9. சம்பெய்யக்க²ந்த⁴கோ
கஸ்ஸபகொ³த்தபி⁴க்கு²வத்து²கதா²தி³வண்ணனா
380. சம்பெய்யக்க²ந்த⁴கே தந்திப³த்³தோ⁴தி தந்தி வுச்சதி ப்³யாபாரோ, தத்த² ப³த்³தோ⁴, உஸ்ஸுக்கங் ஆபன்னோதி அத்தோ². தேனாஹ ‘‘தஸ்மிங் ஆவாஸே’’திஆதி³.
387-8. ஹாபனங் வா அஞ்ஞதா² கரணங் வா நத்தீ²தி ஞத்திகம்மஸ்ஸ ஞத்தியா ஏகத்தா ஹாபனங் ந ஸம்ப⁴வதி, தஸ்ஸா ஏகத்தா ஏவ பச்சா² ஞத்திட²பனவஸேன, த்³விக்க²த்துங் ட²பனவஸேன ச அஞ்ஞதா² கரணங் நத்தி². பரதோதி பரிவாரே. தந்தி பப்³பா³ஜனீயகம்மங், தஸ்ஸாதி அத்தோ².
கஸ்ஸபகொ³த்தபி⁴க்கு²வத்து²கதா²தி³வண்ணனா நிட்டி²தா.
த்³வேனிஸ்ஸரணாதி³கதா²வண்ணனா
395. ஏஸாதி ‘‘பா³லோ’’திஆதி³னா நித்³தி³ட்ட²புக்³க³லோ, அப்பத்தோதி ஸம்ப³ந்தோ⁴. தத்த² காரணமாஹ ‘‘யஸ்மா’’திஆதி³. தத்த² ஆவேணிகேன லக்க²ணேனாதி பப்³பா³ஜனீயகம்மஸ்ஸ நிமித்தபா⁴வேன பாளியங் வுத்தத்தா அஸாதா⁴ரணபூ⁴தேன குலதூ³ஸகபா⁴வேன. யதி³ ஹேஸ தங் கம்மங் அப்பத்தோ, கத²ங் பன ஸுனிஸ்ஸாரிதோதி ஆஹ ‘‘யஸ்மா பனஸ்ஸ ஆகங்க²மானோ ஸங்கோ⁴ பப்³பா³ஜனீயகம்மங் கரெய்யாதி வுத்தங், தஸ்மா ஸுனிஸ்ஸாரிதோ’’தி. தத்த² வுத்தந்தி கம்மக்க²ந்த⁴கே (சூளவ॰ 27) வுத்தங்.
எத்த² பன குலதூ³ஸககம்மங் கத்வா பப்³பா³ஜனீயகம்மகதஸ்ஸ தேரஸககண்ட³கட்ட²கதா²யங் ‘‘யஸ்மிங் விஹாரே வஸந்தேன யஸ்மிங் கா³மே குலதூ³ஸககம்மங் கதங் ஹோதி, தஸ்மிங் விஹாரே வா தஸ்மிங் கா³மே வா ந வஸிதப்³ப³’’ந்திஆதி³னா (பாரா॰ அட்ட²॰ 2.433) யா ஸம்மாவத்தனா வுத்தா, ஸா இதரேனாபி அட்ட²கதா²யங் ‘‘யேஸு குலேஸு குலதூ³ஸககம்மங் கதங், ததோ பச்சயா ந க³ஹேதப்³பா³’’திஆதி³ வுத்தங், தங் ந பூரேதப்³ப³ங் குலஸங்க³ஹஸ்ஸ அகதத்தா. ஏவங் ஸேஸகம்மேஸுபி. யதி³ ஏவங் ‘‘தஜ்ஜனீயகம்மாரஹஸ்ஸ
ஏவமித⁴ ‘‘நிஸ்ஸாரண’’ந்தி அதி⁴ப்பேதஸ்ஸ பப்³பா³ஜனீயகம்மஸ்ஸ வஸேன அத்த²ங் த³ஸ்ஸெத்வா இதா³னி தத³ஞ்ஞேஸங் தஜ்ஜனீயாதீ³னங் வஸேன நிஸ்ஸாரணே அதி⁴ப்பேதே ‘‘அப்பத்தோ நிஸ்ஸாரண’’ந்தி இமஸ்ஸ படிபக்க²வஸேன ஸம்பத்தோ நிஸ்ஸாரணங், ‘‘தஞ்சே ஸங்கோ⁴ நிஸ்ஸாரேதி. ஸுனிஸ்ஸாரிதோ’’தி அத்த²ஸம்ப⁴வங் த³ஸ்ஸேதுங் புன ‘‘தஞ்சே ஸங்கோ⁴ நிஸ்ஸாரேதீதி ஸசே ஸங்கோ⁴’’திஆதி³ வுத்தங். தத்த² தத்தா²தி தஜ்ஜனீயாதி³கம்மவிஸயே, ஏகேனாபி அங்கே³ன நிஸ்ஸாரணா அனுஞ்ஞாதாதி யோஜனா. பாளியங் அப்பத்தோ நிஸ்ஸாரணந்தி எத்த² ஆபன்னோ ஆவேணிகவஸேன தஜ்ஜனீயாதி³ஸங்கா²தங் நிஸ்ஸாரணங் பத்தோதி அத்தோ² க³ஹேதப்³போ³.
த்³வேனிஸ்ஸரணாதி³கதா²வண்ணனா நிட்டி²தா.
சம்பெய்யக்க²ந்த⁴கவண்ணனானயோ நிட்டி²தோ.