பாசித்தியகதா²வண்ணனா
2129-30. ஏவங் திங்ஸ நிஸ்ஸக்³கி³யபாசித்தியானி த³ஸ்ஸெத்வா இதா³னி ஸுத்³த⁴பாசித்தியானி த³ஸ்ஸேதுமாஹ ‘‘லஸுண’’ந்திஆதி³. லஸுணந்தி எத்த² இதி-ஸத்³தோ³ லுத்தனித்³தி³ட்டோ². ‘‘லஸுணங்’’இதி ப⁴ண்டி³கங் வுத்தங் அட்ட²கதா²யங் (பாசி॰ அட்ட²॰ 793-795). சதுபஞ்சமிஞ்ஜாதி³ப்பபே⁴த³ங் ப⁴ண்டி³கங் லஸுணங் நாம, ந ததோ ஊனங். தேனாஹ ‘‘ந ஏகத்³விதிமிஞ்ஜக’’ந்தி. பக்கலஸுணதோ, ஸீஹளதீ³பஸம்ப⁴வதோ ச விஸேஸமாஹ ‘‘ஆமகங் மாக³த⁴ங்யேவா’’தி. மக³தே⁴ஸு ஜாதங் மாக³த⁴ங், ‘‘வுத்த’’ந்தி இமினா ஸம்ப³ந்தோ⁴. யதா²ஹ ‘‘மக³த⁴ரட்டே² ஜாதலஸுணமேவ ‘‘அஜ்ஜோ²ஹாரவஸேனேவ, பாசித்திங் பரிதீ³பயே’’தி.
2131. ததே³வ ‘‘த்³வே தயோ’’திஆதி³னா. ஸத்³தி⁴ந்தி ஏகதோ. ஸங்கா²தி³த்வாதி க³லபி³லங் அப்பவேஸெத்வா த³ந்தேஹி ஸங்சுண்ணியந்தீ கா²தி³த்வா. அஜ்ஜோ²ஹரதி பரக³லங் கரோதி.
2132. தத்தா²தி தஸ்மிங் ப⁴ண்டி³கலஸுணே. ‘‘மிஞ்ஜானங் க³ணனாயா’’தி இமினா அஜ்ஜோ²ஹாரபயோக³க³ணனாயேவ தீ³பிதா. யதா²ஹ ‘‘பி⁴ந்தி³த்வா ஏகேகங் மிஞ்ஜங் கா²த³ந்தியா பன பயோக³க³ணனாய பாசித்தியானீ’’தி (பாசி॰ அட்ட²॰ 795).
2133. ஸபா⁴வதோ வட்டந்தேவாதி யோஜனா.
2135. யதா²வுத்தபலண்டு³காதீ³னங் நானத்தங் த³ஸ்ஸேதுமாஹ ‘‘ஏகா மிஞ்ஜா’’திஆதி³. இத⁴ மிஞ்ஜானங் வஸேனேவ நானத்தங் த³ஸ்ஸிதங். அட்ட²கதா²யங் பன வண்ணவஸேனாபி. யதா²ஹ ‘‘பலண்டு³கோ பண்டு³வண்ணோ ஹோதி. ப⁴ஞ்ஜனகோ லோஹிதவண்ணோ. ஹரிதகோ ஹரிதபண்ணவண்ணோ’’தி (பாசி॰ அட்ட²॰ 797).
2136. ‘‘ஸாளவே உத்தரிப⁴ங்க³கே’’தி பத³ச்சே²தோ³. ‘‘ப³த³ரஸாளவாதீ³ஸூ’’தி (பாசி॰ அட்ட²॰ 797) அட்ட²கதா²வசனதோ எத்த² ப³த³ர-ஸத்³தோ³ ஸேஸோ. ப³த³ரஸாளவங் நாம ப³த³ரப²லானி ஸுக்கா²பெத்வா சுண்ணெத்வா காதப்³பா³ கா²த³னீயவிகதி. உம்மத்திகாதீ³னந்தி எத்த² ஆதி³-ஸத்³தே³ன ஆதி³கம்மிகா க³ஹிதா. யதா²ஹ ‘‘உம்மத்திகாய ஆதி³கம்மிகாயா’’தி (பாசி॰ 797).
பட²மங்.
2137. ஸம்பா³தே⁴தி ‘‘உபகச்சே²ஸு முத்தஸ்ஸ கரணேபி வா’’தி.
2138. அஸ்ஸா ததா² பாசித்தீதி ஸம்ப³ந்தோ⁴. ‘‘ந லோமக³ணனாயா’’தி இமினா ‘‘பயோக³க³ணனாயா’’தி இத³மேவ ஸமத்த²யதி.
2139. ஆபா³தே⁴தி கண்டு³ஆதி³கே ரோகே³. யதா²ஹ – ‘‘ஆபா³த⁴பச்சயாதி கண்டு³கச்சு²ஆதி³ஆபா³த⁴பச்சயா’’தி மக்³க³ஸங்விதா⁴னஸமா மதாதி பி⁴க்கு²னியா ஸங்விதா⁴ய ஏகத்³தா⁴னஸிக்கா²பதே³ன ஸதி³ஸா மதா ஞாதாதி அத்தோ².
து³தியங்.
2140. பது³மஸ்ஸ வா புண்ட³ரீகஸ்ஸ வா அந்தமஸோ கேஸரேனாபி காமராகே³ன முத்தகரணஸ்ஸ தலகா⁴தனே முத்தகரணம்பி பஹாரதா³னே பாசித்தி ஹோதீதி யோஜனா. கேஸரேனாபீதி அபி-ஸத்³தே³ன மஹாபது³மபண்ணேஹி வத்தப்³ப³மேவ நத்தீ²தி தீ³பேதி. யதா²ஹ – ‘‘அந்தமஸோ உப்பலபத்தேனாபீதி எத்த² பத்தங் தாவ மஹந்தங், கேஸரேனாபி பஹாரங் தெ³ந்தியா ஆபத்தியேவா’’தி (பாசி॰ அட்ட²॰ 803).
2141. தத்தா²தி தஸ்மிங் முத்தகரணதலே.
ததியங்.
2142. யா பன பி⁴க்கு²னீ காமராக³பரேதா காமராகே³ன பீளிதா அத்தனோ ப்³யஞ்ஜனே முத்தபதே² உப்பலபத்தம்பி பவேஸேதி, ந வட்டதி பாசித்தி ஹோதீதி யோஜனா. பி-ஸத்³தே³ன ‘‘கேஸரமத்தம்பி பன பவேஸெந்தியா ஆபத்தியேவா’’தி (பாசி॰ அட்ட²॰ 812) அட்ட²கதா² உல்லிங்கி³தா.
2143-4. யத்³யேவங் ‘‘இத³ங்…பே॰… ஜதுமட்ட²க’’ந்தி. இத³ங் ஜதுமட்ட²கங் வத்து²வஸேனேவ வுத்தந்தி ‘‘அத² கோ² ஸா பி⁴க்கு²னீ ஜதுமட்ட²கங் ஆதி³யித்வா தோ⁴விதுங் விஸ்ஸரித்வா ஏகமந்தங் ச²ட்³டே³ஸி. பி⁴க்கு²னியோ மக்கி²காஹி ஸம்பரிகிண்ணங் பஸ்ஸித்வா ஏவமாஹங்ஸு ‘கஸ்ஸித³ங் கம்ம’ந்தி. ஸா ஏவமாஹ ‘மய்ஹித³ங் கம்ம’ந்தி. யா தா பி⁴க்கு²னியோ அப்பிச்சா², தா உஜ்ஜா²யந்தி கி²ய்யந்தி விபாசெந்தி ‘கத²ஞ்ஹி நாம பி⁴க்கு²னீ ஜதுமட்ட²கங் ஆதி³யிஸ்ஸதீ’’தி (பாசி॰ 806) ஆக³தவத்து²வஸேனேவ வுத்தங், ந தங் வினா அஞ்ஞஸ்ஸ வட்டகஸ்ஸ ஸம்ப⁴வதோதி அதி⁴ப்பாயோ. ஜதுமட்ட²கங் நாம ஜதுனா கதோ மட்ட²த³ண்ட³கோ.
த³ண்ட³ந்தி ஏளாலுகந்தி கக்காரிப²லங் வா. தஸ்மிந்தி அத்தனோ முத்தகரணே.
2145. ஆபா³த⁴பச்சயாதி முத்தகரணப்பதே³ஸே ஜாதவணாதி³ம்ஹி வணட்டா²னநிருபனாதி³பச்சயா.
சதுத்த²ங்.
2146. அக்³க³பப்³ப³த்³வயாதி⁴கந்தி அக்³க³பப்³ப³த்³வயதோ கேஸக்³க³மத்தம்பி அதி⁴கங். யதா²ஹ ‘‘அந்தமஸோ கேஸக்³க³மத்தம்பி அதிக்காமேதி, ஆபத்தி பாசித்தியஸ்ஸா’’தி (பாசி॰ 812). த³கஸுத்³தி⁴ங் கரொந்தியாதி முத்தகரணட்டா²னே தோ⁴வனங் கரொந்தியா. யதா²ஹ ‘‘உத³கஸுத்³தி⁴கங் நாம முத்தகரணஸ்ஸ தோ⁴வனா வுச்சதீ’’தி (பாசி॰ 812).
2147. ‘‘தீணீ’’தி தீ³க⁴தோதி அங்கு³லியா தீ³க⁴தோ. தீணி பப்³பா³னி க³ம்பீ⁴ரதோ முத்தகரணே பவேஸெத்வா உத³கஸுத்³தி⁴ங் ஆதி³யந்தியா பாசித்தியங் ப⁴வேதி யோஜனா.
2148. திஸ்ஸோ, சதஸ்ஸோ வா அங்கு³லியோ ஏகதோ கத்வா வித்தா²ரேன பவேஸனே ஏகபப்³பே³பி பவிட்டே² ‘‘த்³வங்கு³லபப்³ப³பரம’’ந்தி நியமிதப்பமாணாதிக்கமதோ ஆஹ ‘‘ஏகபப்³ப³ம்பி யா பனா’’தி. யா பன பி⁴க்கு²னீ சதுன்னங் வாபி அங்கு³லீனங் திஸ்ஸன்னங் வாபி அங்கு³லீனங் ஏகபப்³ப³ம்பி வித்தா²ரதோ பவேஸேதி, தஸ்ஸா பாசித்தியங் ஸியாதி யோஜனா.
2149. இதீதி ஏவங். ஸப்³ப³ப்பகாரேனாதி க³ம்பீ⁴ரபவேஸனாதி³னா ஸப்³பே³ன பகாரேன. அபி⁴ப்³யத்ததரங் கத்வாதி ஸுபாகடதரங் கத்வா. அயமத்தோ²தி ‘‘ஏகிஸ்ஸங்கு³லியா தீணீ’’திஆதி³னா வுத்தோ அயமத்தோ².
2150. த்³வங்கு³லபப்³பே³ தோ³ஸோ நத்தீ²தி யோஜனா. உத³கஸுத்³தி⁴பச்சயே பன ஸதிபி ப²ஸ்ஸஸாதி³யனே அதி⁴கம்பீதி த்³வங்கு³லபப்³ப³தோ அதி⁴கம்பி. உத³கஸுத்³தி⁴ங் கரொந்தியா தோ³ஸோ நத்தீ²தி யோஜனா.
2151. ததா² உத³கஸுத்³தி⁴ங் கரொந்தீனங் உம்மத்திகாதீ³னங் அனாபத்தி பகாஸிதாதி யோஜனா.
பஞ்சமங்.
2152. பு⁴ஞ்ஜதோ பன பி⁴க்கு²ஸ்ஸாதி பஞ்சன்னங் போ⁴ஜனானங் அஞ்ஞதரங் பு⁴ஞ்ஜதோ பி⁴க்கு²ஸ்ஸ. யதா²ஹ ‘‘பு⁴ஞ்ஜந்தஸ்ஸாதி பஞ்சன்னங் போ⁴ஜனானங் அஞ்ஞதரங் போ⁴ஜனங் பு⁴ஞ்ஜந்தஸ்ஸா’’தி (பாசி॰ 817). பானீயங் வா விதூ⁴பனங் வாதி வக்க²மானங் பானீயங், பீ³ஜனீயஞ்ச. உபதிட்டெ²ய்யாதி ‘‘ஹத்த²பாஸே திட்ட²தீ’’தி (பாசி॰ 817) வசனதோ எத்த² உப-ஸத்³தோ³ ஹத்த²பாஸஸங்கா²தங் ஸமீபங் வத³தீதி வேதி³தப்³ப³ங்.
2153. வத்த²கோணாதி³ யா காசி ‘‘பீ³ஜனீ’’தி வுச்சதீதி யோஜனா, இமினா ‘‘பீ³ஜனிகிச்சங் ஸம்பாதெ³ஸ்ஸாமீ’’தி அதி⁴ட்டா²ய க³ஹிதசீவரகோணப்பகாரங் யங் கிஞ்சி ‘‘பீ³ஜனீ’’தி வுச்சதீதி அத்தோ².
2154. ‘‘அத² கோ² ஸா பி⁴க்கு²னீ தஸ்ஸ பி⁴க்கு²னோ பு⁴ஞ்ஜந்தஸ்ஸ பானீயேன ச விதூ⁴பனேன ச உபதிட்டி²த்வா அச்சாவத³தி. அத² கோ² ஸோ பி⁴க்கு² தங் பி⁴க்கு²னிங் அபஸாதே³தி ‘மா, ப⁴கி³னி, ஏவரூபங் அகாஸி, நேதங் கப்பதீ’தி. ‘புப்³பே³ மங் த்வங் ஏவஞ்ச ஏவஞ்ச கரோஸி, இதா³னி எத்தகங் ந ஸஹஸீ’தி பானீயதா²லகங் மத்த²கே ஆஸும்பி⁴த்வா விதூ⁴பனேன பஹாரங் அதா³ஸீ’’தி (பாசி॰ 815) இமஸ்மிங் வத்து²ம்ஹி பி⁴க்கூ²ஹி ஆரோசிதே ‘‘கத²ஞ்ஹி நாம, பி⁴க்க²வே, பி⁴க்கு²னீ பி⁴க்கு²ஸ்ஸ பஹாரங் த³ஸ்ஸதீ’’திஆதீ³னி (பாசி॰ 815) வத்வா ‘‘யா பன பி⁴க்கு²னீ பி⁴க்கு²ஸ்ஸ பு⁴ஞ்ஜந்தஸ்ஸ பானீயேன வா விதூ⁴பனேன வா உபதிட்டெ²ய்ய, பாசித்திய’’ந்தி (பாசி॰ 816) வுத்தத்தா பஹாரபச்சயா நு கோ²தி ஆஸங்கங் நிவத்தேதுமாஹ ‘‘ஹத்த²பாஸே இத⁴ டா²னபச்சயாபத்தி தீ³பிதா’’தி. எத்த² ச ஆஸும்பி⁴த்வாதி பாதெத்வா. இதா⁴தி இமஸ்மிங் ஸிக்கா²பதே³. ‘‘ந, பி⁴க்க²வே, பி⁴க்கு²னியா பி⁴க்கு²ஸ்ஸ பஹாரோ தா³தப்³போ³. யா த³தெ³ய்ய, ஆபத்தி து³க்கடஸ்ஸா’’தி (சூளவ॰ 420) பி⁴க்கு²னிக்க²ந்த⁴கே ‘‘பஹாரபச்சயா வுத்தங், க²ந்த⁴கே து³க்கடங் விஸு’’ந்தி. இமினா வுத்தஸ்ஸேவத்த²ஸ்ஸ காரணங் த³ஸ்ஸிதங் ஹோதி.
2155. ஹத்த²பாஸங் ஜஹித்வாதி எத்த² ‘‘போ⁴ஜனங் பு⁴ஞ்ஜதோ’’தி ச கா²த³னங் கா²த³தோதி எத்த² ‘‘ஹத்த²பாஸே’’தி ச வத்தப்³ப³ங்
2156. தே³தீதி பானீயங் வா ஸூபாதி³ங் வா ‘‘இமங் பிவத², இமினா பு⁴ஞ்ஜதா²’’தி தே³தி. தாலவண்டங் ‘‘இமினா பீ³ஜந்தா பு⁴ஞ்ஜதா²’’தி தே³தி. தா³பேதீதி அஞ்ஞேன உப⁴யம்பி தா³பேதி. இத³ங் ஸிக்கா²பத³ங் ஸமுட்டா²னதோ ஏளகலோமேன ஸமங் மதந்தி யோஜனா.
ச²ட்ட²ங்.
2157. விஞ்ஞத்வாதி ஸயங் விஞ்ஞத்வா, அஞ்ஞாய வா விஞ்ஞாபெத்வா. ‘‘விஞ்ஞத்வா வா விஞ்ஞாபெத்வா வா’’தி (பாசி॰ 821) ஹி ஸிக்கா²பத³ங். ஆமகங் த⁴ஞ்ஞந்தி அபக்கங் அப⁴ட்ட²ங் ஸாலிஆதி³கங் ஸத்தவித⁴ங் த⁴ஞ்ஞங். யதா²ஹ – ‘‘ஆமகத⁴ஞ்ஞங் நாம ஸாலி வீஹி யவோ கோ³து⁴மோ கங்கு³ வரகோ குத்³ரூஸகோ’’தி (பாசி॰ 822). கொட்டெத்வாதி முஸலேஹி கொட்டெத்வா. யதி³ பரிபு⁴ஞ்ஜதீதி யோஜனா.
2158-60. ‘‘பு⁴ஞ்ஜிஸ்ஸாமீதி படிக்³க³ண்ஹாதி, ஆபத்தி து³க்கடஸ்ஸாதி இத³ங் பயோக³து³க்கடங் நாம, தஸ்மா ந கேவலங் படிக்³க³ஹணேயேவ து³க்கடங் ஹோதீ’’திஆதி³னா (பாசி॰ அட்ட²॰ 822) அட்ட²கதா²க³தங் விபா⁴க³ங் த³ஸ்ஸேதுமாஹ ‘‘ந கேவலங் து த⁴ஞ்ஞான’’ந்திஆதி³. பனாதி அபி-ஸத்³த³த்தே², ஸுக்கா²பனேபீதி அத்தோ². ப⁴ஜ்ஜனத்தா²யாதி எத்த² ‘‘வத்³த³லிதி³வஸே’’தி ஸேஸோ. ‘‘கபல்லஸஜ்ஜனே உத்³த⁴னஸஜ்ஜனே’’தி பச்சேகங் யோஜேதப்³ப³ங். த³ப்³பி³ஸஜ்ஜனேதி கடச்சு²ஸம்பாத³னே. தத்த² கபல்லகே த⁴ஞ்ஞபக்கி²பனேதி யோஜனா. ‘‘க⁴ட்டனகொட்டனே’’தி வத்தப்³பே³ கா³தா²ப³ந்த⁴வஸேன ந-காரலோபங் கத்வா ‘‘க⁴ட்டகொட்டனே’’தி வுத்தங்.
2161-3. பமாண-ஸத்³த³ஸ்ஸ ‘‘போ⁴ஜனஞ்சேவ விஞ்ஞத்திபமாண’’ந்தி ஆவத்தலிங்க³ஸங்க்²யத்தங் நாம நியதலிங்கே³கத்தப³ஹுத்தங். ததா² ஹெத்த² பமாண-ஸத்³தோ³ நியதனபுங்ஸகலிங்கே³ நியதேகத்தங் வுச்சதி. எத்த² இமஸ்மிங் ஸிக்கா²பதே³ போ⁴ஜனஞ்சேவ விஞ்ஞத்தி சாதி இத³ங் த்³வயங் ஹி யஸ்மா பமாணங், தஸ்மா ஸயங் விஞ்ஞத்வா வா அஞ்ஞதோ ப⁴ஜ்ஜனாதீ³னி காராபெத்வா வா அஞ்ஞாய பன விஞ்ஞாபெத்வா ஸயங் ப⁴ஜ்ஜனாதீ³னி கத்வா வா யா பன பி⁴க்கு²னீ அஜ்ஜோ²ஹரதி, தஸ்ஸா அஜ்ஜோ²ஹாரபயோகே³ஸு பாசித்தியோ ஸியுந்தி யோஜனா.
மஹாபச்சரியங் (பாசி॰ அட்ட²॰ 823) வுத்தங் வினிச்ச²யங் த³ஸ்ஸேதுமாஹ ‘‘மாதரங் வா’’திஆதி³. மாதரங் வாபி யாசித்வாதி எத்த² வா-ஸத்³தோ³ அத்த²ந்தரவிகப்பனே. பி-ஸத்³தோ³ ஸம்பா⁴வனே. மாதரங் வா பிதரங் வா அஞ்ஞங் வா ஞாதகங் வா பவாரிதங் வா ஆமகத⁴ஞ்ஞங் யாசித்வா வா அஞ்ஞாய காராபெத்வா வா யா பரிபு⁴ஞ்ஜதி, தஸ்ஸா பாசித்தீதி யோஜனா.
2164. அவிஞ்ஞத்தியா லத்³த⁴ங் ஸயங் வா ப⁴ஜ்ஜனாதீ³னி கத்வா வா அஞ்ஞாய காராபெத்வா வா யா பரிபு⁴ஞ்ஜதி, தஸ்ஸா து³க்கடந்தி யோஜனா.
2165. அஞ்ஞாய பன விஞ்ஞத்தியா லத்³த⁴ங் தாய காராபெத்வாபி ஸயங் கத்வா வா அஜ்ஜோ²ஹரந்தியா ததா² ஆபத்தி து³க்கடந்தி யோஜனா. இத³ஞ்ச மஹாபச்சரியாக³தனயங் க³ஹெத்வா வுத்தங். மஹாஅட்ட²கதா²யங் பன ‘‘அஞ்ஞாய விஞ்ஞத்தங் பு⁴ஞ்ஜந்தியா து³க்கட’’ந்தி (பாசி॰ அட்ட²॰ 822) வுத்தத்தா விஞ்ஞத்தியாபி அஞ்ஞாய லத்³த⁴ங் ஆமகங் த⁴ஞ்ஞங் தாய காராபெத்வா வா ஸயங் கத்வா வா பரிபு⁴ஞ்ஜந்தஸ்ஸாபி து³க்கடமேவ வுத்தந்தி வேதி³தப்³ப³ங்.
2166-7. ஸேத³கம்மாதி³அத்தா²யாதி ஸேஸவிஞ்ஞத்தியாதி முக்³க³மாஸஅலாபு³கும்ப⁴ண்ட³காதீ³னங் வுத்தத⁴ஞ்ஞாவஸேஸானங் விஞ்ஞத்தியா.
ஸாலிஆதீ³னங் ஸத்தன்னங் த⁴ஞ்ஞானங் து³க்கடஸ்ஸ வுத்தத்தா, அனாமாஸத்தா ச ஸப்³பே³ன ஸப்³ப³ங் ந வட்டந்தீதி த³ஸ்ஸேதுமாஹ ‘‘ஞாதகானம்பீ’’திஆதி³.
2168. லத்³த⁴ந்தி நவகம்மேஸூதி நவகம்மத்தா²ய, நிமித்தத்தே² பு⁴ம்மங். எத்த² ‘‘ஸம்படிச்சி²து’’ந்தி ஸேஸோ. ‘‘அவிஞ்ஞத்தியா லப்³ப⁴மானங் பன நவகம்மத்தா²ய ஸம்படிச்சி²துங் வட்டதீ’’தி (பாசி॰ அட்ட²॰ 823) மஹாபச்சரியங் வுத்தங்.
ஸத்தமங்.
2169. ஸங்காரந்தி கசவரங். விகா⁴ஸகங் வாதி உச்சி²ட்ட²கமச்ச²கண்டகமங்ஸட்டி²சலகமுக²தோ⁴வனாதி³கங் யங் கிஞ்சி. ச²ட்³டெ³ய்ய வாதி எத்த² ‘‘ஸய’’ந்தி ஸேஸோ ‘‘ச²ட்³டா³பெய்ய பரேஹீ’’தி வக்க²மானத்தா. குட்டஸ்ஸ திரோ திரோகுட்டங், தஸ்மிங், குட்டஸ்ஸ பரபா⁴கே³தி அத்தோ². ‘‘பாகாரேபி அயங் நயோ’’தி வக்க²மானத்தா குட்டந்தி வா ப்³யதிரித்தா பி⁴த்தி க³ஹேதப்³பா³.
2171. ஏகாதி எத்த² ஆபத்தீதி ஸேஸோ. ‘‘தஸ்ஸா’’தி இமினா ஸம்ப³ந்தோ⁴.
2172. ச²ட்³ட³னேதி எத்த² பி-ஸத்³தோ³ லுத்தனித்³தி³ட்டோ². த³ந்தகட்ட²ஸ்ஸ ச²ட்³ட³னேபி பி⁴க்கு²னியா பாசித்தி பரிதீ³பிதாதி யோஜனா.
2173-4. ஸப்³ப³த்தா²தி ‘‘அவலஞ்ஜேபீ’’திஆதி³. அவலஞ்ஜே டா²னே அனோலோகெத்வா ச²ட்³டெ³ந்தியாபி வா வலஞ்ஜே டா²னே ஓலோகெத்வாபி வா பன ச²ட்³டெ³ந்தியா அனாபத்தீதி யோஜனா. ச²ட்³ட³னங் க்ரியங். அனோலோகனங் அக்ரியங்.
அட்ட²மங்.
2175-6. யா பன பி⁴க்கு²னீ கெ²த்தே வா நாளிகேராதி³ஆராமே வா யத்த² கத்த²சி ரோபிமே ஹரிதட்டா²னே தானி விகா⁴ஸுச்சாரஸங்காரமுத்தஸங்கா²தானி சத்தாரி வத்தூ²னி ஸசே ஸயங் ச²ட்³டே³தி வா, ததா² பரே ச²ட்³டா³பேதி வா, தஸ்ஸா பி⁴க்கு²னியா ஆபத்திவினிச்ச²யோ வுத்தனயோ ‘‘ஏகேக’’மிச்சாதி³னா யதா²வுத்தபகாரோதி யோஜனா.
2177-8. யா பன பி⁴க்கு²னீ ஹரிதே கெ²த்தே நிஸீதி³த்வா பு⁴ஞ்ஜமானா வா ததா² ஹரிதே தத்த² கா²த³ந்தி கா²த³மானா க³ச்ச²ந்தீ வா யதி³ உச்சி²ட்ட²ங் உத³கங் வா சலகாதி³ங் வா ச²ட்³டே³தி, தஸ்ஸா பாசித்தியங் ஹோதீதி யோஜனா. சலகங் நாம வமிகரங்.
2179. தாதி³ஸே ஹரிதே டா²னே அந்தமஸோ மத்த²கசி²ன்னங் நாளிகேரம்பி ஜலங் பிவித்வா ச²ட்³டெ³ந்தியா ஆபத்தி ஸியாதி யோஜனா.
2180. ஸப்³பே³ஸந்தி பி⁴க்கு²பி⁴க்கு²னீனங்.
2181. லாயிதம்பி கெ²த்தங் புன ரோஹணத்தா²ய மனுஸ்ஸா ரக்க²ந்தி சே, தத்த² தஸ்மிங் கெ²த்தே விகா⁴ஸுச்சாராதீ³னி ச²ட்³டெ³ந்தியா அஸ்ஸா பி⁴க்கு²னியா யதா²வத்து²கமேவ ஹி பாசித்தியமேவாதி ‘‘அஸ்ஸா யதா²வத்து²க’’ந்தி இமினா பி⁴க்கு²ஸ்ஸ து³க்கடந்தி வுத்தமேவ ஹோதி.
2182. ச²ட்³டி³தே கெ²த்தேதி மனுஸ்ஸேஹி உத்³த⁴டஸஸ்ஸே கெ²த்தே. யதா²ஹ – ‘‘மனுஸ்ஸேஸு ஸஸ்ஸங் உத்³த⁴ரித்வா க³தேஸு ச²ட்³டி³தகெ²த்தங் நாம ஹோதி, தத்த² வட்டதீ’’தி (பாசி॰ அட்ட²॰ 830). ஏவங் அகதேபி கெ²த்தே ஸாமிகே ஆபுச்சி²த்வா காதுங் வட்டதி. யதா²ஹ ‘‘ஸாமிகே அபலோகெத்வா ச²ட்³டே³தீ’’தி (பாசி॰ 832). இத⁴ கெ²த்தபாலகா, ஆராமாதி³கோ³பகா ச ஸாமிகா ஏவ. ஸங்க⁴ஸ்ஸ கெ²த்தே, ஆராமே ச ஸசே ‘‘தத்த² கசவரங் ந ச²ட்³டே³தப்³ப³’’ந்தி கதிகா நத்தி², பி⁴க்கு²ஸ்ஸ ச²ட்³டே³துங் வட்டதி ஸங்க⁴பரியாபன்னத்தா, ந பி⁴க்கு²னீனங். தாஸங் பன பி⁴க்கு²ஸங்கே⁴ வுத்தனயேன ந வட்டதி, ந தஸ்ஸ பி⁴க்கு²ஸ்ஸ, ஏவங் ஸந்தேபி ஸாருப்பவஸேன காதப்³ப³ந்தி. ஸப்³ப³ந்தி உச்சாராதி³ சதுப்³பி³த⁴ங்.
நவமங்.
2183. எத்த² ‘‘நச்சங் நாம யங் கிஞ்சி நச்சங். கீ³தங் நாம யங் கிஞ்சி கீ³தங். வாதி³தங் நாம யங் கிஞ்சி வாதி³த’’ந்தி (பாசி॰ 835) வசனதோ ‘‘யங் கிஞ்சீ’’தி ஸேஸோ. யா பன பி⁴க்கு²னீ யங் கிஞ்சி நச்சங் வா யங் கிஞ்சி கீ³தங் வா யங் கிஞ்சி வாதி³தங் வா த³ஸ்ஸனத்தா²ய க³ச்செ²ய்யாதி யோஜனா. தத்த² யங் கிஞ்சி நச்சந்தி நடாத³யோ வா நச்சந்து ஸொண்டா³ வா, அந்தமஸோ மோரஸுகமக்கடாத³யோபி, ஸப்³ப³ம்பேதங் நச்சமேவ. யங் கிஞ்சி கீ³தந்தி நடாதீ³னங் வா கீ³தங் ஹோது அரியானங் பரினிப்³பா³னகாலே ரதனத்தயகு³ணூபஸங்ஹிதங் ஸாது⁴கீளிதகீ³தங் வா அஸஞ்ஞதபி⁴க்கூ²னங் யங் கிஞ்சி வாதி³தந்தி க⁴னாதி³வாத³னீயப⁴ண்ட³வாதி³தங் வா ஹோது குடபே⁴ரிவாதி³தங் வா அந்தமஸோ உத³ரபே⁴ரிவாதி³தம்பி ‘‘த³ஸ்ஸனத்தா²யா’’தி வுத்தங். பஞ்சன்னங் விஞ்ஞாணானங் யதா²ஸகங் விஸயஸ்ஸ ஆலோசனஸபா⁴வதாய வா ‘‘த³ஸ்ஸனத்தா²ய’’ இச்சேவ வுத்தங்.
2184. புப்³ப³பயோக³து³க்கடேன ஸஹ பாசித்தியங் த³ஸ்ஸேதுமாஹ ‘‘த³ஸ்ஸனத்தா²ய நச்சஸ்ஸா’’திஆதி³. கீ³தஸ்ஸாதி எத்த² ‘‘வாதி³தஸ்ஸா’’தி பகரணதோ லப்³ப⁴தி.
2185. ஏகபயோகே³னாதி ஏகதி³ஸாவலோகனபயோகே³ன. தேனேவ வக்க²தி ‘‘அஞ்ஞஸ்மிம்பி…பே॰… ஸியு’’ந்தி. பஸ்ஸதீதி எத்த² ‘‘நச்ச’’ந்தி ஸேஸோ. தேஸந்தி யேஸங் நச்சங் பஸ்ஸதி. பி-ஸத்³தே³ன வாதி³தம்பி ஸம்பிண்டே³தி. யதா²ஹ ‘‘தேஸங்யேவ கீ³தவாதி³தங் ஸுணாதி, ஏகமேவ பாசித்திய’’ந்தி (பாசி॰ அட்ட²॰ 836).
2186. அஞ்ஞதோதி அஞ்ஞஸ்மிங் தி³ஸாபா⁴கே³.
2187. ‘‘விஸுங் பாசித்தியோ ஸியு’’ந்தி இத³மேவ பகாஸேதுமாஹ ‘‘பயோக³க³ணனாயெத்த², ஆபத்திக³ணனா ஸியா’’தி. எத்தா²தி இமஸ்மிங் நானாதி³ஸாபா⁴கே³. நச்சகீ³தவாதி³தானங் த³ஸ்ஸனஸவனே அட்ட²கதா²க³தங் வினிச்ச²யங் த³ஸ்ஸேதுமாஹ ‘‘நச்சிது’’ந்திஆதி³.
2188. ‘‘நச்ச இதீ’’தி பத³ச்சே²தோ³, ‘‘நச்சாஹீ’’திபி பாடோ². உபட்டா²னந்தி பே⁴ரிஸத்³த³பூஜங். ஸம்படிச்சி²துந்தி ‘‘ஸாதூ⁴’’தி அதி⁴வாஸேதுங். இமஸ்ஸ உபலக்க²ணவஸேன வுத்தத்தா நச்சகீ³தேபி ஏஸேவ நயோ.
2189-90. ஸப்³ப³த்தா²தி நச்சனாதீ³ஸு ஸப்³ப³த்த². உபட்டா²னங் கரோமாதி தும்ஹாகங் சேதியஸ்ஸ நச்சாதீ³ஹி உபஹாரங் கரோமாதி. உபட்டா²னங் பஸத்த²ந்தி உபட்டா²னகரணங் நாம ஸுந்த³ரந்தி.
யா அட்ட²கதா²ய வுத்தங். ‘‘ட²த்வா’’தி வுத்தேபி ஸப்³பே³ஸுபி இரியாபதே²ஸு லப்³ப⁴தி. ஆராமே ட²த்வாதி ந கேவலங் ட²த்வாவ, ததோ க³ந்த்வாபி ஸப்³பி³ரியாபதே²ஹிபி லப⁴தி. ‘‘ஆராமே டி²தா’’தி (பாசி॰ 837) பன ஆராமபரியாபன்னத³ஸ்ஸனத்த²ங் வுத்தங். இதரதா² நிஸின்னாபி ந லபெ⁴ய்யாதி க³ண்டி²பதா³தீ³ஸு வுத்தங். பி⁴க்கூ²னம்பி ஏஸேவ நயோ.
2191. யா அத்தனோ டி²தோகாஸங் ஆக³ந்த்வா பயோஜிதங் பஸ்ஸதி வா ஸுணாதி வாதி யோஜனா. டி²தோகாஸந்தி எத்த² க³தினிவத்திஸாமஞ்ஞேன ஸயிதனிஸின்னம்பி க³ய்ஹதி. ததா²ரூபா ஹி காரணா க³ந்த்வா பஸ்ஸந்தியா வாபீதி யோஜனா. காரணங் நாம ஸலாகப⁴த்தாதி³காரணங். யதா²ஹ ‘‘ஸதி கரணீயேதி ஸலாகப⁴த்தாதீ³னங் வா அத்தா²ய அஞ்ஞேன வா கேனசி கரணீயேன க³ந்த்வா க³தட்டா²னே பஸ்ஸதி வா ஸுணாதி வா, அனாபத்தீ’’தி (பாசி॰ அட்ட²॰ 837).
2192. மக்³க³ங் க³ச்ச²ந்தீ படிபதே² நச்சங் அட்ட²த்வா பஸ்ஸதீதி ஏவங் பஸ்ஸந்தியாபி ச ததா² அனாபத்தீதி அஜ்ஜா²ஹாரயோஜனா. படிபதே²தி க³மனமக்³கா³பி⁴முகே². ஆபதா³ஸுபீதி தாதி³ஸேன உபத்³த³வேன உபத்³து³தா ஸமஜ்ஜட்டா²னங் பவிஸதி, ஏவங் பவிஸித்வா பஸ்ஸந்தியா வா ஸுணந்தியா வா அனாபத்தி.
2193. இத³ங் ஸிக்கா²பத³ங் ஸமுட்டா²னதோ ஏளகலோமஸிக்கா²பதே³ன ஸமங் மதங் ‘‘ஸமான’’ந்தி விஞ்ஞாதங்.
த³ஸமங்.
லஸுணவக்³கோ³ பட²மோ.
2194-5. இத⁴ ரத்தந்த⁴காரஸ்மிந்தி ரத்தியங். ரத்திபரியாயோ ஹி ரத்தந்த⁴கார-ஸத்³தோ³. யதா²ஹ பத³பா⁴ஜனே ‘‘ரத்தந்த⁴காரேதி ஒக்³க³தே ஸூரியே’’தி (பாசி॰ 840). அப்பதீ³பேதி பஜ்ஜோதசந்த³ஸூரியஅக்³கீ³ஸு ஏகேனாபி அனோபா⁴ஸிதே, இமினா ‘‘ஸந்திட்ட²தீ’’தி இமினா க³மனநிஸின்னஸயனஸங்கா²தங் இரியாபத²த்திகஞ்ச உபலக்கி²தந்தி த³ட்ட²ப்³ப³ங். வுத்தஞ்ஹி வஜிரபு³த்³தி⁴னா ‘‘ஸந்திட்டெ²ய்யாதி எத்த² டா²னாபதே³ஸேன சதுப்³பி³தோ⁴பி இரியாபதோ² ஸங்க³ஹிதோ, தஸ்மா புரிஸேன ஸத்³தி⁴ங் சங்கமனாதீ³னி கரொந்தியாபி பாசித்தியஞ்ச உபலப்³ப⁴தீ’’தி (வஜிர॰ டீ॰ பாசித்திய 839 தோ²கங் விஸதி³ஸங்). புரிஸேன ஸத்³தி⁴ந்தி ஸந்திட்டி²துங், ஸல்லபிதுஞ்ச விஞ்ஞுனா மனுஸ்ஸபுரிஸேன ஸத்³தி⁴ங்.
ரஹஸ்ஸாத³வஸேன புரிஸஸ்ஸ ஹத்த²பாஸங் ஸமாக³ந்த்வா தேன ஸத்³தி⁴ங் ஸல்லபந்தியா வா பாசித்தியங் வுத்தந்தி யோஜனா.
2196-7. யா பன பி⁴க்கு²னீ ஸசே மனுஸ்ஸபுரிஸஸ்ஸ ஹத்த²பாஸங் விஜஹித்வா ஸந்திட்ட²தி வா ஸல்லபதி வா, யக்க²பேததிரச்சா²னக³தானங் ஹத்த²பாஸங் அவிஜஹித்வா ஸந்திட்ட²தி வா ஸல்லபதி வா, தஸ்ஸா து³க்கடங் பரிதீ³பிதந்தி யோஜனா.
விஞ்ஞுக்³க³ஹணேன அவிஞ்ஞூ புரிஸோ அனாபத்திங் ந கரோதீதி தீ³பேதி.
2198. அஞ்ஞவிஹிதாயாதி ரஹோஅஸ்ஸாத³தோ அஞ்ஞங் சிந்தெந்தியா. யதா²ஹ ‘‘ரஹோஅஸ்ஸாத³தோ அஞ்ஞவிஹிதாவ ஹுத்வா’’தி (பாசி॰ அட்ட²॰ 841). சதுத்தே²ன, ச²ட்டே²ன ச ஸமுட்டா²னேன ஸமுட்டா²னதோ தெ²ய்யஸத்த²ஸமுட்டா²னங். ஸந்திட்ட²னஸல்லபனவஸேன க்ரியங். ஸஞ்ஞாய விமொக்கோ² ஏதஸ்மிந்தி ஸஞ்ஞாவிமொக்க²கங்.
பட²மங்.
2199. படிச்ச²ன்னே ஓகாஸேதி குட்டாதீ³ஸு யேன கேனசி படிச்ச²ன்னே ஓகாஸே. இத³ங் வசனங்.
து³தியங்.
2200. ததியே ‘‘அஜ்ஜோ²காஸே’’தி ச சதுத்தே² ‘‘ரதி²காய, ப்³யூஹே, ஸிங்கா⁴டகே’’தி பதா³னி ச வஜ்ஜெத்வா அவஸேஸங் ஸந்தா⁴யாஹ ‘‘அபுப்³ப³ங் நத்தி² கிஞ்சிபீ’’தி. எத்த² ‘‘வத்தப்³ப³’’ந்தி ஸேஸோ. எத்த² ரதி²காயாதி ரச்சா²ய. ப்³யூஹேதி அனிப்³பி³த்³த⁴ரச்சா²ய. ஸிங்கா⁴டகேதி சச்சரே ஓகாஸே, திகோணங் வா சதுகோணங் வா மக்³க³ஸமோதா⁴னட்டா²னேதி வுத்தங் ஹோதி.
ததியசதுத்தா²னி.
2201-2. ‘‘யா பன பி⁴க்கு²னீ புரேப⁴த்தங் குலானி உபஸங்கமித்வா ஆஸனே நிஸீதி³த்வா ஸாமிகே அனாபுச்சா² பக்கமெய்ய, பாசித்திய’’ந்தி (பாசி॰ 855) வசனதோ யா பன பி⁴க்கு²னீ புரேப⁴த்தங் குலானி உபஸங்கமித்வா ச²த³னந்தோ ஆஸனே நிஸீதி³த்வா ஸாமிகே அனாபுச்சா² அனோவஸ்ஸகப்பதே³ஸங் அதிக்கமேதி, யா ச அஜ்ஜோ²காஸே வா நிஸீதி³த்வா ஸசே உபசாரங் அதிக்கமேதி, தஸ்ஸா பட²மே பதே³ து³க்கடங் ஹோதி, து³தியே பதே³ பாசித்தி பரியாபுதாதி யோஜனா. ‘‘ஆஸனே’’தி இமினா பல்லங்கமாபு⁴ஜித்வா நிஸீத³னாரஹமாஸனங் அதி⁴ப்பேதங். யதா²ஹ – ‘‘ஆஸனங் நாம பல்லங்கஸ்ஸ ஓகாஸோ வுச்சதீ’’தி (பாசி॰ 856). அனோவஸ்ஸப்பதே³ஸந்தி நிப்³ப³கோஸப்³ப⁴ந்தரங். அப்³போ⁴காஸே ஆபத்திகெ²த்தங் த³ஸ்ஸேதுமாஹ ‘‘உபசாரம்பி வா ஸசே’’தி. உபசாரந்தி த்³வாத³ஸஹத்த²ப்பமாணங் க³ண்டி²பதே³ ‘‘உபசாரோ த்³வாத³ஸஹத்தோ²’’தி.
2203. ‘‘ததா²’’தி இமினா ‘‘து³க்கடங் ஸமுதீ³ரித’’ந்தி இத³ங் பச்சாமஸதி. ஆபுட்டே² அனாபுட்ட²ஸஞ்ஞாய ஆபுட்டே² விசிகிச்ச²தோ பக்கமந்தியா ததா² து³க்கடந்தி யோஜனா. எத்த² ச ‘‘பி⁴க்கு²னியா’’தி ஸம்ப³ந்தி⁴னியா ஸமானத்தா ‘‘விசிகிச்ச²ந்தியா’’தி வத்தப்³பே³ லிங்க³விபல்லாஸவஸேன ‘‘விசிகிச்ச²தோ’’தி வுத்தந்தி த³ட்ட²ப்³ப³ங்.
2204. கி³லானாயாதி யா தாதி³ஸேன கே³லஞ்ஞேன ஆபுச்சி²துங் ந ஸக்கோதி. ஆபதா³ஸூதி க⁴ரே அக்³கி³ உட்டி²தோ ஹோதி சோரா வா, ஏவரூபே உபத்³த³வே அனாபுச்சா² பக்கமந்தியா அனாபத்தி.
பஞ்சமங்.
2205-6. ‘‘க³ச்ச²ந்தியா வஜந்தியா’’தி ச நிஸீத³னநிபஜ்ஜனாவஸானத³ஸ்ஸனத்த²ங் வுத்தங். பாசித்தியங் பன பச்சா²ப⁴த்தங் ஸாமிகே ‘‘இத⁴ நிஸீதா³ம வா ஸயாம வா’’தி அனாபுச்சி²த்வா நிஸின்னநிபன்னபச்சயா நிஸீதி³த்வா க³ச்ச²ந்தியா ஏகா பாசித்தி ஹோதீதி யோஜனா. ஏஸ நயோ ‘‘நிபஜ்ஜித்வா’’திஆதீ³ஸுபி.
யதா² பன தத்த² அஸங்ஹாரிமே அனாபத்தி, ஏவமித⁴ து⁴வபஞ்ஞத்தே வா அனாபத்தீதி.
ச²ட்ட²ங்.
2207. திஸமுட்டா²னந்தி ஸசித்தகேஹி தீஹி ஸமுட்டா²னேஹி ஸமுட்டா²னதோ.
அட்ட²மங்.
2208. யா அபி⁴ஸபெய்யாதி ஸபத²ங் கரெய்ய, ‘‘நிரயே நிப்³ப³த்தாமி, அவீசிம்ஹி நிப்³ப³த்தாமீ’’தி அத்தானங் வா ‘‘நிரயே நிப்³ப³த்தது, அவீசிம்ஹி நிப்³ப³த்ததூ’’தி பரங் வா ‘‘கி³ஹினீ ஹோமி, ஓதா³தவத்தா² ஹோமீ’’தி அத்தானங் வா ‘‘கி³ஹினீ ஹோது, ஓதா³தவத்தா² ஹோதூ’’தி பரங் வா அபி⁴ஸபெய்யாதி வுத்தங் ஹோதி.
2210. அக்கோஸதி அத்தானங் வா பரங் வாதி ஸம்ப³ந்தோ⁴. திகபாசித்தியந்தி உபஸம்பன்னாய உபஸம்பன்னஸஞ்ஞாவேமதிகாஅனுபஸம்பன்னஸஞ்ஞாவஸேன. ஸேஸாயாதி அனுபஸம்பன்னாய. அனுபஸம்பன்னாய உபஸம்பன்னஸஞ்ஞா, வேமதிகா, அனுபஸம்பன்னஸஞ்ஞா அக்கோஸதி, து³க்கடந்தி ஏவங் திகது³க்கடங்.
2211. அத்த²த⁴ம்மானுஸாஸனிங் புரக்க²த்வா வத³ந்தீனங் அனாபத்தீதி யோஜனா. யதா²ஹ அட்ட²கதா²யங் ‘‘அத்த²புரெக்கா²ராயாதி அட்ட²கத²ங் கதெ²ந்தியா. த⁴ம்மபுரெக்கா²ராயாதி பாளிங் வாசெந்தியா. அனுஸாஸனிபுரெக்கா²ராயாதி ‘இதா³னிபி த்வங் ஏதி³ஸா, ஸாது⁴ விரமஸ்ஸு, நோ சே விரமஸி, அத்³தா⁴ புன ஏவரூபானி கம்மானி கத்வா நிரயே உப்பஜ்ஜிஸ்ஸஸி, திரச்சா²னயோனியா உப்பஜ்ஜிஸ்ஸஸீ’தி ஏவங் அனுஸாஸனியங் ட²த்வா வத³ந்தியா அனாபத்தீ’’தி (பாசி॰ அட்ட²॰ 878).
நவமங்.
2212. வதி⁴த்வாதி வதி⁴த்வா வாதி எத்த² வா-ஸத்³தோ³ பாளியங் ‘‘வதி⁴த்வா வதி⁴த்வா’’தி (பாசி॰ 880) வுத்தங் ஆமேடி³தங் ஸூசேதி.
2213. எத்தா²தி து⁴ரனிக்கே²பஸமுட்டா²னங் நாம, ஸமனுபா⁴ஸனஸமுட்டா²னந்திபி ஏதஸ்ஸேவ நாமங்.
த³ஸமங்.
அந்த⁴காரவக்³கோ³ து³தியோ.
2214. யா பன பி⁴க்கு²னீ நக்³கா³ அனிவத்தா² அபாருதா ஹுத்வா நஹாயதி, அஸ்ஸா ஸப்³ப³பயோகே³ து³க்கடங். தஸ்ஸ நஹானஸ்ஸ வோஸானே பரியோஸானே ஸா பி⁴க்கு²னீ ஜினவுத்தங் ஜினேன ப⁴க³வதா பி⁴க்கு²னீனங் பஞ்ஞத்தங் தோ³ஸங் பாசித்தியாபத்திங் ஸமுபேதி ஆபஜ்ஜதீதி யோஜனா. பி⁴க்கு²னி தோ³ஸந்தி எத்த² கா³தா²ப³ந்த⁴வஸேன ரஸ்ஸோ கதோ.
2215. அச்சி²ன்னசீவராதி அச்சி²ன்னஉத³கஸாடிகசீவரா. நட்ட²சீவராதி சோராதீ³ஹி நட்ட²உத³கஸாடிகசீவரா. ஆபதா³ஸு வாதி ‘‘மஹக்³க⁴ங் இமங் தி³ஸ்வா சோராபி ஹரெய்யு’’ந்தி ஏவரூபாஸு ஆபதா³ஸு வா நக்³கா³ய நஹாயந்தியா ந தோ³ஸோ.
பட²மங்.
2216. து³தியேதி ‘‘உத³கஸாடிகங் பன பி⁴க்கு²னியா காரயமானாயா’’திஆதி³ஸிக்கா²பதே³ (பாசி॰ 888).
து³தியங்.
2217-8. து³ஸ்ஸிப்³பி³தங் சீவரந்தி அஸக்கச்சஸிப்³பி³தங் சீவரங். விஸிப்³பெ³த்வாதி து³ஸ்ஸிப்³பி³தங் புன ஸிப்³ப³னத்தா²ய ஸயங் வா விக³தஸிப்³ப³னங் கத்வா. ‘‘விஸிப்³பா³பெத்வா’’தி ஸேஸோ. யதா²ஹ ‘‘விஸிப்³பெ³த்வா வா விஸிப்³பா³பெத்வா வா’’தி (பாசி॰ 893). அனந்தராயாதி த³ஸஸு அந்தராயேஸு தங் விஸிப்³பி³தங், விஸிப்³பா³பிதங் வா சீவரங். ‘‘அனந்தராயா தங் ந ஸிப்³பெ³ய்யாதி எத்தா²பி ‘‘ந ஸிப்³பா³பெய்யா’’தி ஸேஸோ. யதா²ஹ ‘‘நேவ ஸிப்³பெ³ய்ய, ந ஸிப்³பா³பனாய உஸ்ஸுக்கங் கரெய்யா’’தி (பாசி॰ 893).
சதுபஞ்சாஹந்தி எத்த² ‘‘உத்தரிச²ப்பஞ்சவாசாஹி (பாசி॰ 62-64), உத்தரிதி³ரத்ததிரத்த’’ந்திஆதீ³ஸு (பாசி॰ 51-52) விய அப்பஸங்க்²யாய ப³ஹுஸங்க்²யாயங் அந்தோக³த⁴த்தேபி உப⁴யவசனங் லோகவோஹாரவஸேன வசனஸிலிட்ட²தாயாதி த³ட்ட²ப்³ப³ங். து⁴ரேதி ஸிப்³ப³னுஸ்ஸாஹே. நிக்கி²த்தமத்தேதி விஸ்ஸட்ட²மத்தே.
2219. திகபாசித்தியங் வுத்தந்தி உபஸம்பன்னாய உபஸம்பன்னஸஞ்ஞா, வேமதிகா, அனுபஸம்பன்னஸஞ்ஞாதி தீஸு வாரேஸு திகபாசித்தியங் வுத்தங். ஸேஸாயாதி அனுபஸம்பன்னாய. திகது³க்கடந்தி வாரத்தயே து³க்கடத்தயங்.
2220. உபி⁴ன்னந்தி உபஸம்பன்னானுபஸம்பன்னானங். அஞ்ஞஸ்மிந்தி சீவரதோ அஞ்ஞஸ்மிங். அந்தராயேபி வா ஸதீதி ராஜசோராதி³அந்தராயானங் த³ஸன்னங் அஞ்ஞதரே ஸதி.
2221. ‘‘து⁴ரனிக்கே²பனங் நாம, ஸமுட்டா²னமித³ங் மத’’ந்தி இத³ங் அட்ட²கதா²ய ‘‘து⁴ரனிக்கே²பஸமுட்டா²ன’’ந்தி (பாசி॰ அட்ட²॰ 893) வுத்தமேவ க³ஹெத்வா வுத்தங், தேரஸஸு ஸமுட்டா²னஸீஸேஸு ‘‘து⁴ரனிக்கே²பஸமுட்டா²ன’’ந்தி விஸுங் ஸமுட்டா²னஸீஸங் நாம நத்தி². மாதிகட்ட²கதா²யஞ்ச ‘‘ஸமனுபா⁴ஸனஸமுட்டா²ன’’ந்தி (கங்கா²॰ அட்ட²॰ சீவரஸிப்³ப³னஸிக்கா²பத³வண்ணனா, அத்த²தோ ஸமானங்) வுத்தங், தங் ஸமுட்டா²னஸீஸேஸு அந்தோக³த⁴மேவ. தஸ்மா ‘‘து⁴ரனிக்கே²பஸமுட்டா²ன’’ந்தி இத³ங் ஸமனுபா⁴ஸனஸமுட்டா²னஸ்ஸேவ பரியாயோதி க³ஹேதப்³ப³ங்.
ததியங்.
2222. பஞ்ச பஞ்சாஹங், பஞ்சாஹமேவ பஞ்சாஹிகங். ‘‘அதிக்கமெய்யா’’தி கிரியாய த்³விகம்மகத்தா ‘‘பஞ்சாஹிக’’ந்தி ச ‘‘ஸங்கா⁴டிசார’’ந்தி ச உபயோக³த்தே² ஏவ உபயோக³வசனங். ஸங்க⁴டிதட்டே²ன ஸங்கா⁴டி, இதி வக்க²மானானங் பஞ்சன்னங் சீவரானமேவாதி⁴வசனங், ஸங்கா⁴டீனங் ஸங்கா⁴டிசாரோ, பரிபோ⁴க³வஸேன வா ஓதாபனவஸேன வா பரிவத்தனந்தி அத்தோ². ‘‘பஞ்சாஹிகங் ஸங்கா⁴டிசாரங் அதிக்கமெய்யாதி பஞ்சமங் தி³வஸங் பஞ்ச சீவரானி நேவ நிவாஸேதி ந பாருபதி ந ஓதாபேதி பஞ்சமங் தி³வஸங் அதிக்காமேதி, ஆபத்தி பாசித்தியஸ்ஸா’’தி (பாசி॰ 899) வசனதோ பஞ்சதி³வஸப்³ப⁴ந்தரே யங் கிஞ்சி அகத்வா அதிக்காமெந்தியா சீவரக³ணனாய பாசித்தி ஹோதீதி த³ஸ்ஸேதுமாஹ ‘‘யாதிக்கமெய்யா’’திஆதி³.
2223. திசீவரந்தி அந்தரவாஸகஉத்தராஸங்க³ஸங்கா⁴டிஸங்கா²தங் திசீவரஞ்ச. ஸங்கச்சீதி த²னவேட²னஸங்கா²தங் சீவரஞ்ச. த³கஸாடீதி உதுனிகாலே நிவாஸேதப்³ப³உத³கஸாடிசீவரஞ்ச. இதி இமே பஞ்ச. பஞ்ச தூதி பஞ்ச சீவரானி நாம.
2224-5. திகபாசித்தீதி பஞ்சாஹாதிக்கந்தஸஞ்ஞா, வேமதிகா, அனதிக்கந்தஸஞ்ஞாதி விகப்பத்தயே பாசித்தியத்தயங் ஹோதி. பஞ்சாஹானதிக்கந்தே அதிக்கந்தஸஞ்ஞாவேமதிகானங் வஸேன த்³விகது³க்கடங்.
‘‘பஞ்சமே தி³வஸே’’திஆதி³ அனாபத்திவாரஸந்த³ஸ்ஸனங். நிஸேவதீதி நிவாஸேதி வா பாருபதி வா. ஓதாபேதீதி எத்த² வா-ஸத்³தோ³ லுத்தனித்³தி³ட்டோ², ஓதாபேதி வாதி அத்தோ². ஆபதா³ஸுபீதி மஹக்³க⁴ங் சீவரங், ந ஸக்கா ஹோதி சோரப⁴யாதீ³ஸு பரிபு⁴ஞ்ஜிதுங், ஏவரூபே உபத்³த³வே அனாபத்தி.
சதுத்த²ங்.
2226. அஞ்ஞிஸ்ஸா அஞ்ஞிஸ்ஸா உபஸம்பன்னாய ஸந்தகங் பஞ்சன்னங் சீவரானங் அஞ்ஞதரங் தஸ்ஸா அவத்வா ஆதா³ய புன தஸ்ஸா தா³தப்³ப³ங், அத³த்வா யா பி⁴க்கு²னீ படிஸேவதி, தஸ்ஸா பாசித்தியங் ஹோதீதி அத்தோ². ‘‘ஸங்கமேதப்³ப³சீவரங் ஸங்கமனீய’’ந்தி பரியாயஸத்³தா³ ஏதே. யதா²ஹ ‘‘சீவரஸங்கமனீயந்தி ஸங்கமேதப்³ப³சீவரங், அஞ்ஞிஸ்ஸா ஸந்தகங் அனாபுச்சா² க³ஹிதங் புன படிதா³தப்³ப³சீவரந்தி அத்தோ²’’தி (பாசி॰ அட்ட²॰ 903).
2227. திகபாசித்தியங் வுத்தந்தி ‘‘உபஸம்பன்னாய உபஸம்பன்னஸஞ்ஞா…பே॰… வேமதிகா பாளியங் வுத்தங். ஸேஸாயாதி அனுபஸம்பன்னாய. ‘‘திகது³க்கட’’ந்தி இத³ஞ்ச வுத்தனயமேவ. ஆபதா³ஸூதி ஸசே அபாருதங் வா அனிவத்த²ங் வா சோரா ஹரந்தி, ஏவரூபாஸு ஆபதா³ஸு வா.
2228. ஏதங் ஸமுட்டா²னங் கதி²னேன துல்யந்தி யோஜனா. க³ஹணங், பரிபோ⁴கோ³ ச க்ரியங். அனாபுச்ச²னங் அக்ரியங்.
பஞ்சமங்.
2229. லபி⁴தப்³ப³ங் து சீவரந்தி லபி⁴தப்³ப³ங் விகப்பனுபக³ங் சீவரங். நிவாரேதீதி யதா² தே தா³துகாமா ந தெ³ந்தி, ஏவங் அந்தராயங் பரக்கமதி. பாசித்திங் பரிதீ³பயேதி ஸசே தஸ்ஸா வசனேன தே ந தெ³ந்தி, பி⁴க்கு²னியா பாசித்தியங் வதெ³ய்யாதி அத்தோ².
2230. எத்த² பட²மங் ‘‘ஸங்க⁴ஸ்ஸா’’தி வுத்தத்தா க³ணஸ்ஸாதி த்³வே தயோவ க³ஹேதப்³பா³. லாபே⁴தி எத்த² ‘‘நிவாரிதே’’தி ஸேஸோ. ஸசே அஞ்ஞங் பரிக்கா²ரங் நிவாரேதி, ததே²வ து³க்கடந்தி யோஜனா. அஞ்ஞந்தி விகப்பனுபக³சீவரதோ அஞ்ஞங். பரிக்கா²ரந்தி
2231. ஆனிஸங்ஸங் நித³ஸ்ஸெத்வாதி ‘‘கித்தகங் அக்³க⁴னகங் தா³துகாமத்தா²தி புச்ச²தி, ‘எத்தகங் நாமா’தி வத³ந்தி, ‘ஆக³மேத² தாவ, இதா³னி வத்து² மஹக்³க⁴ங், கதிபாஹேன கப்பாஸே ஆக³தே ஸமக்³க⁴ங் ப⁴விஸ்ஸதீ’’தி ஏவங் ஆனிஸங்ஸங் த³ஸ்ஸெத்வா. ந தோ³ஸதாதி ந தோ³ஸோ, அனாபத்தீதி அத்தோ².
ச²ட்ட²ங்.
2232-3. த⁴ம்மிகங் ஸமக்³கே³ன ஸங்கே⁴ன ஸன்னிபதித்வா கரியமானங் சீவரானங் விப⁴ங்க³ங் பா⁴ஜனங் யா பி⁴க்கு²னீ படிஸேதெ⁴ய்ய படிபா³ஹெய்ய, தஸ்ஸா ஏவங் படிஸேதெ⁴ந்தியா பாசித்தியங் ஹோதீதி யோஜனா. அத⁴ம்மே த⁴ம்மஸஞ்ஞாய து³க்கடங் பரிதீ³பிதந்தி யோஜனா. உபோ⁴ வேமதிகாய வாதி உபோ⁴ஸு வேமதிகாய. கா³தா²ப³ந்த⁴வஸேன ஸு-ஸத்³த³லோபோ. த⁴ம்மிகே அத⁴ம்மிகே சீவரவிப⁴ங்கே³ வேமதிகாய படிபா³ஹந்தியா ஆனிஸங்ஸங் நித³ஸ்ஸெத்வாதி ‘‘ஏகிஸ்ஸா ஏகங் ஸாடகங் நப்பஹோதி, ஆக³மேத² தாவ, கதிபாஹேனேவ உப்பஜ்ஜிஸ்ஸதி, ததோ பா⁴ஜெஸ்ஸாமீ’’தி (பாசி॰ 914) ஏவங் ஆனிஸங்ஸங் த³ஸ்ஸெத்வா.
ஸத்தமங்.
2235-6. நிவாஸனுபக³ங் வா ததா² பாருபனுபக³ங் வா கப்பபி³ந்து³கதங் வா யங் கிஞ்சி சீவரங் பஞ்ச ஸஹத⁴ம்மிகே ச மாதாபிதரோபி முஞ்சித்வா அஞ்ஞஸ்ஸ யஸ்ஸ கஸ்ஸசி க³ஹட்ட²ஸ்ஸ வா பரிப்³பா³ஜகஸ்ஸ வா ‘‘பிதரோ’’தி மாதா ச பிதா ச மாதாபிதரோதி வத்தப்³பே³ விரூபேகஸேஸவஸேன நித்³தே³ஸோ த³ட்ட²ப்³போ³.
2237. எத்த² இமஸ்மிங் ஸிக்கா²பதே³ தா பன பாசித்தியோ சீவரானங் க³ணனாய வஸேன க³ணேதப்³பா³தி யோஜனா.
2238. தாவ ஸம்படிச்சி²தோ காலோ ஏதஸ்ஸாதி தாவகாலிகங், சீவரங். ‘‘அஞ்ஞஸ்ஸா’’தி புப்³பே³ வுத்தஸ்ஸ தூ³ரத்தா புனபி ‘‘அஞ்ஞேஸ’’ந்தி ஆஹ, ஸோயேவத்தோ².
அட்ட²மங்.
2239. யா பன பி⁴க்கு²னீ ‘‘ஸசே மயங் ஸக்கோம, த³ஸ்ஸாம கரிஸ்ஸாமாதி ஏவங் வாசா பி⁴ன்னா ஹோதீ’’தி வுத்தாய து³ப்³ப³லாய சீவரபச்சாஸாய சீவரஸ்ஸ விப⁴ங்க³ங் நிஸேதெ⁴த்வா சீவரே காலங் அதிக்கமெய்ய, அஸ்ஸா தோ³ஸதா பாசித்தியாபத்தி ஹோதீதி யோஜனா. சீவரே காலந்தி ‘‘சீவரகாலஸமயோ நாம அனத்த²தே கதி²னே வஸ்ஸானஸ்ஸ பச்சி²மோ மாஸோ, அத்த²தே கதி²னே பஞ்சமாஸா’’தி (பாசி॰ 922) பத³பா⁴ஜனே வுத்தங் சீவரகாலங். அதிக்கமெய்யாதி ‘‘அனத்த²தே கதி²னே வஸ்ஸானஸ்ஸ பச்சி²மங் தி³வஸங், அத்த²தே கதி²னே கதி²னுத்³தா⁴ரதி³வஸங் அதிக்காமேதீ’’தி வுத்தவிதி⁴ங் அதிக்காமெய்ய.
2240. ‘‘அது³ப்³ப³லசீவரே ஸுது³ப்³ப³லந்தி சேதஸாதி எத்த² ஸு-ஸத்³தோ³ பத³பூரணே. உபோ⁴ஸூதி து³ப்³ப³லே, அது³ப்³ப³லே ச. கங்கி²தாய வாதி வேமதிகாய வா.
2241. ஆனிஸங்ஸங் நித³ஸ்ஸெத்வாதி ‘‘கிஞ்சாபி ‘ந மயங் அய்யே ஸக்கோமா’தி வத³ந்தி, இதா³னி பன தேஸங் கப்பாஸோ ஆக³மிஸ்ஸதி, ஸத்³தோ⁴ பஸன்னோ புரிஸோ ஆக³மிஸ்ஸதி அட்ட²கதா²ய வுத்தனயேன ஆனிஸங்ஸங் த³ஸ்ஸெத்வா.
நவமங்.
2242. த⁴ம்மிகங் கதி²னுத்³தா⁴ரந்தி ‘‘த⁴ம்மிகோ நாம கதி²னுத்³தா⁴ரோ ஸமக்³கோ³ பி⁴க்கு²னிஸங்கோ⁴ ஸன்னிபதித்வா உத்³த⁴ரதீ’’தி (பாசி॰ 929) வுத்தங் கதி²னுத்³தா⁴ரங்.
2243. யஸ்ஸாதி யஸ்ஸ கதி²னஸ்ஸ. அத்தா²ரமூலகோ ஆனிஸங்ஸோ நாம ‘‘யோ ச தத்த² சீவருப்பாதோ³, ஸோ நேஸங் ப⁴விஸ்ஸதீ’’தி (மஹாவ॰ 306) அனுஞ்ஞாதோ தஸ்மிங் விஹாரே உப்பஜ்ஜனகசீவரவத்தா²னிஸங்ஸோ. உத்³தா⁴ரமூலகோ நாம அந்தருப்³பா⁴ரங் காராபெந்தேஹி உபாஸகேஹி தி³ய்யமானசீவரவத்தா²னிஸங்ஸோ.
2245. ஸமானிஸங்ஸோபீதி அத்தா²ரஆனிஸங்ஸேன ஸமானிஸங்ஸோபி உப்³பா⁴ரோ. ஸத்³தா⁴பாலனகஆரணாதி பஸாதா³னுரக்க²னத்தா²ய தா³தப்³போ³தி யோஜனா. ஆனிஸங்ஸங் நித³ஸ்ஸெத்வாதி ‘‘பி⁴க்கு²னிஸங்கோ⁴ ஜிண்ணசீவரோ, கதி²னானிஸங்ஸமூலகோ மஹாலாபோ⁴’’தி ஏவரூபங் ஆனிஸங்ஸங் த³ஸ்ஸெத்வா.
2246. ஸமுட்டா²னாதி³னா ஸத்³தி⁴ங் ஸேஸங் பன வினிச்ச²யஜாதங் அஸேஸேன ஸப்³பா³காரேன ஸத்தமேன ஸிக்கா²பதே³ன ஸமங் மதங் ‘‘ஸதி³ஸ’’ந்தி விஞ்ஞாதங். கிஞ்சிபி அப்பகம்பி அபுப்³ப³ங் தத்த² வுத்தனயதோ அஞ்ஞங் நத்தீ²தி யோஜனா.
த³ஸமங்.
நக்³க³வக்³கோ³ ததியோ.
2247. ‘‘யா ‘‘ஏகாயா’’திஆதி³. ஏகாயாதி ஏகாய பி⁴க்கு²னியா. அபராதி அஞ்ஞா உபஸம்பன்னா. நிபஜ்ஜெய்யுந்தி எத்த² ‘‘ஏகமஞ்சே’’தி ஸேஸோ. த்³வேதி த்³வே பி⁴க்கு²னியோ.
2248-9. ‘‘ஏகாய சா’’திஆதி³ அனாபத்திவாரனித்³தே³ஸோ. உபோ⁴ வாபி ஸமங் நிஸீத³ந்தீதி யோஜனா. ஏளகேனாதி ஏளகலோமஸிக்கா²பதே³ன.
பட²மங்.
2250-1. பாவாரகடஸாராதி³ந்தி எத்த² பு⁴ம்மேகவசனங். ‘‘ஸங்ஹாரிமேஸூ’’தி இமினா ஸமானாதி⁴கரணத்தா ப³ஹுவசனப்பஸங்கே³ வசனவிபல்லாஸேனெத்த² ஏகவசனநித்³தே³ஸோதி த³ட்ட²ப்³போ³. பாவாரோ ச கடஸாரோ ச தே ஆதி³ யஸ்ஸாதி விக்³க³ஹோ, நித்³தா⁴ரணே சேதங் பு⁴ம்மங். ஏககந்தி நித்³தா⁴ரிதப்³ப³னித³ஸ்ஸனங். ஏகமேவ ஏககங். ஸங்ஹாரிமேஸு பாவாராதீ³ஸு அஞ்ஞதரந்தி அத்தோ². ‘‘பாவாரோதி கோஜவாத³யோ’’தி வத³ந்தி. கடஸாரோதி கடோயேவ. ஆதி³-ஸத்³தே³ன அத்த²ரித்வா ஸயனாரஹங் ஸப்³ப³ங் ஸங்க³ண்ஹாதி. தேனேவாதி யங் அத்த²தங், தேனேவ. பாருபித்வா ஸசே யா பன த்³வே ஸஹேவ நிபஜ்ஜந்தி, தாஸங் பாசித்தியங் ஸியாதி யோஜனா. எத்த² ச அத்த²ரணபாவுரணகிச்சே ஏகஸ்ஸேவ நித்³தி³ட்ட²த்தா ஏகஸ்ஸ அந்தஸ்ஸ அத்த²ரணஞ்ச ஏகஸ்ஸ அந்தஸ்ஸ பாருபனஞ்ச விஞ்ஞாயதி. யதா²ஹ ‘‘ஸங்ஹாரிமானங் பாவாரத்த²ரணகடஸாரகாதீ³னங் ஏகங் அந்தங் அத்த²ரித்வா ஏகங் பாருபித்வா துவட்டெந்தீனமேதங் அதி⁴வசன’’ந்தி (பாசி॰ அட்ட²॰ 937).
ஏகஸ்மிங் ஏகத்த²ரணே வா ஏகபாவுரணே வா நிபஜ்ஜனே ஸதி தாஸங் த்³வின்னங் பி⁴க்கு²னீனங் து³க்கடந்தி ஸம்ப³ந்தோ⁴. த்³விகது³க்கடங் வுத்தந்தி
2252. வவத்தா²னங் நித³ஸ்ஸெத்வாதி மஜ்ஜே² காஸாவங் வா கத்தரயட்டி²ங் வா அந்தமஸோ காயப³ந்த⁴னம்பி ஸேஸங் ஸமுட்டா²னாதி³விதா⁴னங். ஆதி³னாதி இமஸ்மிங்யேவ வக்³கே³ பட²மஸிக்கா²பதே³ன. துல்யந்தி ஸமானங்.
து³தியங்.
2253. அஞ்ஞிஸ்ஸா பி⁴க்கு²னியா. அபா²ஸுகாரணாதி அபா²ஸுகரணஹேது. அனாபுச்சா²தி அனாபுச்சி²த்வா. தஸ்ஸா புரதோ ச சங்கமனாத³யோ யதி³ கரெய்ய, ஏவங் கரொந்தியா பாசித்தியாபத்தி ஹோதீதி யோஜனா. சங்கமனாத³யோதி எத்த² ஆதி³-ஸத்³தே³ன ‘‘திட்ட²தி வா நிஸீத³தி வா ஸெய்யங் வா கப்பேதி உத்³தி³ஸதி வா உத்³தி³ஸாபேதி வா ஸஜ்ஜா²யங் வா கரோதீ’’தி (பாசி॰ 943) பத³பா⁴ஜனே வுத்தானங் ஸங்க³ஹோ.
2254. நிவத்தனானங் க³ணனாயாதி சங்கமந்தியா சங்கமஸ்ஸ உப⁴யகோடிங் பத்வா நிவத்தந்தியா நிவத்தனக³ணனாய. பயோக³தோயேவாதி பயோக³க³ணனாயேவ, இரியாபத²பரிவத்தனக³ணனாயேவாதி வுத்தங் ஹோதி. தோ³ஸாதி பாசித்தியாபத்தியோ.
2255. பதா³னங் க³ணனாவஸாதி எத்த² ஆதி³-ஸத்³தோ³ லுத்தனித்³தி³ட்டோ². யதா²ஹ ‘‘பதா³தி³க³ணனாயா’’தி (பாசி॰ அட்ட²॰ 943). திகபாசித்தியங் வுத்தந்தி உபஸம்பன்னாய உபஸம்பன்னஸஞ்ஞா, வேமதிகா, அனுபஸம்பன்னஸஞ்ஞாதி விகப்பத்தயஸ்ஸ வஸேன பாசித்தியத்தயங் வுத்தங். ஸேஸாயாதி அனுபஸம்பன்னாய.
2256. ந ச அபா²ஸுகாமாயாதி ஆபுச்சி²த்வா தஸ்ஸா பி⁴க்கு²னியா புரதோ சங்கமனாதீ³னி கரொந்தியா அனாபத்தீதி யோஜனா.
2257. க்ரியாக்ரியந்தி சங்கமனாதி³கரணங் கிரியங். ஆபுச்சா²ய அகரணங் அகிரியங். பாபமானஸந்தி அகுஸலசித்தங்.
ததியங்.
2258-9. அனந்தராயாதி வக்க²மானேஸு ராஜந்தராயாதீ³ஸு த³ஸஸு அந்தராயேஸு அஞ்ஞதரரஹிதா து³க்கி²தந்தி கி³லானங். யதா²ஹ ‘‘து³க்கி²தா நாம கி³லானா வுச்சதீ’’தி (பாசி॰ 948). ஸஹஜீவினிந்தி ஸத்³தி⁴விஹாரினிங். யதா²ஹ ‘‘ஸஹஜீவினீ நாம ஸத்³தி⁴விஹாரினீ வுச்சதீ’’தி. அஞ்ஞாய வா நுபட்டா²பெய்யாதி அஞ்ஞாய பி⁴க்கு²னியா, ஸிக்க²மானாய, ஸாமணேரியா வா கி³ஹினியா வா உபட்டா²னங் ந காராபெய்ய. நுபட்டெ²ய்ய ஸயம்பி வாதி யா உபட்டா²னங் ந கரெய்ய. து⁴ரே நிக்கி²த்தமத்தே வாதி ‘‘நேவ உபட்டெ²ஸ்ஸாமி, ந உபட்டா²பனாய உஸ்ஸுக்கங் கரிஸ்ஸாமீ’’தி து⁴ரே உஸ்ஸாஹே நிக்கி²த்தமத்தேயேவ. தஸ்ஸாதி உபஜ்ஜா²யாய.
அந்தேவாஸினியா வாபீதி பப்³ப³ஜ்ஜாஉபஸம்பதா³த⁴ம்மனிஸ்ஸயவஸேன சதுப்³பி³தா⁴ஸு அந்தேவாஸினீஸு அஞ்ஞதராய. இதராயாதி அனுபஸம்பன்னாய.
2260. கி³லானாயாதி ஸயங் கி³லானாய. ‘‘க³வேஸித்வா அலப⁴ந்தியா’’தி பத³ச்சே²தோ³, அஞ்ஞங் உபட்டா²யிகங் பரியேஸித்வா அலப⁴மானாயாதி அத்தோ². ‘‘ஆபதா³ஸு உம்மத்திகாதீ³ன’’ந்தி பத³ச்சே²தோ³. கா³தா²ப³ந்த⁴வஸேன வண்ணலோபோபி த³ட்ட²ப்³போ³. ஆபதா³ஸூதி ததா²ரூபே உபத்³த³வே ஸதி. து⁴ரனிக்கே²பனோத³யந்தி
சதுத்த²ங்.
2261-2. புக்³க³லிகஸ்ஸ அத்தாயத்தபராயத்தவஸேன அனியமிதத்தா ‘‘ஸக’’ந்தி இமினா நியமேதி. ஸகங் புக்³க³லிகந்தி அத்தனோ புக்³க³லிகங். த³த்வாதி எத்த² ‘‘பி⁴க்கு²னியா’’தி ஸேஸோ. ஸகவாடந்தி பரிவத்தகத்³வாரகவாடஸஹிதங். உபஸ்ஸயந்தி கே³ஹங். த்³வாராதீ³ஸூதி எத்த² ஆதி³-ஸத்³தே³ன க³ப்³ப⁴பமுகா²னங் ஸங்க³ஹோ, நித்³தா⁴ரணே சேதங் பு⁴ம்மங். ப³ஹூனிபீதி நித்³தா⁴ரேதப்³ப³னித³ஸ்ஸனங். ப³ஹூனிபி த்³வாரானி வா ப³ஹூ க³ப்³பே⁴ வா ப³ஹூனி பமுகா²னி வா. தந்தி யஸ்ஸா உபஸ்ஸயோ தி³ன்னோ, தங் பி⁴க்கு²னிங். நிக்கட்³ட⁴ந்தியாதி அதிக்காமெந்தியா. தஸ்ஸாதி யா நிக்கட்³ட⁴தி, தஸ்ஸா.
2263. எத்தா²தி நிக்கட்³ட⁴னே. ஏஸேவ நயோதி ‘‘பயோக³க³ணனாய ஆபத்தீ’’தி த³ஸ்ஸிதனயோ. எத்த² பயோகோ³ நாம ஆணாபனங், இமினா ‘‘ஏகாயாணத்தியா அனேகேஸு த்³வாரேஸு அதிக்காமிதேஸுபி ஏகாவ ஆபத்தி ஹோதீ’’தி ஏவமாதி³கங் அட்ட²கதா²க³தவினிச்ச²யங் (பாசி॰ அட்ட²॰ 943, 952 அத்த²தோ ஸமானங்) ஸங்க³ண்ஹாதி.
2264. தேஸு ‘‘எத்தகாவ இமங் த்³வாரா’’திஆதி³. த்³வாரக³ணனாய ஆபத்தியோ த்³வாரக³ணனாபத்தியோ.
2265. அகவாடம்ஹாதி அகவாடப³ந்த⁴தோ உபஸ்ஸயா நிக்கட்³ட⁴ந்தியா து³க்கடந்தி யோஜனா. ஸேஸாயாதி அனுபஸம்பன்னாய. திகது³க்கடந்தி அனுபஸம்பன்னாய உபஸம்பன்னஸஞ்ஞாய, வேமதிகாய, அனுபஸம்பன்னஸஞ்ஞாய ச வஸேன திகது³க்கடங். உபி⁴ன்னந்தி உபஸம்பன்னானுபஸம்பன்னானங். பரிக்கா²ரேஸூதி பத்தசீவராதீ³ஸு பரிக்கா²ரேஸு ஸப்³ப³த்தா²தி ஸப்³பே³ஸு பயோகே³ஸு, நிக்கட்³டி⁴யமானேஸு, நிக்கட்³டா⁴பியமானேஸு சாதி வுத்தங் ஹோதி.
2266. எத்த² இமஸ்மிங் ஸிக்கா²பதே³ ஸமுட்டா²னாதி³வினிச்ச²யேன ஸஹ ஸேஸங் வினிச்ச²யஜாதங் அஸேஸேன ஸப்³ப³ப்பகாரேன ஸங்கி⁴கா விஹாரஸ்மா நிக்கட்³ட⁴னஸிக்கா²பதே³ன ஸமங் மதங் ‘‘ஸதி³ஸ’’ந்தி ஸல்லக்கி²தந்தி யோஜனா.
பஞ்சமங்.
2267. ச²ட்டே²தி ‘‘யா பன பி⁴க்கு²னீ ஸங்ஸட்டா² விஹரெய்ய க³ஹபதினா வா க³ஹபதிபுத்தேன வா’’திஆதி³மாதிகாய (பாசி॰ 956) நித்³தி³ட்டே² ச²ட்ட²ஸிக்கா²பதே³. இத⁴ வத்தப்³ப³ந்தி இமஸ்மிங் வினயவினிச்ச²யே கதே²தப்³ப³ங். அரிட்ட²ஸ்ஸ ஸிக்கா²பதே³னாதி அரிட்ட²ஸிக்கா²பதே³ன. வினிச்ச²யோதி ஸமுட்டா²னாதி³கோ.
ச²ட்ட²ங்.
2268. ஸாஸங்கஸம்மதேதி எத்த² ‘‘ஸப்படிப⁴யே’’தி ஸேஸோ. உப⁴யம்பி ஹெட்டா² வுத்தத்த²மேவ. அந்தோரட்டே²தி யஸ்ஸ விஜிதே விஹரதி, தஸ்ஸேவ ரட்டே². ஸாஸங்கஸம்மதே ஸப்படிப⁴யே அந்தோரட்டே² ஸத்தே²ன வினா சாரிகங் சரந்தியா பி⁴க்கு²னியா ஆபத்தி ஸியாதி யோஜனா.
2269. ஏவங் சரந்தியா ஸகா³மகட்டா²னே கா³மந்தரப்பவேஸே ச அகா³மகே அரஞ்ஞே அத்³த⁴யோஜனே ச வினயஞ்ஞுனா பி⁴க்கு²னா பாசித்தியனயோ பாசித்தியாபத்திவிதா⁴னக்கமோ ஞெய்யோ ஞாதப்³போ³தி யோஜனா.
2270. ஸஹ
ஸத்தமங்.
2271. அட்ட²மே நவமே வாபீதி ‘‘யா பன பி⁴க்கு²னீ திரோரட்டே²’’திஆதி³கே (பாசி॰ 966) அட்ட²மஸிக்கா²பதே³ ச ‘‘யா பன பி⁴க்கு²னீ அந்தோவஸ்ஸங் சாரிகங் சரெய்ய, பாசித்திய’’ந்தி (பாசி॰ 970) வுத்தனவமஸிக்கா²பதே³ ச. அனுத்தானங் ந விஜ்ஜதி, ஸப்³ப³ங் உத்தானமேவ, தஸ்மா எத்த² மயா ந விசாரீயதீதி அதி⁴ப்பாயோ.
அட்ட²மனவமானி.
2272. ‘‘யா பன பி⁴க்கு²னீ வஸ்ஸங்வுத்தா² சாரிகங் ந பக்கமெய்ய அந்தமஸோ ச²ப்பஞ்சயோஜனானிபி, பாசித்திய’’ந்தி (பாசி॰ 974) வுத்தஸிக்கா²பதே³ வினிச்ச²யங் த³ஸ்ஸேதுமாஹ ‘‘பாசித்தீ’’திஆதி³. அஹங் ந க³மிஸ்ஸாமி ந பக்கமிஸ்ஸாமீதி து⁴ரனிக்கே²பே கதே பாசித்தீதி யோஜனா. ததா²தி பாசித்தி.
2273. வஸ்ஸங்வுத்தா²ய பவாரெத்வா அந்தமஸோ பஞ்ச யோஜனானி க³ந்துங் வட்டதி. எத்த² அபி-ஸத்³த³ஸ்ஸ ஸம்பா⁴வனத்த²தங் த³ஸ்ஸேதுமாஹ ‘‘ச²ஸூ’’திஆதி³. இத⁴ இமஸ்மிங் அனாபத்திவாரே ச²ஸு யோஜனேஸு யத³த்தி² வத்தப்³ப³ங், தங் கின்னு நாம ஸியா, நத்தி² கிஞ்சி வத்தப்³ப³ந்தி அத்தோ². பவாரெத்வா ச² யோஜனானி க³ச்ச²ந்தியா அனாபத்திபா⁴வோ அவுத்தஸித்³தோ⁴வாதி தீ³பேதி.
2274. தீணி யோஜனானி. தேனேவாதி யேன க³தா, தேனேவ மக்³கே³ன. அஞ்ஞேன மக்³கே³னாதி க³தமக்³க³தோ அஞ்ஞேன பதே²ன.
2275. த³ஸவிதே⁴ அந்தராயஸ்மிங் ஸதீதி வக்க²மானேஸு அந்தராயேஸு அஞ்ஞதரஸ்மிங் ஸதி. தஸ்ஸா அனாபத்தீதி யோஜனா. ஆபதா³ஸூதி அட்டாதி³காரணேன கேனசி பலிபு³த்³தா⁴தி³பா⁴வஸங்கா²தாஸு ஆபதா³ஸு. கி³லானாயாதி ஸயங் கி³லானாய. து³தியாய பி⁴க்கு²னியா அலாபே⁴ வா அபக்கமந்தியா அனாபத்தி.
2276. ராஜா மனுஸ்ஸோதி எத்த² கா³தா²ப³ந்த⁴வஸேன புப்³ப³பத³லோபோ ‘‘லாபூ³னி ஸீத³ந்தீ’’திஆதீ³ஸு (ஜா॰ 1.1.77) விய. ஜீவிதஞ்ச ப்³ரஹ்மசரியா ச ஜீவிதப்³ரஹ்மசரியந்தி ஸமாஹாரத்³வந்தே³ ஸமாஸோ, தஸ்ஸ ஜீவிதப்³ரஹ்மசரியஸ்ஸ. அந்தராயா ஏவ அந்தராயிகா. ஏதேஸங் த³ஸன்னங் அஞ்ஞதரஸ்மிங் அபக்கமந்தியா அனாபத்தி. யதா²ஹ ‘‘அந்தராயேதி த³ஸவிதே⁴ அந்தராயே. ‘பரங் க³ச்சி²ஸ்ஸாமீ’தி நிக்க²ந்தா, நதி³பூரோ பன ஆக³தோ, சோரா வா மக்³கே³ ஹொந்தி, மேகோ⁴ வா உட்டா²தி, நிவத்திதுங் வட்டதீ’’தி (பாசி॰ அட்ட²॰ 976).
2277. அபக்கமனங் அக்ரியங். அனாத³ரியேன ஆபஜ்ஜனதோ ஆஹ ‘‘து³க்க²வேத³ன’’ந்தி.
த³ஸமங்.
துவட்டவக்³கோ³ சதுத்தோ².
2278-80. ராஜாகா³ரந்தி ரஞ்ஞோ கீளனக⁴ரங். சித்தாகா³ரந்தி கீளனசித்தஸாலங். ஆராமந்தி கீளனஉபவனங். கீளுய்யானந்தி கீளனத்தா²ய கதங் உய்யானங். கீளாவாபிந்தி எத்த² கிஞ்சாபி பாளியங் (பாசி॰ 979) பொக்க²ரணீ வுத்தா, ஸா பன ஸப்³ப³ஜலாஸயானங் கீளாய கதானங் உபலக்க²ணவஸேன வுத்தாதி ஆஹ ‘‘கீளாவாபி’’ந்தி, கீளனத்தா²ய கதவாபிந்தி அத்தோ². ‘‘நானாகார’’ந்தி இத³ங் யதா²வுத்தபதே³ஹி பச்சேகங் யோஜேதப்³ப³ங். ஸப்³ப³ஸங்கா³ஹிகவஸேன ‘‘தானீ’’தி வுத்தங். நானாகாரங் ராஜாகா³ரங் சித்தாகா³ரங் ஆராமங் கீளுய்யானங் வா கீளாவாபிங் த³ட்டு²ங் க³ச்ச²ந்தீனங் தானி ஸப்³பா³னி ஏகதோ த³ட்டு²ங் க³ச்ச²ந்தீனங் தாஸங் பி⁴க்கு²னீனங் பதே³ பதே³ து³க்கடங் முனினா நித்³தி³ட்ட²ந்தி யோஜனா.
பஞ்சபீதி தங் தங் தி³ஸாபா⁴க³ங் க³ந்த்வா பஸ்ஸந்தி சே, பாடேக்காபத்தியோ பயோக³க³ணனாய ஸியுந்தி யோஜனா.
2281. க³மனபா³ஹுல்லேன ஆபத்திபா³ஹுல்லங் பகாஸெத்வா கீ³வாபரிவத்தனஸங்கா²தேன பயோக³பா³ஹுல்லேனாபி ‘‘பயோக³ப³ஹுதாயாபி, பாசித்திப³ஹுதா ஸியா’’தி. ஸப்³ப³த்தா²தி யத்த² பி⁴க்கு²னியா பாசித்தியங் வுத்தங், தத்த² ஸப்³ப³த்த².
2282. ‘‘அவஸேஸோபி அனாபத்தீ’’தி பத³ச்சே²தோ³. அனாபத்தி ச கதா²மக்³கோ³ ச அனாபத்திகதா²மக்³கோ³, தேஸங் வினிச்ச²யோ அனாபத்திகதா²மக்³க³வினிச்ச²யோ, ‘‘அனாபத்தி ஆராமே டி²தா பஸ்ஸதீ’’திஆதி³கோ (பாசி॰ 981) அனாபத்திவினிச்ச²யோ ச அட்ட²கதா²க³தோ (பாசி॰ அட்ட²॰ 981) அவஸேஸவினிச்ச²யோ சாதி அத்தோ². ‘‘ஆராமே டி²தா’’தி ஏதேன அஜ்ஜா²ராமே ராஜாகா³ராதீ³னி கரொந்தி, தானி பஸ்ஸந்தியா அனாபத்தீதி அயமனாபத்திவாரோ த³ஸ்ஸிதோ. ஏதேனேவ அந்தோஆராமே தத்த² தத்த² க³ந்த்வா நச்சாதீ³னி விய ராஜாகா³ராதீ³னிபி பஸ்ஸிதுங் லப⁴தீதிபி ஸித்³த⁴ங். ஆதி³-ஸத்³தே³ன ‘‘பிண்ட³பாதாதீ³னங் அத்தா²ய க³ச்ச²ந்தியா மக்³கே³ ஹொந்தி, தானி பஸ்ஸதி, அனாபத்தி. ரஞ்ஞோ ஸந்திகங் கேனசி கரணீயேன க³ந்த்வா பஸ்ஸதி, அனாபத்தி. கேனசி உபத்³து³தா பவிஸித்வா பஸ்ஸதி, அனாபத்தீ’’தி ஏதே அனாபத்திவாரா ஸங்க³ஹிதா. நச்சத³ஸ்ஸன…பே॰… ஸஹாதி ஸமுட்டா²னாதி³னா வினிச்ச²யேன ஸஹ நச்சத³ஸ்ஸனஸிக்கா²பத³ஸதி³ஸோவ.
பட²மங்.
2283. மானதோ மானாதீதா, ஆஸந்தீ³, தங். வாளேஹி உபேதோ வாளூபேதோ, பல்லங்கோ, தங். ‘‘ஆஸந்தீ³ நாம அதிக்கந்தப்பமாணா வுச்சதீ’’தி வசனதோ ஹெட்டா² அட்டனியா வட்³ட⁴கிஹத்த²தோ உச்சதரபாதோ³ ஆயாமசதுரஸ்ஸோ மஞ்சபீட²விஸேஸோ ஆஸந்தீ³ நாம ஸமசதுரஸ்ஸானங் அதிக்கந்தப்பமாணானம்பி அனுஞ்ஞாதத்தா. ‘‘பல்லங்கோ நாம ஆஹரிமேஹி வாளேஹி கதோ’’தி (பாசி॰ 984) வசனதோ பமாணயுத்தோபி ஏவரூபோ ந வட்டதி. ஆஹரித்வா யதா²னுரூபட்டா²னே ட²பேதப்³ப³வாளரூபானி ஆஹரிமவாளா நாம, ஸங்ஹரிமவாளரூபயுத்தோதி வுத்தங் ஹோதி. மானாதீதங் ஆஸந்தி³ங் வா வாளூபேதங் பல்லங்கங் வா ஸேவந்தீனங் அபி⁴னிஸீத³ந்தீனங், அபி⁴னிபஜ்ஜந்தீனஞ்ச யாஸங் பி⁴க்கு²னீனங் ஸத்தா² பாசித்தியாபத்திங் ஆஹ.
2284. தாஸங் நிஸீத³னஸ்ஸாபி நிபஜ்ஜனஸ்ஸாபி பயோக³பா³ஹுல்லவஸேன பாசித்தியானங் க³ணனா ஹோதி இதி ஏவங் நித்³தி³ட்டா² ஏவங் அயங் க³ணனா அச்சந்தயஸேன அனந்தபரிவாரேன ப⁴க³வதா வுத்தாதி இச்சேவந்தி நிபாதஸமுதா³யோ, இதி-ஸத்³தோ³ நித³ஸ்ஸனே, ஏவங்-ஸத்³தோ³ இத³மத்தே² த³ட்ட²ப்³போ³.
2285. பாதே³ ஆஸந்தி³யா செ²த்வாதி ஆஸந்தி³யா பாதே³ பமாணதோ அதி⁴கட்டா²னசி²ந்த³னேன செ²த்வா. பல்லங்கஸ்ஸ பாதே³ வாளகா பல்லங்கவாளகா, தே ஹித்வா அபனெத்வா, அனாபத்தீதி ஸேவந்தீனங் அனாபத்தி.
து³தியங்.
2286-7. ச²ன்னந்தி கோ²மாதீ³னங் ச²ன்னங், நித்³தா⁴ரணே ஸாமிவசனங். அஞ்ஞதரங் ஸுத்தந்தி நித்³தா⁴ரிதப்³ப³னித³ஸ்ஸனங். ஹத்தா²தி ஹத்தே²ன, கரணத்தே² சேதங் நிஸ்ஸக்கவசனங். அஞ்சிதந்தி ஹத்தா²யாமேன ஆகட்³டி⁴தங் தஸ்மிந்தி தஸ்மிங் அஞ்சி²தே ஸுத்தப்பதே³ஸே. தக்கம்ஹீதி கந்தனஸூசிம்ஹி. வேடி²தேதி பலிவேடி²தே.
ஸுத்தகந்தனதோ ஸப்³ப³புப்³ப³பயோகே³ஸூதி ஸுத்தகந்தனதோ புப்³பே³ஸு கப்பாஸவிசினநாதி³ஸப்³ப³பயோகே³ஸு. ஹத்த²வாரதோதி ஹத்த²வாரக³ணனாய. யதா²ஹ ‘‘கப்பாஸவிசினநங் ஆதி³ங் கத்வா ஸப்³ப³புப்³ப³பயோகே³ஸு ஹத்த²வாரக³ணனாய து³க்கட’’ந்தி (பாசி॰ அட்ட²॰ 988).
2288. கந்திதங் ஸுத்தந்தி பட²மமேவ கந்திதங் த³ஸிகஸுத்தாதி³ங். புன கந்தந்தியாதி கோடியா கோடிங் ஸங்கா⁴டெத்வா புன கந்தந்தியா.
ததியங்.
2289. தண்டு³லானங் கொட்டனங் து ஆதி³ங் கத்வா கி³ஹீனங் வெய்யாவச்சங் கரொந்தியா ஸப்³ப³புப்³ப³பயோகே³ஸு து³க்கடந்தி யோஜனா.
2290. யாகு³ஆதி³ஸு நிப்பா²தே³தப்³பே³ஸு ததா³தா⁴ரானி பா⁴ஜனானி க³ணெத்வாவ பாசித்திங் பரிதீ³பயே, க²ஜ்ஜகாதீ³ஸு ரூபானங் க³ணனாய பாசித்திங் பரிதீ³பயேதி யோஜனா. யாகு³ஆதி³ஸூதி எத்த² ஆதி³-ஸத்³தே³ன ப⁴த்தஸூபாதீ³னங் ஸங்க³ஹோ. க²ஜ்ஜகாதீ³ஸூதி ஆதி³-ஸத்³தே³ன மச்ச²மங்ஸாதி³உத்தரிப⁴ங்கா³னங் ஸங்க³ஹோ.
2291. ‘‘ஸசேபி மாதாபிதரோ ஆக³ச்ச²ந்தி, யங்கிஞ்சி பீ³ஜனிங் வா ஸம்மஜ்ஜனித³ண்ட³ங் வா காராபெத்வா வெய்யாவச்சகரட்டா²னே ட²பெத்வாவ யங் கிஞ்சி பசிதுங் வட்டதீ’’தி அட்ட²கதா²க³தங் வினிச்ச²யங் த³ஸ்ஸேதுமாஹ ‘‘ஸசே’’திஆதி³. ஸசேதி எத்த² ‘‘மாதாபிதரோ ஆக³ச்ச²ந்தீ’’தி ஸேஸோ. அத்தனோ ஏவமாக³தானங் மாதாபிதூனம்பி அபி-ஸத்³தோ³ ஸம்பா⁴வனே, தேன அஞ்ஞேஸங் கதா²யேவ நத்தீ²தி தீ³பேதி.
2292-3. ஸங்க⁴ஸ்ஸ யாகு³பானே வெய்யாவச்சங் கரொந்தியா அனாபத்தீதி யோஜனா. ‘‘ஸங்க⁴ப⁴த்தேபீ’’திஆதீ³ஸுபி ஏஸேவ நயோ. அத்தனோ வெய்யாவச்சகரஸ்ஸ வாதி ஸம்ப³ந்தோ⁴. யதா²ஹ ‘‘யாகு³பானேதி மனுஸ்ஸேஹி ஸங்க⁴ஸ்ஸத்தா²ய கரியமானே யாகு³பானே வா ஸங்க⁴ப⁴த்தே வா தேஸங் ஸஹாயிகபா⁴வேன யங் கிஞ்சி பசந்தியா அனாபத்தி. சேதியபூஜாய ஸஹாயிகா ஹுத்வா க³ந்த⁴மாலாதீ³னி பூஜேதி, வட்டதீ’’தி (பாசி॰ அட்ட²॰ 993).
சதுத்த²ங்.
2294. ‘‘யா பன பி⁴க்கு²னீ ‘ஏஹாய்யே இமங் அதி⁴கரணங் வூபஸமேஹீ’தி வுச்சமானா ‘ஸாதூ⁴’தி படிஸ்ஸுணித்வா ஸா பச்சா² அனந்தராயிகினீ நேவ வூபஸமெய்ய ந வூபஸமாய உஸ்ஸுக்கங் கரெய்ய, பாசித்திய’’ந்தி (பாசி॰ 995) ஸிக்கா²பத³ஸ்ஸ வினிச்ச²யங் த³ஸ்ஸேதுமாஹ ‘‘பாசித்தி து⁴ரனிக்கே²பே’’திஆதி³. து⁴ரனிக்கே²பேதி ந தா³னி தங் வூபஸமெஸ்ஸாமி, அஞ்ஞாஹி வா ந வூபஸமாபெஸ்ஸாமீ’’தி ஏவங் து⁴ரஸ்ஸ உஸ்ஸாஹஸ்ஸ நிக்கே²பே பாசித்தீதி யோஜனா. சீவரஸிப்³ப³னே யதா² பஞ்சாஹபரிஹாரோ லப்³ப⁴தி, இத⁴ பன ததா² ஏகாஹம்பி பரிஹாரோ ந லப்³ப⁴தீதி யோஜனா.
2295. ஸேஸந்தி ‘‘து⁴ரங் நிக்கி²பித்வா பச்சா² வினிச்சி²னந்தீ ஆபத்திங் ஆபஜ்ஜித்வாவ வினிச்சி²னாதீ’’திஆதி³கங் வினிச்ச²யஜாதங். தத்த² சீவரஸிப்³ப³னே வுத்தனயேனேவ வேதி³தப்³ப³ந்தி யோஜனா.
பஞ்சமங்.
2296-7. யா பன பி⁴க்கு²னீ கி³ஹீனங் வா ஸஹத⁴ம்மிகே ட²பெத்வா அஞ்ஞேஸங் பரிப்³பா³ஜகபரிப்³பா³ஜிகானங் வா த³ந்தபோனோத³கங் வினா அஞ்ஞங் யங் கிஞ்சி அஜ்ஜோ²ஹரணீயங் கா²த³னீயங், போ⁴ஜனீயங் வா காயேன வா காயபடிப³த்³தே⁴ன வா நிஸ்ஸக்³கி³யேன வா த³தா³தி, தஸ்ஸா பாசித்தியங் ஹோதீதி யோஜனா.
2298-9. இத⁴ இமஸ்மிங் ஸிக்கா²பதே³ முனினா த³ந்தகட்டோ²த³கே து³க்கடங் வுத்தந்தி யோஜனா. யா பன பி⁴க்கு²னீ காயாதீ³ஹி ஸயங் ந தே³தி அஞ்ஞேன தா³பேதி, தஸ்ஸா ச காயாதீ³ஹி அத³த்வா பூ⁴மியங் நிக்கி²பித்வா தெ³ந்தியாபி யா பா³ஹிரலேபங் வா தே³தி, தஸ்ஸாபி உம்மத்திகாய ச ந தோ³ஸோ அனாபத்தீதி யோஜனா.
ச²ட்ட²ங்.
2300-1. ஆவஸத²சீவரந்தி ‘‘உதுனியோ பி⁴க்கு²னியோ பரிபு⁴ஞ்ஜந்தூ’’தி தி³ன்னங் சீவரங். யா பி⁴க்கு²னீ யங் ‘‘ஆவஸத²சீவர’’ந்தி நியமிதங் சீவரங், தங் சதுத்தே² தி³வஸே தோ⁴வித்வா அந்தமஸோ உதுனியா ஸாமணேராய வா அத³த்வா ஸசே பரிபு⁴ஞ்ஜெய்ய, தஸ்ஸா பாசித்தியங் வுத்தந்தி யோஜனா. திகபாசித்தியங் ஸியாதி ‘‘அனிஸ்ஸஜ்ஜிதே அனிஸ்ஸஜ்ஜிதஸஞ்ஞா…பே॰… வேமதிகா…பே॰… நிஸ்ஸஜ்ஜிதஸஞ்ஞா பரிபு⁴ஞ்ஜதி, ஆபத்தி பாசித்தியஸ்ஸா’’தி (பாசி॰ 1006) வுத்தங் பாசித்தியங் ஹோதீதி யோஜனா.
2302-3. தஸ்மிங் சீவரே நிஸ்ஸஜ்ஜிதே அனிஸ்ஸஜ்ஜிதஸஞ்ஞாய வா வேமதிகாய வா தஸ்ஸா பி⁴க்கு²னியா த்³விகது³க்கடங் வுத்தந்தி யோஜனா. அஞ்ஞாஸங் உதுனீனங் அபா⁴வே அத³த்வாபி பரிபு⁴ஞ்ஜந்தியா அனாபத்தி. புன பரியயேதி புன உதுனிவாரே யதா²காலங் பரிபு⁴ஞ்ஜந்தியா அனாபத்தி. அச்சி²ன்னசீவராதீ³னஞ்ச அனாபத்தீதி யோஜனா. பரியயேதி கா³தா²ப³ந்த⁴வஸேன ரஸ்ஸத்தங் அச்சி²ன்னசீவராதீ³னந்தி எத்த² ஆதி³-ஸத்³தே³ன நட்ட²சீவராதீ³னங் ஸங்க³ஹோ. ஆபதா³ஸுபீதி மஹக்³க⁴சீவரங் ஸரீரதோ மோசெத்வா ஸுப்படிஸாமிதம்பி சோரா ஹரந்தி, ஏவரூபாஸு ஆபதா³ஸு பரிபு⁴ஞ்ஜந்தியா அனாபத்தீதி யோஜனா.
ஸத்தமங்.
2304. ஸகவாடகங் விஹாரந்தி கவாடப³ந்த⁴விஹாரங், த்³வாரகவாடயுத்தங் ஸுகு³த்தஸேனாஸனந்தி வுத்தங் ஹோதி. ரக்க²னத்தா²ய அத³த்வாதி ‘‘இமங் ஜக்³கெ³ய்யாஸீ’’தி ஏவங் அனாபுச்சி²த்வா.
2305-6. ‘‘ஹோதி பாசித்தியங் தஸ்ஸா, சாரிகங் பக்கமந்தியா’’தி வுத்தமேவ பகாஸேதுமாஹ ‘‘அத்தனோ கா³மதோ’’திஆதி³. அத்தனோ கா³மதோதி அத்தனோ வஸனககா³மதோ. ததா² இதரஸ்ஸாதி அபரிக்கி²த்தஸ்ஸ விஹாரஸ்ஸ பரிக்கே²பங் உபசாரங். தந்திஆதி³பத³த்தயே பு⁴ம்மத்தே² உபயோக³வசனங் வேதி³தப்³ப³ங். பரிக்கி²த்தஸ்ஸ விஹாரஸ்ஸ பரிக்கே²பே பட²மேன பதே³ன ஸமதிக்கந்தே து³க்கடங், ததா² இதரஸ்ஸ அபரிக்கி²த்தஸ்ஸ விஹாரஸ்ஸ தஸ்மிங் உபசாரே அதிக்கந்தே து³க்கடங். து³தியேன பதே³ன பரிக்கே²பே, உபசாரே ஸமதிக்கந்தமத்தே பாசித்தீதி யோஜனா.
2307. அகவாடப³ந்த⁴னஸ்மிங் கவாடப³ந்த⁴ரஹிதே விஹாரே ததா² அனிஸ்ஸஜ்ஜந்தியா து³க்கடங் பரிதீ³பிதங். ஜக்³கி³கங் அலப⁴ந்தியாதி எத்த² ‘‘பரியேஸித்வா’’தி ஸேஸோ. ஜக்³கி³கந்தி விஹாரபடிஜக்³கி³கங்.
2308. ஆபதா³ஸூதி ரட்டே² பி⁴ஜ்ஜந்தே ஆவாஸே ச²ட்³டெ³த்வா க³ச்ச²ந்தி, ஏவரூபாஸு ஆபதா³ஸு. கி³லானாயாதி வசீபே⁴த³ங் காதுங் அஸமத்தா²யாதி.
அட்ட²மங்.
2309-10. ஹத்தீ² ஹத்தி²அஸ்ஸரதா², தே ஆதி³ யேஸங் தே ஹத்தி²அஸ்ஸரதா²த³யோ, தேஹி. ஆதி³-ஸத்³தே³ன த⁴னு த²ரூதி பத³த்³வயங் க³ஹிதங். ஸங்யுத்தந்தி யதா²வுத்தேஹி ஹத்தி²அஸ்ஸாதி³பதே³ஹி ஸங்யோஜிதங், ‘‘ஹத்தீ²னங் ஸிப்பங் ஹத்தி²ஸிப்ப’’ந்திஆதி³னா கதஸமாஸந்தி அத்தோ², ‘‘ஹத்தி²ஸிப்பங் அஸ்ஸஸிப்பங் ரத²ஸிப்பங் த⁴னுஸிப்பங் த²ருஸிப்ப’’ந்தி ஏவங் வுத்தங் யங் கிஞ்சி ஸிப்பந்தி வுத்தங் ஹோதி. ஹத்தி²ஸிக்கா²தி³ஸிப்பங் ஸந்தீ³பகோ க³ந்தோ² வச்சவாசகானங் அபே⁴தோ³பசாரேன ஏவங் வுத்தோதி க³ஹேதப்³ப³ங். தேனேவ வக்க²தி ‘‘பதா³தீ³னங் வஸேனிதா⁴’’தி. பரூபகா⁴தகங் மந்தாக³த³யோக³ப்பபே⁴த³கங் கிஞ்சீதி பரேஸங் அந்தராயகரங் கி²லனவஸீகரணஸோஸாபனாதி³பே⁴த³ங் ஆத²ப்³ப³ணமந்தஞ்ச விஸயோகா³தி³ப்பபே⁴த³கஞ்ச யங் கிஞ்சி ஸிப்பந்தி அத்தோ².
எத்த² கி²லனமந்தோ நாம தா³ருஸாரகி²லங் மந்தெத்வா பத²வியங் பவேஸெத்வா மாரணமந்தோ. வஸீகரணமந்தோ நாம பரங் அத்தனோ வஸே வத்தாபனகமந்தோ. ஸோஸாபனகமந்தோ நாம பரஸரீரங் ரஸாதி³தா⁴துக்க²யேன ஸுக்க²பா⁴வங் பாபனகமந்தோ. ஆதி³-ஸத்³தே³ன விதெ³ஸ்ஸனாதி³மந்தானங் ஸங்க³ஹோ. விதெ³ஸ்ஸனங் நாம மித்தானங் அஞ்ஞமஞ்ஞஸ்ஸ வேரிபா⁴வாபாத³னங். இத⁴ இமஸ்மிங் ஸாஸனே யா பி⁴க்கு²னீ ஹத்தி²…பே॰… கிஞ்சி யஸ்ஸ கஸ்ஸசி ஸந்திகே பதா³தீ³னங் வஸேன பரியாபுணெய்ய அதீ⁴யெய்ய சே, தஸ்ஸா பாசித்தியங் ஹோதீதி யோஜனா.
2311. லேகே²தி லிகி²தஸிப்பே. தா⁴ரணாய சாதி தா⁴ரணஸத்தே², யஸ்மிங் வுத்தனயேன படிபஜ்ஜந்தா ப³ஹூனிபி க³ந்தா²னி தா⁴ரெந்தி. கு³த்தியாதி அத்தனோ வா பரேஸங் வா கு³த்தத்தா²ய. பரித்தேஸு ச ஸப்³பே³ஸூதி யக்க²பரித்தசோரவாளாதி³ஸப்³பே³ஸு பரித்தேஸு ச.
நவமங்.
2312. த³ஸமேதி இத³ங் த³ஸமஸிக்கா²பத³ங்.
த³ஸமங்.
சித்தாகா³ரவக்³கோ³ பஞ்சமோ.
2313. ஸபி⁴க்கு²கங் ஆராமந்தி யத்த² பி⁴க்கூ² ருக்க²மூலேபி வஸந்தி, தங் பதே³ஸங். ஜானித்வாதி ‘‘ஸபி⁴க்கு²க’’ந்தி ஜானித்வா. யங் கிஞ்சீதி பி⁴க்கு²ங் வா ஸாமணேரங் வா ஆராமிகங் வா யங் கிஞ்சி.
2314-5. ‘‘ஸபி⁴க்கு²கோ நாம ஆராமோ யத்த² பி⁴க்கூ² ருக்க²மூலேபி வஸந்தீ’’தி (பாசி॰ 1025) வசனதோ ஆஹ ‘‘ஸசே அந்தமஸோ’’திஆதி³. யா பன பி⁴க்கு²னீ அந்தமஸோ ருக்க²மூலஸ்ஸபி அனாபுச்சா² ஸசே பரிக்கே²பங் அதிக்காமேதி, தஸ்ஸா பட²மே பாதே³ து³க்கடங், அபரிக்கி²த்தே தஸ்ஸ விஹாரஸ்ஸ உபசாரோக்கமே வாபி பி⁴க்கு²னியா து³க்கடங், து³தியே பாதே³ அதிக்காமிதே பாசித்தி ஸியாதி யோஜனா.
2316. அபி⁴க்கு²கே உபோ⁴ஸுபி ஸபி⁴க்கு²காபி⁴க்கு²கேஸு ஆராமேஸு ஜாதகங்கா²ய ஸஞ்ஜாதவிசிகிச்சா²ய, வேமதிகாயாதி அத்தோ². தஸ்ஸா ஆபத்தி து³க்கடங் ஹோதீதி யோஜனா.
2317. ஸீஸானுலோகிகா யா பி⁴க்கு²னீ க³ச்ச²தி, தஸ்ஸா ச அனாபத்தி பகாஸிதாதி யோஜனா. ஏவமுபரிபி. தா பி⁴க்கு²னியோ யத்த² ஸன்னிபதிதா ஹொந்தி, தாஸங் ஸந்திகங் ‘‘க³ச்சா²மீ’’தி க³ச்ச²தி. யதா²ஹ ‘‘யத்த² பி⁴க்கு²னியோ பட²மதரங்
2318. ‘‘ஸந்தங் பி⁴க்கு²ங் அனாபுச்சா²’’தி வசனேனேவ அபி⁴க்கு²கங் ஆராமங் கிஞ்சி அனாபுச்சா² பவிஸந்தியா அனாபத்தீதி தீ³பிதங் ஹோதி. ஆராமமஜ்ஜ²தோ வா மக்³கோ³ ஹோதி, தேன க³ச்ச²ந்தியாபி. ஆபதா³ஸூதி யேன கேனசி உபத்³து³தா ஹோதி, ஏவரூபாஸு ஆபதா³ஸு பவிஸந்தியா.
பட²மங்.
2320. அக்கோஸெய்யாதி த³ஸன்னங் அக்கோஸவத்தூ²னங் அஞ்ஞதரேன ஸம்முகா², பரம்முகா² வா அக்கோஸெய்ய வா. பரிபா⁴ஸெய்ய வாதி ப⁴ய’மஸ்ஸ உபத³ங்ஸெய்ய வா. திகபாசித்தியந்தி ‘‘உபஸம்பன்னே உபஸம்பன்னஸஞ்ஞா…பே॰… வேமதிகா…பே॰… அனுபஸம்பன்னஸஞ்ஞா அக்கோஸதி வா பரிபா⁴ஸதி வா, ஆபத்தி பாசித்தியஸ்ஸா’’தி (பாசி॰ 1031) திகபாசித்தியங் வுத்தங். ஸேஸேதி அனுபஸம்பன்னே. திகது³க்கடங் தஸ்ஸா ஹோதீதி யோஜனா.
2321. ‘‘புரக்க²த்வா’’திஆதீ³ஸு யங் வத்தப்³ப³ங், தங் ‘‘அபி⁴ஸபெய்யா’’தி (பாசி॰ 875) வுத்தஸிக்கா²பதே³ வுத்தனயமேவ.
து³தியங்.
2322-3. ஸங்க⁴ந்தி பி⁴க்கு²னிஸங்க⁴ங். பரிபா⁴ஸெய்யாதி ‘‘பா³லா ஏதா, அப்³யத்தா ஏதா, நேதா ஜானந்தி கம்மங் வா கம்மதோ³ஸங் வா கம்மவிபத்திங் வா கம்மஸம்பத்திங் வா’’தி (பாசி॰ 1035) ஆக³தனயேன இதராயாதி எத்த² உபயோக³த்தே² கரணவசனங். ஏகங் பி⁴க்கு²னிங் வா ஸம்ப³ஹுலா பி⁴க்கு²னியோ
ததியங்.
2324-6. யா நிமந்தனபவாரணா உபோ⁴பி க³ணபோ⁴ஜனஸிக்கா²பதே³ (பாசி॰ 217-219), பவாரணஸிக்கா²பதே³ (பாசி॰ 238-239) ச வுத்தலக்க²ணா, தாஹி உபோ⁴ஹி நிமந்தனபவாரணாஹி யா ச பி⁴க்கு²னீ ஸசே நிமந்திதாபி வா பவாரிதாபி வா ப⁴வெய்ய, ஸா புரேப⁴த்தங் யாகு³ஞ்ச யாமகாலிகாதி³காலிகத்தயஞ்ச ட²பெத்வா யங் கிஞ்சி ஆமிஸங் யாவகாலிகங் அஜ்ஜோ²ஹரணத்தா²ய படிக்³க³ண்ஹாதி சே, தஸ்ஸா க³ஹணே து³க்கடங் ஸியா, அஜ்ஜோ²ஹாரவஸேன எத்த² இமஸ்மிங் ஸிக்கா²பதே³ பாசித்தி பரிதீ³பிதாதி யோஜனா.
எத்த² ச நிமந்திதா நாம ‘‘பஞ்சன்னங் போ⁴ஜனானங் அஞ்ஞதரேன போ⁴ஜனேன நிமந்திதா’’தி க³ணபோ⁴ஜனஸிக்கா²பதே³ வுத்தலக்க²ணா. பவாரணா ச ‘‘பவாரிதோ நாம அஸனங் பஞ்ஞாயதி, போ⁴ஜனங் பஞ்ஞாயதி, ஹத்த²பாஸே டி²தோ அபி⁴ஹரதி, படிக்கே²போ பஞ்ஞாயதீ’’தி பவாரணஸிக்கா²பதே³ வுத்தலக்க²ணாதி வேதி³தப்³பா³.
2327. காலிகானி ச தீணேவாதி யாமகாலிகாதீ³னி தீணி காலிகானி ஏவ.
2328-9. நிமந்திதபவாரிதானங் த்³வின்னங் ஸாதா⁴ரணாபத்திங் த³ஸ்ஸெத்வா அனாபத்திங் த³ஸ்ஸேதுமாஹ ‘‘நிமந்திதா’’திஆதி³. இத⁴ இமஸ்மிங் ஸாஸனே யா பன பி⁴க்கு²னீ நிமந்திதா அப்பவாரிதா ஸசே யாகு³ங் பிவதி, வட்டதி அனாபத்தீதி அத்தோ². ஸாமிகஸ்ஸாதி யேன நிமந்திதா, தஸ்ஸ நிமந்தனஸாமிகஸ்ஸேவ. அஞ்ஞபோ⁴ஜனந்தி
காலிகானி ச தீணேவாதி யாமகாலிகாதீ³னி தீணி காலிகானேவ. பச்சயே ஸதீதி பிபாஸாதி³பச்சயே ஸதி.
2330. இமஸ்ஸ ‘‘நிமந்திதா’’திஆதி³. நிமந்திதா பன ஸாமிகங் அனாபுச்சா² பு⁴ஞ்ஜதி சே, தஸ்ஸா வஸேன இத³ங் ஸிக்கா²பத³ங் கிரியாகிரியங் ஹோதி. எத்த² பு⁴ஞ்ஜனங் க்ரியங். ஸாமிகஸ்ஸ அனாபுச்ச²னங் அக்ரியங்.
2331. ‘‘கப்பியங் காராபெத்வா’’திஆதி³ங் பவாரிதமேவ ஸந்தா⁴யாஹ. யா யதி³ பரிபு⁴ஞ்ஜதி, தஸ்ஸா ச பாசித்தி ஸியா கிரியதோ ஹோதீதி யோஜனா. ஸியாதி அவஸ்ஸங். பவாரணஸிக்கா²பதே³ வுத்தனயேன கப்பியங் காரெத்வா வா அகாராபெத்வா வா பரிபு⁴ஞ்ஜந்தியா தஸ்ஸா பரிபோ⁴கே³னேவ இமினா ஸிக்கா²பதே³ன அவஸ்ஸங் ஆபத்தி ஹோதீதி அத்தோ².
சதுத்த²ங்.
2332. ‘‘யா பன பி⁴க்கு²னீ குலமச்ச²ரினீ அஸ்ஸ, பாசித்திய’’ந்தி (பாசி॰ 1043) இமஸ்மிங் ஸிக்கா²பதே³ வினிச்ச²யங் த³ஸ்ஸேதுமாஹ ‘‘பி⁴க்கு²னீன’’ந்திஆதி³. குலஸந்திகே பி⁴க்கு²னீனங் அவண்ணங் வத³ந்தியா பாசித்தீதி ஸம்ப³ந்தோ⁴, குலஸ்ஸ ஸந்திகே ‘‘பி⁴க்கு²னியோ து³ஸ்ஸீலா பாபத⁴ம்மா’’தி பி⁴க்கு²னீனங் அவண்ணங் பா⁴ஸந்தியாதி அத்தோ². குலஸ்ஸாவண்ணனங் வாபீதி ‘‘தங் குலங் அஸ்ஸத்³த⁴ங் அப்பஸன்ன’’ந்தி பி⁴க்கு²னீனங் ஸந்திகே குலஸ்ஸ அவண்ணங் அகு³ணங் வத³ந்தியா பாசித்தீதி ஸம்ப³ந்தோ⁴.
2333. ஸந்தங் பா⁴ஸந்தியா தோ³ஸந்தி அமச்ச²ராயித்வா குலஸ்ஸ வா பி⁴க்கு²னீனங் வா ஸந்தங் தோ³ஸங் ஆதீ³னவங் கதெ²ந்தியா.
பஞ்சமங்.
2334-5. ஓவாத³தா³யகோதி அட்ட²ஹி க³ருத⁴ம்மேஹி ஓவாத³ங் தெ³ந்தோ. வஸ்ஸங் உபக³ச்ச²ந்தியாதி வஸ்ஸங் வஸந்தியா.
2336. பி⁴க்கூ²தி ஓவாத³தா³யகா பி⁴க்கூ².
ச²ட்ட²ங்.
2338. யா வஸ்ஸங் வுத்தா² புரிமங் வா பச்சி²மங் வா தேமாஸங் வுத்தா² ததோ அனந்தரங் உப⁴தோஸங்கே⁴ பி⁴க்கு²னிஸங்கே⁴ ச பி⁴க்கு²ஸங்கே⁴ ச ‘‘நாஹங் பவாரெஸ்ஸாமீ’’தி து⁴ரங் நிக்கி²பதி சேதி யோஜனா.
ஸத்தமங்.
2341. ஓவாதா³தீ³னமத்தா²யாதி அட்ட²க³ருத⁴ம்மஸ்ஸவனாதீ³னமத்தா²ய. ஆதி³-ஸத்³தே³ன உபோஸத²புச்ச²னபவாரணானங் க³ஹணங்.
2342. ஓவாதா³தீ³னமத்தா²ய அக³மனேன அக்ரியங். காயிகந்தி காயகம்மங்.
அட்ட²மங்.
2343. ‘‘அன்வத்³த⁴மாஸங் பி⁴க்கு²னியா பி⁴க்கு²ஸங்க⁴தோ த்³வே த⁴ம்மா பச்சாஸீஸிதப்³பா³ உபோஸத²புச்ச²னஞ்ச ஓவாதூ³பஸங்கமனஞ்ச, தங் அதிக்காமெந்தியா பாசித்திய’’ந்தி (பாசி॰ 1059) இமஸ்மிங் ஸிக்கா²பதே³ வினிச்ச²யங் த³ஸ்ஸேதுமாஹ ‘‘ந யாசிஸ்ஸாமீ’’திஆதி³. தங் உத்தானத்த²மேவ.
நவமங்.
2346-7. பஸாகோ² ஸஞ்ஜாதந்தி உட்டி²தங். க³ண்ட³ந்தி யங் கிஞ்சி க³ண்ட³ங். ருதி⁴தந்தி யங் கிஞ்சி வணங். ஸங்க⁴ங் வாதி பி⁴க்கு²னிஸங்க⁴ங் வா. க³ணங் வாதி ஸம்ப³ஹுலா பி⁴க்கு²னியோ வா. ஏகேனாதி எத்த² ‘‘புரிஸேனா’’தி ஸேஸோ, ஸஹத்தே² இத³ங் கரணவசனங். யதா²ஹ ‘‘புரிஸேன ஸத்³தி⁴ங் ஏகேனேகா’’தி. புரிஸோதி ச மனுஸ்ஸபுரிஸோவ க³ஹேதப்³போ³.
தோ⁴வாதி எத்த² ஆதி³-அத்தே² வத்தமானேன இதி-ஸத்³தே³ன ‘‘ஆலிம்பாபெய்ய வா ப³ந்தா⁴பெய்ய வா மோசாபெய்ய வா’’தி (பாசி॰ 1063) ஸிக்கா²பதா³க³தானங் இதரேஸங் திண்ணங் ஸங்க³ண்ஹனதோ ‘‘ஆலிம்ப
யா பன பி⁴க்கு²னீ பஸாகே² ஜாதங் க³ண்ட³ங் வா ருதி⁴தங் வா ஸங்க⁴ங் வா க³ணங் வா அனாபுச்சி²த்வா ஏகேன புரிஸேன ஏகிகா ‘‘பி⁴ந்த³ பா²லேஹி தோ⁴வ ஆலிம்ப ப³ந்த⁴ மோசேஹீ’’தி ஸப்³பா³னி காதப்³பா³னி ஆணாபேதி, தஸ்ஸா ச² து³க்கடானி, கதேஸு பி⁴ந்த³னாதீ³ஸு ச²ஸு கிச்சேஸு தஸ்ஸா ச² பாசித்தியோ ஹொந்தீதி யோஜனா.
2348-9. எத்தா²தி க³ண்டே³ வா வணே வா. ‘‘யங் காதப்³ப³ங் அத்தி², தங் ஸப்³ப³ங் த்வங் கரோஹி’’இதி ஸசே ஏவங் யா ஆணாபேதீதி யோஜனா. தஸ்ஸா ஏகாய ஆணாபனவாசாய ச² து³க்கடானி ச பாசித்தியச்ச²க்கஞ்சேதி த்³வாத³ஸாபத்தியோ ஸியுந்தி யோஜனா.
2351. ஆபுச்சி²த்வா வாதி ஸங்க⁴ங் வா க³ணங் வா ஆபுச்சி²த்வா. து³தியந்தி து³தியிகங். விஞ்ஞுங் து³தியங் க³ஹெத்வாபி வாதி யோஜனா.
த³ஸமங்.
ஆராமவக்³கோ³ ச²ட்டோ².
2353. ‘‘க³ணபரியேஸனாதி³ஸ்மி’’ந்தி வத்தப்³பே³ ச²ந்தா³னுரக்க²னத்த²ங் நிக்³க³ஹிதாக³மோ. க³ப்³பி⁴னிந்தி ஆபன்னஸத்தங், குச்சி²பவிட்ட²ஸத்தந்தி அத்தோ². வுட்டா²பெந்தியாதி உபஸம்பாதெ³ந்தியா. கம்மவாசாஹீதி த்³வீஹி கம்மவாசாஹி.
2354-5. கம்மவாசாய ஓஸானேதி ததியகம்மவாசாய பரியோஸானே, ய்யகாரப்பத்தேதி அத்தோ². க³ப்³பி⁴னிஸஞ்ஞாய ந ச க³ப்³பி⁴னியாதி அக³ப்³பி⁴னியா க³ப்³பி⁴னிஸஞ்ஞாய ச. உபோ⁴ ஸஞ்ஜாதகங்கா²யாதி உபோ⁴ஸு ஸமுப்பன்னஸங்ஸயாய, க³ப்³பி⁴னியா, அக³ப்³பி⁴னியா ச வேமதிகாயாதி அத்தோ². கா³தா²ப³ந்த⁴வஸேனெத்த² ஸு-ஸத்³த³லோபோ. ததா² வுட்டா²பெந்தியா உபஜ்ஜா²யாய ஆபத்தி து³க்கடங் ஹோதீதி யோஜனா. ஆசரினியா தஸ்ஸாதி உபஜ்ஜா²யா க³ப்³பி⁴னிங் வுட்டா²பேதி, தஸ்ஸா கம்மவாசங் ஸாவெந்தியா க³ணஸ்ஸாதி உபஜ்ஜா²யாசரினீஹி அஞ்ஞஸ்ஸ பி⁴க்கு²னிக³ணஸ்ஸ ச. ததா² து³க்கடங் தீ³பிதந்தி யோஜனா.
2356. ‘‘த்³வீஸு அக³ப்³பி⁴னிஸஞ்ஞாயா’’தி பத³ச்சே²தோ³. த்³வீஸூதி க³ப்³பி⁴னியா, அக³ப்³பி⁴னியா ச.
பட²மங்.
2357. து³தியேதி ‘‘யா பன பி⁴க்கு²னீ பாயந்திங் வுட்டா²பெய்ய, பாசித்திய’’ந்தி (பாசி॰ 1073) ஸிக்கா²பதே³. இமஸ்மிங் ஸிக்கா²பதே³ பாயந்தீ
து³தியங்.
2358. யா பன பி⁴க்கு²னீ த்³வே வஸ்ஸானி ச²ஸு த⁴ம்மேஸு அஸிக்கி²தஸிக்க²ங் ஸிக்க²மானங் ஸசே வுட்டா²பெய்ய, பாசித்தி ஸியாதி யோஜனா. தத்த² த்³வே வஸ்ஸானீதி பவாரணவஸேன த்³வே ஸங்வச்ச²ரானி. ச²ஸு த⁴ம்மேஸூதி பாணாதிபாதாவேரமணிஆதீ³ஸு விகாலபோ⁴ஜனாவேரமணிபரியோஸானேஸு ச²ஸு த⁴ம்மேஸு. அஸிக்கி²தஸிக்க²ந்தி ‘‘பாணாதிபாதாவேரமணிங் த்³வே வஸ்ஸானி அவீதிக்கம்ம ஸமாதா³னங் ஸமாதி³யாமீ’’திஆதி³னா (பாசி॰ 1079) நயேன அனாதி³ன்னஸிக்கா²பத³ங் வா ஏவங் ஸமாதி³யித்வாபி குபிதஸிக்க²ங் வா. ஸிக்க²மானங் தேஸு ச²ஸு த⁴ம்மேஸு ஸிக்க²னதோ வா தே வா ஸிக்கா²ஸங்கா²தே த⁴ம்மே மானநதோ ஏவங் லத்³த⁴னாமங் அனுபஸம்பன்னங். வுட்டா²பெய்யாதி உபஸம்பாதெ³ய்ய. ஆபத்தி ஸியாதி பட²மஸிக்கா²பதே³ வுத்தனயேனேவ கம்மவாசாபரியோஸானே பாசித்தி ஆபத்தி ஸியா, பாசித்தி ஹோதீதி அத்தோ².
2359. ‘‘த⁴ம்மகம்மே த⁴ம்மகம்மஸஞ்ஞா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே வேமதிகா வுட்டா²பேதி, ஆபத்தி பாசித்தியஸ்ஸ. த⁴ம்மகம்மே அத⁴ம்மகம்மஸஞ்ஞா வுட்டா²பேதி, ஆபத்தி பாசித்தியஸ்ஸா’’தி ஏவங் த⁴ம்மகம்மே ஸத்து²னா திகபாசித்தியங் வுத்தங். ‘‘அத⁴ம்மகம்மே த⁴ம்மகம்மஸஞ்ஞா, ஆபத்தி து³க்கடஸ்ஸ. அத⁴ம்மகம்மே வேமதிகா ஆபத்தி து³க்கடஸ்ஸ. அத⁴ம்மகம்மே அத⁴ம்மகம்மஸஞ்ஞா வுட்டா²பேதி, ஆபத்தி து³க்கடஸ்ஸா’’தி (பாசி॰ 1082) ஏவங் அத⁴ம்மே பன கம்மஸ்மிங் ஸத்து²னா திகது³க்கடங் தீ³பிதங்.
2360. அக²ண்ட³தோ
2361. ஸசே ந காரயே நேவ வுட்டா²பெய்யாதி யோஜனா.
ததியங்.
2362. சதுத்தே² நத்தி² வத்தப்³ப³ந்தி வக்க²மானவிஸேஸதோ அஞ்ஞங் வத்தப்³ப³ங் நத்தீ²தி யதா²வுத்தனயமேவாதி அதி⁴ப்பாயோ. ‘‘இதா⁴’’திஆதி³னா இமஸ்மிங் ஸிக்கா²பதே³ லப்³ப⁴மானவிஸேஸங் த³ஸ்ஸேதி. இத⁴ இமஸ்மிங் ஸிக்கா²பதே³ ஸங்கே⁴ன ஸம்மதங் தங் ஸிக்க²மானங் வுட்டா²பெந்தியா பி⁴க்கு²னியா அனாபத்தி ஹோதீதி யோஜனா.
2363. த்³வே வஸ்ஸானி ச²ஸு த⁴ம்மேஸு ஸிக்கி²தஸிக்கா²ய ஸிக்க²மானாய பி⁴க்கு²னிஸங்கே⁴ன உபஸம்பத³தோ பட²மங் ஞத்திது³தியாய கம்மவாசாய யா வுட்டா²னஸம்முதி தா³தப்³பா³ ஹோதி, ஸா வுட்டா²னஸம்முதி ஸசே பட²மங் அதி³ன்னா ஹோதி. தத்த² தஸ்மிங் உபஸம்பத³மாளகேபி பதா³தப்³பா³யேவாதி யோஜனா.
2364. ததியஞ்சாதி ததியஸிக்கா²பத³ஞ்ச. சதுத்த²ஞ்சாதி இத³ங் சதுத்த²ஸிக்கா²பத³ஞ்ச. பட²மேன ஸமங் ஞெய்யந்தி பட²மேன ஸிக்கா²பதே³ன ஸமுட்டா²னாதி³னா வினிச்ச²யேன ஸமானந்தி ஞாதப்³ப³ங். சதுத்த²ங் பன ஸிக்கா²பத³ங் வுட்டா²பனஸம்முதிங் அதா³பெத்வா வுட்டா²பனவஸேன க்ரியாக்ரியங் ஹோதி.
சதுத்த²ங்.
2365. கி³ஹிக³தந்தி புரிஸந்தரக³தங், புரிஸஸமாக³மப்பத்தந்தி அத்தோ². பரிபுண்ணத்³வாத³ஸவஸ்ஸா பரிபுண்ணா உத்தரபத³லோபேன. கிஞ்சாபி ந தோ³ஸோதி யோஜனா. வுட்டா²பெந்தியாதி உபஜ்ஜா²யா ஹுத்வா உபஸம்பாதெ³ந்தியா.
2366. ஸேஸந்தி அஸேஸேன ஸப்³ப³ஸோ.
பஞ்சமங்.
2368. து³க்கி²தங் ஸஹஜீவினிந்தி எத்த² ‘‘ஸிக்கா²பத³’’ந்தி ஸேஸோ. துவட்டகவக்³க³ஸ்மிங் ‘‘து³க்கி²தங் ஸஹஜீவினி’’ந்தி இமேஹி பதே³ஹி யுத்தங் யங் ஸிக்கா²பத³ங் வுத்தங், தேன ஸிக்கா²பதே³ன அட்ட²மங் ஸமங் ஞெய்யங், ந விஸேஸதா விஸேஸோ நத்தீ²தி யோஜனா. அட்ட²மந்தி ‘‘யா பன பி⁴க்கு²னீ ஸஹஜீவினிங் வுட்டா²பெத்வா த்³வே வஸ்ஸானி நேவ அனுக்³க³ண்ஹெய்ய ந அனுக்³க³ண்ஹாபெய்ய, பாசித்திய’’ந்தி (பாசி॰ 1108) வுத்தஸிக்கா²பத³ங். தத்த² ஸஹஜீவினிந்தி ஸத்³தி⁴விஹாரினிங். நேவ அனுக்³க³ண்ஹெய்யாதி ஸயங் உத்³தே³ஸாதீ³ஹி நானுக்³க³ண்ஹெய்ய. ந அனுக்³க³ண்ஹாபெய்யாதி ‘‘இமிஸ்ஸா அய்யே உத்³தே³ஸாதீ³னி தே³ஹீ’’தி ஏவங் ந அஞ்ஞாய அனுக்³க³ண்ஹாபெய்ய. பாசித்தியந்தி து⁴ரே நிக்கி²த்தமத்தே பாசித்தியங்.
அட்ட²மங்.
2369. யா காசி பி⁴க்கு²னீ வுட்டா²பிதபவத்தினிங் த்³வே வஸ்ஸானி நானுப³ந்தெ⁴ய்ய சே, தஸ்ஸா பாசித்தி பரியாபுதா கதி²தாதி யோஜனா. வுட்டா²பேதீதி வுட்டா²பிதா, பவத்தேதி ஸுஸிக்கா²பேதீதி பவத்தினீ, வுட்டா²பிதா ச ஸா பவத்தினீ சாதி வுட்டா²பிதபவத்தினீ, உபஜ்ஜா²யாயேதங் அதி⁴வசனங், தங், உபஜ்ஜா²யங். நானுப³ந்தெ⁴ய்யாதி சுண்ணேன, மத்திகாய, த³ந்தகட்டே²ன, முகோ²த³கேனாதி ஏவங் தேன தேன கரணீயேன உபட்ட²ஹெய்ய.
2370. ‘‘த்³வே வஸ்ஸானி அஹங் நானுப³ந்தி⁴ஸ்ஸாமீ’’தி து⁴ரங் நிக்கி²பதி சே, ஏவங் து⁴ரே நிக்கி²த்தமத்தஸ்மிங் பன தஸ்ஸா பாசித்தியங் ஸியாதி யோஜனா.
2371. யா
2372. அனுபட்டா²னேன ஹோதீதி ஆஹ ‘‘அக்ரியங் வுத்த’’ந்தி.
நவமங்.
2373-5. யா ஸஹஜீவினிங் ஸத்³தி⁴விஹாரினிங் வுட்டா²பெத்வா உபஸம்பாதெ³த்வா தங் க³ஹெத்வா அந்தமஸோ ச²ப்பஞ்சயோஜனானிபி ந க³ச்செ²ய்ய ந சஞ்ஞங் ஆணாபெய்ய ‘‘இமங், அய்யே, க³ஹெத்வா க³ச்சா²’’தி அஞ்ஞஞ்ச ந நியோஜெய்ய சே, து⁴ரே நிக்கி²த்தமத்தஸ்மிங் ‘‘ந தா³னி க³ச்சி²ஸ்ஸாமி, அஞ்ஞஞ்ச க³ஹெத்வா க³ந்துங் ந நியோஜெஸ்ஸாமீ’’தி உஸ்ஸாஹே விஸ்ஸட்ட²மத்தே தஸ்ஸா பாசித்தியங் ஸியாதி யோஜனா.
அந்தராயஸ்மிங் ஸதி வா து³தியங் அலப⁴ந்தியா வா ஆபதா³ஸு வா கி³லானாய வா உம்மத்திகாய வா ந தோ³ஸோதி யோஜனா.
த³ஸமங்.
க³ப்³பி⁴னிவக்³கோ³ ஸத்தமோ.
2376. கி³ஹிக³தேஹி தீஹேவாதி அனந்தரே க³ப்³பி⁴னிவக்³கே³ கி³ஹிக³தபத³யுத்தேஹி பஞ்சமச²ட்ட²ஸத்தமேஹி தீஹேவ ஸிக்கா²பதே³ஹி. ஸதி³ஸானீதி இத⁴ வீஸதிவஸ்ஸவசனஞ்ச குமாரிபூ⁴தவசனஞ்ச தத்த² த்³வாத³ஸவஸ்ஸவசனஞ்ச கி³ஹிக³தவசனஞ்ச ட²பெத்வா அவஸேஸேஹி வினிச்ச²யேஹி யதா²க்கமங் ஸதி³ஸானேவாதி.
2377. மஹூபபதா³தி மஹா உபபதோ³ யாஸங் ஸிக்க²மானானங் தா மஹூபபதா³. உபபத³ங் நாம பதா³னமேவ யுஜ்ஜதி, ந அத்தா²னந்தி ஆதி³தோதி எத்த² ‘‘வுத்தா’’தி ஸேஸோ, க³ப்³பி⁴னிவக்³கே³ திஸ்ஸன்னங் கி³ஹிக³தானங் புரிமேஸு ததியசதுத்த²ஸிக்கா²பதே³ஸு ஆக³தா த்³வே ஸிக்க²மானாதி அத்தோ². கி³ஹிக³தாய ‘‘பரிபுண்ணத்³வாத³ஸவஸ்ஸா’’தி ச குமாரிபூ⁴தாய ‘‘பரிபுண்ணவீஸதிவஸ்ஸா’’தி ச வஸ்ஸவஸேன நானாகரணஸ்ஸ வுத்தத்தா தாஹி த்³வீஹி மஹாஸிக்க²மானாய வஸ்ஸவஸேனேவ நானாகரணங் த³ஸ்ஸேதுமாஹ ‘‘க³தா வீஸதிவஸ்ஸாதி, விஞ்ஞாதப்³பா³ விபா⁴வினா’’தி, அதிக்கந்தவீஸதிவஸ்ஸா மஹாஸிக்க²மானா நாம ஹோதீதி அத்தோ².
2378. தா த்³வே மஹாஸிக்க²மானா ஸசே கி³ஹிக³தா வா ஹொந்து, ந ச புரிஸக³தா வா ஹொந்து ஸம்முதிஆதி³ஸு கம்மவாசாய ‘‘ஸிக்க²மானா’’தி வத்தப்³பா³தி யோஜனா. எத்த² ச ஸம்முதி நாம ஞத்திது³தியாய கம்மவாசாய காதப்³பா³ய ஸிக்கா²ய ஸம்முதி சேவ வுட்டா²னஸம்முதி ச. ஆதி³-ஸத்³தே³ன உபஸம்பதா³கம்மங் க³ஹிதங்.
2379. இமாஸங் த்³வின்னங் ஸம்முதிதா³னாதீ³ஸு ஞத்தியா ச கம்மவாசாய ச வத்தப்³ப³ங் த³ஸ்ஸெத்வா இதா³னி அவத்தப்³ப³ங் த³ஸ்ஸேதுமாஹ ‘‘ந தா’’திஆதி³. தா ஏதா உபோ⁴பி மஹாஸிக்க²மானா ‘‘குமாரிபூ⁴தா’’தி வா ததா² ‘‘கி³ஹிக³தா’’தி வா கம்மவாசாய ந வத்தப்³பா³ யஸ்மா, தஸ்மா ஏவங் வத்துங் ந வட்டதீதி யோஜனா. ‘‘ந வத்தப்³பா³’’தி இமினா ததா² சே கம்மவாசா வுச்செய்ய, தங் கம்மங் குப்பதீதி தீ³பேதி. இத⁴ பன-ஸத்³தோ³ யஸ்மா-பத³த்தோ²தி தத³த்த²வஸேன யோஜனா த³ஸ்ஸிதா.
2380. ஸம்முதிந்தி த³ஸவஸ்ஸாயாதி எத்த² ‘‘கி³ஹிக³தாயா’’தி ஸேஸோ. யதா²ஹ – ‘‘கி³ஹிக³தாய த³ஸவஸ்ஸகாலே ஸிக்கா²ஸம்முதிங் த³த்வா த்³வாத³ஸவஸ்ஸகாலே உபஸம்பதா³ காதப்³பா³’’தி (பாசி॰ அட்ட²॰ 1119). ஸேஸாஸுபீதி ஏகாத³ஸவஸ்ஸகாலே த³த்வா தேரஸவஸ்ஸகாலே காதப்³பா³, த்³வாத³ஸ, தேரஸ, சுத்³த³ஸ, பன்னரஸ, ஸோளஸ, ஸத்தரஸ, அட்டா²ரஸவஸ்ஸகாலே ஸிக்கா²ஸம்முதிங் த³த்வா வீஸதிவஸ்ஸகாலே காதப்³பா³தி ஏவங் அட்டா²ரஸவஸ்ஸபரியந்தாஸு ஸேஸாஸுபி ஸிக்க²மானாஸு. அயங் நயோதி ‘‘ஸம்முதியா தி³ன்னஸங்வச்ச²ரதோ ஆகா³மினி து³தியே ஸங்வச்ச²ரே உபஸம்பாதே³தப்³பா³’’தி அயங் நயோ. தேனேவ வுத்தங் ‘‘ஏகாத³ஸவஸ்ஸகாலே த³த்வா தேரஸவஸ்ஸகாலே காதப்³பா³’’திஆதி³.
2381. ‘‘குமாரிபூ⁴தா’’திபி ‘‘கி³ஹிக³தா’’திபி வத்துங் வட்டதீதி அட்ட²கதா²யங் வுத்தாதி யோஜனா.
2382. யா பன பரிபுண்ணவீஸதிவஸ்ஸா ஸாமணேரீ ‘‘குமாரிபூ⁴தா’’தி வுத்தா, ஸா கம்மவாசாய ‘‘குமாரிபூ⁴தா’’இச்சேவ வத்தப்³பா³, அஞ்ஞதா² பன ந வத்தப்³பா³ ‘‘கி³ஹிக³தா’’தி வா ‘‘புரிஸந்தரக³தா’’தி வா ந வத்தப்³பா³தி யோஜனா. யதா²ஹ ‘‘குமாரிபூ⁴தா பன ‘கி³ஹிக³தா’தி ந வத்தப்³பா³, ‘குமாரிபூ⁴தா’இச்சேவ வத்தப்³பா³’’தி.
2383. ஏதா து பன திஸ்ஸோபீதி மஹாஸிக்க²மானா கி³ஹிக³தா, குமாரிபூ⁴தாதி வுத்தா பன அபி-ஸத்³தே³ன கி³ஹிக³தா குமாரிபூ⁴தா த்³வே ஸகஸகனாமேனாபி வத்துங் வட்டந்தீதி தீ³பேதி. ‘‘குமாரிபூ⁴தஸிக்க²மானாயா’’தி பாளியங் அவுத்தத்தா ந வட்டதீதி கோசி மஞ்ஞெய்யாதி ‘‘ந ஸங்ஸயோ’’தி. ததா² வத்தப்³ப³தாஹேதுத³ஸ்ஸனத்த²மாஹ ‘‘ஸிக்கா²ஸம்முதிதா³னதோ’’தி.
பட²மது³தியததியானி.
2384-5. யா பன பி⁴க்கு²னீ ஊனத்³வாத³ஸவஸ்ஸாவ உபஸம்பதா³வஸேன அபரிபுண்ணத்³வாத³ஸவஸ்ஸா ஏவ ஸயங் உபஜ்ஜா²யா ஹுத்வா பரங் ஸிக்க²மானங் ஸசே வுட்டா²பேதி, புப்³பே³ வுத்தனயேனேவ க³ணபரியேஸனாதி³து³தியானுஸ்ஸாவனபரியோஸானேஸு ஆபன்னானங் து³க்கடானங் அனந்தரங் கம்மவாசானங் ஓஸானே ததியானுஸ்ஸாவனாய ய்யதாரப்பத்தாய தஸ்ஸா பாசித்தி பரிதீ³பிதாதி யோஜனா.
சதுத்த²ங்.
2386. பஞ்சமேதி ‘‘யா பன பி⁴க்கு²னீ பரிபுண்ணத்³வாத³ஸவஸ்ஸா ஸங்கே⁴ன அஸம்மதா வுட்டா²பெய்ய, பாசித்திய’’ந்தி (பாசி॰ 1142) ஸிக்கா²பதே³. காயசித்தவாசாசித்தகாயவாசாசித்தவஸேன திஸமுட்டா²னங். க்ரியாக்ரியந்தி வுட்டா²பனங் கிரியங், ஸங்க⁴ஸம்முதியா அக்³க³ஹணங் அகிரியங்.
பஞ்சமங்.
2387. ஸங்கே⁴னாதி பி⁴க்கு²னிஸங்கே⁴ன. உபபரிக்கி²த்வாதி அலஜ்ஜிபா⁴வாதி³ங் உபபரிக்கி²த்வா. அலங் தாவாதி எத்த² ‘‘தே அய்யே’’தி ஸேஸோ. வாரிதாதி எத்த² ‘‘ஸாதூ⁴தி படிஸ்ஸுணித்வா’’தி ஸேஸோ. ‘‘அலங் தாவ தே, அய்யே, உபஸம்பாதி³தேனா’’தி வாரிதா ‘‘ஸாதூ⁴’’தி படிஸ்ஸுணித்வா எத்த² ஏதஸ்மிங் பவாரணே பச்சா² கீ²யதி ‘‘அஹமேவ நூன பா³லா, அஹமேவ நூன அலஜ்ஜினீ’’திஆதி³னா அவண்ணங் பகாஸேதி, தோ³ஸதா பாசித்தியாபத்தி ஹோதீதி யோஜனா.
2388. ச²ந்த³தோ³ஸாதீ³ஹி கரொந்தியாதி எத்த² ‘‘பகதியா’’தி ஸேஸோ. பகதியா ச²ந்த³தோ³ஸாதீ³ஹி அக³திக³மனேஹி நிவாரணங் கரொந்தியா ஸசே உஜ்ஜா²யதி, ந தோ³ஸோதி யோஜனா.
ச²ட்ட²ங்.
2389-90. லத்³தே⁴ சீவரேதி ஸிக்கா²மானாய ‘‘ஸசே மே த்வங், அய்யே, சீவரங் த³ஸ்ஸஸி, ஏவாஹங் தங் வுட்டா²பெஸ்ஸாமீ’’தி வத்வா யாசிதே தஸ்மிங் சீவரே லத்³தே⁴. பச்சா²தி சீவரலாப⁴தோ பச்சா². அஸந்தே அந்தராயிகேதி த³ஸன்னங் அந்தராயானங் அஞ்ஞதரஸ்மிங் அந்தராயே அவிஜ்ஜமானே. வுட்டா²பெஸ்ஸாமினாஹந்தி அஹங் தங் ந ஸமுட்டா²பெஸ்ஸாமீதி து⁴ரனிக்கே²பனே தஸ்ஸா பாசித்தியங் ஹோதீதி யோஜனா.
2391. இத³ந்தி இத³ங் ஸிக்கா²பத³ங். அவுட்டா²பனேன அக்ரியங்.
ஸத்தமங்.
2392. அட்ட²மந்தி ‘‘யா பன பி⁴க்கு²னீ ஸிக்க²மானங் ‘ஸசே மங் த்வங், அய்யே, த்³வே வஸ்ஸானி அனுப³ந்தி⁴ஸ்ஸஸி, ஏவாஹங் தங் வுட்டா²பெஸ்ஸாமீ’’திஆதி³ (பாசி॰ 1155) ஸிக்கா²பத³ங். நவமேதி ‘‘யா பன பி⁴க்கு²னீ புரிஸஸங்ஸட்ட²ங் குமாரகஸங்ஸட்ட²ங் சண்டி³ங் ஸோகாவாஸங் ஸிக்க²மானங் வுட்டா²பெய்ய, பாசித்திய’’ந்தி (பாசி॰ 1159) வுத்தஸிக்கா²பதே³. ‘‘வத்தப்³ப³ங் நத்தீ²’’தி இத³ங் ஸத்³த³த்த²விஸேஸமந்தரேன வினிச்ச²யஸ்ஸ ஸுவிஞ்ஞெய்யத்தா வுத்தங். தேனேவாஹ ‘‘உத்தானமேவித³’’ந்தி.
ஸத்³த³த்தோ² பன ஏவங் வேதி³தப்³போ³ – புரிஸஸங்ஸட்ட²ந்தி பரிபுண்ணவீஸதிவஸ்ஸேன புரிஸேன அனநுலோமிகேன காயவசீகம்மேன ஸங்ஸட்ட²ங். குமாரகஸங்ஸட்ட²ந்தி ஊனவீஸதிவஸ்ஸேன குமாரேன ததே²வ ஸங்ஸட்ட²ங். சண்டி³ந்தி கோத⁴னங். ஸோகாவாஸந்தி ஸங்கேதங் கத்வா ஸோகாவாஸா. தேனேவஸ்ஸ பத³பா⁴ஜனே ‘‘ஸோகாவாஸா நாம பரேஸங் து³க்க²ங் உப்பாதே³தி, ஸோகங் ஆவிஸதீ’’தி (பாசி॰ 1160) த்³வேதா⁴ அத்தோ² வுத்தோ. பாசித்தியந்தி ஏவரூபங் வுட்டா²பெந்தியா வுத்தனயேனேவ கம்மவாசாபரியோஸானே உபஜ்ஜா²யாய பாசித்தியங்.
2393. ‘‘நத்தி² அஜானந்தியா’’தி பச்சே²தோ³, ஸிக்க²மானாய புரிஸஸங்ஸட்டா²தி³பா⁴வங் அஜானந்தியாதி அத்தோ².
அட்ட²மனவமானி.
2394. விஜாதமாதரா வா ஜனகபிதரா வா ஸாமினா பரிக்³கா³ஹகஸாமினா வா நானுஞ்ஞாதங் உபஸம்பத³த்தா²ய அனநுஞ்ஞாதங் தங் ஸிக்க²மானங் வுட்டா²பெந்தியா தஸ்ஸா பாசித்தியாபத்தி ஸியாதி யோஜனா.
2395. ந பி⁴க்கு²னாதி பி⁴க்கு²னா த்³விக்க²த்துங் ந புச்சி²தப்³ப³ங், ஸகிமேவ புச்சி²தப்³ப³ந்தி வுத்தங் ஹோதி. யதா²ஹ ‘‘பி⁴க்கு²னீஹி த்³விக்க²த்துங் ஆபுச்சி²தப்³ப³ங் பப்³ப³ஜ்ஜாகாலே ச உபஸம்பதா³காலே ச, பி⁴க்கூ²னங் பன ஸகிங் ஆபுச்சி²தேபி வட்டதீ’’தி (பாசி॰ அட்ட²॰ 1162).
2396-7. அத்தி²தந்தி அத்தி²பா⁴வங். சதூஹி ஸமுட்டா²தி, சத்தாரி வா ஸமுட்டா²னானி ஏதஸ்ஸாதி சதுஸமுட்டா²னங். கதமேஹி சதூஹி ஸமுட்டா²தீதி ஆஹ ‘‘வாசதோ…பே॰… காயவாசாதி³தோபி சா’’தி. கத²ங் வாசாதீ³ஹி சதூஹி ஸமுட்டா²தி? அப்³பா⁴னகம்மாதீ³ஸு கேனசிதே³வ கரணீயேன க²ண்ட³ஸீமாயங் நிஸின்னா க்ரியங், அனாபுச்ச²னங் அக்ரியங்.
த³ஸமங்.
2398. எத்த² இமஸ்மிங் ஸாஸனே யா பி⁴க்கு²னீ பாரிவாஸிகேன ச²ந்த³தா³னேன ஸிக்க²மானங் ஸசே வுட்டா²பேதி, தஸ்ஸா பாசித்தியங் ஸியாதி யோஜனா. தத்த² பாரிவாஸிகேன ச²ந்த³தா³னேனாதி சதுப்³பி³த⁴ங் பாரிவாஸியங் பரிஸபாரிவாஸியங், ரத்திபாரிவாஸியங், ச²ந்த³பாரிவாஸியங், அஜ்ஜா²ஸயபாரிவாஸியந்தி.
தத்த² பரிஸபாரிவாஸியங் நாம பி⁴க்கூ² கேனசிதே³வ கரணீயேன ஸன்னிபதிதா ஹொந்தி, அத² மேகோ⁴ வா உட்ட²ஹதி, உஸ்ஸாரணா வா கரீயதி, மனுஸ்ஸா வா அஜ்ஜொ²த்த²ரந்தா ஆக³ச்ச²ந்தி, பி⁴க்கூ² ‘‘அனோகாஸோ அயங், அஞ்ஞத்ர க³ச்சா²மா’’தி ச²ந்த³ங் அவிஸ்ஸஜ்ஜெத்வாவ உட்ட²ஹந்தி. இத³ங் பரிஸபாரிவாஸியங். கிஞ்சாபி பரிஸபாரிவாஸியங், ச²ந்த³ஸ்ஸ பன அவிஸ்ஸட்ட²த்தா கம்மங் காதுங் வட்டதி.
புன
புன பி⁴க்கூ² ‘‘கிஞ்சிதே³வ அப்³பா⁴னாதி³ஸங்க⁴கம்மங் கரிஸ்ஸாமா’’தி நிஸின்னா ஹொந்தி, தத்ரேகோ நக்க²த்தபாட²கோ பி⁴க்கு² ஏவங் வத³தி ‘‘அஜ்ஜ நக்க²த்தங் தா³ருணங், மா இத³ங் கம்மங் கரோதா²’’தி, தே தஸ்ஸ வசனேன ச²ந்த³ங் விஸ்ஸஜ்ஜெத்வா தத்தே²வ நிஸின்னா ஹொந்தி, அத²ஞ்ஞோ ஆக³ந்த்வா –
‘‘நக்க²த்தங் படிமானெந்தங், அத்தோ² பா³லங் உபச்சகா³’’தி. (ஜா॰ 1.1.49) –
வத்வா ‘‘கிங் நக்க²த்தேன, கரோதா²’’தி வத³தி. இத³ங் ச²ந்த³பாரிவாஸியஞ்சேவ அஜ்ஜா²ஸயபாரிவாஸியஞ்ச. ஏதஸ்மிங் பாரிவாஸியே புன ச²ந்த³பாரிஸுத்³தி⁴ங் அனாஹரித்வா கம்மங் காதுங் ந வட்டதி. இத³ங் ஸந்தா⁴ய வுத்தங் ‘‘பாரிவாஸிகேன ச²ந்த³தா³னேனா’’தி.
பாசித்தியங் ஸியாதி ஏவங் வுட்டா²பெந்தியா வுத்தனயேனேவ கம்மவாசாபரியோஸானே பாசித்தியங் ஸியாதி அத்தோ².
2399. ச²ந்த³ங் அவிஹாய வா அவிஸ்ஸஜ்ஜெத்வாவ அவுட்டி²தாய பரிஸாய து யதா²னிஸின்னாய பரிஸாய வுட்டா²பெந்தியா அனாபத்தீதி யோஜனா. வா-ஸத்³தோ³ ஏவகாரத்தோ².
ஏகாத³ஸமங்.
2400. த்³வாத³ஸேதி ‘‘யா பன பி⁴க்கு²னீ அனுவஸ்ஸங் வுட்டா²பெய்ய, பாசித்திய’’ந்தி (பாசி॰ 1171) ஸிக்கா²பதே³. தேரஸேதி ‘‘யா பன பி⁴க்கு²னீ ஏகங் வஸ்ஸங் த்³வே வுட்டா²பெய்ய, பாசித்திய’’ந்தி (பாசி॰ 1175) ஸிக்கா²பதே³.
த்³வாத³ஸமதேரஸமானி.
குமாரிபூ⁴தவக்³கோ³ அட்ட²மோ.
2401. அகி³லானாதி ச²த்துபாஹனங். தத்த² ச²த்தங் வுத்தலக்க²ணங், உபாஹனா வக்க²மானலக்க²ணா. தா⁴ரெய்யாதி உப⁴யங் ஏகதோ தா⁴ரெய்ய. விஸுங் தா⁴ரெந்தியா ஹி து³க்கடங் வக்க²தி.
2402. தி³வஸந்தி அச்சந்தஸங்யோகே³ உபயோக³வசனங். ஸசே தா⁴ரேதீதி யோஜனா.
2403. கத்³த³மாதீ³னீதி எத்த² ஆதி³-ஸத்³தே³ன மஹாவாலுகாதீ³னங் க³ஹணங்.
2404. ஸசே க³ச்ச²தீதி ஸம்ப³ந்தோ⁴. தி³ஸ்வா க³ச்சா²தி³கந்தி ச²த்தே லக்³க³னயொக்³க³ங் நீசதரங் க³ச்சா²தி³கங் தி³ஸ்வா. ஆதி³-ஸத்³தே³ன கு³ம்பா³தீ³னங் க³ஹணங். து³க்கடந்தி உபாஹனமத்தஸ்ஸேவ தா⁴ரணே து³க்கடங்.
2405. அபனாமெத்வாதி ஸீஸதோ அபனாமெத்வா. ஓமுஞ்சித்வாதி பாத³தோ ஓமுஞ்சித்வா. ஹோதி பாசித்தியந்தி புன பாசித்தியங் ஹோதி.
2406. பயோக³க³ணனாயேவாதி ச²த்துபாஹனஸ்ஸ அபனெத்வா அபனெத்வா ஏகதோ தா⁴ரணபயோக³க³ணனாய. திகபாசித்தியங் வுத்தந்தி ‘‘அகி³லானா அகி³லானஸஞ்ஞா, வேமதிகா, கி³லானஸஞ்ஞா ச²த்துபாஹனங் தா⁴ரேதி, ஆபத்தி பாசித்தியஸ்ஸா’’தி (பாசி॰ 1181) ஏவங் திகபாசித்தியங் வுத்தங். ‘‘கி³லானா அகி³லானஸஞ்ஞா, கி³லானா வேமதிகா, ச²த்துபாஹனங் தா⁴ரேதி, ஆபத்தி து³க்கடஸ்ஸா’’தி (பாசி॰ 1182) ஏவங் த்³விகது³க்கடங் ததே²வ வுத்தந்தி ஸம்ப³ந்தோ⁴.
2407. யத்த² ஆராமே வா உபசாரே வா அபரிக்கி²த்தஸ்ஸ ஆராமஸ்ஸ உபசாரே வா. ஆபதா³ஸூதி ரட்ட²பே⁴தா³தி³ஆபதா³ஸு.
பட²மங்.
2408. பி⁴க்கு²னியாதி எத்த² ‘‘அகி³லானாயா’’தி ஸேஸோ, பாதே³ன க³ந்துங் ஸமத்தா²ய அகி³லானாய யானங் நாம ரதா²தி³, தங் ஹெட்டா² வுத்தஸரூபமேவ.
2409. ஆபதா³ஸூதி ரட்ட²பே⁴தா³தி³ஆபதா³ஸு. ச²த்துபாஹனஸிக்கா²பதே³ ஆராமே, ஆராமூபசாரே ச அனாபத்தி வுத்தா, இத⁴ ததா² அவுத்தத்தா ஸப்³ப³த்தா²பி ஆபத்தியேவ வேதி³தப்³பா³.
து³தியங்.
2410. ‘‘யங் கிஞ்சிபி கடூபிய’’ந்தி இத³ங் ‘‘ஸங்கா⁴ணி’’ந்தி ஏதஸ்ஸ அத்த²பத³ங். யதா²ஹ – ‘‘ஸங்கா⁴ணி நாம யா காசி கடூபகா³’’தி. ஸங்கா⁴ணி நாம மேக²லாதி³கடிபிளந்த⁴னங். கடூபியந்தி கடிப்பதே³ஸோபக³ங்.
2412. கடிஸுத்தங் நாம கடியங் பிளந்த⁴னரஜ்ஜுஸுத்தகங்.
2413. இத⁴ இமஸ்மிங் ஸிக்கா²பதே³ சித்தங் அகுஸலங், இத³ங் பன ஸிக்கா²பத³ங் லோகவஜ்ஜங், இதி இத³ங் உப⁴யமேவ விஸேஸதா புரிமஸிக்கா²பத³தோ இமஸ்ஸ நானாகரணங்.
ததியங்.
2414. ஸீஸூபகா³தி³ஸு ஸீஸூபக³ங், ஸீஸே பிளந்த⁴னாரஹந்தி அத்தோ². ஆதி³-ஸத்³தே³ன கீ³வூபகா³தீ³னங் க³ஹணங். யதா²ஹ – ‘‘இத்தா²லங்காரோ நாம ஸீஸூபகோ³ கீ³வூபகோ³ ஹத்தூ²பகோ³ பாதூ³பகோ³ கடூபகோ³’’தி.
2415. ந ச தோ³ஸோதி யோஜனா. ‘‘ஸதி³ஸந்தி பரிதீ³பித’’ந்தி வத்தப்³பே³ இதி-ஸத்³தோ³ லுத்தனித்³தி³ட்டோ².
சதுத்த²ங்.
2416. யேன கேனசி க³ந்தே⁴னாதி சந்த³னதக³ராதி³னா யேன கேனசி க³ந்த⁴கக்கேன. ஸவண்ணாவண்ணகேன சாதி வண்ணேன ஸஹ வத்ததீதி ஸவண்ணகங், ஹலித்³தி³கக்காதி³, நத்தி² ஏதஸ்ஸ உப்³ப³ட்டனபச்சயா தி³ஸ்ஸமானோ வண்ணவிஸேஸோதி அவண்ணகங், ஸாஸபகக்காதி³, ஸவண்ணகஞ்ச அவண்ணகஞ்ச ஸவண்ணாவண்ணகங், தேன ஸவண்ணாவண்ணகேன ச. உப்³ப³ட்டெத்வா ந்ஹாயந்தியா ந்ஹானோஸானே பாசித்தியாபத்தி பகாஸிதாதி யோஜனா.
2417. ஸப்³ப³பயோகே³தி ஸப்³ப³ஸ்மிங் புப்³ப³பயோகே³. ஆபா³த⁴பச்சயாதி த³த்³து³குட்டா²தி³ரோக³பச்சயா.
2418. ச²ட்ட²ந்தி ‘‘யா பன பி⁴க்கு²னீ வாஸிதகேன பிஞ்ஞாகேன நஹாயெய்ய, பாசித்திய’’ந்தி (பாசி॰ 1203) ஸிக்கா²பத³ங்.
பஞ்சமச²ட்டா²னி.
2419. யா பன பி⁴க்கு²னீ அஞ்ஞாய பி⁴க்கு²னியா ஸசே உப்³ப³ட்டாபெய்ய வா ஸம்பா³ஹாபெய்ய வா, தஸ்ஸா பி⁴க்கு²னியா ததா² பாசித்தியாபத்தி ஹோதீதி யோஜனா.
2420. எத்த² ஏகா ஆபத்தி ஸியா, ஹத்த²ங் மோசெத்வா மோசெத்வா உப்³ப³ட்டனே பயோக³க³ணனாய ஸியாதி யோஜனா.
2421. ஆபதா³ஸூதி சோரப⁴யாதீ³ஹி ஸரீரகம்பனாதீ³ஸு. கி³லானாயாதி அந்தமஸோ மக்³க³க³மனபரிஸ்ஸமேனாபி ஆபா³தி⁴காய.
2422. அட்ட²மஸிக்கா²பதே³ ‘‘ஸிக்க²மானாயா’’தி ச நவமஸிக்கா²பதே³ ‘‘ஸாமணேரியா’’தி ச த³ஸமஸிக்கா²பதே³ ‘‘கி³ஹினியா’’தி ச விஸேஸங் வஜ்ஜெத்வா அவஸேஸவினிச்ச²யோ ஸத்தமேனேவ ஸமானோதி த³ஸ்ஸேதுமாஹ ‘‘அட்ட²மாதீ³னி தீணிபீ’’தி.
ஸத்தமட்ட²மனவமத³ஸமானி.
2423. அந்தோஉபசாரஸ்மிந்தி ‘‘பி⁴க்கு²ஸ்ஸ புரதோ’’தி இத³ங் உபலக்க²ணங். தஸ்மா புரதோ வா ஹோது பச்ச²தோ வா பஸ்ஸதோ வா, ஸமந்ததோ த்³வாத³ஸரதனப்³ப⁴ந்தரேதி நித³ஸ்ஸனபத³மேதங். ச²மாயபீதி அனந்தரஹிதாய பூ⁴மியாபி. யா நிஸீதெ³ய்யாதி ஸம்ப³ந்தோ⁴. ந வட்டதி பாசித்தியாபத்தி ஹோதீதி அத்தோ².
2424. திகபாசித்தியங் வுத்தந்தி அனாபுச்சி²தே அனாபுச்சி²தஸஞ்ஞா, வேமதிகா, ஆபுச்சி²தஸஞ்ஞாதி தீஸு விகப்பேஸு பாசித்தியத்தயங் வுத்தங். ஆபுச்சி²தே அனாபுச்சி²தஸஞ்ஞா, வேமதிகா வா பி⁴க்கு²ஸ்ஸ புரதோ நிஸீதெ³ய்யாதி விகப்பத்³வயே து³க்கடத்³வயங் ஹோதி. ஆபதா³ஸூதி ரட்ட²பே⁴தா³தி³ஆபதா³ஸு. ஆபுச்சி²துஞ்ச டா²துஞ்ச அஸக்கொந்தியா கி³லானாய.
2425. நிபஜ்ஜனங் க்ரியங். அனாபுச்ச²னங் அக்ரியங்.
ஏகாத³ஸமங்.
2426. ஓகாஸோ ஓகாஸகதோ, ந ஓகாஸகதோ அனோகாஸகதோ, தங், அகதோகாஸந்தி அத்தோ², ‘‘அஸுகஸ்மிங் நாம டா²னே புச்சா²மீ’’தி அத்தனா புச்சி²தப்³ப³வினயாதீ³னங் நாமங் க³ஹெத்வா ஓகாஸங் காராபனகாலே அதி⁴வாஸனவஸேன அகதோகாஸந்தி வுத்தங் ஹோதி. தோ³ஸதாதி பாசித்தியாபத்தி. ஏகஸ்மிங் பிடகே ஓகாஸங் காராபெத்வா அஞ்ஞஸ்மிங் பிடகே பஞ்ஹங் புச்ச²ந்தியாபி பாசித்தியங் ஹோதீதி த³ஸ்ஸேதுமாஹ ‘‘வினயே சா’’திஆதி³.
புச்ச²ந்தியாபி சாதி எத்த² பி-ஸத்³தே³ன ‘‘அபி⁴த⁴ம்மங் புச்ச²ந்தியாபீ’’தி இத³ஞ்ச அனுத்தஸமுச்சயத்தே²ன ச-ஸத்³தே³ன ‘‘ஸுத்தந்தே ஓகாஸங் காராபெத்வா வினயங் வா அபி⁴த⁴ம்மங் வா புச்ச²தி, ஆபத்தி பாசித்தியஸ்ஸ. அபி⁴த⁴ம்மே ஓகாஸங் காராபெத்வா ஸுத்தந்தங் வா வினயங் வா புச்ச²தி, ஆபத்தி பாசித்தியஸ்ஸா’’தி இத³ஞ்ச ஸங்க³ஹிதங்.
2427. அனோதி³ஸ்ஸாதி ‘‘அஸுகஸ்மிங் நாம புச்சா²மீ’’தி ஏவங் அனியமெத்வா கேவலங் ‘‘புச்சி²தப்³ப³ங் அத்தி², புச்சா²மி அய்யா’’தி ஏவங் வத்வா.
த்³வாத³ஸமங்.
2428-9. ஸங்கச்சிகந்தி மாதிகட்ட²கதா²யங் ‘‘அஸங்கச்சிகாதி அத⁴க்க²கஉப்³ப⁴னாபி⁴மண்ட³லஸங்கா²தஸ்ஸ ஸரீரஸ்ஸ படிச்சா²த³னத்த²ங் அனுஞ்ஞாதஸங்கச்சிகசீவரரஹிதா’’தி (கங்கா²॰ அட்ட²॰ அஸங்கச்சிகஸிக்கா²பத³வண்ணனா). ‘‘ஸங்கச்சிகாய பமாணங் திரியங் தி³யட்³ட⁴ஹத்த²ந்தி போராணக³ண்டி²பதே³ வுத்த’’ந்தி (வஜிர॰ டீ॰ பாசித்திய 1224-1226) வஜிரபு³த்³தி⁴த்தே²ரோ. பரிக்கே²போக்கமேதி பரிக்கே²பஸ்ஸ அந்தோபவேஸனே. உபசாரோக்கமேபீதி எத்தா²தி இமஸ்மிங் ஸிக்கா²பதே³. ஏஸேவ நயோதி ‘‘பட²மே பாதே³ து³க்கடங், து³தியே பாசித்திய’’ந்தி யதா²வுத்தோயேவ நயோ மதோ விஞ்ஞாதோதி அத்தோ².
2430. ஆபதா³ஸுபீதி மஹக்³க⁴ங் ஹோதி ஸங்கச்சிகங், பாருபித்வா க³ச்ச²ந்தியா ச உபத்³த³வோ உப்பஜ்ஜதி, ஏவரூபாஸு ஆபதா³ஸு அனாபத்தி.
2431. ஸேஸந்தி இத⁴ ஸரூபதோ அத³ஸ்ஸிதஞ்ச. வுத்தனயேனேவாதி மாதிகாபத³பா⁴ஜனாதீ³ஸு வுத்தனயேனேவ. ஸுனிபுணஸ்மிங் த⁴ம்மஜாதங், அத்த²ஜாதஞ்ச விபா⁴வேதி விவிதே⁴னாகாரேன பகாஸேதீதி விபா⁴வீ, தேன விபா⁴வினா.
தேரஸமங்.
ச²த்துபாஹனவக்³கோ³ நவமோ.
ஏவங் நவஹி வக்³கே³ஹி பி⁴க்கு²னீனங் பி⁴க்கூ²ஹி அஸாதா⁴ரணானி ச²ன்னவுதி ஸிக்கா²பதா³னி த³ஸ்ஸெத்வா இதோ பரேஸு முஸாவாத³வக்³கா³தீ³ஸு ஸத்தஸு வக்³கே³ஸு பி⁴க்கூ²ஹி ஸாதா⁴ரணஸிக்கா²பதா³னி பி⁴க்கு²பாதிமொக்க²வினிச்ச²யகதா²ய வுத்தனயேனேவ வேதி³தப்³பா³னீதி தானி இத⁴ ந த³ஸ்ஸிதானி.
ஸப்³பா³னேவ பி⁴க்கு²னீனங் கு²த்³த³கேஸு ச²ன்னவுதி, பி⁴க்கூ²னங் த்³வேனவுதீதி அட்டா²ஸீதிஸதங் ஸிக்கா²பதா³னி. ததோ பரங் ஸகலங் பி⁴க்கு²னிவக்³க³ங், பரம்பரபோ⁴ஜனங், அனதிரித்தபோ⁴ஜனங், அனதிரித்தேன அபி⁴ஹட்டு²ங் பவாரணங், பணீதபோ⁴ஜனவிஞ்ஞத்தி, அசேலகஸிக்கா²பத³ங், து³ட்டு²ல்லபஅச்சா²த³னங், ஊனவீஸதிவஸ்ஸஉபஸம்பாத³னங், மாதுகா³மேன ஸத்³தி⁴ங் ஸங்விதா⁴ய அத்³தா⁴னக³மனங், ராஜந்தேபுரப்பவேஸனங்
தத்ராயங் ஸங்கே²பதோ அஸாதா⁴ரணஸிக்கா²பதே³ஸு ஸமுட்டா²னவினிச்ச²யோ – கி³ரக்³க³ஸமஜ்ஜா, சித்தாகா³ரஸிக்கா²பத³ங், ஸங்கா⁴ணி, இத்தா²லங்காரோ, க³ந்த⁴வண்ணகோ, வாஸிதகபிஞ்ஞாகோ, பி⁴க்கு²னிஆதீ³ஹி உம்மத்³த³னபரிமத்³த³னானீதி இமானி த³ஸ ஸிக்கா²பதா³னி அசித்தகானி, லோகவஜ்ஜானி, அகுஸலசித்தானி. அயங் பனெத்த² அதி⁴ப்பாயோ – வினாபி சித்தேன ஆபஜ்ஜிதப்³ப³த்தா அசித்தகானி, சித்தே பன ஸதி அகுஸலேனேவ ஆபஜ்ஜிதப்³ப³த்தா லோகவஜ்ஜானி சேவ அகுஸலசித்தானி ச. அவஸேஸானி அசித்தகானி பண்ணத்திவஜ்ஜானேவ. சோரிவுட்டா²பனங், கா³மந்தரங், ஆராமஸிக்கா²பத³ங், க³ப்³பி⁴னிவக்³கே³ ஆதி³தோ பட்டா²ய ஸத்த, குமாரிபூ⁴தவக்³கே³ ஆதி³தோ பட்டா²ய பஞ்ச, புரிஸஸங்ஸட்ட²ங், பாரிவாஸியச²ந்த³தா³னங், அனுவஸ்ஸவுட்டா²பனங், ஏகந்தரிகவுட்டா²பனந்தி இமானி ஏகூனவீஸதி ஸிக்கா²பதா³னி ஸசித்தகானி, பண்ணத்திவஜ்ஜானி. அவஸேஸானி ஸசித்தகானி லோகவஜ்ஜானேவாதி.
இதி வினயத்த²ஸாரஸந்தீ³பனியா வினயவினிச்ச²யவண்ணனாய
பாசித்தியகதா²வண்ணனா நிட்டி²தா.