சதுவிபத்திகதா²வண்ணனா
273. இதா³னி உப⁴யஸாதா⁴ரணங் கத்வா விபத்திவாராதீ³னங் விஸிட்ட²வாரானங் ஸங்க³ஹங் காதுமாஹ ‘‘கதி ஆபத்தியோ’’திஆதி³.
274. பி⁴க்கு²னீ ஸசே சா²தே³தி, சுதா ஹோதி. ஸசே வேமதிகா சா²தே³தி, து²ல்லச்சயங் ஸியாதி யோஜனா.
275. ஸங்கா⁴தி³ஸேஸந்தி பரஸ்ஸ ஸங்கா⁴தி³ஸேஸங்.
276. ‘‘கதி ஆசாரவிபத்திபச்சயா’’தி பத³ச்சே²தோ³.
277. ஆசாரவிபத்திந்தி
279. பாபிகங் தி³ட்டி²ந்தி அஹேதுகஅகிரியனத்தி²கதி³ட்டி²ஆதி³ங் லாமிகங் தி³ட்டி²ங்.
281. மனுஸ்ஸுத்தரித⁴ம்மந்தி உத்தரிமனுஸ்ஸத⁴ம்மங்.
282. ஆஜீவஹேது பரியாயவசனேதி ‘‘யோ தே விஹாரே வஸதி, ஸோ பி⁴க்கு² அரஹா’’திஆதி³கே லேஸவசனே. ஞாதேதி யங் உத்³தி³ஸ்ஸ வத³தி, தஸ்மிங் மனுஸ்ஸஜாதிகே வசனஸமனந்தரமேவ ஞாதே.
283. வத்வாதி அகி³லானோ அத்தனோ அத்தா²ய விஞ்ஞாபெத்வா. பி⁴க்கு²னீ பன ஸசே ஏவங் ஹோதி, பி⁴க்கு²னீ அகி³லானா அத்தனோ அத்தா²ய பணீதபோ⁴ஜனங் விஞ்ஞாபெத்வா பு⁴த்தாவினீ ஸசே ஹோதீதி அதி⁴ப்பாயோ. தஸ்ஸா பாடிதே³ஸனீயங் ஸியாதி யோஜனா.
284. ‘‘அத்தனோ அத்தா²ய விஞ்ஞாபெத்வானா’’தி இமினா பரஸ்ஸ ஞாதகபவாரிதே தஸ்ஸேவத்தா²ய விஞ்ஞாபெத்வா தேன தி³ன்னங் வா தஸ்ஸ விஸ்ஸாஸேன வா பரிபு⁴ஞ்ஜந்தஸ்ஸ தேஸங் அத்தனோ அஞ்ஞாதகஅப்பவாரிதே ஸுத்³த⁴சித்ததாய அனாபத்தீதி தீ³பேதி.
இதி உத்தரே லீனத்த²பகாஸனியா
சதுவிபத்திகதா²வண்ணனா நிட்டி²தா.