கு²த்³த³கவத்து²க்க²ந்த⁴ககதா²வண்ணனா
2783. குட்டேதி இட்ட²காஸிலாதா³ருகுட்டானங் அஞ்ஞதரஸ்மிங். அட்டானேதி எத்த² அட்டானங் நாம ருக்கே² ப²லகங் விய தச்செ²த்வா அட்ட²பதா³காரேன ராஜியோ சி²ந்தி³த்வா நஹானதித்தே² நிக²ணந்தி, தத்த² சுண்ணானி ஆகிரித்வா மனுஸ்ஸா காயங் க⁴ங்ஸந்தி.
2784. க³ந்த⁴ப்³ப³ஹத்தே²னாதி நஹானதித்தே² ட²பிதேன தா³ருமயஹத்தே²ன. தேன கிர சுண்ணானி க³ஹெத்வா மனுஸ்ஸா ஸரீரங் க⁴ங்ஸந்தி. குருவிந்த³கஸுத்தியாதி குருவிந்த³கபாஸாணசுண்ணானி லாகா²ய ப³ந்தி⁴த்வா கதகு³ளிககலாபகோ வுச்சதி, தங் உபோ⁴ஸு அந்தேஸு க³ஹெத்வா ஸரீரங் க⁴ங்ஸந்தி. மல்லகேனாதி மகரத³ந்தகங் சி²ந்தி³த்வா மல்லகமூலஸண்டா²னேன கதேன மல்லகேன, இத³ங் கி³லானஸ்ஸாபி ந வட்டதி. அஞ்ஞமஞ்ஞஞ்ச காயதோதி அஞ்ஞமஞ்ஞங் ஸரீரேன க⁴ங்ஸெய்ய.
2785. அகதங் மல்லகங் நாம மகரத³ந்தே அச்சி²ந்தி³த்வா கதங், இத³ங் அகி³லானஸ்ஸ ந வட்டதி.
2786. கபாலிட்ட²கக²ண்டா³னீதி கபாலக²ண்ட³இட்ட²கக²ண்டா³னி. ஸப்³ப³ஸ்ஸாதி கி³லானாகி³லானஸ்ஸ ‘‘புது²பாணிக’’ந்தி ஹத்த²பரிகம்மங் வுச்சதி, தஸ்மா ஸப்³ப³ஸ்ஸ ஹத்தே²ன பிட்டி²பரிகம்மங் காதுங் வட்டதி. ‘‘வத்த²வட்டீ’’தி இத³ங் பாளியங் வுத்தஉக்காஸிகஸ்ஸ
2787. பே²ணகங் நாம ஸமுத்³த³பே²ணங். கத²லந்தி கபாலக²ண்ட³ங். பாத³க⁴ங்ஸனே வுத்தா அனுஞ்ஞாதா. கதகங் நாம பது³மகண்ணிகாகாரங் பாத³க⁴ங்ஸனத்த²ங் கண்டகே உட்டா²பெத்வா கதங், ஏதங் நேவ படிக்³க³ஹேதுங், ந பரிபு⁴ஞ்ஜிதுங் வட்டதி.
2788. யங் கிஞ்சிபி அலங்காரந்தி ஹத்தூ²பகா³தி³அலங்காரேஸு யங் கிஞ்சி அலங்காரங்.
2789. ஓஸண்டெ²ய்யாதி அலங்காரத்த²ங் ஸங்க²ரொந்தோ நமெய்ய. ஹத்த²ப²ணகேனாதி ஹத்தே²னேவ ப²ணகிச்சங் கரொந்தா அங்கு³லீஹி ஓஸண்டெ²ந்தி. ப²ணகேனாதி த³ந்தமயாதீ³ஸு யேன கேனசி. கொச்சே²னாதி உஸிரமயேன வா முஞ்ஜபப்³ப³ஜமயேன வா கொச்சே²ன.
2790. ஸித்த²தேலோத³தேலேஹீதி ஸித்த²தேலஞ்ச உத³கதேலஞ்சாதி விக்³க³ஹோ, தேஹி. தத்த² ஸித்த²தேலங் நாம மது⁴ஸித்த²கனிய்யாஸாதி³ யங் கிஞ்சி சிக்கணங். சிக்கணங் நாம நிய்யாஸங். உத³கதேலங் நாம உத³கமிஸ்ஸகங் தேலங். கத்த²சி பொத்த²கேஸு ‘‘ஸிட்டா²’’தி பாடோ², ஸோயேவத்தோ². அனுலோமனிபாதத்த²ந்தி நலாடாபி⁴முக²ங் அனுலோமேன பாதனத்த²ங். உத்³த⁴லோமேனாதி உத்³த⁴க்³க³ங் ஹுத்வா டி²தலோமேன.
2791. ஹத்த²ங் தேலேன தேமெத்வாதி கரதலங் தேலேன மக்கெ²த்வா. ஸிரோருஹா கேஸா. உண்ஹாபி⁴தத்தஸ்ஸாதி உண்ஹாபி⁴தத்தரஜஸிரஸ்ஸ. அல்லஹத்தே²ன ஸிரோருஹே புஞ்சி²துங் வட்டதீதி யோஜனா.
2792. ஆதா³ஸே உத³பத்தே வாதி எத்த² கங்ஸபத்தாதீ³னிபி, யேஸு முக²னிமித்தங் பஞ்ஞாயதி, ஸப்³பா³னி ஆதா³ஸஸங்க²மேவ க³ச்ச²ந்தி, கஞ்ஜியாதீ³னிபி ச உத³பத்தஸங்க²மேவ, தஸ்மா யத்த² கத்த²சி ஓலோகெந்தஸ்ஸ து³க்கடங்.
2793. யேன ‘‘ஸஞ்ச²வி’’ந்திஆதி³. ஆபா³த⁴பச்சயா ‘‘மே முகே² வணோ ஸஞ்ச²வி நு கோ², உதா³ஹு ந ஸஞ்ச²வீ’’தி முக²ங் த³ட்டு²ஞ்ச ‘‘அஹங் ஜிண்ணோ நு கோ², உதா³ஹு நோ’’தி அத்தனோ ஆயுஸங்கா²ரஜானநத்த²ஞ்ச முக²ங் த³ட்டு²ங் வட்டதீதி யோஜனா.
2794. நச்சங் வாதி யங் கிஞ்சி நச்சங் அந்தமஸோ மோரனச்சம்பி. கீ³தந்தி யங் கிஞ்சி நடகீ³தங் வா ஸாது⁴கீ³தங் வா அந்தமஸோ த³ந்தகீ³தம்பி, யங் ‘‘கா³யிஸ்ஸாமா’’தி புப்³ப³பா⁴கே³ ஓகூஜந்தா கரொந்தி, ஏதம்பி ந வட்டதி. வாதி³தந்தி யங் கிஞ்சி வாதி³தங். த³ட்டு²ங் வா பன ஸோதுங் வாதி நச்சங் த³ட்டு²ங் வா கீ³தங் வாதி³தங் ஸோதுங் வா.
2795. ஸயங் நச்சந்தஸ்ஸ வா நச்சாபெந்தஸ்ஸ வா கா³யந்தஸ்ஸ வா கா³யாபெந்தஸ்ஸ வா வாதெ³ந்தஸ்ஸ வா வாதா³பெந்தஸ்ஸ வா து³க்கடமேவ அட்ட²கதா²ய (சூளவ॰ அட்ட²॰ 248) வுத்தந்தி ததே³கதே³ஸங் த³ஸ்ஸேதுமாஹ ‘‘த³ட்டு²மந்தமஸோ’’திஆதி³.
2796. ஸுணாதீதி கீ³தங் வா வாதி³தங் வா. பஸ்ஸதீதி நச்சங் பஸ்ஸதி.
2797. பஸ்ஸிஸ்ஸாமீதி எத்த² ‘‘ஸுணிஸ்ஸாமீ’’தி ஸேஸோ. ‘‘நச்சங் பஸ்ஸிஸ்ஸாமி, கீ³தங், வாதி³தங் வா ஸுணிஸ்ஸாமீ’’தி விஹாரதோ விஹாரங் க³ச்ச²தோ வாபி து³க்கடங் ஹோதீதி யோஜனா.
2798. உட்ட²ஹித்வான க³ச்ச²தோதி ‘‘நச்சங் பஸ்ஸிஸ்ஸாமீ’’தி, ‘‘கீ³தங், வாதி³தங் வா ஸுணிஸ்ஸாமீ’’தி நிஸின்னட்டா²னதோ உட்ட²ஹித்வா அந்தோவிஹாரேபி
2799. தீ³கா⁴தி த்³வங்கு³லதோ தீ³கா⁴. ந தா⁴ரெய்யாதி ந தா⁴ரேதப்³பா³. த்³வங்கு³லங் வா து³மாஸங் வாதி எத்த² த்³வே அங்கு³லானி பரிமாணங் ஏதஸ்ஸாதி த்³வங்கு³லோ, கேஸோ. த்³வே மாஸா உக்கட்ட²பரிச்சே²தோ³ அஸ்ஸாதி து³மாஸோ. கேஸங் தா⁴ரெந்தோ த்³வங்கு³லங் வா தா⁴ரெய்ய து³மாஸங் வா. ததோ உத்³த⁴ங் ந வட்டதீதி ததோ த்³வங்கு³லதோ வா து³மாஸதோ வா கேஸதோ உத்³த⁴ங் கேஸங் தா⁴ரேதுங் ந வட்டதி.
அத² த்³வங்கு³லங், த்³வே மாஸா ஸமாஹடா து³மாஸங், உப⁴யத்த² அச்சந்தஸங்யோகே³ உபயோக³வசனங். கேஸே தா⁴ரெந்தோ த்³வங்கு³லமத்தங் வா தா⁴ரெய்ய து³மாஸமத்தங் வா, ததோ காலபரிமாணதோ உத்³த⁴ங் கேஸே தா⁴ரேதுங் ந வட்டதீதி அத்தோ². ஸசே கேஸே அந்தொத்³வேமாஸே த்³வங்கு³லே பாபுணந்தி, அந்தொத்³வேமாஸேயேவ சி²ந்தி³தப்³பா³. த்³வங்கு³லே ஹி அதிக்கமேதுங் ந வட்டதி. ஸசேபி ந தீ³கா⁴, த்³வேமாஸதோ ஏகதி³வஸம்பி அதிக்கமேதுங் ந லப⁴தியேவ. ஏவமயங் உப⁴யேனபி உக்கட்ட²பரிச்சே²தே³னேவ வுத்தோ, ததோ ஓரங் பன நவட்டனபா⁴வோ நாம நத்தி².
2800. தீ³கே⁴ நகே², தீ³கா⁴னி நாஸிகலோமானி ச ந தா⁴ரயேதி யோஜனா, ந தா⁴ரெய்ய, சி²ந்தெ³ய்யாதி அத்தோ². வீஸதிமட்ட²ந்தி வீஸதியா நகா²னங் மட்ட²ங் லிகி²தமட்ட²பா⁴வங் காதுங் பி⁴க்கு²னோ ந வட்டதீதி யோஜனா. ஸத்த²கேன தச்செ²த்வா சுண்ணகேன பமஜ்ஜித்வா ப²லிகமணீனங் விய உஜ்ஜலகரணங் லிகி²தமட்ட²ங் நாம. ‘‘அனுஜானாமி, பி⁴க்க²வே, மலமத்தங் அபகட்³டி⁴து’’ந்தி (சூளவ॰ 274) அனுஞ்ஞாதத்தா முக்³க³ப²லதசாதீ³ஹி நக²மலங் அபனேதுங் வட்டதி.
2801. கப்பாபெய்ய விஸுங் மஸ்ஸுந்தி யோ கேஸச்சி²ன்னோ விஸுங் மஸ்ஸுங் கப்பாபெய்ய. தா³டி²கங் ட²பெய்யாதி கேஸே சி²ந்தா³பெத்வா மஸ்ஸுங் அகப்பாபெத்வா விஸுங் ட²பெய்ய. ஸம்பா³தே⁴தி உபகச்ச²கமுத்தகரணஸங்கா²தே ஸம்பா³த⁴ட்டா²னே. லோமங் ஸங்ஹராபெய்யவாதி ஸத்தே²ன வா ஸண்டா³ஸேன வா அஞ்ஞேன யேன கேனசி பரேன சி²ந்தா³பெய்ய, ஸயங் வா சி²ந்தெ³ய்ய. ‘‘அனுஜானாமி, பி⁴க்க²வே, ஆபா³த⁴பச்சயா ஸம்பா³தே⁴ லோமங் ஸங்ஹராபேது’’ந்தி (சூளவ॰ 275) அனுஞ்ஞாதத்தா யதா²வுத்தஸம்பா³தே⁴ க³ண்ட³பிளகவணாதி³கே ஆபா³தே⁴ ஸதி லோமங் ஸங்ஹராபேதுங் வட்டதி.
2802. அகி³லானஸ்ஸ சி²ந்த³தோ து³க்கடங் வுத்தங். அஞ்ஞேன வா புக்³க³லேன ததா² கத்தரியா சி²ந்தா³பெந்தஸ்ஸ து³க்கடங் வுத்தந்தி ஸம்ப³ந்தோ⁴.
2803. ஸேஸங்க³சே²த³னேதி அங்கு³லியாதி³அவஸேஸஸரீராவயவானங் சே²த³னே. அத்தவதே⁴தி அத்துபக்கமேன வா ஆணத்தியா உபக்கமேன வா அத்தனோ ஜீவிதனாஸே.
2804. அங்க³ந்தி அங்க³ஜாததோ அவஸேஸங் ஸரீராவயவங். அஹிகீடாதி³த³ட்ட²ஸ்ஸ தப்படிகாரவஸேன அங்க³ங் சி²ந்த³தோ ந தோ³ஸோ. தாதி³ஸாபா³த⁴பச்சயா தப்படிகாரவஸேன அங்க³ங் சி²ந்த³தோ ந தோ³ஸோ. லோஹிதங் மோசெந்தஸ்ஸாபி ந தோ³ஸோதி யோஜனா.
2805. அபரிஸ்ஸாவனோ பி⁴க்கு² ஸசே மக்³க³ங் க³ச்ச²தி, து³க்கடங். மக்³கே³ அத்³தா⁴னே தங் பரிஸ்ஸாவனங் யாசமானஸ்ஸ யோ ந த³தா³தி, தஸ்ஸ அத³த³தோ அதெ³ந்தஸ்ஸாபி ததே²வ து³க்கடமேவாதி யோஜனா. யோ பன அத்தனோ ஹத்தே² பரிஸ்ஸாவனே விஜ்ஜமானேபி யாசதி, தஸ்ஸ ந அகாமா தா³தப்³ப³ங்.
2806. ‘‘நக்³கோ³’’தி ந பு⁴ஞ்ஜேதி ப⁴த்தாதி³ங் பு⁴ஞ்ஜிதப்³ப³ங் ந பு⁴ஞ்ஜெய்ய. ந பிவேதி யாகு³ஆதி³ங் பாதப்³ப³ங் ந பிவெய்ய. ந ச கா²தே³தி மூலகா²த³னீயாதி³கங் கா²த³னீயங் ந கா²தெ³ய்ய. ந ஸாயயேதி பா²ணிதாதி³கங் ஸாயிதப்³ப³ஞ்ச ந ஸாயெய்ய ந லிஹெய்ய. ந த³தே³தி அஞ்ஞஸ்ஸ ப⁴த்தாதி³ங் கிஞ்சி ந த³தெ³ய்ய. ந க³ண்ஹெய்யாதி ததா² ஸயங் நக்³கோ³ ஹுத்வா ந படிக்³க³ண்ஹெய்ய. அஞ்ஜஸங் மக்³க³ங்.
2807. பரிகம்மங் ந காதப்³ப³ந்தி பிட்டி²பரிகம்மாதி³பரிகம்மங் ந காதப்³ப³ங். காரயேதி ஸயங் நக்³கோ³ ஹுத்வா அஞ்ஞேன பிட்டி²பரிகம்மாதி³பரிகம்மங் ந காராபெய்யாதி அத்தோ².
2808. பிட்டி²கம்மாதி³கே பரிகம்மே ஜந்தாக⁴ராதி³கா திஸ்ஸோ படிச்சா²தீ³ வுத்தா ‘‘அனுஜானாமி, பி⁴க்க²வே, திஸ்ஸோ படிச்சா²தி³யோ ஜந்தாக⁴ரபடிச்சா²தி³ங் உத³கபடிச்சா²தி³ங் வத்த²படிச்சா²தி³’’ந்தி (சூளவ॰ 261) அனுஞ்ஞாதாதி யோஜனா. படிச்சா²தே³தி ஹிரிகோபினந்தி படிச்சா²தி³, ஜந்தாக⁴ரமேவ படிச்சா²தி³ ஜந்தாக⁴ரபடிச்சா²தி³. உத³கமேவ படிச்சா²தி³ உத³கபடிச்சா²தி³. வத்த²மேவ படிச்சா²தி³ வத்த²படிச்சா²தி³. ‘‘ஸப்³ப³த்த² பன வட்டதீ’’தி இமினா இதரபடிச்சா²தி³த்³வயங் பரிகம்மேயேவ வட்டதீதி தீ³பேதி. ஸப்³ப³த்தா²தி போ⁴ஜனாதி³ஸப்³ப³கிச்சேஸு.
2809. யத்த² கத்த²சி பேளாயந்தி தம்ப³லோஹவட்டலோஹகங்ஸலோஹகாளலோஹஸுவண்ணரஜதாதீ³ஹி கதாய வா தா³ருமயாய வா யாய காயசி பேளாய ஆஸித்தகூபதா⁴னே. பு⁴ஞ்ஜிதுங் ந ச வட்டதீதி பா⁴ஜனங் ட²பெத்வா பு⁴ஞ்ஜிதுங் ந வட்டதி. யதா²ஹ – ‘‘ஆஸித்தகூபதா⁴னங் நாம தம்ப³லோஹேன வா ரஜதேன வா கதாய பேளாய ஏதங் அதி⁴வசனங், ‘ந பி⁴க்க²வே ஆஸித்தகூபதா⁴னே பு⁴ஞ்ஜிதப்³ப³’ந்தி ஸாமஞ்ஞேன படிக்கி²த்தத்தா ‘‘மளோரிகா’’தி ச த³ண்டா³தா⁴ரகோ வுச்சதி, யங் தயோ, சத்தாரோ, ப³ஹூ வா த³ண்ட³கே உபரி ச ஹெட்டா² ச வித்த²தங் மஜ்ஜே² ஸங்குசிதங் கத்வா ப³ந்தி⁴த்வா ஆதா⁴ரகங் கரொந்தி. யட்டி²ஆதா⁴ரகபண்ணாதா⁴ரகபச்சி²கபிட்ட²க⁴டககவாடகாதி³பா⁴ஜனமுக²உது³க்க²லாதீ³னிபி எத்தே²வ ஸங்க³ஹங் க³ச்ச²ந்தி. யட்டி²ஆதா⁴ரகோதி யட்டி²ங்யேவ உஜுகங் ட²பெத்வா ப³ந்தீ⁴கதஆதா⁴ரகோ.
ஏகபா⁴ஜனே விஸுங் விஸுங் போ⁴ஜனஸ்ஸாபி ஸம்ப⁴வதோ ‘‘பு⁴ஞ்ஜதோ ஏகபா⁴ஜனே’’தி எத்தகேயேவ வுத்தே தஸ்ஸாபி பஸங்கோ³ ஸியாதி தன்னிவத்தனத்த²மாஹ ‘‘ஏகதோ’’தி. ‘‘பு⁴ஞ்ஜதோ’’தி இத³ங் உபலக்க²ணங். ஏகதோ ஏகபா⁴ஜனே யாகு³ஆதி³பானம்பி ந வட்டதி. யதா²ஹ – ‘‘ந, பி⁴க்க²வே, ஏகதா²லகே பாதப்³ப³’’ந்தி (சூளவ॰ 264). அத² வா பு⁴ஞ்ஜதோதி அஜ்ஜோ²ஹாரஸாமஞ்ஞேன பானம்பி ஸங்க³ஹிதந்தி வேதி³தப்³ப³ங். அயமெத்த² வினிச்ச²யோ – ஸசே ஏகோ பி⁴க்கு² பா⁴ஜனதோ ப²லங் வா பூவங் வா க³ஹெத்வா க³ச்ச²தி, தஸ்மிங் அபக³தே இதரஸ்ஸ ஸேஸகங் பு⁴ஞ்ஜிதுங் வட்டதி. இதரஸ்ஸாபி தஸ்மிங் க²ணே புன க³ஹேதுங் வட்டதீதி.
2810. யே த்³வே வா தயோ வா பி⁴க்கூ² ஏகபாவுரணா வா ஏகத்த²ரணா வா ஏகத்த²ரணபாவுரணா வா நிபஜ்ஜந்தி, தேஸஞ்ச, யே ஏகமஞ்சேபி ஏகதோ நிபஜ்ஜந்தி, தேஸஞ்ச ஆபத்தி து³க்கடங் ஹோதீதி யோஜனா.
2811. ஸங்கா⁴டிபல்லத்தி²கமுபாக³தோதி எத்த² ஸங்கா⁴டீதி ஸங்கா⁴டினாமேன அதி⁴ட்டி²தசீவரமாஹ. ஸங்கா⁴டிபல்லத்தி²கங் உபக³தேன யுத்தோ ஹுத்வாதி அத்தோ². ந நிஸீதெ³ய்யாதி விஹாரே நிஸ்ஸந்தே³ஹே, கு²த்³த³ஸிக்கா²வண்ணனாயம்பி ‘‘ஸங்கா⁴டியா ந பல்லத்தே²தி அதி⁴ட்டி²தசீவரேன விஹாரே வா அந்தரக⁴ரே வா பல்லத்தி²கோ ந காதப்³போ³’’தி வுத்தங். அட்ட²கதா²யங் பன ‘‘அந்தோகா³மே வாஸத்தா²ய உபக³தேன அதி⁴ட்டி²தங் ஸங்கா⁴டிங் வினா ஸேஸசீவரேஹி பல்லத்தி²காய நிஸீதி³துங் வட்டதீ’’தி வுத்தங்.
கிஞ்சி கீளங் ந கீளெய்யாதி ஜுதகீளாதி³கங் யங் கிஞ்சி காயிகவாசஸிககீளிகங் ந கீளெய்ய. ந ச கா³ஹயேதி ந ச கா³ஹாபெய்ய, ந ஹராபெய்யாதி அத்தோ².
2812. தா³டி²காயபீதி மஸ்ஸும்ஹி. உக்³க³தந்தி எத்த² ‘‘பீ³ப⁴ச்ச²’’ந்தி ஸேஸோ. அஞ்ஞந்தி அபலிதங். தாதி³ஸந்தி பீ³ப⁴ச்ச²ங்.
2813. ‘‘அகி³லானோ’’தி இமினா கி³லானஸ்ஸ அனாபத்திபா⁴வங் தீ³பேதி. ‘‘தா⁴ரெய்யா’’தி இமினா ஸுத்³த⁴கத்துனித்³தே³ஸேன அகி³லானஸ்ஸபி பரங் தா⁴ராபனே, பரஸ்ஸ தா⁴ரணஸாதி³யனே ச அனாபத்தீதி விஞ்ஞாயதீதி. அத்தனோ கு³த்தத்த²ங், சீவராதீ³னங் கு³த்தத்த²ஞ்ச வட்டதீதி யோஜனா. தத்ராயங் வினிச்ச²யோ (சூளவ॰ அட்ட²॰ 270) – யஸ்ஸ காயதா³ஹோ வா பித்தகோபோ வா ஹோதி, சக்கு² வா து³ப்³ப³லங், அஞ்ஞோ வா கோசி ஆபா³தோ⁴ வினா ச²த்தேன உப்பஜ்ஜதி, தஸ்ஸ கா³மே வா அரஞ்ஞே வா ச²த்தங் வட்டதி. வாளமிக³சோரப⁴யேஸு அத்தகு³த்தத்த²ங், வஸ்ஸே பன சீவரகு³த்தத்த²ம்பி வட்டதி. ஏகபண்ணச்ச²த்தங் பன ஸப்³ப³த்தே²வ வட்டதி. ‘‘ஏகபண்ணச்ச²த்தங் நாம தாலபத்த’’ந்தி க³ண்டி²பதே³ஸு வுத்தந்தி.
2814. ஹத்தி²ஸொண்டா³காரோ அபே⁴தோ³பசாரேன ‘‘ஹத்தி²ஸொண்ட³’’ந்தி வுத்தோ. ஏவமுபரிபி. சீவரஸ்ஸ நாமதெ⁴ய்யங் ‘‘வஸன’’ந்தி ‘‘நிவாஸெந்தஸ்ஸ து³க்கட’’ந்தி பத³த்³வயஞ்ச ‘‘ஹத்தி²ஸொண்ட³’’ந்திஆதீ³ஹி ஸப்³ப³பதே³ஹி பச்சேகங் யோஜேதப்³ப³ங். வேல்லியந்தி எத்த² கா³தா²ப³ந்த⁴வஸேன ஸங்-ஸத்³த³லோபோ, ஸங்வேல்லியந்தி அத்தோ².
எத்த² ஹத்தி²ஸொண்ட³ங் (சூளவ॰ அட்ட²॰ 280) நாம நாபி⁴மூலதோ ஹத்தி²ஸொண்ட³ஸண்டா²னங் ஓலம்ப³கங் கத்வா நிவத்த²ங் சோளிகித்தீ²னங் நிவாஸனங் விய. சதுக்கண்ணங் நாம உபரிதோ த்³வே, ஹெட்ட²தோ த்³வேதி ஏவங் சத்தாரோ கண்ணே த³ஸ்ஸெத்வா நிவத்த²ங். மச்ச²வாளகங் நாம ஏகதோ த³ஸந்தங் ஏகதோ பாஸந்தங் ஓலம்பெ³த்வா நிவத்த²ங். ஸங்வேல்லியந்தி மல்லகம்மகாராத³யோ விய கச்ச²ங் ப³ந்தி⁴த்வா நிவாஸனங். தாலவண்டகங் நாம தாலவண்டாகாரேன ஸாடகங் ஓலம்பெ³த்வா நிவாஸனங். ச-ஸத்³தே³ன ஸதவலிகங் ஸங்க³ண்ஹாதி. ஸதவலிகங் நாம தீ³க⁴ஸாடகங் அனேகக்க²த்துங் ஓப⁴ஞ்ஜித்வா ஓவட்டிகங் கரொந்தேன நிவத்த²ங், வாமத³க்கி²ணபஸ்ஸேஸு வா நிரந்தரங் வலியோ த³ஸ்ஸெத்வா நிவத்த²ங். ஸசே பன ஜாணுதோ பட்டா²ய ஏகா வா த்³வே வா வலியோ பஞ்ஞாயந்தி, வட்டதி. ஏவங் நிவாஸேதுங் கி³லானஸ்ஸபி மக்³க³படிபன்னஸ்ஸபி ந வட்டதி.
யம்பி
2815. கி³ஹிபாருபனந்தி
2816. லோகாயதங் ந வாசெய்யாதி ‘‘ஸப்³ப³ங் உச்சி²ட்ட²ங், ஸப்³ப³ங் அனுச்சி²ட்ட²ங், ஸேதோ காகோ, காளோ ப³கோ இமினா ச இமினா ச காரணேனா’’தி ஏவமாதி³னிரத்த²ககாரணபடிஸங்யுத்தங் தித்தி²யஸத்த²ங் ந ச தங் பரியாபுணேதி தங் லோகாயதங் ந ச பரியாபுணெய்ய ந திரச்சா²னவிஜ்ஜாதி ஹத்தி²ஸிப்பஅஸ்ஸஸிப்பத⁴னுஸிப்பாதி³கா பரோபகா⁴தகரா விஜ்ஜா ச. பி⁴க்கு²னா ந பரியாபுணிதப்³பா³, ந வாசேதப்³பா³தி யோஜனா.
2817. ஸப்³பா³சாமரிபீ³ஜனீதி ஸேதாதி³வண்ணேஹி ஸப்³பே³ஹி சமரவாலேஹி கதா பீ³ஜனீ. ந சாலிம்பெய்ய தா³யங் வாதி த³வடா³ஹாதி³உபத்³த³வனிவாரணாய அனுஞ்ஞாதங் படக்³கி³தா³னகாரணங் வினா அரஞ்ஞங் அக்³கி³னா ந ஆலிம்பெய்ய. த³வடா³ஹே பன ஆக³ச்ச²ந்தே அனுபஸம்பன்னே அஸதி படக்³கி³ங் தா³துங், அப்பஹரிதகரணேன வா பரிகா²க²ணனேன வா பரித்தாணங் காதுங், ஸேனாஸனங் பத்தங் வா அப்பத்தங் வா அக்³கி³ங் அல்லஸாக²ங் ப⁴ஞ்ஜித்வா நிப்³பா³பேதுஞ்ச லப⁴தி. உத³கேன பன கப்பியேனேவ லப⁴தி, நேதரேன. அனுபஸம்பன்னே பன ஸதி தேனேவ கப்பியவோஹாரேன காராபேதப்³ப³ங். முக²ங் ந ச லஞ்ஜேதி மனோஸிலாதி³னா முக²ங் ந லிம்பெய்ய, திலகேன அங்க³ங் ந கரெய்யாதி அத்தோ².
2818. உப⁴தோகாஜந்தி உப⁴தோகோடியா பா⁴ரவஹனகோடிகாஜங். அந்தரகாஜகந்தி உப⁴யகோடியா டி²தவாஹகேஹி வஹிதப்³ப³ங் மஜ்ஜே²பா⁴ரயுத்தகாஜங். ஸீஸக்க²ந்த⁴கடிபா⁴ராத³யோ ஹெட்டா² வுத்தலக்க²ணாவ.
2819. யோ பி⁴க்கு² வட்³ட⁴கிஅங்கு³லேன அட்ட²ங்கு³லாதி⁴கங் வா தேனேவ அங்கு³லேன சதுரங்கு³லபச்சி²மங் வா த³ந்தகட்ட²ங் கா²த³தி, ஏவங் கா²த³தோ தஸ்ஸ ஆபத்தி து³க்கடங் ஹோதீதி யோஜனா.
2820. கிச்சே ஸதிபீதி ஸுக்க²கட்டா²தி³க்³க³ஹணகிச்சே பன ஸதி. போரிஸந்தி புரிஸப்பமாணங், ப்³யாமமத்தந்தி வுத்தங் ஹோதி. ஆபதா³ஸூதி வாளமிகா³த³யோ வா தி³ஸ்வா மக்³க³மூள்ஹோ வா தி³ஸா ஓலோகேதுகாமோ ஹுத்வா த³வடா³ஹங் வா உத³கோக⁴ங் வா ஆக³ச்ச²ந்தங் வட்டதேவாபி⁴ரூஹிதுந்தி அதிஉச்சம்பி ருக்க²ங் ஆரோஹிதுங் வட்டதி ஏவ.
2821. ஸசே அகல்லகோ கி³லானோ ந ஸியா, லஸுணங் மாக³த⁴ங் ஆமகங் ப⁴ண்டி³கலஸுணங் ந ச கா²தெ³ய்ய நேவ பரிபு⁴ஞ்ஜெய்யாதி யோஜனா. ப⁴ண்டி³கலஸுணங் நாம சதுமிஞ்ஜதோ பட்டா²ய ப³ஹுமிஞ்ஜங். பலண்டு³கப⁴ஞ்ஜனகாதி³லஸுணே மக³தே⁴ஸு ஜாதத்தேபி ந தோ³ஸோ. லஸுணவிபா⁴கோ³ ஹெட்டா² த³ஸ்ஸிதோயேவ. கி³லானஸ்ஸ பன லஸுணங் கா²தி³துங் வட்டதி. யதா²ஹ – ‘‘அனுஜானாமி, பி⁴க்க²வே, ஆபா³த⁴பச்சயா லஸுணங் கா²தி³து’’ந்தி (சூளவ॰ 289). ஆபா³த⁴பச்சயாதி யஸ்ஸ ஆபா³த⁴ஸ்ஸ லஸுணங் பு³த்³த⁴வசனந்தி ஸங்கீ³தித்தயாருள்ஹா பிடகத்தயபாளி. அஞ்ஞதா²தி ஸக்கடாதி³க²லிதவசனமயங் வாசனாமக்³க³ங் ந ரோபேதப்³ப³ங், ததா² ந ட²பேதப்³ப³ந்தி வுத்தங் ஹோதி.
2822. கி²பிதேதி யேன கேனசி கி²பிதே. ‘‘ஜீவா’’தி ந வத்தப்³ப³ந்தி யோஜனா. பி⁴க்கு²னா கி²பிதே கி³ஹினா ‘‘ஜீவதா²’’தி வுத்தேன புன ‘‘சிரங் ஜீவா’’தி வத்துங் வட்டதீதி யோஜனா. ‘‘சிர’’ந்தி பதே³ ஸதிபி வட்டதி.
2823. ஆகோடெந்தஸ்ஸாதி காயேன வா காயபடிப³த்³தா⁴தீ³ஹி வா பஹரந்தஸ்ஸ. புப்ப²ஸங்கிண்ணேதி புப்ப²ஸந்த²தே.
2824. ந்ஹாபிதா புப்³ப³கா ஏதஸ்ஸாதி ந்ஹாபிதபுப்³ப³கோ, ந்ஹாபிதஜாதிகோதி அத்தோ². கு²ரப⁴ண்ட³ந்தி ந்ஹாபிதபரிக்கா²ரங். ந க³ண்ஹெய்யாதி ந பரிஹரெய்ய. ஸசே யோ ந்ஹாபிதஜாதிகோ ஹோதி, ஸோ கு²ரப⁴ண்ட³ங் க³ஹெத்வா ந ஹரெய்யாதி அத்தோ². அஞ்ஞஸ்ஸ ஹத்த²தோ க³ஹெத்வா கேஸச்சே²தா³தி³ காதுங் வட்டதி. உண்ணீதி கேஸகம்ப³லங் வினா உண்ணமயா பாவுரணஜாதி. ‘‘கோ³னகங் ‘‘ஸப்³பா³’’தி. உண்ணமயங் அந்தோகரித்வா பாருபிதுங் வட்டதீதி ஆஹ ‘‘பா³ஹிரலோமிகா’’தி. யதா²ஹ – ‘‘ந, பி⁴க்க²வே, பா³ஹிரலோமீ உண்ணீதா⁴ரேதப்³பா³’’தி (சூளவ॰ 249). ஸிக்கா²பத³ட்ட²கதா²யங் ‘‘உண்ணலோமானி ப³ஹி கத்வா உண்ணபாவாரங் பாருபந்தி, ததா² தா⁴ரெந்தஸ்ஸ து³க்கடங். லோமானி அந்தோ கத்வா பாருபிதுங் வட்டதீ’’தி (சூளவ॰ அட்ட²॰ 249).
2825. அங்க³ராக³ங் நாம குங்குமாதி³. கரொந்தஸ்ஸாதி அப்³ப⁴ஞ்ஜந்தஸ்ஸ. அகாயப³ந்த⁴னஸ்ஸ கா³மங் பவிஸதோபி து³க்கடங் ஸமுதீ³ரிதந்தி யோஜனா. எத்த² ச அஸதியா அப³ந்தி⁴த்வா நிக்க²ந்தேன யத்த² ஸரதி, தத்த² ப³ந்தி⁴தப்³ப³ங். ‘‘ஆஸனஸாலாய ப³ந்தி⁴ஸ்ஸாமீ’’தி க³ந்துங் வட்டதி. ஸரித்வா யாவ ந ப³ந்த⁴தி, ந தாவ பிண்டா³ய சரிதப்³ப³ங்.
2826. ஸப்³ப³ங் ஆயுத⁴ங் வினா ஸப்³ப³ங் லோஹஜங் லோஹமயப⁴ண்ட³ஞ்ச பத்தங், ஸங்கமனீயபாது³கங், யதா²வுத்தலக்க²ணங் பல்லங்கங், ஆஸந்தி³ஞ்ச வினா ஸப்³ப³ங் தா³ருஜங் தா³ருமயப⁴ண்ட³ஞ்ச வுத்தலக்க²ணமேவ கதகங் கும்ப⁴காரிகங் த⁴னியஸ்ஸேவ ஸப்³ப³மத்திகாமயங் குடிஞ்ச வினா ஸப்³ப³ங் மத்திகாமயங் ப⁴ண்ட³ஞ்ச கப்பியந்தி யோஜனா.
கு²த்³த³கவத்து²க்க²ந்த⁴ககதா²வண்ணனா.