபி து³க்கடா ந முச்சதீதி த³ஸ்ஸேதி. ‘‘அதி³ன்னங் தெ²ய்யஸங்கா²தங் ஆதி³யெய்யா’’தி (பாரா॰ 89, 91) ஆதா³னஸ்ஸேவ வுத்தத்தா வுத்தபரியாயேன முச்சதீதி.
சதுப்பத³கதா²வண்ணனா
117. சதுப்பத³கதா²யங் பாளியங் ஆக³தாவஸேஸாதி பாளியங் ஆக³தேஹி ஹத்தி² ஆதீ³ஹி அஞ்ஞே பஸு-ஸத்³த³ஸ்ஸ ஸப்³ப³ஸாதா⁴ரணத்தா. பி⁴ங்கச்சா²பந்தி ‘‘பி⁴ங்கா பி⁴ங்கா’’தி ஸத்³தா³யனதோ ஏவங் லத்³த⁴னாமங் ஹத்தி²போதகங். அந்தோவத்து²ம்ஹீதி பரிக்கி²த்தே. ப³ஹினக³ரே டி²தஸ்ஸாதி பரிக்கி²த்தனக³ரங் ஸந்தா⁴ய வுத்தங், அபரிக்கி²த்தனக³ரே பன அந்தோனக³ரே டி²தஸ்ஸாபி டி²தட்டா²னமேவ டா²னங். க²ண்ட³த்³வாரந்தி அத்தனா க²ண்டி³தத்³வாரங். ஏகோ நிபன்னோதி எத்தா²பி ப³ந்தோ⁴தி ஆனெத்வா ஸம்ப³ந்தி⁴தப்³ப³ங், தேனாஹ ‘‘நிபன்னஸ்ஸ த்³வே’’தி. கா⁴தேதீதி எத்த² தெ²ய்யசித்தேன வினாஸெந்தஸ்ஸ ஸஹபயோக³த்தா து³க்கடமேவாதி வத³ந்தி.
ஓசரககதா²வண்ணனா
118. ஓசரககதா²யங் பரியாயேன ஹி அதி³ன்னாதா³னதோ முச்சதீதி இத³ங் ஆணத்திகபயோக³ங் ஸந்தா⁴ய வுத்தங், ஸயமேவ பன அபி⁴யுஞ்ஜனாதீ³ஸு பரியாயேனபி மொக்கோ² நத்தி².
ஓணிரக்க²கதா²வண்ணனா
ஓணிரக்க²கதா²யங் ஓணிந்தி ஓணீதங், ஆனீதந்தி அத்தோ². ஓணிரக்க²ஸ்ஸ ஸந்திகே ட²பிதப⁴ண்ட³ங் உபனிதி⁴ (பாரா॰ 112) விய கு³த்தட்டா²னே ட²பெத்வா ஸங்கோ³பனத்தா²ய அனிக்கி²பித்வா யதா²ட²பிதட்டா²னே ஏவ முஹுத்தமத்தங் ஓலோகனத்தா²ய ட²பிதத்தா தஸ்ஸ ப⁴ண்ட³ஸ்ஸ டா²னாசாவனமத்தேன ஓணிரக்க²கஸ்ஸ பாராஜிகங் ஹோதி.
ஸங்விதா³வஹாரகதா²வண்ணனா
ஸங்விதா³வஹாரகதா²யங் ஸங்விதா⁴யாதி ஸங்வித³ஹித்வா. தேன நேஸங் து³க்கடாபத்தியோதி ஆணத்திவஸேன பாராஜிகாபத்தியா அஸம்ப⁴வே ஸதீதி வுத்தங். யதி³ ஹி தேன ஆணத்தா யதா²ணத்திவஸேன ஹரந்தி, ஆணத்திக்க²ணே ஏவ பாராஜிகாபத்திங் ஆபஜ்ஜந்தி. பாளியங் ‘‘ஸம்ப³ஹுலா ஸங்வித³ஹித்வா ஏகோ ப⁴ண்ட³ங் அவஹரதி, ஆபத்தி ஸப்³பே³ஸங் பாராஜிகஸ்ஸா’’தி (பாரா॰ 118) எத்தா²பி ஆணாபகானங் ஆணத்திக்க²ணேயேவ ஆபத்தி, அவஹாரகஸ்ஸ உத்³தா⁴ரேதி க³ஹேதப்³போ³. ஸம்ப³ஹுலா பி⁴க்கூ² ஏகங் ஆணாபெந்தி ‘க³ச்சே²தங் ஆஹரா’தி, தஸ்ஸுத்³தா⁴ரே ஸப்³பே³ஸங் பாராஜிகந்திஆதீ³ஸுபி ஏவமேவ அத்தோ² க³ஹேதப்³போ³. ஸாஹத்தி²கங் வா ஆணத்திகஸ்ஸ ஆணத்திகங் வா ஸாஹத்தி²கஸ்ஸ அங்க³ங் ந ஹோதீதி பி⁴ன்னகாலிகத்தா அஞ்ஞமஞ்ஞஸ்ஸ அங்க³ங் ந ஹோதி. ததா² ஹி ஸஹத்தா² அவஹரந்தஸ்ஸ டா²னாசாவனக்க²ணே ஆபத்தி, ஆணத்தியா பன ஆணத்திக்க²ணேயேவாதி பி⁴ன்னகாலிகத்தா ஆபத்தியோதி.
ஸங்கேதகம்மகதா²வண்ணனா
119. ஸங்கேதகம்மகதா²யங் ஓசரகே வுத்தனயேனேவாதி எத்த² அவஸ்ஸங் ஹாரியே ப⁴ண்டே³திஆதி³னா (பாரா॰ அட்ட²॰ 1.118) வுத்தனயேனேவ. பாளியங் ‘‘தங் ஸங்கேதங் புரே வா பச்சா² வா’’தி தஸ்ஸ ஸங்கேதஸ்ஸ புரே வா பச்சா² வாதி அத்தோ². ‘‘தங் நிமித்தங் புரே வா பச்சா² வா’’தி எத்தா²பி ஏஸேவ நயோ.
நிமித்தகம்மகதா²வண்ணனா
120. நிமித்தகம்மகதா²யங் அக்கி²னிக²ணனாதி³னிமித்தகம்மங் பன லஹுகங் இத்தரகாலங், தஸ்மா தங்க²ணேயேவ தங் ப⁴ண்ட³ங் அவஹரிதுங் ந ஸக்கா. நிமித்தகம்மானந்தரமேவ க³ண்ஹிதுங் ஆரத்³த⁴த்தா தேனேவ ஸங்கேதகம்மங் (பாரா॰ 119) விய நிமித்தகம்மங் காலபரிச்சே²த³யுத்தங். காலவஸேன ஹி ஸங்கேதகம்மங் வுத்தங், கிரியாவஸேன நிமித்தகம்மந்தி அயமேவ தேஸங் விஸேஸோ. ‘‘தங் நிமித்தங் புரே வா பச்சா² வா தங் ப⁴ண்ட³ங் அவஹரதி, மூலட்ட²ஸ்ஸ அனாபத்தீ’’தி இத³ங் பன நிமித்தகரணதோ புரே
ஆணத்திகதா²வண்ணனா
121. ஆணத்திகதா²யங் அஸம்மோஹத்த²ந்தி யஸ்மா ஸங்கேதகம்மனிமித்தகம்மானி கரொந்தோ ந கேவலங் புரேப⁴த்தாதி³காலஸங்கேதகம்மங் அக்கி²னிக²ணனாதி³னிமித்தகம்மமேவ வா கரோதி, அத² கோ² ஏவங்வண்ணஸண்டா²னப⁴ண்ட³ங் க³ண்ஹாதி, ப⁴ண்ட³னியமம்பி கரோதி, த்வங் இத்த²ன்னாமஸ்ஸ பாவத³, ஸோ அஞ்ஞஸ்ஸ பாவத³தூதிஆதி³னா புக்³க³லபடிபாடியா ச ஆணாபேதி, தஸ்மா புப்³ப³ண்ஹாதி³காலவஸேன அக்கி²னிக²ணனாதி³கிரியாவஸேன ப⁴ண்ட³புக்³க³லபடிபாடிவஸேன ச ஆணத்தே ஏதேஸு ஸங்கேதகம்மனிமித்தகம்மேஸு விஸங்கேதா விஸங்கேதபா⁴வே ஸம்மோஹோ ஜாயதி, தத³பக³மேன அஸம்மோஹத்த²ங். யங் ஆணாபகேன நிமித்தஸஞ்ஞங் கத்வா வுத்தந்தி புப்³ப³ண்ஹாதீ³ஸு அக்கி²னிக²ணனாதீ³ஸு வா க³ஹணத்த²ங் ஆணாபெந்தேன ஈதி³ஸவண்ணஸண்டா²னாதி³யுத்தங் க³ண்ஹாதி ஏவங் க³ஹணஸ்ஸ நிமித்தபூ⁴தஸஞ்ஞாணங் கத்வா யங் ப⁴ண்ட³ங் வுத்தங். அயங் யுத்தி ஸப்³ப³த்தா²தி ஹெட்டா² வுத்தேஸு உபரி வக்க²மானேஸு ச ஸப்³ப³த்த² ஆணத்திப்பஸங்கே³ஸு ஆணத்திக்க²ணேயேவ பாராஜிகாதீ³னங் பா⁴வஸங்கா²தா வினயயுத்தி, ஸா ச ஆணத்தஸ்ஸ கிரியானிட்டா²பனக்க²ணே ஆணாபகஸ்ஸ பயோகே³ தெ²ய்யசித்தானங் அபா⁴வா ஆணத்திக்க²ணே ஏகா ஏவ ஆபத்தி ஹோதீதி ஏவங் உபபத்தியா பவத்தத்தா யுத்தீதி வுத்தா. ‘‘மூலட்ட²ஸ்ஸ து²ல்லச்சய’’ந்தி வுத்தத்தா ஸங்க⁴ரக்கி²தேன படிக்³க³ஹிதேபி பு³த்³த⁴ரக்கி²தத⁴ம்மரக்கி²தானங் து³க்கடமேவ, கஸ்மா பனெத்த² ஆசரியஸ்ஸ து²ல்லச்சயந்தி ஆஹ ‘‘மஹாஜனோ ஹீ’’திஆதி³. மஹாஜனோதி ச பு³த்³த⁴ரக்கி²தத⁴ம்மரக்கி²தஸங்க⁴ரக்கி²தே ஸந்தா⁴ய வுத்தங். மூலட்ட²ஸ்ஸேவ து³க்கடந்தி பு³த்³த⁴ரக்கி²தஸ்ஸ து³க்கடங். இத³ஞ்ச மூலட்ட²ஸ்ஸ து²ல்லச்சயாபா⁴வத³ஸ்ஸனத்த²ங் பட²மங் ஆணத்திக்க²ணே து³க்கடங் ஸந்தா⁴ய வுத்தங், ந பன ஸங்க⁴ரக்கி²தஸ்ஸ படிக்³க³ஹணபச்சயா புன து³க்கடஸம்ப⁴வங் ஸந்தா⁴ய. ந ஹி ஸோ ஏகபயோகே³ன து³க்கடத்³வயங் ஆபஜ்ஜதி. கேசி பன ‘‘விஸங்கேதத்தா பாளியங் ‘மூலட்ட²ஸ்ஸா’தி அவத்வா ‘படிக்³க³ண்ஹாதி, ஆபத்தி து³க்கடஸ்ஸா’தி ஸாமஞ்ஞேன வுத்தத்தா இத³ங் ஸங்க⁴ரக்கி²தஸ்ஸ து³க்கடங் ஸந்தா⁴ய வுத்த’’ந்தி வத³ந்தி, தங் கிஞ்சாபி அட்ட²கதா²ய ந ஸமேதி, பாளிதோ பன யுத்தங் விய தி³ஸ்ஸதி. ந ஹி தஸ்ஸ படிக்³க³ஹணப்பயோகே³ அனாபத்தி ஹோதீதி. இமினாவ ஹெட்டா² ஆக³தவாரேஸுபி படிக்³க³ண்ஹந்தானங் மக்³கா³னந்தரப²லஸதி³ஸாதி இமினா யதா² அரியபுக்³க³லானங் மக்³கா³னந்தரே ப²லே உப்பன்னே கிலேஸபடிப்பஸ்ஸத்³தி⁴பரியோஸானங் பா⁴வனாகிச்சங் நிப்ப²ன்னங் நாம ஹோதி, ஏவமேதிஸ்ஸா அத்த²ஸாத⁴கசேதனாய உப்பன்னாய ஆணத்திகிச்சங் நிப்ப²ன்னமேவாதி த³ஸ்ஸேதி, தேனாஹ ‘‘தஸ்மா அயங் ஆணத்திக்க²ணேயேவ பாராஜிகோ’’தி, ஆணத்திவசீபயோக³ஸமுட்டா²பகசேதனாக்க²ணேயேவ பாராஜிகோ ஹோதீதி அத்தோ².
ஆணத்திகதா²வண்ணனானயோ நிட்டி²தோ.
ஆபத்திபே⁴த³வண்ணனா
122. தத்த² தத்தா²தி பூ⁴மட்ட²த²லட்டா²தீ³ஸு. பாளியங் மனுஸ்ஸபரிக்³க³ஹிதங் ஸந்தா⁴ய ‘‘பரபரிக்³க³ஹித’’ந்தி வுத்தங். ஆமஸதி ப²ந்தா³பேதி டா²னா சாவேதீதி இமேஹி தீஹி பதே³ஹி புப்³ப³பயோக³ஸஹிதங் பஞ்சமங் அவஹாரங்க³ங் வுத்தங், டா²னா சாவேதீதி ச இத³ங் உபலக்க²ணமத்தங். ஆணத்திகாத³யோ ஸப்³பே³பி பயோகா³ து⁴ரனிக்கே²போ ச இத⁴ ஸங்க³ஹேதப்³பா³வாதி த³ட்ட²ப்³ப³ங்.
125. டா²னாசாவனந்தி இத³ங் பாளிஅனுஸாரதோ வுத்தங் து⁴ரனிக்கே²பஸ்ஸாபி ஸங்க³ஹேதப்³ப³தோ. ஏஸ நயோ உபரிபி ஸப்³ப³த்த². தத்த² ஹி ந ச ஸகஸஞ்ஞீதி இமினா பரபரிக்³க³ஹிததா வுத்தா, ந ச விஸ்ஸாஸக்³கா³ஹீ ந ச தாவகாலிகந்தி இமேஹி பரபரிக்³க³ஹிதஸஞ்ஞிதா, தீஹி வா ஏதேஹி பரபரிக்³க³ஹிததா பரபரிக்³க³ஹிதஸஞ்ஞிதா ச வுத்தாதி வேதி³தப்³பா³. அனஜ்ஜா²வுத்த²கந்தி ‘‘மமேத³’’ந்தி பரிக்³க³ஹவஸேன அனஜ்ஜா²வுத்த²கங் அரஞ்ஞே தா³ருதிணபண்ணாதி³. ச²ட்³டி³தந்தி பட²மங் பரிக்³க³ஹெத்வா பச்சா² அனத்தி²கதாய ச²ட்³டி³தங் யங் கிஞ்சி. சி²ன்னமூலகந்தி நட்ட²ங் பரியேஸித்வா ஆலயஸங்கா²தஸ்ஸ மூலஸ்ஸ சி²ன்னத்தா சி²ன்னமூலகங். அஸ்ஸாமிகந்தி அனஜ்ஜா²வுத்த²காதீ³ஹி தீஹி ஆகாரேஹி த³ஸ்ஸிதங் அஸ்ஸாமிகவத்து². உப⁴யம்பீதி அஸ்ஸாமிகங் அத்தனோ ஸந்தகஞ்ச.
அனாபத்திபே⁴த³வண்ணனா
131. தஸ்மிங்யேவ அத்தபா⁴வே நிப்³ப³த்தாதி தஸ்மிங்யேவ மதஸரீரே பேதத்தபா⁴வேன நிப்³ப³த்தா. ருக்கா²தீ³ஸு லக்³கி³தஸாடகே வத்தப்³ப³மேவ நத்தீ²தி மனுஸ்ஸேஹி அகோ³பிதங் ஸந்தா⁴ய வுத்தங், ஸசே பனேதங் தே³வாலயசேதியருக்கா²தீ³ஸு தோ²கே கா²யிதே…பே॰… க³ஹேதுங் வட்டதீதி இத³ங் அதி³ன்னாதா³னாபா⁴வங் ஸந்தா⁴ய வுத்தங். ஜிக⁴ச்சி²தபாணினா கா²தி³யமானமங்ஸஸ்ஸ அச்சி²ந்தி³த்வா கா²த³னங் நாம காருஞ்ஞஹானிதோ லோலபா⁴வதோ ச அஸாருப்பமேவ. தேனேவ ஹி அரியவங்ஸிகா அத்தனோ பத்தே ப⁴த்தங் கா²த³ந்தம்பி ஸுனகா²தி³ங் தஜ்ஜெத்வா ந வாரெந்தி, திரச்சா²னானங் ஆமிஸதா³னே குஸலங் விய தேஸங் ஆமிஸஸ்ஸ அச்சி²ந்த³னேபி அகுஸலமேவாதி க³ஹேதப்³ப³ங், தேனேவ வக்க²தி ‘‘பரானுத்³த³யதாய ச ந க³ஹேதப்³ப³’’ந்தி (பாரா॰ அட்ட²॰ 1.140).
பகிண்ணககதா²வண்ணனா
ப³ஹு ஏகதோ தா³ருஆதி³பா⁴ரியஸ்ஸ ஏகஸ்ஸ ப⁴ண்ட³ஸ்ஸ உக்கி²பனகாலே ‘‘க³ண்ஹத² உக்கி²பதா²’’தி வசீபயோகே³ன ஸத்³தி⁴ங் காயபயோக³ஸப்³பா⁴வட்டா²னங் ஸந்தா⁴ய ‘‘ஸாஹத்தி²காணத்திக’’ந்தி வுத்தங். ‘‘த்வங் ஏதங் வத்து²ங் க³ண்ஹ, அஹங் அஞ்ஞ’’ந்தி ஏவங் பவத்தே பன அவஹாரே அத்தனா க³ஹிதங் ஸாஹத்தி²கமேவ, பரேன கா³ஹாபிதங் ஆணத்திகமேவ, தேனேவ தது³ப⁴யக்³கே⁴ன பஞ்சமாஸேபி பாராஜிகங் ந ஹோதி, ஏகேகப⁴ண்ட³க்³க⁴வஸேன து²ல்லச்சயாதி³மேவ ஹோதி. வுத்தஞ்ஹி ‘‘ஸாஹத்தி²கங் வா ஆணத்திகஸ்ஸ அங்க³ங் ந ஹோதீ’’திஆதி³. உபனிக்கி²த்தப⁴ண்ட³ங் ப⁴ண்ட³தெ³ய்யஞ்ச அதா³துகாமதாய ‘‘தே³மி த³ம்மீ’’தி விக்கி²பந்தோ துண்ஹீபா⁴வேன விஹேடெ²ந்தோபி தேன தேன காயவிகாராதி³கிரியாய பரஸ்ஸ து⁴ரங் நிக்கி²பாபேஸீதி ‘‘கிரியாஸமுட்டா²னஞ்சா’’தி வுத்தங்.
பத³பா⁴ஜனீயவண்ணனானயோ நிட்டி²தோ.
வினீதவத்து²வண்ணனா
135. வினீதவத்தூ²ஸு யதா²கம்மங் க³தோதி ததோ பேதத்தபா⁴வதோ மதபா⁴வங் த³ஸ்ஸேதி. அப்³பு⁴ண்ஹேதி ஆஸன்னமரணதாய ஸரீரஸ்ஸ உண்ஹஸமங்கி³தங் த³ஸ்ஸேதி, தேனேவாஹ ‘‘அல்லஸரீரே’’தி. குணபபா⁴வங் உபக³தம்பி பி⁴ன்னமேவ அல்லபா⁴வதோ பி⁴ன்னத்தா. விஸபா⁴க³ஸரீரேதி இத்தி²ஸரீரே. ஸீஸே வாதிஆதி³ அத⁴க்க²கே உப்³ப⁴ஜாணுமண்ட³லே பதே³ஸே சித்தவிகாரப்பத்திங் ஸந்தா⁴ய வுத்தங், யத்த² கத்த²சி அனாமஸந்தேன கதங் ஸுகதமேவ. மதஸரீரம்பி ஹி யேன கேனசி ஆகாரேன ஸஞ்சிச்ச பு²ஸந்தஸ்ஸ அனாமாஸது³க்கடமேவாதி வத³ந்தி, தங் யுத்தமேவ. ந ஹி அபாராஜிகவத்து²கேபி சித்தாதி³இத்தி²ரூபே ப⁴வந்தங் து³க்கடங் பாராஜிகவத்து²பூ⁴தே மதித்தி²ஸரீரே நிவத்ததி.
குஸஸங்காமனவத்து²கதா²வண்ணனா
138. ப³லஸாதி ஸாடகோ ப⁴விஸ்ஸதி, க³ண்ஹிஸ்ஸாமீதி அனாக³தவசனங் பஸிப்³ப³கக்³க³ஹணதோ புரேதரங் ஸமுப்பன்னபரிகப்பத³ஸ்ஸனவஸேன வுத்தங். க³ஹணக்க²ணே பன ‘‘ஸாடகோ சே, க³ண்ஹாமீ’’தி பஸிப்³ப³கங் க³ண்ஹாதீதி ஏவமெத்த² அதி⁴ப்பாயோ க³ஹேதப்³போ³, ந பன ப³ஹி நீஹரித்வா ஸாடகபா⁴வங் ஞத்வா க³ஹெஸ்ஸாமீதி, தேனாஹ ‘‘உத்³தா⁴ரேயேவ பாராஜிக’’ந்தி. இதரதா² ‘‘இதா³னி ந க³ண்ஹாமி, பச்சா² அந்த⁴காரே ஜாதே விஜானநகாலே வா க³ண்ஹிஸ்ஸாமி, இதா³னி ஓலோகெந்தோ விய ஹத்த²க³தங் கரோமீ’’தி க³ண்ஹந்தஸ்ஸாபி க³ஹணக்க²ணே அவஹாரோ ப⁴வெய்ய, ந ச தங் யுத்தங் ததா³ க³ஹணே ஸன்னிட்டா²னாபா⁴வா. ஸன்னிட்டா²பகசேதனாய ஏவ ஹி பாணாதிபாதாதி³அகுஸலங் விய. ந ஹி ‘‘பச்சா² வதி⁴ஸ்ஸாமீ’’தி பாணங் க³ண்ஹந்தஸ்ஸ ததே³வ தஸ்மிங் மதேபி பாணாதிபாதோ ஹோதி வத⁴கசேதனாய பயோக³ஸ்ஸ அகதத்தா, ஏவமிதா⁴பி அத்த²ங்க³தே ஸூரியே அவஹரிஸ்ஸாமீதிஆதி³னா காலபரிகப்பனவஸேன டா²னா சாவிதேபி ததா³பி அவஹாரோ ந ஹோதி ஓகாஸபரிகப்பே (பாரா॰ அட்ட²॰ 1.138) விய, தஸ்மிங் பன யதா²பரிகப்பிதட்டா²னே காலே ஆக³தே ப⁴ண்ட³ங் பூ⁴மியங் அனிக்கி²பித்வாபி தெ²ய்யசித்தேன க³ச்ச²தோ பத³வாரேன அவஹாரோதி கா²யதி. தஸ்மா ப⁴ண்ட³பரிகப்போ ஓகாஸபரிகப்போ காலபரிகப்போதி திவிதோ⁴பி பரிகப்போ அட்ட²கதா²யங் பன ஓகாஸபரிகப்பே ஸமோதா⁴னெத்வா காலபரிகப்போ விஸுங் ந வுத்தோதி அம்ஹாகங் க²ந்தி, வீமங்ஸித்வா க³ஹேதப்³ப³ங். பத³வாரேன காரேதப்³போ³தி பூ⁴மியங் அனிக்கி²பித்வா வீமங்ஸிதத்தா வுத்தங். பரியுட்டி²தோதி அனுப³த்³தோ⁴.
பரிகப்போ தி³ஸ்ஸதீதி க³ஹணக்க²ணே பரிகப்போ தி³ஸ்ஸதி, ந ததா³ தேஸங் மதேன அவஹாரோதி த³ஸ்ஸேதி. தி³ஸ்வா ஹடத்தா பரிகப்பாவஹாரோ ந தி³ஸ்ஸதீதி பச்சா² பன ப³ஹி வீமங்ஸித்வா ஸாடகபா⁴வங் ஞத்வா ததோ பச்சா² தெ²ய்யசித்தேன ஹடத்தா புப்³பே³ கதஸ்ஸ பரிகப்பஸ்ஸ அவஹாரானங்க³த்தா ‘‘ஸுத்த’’ந்தி ஞத்வா ஹரணே விய தெ²ய்யாவஹாரோ ஏவ ஸியா. தஸ்மா பரிகப்பாவஹாரோ ந தி³ஸ்ஸதி. ஸாடகோ சே ப⁴விஸ்ஸதீதிஆதி³கஸ்ஸ பரிகப்பஸ்ஸ ததா³ அவிஜ்ஜமானத்தா கேவலங் அவஹாரோ ஏவ, ந பரிகப்பாவஹாரோதி அதி⁴ப்பாயோ, தேன ப⁴ண்ட³பரிகப்பாவஹாரஸ்ஸ ‘‘ஸாடகோ சே ப⁴விஸ்ஸதி, க³ஹெஸ்ஸாமீ’’தி ஏவங் ப⁴ண்ட³ஸன்னிட்டா²னாபா⁴வக்க²ணேயேவ பவத்திங் த³ஸ்ஸேதி, தேனாஹ ‘‘யங் பரிகப்பிதங், தங் அதி³ட்ட²ங் பரிகப்பிதபா⁴வே டி²தங்யேவ உத்³த⁴ரந்தஸ்ஸ அவஹாரோ’’தி. யதி³ ஏவங் கஸ்மா ஓகாஸபஅப்பாவஹாரோ ப⁴ண்ட³ங் தி³ஸ்வா அவஹரந்தஸ்ஸ பரிகப்பாவஹாரோ ஸியாதி? நாயங் தோ³ஸோ அப⁴ண்ட³விஸயத்தா தஸ்ஸ பரிகப்பஸ்ஸ, புப்³பே³வ தி³ஸ்வா ஞாதப⁴ண்ட³ஸ்ஸேவ ஹி ஓகாஸபரிகப்போ வுத்தோ. தங் மஞ்ஞமானோ தங் அவஹரீதி இத³ங் ஸுத்தங் கிஞ்சாபி ‘‘தஞ்ஞேவேத’’ந்தி நியமெத்வா க³ண்ஹந்தஸ்ஸ
கேசீதி மஹாஅட்ட²கதா²யமேவ ஏகச்சே ஆசரியா. மஹாபச்சரியங் பனாதிஆதி³னாபி கேசிவாதோ³ கா³ரய்ஹோ, மஹாஅட்ட²கதா²வாதோ³வ யுத்ததரோதி த³ஸ்ஸேதி.
அலங்காரப⁴ண்ட³ந்தி அங்கு³லிமுத்³தி³காதி³. குஸங் பாதெத்வாதி விலீவமயங் வா தாலபண்ணாதி³மயங் வா கதஸஞ்ஞாணங் பாதெத்வா. பரகொட்டா²ஸதோ குஸே உத்³த⁴டேபி ந தாவ குஸஸ்ஸ பரிவத்தனங் ஜாதந்தி வுத்தங் ‘‘உத்³தா⁴ரே ரக்க²தீ’’தி. ஹத்த²தோ முத்தமத்தே பாராஜிகந்தி இமினா டா²னாசாவனங் து⁴ரனிக்கே²பஞ்ச வினா குஸஸங்காமனங் நாம விஸுங் ஏகோயங் அவஹாரோதி த³ஸ்ஸேதி. ஸப்³பே³பி ஹி அவஹாரா இதரோ தஸ்ஸ பா⁴க³ங் உத்³த⁴ரதி, உத்³தா⁴ரே பாராஜிகந்தி புரிமஸ்ஸ அத்தனோ கொட்டா²ஸே ஆலயஸ்ஸ அவிக³தத்தா வுத்தங், ஆலயே பன ஸப்³ப³தா² அஸதி அவஹாரோ ந ஹோதி, தேனாஹ ‘‘விசினிதாவஸேஸங் க³ண்ஹந்தஸ்ஸாபி அவஹாரோ நத்தே²வா’’தி.
நாயங் மமாதி ஜானந்தோபீதி எத்த² பி-ஸத்³தே³ன தத்த² வேமதிகோபி ஹுத்வா தெ²ய்யசித்தேன க³ண்ஹந்தோபி ஸங்க³ய்ஹதி. ஸிவெய்யகந்தி ஸிவிரட்டே² ஜாதங்.
140-1. கப்பியங் காராபெத்வாதி பசாபெத்வா. தஸ்மிங் பாசித்தியந்தி அதி³ன்னாதா³னபா⁴வேன ஸஹபயோக³ஸ்ஸாபி அபா⁴வா து³க்கடங் ந வுத்தந்தி வேதி³தப்³ப³ங். ஆணத்தேஹீதி ஸம்மதேன ஆணத்தேஹி. ஆணத்தேனாதி ஸாமிகேஹி ஆணத்தேன. ப⁴ண்ட³தெ³ய்யந்தி ஸம்மதாதீ³ஹி தி³ன்னத்தா ந பராஜிகங் ஜாதங், அஸந்தங் புக்³க³லங் வத்வா க³ஹிதத்தா பன ப⁴ண்ட³தெ³ய்யங் வுத்தங். அஞ்ஞேன தி³ய்யமானந்தி ஸம்மதாதீ³ஹி சதூஹி அஞ்ஞேன தி³ய்யமானங். க³ண்ஹந்தோதி ‘‘அபரஸ்ஸ பா⁴க³ங் தே³ஹீ’’தி வத்வா க³ண்ஹந்தோ. அபரஸ்ஸாதி அஸந்தங் புக்³க³லங் அத³ஸ்ஸெத்வா பன ‘‘அபரங் பா⁴க³ங் தே³ஹீ’’தி வா கூடவஸ்ஸானி க³ணெத்வா வா க³ண்ஹதோ கி³ஹிஸந்தகே ஸாமினா ச ‘‘இமஸ்ஸ தே³ஹீ’’தி ஏவங் ஆணத்தேன ச தி³ன்னே ப⁴ண்ட³தெ³ய்யம்பி ந ஹோதி, ஸங்க⁴ஸந்தகே பன ஹோதீதி இமங் விஸேஸங் த³ஸ்ஸேதுங் அஸம்மதேன வா அனாணத்தேன வாதிஆதி³ புன வுத்தங். இதரேஹி தி³ய்யமானந்தி ஸம்மதேன ஆணத்தேன வா தி³ய்யமானங். ஏவங் க³ண்ஹதோதி ‘‘அபரம்பி பா⁴க³ங் தே³ஹீ’’தி வத்வா கூடவஸ்ஸானி க³ணெத்வா வா க³ண்ஹதோ. ஸாமிகேன பனாதி எத்த² பன-ஸத்³தோ³ விஸேஸத்த²ஜோதகோ, தேன ‘‘அபரம்பி பா⁴க³ங் தே³ஹீ’’தி வா கூடவஸ்ஸானி க³ணெத்வா வா க³ண்ஹந்தே ஸாமிகேன ஸயங் தெ³ந்தே வா தா³பெந்தே வா விஸேஸோ அத்தீ²தி வுத்தங் ஹோதி. ஸுதி³ன்னந்தி ப⁴ண்ட³தெ³ய்யங் ந ஹோதீதி அதி⁴ப்பாயோ. ஹெட்டா² பன ஸாமிகேன தேன ஆணத்தேன வா தி³ய்யமானங் கி³ஹிஸந்தகங் ‘‘அபரஸ்ஸ பா⁴க³ங் தே³ஹீ’’தி வத்வா க³ண்ஹதோ அபரஸ்ஸ அபா⁴வதோ ஸாமிஸந்தகமேவ ஹோதீதி ப⁴ண்ட³தெ³ய்யங் ஜாதங், இத⁴ பன தேஹியேவ தி³ய்யமானங் ‘‘அபரம்பி பா⁴க³ங் தே³ஹீ’’தி வத்வா வா கூடவஸ்ஸானி க³ணெத்வா
146-9. ஆஹராபெந்தேஸு ப⁴ண்ட³தெ³ய்யந்தி ‘‘க³ஹிதே அத்தமனோ ஹோதீ’’தி வசனதோ அனத்தமனஸ்ஸ ஸந்தகங் க³ஹிதம்பி புன தா³தப்³ப³மேவாதி வுத்தங். ‘‘ஸம்முகீ²பூ⁴தேஹி பா⁴ஜேதப்³ப³’’ந்தி வசனதோ பா⁴ஜனீயப⁴ண்ட³ங் உபசாரஸீமட்டா²னமேவ பாபுணாதீதி ஆஹ ‘‘அந்தோஉபசாரஸீமாயங் டி²தஸ்ஸேவ க³ஹேதுங் வட்டதீ’’தி. ப⁴ண்ட³தெ³ய்யந்தி உபி⁴ன்னங் ஸாலயபா⁴வேபி சோரஸ்ஸ அத³த்வா ஸாமிகஸ்ஸேவ தா³தப்³ப³ங் சோரேனாபி ஸாமிகஸ்ஸேவ தா³தப்³ப³தோ. ஏஸேவ நயோதி பங்ஸுகூலஸஞ்ஞாய க³ஹிதே ப⁴ண்ட³தெ³ய்யங், தெ²ய்யசித்தேன பாராஜிகந்தி அத்தோ².
வுட்ட²ஹந்தேஸூதி கா³மங் ச²ட்³டெ³த்வா பலாயந்தேஸு. அவிஸேஸேனாதி ஸஉஸ்ஸாஹதாதி³விஸேஸங் அபராமஸித்வா ஸாமஞ்ஞதோ. ஸஉஸ்ஸாஹமத்தமேவ ஆபத்திபா⁴வஸ்ஸ பமாணங் ஸாமிகானங் பரிச்சி²ன்னபா⁴வதோ. ததோதி க³ணஸந்தகாதி³தோ. குலஸங்க³ஹணத்தா²ய தே³தீதி பங்ஸுகூலவிஸ்ஸாஸிகாதி³ஸஞ்ஞாய க³ஹெத்வா தே³தி, ததா³ குலஸங்க³ஹபச்சயா ச து³க்கடங் ப⁴ண்ட³தெ³ய்யஞ்ச, தெ²ய்யசித்தே பன ஸதி குலஸங்க³ஹணத்தா²ய க³ண்ஹதோபி பாராஜிகமேவ. ஊனபஞ்சமாஸகாதீ³ஸு குலதூ³ஸகது³க்கடேன ஸத்³தி⁴ங் து²ல்லச்சயது³க்கடானி. ஸேனாஸனத்தா²ய நியமிதந்தி இத³ங் இஸ்ஸரவதாய த³த³தோ து²ல்லச்சயத³ஸ்ஸனத்த²ங் வுத்தங். இதரபச்சயத்தா²ய தி³ன்னம்பி அதெ²ய்யசித்தேன இஸ்ஸரவதாய குலஸங்க³ஹணத்தா²ய வா ஞாதகாதீ³னங் வா த³த³தோ து³க்கடங் ப⁴ண்ட³தெ³ய்யஞ்ச ஹோதேவ. இஸ்ஸரவதாயாதி ‘‘மயி தெ³ந்தே கோ நிவாரெஸ்ஸதி, அஹமேவெத்த² பமாண’’ந்தி ஏவங் அத்தனோ இஸ்ஸரியபா⁴வேன. து²ல்லச்சயந்தி குலஸங்க³ஹணத்தா²ய வா அஞ்ஞதா² வா காரணேன த³த³தோ ஸேனாஸனத்தா²ய நியமிதஸ்ஸ க³ருப⁴ண்ட³தாய து²ல்லச்சயங் ப⁴ண்ட³தெ³ய்யஞ்ச. கீ³வாதி எத்த² ஸேனாஸனத்தா²ய நியமிதே து²ல்லச்சயேன ஸத்³தி⁴ங் கீ³வா, இதரஸ்மிங் து³க்கடேன ஸத்³தி⁴ந்தி வேதி³தப்³ப³ங். ஸுகா²தி³தமேவாதி அந்தோஉபசாரஸீமாயங் ட²த்வா பா⁴ஜெத்வா அத்தனோ ஸந்தகங் கத்வா கா²தி³தத்தா வுத்தங். ஸங்கி⁴கஞ்ஹி விஹாரபடிப³த்³த⁴ங்
150. ‘‘வுத்தோ வஜ்ஜேமீ’’தி வுத்தபி⁴க்கு²ஸ்மிங் ‘‘வுத்தோ வஜ்ஜேஹீ’’தி வுத்தஸ்ஸ பச்சா² உப்பஜ்ஜனகபாராஜிகாதி³தோ³ஸாரோபனதோ, க³ஹட்டா²னங் வா ‘‘ப⁴த³ந்தா அபரிச்சே²த³ங் கத்வா வத³ந்தீ’’தி ஏவங் தோ³ஸாரோபனதோ.
153-5. சா²தஜ்ஜ²த்தந்தி தேன சா²தேன ஜிக⁴ச்சா²ய உத³ரக்³கி³னா ஜ²த்தங், த³ட்³ட⁴ங் பீளிதந்தி அத்தோ². த⁴னுகந்தி கு²த்³த³கத⁴னுஸண்டா²னங் லக்³க³னகத³ண்ட³ங். மத்³த³ந்தோ க³ச்ச²தி, ப⁴ண்ட³தெ³ய்யந்தி எத்த² ஏகஸூகரக்³க⁴னகப⁴ண்ட³ங் தா³தப்³ப³ங் ஏகஸ்மிங் ப³ந்தே⁴ அஞ்ஞேஸங் தத்த² அப³ஜ்ஜ²னதோ. அதூ³ஹலந்தி யந்தபாஸாணோ, யேன அஜ்ஜொ²த்த²டத்தா மிகா³ பலாயிதுங் ந ஸக்கொந்தி. பச்சா² க³ச்ச²தீதி தேன கதபயோகே³ன அக³ந்த்வா பச்சா² ஸயமேவ க³ச்ச²தி, ஹெட்டா² வுத்தேஸுபி ஈதி³ஸேஸு டா²னேஸு ஏஸேவ நயோ. ரக்க²ங் யாசித்வாதி ராஜபுரிஸானங் ஸந்திகங் க³ந்த்வா அனுத்³தி³ஸ்ஸ ரக்க²ங் யாசித்வா. குமீனமுக²ந்தி குமீனஸ்ஸ அந்தோ மச்சா²னங் பவிஸனமுக²ங்.
156. தே²ரானந்தி ஆக³ந்துகத்தே²ரானங். தேஸம்பீதி ஆவாஸிகபி⁴க்கூ²னம்பி. பரிபோ⁴க³த்தா²யாதி ஸங்கி⁴கே கத்தப்³ப³விதி⁴ங் கத்வா பரிபு⁴ஞ்ஜனத்தா²ய. க³ஹணேதி பாட²ஸேஸோ த³ட்ட²ப்³போ³. யத்தா²தி யஸ்மிங் ஆவாஸே. அஞ்ஞேஸந்தி அஞ்ஞேஸங் ஆக³ந்துகானங். தேஸுபி ஆக³ந்துகா அனிஸ்ஸராதி ஸேனாஸனே நிரந்தரங் வஸந்தானங் சீவரத்தா²ய தா³யகேஹி பி⁴க்கூ²ஹி வா நியமெத்வா தி³ன்னத்தா பா⁴ஜெத்வா கா²தி³துங் அனிஸ்ஸரா, ஆக³ந்துகேஹிபி இச்ச²ந்தேஹி தஸ்மிங் விஹாரே வஸ்ஸானாதீ³ஸு பவிஸித்வா சீவரத்தா²ய க³ஹேதப்³ப³ங். தேஸங் கதிகாய டா²தப்³ப³ந்தி ஸப்³பா³னி ப²லாப²லானி அபா⁴ஜெத்வா ‘‘எத்தகேஸு ருக்கே²ஸு ப²லானி பா⁴ஜெத்வா பரிபு⁴ஞ்ஜிஸ்ஸாம, அஞ்ஞேஸு ப²லாப²லேஹி ஸேனாஸனானி படிஜக்³கி³ஸ்ஸாமா’’தி வா, ‘‘பிண்ட³பாதாதி³பச்சயங் ஸம்பாதெ³ஸ்ஸாமா’’தி வா, ‘‘கிஞ்சிபி அபா⁴ஜெத்வா சதுபச்சயத்தா²யேவ உபனேமா’’தி வா ஏவங் ஸம்மா உபனெந்தானங் ஆவாஸிகானங் கதிகாய ஆக³ந்துகேஹி டா²தப்³ப³ங். மஹாஅட்ட²கதா²யங் ‘‘அனிஸ்ஸரா’’தி வசனேன தீ³பிதோ ஏவ அத்தோ², மஹாபச்சரியங் சதுன்னங் பச்சயானந்திஆதி³னா வித்தா²ரெத்வா த³ஸ்ஸிதோ. பரிபோ⁴க³வஸேனேவாதி எத்த² ஏவ-ஸத்³தோ³ அட்டா²னப்பயுத்தோ, பரிபோ⁴க³வஸேன தமேவ பா⁴ஜெத்வாதி யோஜேதப்³ப³ங். எத்தா²தி ஏதஸ்மிங் விஹாரே, ரட்டே² வா.
ஸேனாஸனபச்சயந்தி ஏகங் வா த்³வே வா வரஸேனாஸனானி ட²பெத்வாதி வுத்தமேவத்த²ங் புன ப்³யதிரேகமுகே²ன த³ஸ்ஸேதுங் ‘‘மூலவத்து²ச்சே²த³ங் பன கத்வா ந உபனேதப்³ப³’’ந்தி
பண்ணங் ஆரோபெத்வாதி ‘‘எத்தகே ருக்கே² ரக்கி²த்வா ததோ எத்தகங் க³ஹேதப்³ப³’’ந்தி பண்ணங் ஆரோபெத்வா. நிமித்தஸஞ்ஞங் கத்வாதி ஸங்கேதங் கத்வா. தா³ரகாதி தேஸங் புத்தனத்தாத³யோ யே கேசி கோ³பெந்தி, தே ஸப்³பே³பி இத⁴ ‘‘தா³ரகா’’தி வுத்தா. ததோதி யதா²வுத்ததா³ருஸம்பா⁴ரதோ. ஆபுச்சி²த்வாதி காரகஸங்க⁴ங் ஆபுச்சி²த்வா. தங் ஸப்³ப³ம்பி ஆஹரித்வாதி அனாபுச்சி²த்வாபி தாவகாலிகங் ஆஹரித்வா. அயமேவ பி⁴க்கு² இஸ்ஸரோதிஆதி³தோ பட்டா²ய அத்தனோ ஸந்தகேஹி தா³ருஸம்பா⁴ராதீ³ஹி ச காராபிதத்தா படிஜக்³கி³தத்தா ச ஸங்கி⁴கஸேனாஸனே பா⁴கி³தாய ச அயமேவ இஸ்ஸரோ, ந ச ஸோ ததோ வுட்டா²பேதப்³போ³தி வுத்தங் ஹோதி. உத³கபூஜந்தி சேதியங்க³ணே ஸிஞ்சனாதி³பூஜங். வத்தஸீஸேனாதி கேவலங் ஸத்³தா⁴ய, ந வேதனாதி³அத்தா²ய. ஸவத்து²கந்தி ஸஹ பூ⁴மியா. குட்டந்தி கே³ஹபி⁴த்திங். பாகாரந்தி பரிக்கே²பபாகாரங். ததோதி ச²ட்³டி³தவிஹாரதோ. ததோ ஆஹரித்வா ஸேனாஸனங் கதங் ஹோதீதி ஸாமந்தகா³மவாஸீஹி பி⁴க்கூ²ஹி ச²ட்³டி³தவிஹாரதோ தா³ருஸம்பா⁴ராதி³ங் ஆஹரித்வா ஸேனாஸனங் கதங் ஹோதி.
157. ‘‘புக்³க³லிகபரிபோ⁴கே³ன பரிபு⁴ஞ்ஜதீ’’தி வுத்தமத்த²ங்யேவ பாகடங் காதுங் ‘‘ஆக³தாக³தானங் வுட்³ட⁴தரானங் ந தே³தீ’’தி வுத்தங். சதுபா⁴க³உத³கஸம்பி⁴ன்னேதி சதுத்த²பா⁴கே³ன ஸம்பி⁴ன்னே. பாளியங் ‘‘அனாபத்தி, பி⁴க்க²வே, பாராஜிகஸ்ஸா’’தி (பாரா॰ 157) ஸாமிகேஹி து²ல்லனந்த³ங் உத்³தி³ஸ்ஸ ஏதிஸ்ஸா ஹத்தே² தி³ன்னத்தா, அதெ²ய்யசித்தேன பரிபு⁴ஞ்ஜிதத்தா ச வுத்தங். தெ²ய்யசித்தேன பரிபு⁴த்தேபி சஸ்ஸா ப⁴ண்ட³தெ³ய்யமேவ உபனிக்கி²த்தப⁴ண்ட³ட்டா²னியத்தா. ஓத³னபா⁴ஜனீயவத்து²ஸ்மிந்தி ‘‘அபரஸ்ஸ பா⁴க³ங் தே³ஹீ’’தி ஆக³தவத்து²ஸ்மிங் (பாரா॰ 141).
159. தஸ்ஸ குலஸ்ஸ அனுகம்பாய பஸாதா³னுரக்க²ணத்தா²யாதிஆதி³னா குலஸங்க³ஹத்த²ங் நாகாஸீதி த³ஸ்ஸேதி. ‘‘யாவ தா³ரகா பாஸாத³ங் ஆரோஹந்தி, தாவ பாஸாதோ³ தேஸங் ஸந்திகே ஹோதூ’’தி புப்³பே³ காலபரிச்சே²த³ங் கத்வா அதி⁴ட்டி²தத்தா ஏவ யதா²காலபரிச்சே²த³மேவ தத்த² திட்ட²தி, ததோ பரங் பாஸாதோ³ ஸயமேவ யதா²டா²னங் க³ச்ச²தி, ததா²க³மனஞ்ச இத்³தி⁴விஸ்ஸஜ்ஜனேன ஸஞ்ஜாதங் விய ஹோதீதி வுத்தங் ‘‘தே²ரோ இத்³தி⁴ங் படிஸங்ஹரீ’’தி. யஸ்மா ஏவங் இத்³தி⁴வித⁴ஞாணேன கரொந்தஸ்ஸ காயவசீபயோகா³ இத்³தி⁴விஸயேதி செத்த² பரப⁴ண்டா³தா³யககாயவசீபயோகா³ஸமுட்டா²பகஸ்ஸ கேவலங் மனொத்³வாரிகஸ்ஸ அதெ²ய்யசித்தபூ⁴தஸ்ஸ இத்³தி⁴சித்தஸ்ஸ விஸயே ஆபத்தி நாம நத்தீ²தி அதி⁴ப்பாயோ க³ஹேதப்³போ³. கிங் பன படிக்கி²த்தங் இத்³தி⁴பாடிஹாரியங் காதுங் வட்டதீதி சோத³னங் ஸந்தா⁴யாஹ ‘‘ஈதி³ஸாய அதி⁴ட்டா²னித்³தி⁴யா அனாபத்தீ’’தி. ‘‘அனாபத்தி, பி⁴க்க²வே, இத்³தி⁴மஸ்ஸ இத்³தி⁴விஸயே’’தி ஹி இமினாயேவ ஸுத்தேன அதி⁴ட்டா²னித்³தி⁴யா அப்படிக்கி²த்தபா⁴வோ ஸிஜ்ஜ²தி. அத்தனோ பகதிவண்ணங் அவிஜஹித்வா ப³ஹித்³தா⁴ ஹத்தி²ஆதி³த³ஸ்ஸனங், ‘‘ஏகோபி ஹுத்வா ப³ஹுதா⁴ ஹோதீ’’தி (தீ³॰ நி॰ 1.238, 239; ம॰ நி॰ 1.147; படி॰ ம॰ 1.102) ஆக³தஞ்ச அதி⁴ட்டா²னவஸேன நிப்ப²ன்னத்தா அதி⁴ட்டா²னித்³தி⁴ நாம, ‘‘ஸோ பகதிவண்ணங் விஜஹித்வா குமாரகவண்ணங் வா த³ஸ்ஸேதி, நாக³வண்ணங்…பே॰… விவித⁴ம்பி ஸேனாப்³யூஹங் த³ஸ்ஸேதீ’’தி (படி॰ ம॰ 3.13) ஏவங் ஆக³தா இத்³தி⁴ பகதிவண்ணவிஜஹனவிகாரவஸேன பவத்தத்தா விகுப்³ப³னித்³தி⁴ நாம. அத்தனோ பன பகதிரூபங் யதா²ஸபா⁴வேன ட²பெத்வாவ ப³ஹி ஹத்தி²ஆதி³த³ஸ்ஸனங் விகுப்³ப³னித்³தி⁴ நாம ந ஹோதி, அத்தனோ ரூபமேவ ஹத்தி²ஆதி³ரூபேன நிம்மானங் விகுப்³ப³னித்³தீ⁴தி வேதி³தப்³ப³ங்.
பராஜிதகிலேஸேனாதி இதா⁴தி இமஸ்மிங் ஸாஸனே, தேன து³தியபாராஜிகஸிக்கா²பதே³ன ஸமங் அஞ்ஞங் அனேகனயவோகிண்ணங் க³ம்பீ⁴ரத்த²வினிச்ச²யங் கிஞ்சி ஸிக்கா²பத³ங் ந விஜ்ஜதீதி யோஜனா. தத்த² அத்தோ² நாம பாளிஅத்தோ², வினிச்ச²யோ பாளிமுத்தகவினிச்ச²யோ, தே க³ம்பீ⁴ரா யஸ்மிங், தங் க³ம்பீ⁴ரத்த²வினிச்ச²யங். வத்து²ம்ஹி ஓதிண்ணேதி சோத³னாவஸேன வா அத்தனாவ அத்தனோ வீதிக்கமாரோசனவஸேன வா ஸங்க⁴மஜ்ஜே² அதி³ன்னாதா³னவத்து²ஸ்மிங் ஓதிண்ணே. எத்தா²தி ஓதிண்ணவத்து²ம்ஹி. வினிச்ச²யோதி ஆபத்தானாபத்தினியமனங். கப்பியேபி ச வத்து²ஸ்மிந்தி அத்தனா க³ஹேதுங் யுத்தே மாதாபிதாதீ³னங் ஸந்தகேபி.
இதி ஸமந்தபாஸாதி³காய வினயட்ட²கதா²ய விமதிவினோத³னியங்
து³தியபாராஜிகவண்ணனானயோ நிட்டி²தோ.
3. ததியபாராஜிகங்
தீஹீதி
பட²மபஞ்ஞத்தினிதா³னவண்ணனா
162. யா அயங் ஹெட்டா² தங் பனேதங் பு³த்³த⁴காலே ச சக்கவத்திகாலே ச நக³ரங் ஹோதீதிஆதி³னா (பாரா॰ அட்ட²॰ 1.84) ராஜக³ஹஸ்ஸ பு³த்³து⁴ப்பாதே³யேவ வேபுல்லப்பத்தி வுத்தா, ஸா எத்தா²பி ஸமானாதி த³ஸ்ஸேதுங் ‘‘இத³ம்பி ச நக³ர’’ந்தி வுத்தங், தேன ச ந கேவலங் ராஜக³ஹாத³யோ ஏவாதி த³ஸ்ஸேதி. மஹாவனங் நாமாதிஆதி³ மஜ்ஜி²மபா⁴ணகஸங்யுத்தபா⁴ணகானங் மதேன வுத்தங், தீ³க⁴பா⁴ணகா பன ‘‘ஹிமவந்தேன ஸத்³தி⁴ங் ஏகாப³த்³த⁴ங் ஹுத்வா டி²தங் மஹாவன’’ந்தி வத³ந்தி. ஹங்ஸவட்டகச்ச²த³னேனாதி ஹங்ஸவட்டகபடிச்ச²ன்னேன, ஹங்ஸமண்ட³லாகாரேனாதி அத்தோ². காயவிச்ச²ந்த³னியகத²ந்தி கரஜகாயே விராகு³ப்பாத³னகத²ங். ச²ந்தோ³தி து³ப்³ப³லராகோ³. ராகோ³தி ப³லவராகோ³. ‘‘கேஸலோமாதி³’’ந்தி ஸங்கே²பதோ வுத்தமத்த²ங் விபா⁴கே³ன த³ஸ்ஸேதுங் யேபி ஹீதிஆதி³ வுத்தங். பஞ்சபஞ்சப்பபே⁴தே³னாதி எத்த² பஞ்ச பஞ்ச பபே⁴தா³ ஏதஸ்ஸ பரியாயஸ்ஸாதி பஞ்சபஞ்சப்பபே⁴தோ³
அஸுபா⁴யாதி அஸுப⁴மாதிகாய. வண்ணேதப்³ப³மாதிகஞ்ஹி அபெக்கி²த்வா இத்தி²லிங்கே³ ஸாமிவசனங், தேனாஹ மாதிகங் நிக்கி²பித்வாதிஆதி³. தங் விப⁴ஜந்தோதி மாதிகங் விப⁴ஜந்தோ. பா²திகம்மந்தி நிப்ப²த்திகரணங். பஞ்சங்க³விப்பஹீனந்தி காமச்ச²ந்தா³தி³பஞ்சனீவரணங்க³விக³மேன பஞ்சங்க³விப்பஹீனதா, அப்பனாப்பத்தவிதக்காதி³ஜ்ஜா²னங்கா³னங் உப்பத்திவஸேன பஞ்சங்க³ஸமன்னாக³ததா ச வேதி³தப்³பா³. திவித⁴கல்யாணங் த³ஸலக்க²ணஸம்பன்னந்தி எத்த² பன ஜா²னஸ்ஸ ஆதி³மஜ்ஜ²பரியோஸானானங் வஸேன திவித⁴கல்யாணதா, தேஸங்யேவ ஆதி³மஜ்ஜ²பரியோஸானானங் லக்க²ணவஸேன த³ஸலக்க²ணஸம்பன்னதா ச வேதி³தப்³பா³. அட்ட²கதா²யங் பன ‘‘த³ஸலக்க²ணவிபா⁴வனேனேவ தன்னிஸ்ஸயபூ⁴தா திவித⁴கல்யாணதாபி ஜா²னஸ்ஸ பாகடா ஹோதீதி தத்ரிமானீதிஆதி³ வுத்தங்.
தத்ராயங் பாளீதி தஸ்மிங் த³ஸலக்க²ணவிபா⁴வனவிஸயே அயங் பாளி. படிபதா³விஸுத்³தீ⁴தி கொ³த்ரபு⁴பரியோஸானாய புப்³ப³பா⁴க³படிபதா³ய ஜா²னஸ்ஸ நீவரணாதி³பரிப³ந்த⁴தோ விஸுத்³தி⁴, ஸாயங் யஸ்மா உபெக்கா²னுப்³ரூஹனாதீ³னம்பி பச்சயத்தேன பதா⁴னா புரிமகாரணஸித்³தா⁴ ச, தஸ்மா வுத்தங் ‘‘படிபதா³விஸுத்³தி⁴ ஆதீ³’’தி. உபெக்கா²னுப்³ரூஹனாதி விஸோதே⁴தப்³ப³தாதீ³னங் அபா⁴வதோ தத்ரமஜ்ஜ²த்துபெக்கா²ய கிச்சனிப்ப²த்தியா அனுப்³ரூஹனா, ஸா பன பரிப³ந்த⁴விஸுத்³தி⁴ஸமகாலவிபா⁴வினீபி தப்³பி³ஸுத்³தி⁴யாவ நிப்ப²ன்னாதி தீ³பனத்த²மாஹ ‘‘உபெக்கா²னுப்³ரூஹனா மஜ்ஜே²’’தி. ஸம்பஹங்ஸனாதி வத்து²த⁴ம்மாதீ³னங் அனதிவத்தனாதி³ஸாத⁴கஸ்ஸ ஞாணஸ்ஸ கிச்சனிப்ப²த்திவஸேன பரியோத³பனா, ஸா பன யஸ்மா கத்தப்³ப³ஸ்ஸ ஸப்³ப³கிச்சஸ்ஸ நிப்ப²த்தியாவ ஸித்³தா⁴ நாம ஹோதி, தஸ்மா வுத்தங் ‘‘ஸம்பஹங்ஸனா பரியோஸான’’ந்தி. தீணிபி சேதானி கல்யாணானி ஏகக்க²ணே லப்³ப⁴மானானிபி பச்சயபச்சயுப்பன்னதாதி³வஸேன பவத்தந்தீதி த³ஸ்ஸனத்த²ங் ஆதி³மஜ்ஜ²பரியோஸானபா⁴வேன வுத்தானி, ந பன ஜா²னஸ்ஸ உப்பாதா³தி³க்க²ணத்தயே யதா²க்கமங் லப்³ப⁴மானத்தாதி த³ட்ட²ப்³ப³ங். மஜ்ஜி²மங் ஸமாதி⁴னிமித்தங் படிபஜ்ஜதீதிஆதீ³ஸு மஜ்ஜி²மங் ஸமாதி⁴னிமித்தங் நாம ஸமப்பவத்தோ அப்பனாஸமாதி⁴யேவ. ஸோ ஹி லீனுத்³த⁴ச்சஸங்கா²தானங் உபி⁴ன்னங் அந்தானங் அனுபக³மனேன மஜ்ஜி²மோ, ஸவிஸேஸங் சித்தஸ்ஸ ஏகத்தாரம்மணே ட²பனதோ ஸமாதி⁴யேவ உபரிவிஸேஸானங் காரணபா⁴வதோ ‘‘ஸமாதி⁴னிமித்த’’ந்தி வுச்சதி, தங் படிபஜ்ஜதி படிலப்³ப⁴தீதி அத்தோ². ஏவங்
தத்த² ஜாதானந்திஆதீ³ஸு யே பன தே ஏவங் உபெக்கா²னுப்³ரூஹிதே தஸ்மிங் ஜா²னசித்தே ஜாதா ஸமாதி⁴பஞ்ஞாஸங்கா²தா யுக³னத்³த⁴த⁴ம்மா, தேஸங் அஞ்ஞமஞ்ஞங் அனதிவத்தனஸபா⁴வேன ஸம்பஹங்ஸனா விஸோத⁴னா பரியோத³பனா ச, ஸத்³தா⁴தீ³னங் இந்த்³ரியானங் கிலேஸேஹி விமுத்தத்தா விமுத்திரஸேன ஏகரஸதாய ஸம்பஹங்ஸனா ச, யஞ்சேதங் தது³பக³ங் தேஸங் அனதிவத்தனஏகரஸபா⁴வானங் அனுச்ச²விகங் வீரியங், தஸ்ஸ தது³பக³வீரியஸ்ஸ வாஹனட்டே²ன பவத்தனட்டே²ன ஸம்பஹங்ஸனா ச, தஸ்மிங் க²ணே யதா²வுத்தத⁴ம்மானங் ஆஸேவனட்டே²ன ஸம்பஹங்ஸனா ச, பரியோத³பனா ச பரியோத³பனகஸ்ஸ ஞாணஸ்ஸ கிச்சனிப்ப²த்திவஸேனேவ இஜ்ஜ²தீதி வேதி³தப்³ப³ங். ஏவங் திவித⁴த்தக³தங் சித்தந்திஆதீ³னி தஸ்ஸேவ சித்தஸ்ஸ தோ²மனவசனானி. விதக்கஸம்பன்னந்தி விதக்கங்கே³ன ஸுந்த³ரபா⁴வமுபக³தங். சித்தஸ்ஸ அதி⁴ட்டா²னஸம்பன்னந்தி தஸ்மிஞ்ஞேவ ஆரம்மணே ஸமாதி⁴ஸம்பன்னந்தி இத³ங் பன இந்த்³ரியவஸேனாதி வேதி³தப்³ப³ங்.
படிகுடதீதி ஸங்குசதி. படிவட்டதீதி படினிவட்டதி. ந்ஹாருத³த்³து³லந்தி ந்ஹாருக²ண்ட³ங். பயுத்தவாசந்தி பச்சயபரியேஸனே நியுத்தவாசங். த³ண்ட³வாகு³ராஹீதி த³ண்ட³படிப³த்³தா⁴ஹி தீ³க⁴ஜாலஸங்கா²தாஹி வாகு³ராஹி.
ஸமணகுத்தகோதி காஸாயனிவாஸனாதி³ஸமணகிச்சகோ. வக்³கு³முதா³தி எத்த² ‘‘வக்³கு³மதா’’தி வத்தப்³பே³ லோகிகா ‘‘முதா³’’தி வோஹரிங்ஸூதி த³ஸ்ஸெந்தோ ஆஹ ‘‘வக்³கு³மதா’’தி. ‘‘வக்³கூ³’’தி மதா, ஸுத்³த⁴ஸம்மதாதி அத்தோ², தேனாஹ ‘‘புஞ்ஞஸம்மதா’’தி. ஸத்தானங் பாபுனநேன ஸோத⁴னேன ஸா புஞ்ஞஸம்மதா.
163. மாரஸ்ஸ தெ⁴ய்யங் டா²னங், வத்து² வா நிவாஸோ மாரதெ⁴ய்யங், ஸோ அத்த²தோ தேபூ⁴மகத⁴ம்மா ஏவ, இத⁴ பன பஞ்ச காமகு³ணா அதி⁴ப்பேதா, தங் மாரதெ⁴ய்யங் இமினா அத்தே²ன ஏவமேவ ப⁴விதப்³ப³ந்தி இமினா பரேஸங் ஜீவிதா வோரோபனத்தே²ன ஏவமேவ ஸங்ஸாரமோசனஸபா⁴வேனேவ ப⁴விதப்³ப³ங். ‘‘அத்தனாபி அத்தானங் ஜீவிதா வோரோபெந்தி, அஞ்ஞமஞ்ஞம்பி ஜீவிதா வோரோபெந்தீ’’தி (பாரா॰ 162) வுத்தத்தா ஸப்³பா³னிபி தானி பஞ்சபி⁴க்கு²ஸதானி ஜீவிதா வோரோபேஸீதி இத³ங் யேபு⁴ய்யவஸேன வுத்தந்தி க³ஹேதப்³ப³ங். தஸ்மா யே அத்தனாபி அத்தானங் அஞ்ஞமஞ்ஞஞ்ச ஜீவிதா வோரோபேஸுங், தே புது²ஜ்ஜனபி⁴க்கூ² ட²பெத்வா தத³வஸேஸே ச புது²ஜ்ஜனபி⁴க்கூ², ஸப்³பே³ ச அரியே அயங் ஜீவிதா வோரோபேஸீதி வேதி³தப்³ப³ங்.
164. ஏகீபா⁴வதோதி பவிவேகதோ. உத்³தே³ஸங் பரிபுச்ச²ங் க³ண்ஹந்தீதி அத்தனோ அத்தனோ ஆசரியானங் ஸந்திகே க³ண்ஹந்தி, க³ஹெத்வா ச ஆசரியேஹி ஸத்³தி⁴ங் ப⁴க³வந்தங் உபட்ட²ஹந்தி. ததா³ பன உத்³தே³ஸாதி³தா³யகா தனுபூ⁴தேஹி பி⁴க்கூ²ஹி ப⁴க³வந்தங் உபக³தா, தங் ஸந்தா⁴ய ப⁴க³வா புச்ச²தி.
ஆனாபானஸ்ஸதிஸமாதி⁴கதா²வண்ணனா
165. த³ஸானுஸ்ஸதீஸு அஞ்ஞங் பரியாயந்தி அரஹத்தாதி⁴க³மத்தா²ய அஞ்ஞங் காரணங். அத்த²யோஜனாக்கமந்தி அத்த²ஞ்ச யோஜனாக்கமஞ்ச. அஸ்ஸாஸவஸேனாதி அஸ்ஸாஸங் ஆரம்மணங் கத்வாதி வுத்தங் ஹோதி. உபட்டா²னங் ஸதீதி அப்பமுஸ்ஸனதாய தமேவ அஸ்ஸாஸங் பஸ்ஸாஸஞ்ச உபக³ந்த்வா டா²னங், ததா² திட்ட²னகத⁴ம்மோ ஸதி நாமாதி அத்தோ². இதா³னி ஸதிவஸேனேவ புக்³க³லங் நித்³தி³ஸிதுகாமேன யோ அஸ்ஸஸதீதிஆதி³ வுத்தங். தத்த² யோ அஸ்ஸஸதி, தஸ்ஸ ஸதி அஸ்ஸாஸங் உபக³ந்த்வா திட்ட²தீதிஆதி³னா அத்தோ² க³ஹேதப்³போ³. அகோஸல்லஸம்பூ⁴தேதி அவிஜ்ஜாஸம்பூ⁴தே க²ணேனேவாதி அத்தனோ பவத்திக்க²ணேனேவ. அரியமக்³க³ஸ்ஸ பாத³கபூ⁴தோ அயங் ஸமாதி⁴ அனுக்கமேன வட்³டி⁴த்வா அரியமக்³க³பா⁴வங் உபக³தோ விய ஹோதீதி ஆஹ ‘‘அரியமக்³க³வுட்³டி⁴ப்பத்தோ’’தி. ஓபம்மனித³ஸ்ஸனந்தி எத்த² உபமாவ ஓபம்மங், தஸ்ஸ நித³ஸ்ஸனங்.
பா³ஹிரகா ஆனாபானஸ்ஸதிங் ஜானந்தா ஆதி³தோ சதுப்பகாரமேவ ஜானந்தி, ந ஸப்³ப³ங் ஸோளஸப்பகாரந்தி ஆஹ ஸப்³ப³ப்பகாரஇச்சாதி³. ஏவமஸ்ஸேதங் ஸேனாஸனந்தி எத்த² ஏவந்தி பா⁴வனாஸதியா யதா²வுத்தனயேன ஆரம்மணே சித்தஸ்ஸ நிப³ந்த⁴னே ஸதியேவ, நாஸதீதி அத்தோ², தேன முட்ட²ஸ்ஸதிஸ்ஸ அரஞ்ஞவாஸோ நிரத்த²கோ அனநுரூபோதி த³ஸ்ஸேதி. அவஸேஸஸத்தவித⁴ஸேனாஸனந்தி ‘‘பப்³ப³தங் கந்த³ரங் கி³ரிகு³ஹங் ஸுஸானங் வனபத்த²ங் அப்³போ⁴காஸங் பலாலபுஞ்ஜ’’ந்தி (விப⁴॰ 508) ஏவங் வுத்தங். உதுத்தயானுகூலங் தா⁴துசரியானுகூலந்தி கி³ம்ஹானாதி³உதுத்தயஸ்ஸ ஸெம்ஹாதி³தா⁴துத்தயஸ்ஸ மோஹாதி³சரியத்தயஸ்ஸ ச அனுகூலங். நிஸஜ்ஜாய த³ள்ஹபா⁴வங் பல்லங்காபு⁴ஜனேன, அஸ்ஸாஸபஸ்ஸாஸானங் பவத்தனஸுக²தங் உபரிமகாயஸ்ஸ உஜுகங் ட²பனேன, ஆரம்மணபரிக்³க³ஹூபாயங் பரிமுக²ங் ஸதியா ட²பனேன உபதி³ஸந்தோ. ந பணமந்தீதி ந ஓணமந்தி. பரிக்³க³ஹிதனிய்யானங் ஸதிந்தி ஸப்³ப³தா² க³ஹிதங் ஸம்மோஸபடிபக்க²தோ நிக்³க³மனஸங்கா²தங் ஸதிங் கத்வா, பரமங் ஸதினேபக்கங் உபட்ட²பெத்வாதி அத்தோ².
ஸதோவாதி ஸதியா ஸமன்னாக³தோ ஏவ. பா³த்திங்ஸாய ஆகாரேஹீதி சதூஸு சதுக்கேஸு ஆக³தானி தீ³க⁴ரஸ்ஸாதீ³னி ஸோளஸ பதா³னி அஸ்ஸாஸபஸ்ஸாஸவஸேன த்³விதா⁴ விப⁴ஜித்வா வுத்தேஹி த்³வத்திங்ஸாகாரேஹி. தீ³க⁴ங்அஸ்ஸாஸவஸேனாதி தீ³க⁴அஸ்ஸாஸவஸேன, விப⁴த்திஅலோபங் கத்வா நித்³தே³ஸோ, தீ³க⁴ந்தி வா ப⁴க³வதா வுத்தஅஸ்ஸாஸவஸேன. சித்தஸ்ஸ ஏகக்³க³தங் அவிக்கே²பந்தி விக்கே²பபடிபக்க²பா⁴வதோ ‘‘அவிக்கே²போ’’தி லத்³த⁴னாமங் சித்தஸ்ஸ ஏகக்³க³பா⁴வங் பஜானதோ. படினிஸ்ஸக்³கா³னுபஸ்ஸீ அஸ்ஸாஸவஸேனாதி அஸ்ஸாஸோதி ப³ஹினிக்க²மனவாதோதிஆதி³, ஸுத்தந்தட்ட²கதா²ஸு பன ஆகட்³ட⁴னவஸேன அந்தோ ஸஸனங் அஸ்ஸாஸோ, ப³ஹி படிஸஸனங் பஸ்ஸாஸோதி கத்வா உப்படிபாடியா வுத்தங்.
தத்தா²தி ‘‘ஸப்³பே³ஸம்பி க³ப்³ப⁴ஸெய்யகானந்திஆதி³னா தா³ரகானங் பவத்திக்கமேன அஸ்ஸாஸோ ப³ஹினிக்க²மனவாதோதி க³ஹேதப்³ப³ந்தி தீ³பேதீ’’தி கேசி வத³ந்தி. ஸுத்தனயோ ஏவ செத்த² ‘‘அஸ்ஸாஸாதி³மஜ்ஜ²பரியோஸானங் ஸதியா அனுக³ச்ச²தோ அஜ்ஜ²த்தங் விக்கே²பக³தேன சித்தேன காயோபி சித்தம்பி ஸாரத்³தா⁴ ச ஹொந்தி இஞ்ஜிதா ச ப²ந்தி³தா ச பஸ்ஸாஸாதி³மஜ்ஜ²பரியோஸானங் ஸதியா அனுக³ச்ச²தோ ப³ஹித்³தா⁴ விக்கே²பக³தேன சித்தேன காயோபி சித்தம்பி ஸாரத்³தா⁴ ச ஹொந்தி இஞ்ஜிதா ச ப²ந்தி³தா சா’’தி இமாய பாளியா ஸமேதீதி க³ஹேதப்³ப³ங். அத்³தா⁴னவஸேனாதி காலத்³தா⁴னவஸேன. அயஞ்ஹி அத்³தா⁴ன-ஸத்³தோ³ காலஸ்ஸ தே³ஸஸ்ஸ ச வாசகோ. தத்த² யதா² ஹீதிஆதி³னா தே³ஸத்³தா⁴னங் உபமாவஸேன த³ஸ்ஸிதங். இதா³னி தப்³பி³ஸிட்ட²காலத்³தா⁴னவஸேன அஸ்ஸாஸபஸ்ஸாஸானங் தீ³க⁴ரஸ்ஸதங் உபமெய்யவஸேன விபா⁴வேதுங் ஏவந்திஆதி³ வுத்தங். சுண்ணவிசுண்ணா அனேககலாபபா⁴வேன. எத்த² ச ஹத்தி²ஆதி³ஸரீரே ஸுனகா²தி³ஸரீரே ச அஸ்ஸாஸபஸ்ஸாஸானங் தே³ஸத்³தா⁴னவிஸிட்ட²காலத்³தா⁴னவஸேனேவ தீ³க⁴ரஸ்ஸதா வுத்தாதி வேதி³தப்³பா³ அத்தபா⁴வஸங்கா²தங் தீ³க⁴ங் அத்³தா⁴னங் ஸணிகங் பூரெத்வாதிஆதி³வசனதோ. தேஸந்தி ஸத்தானங். தேதி அஸ்ஸாஸபஸ்ஸாஸா. இத்தரமத்³தா⁴னந்தி அப்பகங் காலங். நவஹாகாரேஹீதி பா⁴வனமனுயுஞ்ஜந்தஸ்ஸ புப்³பே³னாபரங் அலத்³த⁴விஸேஸஸ்ஸ கேவலங் அத்³தா⁴னவஸேன ஆதி³தோ வுத்தா தயோ ஆகாரா, தே ச கஸ்ஸசி அஸ்ஸாஸோவ, கஸ்ஸசி பஸ்ஸாஸோவ, கஸ்ஸசி தது³ப⁴யம்பி உபட்டா²தீதி திண்ணங் புக்³க³லானங் வஸேன வுத்தா, ததா² ச²ந்த³வஸேன தயோ, ததா² பாமோஜ்ஜவஸேனாதி இமேஹி நவஹி ஆகாரேஹி. ஏகேனாகாரேனாதி தீ³க⁴ங் அஸ்ஸாஸாதீ³ஸு ஏகேனாகாரேன.
அத்³தா⁴னஸங்கா²தேதி தீ³கே⁴ ஓகாஸத்³தா⁴னஸங்கா²தே அத்தபா⁴வே காலத்³தா⁴னேபி வா, ஏவங் உபரி இத்தரஸங்கா²தேதி எத்தா²பி. ச²ந்தோ³ உப்பஜ்ஜதீதி பா⁴வனாய புப்³பே³னாபரங் விஸேஸங் ஆவஹந்தியா லத்³த⁴ஸ்ஸாத³த்தா தத்த² ஸாதிஸயோ கத்துகாமதாலக்க²ணோ குஸலச்ச²ந்தோ³ உப்பஜ்ஜதி. ச²ந்த³வஸேனாதி ததா²பவத்தச²ந்த³ஸ்ஸ வஸேன. பாமோஜ்ஜங் உப்பஜ்ஜதீதி அஸ்ஸாஸபஸ்ஸாஸானங் ஸுகு²மதரபா⁴வே ஆரம்மணஸ்ஸ ஸந்ததரதாய, கம்மட்டா²னஸ்ஸ ச வீதி²படிபன்னதாய பா⁴வனாசித்தஸஹக³தோ பமோதோ³ கு²த்³த³காதி³பே⁴தா³ தருணா பீதி உப்பஜ்ஜதி. சித்தங் விவத்ததீதி படிபா⁴க³னிமித்தே உப்பன்னே உபெக்கா² ஸண்டா²தீதி தஸ்மிங் படிபா⁴க³னிமித்தே உபசாரப்பனாபே⁴தே³ ஸமாதி⁴ம்ஹி உப்பன்னே புன ஜா²னநிப்³ப³த்தனத்த²ங் ப்³யாபாராபா⁴வதோ அஜ்ஜு²பெக்க²னங் ஹோதி, ஸா பனாயங் உபெக்கா² தத்ரமஜ்ஜ²த்துபெக்கா²தி வேதி³தப்³பா³. அனுபஸ்ஸனாஞாணந்தி ஸமத²வஸேன நிமித்தஸ்ஸ அனுபஸ்ஸனா, விபஸ்ஸனாவஸேன அஸ்ஸாஸபஸ்ஸாஸமுகே²ன தன்னிஸ்ஸயனாமரூபஸ்ஸ அனுபஸ்ஸனா ச ஞாணங். காயோ உபட்டா²னந்தி அஸ்ஸாஸபஸ்ஸாஸஸங்கா²தோ காயோ உபக³ந்த்வா திட்ட²தி எத்த² ஸதீதி உபட்டா²னங், நோ ஸதி, ஸதி பன ஸரஸதோ உபதிட்ட²னட்டே²ன ஸரணட்டே²ன ச உபட்டா²னஞ்சேவ ஸதி ச. தேன வுச்சதீதிஆதீ³ஸு யா அயங் யதா²வுத்தஅஸ்ஸாஸபஸ்ஸாஸகாயே, தன்னிஸ்ஸயபூ⁴தே கரஜகாயே ச காயஸ்ஸேவ அனுபஸ்ஸனா நிச்சாதி³பா⁴வங் வா இத்தி²புரிஸஸத்தஜீவாதி³பா⁴வங் வா அனநுபஸ்ஸித்வா அஸ்ஸாஸபஸ்ஸாஸகாயமத்தஸ்ஸேவ அனிச்சாதி³பா⁴வஸ்ஸ ச அனுபஸ்ஸனா, தாய காயானுபஸ்ஸனாய ஸதிஸங்கா²தஸ்ஸ பட்டா²னஸ்ஸ பா⁴வனா வட்³ட⁴னா காயே காயானுபஸ்ஸனா ஸதிபட்டா²னபா⁴வனாதி அயங் ஸங்கே²பத்தோ².
இத்தரவஸேனாதி பரித்தகாலவஸேன. தாதி³ஸோதி தீ³கோ⁴ ரஸ்ஸோ ச. வண்ணாதி தீ³கா⁴தி³ஆகாரா. நாஸிகக்³கே³வ பி⁴க்கு²னோதி நாஸிகக்³கே³ வா, வா-ஸத்³தே³ன உத்தரொட்டே² வாதி அத்தோ². தஸ்மாதி யஸ்மா ‘‘ஆதி³மஜ்ஜ²பரியோஸானவஸேன ஸப்³ப³ங் அஸ்ஸாஸபஸ்ஸாஸகாயங் விதி³தங் பாகடங் கரிஸ்ஸாமீ’’தி புப்³பே³ பவத்தஆபோ⁴க³வஸேன பச்சா² ததா² ஸமுப்பன்னேன ஞாணஸம்பயுத்தசித்தேன தங் அஸ்ஸாஸபஸ்ஸாஸகாயங் ஏவங் விதி³தங் பாகடங் கரொந்தோ அஸ்ஸஸதி சேவ பஸ்ஸஸதி ச, தஸ்மா ஏவங்பூ⁴தோ ஸப்³ப³காயபடிஸங்வேதீ³ அஸ்ஸஸிஸ்ஸாமி பஸ்ஸஸிஸ்ஸாமீதி ஸிக்க²தி நாம, ந பன ‘‘அனாக³தே ஏவங் கரிஸ்ஸாமீ’’தி சிந்தனமத்தேன ஸோ ஏவங் வுச்சதீதி அதி⁴ப்பாயோ. ததா²பூ⁴தஸ்ஸாதி ஆதி³மஜ்ஜ²பரியோஸானங் விதி³தங் கரொந்தஸ்ஸ. ஸங்வரோதி ஸதி வீரியம்பி வா. ந அஞ்ஞங் கிஞ்சீதி ஸப்³ப³காயங் விதி³தங் கரிஸ்ஸாமீதிஆதி³கங் புப்³பா³போ⁴க³ங் ஸந்தா⁴ய வத³தி. ஞாணுப்பாத³னாதீ³ஸூதி ஆதி³-ஸத்³தே³ன காயஸங்கா²ரபஸ்ஸம்ப⁴னபீதிபடிஸங்வேத³னாதி³ங் ஸங்க³ண்ஹாதி. காயஸங்கா²ரந்தி அஸ்ஸாஸபஸ்ஸாஸங். ஸோ ஹி சித்தஸமுட்டா²னோபி ஸமானோ கரஜகாயபடிப³த்³த⁴வுத்திதாய தேன ஸங்க²ரீயதீதி காயஸங்கா²ரோதி வுச்சதி. அபரிக்³க³ஹிதகாலேதி கம்மட்டா²னஸ்ஸ அனாரத்³த⁴காலே, ததா³ரம்ப⁴த்தா²ய காயசித்தானம்பி அபரிக்³க³ஹிதகாலேதி அத்தோ². நிஸீத³தி பல்லங்கங் அதி⁴மத்தந்தி ப³லவங் ஓளாரிகங், லிங்க³விபல்லாஸேன வுத்தங். காயஸங்கா²ரோ ஹி அதி⁴ப்பேதோ. அதி⁴மத்தங் ஹுத்வா பவத்ததீதி கிரியாவிஸேஸனங் வா ஏதங். ஸப்³பே³ஸங்யேவாதி உப⁴யேஸம்பி.
மஹாபூ⁴தபரிக்³க³ஹே ஸுகு²மோதி சதுதா⁴துமுகே²ன விபஸ்ஸனாபி⁴னிவேஸங் ஸந்தா⁴ய வுத்தங். லக்க²ணாரம்மணிகவிபஸ்ஸனாயாதி புப்³பே³ வுத்தனயேனாதி அபரிக்³க³ஹிதகாலேதிஆதி³னா ஸமத²னயே வுத்தனயேன.
சோத³னாஸோத⁴னாஹீதி அனுயோக³பரிஹாரேஹி. கத²ந்திஆதி³ படிஸம்பி⁴தா³பாளி, தத்த² கத²ங் ஸிக்க²தீதி ஸம்ப³ந்தோ⁴. இதி கிராதிஆதி³ சோத³கவசனங். இதி கிராதி ஏவஞ்சேதி அத்தோ². அஸ்ஸாஸபஸ்ஸாஸோ ஸப்³ப³தா² அபா⁴வங் உபனேதி சேதி சோத³கஸ்ஸ அதி⁴ப்பாயோ. வாதூபலத்³தி⁴யாதி அஸ்ஸாஸபஸ்ஸாஸவாதஸ்ஸ அபா⁴வேன தப்³பி³ஸயாய உபலத்³தி⁴யா பா⁴வனாசித்தஸ்ஸ உப்பாதோ³ வட்³டி⁴ ச ந ஹோதீதி அத்தோ². ந ச நந்தி எத்த² நந்தி நிபாதமத்தங். புன இதி கிராதிஆதி³ யதா²வுத்தாய சோத³னாய விஸ்ஸஜ்ஜனா, தத்த² இதி கிர ஸிக்க²தீதி மயா வுத்தாகாரேன யதி³ ஸிக்க²தீதி அத்தோ². பபா⁴வனா ஹோதீதி யதி³பி ஓளாரிகா காயஸங்கா²ரா படிப்பஸ்ஸம்ப⁴ந்தி, ஸுகு²மா பன அத்தே²வாதி பா⁴வனாயபி வட்³டி⁴ ஹோதேவாதி அதி⁴ப்பாயோ. கங்ஸேதி கங்ஸபா⁴ஜனே. நிமித்தந்தி நிமித்தஸ்ஸ, தேஸங் ஸத்³தா³னங் பவத்திஆகாரஸ்ஸாதி அத்தோ². ஸுகு²மகா ஸத்³தா³தி அனுரவே ஆஹ. ஸுகு²மஸத்³த³னிமித்தாரம்மணதாபீதி ஸுகு²மோ ஸத்³தோ³வ நிமித்தங் ததா³ரம்மணதாயபி.
ஆபி⁴ஸமாசாரிகஸீலந்தி எத்த² அபி⁴ஸமாசாரோதி உத்தமஸமாசாரோ, ததே³வ ஆபி⁴ஸமாசாரிகங் ஸீலங், க²ந்த⁴கவத்தபரியாபன்னஸ்ஸ ஸீலஸ்ஸேதங் அதி⁴வசனங். அஹங் ஸீலங் ரக்கா²மீதி உப⁴தோவிப⁴ங்க³பரியாபன்னங் ஸீலங் ஸந்தா⁴ய வுத்தங். ஆவாஸோதி ஆவாஸபலிபோ³தோ⁴. குலந்திஆதீ³ஸுபி ஏஸேவ நயோ. கம்மந்தி நவகம்மங். இத்³தீ⁴தி போது²ஜ்ஜனிகா இத்³தி⁴, ஸா விபஸ்ஸனாய பலிபோ³தோ⁴. ஸோ உபச்சி²ந்தி³தப்³போ³தி விஸுத்³தி⁴மக்³கே³ (விஸுத்³தி⁴॰ 1.41) வுத்தேன தஸ்ஸ யோகா³னுயோகோ³தி யோக³ஸ்ஸ பா⁴வனாய அனுயுஞ்ஜனங். அட்ட²திங்ஸாரம்மணேஸூதி ஆலோகாகாஸகஸிணத்³வயங் வஜ்ஜெத்வா பாளியங் ஆக³தானங் அட்ட²ன்னங் கஸிணானங் வஸேன வுத்தங், சத்தாரீஸஞ்ஞேவ பன கம்மட்டா²னானி. யதா²வுத்தேனேவ நயேனாதி யோகா³னுயோக³கம்மஸ்ஸ பத³ட்டா²னத்தாதி இமமத்த²ங் அதிதி³ஸதி. இமினாவ கம்மட்டா²னேனாதி இமினா ஆனாபானஸ்ஸதிகம்மட்டா²னேன. மஹாஹத்தி²பத²ங் நீஹரந்தோ வியாதி கம்மட்டா²னவீதி²ங் மஹாஹத்தி²மக்³க³ங் கத்வா த³ஸ்ஸெந்தோ விய.
வுத்தப்பகாரமாசரியந்தி ‘‘இமினாவ கம்மட்டா²னேன சதுத்த²ஜ்ஜா²னங் நிப்³ப³த்தெத்வா விபஸ்ஸனங் வட்³டெ⁴த்வா அரஹத்தங் பத்தஸ்ஸா’’திஆதி³னா ஹெட்டா² வுத்தப்பகாரங் ஆசரியங். ‘‘பியோ க³ரு பா⁴வனீயோ’’திஆதி³னா (அ॰ நி॰ 7.37; நெத்தி॰ 113; மி॰ ப॰ 6.1.10) விஸுத்³தி⁴மக்³கே³ (விஸுத்³தி⁴॰ 1.42) வுத்தப்பகாரமாசரியந்திபி பஞ்சஸந்தி⁴கந்தி பஞ்சபப்³ப³ங், பஞ்சபா⁴க³ந்தி அத்தோ². கம்மட்டா²னஸ்ஸ உக்³க³ண்ஹனந்தி கம்மட்டா²னக³ந்த²ஸ்ஸ உக்³க³ண்ஹனங். தத³த்த²பரிபுச்சா² கம்மட்டா²னஸ்ஸ பரிபுச்சா², தத்த² ஸங்ஸயபரிபுச்சா² வா. கம்மட்டா²னஸ்ஸ உபட்டா²னந்தி ஏவங் பா⁴வனமனுயுஞ்ஜந்தஸ்ஸ ஏவமித⁴ நிமித்தங் உபதிட்ட²தீதி உபதா⁴ரணங். ததா² கம்மட்டா²னப்பனா ஏவங் ஜா²னமப்பேதீதி. கம்மட்டா²னஸ்ஸ லக்க²ணந்தி க³ணனானுப³ந்த⁴னாபு²ஸனானங் வஸேன பா⁴வனங் உஸ்ஸுக்காபெத்வா ட²பனாவஸேன மத்த²கப்பத்தி இத⁴ பா⁴வனாதி கம்மட்டா²னஸபா⁴வஸ்ஸ ஸல்லக்க²ணங், தேனாஹ ‘‘கம்மட்டா²னஸபா⁴வூபதா⁴ரணந்தி வுத்தங் ஹோதீ’’தி.
அட்டா²ரஸஸேனாஸனதோ³ஸவிவஜ்ஜிதந்தி மஹத்தங் நவத்தங் ஜிண்ணத்தங் பந்த²னிஸ்ஸிதத்தங் ஸொண்டி³பண்ணபுப்ப²ப²லயுத்ததா பத்த²னீயதா நக³ரதா³ருகெ²த்தஸன்னிஸ்ஸிததா விஸபா⁴கா³னங் புக்³க³லானங் அத்தி²தா பட்டனஸன்னிஸ்ஸிததா பச்சந்தஸன்னிஸ்ஸிததா ரஜ்ஜஸீமஸன்னிஸ்ஸிததா அஸப்பாயதா கல்யாணமித்தானங் அலாபோ⁴தி இமேஹி அட்டா²ரஸஹி ஸேனாஸனதோ³ஸேஹி விவஜ்ஜிதங். பஞ்சஸேனாஸனங்க³ஸமன்னாக³தந்தி –
‘‘இத⁴, பி⁴க்க²வே, ஸேனாஸனங் நாதிதூ³ரங் ஹோதி நாச்சாஸன்னங் க³மனாக³மனஸம்பன்னங் தி³வா அப்பாகிண்ணங் ரத்திங் அப்பஸத்³த³ங் அப்பனிக்³கோ⁴ஸங் அப்பட³ங்ஸமகஸவாதாதபஸரீஸபஸம்ப²ஸ்ஸங், தஸ்மிங் கோ² பன ஸேனாஸனே விஹரந்தஸ்ஸ அப்பகஸிரேன உப்பஜ்ஜந்தி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரா, தஸ்மிங் கோ² பன ஸேனாஸனே
ஏவங் ப⁴க³வதா வுத்தேஹி பஞ்சஹி ஸேனாஸனங்கே³ஹி ஸமன்னாக³தங், எத்த² ச நாதிதூ³ரதாதி³ ஏகங், தி³வா அப்பாகிண்ணதாதி³ ஏகங், அப்பட³ங்ஸாதி³தா ஏகங், சீவராதி³லாபோ⁴ ஏகங், தே²ரானங் பி⁴க்கூ²னங் நிவாஸோ ஏகந்தி ஏவங் பஞ்சங்கா³னி வேதி³தப்³பா³னி.
உபச்சி²ன்னகு²த்³த³கபலிபோ³தே⁴னாதி தீ³கா⁴னங் கேஸாதீ³னங் ஹரணேன பத்தசீவராதீ³னங் பசனதுன்னகரணரஜனாதி³கரணேஹி ச உபச்சி²ன்னா கு²த்³த³கா பலிபோ³தா⁴ யேன, தேன. ப⁴த்தஸம்மத³ந்தி போ⁴ஜனநிமித்தங் பரிஸ்ஸமங். ஆசரியதோ உக்³க³ஹோ ஆசரியுக்³க³ஹோ, ஸப்³போ³பி கம்மட்டா²னவிதி⁴, ந புப்³பே³ வுத்தஉக்³க³ஹமத்தங், ததோ. ஏகபத³ம்பீதி ஏககொட்டா²ஸம்பி.
அனுவஹனாதி அஸ்ஸாஸபஸ்ஸாஸானங் அனுக³மனவஸேன ஸதியா நிரந்தரங் அனுப்பவத்தனா. யஸ்மா பன க³ணனாதி³வஸேன விய பு²ஸனாவஸேன விஸுங் மனஸிகாரோ நத்தி², பு²ட்ட²பு²ட்ட²ட்டா²னே ஏவ க³ணனாதி³ காதப்³ப³ந்தி ஸல்லக்க²ணா விபஸ்ஸனா. பவத்ததோ நிமித்ததோ ச வினிவட்டனதோ வினிவட்டனா மக்³கோ³. கிலேஸபடிப்பஸ்ஸத்³தி⁴பா⁴வதோ பாரிஸுத்³தி⁴ ப²லங். தேஸந்தி வினிவட்டனாபாரிஸுத்³தீ⁴னங். க²ண்ட³ந்தி ‘‘ஏகங் தீணி பஞ்சா’’தி ஏகந்தரிகாதி³பா⁴வேன க³ணனாய க²ண்ட³னங். அத² வா க²ண்ட³ந்தி அந்தரந்தரா கதிபயகாலங் அக³ணெத்வா புன க³ணனவஸேன அந்தரா ஓதி⁴பரிச்சே²தோ³ ந த³ஸ்ஸேதப்³போ³. ததா² க²ண்ட³ங் த³ஸ்ஸெந்தஸ்ஸ ஹி ‘‘கம்மட்டா²னநின்னங் பவத்ததி நு கோ² மே சித்தங், நோ’’தி வீமங்ஸுப்பத்தியா விக்கே²போ ஹோதி, தேனாஹ ஸிகா²ப்பத்தங் நு கோ² மேதிஆதி³, இத³ஞ்ச ஏவங் க²ண்ட³ங் த³ஸ்ஸெத்வா சிரதரங் க³ணனாய மனஸிகரொந்தஸ்ஸ வஸேன வுத்தங். ஸோ ஹி ததா² லத்³த⁴ங் அவிக்கே²பமத்தங் நிஸ்ஸாய ஏவங் மஞ்ஞெய்ய. யோ உபட்டா²தி, தங் க³ஹெத்வாதி இத³ங் அஸ்ஸாஸபஸ்ஸாஸேஸு யஸ்ஸ ஏகோவ பட²மங் உபட்டா²தி, தங் ஸந்தா⁴ய வுத்தங், யஸ்ஸ பன உபோ⁴பி உபட்ட²ஹந்தி, தேன உப⁴யம்பி க³ஹெத்வா க³ணிதப்³ப³ங். யோ உபட்டா²தீதி இமினாவ த்³வீஸு நாஸாபுடவாதேஸு யோ பாகடோ ஹோதி, ஸோ க³ஹேதப்³போ³தி இமஸ்ஸாபி புரிமனயேன க³ணயதோதிஆதி³ வுத்தங். தத்த² புரிமனயேனாதி த³ந்த⁴க³ணனாய, பாகடா ஹுத்வாதி இமினா த³ந்த⁴க³ணனாய ஆரத்³த⁴காலே சித்தஸ்ஸ அவிஸத³தாய ஸுகு²மஸ்ஸாஸாதீ³னங் அபாகடதங், பச்சா² விஸத³காலே பாகடதஞ்ச தேஸு ச பாகடேஸு த³ந்த⁴க³ணனங் பஹாய ஸீக⁴க³ணனா காதப்³பா³தி த³ஸ்ஸேதி. ஸீக⁴க³ணனாய நிப்பரியாயதோ நிரந்தரப்பவத்தி அப்பனாவீதி²யமேவ, ந காமாவசரே ப⁴வங்க³ந்தரிகத்தாதி ஆஹ ‘‘நிரந்தரப்பவத்தங் வியா’’தி. புரிமனயேனேவாதி ஸீக⁴க³ணனாய. அந்தோ பவிஸந்தங் வாதங் மனஸிகரொந்தோ அந்தோ சித்தங் பவேஸேதி நாம.
ஏதந்தி ஏதங் அஸ்ஸாஸபஸ்ஸாஸஜாதங். அனுக³மனந்தி பு²ட்ட²ட்டா²னே மனஸிகரணமேவ, ந அஸ்ஸாஸபஸ்ஸாஸானங் அனுவத்தனங், தேனாஹ – ‘‘தஞ்ச கோ² ந ஆதி³மஜ்ஜ²பரியோஸானானுக³மனவஸேனா’’தி. பு²ஸனாட²பனாவஸேன விஸுங் மனஸிகாரோ நத்தீ²தி இமினா யதா² க³ணனாய பு²ஸனாய ச மனஸிகரோதி, ஏவங் அனுப³ந்த⁴னங் வினா கேவலங் ட²பனாய ச பு²ஸனாய ச மனஸிகாரோபி நத்தீ²தி த³ஸ்ஸெந்தேன க³ணனங் படிஸங்ஹரித்வா யாவ அப்பனா உப்பஜ்ஜதி, தாவ அனுப³ந்த⁴னாய ச பு²ஸனாய ச மனஸிகரோதி, அப்பனாய பன உப்பன்னாய அனுப³ந்த⁴னாய ட²பனாய ச மனஸிகரோதி நாமாதி தீ³பிதங் ஹோதி, அட்ட²கதா²யங் பன அனுப³ந்த⁴னாய வினா ட²பனாய மனஸிகாரோ நத்தீ²தி த³ஸ்ஸனத்த²ங் ‘‘அனுப³ந்த⁴னாய ச பு²ஸனாய ச ட²பனாய ச மனஸிகரோதீதி வுச்சதீ’’தி எத்தகமேவ வுத்தந்தி க³ஹேதப்³ப³ங் பங்கு³ளோதி பீட²ஸப்பீ. தோ³லாதி பெங்கோ²லோ. கீளதந்தி கீளந்தானங். உபனிப³ந்த⁴னத்த²ம்ப⁴மூலேதி நாஸிகக்³க³ங் முக²னிமித்தஞ்ச ஸந்தா⁴ய வுத்தங். ஆதி³தோ பபு⁴தீதி உபமெய்யத்த²த³ஸ்ஸனதோ பட்டா²ய. நிமித்தந்தி உபனிப³ந்த⁴னநிமித்தங் நாஸிகக்³க³ங், முக²னிமித்தங் வா. அனாரம்மணமேகசித்தஸ்ஸாதி அஸ்ஸாஸபஸ்ஸாஸானங் ஏகக்க²ணே அப்பவத்தனதோ ஏகஸ்ஸ சித்தஸ்ஸ தயோபி ஆரம்மணங் ந ஹொந்தி, நிமித்தேன ஸஹ அஸ்ஸாஸோ பஸ்ஸாஸோ வாதி த்³வேயேவ ஏகக்க²ணே ஆரம்மணங் அஜானதோ ச தயோ த⁴ம்மேதி நிமித்தங் அஸ்ஸாஸோ பஸ்ஸாஸோதி இமே தயோ த⁴ம்மே ஆரம்மணகரணவஸேன அவிந்த³ந்தஸ்ஸ, ச-ஸத்³தோ³ ப்³யதிரேகோ, தேன ஏவஞ்ச ஸதி அயங் அனிட்ட²ப்பஸங்கோ³தி ப்³யதிரேகங் த³ஸ்ஸேதி. பா⁴வனாதி ஆனாபானஸ்ஸதிபா⁴வனா.
கத²ங் இமே…பே॰… விஸேஸமதி⁴க³ச்ச²தீதி இத³ங் பரிஹாரகா³தா²ய வுத்தமேவத்த²ங் ககசோபமாய (ம॰ நி॰ 1.222 ஆத³யோ) விவரிதுங் புச்சா²ட²பனங். தத்த² கத²ங்-ஸத்³தோ³ பச்சேகங் யோஜேதப்³போ³ ‘‘கத²மிமே அவிதி³தா…பே॰… கத²ங் விஸேஸமதி⁴க³ச்ச²தீ’’தி. பதா⁴னந்தி பா⁴வனானிப்பா²த³கங் வீரியங். பயோக³ந்தி நீவரணவிக்க²ம்ப⁴கங் பா⁴வனானுயோக³ங். விஸேஸந்தி அரஹத்தபரியோஸானவிஸேஸங். பதா⁴னந்தி ருக்க²ஸ்ஸ சே²த³னவீரியங். பயோக³ந்தி தஸ்ஸேவ சே²த³னககிரியங். கிஞ்சாபெத்த² ‘‘விஸேஸமதி⁴க³ச்ச²தீ’’தி உபமாயங் ந வுத்தங், ததா²பி அத்த²தோ யோஜேதப்³ப³மேவ. யதா² ருக்கோ²திஆதி³ உபமாஸங்ஸந்த³னங். நாஸிகக்³கே³ வா முக²னிமித்தே வாதி தீ³க⁴னாஸிகோ நாஸிகக்³கே³, இதரோ முக²ங் நிமியதி சா²தி³யதி ஏதேனாதி முக²னிமித்தந்தி லத்³த⁴னாமே உத்தரொட்டே².
இத³ங் பதா⁴னந்தி யேன வீரியாரம்பே⁴ன காயோபி சித்தம்பி பா⁴வனாகம்மஸ்ஸ அரஹங் இத⁴ பதா⁴னந்தி ப²லேன ஹேதுங் த³ஸ்ஸேதி. உபக்கிலேஸாதி நீவரணா. விதக்காதி காமவிதக்காதி³மிச்சா²விதக்கா, நீவரணப்பஹானேன வா பட²மஜ்ஜா²னாதி⁴க³மங் த³ஸ்ஸெத்வா விதக்கூபஸமாபதே³ஸேன து³தியஜ்ஜா²னாதீ³னமதி⁴க³மமாஹ. அயங் பயோகோ³தி அயங் ஜா²னாதி⁴க³மஸ்ஸ ஹேதுபூ⁴தோ கம்மட்டா²னானுயோக³ஸங்கா²தோ பயோகோ³. ஸங்யோஜனா பஹீயந்தீதி த³ஸபி ஸங்யோஜனானி மக்³க³பஅபாடியா ஸமுச்சே²த³வஸேன பஹீயந்தி. ப்³யந்தீ ஹொந்தீதி ததா² ஸத்தபி அனுஸயா ப⁴ங்க³மத்தஸ்ஸபி அனவஸேஸதோ விக³தந்தா ஹொந்தி. அயங் விஸேஸோதி இமங் ஸமாதி⁴ங் நிஸ்ஸாய அனுக்கமேன லப்³ப⁴மானோ அயங் ஸங்யோஜனப்பஹானாதி³கோ இமஸ்ஸ ஸமாதி⁴ஸ்ஸ விஸேஸோதி அத்தோ². ஏவங் இமே தயோ த⁴ம்மாதிஆதி³ நிக³மனவசனங். பரிபுண்ணாதி ஸோளஸன்னங் வத்தூ²னங் பாரிபூரியா ஸப்³ப³ஸோ புண்ணா. அனுபுப்³ப³ந்தி அனுக்கமேன. பரிசிதாதி பரிசிண்ணா. இமங் லோகந்தி க²ந்தா⁴தி³லோகங் பஞ்ஞாபபா⁴ஸேன பபா⁴ஸேதி.
இதா⁴தி அஸ்ஸாதி உபமாபூ⁴தஸ்ஸ ககசஸ்ஸ. ஆனயனே பயோஜனந்தி யோஜேதப்³ப³ங். நிமித்தந்தி படிபா⁴க³னிமித்தங். அவஸேஸஜா²னங்க³படிமண்டி³தாதி விதக்காதி³அவஸேஸஜா²னங்க³படிமண்டி³தாதி வத³ந்தி. விசாராதீ³ஹீதி கஸ்ஸசி பன க³ணனாவஸேனேவ மனஸிகாரகாலதோ பபு⁴தீதி எத்த² ‘‘அனுக்கமதோ…பே॰… பத்தங் விய ஹோதீ’’தி உபரி வக்க²மானோ க³ந்தோ² புராணபொத்த²கேஸு தி³ஸ்ஸதி, தஸ்மா அயங் பாடோ² எத்தா²பி லிகி²தப்³போ³, லேக²கானங் பன தோ³ஸேன க³ளிதோதி வேதி³தப்³போ³.
ஓளாரிகே அஸ்ஸாஸபஸ்ஸாஸே நிருத்³தே⁴திஆதி³ ஹெட்டா² வுத்தனயம்பி விசேதப்³பா³காரப்பத்தஸ்ஸ காயஸங்கா²ரஸ்ஸ விசயனவிதி⁴ங் த³ஸ்ஸேதுங் ஆனீதங். தே³ஸதோதி புப்³பே³ பு²ஸனவஸேன க³ஹிதட்டா²னதோ. நிமித்தங் பட்ட²பேதப்³ப³ந்தி புப்³பே³ க³ஹிதாகாரனிமித்தக்³கா³ஹிகா ஸஞ்ஞா பு²ஸனட்டா²னே பட்ட²பேதப்³பா³. இமமேவ ஹி அத்த²வஸந்தி இமங் அனுபட்ட²ஹந்தஸ்ஸ ஆரம்மணஸ்ஸ உபட்டா²னவிதி⁴ஸங்கா²தங் காரணங் படிச்ச. இதோதி ஆனாபானகம்மட்டா²னதோ. க³ருகதா ச பா⁴வனாது³க்கரதாயாதி ஆஹ ‘‘க³ருகபா⁴வன’’ந்தி. சரித்வாதி கோ³சரங் க³ஹெத்வா. நிமித்தந்தி உக்³க³ஹனிமித்தங், படிபா⁴க³னிமித்தங் வா. உப⁴யம்பி ஹி இத⁴ ஏகஜ்ஜ²ங் வுத்தங். ததா² ஹி தூலபிசுஆதி³உபமத்தயங் உக்³க³ஹே யுஜ்ஜதி, ஸேஸங் உப⁴யத்த².
தாரகரூபங் வியாதி தாரகாய ஸரூபங் விய. ஸஞ்ஞானானதாயாதி நிமித்துபட்டா²னதோ புப்³பே³ பவத்தஸஞ்ஞானங் நானதாய. ஸஞ்ஞஜந்தி பா⁴வனாஸஞ்ஞாய பரிகப்பிதங், ந உப்பாதி³தங் அவிஜ்ஜமானத்தா, தேனாஹ ‘‘நானதோ உபட்டா²தீ’’தி. ஏவங் ஹோதீதி பா⁴வனமனுயுத்தஸ்ஸ ஏவங் உபட்டா²தி. ஏவந்தி ஏவங் ஸதி, யதா²வுத்தனயேன நிமித்தே ஏவ சித்தஸ்ஸ ட²பனே ஸதீதி அத்தோ². இதோ பபு⁴தீதி இதோ படிபா⁴க³னிமித்துப்பத்திதோ பட்டா²ய. நிமித்தேதி படிபா⁴க³னிமித்தே. ட²பயந்தி ட²பனாவஸேன சித்தங் ட²பந்தோ. நானாகாரந்தி ‘‘சத்தாரோ வண்ணா’’தி ஏவங் வுத்தங் நானாகாரங். விபா⁴வயந்தி விபா⁴வெந்தோ அந்தரதா⁴பெந்தோ. நிமித்துப்பத்திதோ பட்டா²ய ஹி தே ஆகாரா அமனஸிகரோதோ அந்தரஹிதா விய ஹொந்தி. அஸ்ஸாஸபஸ்ஸாஸேதி அஸ்ஸாஸே பஸ்ஸாஸே ச யோ நானாகாரோ, தங் விபா⁴வயங் அஸ்ஸாஸபஸ்ஸாஸஸம்பூ⁴தே வா நிமித்தே சித்தங் ட²பயங் ஸகங் சித்தங் நிப³ந்த⁴தி நாமாதி
கிலேஸாதி அவஸேஸகிலேஸா. ஸன்னிஸின்னாயேவாதி அலத்³த⁴னீவரணஸஹாயா ஓலீனாயேவ. உபசாரபூ⁴மியந்தி உபசாராவத்தா²யங். லக்க²ணதோதி விக்க²ம்ப⁴னாதி³ஸபா⁴வதோ வா அனிச்சாதி³ஸபா⁴வதோ வா. கோ³சரோதி பி⁴க்கா²சாரகா³மோ. யத்த² து³ல்லபா⁴ ஸப்பாயபி⁴க்கா², ஸோ அஸப்பாயோ, இதரோ ஸப்பாயோ. ப⁴ஸ்ஸந்தி த³ஸகதா²வத்து²னிஸ்ஸிதங் ப⁴ஸ்ஸங், தங் ஸப்பாயங், இதரமஸப்பாயங். ஸேஸேஸு ஆவாஸாதீ³ஸு யத்த² யத்த² அஸமாஹிதங் சித்தங் ஸமாதி⁴யதி, தங் தங் ஸப்பாயங், இதரமஸப்பாயந்தி க³ஹேதப்³ப³ங். யஸ்ஸ பன ஏவங் ஸத்தவித⁴ங் அஸப்பாயங் வஜ்ஜெத்வா ஸப்பாயமேவ ஸேவந்தஸ்ஸபி அப்பனா ந ஹோதி, தேன ஸம்பாதே³தப்³ப³ங் த³ஸவித⁴ங் அப்பனாகோஸல்லங் த³ஸ்ஸெந்தோ வத்து²விஸத³கிரியாதிஆதி³மாஹ. தத்த² வத்து²விஸத³கிரியா நாம கேஸனக²ச்சே²த³னாதீ³ஹி அஜ்ஜ²த்திகஸ்ஸ ஸரீரவத்து²ஸ்ஸ, சீவரஸேனாஸனாதி³தோ⁴வனபரிகம்மாதீ³ஹி பா³ஹிரவத்து²ஸ்ஸ ச விஸத³பா⁴வகரணங். ஏவஞ்ஹி ஞாணம்பி விஸத³கிச்சனிப்ப²த்திகரங் ஹோதி. இந்த்³ரியஸமத்தபடிபாத³னதா நாம ஸத்³தா⁴தீ³னங் இந்த்³ரியானங் ஸமபா⁴வகரணங். நிமித்தகுஸலதா நாம பா⁴வனாய லத்³த⁴னிமித்தஸ்ஸ ரக்க²ணகோஸல்லங். யஸ்மிங் ஸமயே சித்தங் நிக்³க³ஹேதப்³ப³ந்திஆதீ³ஸு யஸ்மிங் ஸமயே சித்தங் அச்சாரத்³த⁴தாதீ³ஹி காரணேஹி உத்³த⁴ததாய நிக்³க³ஹேதப்³ப³ங், ததா³ த⁴ம்மவிசயஸம்பொ³ஜ்ஜ²ங்கா³த³யோ தயோ அபா⁴வெத்வா பஸ்ஸத்³தா⁴தீ³னங் திண்ணங் பா⁴வனேன சித்தஸ்ஸ நிக்³க³ண்ஹனா ஹோதி. யதா³ஸ்ஸ சித்தங் அதிஸிதி²லவீரியதாதீ³ஹி லீனதாய பக்³க³ஹேதப்³ப³ங், ததா³ பஸ்ஸத்³தி⁴ஸம்பொ³ஜ்ஜ²ங்கா³த³யோ தயோ அபா⁴வெத்வா த⁴ம்மவிசயாதீ³னங் திண்ணங் பா⁴வனேன சித்தஸ்ஸ பக்³க³ண்ஹனங் ஹோதி. யதா³ஸ்ஸ பஞ்ஞாபயோக³மந்த³தாதீ³ஹி நிரஸ்ஸாத³ங் சித்தங் ஹோதி, ததா³ தஸ்ஸ சித்தஸ்ஸ அட்ட²ஸங்வேக³வத்து²பச்சவெக்க²ணாதி³னா (அ॰ நி॰ அட்ட²॰ 1.1.418) ஸம்பஹங்ஸனஸங்கா²தா ஸங்வேஜனா ஹோதி. யதா³ பனஸ்ஸ ஏவங் படிபஜ்ஜனதோ அலீனங் அனுத்³த⁴தங் அனிரஸ்ஸாத³ங் ஆரம்மணே ஸமப்பவத்தங் ஸமத²வீதி²படிபன்னஞ்ச சித்தங் ஹோதி, ததா³ தஸ்ஸ பக்³க³ஹனிக்³க³ஹஸம்பஹங்ஸனேஸு அப்³யாபாரதாஸமாபஜ்ஜனேன அஜ்ஜு²பெக்க²னா ஹோதி.
தத³தி⁴முத்ததா எத்தா²தி ஏதிஸ்ஸங் காயானுபஸ்ஸனாயங்.
பாரிஸுத்³தி⁴ங் பத்துகாமோதி ப²லங் அதி⁴க³ந்துகாமோ ஸமாபஜ்ஜிதுகாமோ ச. தத்த² ஸல்லக்க²ணாவிவட்டனாவஸேன பட²மங் மக்³கா³னந்தரப²லங் அதி⁴க³ந்துகாமோ. ததோ பரங் ஸல்லக்க²ணவஸேன ப²லஸமாபத்திங் ஸமாபஜ்ஜிதுகாமோபீதி ஏவமத்தோ² க³ஹேதப்³போ³. ஆவஜ்ஜனஸமாபஜ்ஜன…பே॰… வஸிப்பத்தந்தி ஆவஜ்ஜனவஸீ ஸித்³தா⁴ ஹோதி. தங் பன ஜா²னங் ஸமாபஜ்ஜிதுகாமதானந்தரங் ஸீக⁴ங் ஸமாபஜ்ஜனஸமத்த²தா ஸமாபஜ்ஜனவஸீ நாம. அச்ச²ராமத்தங் வா த³ஸச்ச²ராமத்தங் வா க²ணங் ஜா²னங் ட²பேதுங் ஸமத்த²தா அதி⁴ட்டா²னவஸீ நாம. ததே²வ லஹுங் க²ணங் ஜா²னஸமங்கீ³ ஹுத்வா ஜா²னதோ ப⁴வங்கு³ப்பத்திவஸேன வுட்டா²துங் ஸமத்த²தா வுட்டா²னவஸீ நாம. ‘‘எத்தகமேவ க²ணங் ஸமாபஜ்ஜிஸ்ஸாமீ’’தி, ‘‘எத்தகமேவ க²ணங் ஜா²னஸமங்கீ³ ஹுத்வா ஜா²னதோ வுட்ட²ஹிஸ்ஸாமீ’’தி ச பவத்தபுப்³ப³பரிகம்மபே⁴தே³னெத்த² அதி⁴ட்டா²னவுட்டா²னவஸியோ பி⁴ன்னா, ந ஸரூபபே⁴தே³ன, யா ‘‘ஸமாபத்திகுஸலதா, வுட்டா²னகுஸலதா’’தி வுச்சந்தி. பச்சவெக்க²ணவஸீ பன ஆவஜ்ஜனவஸியா ஏவ வுத்தா. பச்சவெக்க²ணவீதி²யஞ்ஹி ஸீக⁴ங் ஆவஜ்ஜனுப்பத்தியா ஆவஜ்ஜனவஸீ தத³னந்தரானங் ஜவனானங் ஸமுப்பத்தியா பச்சவெக்க²ணவஸீதி ஆவஜ்ஜனவஸீஸித்³தி⁴யாவ பச்சவெக்க²ணவஸீ ஸித்³தா⁴ ஏவ ஹோதீதி வேதி³தப்³பா³. ஜா²னங்கா³னி பரிக்³க³ஹெத்வாதி ஜா²னசித்தஸம்பயுத்தானி ஜா²னங்கா³னி லக்க²ணாதி³வஸேன பரிக்³க³ஹெத்வா. தேஸஞ்ச நிஸ்ஸயந்தி தேஸங் வத்து²னிஸ்ஸயானங் பூ⁴தானங் நிஸ்ஸயங். இத³ஞ்ச கரஜகாயஸ்ஸ வத்து²த³ஸகஸ்ஸ பூ⁴தனிஸ்ஸயத்தா ஸுத்தந்தனயேன வுத்தங், ந பட்டா²னநயேன. ந ஹி கலாபந்தரக³தானி பூ⁴தானி கலாபந்தரக³தானங் பூ⁴தானங் நிஸ்ஸயபச்சயா ஹொந்தி, ஸுத்தந்தனயேன பன உபனிஸ்ஸயபச்சயோதி வேதி³தப்³பா³னி. பட்டா²னே ஹி அஸங்க³ஹிதா ஸப்³பே³ பச்சயா ஸுத்தந்திகனயேன உபனிஸ்ஸயபச்சயே ஸங்க³ய்ஹந்தீதி வேதி³தப்³ப³ங். தங்னிஸ்ஸிதரூபானீதி உபாதா³ரூபானி. யதா²பரிக்³க³ஹிதரூபவத்து²த்³வாராரம்மணங் வாதி எத்த² யதா²பரிக்³க³ஹிதகேஸாதி³ரூபாரம்மணங் ததோ புப்³பே³ வுத்தனயவத்தா²ரம்மணஞ்ச தன்னிஸ்ஸயகரஜகாயபஅக்³க³ஹமுகே²ன கம்மாரக³க்³க³ரீதி கம்மாரானங் அக்³கி³த⁴மனப⁴ஸ்தா. தஜ்ஜந்தி தத³னுரூபங். தஸ்ஸாதி நாமரூபஸ்ஸ. தங் தி³ஸ்வாதி அவிஜ்ஜாதண்ஹாதி³பச்சயங் தி³ஸ்வா. கங்க²ங் விதரதீதி அஹோஸிங் நு கோ² அஹங் அதீதமத்³தா⁴னந்திஆதி³னயப்பவத்தங் (ம॰ நி॰ 1.18; ஸங்॰ நி॰ 2.20) ஸோளஸவத்து²கங் விசிகிச்ச²ங் அதிக்கமதி. கலாபஸம்மஸனவஸேனாதி யங் கிஞ்சி ரூபங் அதீதானாக³தபச்சுப்பன்னந்திஆதி³னா (ம॰ நி॰ 1.361; 3.86, 89; அ॰ நி॰ 4.181) பஞ்சஸு க²ந்தே⁴ஸு அதீதாதி³கொட்டா²ஸங் ஏகேககலாபதோ க³ஹெத்வா அனிச்சாதி³வஸேன ஸம்மஸனங் கலாபஸம்மஸனங், தஸ்ஸ வஸேன. புப்³ப³பா⁴கே³தி படிபதா³ஞாணத³ஸ்ஸனவிஸுத்³தி⁴பரியாபன்னாய உத³யப்³ப³யானுபஸ்ஸனாய புப்³ப³பா⁴கே³. ஓபா⁴ஸாத³யோதி ஓபா⁴ஸோ ஞாணங் பீதி பஸ்ஸத்³தி⁴ ஸுக²ங் அதி⁴மொக்கோ² பக்³க³ஹோ உபெக்கா² உபட்டா²னங் நிகந்தி ச. தத்த² அதி⁴மொக்கோ²தி ஸத்³தா⁴. உபட்டா²னந்தி ஸதி. உபெக்கா²தி தத்ரமஜ்ஜ²த்ததா. எத்த² ச ஓபா⁴ஸாத³யோ நவ நிகந்திஸங்கா²ததண்ஹுபக்கிலேஸவத்து²தாய உபக்கிலேஸா வுத்தா நிப்³பி³ந்த³ந்தோ ஆதீ³னவானுபஸ்ஸனாபுப்³ப³ங்க³மாய நிப்³பி³தா³னுபஸ்ஸனாய நிப்³பி³ந்த³ந்தோ. முஞ்சிதுகம்யதாபடிஸங்கா²னுபஸ்ஸனாஸங்கா²ருபெக்கா²னுலோமஞாணானங் சிண்ணபரியந்தே உப்பன்னகொ³த்ரபு⁴ஞாணானந்தரங் உப்பன்னேன மக்³க³ஞாணேன ஸப்³ப³ஸங்கா²ரேஸு விரஜ்ஜந்தோ விமுச்சந்தோ. ப²லக்க²ணே ஹி விமுத்தோ நாம வுச்சதி, மக்³க³க்க²ணே விமுச்சந்தோதி. ஏகூனவீஸதிபே⁴த³ஸ்ஸாதி சதுன்னங் மக்³க³வீதீ²னங் அனந்தரங் பச்சேகங் உப்பஜ்ஜந்தஸ்ஸ மக்³க³ப²லனிப்³பா³னபஹீனாவஸிட்ட²கிலேஸானங் பஞ்சன்னங் பச்சவெக்கி²தப்³பா³னங் வஸேன ஏகூனவீஸதிபே⁴த³ஸ்ஸ. அரஹதோ ஹி அவஸிட்ட²கிலேஸாபா⁴வேன ஏகூனவீஸதிதா. அஸ்ஸாதி ஆனாபானகம்மட்டா²னிகஸ்ஸ.
ஸப்பீதிகே த்³வே ஜா²னேதி பீதிஸஹக³தானி சதுக்கனயே த்³வே பட²மது³தியஜ்ஜா²னானி. தஸ்ஸாதி தேன யோகி³னா. ஸமாபத்திக்க²ணேதி ஸமாபன்னக்க²ணே. ஆரம்மணதோதி படிபா⁴கா³ரம்மணக்³க³ஹணமுகே²ன பீதி படிஸங்விதி³தா ஹோதி, ஆரம்மணஸ்ஸ படிஸங்விதி³தத்தா. ஆரம்மணே ஹி விதி³தே தப்³பி³ஸயா சித்தசேதஸிகா த⁴ம்மா ஸயங் அத்தனோ படிஸங்விதி³தா நாம ஹோதி ஸலக்க²ணதோ ஸாமஞ்ஞலக்க²ணதோ ச பச்சா² க³ஹணே ஸந்தே³ஹாபா⁴வதோ. விபஸ்ஸனாக்க²ணேதி விபஸ்ஸனாபஞ்ஞாய விஸயதோ த³ஸ்ஸனக்க²ணே. ஏவங் பீதிங் அனிச்சாதி³வஸேன க³ஹணமேவ அஸம்மோஹதோ பீதிபடிஸங்வேத³னங் நாம.
தீ³க⁴ங் அஸ்ஸாஸவஸேனாதி தீ³க⁴ஸ்ஸ அஸ்ஸாஸஸ்ஸ ஆரம்மணபூ⁴தஸ்ஸ வஸேன, பஜானதோ ஸா பீதி படிஸங்விதி³தா ஹோதீதி ஸம்ப³ந்தோ⁴. சித்தஸ்ஸ ஏகக்³க³தங் அவிக்கே²பங் பஜானதோதி ஜா²னபரியாபன்னங் அவிக்கே²பாபன்னங் நாம சித்தஸ்ஸேகக்³க³தங் தங்ஸம்பயுத்தாய பஞ்ஞாய பஜானதோ. யதே²வ ஹி ஆரம்மணமுகே²ன பீதி படிஸங்விதி³தா ஹோதி, ஏவங் தங்ஸம்பயுத்தத⁴ம்மாபி படிஸங்விதி³தா ஏவ ஹொந்தீதி. ஸதி உபட்டி²தா ஹோதீதி தீ³க⁴ங் அஸ்ஸாஸவஸேன ஜா²னஸம்பயுத்தா ஸதி தஸ்ஸ ஆரம்மணே உபட்டி²தா ததா³ரம்மணஜ்ஜா²னேபி உபட்டி²தா நாம ஹோதீதி. தீ³க⁴ங் பஸ்ஸாஸவஸேனாதிஆதீ³ஸுபி இமினாவ நயேன அத்தோ² வேதி³தப்³போ³. ஏவங் த³ஸ்ஸிதங் பீதிபடிஸங்வேத³னங் ஆரம்மணதோ அஸம்மோஹதோ ச விபா⁴க³தோ த³ஸ்ஸேதுங் ஆவஜ்ஜதோதிஆதி³ வுத்தங். தத்த² ஆவஜ்ஜதோதி ஜா²னங் ஆவஜ்ஜந்தஸ்ஸ. ஸா பீதீதி ஸா ஜா²னபரியாபன்னா பீதி. ஜானதோதி ஸமாபன்னக்க²ணே ஆரம்மணமுகே²ன ஜானதோ, தஸ்ஸ ஸா பீதி படிஸங்விதி³தா ஹோதீதி ஸம்ப³ந்தோ⁴. பஸ்ஸதோதி த³ஸ்ஸனபூ⁴தேன ஞாணேன ஜா²னதோ வுட்டா²ய பஸ்ஸந்தஸ்ஸ. பச்சவெக்க²தோதி ஜா²னங் பச்சவெக்க²ந்தஸ்ஸ. சித்தங் அதி⁴ட்ட²ஹதோதி ‘‘எத்தகங் வேலங் ஜா²னஸமங்கீ³ ப⁴விஸ்ஸாமீ’’தி ஜா²னசித்தங் அதி⁴ட்ட²ஹந்தஸ்ஸ. ஏவங் பஞ்சன்னங் வஸிபா⁴வானங் வஸேன ஜா²னஸ்ஸ பஜானநமுகே²ன ஆரம்மணதோ பீதியா படிஸங்வேத³னா த³ஸ்ஸிதா. அதி⁴முச்சதோதி ஸத்³த³ஹந்தஸ்ஸ, ஸமத²விபஸ்ஸனாவஸேனாதி அதி⁴ப்பாயோ. வீரியங் பக்³க³ண்ஹதோதிஆதீ³ஸுபி ஏஸேவ நயோ. அபி⁴ஞ்ஞெய்யந்தி விஸிட்டா²ய பஞ்ஞாய ஜானிதப்³ப³ங் சதுஸச்சங் விபஸ்ஸனாபஞ்ஞாபுப்³ப³ங்க³மாய மக்³க³பஞ்ஞாய பரிஞ்ஞெய்யந்திஆதீ³ஸுபி பரிஜானதோதிஆதி³னா யோஜனா வேதி³தப்³பா³. தத்த² பரிஞ்ஞெய்யந்தி து³க்க²ஸச்சங். அவஸேஸபதா³னீதி ஸுக²படிஸங்வேதீ³ சித்தஸங்கா²ரபடிஸங்வேதீ³தி பதா³னி.
வேத³னாத³யோதி ஆதி³-ஸத்³தே³ன ஸஞ்ஞா க³ஹிதா, தேனாஹ ‘‘த்³வே க²ந்தா⁴’’தி. விபஸ்ஸனாபூ⁴மித³ஸ்ஸனத்த²ந்தி காயிகஸுகா²தி³ஸீஸேன பகிண்ணகஸங்கா²ரத³ஸ்ஸனதோ வுத்தங் ஸமதே² காயிகஸுகா²பா⁴வதோ. ஸோதி பஸ்ஸம்ப⁴னபரியாயேன வுத்தோ நிரோதோ⁴. வுத்தனயேனாதி இமஸ்ஸ ஹி பி⁴க்கு²னோ புப்³பே³ அபரிக்³க³ஹிதகாலேதிஆதி³னா (பாரா॰ அட்ட²॰ 2.165) காயஸங்கா²ரே வுத்தனயேன. பீதிஸீஸேன வேத³னா வுத்தாதி பீதிஅபதே³ஸேன வேத³னா வுத்தா, ஸுக²க்³க³ஹணதோ த்³வீஸு சித்தஸங்கா²ரபதே³ஸூதி ‘‘சித்தஸங்கா²ரபடிஸங்வேதீ³ பஸ்ஸம்ப⁴யங் சித்தஸங்கா²ர’’ந்தி இமேஸு த்³வீஸு கொட்டா²ஸேஸு. ஸஞ்ஞாஸம்பயுத்தா வேத³னாதி வேத³னானுபஸ்ஸனாபா⁴வதோ வுத்தங். சித்தபடிஸங்வேதி³தா வேதி³தப்³பா³தி ஆரம்மணதோ அஸம்மோஹதோதிஆதி³னா வுத்தனயங் ஸந்தா⁴ய வுத்தங். சித்தந்தி ஜா²னஸம்பயுத்தங் விபஸ்ஸனாஸம்பயுத்தஞ்ச சித்தங். ஆமோதே³தீதி ஸம்பயுத்தாய பீதியா ஜா²னவிஸயாய மோதே³தி. விபஸ்ஸனாக்க²ணேதிஆதி³னா வுத்தப⁴ங்கா³னுபஸ்ஸனக்க²ணே.
ஆனாபானஸ்ஸதிஸமாதி⁴கதா²வண்ணனானயோ நிட்டி²தோ.
167. யதி³பி அரியா நேவ அத்தனாவ அத்தானங் அஞ்ஞமஞ்ஞங் வா ஜீவிதா வோரோபெந்தி, நாபி பரேஹி ஸமாத³பெந்தி, ததா²பி யதா²வுத்தேஹி தீஹி பகாரேஹி மதானங் புது²ஜ்ஜனானங் அந்தரே மிக³லண்டி³கேன மாரிதானங் அரியபுக்³க³லானம்பி அத்தி²தாய ‘‘அரியபுக்³க³லமிஸ்ஸகத்தா’’தி வுத்தங். அத² வா புது²ஜ்ஜனகாலே அத்தனாவ அத்தானங் கா⁴தெத்வா மரணஸமயே விபஸ்ஸனங் வட்³டெ⁴த்வா அரியமக்³க³ங் படிலபி⁴த்வா மதானம்பி ஸப்³பா⁴வதோ ஏவங் வுத்தந்தி க³ஹேதப்³ப³ங்.
பத³பா⁴ஜனீயவண்ணனா
172. ப்³யஞ்ஜனே ஆத³ரங் அகத்வாதி ஜானித்வா ஸஞ்ஜானித்வாதிஆதி³னா ப்³யஞ்ஜனானுரூபங் அவுத்தத்தா வுத்தங். பாணோதி ஜானந்தோதி இத³ங் மனுஸ்ஸோதி அஜானித்வாபி கேவலங் ஸத்தஸஞ்ஞாய ஏவ பாராஜிகபா⁴வத³ஸ்ஸனத்த²ங் வுத்தங். வத⁴கசேதனாவஸேன சேதெத்வாதி ‘‘இமங் மாரேமீ’’தி வத⁴கசேதனாய சிந்தெத்வா. பகப்பெத்வாதி ‘‘வதா⁴மி ந’’ந்தி ஏவங் சித்தேன பரிச்சி²ந்தி³த்வா. அபி⁴விதரித்வாதி ஸன்னிட்டா²னங் கத்வா, தேனாஹ ‘‘நிராஸங்கசித்தங் பேஸெத்வா’’தி. ஸிகா²ப்பத்தோ அத்தோ²தி ஸஞ்சிச்சாதி புப்³ப³காலகிரியாவஸேன ஜாதிஉண்ணா நாம தத³ஹுஜாதஏளகஸ்ஸ லோமங். ஏவங் வண்ணப்படிபா⁴க³ந்தி ஏவங் வண்ணஸண்டா²னங். ததோ வா உத்³த⁴ந்தி து³தியஸத்தாஹாதீ³ஸு அப்³பு³தா³தி³பா⁴வப்பத்தங் ஸந்தா⁴ய வுத்தங். பரிஹீனவேக³ஸ்ஸ ஸந்தானஸ்ஸ பச்சயோ ஹோதீதி
அதிபாதெந்தோதி அதிபாதெந்தோ வினாஸெந்தோ. வுத்தபகாரமேவாதி ஜீவிதிந்த்³ரியாதிபாதனவிதா⁴னங் வுத்தப்பகாரமேவ. ஸரஸேனேவ பதனஸபா⁴வஸ்ஸ ஸணிகங் பதிதுங் அத³த்வா அதீவ பாதனங் ஸீக⁴பாதனங் அதிபாதோ, பாணஸ்ஸ அதிபாதோ பாணாதிபாதோ. ஆத²ப்³ப³ணிகாதி அத²ப்³ப³ணவேதி³னோ. அத²ப்³ப³ணந்தி அத²ப்³ப³ணவேத³விஹிதங். மந்தங் பயோஜெந்தீதி அலோணபோ⁴ஜனத³ப்³ப³ஸயனஸுஸானக³மனாதீ³ஹி பயோகே³ஹி மந்தங் பரிவத்தெந்தி, தேன யதி²ச்சி²தபாணவதா⁴தி³ப²லங் உபபஜ்ஜதி, தஸ்மா தங் காயவசீகம்மேஸு பவிட்ட²ங். ஈதிந்தி பீளங். உபத்³த³வந்தி ததோ அதி⁴கதரங் பீளங். பஜ்ஜரகந்தி விஸமஜ்ஜரங். ஸூசிகந்தி ஸூசீஹி விய விஜ்ஜ²மானங் ஸூலங். விஸூசிகந்தி ஸஸூலங் ஆமாதிஸாரங். பக்க²ந்தி³யந்தி ரத்தாதிஸாரங். விஜ்ஜங் பரிவத்தெத்வாதி க³ந்தா⁴ரவிஜ்ஜாதி³கங் அத்தனோ விஜ்ஜங் கதூபசாரங் மந்தபட²னக்கமேன பரிஜப்பித்வா. தேஹீதி தேஹி வத்தூ²ஹி. பயோஜனந்தி பவத்தனங். அஹோ வதாயந்தி அயங் தங் குச்சி²க³தங். க³ப்³ப⁴ந்தி இத³ங் குச்சி²க³தங் க³ப்³ப⁴ங். குலும்ப³ஸ்ஸாதி க³ப்³ப⁴ஸ்ஸ, குலஸ்ஸேவ வா, குடும்ப³ஸ்ஸாதி வுத்தங் ஹோதி. பா⁴வனாமயித்³தி⁴யாதி அதி⁴ட்டா²னித்³தி⁴ங் ஸந்தா⁴ய வுத்தங். தங் தேஸங் இச்சா²மத்தந்தி ஸுத்தத்த²தோ ந ஸமேதீதி அதி⁴ப்பாயோ. அத²ப்³ப³ணித்³தி⁴வஸேனேவ ஹி ஸுத்தே ‘‘இத்³தி⁴மா சேதோவஸிப்பத்தோ’’தி வுத்தங், ந பா⁴வனாமயித்³தி⁴வஸேனாதி த³ட்ட²ப்³ப³ங்.
இதரதா²தி பரியேஸெய்யாதி பத³ஸ்ஸ க³வேஸனமத்தமேவ யதா²ருதவஸேன அத்தோ² ஸியா, ததா³ பரியிட்ட²மத்தேன பரியேஸித்வா ஸத்தா²தீ³னங் லத்³த⁴மத்தேனாதி அத்தோ². ஸஸந்தி ஹிங்ஸந்தி ஏதேனாதி ஸத்த²ந்தி வதோ⁴பகரணஸ்ஸ பாஸாணரஜ்ஜுஆதி³னோ ஸப்³ப³ஸ்ஸாபி நாமந்தி ஆஹ லகு³ளாதிஆதி³. லகு³ளந்தி முக்³க³ரஸ்ஸேதங் அதி⁴வசனங். ஸத்த²ஸங்க³ஹோதி மாதிகாயங் ஸத்த²ஹாரகந்தி எத்த² வுத்தஸத்த²ஸங்க³ஹோ. பரதோ வுத்தனயத்தாதி பரதோ சித்தஸத்³த³ஸ்ஸ அத்த²தீ³பனத்த²ங் வுத்தோதி சித்த-ஸத்³த³ஸ்ஸ விசித்தாதி³அனேகத்த²விஸயத்தா இதரேஹி நிவத்தெத்வா விஞ்ஞாணத்த²ங் நியமேதுங் வுத்தோ.
174. கம்முனா ப³ஜ்ஜ²தீதி பாணாதிபாதகம்முனா ப³ஜ்ஜ²தி, தங் கம்மமஸ்ஸ ஸித்³த⁴ந்தி அத்தோ². உப⁴யதா²பீதி உத்³தி³ஸகானுத்³தி³ஸகவஸேன. பச்சா² வா தேன ரோகே³னாதி ஏதேன அனாக³தம்பி ஜீவிதிந்த்³ரியங் ஆரப்³ப⁴ பாணாதிபாதஸ்ஸ பவத்திங் த³ஸ்ஸேதி. ஏவஞ்ச ‘‘யதா³ ஸக்கோதி, ததா³ தங் ஜீவிதா வோரோபேஹீ’’தி ஆணத்தியா சிரேன ஸமித்³தி⁴யம்பி ஆணத்திக்க²ணேயேவ பாணாதிபாதோ. ஓபாதக²ணனாதி³தா²வரபயோகே³ஸு பயோக³கரணதோ பச்சா² க³ஹிதபடிஸந்தி⁴கஸ்ஸாபி ஸத்தஸ்ஸ மரணே பாணாதிபாதோ ச அனாக³தாரம்மணோ உபபன்னோ ஹோதி. யங் பன ஸிக்கா²பத³விப⁴ங்கே³ ‘‘பஞ்ச ஸிக்கா²பதா³னி பச்சுப்பன்னாரம்மணாயேவா’’தி வுத்தங், தங் பாணாதிபாதாதி³தோ விரதிங் ஸந்தா⁴ய வுத்தங், ந பாணாதிபாதாதி³ந்தி க³ஹேதப்³ப³ங். அஞ்ஞசித்தேனாதி அமாரேதுகாமதாசித்தேன. து³தியப்பஹாரேன மரதீதி பட²மப்பஹாரங் வினா து³தியேனேவ மரதீதி அத்தோ². பட²மப்பஹாரேனேவாதி பட²மப்பஹாரஸமுட்டா²பகசேதனாக்க²ணேயேவாதி அத்தோ². கிஞ்சாபி பட²மப்பஹாரோ ஸயமேவ ந ஸக்கோதி மாரேதுங், து³தியங் பன லபி⁴த்வா ஸக்கொந்தோ ஜீவிதவினாஸஹேது ஹோதி, தஸ்மா பட²மப்பஹாரங் வினா மரணஸ்ஸ அஸித்³த⁴த்தா ‘‘பயோகோ³ தேன ச மரண’’ந்தி இமினா ஸங்ஸந்த³னதோ பட²மப்பஹாரேனேவ கம்மப³த்³தோ⁴ யுத்தோ, ந து³தியேன தஸ்ஸ அஞ்ஞசித்தேன தி³ன்னத்தா. யதா² செத்த², ஏவங் அஞ்ஞேன புக்³க³லேன து³தியப்பஹாரதா³னாதீ³ஸு விய. யதி³ பன து³தியப்பஹாரதா³யகஸ்ஸாபி புக்³க³லஸ்ஸ வத⁴கசேதனா அத்தி², தஸ்ஸாபி அத்தனோ பயோகே³னாபி மதத்தா பயோக³க்க²ணே பாணாதிபாதோதி வேதி³தப்³ப³ங்.
கம்மாபத்திப்³யத்திபா⁴வத்த²ந்தி ஆனந்தரியாதி³கம்மவிபா⁴க³ஸ்ஸ பாராஜிகாதி³ஆபத்திவிபா⁴க³ஸ்ஸ ச பாகடபா⁴வத்த²ங். ‘‘ஏளகங் மாரேமீ’’தி விபரீதக்³க³ஹணேபி ‘‘இம’’ந்தி யதா²னிபன்னஸ்ஸேவ பரமத்த²தோ க³ஹிதத்தா யதா²வத்து²கங் கம்மப³த்³தோ⁴ ஹோதியேவாதி ஆஹ இமங் வத்து²ந்திஆதி³. கா⁴தகோ ச ஹோதீதி பாணாதிபாதகம்மேன ப³த்³தோ⁴தி அத்தோ². மாதாதி³கு³ணமஹந்தே ஆரப்³ப⁴ பவத்தவத⁴கசேதனாய
லோஹிதகந்தி லோஹிதமக்கி²தங். கம்மங் கரொந்தேதி யுத்³த⁴கம்மங் கரொந்தே. யதா²தி⁴ப்பாயங் க³தேதி யோத⁴ங் விஜ்ஜி²த்வா பிதரி வித்³தே⁴, யோத⁴ங் பன அவிஜ்ஜி²த்வா கேவலங் பிதரி வித்³தே⁴பி விஸங்கேதோ நத்தி²யேவ பிதரிபி வத⁴கசித்தஸ்ஸ அத்தி²தாய, கேவலங் யோதே⁴ வித்³தே⁴பி ஏஸேவ நயோ. ஆனந்தரியங் பன நத்தீ²தி பிதுவிஸயங் பாணாதிபாதகம்மங் நத்தீ²தி அத்தோ².
ஏவங் விஜ்ஜா²தி ஏவங் பாதே³ஹி பூ⁴மியங் ட²த்வா ஏவங் த⁴னுங் க³ஹெத்வா ஆகட்³டி⁴த்வாதிஆதி³னா விஜ்ஜ²னப்பகாரஸிக்கா²பனமுகே²ன ஆணாபேதீதி அத்தோ². ஏவங் பஹராதி த³ள்ஹங் அஸிங் க³ஹெத்வா ஏவங் பஹர. ஏவங் கா⁴தேஹீதி ஏவங் கம்மகாரணங் கத்வா மாரேஹி. தத்தகா உபி⁴ன்னங் பாணாதிபாதாதி அனுத்³தி³ஸித்வா மஜ்ஜே²தி ஹத்தி²னோ பிட்டி²னோ மஜ்ஜே². ஏதேனாதி அதி⁴ட்ட²ஹித்வா ஆணாபேதீதிஆதி³பாளிவசனேன. தத்தா²தி ஆணத்திகபயோகே³.
கிஞ்சாபி கிரியாவிஸேஸோ அட்ட²கதா²ஸு அனாக³தோ, பாளியங் பன ‘‘ஏவங் விஜ்ஜ², ஏவங் பஹர, ஏவங் கா⁴தேஹீ’’தி (பாரா॰ 174) கிரியாவிஸேஸஸ்ஸ பராமட்ட²த்தா ஆசரியபரம்பரா ஆக³தங் கிரியாவிஸேஸம்பி பாளிஸங்ஸந்த³னதோ க³ஹெத்வா த³ஸ்ஸெந்தோ அபரோ நயோதிஆதி³மாஹ. விஜ்ஜ²னந்தி உஸுஸத்திஆதீ³ஹி விஜ்ஜ²னங். சே²த³னந்தி அஸிஆதீ³ஹி ஹத்த²பாதா³தி³ச்சே²த³னங். பே⁴த³னந்தி முக்³க³ராதீ³ஹி ஸீஸாதி³பே⁴த³னங் த்³விதா⁴கரணங். ஸங்க²முண்ட³கந்தி ஸீஸகடாஹே சம்மங் ஸஹ கேஸேஹி உப்பாடெத்வா தூ²லஸக்க²ராஹி ஸீஸகடாஹங் க⁴ங்ஸித்வா ஸங்க²வண்ணகரணவஸேன ஸங்க²முண்ட³கம்மகரணங். ஏவமாதீ³தி ஆதி³-ஸத்³தே³ன பி³ளங்க³தா²லிகாதி³ங் ஸங்க³ண்ஹாதி. உரே பஹரித்வா பிட்டி²யங் பஹரித்வா கீ³வாயங் பஹரித்வாதிஆதி³னா ஸரீராவயவப்பதே³ஸேஸு பஹரணவிஜ்ஜ²னாதி³னியமோபி கிரியாவிஸேஸேயேவ ஸங்க³ய்ஹதி அட்ட²கதா²ஸு ஸங்க²முண்ட³காதி³ஸரீரப்பதே³ஸவிஸயாயபி கா⁴தனாய தத்த² ஸாரத்த²தீ³பனியங் (ஸாரத்த²॰ டீ॰ பாராஜிககண்ட³ 2.174 பயோக³கதா²வண்ணனா) புரதோ பஹரித்வா மாரேஹீதிஆதி³கஸ்ஸ அட்ட²கதா²பாட²ஸ்ஸ ‘‘புரிமபஸ்ஸாதீ³னம்பி வத்து²ஸபா⁴க³தோ வத்து²க்³க³ஹணேனேவ க³ஹணந்தி ஆஹ புரதோ பஹரித்வாதிஆதீ³’’தி ஏவமதி⁴ப்பாயகத²னங், தங் ஸங்க²முண்ட³காதி³கஸ்ஸ ஸரீரப்பதே³ஸே கம்மகாரணாகரணஸ்ஸ அட்ட²கதா²ய கிரியாவிஸேஸவிஸயே வுத்தத்தா ந யுஜ்ஜதி. யதா²ணத்தங் முஞ்சித்வா புக்³க³லந்தரமாரணமேவ ஹி வத்து²விஸங்வாதோ³, ந பஹரிதுங் ஆணத்தங் ஸரீரப்பதே³ஸவிஸங்வாத³னங், தேனாஹ ‘‘வத்து²ங் விஸங் வாதெ³த்வா…பே॰… ததோ அஞ்ஞங் மாரேதி. புரதோ பஹரித்வா மாரேஹீதி வா…பே॰… நத்தி² கம்மப³த்³தோ⁴’’தி, இத³ங் பன யதா²ணத்தவத்து²ஸ்மிம்பி கிரியாவிஸேஸவிஸங்கேதேன கம்மப³த்³தா⁴பா⁴வங் த³ஸ்ஸேதுங் வுத்தந்தி பஞ்ஞாயதி. தேன ‘‘வத்து²ங் அவிஸங்வாதெ³த்வா மாரெந்தீ’’தி எத்தகமேவ அவத்வா ‘‘யதா²ணத்தியா’’தி கிரியாவிஸேஸனியமோபி த³ஸ்ஸிதோ, இதரதா² யதா²ணத்தியாதி வசனஸ்ஸ நிரத்த²கதாபத்திதோ. வத்து²னித்³தே³ஸே ச ‘‘வத்தூ²தி மாரேதப்³போ³ ஸத்தோ’’தி (பாரா॰ அட்ட²॰ 2.174) எத்தகமேவ வுத்தங், ந பன ‘‘யதா²ணத்தஸ்ஸ பஹரிதப்³ப³ஸரீரப்பதே³ஸோபீ’’தி வுத்தங். தஸ்மா புரதோ பஹரணாதி³பி கிரியாவிஸேஸே ஏவ ஸங்க³ய்ஹதீதி அம்ஹாகங் க²ந்தி, வீமங்ஸித்வா க³ஹேதப்³ப³ங். வத்து²விஸேஸேனாதி மாதுஆதி³மதஸத்தவிஸேஸேன. கம்மவிஸேஸோதி ஆனந்தரியாதி³கம்மவிஸேஸோ. ஆபத்திவிஸேஸோதி பாராஜிகாதி³ஆபத்திவிஸேஸோ.
யதா³ கதா³சி புப்³ப³ண்ஹேதி ஆணத்ததி³வஸதோ அஞ்ஞஸ்ஸபி யஸ்ஸ கஸ்ஸசி தி³வஸஸ்ஸ புப்³ப³ண்ஹே. ஏதங் கா³மே டி²தந்தி கா³மோ புக்³க³லனியமனத்த²ங் வுத்தோ, ந ஓகாஸனியமனத்த²ங், தஸ்மா ‘‘யத்த² கத்த²சி மாரேதி, நத்தி² விஸங்கேதோ’’தி வுத்தங், ஏதேன காலோகாஸஆவுத⁴இஅயாபத²கிரியாவிஸேஸானங் நியமிச்சா²ய அஸதி யேன கேனசி பகாரேன மரணமேவ இச்ச²ந்தஸ்ஸ ஆணாபகஸ்ஸ முகா²ருள்ஹவஸேன வுத்தஸ்ஸ தே³ஸகாலாதி³னியமஸ்ஸ விஸங்கேதேபி கம்மப³த்³தோ⁴யேவாதி ஞாபிதங் ஹோதி. யோ பன சித்தேன யத்த² கத்த²சி யதா³ கதா³சி யேன கேனசி பகாரேன மரணமேவ இச்ச²ந்தோபி காலாதி³விஸங்கேதேன அகுஸலதோ சோத³னதோ வா முச்சிதுகாமோ லேஸேன காலாதி³னியமங் கரோதி, தஸ்ஸ மனுஸ்ஸவிக்³க³ஹபாராஜிகதோ பரியாயேன அமுச்சனதோ காலாதி³விஸங்கேதேபி கம்மப³த்³தோ⁴வாதி க³ஹெத்வா விசாரணதோ க³ஹேதப்³ப³ங், கேசி பனேதங் ந இச்ச²ந்தி, வீமங்ஸிதப்³ப³ங். துண்டே³னாதி த²ருனாதி க²க்³க³முட்டி²னா. ஏதங் க³ச்ச²ந்தந்தி க³மனேன புக்³க³லோவ நியமிதோ, ந இரியாபதோ², தேனாஹ ‘‘நத்தி² விஸங்கேத’’ந்தி.
‘‘தீ³க⁴ங் மாரேஹீ’’தி வுத்தேபி தீ³க⁴ஸண்டா²னானங் ப³ஹுபா⁴வதோ ‘‘இத்த²ன்னாமங் ஏவரூபஞ்ச தீ³க⁴’’ந்தி அஞ்ஞேஸங் அஸாதா⁴ரணலக்க²ணேன அனித்³தி³ட்ட²த்தா ‘‘அனியமெத்வா ஆணாபேதீ’’தி வுத்தங், தேனேவாஹ ‘‘யங் கிஞ்சி தாதி³ஸங் மாரேமீ’’தி. எத்த² ச சித்தேன ப³ஹூஸு தீ³க⁴ஸண்டா²னேஸு ஏகங் நியமெத்வா வுத்தேபி வாசாய அனியமிதத்தா அஞ்ஞஸ்மிங் தாதி³ஸே மாரிதே நத்தி² விஸங்கேதோதி வத³ந்தி. அத்தானங் முஞ்சித்வா பரபாணிம்ஹி பாணஸஞ்ஞிதாலக்க²ணஸ்ஸ அங்க³ஸ்ஸ அபா⁴வதோ நேவத்தி² பாணாதிபாதோதி ஆஹ ‘‘ஆணாபகோ முச்சதீ’’தி. அத்தானங் உத்³தி³ஸ்ஸ ‘‘அஸுகட்டா²னே நிஸின்ன’’ந்தி ஓகாஸனியமே தஸ்மிங் பதே³ஸே நிஸின்னஸ்ஸ யஸ்ஸ கஸ்ஸசி ஜீவிதிந்த்³ரியங் ஆரப்³ப⁴ வத⁴கசித்தங் உப்பஜ்ஜதீதி வுத்தங் ‘‘நேவ வத⁴கோ முச்சதி ந ஆணாபகோ’’தி. ஓகாஸஞ்ஹி நியமெத்வா நித்³தி³ஸந்தோ தஸ்மிங் ஓகாஸே நிஸின்னங் மாரேதுகாமோ ஹோதி, ஸயங் பன ததா³ தத்த² நத்தி², தஸ்மா ஓகாஸேன ஸஹ தத்த² நிஸின்னஸ்ஸேவ ஜீவிதிந்த்³ரியங் ஆரம்மணங் ஹோதி, ந அத்தனோதி க³ஹேதப்³ப³ங். ஸசே பன ஸயங் தத்தே²வ நிஸீதி³த்வா அத்தனோ நிஸின்னட்டா²னமேவ நியமெத்வா ‘‘மாரேஹீ’’தி வுத்தேபி அஞ்ஞோ தத்த² நிஸின்னோ மாரியதி, தஸ்ஸாபி அத்தனோபி ஜீவிதங் ஆரப்³ப⁴ வத⁴கசேதனா பவத்ததி, பரஸ்மிங் தத்த² மாரிதே ஆணாபகஸ்ஸ கம்மப³த்³தோ⁴தி க³ஹேதப்³ப³ங். ஏவரூபே டா²னே சித்தப்பவத்தினியமோ பு³த்³த⁴விஸயோ, ந அஞ்ஞேஸங் விஸயோதி ஆஹ ‘‘தஸ்மா எத்த² ந அனாத³ரியங் காதப்³ப³’’ந்தி.
ஏவங் ஆணாபெந்தஸ்ஸ ஆசரியஸ்ஸ தாவ து³க்கடந்தி ஸசே ஆணத்திகோ யதா²தி⁴ப்பாயங் ந க³ச்ச²தி, ஆசரியஸ்ஸ ஆணத்திக்க²ணே து³க்கடங். ஸசே பன ஸோ யதா²தி⁴ப்பாயங் க³ச்ச²தி, யங் பரதோ து²ல்லச்சயங் வுத்தங், ஆணத்திக்க²ணே ததே³வ ஹோதி. அத² ஸோ அவஸ்ஸங் கா⁴தேதி, யங் பரதோ ‘‘ஆபத்தி ஸப்³பே³ஸங் பாராஜிகஸ்ஸா’’தி (பாரா॰ 174) வுத்தங், ததோ இமஸ்ஸ ஆணத்திக்க²ணேயேவ பாராஜிகங் ஹோதி, ந து³க்கடது²ல்லச்சயானீதி க³ஹேதப்³ப³ங். தேஸம்பி து³க்கடந்தி பு³த்³த⁴ரக்கி²தாதீ³னம்பி ஆரோசனபச்சயா து³க்கடங், இத³ஞ்ச யதா²ணத்திவஸேன ஸங்க⁴ரக்கி²தஸ்ஸ ஜீவிதா வோரோபனே அஸதி யுஜ்ஜதி, வோரோபனே ஸதி தேஸம்பி ஆரோசனக்க²ணேயேவ பாராஜிகங். படிக்³க³ஹிதமத்தேதி இத³ங் அவஸ்ஸங் படிக்³க³ஹணஸபா⁴வதீ³பனத்த²ங் வுத்தங், ந படிக்³க³ஹிதக்க²ணேயேவ து²ல்லச்சயந்தி
மூலட்ட²ஸ்ஸேவ து³க்கடந்தி இத³ங் மஹாஅட்ட²கதா²யங் ஆக³தனயத³ஸ்ஸனமத்தங், ந பனேதங் அத்தனா அதி⁴ப்பேதங், தேனாஹ ஏவங் ஸந்தேதிஆதி³, ஏவங் மஹாஅட்ட²கதா²யங் வுத்தனயேன அத்தே² ஸதீதி அத்தோ². படிக்³க³ஹணே ஆபத்தியேவ ந ஸியாதி வத⁴கஸ்ஸ ‘‘ஸாது⁴ ஸுட்டூ²’’தி மரணபடிக்³க³ஹணே து³க்கடாபத்தி நேவ ஸியா, ஏவங் அனோளாரிகவிஸயேபி தாவ து³க்கடங், கிமங்க³ங் பன மரணபடிக்³க³ஹணேதி த³ஸ்ஸனத்த²ங் ஸஞ்சரித்தபடிக்³க³ஹணாதி³ நித³ஸ்ஸிதங். ‘‘அஹோ வத இத்த²ன்னாமோ ஹதோ அஸ்ஸா’’தி ஏவங் மரணாபி⁴னந்த³னத³ஸ்ஸனத்த²ங் ஸஞ்சரித்தபடிக்³க³ஹணாதி³பி⁴னந்த³னே து³க்கடே ஸதி பகே³வ ‘‘அஹங் தங் மாரெஸ்ஸாமீ’’தி மரணபடிக்³க³ஹணேதி அதி⁴ப்பாயோ. படிக்³க³ண்ஹந்தஸ்ஸேவேதங் து³க்கடந்தி அவதா⁴ரணேன ஸங்க⁴ரக்கி²தஸ்ஸ படிக்³க³ஹணபச்சயா மூலட்ட²ஸ்ஸ நத்தே²வ ஆபத்தீதி த³ஸ்ஸேதி, விஸங்கேதத்தா பட²மங் ஆணத்தது³க்கடமேவஸ்ஸ ஹோதி. கேசி பன ‘‘மூலட்ட²ஸ்ஸாபி து³க்கடமேவா’’தி வத³ந்தி, தங் ந யுத்தங் ஏகேன பயோகே³ன த்³வின்னங் து³க்கடானங் அஸம்ப⁴வா. புரிமனயேதி ஸமனந்தராதீதே அவிஸக்கியதூ³தனித்³தே³ஸே. ஏதந்தி து³க்கடங். ஓகாஸாபா⁴வேனாதி மூலட்ட²ஸ்ஸ து²ல்லச்சயஸ்ஸ வுச்சமானத்தா படிக்³க³ண்ஹந்தஸ்ஸ து³க்கடங் ந வுத்தங் ஓகாஸாபா⁴வேன, ந பன ஆபத்திஅபா⁴வதோதி அதி⁴ப்பாயோ.
175. ஸயங் ஸங்க⁴த்தே²ரத்தா ‘‘உபட்டா²னகாலே’’தி வுத்தங். வாசாய வாசாய து³க்கடந்தி ‘‘யோ கோசி மம வசனங் ஸுத்வா இமங் மாரேதூ’’தி இமினா அதி⁴ப்பாயேன அவத்வா கேவலங் மரணாபி⁴னந்த³னவஸேனேவ வுத்தத்தா சோராபி நாம தங் ந ஹனந்தீதிஆதி³வாசாயபி து³க்கடமேவ வுத்தங். த்³வின்னங் உத்³தி³ஸ்ஸாதி த்³வே உத்³தி³ஸ்ஸ, த்³வின்னங் வா மரணங் உத்³தி³ஸ்ஸ. உபோ⁴ உத்³தி³ஸ்ஸ மரணங் ஸங்வண்ணெந்தஸ்ஸ பயோக³ஸமுட்டா²பிகாய சேதனாய ஏகத்தேபி ‘‘த்³வே பாணாதிபாதா’’தி வத்தப்³ப³தாஸங்கா²தங் ப³லவபா⁴வங் ஆபஜ்ஜித்வா படிஸந்தி⁴பவத்தீஸு மஹாவிபாகத்தா ‘‘அகுஸலராஸீ’’தி வுத்தங், ப³ஹூ உத்³தி³ஸ்ஸ மரணஸங்வண்ணனேபி தத்தகா பாணாதிபாதாதி யத்தகா ஸங்வண்ணனங் ஸுத்வா மரிஸ்ஸந்தி, தத்தகானம்பி வத்தமானங் அனாக³தஞ்ச ஜீவிதிந்த்³ரியங் ஸப்³ப³ங் ஆலம்பி³த்வாவ சேதனாய பவத்தனதோ
176. யேஸங் ஹத்த²தோதி யேஸங் ஞாதகபவாரிதாதீ³னங் ஹத்த²தோ, இத³ஞ்ச பி⁴க்கு²னோ ரூபியமூலஸ்ஸ அபா⁴வங் ஸந்தா⁴ய வுத்தங், அத்தனோவ த⁴னஞ்சே, ஸயமேவ மூலங் க³ஹெத்வா முஞ்சதி, மூலங் பன அக்³க³ஹெத்வாபி பொத்த²கஸ்ஸ பொத்த²கஸாமினோ ஸந்தகத்தாபாத³னமேவெத்த² பமாணந்தி க³ஹேதப்³ப³ங். லேகா²த³ஸ்ஸனகோதூஹலகாதி ஸுந்த³ரக்க²ரங் தி³ஸ்வா வா ‘‘கீதி³ஸங் நு கோ² பொத்த²க’’ந்தி வா ஓலோகேதுகாமா.
பாணாதிபாதஸ்ஸ பயோக³த்தாதி ஸரீரதோ பாணவியோஜனஸ்ஸ நிட்டா²பகபயோக³த்தா. ஓபாதக²ணனத்த²ங் பன குதா³லாதி³அத்தா²ய அயோபீ³ஜஸமுட்டா²பனத்த²ங் அகப்பியபத²விங் வா குதா³லத³ண்டா³தீ³னங் அத்தா²ய பூ⁴தகா³மங் விகோபெந்தஸ்ஸ பாசித்தியமேவ. பாணாதிபாதபயோக³த்தாபா⁴வா அதி³ன்னாதா³னபுப்³ப³பயஓகே³ விய து³தியபரியேஸனாதீ³ஸுபி எத்த² து³க்கடட்டா²னே து³க்கடங், முஸாவாதா³தி³பாசித்தியட்டா²னே பாசித்தியமேவாதி க³ஹேதப்³ப³ங். பமாணேதி அத்தனா ஸல்லக்கி²தே பமாணே. தச்செ²த்வாதி உன்னதப்பதே³ஸங் தச்செ²த்வா. பங்ஸுபச்சி²ந்தி ஸப்³ப³ந்திமங் பங்ஸுபச்சி²ங். எத்தகங் அலந்தி நிட்டா²பேதுகாமதாய ஸப்³ப³ந்திமபயஓக³ஸாதி⁴கா சேதனா ஸன்னிட்டா²பகசேதனா, மஹாஅட்ட²கதா²யங் ‘‘ஏகஸ்மிங் தி³வஸே அவூபஸந்தேனேவ பயோகே³ன க²ணித்வா நிட்டா²பெந்தங் ஸந்தா⁴ய ஸப்³ப³ந்திமா ஸன்னிட்டா²பகசேதனா வுத்தா, இதராஸு பன அட்ட²கதா²ஸு ‘‘இமஸ்மிங் பதித்வா மரந்தூ’’தி அதி⁴ப்பாயேன ஏகஸ்மிங் தி³வஸே கிஞ்சி க²ணித்வா அபரஸ்மிம்பி தி³வஸே ததோ கிஞ்சி கிஞ்சி க²ணித்வா நிட்டா²பெந்தங் ஸந்தா⁴ய வுத்தந்தி ஏவங் அட்ட²கதா²னங் அஞ்ஞமஞ்ஞவிரோதோ⁴ ஞாதப்³போ³. அத்தனோ த⁴ம்மதாயாதி அஜானித்வா, பக்க²லித்வா வா. அரஹந்தாபி ஸங்க³ஹங் க³ச்ச²ந்தீதி அஞ்ஞேஹி பாதியமானானங் அமரிதுகாமானம்பி அரஹந்தானங் மரணங் ஸம்ப⁴வதீதி வுத்தங். புரிமனயேதி ‘‘மரிதுகாமா இத⁴ மரிஸ்ஸந்தீ’’தி வுத்தனயே. விஸங்கேதோதி மரிதுகாமானங் மாரேதுகாமானஞ்ச உத்³தி³ஸ்ஸ க²தத்தா அமரிதுகாமானங் மரணே கம்மப³த்³தோ⁴ நத்தீ²தி அத்தோ².
தத்த² பதிதங் ப³ஹி நீஹரித்வாதி இத³ங் தத்த² பதனபச்சயா மரணஸ்ஸ பவத்தத்தா வுத்தங். ஆவாடே பதித்வா தோ²கங் சிராயித்வா க³ச்ச²ந்தங் க³ஹெத்வா மாரிதே தத்த² பதிதரோகே³ன பீளிதஸ்ஸ க³ச்ச²தோ அட்ட²கதா²யங் வுத்தங். யேன பன ஸபா⁴வேன ஸத்தா ஜாயந்தி, தேனேவ மரந்தி, ஸோவ தேஸங் ரூபந்தரக்³க³ஹணேபி ஸபா⁴வோதி ‘‘மரணரூபமேவ பமாணங், தஸ்மா பாசித்திய’’ந்தி வுத்தோ. பச்சி²மோ வாதோ³ பமாணங், ஏவங் ஸந்தே பாளியங் ‘‘யக்கோ² வா பேதோ வா திரச்சா²னக³தமனுஸ்ஸவிக்³க³ஹோ வா தஸ்மிங் பததி, ஆபத்தி து³க்கடஸ்ஸ. பதிதே து³க்கா² வேத³னா உப்பஜ்ஜதி, ஆபத்தி து³க்கடஸ்ஸ. மரதி, ஆபத்தி து²ல்லச்சயஸ்ஸா’’தி கஸ்மா வுத்தந்தி சே? நாயங் தோ³ஸோ. ‘‘யக்கோ² வா பேதோ வா’’தி ஹி பட²மங் ஸகரூபங் த³ஸ்ஸெத்வா ரூபந்தரங் க³ஹெத்வாபி டி²தேயேவ யக்க²பேதே த³ஸ்ஸேதுங் ‘‘திரச்சா²னக³தமனுஸ்ஸவிக்³க³ஹோ வா’’தி வுத்தங். தஸ்மா திரச்சா²னக³தவிக்³க³ஹோ மனுஸ்ஸவிக்³க³ஹோ வா யக்கோ² வா பேதோ வாதி ஏவமெத்த² யோஜனா காதப்³பா³. கேசி பன ‘‘மனுஸ்ஸவிக்³க³ஹேன டி²ததிரச்சா²னக³தானங் ஆவேணிகங் கத்வா து²ல்லச்சயங் வுத்தங் விய தி³ஸ்ஸதீ’’தி வத³ந்தி, தங் ந யுத்தங் திரச்சா²னோ வா மனுஸ்ஸவிக்³க³ஹோதி வத்தப்³ப³தோ, அட்ட²கதா²ஸு ச இமஸ்ஸ விஸேஸஸ்ஸ அவுத்தத்தா. யக்க²பேதரூபேன மதேபி ஏஸேவ நயோதி இமினா மரணரூபஸ்ஸேவ பமாணத்தா து²ல்லச்சயங் அதிதி³ஸதி.
முதா⁴தி அமூலேன. ஸோ நித்³தோ³ஸோதி தேன தத்த² கதபயோக³ஸ்ஸ அபா⁴வதோ, யதி³ பன ஸோபி தத்த² கிஞ்சி கரோதி, ந முச்சதி ஏவாதி த³ஸ்ஸெந்தோ ஏவங் பதிதாதிஆதி³மாஹ. தத்த² ஏவந்தி ஏவங் மயா கதேதி அத்தோ² ந நஸ்ஸிஸ்ஸந்தீதி அத³ஸ்ஸனங் ந க³மிஸ்ஸந்தி, ந பலாயிஸ்ஸந்தீதி அதி⁴ப்பாயோ. ஸுஉத்³த⁴ரா வா ப⁴விஸ்ஸந்தீதி இத³ங் க³ம்பீ⁴ரஸ்ஸ ஓபாதஸ்ஸ பூரணே பயோஜனத³ஸ்ஸனங். உத்தானே கதே ஓபாதே ஸீக⁴ங் அம்ஹேஹி க³ஹெத்வா மாரேதுங் ஸுஉத்³த⁴ரா ப⁴விஸ்ஸந்தீதி அதி⁴ப்பாயோ. விப்படிஸாரே உப்பன்னேதி மூலட்ட²ங் ஸந்தா⁴ய வுத்தங். யதி³ பன பச்சி²மோபி லபி⁴த்வா தத்த² வுத்தப்பகாரங் கிஞ்சி கத்வா புன விப்படிஸாரே உப்பன்னே ஏவங் கரோதி, தஸ்ஸாபி ஏஸேவ நயோ. ஜாதபத²வீ ஜாதாதி ஈதி³ஸே புன அஞ்ஞேன ஓபாதே க²தே ததா³ முச்சதீதி த³ஸ்ஸனத்த²ங் வுத்தங், ஜாதபத²வீஸதி³ஸங் கத்வா புன ஸுட்டு² கொட்டெத்வா த³ள்ஹதரங் பூரிதேபி முச்சதியேவாதி க³ஹேதப்³ப³ங்.
த²த்³த⁴தரந்தி கா²ணுகந்தி பாஸயட்டி²ப³ந்த⁴னகா²ணுகங். தத்த²ஜாதகயட்டி²ங் சி²ந்தி³த்வா முச்சதீதி இத³ங் அரஞ்ஞே யதா²டி²தமேவ த³ண்ட³ங் மூலே அச்சி²ந்தி³த்வா பாஸப³ந்த⁴னயொக்³க³ங் கத்வா ட²பிதத்தா தத்த² அஞ்ஞோபி கோசி பாஸங் ப³ந்தெ⁴ய்ய, மூலட்டோ² ந முச்சதி, தங் பன மூலேபி சி²ந்தி³த்வா க²ண்டா³க²ண்ட³ங் கத்வா முச்சதீதி த³ஸ்ஸனத்த²ங் வுத்தங். ரஜ்ஜுகேதி வாகேஹி ஏகவாரங் வட்டிதரஜ்ஜுகே. ஸயங் வட்டிதந்தி தனுகவட்டிதங் தி³கு³ணதிகு³ணதாபாத³னேன அத்தனா வட்டிதங். உப்³ப³ட்டெத்வாதி பாகதிகங் கத்வா. கோ³பெந்தோபீதி ஹீரங் ஹீரங் கத்வா கோ³பெந்தோபி.
177. ஆலம்ப³னருக்கோ² வாதி தத்த²ஜாதகங் ஸந்தா⁴ய வுத்தங். தத³த்த²மேவ கத்வாதி மாரணத்த²மேவ அயோபீ³ஜஸமுட்டா²பனாதி³னா வாஸிஆதி³ங் ஸத்த²ங் காரெத்வா. பாகதிகந்தி அஞ்ஞேஹி கதங் பகதிஸத்த²மேவ லபி⁴த்வா மூலட்டே²ன ட²பிதங் ஹோதீதி அத்தோ². முச்சதீதி மூலட்டோ² முச்சதி. விஸமண்ட³லந்தி மஞ்சபீடா²தீ³ஸு ஆலித்தங் விஸமண்ட³லங்.
வத்வா அஸிங் உபனிக்கி²பதீதி எத்த² முகே²ன அவத்வா மனஸாவ சிந்தெத்வா உபனிக்கி²பனேபி ஏஸேவ நயோ. புரிமனயேனாதி யேஸங் ஹத்த²தோ மூலங் க³ஹிதந்திஆதி³னா. விஸபா⁴க³ரோகோ³ நாம குட்டா²தி³விரூபபா⁴வதோ, க³ண்ட³பீளகாதி³ வா ஜீவிதப்பவத்தியா பச்சனீகத்தா.
178. மனாபியேபி ஏஸேவ நயோதி ஏதேன மனாபியங் ரூபங் உபஸங்ஹரதீதி எத்த² யங் வா மனாபரூபங், தஸ்ஸ ஸமீபே ட²பேதி, அத்தனா வா மனாபியேன ரூபேன அலங்கரித்வா உபஸங்ஹரதீதி ‘‘அலாப⁴கேன ஸுஸ்ஸித்வா மரதூ’’தி இமினா அதி⁴ப்பாயேன உபஸங்ஹரதி, தேனேவ ‘‘ஸசே உத்தஸித்வா மரதி, விஸங்கேதோ’’தி வுத்தங். அலாப⁴கேன ஸுஸ்ஸித்வா மரதீதி எத்த² பாராஜிகோதி பாட²ஸேஸோ த³ட்ட²ப்³போ³. மஹாகச்சு² நாம வல்லிப²லவிஸேஸோ, யஸ்ஸ மஜ்ஜாரபாத³ஸ்ஸேவ ஸண்டா²னங் து³க்க²ஸம்ப²ஸ்ஸானி ஸுகு²மலோமானி ச ஹொந்தி. ஹங்ஸபுப்ப²ந்தி ஹங்ஸாதீ³னங் பக்க²லோமங் ஸந்தா⁴ய வத³ந்தி. அத்தனோ த⁴ம்மதாய மரதி, அனாபத்தீதி பாராஜிகங் ஸந்தா⁴ய வுத்தங் து³க்கடா ந முச்சனதோ.
179. அஸஞ்சிச்சாதி இத³ங் மரணஸங்வத்தனிகஉபக்கமஸ்ஸ அஸல்லக்க²ணங் ஸந்தா⁴ய வுத்தந்தி ஆஹ இமினா உபக்கமேனாதிஆதி³. அஜானந்தஸ்ஸாதி இத³ங் பன மரணஸங்வத்தனிகவிஸாதி³உபக்கமகரணஸ்ஸ அஜானநங் ஸந்தா⁴ய வுத்தந்தி ஆஹ இமினா அயங் மரிஸ்ஸதீதிஆதி³. ந மரணாதி⁴ப்பாயஸ்ஸாதி இத³ங் து³க்கு²ப்பாத³கங் உபக்கமந்தி ஜானந்தஸ்ஸாபி மரணாதி⁴ப்பாயஸ்ஸ அபா⁴வங் ஸந்தா⁴ய மரணங் அனிச்ச²ந்தஸ்ஸாதிஆதி³. அனுப்பப³ந்தா⁴பா⁴வாதி தோ³மனஸ்ஸவீதீ²னங் நிரந்தரப்பவத்திஅபா⁴வா.
பத³பா⁴ஜனீயவண்ணனானயோ நிட்டி²தோ.
வினீதவத்து²வண்ணனா
180. வோஹாரவஸேனாதி புப்³ப³பா⁴க³வோஹாரவஸேன, மரணாதி⁴ப்பாயஸ்ஸ ஸன்னிட்டா²பகசேதனாக்க²ணே கருணாய அபா⁴வதோ காருஞ்ஞேன பாஸே ப³த்³த⁴ஸூகரமோசனங் (பாரா॰ 153) விய ந ஹோதீதி அதி⁴ப்பாயோ. ‘‘யதா²யுனா’’தி வுத்தமேவத்த²ங் ‘‘யதா²னுஸந்தி⁴னா’’தி பரியாயந்தரேன வுத்தங். ஹெட்டா² கிஸ்மிஞ்சி விஜ்ஜமானே ஸாடகங் வலிங் க³ண்ஹாதீதி ஆஹ ‘‘யஸ்மிங் வலி ந பஞ்ஞாயதீ’’தி. படிவெக்க²ணஞ்சேதங் கி³ஹீனங் ஸந்தகே ஏவாதி த³ட்ட²ப்³ப³ங். பாளியங் முஸலே உஸ்ஸிதேதி அஞ்ஞமஞ்ஞங் உபத்த²ம்பெ⁴த்வா த்³வீஸு முஸலேஸு பி⁴த்திங் அபஸ்ஸாய ட²பிதேஸூதி அத்தோ². உது³க்க²லப⁴ண்டி³கந்தி உது³க்க²லத்தா²ய ஆனீதங் தா³ருப⁴ண்ட³ங். பரிப³ந்த⁴ந்தி போ⁴ஜனபரிப³ந்த⁴ங், போ⁴ஜனந்தராயந்தி வுத்தங் ஹோதி.
181. அக்³க³காரிகந்தி பட²மங் லத்³த⁴பிண்ட³பாதந்திஆதி³.
182-3. த³ண்ட³முக்³க³ரனிகா²த³னவேமாதீ³னங் வஸேனாதி எத்த² த³ண்டோ³ நாம தீ³க⁴த³ண்டோ³. முக்³க³ரோ நாம ரஸ்ஸோ. வேமங் நாம தந்தவாயானங் வத்த²வாயனஉபகரணங், யேன வீதங் தந்தங் க⁴ட்டெந்தி. விப⁴த்திப்³யத்தயேனாதி விப⁴த்திவிபரிணாமேன. விஸேஸாதி⁴க³மோதி ஸமாதி⁴ விபஸ்ஸனா ச. விஸேஸாதி⁴க³மந்தி லோகுத்தரத⁴ம்மபடிலாப⁴ங். ப்³யாகரித்வாதி ஆரோசெத்வா, இத³ஞ்ச விஸேஸஸ்ஸ அதி⁴க³தபா⁴வத³ஸ்ஸனத்த²ங் வுத்தங். அதி⁴க³தவிஸேஸா ஹி தி³ட்டா²னுக³திஆபஜ்ஜனத்த²ங் லஜ்ஜீபி⁴க்கூ²னங் அவஸ்ஸங் அதி⁴க³மங் ப்³யாகரொந்தி, அதி⁴க³தவிஸேஸேன பன அப்³யாகரித்வாபி ஆஹாரங் உபச்சி²ந்தி³துங் ந வட்டதி, அதி⁴க³மந்தராயவினோத³னத்த²மேவ ஆஹாரூபச்சே²த³ஸ்ஸ அனுஞ்ஞாதத்தா தத³தி⁴க³மே ஸோ ந காதப்³போ³வ. கிங் பனாதி⁴க³மங் ஆரோசேதுங் வட்டதீதி ஆஹ ஸபா⁴கா³னந்திஆதி³. ப⁴ண்ட³கங் வா தோ⁴வந்தாதி சீவரங் வா தோ⁴வந்தா. தோ⁴வனத³ண்ட³கந்தி சீவரதோ⁴வனத³ண்ட³ங்.
185. மத்³தா³பெத்வா பாதேதி, விஸங்கேதோதி யதா²ணத்தியா அகதத்தா வுத்தங், யதி³ பன ஆணாபகோ
ஸஹத⁴ம்மிகானந்தி ஏகஸ்ஸ ஸத்து² ஸாஸனே ஸஹஸிக்க²மானத⁴ம்மானங், ஸஹத⁴ம்மே வா ஸிக்கா²பதே³ ஸிக்க²னபா⁴வேன நியுத்தானங். ஸமஸீலஸத்³தா⁴னந்திஆதி³னா து³ஸ்ஸீலானங் பி⁴ன்னலத்³தி⁴கானஞ்ச அகாதும்பி லப்³ப⁴தீதி த³ஸ்ஸேதி. ஞாதகபவாரிதட்டா²னதோதி அகதவிஞ்ஞத்தி.
படியாதி³யதீதி ஸம்பாதி³யதி. அகாதுங் ந வட்டதீதி எத்த² து³க்கடங் வத³ந்தி, அயுத்ததாவஸேனேவ பனெத்த² அகரணபடிக்கே²போ யுத்தோ, ந ஆபத்திவஸேனாதி க³ஹேதப்³ப³ங். யாவ ஞாதகா பஸ்ஸந்தீதி யாவ தஸ்ஸ ஞாதகா பஸ்ஸந்தி.
பிதுப⁴கி³னீ பிதுச்சா². மாதுபா⁴தா மாதுலோ. நப்பஹொந்தீதி காதுங் ந ஸக்கொந்தி. ந யாசந்தீதி லஜ்ஜாய ந யாசந்தி. ‘‘ஆபோ⁴க³ங் கத்வா’’தி வுத்தத்தா அஞ்ஞதா² தெ³ந்தஸ்ஸ ஆபத்தியேவ. கேசி பன ‘‘ஆபோ⁴க³ங் அகத்வாபி தா³துங் வட்டதீ’’தி வத³ந்தி, தங் ந யுத்தங் பே⁴ஸஜ்ஜகரணஸ்ஸ பாளியங் ‘‘அனாபத்தி பி⁴க்கு² பாராஜிகஸ்ஸ, ஆபத்தி து³க்கடஸ்ஸா’’தி (பாரா॰ 187) ஏவங் அந்தராபத்தித³ஸ்ஸனவஸேன ஸாமஞ்ஞதோ படிக்கி²த்தத்தா, அட்ட²கதா²யங் அவுத்தப்பகாரேன கரொந்தஸ்ஸ ஸுத்தேனேவ ஆபத்தி ஸித்³தா⁴தி த³ட்ட²ப்³பா³, தேனேவ அட்ட²கதா²யம்பி ‘‘தேஸஞ்ஞேவ ஸந்தக’’ந்திஆதி³ வுத்தங். அஞ்ஞேஸந்தி அஸாலோஹிதானங், தேனாஹ ஏதேஸங் புத்தபரம்பராயாதிஆதி³. குலபரிவட்டோதி குலஸ்மிங் ஞாதிபரம்பரா. பே⁴ஸஜ்ஜங் கரொந்தஸ்ஸாதி யதா²வுத்தவிதி⁴னா கரொந்தஸ்ஸ, ‘‘தாவகாலிகங் த³ஸ்ஸாமீ’’தி ஆபோ⁴க³ங் அகத்வா தெ³ந்தஸ்ஸாபி பன அந்தராபத்தி து³க்கடங் வினா மிச்சா²ஜீவங் வா குலதூ³ஸனங் வா ந ஹோதியேவ, தேனாஹ – ‘‘வேஜ்ஜகம்மங் வா குலதூ³ஸகாபத்தி வா ந ஹோதீ’’தி. ஞாதகானஞ்ஹி ஸந்தகங் யாசித்வாபி க³ஹேதுங் வட்டதி, தஸ்மா தத்த² குலதூ³ஸனாதி³ ந ஸியா. ஸப்³ப³பதே³ஸூதி ‘‘சூளமாதுயா’’திஆதீ³ஸு ஸப்³ப³பதே³ஸு.
உபஜ்ஜா²யஸ்ஸ ஆஹராமாதி இத³ங் உபஜ்ஜா²யேன ‘‘மம ஞாதகானங் பே⁴ஸஜ்ஜங் ஆஹரதா²’’தி ஆணத்தேஹி கத்தப்³ப³விதி⁴த³ஸ்ஸனத்த²ங் வுத்தங், இமினா ச ஸாமணேராதீ³னங் அபச்சாஸாயபி பரஜனஸ்ஸ பே⁴ஸஜ்ஜகரணங் ந வட்டதீதி த³ஸ்ஸேதி. வுத்தனயேன பரியேஸித்வாதி இமினா ‘‘பி⁴க்கா²சாரவத்தேன வா’’தி இமினா, ‘‘ஞாதிஸாமணேரேஹீ’’தி இமினா ச வுத்தமத்த²ங் அதிதி³ஸதி. அபச்சாஸீஸந்தேனாதி ஆக³ந்துகசோராதீ³னங் கரொந்தேனாபி ‘‘மனுஸ்ஸா நாம உபகாரகா ஹொந்தீ’’தி அத்தனோ தேஹி லாப⁴ங் அபத்த²யந்தேன. பச்சாஸாய கரொந்தஸ்ஸ பன வேஜ்ஜகம்மகுலதூ³ஸனாதி³தோ³ஸோ ஹோதீதி அதி⁴ப்பாயோ. ‘‘ஏவங் உபகாரே கதே ஸாஸனகு³ணங் ஸத்³த⁴ங் குலந்திஆதி³ வுத்தங். புச்ச²ந்தீதி இமினா தி³ட்ட²தி³ட்ட²ரோகீ³னங் பரியாயேனாபி வத்வா விசரணங் அயுத்தந்தி த³ஸ்ஸேதி. புச்சி²தஸ்ஸாபி பன பச்சாஸீஸந்தஸ்ஸ பரியாயகதா²பி ந வட்டதீதி வத³ந்தி.
ஸமுல்லபேஸீதி அபச்சாஸீஸந்தோ ஏவங் அஞ்ஞமஞ்ஞங் கத²ங் ஸமுட்டா²பேஸி. ஆசரியபா⁴கோ³தி வினயாசாரங் அகோபெத்வா பே⁴ஸஜ்ஜாசிக்க²ணேன வேஜ்ஜாசரியபா⁴கோ³தி அத்தோ². புப்ப²பூஜனத்தா²ய ஸம்படிச்சி²யமானங் ரூபியங் அத்தனோ ஸந்தகத்தப⁴ஜனேன நிஸ்ஸக்³கி³யமேவாதி ஆஹ ‘‘கப்பியவஸேன கா³ஹாபெத்வா’’தி, ‘‘அம்ஹாகங் ரூபியங் ந வட்டதி, புப்ப²பூஜனத்த²ங் புப்ப²ங் வட்டதீ’’திஆதி³னா படிக்கி²பித்வா கப்பியேன கம்மேன கா³ஹாபெத்வாதி அத்தோ².
யதி³ ‘‘பரித்தங் கரோதா²’’தி வுத்தே கரொந்தி, பே⁴ஸஜ்ஜகரணங் விய கி³ஹிகம்மங் விய ஹோதீதி ‘‘ந காதப்³ப³’’ந்தி வுத்தங். ‘‘பரித்தங் ப⁴ணதா²’’தி வுத்தே பன த⁴ம்மஜ்ஜே²ஸனத்தா அனஜ்ஜி²ட்டே²னபி ப⁴ணிதப்³போ³ த⁴ம்மோ, பகே³வ அஜ்ஜி²ட்டே²னாபீதி ‘‘காதப்³ப³’’ந்தி வுத்தங். சாலெத்வா ஸுத்தங் பரிமஜ்ஜித்வாதி இத³ங் ‘‘பரித்தாணங் எத்த² பவேஸேமீ’’தி சித்தேன ஏவங் கதே பரித்தாணா தத்த² பவேஸிதா நாம ஹோதீதி வுத்தங். விஹாரதோ…பே॰… து³க்கடந்தி இத³ங் அஞ்ஞாதகக³ஹட்டே² ஸந்தா⁴ய வுத்தந்தி வத³ந்தி. பாதே³ஸு உத³கங் ஆகிரித்வாதி இத³ங் தஸ்மிங் தே³ஸே சாரித்தவஸேன வுத்தங். வுத்தஞ்ஹி ‘‘தத்த² பாளியா நிஸின்னானங் பி⁴க்கூ²னங் பாதே³ஸு ரோக³வூபஸமனாதி³அத்தா²ய உத³கங் ஸிஞ்சித்வா பரித்தங் காதுங் ஸுத்தஞ்ச ட²பெத்வா ‘பரித்தங்
அனாமட்ட²பிண்ட³பாதோதி அக்³க³ஹிதஅக்³கோ³, அபரிபு⁴த்தோதி அத்தோ². கஹாபணக்³க⁴னகோ ஹோதீதி இமினா தா³யகேஹி ப³ஹுப்³யஞ்ஜனேன ஸம்பாதெ³த்வா ஸக்கச்சங் தி³ன்னபா⁴வங் தீ³பேதி. தா²லகேதி ஸங்கி⁴கே கங்ஸாதி³மயே தா²லகே, பத்தோபி எத்த² ஸங்க³ய்ஹதி. ந வட்டதீதி இமினா து³க்கடந்தி த³ஸ்ஸேதி. தா³மரிகசோரஸ்ஸாதி ரஜ்ஜங் பத்தெ²ந்தஸ்ஸ பாகடசோரஸ்ஸ. அதீ³யமானேபி ‘‘ந தெ³ந்தீ’’தி குஜ்ஜ²ந்தீதி ஸம்ப³ந்தோ⁴. ஆமிஸஸ்ஸ த⁴ம்மஸ்ஸ ச அலாபே⁴ன அத்தனோ பரஸ்ஸ ச அந்தரே ஸம்ப⁴வந்தஸ்ஸ சி²த்³த³ஸ்ஸ ச விவரஸ்ஸ படிஸந்த²ரணங் பித³ஹனங் படிஸந்தா²ரோ, ஸோ பன த⁴ம்மாமிஸவஸேன து³விதோ⁴. தத்த² ஆமிஸபடிஸந்தா²ரங் ஸந்தா⁴ய ‘‘கஸ்ஸ காதப்³போ³, கஸ்ஸ ந காதப்³போ³’’தி வுத்தங். ‘‘ஆக³ந்துகஸ்ஸ வா…பே॰… கத்தப்³போ³ யேவா’’தி ஸங்கே²பதோ வுத்தமத்த²ங் பாகடங் காதுங் ஆக³ந்துகங் தாவாதிஆதி³மாஹ. கீ²ணபரிப்³ப³யந்தி இமினா அக³திபா⁴வங் காருஞ்ஞபா⁴ஜனதஞ்ச த³ஸ்ஸேதி, தேன ச தப்³பி³து⁴ரானங் ஸமித்³தா⁴னங் தா³யகாதீ³னங் ஆக³ந்துகத்தேபி தா³துங் ந வட்டதீதி ஸித்³த⁴ங் ஹோதி. தண்டு³லாதி³ம்ஹி தா³தப்³பே³ ஸதி ‘‘அவேலாயங்…பே॰… ந வத்தப்³போ³’’தி வுத்தங். ‘‘அபச்சாஸீஸந்தேனா’’தி வத்வா பச்சாஸீஸனப்பகாரங் த³ஸ்ஸேதுங் மனுஸ்ஸா நாமாதிஆதி³ வுத்தங். அனநுஞ்ஞாதானங் பன அபச்சாஸீஸந்தேனாபி தா³துங் ந வட்டதி ஸத்³தா⁴தெ³ய்யவினிபாதத்தா, பச்சாஸீஸாய பன ஸதி குலதூ³ஸனம்பி ஹோதி.
உப்³பா³ஸெத்வாதி ஸமந்ததோ தியோஜனங் விலும்பந்தே மனுஸ்ஸே பலாபெத்வா. வரபொத்த²கசித்தத்த²ரணந்தி அனேகப்பகாரஇத்தி²புரிஸாதி³உத்தமரூபவிசித்தங் அத்த²ரணங்.
187. ஸத்தரஸவக்³கி³யேஸு புப்³பே³ ஏகஸ்ஸ அங்கு³லிபதோத³கேன மாரிதத்தா ஸேஸேஸு ஸோளஸஜனேஸு உத³ரங் ஆருஹித்வா நிஸின்னமேகங் ட²பெத்வா ‘‘ஸேஸாபி பன்னரஸ ஜனா’’தி வுத்தங். அதூ³ஹலபாஸாணா வியாதி அதூ³ஹலே ஆரோபிதபாஸாணா விய. கம்மாதி⁴ப்பாயாதி தஜ்ஜனீயாதி³கம்மகரணாதி⁴ப்பாயா.
ஆவாஹெத்வாதி ரூபங் கத்வா ஹத்த²பாதா³தீ³னி சி²ந்த³ந்தீதி தஸ்மிங் பிட்டா²தி³மயே ரூபே அமனுஸ்ஸங் ஆவாஹெத்வா தஸ்ஸ ஹத்த²பாதா³தீ³னி சி²ந்த³ந்தி. ஸக்கங் தே³வராஜானங் மாரெய்யாதி இத³ங் ஸம்பா⁴வனவஸேன வுத்தங். ந ஹி தாதி³ஸா மஹானுபா⁴வா யக்கா² ஸத்த²கா⁴தாரஹா ஹொந்தி தே³வாஸுரயுத்³தே⁴பி தேஸங் ஸத்த²ப்பஹாரேன மரணாபா⁴வா.
188. பஹாரோ ந தா³தப்³போ³தி ஸம்ப³ந்தோ⁴. அமனுஸ்ஸங் கோத⁴சித்தேன பஹரந்தஸ்ஸ து³க்கடமேவ. சிகிச்சா²தி⁴ப்பாயேன பஹரந்தஸ்ஸ அனாசாரோதி க³ஹேதப்³போ³. தாலபண்ணங்…பே॰… ப³ந்தி⁴தப்³ப³ந்தி அமனுஸ்ஸா தாலபண்ணப³ந்த⁴னேன பலாயந்தீதி கத்வா வுத்தங், இத³ஞ்ச கி³ஹீனங் வேஜ்ஜகம்மவஸேன காதுங் ந வட்டதி.
189. யோ ருக்கே²ன ஒத்த²தோபி ந மரதீதிஆதீ³ஸு யங் வத்தப்³ப³ங், தங் பூ⁴தகா³மஸிக்கா²பத³ட்ட²கதா²யங் ஸயமேவ வக்க²தி, தங் தத்தே²வ க³ஹேதப்³ப³ங்.
190. த³ப்³பூ³பகரணானீதி கேஹிசி சி²ந்தி³த்வா ட²பிதானி ஸபரிக்³க³ஹிதானி ஸந்தா⁴ய வுத்தங். தத்த² ஹி டா²னாசாவனாபா⁴வேன வினாஸாதி⁴ப்பாயஸ்ஸ து³க்கடங் வுத்தங். கி²ட்³டா³தி⁴ப்பாயேனாபி து³க்கடந்தி ஸுக்க²திணாதீ³ஸு அக்³கி³கரணங் ஸந்தா⁴ய வுத்தங், அல்லேஸு பன கீளாதி⁴ப்பாயேனபி கரொந்தஸ்ஸ பாசித்தியமேவ. படிபக்க²பூ⁴தோ, படிமுக²ங் க³ச்ச²ந்தோ வா அக்³கி³ படக்³கி³, தஸ்ஸ அல்லதிணாதீ³ஸுபி தா³னங் அனுஞ்ஞாதங், தங் தெ³ந்தேன தூ³ரதோ ஆக³ச்ச²ந்தங் தா³வக்³கி³ங் தி³ஸ்வா விஹாரஸ்ஸ ஸமந்ததோ ஏகக்க²ணே அத³த்வா ஏகதே³ஸதோ பட்டா²ய விஹாரஸ்ஸ ஸமந்ததோ ஸணிகங் ஜா²பெத்வா யதா² மஹந்தோபி அக்³கி³ விஹாரங் பாபுணிதுங் ந ஸக்கோதி, ஏவங் விஹாரஸ்ஸ ஸமந்தா அப்³போ⁴காஸங் கத்வா படக்³கி³ தா³தப்³போ³, ஸோ தா³வக்³கி³னோ படிபத²ங் க³ந்த்வா ஏகதோ ஹுத்வா தேன ஸஹ நிப்³பா³தி. பரித்தகரணந்தி ஸமந்தா ருக்க²திணாதி³ச்சே²த³னபரிகா²க²ணனாதி³ஆரக்க²கரணங், தேனாஹ திணகுடிகானங் ஸமந்தா பூ⁴மிதச்ச²னந்திஆதி³.
191. கெ²த்தமேவ ஓதிண்ணத்தா பாராஜிகந்தி த்³வீஸு ஏகஸ்ஸாபி அந்தோக³த⁴த்தா ‘‘த்³வீஹீ’’தி வுத்தகெ²த்தே ஏகஸ்ஸாபி ஓதிண்ணத்தா பாராஜிகங், ‘‘த்³வீஹி ஏவ மாரேஹி ந ஏகேனா’’தி நியமிதே பன ஏகேனேவ மாரிதே நத்தி² பாராஜிகந்தி வத³ந்தி, ஏவங் த்³வே ஏவ புரிஸாதிஆதீ³ஸுபி. புப்³பே³ கதஸீஸச்சே²த³பயோக³தோ அஞ்ஞோ பயோகோ³ ஜீவிதிந்த்³ரியுபச்சே²த³கோ ந உபலப்³ப⁴தி, பட²மேன பயோகே³னஸ்ஸ ஸாரத்த²தீ³பனியங் ‘‘ஜீவிதிந்த்³ரியஸ்ஸ அவிஜ்ஜமானத்தா’’தி காரணங் வுத்தங், தங் அகாரணங் ஜீவிதிந்த்³ரியஸன்னிஸ்ஸிதசித்தஸந்ததிங்
நனு நரகாதீ³ஸு ஏகாப³த்³தே⁴ ஸரீரே ஸப்³ப³த்த² பரியாயேன காயவிஞ்ஞாணஸமுப்பத்தி யுத்தா ஹோது, த்³விதா⁴ ஹுத்வா விச்சி²ன்னே பன பா⁴க³த்³வயே கத²ந்தி? நாயங் தோ³ஸோ. ஸரீரே ஹி ஏகாப³த்³த⁴தா நாம பரமத்த²த⁴ம்மப்³யதிரித்தா காசி நத்தி² பரவாதீ³னங் அவயவீஆதி³ விய, கம்மாதி³ஏககாரணபுஞ்ஜாயத்ததாய ப³ஹூனங் ஸஹுப்பத்தியேவ ஏகாப³த்³த⁴தா. தத்த² ச ஸத்த²ப்பஹாராதி³விருத்³த⁴பச்சயோபனிபாதேன விபி⁴ன்னானம்பி கம்மாதி³ஏககாரணானங் புஞ்ஜாயத்ததா ந விக³ச்ச²தி, யாவ ஸா ந விக³ச்ச²தி, தாவ அவிச்சி²ன்னாவ தத்த² விஞ்ஞாணப்பவத்தி. விபி⁴ன்னானங் பன கம்மஜரூபானங் அஞ்ஞேஸஞ்ச ஸேஸதிஸந்ததிரூபானஞ்ச உபத்த²ம்ப⁴னபா⁴வேன சிரங் பவத்திதுங் ந ஸக்கொந்தி, யாவ ச த⁴ரந்தி, தாவ விஞ்ஞாணபச்சயா ஹொந்தி, விஞ்ஞாணேன ச தேஸங் ஏவரூபானீதி கப³ந்த⁴வத்து²ஸதி³ஸானி. இமஸ்ஸ வத்து²ஸ்ஸாதி ஆகா⁴தனவத்து²ஸ்ஸ. அத்த²தீ³பனேதி ஏகேன புரிஸேன பயோகே³ன வா மாரிததாஸங்கா²தஸ்ஸ அத்த²ஸ்ஸ தீ³பனே.
192. பானபரிபோ⁴கே³ன
இதி ஸமந்தபாஸாதி³காய வினயட்ட²கதா²ய விமதிவினோத³னியங்
ததியபாராஜிகவண்ணனானயோ நிட்டி²தோ.
4. சதுத்த²பாராஜிகங்
வக்³கு³முதா³தீரியபி⁴க்கு²வத்து²வண்ணனா
193. அதி⁴ட்டே²மாதி இரியாபத²ங் ஸண்ட²பெத்வாதி பதா⁴னானுரூபங் கத்வா. அனாக³தஸம்ப³ந்தே⁴ பன அஸதீதி பா⁴ஸிதோ ப⁴விஸ்ஸதீதி பாட²ஸேஸங் கத்வா அனாக³தஸம்ப³ந்தே⁴ அஸதி. பா⁴ஸிதோதி அதீதவசனங் கத²ங் அனாக³தவசனேன ஸம்ப³ந்த⁴முபக³ச்ச²தீதி ஆஹ லக்க²ணங் பனாதிஆதி³. ஈதி³ஸே ஹி டா²னே தா⁴துஸம்ப³ந்தே⁴ பச்சயாதி இமினா லக்க²ணேன தா⁴த்வத்த²ஸம்ப³ந்தே⁴ ஸதி அயதா²காலவிஹிதாபி பச்சயா ஸாத⁴வோ ப⁴வந்தீதி ஸத்³த³ஸத்த²விதூ³ வத³ந்தி.
194. வண்ணவாதி இமினா அபி⁴னவுப்பன்னவண்ணதா வுத்தா. பஸன்னமுக²வண்ணாதி இமினா முக²வண்ணஸ்ஸ அதிபணீததா வுத்தா. விப்பஸன்னச்ச²விவண்ணாதி இமினா பகதிஸரீரவண்ணஸ்ஸேவ யதா²வுத்தனயேன விப்பஸன்னதா வுத்தா. யஸ்மா இந்த்³ரியானங் உபாதா³ரூபத்தா நிஸ்ஸயவஸேனேவ பீணனந்தி ஆஹ ‘‘அபி⁴னிவிட்டோ²காஸஸ்ஸ பரிபுண்ணத்தா’’தி. பஞ்சப்பஸாதா³னங் விய ஹத³யரூபஸ்ஸாபி பரிபுண்ணதா வுத்தாயேவாதி யதா² தந்தி எத்த² தந்தி நிபாதமத்தங். சதுசக்கந்தி எத்த² பவத்தனட்டே²ன இரியாபதோ²வ சக்கந்தி வுத்தோ.
195. உபலப்³ப⁴ந்தீதி தி³ஸ்ஸந்தி, ஞாயந்தீதி அத்தோ². பசந்தோதி பீளெந்தோ, கே³ஹாதீ³னி வா ஸயங் ட³ஹந்தோ, அஞ்ஞேஹி வா பாசெந்தோ. உத்³த⁴தேதி உத்³த⁴ச்சபகதிகே. உன்னளேதி உக்³க³தனளஸதி³ஸேன உக்³க³ததுச்ச²மானேன ஸஹிதே. சபலேதி பத்தசீவரமண்ட³னாதி³னா சாபல்லேன யுத்தே. முக²ரேதி க²ரவசனே. பாகதிந்த்³ரியேதி அஸங்வுதத்தா கி³ஹிகாலே விய பகதியங் டி²திந்த்³ரியே. இரியாபத²ஸண்ட²பனாதீ³னீதி ஆதி³-ஸத்³தே³ன பச்சயபடிஸேவனஸாமந்தஜப்பானங் க³ஹணங் வேதி³தப்³ப³ங். பரமஸல்லேக²வுத்தீஹி மஹாஅரியவங்ஸேஹி பி⁴க்கூ²ஹி நிவுத்த²ஸேனாஸனானி லோகஸம்மதஸேனாஸனானி நாம. பரிபாசேதுந்தி விம்ஹாபனவஸேன பரிணாமேதுங். பி⁴க்கா²சாரே அஸம்பஜ்ஜமானேதி இத³ங் ஜனபத³சாரிகங் சரந்தீதி இமினா ஸம்ப³ந்தி⁴தப்³ப³ங், ந பன பாளிங் வாசெந்தோதிஆதீ³ஹி, தானி பன பதா³னி அத்தனோ நிரந்தரவாஸட்டா²னேபி ஜனபதே³ஸுபி கத்தப்³ப³கிச்சத³ஸ்ஸனவஸேன வுத்தானி, தானி ச தே வத்தஸீஸேன கரொந்தி, ந லாப⁴னிமித்தங், தேனாஹ தந்தீதிஆதி³. கிச்சே²னாதி இமஸ்ஸேவ வேவசனங் கஸிரேனாதி. தது³ப⁴யம்பி பாரமீபூரணவாயாமங் ஸந்தா⁴ய வுத்தங். ஸாதா⁴ரணபரிக்கா²ரபா⁴வேனாதி ஸங்கி⁴கபரிக்கா²ரபா⁴வேன. ததா²பா⁴வதோ தே²னெத்வாதி அவிஸ்ஸஜ்ஜியஅவேப⁴ங்கி³யபா⁴வதோ தே²னெத்வா, ந டா²னாசாவனவஸேனாதி அதி⁴ப்பாயோ, தேனாஹ ‘‘குலதூ³ஸகது³க்கடங் ஆபஜ்ஜதீ’’தி. அஸந்தந்தி இமஸ்ஸ அபூ⁴தந்தி இத³ங் காரணவசனங், அனுப்பன்னத்தா அவிஜ்ஜமானந்தி அத்தோ². கிதவஸ்ஸேவாதி கிதவஸ்ஸ ஸகுணக³ஹணமிவ. கேராடிகஸ்ஸாதி ஸட²ஸ்ஸ. ஸமணோதி கொ³த்தமத்தங் அனுபொ⁴ந்தி தா⁴ரெந்தீதி கொ³த்ரபு⁴னோ, நாமமத்தஸமணாதி அத்தோ². து³ஜ்ஜானபரிச்சே²த³ந்தி அனந்தது³க்க²த்தா ‘‘எத்தகங் து³க்க²’’ந்தி ஸங்க்²யாவஸேன பரிச்சி²ந்தி³த்வா ஞாதுங் ஸப்³ப³ஞ்ஞுதஞ்ஞாணேனாபி து³க்கரங், ந பன ஸரூபவஸேன ஞாதுங் பு³த்³த⁴ஞாணஸ்ஸ அவிஸயபா⁴வா.
அதி⁴மானவத்து²வண்ணனா
196. அரஹத்தேதி அக்³க³ப²லே. ஞாணசக்கு²னாதி பச்சவெக்க²ணஞாணஸங்கா²தேன சக்கு²னா, அத² வா ப²லசித்தஸம்பயுத்தேனேவ ஞாணசக்கு²னா. அத்தனா ஸம்பயுத்தேனாபி அந்தரா ட²பேதீதி ஸேக²பூ⁴மியங் அதி⁴மானோ ட²பேதி. கிலேஸஸமுதா³சாரங் அபஸ்ஸந்தோதி புரிமமக்³க³த்தயவஜ்ஜா²னங்யேவ கிலேஸானங் வஸேன வுத்தங், ந ப⁴வராகா³தீ³னங்.
ஸவிப⁴ங்க³ஸிக்கா²பத³வண்ணனா
197. பகதிமனுஸ்ஸேஹி உத்தரிதரானங் பு³த்³தா⁴தி³உத்தமபுரிஸானங் அதி⁴க³மத⁴ம்மோ உத்தரிமனுஸ்ஸத⁴ம்மோதி ஆஹ உத்தரிமனுஸ்ஸானந்திஆதி³. பாளியங் (பாரா॰ 198) ‘‘அத்தி² ச மே ஏதே த⁴ம்மா மயீ’’தி எத்த² மேதி இத³ங் பத³பூரணமத்தங். அதி⁴க³ந்தப்³ப³தோ அதி⁴க³மஸங்கா²தஸ்ஸ ஜா²னாதி³னோ புச்சா² அதி⁴க³மபுச்சா², ஸா ச ஜா²னாதீ³ஸு ஸாமஞ்ஞதோ பவத்தாதி இதா³னி தத்த² பட²மஜ்ஜா²னங் வா து³தியாதீ³ஸு அஞ்ஞதரங் வா தத்தா²பி கஸிணாதி³ஆரம்மணேஸு கதரமாரம்மணங் ஜா²னங் வா லோகுத்தரேஸு ச ஸோதாபத்திமக்³க³ங் வா ஸகதா³கா³மிமக்³கா³தீ³ஸு அஞ்ஞதரங் வா தத்தா²பி ஸுஞ்ஞதவிமொக்க²ங் பாளியங் (பாரா॰ 198) ‘‘புன கதமேஸங் த்வங் த⁴ம்மானங் லாபீ⁴’’தி அயங் புச்சா² த³ஸ்ஸிதாதி த³ட்ட²ப்³பா³, தேனாஹ பட²மமக்³கா³தீ³ஸூதிஆதி³. யாய அனுக்கமபடிபத்தியா லோகுத்தரோ அதி⁴க³மோ ஆக³ச்ச²தி, ஸா புப்³ப³பா⁴க³படிபத்தி ஆக³மனபடிபதா³. ந ஸுஜ்ஜ²தீதி புச்சி²யமானோ படிபத்திக்கமங் உல்லங்கி⁴த்வா கதே²தி. அபனேதப்³போ³தி தயா வுத்தக்கமேனாயங் ந ஸக்கா அதி⁴க³ந்துந்தி அதி⁴க³தமானதோ அபனேதப்³போ³. ஸன்னிஹிதேஸு கப்பியேஸுபி சதூஸு பச்சயேஸு அலக்³க³த்தா ‘‘ஆகாஸே பாணிஸமேன சேதஸா’’தி வுத்தங். வுத்தஸதி³ஸங் ப்³யாகரணங் ஹோதீதி யோஜனா. கீ²ணாஸவபடிபத்திஸதி³ஸா படிபதா³ ஹோதி ஸுவிக்க²ம்பி⁴தகிலேஸத்தா. இத³ஞ்ச அரஹத்தங் படிஜானந்தஸ்ஸ வஸேன வுத்தங், தேனாஹ கீ²ணாஸவஸ்ஸ நாமாதிஆதி³. ஏவங் ஸுவிக்க²ம்பி⁴தகிலேஸஸ்ஸ வத்தனஸெக்க²த⁴ம்மபடிஜானநங் இமினா ப⁴யுப்பாத³னேன, அம்பி³லாதி³த³ஸ்ஸனே கே²ளுப்பாதா³தி³னா ச ந ஸக்கா வீமங்ஸிதுங், தஸ்மா தஸ்ஸ வசனேனேவ தங் ஸத்³தா⁴தப்³ப³ங். அயங் பி⁴க்கு² ஸம்பன்னப்³யாகரணோதி
அஸந்தகு³ணஸம்பா⁴வனலக்க²ணா பாபிச்சா²தி ஆஹ யா ஸா இதே⁴கச்சோதிஆதி³. ஆதி³-ஸத்³தே³ன அஸ்ஸத்³தோ⁴திஆதி³பாட²ங் ஸங்க³ண்ஹாதி. ஸாமஞ்ஞங் து³ப்பராமட்ட²ந்தி ஸமணத⁴ம்மஸங்கா²தங் ஸாமஞ்ஞங் க²ண்ட³ஸீலாதி³தாய து³ப்பராமட்ட²ங் து³ட்டு² க³ஹிதங் நிரயாய நிரயது³க்கா²ய தங் புக்³க³லங் தத்த² நிரயே உபகட்³ட⁴தி நிப்³ப³த்தாபேதீதி அத்தோ². ஸிதி²லோதி ஓலீயித்வா கரணேன ஸிதி²லகா³ஹேன கதோ, ஸதே²ன வா ஸாடெ²ய்யேன ஆதி³ண்ணோ ஸிதி²லோ. பரிப்³ப³ஜோதி ஸமணபா⁴வோ. பி⁴ய்யோதி புப்³பே³ விஜ்ஜமானானங் ராக³ரஜாதீ³னங் உபரி அபரம்பி ரஜங் ஆகிரதீதி அத்தோ². பி⁴க்கு²பா⁴வோதி அத⁴ம்மிகபடிஞ்ஞாமத்தஸித்³தோ⁴ பி⁴க்கு²பா⁴வோ. அஜானமேவாதி எத்த² ஏவ-ஸத்³தோ³ அவதா⁴ரணே அஜானந்தோ ஏவாதி, ‘‘அஜானமேவ’’ந்திபி பாடோ², தத்த² பன ஏவங் ஜானாமி ஏவங் பஸ்ஸாமீதி யோஜேதப்³ப³ங்.
பத³பா⁴ஜனீயவண்ணனா
199. ஏவந்தி ச பட²மஜ்ஜா²னாதி³பராமஸனங் பட²மஜ்ஜா²னங் ஜானாமி து³தியாதி³ஜா²னந்தி. அஸுப⁴ஜ்ஜா²னாதீ³னீதி ஆதி³-ஸத்³தே³ன காயக³தாஸதிஜ்ஜா²னங் கஸிணஜ்ஜா²னங் கஸிணமூலகானி ஆருப்பஜ்ஜா²னானி ச ஸங்க³ண்ஹாதி. விமொக்கோ²தி சதுப்³பி³தோ⁴ மக்³கோ³, தஸ்ஸ ஸகு³ணதோ ஸுஞ்ஞதாதி³னாமங் த³ஸ்ஸெந்தோ ஆஹ ஸோ பனாயந்திஆதி³. மக்³கோ³ ஹி நாம பஞ்சஹி காரணேஹி நாமங் லப⁴தி ஸரஸதோ நாமங் நாம. யஸ்மா பனேஸ ஸங்கா²ரேஸு அனிச்சானுபஸ்ஸனாய நிச்சனிமித்தங் பஜஹந்தோ ஆக³தோ, தஸ்மா அனிமித்தோ. து³க்கா²னுபஸ்ஸனாய ஸுக²ஸஞ்ஞங் பணிதி⁴ங் பத்த²னங் பஹாய ஆக³தத்தா அப்பணிஹிதோ. அனத்தானுபஸ்ஸனாய அத்தஸஞ்ஞங் பஹாய அத்தஸுஞ்ஞதாத³ஸ்ஸனவஸேன ஸுஞ்ஞதா ஹோதி, இத³ங் பச்சனீகதோ நாமங் நாம. ராகா³தீ³ஹி ஸகு³ணதோ நாமங். ராகா³தி³ஸுஞ்ஞங் அனிமித்தங் அப்பணிஹிதஞ்ச நிப்³பா³னங் ஆரம்மணங் கரோதீதி ஸுஞ்ஞதோ அனிமித்தோ அப்பணிஹிதோதி வுச்சதி, இத³மஸ்ஸ ஆரம்மணதோ நாமங். ஆக³மனங் பன து³வித⁴ங் விபஸ்ஸனாக³மனங் மக்³கா³க³மனஞ்ச. தத்த² மக்³கே³ விபஸ்ஸனாக³மனமேவ, ப²லே பன மக்³கா³னந்தரே மக்³கா³க³மனங், ப²லஸமாபத்தியங் விபஸ்ஸனாக³மனம்பி. அனத்தானுபஸ்ஸனாவஸேன மக்³கோ³ ஸுஞ்ஞதோ அனிச்சது³க்கா²னுபஸ்ஸனாஹி அனிமித்தோ அப்பணிஹிதோதி ஏவங் விபஸ்ஸனா அத்தனோ நாமங் மக்³க³ஸ்ஸ தே³தி, மக்³கோ³ ப²லஸ்ஸாதி இத³ங் ஆக³மனதோ நாமங்.
ஸுஞ்ஞத்தாதி விவித்தத்தா. ராகா³த³யோவ பதிட்டா²னட்டே²ன பணிதீ⁴தி ஆஹ ‘‘ராக³தோ³ஸமோஹபணிதீ⁴ன’’ந்தி. இமிஸ்ஸா விஜ்ஜாயாதி தி³ப்³ப³சக்கு²விஜ்ஜாயாதிஆதி³னா ஏகேகவிஜ்ஜங் ஸந்தா⁴ய வத³ந்தி. ஏவங் ஏகிஸ்ஸாபி நாமங் அக்³க³ஹெத்வாபி தா ஏவ ஸந்தா⁴ய ‘‘விஜ்ஜானங் லாபி⁴ம்ஹீ’’தி ப⁴ணந்தோபி பாராஜிகோ ஹோதீதி ஸங்கே²பட்ட²கதா²யங் அதி⁴ப்பாயோ. வத்து²விஜ்ஜாதீ³னி பன ஸந்தா⁴ய வத³ந்தோ ந ஹோதி. ஏகேககொட்டா²ஸவஸேனாதி மஹாஅட்ட²கதா²யங் வுத்தனயேன லோகுத்தரவிஸேஸங் அகத்வா கேவலங் ‘‘ஸதிபட்டா²னானங் லாபீ⁴’’தி ஏகேககொட்டா²ஸவஸேனாதி அதி⁴ப்பாயோ. தத்தா²தி தேஸு கொட்டா²ஸேஸு. கிலேஸானங் பஹானங் நாம அபா⁴வமத்தம்பி லோகுத்தரகிச்சத்தா லோகுத்தரந்தி ஸமத்தே²துங் தங் பனாதிஆதி³ வுத்தங். ராகா³ சித்தங் வினீவரணதாதி ராக³தோ சித்தஸ்ஸ வினீவரணதா, ததோ ராக³தோ விமுத்தத்தா ஏவ வீதராக³னீவரணதாதி அத்தோ², யா ச பஞ்ச விஜ்ஜாதி யோஜேதப்³ப³ங். ந ஆக³தாதி இத⁴ பத³பா⁴ஜனே ‘‘ஞாணந்தி திஸ்ஸோ விஜ்ஜா’’தி (பாரா॰ 199) வுத்தத்தா ஸேஸா பஞ்ச விஜ்ஜா ந ஆக³தாதி அத்தோ². நிப்³ப³த்திதலோகுத்தரத்தாதி லோகியத⁴ம்மஸாதா⁴ரணஸங்க²தஸ்ஸாபி அபா⁴வா லோகியேஹி ஸப்³ப³தா² அஸம்மிஸ்ஸலோகுத்தரத்தா. அஞ்ஞந்தி ஸங்கே²பட்ட²கதா²தி³ங் வத³ந்தி, தம்பி தத்தே²வ படிக்கி²த்தந்தி ஸம்ப³ந்தோ⁴.
200. புன ஆனெத்வா பட²மஜ்ஜா²னாதீ³ஹி ந யோஜிதந்தி எத்த² ‘‘பட²மஜ்ஜா²னேனாதி பாடோ²’’தி கேசி வத³ந்தி, தங் யுத்தமேவ ஆதி³-ஸத்³தே³ன க³ஹேதப்³ப³ஸ்ஸ அத² வாதிஆதி³. யேன சித்தேன முஸா ப⁴ணதி, தேனேவ சித்தேன ந ஸக்கா ‘‘முஸா ப⁴ணாமீ’’தி ஜானிதுங், அந்தரந்தரா பன அஞ்ஞாஹி மனொத்³வாரவீதீ²ஹி ‘‘முஸா ப⁴ணாமீ’’தி ஜானாதீதி வுத்தங் ‘‘ப⁴ணந்தஸ்ஸ ஹோதி முஸா ப⁴ணாமீ’’தி. அயமெத்த² அத்தோ² த³ஸ்ஸிதோதி தீஹி அங்கே³ஹி ஸமன்னாக³தோ முஸாவாதோ³தி அயமத்தோ² த³ஸ்ஸிதோ. த³வாதி ஸஹஸா. ரவாதி அஞ்ஞங் வத்துகாமஸ்ஸ க²லித்வா அஞ்ஞப⁴ணனங். தங் ஜானாதீதி தங்ஞாணங், தஸ்ஸ பா⁴வோ தங்ஞாணதா, ஞாணஸ்ஸ விஸயவிஸயீபா⁴வேன அத்தஸங்வேத³னந்தி அத்தோ². ஞாணஸமோதா⁴னந்தி ப³ஹூனங் ஞாணானங் ஏகஸ்மிங் க²ணே ஸமோதா⁴னங், ஸஹுப்பத்தீதி அத்தோ². யேன சித்தேன ‘‘முஸா ப⁴ணிஸ்ஸ’’ந்தி ஜானாதீதி இத³ங் புப்³ப³பா⁴க³சேதனஞ்ச ஸன்னிட்டா²னசேதனஞ்ச ஏகதோ கத்வா வுத்தங். யேன சித்தேன புப்³ப³பா⁴க³சேதனாபூ⁴தேன ஸன்னிட்டா²னசேதனாபூ⁴தேன ச விஸங்வாதி³தப்³ப³ஸத்தஸங்கா²ரே ஜானாதி, யேன சித்தேன முஸா ப⁴ணிஸ்ஸந்தி அத்தோ². தேனேவ…பே॰… பரிச்சஜிதப்³பா³தி தேனேவ சித்தேன ‘‘ஏவங் அஹங் முஸா ப⁴ணாமீ’’தி வா ‘‘ப⁴ணித’’ந்தி வா ததே³வ முஸாவாத³சித்தமாரம்மணங் கத்வா பி⁴க்கு² ஜானாதீதி ஏவங் புப்³பா³பரஸன்னிட்டா²னசேதனாக்க²ணேஸு தீஸு ஏகேனேவ சித்தேன ஞாணவிஸயஞ்ச ஞாணஞ்சாதி உப⁴யம்பி ஏகக்க²ணே புக்³க³லோ ஜானாதீதி அயங் தங்ஞாணதா பரிச்சஜிதப்³பா³ விஸயஸ்ஸேவ ததா³ பகாஸனதோதி அதி⁴ப்பாயோ, தேனாஹ ந ஹீதிஆதி³. யதி³ ஞாணஸ்ஸ அத்தனோ ஸரூபங் ந ஞாயதி, கத²ங் பச்சி²மங் சித்தங் ஜானாதீதி ஆஹ புரிமங் புரிமந்திஆதி³. தத்த² ப⁴ணிஸ்ஸாமீதிஆதி³னா தீஸு காலேஸு உப்பன்னங் புரிமபுரிமசித்தங் அத்தானங் விஸயங் கத்வா உப்பஜ்ஜமானஸ்ஸ பச்சி²மஸ்ஸ பச்சி²மஸ்ஸ சித்தஸ்ஸ ததா² உப்பத்தியா பச்சயோ ஹோதீதி அத்தோ². தேனாதி யேன காரணேன தீஸு க²ணேஸு சித்தானி தத³ஞ்ஞேஹேவ சித்தேஹி ஜானிதப்³பா³னி, தானி ச புரிமபுரிமசித்தேனேவ அவஸ்ஸங் உப்பஜ்ஜந்தி, தேன காரணேனாதி அத்தோ². தஸ்மிங் ஸதீதி ப⁴ணிஸ்ஸாமீதி புப்³ப³பா⁴கே³ ஸதி. ஸேஸத்³வயந்தி ப⁴ணாமி, ப⁴ணிதந்தி இத³ங் த்³வயங் ந ஹெஸ்ஸதீதி ஏதங் நத்தீ²தி யோஜனா ஹோதியேவாதி அத்தோ². ஏகங் விய பகாஸதீதி பி⁴ன்னக்க²ணானம்பி நிரந்தருப்பத்தியா ‘‘ததே³வேத³’’ந்தி க³ஹேதப்³ப³தங் ஸந்தா⁴ய வத³தி.
ப³லவத⁴ம்மவினிதா⁴னவஸேனாதி து³ப்³ப³லது³ப்³ப³லானந்தி து³ப்³ப³லது³ப்³ப³லானங் கா³ஹானங். ஸகபா⁴வபரிச்சஜனவஸேனாதி அத்தனோ ஸந்தகபா⁴வஸ்ஸ பரிச்சஜனவஸேன.
207. உத்தாஸிதத்தாதி ப⁴யங் ஜனெத்வா விய பலாபிதத்தா. ஏவங் பலாபிதோ ந புன தங் டா²னங் ஆக³ச்ச²தீதி ஆஹ ‘‘புன அனல்லீயனபா⁴வத³ஸ்ஸனவஸேனா’’தி. கே²ட-ஸத்³த³ங் ஸத்³த³த்த²விதூ³ உத்தாஸத்தே² ஸ்வாயமத்தோ²திஆதி³. அணு ஏவ அணுஸஹக³தங், அணுத்தேன வா யுத்தந்தி அத்தோ².
வத்துகாமவாரகதா²வண்ணனா
215. கேவலஞ்ஹியந்தி கேவலஞ்ஹி அயங் வாரோதி அஜ்ஜா²ஹரிதப்³ப³ங். தங்க²ணஞ்ஞேவ ஜானாதீதி பகதியா வசனானந்தரங் விஜானநங் ஸந்தா⁴ய வுத்தங். ஏவங் பன வசீபே⁴த³ங் அகத்வா ‘‘யோ இமம்ஹா ஆவாஸா பட²மங் பக்கமிஸ்ஸதி, நங் மயங் ‘அரஹா’தி ஜானிஸ்ஸாமா’’தி ஏவங் கதஸங்கேதா விஹாரா பட²மங் பக்கமனேன தஸ்மிங் க²ணே அவீதிவத்தேபி நிக்க²ந்தமத்தேபி பாராஜிகங் அஞ்ஞதரோ பி⁴க்கு² ‘‘மங் ‘அரஹா’தி ஜானந்தூ’’தி தம்ஹா ஆவாஸா பட²மங் பக்காமீதி ஆக³தவத்து²ம்ஹி (பாரா॰ 227) விய. விஞ்ஞத்திபதே²தி காயவசீவிஞ்ஞத்தீனங் க³ஹணயொக்³கே³ பதே³ஸே, தேன விஞ்ஞத்திபத²ங் அதிக்கமித்வா டி²தோ கோசி தி³ப்³பே³ன சக்கு²னா காயவிகாரங் தி³ஸ்வா தி³ப்³பா³ய ஸோததா⁴துயா வசீபே⁴த³ஞ்ச ஸுத்வா ஜானாதி, ந பாராஜிகந்தி தீ³பேதி. பாளியங் ‘‘படிவிஜானந்தஸ்ஸ ஆபத்தி பாராஜிகஸ்ஸா’’தி (பாரா॰ 215) இமஸ்மிங் படிவிஜானநவாரே யஸ்மிங் அக்க²ரே வா உச்சாரிதே காயப்பயோகே³ வா கதேயேவ அயங் பட²மஜ்ஜா²னங் ஸமாபன்னோதிஆதி³அத்த²ங் பரோ விஜானாதி, ததோ புரிமேஸு அக்க²ருச்சாரணாதி³ப்பயோகே³ஸு து²ல்லச்சயங் ஆபஜ்ஜித்வா பச்சி²மேவ படிவிஜானநபயோக³க்க²ணே பாராஜிகங் ஆபஜ்ஜதீதி வேதி³தப்³ப³ங் து²ல்லச்சயஸ்ஸேவெத்த² ஸாமந்தத்தா, தேனேவ பு³த்³த⁴த³த்தாசரியேன –
‘‘து³க்கடங் பட²மஸ்ஸேவ, ஸாமந்தமிதி வண்ணிதங்;
ஸேஸானங் பன திண்ணம்பி, து²ல்லச்சயமுதீ³ரித’’ந்தி –
வுத்தங் உக்³க³ஹபரிபுச்சா²தி³வஸேனாதிஆதி³னா ஜா²னஸமாதி⁴ஆதி³ஸத்³தா³னமத்தே²ஸு புப்³பே³ அகதபரிசயத்தா ஸுத்வா ‘‘அத்த²ங் ஈதி³ஸ’’ந்தி அஜானித்வா கேவலங் ‘‘விஸிட்டோ² கோசி ஸமணகு³ணோ அனேன லத்³தோ⁴’’தி பரேன ஞாதேபி பாராஜிகமேவாதி த³ஸ்ஸேதி.
அனாபத்திபே⁴த³கதா²வண்ணனா
220. அனுல்லபனாதி⁴ப்பாயஸ்ஸாதி ‘‘ஏவங் வுத்தே உத்தரிமனுஸ்ஸத⁴ம்மோ மயா பகாஸிதோ ஹோதீ’’தி பா⁴யந்தோதி ‘‘ஞத்வா க³ரஹந்தி நு கோ²’’தி பா⁴யந்தோ.
பத³பா⁴ஜனீயவண்ணனானயோ நிட்டி²தோ.
வினீதவத்து²வண்ணனா
223. ஸெக்க²பூ⁴மியந்தி இமினா ஜா²னபூ⁴மிம்பி ஸங்க³ண்ஹாதி. திண்ணங் விவேகானந்தி காயசித்தஉபதி⁴விவேகானங். பிண்டா³ய சரணஸ்ஸ போ⁴ஜனபரியோஸானதாய வுத்தங் ‘‘யாவ போ⁴ஜனபஅயோஸான’’ந்தி. அந்தரக⁴ரே பு⁴த்வா ஆக³ச்ச²ந்தஸ்ஸாபி வுத்தனயேனேவ ஸம்பா⁴வனிச்சா²ய சீவரஸண்டா²பனாதீ³னி கரொந்தஸ்ஸ து³க்கடமேவ, பாளியங் பன து³க்கராதி³வத்தூ²ஸு ‘‘அனாபத்தி அனுல்லபனாதி⁴ப்பாயஸ்ஸா’’தி இத³ங் து²ல்லச்சயேனாபி அனாபத்தித³ஸ்ஸனத்த²ங் வுத்தங். உல்லபனாதி⁴ப்பாயஸ்ஸாபி ஹி ‘‘நாவுஸோ, து³க்கரங் அஞ்ஞங் ப்³யாகாது’’ந்தி வுத்தே து²ல்லச்சயமேவ அத்துபனாயிகத்தாபா⁴வதோதி த³ட்ட²ப்³ப³ங்.
227. ந தா³னாஹங் தத்த² க³மிஸ்ஸாமீதி புன தத்த² வஸிதட்டா²னே ந க³மிஸ்ஸாமி, ஏவங் ஸதி பட²மங் க³தோ அயங் புன ச நாக³தோ, தஸ்மா அரஹாதி மஞ்ஞிஸ்ஸந்தீதி அதி⁴ப்பாயோ. தங் டா²னந்தி ஆவாஸங் வாதிஆதி³னா புப்³பே³ பரிச்சி²ன்னட்டா²னங். பத³ஸா க³மனங் ஸந்தா⁴ய கதிகாய கதத்தா யானேனாதிஆதி³ வுத்தங். விஜ்ஜாமயித்³தி⁴ங் ஸந்தா⁴ய ‘‘இத்³தி⁴யா’’தி வுத்தங் உல்லபனாதி⁴ப்பாயஸ்ஸ அபி⁴ஞ்ஞித்³தி⁴யா அஸம்ப⁴வதோ. அஞ்ஞமஞ்ஞங் ரக்க²ந்தீதி உல்லபனாதி⁴ப்பாயே ஏதந்தி ஹெட்டா² வுத்தங் ஸப்³ப³ங் கதிகவத்தங். நானாவேரஜ்ஜகாதி நானாஜனபத³வாஸினோ. ஸங்க⁴லாபோ⁴தி யதா²வுட்³ட⁴ங் பாபுணனககொட்டா²ஸோ. அயஞ்ச படிக்கே²போ அவிஸேஸெத்வா கரணங் ஸந்தா⁴ய கதோ, விஸேஸெத்வா பன ‘‘எத்தகோ அஸுகஸ்ஸா’’தி பரிச்சி²ந்தி³த்வா அபலோகெத்வா தா³துங் வட்டதி.
228. த⁴ம்மதா⁴தூதி ஸப்³ப³ஞ்ஞுதஞ்ஞாணங், த⁴ம்மானங் ஸபா⁴வோ வா. உபபத்தீதி அத்தபா⁴வங் ஸந்தா⁴ய வத³தி. து³ஸ்ஸத்³தா⁴பயா ஹொந்தீதி புது²ஜ்ஜனே ஸந்தா⁴ய வுத்தங், ந லக்க²ணத்தே²ராதி³கே அரியபுக்³க³லே விதுடெ³ந்தீதி வினிவிஜ்ஜி²த்வா டெ³ந்தி க³ச்ச²ந்தி, பா²ஸுளந்தரிகாயோ சி²த்³தா³வசி²த்³த³ங் கத்வா தாஹி க³ச்ச²ந்தீதி நிஸ்ஸக்கவஸேன அத்தோ². விதுதெ³ந்தீதி பாடே² பா²ஸுளந்தரிகாஹீதி ஆதா⁴ரத்தே² நிஸ்ஸக்கவசனங். லோஹதுண்டே³ஹீதி காளலோஹமயேஹி துண்டே³ஹி. அச்ச²ரியங் வதாதி க³ரஹிதப்³ப³தாய அச்ச²ரங் பஹரிதுங் யுத்தரூபங். சக்கு²பூ⁴தாதி லோகஸ்ஸ சக்கு² விய பூ⁴தா ஸஞ்ஜாதா, சக்கு²ஸதி³ஸாதிபி அத்தோ². தஸ்ஸேவ கம்மஸ்ஸாதி யேன கோ³கா⁴தககம்மேனேவ நிரயே நிப்³ப³த்தோ, தஸ்ஸேவாதி அத்தே² க³ய்ஹமானே ஏகாய சேதனாய ப³ஹுபடிஸந்தி⁴யோ ஹொந்தீதி ஆபஜ்ஜதி, ந சேதங் யுத்தங் ஏகஸ்ஸ அம்பா³தி³பீ³ஜஸ்ஸ அனேகங்குருப்பத்தி வியாதி தங் பரிஹரந்தோ ஆஹ தஸ்ஸ நானாசேதனாஹி ஆயூஹிதஸ்ஸாதிஆதி³, தேன கோ³கா⁴தககம்மக்க²ணே புப்³ப³சேதனா அபரசேதனா ஸன்னிட்டா²பகசேதனாதி ஏகஸ்மிம்பி பாணாதிபாதே ப³ஹூ சேதனா ஹொந்தி, நானாபாணாதிபாதேஸு வத்தப்³ப³மேவ நத்தி². தத்த² ஏகாய சேதனாய நரகே பசித்வா தத³ஞ்ஞசேதனாஸு ஏகாய அபராபரியசேதனாய இமஸ்மிங் பேதத்தபா⁴வே நிப்³ப³த்தோதி த³ஸ்ஸேதி, தேனாஹ ‘‘அவஸேஸகம்மங் வா கம்மனிமித்தங் வா’’தி. எத்த² ச கம்மஸரிக்க²விபாகுப்பத்திங் ஸந்தா⁴ய கம்மகம்மனிமித்தானமேவ க³ஹணங் கதங், ந க³தினிமித்தஸ்ஸ, தேனாஹ ‘‘அட்டி²ராஸியேவ நிமித்தங் அஹோஸீ’’தி. பாளியங் விதச்செ²ந்தீதி துண்டே³ஹி தச்செ²ந்தோ விய லுஞ்சந்தி. விராஜெந்தீதி விலிக²ந்தி.
229. வல்லூரவிக்கயேனாதி நிப்பக்க²சம்மேதி விக³தபக்க²லோமசம்மே. ஏகங் மிக³ந்தி தீ³பகமிக³ங். காரணாஹீதி கா⁴தனாஹி. ஞத்வாதி கம்மட்டா²னங் ஞத்வா.
230. மங்க³னவஸேன உலதீதி மங்கு³லி, விரூபபீ³ப⁴ச்ச²பா⁴வேன பவத்ததீதி அத்தோ². சித்தகேளிந்தி சித்தருசியங் அனாசாரகீளங்.
231. நிஸ்ஸேவாலபணககத்³த³மோதி திலபீ³ஜகாதி³ஸேவாலேன நீலமண்டூ³கபிட்டி²வண்ணேன உத³கபிட்டே² உத³கங் நீலவண்ணங் குருமானேன பணகேன கத்³த³மேன ச விரஹிதோ. உண்ஹபா⁴வேன தபனதோ தபங் உத³கங் அஸ்ஸாதி தபோத³காதி வத்தப்³பே³ க-காரலோபங் கத்வா ‘‘தபோதா³’’தி வுச்சதி. பேதலோகோதி பகட்டே²ன அகுஸலகம்மேன ஸுக³திதோ து³க்³க³திங் இதானங் க³தானங் லோகோ ஸமூஹோ, நிவாஸட்டா²னங் வா. கதஹத்தா²தி த⁴னுஸிப்பே ஸுட்டு² ஸிக்கி²தஹத்தா², அவிரஜ்ஜ²னலக்க²வேதா⁴தி அத்தோ². ஸிப்பத³ஸ்ஸனவஸேன ராஜகுலாதீ³ஸு ராஜஸமூஹங் உபேச்ச கதங் அஸனங் ஸரக்கே²போ ஏதேஸந்தி கதுபாஸனா, ஸப்³ப³த்த² த³ஸ்ஸிதஸிப்பாதி அத்தோ². பப⁴க்³கோ³தி பப⁴ஞ்ஜிதோ, பராஜிதோதி அத்தோ².
232. ஆனேஞ்ஜஸமாதி⁴ந்தி அனேஜங் அசலந்திஆதி³. ஸமாதி⁴பரிபந்த²கேதி விதக்காதி³கே ஸந்தா⁴ய வத³தி, இத³ங் பன பட²மபோ³தி⁴யங் உப்பன்னம்பி வத்து²ங் அனாசாரமத்தவஸேன பி⁴க்கூ²ஹி சோதி³தேபி ப⁴க³வதா ‘‘அனாபத்தி, பி⁴க்க²வே, மொக்³க³ல்லானஸ்ஸா’’தி (பாரா॰ 228) ஏவங் ஆயதிங் அத்தனா பஞ்ஞபியமானபாராஜிகானுகு³ணங் ததா³ ஏவ வினீதந்தி த⁴ம்மஸங்கா³ஹகத்தே²ரேஹி பச்சா² பஞ்ஞத்தஸ்ஸ இமஸ்ஸ ஸிக்கா²பத³ஸ்ஸ வினீதவத்து²பா⁴வேன ஸங்க³ஹமாரோபிதந்தி த³ட்ட²ப்³ப³ங். ஸாவகானங் உப்படிபாடியா அனுஸ்ஸரணாபா⁴வங் த³ஸ்ஸேதுங் ‘‘ந உப்படிபாடியா’’தி வுத்தங். து³க்கரங் கதந்தி அனந்தரே பஞ்சகப்பஸதிகே காலே விஞ்ஞாணஸந்ததிங் அதி³ஸ்வாபி அஸம்முய்ஹித்வா பரதோ ததியத்தபா⁴வே தி³ட்ட²சுதிசித்தேன ஸத்³தி⁴ங் வத்தமானப⁴வபடிஸந்தி⁴யா அனுமானேனாபி காரியகாரணாபா⁴வக³ஹணங் நாம ஸாவகானங் து³க்கரத்தா வுத்தங். படிவித்³தா⁴தி ஏதத³க்³க³ந்தி ஏஸோ அக்³கோ³. யதி³த³ந்தி யோ அயங்.
நிக³மனவண்ணனா
233. இதா⁴தி பி⁴க்கு²விப⁴ங்கே³. உத்³தி³ட்ட²பாராஜிகபரிதீ³பனந்தி ஸிக்கா²பதே³ஸு பாதிமொக்கு²த்³தே³ஸவஸேன உத்³தி³ட்ட²பாராஜிகபரிதீ³பனங், ந பன ஸப்³ப³ஸ்மிங் பாராஜிகவிப⁴ங்கே³ ஆக³தஆபத்திபரிதீ³பனங் தத்த² து²ல்லச்சயாதீ³னம்பி ஆக³தத்தா தேனேவ உத்³தி³ட்ட²-ஸத்³தே³ன வுத்தவிப⁴ங்க³ஸ்ஸ நித்³தே³ஸத்தா. பி⁴க்கு²னீனங் அஸாதா⁴ரணானி சத்தாரீதி உப்³ப⁴ஜாணுமண்ட³லிகா (பாசி॰ 658) வஜ்ஜப்படிச்சா²தி³கா (பாசி॰ 665) உக்கி²த்தானுவத்திகா (பாசி॰ 669) அட்ட²வத்து²காதி (பாசி॰ 675) இமானி பி⁴க்கூ²ஹி அஸாதா⁴ரணானி பி⁴க்கு²னீனங் ஏவ பஞ்ஞத்தானி பாராஜிகானீதி அத்தோ². வத்து²விபன்னாதி பப்³ப³ஜ்ஜுபஸம்பதா³னங் வத்து²பா⁴வோ வத்து² நாம, தேன வத்து²மத்தேன விபன்னா, விபன்னவத்து²காதி அத்தோ². அஹேதுகபடிஸந்தி⁴காதி மக்³கா³னுப்பத்திகாரணமாஹ. கிஞ்சாபி து³ஹேதுகானம்பி மக்³கோ³ நுப்பஜ்ஜதி, தே பன பப்³ப³ஜ்ஜுபஸம்பதா³ஸு ட²த்வா ஆயதிங் மக்³க³ஹேதுங் ஸம்பாதே³துங் ஸக்கொந்தி, அஹேதுகா பன பரிஸுத்³தே⁴ சதுபாரிஸுத்³தி⁴ஸீலே ட²த்வா ஸம்பாதே³துங் ந ஸக்கொந்தி, தஸ்மா தே தம்பி படிச்ச வத்து²விபன்னாவாதி வேதி³தப்³பா³. பாராஜிகாதி கம்மவிபத்தியா படிஸந்தி⁴க்க²ணேயேவ பராஜயங் ஆபன்னா. தெ²ய்யஸங்வாஸகாதீ³னங் கி³ஹிபா⁴வே ட²த்வா விபஸ்ஸனாய வாயமந்தானம்பி தஸ்மிங் அத்தபா⁴வே மக்³கு³ப்பத்திஅபா⁴வதோ ‘‘மக்³கோ³ பன வாரிதோ’’தி வுத்தங். தீ³க⁴தாய லம்ப³மானங் அங்க³ஜாதங் லம்ப³ங் நாம, தங் யஸ்ஸ அத்தி² ஸோ லம்பீ³. ஸோ எத்தாவதா ந பாராஜிகோ, தங் பன தீ³க⁴ங் அங்க³ஜாதங் பரஸ்ஸ அங்க³ஜாதே அபி⁴னிஸீத³தீதி பரஸ்ஸ உத்தானங் ஸயந்தஸ்ஸ கம்மனியே அங்க³ஜாதே அத்தனோ வச்சமக்³க³ங் பவேஸெந்தோ தஸ்ஸூபரி நிஸீத³தி, இத³ஞ்ச உபலக்க²ணமத்தங் பரேஸங் அங்க³ஜாதங் வச்சமக்³கே³ பவேஸெந்தோ ஸாதி³யந்தோபி பாராஜிகோவ, ப³லக்காரேன பன வச்சமக்³கே³ வா முகே² வா பரேன பவேஸியமானோ யதி³ ந ஸாதி³யதி, அனாபத்திகோவ. எத்த² அஸாதி³யனங் நாம து³க்கரங் விரஜ்ஜிதப்³ப³தோ. எத்த² ச அனுபஸம்பன்னபா⁴வே ட²த்வா மாதுபிதுஅரஹந்தேஸு அஞ்ஞதரங் கா⁴தெந்தோ பி⁴க்கு²னிங் தூ³ஸெந்தோ ச ஸாமணேரபப்³ப³ஜ்ஜம்பி ந லப⁴தீதி த³ஸ்ஸனத்த²ங் விஸுங் க³ஹிதத்தா மாதுகா⁴தகாதீ³னங் சதுன்னங் ததியபட²மபாராஜிகேஸு அந்தோக³த⁴தா வேதி³தப்³பா³. யதா² எத்த², ஏவங் கி³ஹிபா⁴வே ட²த்வா லோஹிதுப்பாத³ங் கரொந்தோ லோஹிதுப்பாத³கோவாதி க³ஹேதப்³ப³ங். ஏதேன பரியாயேனாதி உபி⁴ன்னங் ராக³பரியுட்டா²னஸங்கா²தேன பரியாயேன. து³தியவிகப்பே கச்சி அத்தா²தி பத³ச்சே²தோ³ வேதி³தப்³போ³.
இதி ஸமந்தபாஸாதி³காய வினயட்ட²கதா²ய விமதிவினோத³னியங்
சதுத்த²பாராஜிகவண்ணனானயோ நிட்டி²தோ.
நிட்டி²தோ ச பாராஜிககண்ட³வண்ணனானயோ.