28. சதுபச்சயபா⁴ஜனீயவினிச்ச²யகதா²
சீவரபா⁴ஜனகதா²வண்ணனா
194. ஏவங் ‘‘சதுபச்சயபா⁴ஜன’’ந்திஆதி³மாஹ. தத்த² சதூதி ஸங்க்²யாஸப்³ப³னாமபத³ங். படிச்ச ஏதி ஸீதபடிகா⁴தாதி³கங் ப²லங் ஏதஸ்மாதி பச்சயோ, சீவராதி³, பச்சயோ ச பச்சயோ ச பச்சயா, சத்தாரோ பச்சயா சதுபச்சயங், பா⁴ஜீயதே விபா⁴ஜீயதே பா⁴ஜனங். சதுபச்சயஸ்ஸ பா⁴ஜனங் சதுபச்சயபா⁴ஜனங். தேனாஹ ‘‘சீவராதீ³னங் சதுன்னங் பச்சயானங் பா⁴ஜன’’ந்தி. தத்த² தஸ்மிங் சதுபச்சயபா⁴ஜனே ஸமபி⁴னிவிட்டே² சீவரபா⁴ஜனே தாவ பட²மங் சீவரபடிக்³கா³ஹகோ…பே॰… வேதி³தப்³போ³. கஸ்மா? ஸங்கி⁴கசீவரஸ்ஸ து³க்கரபா⁴ஜனத்தாதி ஸம்ப³ந்தோ⁴. தத்த² ஆக³தாக³தங் சீவரங் படிக்³க³ண்ஹாதி, படிக்³க³ஹணமத்தமேவஸ்ஸ பா⁴ரோதி சீவரபடிக்³கா³ஹகோ. சீவரபடிக்³கா³ஹகேன படிக்³க³ஹிதங் சீவரங் நித³ஹதி, நித³ஹனமத்தமேவஸ்ஸ பா⁴ரோதி சீவரனித³ஹகோ. ப⁴ண்டா³கா³ரே நியுத்தோ ப⁴ண்டா³கா³ரிகோ. சீவராதி³கஸ்ஸ ப⁴ண்ட³ஸ்ஸ ட²பனட்டா²னபூ⁴தங் அகா³ரங் ப⁴ண்டா³கா³ரங். சீவரங் பா⁴ஜேதி பா⁴க³ங் கரோதீதி சீவரபா⁴ஜகோ. சீவரஸ்ஸ பா⁴ஜனங் விபா⁴க³கரணங் சீவரபா⁴ஜனங், விப⁴ஜனகிரியா.
தத்த² ‘‘சீவரபடிக்³கா³ஹகோ வேதி³தப்³போ³’’தி வுத்தோ, ஸோ குதோ லப்³ப⁴தேதி ஆஹ ‘‘பஞ்சஹங்கே³ஹி…பே॰… ஸம்மன்னிதப்³போ³’’தி. கத²ங் விஞ்ஞாயதீதி ஆஹ ‘‘அனுஜானாமி…பே॰… வசனதோ’’தி. ச²ந்த³னங் ச²ந்தோ³, இச்ச²னங் பிஹனந்தி அத்தோ². க³மனங் கரணங் க³தி, கிரியா. கா³ரெய்ஹா க³தி அக³தி, ச²ந்தே³ன அக³தி ச²ந்தா³க³தி. ஸேஸேஸுபி ஏஸேவ நயோ. கத²ங் ச²ந்தா³க³திங் க³ச்ச²தீதி ஆஹ ‘‘தத்த² பச்சா² ஆக³தானம்பீ’’திஆதி³. ஏவமிதரேஸுபி. பஞ்சமங்க³ங் பன ஸதிஸம்பஜஞ்ஞயுத்தாபா⁴வங் த³ஸ்ஸேதி. ஸுக்கபக்கே²பி இதோ படிபக்க²வஸேன வேதி³தப்³போ³. தேனாஹ ‘‘தஸ்மா’’திஆதி³.
இமாய கம்மவாசாய வா அபலோகனேன வாதி இத³ங் இமஸ்ஸ ஸம்முதிகம்மஸ்ஸ லஹுககம்மத்தா வுத்தங். ததா² ஹி வுத்தங் பரிவாரட்ட²கதா²யங் (பரி॰ அட்ட²॰ 482) ‘‘அவஸேஸா தேரஸ ஸம்முதியோ ஸேனாஸனக்³கா³ஹமதகசீவரதா³னாதி³ஸம்முதியோ சாதி ஏதானி லஹுககம்மானி அபலோகெத்வாபி காதுங் வட்டந்தீ’’தி. அந்தோவிஹாரே ஸப்³ப³ஸங்க⁴மஜ்ஜே²பி க²ண்ட³ஸீமாயம்பி ஸம்மன்னிதுங் வட்டதீதி எத்த² அந்தோவிஹாரேதி து⁴ரவிஹாரட்டா²னேதி விஹாரத்³வாரஸ்ஸ ஸம்முக²ட்டா²னே.
197. ப⁴ண்டா³கா³ரஸம்முதியங் விஹாரமஜ்ஜே²யேவாதி அவிப்பவாஸஸீமாஸங்கா²தமஹாஸீமா விஹாரஸ்ஸ மஜ்ஜே²யேவ ஸம்மன்னிதப்³பா³. இமஸ்மிங் பன டா²னே இமங் பன ப⁴ண்டா³கா³ரங் க²ண்ட³ஸீமங் க³ந்த்வா க²ண்ட³ஸீமாயங் நிஸின்னேஹி ஸம்மன்னிதுங் ந வட்டதி, விஹாரமஜ்ஜே²யேவ ‘‘ஸுணாது மே, ப⁴ந்தே, ஸங்கோ⁴, யதி³ ஸங்க⁴ஸ்ஸ பத்தகல்லங், ஸங்கோ⁴
198. துலாபூ⁴தோதி துலாஸதி³ஸோ. இத³ந்தி ஸாமணேரானங் உபட்³ட⁴படிவீஸதா³னங். இமங் கிர பாட²ங் அமனஸிகரொந்தா இதா³னி காலசீவரம்பி ஸாமணேரானங் உபட்³ட⁴படிவீஸங் தெ³ந்தி. பா²திகம்மந்தி பஹோனககம்மங், யத்தகேன வினயாக³தேன ஸம்முஞ்ஜனீப³ந்த⁴னாதி³ஹத்த²கம்மேன விஹாரஸ்ஸ ஊனதா ந ஹோதி, தத்தகங் கத்வாதி அத்தோ². ஸப்³பே³ஸந்தி தத்ருப்பாத³வஸ்ஸாவாஸிகங் க³ண்ஹந்தானங் ஸப்³பே³ஸங் பி⁴க்கூ²னங் ஸாமணேரானஞ்ச. ப⁴ண்டா³கா³ரசீவரேபீதி அகாலசீவரங் ஸந்தா⁴ய வுத்தங். உக்குட்டி²ங் கரொந்தீதி மஹாஸத்³த³ங் கரொந்தி. ஏதந்தி உக்குட்டி²யா கதாய ஸமபா⁴க³தா³னங். விரஜ்ஜி²த்வா கரொந்தீதி கத்தப்³ப³காலேஸு அகத்வா யதா²ருசிதக்க²ணே கரொந்தி. ஸமபடிவீஸோ தா³தப்³போ³தி கரிஸ்ஸாமாதி யாசந்தானங் படிஞ்ஞாமத்தேனபி ஸமகோ கொட்டா²ஸோ தா³தப்³போ³.
அதிரேகபா⁴கே³னாதி த³ஸ பி⁴க்கூ² ஹொந்தி, ஸாடகாபி த³ஸேவ, தேஸு ஏகோ த்³வாத³ஸ அக்³க⁴தி, ஸேஸா த³ஸக்³க⁴னகா. ஸப்³பே³ஸு த³ஸக்³க⁴னகவஸேன குஸே பாதிதே யஸ்ஸ பி⁴க்கு²னோ த்³வாத³ஸக்³க⁴னகோ குஸோ பாதிதோ, ஸோ ‘‘எத்தகேன மம சீவரங் பஹோதீ’’தி தேன அதிரேகபா⁴கே³ன க³ந்துகாமோ ஹோதி. எத்த² ச எத்தகேன மம சீவரங் பஹோதீதி த்³வாத³ஸக்³க⁴னகேன மம சீவரங் பரிபுண்ணங் ஹோதி, ந ததோ ஊனேனாதி ஸப்³ப³ங் க³ஹேதுகாமோதி ‘‘அனுஜானாமி, பி⁴க்க²வே, அனுக்கே²பே தி³ன்னே’’தி ஆஹ. தத்த² அனுக்கே²போ நாம யங் கிஞ்சி அனுக்கி²பிதப்³ப³ங் அனுப்பதா³தப்³ப³ங் கப்பியப⁴ண்ட³ங், யத்தகங் தஸ்ஸ படிவீஸே அதி⁴கங், தத்தகே அக்³க⁴னகே யஸ்மிங் கிஸ்மிஞ்சி கப்பியப⁴ண்டே³ தி³ன்னேதி அத்தோ²தி இமமத்த²ங் ஸங்கே²பேன த³ஸ்ஸேதுங் ‘‘ஸசே த³ஸ பி⁴க்கூ² ஹொந்தி’’த்யாதி³ வுத்தங்.
விகலகே தோஸெத்வாதி எத்த² சீவரவிகலகங் புக்³க³லவிகலகந்தி த்³வே விகலகா. தத்த² சீவரவிகலகங் நாம ஸப்³பே³ஸங் பஞ்ச பஞ்ச வத்தா²னி பத்தானி, ஸேஸானிபி அத்தி², ஏகேகங் பன ந பாபுணாதி, சி²ந்தி³த்வா தா³தப்³பா³னி. சி²ந்த³ந்தேஹி ச அட்³ட⁴மண்ட³லாதீ³னங் வா உபாஹனத²விகாதீ³னங் வா பஹோனகானி க²ண்டா³னி கத்வா தா³தப்³பா³னி, ஹெட்டி²மபரிச்சே²தே³ன சதுரங்கு³லவித்தா²ரம்பி அனுவாதப்பஹோனகாயாமங் க²ண்ட³ங் கத்வா தா³துங் வட்டதி. அபரிபோ⁴க³ங் பன ந காதப்³ப³ந்தி ஏவமெத்த² சீவரஸ்ஸ அப்பஹோனகபா⁴வோ சீவரவிகலகங். சி²ந்தி³த்வா தி³ன்னே பனேதங் தோஸிதங் ஹோதி. அத² குஸபாதோ காதப்³போ³, ஸசேபி ஏகஸ்ஸ பி⁴க்கு²னோ கொட்டா²ஸே ஏகங் வா த்³வே வா வத்தா²னி நப்பஹொந்தி, தத்த² அஞ்ஞங் ஸாமணகங் பரிக்கா²ரங் ட²பெத்வா யோ தேன துஸ்ஸதி, தஸ்ஸ தங் பா⁴க³ங் த³த்வா பச்சா² குஸபாதோ காதப்³போ³. இத³ம்பி சீவரவிகலகந்தி அந்த⁴ட்ட²கதா²யங் வுத்தங்.
புக்³க³லவிகலகங் நாம த³ஸ த³ஸ பி⁴க்கூ² க³ணெத்வா வக்³க³ங் கரொந்தானங் ஏகோ வக்³கோ³ ந பூரதி, அட்ட² வா நவ வா ஹொந்தி, தேஸங் அட்ட² வா நவ வா கொட்டா²ஸா ‘‘தும்ஹே இமே க³ஹெத்வா விஸுங் பா⁴ஜேதா²’’தி தா³தப்³பா³. ஏவமயங் புக்³க³லானங் அப்பஹோனகபா⁴வோ புக்³க³லவிகலகங் நாம. விஸுங் தி³ன்னே பன தங் தோஸிதங் விகலகே தோஸெத்வாதி யோ சீவரவிபா⁴கோ³ ஊனகோ, தங் அஞ்ஞேன பரிக்கா²ரேன ஸமங் கத்வா குஸபாதோ காதப்³போ³தி இமமத்த²ங் த³ஸ்ஸேதி ‘‘ஸசே ஸப்³பே³ஸங் பஞ்ச பஞ்ச வத்தா²னீ’’திஆதி³னா.
199. இதோ பரங் தேஸு தேஸு வத்தூ²ஸு ஆக³தவஸேன அட்ட²கதா²யங் வுத்தேஸு வினிச்ச²யேஸு ஸந்தேஸுபி தேஸங் வினிச்ச²யானங் அட்ட²மாதிகாவினிச்ச²யதோ அவிமுத்தத்தா அட்ட²மாதிகாவினிச்ச²யெஸ்வேவ பக்கி²பித்வா த³ஸ்ஸேதுங் ‘‘இதா³னி அட்டி²மா, பி⁴க்க²வே’’திஆதி³மாஹ. யா தா அட்ட² மாதிகா ப⁴க³வதா வுத்தா, தாஸங் அட்ட²ன்னங் மாதிகானங் வஸேன வினிச்ச²யோ இதா³னி வேதி³தப்³போ³தி யோஜனா. பரிக்கே²பாரஹட்டா²னேன பரிச்சி²ன்னாதி இமினா அபரிக்கி²த்தஸ்ஸ விஹாரஸ்ஸ து⁴வஸன்னிபாதட்டா²னாதி³தோ பட²மலெட்³டு³பாதஸ்ஸ ‘‘அபிசா’’திஆதி³ ஆரத்³த⁴ங். து⁴வஸன்னிபாதட்டா²னம்பி பரியந்தக³தமேவ க³ஹேதப்³ப³ங். ‘‘ஏவங் ஸந்தே தியோஜனே டி²தா லாப⁴ங் க³ண்ஹிஸ்ஸந்தீ’’திஆதி³னா இமே லாப⁴க்³க³ஹணாத³யோ உபசாரஸீமாவஸேனேவ ஹோதி, ந அவிப்பவாஸஸீமாவஸேனாதி த³ஸ்ஸேதி, தேன ச இமானி லாப⁴க்³க³ஹணாதீ³னியேவ உபசாரஸீமாயங் கத்தப்³பா³னி, ந அபலோகனகம்மாதீ³னி சத்தாரி கம்மானி, தானி பன அவிப்பவாஸஸீமாதீ³ஸுயேவ கத்தப்³பா³னீதி பகாஸேதி. ததா² ஹி வுத்தங் ஸாரத்த²தீ³பனியங் (ஸாரத்த²॰ டீ॰ மஹாவக்³க³ 3.379) ‘‘பி⁴க்கு²னீனங் ஆராமப்பவேஸனஸேனாஸனபுச்ச²னாதி³ பரிவாஸமானத்தாரோசனவஸ்ஸச்சே²த³னிஸ்ஸயஸேனாஸனக்³கா³ஹாதி³ விதா⁴னந்தி இத³ங் ஸப்³ப³ங் இமிஸ்ஸாயேவ உபசாரஸீமாய வஸேன வேதி³தப்³ப³’’ந்தி.
லாப⁴த்தா²ய லாப⁴ஸீமா. லோகே கா³மஸீமாத³யோ விய லாப⁴ஸீமா நாம விஸுங் பஸித்³தா⁴ நத்தி², கேனாயங் அனுஞ்ஞாதாதி ஆஹ ‘‘நேவ ஸம்மாஸம்பு³த்³தே⁴னா’’திஆதி³. ஏதேன நாயங் ஸாஸனவோஹாரஸித்³தா⁴, லோகவோஹாரஸித்³தா⁴ ஏவாதி த³ஸ்ஸேதி. ஜனபத³பரிச்சே²தோ³தி இத³ங் லோகபஸித்³த⁴ஸீமாஸத்³த³த்த²வஸேன வுத்தங், பரிச்சே²த³ப்³ப⁴ந்தரம்பி ஸப்³ப³ங் ஜனபத³ஸீமாதி க³ஹேதப்³ப³ங். ஜனபதோ³ ஏவ ஜனபத³ஸீமா, ஏவங் ரட்ட²ஸீமாதீ³ஸுபி. தேனாஹ ‘‘ஆணாபவத்திட்டா²ன’’ந்திஆதி³. பத²வீவேமஜ்ஜ²க³தஸ்ஸாதி யாவ உத³கபரியந்தா க²ண்ட³ஸீமத்தா வுத்தங். உபசாரஸீமாதீ³ஸு பன அப³த்³த⁴ஸீமாஸு ஹெட்டா²பத²வியங் ஸப்³ப³த்த² டி²தானங் ந பாபுணாதி, கூபாதி³பவேஸாரஹட்டா²னே டி²தானஞ்ஞேவ பாபுணாதீதி ஹெட்டா² ஸீமகதா²யங் வுத்தனயேனேவ தங்தங்ஸீமட்ட²பா⁴வோ வேதி³தப்³போ³. சக்கவாளஸீமாய தி³ன்னங் பத²வீஸந்தா⁴ரகஉத³கட்டா²னேபி டி²தானங் பாபுணாதி ஸப்³ப³த்த² சக்கவாளவோஹாரத்தாதி. ஸமானஸங்வாஸஅவிப்பவாஸஸீமாஸு தி³ன்னஸ்ஸ இத³ங் நானத்தங் – ‘‘அவிப்பவாஸஸீமாய த³ம்மீ’’தி தி³ன்னங் கா³மட்டா²னங் ந பாபுணாதி. கஸ்மா? ‘‘ட²பெத்வா கா³மஞ்ச கா³மூபசாரஞ்சா’’தி (மஹாவ॰ 144) வுத்தத்தா. ‘‘ஸமானஸங்வாஸகஸீமாயத³ம்மீ’’தி தி³ன்னங் பன கா³மே டி²தானம்பி பாபுணாதீதி.
200-1. பு³த்³தா⁴தி⁴வுத்தோ²தி பு³த்³தே⁴ன ப⁴க³வதா அதி⁴வுத்தோ². ஏகஸ்மிந்தி ஏகஸ்மிங் விஹாரே. பாகவத்தந்தி நிப³த்³த⁴தா³னங். வத்ததீதி பவத்ததி. தேஹி வத்தப்³ப³ந்தி யேஸங் ஸம்முகே² ஏஸ தே³தி, தேஹி பி⁴க்கூ²ஹி வத்தப்³ப³ங்.
202. து³தியபா⁴கே³ பன தே²ராஸனங் ஆருள்ஹேதி யாவ ஸங்க⁴னவகங் ஏகவாரங் ஸப்³பே³ஸங் பா⁴க³ங் த³த்வா புப்³பே³ வுத்தனயேனாதி ‘‘துய்ஹேவ பி⁴க்கு² தானி சீவரானீ’’தி (மஹாவ॰ 363) ப⁴க³வதா பங்ஸுகூலிகானம்பி வட்டதீதி ‘‘துய்ஹங் தே³மா’’தி அவத்வா, ‘பி⁴க்கூ²னங் தே³ம, தே²ரானங் தே³மா’’தி வுத்தத்தா ‘‘பங்ஸுகூலிகானம்பி வட்டதீ’’தி ஸாரத்த²தீ³பனியங் (ஸாரத்த²॰ டீ॰ மஹாவக்³க³ 3.379) வுத்தங். விமதிவினோத³னியங் (வி॰ வி॰ டீ॰ மஹாவக்³க³ 2.379) பன பங்ஸுகூலிகானம்பி வட்டதீதி எத்த² ‘‘துய்ஹங் தே³மா’’தி அவுத்தத்தாதி காரணங் வத³ந்தி. யதி³ ஏவங் ‘‘ஸங்க⁴ஸ்ஸ தே³மா’’தி வுத்தேபி வட்டெய்ய, ‘‘பி⁴க்கூ²னங் தே³ம, தே²ரானங் தே³ம, ஸங்க⁴ஸ்ஸ தே³மா’’தி வசனதோ பே⁴தோ³ ந தி³ஸ்ஸதி, வீமங்ஸிதப்³ப³மெத்த² காரணந்தி. பாருபிதுங் வட்டதீதி பங்ஸுகூலிகானங் வட்டதி. ஸாமிகேஹி விசாரிதமேவாதி உபாஹனத்த²விகாதீ³னமத்தா²ய விசாரிதமேவ.
203. உபட்³ட⁴ங் தா³தப்³ப³ந்தி யங் உப⁴தோஸங்க⁴ஸ்ஸ தி³ன்னங், ததோ உபட்³ட⁴ங் பி⁴க்கூ²னங் உபட்³ட⁴ங் பி⁴க்கு²னீனங் தா³தப்³ப³ங். ஸசேபி ஏகோ பி⁴க்கு² ஹோதி, ஏகா வா பி⁴க்கு²னீ, அந்தமஸோ அனுபஸம்பன்னஸ்ஸபி உபட்³ட⁴மேவ தா³தப்³ப³ங். ‘‘பி⁴க்கு²ஸங்க⁴ஸ்ஸ ச பி⁴க்கு²னீனஞ்ச த³ம்மீ’’தி வுத்தே பன ந மஜ்ஜே² பி⁴ந்தி³த்வா தா³தப்³ப³ந்தி எத்த² யஸ்மா பி⁴க்கு²னிபக்கே² ஸங்க⁴ஸ்ஸ பச்சேகங் அபராமட்ட²த்தா பி⁴க்கு²னீனங் க³ணனாய பா⁴கோ³ தா³தப்³போ³தி தா³யகஸ்ஸ அதி⁴ப்பாயோதி ஸிஜ்ஜ²தி, ததா² தா³னஞ்ச பி⁴க்கூ²பி க³ணெத்வா தி³ன்னே ஏவ யுஜ்ஜதி. இதரதா² ஹி ‘‘கித்தகங் பி⁴க்கூ²னங் தா³தப்³ப³ங், கித்தகங் பி⁴க்கு²னீன’’ந்தி ந விஞ்ஞாயதி, தஸ்மா ‘‘பி⁴க்கு²ஸங்க⁴ஸ்ஸா’’தி வுத்தவசனம்பி ‘‘பி⁴க்கூ²ன’’ந்தி வுத்தவசனஸதி³ஸமேவாதி ஆஹ ‘‘பி⁴க்கூ² ச பி⁴க்கு²னியோ ச க³ணெத்வா தா³தப்³ப³’’ந்தி. தேனாஹ ‘‘புக்³க³லோ…பே॰… பி⁴க்கு²ஸங்க⁴க்³க³ஹணேன க³ஹிதத்தா’’தி. ‘‘பி⁴க்கு²ஸங்க⁴ஸ்ஸ ச பி⁴க்கு²னீனஞ்ச துய்ஹஞ்சா’’தி வுத்தே பன புக்³க³லோ விஸுங் ந லப⁴தீதி இத³ங் அட்ட²கதா²பமாணேனேவ க³ஹேதப்³ப³ங், ந ஹெத்த² விஸேஸகாரணங் உபலப்³ப⁴தி. ததா² ஹி ‘‘உப⁴தோஸங்க⁴ஸ்ஸ ச துய்ஹஞ்ச த³ம்மீ’’தி வுத்தே ஸாமஞ்ஞவிஸேஸவசனேஹி ஸங்க³ஹிதத்தா யதா² புக்³க³லோ விஸுங் லப⁴தி, ஏவமிதா⁴பி ‘‘பி⁴க்கு²ஸங்க⁴ஸ்ஸ ச துய்ஹஞ்சா’’தி பாபுணனட்டா²னதோ ஏகமேவ லப⁴தீதி அத்தனோ வஸ்ஸக்³கே³ன பத்தட்டா²னதோ ஏகமேவ கொட்டா²ஸங் லப⁴தி. தத்த² காரணமாஹ ‘‘கஸ்மா? பி⁴க்கு²ஸங்க⁴க்³க³ஹணேன க³ஹிதத்தா’’தி, பி⁴க்கு²ஸங்க⁴க்³க³ஹணேனேவ புக்³க³லஸ்ஸபி க³ஹிதத்தாதி அதி⁴ப்பாயோதி ஸாரத்த²தீ³பனியங் (ஸாரத்த²॰ டீ॰ மஹாவக்³க³ 3.379) வுத்தங்.
விமதிவினோத³னியங் பூஜேதப்³ப³ந்திஆதி³ கி³ஹிகம்மங் ந ஹோதீதி த³ஸ்ஸனத்த²ங் வுத்தங். பி⁴க்கு²ஸங்க⁴ஸ்ஸ ஹராதி இத³ங் பிண்ட³பாதஹரணங் ஸந்தா⁴ய வுத்தங். தேனாஹ ‘‘பு⁴ஞ்ஜிதுங் வட்டதீ’’தி. ‘‘பி⁴க்கு²ஸங்க⁴ஸ்ஸ ஹரா’’தி வுத்தேபி ஹரிதப்³ப³ந்தி ஈதி³ஸங் கி³ஹிவெய்யாவச்சங் ந ஹோதீதி கத்வா வுத்தங்.
204. அந்தோஹேமந்தேதி இமினா அனத்த²தே கதி²னே வஸ்ஸானங் பச்சி²மே மாஸே தி³ன்னங் புரிமவஸ்ஸங்வுத்தா²னஞ்ஞேவ பாபுணாதி, ததோ பரங் ஹேமந்தே தி³ன்னங் பச்சி²மவஸ்ஸங்வுத்தா²னம்பி வுத்த²வஸ்ஸத்தா லக்க²ணஞ்ஞூ வத³ந்தீதி வினயலக்க²ணஞ்ஞுனோ ஆசரியா வத³ந்தி. லக்க²ணஞ்ஞூ வத³ந்தீதி இத³ங் ஸன்னிட்டா²னவசனங், அட்ட²கதா²ஸு அனாக³தத்தா பன ஏவங் வுத்தங். ப³ஹிஉபசாரஸீமாயங்…பே॰… ஸப்³பே³ஸங் பாபுணாதீதி யத்த² கத்த²சி வுத்த²வஸ்ஸானங் ஸப்³பே³ஸங் பாபுணாதீதி அதி⁴ப்பாயோ. தேனேவ மாதிகாட்ட²கதா²யம்பி (கங்க²॰ அட்ட²॰ அகாலசீவரஸிக்கா²பத³வண்ணனா) ‘‘ஸசே பன ப³ஹிஉபசாரஸீமாயங் டி²தோ ‘வஸ்ஸங்வுத்த²ஸங்க⁴ஸ்ஸ த³ம்மீ’தி வத³தி, யத்த² கத்த²சி வுத்த²வஸ்ஸானங் ஸப்³பே³ஸங் ஸம்பத்தானங் பாபுணாதீ’’தி வுத்தங். க³ண்டி²பதே³ஸு பன ‘‘வஸ்ஸாவாஸஸ்ஸ அனநுரூபே பதே³ஸே ட²த்வா வுத்தத்தா வஸ்ஸங்வுத்தா²னஞ்ச அவுத்தா²னஞ்ச ஸப்³பே³ஸங் பாபுணாதீ’’தி வுத்தங், தங் ந க³ஹேதப்³ப³ங். ந ஹி ‘‘வஸ்ஸங்வுத்த²ஸங்க⁴ஸ்ஸ த³ம்மீ’’தி வுத்தே அவுத்த²வஸ்ஸானங் பாபுணாதி. ஸப்³பே³ஸம்பீதி தஸ்மிங் பி⁴க்கு²பா⁴வே வுத்த²வஸ்ஸானங் ஸப்³பே³ஸம்பீதி அத்தோ² த³ட்ட²ப்³போ³ ‘‘வஸ்ஸங்வுத்த²ஸங்க⁴ஸ்ஸா’’தி வுத்தத்தா. ஸம்முகீ²பூ⁴தானங் ஸப்³பே³ஸம்பீதி எத்தா²பி ஏஸேவ நயோ. ஏவங் வத³தீதி வஸ்ஸங்வுத்த²ஸங்க⁴ஸ்ஸ த³ம்மீதி வத³தி. அதீதவஸ்ஸந்தி அனந்தராதீதவஸ்ஸங்.
205. இதா³னி ‘‘ஆதி³ஸ்ஸ தே³தீதி எத்தா²’’திஆதி³மாஹ. தத்த² யாகு³யா வா…பே॰… பே⁴ஸஜ்ஜே வா ஆதி³ஸித்வா பரிச்சி²ந்தி³த்வா தெ³ந்தோ தா³யகோ ஆதி³ஸ்ஸ தே³தி நாமாதி யோஜனா. ஸேஸங் பாகடமேவ.
206. இதா³னி ‘‘புக்³க³லஸ்ஸ தே³தீ’’தி பத³ங் விப⁴ஜந்தோ ஆஹ ‘‘புக்³க³லஸ்ஸ தே³தி எத்தா²’’திஆதி³. ஸங்க⁴தோ ச க³ணதோ ச வினிமுத்தஸ்ஸ ‘‘ஸசே பனா’’திஆதி³மாஹ. தத்த² உத்³தே³ஸங் க³ஹேதுங் ஆக³தோதி தஸ்ஸ ஸந்திகே உத்³தே³ஸங் அக்³க³ஹிதபுப்³ப³ஸ்ஸபி உத்³தே³ஸங் க³ண்ஹிஸ்ஸாமீதி ஆக³தகாலதோ பட்டா²ய அந்தேவாஸிகபா⁴வூபக³மனதோ வுத்தங். க³ஹெத்வா க³ச்ச²ந்தோதி பரினிட்டி²தஉத்³தே³ஸோ ஹுத்வா க³ச்ச²ந்தோ. வத்தங் கத்வா உத்³தே³ஸபரிபுச்சா²தீ³னி க³ஹெத்வா விசரந்தானந்தி இத³ங் ‘‘உத்³தே³ஸந்தேவாஸிகான’’ந்தி இமஸ்ஸேவ விஸேஸனங். தேன உத்³தே³ஸகாலே ஆக³ந்த்வா உத்³தே³ஸங் க³ஹெத்வா க³ந்த்வா அஞ்ஞத்த² நிவஸந்தே அனிப³த்³த⁴சாரிகே நிவத்தேதி.
ஏவங் சீவரக்க²ந்த⁴கே (மஹாவ॰ 379) ஆக³தஅட்ட²மாதிகாவஸேன சீவரவிப⁴ஜனங் த³ஸ்ஸெத்வா இதா³னி தஸ்மிங்யேவ சீவரக்க²ந்த⁴கே மஜ்ஜே² ஆக³தேஸு வத்தூ²ஸு ஆக³தனயங் நிவத்தெத்வா த³ஸ்ஸெந்தோ ‘‘ஸசே கோசி பி⁴க்கூ²’’திஆதி³மாஹ. தத்த² கிங் காதப்³ப³ந்தி புச்சா²ய தஸ்ஸேவ தானி சீவரானீதி விஸ்ஸஜ்ஜனா, ஸேஸானி ஞாபகாதி³வஸேன வுத்தானி. பஞ்ச மாஸேதி அச்சந்தஸங்யோகே³ உபயோக³வசனங். வட்³டி⁴ங் பயோஜெத்வா ட²பிதஉபனிக்கே²பதோதி வஸ்ஸாவாஸிகத்தா²ய வெய்யாவச்சகரேஹி வட்³டி⁴ங் பயோஜெத்வா ட²பிதஉபனிக்கே²பதோ. தத்ருப்பாத³தோதி நாளிகேராராமாதி³தத்ருப்பாத³தோ. அட்ட²கதா²யங் பன ‘‘இத³ங் இத⁴ வஸ்ஸங்வுத்த²ஸங்க⁴ஸ்ஸ தே³மாதி வா வஸ்ஸாவாஸிகங் தே³மாதி வா வத்வா இதா⁴தி அபி⁴லாபமத்தமேவேதங், இத⁴-ஸத்³த³ங் வினா ‘‘வஸ்ஸங்வுத்த²ஸங்க⁴ஸ்ஸ தே³மா’’தி வுத்தேபி ஸோ ஏவ நயோ. அனத்த²தகதி²னஸ்ஸபி பஞ்ச மாஸே பாபுணாதீதி வஸ்ஸாவாஸிகலாப⁴வஸேன உப்பன்னத்தா அனத்த²தகதி²னஸ்ஸபி வுத்த²வஸ்ஸஸ்ஸ பஞ்ச மாஸே பாபுணாதி, ததோ பரங் பன உப்பன்னவஸ்ஸாவாஸிகங் புச்சி²தப்³ப³ங் ததோ பரந்தி பஞ்சமாஸதோ பரங், கி³ம்ஹானஸ்ஸ பட²மதி³வஸதோ பட்டா²யாதி அத்தோ².
டி²திகா பன ந திட்ட²தீதி எத்த² அட்டி²தாய டி²திகாய புன அஞ்ஞஸ்மிங் சீவரே உப்பன்னே ஸசே ஏகோ பி⁴க்கு² ஆக³ச்ச²தி, மஜ்ஜே² சி²ந்தி³த்வா த்³வீஹிபி க³ஹேதப்³ப³ங். டி²தாய பன டி²திகாய புன அஞ்ஞஸ்மிங் சீவரே உப்பன்னே ஸசே நவகதரோ ஆக³ச்ச²தி, டி²திகா ஹெட்டா² க³ச்ச²தி. ஸசே வுட்³ட⁴தரோ ஆக³ச்ச²தி, டி²திகா உத்³த⁴ங் ஆரோஹதி. அத² அஞ்ஞோ நத்தி², புன அத்தனோ பாபெத்வா க³ஹேதப்³ப³ங். து³க்³க³ஹிதானீதி அக்³க³ஹிதானி, ஸங்கி⁴கானேவ ஹொந்தீதி அத்தோ². ‘‘பாதிதே குஸே’’தி ஏககொட்டா²ஸே குஸத³ண்ட³கே பாதிதமத்தே ஸசேபி பி⁴க்கு²ஸஹஸ்ஸங் ஹோதி, க³ஹிதமேவ நாம சீவரங். ‘‘நாகாமா பா⁴கோ³ தா³தப்³போ³’’தி அட்ட²கதா²வசனங் (மஹாவ॰ அட்ட²॰ 363), தத்த² க³ஹிதமேவ நாமாதி ‘‘இமஸ்ஸ இத³ங் பத்த’’ந்தி கிஞ்சாபி ந விதி³தங், தே பன பா⁴கா³ அத்த²தோ தேஸங் பத்தாயேவாதி அதி⁴ப்பாயோ.
ஸத்தாஹவாரேன அருணமேவ உட்டா²பேதீதி இத³ங் நானாஸீமவிஹாரேஸு கத்தப்³ப³னயேன ஏகஸ்மிம்பி விஹாரே த்³வீஸு ஸேனாஸனேஸு நிவுத்த²பா⁴வத³ஸ்ஸனத்த²ங் வுத்தங், அருணுட்டா²பனேனேவ தத்த² வுத்தோ² ஹோதி, ந பன வஸ்ஸச்சே²த³பரிஹாராய. அந்தோஉபசாரஸீமாய ‘‘புரிமஸ்மிங் ப³ஹுதரங் நிவஸதி நாமா’’தி. ஏதேன ச இதரஸ்மிங் ஸத்தாஹவாரேனபி அருணுட்டா²பனே ஸதி ஏவ அப்பதரங் நிவஸதி நாம ஹோதி, நாஸதீதி தீ³பிதங் ஹோதி. இத³ந்தி ஏகாதி⁴ப்பாயதா³னங். நானாலாபே⁴ஹீதிஆதீ³ஸு நானா விஸுங் விஸுங் லாபோ⁴ ஏதேஸூதி நானாலாபா⁴, த்³வே விஹாரா, தேஹி நானாலாபே⁴ஹி. நானா விஸுங் விஸுங் பாகாராதீ³ஹி பரிச்சி²ன்னோ உபசாரோ ஏதேஸந்தி நானூபசாரா, தேஹி நானூபசாரேஹி. ஏகஸீமவிஹாரேஹீதி ஏகஸீமாயங் த்³வீஹி விஹாரேஹீதி ஸாரத்த²தீ³பனியங் (ஸாரத்த²॰ டீ॰ மஹாவக்³க³ 3.364) வுத்தங். நானாலாபே⁴ஹீதி விஸுங் விஸுங் நிப³த்³த⁴வஸ்ஸாவாஸிகலாபே⁴ஹி. நானூபசாரேஹீதி நானாபரிக்கே²பனானாத்³வாரேஹி. ஏகஸீமவிஹாரேஹீதி த்³வின்னங் விஹாரானங் ஏகேன பாகாரேன பரிக்கி²த்தத்தா ஏகாய உபசாரஸீமாய அந்தோக³தேஹி த்³வீஹி விஹாரேஹீதி விமதிவினோத³னியங் (வி॰ வி॰ டீ॰ மஹாவக்³க³ 2.364). ஸேனாஸனக்³கா³ஹோ படிப்பஸ்ஸம்ப⁴தீதி பட²மங் க³ஹிதோ படிப்பஸ்ஸம்ப⁴தி. தத்தா²தி யத்த² ஸேனாஸனக்³கா³ஹோ படிப்பஸ்ஸம்ப⁴தி, தத்த².
207. பி⁴க்கு²ஸ்ஸ காலகதேதி எத்த² காலகத-ஸத்³தோ³ பா⁴வஸாத⁴னோதி ஆஹ ‘‘காலகிரியாயா’’தி. பாளியங் கி³லானுபட்டா²கானங் சீவரதா³னே ஸாமணேரானங் திசீவராதி⁴ட்டா²னாபா⁴வா ‘‘சீவரஞ்ச பத்தஞ்சா’’திஆதி³ ஸப்³ப³த்த² வுத்தங்.
208. ஸசேபி ஸஹஸ்ஸங் அக்³க⁴தி, கி³லானுபட்டா²கானஞ்ஞேவ தா³தப்³ப³ந்தி ஸம்ப³ந்தோ⁴. அஞ்ஞந்தி திசீவரபத்ததோ அஞ்ஞங். அப்பக்³க⁴ந்தி அதிஜிண்ணாதி³பா⁴வேன நிஹீனங். ததோதி அவஸேஸபரிக்கா²ரதோ. ஸப்³ப³ந்தி பத்தங் சீவரஞ்ச. தத்த² தத்த² ஸங்க⁴ஸ்ஸேவாதி தஸ்மிங் தஸ்மிங் அவிஸ்ஸஜ்ஜிகங் அவேப⁴ங்கி³கந்தி ஆக³தானாக³தஸ்ஸ சாதுத்³தி³ஸஸ்ஸ ஸங்க⁴ஸ்ஸேவ ஸந்தகங் ஹுத்வா கஸ்ஸசி அவிஸ்ஸஜ்ஜிகங் அவேப⁴ங்கி³கஞ்ச ப⁴விதுங் அனுஜானாமீதி அத்தோ². ‘‘ஸந்தே பதிரூபே கா³ஹகே’’தி வுத்தத்தா கா³ஹகே அஸதி அத³த்வா பா⁴ஜிதேபி ஸுபா⁴ஜிதமேவாதி த³ட்ட²ப்³ப³ங். த³க்கி²ணோத³கங் பமாணந்தி எத்த² ஸாரத்த²தீ³பனியங் (ஸாரத்த²॰ டீ॰ மஹாவக்³க³ 3.376) தாவ ‘‘யத்த² பன த³க்கி²ணோத³கங் பமாணந்தி பி⁴க்கூ² யஸ்மிங் ரட்டே² த³க்கி²ணோத³கபடிக்³க³ஹணமத்தேனபி தெ³ய்யத⁴ம்மஸ்ஸ ஸாமினோ ஹொந்தீதி அதி⁴ப்பாயோ’’தி வுத்தங். விமதிவினோத³னியங் (வி॰ வி॰ டீ॰ மஹாவக்³க³ 2.376) பன ‘‘த³க்கி²ணோத³கங் பமாணந்தி எத்தகானி சீவரானி த³ஸ்ஸாமீதி பட²மங் உத³கங் பாதெத்வா பச்சா² தெ³ந்தி, தங் யேஹி க³ஹிதங், தே பா⁴கி³னோவ ஹொந்தீதி அதி⁴ப்பாயோ’’தி வுத்தங். பரஸமுத்³தே³தி ஜம்பு³தீ³பே. தம்ப³பண்ணிதீ³பஞ்ஹி உபாதா³யேஸ ஏவங் வுத்தோ.
‘‘மதகசீவரங் அதி⁴ட்டா²தீ’’தி எத்த² மக்³க³ங் க³ச்ச²ந்தோ தஸ்ஸ காலகிரியங் ஸுத்வா அவிஹாரட்டா²னே சே த்³வாத³ஸஹத்த²ப்³ப⁴ந்தரே அஞ்ஞேஸங் பி⁴க்கூ²னங் அபா⁴வங் ஞத்வா ‘‘இத³ங் சீவரங் மய்ஹங் பாபுணாதீ’’தி அதி⁴ட்டா²தி, ஸ்வாதி⁴ட்டி²தங். தேன கோ² பன ஸமயேன அஞ்ஞதரோ பி⁴க்கு² ப³ஹுப⁴ண்டோ³ ப³ஹுபரிக்கா²ரோ காலகதோ ஹோதி. ப⁴க³வதோ ஏதமத்த²ங் ஆரோசேஸுங், ‘‘பி⁴க்கு²ஸ்ஸ, பி⁴க்க²வே, காலகதே ஸங்கோ⁴ ஸாமீ பத்தசீவரே. அபிச கி³லானுபட்டா²கா ப³ஹுபகாரா, அனுஜானாமி, பி⁴க்க²வே, திசீவரஞ்ச பத்தஞ்ச கி³லானுபட்டா²கானங் தா³துங். யங் தத்த² லஹுப⁴ண்ட³ங் லஹுபரிக்கா²ரங், தங் ஸம்முகீ²பூ⁴தேன ஸங்கே⁴ன பா⁴ஜேதுங். யங் தத்த² க³ருப⁴ண்ட³ங் க³ருபரிக்கா²ரங், தங் ஆக³தானாக³தஸ்ஸ சாதுத்³தி³ஸஸ்ஸ
தத்த² திசீவரபத்தங் கி³லானுபட்டா²கஸ்ஸ பா⁴கோ³ ஹோதி, அவஸேஸலஹுப⁴ண்ட³ங் ஸம்முகீ²பூ⁴தஸங்க⁴ஸ்ஸ, பஞ்சவீஸதிவித⁴ க³ருப⁴ண்ட³ங் சாதுத்³தி³ஸஸங்க⁴ஸ்ஸ. இமினா இதோ திவித⁴ப⁴ண்ட³தோ அஞ்ஞங் பி⁴க்கு²ப⁴ண்ட³ங் நாம நத்தி², இமேஹி திவிதே⁴ஹி புக்³க³லேஹி அஞ்ஞோ தா³யாதோ³ நாம நத்தீ²தி த³ஸ்ஸேதி. இதா³னி பன வினயத⁴ரா ‘‘பி⁴க்கூ²னங் அகப்பியப⁴ண்ட³ங் கி³ஹிபூ⁴தா ஞாதகா லப⁴ந்தீ’’தி வத³ந்தி, தங் கஸ்மாதி சே? ‘‘யே தஸ்ஸ த⁴னே இஸ்ஸரா க³ஹட்டா² வா பப்³ப³ஜிதா வா, தேஸங் தா³தப்³ப³’’ந்தி அட்ட²கதா²யங் ஆக³தத்தாதி. ஸச்சங் ஆக³தோ, ஸோ பன பாடோ² விஸ்ஸாஸக்³கா³ஹவிஸயே ஆக³தோ, ந தா³யஜ்ஜக³ஹணட்டா²னே. ‘‘க³ஹட்டா² வா பப்³ப³ஜிதா வா’’இச்சேவ ஆக³தோ, ந ‘‘ஞாதகா அஞ்ஞாதகா வா’’தி, தஸ்மா ஞாதகா வா ஹொந்து அஞ்ஞாதகா வா, யே தங் கி³லானங் உபட்ட²ஹந்தி, தே கி³லானுபட்டா²கபா⁴க³பூ⁴தஸ்ஸ த⁴னஸ்ஸ இஸ்ஸரா க³ஹட்ட²பப்³ப³ஜிதா, அந்தமஸோ மாதுகா³மாபி. தே ஸந்தா⁴ய ‘‘தேஸங் தா³தப்³ப³’’ந்தி வுத்தங், ந பன யே கி³லானங் நுபட்ட²ஹந்தி, தே ஸந்தா⁴ய. வுத்தஞ்ஹி அட்ட²கதா²யங் (மஹாவ॰ அட்ட²॰ 369) ‘‘கி³லானுபட்டா²கோ நாம கி³ஹீ வா ஹோது பப்³ப³ஜிதோ வா, அந்தமஸோ மாதுகா³மோபி, ஸப்³பே³ பா⁴க³ங் லப⁴ந்தீ’’தி.
அத² வா யோ பி⁴க்கு² அத்தனோ ஜீவமானகாலேயேவ ஸப்³ப³ங் அத்தனோ பரிக்கா²ரங் நிஸ்ஸஜ்ஜித்வா கஸ்ஸசி ஞாதகஸ்ஸ வா அஞ்ஞாதகஸ்ஸ வா க³ஹட்ட²ஸ்ஸ வா பப்³ப³ஜிதஸ்ஸ வா அதா³ஸி, கோசி ச ஞாதகோ வா அஞ்ஞாதகோ வா க³ஹட்டோ² வா பப்³ப³ஜிதோ வா விஸ்ஸாஸங் அக்³க³ஹேஸி, தாதி³ஸே ஸந்தா⁴ய ‘‘யே தஸ்ஸ த⁴னஸ்ஸ இஸ்ஸரா க³ஹட்டா² வா பப்³ப³ஜிதா வா, தேஸங் தா³தப்³ப³’’ந்தி
சீவரபா⁴ஜனகதா²வண்ணனா நிட்டி²தா.
பிண்ட³பாதபா⁴ஜனகதா²வண்ணனா
209. இதா³னி ‘‘பிண்ட³பாதபா⁴ஜனே பனா’’திஆதி³மாஹ. தத்த² ஸேனாஸனக்க²ந்த⁴கே ஸேனாஸனபா⁴ஜனேயேவ பட²மங் ஆக³தேபி சதுபச்சயபா⁴ஜனவினிச்ச²யத்தா பச்சயானுக்கமேன பிண்ட³பாதபா⁴ஜனங் பட²மங் த³ஸ்ஸேதி. பிண்ட³பாதபா⁴ஜனே பன ஸங்க⁴ப⁴த்தாதீ³ஸு அயங் வினிச்ச²யோதி ஸம்ப³ந்தோ⁴. கத²ங் ஏதானி ஸங்க⁴ப⁴த்தாதீ³னி ப⁴க³வதா அனுஞ்ஞாதானீதி ஆஹ ‘‘அனுஜானாமி…பே॰… அனுஞ்ஞாதேஸூ’’தி. ஸங்க⁴ஸ்ஸ அத்தா²ய ஆப⁴தங் ப⁴த்தங் ஸங்க⁴ப⁴த்தங் யதா² ‘‘ஆக³ந்துகஸ்ஸ ஆப⁴தங் ப⁴த்தங் ஆக³ந்துகப⁴த்த’’ந்தி. ஸங்க⁴தோ உத்³தி³ஸ்ஸ உத்³தி³ஸித்வா தா³தப்³ப³ங் ப⁴த்தங் உத்³தே³ஸப⁴த்தங். நிமந்தெத்வா தா³தப்³ப³ங் ப⁴த்தங் நிமந்தனப⁴த்தங். ஸலாகங் பாதெத்வா கா³ஹேதப்³ப³ங் ப⁴த்தங் ஸலாகப⁴த்தங். பக்கே² பக்க²தி³வஸே தா³தப்³ப³ங் ப⁴த்தங் பக்க²ப⁴த்தங். உபோஸதே² உபோஸத²தி³வஸே தா³தப்³ப³ங் ப⁴த்தங் உபோஸத²ப⁴த்தங். பாடிபதே³ உபோஸத²தி³வஸதோ து³தியதி³வஸே தா³தப்³ப³ங் ப⁴த்தங் பாடிபத³ப⁴த்தந்தி விக்³க³ஹோ. டி²திகா நாம நத்தீ²தி ஸங்க⁴த்தே²ரதோ பட்டா²ய வஸ்ஸக்³கே³ன கா³ஹணங் டி²திகா நாம.
அத்தனோ விஹாரத்³வாரேதி விஹாரஸ்ஸ த்³வாரகொட்ட²கஸமீபங் ஸந்தா⁴ய வுத்தங். போ⁴ஜனஸாலாயாதி ப⁴த்துத்³தே³ஸட்டா²னபூ⁴தாய போ⁴ஜனஸாலாயங். வஸ்ஸக்³கே³னாதி வஸ்ஸகொட்டா²ஸேன. தி³ன்னங் பனாதி வத்வா யதா² ஸோ தா³யகோ வத³தி, தங் விதி⁴ங் த³ஸ்ஸேதுங் ‘‘ஸங்க⁴தோ ப⁴ந்தே’’திஆதி³மாஹ. அந்தரக⁴ரேதி அந்தோகே³ஹே. அந்தோஉபசாரக³தானந்தி எத்த² கா³மத்³வாரவீதி²சதுக்கேஸு த்³வாத³ஸஹத்த²ப்³ப⁴ந்தரங் உபசாரோ நாம.
அந்தரக⁴ரஸ்ஸ உபசாரே பன லப்³ப⁴மானவிஸேஸங் த³ஸ்ஸேதுங் ‘‘க⁴ரூபசாரோ செத்தா²’’திஆதி³மாஹ. ஏகவளஞ்ஜந்தி ஏகேன த்³வாரேன வளஞ்ஜிதப்³ப³ங். நானானிவேஸனேஸூதி நானாகுலஸ்ஸ நானூபசாரேஸு நிவேஸனேஸு. லஜ்ஜீ பேஸலோ அக³திக³மனங் வஜ்ஜெத்வா மேதா⁴வீ ச உபபரிக்கி²த்வா உத்³தி³ஸதீதி ஆஹ ‘‘பேஸலோ லஜ்ஜீ மேதா⁴வீ இச்சி²தப்³போ³’’தி. நிஸின்னஸ்ஸபி நித்³தா³யந்தஸ்ஸபீதி அனாத³ரே ஸாமிவசனங், வுட்³ட⁴தரே நித்³தா³யந்தே நவகஸ்ஸ கா³ஹிதங் ஸுக்³கா³ஹிதந்தி அத்தோ². திசீவரபரிவாரங் வாதி எத்த² ‘‘உத³கமத்தலாபீ⁴ விய அஞ்ஞோபி உத்³தே³ஸப⁴த்தங் அலபி⁴த்வா வத்தா²தி³அனேகப்பகாரகங் லப⁴தி சே, தஸ்ஸேவ த’’ந்தி க³ண்டி²பதே³ஸு வுத்தங். அத்தனோ ருசிவஸேன யங் கிஞ்சி வத்வா ஆஹரிதுங் விஸ்ஸஜ்ஜிதத்தா விஸ்ஸட்ட²தூ³தோ நாம. யங் இச்ச²தீதி ‘‘உத்³தே³ஸப⁴த்தங் தே³தா²’’திஆதீ³னி வத³ந்தோ யங் இச்ச²தி. புச்சா²ஸபா⁴கே³னாதி புச்சா²ஸதி³ஸேன.
‘‘ஏகா கூடட்டி²திகா நாம ஹோதீ’’தி வத்வா தமேவ டி²திகங் விபா⁴வெந்தோ ‘‘ரஞ்ஞோ வா ஹீ’’திஆதி³மாஹ. அஞ்ஞேஹி உத்³தே³ஸப⁴த்தாதீ³ஹி அமிஸ்ஸெத்வா விஸுங்யேவ டி²திகாய க³ஹேதப்³ப³த்தா ‘‘ஏகசாரிகப⁴த்தானீ’’தி வுத்தங். தெ²ய்யாய ஹரந்தீதி பத்தஹாரகா ஹரந்தி. கீ³வா ஹோதீதி ஆணாபகஸ்ஸ கீ³வா ஹோதி. ஸப்³ப³ங் பத்தஸ்ஸாமிகஸ்ஸ ஹோதீதி சீவராதி³கம்பி ஸப்³ப³ங் பத்தஸ்ஸாமிகஸ்ஸேவ ஹோதி, ‘‘மயா மனுஸ்ஸானங் வசனங் காதுங் வட்டதீதி வுத்தா க³ச்ச²ந்தீதி மனுஸ்ஸானங் வசனங் காதுங் வட்டதீதி தேன பி⁴க்கு²னா வுத்தா க³ச்ச²ந்தி. அகதபா⁴கோ³ நாமாதி ஆக³ந்துகபா⁴கோ³ நாம, அதி³ன்னபுப்³ப³பா⁴கோ³தி அத்தோ². ஸப்³போ³ ஸங்கோ⁴ பரிபூ⁴ஞ்ஜதூதி வுத்தேதி எத்த² ‘‘பட²மமேவ ‘ஸப்³ப³ஸங்கி⁴கப⁴த்தங் தே³தா²’தி வத்வா பச்சா² ‘ஸப்³போ³ ஸங்கோ⁴ பரிபு⁴ஞ்ஜதூ’தி அவுத்தேபி பா⁴ஜெத்வா பரிபு⁴ஞ்ஜிதப்³ப³’’ந்தி க³ண்டி²பதே³ஸு வுத்தங். கிங் ஆஹரீயதீதி அவத்வாதி ‘‘கதரப⁴த்தங் தயா ஆஹரீயதீ’’தி தா³யகங் அபுச்சி²த்வா. பகதிடி²திகாயாதி உத்³தே³ஸப⁴த்தடி²திகாய.
பிண்ட³பாதபா⁴ஜனகதா²வண்ணனா நிட்டி²தா.
நிமந்தனப⁴த்தகதா²வண்ணனா
210. ‘‘எத்தகே பி⁴க்கூ² ஸங்க⁴தோ உத்³தி³ஸித்வா தே³தா²’’திஆதீ³னி அவத்வா ‘‘எத்தகானங் பி⁴க்கூ²னங் ப⁴த்தங் தே³தா²’’தி வத்வா தி³ன்னங் ஸங்கி⁴கங் நிமந்தனங் நாம. பிண்ட³பாதிகானம்பி வட்டதீதி பி⁴க்கா²பரியாயேன வுத்தத்தா வட்டதி. படிபாடியாதி லத்³த⁴படிபாடியா. விச்சி²ந்தி³த்வாதி ‘‘ப⁴த்தங் க³ண்ஹதா²’’தி பத³ங் அவத்வா. தேனேவாஹ ‘‘ப⁴த்தந்தி அவத³ந்தேனா’’தி. ஆலோபஸங்கே²பேனாதி ஏகேகபிண்ட³வஸேன. அயஞ்ச நயோ நிமந்தனேயேவ, ந உத்³தே³ஸப⁴த்தே. தஸ்ஸ ஹி ஏகஸ்ஸ பஹோனகப்பமாணங்யேவ பா⁴ஜேதப்³ப³ங், தஸ்மா உத்³தே³ஸப⁴த்தே ஆலோபட்டி²திகா நாம நத்தி².
ஆருள்ஹாயேவ மாதிகங். ஸங்க⁴தோ அட்ட² பி⁴க்கூ²தி எத்த² யே மாதிகங் ஆருள்ஹா, தே அட்ட² பி⁴க்கூ²தி யோஜேதப்³ப³ங். உத்³தே³ஸப⁴த்தனிமந்தனப⁴த்தாதி³ஸங்கி⁴கப⁴த்தமாதிகாஸு நிமந்தனப⁴த்தமாதிகாய டி²திகாவஸேன ஆருள்ஹே ப⁴த்துத்³தே³ஸகேன வா ஸயங் வா ஸங்க⁴தோ உத்³தி³ஸாபெத்வா க³ஹெத்வா க³ந்தப்³ப³ங், ந அத்தனா மாதிகங் ஆரோபெத்வாதி ‘‘ஸங்க⁴தோ க³ண்ஹாமீ’’திஆதி³னா வுத்தமாதிகாபே⁴த³ங் தா³யகஸ்ஸ விஞ்ஞாபெத்வாதி அத்தோ². ‘‘ஏகவாரந்தி யாவ தஸ்மிங் ஆவாஸே வஸந்தி பி⁴க்கூ² ஏகவாரந்தி ந ஏகதி³வஸங் ஸந்தா⁴ய வுத்தங், யத்தகா பன பி⁴க்கூ² தஸ்மிங் ஆவாஸே வஸந்தி, தே ஸப்³பே³. ஏகஸ்மிங் தி³வஸே க³ஹிதபி⁴க்கூ² அஞ்ஞதா³ அக்³க³ஹெத்வா யாவ ஏகவாரங் ஸப்³பே³ பி⁴க்கூ² போ⁴ஜிதா ஹொந்தீதி ஜானாதி சே, யே ஜானந்தி, தே க³ஹெத்வா க³ந்தப்³ப³ந்தி. படிப³த்³த⁴காலதோ பட்டா²யாதி தத்தே²வ வாஸஸ்ஸ நிப³த்³த⁴காலதோ பட்டா²ய.
நிமந்தனப⁴த்தகதா²வண்ணனா நிட்டி²தா.
ஸலாகப⁴த்தகதா²வண்ணனா
211. உபனிப³ந்தி⁴த்வாதி லிகி²த்வா. கா³மவஸேனபீதி யேபு⁴ய்யேன ஸமலாப⁴கா³மவஸேனபி. ப³ஹூனி ஸலாகப⁴த்தானீதி திங்ஸங் வா சத்தாரீஸங் வா ப⁴த்தானி. ஸசே ஹொந்தீதி அஜ்ஜா²ஹரித்வா யோஜேதப்³ப³ங். ஸல்லக்கெ²த்வாதி தானி ப⁴த்தானி பமாணவஸேன ஸல்லக்கெ²த்வா. நிக்³க³ஹேன த³த்வாதி தூ³ரங் க³ந்துங் அனிச்ச²ந்தஸ்ஸ நிக்³க³ஹேன ஸம்படிச்சா²பெத்வா. புன விஹாரங் ஆக³ந்த்வாதி எத்த² விஹாரங் அனாக³ந்த்வா ப⁴த்தங் க³ஹெத்வா பச்சா² விஹாரே அத்தனோ பாபெத்வா பு⁴ஞ்ஜிதும்பி வட்டதி. ஏககே³ஹவஸேனாதி வீதி²யம்பி ஏகபஸ்ஸே க⁴ரபாளியா வஸேன. உத்³தி³ஸித்வாபீதி ‘‘அஸுககுலே ஸலாகப⁴த்தானி துய்ஹங் பாபுணந்தீ’’தி வத்வா.
212. வாரகா³மேதி அதிதூ³ரத்தா வாரேன க³ந்தப்³ப³கா³மே. ஸட்டி²தோ வா பண்ணாஸதோ வாதி த³ண்ட³கம்மத்தா²ய உத³கக⁴டங் ஸந்தா⁴ய வுத்தங். விஹாரவாரோதி ஸப்³ப³பி⁴க்கூ²ஸு பி⁴க்கா²ய நேஸந்தி விஹாரவாரிகானங். பா²திகம்மமேவாதி விஹாரரக்க²ணகிச்சஸ்ஸ பஹோனகபடிபாத³னமேவ. தூ³ரத்தா நிக்³க³ஹெத்வாபி வாரேன க³ஹேதப்³போ³ கா³மோ வாரகா³மோ. விஹாரவாரே நியுத்தா விஹாரவாரிகா, வாரேன விஹாரரக்க²ணகா. அஞ்ஞத²த்தந்தி பஸாத³ஞ்ஞத²த்தங். பா²திகம்மமேவ ப⁴வந்தீதி விஹாரரக்க²ணத்தா²ய ஸங்கே⁴ன தா³தப்³பா³ அதிரேகலாபா⁴ ஹொந்தி. ஏகஸ்ஸேவ பாபுணந்தீதி தி³வஸே தி³வஸே ஏகேகஸ்ஸேவ பாபிதானீதி அத்தோ². ஸங்க⁴னவகேன லத்³த⁴காலேதி தி³வஸே தி³வஸே ஏகேகஸ்ஸ பாபிதானி த்³வே தீணி ஏகசாரிகப⁴த்தானி தேனேவ நியாமேன அத்தனோ பாபுணனட்டா²னே ஸங்க⁴னவகேன லத்³த⁴காலே.
யஸ்ஸ கஸ்ஸசி ஸம்முகீ²பூ⁴தஸ்ஸ பாபெத்வாதி எத்த² ‘‘யேபு⁴ய்யேன சே பி⁴க்கூ² ப³ஹிஸீமக³தா ஹொந்தி, ஸம்முகீ²பூ⁴தஸ்ஸ யஸ்ஸ கஸ்ஸசி பாபேதப்³ப³ங் ஸபா⁴க³த்தா ஏகேன லத்³த⁴ங் ஸப்³பே³ஸங் ஹோதி, தஸ்மிம்பி அஸதி அத்தனோ பாபெத்வா தா³தப்³ப³’’ந்தி க³ண்டி²பதே³ஸு வுத்தங். ரஸஸலாகந்தி உச்சு²ரஸஸலாகங். ஸலாகவஸேன பன கா³ஹிதத்தா ந ஸாதி³தப்³பா³தி இத³ங் அஸாருப்பவஸேன வுத்தங், ந து⁴தங்க³பே⁴த³வஸேன. ‘‘ஸங்க⁴தோ நிராமிஸஸலாகா…பே॰… வட்டதியேவா’’தி ஹி விஸுத்³தி⁴மக்³கே³ (விஸுத்³தி⁴॰ 1.26) வுத்தங். ஸாரத்த²தீ³பனியம்பி (ஸாரத்த²॰ டீ॰ சூளவக்³க³ 3.325) – ஸங்க⁴தோ நிராமிஸஸலாகாபி விஹாரே பக்கப⁴த்தம்பி வட்டதியேவாதி ஸாதா⁴ரணங் கத்வா விஸுத்³தி⁴மக்³கே³ (விஸுத்³தி⁴॰ 1.26) வுத்தத்தா, ‘‘ஏவங் கா³ஹிதே ஸாதி³தப்³ப³ங், ஏவங் ந ஸாதி³தப்³ப³’’ந்தி விஸேஸெத்வா அவுத்தத்தா ச ‘‘பே⁴ஸஜ்ஜாதி³ஸலாகாயோ செத்த² கிஞ்சாபி பிண்ட³பாதிகானம்பி வட்டந்தி, ஸலாகவஸேன பன கா³ஹிதத்தா ந ஸாதி³தப்³பா³’’தி எத்த² அதி⁴ப்பாயோ வீமங்ஸிதப்³போ³. யதி³ ஹி பே⁴ஸஜ்ஜாதி³ஸலாகா ஸலாகவஸேன கா³ஹிதா ந ஸாதி³தப்³பா³ ஸியா, ‘‘ஸங்க⁴தோ நிராமிஸஸலாகா வட்டதியேவா’’தி அக்³க³பி⁴க்கா². அக்³க³பி⁴க்கா²மத்தந்தி ஏககடச்சு²பி⁴க்கா²மத்தங். லத்³தா⁴ வா அலத்³தா⁴ வா ஸ்வேபி க³ண்ஹெய்யாஸீதி லத்³தே⁴பி அப்பமத்ததாய வுத்தங். தேனாஹ ‘‘யாவத³த்த²ங் லப⁴தி…பே॰… அலபி⁴த்வா ஸ்வே க³ண்ஹெய்யாஸீதி வத்தப்³போ³’’தி. அக்³க³பி⁴க்க²மத்தந்தி ஹி எத்த² மத்த-ஸத்³தோ³ ப³ஹுபா⁴வங் நிவத்தேதி.
ஸலாகப⁴த்தங் நாம விஹாரேயேவ உத்³தி³ஸீயதி விஹாரமேவ ஸந்தா⁴ய தீ³யமானத்தாதி ஆஹ ‘‘விஹாரே அபாபிதங் பனா’’திஆதி³. தத்ர ஆஸனஸாலாயாதி தஸ்மிங் கா³மே ஆஸனஸாலாய. விஹாரங் ஆனெத்வா கா³ஹேதப்³ப³ந்தி ததா² வத்வா தஸ்மிங் தி³வஸே தி³ன்னப⁴த்தங் விஹாரமேவ ஆனெத்வா டி²திகாய கா³ஹேதப்³ப³ங். தத்தா²தி தஸ்மிங் தி³ஸாபா⁴கே³. தங் க³ஹெத்வாதி தங் வாரகா³மஸலாகங் அத்தனா க³ஹெத்வா. தேனாதி யோ அத்தனோ பத்தவாரகா³மே ஸலாகங் தி³ஸாக³மிகஸ்ஸ அதா³ஸி, தேன. அனதிக்கமந்தேயேவ தஸ்மிங் தஸ்ஸ ஸலாகா கா³ஹேதப்³பா³தி யஸ்மா உபசாரஸீமட்ட²ஸ்ஸேவ ஸலாகா பாபுணாதி, தஸ்மா தஸ்மிங் தி³ஸங்க³மிகே உபசாரஸீமங் அனதிக்கந்தேயேவ தஸ்ஸ தி³ஸங்க³மிகஸ்ஸ பத்தஸலாகா அத்தனோ பாபெத்வா கா³ஹேதப்³பா³.
தே³வஸிகங் பாபேதப்³பா³தி உபசாரஸீமாயங் டி²தஸ்ஸ யஸ்ஸ கஸ்ஸசி வஸ்ஸக்³கே³ன பாபேதப்³பா³. ஏவங் ஏதேஸு அனாக³தேஸு ஆஸன்னவிஹாரே பி⁴க்கூ²னங் பு⁴ஞ்ஜிதுங் வட்டதி, இதரதா² ஸங்கி⁴கங் ஹோதி. அனாக³ததி³வஸேதி எத்த² கத²ங் தேஸங் பி⁴க்கூ²னங் ஆக³தானாக³தபா⁴வோ அம்ஹாகங் கோ³சரகா³மேதி ஸலாகப⁴த்ததா³யகானங் கா³மே. பு⁴ஞ்ஜிதுங் ஆக³ச்ச²ந்தீதி ‘‘மஹாதே²ரோ ஏககோவ விஹாரே ஓஹீனோ அவஸ்ஸங் ஸப்³ப³ஸலாகா அத்தனோ பாபெத்வா டி²தோ’’தி மஞ்ஞமானா ஆக³ச்ச²ந்தி.
ஸலாகப⁴த்தகதா²வண்ணனா நிட்டி²தா.
பக்கி²கப⁴த்தாதி³கதா²வண்ணனா
213. அபி⁴லக்கி²தேஸு சதூஸு பக்க²தி³வஸேஸு தா³தப்³ப³ங் ப⁴த்தங் பக்கி²கங். அபி⁴லக்கி²தேஸூதி எத்த² அபீ⁴தி உபஸாரமத்தங், லக்க²ணியேஸுஇச்சேவத்தோ², உபோஸத²ஸமாதா³னத⁴ம்மஸ்ஸவனபூஜாஸக்காராதி³கரணத்த²ங் லக்கி²தப்³பே³ஸு ஸல்லக்கே²தப்³பே³ஸு உபலக்கே²தப்³பே³ஸூதி வுத்தங் ஹோதி. ஸ்வே பக்கோ²தி அஜ்ஜபக்கி²கங் ந கா³ஹேதப்³ப³ந்தி அட்ட²மியா பு⁴ஞ்ஜிதப்³ப³ங், ஸத்தமியா பு⁴ஞ்ஜனத்தா²ய ந கா³ஹேதப்³ப³ங், தா³யகேஹி நியமிததி³வஸேனேவ கா³ஹேதப்³ப³ந்தி அத்தோ². தேனாஹ ‘‘ஸசே பனா’’திஆதி³. ஸ்வே லூக²ந்தி அஜ்ஜ ஆவாஹமங்க³லாதி³கரணதோ அதிபணீதங் போ⁴ஜனங் கரீயதி, ஸ்வே ததா² ந ப⁴விஸ்ஸதி, அஜ்ஜேவ பி⁴க்கூ² போ⁴ஜெஸ்ஸாமாதி அதி⁴ப்பாயோ. ஸாரத்த²தீ³பனியங் (ஸாரத்த²॰ டீ॰ சூளவக்³க³ 3.325) பன அஞ்ஞதா² வுத்தங். பக்கி²கப⁴த்ததோ உபோஸதி²கப⁴த்தஸ்ஸ பே⁴த³ங் த³ஸ்ஸெந்தோ ஆஹ ‘‘உபோஸத²ங்கா³னி ஸமாதி³யித்வா’’திஆதி³. உபோஸதே² தா³தப்³ப³ங் ப⁴த்தங் உபோஸதி²கங்.
பக்கி²கப⁴த்தாதி³கதா²வண்ணனா நிட்டி²தா.
ஆக³ந்துகப⁴த்தாதி³கதா²வண்ணனா
214. நிப³ந்தா⁴பிதந்தி க³மிகோ ஆக³ந்துகப⁴த்தம்பீதி கா³மந்தரதோ ஆக³ந்த்வா அவூபஸந்தேன க³மிகசித்தேன வஸித்வா புன அஞ்ஞத்த² க³ச்ச²ந்தங் ‘‘லேஸங் ஒட்³டெ³த்வா’’தி வுத்தத்தா லேஸாபா⁴வேன யாவ க³மனபரிப³ந்தோ⁴ விக³ச்ச²தி, தாவ பு⁴ஞ்ஜிதுங் வட்டதீதி ஞாபிதந்தி த³ட்ட²ப்³ப³ங்.
து⁴ரப⁴த்தாதி³கதா²வண்ணனா
215. தண்டு³லாதீ³னி பேஸெந்தி…பே॰… வட்டதீதி அபி⁴ஹடபி⁴க்க²த்தா வட்டதி.
216. ததா² படிக்³க³ஹிதத்தாதி பி⁴க்கா²னாமேன படிக்³க³ஹிதத்தா. பத்தங் பூரெத்வா த²கெத்வா தி³ன்னந்தி ‘‘கு³ளகப⁴த்தங் தே³மா’’தி தி³ன்னங். ஸேஸங் ஸுவிஞ்ஞெய்யமேவ.
பிண்ட³பாதபா⁴ஜனகதா²வண்ணனா நிட்டி²தா.
கி³லானபச்சயபா⁴ஜனகதா²வண்ணனா
217. இதோ பரங் பச்சயானுக்கமேன ஸேனாஸனபா⁴ஜனகதா²ய வத்தப்³பா³யபி தஸ்ஸா மஹாவிஸயத்தா, கி³லானபச்சயபா⁴ஜனீயகதா²ய பன அப்பவிஸயத்தா, பிண்ட³பாதபா⁴ஜனீயகதா²ய அனுலோமத்தா ச தத³னந்தரங் தங் த³ஸ்ஸேதுமாஹ ‘‘கி³லானபச்சயபா⁴ஜனீயங் பனா’’திஆதி³. தத்த² ராஜராஜமஹாமத்தாதி உபலக்க²ணமத்தமேவேதங். ப்³ராஹ்மணமஹாஸாலக³ஹபதிமஹாஸாலாத³யோபி ஏவங் கரொந்தியேவ. க⁴ண்டிங் பஹரித்வாதிஆதி³ ஹெட்டா² வுத்தனயத்தா ச பாகடத்தா உபசாரஸீமங்…பே॰… பா⁴ஜேதப்³ப³ந்தி இத³ங் ஸங்க⁴ங் உத்³தி³ஸ்ஸ தி³ன்னத்தா வுத்தங். கும்ப⁴ங் பன ஆவஜ்ஜெத்வாதி கும்ப⁴ங் தி³ஸாமுக²ங் கத்வா. ஸசே தி²னங் ஸப்பி ஹோதீதி கக்க²ளங் ஸப்பி ஹோதி. தோ²கங் தோ²கம்பி பாபேதுங் வட்டதீதி ஏவங் கதே டி²திகாபி திட்ட²தி. ஸிங்கி³வேரமரிசாதி³பே⁴ஸஜ்ஜம்பி அவஸேஸபத்ததா²லகாதி³ஸமணபரிக்கா²ரோபீதி இமினா ந கேவலங் பே⁴ஸஜ்ஜமேவ கி³லானபச்சயோ ஹோதி, அத² கோ² அவஸேஸபரிக்கா²ரோபி கி³லானபச்சயே அந்தோக³தோ⁴யேவாதி த³ஸ்ஸேதி.
கி³லானபச்சயபா⁴ஜனகதா²வண்ணனா நிட்டி²தா.
ஸேனாஸனக்³கா³ஹகதா²வண்ணனா
218. ஸேனாஸனபா⁴ஜனகதா²யங் ஸேனாஸனக்³கா³ஹே வினிச்ச²யோதி ஸேனாஸனபா⁴ஜனமேவாஹ. தத்த² உதுகாலே ஸேனாஸனக்³கா³ஹோ ச வஸ்ஸாவாஸே ஸேனாஸனக்³கா³ஹோ சாதி காலவஸேன ஸேனாஸனக்³கா³ஹோ நாம து³விதோ⁴ ஹோதீதி யோஜனா. தத்த² உதுகாலேதி ஹேமந்தகி³ம்ஹானஉதுகாலே. வஸ்ஸாவாஸேதி வஸ்ஸானகாலே. பி⁴க்கு²ங் உட்டா²பெத்வா ஸேனாஸனங் தா³தப்³ப³ங், அகாலோ நாம நத்தி² தா³யகேஹி ‘‘ஆக³தானாக³தஸ்ஸ சாதுத்³தி³ஸஸ்ஸ ஸங்க⁴ஸ்ஸ த³ம்மீ’’தி தி³ன்னஸங்கி⁴கஸேனாஸனத்தா. ஏகேகங் பரிவேணந்தி ஏகேகஸ்ஸ பி⁴க்கு²ஸ்ஸ ஏகேகங் பரிவேணங். தத்தா²தி தஸ்மிங் லத்³த⁴பரிவேணே. தீ³க⁴ஸாலாதி சங்கமனஸாலா. மண்ட³லமாளோதி உபட்டா²னஸாலா. அனுத³ஹதீதி பீளேதி. அதா³துங் ந லப⁴தீதி இமினா ஸஞ்சிச்ச அதெ³ந்தஸ்ஸ படிபா³ஹனே பவிஸனதோ து³க்கடந்தி தீ³பேதி. ஜம்பு³தீ³பே பனாதி அரியதே³ஸே பி⁴க்கூ² ஸந்தா⁴ய வுத்தங். தே கிர ததா² பஞ்ஞாபெந்தி.
219. ந கோ³சரகா³மோ க⁴ட்டேதப்³போ³தி வுத்தமேவத்த²ங் விபா⁴வேதி ‘‘ந தத்த² மனுஸ்ஸா வத்தப்³பா³’’திஆதி³னா. விதக்கங் சி²ந்தி³த்வாதி ‘‘இமினா நீஹாரேன க³ச்ச²ந்தங் தி³ஸ்வா நிவாரெத்வா பச்சயே த³ஸ்ஸந்தீ’’தி ஏவரூபங் விதக்கங் அனுப்பாதெ³த்வா. தேஸு சே ஏகோதி தேஸு மனுஸ்ஸேஸு ஏகோ பண்டி³தபுரிஸோ. ப⁴ண்ட³படிச்சா²த³னந்தி படிச்சா²த³னப⁴ண்ட³ங், ஸரீரபடிச்சா²த³னங் சீவரந்தி அத்தோ². ஸுத்³த⁴சித்தத்தாவ அனவஜ்ஜந்தி இத³ங் புச்சி²தக்க²ணே காரணாசிக்க²ணங் ஸந்தா⁴ய வுத்தங் ந ஹோதி அஸுத்³த⁴சித்தஸ்ஸபி புச்சி²தபஞ்ஹவிஸ்ஸஜ்ஜனே தோ³ஸாபா⁴வா. ஏவங் பன க³தே மங் புச்சி²ஸ்ஸந்தீதி ஸஞ்ஞாய அக³மனங் ஸந்தா⁴ய வுத்தந்தி த³ட்ட²ப்³ப³ங்.
படிஜக்³கி³தப்³பா³னீதி க²ண்ட³பு²ல்லாபி⁴ஸங்க²ரணஸம்மஜ்ஜனாதீ³ஹி படிஜக்³கி³தப்³பா³னி. முண்ட³வேதி³காயாதி சேதியஸ்ஸ ஹம்மியவேதி³காய க⁴டாகாரஸ்ஸ உபரி சதுரஸ்ஸவேதி³காய. கத்த² புச்சி²தப்³ப³ந்தி புச்சா²ய யதோ பகதியா லப்³ப⁴தி, தத்த² புச்சி²தப்³ப³ந்தி விஸ்ஸஜ்ஜனா. கஸ்மா புச்சி²தப்³ப³ந்திஆதி³ யதோ பகதியா லப்³ப⁴தி, தத்தா²பி புச்ச²னஸ்ஸ காரணஸந்த³ஸ்ஸனத்த²ங் வுத்தங். படிக்கம்மாதி விஹாரதோ அபஸக்கித்வா. தமத்த²ங் த³ஸ்ஸெந்தோ ‘‘யோஜனத்³வியோஜனந்தரே ஹோதீ’’தி ஆஹ. உபனிக்கே²பந்தி கெ²த்தங் வா நாளிகேராதி³ஆராமங் வா கஹாபணாதீ³னி வா ஆராமிகானங் நிய்யாதெத்வா ‘‘இதோ உப்பன்னா வட்³டி⁴ வஸ்ஸாவாஸிகத்தா²ய ஹோதூ’’தி தி³ன்னங். வத்தங் கத்வாதி தஸ்மிங் ஸேனாஸனே இதி ஸத்³தா⁴தெ³ய்யேதி ஏவங் ஹெட்டா² வுத்தனயேன ஸத்³தா⁴ய தா³தப்³பே³ வஸ்ஸாவாஸிகலாப⁴விஸயேதி அத்தோ².
வத்து² பனாதி தத்ருப்பாதே³ உப்பன்னரூபியங், தஞ்ச ‘‘ததோ சதுபச்சயங் பரிபு⁴ஞ்ஜதா²’’தி தி³ன்னகெ²த்தாதி³தோ உப்பன்னத்தா கப்பியகாரகானங் ஹத்தே² ‘‘கப்பியப⁴ண்ட³ங் பரிபு⁴ஞ்ஜதா²’’தி தா³யகேஹி தி³ன்னவத்து²ஸதி³ஸங் ஹோதீதி ஆஹ ‘‘கப்பியகாரகானஞ்ஹீ’’திஆதி³. ஸங்க⁴ஸுட்டு²தாயாதி ஸங்க⁴ஸ்ஸ ஹிதாய புக்³க³லவஸேனேவ காதப்³ப³ந்தி பரதோ வக்க²மானநயேன பி⁴க்கூ² சீவரேன கிலமந்தி, எத்தகங் நாம தண்டு³லபா⁴க³ங் பி⁴க்கூ²னங் சீவரங் காதுங் ருச்சதீதிஆதி³னா புக்³க³லபராமாஸவஸேனேவ காதப்³ப³ங், ‘‘ஸங்கோ⁴ சீவரேன கிலமதீ’’திஆதி³னா பன ஸங்க⁴பராமாஸவஸேன ந காதப்³ப³ங். கப்பியப⁴ண்ட³வஸேனாதி ஸாமஞ்ஞதோ வுத்தமேவத்த²ங் விபா⁴வேதுங் ‘‘சீவரதண்டு³லாதி³வஸேனேவ சா’’தி வுத்தங். ச-காரோ செத்த² பனஸத்³த³த்தே² வத்ததி, ந ஸமுச்சயத்தே²தி த³ட்ட²ப்³ப³ங். புக்³க³லவஸேனேவ கப்பியப⁴ண்ட³வஸேன ச அபலோகனப்பகாரங் த³ஸ்ஸேதுங் ‘‘தங் பன ஏவங் கத்தப்³ப³’’ந்திஆதி³ வுத்தங்.
சீவரபச்சயங் ஸல்லக்கெ²த்வாதி ஸத்³தா⁴தெ³ய்யதத்ருப்பாத³வஸேன தஸ்மிங் வஸ்ஸாவாஸே லப்³ப⁴மானசீவரஸங்கா²தங் பச்சயங் ‘‘எத்தக’’ந்தி பரிச்சி²ந்தி³த்வா. ஸேனாஸனஸ்ஸாதி ஸேனாஸனக்³கா³ஹாபணஸ்ஸ. வுத்தந்தி மஹாஅட்ட²கதா²யங் வுத்தங். கஸ்மா ஏவங் வுத்தந்தி ஆஹ ‘‘ஏவஞ்ஹீ’’திஆதி³, ஸேனாஸனக்³கா³ஹாபகஸ்ஸ அத்தனாவ அத்தனோ க³ஹணங் அஸாருப்பங், தஸ்மா உபோ⁴ அஞ்ஞமஞ்ஞங் கா³ஹெஸ்ஸந்தீதி அதி⁴ப்பாயோ. ஸம்மதஸேனாஸனக்³கா³ஹாபகஸ்ஸ ஆணத்தியா அஞ்ஞேன க³ஹிதோபி கா³ஹோ ருஹதியேவாதி வேதி³தப்³ப³ங். அட்ட²பி ஸோளஸபி ஜனே ஸம்மன்னிதுங் வட்டதீதி விஸுங் விஸுங் ஸம்மன்னிதுங் வட்டதி, உதா³ஹு ஏகதோதி? ஏகதோபி வட்டதி. ஏககம்மவாசாய ஸப்³பே³பி ஏகதோ ஸம்மன்னிதுங் வட்டதி. நிக்³க³ஹகம்மமேவ ஹி ஸங்கோ⁴ ஸங்க⁴ஸ்ஸ ந கரோதி. ஸம்முதிதா³னங் பன ப³ஹூனம்பி ஏகதோ காதுங் வட்டதி. தேனேவ ஸத்தஸதிகக்க²ந்த⁴கே உப்³பா³ஹிகஸம்முதியங் அட்ட²பி ஜனா ஏகதோ ஸம்மதாதி. ஆஸனக⁴ரந்தி படிமாக⁴ரங். மக்³கோ³தி உபசாரஸீமப்³ப⁴ந்தரக³தே கா³மாபி⁴முக²மக்³கே³ கதஸாலா வுச்சதி, ஏவங் பொக்க²ரணிருக்க²மூலாதீ³ஸுபி. ருக்க²மூலாத³யோ
220. மஹாலாப⁴பரிவேணகதா²யங் லப⁴ந்தீதி தத்ர வாஸினோ பி⁴க்கூ² லப⁴ந்தி. விஜடெத்வாதி ஏகேகஸ்ஸ பஹோனகப்பமாணேன வியோஜெத்வா. ஆவாஸேஸூதி ஸேனாஸனேஸு. பக்கி²பித்வாதி எத்த² பக்கி²பனங் பவிஸிதப்³ப³ந்தி அஞ்ஞேஹி பி⁴க்கூ²ஹி தஸ்மிங் மஹாலாபே⁴ பரிவேணே வஸித்வா சேதியே வத்தங் கத்வாவ லாபோ⁴ க³ஹேதப்³போ³தி அதி⁴ப்பாயோ.
221. பச்சயங் விஸ்ஸஜ்ஜேதீதி சீவரபச்சயங் நாதி⁴வாஸேதி. அயம்பீதி தேன விஸ்ஸஜ்ஜிதபச்சயோபி. பாத³மூலே ட²பெத்வா ஸாடகங் தெ³ந்தீதி பச்சயதா³யகா தெ³ந்தி. ஏதேன க³ஹட்டே²ஹி பாத³மூலே ட²பெத்வா தி³ன்னம்பி பங்ஸுகூலிகானம்பி வட்டதீதி த³ஸ்ஸேதி. அத² வஸ்ஸாவாஸிகங் தே³மாதி வத³ந்தீதி எத்த² ‘‘பங்ஸுகூலிகானங் ந வட்டதீ’’தி அஜ்ஜா²ஹரித்வா யோஜேதப்³ப³ங். வஸ்ஸங் வுத்த²பி⁴க்கூ²னந்தி பங்ஸுகூலிகதோ அஞ்ஞேஸங் பி⁴க்கூ²னங். உபனிப³ந்தி⁴த்வா கா³ஹேதப்³ப³ந்தி ‘‘இமஸ்மிங் ருக்கே² வா மண்ட³பே வா வஸித்வா சேதியே வத்தங் கத்வா க³ண்ஹதா²’’தி ஏவங் உபனிப³ந்தி⁴த்வா கா³ஹேதப்³ப³ங்.
பாடிபத³அருணதோதிஆதி³ வஸ்ஸூபனாயிகதி³வஸங் ஸந்தா⁴ய வுத்தங். அந்தராமுத்தகங் பன பாடிபத³ங் அதிக்கமித்வாபி கா³ஹேதுங் வட்டதி. ‘‘கத்த² நு கோ² வஸிஸ்ஸாமி, கத்த² வஸந்தஸ்ஸ பா²ஸு ப⁴விஸ்ஸதி, கத்த² வா பச்சயே லபி⁴ஸ்ஸாமீ’’தி ஏவங் உப்பன்னேன விதக்கேன சரதீதி விதக்கசாரிகோ. இதா³னி யங் தா³யகா பச்சி²மவஸ்ஸங்வுத்தா²னங் வஸ்ஸாவாஸிகங் தே³தி, தத்த² படிபஜ்ஜனவிதி⁴ங் த³ஸ்ஸேதுங் ‘‘பச்சி²மவஸ்ஸூபனாயிகதி³வஸே பனா’’திஆதி³ ஆரத்³த⁴ங். ஆக³ந்துகோ சே பி⁴க்கூ²தி சீவரே கா³ஹிதே பச்சா² ஆக³தோ ஆக³ந்துகோ பி⁴க்கு². பத்தட்டா²னேதி வஸ்ஸக்³கே³ன ஆக³ந்துகபி⁴க்கு²னோ பட²மவஸ்ஸூபக³தாதி ஆக³ந்துகஸ்ஸ ஆக³மனதோ புரேதரமேவ பச்சி²மிகாய வஸ்ஸூபனாயிகாய வஸ்ஸூபக³தா. லத்³த⁴ங் லத்³த⁴ந்தி புனப்புனங் தா³யகானங் ஸந்திகா ஆக³தாக³தஸாடகங்.
ஸாதி³யந்தாபி ஹி தேனேவ வஸ்ஸாவாஸிகஸ்ஸ ஸாமினோதி சி²ன்னவஸ்ஸத்தா வுத்தங். பட²மமேவ கதிகாய கதத்தா ‘‘நேவ அதா³துங் லப⁴ந்தீ’’தி வுத்தங், தா³தப்³ப³ங் வாரெந்தானங் கீ³வா ஹோதீதி அதி⁴ப்பாயோ. தேஸமேவ தா³தப்³ப³ந்தி வஸ்ஸூபக³தேஸு அலத்³த⁴வஸ்ஸாவாஸிகானங் ஏகச்சானமேவ தா³தப்³ப³ங். ப⁴தினிவிட்ட²ந்தி ப⁴திங் கத்வா விய நிவிட்ட²ங் பரியிட்ட²ங். ப⁴தினிவிட்ட²ந்தி வா பானீயுபட்டா²னாதி³ப⁴திங் கத்வா லத்³த⁴ங். ஸங்கி⁴கங் பனாதிஆதி³ கேஸஞ்சி வாத³த³ஸ்ஸனங். தத்த² ஸங்கி⁴கங் பன அபலோகனகம்மங் கத்வா கா³ஹிதந்தி தத்ருப்பாத³ங் ஸந்தா⁴ய வுத்தங். தத்த² அபலோகனகம்மங் கத்வா கா³ஹிதந்தி ‘‘சி²ன்னவஸ்ஸாவாஸிகஞ்ச இதா³னி உப்பஜ்ஜனகவஸ்ஸாவாஸிகஞ்ச இமேஸங் தா³துங் ருச்சதீ’’தி அனந்தரே வுத்தனயேன விப்³ப⁴ந்தோபி லப⁴தேவ, பகே³வ சி²ன்னவஸ்ஸோ. பச்சயவஸேன கா³ஹிதங் பன தேமாஸங் வஸித்வா க³ஹேதுங் அத்தனா தா³யகேஹி ச அனுமதத்தா ப⁴தினிவிட்ட²ம்பி சி²ன்னவஸ்ஸோபி விப்³ப⁴ந்தோபி ந லப⁴தீதி கேசி ஆசரியா வத³ந்தி. இத³ஞ்ச பச்சா² வுத்தத்தா பமாணங், தேனேவ வஸ்ஸூபனாயிகதி³வஸே ஏவங் தா³யகேஹி தி³ன்னங் வஸ்ஸாவாஸிகங் க³ஹிதபி⁴க்கு²னோ வஸ்ஸச்சே²த³ங் அகத்வா வாஸோவ ஹெட்டா² விஹிதோ, ந பானீயுபட்டா²னாதி³ப⁴திகரணமத்தங். யதி³ ஹி தங் ப⁴தினிவிட்ட²மேவ ஸியா, ப⁴திகரணமேவ விதா⁴தப்³ப³ங், தஸ்மா வஸ்ஸக்³கே³ன கா³ஹிதங் சி²ன்னவஸ்ஸாத³யோ ந லப⁴ந்தீதி வேதி³தப்³ப³ங்.
‘‘இத⁴, பி⁴க்க²வே, வஸ்ஸங்வுத்தோ² பி⁴க்கு² விப்³ப⁴மதி, ஸங்க⁴ஸ்ஸேவ த’’ந்தி (மஹாவ॰ 374-375) வசனதோ ‘‘வதட்டா²னே…பே॰… ஸங்கி⁴கங் ஹோதீ’’தி வுத்தங் ஸங்கி⁴கங் ஹோதீதி ஏதேன வுத்த²வஸ்ஸானம்பி வஸ்ஸாவாஸிகபா⁴கோ³ ஸங்கி⁴கதோ அமோசிதோ தேஸங் விப்³ப⁴மேன ஸங்கி⁴கோ ஹோதீதி த³ஸ்ஸேதி. மனுஸ்ஸேதி தா³யகமனுஸ்ஸே. லப⁴தீதி ‘‘மம பத்தபா⁴வங் ஏதஸ்ஸ தே³தா²’’தி தா³யகே ஸம்படிச்சா²பெந்தேனேவ ஸங்கி⁴கதோ வியோஜிதங் ஹோதீதி வுத்தங். வரபா⁴க³ங் ஸாமணேரஸ்ஸாதி தஸ்ஸ பட²மகா³ஹத்தா, தே²ரேன புப்³பே³ பட²மபா⁴க³ஸ்ஸ க³ஹிதத்தா, இதா³னி க³ய்ஹமானஸ்ஸ து³தியபா⁴க³த்தா ச வுத்தங்.
222. இதா³னி அந்தராமுத்தஸேனாஸனக்³கா³ஹங் த³ஸ்ஸேதுங் ‘‘அயமபரோபீ’’த்யாதி³மாஹ. தத்த² அபரோபீதி புப்³பே³ வுத்தஸேனாஸனக்³கா³ஹத்³வயதோ அஞ்ஞோபீதி அத்தோ². நனு ச ‘‘அயங் ஸேனாஸனக்³கா³ஹோ நாம து³விதோ⁴ ஹோதி உதுகாலே ச வஸ்ஸாவாஸே சா’’தி வுத்தோ, அத² கஸ்மா ‘‘அயமபரோபீ’’த்யாதி³ வுத்தோதி சோத³னங் ஸந்தா⁴யாஹ ‘‘தி³வஸவஸேன ஹீ’’திஆதி³. அபரஜ்ஜுக³தாய ஆஸாள்ஹியாதி பட²மவஸ்ஸூபனாயிகதி³வஸபூ⁴தங் ஆஸாள்ஹிபுண்ணமியா பாடிபத³ங் ஸந்தா⁴ய வுத்தங், மாஸக³தாய ஆஸாள்ஹியாதி து³தியவஸ்ஸூபனாயிகதி³வஸபூ⁴தஸாவணபுண்ணமியா பாடிபத³ங். அபரஜ்ஜுக³தாய பவாரணாதி அஸ்ஸயுஜபுண்ணமியா பாடிபத³ங்.
223. உதுகாலே படிபா³ஹிதுங் ந லப⁴தீதி ஹேமந்தகி³ம்ஹேஸு அஞ்ஞே ஸம்பத்தபி⁴க்கூ² படிபா³ஹிதுங் ந லப⁴தி. நவகம்மந்தி நவகம்மஸம்முதி. அகதந்தி அபரிஸங்க²தங். விப்பகதந்தி அனிட்டி²தங். ஏகங் மஞ்சட்டா²னங் த³த்வாதி ஏகங் மஞ்சட்டா²னங் புக்³க³லிகங் த³த்வா. திபா⁴க³ந்தி ததியபா⁴க³ங். ஏவங் விஸ்ஸஜ்ஜனம்பி தா²வரேன தா²வரங் பரிவத்தனட்டா²னேயேவ பவிஸதி, ந இதரதா² ஸப்³ப³ஸேனாஸனவிஸ்ஸஜ்ஜனதோ ஸசே ஸத்³தி⁴விஹாரிகாதீ³னங் தா³துகாமோ ஹோதீதி ஸசே ஸோ ஸங்க⁴ஸ்ஸ ப⁴ண்ட³ட²பனட்டா²னங் வா அஞ்ஞேஸங் பி⁴க்கூ²னங் வஸனட்டா²னங் வா தா³துங் ந இச்ச²தி, அத்தனோ ஸத்³தி⁴விஹாரிகாதீ³னஞ்ஞேவ தா³துகாமோ ஹோதி, தாதி³ஸஸ்ஸ ‘‘கம்ம’’ந்திஆதி³. ஏவஞ்ஹீதிஆதி³ம்ஹி சயானுரூபங் ததியபா⁴கே³ வா உபட்³ட⁴பா⁴கே³ வா க³ஹிதே தங் பா⁴க³ங் தா³துங் லப⁴தீதி அத்தோ². யேனாதி தேஸு த்³வீஸு தீஸு பி⁴க்கூ²ஸு யேன. ஸோ ஸாமீதி தஸ்ஸா பூ⁴மியா விஹாரகரணே ஸோவ ஸாமீ, தங் படிபா³ஹித்வா இதரேன ந காதப்³ப³ந்தி அதி⁴ப்பாயோ.
224. அகதட்டா²னேதி ஸேனாஸனதோ ப³ஹி சயாதீ³னங் அகதட்டா²னே. சயங் வா பமுக²ங் வாதி ஸங்கி⁴கஸேனாஸனங் நிஸ்ஸாய ததோ ப³ஹி ப³ந்தி⁴த்வா ஏகங் ஸேனாஸனங் வா. ப³ஹிகுட்டேதி குட்டதோ ப³ஹி, அத்தனோ கதட்டா²னேதி அத்தோ². ஸேஸங் ஸுவிஞ்ஞெய்யமேவ.
ஸேனாஸனக்³கா³ஹகதா²வண்ணனா நிட்டி²தா.
சதுபச்சயஸாதா⁴ரணகதா²வண்ணனா
225. சதுபச்சயஸாதா⁴ரணகதா²யங் ஸம்மதேன அப்பமத்தகவிஸ்ஸஜ்ஜகேனாதி ஞத்திது³தியகம்மவாசாய வா அபலோகனகம்மேன வா ஸம்மதேன அப்பமத்தகவிஸ்ஸஜ்ஜகஸம்முதிலத்³தே⁴ன. அவிப⁴த்தங் ஸங்கி⁴கப⁴ண்ட³ந்தி புச்சி²தப்³ப³கிச்சங் நத்தீ²தி எத்த² அவிப⁴த்தங் ஸங்கி⁴கப⁴ண்ட³ந்தி குக்குச்சுப்பத்திஆகாரத³ஸ்ஸனங், ஏவங் குக்குச்சங் கத்வா புச்சி²தப்³ப³கிச்சங் நத்தி², அபுச்சி²த்வாவ தா³தப்³ப³ந்தி அதி⁴ப்பாயோ. கஸ்மாதி சே? எத்தகஸ்ஸ ஸங்கி⁴கப⁴ண்ட³ஸ்ஸ விஸ்ஸஜ்ஜனத்தா²யேவ ஸமக்³க³ஸ்ஸ ஸங்க⁴ஸ்ஸ அனுமதியா கதஸம்முதிகம்மத்தா. கு³ளபிண்டே³…பே॰… தா³தப்³போ³தி எத்த² கு³ளபிண்ட³ங் தாலபக்கப்பமாணந்தி வேதி³தப்³ப³ங். பிண்டா³ய பவிட்ட²ஸ்ஸபீதி இத³ங் உபலக்க²ணமத்தங். அஞ்ஞேன காரணேன ப³ஹிஸீமக³தஸ்ஸபி ஏஸேவ ஓத³னபடிவீஸோதி ஸங்க⁴ப⁴த்தாதி³ஸங்கி⁴கஓத³னபடிவீஸோ. அந்தோஉபசாரஸீமாயங் டி²தஸ்ஸாதி அனாத³ரே ஸாமிவசனங், அந்தோஉபசாரஸீமாயங் டி²தஸ்ஸேவ கா³ஹேதுங் வட்டதி, ந ப³ஹிஉபசாரஸீமங் பத்தஸ்ஸாதி அத்தோ². வுத்தஞ்ஹேதங் அட்ட²கதா²யங் (சூளவ॰ அட்ட²॰ 325) ‘‘ப³ஹிஉபசாரஸீமாய டி²தானங் கா³ஹேதா²தி வத³ந்தி, ந கா³ஹேதப்³ப³’’ந்தி. அந்தோகா³மட்டா²னம்பீதி எத்த² பி-ஸத்³தோ³ அவுத்தஸம்பிண்ட³னத்தோ², அந்தோகா³மட்டா²னம்பி ப³ஹிகா³மட்டா²னம்பி
சதுபச்சயஸாதா⁴ரணகதா²வண்ணனா நிட்டி²தா.
இதி வினயஸங்க³ஹஸங்வண்ணனாபூ⁴தே வினயாலங்காரே
சதுபச்சயபா⁴ஜனீயவினிச்ச²யகதா²லங்காரோ நாம
அட்ட²வீஸதிமோ பரிச்சே²தோ³.
விஹாரவினிச்ச²யகதா²வண்ணனா
இதா³னி சதுபச்சயந்தோக³த⁴த்தா விஹாரஸ்ஸ சதுபச்சயபா⁴ஜனகதா²னந்தரங் விஹாரவினிச்ச²யகதா² ஆரபீ⁴யதே. தத்ரித³ங் வுச்சதி –
‘‘கோ விஹாரோ கேனட்டே²ன;
விஹாரோ ஸோ கதிவிதோ⁴;
கேன ஸோ கஸ்ஸ தா³தப்³போ³;
கத²ங் கோ தஸ்ஸ இஸ்ஸரோ.
‘‘கேன ஸோ கா³ஹிதோ கஸ்ஸ;
அனுட்டா²பனியா கதி;
கதிஹங்கே³ஹி யுத்தஸ்ஸ;
து⁴வவாஸாய தீ³யதே’’தி.
தத்த² கோ விஹாரோதி சதூஸு பச்சயேஸு ஸேனாஸனஸங்கா²தோ சதூஸு ஸேனாஸனேஸு விஹாரஸேனாஸனஸங்கா²தோ பி⁴க்கூ²னங் நிவாஸபூ⁴தோ பதிஸ்ஸயவிஸேஸோ. கேனட்டே²ன விஹாரோதி விஹரந்தி எத்தா²தி விஹாரோ, இரியாபத²தி³ப்³ப³ப்³ரஹ்மஅரியஸங்கா²தேஹி சதூஹி விஹாரேஹி அரியா எத்த² விஹரந்தீத்யத்தோ². ஸோ கதிவிதோ⁴தி ஸங்கி⁴கவிஹாரக³ணஸந்தகவிஹாரபுக்³க³லிகவிஹாரவஸேன திப்³பி³தோ⁴. வுத்தஞ்ஹேதங் ஸமந்தபாஸாதி³காயங் ‘‘சாதுத்³தி³ஸங் ஸங்க⁴ங் உத்³தி³ஸ்ஸ பி⁴க்கூ²னங் தி³ன்னங் விஹாரங் வா பரிவேணங் வா ஆவாஸங் வா மஹந்தம்பி கு²த்³த³கம்பி அபி⁴யுஞ்ஜதோ அபி⁴யோகோ³ ந ருஹதி, அச்சி²ந்தி³த்வா க³ண்ஹிதும்பி ந ஸக்கோதி. கஸ்மா? ஸப்³பே³ஸங் து⁴ரனிக்கே²பாபா⁴வதோ. ந ஹெத்த² ஸப்³பே³ சாதுத்³தி³ஸா பி⁴க்கூ² து⁴ரனிக்கே²பங் கரொந்தீதி. தீ³க⁴பா⁴ணகாதி³பே⁴த³ஸ்ஸ பன க³ணஸ்ஸ, ஏகபுக்³க³லஸ்ஸ வா ஸந்தகங் அபி⁴யுஞ்ஜித்வா க³ண்ஹந்தோ ஸக்கோதி தே து⁴ரங் நிக்கி²பாபேதுங், தஸ்மா தத்த² ஆராமே வுத்தனயேனேவ வினிச்ச²யோ வேதி³தப்³போ³’’தி. இமினா தா³யகஸந்தகோ விஹாரோ நாம நத்தீ²தி தீ³பேதி.
கேன ஸோ தா³தப்³போ³தி க²த்தியேன வா ப்³ராஹ்மணேன வா யேன கேனசி ஸோ விஹாரோ தா³தப்³போ³. கஸ்ஸ தா³தப்³போ³தி ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா தா³தப்³போ³. கத²ங் தா³தப்³போ³தி யதி³ ஸங்க⁴ஸ்ஸ தே³தி, ‘‘இமங் விஹாரங் ஆக³தானாக³தஸ்ஸ சாதுத்³தி³ஸஸ்ஸ ஸங்க⁴ஸ்ஸ த³ம்மீ’’தி, யதி³ க³ணஸ்ஸ, ‘‘இமங் விஹாரங் ஆயஸ்மந்தானங் த³ம்மீ’’தி, யதி³ புக்³க³லஸ்ஸ, ‘‘இமங் விஹாரங் ஆயஸ்மதோ த³ம்மீ’’தி தா³தப்³போ³. கோ தஸ்ஸ இஸ்ஸரோதி யதி³ ஸங்க⁴ஸ்ஸ தே³தி, ஸங்கோ⁴ தஸ்ஸ விஹாரஸ்ஸ இஸ்ஸரோ. யதி³ க³ணஸ்ஸ தே³தி, க³ணோ தஸ்ஸ இஸ்ஸரோ. யதி³ புக்³க³லஸ்ஸ தே³தி, புக்³க³லோ தஸ்ஸ இஸ்ஸரோதி. ததா²
கேன ஸோ கா³ஹிதோதி ஸேனாஸனக்³கா³ஹாபகேன ஸோ விஹாரோ கா³ஹிதோ. வுத்தஞ்ஹேதங் ப⁴க³வதா ‘‘அனுஜானாமி, பி⁴க்க²வே, பஞ்சஹங்கே³ஹி ஸமன்னாக³தங் ஸேனாஸனக்³கா³ஹாபகங் ஸம்மன்னிதுங், யோ ந ச²ந்தா³க³திங் க³ச்செ²ய்ய, ந தோ³ஸாக³திங் க³ச்செ²ய்ய, ந மோஹாக³திங் க³ச்செ²ய்ய, ஏவஞ்ச, பி⁴க்க²வே, ஸம்மன்னிதப்³போ³, பட²மங் பி⁴க்கு² யாசிதப்³போ³, யாசித்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
‘‘ஸுணாது மே, ப⁴ந்தே, ஸங்கோ⁴, யதி³ ஸங்க⁴ஸ்ஸ பத்தகல்லங், ஸங்கோ⁴ இத்த²ன்னாமங் பி⁴க்கு²ங் ஸேனாஸனக்³கா³ஹாபகங் ஸம்மன்னெய்ய, ஏஸா ஞத்தி.
‘‘ஸுணாது மே, ப⁴ந்தே, ஸங்கோ⁴, ஸங்கோ⁴ இத்த²ன்னாமங் பி⁴க்கு²ங் ஸேனாஸனக்³கா³ஹாபகங் ஸம்மன்னதி. யஸ்ஸாயஸ்மதோ க²மதி இத்த²ன்னாமஸ்ஸ பி⁴க்கு²னோ ஸேனாஸனக்³கா³ஹாபகஸ்ஸ ஸம்முதி, ஸோ துண்ஹஸ்ஸ. யஸ்ஸ நக்க²மதி, ஸோ பா⁴ஸெய்ய.
‘‘ஸம்மதோ
கஸ்ஸ ஸோ கா³ஹிதோதி பி⁴க்கூ²னங் ஸோ விஹாரோ கா³ஹிதோ. வுத்தஞ்ஹேதங் ப⁴க³வதா ‘‘அனுஜானாமி, பி⁴க்க²வே, பட²மங் பி⁴க்கூ² க³ணேதுங், பி⁴க்கூ² க³ணெத்வா ஸெய்யா க³ணேதுங், ஸெய்யா க³ணெத்வா ஸெய்யக்³கே³ன கா³ஹேது’’ந்தி (சூளவ॰ 318). அனுட்டா²பனியா கதீதி சத்தாரோ அனுட்டா²பனீயா வுட்³ட⁴தரோ கி³லானோ ப⁴ண்டா³கா³ரிகோ ஸங்க⁴தோ லத்³த⁴ஸேனாஸனோதி. வுத்தஞ்ஹேதங் கங்கா²விதரணியங் (கஙகா²॰ அட்ட²॰ அனுபக²ஜ்ஜஸிக்கா²பத³வண்ணனா) ‘‘வுட்³டோ⁴ ஹி அத்தனோ வுட்³ட⁴தாய அனுட்டா²பனீயோ
கதிஹங்கே³ஹி யுத்தஸ்ஸ து⁴வவாஸாய தீ³யதேதி உக்கட்ட²பரிச்சே²தே³ன த்³வீஹி அங்கே³ஹி யுத்தஸ்ஸ து⁴வவாஸத்தா²ய விஹாரோ தீ³யதே. கதமேஹி த்³வீஹி? ப³ஹூபகாரதாய கு³ணவிஸிட்ட²தாய சேதி. கத²ங் விஞ்ஞாயதீதி சே? ‘‘ப³ஹூபகாரதந்தி ப⁴ண்டா³கா³ரிகதாதி³ப³ஹுஉபகாரபா⁴வங், ந கேவலங் இத³மேவாதி ஆஹ ‘கு³ணவிஸிட்ட²தஞ்சா’தி. தேன ப³ஹூபகாரத்தேபி கு³ணவிஸிட்ட²த்தாபா⁴வே கு³ணவிஸிட்ட²த்தேபி ப³ஹூபகாரத்தாபா⁴வே தா³துங் வட்டதீதி த³ஸ்ஸேதீ’’தி வினயத்த²மஞ்ஜூஸாயங் (கஙகா²॰ அபி⁴॰ டீ॰ அனுபக²ஜ்ஜஸிக்கா²பத³வண்ணனா) வசனதோ. ஓமகபரிச்சே²தே³ன ஏகேன அங்கே³ன யுத்தஸ்ஸபி. கதமேன ஏகேன அங்கே³ன? ப³ஹூபகாரதாய வா கு³ணவிஸிட்ட²தாய வா. கத²ங் விஞ்ஞாயதீதி சே? ‘‘ப³ஹூபகாரதங் கு³ணவிஸிட்ட²தஞ்ச ஸல்லக்கெ²ந்தோதி ப⁴ண்டா³கா³ரிகஸ்ஸ ப³ஹூபகாரதங், த⁴ம்மகதி²காதீ³னங் கு³ணவிஸிட்ட²தஞ்ச ஸல்லக்கெ²ந்தோ’’தி ஸாரத்த²தீ³பனியங் (ஸாரத்த²॰ டீ॰ பாசித்திய 3.119-121) வசனதோ.
ஸேனாஸனக்³கா³ஹோ பன து³விதோ⁴ உதுகாலே ச வஸ்ஸாவாஸே சாதி காலவஸேன. அத² வா தயோ ஸேனாஸனக்³கா³ஹா புரிமகோ பச்சி²மகோ அந்தராமுத்தகோதி. தேஸங் விஸேஸோ ஹெட்டா² வுத்தோவ. ‘‘உதுகாலே ஸேனாஸனக்³கா³ஹோ அந்தராமுத்தகோ ச தங்க²ணபடிஸல்லானோ சாதி து³ப்³பி³தோ⁴. வஸ்ஸாவாஸே ஸேனாஸனக்³கா³ஹோ புரிமகோ ச பச்சி²மகோ சாதி து³ப்³பி³தோ⁴தி சத்தாரோ ஸேனாஸனக்³கா³ஹா’’தி ஆசரியா
இதா³னி பன ஏகச்சே ஆசரியா ‘‘இமஸ்மிங் காலே ஸப்³பே³ விஹாரா ஸங்கி⁴காவ, புக்³க³லிகவிஹாரோ நாம நத்தி². கஸ்மா? விஹாரதா³யகானங் விஹாரதா³னகாலே குலூபகா ‘இமங் விஹாரங் ஆக³தானாக³தஸ்ஸ சாதுத்³தி³ஸஸ்ஸ ஸங்க⁴ஸ்ஸ தே³மா’தி வசீபே⁴த³ங் காராபெந்தி, தஸ்மா நவவிஹாராபி ஸங்கி⁴கா ஏவ. ஏகச்சேஸு விஹாரேஸு ஏவங் அவத்வா தெ³ந்தேஸுபி ‘தஸ்மிங் ஜீவந்தே புக்³க³லிகோ ஹோதி, மதே ஸங்கி⁴கோயேவா’தி வுத்தத்தா போராணகவிஹாராபி ஸங்கி⁴காவ ஹொந்தீ’’தி வத³ந்தி. தத்ரேவங் விசாரேதப்³போ³ – வசீபே⁴த³ங் காராபெத்வா தி³ன்னவிஹாரேஸுபி தா³யகா ஸங்க⁴ங் உத்³தி³ஸ்ஸ கரொந்தா நாம அப்பகா, ‘‘இமங் நாம பி⁴க்கு²ங் இமங் நாம தே²ரங் வஸாபெஸ்ஸாமீ’’தி சிந்தெத்வா புத்ததா³ரமித்தாமச்சாதீ³ஹி ஸம்மந்தெத்வா பதிட்டா²பெந்தி, பதிட்டா²னகாலே அவத³ந்தாபி தா³னகாலே யேபு⁴ய்யேன வத³ந்தி. அத² பன குலூபகா தா³னகாலே ஸிக்கா²பெத்வா வதா³பெந்தி, ஏவங் வத³ந்தாபி தா³யகா அப்பகா ஸங்க⁴ங் உத்³தி³ஸ்ஸ தெ³ந்தி, ப³ஹுதரா அத்தனோ குலூபகமேவ உத்³தி³ஸ்ஸ தெ³ந்தி. ஏவங் ஸந்தே குலூபகானங் வசனங் நவஸு அத⁴ம்மிகதா³னேஸு ‘‘புக்³க³லஸ்ஸ பரிணதங் ஸங்க⁴ஸ்ஸ பரிணாமேதீ’’தி (பாரா॰ 660; பாசி॰ 492) வுத்தங் ஏகங் அத⁴ம்மிகதா³னங் ஆபஜ்ஜதி. ‘‘தஸ்மிங் ஜீவந்தே புக்³க³லிகோ, மதே ஸங்கி⁴கோ’’தி அயங் பாடோ² மூலபுக்³க³லிகவிஸயே ந ஆக³தோ, மூலஸங்கி⁴கவிஹாரங் ஜக்³கா³பேதுங் புக்³க³லிககாராபனட்டா²னே ஆக³தோ, தஸ்மா நவவிஹாராபி புக்³க³லங் உத்³தி³ஸ்ஸ தி³ன்னா ஸந்தியேவ. போராணகவிஹாராபி மூலே புக்³க³லிகவஸேன
அஞ்ஞே பன ஆசரியா ‘‘இமஸ்மிங் காலே ஸங்கி⁴கவிஹாரா நாம ந ஸந்தி, ஸப்³பே³ புக்³க³லிகாவ. கஸ்மா? நவவிஹாராபி பதிட்டா²பனகாலே தா³னகாலே ச குலூபகபி⁴க்கு²ங்யேவ உத்³தி³ஸ்ஸ கதத்தா புக்³க³லிகாவ, போராணகவிஹாராபி ஸிஸ்ஸானுஸிஸ்ஸேஹி வா அஞ்ஞேஹி வா புக்³க³லேஹி ஏவ பரிக்³க³ஹிதத்தா, ந கதா³சி ஸங்கே⁴ன பரிக்³க³ஹிதத்தா புக்³க³லிகாவ ஹொந்தி, ந ஸங்கி⁴கா’’தி வத³ந்தி. தத்ராப்யேவங் விசாரேதப்³ப³ங் – நவவிஹாரேபி பதிட்டா²னகாலேபி தா³னகாலேபி ஏகச்சே ஸங்க⁴ங் உத்³தி³ஸ்ஸ
அபரே
கத²ங்? ‘‘யேன விஹாரோ காரிதோ, ஸோ விஹாரஸாமிகோ’’தி வசனங் புப்³ப³வோஹாரவஸேன வுத்தங், ந இதா³னி இஸ்ஸரவஸேன யதா² ஜேதவனங், பத்தஸ்ஸாமிகொத்யாதி³. யதா² ஹி ஜேதஸ்ஸ ராஜகுமாரஸ்ஸ வனங் உய்யானங் ஜேதவனந்தி விக்³க³ஹே கதே யதி³பி அனாத²பிண்டி³கேன கிணித்வா விஹாரபதிட்டா²பனகாலதோ பட்டா²ய ராஜகுமாரோ தஸ்ஸ உய்யானஸ்ஸ இஸ்ஸரோ ந ஹோதி, ததா²பி அனாத²பிண்டி³கேன கிணிதகாலதோ புப்³பே³ இஸ்ஸரபூ⁴தபுப்³ப³த்தா புப்³ப³வோஹாரவஸேன ஸப்³ப³தா³பி ஜேதவனந்த்வேவ
கத²ங் விஞ்ஞாயதீதி சே? ஸந்தேஸுபி அனாத²பிண்டி³காதீ³ஸு விஹாரதா³யகேஸு ‘‘அனுஜானாமி, பி⁴க்க²வே, பஞ்சஹங்கே³ஹி ஸமன்னாக³தங் பி⁴க்கு²ங் ஸேனாஸனக்³கா³ஹாபகங் ஸம்மன்னிது’’ந்திஆதி³னா (சூளவ॰ 317) ஸங்கே⁴ன ஸம்மதங் ஸேனாஸனக்³கா³ஹாபகங் அனுஜானித்வா, ‘‘அனுஜானாமி, பி⁴க்க²வே…பே॰… ஸெய்யக்³கே³ன கா³ஹேது’’ந்திஆதி³னா (சூளவ॰ 318) ஸேனாஸனக்³கா³ஹாபகஸ்ஸேவ விசாரேதுங் இஸ்ஸரபா⁴வஸ்ஸ வசனதோ ச ‘‘த்³வே பி⁴க்கூ² ஸங்கி⁴கங் பூ⁴மிங் க³ஹெத்வா ஸோதெ⁴த்வா ஸங்கி⁴கங் ஸேனாஸனங் கரொந்தி, யேன ஸா பூ⁴மி பட²மங் க³ஹிதா, ஸோ ஸாமீ’’தி ச ‘‘உபோ⁴பி புக்³க³லிகங் கரொந்தி, ஸோயேவ ஸாமீ’’தி ச ‘‘யோ பன ஸங்கி⁴கங் வல்லிமத்தம்பி அக்³க³ஹெத்வா ஆஹரிமேன உபகரணேன ஸங்கி⁴காய பூ⁴மியா புக்³க³லிகவிஹாரங் காரேதி, உபட்³ட⁴ங் ஸங்கி⁴கங் உபட்³ட⁴ங் புக்³க³லிக’’ந்தி ச ஸங்க⁴புக்³க³லானங்யேவ ஸாமிபா⁴வஸ்ஸ அட்ட²கதா²யங் வுத்தத்தா ச விஞ்ஞாயதி.
‘‘தஸ்ஸ வா குலே யோ கோசி ஆபுச்சி²தப்³போ³’’தி அட்ட²கதா²வசனம்பி தேஸங் விஹாரஸ்ஸ இஸ்ஸரபா⁴வதீ³பகங் ந ஹோதி, அத² கோ² க³மிகோ பி⁴க்கு² தி³ஸங் க³ந்துகாமோ விஹாரே ஆபுச்சி²தப்³ப³பி⁴க்கு²ஸாமணேரஆராமிகேஸு
‘‘பச்சி²ன்னே ‘‘நவ அத⁴ம்மிகானி தா³னானீதி…பே॰… ஏவங் வுத்தானி. நவ படிக்³க³ஹபரிபோ⁴கா³தி ஏதேஸங்யேவ தா³னானங் படிக்³க³ஹா ச பரிபோ⁴கா³ சா’’தி வுத்தங். தஸ்மா யதி³ ராஜாத³யோ இஸ்ஸராதி க³ஹெத்வா அஞ்ஞஸ்ஸ தெ³ய்யுங், தம்பி தா³னங் அத⁴ம்மிகதா³னங் ஹோதி, தங் தா³னங் படிக்³க³ஹா
அதா²பி ஏவங் வதெ³ய்யுங் ‘‘விஹாரதா³னங் ஸங்க⁴ஸ்ஸ, அக்³க³ங் பு³த்³தே⁴ன வண்ணிதந்திஆதீ³ஸு (சூளவ॰ 295, 315) ‘ஸங்க⁴ஸ்ஸா’தி அயங் ஸத்³தோ³ ‘தா³ன’ந்தி எத்த² ஸாமிஸம்ப³ந்தோ⁴ ந ஹோதி, அத² கோ² ஸம்பதா³னமேவ, ‘தா³யகஸ்ஸா’தி பன ஸாமிஸம்ப³ந்தோ⁴ அஜ்ஜா²ஹரிதப்³போ³, தஸ்மா ஸாமிபூ⁴தோ தா³யகோவ இஸ்ஸரோ, ந ஸம்பதா³னபூ⁴தோ ஸங்கோ⁴’’தி. தே ஏவங் வத்தப்³பா³ – ‘‘விஹாரதா³னங் ஸங்க⁴ஸ்ஸா’’தி இத³ங் தா³னஸமயே பவத்தவஸேன வுத்தங், ந தி³ன்னஸமயே பவத்தவஸேன. தா³னகாலே ஹி தா³யகோ அத்தனோ வத்து²பூ⁴தங் விஹாரங் ஸங்க⁴ஸ்ஸ பரிச்சஜித்வா தே³தி, தஸ்மா தஸ்மிங் ஸமயே தா³யகோ ஸாமீ ஹோதி, ஸங்கோ⁴ ஸம்பதா³னங், தி³ன்னகாலே பன ஸங்கோ⁴வ ஸாமீ ஹோதி விஹாரஸ்ஸ படிக்³க³ஹிதத்தா, ந தா³யகோ பரிச்சத்தத்தா, தஸ்மா ஸங்கோ⁴ விசாரேதுங் இஸ்ஸரோ. தேனாஹ ப⁴க³வா ‘‘பரிச்சத்தங் தங், பி⁴க்க²வே, தா³யகேஹீ’’தி (சூளவ॰ 273). இத³ங் பன ஸத்³த³லக்க²ணக³ருகா ஸத்³த³ஹிஸ்ஸந்தீதி வுத்தங், அத்த²தோ பன சீவராதீ³னங் சதுன்னங் பச்சயானங் தா³னகாலேயேவ தா³யகஸந்தகபா⁴வோ தி³ன்னகாலதோ பட்டா²ய படிக்³கா³ஹகஸந்தகபா⁴வோ ஸப்³பே³ஸங் பாகடோ, தஸ்மா இத³ம்பி வசனங் தா³யகஸந்தகபா⁴வஸாத⁴கங் ந ஹோதீதி த³ட்ட²ப்³ப³ங்.
ஏவங் ஹோது, ததா²பி ‘‘ஸசே பி⁴க்கூ²ஹி பரிச்சத்தபா⁴வங் ஞத்வா ஸாமிகோ வா தஸ்ஸ புத்ததீ⁴தரோ
ததா²பி ஏவங் வதெ³ய்யுங் ‘‘ஜாதிபூ⁴மியங் ஜாதிபூ⁴மிகா உபாஸகா ஆயஸ்மந்தங் த⁴ம்மிகத்தே²ரங் ஸத்தஹி ஜாதிபூ⁴மிகவிஹாரேஹி பப்³பா³ஜயிங்ஸூதி வசனதோ தா³யகோ விஹாரஸ்ஸ இஸ்ஸரோதி விஞ்ஞாயதி. இஸ்ஸரத்தாயேவ ஹி தே தே²ரங் பப்³பா³ஜேதுங் ஸக்கா, நோ அனிஸ்ஸரா’’தி, ந கோ² பனேவங் த³ட்ட²ப்³ப³ங். கஸ்மா? ‘‘ஜாதிபூ⁴மிகா உபாஸகா’’இச்சேவ ஹி வுத்தங், ந ‘‘விஹாரதா³யகா’’தி, தஸ்மா தஸ்மிங் தே³ஸே வஸந்தா ப³ஹவோ உபாஸகா ஆயஸ்மந்தங் த⁴ம்மிகத்தே²ரங் அயுத்தசாரித்தா ஸகலஸத்தவிஹாரதோ பப்³பா³ஜயிங்ஸு, ந அத்தனோ விஹாரதா³யகபா⁴வேன இஸ்ஸரத்தா, தஸ்மா இத³ம்பி உதா³ஹரணங் ந இஸ்ஸரபா⁴வதீ³பகங், அத² கோ² அபராதா⁴னுரூபகரணபா⁴வதீ³பகந்தி த³ட்ட²ப்³ப³ங். ஏவங் யதா³ தா³யகோ விஹாரங் பதிட்டா²பெத்வா தே³தி, தஸ்ஸ முஞ்சசேதனங் பத்வா தி³ன்னகாலதோ பட்டா²ய ஸோ வா தஸ்ஸ வங்ஸே உப்பன்னோ வா ஜனபத³ஸ்ஸாமிகராஜாத³யோ வா இஸ்ஸரா ப⁴விதுங் வா விசாரேதுங் வா ந லப⁴ந்தி, படிக்³கா³ஹகபூ⁴தோ ஸங்கோ⁴ வா க³ணோ வா புக்³க³லோ வா ஸோயேவ இஸ்ஸரோ ப⁴விதுங் வா விசாரேதுங் வா லப⁴தீதி த³ட்ட²ப்³ப³ங்.
தத்த² தா³யகாதீ³னங் இஸ்ஸரோ ப⁴விதுங் அலப⁴னபா⁴வோ கத²ங் விஞ்ஞாயதீதி சே? ‘‘வத்து²பரிச்சாக³லக்க²ணத்தா தா³னஸ்ஸ, பத²வாதி³வத்து²பரிச்சாகே³ன
கத²ங் தா³யகாதீ³னங் விசாரேதுங் அலப⁴னபா⁴வோ விஞ்ஞாயதீதி சே? ஸந்தேஸுபி வேளுவனவிஹாராதி³தா³யகேஸு தேஸங் விசாரணங் அனநுஜானித்வா ‘‘அனுஜானாமி, பி⁴க்க²வே, பஞ்சஹங்கே³ஹி ஸமன்னாக³தங் பி⁴க்கு²ங் ஸேனாஸனக்³கா³ஹாபகங் ஸம்மன்னிது’’ந்தி பி⁴க்கு²ஸ்ஸேவ ஸேனாஸனக்³கா³ஹாபகஸம்முதிஅனுஜானதோ ச ப⁴ண்ட³னகாரகேஸு
கத²ங் பன ஸங்கா⁴தீ³னங் ஸேனாஸனங் விசாரேதுங் லப⁴னபா⁴வோ விஞ்ஞாயதீதி? ‘‘ஏவஞ்ச, பி⁴க்க²வே,
ஸுணாது மே, ப⁴ந்தே, ஸங்கோ⁴…பே॰… ஸம்மதோ ஸங்கே⁴ன இத்த²ன்னாமோ பி⁴க்கு² ஸேனாஸனக்³கா³ஹாபகோ, க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீதி (சூளவ॰ 317).
ஏவங் ஸங்கே⁴ன ஸேனாஸனக்³கா³ஹாபகங் ஸம்மன்னாபெத்வா புன தேன ஸங்க⁴ஸம்மதேன ஸேனாஸனக்³கா³ஹாபகேன ஸேனாஸனக்³கா³ஹகவிதா⁴னங் அனுஜானிதுங் அனுஜானாமி, பி⁴க்க²வே, பட²மங் பி⁴க்கூ² க³ணேதுங், பி⁴க்கூ² க³ணெத்வா ஸெய்யா க³ணேதுங், ஸெய்யா க³ணெத்வா ஸெய்யக்³கே³ன கா³ஹேது’’ந்தி வசனதோ ஸங்கி⁴கஸேனாஸனஸ்ஸ
‘‘தீ³க⁴பா⁴ணகாதி³பே⁴த³ஸ்ஸ பன க³ணஸ்ஸ ஏகபுக்³க³லஸ்ஸ வா தி³ன்னவிஹாராதி³ங் அச்சி²ந்தி³த்வா க³ண்ஹந்தே து⁴ரனிக்கே²பஸம்ப⁴வா பாராஜிக’’ந்தி அட்ட²கதா²யங் (பாரா॰ அட்ட²॰ 1.102) ஆக³மனதோ ச ‘‘அத்தனோ புக்³க³லிகே அனாபத்தீ’’தி பாளியங் (பாசி॰ 117) ஆக³மனதோ ச ‘‘யஸ்மிங் பன விஸ்ஸாஸோ ருஹதி, தஸ்ஸ ஸந்தகங் அத்தனோ புக்³க³லிகமிவ ஹோதீதி மஹாபச்சரிஆதீ³ஸு வுத்த’’ந்தி அட்ட²கதா²யங் (பாசி॰ அட்ட²॰ 112) வசனதோ ச க³ணஸ்ஸ தி³ன்னோ க³ணஸந்தகவிஹாரோ க³ணேனேவ விசாரீயதே, நோ தா³யகாதீ³ஹி. புக்³க³லஸ்ஸ தி³ன்னோ புக்³க³லிகவிஹாரோபி படிக்³கா³ஹகபுக்³க³லேனேவ விசாரீயதே, நோ தா³யகாதீ³ஹீதி விஞ்ஞாயதி. ஏவங் வினயபாளியங் அட்ட²கதா²டீகாஸு ச விஹாரஸ்ஸ ஸங்கி⁴கக³ணஸந்தகபுக்³க³லிகவஸேன திவித⁴ஸ்ஸேவ வசனதோ ச தேஸங்யேவ ஸங்க⁴க³ணபுக்³க³லானங் விஹாரவிசாரணஸ்ஸ அனுஞ்ஞாதத்தா ச தா³யகஸந்தகஸ்ஸ விஹாரஸ்ஸ விஸுங் அவுத்தத்தா ச தா³யகானங் விஹாரவிசாரணஸ்ஸ அனநுஞ்ஞாதத்தா ச ஸங்கா⁴த³யோ ஏவ விஹாரஸ்ஸ இஸ்ஸரா ஹொந்தி, தேயேவ ச விசாரேதுங் லப⁴ந்தீதி த³ட்ட²ப்³ப³ங்.
ஏவங் ஹோது, தேஸு படிக்³கா³ஹகபூ⁴தேஸு ஸங்க⁴க³ணபுக்³க³லேஸு ஸோ விஹாரோ கஸ்ஸ ஸந்தகோ ஹோதி, கேன ச விசாரேதப்³போ³தி? வுச்சதே – ஸங்கி⁴கவிஹாரே தாவ ‘‘ஆக³தானாக³தஸ்ஸ சாதுத்³தி³ஸஸ்ஸ ஸங்க⁴ஸ்ஸ த³ம்மீ’’தி தி³ன்னத்தா படிக்³கா³ஹகேஸு காலகதேஸுபி தத³ஞ்ஞோ சாதுத்³தி³ஸஸங்கோ⁴ ச அனாக³தஸங்கோ⁴ ச இஸ்ஸரோ, தஸ்ஸ ஸந்தகோ, தேன விசாரேதப்³போ³. க³ணஸந்தகே பன தஸ்மிங் க³ணே யாவ ஏகோபி அத்தி², தாவ க³ணஸந்தகோவ, தேன அவஸிட்டே²ன பி⁴க்கு²னா விசாரேதப்³போ³. ஸப்³பே³ஸு காலகதேஸு
கத²ங் விஞ்ஞாயதீதி சே? ஸங்கி⁴கே விஹாரஸ்ஸ க³ருப⁴ண்ட³த்தா அவிஸ்ஸஜ்ஜியங் அவேப⁴ங்கி³கங் ஹோதி, ந கஸ்ஸசி தா³தப்³ப³ங். க³ணஸந்தகபுக்³க³லிகேஸு பன தேஸங் ஸாமிகத்தா தா³னவிஸ்ஸாஸக்³கா³ஹா ருஹந்தி, ‘‘தஸ்மா ஸோ ஜீவமானோயேவ ஸப்³ப³ங் அத்தனோ பரிக்கா²ரங் நிஸ்ஸஜ்ஜித்வா கஸ்ஸசி அதா³ஸி, கோசி வா விஸ்ஸாஸங் அக்³க³ஹேஸி. யஸ்ஸ தி³ன்னங், யேன ச க³ஹிதங், தஸ்ஸேவ ஹோதீ’’தி ச ‘‘த்³வின்னங் ஸந்தகங் ஹோதி அவிப⁴த்தங், ஏகஸ்மிங் காலகதே இதரோ ஸாமீ, ப³ஹூனம்பி ஸந்தகே ஏஸேவ நயோ’’தி (மஹாவ॰ அட்ட²॰ 369) ச அட்ட²கதா²யங் வுத்தத்தா விஞ்ஞாயதி.
ஏவங் பன விஸ்ஸஜ்ஜெத்வா அதி³ன்னங் ‘‘மமச்சயேன அஸுகஸ்ஸ ஹோதூ’’தி தா³னங் அச்சயதா³னத்தா ந ருஹதி. வுத்தஞ்ஹேதங் அட்ட²கதா²யங் (சூளவ॰ அட்ட²॰ 419) ‘‘ஸசே ஹி பஞ்சஸு ஸஹத⁴ம்மிகேஸு யோ கோசி காலங் கரொந்தோ ‘மமச்சயேன மய்ஹங் பரிக்கா²ரோ உபஜ்ஜா²யஸ்ஸ ஹோது, ஆசரியஸ்ஸ ஹோது, ஸத்³தி⁴விஹாரிகஸ்ஸ ஹோது, அந்தேவாஸிகஸ்ஸ ஹோது, மாது ஹோது, பிது ஹோது, அஞ்ஞஸ்ஸ வா கஸ்ஸசி ஹோதூ’தி வத³தி, தேஸங் ந ஹோதி, ஸங்க⁴ஸ்ஸேவ ஹோதி. ந ஹி பஞ்சன்னங் ஸஹத⁴ம்மிகானங் அச்சயதா³னங் ருஹதி, கி³ஹீனங் பன ருஹதீ’’தி. எத்த² ச ஏகச்சே பன வினயத⁴ரா ‘‘கி³ஹீனந்தி
கிஞ்ச பி⁴ய்யோ – ‘‘ஸசே ஹி பஞ்சஸு ஸஹத⁴ம்மிகேஸு யோ கோசி காலங் கரொந்தோ மமச்சயேன
கத²ங் விஞ்ஞாயதீதி சே? ‘‘பி⁴க்கு²ஸ்ஸ, பி⁴க்க²வே, காலகதே ஸங்கோ⁴ ஸாமீ பத்தசீவரே, அபிச கி³லானுபட்டா²கா ப³ஹூபகாரா, அனுஜானாமி
‘‘த்³விஸங்க³ஹானி த்³வே ஹொந்தி, ததியங் சதுஸங்க³ஹங்;
சதுத்த²ங் நவகொட்டா²ஸங், பஞ்சமங் அட்ட²பே⁴த³னங்.
‘‘இதி பஞ்சஹி ராஸீஹி, பஞ்சனிம்மலலோசனோ;
பஞ்சவீஸவித⁴ங் நாதோ², க³ருப⁴ண்ட³ங் பகாஸயீ’’தி. (சூளவ॰ அட்ட²॰ 321) –
அட்ட²கதா²யஞ்ச வுத்தத்தா விஞ்ஞாயதி.
இதி
ஏவங்
இமஸ்மிங் டா²னே ‘‘ஸேனாஸனக்³கா³ஹோ நாம வஸ்ஸகாலவஸேன ஸேனாஸனக்³கா³ஹோ, உதுகாலவஸேன ஸேனாஸனக்³கா³ஹோ, து⁴வவாஸவஸேன ஸேனாஸனக்³கா³ஹோதி திவிதோ⁴ ஹோதி. தேஸு வஸ்ஸகாலவஸேன ஸேனாஸனக்³கா³ஹோ புரிமவஸ்ஸவஸேன ஸேனாஸனக்³கா³ஹோ, பச்சி²மவஸ்ஸவஸேன ஸேனாஸனக்³கா³ஹோதி து³விதோ⁴. உதுகாலவஸேன ஸேனாஸனக்³கா³ஹோபி அந்தராமுத்தகவஸேன ஸேனாஸனக்³கா³ஹோ, தங்க²ணபடிஸல்லானவஸேன ஸேனாஸனக்³கா³ஹோதி து³விதோ⁴’’தி ஆசரியா வத³ந்தி, ஏதங் பாளியா ச அட்ட²கதா²ய ச அஸமெந்தங் விய தி³ஸ்ஸதி. பாளியஞ்ஹி (சூளவ॰ 318) ‘‘அத² கோ² பி⁴க்கூ²னங் ஏதத³ஹோஸி ‘கதி நு கோ² ஸேனாஸனக்³கா³ஹோ’தி. ப⁴க³வதோ ஏதமத்த²ங் ஆரோசேஸுங் – தயோமே, பி⁴க்க²வே, ஸேனாஸனக்³கா³ஹா புரிமகோ பச்சி²மகோ அந்தராமுத்தகோ. அபரஜ்ஜுக³தாய ஆஸாள்ஹியா புரிமகோ கா³ஹேதப்³போ³, மாஸக³தாய ஆஸாள்ஹியா பச்சி²மகோ கா³ஹேதப்³போ³, அபரஜ்ஜுக³தாய பவாரணாய ஆயதிங் வஸ்ஸாவாஸத்தா²ய அந்தராமுத்தகோ கா³ஹேதப்³போ³. இமே கோ², பி⁴க்க²வே, தயோ ஸேனாஸனக்³கா³ஹா’’தி ஏவங் ஆக³தோ, அட்ட²கதா²யம்பி
ஸேனாஸனக்³கா³ஹோ நாம உதுகாலே ஸேனாஸனக்³கா³ஹோ, வஸ்ஸாவாஸே ஸேனாஸனக்³கா³ஹோதி து³விதோ⁴. தத்த² உதுகாலோ நாம ஹேமந்தஉதுகி³ம்ஹஉதுவஸேன அட்ட² மாஸா, தஸ்மிங் காலே பி⁴க்கூ² அனியதாவாஸா ஹொந்தி, தஸ்மா யே யதா³ ஆக³ச்ச²ந்தி, தேஸங் ததா³ பி⁴க்கூ² உட்டா²பெத்வா ஸேனாஸனங் தா³தப்³ப³ங், அகாலோ நாம நத்தி². அயங் உதுகாலே ஸேனாஸனக்³கா³ஹோ நாம. வஸ்ஸாவாஸே ஸேனாஸனக்³கா³ஹோ பன ‘‘புரிமகோ பச்சி²மகோ அந்தராமுத்தகோ’’தி பாளியங் ஆக³தனயேன திவிதோ⁴ ஹோதி. அந்தராமுத்தகோபி ஹி ஆயதிங் வஸ்ஸாவாஸத்தா²ய கா³ஹிதத்தா வஸ்ஸாவாஸே ஸேனாஸனக்³கா³ஹமேவ பவிஸதி, ந உதுகாலே ஸேனாஸனக்³கா³ஹோ. வுத்தஞ்ஹி ப⁴க³வதா ‘‘அபரஜ்ஜுக³தாய பவாரணாய ஆயதிங் வஸ்ஸாவாஸத்தா²ய அந்தராமுத்தகோ கா³ஹேதப்³போ³’’தி. தங்க²ணபடிஸல்லானவஸேன ஸேனாஸனக்³கா³ஹோதி ச நேவ பாளியங் ந அட்ட²கதா²யங் விஸுங் ஆக³தோ, உதுகாலே ஸேனாஸனக்³கா³ஹோயேவ தத³ங்க³ஸேனாஸனக்³கா³ஹோதிபி தங்க²ணபடிஸல்லானவஸேன ஸேனாஸனக்³கா³ஹோதிபி வத³ந்தி, தஸ்மா உதுகாலவஸேன ஸேனாஸனக்³கா³ஹோபி ‘‘அந்தராமுத்தகவஸேன ஸேனாஸனக்³கா³ஹோ தங்க²ணபடிஸல்லானவஸேன ஸேனாஸனக்³கா³ஹோதி து³ப்³பி³தோ⁴’’தி ந வத்தப்³போ³.
அதா²பி
ஸமக்³கோ³ ஸங்கோ⁴வ து⁴வவாஸவஸேன தே³தி, ந ஸேனாஸனக்³கா³ஹாபகோதி அயமத்தோ² கத²ங் ஞாதப்³போ³தி சே? ‘‘ஸங்கோ⁴ பன ப⁴ண்டா³கா³ரிகஸ்ஸ வா த⁴ம்மகதி²கவினயத⁴ராதீ³னங் வா க³ணவாசகஆசரியஸ்ஸ வா ப³ஹூபகாரதங் கு³ணவிஸிட்ட²தஞ்ச ஸல்லக்கெ²ந்தோ து⁴வவாஸத்தா²ய விஹாரங் ஸம்மன்னித்வா தே³தீ’’தி (பாசி॰ அட்ட²॰ 120; கங்கா²॰ அட்ட²॰ அனுபக²ஜ்ஜஸிக்கா²பத³வண்ணனா) ‘‘ஸங்கோ⁴ பன ப³ஹுஸ்ஸுதஸ்ஸ உத்³தே³ஸபரிபுச்சா²தீ³ஹி ப³ஹூபகாரஸ்ஸ பா⁴ரனித்தா²ரகஸ்ஸ பா²ஸுகங் ஆவாஸங் அனுட்டா²பனீயங் கத்வா தே³தீ’’தி ச ‘‘ஸங்கோ⁴ பன ப⁴ண்டா³கா³ரிகஸ்ஸ வா த⁴ம்மகதி²கவினயத⁴ரக³ணவாசகாசரியானங் வா ப³ஹூபகாரதங் கு³ணவிஸிட்ட²தஞ்ச ஸல்லக்கெ²த்வா து⁴வவாஸத்தா²ய விஹாரங் ஸல்லக்கெ²த்வா ஸம்மன்னித்வா தே³தீ’’தி ச ‘‘ப³ஹுஸ்ஸுதஸ்ஸ ஸங்க⁴பா⁴ரனித்தா²ரகஸ்ஸ ‘‘அபலோகனகம்மங் நாம ஸீமட்ட²கங் ஸங்க⁴ங் ஸோதெ⁴த்வா ச²ந்தா³ரஹானங் ச²ந்த³ங் ஆஹரித்வா ஸமக்³க³ஸ்ஸ ஸங்க⁴ஸ்ஸ அனுமதியா திக்க²த்துங் ஸாவெத்வா கத்தப்³ப³ங் கம்ம’’ந்தி ச அட்ட²கதா²ஸு (பரி॰ அட்ட²॰ 482) வசனதோ ஸாது⁴கங் நிஸ்ஸங்ஸயேன ஞாதப்³போ³தி.
கத²ங் பன அபலோகனகம்மேன தா³தப்³ப³பா⁴வோ விஞ்ஞாயதீதி? ‘‘ப³ஹுஸ்ஸுதஸ்ஸ ஸங்க⁴பா⁴ரனித்தா²ரகஸ்ஸ பி⁴க்கு²னோ அனுட்டா²பனீயஸேனாஸனம்பி ஸங்க⁴கிச்சங் கரொந்தானங் கப்பியகாரகாதீ³னங் ப⁴த்தவேதனம்பி அபலோகனகம்மேன தா³துங் வட்டதீ’’தி பரிவாரட்ட²கதா²யங் (பரி॰ அட்ட²॰ 495-496) கம்மவக்³கே³ ஆக³தத்தா விஞ்ஞாயதி. கத²ங் பன து³வங்க³ஸமன்னாக³தஸ்ஸ பி⁴க்கு²னோயேவ தா³தப்³ப³பா⁴வோ விஞ்ஞாயதீதி? ‘‘ப³ஹூபகாரதந்தி ப⁴ண்டா³கா³ரிகதாதி³ப³ஹுஉபகாரபா⁴வங். ந கேவலங் இத³மேவாதி ஆஹ ‘கு³ணவிஸிட்ட²தஞ்சா’திஆதி³. தேன ப³ஹூபகாரத்தேபி கு³ணவிஸிட்ட²த்தாபா⁴வே, கு³ணவிஸிட்ட²த்தேபி ப³ஹூபகாரத்தாபா⁴வே தா³துங் ந வட்டதீதி த³ஸ்ஸேதீ’’தி வினயத்த²மஞ்ஜூஸாயங் (கங்கா²॰ அட்ட²॰ டீ॰ அனுபக²ஜ்ஜஸிக்கா²பத³வண்ணனா) வுத்தத்தா விஞ்ஞாயதி.
கஸ்மா பன ஸேனாஸனக்³கா³ஹாபகேன விசாரேதப்³போ³ ஸேனாஸனக்³கா³ஹோ யாவஜ்ஜகாலா ந திட்ட²தீதி? பஞ்சங்க³ஸமன்னாக³தஸ்ஸ ஸேனாஸனக்³கா³ஹாபகஸ்ஸ பி⁴க்கு²னோ து³ல்லப⁴த்தா, நானாதே³ஸவாஸீனங் நானாசரியகுலஸம்ப⁴வானங் பி⁴க்கூ²னங் ஏகஸம்போ⁴க³பரிபோ⁴க³ஸ்ஸ து³க்கரத்தா ச இமேஹி த்³வீஹி காரணேஹி
உதுகாலே ஸங்கி⁴கஸேனாஸனே வஸந்தேன ஆக³தோ பி⁴க்கு² ந படிபா³ஹேதப்³போ³ அஞ்ஞத்ர அனுட்டா²பனீயா. வுத்தஞ்ஹி ப⁴க³வதா ‘‘அனுஜானாமி, பி⁴க்க²வே, வஸ்ஸானங் தேமாஸங் படிபா³ஹிதுங், உதுகாலங் பன ந படிபா³ஹிது’’ந்தி (சூளவ॰ 318). ‘‘அஞ்ஞத்ர அனுட்டா²பனீயா’’தி வுத்தங், கதமே அனுட்டா²பனீயாதி? சத்தாரோ அனுட்டா²பனீயா வுட்³ட⁴தரோ, ப⁴ண்டா³கா³ரிகோ, கி³லானோ, ஸங்க⁴தோ லத்³த⁴ஸேனாஸனோ ச. தத்த² வுட்³ட⁴தரோ பி⁴க்கு² தஸ்மிங் விஹாரே அந்தோஸீமட்ட²கபி⁴க்கூ²ஸு அத்தனா வுட்³ட⁴தரஸ்ஸ அஞ்ஞஸ்ஸ அபா⁴வா யதா²வுட்³ட⁴ங் கேனசி அனுட்டா²பனீயோ. ப⁴ண்டா³கா³ரிகோ ஸங்கே⁴ன ஸம்மன்னித்வா ப⁴ண்டா³கா³ரஸ்ஸ தி³ன்னதாய ஸங்க⁴ஸ்ஸ ப⁴ண்ட³ங் ரக்க²ந்தோ கோ³பெந்தோ வஸதி, தஸ்மா ஸோ ப⁴ண்டா³கா³ரிகோ கேனசி அனுட்டா²பனீயோ. கி³லானோ கே³லஞ்ஞாபி⁴பூ⁴தோ அத்தனோ லத்³த⁴ஸேனாஸனே வஸந்தோ கேனசி அனுட்டா²பனீயோ. ஸங்க⁴தோ லத்³த⁴ஸேனாஸனோ ஸமக்³கே³ன ஸங்கே⁴ன தி³ன்னஸேனாஸனத்தா கேனசி அனுட்டா²பனீயோ. வுத்தஞ்ஹி அட்ட²கதா²யங் (மஹாவ॰ அட்ட²॰ 343) ‘‘சத்தாரோ ஹி ந வுட்டா²பேதப்³பா³ வுட்³ட⁴தரோ, ப⁴ண்டா³கா³ரிகோ, கி³லானோ, ஸங்க⁴தோ லத்³த⁴ஸேனாஸனோதி. தத்த² வுட்³ட⁴தரோ அத்தனோ வுட்³ட⁴தாய நவகதரேன ந
அபரஸ்மிங் பி⁴க்கு²ம்ஹி ஆக³தே வுட்டா²பெத்வா ஸேனாஸனங் தா³பேதப்³ப³ங். வுத்தஞ்ஹி அட்ட²கதா²யங் (சூளவ॰ அட்ட²॰ 318) ‘‘உதுகாலே தாவ கேசி ஆக³ந்துகா பி⁴க்கூ² புரேப⁴த்தங் ஆக³ச்ச²ந்தி, கேசி
இமேஸு தீஸு தா³னேஸு பட²மங் புப்³ப³காலேபி தா³னகாலேபி ஸங்க⁴ங் உத்³தி³ஸ்ஸ பவத்தத்தா ஸப்³ப³ஸங்கி⁴கங் ஹோதி. து³தியங் புப்³ப³காலே புக்³க³லங் உத்³தி³ஸ்ஸ பவத்தமானம்பி தா³னகாலே ஸங்க⁴ங் உத்³தி³ஸ்ஸ பவத்தத்தா ஸங்கி⁴கமேவ. ததியங் பன புப்³ப³காலேபி தா³னகாலேபி
‘‘மனோபுப்³ப³ங்க³மா த⁴ம்மா, மனோஸெட்டா² மனோமயா;
மனஸா சே பஸன்னேன, பா⁴ஸதி வா கரோதி வா;
ததோ நங் ஸுக²மன்வேதி, சா²யாவ அனபாயினீதி. (த⁴॰ ப॰ 2) –
வசனதோ சித்தவஸேன புக்³க³லிகோ ஹோதீ’’தி. அஞ்ஞே ‘‘யதா² தா³யகா வத³ந்தி, ததா² படிபஜ்ஜிதப்³ப³ந்தி (சூளவ॰ அட்ட²॰ 325) வசனதோ வசீபே⁴த³வஸேன ஸங்கி⁴கோ ஹோதீ’’தி.
தத்ராயங் விசாரணா – இத³ங் தா³னங் புப்³பே³ புக்³க³லஸ்ஸ பரிணதங் பச்சா² ஸங்க⁴ஸ்ஸ பரிணாமிதங், தஸ்மா ‘‘ஸங்கி⁴கோ’’தி வுத்தே நவஸு அத⁴ம்மிகதா³னேஸு ‘‘புக்³க³லஸ்ஸ பரிணதங் ஸங்க⁴ஸ்ஸ பரிணாமேதீ’’தி (பாரா॰ 660) வுத்தங் அட்ட²மங் அத⁴ம்மிகதா³னங் ஹோதி, தஸ்ஸ தா³னஸ்ஸ படிக்³க³ஹாபி பரிபோ⁴கா³பி அத⁴ம்மிகபடிக்³க³ஹா அத⁴ம்மிகபரிபோ⁴கா³ ஹொந்தி. ‘‘புக்³க³லிகோ’’தி வுத்தே தீஸு த⁴ம்மிகதா³னேஸு ‘‘புக்³க³லஸ்ஸ தி³ன்னங் புக்³க³லஸ்ஸேவ தே³தீ’’தி வுத்தங் ததியத⁴ம்மிகதா³னங் ஹோதி, தஸ்ஸ
புக்³க³லிகவிஹாரோபி யதி³ ஸோ படிக்³கா³ஹகபுக்³க³லோ அத்தனோ ஜீவமானகாலேயேவ ஸத்³தி⁴விஹாரிகாதீ³னங் தே³தி, கோசி வா தஸ்ஸ விஸ்ஸாஸேன தங் விஹாரங் அக்³க³ஹேஸி, தஸ்ஸ ஸந்தகோ ஹோதி. கஸ்ஸசி அத³த்வா காலகதே ஸங்கி⁴கோ ஹோதி. வுத்தஞ்ஹி அட்ட²கதா²யங் ‘‘ஸோ ஜீவமானோயேவ ஸப்³ப³ங் அத்தனோ பரிக்கா²ரங் நிஸ்ஸஜ்ஜித்வா கஸ்ஸசி அதா³ஸி, கோசி வா விஸ்ஸாஸங் அக்³க³ஹேஸி. யஸ்ஸ தி³ன்னோ, யேன ச க³ஹிதோ, தஸ்ஸேவ ஹோதீ’’தி. பாளியஞ்ச (மஹாவ॰ 369) ‘‘பி⁴க்கு²ஸ்ஸ, பி⁴க்க²வே, காலகதே ஸங்கோ⁴ ஸாமீ பத்தசீவரே, அபிச கி³லானுபட்டா²கா ப³ஹூபகாரா. அனுஜானாமி, பி⁴க்க²வே, ஸங்கே⁴ன திசீவரஞ்ச பத்தஞ்ச கி³லானுபட்டா²கானங் தா³துங், யங் தத்த² லஹுப⁴ண்ட³ங் லஹுபரிக்கா²ரங், தங் ஸம்முகீ²பூ⁴தேன ஸங்கே⁴ன பா⁴ஜேதுங், யங் தத்த² க³ருப⁴ண்ட³ங் க³ருபரிக்கா²ரங், தங் ஆக³தானாக³தஸ்ஸ சாதுத்³தி³ஸஸ்ஸ ஸங்க⁴ஸ்ஸ அவிஸ்ஸஜ்ஜியங் அவேப⁴ங்கி³க’’ந்தி (மஹாவ॰ 369) வுத்தங், தஸ்மா இமினா நயேன வினிச்ச²யோ காதப்³போ³.
ஸங்கி⁴கே பன பாளியங் ஆக³தானங் ‘‘புரிமகோ பச்சி²மகோ அந்தராமுத்தகோ சா’’தி (சூளவ॰ 318) வுத்தானங் திண்ணங் ஸேனாஸனக்³கா³ஹானஞ்ச அட்ட²கதா²யங் (சூளவ॰ அட்ட²॰ 318) ஆக³தானங் ‘‘உதுகாலே ச வஸ்ஸாவாஸே சா’’தி வுத்தானங் த்³வின்னங் ஸேனாஸனக்³கா³ஹானஞ்ச ஏதரஹி அஸம்பஜ்ஜனதோ அனுட்டா²பனீயபாளியங் ஆக³தஸ்ஸ அத்தனோ ஸபா⁴வேன அனுட்டா²பனீயஸ்ஸ து⁴வவாஸத்தா²ய ஸங்கே⁴ன தி³ன்னதாய அனுட்டா²பனீயஸ்ஸ வஸேனேவ வினிச்ச²யோ ஹோதி. வுட்³ட⁴தரகி³லானா ஹி
தேஸு வுட்³ட⁴தரோ ‘‘ந த்வேவாஹங், பி⁴க்க²வே, கேனசி பரியாயேன வுட்³ட⁴தரஸ்ஸ ஆஸனங் படிபா³ஹிதப்³ப³ந்தி வதா³மி, யோ படிபா³ஹெய்ய, ஆபத்தி து³க்கடஸ்ஸா’’தி பாளிபாட²ஞ்ச (மஹாவ॰ 473; சூளவ॰ 316), ‘‘வுட்³ட⁴தரோ அத்தனோ வுட்³ட⁴தாய நவகதரேன ந வுட்டா²பேதப்³போ³’’தி அட்ட²கதா²வசனஞ்ச (பாசி॰ அட்ட²॰ 119 ஆத³யோ; கங்கா²॰ அட்ட²॰ அனுபக²ஜ்ஜஸிக்கா²பத³வண்ணனா) க³ஹெத்வா ‘‘அஹமேவ எத்த² வுட்³ட⁴தரோ, மயா வுட்³ட⁴தரோ அஞ்ஞோ நத்தி², தஸ்மா அஹமேவ இமஸ்மிங் விஹாரே வஸிதுமனுச்ச²விகோ’’தி ஸஞ்ஞீ ஹோதி. ப்³யத்தோபி ‘‘ப³ஹுஸ்ஸுதஸ்ஸ ஸங்க⁴பா⁴ரனித்தா²ரகஸ்ஸ பி⁴க்கு²னோ அனுட்டா²பனீயஸேனாஸனம்பீ’’தி பரிவாரட்ட²கதா²வசனஞ்ச (பரி॰ அட்ட²॰ 495-496), ‘‘அனுஜானாமி, பி⁴க்க²வே, ப்³யத்தேன
தத்த² வுட்³ட⁴தரஸ்ஸ வசனேபி ‘‘ந த்வேவாஹங், பி⁴க்க²வே’’த்யாதி³வசனங் (சூளவ॰ 316) தேஸு தேஸு ஆஸனஸாலாதீ³ஸு அக்³கா³ஸனஸ்ஸ வுட்³ட⁴தராரஹத்தா ப⁴த்தங் பு⁴ஞ்ஜித்வா நிஸின்னோபி பி⁴க்கு² வுட்³ட⁴தரே ஆக³தே வுட்டா²ய ஆஸனங் தா³தப்³ப³ங் ஸந்தா⁴ய ப⁴க³வதா வுத்தங், ந து⁴வவாஸங் ஸந்தா⁴ய. ‘‘வுட்³ட⁴தரோ அத்தனோ வுட்³ட⁴தாய’’த்யாதி³வசனஞ்ச (பாசி॰ அட்ட²॰ 120; கங்கா²॰ அட்ட²॰ அனுபக²ஜ்ஜஸிக்கா²பத³வண்ணனா) யதா²வுட்³ட⁴ங் ஸேனாஸனே தீ³யமானே வுட்³ட⁴தரே ஆக³தே நவகதரோ வுட்டா²பேதப்³போ³, வுட்டா²பெத்வா வுட்³ட⁴தரஸ்ஸ ஸேனாஸனங் தா³தப்³ப³ங், வுட்³ட⁴தரோ பன நவகதரேன ந வுட்டா²பேதப்³போ³. கஸ்மா? ‘‘அத்தனோ வுட்³ட⁴தரதாயா’’தி உதுகாலே யதா²வுட்³ட⁴ங் ஸேனாஸனதா³னங் ஸந்தா⁴ய வுத்தங், ந து⁴வவாஸத்தா²ய தா³னங் ஸந்தா⁴ய
ப்³யத்தவசனேபி ‘‘ப³ஹுஸ்ஸுதஸ்ஸ ஸங்க⁴பா⁴ரனித்தா²ரகஸ்ஸ’’த்யாதி³வசனஞ்ச (பரி॰ அட்ட²॰ 445-496) ந ப³ஹுஸ்ஸுதமத்தேன ஸங்கி⁴கவிஹாரஸ்ஸ இஸ்ஸரபா⁴வங் ஸந்தா⁴ய வுத்தங், அத² கோ² தஸ்ஸ பி⁴க்கு²ஸ்ஸ ப³ஹூபகாரதங் கு³ணவிஸிட்ட²தஞ்ச ஸல்லக்கெ²த்வா ஸங்கே⁴ன பா²ஸுகங் ஆவாஸங் அனுட்டா²பனீயங் கத்வா தி³ன்னே ஸோ பி⁴க்கு² கேனசி தம்ஹா விஹாரா அனுட்டா²பனீயோ ஹோதி, இமமத்த²ங் ஸந்தா⁴ய வுத்தங். ‘‘அனுஜானாமி, பி⁴க்க²வே’’த்யாதி³வசனஞ்ச (மஹாவ॰ 82) நிஸ்ஸயாசரியானங் லக்க²ணங் பகாஸேதுங் ப⁴க³வதா வுத்தங், ந ஸங்கி⁴கவிஹாரஸ்ஸ இஸ்ஸரத்தங், தஸ்மா இத³ம்பி வசனங் உபபரிக்கி²தப்³ப³ங், ந ஸீக⁴ங் அனுஜானிதப்³ப³ங்.
தா³யகவசனங் பன நானுஜானிதப்³ப³ங் படிபா³ஹிதப்³ப³ங். கஸ்மா? ‘‘யேன விஹாரோ காரிதோ’’த்யாதி³பாட²ஸ்ஸ அமுக்²யவோஹாரத்தா. யதா² ஹி புது²ஜ்ஜனகாலே ரூபாதீ³ஸு ஸஞ்ஜனஸ்ஸ பூ⁴தபுப்³ப³த்தா பூ⁴தபுப்³ப³க³தியா அரஹாபி ‘‘ஸத்தோ’’தி, ஏவங் தா³னகாலதோ புப்³பே³ தஸ்ஸ விஹாரஸ்ஸ ஸாமிபூ⁴தபுப்³ப³த்தா தா³யகோ ‘‘விஹாரஸாமிகோ’’தி வுச்சதி, ந இஸ்ஸரத்தா. ந ஹி ஸகலே வினயபிடகே அட்ட²கதா²டீகாஸு ச ‘‘விஸ்ஸஜ்ஜெத்வா தி³ன்னஸ்ஸ விஹாரஸ்ஸ தா³யகோ இஸ்ஸரோ’’தி வா ‘‘தா³யகேன விசாரேதப்³போ³’’தி வா ‘‘தா³யகஸந்தகவிஹாரோ’’தி வா பாடோ² அத்தி², ‘‘ஸங்கி⁴கோ, க³ணஸந்தகோ, புக்³க³லிகோ’’இச்சேவ அத்தி², தஸ்மா தஸ்ஸ வசனங் நானுஜானிதப்³ப³ங்.
ஸங்க⁴ஸ்ஸ
அத² தீணிபி வசனானி ஸங்ஸந்தே³தப்³பா³னி. தத்த² ஸங்க⁴ஸ்ஸ இஸ்ஸரத்தா ஸங்கோ⁴ புச்சி²தப்³போ³ ‘‘கோ புக்³க³லோ தும்ஹேஹி அபி⁴ருசிதோ’’தி, புச்சி²த்வா ‘‘ஏஸோ’’தி வுத்தே ‘‘கஸ்மா அபி⁴ருசிதோ’’தி புச்சி²த்வா ‘‘ஏஸோ புக்³க³லோ அம்ஹே சீவராதி³பச்சயேஹி அனுக்³க³ஹேதா, அம்ஹாகங் ஞாதிஸாலோஹிதோ, உபஜ்ஜா²யோ, ஆசரியோ, ஸத்³தி⁴விஹாரிகோ, அந்தேவாஸிகோ, ஸமானுபஜ்ஜா²யகோ, ஸமானாசரியகோ, பியஸஹாயோ, லாபீ⁴, யஸஸ்ஸீ, தஸ்மா அம்ஹேஹி அபி⁴ருசிதோ’’தி வுத்தே ‘‘ந எத்தாவதா து⁴வவாஸத்தா²ய விஹாரோ தா³தப்³போ³’’தி படிக்கி²பிதப்³போ³. அத² ‘‘ஏஸோ புக்³க³லோ ஸப்³பே³ஹி அம்ஹேஹி வுட்³ட⁴தரோ அக்³கா³ஸனங் அக்³கோ³த³கங் அக்³க³பிண்ட³ங் அரஹதி, து⁴வவாஸத்தா²ய விஹாரோ பன தஸ்ஸ தா³தப்³போ³தி அட்ட²கதா²சரியேஹி ந வுத்தோ’’தி வத்வா படிக்கி²பிதப்³போ³. அத² ‘‘த⁴ம்மகதி²கோ, வினயத⁴ரோ, க³ணவாசகஆசரியோ’’தி வுத்தே ‘‘ஏஸோ து⁴வவாஸத்தா²ய தி³ன்னவிஹாரஸ்ஸ அனுச்ச²விகோ, ஏதஸ்ஸ தா³தப்³போ³’’தி அனுமோதி³தப்³போ³. கத²ங் விஞ்ஞாயதீதி சே? ‘‘ஸங்கோ⁴ பன ப⁴ண்டா³கா³ரிகஸ்ஸ வா த⁴ம்மகதி²கவினயத⁴ராதீ³னங் வா க³ணவாசகஆசரியஸ்ஸ வா ப³ஹூபகாரதங் கு³ணவிஸிட்ட²தஞ்ச ஸல்லக்கெ²ந்தோ து⁴வவாஸத்தா²ய விஹாரங் ஸம்மன்னித்வா தே³தீ’’தி வசனதோ விஞ்ஞாயதி (பாசி॰ அட்ட²॰ 129; கங்கா²॰ அட்ட²॰ அனுபக²ஜ்ஜஸிக்கா²பத³வண்ணனா).
இத⁴
அதா²பி ‘‘அயங் புக்³க³லோ த⁴ம்மகதி²கோ வினயத⁴ரோ க³ணவாசகாசரியோ ஸங்க⁴ஸ்ஸ ப³ஹூபகாரோ விஸிட்ட²கு³ணயுத்தோ’’தி வத³தி, ‘‘ஸாது⁴ ஏதஸ்ஸபி புக்³க³லஸ்ஸ து⁴வவாஸத்தா²ய விஹாரங் ஸல்லக்கெ²த்வா ஸம்மன்னித்வாவ தா³தப்³போ³’’தி வத்வா அனுமோதி³தப்³போ³. கத²ங் விஞ்ஞாயதீதி சே? ‘‘ஸங்கோ⁴ பன ப⁴ண்டா³கா³ரிகஸ்ஸ வா த⁴ம்மகதி²கவினயத⁴ராதீ³னங் வா க³ணவாசகாசரியஸ்ஸ வா ப³ஹூபகாரதங் கு³ணவிஸிட்ட²தஞ்ச ஸல்லக்கெ²த்வா து⁴வவாஸத்தா²ய
அதா²பி ‘‘ஏஸோ புக்³க³லோ ப³ஹுஸ்ஸுதோ ஸங்க⁴பா⁴ரனித்தா²ரகோ’’தி வத³தி, ‘‘ஸாது⁴ ஏதஸ்ஸபி அனுட்டா²பனீயங் கத்வா தா³தப்³போ³’’தி வத்வா அனுமோதி³தப்³போ³. கத²ங் விஞ்ஞாயதீதி சே? ‘‘ப³ஹுஸ்ஸுதஸ்ஸ ஸங்க⁴பா⁴ரனித்தா²ரகஸ்ஸ பி⁴க்கு²னோ அனுட்டா²பனீயஸேனாஸனம்பீ’’தி பரிவாரட்ட²கதா²யங் (பரி॰ அட்ட²॰ 495-496) வுத்தத்தா விஞ்ஞாயதி. ததோ ‘‘ஏவங் து³வங்க³ஸம்பன்னோ புக்³க³லோ அந்தோஸீமட்டோ² வா ப³ஹிஸீமட்டோ² வா’’தி புச்சி²த்வா ‘‘அந்தோஸீமட்டோ²’’தி வுத்தே ‘‘ஸாது⁴ ஸுட்டு² தஸ்ஸ தா³தப்³போ³’’தி ஸம்படிச்சி²தப்³ப³ங். ‘‘ப³ஹிஸீமட்டோ²’’தி வுத்தே ‘‘ந தா³தப்³போ³’’தி படிக்கி²பிதப்³ப³ங். கஸ்மாதி சே? ‘‘ந, பி⁴க்க²வே, நிஸ்ஸீமே டி²தஸ்ஸ ஸேனாஸனங் கா³ஹேதப்³ப³ங், யோ கா³ஹெய்ய, ஆபத்தி து³க்கடஸ்ஸா’’தி (சூளவ॰ 318) வசனதோதி.
அத² ‘‘து³வங்க³ஸமன்னாக³தே அந்தோஸீமட்டே² அஸதி ஏகங்க³ஸமன்னாக³தோ அந்தோஸீமட்டோ² அத்தீ²’’தி புச்சி²த்வா ‘‘அத்தீ²’’தி வுத்தே ‘‘ஸாது⁴ ஸுட்டு² ஏதஸ்ஸ தா³தப்³போ³’’தி ஸம்படிச்சி²தப்³ப³ங். கத²ங் விஞ்ஞாயதீதி சே? ‘‘ப³ஹூபகாரதங் கு³ணவிஸிட்ட²தஞ்ச ஸல்லக்கெ²ந்தோதி ப⁴ண்டா³கா³ரிகஸ்ஸ ப³ஹூபகாரதங் த⁴ம்மகதி²காதீ³னங்
ஸசே
அயமத்தோ² கத²ங் ஜானிதப்³போ³தி சே? ‘‘இத⁴ பன, பி⁴க்க²வே, அஞ்ஞதரஸ்மிங் ஆவாஸே ஸம்ப³ஹுலா பி⁴க்கூ² விஹரந்தி பா³லா அப்³யத்தா, தே ந ஜானந்தி உபோஸத²ங் வா உபோஸத²கம்மங் வா பாதிமொக்க²ங் வா பாதிமொக்கு²த்³தே³ஸங் வா. தத்த² அஞ்ஞோ பி⁴க்கு² ஆக³ச்ச²தி ப³ஹுஸ்ஸுதோ ஆக³தாக³மோ த⁴ம்மத⁴ரோ வினயத⁴ரோ மாதிகாத⁴ரோ பண்டி³தோ ப்³யத்தோ மேதா⁴வீ லஜ்ஜீ குக்குச்சகோ ஸிக்கா²காமோ, தேஹி, பி⁴க்க²வே, பி⁴க்கூ²ஹி ஸோ பி⁴க்கு² ஸங்க³ஹேதப்³போ³ அனுக்³க³ஹேதப்³போ³ உபலாபேதப்³போ³ உபட்டா²பேதப்³போ³ சுண்ணேன மத்திகாய த³ந்தகட்டே²ன முகோ²த³கேன. நோ சே ஸங்க³ண்ஹெய்யுங் அனுக்³க³ண்ஹெய்யுங் உபலாபெய்யுங் உபட்டா²பெய்யுங் சுண்ணேன மத்திகாய த³ந்தகட்டே²ன முகோ²த³கேன, ஆபத்தி து³க்கடஸ்ஸா’’தி (மஹாவ॰ 163) ஸம்மாஸம்பு³த்³தே⁴ன பஞ்ஞத்தத்தா, அட்ட²கதா²யஞ்ச (மஹாவ॰ அட்ட²॰ 163) ‘‘ஸங்க³ஹேதப்³போ³தி ‘ஸாது⁴, ப⁴ந்தே, ஆக³தத்த², இத⁴ பி⁴க்கா² ஸுலபா⁴ ஸூபப்³யஞ்ஜனங் அத்தி², வஸத² அனுக்கண்ட²மானா’தி ஏவங் பியவசனேன ஸங்க³ஹேதப்³போ³, புனப்புனங் ததா²கரணவஸேன அனுக்³க³ஹேதப்³போ³, ‘ஆம வஸிஸ்ஸாமீ’தி படிவசனதா³பனேன உபலாபேதப்³போ³. அத² வா சதூஹி பச்சயேஹி ஸங்க³ஹேதப்³போ³ சேவ அனுக்³க³ஹேதப்³போ³ ச, பியவசனேன உபலாபேதப்³போ³, கண்ணஸுக²ங் ஆலபிதப்³போ³தி அத்தோ², சுண்ணாதீ³ஹி உபட்டா²பேதப்³போ³. ஆபத்தி து³க்கடஸ்ஸாதி ஸசே ஸகலோபி ஸங்கோ⁴ ந கரோதி, ஸப்³பே³ஸங் து³க்கடங். இத⁴ நேவ தே²ரா, ந த³ஹரா
நனு ச ‘‘ந, பி⁴க்க²வே, நிஸ்ஸீமே டி²தஸ்ஸ ஸேனாஸனங் கா³ஹேதப்³ப³ங், யோ கா³ஹெய்ய, ஆபத்தி து³க்கடஸ்ஸா’’தி (சூளவ॰ 318) ப⁴க³வதா வுத்தங், அத² கஸ்மா நிஸ்ஸீமதோ ஆக³தஸ்ஸ து⁴வவாஸத்தா²ய விஹாரோ தா³தப்³போ³தி? வுச்சதே – ‘‘நிஸ்ஸீமே டி²தஸ்ஸா’’தி இத³ங் அனாத³ரே ஸாமிவசனங், தஸ்மா நிஸ்ஸீமே டி²தங்யேவ ஸேனாஸனங் ந கா³ஹேதப்³ப³ந்தி அத்தோ² த³ட்ட²ப்³போ³, ந நிஸ்ஸீமே டி²தஸ்ஸ தஸ்ஸ பி⁴க்கு²ஸ்ஸ அந்தோஸீமங் பவிட்ட²ஸ்ஸபி ஸேனாஸனங் ந கா³ஹேதப்³ப³ந்தி அத்தோ², தஸ்மா புப்³பே³ ப³ஹிஸீமாயங் டி²தேபி இதா³னி அந்தோஸீமங் பவிட்ட²காலதோ பட்டா²ய சதுபச்சயபா⁴கோ³ லப்³ப⁴தி. வுத்தஞ்ஹி அட்ட²கதா²யங்
‘‘இத⁴ பன, பி⁴க்க²வே, அஞ்ஞதரஸ்மிங் ஆவாஸே தத³ஹுபோஸதே² ஸம்ப³ஹுலா பி⁴க்கூ² விஹரந்தி பா³லா அப்³யத்தா, தே ந ஜானந்தி உபோஸத²ங் வா உபோஸத²கம்மங் வா பாதிமொக்க²ங் வா பாதிமொக்கு²த்³தே³ஸங் வா. தேஹி, பி⁴க்க²வே, பி⁴க்கூ²ஹி ஏகோ பி⁴க்கு² ஸாமந்தா ஆவாஸா ஸஜ்ஜுகங் பாஹேதப்³போ³ ‘க³ச்சா²வுஸோ ஸங்கி²த்தேன வா வித்தா²ரேன வா பாதிமொக்க²ங் பரியாபுணித்வா ஆக³ச்சா²’தி. ஏவஞ்சேதங் லபே⁴த², இச்சேதங் குஸலங். நோ சே லபே⁴த², தேஹி, பி⁴க்க²வே, பி⁴க்கூ²ஹி ஸப்³பே³ஹேவ யத்த² ஜானந்தி
ஏவங் ப³ஹிஸீமதோ ஆக³தஸ்ஸபி ஸங்க⁴ஸ்ஸ உபகாரங் காதுங் ஸக்கொந்தஸ்ஸ விஸிட்ட²கு³ணயுத்தஸ்ஸ தா³தப்³ப³பா⁴வோ விஞ்ஞாயதி, தஸ்மா ‘‘அம்ஹாகங் க³ணோ ந ஹோதி, அம்ஹாகங் வங்ஸோ பவேணீ ந ஹோதி, அம்ஹாகங் ஸந்தி³ட்ட²ஸம்ப⁴த்தோ ந ஹோதீ’’திஆதீ³னி வத்வா ந படிக்கி²பிதப்³போ³. க³ணாதி³பா⁴வோ ஹி அப்பமாணங், யதா²வுத்தப³ஹூபகாரதாதி³பா⁴வோயேவ பமாணங். ஸாமக்³கி³கரணதோ பட்டா²ய ஹி ஸமானக³ணோ ஹோதி. ததா² ஹி உக்கி²த்தானுவத்தகானங் லத்³தி⁴னானாஸங்வாஸகானம்பி லத்³தி⁴விஸ்ஸஜ்ஜனேன திவித⁴உக்கே²பனீயகம்மகதானங் கம்மனானாஸங்வாஸகானம்பி ஓஸாரணங் கத்வா ஸாமக்³கி³கரணேன ஸங்வாஸோ ப⁴க³வதா அனுஞ்ஞாதோ. அலஜ்ஜிங் பன ப³ஹுஸ்ஸுதம்பி ஸங்க³ஹங் காதுங் ந வட்டதி. ஸோ ஹி அலஜ்ஜீபரிஸங் வட்³டா⁴பேதி, லஜ்ஜீபரிஸங் ஹாபேதி. ப⁴ண்ட³னகாரகங் பன விஹாரதோபி நிக்கட்³டி⁴தப்³ப³ங். ததா² ஹி ‘‘ப⁴ண்ட³னகாரககலஹகாரகமேவ ஸகலஸங்கா⁴ராமதோ நிக்கட்³டி⁴துங் லப⁴தி. ஸோ ஹி பக்க²ங் லபி⁴த்வா ஸங்க⁴ம்பி பி⁴ந்தெ³ய்ய. அலஜ்ஜீஆத³யோ பன அத்தனோ வஸனட்டா²னதோயேவ நிக்கட்³டி⁴தப்³பா³, ஸகலஸங்கா⁴ராமதோ நிக்கட்³டி⁴துங் ந வட்டதீ’’தி அட்ட²கதா²யங் (பாசி॰ அட்ட²॰ 128) வுத்தங்.
வுட்³டா⁴பசாயனாதி³ஸாமக்³கி³ரஸரஹிதங் விஸபா⁴க³புக்³க³லம்பி ஸங்க³ஹங் காதுங் ந லப⁴தி. வுத்தஞ்ஹி ‘‘ஏவரூபேன ஹி விஸபா⁴க³புக்³க³லேன ஏகவிஹாரே வா ஏகபரிவேணே வா வஸந்தேன அத்தோ² நத்தி², தஸ்மா ஸப்³ப³த்தே²வஸ்ஸ நிவாஸோ வாரிதோ’’தி (பாசி॰ அட்ட²॰ 122), தஸ்மா ஆவாஸிகோ வா ஹோது
‘‘ப³ஹுஸ்ஸுதங் த⁴ம்மத⁴ரங், ஸப்பஞ்ஞங் பு³த்³த⁴ஸாவகங்;
நெக்க²ங் ஜம்போ³னத³ஸ்ஸேவ, கோ தங் நந்தி³துமரஹதி;
தே³வாபி நங் பஸங்ஸந்தி, ப்³ரஹ்முனாபி பஸங்ஸிதோ’’தி. (அ॰ நி॰ 4.6) –
அயங் அந்தோஸீமட்டே²ன ஸங்கே⁴ன ப³ஹூபகாரதாகு³ணவிஸிட்ட²தாஸங்கா²தேஹி கு³ணேஹி யுத்தஸ்ஸ ஸங்க⁴பா⁴ரனித்தா²ரகஸ்ஸ பி⁴க்கு²னோ பா²ஸுகங் ஆவாஸங் அனுட்டா²பனீயங் கத்வா தா³னே வினிச்ச²யோ.
யதா³ பன ஸங்க⁴த்தே²ரோ ஜராது³ப்³ப³லதாய வா ரோக³பீளிததாய வா விவேகஜ்ஜா²ஸயதாய வா க³ணங் அபரிஹரிதுகாமோ அஞ்ஞஸ்ஸ தா³துகாமோ, அத்தனோ அச்சயேன வா கலஹவிவாதா³பா⁴வமிச்ச²ந்தோ ஸத்³தி⁴விஹாரிகாதீ³னங் நிய்யாதேதுகாமோ ஹோதி, ததா³ ந அத்தனோ இஸ்ஸரவதாய தா³தப்³ப³ங், அயங் விஹாரோ ஸங்கி⁴கோ, தஸ்மா ஸங்க⁴ங் ஸன்னிபாதாபெத்வா தங் காரணங் ஆசிக்கி²த்வா ப³ஹூபகாரதாகு³ணவிஸிட்ட²தாயுத்தபுக்³க³லோ விசினாபேதப்³போ³. ததோ ஸங்கோ⁴ சத்தாரி அக³திக³மனானி அனுபக³ந்த்வா ப⁴க³வதோ அஜ்ஜா²ஸயானுரூபங் லஜ்ஜீபேஸலப³ஹுஸ்ஸுதஸிக்கா²காமபூ⁴தங் புக்³க³லங் விசினித்வா ‘‘அயங் பி⁴க்கு² இமஸ்ஸ விஹாரஸ்ஸ அனுச்ச²விகோ’’தி ஆரோசேதி. மஹாதே²ரஸ்ஸபி தமேவ ருச்சதி, இச்சேதங் குஸலங். நோ சே ருச்சதி, அத்தனோ பா⁴ரபூ⁴தங் வுத்தப்பகாரஅங்க³வியுத்தங் புக்³க³லங் தா³துகாமோ ஹோதி. ஏவங் ஸந்தே ஸங்கோ⁴ ச²ந்தா³தி³அக³திங் ந க³ச்ச²தி, புக்³க³லோவ க³ச்ச²தி, தஸ்மா ஸங்க⁴ஸ்ஸேவ அனுமதியா விஹாரோ தா³தப்³போ³.
ஸசே பன ஸங்கோ⁴ யங் கஞ்சி ஆமிஸங் லபி⁴த்வா யதா²வுத்தகு³ணவியுத்தஸ்ஸ பி⁴க்கு²னோ தா³துகாமோ ஹோதி, புக்³க³லோ
‘‘ச²ந்தா³
யோ த⁴ம்மங் அதிவத்ததி;
நிஹீயதி தஸ்ஸ யஸோ;
காளபக்கே²வ சந்தி³மா.
‘‘ச²ந்தா³ தோ³ஸா ப⁴யா மோஹா;
யோ த⁴ம்மங் நாதிவத்ததி;
ஆபூரதி தஸ்ஸ யஸோ;
ஸுக்கபக்கே²வ சந்தி³மா’’தி. (தீ³॰ நி॰ 3.246; அ॰ நி॰ 4.17-18; பாரி॰ 382, 386);
யதா³ பன தே²ரோபி கிஞ்சி அவத்வா யதா²கம்மங்க³தோ, ஸங்கோ⁴பி ந கஸ்ஸசி விசாரேதி, ஏவங் ஸங்கி⁴கவிஹாரே அபி⁴க்கு²கே ஸுஞ்ஞே வத்தமானே தஸ்மிங் தே³ஸே யேன கேனசி ஸாஸனஸ்ஸ வுத்³தி⁴மிச்ச²ந்தேன ஆசரியேன அந்தோஸீமட்ட²கா பி⁴க்கூ² ஏவங் ஸமுஸ்ஸாஹேதப்³பா³ ‘‘மா தும்ஹே ஆயஸ்மந்தோ ஏவங் அகத்த², அந்தோஸீமட்ட²கேஸு பி⁴க்கூ²ஸு ப³ஹூபகாரதாதி³யுத்தங் புக்³க³லங் விசினத², விசினித்வா லப⁴ந்தா தஸ்ஸ புக்³க³லஸ்ஸ ஸமக்³கே³ன ஸங்கே⁴ன து⁴வவாஸத்தா²ய விஹாரங் அனுட்டா²பனீயங் கத்வா தே³த², நோ சே அந்தோஸீமட்ட²கேஸு பி⁴க்கூ²ஸு அலத்த², அத² ப³ஹிஸீமட்ட²கேஸு பி⁴க்கூ²ஸு விசினத². ப³ஹிஸீமட்ட²கேஸு பி⁴க்கூ²ஸு விசினித்வா யதா²வுத்தஅங்க³யுத்தபுக்³க³லே லப்³ப⁴மானே தங் புக்³க³லங் அந்தோஸீமங் பவேஸெத்வா
ஏவங் ஜினஸாஸனஸ்ஸ, வட்³டி⁴காமோ ஸுபேஸலோ;
அகாஸி பஞ்ஞவா பி⁴க்கு², ஸுட்டு² ஆவாஸனிச்ச²யந்தி.
இதி வினயஸங்க³ஹஸங்வண்ணனாபூ⁴தே வினயாலங்காரே
விஹாரவினிச்ச²யகதா²லங்காரோ.