ஸேனாஸனக்க²ந்த⁴ககதா²வண்ணனா
2827. ஆஸந்தி³கோதி சதுரஸ்ஸபீட²ங். அதிக்கந்தபமாணோதி ஹெட்டா² அடனியா வட்³ட⁴கிஹத்த²தோ உச்சதரப்பமாணபாத³கோ. ஏகபஸ்ஸதோ தீ³கோ⁴ பன உச்சபாத³கோ ந வட்டதி. யதா²ஹ
ததா²தி இமினா ‘‘அதிக்கந்தபமாணோ’’தி இத³ங் பச்சாமஸதி. பஞ்சங்க³பீட²ந்தி சத்தாரோ பாதா³, அபஸ்ஸேனந்தி இமேஹி பஞ்சங்கே³ஹி யுத்தபீட²ங். ஸத்தங்க³ந்தி தீஸு தி³ஸாஸு அபஸ்ஸயே யோஜெத்வா கதங். தஞ்ஹி சதூஹி பாதே³ஹி, தீஹி அபஸ்ஸேஹி ச யுத்தத்தா ‘‘ஸத்தங்க³பீட²’’ந்தி வுத்தங். ஏஸ நயோ மஞ்சேபி. யதா²ஹ – ‘‘ஸத்தங்கோ³ நாம தீஸு தி³ஸாஸு அபஸ்ஸயங் கத்வா கதமஞ்சோ, அயம்பி பமாணாதிக்கந்தோ வட்டதீ’’தி (சூளவ॰ அட்ட²॰ 297).
2828. தூலோனத்³தா⁴தி உபரி தூலங் பக்கி²பித்வா ப³த்³தா⁴. க⁴ரேயேவாதி கி³ஹீனங் கே³ஹேயேவ நிஸீதி³துங் வட்டதீதி ஸம்ப³ந்தோ⁴. ‘‘நிஸீதி³து’’ந்தி இமினாவ ஸயனங் படிக்கி²த்தங். ஸீஸபாதூ³பதா⁴னந்தி ஸீஸூபதா⁴னஞ்சேவ பாதூ³பதா⁴னஞ்ச. ச-ஸத்³தோ³ பி-ஸத்³த³த்தே² ஸோ ‘‘அகி³லானஸ்ஸா’’தி எத்த² ஆனெத்வா ஸம்ப³ந்தி⁴தப்³போ³, தேன அகி³லானஸ்ஸாபி தாவ வட்டதி, பகே³வ கி³லானஸ்ஸாதி தீ³பேதி.
2829. ந கேவலங் கி³லானஸ்ஸ ஸீஸபாதூ³பதா⁴னமேவ வட்டதி, அத² கோ² இத³ம்பீதி த³ஸ்ஸேதுமாஹ ‘‘ஸந்த²ரித்வா’’திஆதி³. உபதா⁴னானி ஸந்த²ரித்வாதி ப³ஹூ உபதா⁴னானி அத்த²ரித்வா. தத்த² சாதி தஸ்மிங் உபதா⁴னஸந்த²ரே. பச்சத்த²ரணகங் த³த்வாதி உபரி பச்சத்த²ரணகங் அத்த²ரித்வா.
2830. திரியந்தி முட்டி²ரதனந்தி பாகதிகமுட்டி²கரதனங். தங் பன வட்³ட⁴கீனங் வித³த்தி²மத்தங். மிதந்தி பாகடிதங் பமாணயுத்தங் ஹோதீதி யோஜனா. கத்த²சி பொத்த²கேஸு ‘‘மத’’ந்தி தீ³க⁴தோதி பி³ம்போ³ஹனஸ்ஸ தீ³க⁴தோ. தி³யட்³ட⁴ந்தி தி³யட்³ட⁴ஹத்த²ங் வா த்³விஹத்த²ங் வா ஹோதீதி குருந்தி³யங் வுத்தந்தி ஸம்ப³ந்தோ⁴. இத³மேவ ஹி ‘‘ஸீஸப்பமாணபி³ம்போ³ஹன’’ந்தி அதி⁴ப்பேதங். யதா²ஹ –
‘‘ஸீஸப்பமாணங் நாம யஸ்ஸ வித்தா²ரதோ தீஸு கண்ணேஸு த்³வின்னங் கண்ணானங் அந்தரங் மினியமானங் வித³த்தி² சேவ சதுரங்கு³லஞ்ச ஹோதி, மஜ்ஜ²ட்டா²னங் முட்டி²ரதனங் ஹோதி. தீ³க⁴தோ பன தி³யட்³ட⁴ரதனங் வா த்³விரதனங் வாதி குருந்தி³யங் வுத்தங். அயங் ஸீஸப்பமாணஸ்ஸ உக்கட்ட²பரிச்சே²தோ³, இதோ உத்³த⁴ங் ந வட்டதி, ஹெட்டா² பன வட்டதீ’’தி (சூளவ॰ அட்ட²॰ 297).
2831. சோளந்தி பிலோதிகா. பண்ணந்தி ருக்க²லதானங் பண்ணங். உண்ணாதி ஏளகாதீ³னங் லோமங். திணந்தி த³ப்³ப³திணாதி³ யங் கிஞ்சி திணங். வாகந்தி கத³லிஅக்கமகசிவாகாதி³கங். ஏதேஹி பஞ்சஹி பூரிதா பி⁴ஸியோ தூலானங் க³ணனாவஸா ஹேதுக³ப்³பா⁴னங் ஏதேஸங் பஞ்சன்னங் க³ப்³பா⁴னங் க³ணனாவஸேன பஞ்ச பா⁴ஸிதாதி யோஜனா.
2832. பி³ம்போ³ஹனக³ப்³ப⁴ங் த³ஸ்ஸேதுமாஹ ‘‘பி⁴ஸீ’’திஆதி³. பஞ்சேவாதி யதா²வுத்தசோளாதி³பஞ்சேவ. ததா² தூலானி தீணிபீதி ‘‘அனுஜானாமி, பி⁴க்க²வே, தீணி தூலானி ருக்க²தூலங் லதாதூலங் போடகிதூல’’ந்தி (சூளவ॰ 297) அனுஞ்ஞாதானி தீணிபி தூலானி. எத்த² ச ருக்க²தூலங் நாம ஸிம்ப³லிருக்கா²தீ³னங் யேஸங் கேஸஞ்சி ருக்கா²னங் தூலங். லதாதூலங் நாம கீ²ரவல்லிஆதீ³னங் யாஸங் காஸஞ்சி வல்லீனங் தூலங். போடகிதூலங் நாம போடகிதிணாதீ³னங் யேஸங் கேஸஞ்சி திணஜாதிகானங் அந்தமஸோ உச்சு²னளாதீ³னம்பி தூலங். லோமானி மிக³பக்கீ²னந்தி ஸீஹாதி³சதுப்பதா³னங், மோராதி³பக்கீ²னங் லோமானி. இமேதி பி⁴ஸிக³ப்³பா⁴த³யோ இமே த³ஸ பி³ம்போ³ஹனஸ்ஸ க³ப்³பா⁴தி ஸம்ப³ந்தோ⁴.
2833. ஏவங் ‘‘மனுஸ்ஸலோம’’ந்திஆதி³. லோமேஸு மனுஸ்ஸலோமஞ்ச புப்பே²ஸு ப³குலபியங்கு³புப்பா²தி³கங் ஸப்³ப³ங் புப்ப²ஞ்ச பண்ணேஸு ஸுத்³த⁴ங் கேவலங் தமாலபத்தஞ்ச ந வட்டதீதி யோஜனா. ‘‘ஸுத்³த⁴’’ந்தி இமினா தமாலபத்தங் ஸேஸக³ப்³பே⁴ஹி மிஸ்ஸங் வட்டதீதி ப்³யதிரேகதோ தீ³பேதி.
2834. மஸூரகேதி சம்மச²விபி⁴ஸிபி³ம்போ³ஹனே.
2835. ‘‘ஸுத்³த⁴’’ந்தி இமினா ப்³யதிரேகதோ த³ஸ்ஸிதமேவத்த²ங் ஸரூபதோ விபா⁴வேதுமாஹ ‘‘மிஸ்ஸ’’ந்திஆதி³.
2836. திரச்சா²னக³தஸ்ஸ வாதி அந்தமஸோ க³ண்டு³ப்பாத³ஸ்ஸாபி. காரெந்தஸ்ஸாதி சித்தகம்மகட்ட²கம்மாதி³வஸேன காராபெந்தஸ்ஸ வா கரொந்தஸ்ஸ வா.
2837. ஜாதகந்தி அபண்ணகஜாதகாதி³ஜாதகஞ்ச. வத்து²ந்தி விமானவத்து²ஆதி³கங் பஸாத³ஜனகங் வா பேதவத்து²ஆதி³கங் ஸங்வேக³ஜனகங் வா வத்து²ங். வா-ஸத்³தே³ன அட்ட²கதா²க³தங் இத⁴ த³ஸ்ஸிதபகரணங் ஸங்க³ண்ஹாதி. பரேஹி வாதி எத்த² வா-ஸத்³தோ³ அவதா⁴ரணே, தேன பரேஹி காராபேதுமேவ வட்டதி, ந ஸயங் காதுந்தி தீ³பேதி. ஸயங் காதும்பீதி எத்த² அபி-ஸத்³தோ³ பகே³வ காராபேதுந்தி தீ³பேதி.
2838. யோ பன பி⁴க்கு² த்³வீஹி வஸ்ஸேஹி வா ஏகேன வா வஸ்ஸேன யஸ்ஸ பி⁴க்கு²னோ வுட்³ட⁴தரோ வா ஹோதி த³ஹரதரோ வா, ஸோ தேன பி⁴க்கு²னா ஸமானாஸனிகோ நாம ஹோதீதி யோஜனா.
2839. ‘‘ஸத்தவஸ்ஸேன பஞ்சவஸ்ஸோ’’தி இத³ங் த்³வீஹி வஸ்ஸேஹி வுட்³ட⁴னவகானங் ஸமானாஸனிகத்தே உதா³ஹரணங். ‘‘ச² வஸ்ஸேன பஞ்சவஸ்ஸோ’’தி இத³ங் ஏகவஸ்ஸேன வுட்³ட⁴னவகானங் ஸமானாஸனிகத்தே உதா³ஹரணங்.
2840. யங் திண்ணங் நிஸீதி³துங் பஹோதி, தங் ஹெட்டா² தீ³கா⁴ஸனங் நாமாதி யோஜனா. ‘‘ஸமானாஸனிகா மஞ்சே நிஸீதி³த்வா மஞ்சங் பி⁴ந்தி³ங்ஸு, பீடே² நிஸீதி³த்வா பீட²ங் பி⁴ந்தி³ங்ஸூ’’தி (சூளவ॰ 320) ஆரோபிதே வத்து²ம்ஹி ‘‘அனுஜானாமி, பி⁴க்க²வே, து³வக்³க³ஸ்ஸ மஞ்சங் து³வக்³க³ஸ்ஸ பீட²’’ந்தி (சூளவ॰ 320) அனுஞ்ஞாதத்தா ‘‘த்³வே’’தி ஸமானாஸனிகே த்³வே ஸந்தா⁴ய வுத்தங்.
2841. உப⁴தொப்³யஞ்ஜனங் ஸப்³பே³ஹிபி க³ஹட்டே²ஹி, பப்³ப³ஜிதேஹி வா புரிஸேஹி ஸஹ தீ³கா⁴ஸனே நிஸீதி³துங் அனுஞ்ஞாதந்தி யோஜனா. பொத்த²கேஸு பன கத்த²சி ‘‘ஸப்³பே³ஸ’’ந்தி ஸாமிவசனந்தோ பாடோ² தி³ஸ்ஸதி, ததோ ‘‘ஸப்³பே³ஹிபீ’’தி கரணவசனந்தோவ பாடோ² யுத்ததரோ. கரணவசனப்பஸங்கே³ வா ஸாமிவசனநித்³தே³ஸோதி வேதி³தப்³ப³ங். யதா²ஹ ‘‘யங் திண்ணங் பஹோதி, தங் ஸங்ஹாரிமங் வா ஹோது அஸங்ஹாரிமங் வா, ததா²ரூபே அபி ப²லகக²ண்டே³ அனுபஸம்பன்னேனாபி ஸத்³தி⁴ங் நிஸீதி³துங் வட்டதீ’’தி (சூளவ॰ அட்ட²॰ 320).
2842. புரிமிகோதி ஞத்திது³தியாய கம்மவாசாய ஸம்மதேன ‘‘ந ச²ந்தா³க³திங் க³ச்செ²ய்ய…பே॰… க³ஹிதாக³ஹிதஞ்ச ஜானெய்யா’’தி (சூளவ॰ 317) வுத்தேஹி பஞ்சஹி அங்கே³ஹி ஸமன்னாக³தேன பி⁴க்கு²னா புரிமவஸ்ஸூபனாயிகதி³வஸே ‘‘அனுஜானாமி, பி⁴க்க²வே, பட²மங் பி⁴க்கூ² க³ணேதுங், பட²மங் பி⁴க்கூ² க³ணெத்வா ஸெய்யா க³ணேதுங், ஸெய்யா க³ணெத்வா ஸெய்யக்³கே³ன கா³ஹேது’’ந்திஆதி³னா (சூளவ॰ 318) நயேன அனுஞ்ஞாதனியாமேனேவ ஸேனாஸனக்³கா³ஹாபனங் புரிமிகோ நாம ஸேனாஸனக்³கா³ஹோ. ஏவமேவ பச்சி²மிகாய பச்சி²மிகோ நாம. ஏவமேவ மஹாபவாரணாதி³வஸஸ்ஸ அனந்தரதி³வஸே ‘‘ப⁴ந்தே, அந்தராமுத்தகங் ஸேனாஸனங் க³ண்ஹதா²’’தி வத்வா வுட்³ட⁴படிபாடியா ஸேனாஸனக்³கா³ஹாபனங் அந்தராமுத்தகோ நாம. பகாஸிதோ ‘‘அபரஜ்ஜுக³தாய ஆஸாள்ஹியாபுரிமிகோ கா³ஹாபேதப்³போ³, மாஸக³தாய ஆஸாள்ஹியா பச்சி²மிகோ கா³ஹேதப்³போ³, அபரஜ்ஜுக³தாய பவாரணாய ஆயதிங் வஸ்ஸாவாஸத்தா²ய அந்தராமுத்தகோ கா³ஹேதப்³போ³’’தி (சூளவ॰ 318) வுத்தோ.
2843. வுத்தமேவத்த²ங் நியமெத்வா த³ஸ்ஸேதுமாஹ ‘‘புப்³பா³ருணா’’திஆதி³. இத⁴ பாடிபதா³ நாம த்³வே வஸ்ஸூபனாயிகதி³வஸா சேவ மஹாபவாரணாய அனந்தரதி³வஸோ ச. இமேஸங் திண்ணங் பாடிபத³தி³வஸானங் அருணோ புப்³பா³ருணோ நாம. தே தி³வஸே அதிக்கம்ம து³தியதிதி²படிப³த்³தோ⁴ அருணோ புனாருணோ நாம. இத³ந்தி உப⁴யாருணானந்தரங். ஸேனாஸனகா³ஹகஸ்ஸாதி எத்த² ஸகத்தே² க-பச்சயோ, ஸேனாஸனக்³கா³ஹஸ்ஸாதி அத்தோ². யதா²ஹ – ‘‘இத³ஞ்ஹி ஸேனாஸனக்³கா³ஹஸ்ஸ கெ²த்த’’ந்தி. வஸ்ஸூபக³தே வஸ்ஸூபக³மே காதப்³பே³ ஸதி, ஸாதே⁴தப்³ப³பயோஜனே பு⁴ம்மங். வஸ்ஸூபக³தேதி வா நிமித்தத்தே² பு⁴ம்மங். புரிமிகாய, ஹி பச்சி²மிகாய ச வஸ்ஸூபக³மனஸ்ஸ தங் தத³ஹு ஸேனாஸனக்³கா³ஹோ நிமித்தங், அந்தராமுத்தகோ பன ஆக³மினோ வஸ்ஸூபக³மனஸ்ஸாதி ஏவங் திவிதோ⁴பி ஸேனாஸனக்³கா³ஹோ வஸ்ஸூபக³மனஸ்ஸ நிமித்தங் ஹோதி.
2844. பாடிபத³தி³வஸஸ்ஸ யாசதி, ஸோ பி⁴க்கு² ஸேனாஸனபஞ்ஞாபகேன
2845. வஸ்ஸாவாஸஸ்ஸ இத³ங் வஸ்ஸாவாஸிகங், வஸ்ஸங்வுத்தா²னங் தா³தப்³ப³சீவரங், கா³தா²ப³ந்த⁴வஸேன ‘‘வஸ்ஸவாஸிக’’ந்தி ரஸ்ஸத்தங். ஸங்கி⁴கங் அபலோகெத்வா க³ஹிதங் வஸ்ஸாவாஸிகங் சீவரங் ஸசே தத்ரஜங் தத்ருப்பாத³ங் ஹோதி, அந்தோவஸ்ஸே விப்³ப⁴ந்தோபி லப⁴தேதி யோஜனா. ‘‘தத்ரஜங் ஸசே’’தி இமினா சஸ்ஸ தா³யகானங் வஸ்ஸாவாஸிகபச்சயவஸேன கா³ஹிதங் பன ந லப⁴தீதி தீ³பேதி. யதா²ஹ – ‘‘பச்சயவஸேன கா³ஹிதங் பன ந லப⁴தீதி வத³ந்தீ’’தி (சூளவ॰ அட்ட²॰ 318).
2846-8. ஸசே வுத்த²வஸ்ஸோ யோ பி⁴க்கு² ஆவாஸிகஹத்த²தோ கிஞ்சி திசீவராதி³கங் கப்பியப⁴ண்ட³ங் அத்தனோ க³ஹெத்வா ‘‘அஸுகஸ்மிங் குலே மய்ஹங் க³ஹிதங் வஸ்ஸாவாஸிகசீவரங் க³ண்ஹ’’ இதி ஏவங் வத்வா தஸ்ஸ ஆவாஸிகஸ்ஸ த³த்வா தி³ஸங் க³ச்ச²தி பக்கமதி, ஸோ தத்த² க³தட்டா²னே ஸசே உப்பப்³ப³ஜதி கி³ஹீ ஹோதி, தஸ்ஸ தி³ஸங்க³தஸ்ஸ ஸம்பத்தங் தங் வஸ்ஸாவாஸிகங் தேன ததா² தி³ன்னம்பி ஆவாஸிகோ பி⁴க்கு² க³ஹேதுங் ந லப⁴தி, தஸ்ஸ பாபிதங் வஸ்ஸாவாஸிகசீவரங் ஸங்கி⁴கங்யேவ ஸியாதி யோஜனா. யதா²ஹ – ‘‘இத⁴, பி⁴க்க²வே, வஸ்ஸங்வுத்தோ² பி⁴க்கு² விப்³ப⁴மதி, ஸங்க⁴ஸ்ஸேவேத’’ந்தி.
2849. தஸ்மிங் குலே தா³யகே மனுஸ்ஸே ஸம்முகா² சே படிச்சா²பேதி, தஸ்ஸ தி³ஸங்க³மிஸ்ஸ ஸம்பத்தங் வஸ்ஸாவாஸிகசீவரங் ஆவாஸிகோ லப⁴தீதி யோஜனா.
2850. தத்த² ஆராமோ நாம புப்பா²ராமோ வா ப²லாராமோ வா. விஹாரோ நாம யங் கிஞ்சி பாஸாதா³தி³ஸேனாஸனங். வத்தூ²னி து³வித⁴ஸ்ஸபீதி ஆராமவத்து², விஹாரவத்தூ²தி து³வித⁴ஸ்ஸ வத்தூ²னி ஆராமவத்து² நாம தேஸங்யேவ ஆராமானங் அத்தா²ய பரிச்சி²ந்தி³த்வா ட²பிதோகாஸோ, தேஸு வா ஆராமேஸு வினட்டே²ஸு தேஸங் போராணகபூ⁴மிபா⁴கோ³. விஹாரவத்து² நாம தஸ்ஸ பதிட்டா²னோகாஸோ. பி⁴ஸி நாம உண்ணபி⁴ஸிஆதீ³னங் பஞ்சன்னங் அஞ்ஞதரா. பி³ம்போ³ஹனங் நாம வுத்தப்பகாரானங் பி³ம்போ³ஹனானங் அஞ்ஞதரங். மஞ்சங் நாம மஸாரகோ பு³ந்தி³காப³த்³தோ⁴, குளீரபாத³கோ, ஆஹச்சபாத³கோதி இமேஸங் புப்³பே³ வுத்தானங் சதுன்னங் மஞ்சானங் அஞ்ஞதரங். பீட²ங் நாம மஸாரகாதீ³னங்யேவ சதுன்னங் பீடா²னங் அஞ்ஞதரங்.
2851. லோஹகும்பீ⁴ கடாஹோ பாகடோவ. ‘‘பா⁴ணக’’ந்தி அலஞ்ஜரோ வுச்சதி. அலஞ்ஜரோதி ச ப³ஹுஉத³கக³ண்ஹனிகா மஹாசாடி, ஜலங் க³ண்ஹிதுங் அலந்தி அலஞ்ஜரோ. ‘‘வட்டசாடி விய ஹுத்வா தோ²கங் தீ³க⁴முகோ² மஜ்ஜே² பரிச்சே²த³ங் த³ஸ்ஸெத்வா கதோ’’தி க³ண்டி²பதே³ வுத்தங். வாரகோதி க⁴டோ. கு வுச்சதி பத²வீ, தஸ்ஸா தா³லனதோ விதா³ரணதோ ‘‘குதா³லோ’’தி அயோமயஉபகரணவிஸேஸோ வுச்சதி.
2852. வல்லிவேளுஆதீ³ஸு வேளூதி மஹாவேணு. திணந்தி கே³ஹச்சா²த³னங் திணங். பண்ணங் தாலபண்ணாதி³கங். முஞ்ஜந்தி முஞ்ஜதிணங். பப்³ப³ஜந்தி பப்³ப³ஜதிணங், மத்திகா பகதிமத்திகா வா கே³ருகாதி³பஞ்சவண்ணா வா மத்திகா. ஆஹ ச அட்ட²கதா²சரியோ.
2853. த்³வேதி பட²மது³தியக³ருப⁴ண்டா³னி. த்³வீஹி ஸங்க³ஹிதானி ‘‘ஆரோமோ, ஆராமவத்து², இத³ங் பட²மங். விஹாரோ, விஹாரவத்து², இத³ங் து³திய’’ந்தி (சூளவ॰ 321-322) வுத்தத்தா. சதுஸங்க³ஹந்தி சதூஹி பி⁴ஸிஆதீ³ஹி நவகொட்டா²ஸந்தி லோஹகும்பி⁴ஆத³யோ நவ கொட்டா²ஸா அஸ்ஸாதி விக்³க³ஹோ. அட்ட²தா⁴ வல்லிஆதீ³ஹி அட்ட²ஹி பகாரேஹி.
2854. இதீதி நித³ஸ்ஸனத்தே². ஏவங் வுத்தனயேன பஞ்சஹி ராஸீஹி நித்³தி³ட்டா²னங் க³ருப⁴ண்ட³க³ணனானங் பிண்ட³வஸேன பஞ்சவீஸதிவித⁴ங் க³ருப⁴ண்ட³ங் பஞ்சனிம்மலலோசனோ நாதோ² பகாஸயீதி யோஜனா. பஞ்ச நிம்மலானி லோசனானி யஸ்ஸாதி விக்³க³ஹோ, மங்ஸதி³ப்³ப³த⁴ம்மபு³த்³த⁴ஸமந்தசக்கு²வஸேன பஞ்சவித⁴விப்பஸன்னலோசனோதி அத்தோ².
2855. விஸ்ஸஜ்ஜெந்தோதி இஸ்ஸரவதாய பரஸ்ஸ விஸ்ஸஜ்ஜெந்தோ. விபா⁴ஜெந்தோதி வஸ்ஸக்³கே³ன பாபெத்வா விபா⁴ஜெந்தோ. இத³ஞ்ஹி ஸப்³ப³ம்பி க³ருப⁴ண்ட³ங் ஸேனாஸனக்க²ந்த⁴கே (சூளவ॰ 321) ‘‘அவிஸ்ஸஜ்ஜியங். கிடாகி³ரிவத்து²ம்ஹி (சூளவ॰ 322) அவேப⁴ங்கி³ய’’ந்தி ச வுத்தங். உப⁴யத்த² ஆக³தவோஹாரபே⁴த³த³ஸ்ஸனமுகே²ன தத்த² விப்படிபஜ்ஜந்தஸ்ஸ ஆபத்திங் த³ஸ்ஸெந்தோ ஆஹ ‘‘பி⁴க்கு² து²ல்லச்சயங் பு²ஸே’’தி. பரிவாரே பன –
அவிஸ்ஸஜ்ஜியங்
விஸ்ஸஜ்ஜெந்தஸ்ஸ பரிபு⁴ஞ்ஜந்தஸ்ஸ அனாபத்தி;
பஞ்ஹா மேஸா குஸலேஹி சிந்திதாதி. (பரி॰ 479) –
ஆக³தங். தஸ்மா மூலச்சே²ஜ்ஜவஸேன அவிஸ்ஸஜ்ஜியங், அவேப⁴ங்கி³யஞ்ச, பரிவத்தனவஸேன பன விஸ்ஸஜ்ஜெந்தஸ்ஸ, பரிபு⁴ஞ்ஜந்தஸ்ஸ ச அனாபத்தீதி ஏவமெத்த² அதி⁴ப்பாயோ.
2856. பி⁴க்கு²னா புக்³க³லேன வா ஸங்கே⁴ன வா க³ணேன வா க³ருப⁴ண்ட³ங் து விஸ்ஸஜ்ஜிதங் அவிஸ்ஸட்ட²மேவ ஹோதி, விப⁴த்தஞ்ச அவிபா⁴ஜிதமேவ ஹோதீதி யோஜனா.
2857. எத்த² அக³ருப⁴ண்ட³கங் கிஞ்சி ந ச அத்தீ²தி யோஜனா. சதுத்தே² பன க³ருப⁴ண்டே³ அட்ட²கதா²ய ‘‘லோஹகும்பீ⁴, லோஹபா⁴ணகங், லோஹகடாஹந்தி இமானி தீணி மஹந்தானி வா ஹொந்து கு²த்³த³கானி வா, அந்தமஸோ பஸதமத்தஉத³கக³ண்ஹனகானிபி க³ருப⁴ண்டா³னியேவா’’தி வுத்தனயங் த³ஸ்ஸேதுமாஹ ‘‘லோஹகும்பீ⁴’’திஆதி³.
2858. இத³ங் திவித⁴ந்தி ஸம்ப³ந்தோ⁴. பாத³க³ண்ஹனகோதி எத்த² பாதோ³ நாம மக³த⁴னாளியா பஞ்சனாளிமத்தக³ண்ஹனகோ பா⁴ஜனவிஸேஸோ. பா⁴ஜனானங் பமாணங் கரொந்தா ஸீஹளதீ³பே யேபு⁴ய்யேன தேனேவ பாதே³ன மினந்தி. தஸ்மா அட்ட²கதா²யங் ‘‘ஸீஹளதீ³பே பாத³க³ண்ஹனகோ பா⁴ஜேதப்³போ³’’தி (சூளவ॰ அட்ட²॰ 321) வுத்தங். லோஹவாரகோதி காளலோஹதம்ப³லோஹவட்டலோஹகங்ஸலோஹானங் யேன கேனசி கதோ. பா⁴ஜியோதி பா⁴ஜேதப்³போ³.
2859. ததோ உத்³த⁴ந்தி ததோ பாத³க³ண்ஹனகவாரகதோ உத்³த⁴ங் அதி⁴கங் க³ண்ஹனகோ. ஏவங் பாளிஆக³தானங் வினிச்ச²யங் த³ஸ்ஸெத்வா அட்ட²கதா²க³தானங் (சூளவ॰ அட்ட²॰ 321) த³ஸ்ஸேதுமாஹ ‘‘பி⁴ங்கா³ராதீ³னீ’’திஆதி³. பி⁴ங்கா³ரோ நாம உக்கி²த்தஹத்தி²ஸொண்டா³காரேன கதஜலனிக்³க³மகண்ணிகோ உச்சகீ³வோ மஹாமுக²உத³கபா⁴ஜனவிஸேஸோ. ஆதி³-ஸத்³தே³ன அட்ட²கதா²க³தானி ‘‘படிக்³க³ஹஉளுங்கத³ப்³பி³கடச்சு²பாதிதட்டகஸரகஸமுக்³க³அங்கா³ரகபல்லதூ⁴மகடச்சு²ஆதீ³னி கு²த்³த³கானி வா மஹந்தானி வா’’தி (சூளவ॰ அட்ட²॰ 321) வுத்தானி ஸங்க³ண்ஹாதி. ஸப்³பா³னீதி கு²த்³த³கானி வா மஹந்தானி வா.
2860. தம்ப³தா²லகா ச-ஸத்³தே³ன அட்ட²கதா²யங் வுத்தங் ‘‘ட²பெத்வா பன பா⁴ஜனவிகதிங் தூ⁴மனெத்தந்தி தூ⁴மனாளிகா. ஆதி³-ஸத்³தே³ன ‘‘பா²லதீ³பருக்க²தீ³பகபல்லகஓலம்ப³கதீ³பகஇத்தி²புரிஸதிரச்சா²னக³தரூபகானி பன அஞ்ஞானி வா பி⁴த்திச்ச²த³னகவாடாதீ³ஸு உபனேதப்³பா³னி அந்தமஸோ லோஹகி²லகங் உபாதா³ய ஸப்³பா³னி லோஹப⁴ண்டா³னி க³ருப⁴ண்டா³னியேவ ஹொந்தீ’’தி (சூளவ॰ அட்ட²॰ 321) வுத்தங் ஸங்க³ண்ஹாதி.
2861. அத்தனா படிலத்³த⁴ந்தி எத்த² பி-ஸத்³தோ³ லுத்தனித்³தி³ட்டோ², அத்தனா படிலத்³த⁴ம்பீதி அத்தோ². பி⁴க்கு²னா அத்தனா படிலத்³த⁴ம்பி தங் லோஹப⁴ண்ட³ங் கிஞ்சிபி புக்³க³லிகபரிபோ⁴கே³ன ந பு⁴ஞ்ஜிதப்³ப³ந்தி யோஜனா.
2862. கங்ஸவட்டலோஹானங் விகாரபூ⁴தானி தம்ப³மயபா⁴ஜனானிபி புக்³க³லிகபரிபோ⁴கே³ன ஸப்³ப³ஸோ பரிபு⁴ஞ்ஜிதுங் ந வட்டந்தீதி யோஜனா.
2863. ஏஸேவ நயோதி ‘‘ந புக்³க³லிகபோ⁴கே³னா’’திஆதி³னா த³ஸ்ஸிதனயோ. ஸங்கி⁴கேஸு வா கி³ஹீனங் ஸந்தகேஸு வா யதா²வுத்தப⁴ண்டே³ஸு பரிபோ⁴க³பச்சயா தோ³ஸோ ந அத்தீ²தி யோஜனா. ‘‘கங்ஸலோஹாதி³பா⁴ஜனங் ஸங்க⁴ஸ்ஸ தி³ன்னம்பி பாரிஹாரியங் ந வட்டதி, கி³ஹிவிகதனீஹாரேனேவ பரிபு⁴ஞ்ஜிதப்³ப³’’ந்தி (சூளவ॰ அட்ட²॰ 321) மஹாபச்சரியங் வுத்தங். எத்த² ச பாரிஹாரியங் ந வட்டதி அத்தனோ ஸந்தகங் விய க³ஹெத்வா பரிபு⁴ஞ்ஜிதுங் ந வட்டதீதி. ‘‘கி³ஹிவிகதனீஹாரேனேவ பரிபு⁴ஞ்ஜிதப்³ப³’’ந்தி இமினா ஸசே ஆராமிகாத³யோ படிஸாமெத்வா படிதெ³ந்தி, பரிபு⁴ஞ்ஜிதுங் வட்டதீதி த³ஸ்ஸேதி.
2864. கீ²ரபாஸாணந்தி முது³கா பாணஜாதி. வுத்தஞ்ஹி மாதிகாட்ட²கதா²க³ண்டி²பதே³ ‘‘கீ²ரபாஸாணோ நாம முது³கோ பாஸாணோ’’தி. க³ருகந்தி க³ருப⁴ண்ட³ங். தட்டகாதி³கந்தி ஆதி³-ஸத்³தே³ன ஸரகாதீ³னங் க⁴டகோதி கீ²ரபாஸாணமயோயேவ வாரகோ. ‘‘பாத³க³ண்ஹனதோ உத்³த⁴’’ந்தி இமினா பாத³க³ண்ஹனகோ அக³ருப⁴ண்ட³ந்தி தீ³பேதி.
2865. ‘‘ஸுவண்ணரஜதஹாரகூடஜாதிப²லிகபா⁴ஜனானி கி³ஹிவிகதானிபி ந வட்டந்தி, பகே³வ ஸங்கி⁴கபரிபோ⁴கே³ன வா புக்³க³லிகபரிபோ⁴கே³ன வா’’தி (சூளவ॰ அட்ட²॰ 321) அட்ட²கதா²யங் வுத்தனயங் த³ஸ்ஸேதுமாஹ ‘‘ஸிங்கீ³’’திஆதி³. ஸிங்கீ³தி ஸுவண்ணங். ஸஜ்ஜு² ரஜதங். ஹாரகூடங் நாம ஸுவண்ணவண்ணங் லோஹஜாதங். ப²லிகேன உப்³ப⁴வங் ஜாதங், ப²லிகமயங் பா⁴ஜனந்தி அத்தோ². கி³ஹீனங் ஸந்தகானிபீதி அபி-ஸத்³தே³ன கி³ஹிவிகதபரிபோ⁴கே³னாபி தாவ ந வட்டந்தி, பகே³வ ஸங்கி⁴கபரிபோ⁴கே³ன வா புக்³க³லிகபரிபோ⁴கே³ன வாதி தீ³பேதி. ஸேனாஸனபரிபோ⁴கே³ பன ஆமாஸம்பி அனாமாஸம்பி ஸப்³ப³ங் வட்டதி.
2866. கு²த்³தா³தி யாய வாஸியா ட²பெத்வா த³ந்தகட்ட²ச்சே²த³னங் வா உச்சு²தச்ச²னங் வா அஞ்ஞங் மஹாகம்மங் காதுங் ந ஸக்கா, ஏவரூபா கு²த்³த³கா வாஸி பா⁴ஜனீயா. மஹத்தரீதி யதா²வுத்தப்பமாணாய வாஸியா மஹந்ததரா யேன கேனசி ஆகாரேன கதவாஸி க³ருப⁴ண்ட³ங். வேஜ்ஜானங் ஸிராவேத⁴னகம்பி ச ப²ரஸு ததா² க³ருப⁴ண்ட³ந்தி யோஜனா.
2867. குடா²ரீதி குதா³லோ அந்தமஸோ சதுரங்கு³லமத்தோபி. ஸிக²ரந்தி த⁴னுரஜ்ஜுதோ நாமெத்வா தா³ருஆதீ³னங் விஜ்ஜ²னககண்டகோ. தேனேவாதி நிகா²த³னேனேவ.
2868. நிகா²த³னஸ்ஸ பே⁴த³வந்ததாய தங் விப⁴ஜித்வா த³ஸ்ஸேதுமாஹ ‘‘சதுரஸ்ஸமுக²ங் தோ³ணிமுக²’’ந்தி. தோ³ணிமுக²ந்தி தோ³ணி விய உப⁴யபஸ்ஸேன நாமிதமுக²ங். வங்கந்தி அக்³க³தோ நாமெத்வா கதனிகா²த³னங். பி-ஸத்³தே³ன உஜுகங் ஸங்க³ண்ஹாதி. தத்த² சாதி தஸ்மிங் நிகா²த³னே. ஸத³ண்ட³ங் கு²த்³த³கஞ்ச நிகா²த³னங் ஸப்³ப³ங் க³ருப⁴ண்ட³ந்தி யோஜனா. ‘‘ஸத³ண்ட³ங் கு²த்³த³க’’ந்தி இமினா விஸேஸனத்³வயேன அத³ண்ட³ங் ப²லமத்தங் ஸிபாடிகாய ட²பெத்வா பரிஹரணயொக்³க³ங் ஸம்மஜ்ஜனித³ண்ட³வேத⁴னகங் நிகா²த³னங் அக³ருப⁴ண்ட³ங், ததோ மஹந்தங் நிகா²த³னங் அத³ண்ட³ம்பி க³ருப⁴ண்ட³ந்தி தீ³பேதி. யேஹி மனுஸ்ஸேஹி விஹாரே வாஸிஆதீ³னி தி³ன்னானி ச ஹொந்தி, தே சே க⁴ரே த³ட்³டே⁴ வா சோரேஹி வா விலுத்தே ‘‘தே³த² நோ, ப⁴ந்தே, உபகரணே
2869. ‘‘கம்மாரதட்டகாரசுந்த³காரனளகாரமணிகாரபத்தப³ந்த⁴கானங் அதி⁴கரணிமுட்டி²கஸண்டா³ஸதுலாதீ³னி ஸப்³பா³னி லோஹமயஉபகரணானி ஸங்கே⁴ தி³ன்னகாலதோ பட்டா²ய க³ருப⁴ண்டா³னி. திபுகொட்டகஸுவண்ணகாரசம்மகாரஉபகரணேஸுபி ஏஸேவ நயோ. அயங் பன விஸேஸோ – திபுகொட்டகஉபகரணேஸுபி திபுச்சே²த³னஸத்த²கங், ஸுவண்ணகாரஉபகரணேஸு ஸுவண்ணச்சே²த³னஸத்த²கங், சம்மகாரஉபகரணேஸு கதபரிகம்மசம்மசி²ந்த³னகங் கு²த்³த³கஸத்த²ந்தி இமானி பா⁴ஜனீயப⁴ண்டா³னீ’’தி (சூளவ॰ அட்ட²॰ 321) அட்ட²கதா²க³தங் வினிச்ச²யேகதே³ஸங் த³ஸ்ஸேதுமாஹ ‘‘முட்டி²க’’ந்திஆதி³ துலாதி³கந்தி எத்த² ஆதி³-ஸத்³தே³ன கத்தரிஆதி³உபகரணங் ஸங்க³ண்ஹாதி.
2870. ‘‘நஹாபிததுன்னகாரானங் உபகரணேஸுபி ட²பெத்வா மஹாகத்தரிங், மஹாஸண்டா³ஸங், மஹாபிப்ப²லகஞ்ச ஸப்³ப³ங் பா⁴ஜனீயங். மஹாகத்தரிஆதீ³னி க³ருப⁴ண்டா³னீ’’தி (சூளவ॰ அட்ட²॰ 321) அட்ட²கதா²க³தங் வினிச்ச²யங் த³ஸ்ஸேதுமாஹ ‘‘ந்ஹாபிதகஸ்ஸா’’திஆதி³. ந்ஹாபிதகஸ்ஸ உபகரணேஸு ஸண்டா³ஸோ, மஹத்தரீ கத்தரீ ச துன்னகாரானஞ்ச உபகரணேஸு மஹத்தரீ கத்தரீ ச மஹாபிப்ப²லகஞ்ச க³ருப⁴ண்ட³கந்தி யோஜனா.
2871. எத்தாவதா சதுத்த²க³ருப⁴ண்டே³ வினிச்ச²யங் த³ஸ்ஸெத்வா இதா³னி பஞ்சமக³ருப⁴ண்டே³ வினிச்ச²யங் த³ஸ்ஸேதுமாஹ ‘‘வல்லீ’’திஆதி³. வெத்தலதாதி³கா வல்லி து³ல்லப⁴ட்டா²னே ஸங்க⁴ஸ்ஸ தி³ன்னா வா தத்த² ஸங்க⁴ஸ்ஸ பூ⁴மியங் ஜாதா, ரக்கி²தா கோ³பிதா வா அட்³ட⁴பா³ஹுப்பமாணா க³ருப⁴ண்ட³ங் ஹோதீதி யோஜனா. ‘‘அட்³ட⁴பா³ஹூதி கப்பரதோ பட்டா²ய யாவ அங்ஸகூட’’ந்தி க³ண்டி²பதே³ வுத்தங். ‘‘அட்³ட⁴பா³ஹு நாம வித³த்தி²சதுரங்கு³ல’’ந்திபி வத³ந்தி. ஸசே ஸா வல்லி ஸங்க⁴கம்மே, சேதியகம்மே ச கதே அதிரேகா ஹோதி, புக்³க³லிககம்மேபி உபனேதுங் வட்டதி. அரக்கி²தா பன க³ருப⁴ண்ட³மேவ ந ஹோதி.
2872. அட்ட²கதா²யங் ‘‘ஸுத்தமகசிவாகனாளிகேரஹீரசம்மமயா ரஜ்ஜுகா வா யொத்தானி வா வாகே ச நாளிகேரஹீரே ச வட்டெத்வா கதா ஏகவட்டா வா த்³விவட்டா வா ஸங்க⁴ஸ்ஸ தி³ன்னகாலதோ பட்டா²ய க³ருப⁴ண்ட³ங். ஸுத்தங் பன அவட்டெத்வா தி³ன்னங், மகசிவாகனாளிகேரஹீரா ச பா⁴ஜனீயா’’தி (சூளவ॰ அட்ட²॰ 321) ஆக³தவினிச்ச²யங் த³ஸ்ஸேதுமாஹ ‘‘ஸுத்தவாகாதி³னிப்³ப³த்தா’’திஆதி³. வாகாதீ³தி ஆதி³-ஸத்³தே³ன மகசிவாகனாளிகேரஹீரசம்மானங் க³ஹணங். நாதிதீ³கா⁴ ரஜ்ஜுகா. அதிதீ³க⁴ங் யொத்தகங்.
2873. நாளிகேரஸ்ஸ வாகே வா வட்டெத்வா கதா ஏகவட்டாபி க³ருப⁴ண்ட³கந்தி யோஜனா. யேஹி பனேதானி ரஜ்ஜுகயொத்தாதீ³னி தி³ன்னானி ஹொந்தி, தே அத்தனோ கரணீயேன ஹரந்தா ந வாரேதப்³பா³.
2874. வட்³ட⁴கிஅங்கு³லேன அட்ட²ங்கு³லாயதோ ஸூசித³ண்ட³மத்தோ பரிணாஹதோ ஸீஹளதீ³பே லேக²கானங் லேக²னிஸூசித³ண்ட³மத்தோ ஸங்க⁴ஸ்ஸ தி³ன்னோ வா தத்த²ஜாதகோ வா ரக்கி²தோ கோ³பிதோ வேளு க³ருப⁴ண்ட³ங் ஸியாதி யோஜனா. ‘‘யங் மஜ்ஜி²மபுரிஸஸ்ஸ கனிட்ட²ங்கு³லியா அக்³க³ப்பமாணங், இத³ங் ஸீஹளதீ³பே லேக²கானங் லேக²னிஸூசியா பமாண’’ந்தி வத³ந்தி. ஸோ ச ஸங்க⁴கம்மே ச சேதியகம்மே ச கதே அதிரேகோ புக்³க³லிககம்மே தா³துங் வட்டதி.
2875. த³ண்டோ³ ச ஸலாகா ச த³ண்ட³ஸலாகா, ச²த்தஸ்ஸ த³ண்ட³ஸலாகாதி விக்³க³ஹோ. ச²த்தத³ண்டோ³ நாம ச²த்தபிண்டி³. ச²த்தஸலாகாதி ச²த்தபஞ்ஜரஸலாகா. த³ண்டோ³தி உபாஹனத³ண்ட³கோ. ‘‘த³ண்டோ³’’தி ஸாமஞ்ஞேன வுத்தேபி அட்ட²கதா²க³தேஸு ஸரூபேன இதா⁴வுத்தோ உபாஹனத³ண்டோ³யேவ ஸாமஞ்ஞவசனேன பாரிஸேஸதோ க³ஹேதப்³போ³தி. த³ட்³ட⁴கே³ஹமனுஸ்ஸா க³ண்ஹித்வா க³ச்ச²ந்தா ந வாரேதப்³பா³.
2876. முஞ்ஜாதீ³ஸு கே³ஹச்ச²த³னாரஹேஸு திணேஸு யங் கிஞ்சி முட்டி²மத்தங் திணங் வா கே³ஹச்ச²த³னாரஹங் தாலபண்ணாதி³ ஏகம்பி ஸங்க⁴ஸ்ஸ தி³ன்னங் வா தத்த² ஸங்கி⁴கபூ⁴மியங் ஜாதங் வா க³ருப⁴ண்ட³ங் ஸியாதி யோஜேதப்³பா³. தத்த² முட்டி²மத்தங் நாம கரளமத்தங். இத³ஞ்ச கரளங் கத்வா சா²தெ³ந்தானங் ச²த³னகரளவஸேன க³ஹேதப்³ப³ங். தாலபண்ணாதீ³தி ஆதி³-ஸத்³தே³ன நாளிகேரபண்ணாதி³கே³ஹச்ச²த³னபண்ணானங் க³ஹணங். தம்பி முஞ்ஜாதி³ ஸங்க⁴கம்மே ச சேதியகம்மே ச கதே அதிரேகங் புக்³க³லிககம்மே தா³துங் வட்டதி. த³ட்³ட⁴கே³ஹமனுஸ்ஸா க³ஹெத்வா க³ச்ச²ந்தி, ந வாரேதப்³பா³தி.
2877-8. அட்ட²ங்கு³லப்பமாணோதி ரித்தபொத்த²கோதி லேகா²ஹி ஸுஞ்ஞபொத்த²கோ, ந லிகி²தபொத்த²கோதி வுத்தங் ஹோதி. ‘‘அட்ட²ங்கு³லப்பமாணோ’’தி
‘‘மத்திகா பகதிமத்திகா வா ஹோது பஞ்சவண்ணா வா ஸுதா⁴ வா ஸஜ்ஜுரஸகங்கு³ட்ட²ஸிலேஸாதீ³ஸு வா யங் கிஞ்சி து³ல்லப⁴ட்டா²னே ஆனெத்வா வா தி³ன்னங் தத்த²ஜாதகங் வா ரக்கி²தகோ³பிதங் தாலப²லபக்கமத்தங் க³ருப⁴ண்ட³ங் ஹோதீ’’தி (சூளவ॰ அட்ட²॰ 321) அட்ட²கதா²க³தவினிச்ச²யங் த³ஸ்ஸேதுமாஹ ‘‘மத்திகா’’திஆதி³. பாகதிகா வா ஸேதகே³ருகாதி³பஞ்சவண்ணா வாபி மத்திகாதி யோஜனா. ஸிலேஸோ நாம கபி³ட்டா²தி³ஸிலேஸோ. ஆதி³-ஸத்³தே³ன ஸஜ்ஜுரஸகங்கு³ட்டா²தீ³னங் க³ஹணங். தாலபக்கபமாணந்தி ஏகட்டி²தாலப²லபமாணாபி. தம்பி மத்திகாதி³ ஸங்க⁴கம்மே, சேதியகம்மே ச நிட்டி²தே அதிரேகங் புக்³க³லிககம்மே தா³துங் வட்டதி.
2879-80. ‘‘வேளுஆதி³க’’ந்தி பத³ச்சே²தோ³. ரக்கி²தங் கோ³பிதங் வாபி க³ண்ஹதா ஸமகங் வா அதிரேகங் வா தா²வரங் அந்தமஸோ தங்அக்³க⁴னகங் வாலிகமேவ வா த³த்வா க³ஹேதப்³ப³ந்தி யோஜனா.
அட்ட²கதா²யங் பன ‘‘ரக்கி²தகோ³பிதங் வேளுங் க³ண்ஹந்தேன ஸமகங் வா அதிரேகங் வா தா²வரங் அந்தமஸோ தங்அக்³க⁴னகவாலிகாயபி பா²திகம்மங் கத்வா க³ஹேதப்³போ³. பா²திகம்மங் அகத்வா க³ண்ஹந்தேன தத்தே²வ வளஞ்ஜேதப்³போ³, க³மனகாலே ஸங்கி⁴கே ஆவாஸே ட²பெத்வா க³ந்தப்³ப³ங். அஸதியா க³ஹெத்வா க³தேன
2881. அஞ்ஜனந்தி ஸிலாமயோ. ஏவங் ஹரிதாலமனோஸிலாபி.
2882. தா³ருப⁴ண்டே³ அயங் வினிச்ச²யோ – பரிணாஹதோ யதா²வுத்த ஸூசித³ண்ட³ப்பமாணகோ அட்ட²ங்கு³லதீ³கோ⁴ யோ கோசி தா³ருப⁴ண்ட³கோ தா³ருது³ல்லப⁴ட்டா²னே ஸங்க⁴ஸ்ஸ தி³ன்னோ வா தத்த²ஜாதகோ வா ரக்கி²தகோ³பிதோ க³ருப⁴ண்ட³ங் ஹோதீதி யோஜனா.
2883. ஏவங் குருந்த³ட்ட²கதா²ய ஆக³தவினிச்ச²யங் த³ஸ்ஸெத்வா மஹாஅட்ட²கதா²ய (சூளவ॰ அட்ட²॰ 321) ஆக³தங் த³ஸ்ஸேதுமாஹ ‘‘மஹாஅட்ட²கதா²ய’’ந்திஆதி³. தத்த² ஆஸந்தி³கஸத்தங்கா³ வுத்தலக்க²ணாவ. ‘‘ப⁴த்³த³பீட²’’ந்தி வெத்தமயங் பீட²ங் வுச்சதி. பீடி²காதி பிலோதிகாப³த்³த⁴பீட²மேவ.
2884. ஏளகபாத³பீட²ங் நாம தா³ருபட்டிகாய உபரி பாதே³ ட²பெத்வா போ⁴ஜனபல்லங்கங் விய கதபீட²ங் வுச்சதி. ‘‘ஆமலகவட்டகபீட²’’ந்தி ஏதஸ்ஸ ‘‘ஆமண்ட³கவட்டக’’ந்தி பரியாயோ, தஸ்மா உப⁴யேனாபி ஆமலகாகாரேன யோஜிதங் ப³ஹுபாத³கபீட²ங் வுச்சதி. கேஸுசி பொத்த²கேஸு ‘‘ததா²மண்ட³கபீட²க’’ந்தி பாடோ². கா³தா²ப³ந்த⁴வஸேன மண்ட³க-ஸத்³த³பயோகோ³. கொச்ச²ங் பூ⁴தகா³மவக்³கே³ சதுத்த²ஸிக்கா²பதே³ வுத்தஸரூபங். பலாலபீட²ந்தி நிபஜ்ஜனத்தா²ய கதா பலாலபி⁴ஸி, இமினா கத³லிபத்தாதி³மயபீட²ம்பி உபலக்க²ணதோ த³ஸ்ஸிதங். யதா²ஹ – ‘‘பலாலபீடே²ன செத்த² கத³லிபத்தாதி³பீடா²னிபி ஸங்க³ஹிதானீ’’தி (சூளவ॰ அட்ட²॰ 321). தோ⁴வனே ப²லகந்தி சீவரதோ⁴வனப²லகங், தோ⁴வனாதி³ஸத்³தா³னங் வியெத்த² விப⁴த்திஅலோபோ. இமேஸு தாவ யங் கிஞ்சி கு²த்³த³கங் வா ஹோது மஹந்தங் வா, ஸங்க⁴ஸ்ஸ தி³ன்னங் க³ருப⁴ண்ட³ங் ஹோதி. ப்³யக்³க⁴சம்மஓனத்³த⁴ம்பி வாளரூபபரிக்கி²த்தங் ரதனபரிஸிப்³பி³தங் கொச்ச²ங் க³ருப⁴ண்ட³மேவ.
2885. ப⁴ண்டி³காதி த³ண்ட³கட்ட²ச்சே²த³னப⁴ண்டி³கா. முக்³க³ரோதி த³ண்ட³முக்³க³ரோ. த³ண்ட³முக்³க³ரோ நாம யேன ரஜிதசீவரங் போதெ²ந்தி. வத்த²க⁴ட்டனமுக்³க³ரோதி சீவரக⁴ட்டனமுக்³க³ரோ, யேன அனுவாதாதி³ங் க⁴ட்டெந்தி. அம்ப³ணந்தி ப²லகேஹி பொக்க²ரணிஸதி³ஸங் கதபானீயபா⁴ஜனங். மஞ்ஜூஸா நாம தோ³ணிபேளா. நாவா போதோ. ரஜனதோ³ணிகா நாம யத்த² சீவரங் ரஜந்தி, பக்கரஜனங் வா ஆகிரந்தி.
2886. உளுங்கோதி நாளிகேரப²லகடாஹாதி³மயோ உளுங்கோ. உப⁴யங் பிதா⁴னஸமகோ ஸமுக்³கோ³. ‘‘கு²த்³த³கோ பரிவித⁴னோ கரண்ட³’’ந்தி வத³ந்தி. கரண்டோ³ ச பாத³க³ண்ஹனகதோ அதிரேகப்பமாணோ இத⁴ அதி⁴ப்பேதோ. கடச்சூ²தி த³ப்³பி³. ஆதி³-ஸத்³தே³ன பானீயஸராவபானீயஸங்கா²தீ³னங் க³ஹணங்.
2887. கே³ஹஸம்பா⁴ரந்தி கே³ஹோபகரணங். த²ம்ப⁴துலாஸோபானப²லகாதி³ தா³ருமயங், பாஸாணமயம்பி இமினாவ க³ஹிதங். கப்பியசம்மந்தி ‘‘ஏளகாஜமிகா³ன’’ந்திஆதி³னா (வி॰ வி॰ 2650) ஹெட்டா² த³ஸ்ஸிதங் கப்பியசம்மங். தப்³பி³பரியாயங் அகப்பியங். அபா⁴ஜியங் க³ருப⁴ண்ட³த்தா. பூ⁴மத்த²ரணங் கத்வா பரிபு⁴ஞ்ஜிதுங் வட்டதி.
2888. அட்ட²கதா²யங் ‘‘ஏளசம்மங் க³ருங் வுத்த’’ந்தி. குருந்தி³யங் பன ‘‘ஸப்³ப³ங் மஞ்சப்பமாணங் சம்மங் க³ருப⁴ண்ட³’’ந்தி (சூளவ॰ அட்ட²॰ 321) ‘‘பச்சத்த²ரணக³திகமேவா’’தி இமினா மஞ்சபீடே²பி அத்த²ரிதுங் வட்டதீதி தீ³பேதி. ‘‘பாவாராதி³பச்சத்த²ரணம்பி க³ருப⁴ண்ட³’’ந்தி ஏகே, ‘‘நோ’’தி அபரே, வீமங்ஸித்வா க³ஹேதப்³ப³ங். மஞ்சப்பமாணந்தி ச பமாணயுத்தங் மஞ்சங். பமாணயுத்தமஞ்சோ நாம யஸ்ஸ தீ³க⁴ஸோ நவ வித³த்தி²யோ திரியஞ்ச தது³பட்³ட⁴ங். உத்³த⁴ங் முக²மஸ்ஸாதி உது³க்க²லங். ஆதி³-ஸத்³தே³ன முஸலங், ஸுப்பங், நிஸத³ங், நிஸத³போதோ, பாஸாணதோ³ணி, பாஸாணகடாஹஞ்ச ஸங்க³ஹிதங். பேஸகாராதீ³தி ஆதி³-ஸத்³தே³ன சம்மகாராதீ³னங் க³ஹணங். துரிவேமாதி³ பேஸகாரப⁴ண்ட³ஞ்ச ப⁴ஸ்தாதி³ சம்மகாரப⁴ண்ட³ஞ்ச கஸிப⁴ண்ட³ஞ்ச யுக³னங்க³லாதி³ ஸங்கி⁴கங் ஸங்க⁴ஸந்தகங் க³ருப⁴ண்ட³ந்தி யோஜனா.
2889. ‘‘ததே²வா’’தி இமினா ‘‘ஸங்கி⁴க’’ந்தி இத³ங் பச்சாமஸதி. ஆதா⁴ரகோதி பத்தாதா⁴ரோ. தாலவண்டந்தி தாலவண்டேஹி கதங். வேளுத³ந்தவிலீவேஹி வா மோரபிஞ்சே²ஹி வா சம்மவிகதீஹி வா கதம்பி தங்ஸதி³ஸங் ‘‘தாலவண்ட’’ந்தேவ வுச்சதி. வட்டவிதூ⁴பனானங் தாலவண்டேயேவ அந்தோக³த⁴த்தா ‘‘பீ³ஜனீ’’தி சதுரஸ்ஸவிதூ⁴பனஞ்ச கேதகபாரோஹகுந்தாலபண்ணாதி³மயத³ந்தமயவிஸாணமயத³ண்ட³கமகஸபீ³ஜனீ ச வுச்சதி. பச்சி² பாகடாயேவ. பச்சி²தோ கு²த்³த³கோ தாலபண்ணாதி³மயோ பா⁴ஜனவிஸேஸோ சங்கோடகங். ஸப்³பா³ ஸம்மஜ்ஜனீதி நாளிகேரஹீராதீ³ஹி ப³த்³தா⁴ யட்டி²ஸம்மஜ்ஜனீ, முட்டி²ஸம்மஜ்ஜனீதி து³விதா⁴ பரிவேணங்க³ணாதி³ஸம்மஜ்ஜனீ ச ததே²வ து³விதா⁴ க²ஜ்ஜூரினாளிகேரபண்ணாதீ³ஹி ப³த்³தா⁴ கே³ஹஸம்மஜ்ஜனீ சாதி ஸப்³பா³பி ஸம்மஜ்ஜனீ க³ருப⁴ண்ட³ங் ஹோதி.
2890. சக்கயுத்தகயானந்தி ஹத்த²வட்டகஸகடாதி³யுத்தயானஞ்ச.
2891. ச²த்தந்தி பண்ணகிலஞ்ஜஸேதச்ச²த்தவஸேன திவித⁴ங் ச²த்தங். முட்டி²பண்ணந்தி தாலபண்ணங் ஸந்தா⁴ய வுத்தங். விஸாணபா⁴ஜனஞ்ச தும்ப³பா⁴ஜனஞ்சாதி அரணீ அரணிஸஹிதங். ஆதி³-ஸத்³தே³ன ஆமலகதும்ப³ங் அனுஞ்ஞாதவாஸியா த³ண்ட³ஞ்ச ஸங்க³ண்ஹாதி. லஹு அக³ருப⁴ண்ட³ங், பா⁴ஜனீயந்தி அத்தோ². பாத³க³ண்ஹனகதோ அதிரித்தப்பமாணங் க³ருப⁴ண்ட³ங்.
2892. விஸாணந்தி
2893. நிட்டி²தோ தச்சி²தோ வாபீதி தச்சி²தனிட்டி²தோபி. விதோ⁴தி காயப³ந்த⁴னே அனுஞ்ஞாதவிதோ⁴. ஹிங்கு³கரண்ட³கோதி ஹிங்கு³மயோ வா ததா³தா⁴ரோ வா கரண்ட³கோ. அஞ்ஜனீதி அஞ்ஜனநாளிகா ச அஞ்ஜனகரண்ட³கோ ச. ஸலாகாயோதி அஞ்ஜனிஸலாகா. உத³புஞ்ச²னீதி ஹத்தி²த³ந்தவிஸாணாதி³மயா உத³கபுஞ்ச²னீ. இத³ங் ஸப்³ப³ங் பா⁴ஜனீயமேவ.
2894. பரிபோ⁴கா³ரஹந்தி மனுஸ்ஸானங் உபபோ⁴க³பரிபோ⁴க³யொக்³க³ங். குலாலப⁴ண்ட³ந்தி க⁴டபிட²ராதி³கும்ப⁴காரப⁴ண்ட³ம்பி. பத்தங்கா³ரகடாஹந்தி பத்தகடாஹங், அங்கா³ரகடாஹஞ்ச. தூ⁴மதா³னங் நாளிகா. கபல்லிகாதி தீ³பகபல்லிகா.
2895. து²பிகாதி பாஸாதா³தி³து²பிகா. தீ³பருக்கோ²தி பதீ³பாதா⁴ரோ. சயனச்ச²த³னிட்ட²காதி பாகாரசேதியாதீ³னங் சயனிட்ட²கா ஸப்³ப³ம்பீதி யதா²வுத்தங் ஸப்³ப³ம்பி அனவஸேஸங் பரிக்கா²ரங்.
2896. கஞ்சனகோதி ஸரகோ. க⁴டகோதி பாத³க³ண்ஹனகதோ அனதிரித்தப்பமாணோ க⁴டகோ. ‘‘யதா² ச மத்திகாப⁴ண்டே³, ஏவங் லோஹப⁴ண்டே³பி குண்டி³கா பா⁴ஜனீயகொட்டா²ஸமேவ ப⁴ஜதீ’’தி (சூளவ॰ அட்ட²॰ 321) அட்ட²கதா²னயங் ஸங்க³ஹேதுமாஹ ‘‘லோஹப⁴ண்டே³பி குண்டி³காபி ச பா⁴ஜியா’’தி.
2897. க³ரு நாம பச்சி²மங் க³ருப⁴ண்ட³த்தயங். தா²வரங் நாம புரிமத்³வயங். ஸங்க⁴ஸ்ஸாதி ஸங்கே⁴ன. பரிவத்தெத்வாதி புக்³க³லிகாதீ³ஹி தாதி³ஸேஹி தேஹி பரிவத்தெத்வா. தத்ராயங் பரிவத்தனநயோ (சூளவ॰ அட்ட²॰ 321) – ஸங்க⁴ஸ்ஸ நாளிகேராராமோ தூ³ரே ஹோதி, கப்பியகாரகா தங் ப³ஹுதரங் கா²த³ந்தி, ததோ ஸகடவேதனங் த³த்வா அப்பமேவ ஆஹரந்தி, அஞ்ஞேஸங் பன தஸ்ஸ ஆராமஸ்ஸ அவிதூ³ரகா³மவாஸீனங் மனுஸ்ஸானங் விஹாரஸ்ஸ ஸமீபே ஆராமோ ஹோதி, தே ஸங்க⁴ங் உபஸங்கமித்வா ஸகேன ஆராமேன
ஸசே பன மனுஸ்ஸானங் ப³ஹுதரா ருக்கா² ஹொந்தி, ‘‘நனு தும்ஹாகங் ப³ஹுதரா ருக்கா²’’தி வத்தப்³ப³ங். ஸசே ‘‘அதிரேகங் அம்ஹாகங் புஞ்ஞங் ஹோது, ஸங்க⁴ஸ்ஸ தே³மா’’தி வத³ந்தி, ஜானாபெத்வா ஸம்படிச்சி²துங் வட்டதி. பி⁴க்கூ²னங் ருக்கா² ப²லதா⁴ரினோ, மனுஸ்ஸானங் ருக்கா² ந தாவ ப²லங் க³ண்ஹந்தி. கிஞ்சாபி ந க³ண்ஹந்தி, ந
கத²ங் விஹாரேன விஹாரோ பரிவத்தேதப்³போ³? ஸங்க⁴ஸ்ஸ அந்தோகா³மே கே³ஹங் ஹோதி, மனுஸ்ஸானங் விஹாரமஜ்ஜே² பாஸாதோ³, உபோ⁴பி அக்³கே⁴ன ஸமகா, ஸசே மனுஸ்ஸா தேன பாஸாதே³ன தங் கே³ஹங் யாசந்தி, ஸம்படிச்சி²துங் வட்டதி. பி⁴க்கூ²னங் சே மஹக்³க⁴தரங் கே³ஹங் ஹோதி, ‘‘மஹக்³க⁴தரங் அம்ஹாகங் கே³ஹ’’ந்தி வுத்தே ச ‘‘கிஞ்சாபி மஹக்³க⁴தரங், பப்³ப³ஜிதானங் பன அஸாருப்பங், ந ஸக்கா தத்த² பப்³ப³ஜிதேஹி வஸிதுங், இத³ங் பன ஸாருப்பங், க³ண்ஹதா²’’தி வத³ந்தி, ஏவம்பி ஸம்படிச்சி²துங் வட்டதி. ஸசே பன மனுஸ்ஸானங் மஹக்³க⁴ங் ஹோதி, ‘‘நனு தும்ஹாகங் கே³ஹங் மஹக்³க⁴’’ந்தி வத்தப்³ப³ங். ‘‘ஹோது, ப⁴ந்தே, அம்ஹாகங் புஞ்ஞங் ப⁴விஸ்ஸதி, க³ண்ஹதா²’’தி வுத்தே பன ஸம்படிச்சி²துங் வட்டதி. ஏவங் விஹாரேன விஹாரோ பரிவத்தேதப்³போ³. ஏதேனேவ நயேன விஹாரவத்து²பி ஆராமோபி ஆராமவத்து²பி விஹாரேன பரிவத்தேதப்³ப³ங். விஹாரவத்து²னா ச மஹக்³கே⁴ன வா அப்பக்³கே⁴ன வா விஹாரவிஹாரவத்து²ஆராமஆராமவத்தூ²னி. ஏவங் தாவ தா²வரேன தா²வரபரிவத்தனங் வேதி³தப்³ப³ங்.
க³ருப⁴ண்டே³ன க³ருப⁴ண்ட³பரிவத்தனே பன மஞ்சபீட²ங் மஹந்தங் வா ஹோது கு²த்³த³கங் வா, அந்தமஸோ சதுரங்கு³லபாத³கங்
ப³ஹிஸீமாய ‘‘ஸங்க⁴ஸ்ஸ தே³மா’’தி தி³ன்னமஞ்சோ ஸங்க⁴த்தே²ரஸ்ஸ வஸனட்டா²னே தா³தப்³போ³. தத்த² சே ப³ஹூ மஞ்சா ஹொந்தி, மஞ்சேன கம்மங் நத்தி², யஸ்ஸ வஸனட்டா²னே கம்மங் அத்தி², தத்த² ‘‘ஸங்கி⁴கபரிபோ⁴கே³ன பரிபு⁴ஞ்ஜதா²’’தி தா³தப்³போ³. மஹக்³கே⁴ன ஸதக்³க⁴னகேன, ஸஹஸ்ஸக்³க⁴னகேன வா மஞ்சேன அஞ்ஞங் மஞ்சஸதங் லப⁴தி, பரிவத்தெத்வா க³ஹேதப்³ப³ங். ந கேவலங் மஞ்சேன மஞ்சோயேவ, ஆராமஆராமவத்து²விஹாரவிஹாரவத்து²பீட²பி⁴ஸிபி³ம்போ³ஹனானிபி பரிவத்தேதுங் வட்டந்தி. ஏஸ நயோ பீட²பி⁴ஸிபி³ம்போ³ஹனேஸுபி ஏதேஸு ஹி கப்பியாகப்பியங் வுத்தனயமேவ. தத்த² அகப்பியங் ந பரிபு⁴ஞ்ஜிதப்³ப³ங், கப்பியங் ஸங்கி⁴கபரிபோ⁴கே³ன பரிபு⁴ஞ்ஜிதப்³ப³ங். அகப்பியங் வா மஹக்³க⁴ங் கப்பியங் வா பரிவத்தெத்வா வுத்தவத்தூ²னி க³ஹேதப்³பா³னி, அக³ருப⁴ண்டு³பக³ங் பன பி⁴ஸிபி³ம்போ³ஹனங் நாம நத்தீ²தி.
2898. பி⁴க்கு² அதோ⁴தேன பாதே³ன, அல்லபாதே³ன வா ஸேனாஸனங் நக்கமேதி ஸம்ப³ந்தோ⁴. ஸயந்தி எத்த², ஆஸந்தி சாதி ஸயனாஸனங், பரிகம்மகதபூ⁴மத்த²ரணாதி³. அல்லபாதே³ன வாதி யேன அக்கந்தட்டா²னே உத³கங் பஞ்ஞாயதி, ஏவரூபேன திந்தபாதே³ன. யதா²ஹ – ‘‘அல்லேஹி பாதே³ஹீதி யேஹி அக்கந்தட்டா²னே உத³கங் பஞ்ஞாயதி, ஏவரூபேஹி பாதே³ஹி பரிப⁴ண்ட³கதபூ⁴மி வா ஸேனாஸனங் வா ந அக்கமிதப்³ப³ங். ஸசே பன உத³கஸினேஹமத்தமேவ பஞ்ஞாயதி, ந உத³கங், வட்டதீ’’தி (சூளவ॰ அட்ட²॰ 324). ஸஉபாஹனோதி எத்த² ‘‘தோ⁴தபாத³க’’ந்தி வத்தப்³ப³ங். பாதே³ படிமுக்காஹி உபாஹனாஹி ஸஉபாஹனோ பி⁴க்கு² தோ⁴தபாத³கங் தோ⁴தபாதே³ஹி அக்கமிதப்³ப³ட்டா²னங் ததே²வ ந அக்கமேதி யோஜனா.
2899. பரிகம்மகதாயாதி நிட்டு²ப⁴ந்தஸ்ஸாதி கே²ளங் பாதெந்தஸ்ஸ. பரிகம்மகதங் பி⁴த்திந்தி ஸேதபி⁴த்திங் வா சித்தகம்மகதங் வா பி⁴த்திங். ந கேவலஞ்ச பி⁴த்திமேவ, த்³வாரம்பி வாதபானம்பி அபஸ்ஸேனப²லகம்பி பாஸாணத்த²ம்ப⁴ம்பி ருக்க²த்த²ம்ப⁴ம்பி சீவரேன வா கேனசி வா அப்படிச்சா²தெ³த்வா அபஸ்ஸயிதுங் ந லப⁴தியேவ. ‘‘த்³வாரவாதபானாத³யோ பன அபரிகம்மகதாபி அபடிச்சா²தெ³த்வா ந அபஸ்ஸயிதப்³பா³’’தி க³ண்டி²பதே³ வுத்தங்.
2901. நித்³தா³யதோ
2902. லோமேஸு மஞ்சங் பு²ஸந்தேஸு. ஹத்த²பாதா³னங் தலேன அக்கமிதுங் வட்டதீதி யோஜனா. மஞ்சபீட²ங் நீஹரந்தஸ்ஸ காயே படிஹஞ்ஞதி, அனாபத்தி.
‘‘தா³யகேஹி ‘காயேன பு²ஸித்வா யதா²ஸுக²ங் பரிபு⁴ஞ்ஜதா²’தி தி³ன்னஸேனாஸனங், மஞ்சபீடா²தி³ஞ்ச தா³யகேன வுத்தனியாமேன பரிபு⁴ஞ்ஜந்தஸ்ஸ தோ³ஸோ நத்தீ²’’தி மாதிகட்ட²கதா²ய ஸீஹளக³ண்டி²பதே³ வுத்தத்தா ததா² பரிபு⁴ஞ்ஜந்தஸ்ஸ அனாபத்தி. ‘‘இமங் மஞ்சபீடா²தி³ங் ஸங்க⁴ஸ்ஸ த³ம்மீ’’தி வுத்தே க³ருப⁴ண்ட³ங் ஹோதி, ந பா⁴ஜேதப்³ப³ங் ஸங்க⁴ஸ்ஸ பராமட்ட²த்தா. ‘‘இமங் மஞ்சபீடா²தி³ங் ப⁴த³ந்தானங் வஸ்ஸக்³கே³ன க³ண்ஹிதுங் த³ம்மீ’’தி வுத்தே ஸதிபி க³ருப⁴ண்ட³பா⁴வே கப்பியவத்து²ங் பா⁴ஜெத்வா க³ண்ஹிதுங் வட்டதி, அகப்பியப⁴ண்ட³மேவ பா⁴ஜெத்வா க³ஹேதுங் ந லப்³ப⁴தி. ‘‘இமங் மஞ்சபீட²ங் வஸ்ஸக்³கே³ன க³ஹேதுங் ஸங்க⁴ஸ்ஸ த³ம்மீ’’தி வுத்தே வஸ்ஸக்³கே³ன பா⁴ஜெத்வா க³ஹேதப்³ப³ங் வஸ்ஸக்³கே³ன பா⁴ஜனங் பட²மங் வத்வா பச்சா² ஸங்க⁴ஸ்ஸ பராமட்ட²த்தா. ‘‘ஸங்க⁴ஸ்ஸ இமங் மஞ்சபீட²ங் வஸ்ஸக்³கே³ன க³ண்ஹிதுங் த³ம்மீ’’தி வுத்தே பன க³ருப⁴ண்ட³ங் ஹோதி பட²மங் ஸங்க⁴ஸ்ஸ பராமட்ட²த்தாதி க³ண்டி²பதே³யேவ வுத்தோ.
2903-4. உத்³தே³ஸப⁴த்தவினிச்ச²யேகதே³ஸங் த³ஸ்ஸேதுமாஹ ‘‘ஸஹஸ்ஸக்³க⁴னகோ’’திஆதி³. ஸஹஸ்ஸக்³க⁴னகோ ஸசீவரோ பிண்ட³பாதோ அவஸ்ஸிகங் பி⁴க்கு²ங் பத்தோ, தஸ்மிங் விஹாரே ச ‘‘ஏவரூபோ பிண்ட³பாதோ அவஸ்ஸிகங் பி⁴க்கு²ங் பத்தோ’’தி லிகி²த்வா ட²பிதோபி ச ஹோதி, ததோ ஸட்டி²வஸ்ஸானமச்சயே தாதி³ஸோ ஸஹஸ்ஸக்³க⁴னகோ ஸசீவரோ கோசி பிண்ட³பாதோ ஸசே உப்பன்னோ ஹோதி, தங் பிண்ட³பாதங் பு³தோ⁴ வினிச்ச²யகுஸலோ பி⁴க்கு² அவஸ்ஸிகட்டி²திகாய அத³த்வா ஸட்டி²வஸ்ஸிகட்டி²திகாய த³தெ³ய்யாதி யோஜனா.
2905. உத்³தே³ஸப⁴த்தங் பு⁴ஞ்ஜித்வாதி உபஸம்பன்னகாலே அத்தனோ வஸ்ஸக்³கே³ன பத்தங் உத்³தே³ஸப⁴த்தங் பரிபு⁴ஞ்ஜித்வா. ஜாதோ சே ஸாமணேரகோதி ஸிக்கா²பச்சக்கா²னாதி³வஸேன ஸசே ஸாமணேரோ ஜாதோ. தந்தி உபஸம்பன்னகாலே க³ஹிதங் ததே³வ உத்³தே³ஸப⁴த்தங். ஸாமணேரஸ்ஸ பாளியாதி ஸாமணேரபடிபாடியா அத்தனோ பத்தங் பச்சா² க³ஹேதுங் லப⁴தி.
2906. யோ
2907. உத்³தே³ஸப⁴த்தானந்தரங் ஸலாகப⁴த்தங் த³ஸ்ஸேதுமாஹ ‘‘ஸசே பனா’’திஆதி³. ஸசே ஸலாகா லத்³தா⁴, தங்தி³னே ப⁴த்தங் ந லத்³த⁴ங், புனதி³னே தஸ்ஸ ப⁴த்தங் க³ஹேதப்³ப³ங், ந ஸங்ஸயோ ‘‘க³ஹேதப்³ப³ங்
2908. உத்தரி உத்தரங் அதிரேகங் ப⁴ங்க³ங் ப்³யஞ்ஜனங் ஏதஸ்ஸாதி உத்தரிப⁴ங்க³ங், தஸ்ஸ, அதிரேகப்³யஞ்ஜனஸ்ஸாதி அத்தோ². ஏகசரஸ்ஸாதி ஏகசாரிகஸ்ஸ. ஸலாகாயேவ ஸலாகிகா.
2909. உத்தரிப⁴ங்க³மேவ உத்தரிப⁴ங்க³கங்.
2910. யேன யேன ஹீதி கா³ஹிதஸலாகேன யேன யேன பி⁴க்கு²னா. யங் யந்தி ப⁴த்தப்³யஞ்ஜனேஸு யங் யங் ப⁴த்தங் வா யங் யங் ப்³யஞ்ஜனங் வா.
2911. ஸங்கு⁴த்³தே³ஸாதி³கந்தி ஸங்க⁴ப⁴த்தஉத்³தே³ஸப⁴த்தாதி³கங். ஆதி³-ஸத்³தே³ன நிமந்தனங், ஸலாகங், பக்கி²கங், உபோஸதி²கங், பாடிபதி³கந்தி பஞ்ச ப⁴த்தானி க³ஹிதானி.
தத்த² ஸப்³ப³ஸங்க⁴ஸ்ஸ தி³ன்னங் ஸங்க⁴ப⁴த்தங் நாம. ‘‘ஸங்க⁴தோ எத்தகே பி⁴க்கூ² உத்³தி³ஸித்வா தே³தா²’’திஆதி³னா வத்வா தி³ன்னங் உத்³தே³ஸப⁴த்தங். ‘‘ஸங்க⁴தோ எத்தகானங் பி⁴க்கூ²னங் ப⁴த்தங் க³ண்ஹதா²’’திஆதி³னா வத்வா தி³ன்னங் நிமந்தனங் நாம. அத்தனோ அத்தனோ நாமேன ஸலாககா³ஹகானங் பி⁴க்கூ²னங் தி³ன்னங் ஸலாகப⁴த்தங் நாம. சாதுத்³த³ஸியங் தி³ன்னங் பக்கி²கங். உபோஸதே² தி³ன்னங் உபோஸதி²கங். பாடிபதே³ தி³ன்னங் பாடிபதி³கங். தங்தங்னாமேன தி³ன்னமேவ ததா² ததா² வோஹரீயதி. ஏதேஸங் பன வித்தா²ரகதா² ‘‘அபி⁴லக்கி²தேஸூ’’திஆதி³னா (சூளவ॰ அட்ட²॰ 325 பக்கி²கப⁴த்தாதி³கதா²) அட்ட²கதா²யங் வுத்தனயேன வேதி³தப்³பா³. ஆக³ந்துகாதீ³தி எத்த² ஆதி³-ஸத்³தே³ன க³மிகப⁴த்தங், கி³லானப⁴த்தங், கி³லானுபட்டா²கப⁴த்தந்தி ஆக³ந்துகப⁴த்தங். ஏஸேவ நயோ ஸேஸேஸு.
2912. விஹாரந்தி வாரப⁴த்தந்தி து³ப்³பி⁴க்க²ஸமயே ‘‘வாரேன பி⁴க்கூ² ஜக்³கி³ஸ்ஸாமா’’தி து⁴ரகே³ஹதோ பட்டா²ய தி³ன்னங். நிச்சந்தி நிச்சப⁴த்தங் உத்தரபத³லோபேன, தஞ்ச ததா² வத்வாவ தி³ன்னங். குடிப⁴த்தங் நாம ஸங்க⁴ஸ்ஸ ஆவாஸங் கத்வா ‘‘அம்ஹாகங் ஸேனாஸனவாஸினோ அம்ஹாகங் ப⁴த்தங் க³ண்ஹந்தூ’’தி தி³ன்னங். பன்னரஸவித⁴ங் ஸப்³ப³மேவ ப⁴த்தங் இத⁴ இமஸ்மிங் ஸேனாஸனக்க²ந்த⁴கே உத்³தி³ட்ட²ங் கதி²தங். ஏதேஸங் வித்தா²ரவினிச்ச²யோ அத்தி²கேஹி ஸமந்தபாஸாதி³காய க³ஹேதப்³போ³.
2913. பச்சயபா⁴ஜனே மிச்சா²படிபத்தியா மஹாதீ³னவத்தா அப்பமத்தேனேவ படிபஜ்ஜிதப்³ப³ந்தி பச்சயபா⁴ஜனகங் அனுஸாஸந்தோ ஆஹ ‘‘பாளி’’ந்திஆதி³.
ஸேனாஸனக்க²ந்த⁴ககதா²வண்ணனா.