21. பவாரணாவினிச்ச²யகதா²
116. ஏவங் ‘‘படிக்கே²பபவாரணா’’திஆதி³மாஹ. தத்த² படிக்கி²பனங் படிக்கே²போ, அஸம்படிச்ச²னந்தி அத்தோ². பவாரியதே பவாரணா, படிஸேத⁴னந்த்யத்தோ². படிக்கே²பஸங்கா²தா பவாரணா படிக்கே²பபவாரணா. அத² வா படிக்கே²பவஸேன பவாரணா படிக்கே²பபவாரணா. பஞ்சன்னங் போ⁴ஜனானங் அஞ்ஞதரங் பு⁴ஞ்ஜந்தஸ்ஸ அஞ்ஞஸ்மிங் போ⁴ஜனே அபி⁴ஹடே படிக்கே²பஸங்கா²தா பவாரணாதி ஸம்ப³ந்தோ⁴.
117. யங் அஸ்னாதீதி யங் பு⁴ஞ்ஜதி. அம்பி³லபாயாஸாதீ³ஸூதி ஆதி³-ஸத்³தே³ன கீ²ரபாயாஸாதி³ங் ஸங்க³ண்ஹாதி. தத்த² அம்பி³லபாயாஸக்³க³ஹணேன கீ²ரபாயாஸக்³க³ஹணேன கீ²ரஸங்யுத்தா யாகு³ ஸங்க³ய்ஹதி. பவாரணங் ஜனேதீதி அனதிரித்தபோ⁴ஜனாபத்தினிப³ந்த⁴னங் படிக்கே²பங் ஸாதே⁴தி. கதோபி படிக்கே²போ அனதிரித்தபோ⁴ஜனாபத்தினிப³ந்த⁴னோ ந ஹோதி, அகதட்டா²னேயேவ திட்ட²தீதி ஆஹ ‘‘பவாரணங் ந ஜனேதீ’’தி.
‘‘யாகு³-ஸத்³த³ஸ்ஸ பவாரணஜனகயாகு³யாபி ஸாதா⁴ரணத்தா ‘யாகு³ங் க³ண்ஹதா²’தி வுத்தேபி பவாரணா ஹோதீதி பவாரணங் ஜனேதியேவாதி வுத்த’’ந்தி தீஸுபி க³ண்டி²பதே³ஸு வுத்தங். தங் பரதோ தத்தே²வ ‘‘ப⁴த்தமிஸ்ஸகங் யாகு³ங் ஆஹரித்வா’’தி எத்த² வுத்தகாரணேன ந ஸமேதி. வுத்தஞ்ஹி தத்த² – ஹெட்டா² அயாகு³கே நிமந்தனே உத³ககஞ்ஜிககீ²ராதீ³ஹி ஸத்³தி⁴ங் மத்³தி³தங் ப⁴த்தமேவ ஸந்தா⁴ய ‘‘யாகு³ங் க³ண்ஹதா²’’தி வுத்தத்தா பவாரணா ஹோதி. ‘‘ப⁴த்தமிஸ்ஸகங் யாகு³ங் ஆஹரித்வா’’தி எத்த² பன விஸுங் யாகு³யா விஜ்ஜமானத்தா பவாரணா ந ஹோதீதி. தஸ்மா தத்த² வுத்தனயேனேவ கீ²ராதீ³ஹி ஸத்³தி⁴ங் மத்³தி³தங் ப⁴த்தமேவ ஸந்தா⁴ய ‘‘யாகு³ங் க³ண்ஹதா²’’தி வுத்தத்தா யாகு³யாவ தத்த² அபா⁴வதோ பவாரணா ஹோதீதி ஏவமெத்த² காரணங் வத்தப்³ப³ங். ஏவஞ்ஹி ஸதி பரதோ ‘‘யேனாபுச்சி²தோ, தஸ்ஸ அத்தி²தாயா’’தி அட்ட²கதா²ய வுத்தகாரணேனபி ஸங்ஸந்த³தி, அஞ்ஞதா² க³ண்டி²பதே³ஸுயேவ புப்³பா³பரவிரோதோ⁴ ஆபஜ்ஜதி, அட்ட²கதா²ய ச ந ஸமேதீதி. ஸசே…பே॰… பஞ்ஞாயதீதி இமினா வுத்தப்பமாணஸ்ஸ மச்ச²மங்ஸக²ண்ட³ஸ்ஸ நஹாருனோ வா ஸப்³பா⁴வமத்தங் த³ஸ்ஸேதி. தாஹீதி புது²காஹி.
ஸாலிவீஹியவேஹி கதஸத்தூதி யேபு⁴ய்யனயேன வுத்தங், ஸத்த த⁴ஞ்ஞானி பன ப⁴ஜ்ஜித்வா கதோபி ஸத்துயேவ. தேனேவாஹ ‘‘கங்கு³வரக…பே॰… ஸத்துஸங்க³ஹமேவ க³ச்ச²தீ’’தி. ஸத்துமோத³கோதி ஸத்துயோ பிண்டெ³த்வா ‘‘ஸத்துமோத³கோதி ஸத்துங் தேமெத்வா கதோ அபக்கோ, ஸத்துங் பன பிஸித்வா பிட்ட²ங் கத்வா தேமெத்வா பூவங் கத்வா பசந்தி, தங் ந பவாரேதீ’’தி வுத்தங்.
பஞ்சன்னங் போ⁴ஜனானங் அஞ்ஞதரவஸேன விப்பகதபோ⁴ஜனபா⁴வஸ்ஸ உபச்சி²ன்னத்தா ‘‘முகே² ஸாஸபமத்தம்பி…பே॰… ந பவாரேதீ’’தி வுத்தங். ‘‘அகப்பியமங்ஸங் படிக்கி²பதி, ந பவாரேதீ’’தி வசனதோ ஸசே ஸங்கி⁴கங் லாப⁴ங் அத்தனோ அபாபுணந்தங் ஜானித்வா வா அஜானித்வா வா படிக்கி²பதி, ந பவாரேதி படிக்கி²பிதப்³ப³ஸ்ஸேவ படிக்கி²த்தத்தா, அலஜ்ஜிஸந்தகங் படிக்கி²பந்தோபி ந பவாரேதி. அவத்து²தாயாதி அனதிரித்தாபத்திஸாதி⁴காய பவாரணாய அவத்து²பா⁴வதோ. ஏதேன படிக்கி²பிதப்³ப³ஸ்ஸேவ படிக்கி²த்தபா⁴வங் தீ³பேதி. யஞ்ஹி படிக்கி²பிதப்³ப³ங் ஹோதி, தஸ்ஸ படிக்கே²போ ஆபத்தியா அங்க³ங் ந ஹோதீதி தங் பவாரணாய அவத்தூ²தி வுச்சதி.
118. ஆஸன்னதரங் அங்க³ந்தி ஹத்த²பாஸதோ ப³ஹி ட²த்வா ஓனமித்வா தெ³ந்தஸ்ஸ ஸீஸங் ஆஸன்னதரங் ஹோதி, தஸ்ஸ ஓரிமந்தேன பரிச்சி²ந்தி³தப்³ப³ங்.
உபனாமேதீதி இமினா காயாபி⁴ஹாரங் த³ஸ்ஸேதி. அபனாமெத்வாதி அபி⁴முக²ங் ஹரித்வா. இத³ங் ப⁴த்தங் க³ண்ஹாதி வத³தீதி கிஞ்சி அபனாமெத்வா வத³தி. கேவலங் வாசாபி⁴ஹாரஸ்ஸ அனதி⁴ப்பேதத்தா க³ண்ஹதா²தி க³ஹேதுங் ஆரத்³த⁴ங். ஹத்த²பாஸதோ ப³ஹி டி²தஸ்ஸ ஸதிபி தா³துகாமதாபி⁴ஹாரே படிக்கி²பந்தஸ்ஸ தூ³ரபா⁴வேனேவ பவாரணாய அபா⁴வதோ தே²ரஸ்ஸபி தூ³ரபா⁴வமத்தங் க³ஹெத்வா பவாரணாய அபா⁴வங் த³ஸ்ஸெந்தோ ‘‘தே²ரஸ்ஸ தூ³ரபா⁴வதோ’’திஆதி³மாஹ, ந பன தே²ரஸ்ஸ அபி⁴ஹாரஸம்ப⁴வதோ. ஸசேபி க³ஹெத்வா க³தோ ஹத்த²பாஸே டி²தோ ‘‘தூ³தஸ்ஸ ச அனபி⁴ஹரணதோ’’தி வுத்தங். ‘‘க³ஹெத்வா ஆக³தேன ‘ப⁴த்தங் க³ண்ஹதா²’தி வுத்தே அபி⁴ஹாரோ நாம ஹோதீதி ‘ஸசே பன க³ஹெத்வா ஆக³தோ பி⁴க்கு²…பே॰… பவாரணா ஹோதீ’தி வுத்த’’ந்தி தீஸுபி க³ண்டி²பதே³ஸு வுத்தங். கேசி பன ‘‘பத்தங் கிஞ்சிபி உபனாமெத்வா ‘இமங் ப⁴த்தங் க³ண்ஹதா²’தி வுத்தந்தி க³ஹேதப்³ப³’’ந்தி வத³ந்தி, தங் யுத்தங் விய தி³ஸ்ஸதி வாசாபி⁴ஹாரஸ்ஸ இத⁴ அனதி⁴ப்பேதத்தா.
பரிவேஸனாயாதி ப⁴த்தக்³கே³. அபி⁴ஹடாவ ஹோதீதி பரிவேஸகேனேவ அபி⁴ஹடா ஹோதி. ததோ தா³துகாமதாய க³ண்ஹந்தங் படிக்கி²பந்தஸ்ஸ பவாரணா ஹோதீதி எத்த² அக்³க³ண்ஹந்தம்பி படிக்கி²பதோ பவாரணா ஹோதியேவ. கஸ்மா? தா³துகாமதாய அபி⁴ஹடத்தா, ‘‘தஸ்மா ஸா அபி⁴ஹடாவ ஹோதீ’’தி ஹி வுத்தங். தேனேவ தீஸுபி க³ண்டி²பதே³ஸு ‘‘தா³துகாமாபி⁴ஹாரே ஸதி கேவலங் ‘த³ஸ்ஸாமீ’தி க³ஹணமேவ அபி⁴ஹாரோ ந ஹோதி, ‘த³ஸ்ஸாமீ’தி க³ண்ஹந்தேபி அக³ண்ஹந்தேபி தா³துகாமதாபி⁴ஹாரோவ அபி⁴ஹாரோ ஹோதி, தஸ்மா க³ஹணஸமயே வா அக்³க³ஹணஸமயே வா தங் படிக்கி²பதோ பவாரணா ஹோதீ’’தி வுத்தங். இதா³னி தஸ்ஸ அஸதி தா³துகாமதாபி⁴ஹாரே க³ஹணஸமயேபி படிக்கி²பதோ பவாரணா ந ஹோதீதி த³ஸ்ஸேதுங் ‘‘ஸசே பனா’’திஆதி³ வுத்தங். கடச்சு²னா அனுக்கி²த்தம்பி புப்³பே³ ஏவ அபி⁴ஹடத்தா பவாரணா ஹோதீதி ‘‘அபி⁴ஹடாவ ஹோதீ’’தி வுத்தங். உத்³த⁴டமத்தேதி பா⁴ஜனதோ வியோஜிதமத்தே. த்³வின்னங் ஸமபா⁴ரேபீதி பரிவேஸகஸ்ஸ ச அஞ்ஞஸ்ஸ ச ப⁴த்தபச்சி²பா⁴ரக்³க³ஹணே ஸம்பூ⁴தேபீதி அத்தோ².
119. ரஸங் க³ண்ஹதா²தி எத்த² கேவலங் மங்ஸரஸஸ்ஸ அபவாரணாஜனகஸ்ஸ நாமேன வுத்தத்தா படிக்கி²பதோ பவாரணா ந மச்ச²ரஸந்திஆதீ³ஸு மச்சோ² ச ரஸஞ்சாதி அத்த²ஸம்ப⁴வதோ, வத்து²னோபி தாதி³ஸத்தா பவாரணா ஹோதி. ‘‘இத³ங் க³ண்ஹதா²’’திபி அவத்வா துண்ஹீபூ⁴தேன அபி⁴ஹடங் படிக்கி²பதோபி ஹோதி ஏவ.
கரம்ப³கோதி மிஸ்ஸகாதி⁴வசனமேதங். யஞ்ஹி ப³ஹூஹி மிஸ்ஸெத்வா கரொந்தி, ஸோ ‘‘கரம்ப³கோ’’தி வுச்சதி, ஸோ ஸசேபி மங்ஸேன மிஸ்ஸெத்வா கதோ ஹோதி, ‘‘கரம்ப³கங் க³ண்ஹதா²’’தி அபவாரணாரஹஸ்ஸ நாமேன வுத்தத்தா படிக்கி²பதோ பவாரணா ந ஹோதி. ‘‘மங்ஸகரம்ப³கங் க³ண்ஹதா²’’தி வுத்தே பன ‘‘மங்ஸமிஸ்ஸகங் க³ண்ஹதா²’’தி வுத்தங் ஹோதி, தஸ்மா பவாரணாவ ஹோதி.
120. ‘‘உத்³தி³ஸ்ஸகத’’ந்தி மஞ்ஞமானோதி எத்த² ‘‘வத்து²னோ கப்பியத்தா அகப்பியஸஞ்ஞாய படிக்கே²பதோபி அசித்தகத்தா இமஸ்ஸ ஸிக்கா²பத³ஸ்ஸ பவாரணா ஹோதீ’’தி வத³ந்தி. ‘‘ஹெட்டா² அயாகு³கே நிமந்தனே உத³ககஞ்ஜிககீ²ராதீ³ஹி ஸத்³தி⁴ங் மத்³தி³தங் ப⁴த்தமேவ ஸந்தா⁴ய ‘யாகு³ங் க³ண்ஹதா²’தி வுத்தத்தா பவாரணா ஹோதி, ‘ப⁴த்தமிஸ்ஸகங் யாகு³ங் ஆஹரித்வா’தி எத்த² பன விஸுங் யாகு³யா விஜ்ஜமானத்தா பவாரணா ந ஹோதீ’’தி வத³ந்தி. அயமெத்த² அதி⁴ப்பாயோதி ‘‘யேனாபுச்சி²தோ’’திஆதி³னா வுத்தமேவத்த²ங் ஸந்தா⁴ய வத³தி. காரணங் பனெத்த² து³த்³த³ஸந்தி எத்த² ஏகே தாவ வத³ந்தி ‘‘யஸ்மா யாகு³மிஸ்ஸகங் நாம ப⁴த்தமேவ ந ஹோதி, கீ²ராதி³கம்பி ஹோதியேவ, தஸ்மா கரம்ப³கே விய பவாரணாய ந ப⁴விதப்³ப³ங், ஏவஞ்ச ஸதி ‘யாகு³ ப³ஹுதரா வா ஹோதி ஸமஸமா வா
யதா²
விமதிவினோத³னியங் (வி॰ வி॰ டீ॰ பாசித்திய 2.238-239) பன ‘‘உத்³தி³ஸ்ஸகதந்தி மஞ்ஞமானோதி எத்த² வத்து²னோ கப்பியத்தா ‘பவாரிதோவ ஹோதீ’தி வுத்தங். தஞ்சே உத்³தி³ஸ்ஸகதமேவ ஹோதி, படிக்கே²போ நத்தி². அயமெத்தா²தி⁴ப்பாயோதி ‘யேனாபுச்சி²தோ’திஆதி³னா வுத்தமேவத்த²ங் ஸந்தா⁴ய வத³தி. காரணங் பனெத்த² து³த்³த³ஸந்தி ப⁴த்தஸ்ஸ ப³ஹுதரபா⁴வே
‘‘விஸுங் கத்வா தே³தீதி ப⁴த்தஸ்ஸ உபரி டி²தங் ரஸாதி³ங் விஸுங் க³ஹெத்வா தே³தீ’’தி தீஸுபி க³ண்டி²பதே³ஸு வுத்தங். கேஹிசி பன ‘‘யதா² ப⁴த்தஸித்த²ங் ந பததி, ததா² கா³ள்ஹங் ஹத்தே²ன பீளெத்வா பரிஸ்ஸாவெத்வா தே³தீ’’தி வுத்தங். தத்தா²பி காரணங் ந தி³ஸ்ஸதி. யதா² ஹி ப⁴த்தமிஸ்ஸகங் யாகு³ங் ஆஹரித்வா ‘‘யாகு³ங் க³ண்ஹதா²’’தி வத்வா யாகு³மிஸ்ஸகங் ப⁴த்தம்பி தெ³ந்தங் படிக்கி²பதோ பவாரணா ந ஹோதி, ஏவமிதா⁴பி ப³ஹுகீ²ரரஸாதீ³ஸு ப⁴த்தேஸு ‘‘கீ²ரங் க³ண்ஹதா²’’திஆதீ³னி வத்வா தி³ன்னானி கீ²ராதீ³னி வா தே³து கீ²ராதி³மிஸ்ஸகங் ப⁴த்தங் வா, உப⁴யதா²பி பவாரணாய ந ப⁴விதப்³ப³ங், தஸ்மா ‘‘விஸுங் கத்வா தே³தீ’’தி தேனாகாரேன தெ³ந்தங் ஸந்தா⁴ய வுத்தங், ந பன ப⁴த்தமிஸ்ஸகங் கத்வா தீ³யமானங் படிக்கி²பதோ பவாரணா ஹோதீதி த³ஸ்ஸனத்த²ந்தி க³ஹேதப்³ப³ங். யதி³ பன ப⁴த்தமிஸ்ஸகங் கத்வா தீ³யமானே பவாரணா ஹோதீதி அதி⁴ப்பாயேன அட்ட²கதா²யங் ‘‘விஸுங் கத்வா தே³தீ’’தி வுத்தங், ஏவங் ஸதி அட்ட²கதா²யேவெத்த² பமாணந்தி க³ஹேதப்³ப³ங், ந பன காரணந்தரங் க³வேஸிதப்³ப³ங். விமதிவினோத³னியங் (வி॰ வி॰ டீ॰ பாசித்திய 2.238-239) பன ‘‘விஸுங் கத்வா தே³தீதி ‘ரஸங் க³ண்ஹதா²’திஆதி³னா வாசாய விஸுங் கத்வா தே³தீதி அத்தோ² க³ஹேதப்³போ³, ந பன காயேன ரஸாதி³ங் வியோஜெத்வாதி ததா² அவியோஜிதேபி படிக்கி²பதோ பவாரணாய அஸம்ப⁴வதோ அபவாரணாபஹோனகஸ்ஸ நாமேன வுத்தத்தா ப⁴த்தமிஸ்ஸகயாகு³ங் ஆஹரித்வா ‘யாகு³ங்
நாவா வா ஸேது வாதிஆதி³ம்ஹி நாவாதி³அபி⁴ருஹனாதி³க்க²ணே கிஞ்சி ட²த்வாபி அபி⁴ருஹனாதி³காதப்³ப³த்தேபி க³மனதப்பரதாய டா²னங் நாம ந ஹோதி, ஜனஸம்மத்³தே³ன பன அனோகாஸாதி³பா⁴வேன டா²துங் ந வட்டதி. அசாலெத்வாதி வுத்தட்டா²னதோ அஞ்ஞஸ்மிங் பீட²ப்பதே³ஸே வா உத்³த⁴ங் வா அபேல்லெத்வா, தஸ்மிங் ஏவ பன டா²னே பரிவத்தேதுங் லப⁴தி. தேனாஹ ‘‘யேன பஸ்ஸேனா’’திஆதி³. ஸசே உக்குடிகங் நிஸின்னோ பாதே³ அமுஞ்சித்வாபி பூ⁴மியங் நிஸீத³தி, இரியாபத²ங் விகோபெந்தோ நாம ஹோதீதி உக்குடிகாஸனங் அவிகோபெத்வா ஸுகே²ன நிஸீதி³துங் ‘‘தஸ்ஸ பன ஹெட்டா²…பே॰… நிஸீத³னகங் தா³தப்³ப³’’ந்தி வுத்தங். ‘‘ஆஸனங் அசாலெத்வாதி பீடே² பு²ட்டோ²காஸதோ ஆனிஸத³மங்ஸங்
121. அகப்பியகதந்தி எத்த² அகப்பியகதஸ்ஸேவ அனதிரித்தபா⁴வதோ கப்பியங் அகாராபெத்வா தஸ்மிங் பத்தே பக்கி²த்தங் மூலப²லாதி³யேவ அதிரித்தங் ந ஹோதி, அகப்பியபோ⁴ஜனங் வா குலதூ³ஸனாதி³னா உப்பன்னங். ஸேஸங் பன பத்தபரியாபன்னங் அதிரித்தமேவ ஹோதி, பரிபு⁴ஞ்ஜிதுங் வட்டதி, தங் பன மூலப²லாதி³ங் பரிபு⁴ஞ்ஜிதுகாமேன ததோ நீஹரித்வா கப்பியங் காராபெத்வா அஞ்ஞஸ்மிங் பா⁴ஜனே ட²பெத்வா அதிரித்தங் காராபெத்வா பரிபு⁴ஞ்ஜிதப்³ப³ங்.
122. ஸோ புன காதுங் ந லப⁴தீதி தஸ்மிங்யேவ பா⁴ஜனே கரியமானங் பட²மங் கதேன ஸத்³தி⁴ங் கதங் ஹோதீதி புன ஸோயேவ காதுங் ந லப⁴தி, அஞ்ஞோ லப⁴தி. அஞ்ஞஸ்மிங் பன பா⁴ஜனே தேன வா அஞ்ஞேன வா காதுங் வட்டதி. தேனாஹ ‘‘யேன அகதங், தேன காதப்³ப³ங், யஞ்ச அகதங், தங் காதப்³ப³’’ந்தி. தேனாபீதி எத்த² பி-ஸத்³தோ³ ந கேவலங் அஞ்ஞேனேவாதி இமமத்த²ங் தீ³பேதி. ஏவங் கதந்தி அஞ்ஞஸ்மிங் பா⁴ஜனே கதங்.
பேஸெத்வாதி அனுபஸம்பன்னஸ்ஸ ஹத்தே² பேஸெத்வா. இமஸ்ஸ வினயகம்மபா⁴வதோ ‘‘அனுபஸம்பன்னஸ்ஸ ஹத்தே² டி²தங் ந காதப்³ப³’’ந்தி வுத்தங்.
ஸசே பன ஆமிஸஸங்ஸட்டா²னீதி எத்த² ஸசே முக²க³தேனாபி அனதிரித்தேன ஆமிஸேன ஸங்ஸட்டா²னி ஹொந்தி, பாசித்தியமேவாதி வேதி³தப்³ப³ங், தஸ்மா பவாரிதேன போ⁴ஜனங் அதிரித்தங் காராபெத்வா பு⁴ஞ்ஜந்தேனபி யதா² அகதேன மிஸ்ஸங் ந ஹோதி, ஏவங் முக²ஞ்ச ஹத்த²ஞ்ச ஸுத்³த⁴ங் கத்வா பு⁴ஞ்ஜிதப்³ப³ங். கிஞ்சாபி அபவாரிதஸ்ஸ புரேப⁴த்தங் யாமகாலிகாதீ³னி ஆஹாரத்தா²ய பரிபு⁴ஞ்ஜதோபி அனாபத்தி, பவாரிதஸ்ஸ பன பவாரணமூலகங் து³க்கடங் ஹோதியேவாதி ‘‘யாமகாலிகங்…பே॰… அஜ்ஜோ²ஹாரே அஜ்ஜோ²ஹாரே ஆபத்தி து³க்கடஸ்ஸா’’தி பாளியங் (பாசி॰ 240) வுத்தங்.
இதி வினயஸங்க³ஹஸங்வண்ணனாபூ⁴தே வினயாலங்காரே
படிக்கே²பபவாரணாவினிச்ச²யகதா²லங்காரோ நாம
ஏகவீஸதிமோ பரிச்சே²தோ³.