மூலஸிக்கா²-டீகா
க³ந்தா²ரம்ப⁴கதா²
ஸப்³ப³காமத³த³ங்
உத்தமங் உத்தமதரங், வந்தி³த்வா வந்த³னாரஹங்.
சரணே ப்³ரஹ்மசாரீனங், ஆசரியானங் ஸிரங் மம;
ட²பெத்வான கரிஸ்ஸாமி, மூலஸிக்க²த்த²வண்ணனங்.
க³ந்தா²ரம்ப⁴கதா²வண்ணனா
தத்தா²தோ³ தாவ ஸப்³ப³ஸக்கதஸ்ஸ ஸப்³ப³ஸத்துத்தமஸ்ஸ ஸத்து²னோ பணாமங் த³ஸ்ஸெந்தோ ஆஹ ‘‘நத்வா நாத²’’ந்த்யாதி³. நாத²ங் சதூஹி நாத²ங்கே³ஹி ஸமன்னாக³தங் ப⁴க³வந்தங் நத்வா வந்தி³த்வா ஆதோ³ ஆதி³ம்ஹி உபஸம்பன்னதோ பட்டா²ய நவகேன பி⁴க்கு²னா அது⁴னா பப்³ப³ஜிதேன உபஸம்பன்னேன மூலபா⁴ஸாய மாக³த⁴பா⁴ஸாய ஸிக்கி²துங் ஸமாஸதோ ஸங்கே²பேன மூலஸிக்க²ங் அஹங் பவக்கா²மீதி பிண்ட³த்தோ².
அயங் நத்வாதி தன்னின்னதப்போணதப்பப்³பா⁴ரோ ஹுத்வா காயவசீமனொத்³வாரேஹி வந்தி³த்வாதி அத்தோ². நாத²தீதி நாதோ², வேனெய்யானங் ஹிதஸுக²ங் மெத்தாயனவஸேன ஆஸீஸதி பத்தே²தீதி அத்தோ², அத² வா நாத²தி வேனெய்யக³தே பவக்கா²மீதி பகாரேன கதெ²ஸ்ஸாமி. மூலஸிக்கா²தி அதி⁴ஸீலஅதி⁴சித்தஅதி⁴பஞ்ஞாவஸேன திஸ்ஸோபி ஸிக்கா², உபஸம்பன்னஸ்ஸ ஸுப்பதிட்டி²தபா⁴வஸாத⁴னட்டே²ன மூலா ச ஸா ஸிக்கி²தப்³ப³தோ ஸிக்கா² சாதி மூலஸிக்கா². க³ந்த²வஸேனெத்த² ஸங்கி²பித்வா வுத்தத்தா தத்³தீ³பனோ க³ந்தோ² ‘‘மூலஸிக்கா²’’தி வுச்சதி.
தத்த² கதமங் ஸீலங், கதமங் அதி⁴ஸீலங், கதமங் சித்தங், கதமங் அதி⁴சித்தங், கதமா பஞ்ஞா, கதமா அதி⁴பஞ்ஞாதி? வுச்சதே – பஞ்சங்க³அட்ட²ங்க³த³ஸங்க³ஸீலங் தாவ ஸீலமேவ. பாதிமொக்க²ஸங்வரஸீலங் பன ‘‘அதி⁴ஸீல’’ந்தி வுச்சதி. தஞ்ஹி ஸூரியோ விய பஜ்ஜோதானங், ஸினேரு விய பப்³ப³தானங் ஸப்³ப³லோகியஸீலானங் அதி⁴கஞ்சேவ உத்தமஞ்ச. பாதிமொக்க²ஸங்வரதோபி ச மக்³க³ப²லஸம்பயுத்தமேவ ஸீலங் அதி⁴ஸீலங், தங் பன இத⁴ நாதி⁴ப்பேதங். ந ஹி தங் ஸிக்க²ந்தோ மேது²னங் த⁴ம்மங் படிஸேவதி. காமாவசரானி பன அட்ட² குஸலசித்தானி, லோகியஅட்ட²ஸமாபத்திசித்தானி ச ஏகஜ்ஜ²ங் கத்வா சித்தமேவ. விபஸ்ஸனாபாத³கங் அட்ட²ஸமாபத்திசித்தங் பன ‘‘அதி⁴சித்த’’ந்தி வுச்சதி. தஞ்ஹி ஸப்³ப³லோகியசித்தானங் அதி⁴கஞ்சேவ உத்தமஞ்ச. ததோபி ச மக்³க³ப²லசித்தமேவ அதி⁴சித்தங், தங் பன இத⁴ நாதி⁴ப்பேதங். ந ஹி தங் ஸிக்க²ந்தோ மேது²னங் த⁴ம்மங் படிஸேவதி. ‘‘அத்தி² தி³ன்னங், அத்தி² யிட்ட²’’ந்திஆதி³னயப்பவத்தங் கம்மஸ்ஸகதாஞாணங் பஞ்ஞா, திலக்க²ணாகாரபரிச்சே²த³கங் பன விபஸ்ஸனாஞாணங் ‘‘அதி⁴பஞ்ஞா’’தி
தாஸு தீஸு அதி⁴ஸீலஸிக்கா² சாரித்தவாரித்தவஸேன து³வித⁴ம்பி ஸீலங் யதா²னுஸிட்ட²ங் படிபஜ்ஜமானேன, தப்படிபக்கே² கிலேஸே தத³ங்க³ப்பஹானவஸேன பஜஹந்தேன ஸிக்கி²தப்³பா³. அதி⁴சித்தஸிக்கா²
ஸமாஸீயதே ஸங்கி²பீயதேதி ஸமாஸோ, ததோ ஸமாஸதோ. ஸமக்³கே³ன ஸங்கே⁴ன ஞத்திசதுத்தே²ன கம்மேன அகுப்பேன டா²னாரஹேன உபஸம்பன்னோதி பி⁴க்கு². தத்த² ஸப்³ப³ந்திமேன பரியாயேன பஞ்சவக்³க³கரணீயே கம்மே யாவதிகா பி⁴க்கூ² கம்மப்பத்தா, தேஸங் ஆக³தத்தா, ச²ந்தா³ரஹானங் ச²ந்த³ஸ்ஸ ஆஹடத்தா, ஸம்முகீ²பூ⁴தானஞ்ச அப்படிக்கோஸனதோ ஏகஸ்மிங் கம்மே ஸமக்³க³பா⁴வங் உபக³தேன ஸங்கே⁴ன தீஹி அனுஸ்ஸாவனாஹி ஏகாய ஞத்தியா காதப்³ப³கம்மஸங்கா²தேன ஞத்திசதுத்தே²ன த⁴ம்மிகேன வினயகம்மேன வத்து²ஞத்திஅனுஸ்ஸாவனஸீமாபரிஸாஸம்பத்திஸம்பன்னத்தா அகோபேதப்³ப³தங், அப்படிக்கோஸிதப்³ப³தங் உபக³தேன டா²னாரஹேன காரணாரஹேன ஸத்து²ஸாஸனாரஹேன உபஸம்பன்னோ நாம, உபரிபா⁴வங் ஸமாபன்னோ பத்தோதி அத்தோ². பி⁴க்கு²பா⁴வோ ஹி உபரிபா⁴வோ. தஞ்சேஸ யதா²வுத்தேன கம்மேன ஸமாபன்னத்தா ‘‘உபஸம்பன்னோ’’தி வுச்சதி, தேன பி⁴க்கு²னா. ஊனபஞ்சவஸ்ஸதாய நவகோ, தேன நவகேன ஆதோ³தி ஆதி³ம்ஹியேவாதி அத்தோ², ஆதி³தோ பட்டா²யாதி வா. அபி ச தே²ரோ ‘‘ஆதோ³’’தி வசனேன ஸத்³தா⁴பப்³ப³ஜிதானங் குலபுத்தானங் ஆலஸியதோ³ஸேன, அப்படிபஜ்ஜந்தானங் அஞ்ஞாணதோ³ஸேன ச அஞ்ஞதா² படிபஜ்ஜந்தானங் ஸங்வேக³ங் ஜனேதி. கத²ங்? அதிது³ல்லப⁴ங் க²ணங் ஸமவாயங் படிலபி⁴த்வா தங்க²ணங் ந குஸீதேன வா நிரத்த²ககதா²பஸுதேன வா வீதினாமேதப்³ப³ங், கிங் காதப்³ப³ங்? ஆதி³தோ பட்டா²ய நிரந்தரமேவ தீஸு ஸிக்கா²ஸு ஆத³ரோ ஜனேதப்³போ³தி.
‘‘ஸா மாக³தீ⁴ மூலபா⁴ஸா, நரா யாயாதி³கப்பிகா;
ப்³ரஹ்மானோ சஸ்ஸுதாலாபா, ஸம்பு³த்³தா⁴ சாபி பா⁴ஸரே’’தி. –
வசனதோ மூலபா⁴ஸாயாதி மாக³த⁴மூலாய பா⁴ஸாய, ஸபா⁴வனிருத்தியா பா⁴ஸாயாதி வுத்தங் ஹோதி. ஸிக்கி²துந்தி உக்³க³ண்ஹிதுங்.
1. பாராஜிகனித்³தே³ஸவண்ணனா
1. இதா³னி ‘‘ஸங் நிமித்த’’ந்த்யாதி³மாஹ. தத்த² மக்³க³த்தயே ஸங் நிமித்தங் பவேஸந்தோ பி⁴க்கு² சுதோதி அத்தோ². ஸங் நிமித்தந்தி அத்தனோ அங்க³ஜாதங், ஸப்³ப³ந்திமேன பரிச்சே²தே³ன ஏகதிலபீ³ஜமத்தம்பி அத்தனோ அங்க³ஜாதந்தி வுத்தங் ஹோதி. பி⁴க்கூ²தி அனிக்கி²த்தஸிக்கோ². மக்³க³த்தயேதி எத்த² மனுஸ்ஸாமனுஸ்ஸதிரச்சா²னக³தானங் வஸேன திஸ்ஸோ இத்தி²யோ, தயோ உப⁴தொப்³யஞ்ஜனகா, தயோ பண்ட³கா, தயோ புரிஸாதி பாராஜிகவத்து²பூ⁴தானங் நிமித்தானங் நிஸ்ஸயா த்³வாத³ஸ ஸத்தா ஹொந்தி. தேஸங் வச்சபஸ்ஸாவமுக²மக்³க³வஸேன தயோ மக்³கா³. தத்த² மனுஸ்ஸித்தி²யா தயோ, அமனுஸ்ஸித்தி²யா தயோ, திரச்சா²னக³தித்தி²யா தயோதி நவ சுதோதி ஸக்கத்தா வா ப்³ரஹ்மத்தா வா சுதஸத்தோ விய ஸாஸனதோ சுதோ ஹோதி, பாராஜிகோ ஹோதீதி அத்தோ².
இதா³னி பவேஸனங் நாம ந கேவலங் அத்துபக்கமேனேவ ஹோதி, பரூபக்கமேனாபி ஹோதி, தத்தா²பி ஸேவனசித்தே ஸதி பாராஜிகோ ஹோதீதி த³ஸ்ஸனத்த²ங் ‘‘பவேஸனா’’த்யாதி³ வுத்தங். தஸ்ஸத்தோ² – யோ பி⁴க்கு² பவேஸனட்டி²தஉத்³த⁴ரணபவிட்ட²க்க²ணேஸு அஞ்ஞதரங் க²ணங் சேபி ஸாதி³யங் ஸாதி³யந்தோ ஸசேபி தஸ்மிங் க²ணே ஸேவனசித்தங் உபட்டா²பெந்தோ, சுதோ பாராஜிகோ ஹோதி. யோ பன ஸப்³ப³ஸோ அஸாதி³யந்தோ ஆஸீவிஸமுக²ங் அங்கா³ரகாஸுங் பவிட்ட²ங் விய ச மஞ்ஞதி, ஸோ நிப்பராதோ⁴ ஹோதி. எத்த² பன டி²தங் நாம ஸுக்கவிஸ்ஸட்டி²ஸமயப்பத்தங். பட²மபாராஜிகங்.
2-7. இதா³னி து³தியங் த³ஸ்ஸேதுங் ‘‘அதி³ன்னங் மானுஸங் ப⁴ண்ட³’’ந்த்யாதி³மாஹ. தத்த² யோ பி⁴க்கு² அதி³ன்னங் மானுஸங் க³ருகங் ப⁴ண்ட³ங் பஞ்சவீஸாவஹாரேஸு யேன கேனசி அவஹாரேன ஆதி³யந்தோ சுதோ ப⁴வேதி ஸம்ப³ந்தோ⁴. அதி³ன்னந்தி யங் கிஞ்சி பரபரிக்³க³ஹிதங் ஸஸ்ஸாமிகங் ப⁴ண்ட³ங், தங் தேஹி ஸாமிகேஹி காயேன வா வாசாய வா ந தி³ன்னந்தி அதி³ன்னங், அனிஸ்ஸட்ட²ங் அபரிச்சத்தங் ரக்கி²தங் கோ³பிதங் மமாயிதங் பரபரிக்³க³ஹிதங். மனுஸ்ஸஸ்ஸ இத³ந்தி மானுஸங், மனுஸ்ஸஸந்தகங், ‘‘ப⁴ண்ட³’’ந்திமினா துல்யாதி⁴கரணங் தெ²ய்யாயேகேனாதி தெ²ய்யாய ஏகேன, ஏகேன அவஹாரேனாதி அத்தோ². லிங்க³பே⁴த³ங் கத்வா வுத்தங். ‘‘தெ²ய்யா கேனசீ’’தி வா பாடோ². தத்த² தே²னோதி சோரோ, தே²னஸ்ஸ பா⁴வோ தெ²ய்யா, கரணத்தே² சேதங் பச்சத்தவசனங், தஸ்மா கேனசி தெ²ய்யேன ஆதி³யந்தி ஆதி³யந்தோ க³ண்ஹந்தோ. பஞ்சவீஸாவஹாரேஸூதி பஞ்சபஞ்சகே ஸமோதா⁴னெத்வா பஞ்சவீஸதி அவஹாரா. தத்த² பஞ்சபஞ்சகானி நாம நானாப⁴ண்ட³பஞ்சகங் ஏகப⁴ண்ட³பஞ்சகங் ஸாஹத்தி²கபஞ்சகங் புப்³ப³ப்பயோக³பஞ்சகங் தெ²ய்யாவஹாரபஞ்சகந்தி.
தத்த² ஸவிஞ்ஞாணகாவிஞ்ஞாணகமிஸ்ஸகப⁴ண்ட³வஸேன நானாப⁴ண்ட³பஞ்சகங், ஸவிஞ்ஞாணகப⁴ண்ட³வஸேன ஏகப⁴ண்ட³பஞ்சகங். தத்த² நானாப⁴ண்ட³வஸேன தாவ ஏவங் வேதி³தப்³போ³ – யோ ஆராமங் அபி⁴யுஞ்ஜதி, ஆபத்தி து³க்கடஸ்ஸ. ஸாமிகஸ்ஸ விமதிங் உப்பாதே³தி, ஆபத்தி து²ல்லச்சயஸ்ஸ. ஸாமிகோ ‘‘ந மய்ஹங் ப⁴விஸ்ஸதீ’’தி து⁴ரங் நிக்கி²பதி, ஆபத்தி பாராஜிகஸ்ஸ. அஞ்ஞஸ்ஸ ப⁴ண்ட³ங் ஹரந்தோ ஸீஸே பா⁴ரங் தெ²ய்யசித்தோ ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. க²ந்த⁴ங் ஓரோபேதி, ஆபத்தி பாராஜிகஸ்ஸ. உபனிக்கி²த்தங் ப⁴ண்ட³ங் ‘‘தே³ஹி மே ப⁴ண்ட³’’ந்தி வுச்சமானோ ‘‘நாஹங் க³ண்ஹாமீ’’தி ப⁴ணதி, ஆபத்தி து³க்கடஸ்ஸ. ஸாமிகஸ்ஸ விமதிங் உப்பாதே³தி, ஆபத்தி து²ல்லச்சயஸ்ஸ. ஸாமிகோ ‘‘ந மய்ஹங் த³ஸ்ஸதீ’’தி து⁴ரங் நிக்கி²பதி, ஆபத்தி பாராஜிகஸ்ஸ. ‘‘ஸஹப⁴ண்ட³ஹாரகங் நெஸ்ஸாமீ’’தி பட²மங் பாத³ங் ஸங்காமேதி, ஆபத்தி து²ல்லச்சயஸ்ஸ. து³தியங் பாத³ங் ஸங்காமேதி, ஆபத்தி பாராஜிகஸ்ஸ. த²லட்ட²ங் ப⁴ண்ட³ங் தெ²ய்யசித்தோ ஆமஸதி, ஆபத்தி து³க்கடஸ்ஸ. ப²ந்தா³பேதி, ஆபத்தி து²ல்லச்சயஸ்ஸ. டா²னா சாவேதி, ஆபத்தி பாராஜிகஸ்ஸ. அயமெத்த² நானாப⁴ண்ட³வஸேன யோஜனா. ஏகப⁴ண்ட³வஸேன பன ஸஸ்ஸாமிகங் தா³ஸங் வா திரச்சா²னங் வா யதா²வுத்தேன அபி⁴யோகா³தி³னா நயேன ஆதி³யதி வா ஹரதி வா அவஹரதி வா இரியாபத²ங் கோபேதி வா டா²னா சாவேதி வாதி. அயமெத்த² ஏகப⁴ண்ட³வஸேன யோஜனா.
பஞ்ச அவஹாரா ஸாஹத்தி²கோ ஆணத்திகோ நிஸ்ஸக்³கி³யோ அத்த²ஸாத⁴கோ து⁴ரனிக்கே²போதி. தத்த² ஸாஹத்தி²கோ நாம ஆணத்திகோ நாம ‘‘அஸுகஸ்ஸ ப⁴ண்ட³ங் அவஹரா’’தி அஞ்ஞங் ஆணாபேதி. நிஸ்ஸக்³கி³யோ நாம அந்தோஸுங்ககா⁴தே டி²தோ ப³ஹிஸுங்ககா⁴தங் பாதேதி, ஆபத்தி பாராஜிகஸ்ஸ. அத்த²ஸாத⁴கோ நாம ‘‘அஸுகங் ப⁴ண்ட³ங் யதா³ ஸக்கோஸி, ததா³ அவஹரா’’தி ஆணாபேதி. தத்த² ஸசே பரோ அனந்தராயிகோ ஹுத்வா தங் அவஹரதி, ஆணாபகோ ஆணத்திக்க²ணேயேவ து⁴ரனிக்கே²போ பன உபனிக்கி²த்தப⁴ண்ட³வஸேன வேதி³தப்³போ³தி இத³ங் ஸாஹத்தி²கபஞ்சகங்.
அபரேபி பஞ்ச அவஹாரா புப்³ப³ப்பயோகோ³ ஸஹப்பயோகோ³ ஸங்விதா⁴வஹாரோ ஸங்கேதகம்மங் நிமித்தகம்மந்தி. தத்த² ஆணத்திவஸேன புப்³ப³ப்பயோகோ³ வேதி³தப்³போ³, டா²னாசாவனவஸேன ஸஹப்பயோகோ³. ஸங்விதா⁴வஹாரோ நாம ஸம்ப³ஹுலா பி⁴க்கூ² ‘‘அமுகங் நாம கே³ஹங் க³ந்த்வா, ச²த³னங் வா பி⁴ந்தி³த்வா, ஸந்தி⁴ங் வா சி²ந்தி³த்வா ப⁴ண்ட³ங் ஹரிஸ்ஸாமா’’தி ஸங்வித³ஹித்வா க³ச்ச²ந்தி, தேஸு ஏகோ ப⁴ண்ட³ங் அவஹரதி, தஸ்ஸுத்³தா⁴ரே ஸப்³பே³ஸங் பாராஜிகங். ஸங்கேதகம்மங் நாம ஸஞ்ஜானநகம்மங் காலபரிச்சே²த³வஸேன ஸஞ்ஞாகரணங். எத்த² ச ‘‘புரேப⁴த்தங் அவஹரா’’தி வுத்தே அஜ்ஜ வா புரேப⁴த்தங் அவஹரது, ஸ்வே வா அனாக³தே ஸங்வச்ச²ரே வா, நத்தி² விஸங்கேதோ, ஸங்கேதகாரகஸ்ஸ ஆணத்திக்க²ணே, இதரஸ்ஸ டா²னா சாவனேதி ஏவங் ஆபத்தி உபி⁴ன்னங் பாராஜிகஸ்ஸ. நிமித்தகம்மங் நாம ஸஞ்ஞுப்பாத³னத்த²ங் கஸ்ஸசி நிமித்தஸ்ஸ கரணங் அக்கி²னிக²ணனஹத்தா²லங்க⁴னபாணிப்பஹாரஅங்கு³லிபோ²டனகீ³வுன்னாமனஉக்காஸனாதி³னா அனேகப்பகாரங். அவஹாரகோ ஆணாபகேன யங் நிமித்தஸஞ்ஞங் கத்வா வுத்தங், தங் ‘‘ஏத’’ந்தி மஞ்ஞமானோ தமேவ அவஹரதி, உபி⁴ன்னங் பாராஜிகங். யங் ‘‘அவஹரா’’தி வுத்தங், தங் ‘‘ஏத’’ந்தி மஞ்ஞமானோ அஞ்ஞங் தஸ்மிங்யேவ டா²னே ட²பிதங் அவஹரதி, மூலட்ட²ஸ்ஸ அனாபத்தி. இத³ங் புப்³ப³ப்பயோக³பஞ்சகங்.
அபரேபி தெ²ய்யாவஹாரோ. யோ ஸந்தஜ்ஜெத்வா ஸயங் த³ஸ்ஸெத்வா தேஸங் ஸந்தகங் க³ண்ஹாதி, யோ வா அத்தனோ பத்தப³லிதோ ச அதி⁴கங் ப³லக்காரேன க³ண்ஹாதி ராஜராஜமஹாமத்தாத³யோ விய, தஸ்ஸேவங் க³ண்ஹதோ அவஹாரோ பஸய்ஹாவஹாரோ. பரிகப்பெத்வா க³ண்ஹதோ பனாவஹாரோ பரிகப்பாவஹாரோ. ஸோ து³விதோ⁴ ப⁴ண்டோ³காஸபரிகப்பவஸேன. தத்ர யோ ‘‘ஸாடகோ சே, க³ண்ஹிஸ்ஸாமி, ஸுத்தங் சே, ந க³ண்ஹிஸ்ஸாமீ’’தி பரிகப்பெத்வா அந்த⁴காரே பஸிப்³ப³கங் க³ண்ஹாதி, தத்ர ஸாடகோ சே, உத்³தா⁴ரேயேவ பாராஜிகங், ஸுத்தங் சே ஹோதி, ரக்க²தி. அயங் ப⁴ண்ட³பரிகப்போ நாம. யோ டா²னங் பரிகப்பெத்வா ப⁴ண்ட³ங் க³ண்ஹாதி, தஸ்ஸ தங் பரிகப்பிதபரிச்சே²த³ங் அதிக்கந்தமத்தே பாராஜிகங். அயங் ஓகாஸபரிகப்போ நாம. ஏவமிமேஸங் த்³வின்னங் பரிகப்பானங் வஸேன பரிகப்பெத்வா க³ண்ஹதோ அவஹாரோ பரிகப்பாவஹாரோ. படிச்சா²தெ³த்வா பரஸ்ஸ ப⁴ண்ட³ங் க³ண்ஹதோ அவஹாரோ படிச்ச²ன்னாவஹாரோ நாம. குஸங் ஸங்காமெத்வா குஸாவஹாரோ. யோ குஸங் பாதெத்வா சீவரே பா⁴ஜியமானே அத்தனோ கொட்டா²ஸஸ்ஸ ஸமீபே டி²தங் அப்பக்³க⁴தரங் வா மஹக்³க⁴தரங் வா ஸமஸமங் வா பரஸ்ஸ கொட்டா²ஸங் தி³ஸ்வா ஸசே பட²மதரங் பரகொட்டா²ஸதோ குஸத³ண்ட³கங் உத்³த⁴ரதி, அத்தனோ கொட்டா²ஸே பாதேதுகாமதாய உத்³தா⁴ரே ரக்க²தி, பாதனேபி ரக்க²தி, அத்தனோ கொட்டா²ஸதோ பன குஸத³ண்ட³ங் உத்³த⁴ரதி, உத்³தா⁴ரே ரக்க²தி, தங் உத்³த⁴ரித்வா பரகொட்டா²ஸே பாதெந்தஸ்ஸ ஹத்த²தோ முத்தமத்தே பாராஜிகங். அயங் குஸாவஹாரோ நாமாதி இமேஸு பஞ்சவீஸாவஹாரேஸு யேன கேனசி அவஹாரேன க³ண்ஹந்தோ பாராஜிகோ ப⁴வேதி அத்தோ².
க³ருகந்தி
8. இதா³னி ததியங் த³ஸ்ஸேதுங் ‘‘மனுஸ்ஸபாணங் பாணோ’’த்யாதி³ வுத்தங். தத்த² யோ பி⁴க்கு² ‘‘மனுஸ்ஸபாணோ’’ இதி ஜானந்தோ வத⁴கசித்தேன மனுஸ்ஸபாணங் ஜீவிதா வியோஜேதி, ஸோ பி⁴க்கு² ஸாஸனா பாராஜிகோ ஹோதீதி ஸமுதா³யத்தோ².
மனுஸ்ஸபாணந்தி மாதுகுச்சி²ஸ்மிங் படிஸந்தி⁴சித்தேன ஸஹுப்பன்னங் அதிபரித்தங் கலலரூபங் ஆதி³ங் கத்வா பகதியா வீஸவஸ்ஸஸதாயுகஸ்ஸ ஸத்தஸ்ஸ யாவ மரணகாலா எத்த²ந்தரே அனுபுப்³பே³ன வுத்³தி⁴ப்பத்தோ அத்தபா⁴வோ, ஏஸோ மனுஸ்ஸபாணோ நாம, ஏவரூபங் மனுஸ்ஸபாணந்தி அத்தோ². பாணோதி ஜானந்தி ‘‘பாணோ’’ இதி ஜானந்தோ ‘‘தங் ஜீவிதா வோரோபேமீ’’தி ஜானந்தோ. வத⁴கசேதஸாதி வத⁴கசித்தேன, இத்த²ம்பூ⁴தே கரணவசனங், வத⁴கசித்தோ ஹுத்வா மரணாதி⁴ப்பாயோ ஹுத்வாதி வுத்தங் ஹோதி. ஜீவிதாதி ஜீவிதிந்த்³ரியதோ. யோதி அனியமவசனங். ஸோதி ஏதேன நியமனங் வேதி³தப்³ப³ங். வியோஜேதீதி வுத்தப்பகாரங் மனுஸ்ஸவிக்³க³ஹங் கலலகாலேபி தாபனமத்³த³னேஹி வா பே⁴ஸஜ்ஜஸம்பதா³னேன வா ததோ வா உத்³த⁴ம்பி தத³னுரூபேன உபக்கமேன ஜீவிதா வியோஜேதீதி அத்தோ². ஸாஸனாதி பராபுப்³ப³ஜிதா⁴துப்பயோகே³ நிஸ்ஸக்கவசனங், தேன ஸத்து²ஸாஸனதோதி அத்தோ². பராஜிதோதி பராஜயமாபன்னோ. ஹோதீதி பாட²ஸேஸோ. ததியபாராஜிகங்.
9. இதா³னி ‘‘ஜா²னாதி³பே⁴த³’’ந்த்யாதி³ வுத்தங். தத்த² யோ பி⁴க்கு² அஞ்ஞாபதே³ஸஞ்ச அதி⁴மானஞ்ச வஜ்ஜெத்வா ஹத³யே அஸந்தங் ஜா²னாதி³பே⁴த³ங் த⁴ம்மங் மனுஸ்ஸஜாதிகஸ்ஸ ஸத்தஸ்ஸ வதெ³ய்ய, தஸ்மிங் க²ணே ஞாதே ஸோ ததோ ஸாஸனா பாராஜிகோ ஏவ ஹோதீதி அத்தோ².
ஜா²னாதி³பே⁴த³ந்தி ‘‘ஜா²னங் விமொக்கோ² ஸமாதி⁴ ஸமாபத்தி ஞாணத³ஸ்ஸனங் மக்³க³பா⁴வனா ப²லஸச்சி²கிரியா கிலேஸப்பஹானங் வினீவரணதா சித்தஸ்ஸ ஸுஞ்ஞாகா³ரே அபி⁴ரதீ’’தி (பாரா॰ 198) ஏவங் வுத்தங் ஜா²னாதி³பே⁴த³ங் உத்தரிமனுஸ்ஸத⁴ம்மங். ஹத³யேதி சித்தே. அஸந்தந்தி அஸங்விஜ்ஜமானங். அஞ்ஞாபதே³ஸந்தி ‘‘யோ தே விஹாரே வஸி, ஸோ பி⁴க்கு² பட²மஸ்ஸ ஜா²னஸ்ஸ லாபீ⁴’’திஆதி³னா நயேன அஞ்ஞாபதே³ஸங் வஜ்ஜெத்வாதி அத்தோ². வினாதி வஜ்ஜனத்தே² நிபாதோ, தஸ்ஸ வஜ்ஜெத்வாதி அத்தோ². அதி⁴மானந்தி ‘‘அதி⁴க³தா மயா’’தி ஏவங் உப்பன்னங் மானந்தி அத்தோ². அதி⁴க³தோ மானோதி விக்³க³ஹோ, தங் அதி⁴மானங் வஜ்ஜெத்வாதி அத்தோ². மனுஸ்ஸஜாதிஸ்ஸாதி மனுஸ்ஸஜாதிகஸ்ஸ, ந தே³வப்³ரஹ்மாதீ³ஸு அஞ்ஞதரஸ்ஸாதி அத்தோ². வதெ³ய்யாதி ஆரோசெய்ய. ஞாதக்க²ணேதி ஞாதே க²ணேதி சே²தோ³, தஸ்மிங் தேனாரோசிதக்க²ணே மனுஸ்ஸஜாதிகேன ஞாதேதி அத்தோ². தேனாதி நிஸ்ஸக்கே கரணவசனங், ததோ ஸாஸனதோ பாராஜிகோதி அத்தோ². சதுத்த²பாராஜிகங்.
பாராஜிகனித்³தே³ஸவண்ணனா நிட்டி²தா.
2. க³ருகாபத்தினித்³தே³ஸவண்ணனா
10. இதா³னி ஸங்கா⁴தி³ஸேஸங் பகாஸேதுங் ‘‘மோசேதுகாமசித்தேனா’’திஆதி³மாரத்³த⁴ங். தத்த² மோசேதுங் காமேதீதி மோசேதுகாமங், மோசேதுகாமஞ்ச தங் சித்தஞ்சாதி மோசேதுகாமசித்தங்
தத்ரிமே ஏகாத³ஸ அஸ்ஸாதா³ மோசனஸ்ஸாதோ³ முச்சனஸ்ஸாதோ³ முத்தஸ்ஸாதோ³ மேது²னஸ்ஸாதோ³ ப²ஸ்ஸஸ்ஸாதோ³ கண்டூ³வனஸ்ஸாதோ³ த³ஸ்ஸனஸ்ஸாதோ³ நிஸஜ்ஜஸ்ஸாதோ³ வாசஸ்ஸாதோ³ கே³ஹஸிதபேமங் வனப⁴ங்கி³யந்தி. தத்த² மோசனஸ்ஸாத³சேதனாய சேதெந்தோ சேவ அஸ்ஸாதெ³ந்தோ ச உபக்கமதி, முச்சதி, ஸங்கா⁴தி³ஸேஸோ முச்சனஸ்ஸாதே³ அத்தனோ த⁴ம்மதாய முச்சமானங் அஸ்ஸாதே³தி, ந உபக்கமதி, முச்சதி, அனாபத்தி. முத்தஸ்ஸாதே³ அத்தனோ த⁴ம்மதாய முத்தே டா²னா சுதே அஸுசிம்ஹி பச்சா² அஸ்ஸாதெ³ந்தஸ்ஸ வினா உபக்கமேன முச்சதி, அனாபத்தி. மேது²னஸ்ஸாதே³ மேது²னராகே³ன மாதுகா³மங் க³ண்ஹாதி, தேன அஸுசி முச்சதி, அனாபத்தி, து³க்கடங் பன ஆபஜ்ஜதி. ப²ஸ்ஸஸ்ஸாதோ³ து³விதோ⁴ அஜ்ஜ²த்திகோ பா³ஹிரோ சாதி. தத்த² அத்தனோ நிமித்தங் ‘‘த²த்³த⁴ங், முது³கந்தி ஜானிஸ்ஸாமீ’’தி வா லோலபா⁴வேன வா கீளாபயதோ அஸுசி முச்சதி, அனாபத்தி. பா³ஹிரப²ஸ்ஸஸ்ஸாதே³ பன காயஸங்ஸக்³க³ராகே³ன இத்தி²ங் பு²ஸதோ, ஆலிங்க³தோ ச அஸுசி முச்சதி, அனாபத்தி, காயஸங்ஸக்³க³ஸங்கா⁴தி³ஸேஸங் பன ஆபஜ்ஜதி.
கண்டூ³வனஸ்ஸாதே³ த³த்³து³கச்சு²பிளகபாணகாதீ³னங் அஞ்ஞதரேன க²ஜ்ஜமானங் நிமித்தங் கண்டூ³வனஸ்ஸாதே³ன கண்டூ³வதோ அஸுசி முச்சதி, அனாபத்தி. த³ஸ்ஸனஸ்ஸாதே³ இத்தி²யா அனோகாஸங் உபனிஜ்ஜா²யதோ அஸுசி முச்சதி, அனாபத்தி, து³க்கடங் பன ஹோதி. நிஸஜ்ஜஸ்ஸாதே³ மாதுகா³மேன ஸத்³தி⁴ங் ரஹோ நிஸின்னஸ்ஸ முத்தேபி அனாபத்தி வாசஸ்ஸாதே³ மாதுகா³மங் மேது²னப்படிஸங்யுத்தாஹி வாசாஹி ஓபா⁴ஸந்தஸ்ஸ முத்தேபி அனாபத்தி, து³ட்டு²ல்லவாசாஸங்கா⁴தி³ஸேஸங் பன ஆபஜ்ஜதி. கே³ஹஸிதபேமே மாதாதீ³னங் மாதாதி³பேமேன ஆலிங்க³னாதி³ங் கரொந்தஸ்ஸ முத்தேபி அனாபத்தி. வனப⁴ங்க³ங் ஸந்த²வகரணத்தா²ய இத்தி²யா பேஸிதபுப்பா²தி³வனப⁴ங்க³ஸஞ்ஞிதங் பண்ணாகாரங் ‘‘இத்த²ன்னாமாய இமங் பேஸித’’ந்தி அஸ்ஸாதே³ன ஆமஸந்தஸ்ஸ முத்தேபி அனாபத்தீதி. ஏவமேதேஸு மோசனஸ்ஸாதே³ன ஆபத்தி ஹோதீதி த³ஸ்ஸேதுங் ‘‘மோசேது…பே॰… நா’’தி வுத்தங். அத² வா மோசேதுகாமங் சித்தங் யஸ்ஸ ஸோயங் மோசேதுகாமசித்தோ, தேன, இத்த²ம்பூ⁴தே கரணவசனங், மோசேதுகாமசித்தோ ஹுத்வாதி அத்தோ².
உபக்கம்மாதி ஹத்தா²தீ³ஸு யேன கேனசி நிமித்தே உபக்கமித்வாதி அத்தோ². விமோசயந்தி யங் அந்தமஸோ ஏகா கு²த்³த³கமக்கி²கா பிவெய்ய, தத்தகம்பி விமோசெந்தோதி அத்தோ². ஸுக்கந்தி நீலபீதலோஹிதோதா³ததக்கதேலத³ககீ²ரத³தி⁴ஸப்பிவண்ணஸங்கா²தேஸு த³ஸவிதே⁴ஸு ஸுக்கேஸு யங் கிஞ்சி ஸுக்கங். அஞ்ஞத்ர ஸுபினாதி யா ஸுபினந்தே ஸுக்கவிஸ்ஸட்டி² ஹோதி, தங் ட²பெத்வாதி அத்தோ². ஸமணோதி யோ கோசி உபஸம்பன்னோ. க³ருகந்தி ஸங்கா⁴தி³ஸேஸங். பு²ஸேதி ஆபஜ்ஜெய்யாதி அத்தோ². சேதனா உபக்கமோ முச்சனந்தி இமானெத்த² தீணி அங்கா³னீதி. ஸுக்கவிஸ்ஸட்டி²ஸிக்கா²பத³ங்.
11. இதா³னி ‘‘காயஸங்ஸக்³க³ராகே³னா’’திஆதி³மாரத்³த⁴ங். பி⁴க்கு² மனுஸ்ஸித்தி²யா மனுஸ்ஸித்தி²ஸஞ்ஞீ ஹுத்வா காயஸங்ஸக்³க³ராகே³ன உபக்கமித்வா மனுஸ்ஸித்தி²ங் பராமஸந்தோ ஸங்கா⁴தி³ஸேஸங் ஆபஜ்ஜெய்யாதி யோஜனா. தத்த² காயஸங்ஸக்³க³ராகே³னாதி ஹத்த²க்³க³ஹணாதி³காயஸம்ப²ஸ்ஸேன ராகே³ன காயமிஸ்ஸராகே³ன. மனுஸ்ஸித்தி²ந்தி தத³ஹுஜாதம்பி ஜீவமானகமனுஸ்ஸித்தி²ங். பராமஸந்தி பராமஸந்தோ, இத்தீ²தி ஸஞ்ஞா இத்தி²ஸஞ்ஞா இத்தி²ஸஞ்ஞீ, இத்தி²ஸஞ்ஞீ ஹுத்வாதி அத்தோ². மனுஸ்ஸித்தீ², இத்தி²ஸஞ்ஞிதா, காயஸங்ஸக்³க³ராகோ³, தேன ராகே³ன வாயாமோ, ஹத்த²க்³கா³ஹாதி³ஸமாபஜ்ஜனந்தி இமானெத்த² பஞ்ச அங்கா³னி. காயஸங்ஸக்³க³ஸிக்கா²பத³ங்.
12. இதா³னி து³ட்டு²ல்லங் த³ஸ்ஸேதுங் ‘‘து³ட்டு²ல்லவாசஸ்ஸாதே³னா’’திஆதி³ ஆரத்³த⁴ங். தத்த² து³ட்டு²ல்லவாசஸ்ஸாதே³னாதி வச்சமக்³க³பஸ்ஸாவமக்³க³மேது²னத⁴ம்மப்படிஸங்யுத்தவாசஸ்ஸாத³ராகே³ன. மக்³க³ங் வாரப்³ப⁴ மேது²னந்தி வச்சமக்³க³பஸ்ஸாவமக்³கா³னங் அஞ்ஞதரங் மக்³க³ங் வா மேது²னங் வா ஆரப்³பா⁴தி அத்தோ². ஓபா⁴ஸந்தோதி அவபா⁴ஸந்தோ. மனுஸ்ஸித்தி²ந்தி விஞ்ஞுங் படிப³லங் ஸுபா⁴ஸிதது³ப்³பா⁴ஸிதங் து³ட்டு²ல்லாது³ட்டு²ல்லங் ஸல்லக்க²ணஸமத்த²ங் மனுஸ்ஸித்தி²ங். ஸுணமானந்தி ஸுணந்திங். இமினா படிப³லாயபி இத்தி²யா அவிஞ்ஞத்திபதே² டி²தாய தூ³தேன வா பண்ணேன வா ஆரோசெந்தஸ்ஸ து³ட்டு²ல்லவாசாபத்தி ந ஹோதீதி தீ³பிதங் ஹோதி. மனுஸ்ஸித்தீ², இத்தி²ஸஞ்ஞிதா, து³ட்டு²ல்லவாசஸ்ஸாத³ராகோ³, தேன ராகே³ன ஓபா⁴ஸனங், தங்க²ணவிஜானநந்தி இமானெத்த² பஞ்ச அங்கா³னி. து³ட்டு²ல்லவாசஸ்ஸாத³ஸிக்கா²பத³ங்.
13. இதா³னி அத்தகாமபாரிசரியங் த³ஸ்ஸேதுங் ‘‘வண்ண’’ந்த்யாதி³ வுத்தங். தத்த² யோ பி⁴க்கு² அத்தனோ காமபாரிசரியாய வண்ணங் வத்வா மேது²னராகே³ன இத்தி²ங் மேது²னங் யாசமானோ க³ருங் பு²ஸேதி ஸம்ப³ந்தோ⁴. வண்ணங் வத்வாதி கு³ணங் ஆனிஸங்ஸங் பகாஸெத்வா. அத்தனோகாமபாரிசரியாயாதி மேது²னத⁴ம்மஸங்கா²தேன காமேன பாரிசரியா காமபாரிசரியா, அத்தனோ அத்தா²ய காமபாரிசரியா அத்தனோகாமபாரிசரியா, அலுத்தஸமாஸோயங். அத² வா அத்தனோதி கத்வத்தே² ஸாமிவசனங், அத்தனோ காமிதா இச்சி²தாதி அத்தனோகாமா, ஸயங் மேது²னராக³வஸேன பத்தி²தாதி அத்தோ², அத்தனோகாமா ச ஸா பாரிசரியா சாதி அத்தனோகாமபாரிசரியா அத்தனோகாமபாரிசரியாய, ‘‘ஏதத³க்³க³ங், ப⁴கி³னி, பாரிசரியானங், யா மாதி³ஸங் ஸீலவந்தங் கல்யாணத⁴ம்மங் ப்³ரஹ்மசாரிங் ஏதேன த⁴ம்மேன பரிசரெய்யா’’தி ஏவங் வண்ணங் வத்வாதி அத்தோ². யாசதா⁴துனோ த்³விகம்மிகத்தா ‘‘இத்தி²ங் மேது²னங் யாசமானோ’’தி வுத்தங். தத்த² இத்தி²ந்தி து³ட்டு²ல்லோபா⁴ஸனே வுத்தப்பகாரங் இத்தி²ங். மனுஸ்ஸித்தீ², இத்தி²ஸஞ்ஞிதா
14. இதா³னி ஸஞ்சரித்தங் த³ஸ்ஸேதுங் ‘‘ஸந்தே³ஸ’’ந்த்யாதி³மாரத்³த⁴ங். தத்த² பி⁴க்கு² புரிஸஸ்ஸ வா ஸந்தே³ஸங், இத்தி²யா வா ஸந்தே³ஸங் படிக்³க³ஹெத்வா வீமங்ஸித்வா பச்சாஹரந்தோ க³ருகங் பு²ஸேதி ஸம்ப³ந்தோ⁴. தத்த² ஸந்தே³ஸந்தி ‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா’’தி (பாரா॰ 305) ஏவங் வுத்தங் புரிஸஸ்ஸ ஸாஸனங், ‘‘க³ச்ச², ப⁴ந்தே, இத்த²ன்னாமங் புரிஸங் ப்³ரூஹி ‘அஹங் தஸ்ஸ ப⁴ரியா ப⁴விஸ்ஸாமீ’’தி (பாரா॰ 326-327 தோ²கங் விஸதி³ஸங்) ஏவங் வுத்தங் இத்தி²யா ஸாஸனங். படிக்³க³ண்ஹித்வாதி ‘‘ஸாது⁴ உபாஸகா’’தி வா ‘‘ஹோதூ’’தி வா ‘‘ஆரோசெஸ்ஸாமீ’’தி வா யேன கேனசி ஆகாரேன வசீபே⁴த³ங் கத்வா வா ஸீஸகம்பனாதீ³ஹி வா படிக்³க³ண்ஹித்வா ஸம்படிச்சி²த்வாதி அத்தோ². வீமங்ஸித்வாதி வுத்தப்பகாரேன ஸாஸனங் க³ஹெத்வா புரிஸஸ்ஸ வா இத்தி²யா வா தேஸங் அவஸ்ஸாரோசனகானங் மாதாபிதாபா⁴தாப⁴கி³னிஆதீ³னங் வா ஆரோசெத்வாதி அத்தோ². ஹரங்பச்சாதி எத்த² ‘‘பச்சாஹர’’ந்தி வத்தப்³பே³ ச²ந்த³ஹானிப⁴யா ஹர-ஸத்³த³ங் புப்³ப³னிபாதங் கத்வா வுத்தந்தி த³ட்ட²ப்³ப³ங். யத்த² பஹிதேன தத்த² க³ந்த்வா தேன ஆரோசிதா ஸா இத்தீ² ‘‘ஸாதூ⁴’’தி ஸம்படிச்ச²து வா படிக்கி²பது வா லஜ்ஜாய வா துண்ஹீ ஹோது, புன ஆக³ந்த்வா தஸ்ஸ புரிஸஸ்ஸ ஹரந்தோ எத்தாவதா இமாய படிக்³க³ஹணாரோசனப்பச்சாஹரணஸங்கா²தாய திவங்க³ஸம்பத்தியா
15. இதா³னி அமூலகங் பகாஸேதுங் ‘‘சாவேதுகாமோ’’திஆதி³மாரத்³த⁴ங். சாவேதுகாமோ பி⁴க்கு² அமூலந்திமவத்து²னா அஞ்ஞங் ஸுணமானங் பி⁴க்கு²ங் சோதெ³ந்தோ வா சோதா³பெந்தோ வா க³ருங் பு²ஸேதி ஸம்ப³ந்தோ⁴. தத்த² சாவேதுகாமோதி ப்³ரஹ்மசரியா சாவேதுகாமோ. சோதெ³ந்தோதி ‘‘த்வங் பாராஜிகங் த⁴ம்மங் ஆபன்னோஸி, அஸ்ஸமணோஸி, அஸக்யபுத்தியோஸீ’’திஆதீ³ஹி வசனேஹி ஸயங் சோதெ³ந்தோதி அத்தோ². ஏவங் சோதெ³ந்தஸ்ஸ வாசாய வாசாய ஸங்கா⁴தி³ஸேஸோ. அமூலந்திமவத்து²னாதி யங் சோத³கேன சுதி³தகம்ஹி புக்³க³லே அதி³ட்ட²ங் அஸுதங் அபரிஸங்கிதங், இத³ங் ஏதேஸங் த³ஸ்ஸனஸவனபரிஸங்கிதஸங்கா²தானங் மூலானங் அபா⁴வதோ நாஸ்ஸ மூலந்தி அமூலங், அந்திமங் வத்து² யஸ்ஸ பாராஜிகஸ்ஸ ததி³த³ங் அந்திமவத்து², அமூலஞ்ச தங் அந்திமவத்து² சேதி அமூலந்திமவத்து², தேன அமூலந்திமவத்து²னா, பி⁴க்கு²னோ அனுரூபேஸு ஏகூனவீஸதியா பாராஜிகேஸு அஞ்ஞதரேனாதி அத்தோ². சோதா³பயந்தி சோதா³பயந்தோ, தஸ்ஸ ஸமீபே ட²த்வா ஸுணமானந்தி இமினா பரம்முகா² தூ³தேன வா பண்ணேன வா சோதெ³ந்தஸ்ஸ ந ருஹதீதி தீ³பிதங் ஹோதி. பரம்முகா² பன ஸத்தஹி ஆபத்திக்க²ந்தே⁴ஹி வத³ந்தஸ்ஸ து³க்கடங். யங் சோதே³தி, தஸ்ஸ உபஸம்பன்னோதி ஸங்க்²யூபக³மனங், தஸ்மிங் ஸுத்³த⁴ஸஞ்ஞிதா, யேன பாராஜிகேன சோதே³தி, தஸ்ஸ தி³ட்டா²தி³வஸேன அமூலகதா, சாவனாதி⁴ப்பாயேன ஸம்முகா² சோத³னா, தஸ்ஸ தங்க²ணவிஜானநந்தி இமானெத்த² பஞ்ச அங்கா³னி. அமூலகஸிக்கா²பத³ங்.
16. இதா³னி ‘‘லேஸமத்த’’ந்திஆதி³மாஹ. தத்த² லேஸமத்தமுபாதா³யாதி ஜாதினாமகொ³த்தலிங்கா³பத்திபத்தசீவரூபஜ்ஜா²யாசரியஸேனாஸனலேஸஸங்கா²தேஸு த³ஸஸு லேஸேஸு யோ தஸ்மிங் புக்³க³லே தி³ஸ்ஸதி, தங் லேஸமத்தங் உபாதா³ய நிஸ்ஸாய பி⁴க்கு²ங் ப்³ரஹ்மசரியா சாவேதுகாமோ அமூலந்திமவத்து²னா ஸுணமானங் பி⁴க்கு²ங் சோதெ³ந்தோ க³ருங் பு²ஸேதி அத்தோ². கத²ங்? அஞ்ஞோ க²த்தியஜாதிகோ இமினா சோத³கேன பாராஜிகங் த⁴ம்மங் அஜ்ஜா²பஜ்ஜந்தோ தி³ட்டோ² ஹோதி, ஸோ அஞ்ஞங் அத்தனோ வேரிங் க²த்தியஜாதிகங் பி⁴க்கு²ங் பஸ்ஸித்வா தங் க²த்தியஜாதிலேஸங் க³ஹெத்வா ஏவங் ‘‘க²த்தியோ மயா தி³ட்டோ² பாராஜிகங் த⁴ம்மங் அஜ்ஜா²பஜ்ஜந்தோ, த்வங் க²த்தியோ பாராஜிகங் த⁴ம்மங் ஆபன்னோஸீ’’தி வா ‘‘த்வங் ஸோ க²த்தியோ, நாஞ்ஞோ, பாராஜிகங் த⁴ம்மங் அஜ்ஜா²பன்னோஸீ’’தி வா சோதே³தி, ஏவங் நாமலேஸாத³யோபி வேதி³தப்³பா³. அங்கா³னி பனெத்த² அனந்தரஸதி³ஸானி. அஞ்ஞபா⁴கி³யஸிக்கா²பத³ங்.
க³ருகாபத்தினித்³தே³ஸவண்ணனா நிட்டி²தா.
3. நிஸ்ஸக்³கி³யனித்³தே³ஸவண்ணனா
17. இதா³னி சீவரவிதி⁴ங் த³ஸ்ஸேதுங் ‘‘விகப்பன’’ந்த்யாதி³முத்³த⁴டங். யோ பி⁴க்கு² அகாலசீவரங் விகப்பனஞ்ச அதி⁴ட்டா²னஞ்ச அகத்வா த³ஸாஹங் அதிக்காமேதி, தஸ்ஸ பி⁴க்கு²னோ நிஸ்ஸக்³கி³யங் ஸியாதி பிண்ட³த்தோ². தத்த² அகாலசீவரந்தி அகாலே சீவரங், கோ²மங் கப்பாஸிகங் கோஸெய்யங் கம்ப³லங் ஸாணங் ப⁴ங்க³ந்தி ஜாதிதோ ச² சீவரானி, து³கூலங் பட்டுண்ணங் ஸோமாரபட்டங் சீனபட்டங் இத்³தி⁴ஜங் தே³வதி³ன்னந்தி இமானி பன ச² அனுலோமசீவரானி. தேஸு து³கூலங் ஸாணஸ்ஸ அனுலோமங் வாகமயத்தா. பட்டுண்ணாதீ³னி
விகப்பனமதி⁴ட்டா²னந்தி எத்த² பன விகப்பனூபக³ங் அதி⁴ட்டா²னூபக³ஞ்ச ஏவங் வேதி³தப்³ப³ங். தத்ராயங் பாளி – ‘‘அனுஜானாமி, பி⁴க்க²வே, ஆயாமேன அட்ட²ங்கு³லங் ஸுக³தங்கு³லேன சதுரங்கு³லவித்த²தங் பச்சி²மசீவரங் விகப்பேது’’ந்தி (மஹாவ॰ 358). மஜ்ஜி²மஸ்ஸ புரிஸஸ்ஸ தீ³க⁴ஸோ த்³வே வித³த்தி²யோ, திரியங் வித³த்தி². த்³வே விகப்பனா ஸம்முகா²விகப்பனா ச பரம்முகா²விகப்பனா ச. கத²ங்? ‘‘இமங் சீவரங் துய்ஹங் விகப்பேமீ’’தி வத்தப்³ப³ங், அயங் ஸம்முகா²விகப்பனா. ‘‘மய்ஹங் ஸந்தகங் பரிபு⁴ஞ்ஜ வா விஸ்ஸஜ்ஜேஹி வா யதா²பச்சயங் வா கரோஹீ’’தி, ஏகஸ்ஸ ஸந்திகே ‘‘இமங் சீவரங் திஸ்ஸஸ்ஸ பி⁴க்கு²னோ விகப்பேமீ’’தி வத்தப்³ப³ங், அயங் அபராபி ஸம்முகா²விகப்பனா. தேன பி⁴க்கு²னா ‘‘திஸ்ஸஸ்ஸ பி⁴க்கு²னோ ஸந்தகங் பரிபு⁴ஞ்ஜ வா விஸ்ஸஜ்ஜேஹி வா யதா²பச்சயங் வா கரோஹீ’’தி, ‘‘இமங் சீவரங் துய்ஹங் விகப்பனத்தா²ய த³ம்மீ’’தி வத்தப்³ப³ங், தேன வத்தப்³போ³ ‘‘கோ தே மித்தோ வா ஸந்தி³ட்டோ² வா ஸம்ப⁴த்தோ வா’’தி, ததோ இதரேன ‘‘திஸ்ஸோ பி⁴க்கூ²’’தி வத்தப்³ப³ங், புன தேன ‘‘அஹங் திஸ்ஸஸ்ஸ பி⁴க்கு²னோ த³ம்மீ’’தி வத்தப்³ப³ங், அயங் பரம்முகா²விகப்பனா. ‘‘திஸ்ஸஸ்ஸ பி⁴க்கு²னோ ஸந்தகங் பரிபு⁴ஞ்ஜ வா விஸ்ஸஜ்ஜேஹி வா யதா²பச்சயங் வா கரோஹீ’’தி வுத்தே பச்சுத்³தா⁴ரோ நாம ஹோதி. ப³ஹுகே ‘‘இமானீ’’தி, அஹத்த²பாஸே ‘‘ஏதங், ஏதானீ’’தி வா. ஏவங் விகப்பனஞ்ச அகத்வாதி அத்தோ².
திசீவரஸ்ஸ பன பமாணங் உக்கட்ட²பரிச்சே²தே³ன ஸுக³தசீவரதோ ஊனகங் வட்டதி, லாமகபரிச்சே²தே³ன ஸங்கா⁴டியா, உத்தராஸங்க³ஸ்ஸ ச தீ³க⁴தோ முட்டி²பஞ்சகங், திரியங் முட்டி²த்திகங், அந்தரவாஸகோ தீ³க⁴தோ முட்டி²பஞ்சகோ, திரியங் த்³விஹத்தோ²பி அட்³ட⁴தெய்யோ வா வட்டதி. வுத்தப்பமாணதோ அதி⁴கஞ்ச ஊனகஞ்ச ‘‘பரிக்கா²ரசோள’’ந்தி அதி⁴ட்டா²தப்³ப³ங். த்³வே சீவரஸ்ஸ அதி⁴ட்டா²னா காயேன வா அதி⁴ட்டே²தி, வாசாய வா அதி⁴ட்டே²தி. திசீவரங் அதி⁴ட்ட²ஹந்தேன ரஜித்வா
த³ஸ அஹானி த³ஸாஹங். அதிமாபேதீதி அதிக்காமேதி. தஸ்ஸாதி தஸ்ஸ பி⁴க்கு²னோ. நிஸ்ஸக்³கி³யந்தி நிஸ்ஸஜ்ஜனங் நிஸ்ஸக்³கி³யங், புப்³ப³பா⁴கே³ கத்தப்³ப³ஸ்ஸ வினயகம்மஸ்ஸேதங் நாமங், நிஸ்ஸக்³கி³யமஸ்ஸ அத்தீ²தி நிஸ்ஸக்³கி³யங், கிங் தங்? பாசித்தியங், தங் அதிக்காமயதோ ஸஹனிஸ்ஸக்³கி³யவினயகம்மங் பாசித்தியங் ஸியா, அயமெத்த² அத்தோ². தங் பனேதங் சீவரங் யங் தி³வஸங் உப்பன்னங், தஸ்ஸ யோ அருணோ, ஸோ உப்பன்னதி³வஸனிஸ்ஸிதோ, தஸ்மா சீவருப்பாத³தி³வஸேன ஸத்³தி⁴ங் ஏகாத³ஸே அருணுக்³க³மனே த³ஸாஹாதிக்கமிதங் ஹோதீதி. சீவரஸ்ஸ அத்தனோ ஸந்தகதா, ஜாதிப்பமாணயுத்ததா, சி²ன்னபலிபோ³த⁴பா⁴வோ, அதிரேகசீவரதா, த³ஸாஹாதிக்கமோதி இமானெத்த² பஞ்ச அங்கா³னி. பட²மகதி²னஸிக்கா²பத³ங்.
18. இதா³னி து³தியங் த³ஸ்ஸேதுங் ‘‘பி⁴க்கு²ஸம்முதியா’’த்யாதி³மாரத்³த⁴ங். யோ பி⁴க்கு²ஸம்முதிங் வஜ்ஜெத்வா காலஞ்ச வினா அதி⁴ட்டி²தங் திசீவரங் ஏகாஹங் அதிக்கமாபேதி, தஸ்ஸ நிஸ்ஸக்³கி³யங் ஸியாதி ஸம்ப³ந்தோ⁴. தத்த² பி⁴க்கு²ஸம்முதியாஞ்ஞத்ராதி யங் ஸங்கோ⁴ கி³லானஸ்ஸ பி⁴க்கு²னோ திசீவரேன விப்பவாஸஸம்முதிங் தே³தி திசீவரமதி⁴ட்டி²தந்தி கரணத்தே² உபயோக³வசனங், தேன திசீவராதி⁴ட்டா²னநயேன அதி⁴ட்டி²தேஸு ஸங்கா⁴டிஆதீ³ஸு யேன கேனசி சீவரேன. ஏகாஹந்தி ஏகரத்தங். அதிமாபேதீதி விப்பவஸதி, வியுத்தோ வஸதீதி அத்தோ². தஸ்ஸ அலத்³த⁴ஸம்முதிகஸ்ஸ பி⁴க்கு²னோ ஏகரத்தம்பி சீவரேன விப்பவாஸதோ நிஸ்ஸக்³கி³யங் பாசித்தியங் ஸியாதி அத்தோ². ஸமயங் வினாதி சீவரகாலங் வஜ்ஜெத்வா. அதி⁴ட்டி²தசீவரதா, அனத்த²தகதி²னதா, அலத்³த⁴ஸம்முதிதா, ரத்திவிப்பவாஸோதி இமானெத்த² சத்தாரி அங்கா³னி. து³தியகதி²னஸிக்கா²பத³ங்.
19. இதா³னி புராணசீவரங் த³ஸ்ஸேதுங் ‘‘அஞ்ஞாதிகா’’த்யாதி³ ஆரத்³த⁴ங். தத்த² அஞ்ஞாதிகாதி அஞ்ஞாதிகாய ‘‘படிஸங்கா² யோனிஸோ’’திஆதீ³ஸு விய, அஞ்ஞாதிகாய நேவ மாதுஸம்ப³ந்தே⁴ன ந பிதுஸம்ப³ந்தே⁴ன ஸம்ப³த்³தா⁴யாதி வுத்தங் ஹோதி. பி⁴க்கு²னியாதி அட்ட²வாசிககம்மேன உபஸம்பன்னாய. ஆகோடாபேதீதி பஹராபேதி. தந்தி நிஸ்ஸக்³கி³யங் பாசித்தியங் ப⁴வெய்யாதி அத்தோ². புராணசீவரதா, உபசாரே
20. கிஞ்சி மூலகந்தி கிஞ்சி பாப⁴தங். சீவராதா³னேதி சீவரஸ்ஸ ஆதா³னே சீவரப்படிக்³க³ஹணே. விகப்பனூபக³சீவரதா, பாரிவத்தகாபா⁴வோ, அஞ்ஞாதிகாய ஹத்த²தோ க³ஹணந்தி இமானெத்த² தீணி அங்கா³னி. சீவரப்படிக்³க³ஹணஸிக்கா²பத³ங்.
21. அப்பவாரிதந்தி ‘‘வதெ³ய்யாத², ப⁴ந்தே, யேன அத்தோ²’’தி இச்சா²பிதங் இச்ச²ங் ருசிங் உப்பாதி³தங், ந பவாரிதந்தி அப்பவாரிதங். விஞ்ஞாபெந்தஸ்ஸாதி யாசந்தஸ்ஸ. அஞ்ஞத்ர ஸமயாதி நட்ட²சீவரகாலங் ட²பெத்வா. விகப்பனூபக³சீவரதா, ஸமயாபா⁴வோ, அஞ்ஞாதகவிஞ்ஞத்தி, தாய ச படிலாபோ⁴தி இமானெத்த² சத்தாரி அங்கா³னி. அஞ்ஞாதகவிஞ்ஞத்திஸிக்கா²பத³ங்.
22. ரஜதந்தி ஜாதரூபந்தி ஸுவண்ணங். மாஸகந்தி தயோ மாஸகா லோஹமாஸகோ தா³ருமாஸகோ ஜதுமாஸகோதி. தத்த² லோஹமாஸகோதி தம்ப³லோஹாதீ³ஹி கதமாஸகோ. தா³ருமாஸகோதி ஸாரதா³ருனா வா வேளுபேஸிகாய வா அந்தமஸோ தாலபண்ணேனபி ரூபங் சி²ந்தி³த்வா கதமாஸகோ. ஜதுமாஸகோதி லாகா²ய வா நிய்யாஸேன வா ரூபங் ஸமுட்டா²பெத்வா கதமாஸகோ. கஹாபணந்தி ஸுவண்ணமயங் வா ரூபியமயங் வா பாகதிகங் வா. க³ண்ஹெய்யாதி அத்தனோ அத்தா²ய தீ³யமானங் வா கத்த²சி டி²தங் வா நிப்பரிக்³க³ஹங் தி³ஸ்வா ஸயங் க³ண்ஹெய்ய. க³ண்ஹாபெய்யாதி ததே³வ அஞ்ஞேன கா³ஹாபெய்ய. நிஸ்ஸக்³கீ³தி க³ஹணாதீ³ஸு யங் கிஞ்சி கரொந்தஸ்ஸ அக⁴னப³த்³தே⁴ஸு வத்து²க³ணனாய நிஸ்ஸக்³கி³ ஸியாதி அத்தோ². ஸாதி³யெய்ய வாதி காயவாசாஹி அப்படிக்கி²பித்வா சித்தேன அதி⁴வாஸெய்ய. ஜாதரூபரஜதபா⁴வோ, அத்துத்³தே³ஸிகதா, க³ஹணாதீ³ஸு அஞ்ஞதரபா⁴வோதி இமானெத்த² தீணி அங்கா³னி. ரூபியப்படிக்³க³ஹணஸிக்கா²பத³ங்.
23. ரஜதாதி³சதுப்³பி³த⁴ங் அகப்பியங் கப்பியேனாபி பரிவத்தெய்ய ஸஹத⁴ம்மிகே ட²பெத்வா, நிஸ்ஸக்³கி³யங் ஸியாதி ஸம்ப³ந்தோ⁴. தத்த² அகப்பியந்தி அகப்பியவத்து²ங். கப்பியேனாதி கப்பியவத்து²னா. ஸஹத⁴ம்மிகேதி பி⁴க்கு²பி⁴க்கு²னிஸாமணேரஸாமணேரிஸிக்க²மானஸங்கா²தே பஞ்ச ஸஹத⁴ம்மிகே. ரூபியபா⁴வோ, பரிவத்தனஞ்சாதி இமானெத்த² த்³வே அங்கா³னி. ரூபியபரிவத்தனஸிக்கா²பத³ங்.
24. ‘‘இமங் விகப்பனஞ்ச ‘‘இமங் பத்தங் அதி⁴ட்டா²மீ’’திஆதி³னா அதி⁴ட்டா²னஞ்ச அகத்வாதி அத்தோ². பமாணிகந்தி எத்தா²யங் வினிச்ச²யோ – அனுபஹதபுராணஸாலிதண்டு³லானங் ஸுகொட்டிதபரிஸுத்³தா⁴னங் த்³வே மக³த⁴னாளியோ க³ஹெத்வா தேஹி தண்டு³லேஹி அனுத்தண்டு³லமகிலின்னமபிண்டி³தங் ஸுவிஸத³ங் குந்த³மகுளராஸிஸதி³ஸங் அவஸ்ஸாவிதோத³னங் பசித்வா நிரவஸேஸங் பத்தே பக்கி²பித்வா தஸ்ஸ ஓத³னஸ்ஸ உக்கட்டோ² நாம பத்தோ. ஸசே தங் ராஜிங் அதிக்கம்ம தூ²பீகதங் திட்ட²தி, அயங் உக்கட்டோ²மகோ நாம பத்தோ. ஸசே தங் ராஜிங் ந ஸம்பாபுணாதி, அந்தோக³தமேவ ஹோதி, அயங் உக்கட்டு²க்கட்டோ² நாம. உக்கட்ட²தோ உபட்³ட⁴ப்பமாணோ மஜ்ஜி²மோ. மஜ்ஜி²மதோ உபட்³ட⁴ப்பமாணோ ஓமகோ. தேஸம்பி வுத்தனயேனேவ பபே⁴தோ³ வேதி³தப்³போ³. இச்சேதேஸு உக்கட்டு²க்கட்டோ² ச ஓமகோமகோ சாதி த்³வே அபத்தா, ஸேஸா ஸத்த பத்தா பமாணயுத்தா நாமாதி ஏவங் பமாணேன யுத்தோ பமாணிகோ, தங் பமாணிகங். பத்தந்தி ஸத்தஸு பத்தேஸு அஞ்ஞதரங் பத்தங். பத்தஸ்ஸ அத்தனோ ஸந்தகதா, பமாணயுத்ததா, அதி⁴ட்டா²னூபக³தா, அதிரேகபத்ததா, த³ஸாஹாதிக்கமோதி இமானெத்த² பஞ்ச அங்கா³னி. பட²மபத்தஸிக்கா²பத³ங்.
25. யோ பி⁴க்கு² பஞ்சப³ந்த⁴னதோ ஊனபத்தே ஸதி பரங் பன நவங் பத்தங் விஞ்ஞாபேதி, தஸ்ஸபி பி⁴க்கு²னோ நிஸ்ஸக்³கி³யங் ஸியாதி ஸம்ப³ந்தோ⁴. தத்த² பரந்தி அஞ்ஞங், ‘‘நவங் பத்த’’ந்திமினா துல்யாதி⁴கரணங். அதி⁴ட்டா²னூபக³பத்தஸ்ஸ ஊனபஞ்சப³ந்த⁴னதா, அத்துத்³தே³ஸிகதா, கதவிஞ்ஞத்தி, தாய ச படிலாபோ⁴தி இமானெத்த² சத்தாரி அங்கா³னி. ஊனபஞ்சப³ந்த⁴னஸிக்கா²பத³ங்.
26. யோ ஸப்பிதேலாதி³கங் பன பே⁴ஸஜ்ஜங் படிக்³க³ஹெத்வா ஸத்தாஹபரமங் ஸன்னிதி⁴காரகங் பு⁴ஞ்ஜந்தோ ஸத்தாஹங் அதிக்காமேதி ஸப்பிதேலாதி³கந்தி எத்த² ஆதி³-ஸத்³தோ³ நவனீதமது⁴பா²ணிதங் ஸங்க³ண்ஹாதி. தத்த² ஸப்பி நாம க³வாதீ³னங் ஸப்பி, யேஸங் மங்ஸங் கப்பதி, தேஸங் ஸப்பி, ததா² நவனீதங். தேலங் நாம திலஸாஸபமது⁴கஏரண்ட³வஸாதீ³ஹி நிப்³ப³த்தங். மது⁴ நாம பா²ணிதந்தி வேதி³தப்³ப³ங். பே⁴ஸஜ்ஜவிதா⁴னஸிக்கா²பத³ங்.
27. பி⁴க்கு²ஸ்ஸ சீவரங் த³த்வா புன தங் சீவரங் ஸகஸஞ்ஞாய அச்சி²ந்த³ந்தஸ்ஸ வா அச்சி²ந்தா³பயதோபி வா நிஸ்ஸக்³கி³யங் ஸியாதி யோஜனா. தத்த² த³த்வாதி வெய்யாவச்சாதீ³னி பச்சாஸீஸமானோ த³த்வா. அச்சி²ந்த³ந்தஸ்ஸாதி வெய்யாவச்சாதீ³னி அகரொந்தங் தி³ஸ்வா ப³லக்காரேன க³ண்ஹந்தஸ்ஸ, ததா² அச்சி²ந்தா³பயதோதி. விகப்பனூபக³சீவரதா, ஸாமங்தி³ன்னதா, ஸகஸஞ்ஞிதா, உபஸம்பன்னதா, கோத⁴வஸேன அச்சி²ந்த³னங் வா அச்சி²ந்தா³பனங் வாதி இமானெத்த² பஞ்ச அங்கா³னி. அச்சி²ந்த³னஸிக்கா²பத³ங்.
28. அப்பவாரிதங் அஞ்ஞாதிங் க³ஹபதிங் ஸுத்தங் யாசித்வா ஞாதிப்பவாரிதே வஜ்ஜெத்வா தந்தவாயேஹி சீவரங் வாயாபெந்தஸ்ஸ நிஸ்ஸக்³கி³யங் ஸியாதி பிண்ட³த்தோ². தத்த² ஸுத்தந்தி ச²ப்³பி³த⁴ங் கோ²மஸுத்தாதி³கங் வா தேஸங் அனுலோமங் வா. யாசியாதி சீவரத்தா²ய யாசித்வா. சீவரத்தா²ய விஞ்ஞாபிதஸுத்தங், அத்துத்³தே³ஸிகதா, அகப்பியதந்தவாயேன அகப்பியவிஞ்ஞத்தியா வாயாபனந்தி இமானெத்த² தீணி அங்கா³னி. ஸுத்தவிஞ்ஞத்திஸிக்கா²பத³ங்.
29. யோ பி⁴க்கு² ஸங்க⁴ஸ்ஸ பரிணதங் லாப⁴ங் ஜானந்தோ அத்தனோ பரிணாமேதி, தஸ்ஸ நிஸ்ஸக்³கி³யங் ஸியாதி அத்தோ². தத்த² ஜானந்தி ஜானந்தோ. லாப⁴ந்தி லபி⁴தப்³ப³ங் சீவராதி³வத்து²ங். பரிணதந்தி ஸங்க⁴ஸ்ஸ நின்னங் ஸங்க⁴ஸ்ஸ போணங் ஸங்க⁴ஸ்ஸ பப்³பா⁴ரங் ஹுத்வா அத்தனோ பரிணாமேதீதி ‘‘மய்ஹங் தே³தா²’’திஆதீ³னி வத³ந்தோ அத்தனி நின்னங் கரோதி. ஸங்கே⁴ பரிணதபா⁴வோ, தங் ஞத்வா அத்தனோ பரிணாமனங், படிலாபோ⁴தி இமானெத்த² தீணி அங்கா³னி. பரிணாமனஸிக்கா²பத³ங்.
நிஸ்ஸக்³கி³யனித்³தே³ஸவண்ணனா நிட்டி²தா.
4. பாசித்தியனித்³தே³ஸவண்ணனா
30. இதா³னி ‘‘ஸம்பஜானமுஸாவாதே³’’த்யாதி³ ஆரத்³த⁴ங். தத்த² ஸம்பஜானமுஸாவாதே³தி நிமித்தத்தே² பு⁴ம்மவசனங், தஸ்மா யோ பி⁴க்கு² ஸம்பஜானந்தோ முஸா வத³தி, தஸ்ஸ தன்னிமித்தங் தங்ஹேது தப்பச்சயா பாசித்தியங் உதீ³ரிதந்தி அத்தோ². பி⁴க்கு²ஞ்ச ஓமஸந்தஸ்ஸாதி ஜாதினாமகொ³த்தகம்மஸிப்பவயஆபா³த⁴லிங்க³கிலேஸாபத்திஅக்கோஸேஸு பூ⁴தேன வா அபூ⁴தேன வா யேன கேனசி முக²ஸத்தினா பி⁴க்கு²ங் ஓவிஜ்ஜ²ந்தஸ்ஸ பி⁴க்கு²னோ பாசித்தியங் உதீ³ரிதந்தி அத்தோ². பேஸுஞ்ஞஹரணேபி சாதி பி⁴க்கு²ஸ்ஸ பேஸுஞ்ஞஹரணே, ஜாதிஆதீ³ஹி அக்கோஸவத்தூ²ஹி பி⁴க்கு²ங் அக்கோஸந்தஸ்ஸ பி⁴க்கு²னோ ஸுத்வா பி⁴க்கு²னோ பியகம்யதாய வா பே⁴தா³தி⁴ப்பாயேன வா யோ அக்குத்³தோ⁴, தஸ்ஸ பி⁴க்கு²ஸ்ஸ காயேன வா வாசாய வா பேஸுஞ்ஞஹரணவசனே பாசித்தியங் உதீ³ரிதந்தி அத்தோ².
31. ஸங்கீ³தித்தயமாருள்ஹங் பிடகத்தயங் த⁴ம்மங் பி⁴க்கு²ஞ்ச பி⁴க்கு²னிஞ்ச ட²பெத்வா அஞ்ஞேன புக்³க³லேன ஸத்³தி⁴ங் ஏகதோ பத³ங் பத³ங் ப⁴ணந்தஸ்ஸ பி⁴க்கு²னோ பத³க³ணனாய பாசித்தியங் உதீ³ரிதந்தி ஸமுதா³யத்தோ².
32. அனுபஸம்பன்னேனேவாதி பி⁴க்கு²ங் ட²பெத்வா அந்தமஸோ பாராஜிகவத்து²பூ⁴தேன திரச்சா²னக³தேனாபி ஸஹ திரத்தியங் ஸயித்வா சதுத்த²தி³வஸே அத்த²ங்க³தே ஸூரியே புன ஸஹஸெய்யாய ஸஹஸெய்யாயாதி ஸப்³ப³ச்ச²ன்னபரிச்சி²ன்னே, யேபு⁴ய்யேனச்ச²ன்னபரிச்சி²ன்னே வா ஸேனாஸனே புப்³பா³பரியேன வா ஏகக்க²ணே வா ஏகதோ நிஸஜ்ஜனாய. தத்த² ச²த³னங் அனாஹச்ச தி³யட்³ட⁴ஹத்து²ப்³பே³தே⁴ன பாகாராதி³னா பரிச்சி²ன்னம்பி ஸப்³ப³பரிச்சி²ன்னமிச்சேவ வேதி³தப்³ப³ங்.
33. ஏகரத்தம்பி இத்தி²யா ஸத்³தி⁴ங் ஸெய்யங் கப்பயதோ தஸ்ஸ பி⁴க்கு²னோபி பாசித்தி ஸியாதி அத்தோ². தத்த² இத்தி²யாதி அந்தமஸோ தத³ஹுஜாதாயபி மனுஸ்ஸித்தி²யா. தே³ஸெந்தஸ்ஸ வினா விஞ்ஞுங், த⁴ம்மஞ்ச ச²ப்பது³த்தரிந்தி விஞ்ஞுங் புரிஸங் வினா இத்தி²யா ச²ப்பத³தோ உத்தரிங் த⁴ம்மங் தே³ஸெந்தஸ்ஸ பி⁴க்கு²னோ பாசித்தி ஸியாதி அத்தோ². தத்த² ‘‘ச²ப்பது³த்தரி’’ந்தி எத்த² ஏகோ கா³தா²பாதோ³ ஏகங் பத³ந்தி ஏவங் ஸப்³ப³த்த² பத³ப்பமாணங் வேதி³தப்³ப³ங். ச² பதா³னி ச²ப்பத³ங், ச²ப்பத³தோ உத்தரிங் ச²ப்பது³த்தரிங்.
34. பி⁴க்கு²ஸம்முதிங் து³ட்டு²ல்லந்தி இத⁴ ஸங்கா⁴தி³ஸேஸங் அதி⁴ப்பேதங். பி⁴க்கு²ஸம்முதியாதி யங் ஸங்கோ⁴ அபி⁴ண்ஹாபத்திகஸ்ஸ பி⁴க்கு²னோ ஆயதிங் ஸங்வரத்தா²ய ஆபத்தீனஞ்ச குலானஞ்ச பரியந்தங் கத்வா வா அகத்வா வா திக்க²த்துங் அபலோகெத்வா கதிகங் கரோதி, தங் ட²பெத்வா. அபி⁴க்கு²னோதி அனுபஸம்பன்னஸ்ஸ. வத³ந்தஸ்ஸாதி ஆரோசெந்தஸ்ஸ.
35. யோ அகப்பியங் பத²விங் க²ணெய்ய வா க²ணாபெய்ய வா, தஸ்ஸ பாசித்தியங் ஸியா. தத்த² அகப்பியந்தி உத்³த⁴னபசனாதி³வஸேன வா ததா² ததா² அத³ட்³டா⁴ வா ஜாதபத²வீ வுச்சதி. ஸா திவிதா⁴ ஸுத்³த⁴மிஸ்ஸபுஞ்ஜவஸேன. தத்த² ஸுத்³த⁴பத²வீ நாம பகதியா ஸுத்³த⁴பங்ஸு வா ஸுத்³த⁴மத்திகா வா. மிஸ்ஸபத²வீ நாம யத்த² பங்ஸுதோ வா மத்திகதோ வா பாஸாணஸக்க²ரகத²லமரும்ப³வாலுகாஸு அஞ்ஞதரஸ்ஸ ததியபா⁴கோ³ ஹோதி. புஞ்ஜபத²வீ பூ⁴தகா³மந்தி ப⁴வந்தி, அப⁴வுங் சாதி பூ⁴தா, ஜாயந்தி வட்³ட⁴ந்தி ஜாதா வட்³டி⁴தா சாதி அத்தோ², கா³மோதி ராஸி, பூ⁴தானங் கா³மோ, பூ⁴தா ஏவ வா கா³மோதி பூ⁴தகா³மோ, பதிட்டி²தஹரிததிணருக்கா²தீ³னமேதங் அதி⁴வசனங். தங் பூ⁴தகா³மங். விகோபெய்யாதி சே²த³னபே⁴த³னாதீ³னி கரெய்ய.
36. யோ பி⁴க்கு² ஸங்கி⁴கங் மஞ்சாதி³ங் அஜ்ஜோ²காஸே ஸந்த²ரணாதி³கங் கத்வா ஆபுச்ச²னாதி³கங் அகத்வா யாதி, தஸ்ஸ பாசித்தி ஸியாதி அத்தோ². தத்த² ஸங்கி⁴கந்தி ஸங்க⁴ஸ்ஸ ஸந்தகங். மஞ்சாதி³ந்தி எத்த² ஆதி³-ஸத்³தே³ன பீட²பி⁴ஸிகொச்சா²தி³ங் ஸங்க³ண்ஹாதி. ஸந்த²ரணாதி³கந்தி ஸந்த²ரணாதி³ங் கத்வா வா காராபெத்வா வா. ஆபுச்ச²னாதி³கந்தி ஆபுச்ச²னங் வா உத்³த⁴ரணங் வா உத்³த⁴ராபனங் வாதி அத்தோ². யாதீதி க³ச்ச²தி.
37. யோ பி⁴க்கு² ஸங்கி⁴காவஸதே² ஸெய்யங் ஸந்த²ரணாதி³கங் கத்வா ஆபுச்ச²னாதி³கங் அகத்வா யாதி, தஸ்ஸ பி⁴க்கு²னோ பாசித்தி ஸியாதி அத்தோ². தத்த² ஸங்கி⁴காவஸதே²தி ஸங்க⁴ஸ்ஸ ஸந்தகே ஆவஸதே² விஹாரே க³ப்³பே⁴ வா அஞ்ஞஸ்மிங் வா ஸப்³ப³பரிச்சி²ன்னே கு³த்தஸேனாஸனே. ஸெய்யந்தி பி⁴ஸி சிமிலிகா பாவுரணங் உத்தரத்த²ரணங் பூ⁴மத்த²ரணங் தட்டிகா சம்மக்க²ண்ட³ங் நிஸீத³னங் பச்சத்த²ரணங் திணஸந்தா²ரோ ஸந்த²ரணாதி³கந்தி தேஸு யேன கேனசி அத்த²ரணாதி³கங் கத்வா வா காராபெத்வா வா.
38-9. யோ பன பி⁴க்கு² ஜானங் ஸப்பாணகங் தோயங் பரிபு⁴ஞ்ஜயே, தஸ்ஸ பி⁴க்கு²னோ பாசித்தி ஸியாதி யோஜனா. தத்த² ஜானங் ஸப்பாணகந்தி ‘‘ஸப்பாணகமித³’’ந்தி தி³ஸ்வா வா ஸுத்வா வா யேன கேனசி ஆகாரேன ஜானந்தோ. தோயந்தி உத³கங். பரிபு⁴ஞ்ஜயேதி பரிபு⁴ஞ்ஜெய்ய. யோ பி⁴க்கு² பாரிவத்தகங் ட²பெத்வா அஞ்ஞாதிகாய பி⁴க்கு²னியா சீவரங் தே³தி, தஸ்ஸ பி⁴க்கு²னோ பாசித்தி ஸியா. சீவரப்படிக்³க³ஹணஸிக்கா²பதே³ பி⁴க்கு² படிக்³கா³ஹகோ இத⁴ பி⁴க்கு²னீ, அயங் விஸேஸோ. அஞ்ஞாதிகாய பி⁴க்கு²னியா சீவரங் ஸிப்³ப³தோபி தஸ்ஸ பி⁴க்கு²னோ பாசித்தி ஸியாதி அத்தோ². சீவரந்தி நிவாஸனபாருபனூபக³ங். ஸிப்³ப³தோதி ஸயங் ஸிப்³ப³ந்தஸ்ஸ ஸூசிங் பவேஸெத்வா நீஹரணே பயோக³க³ணனாய பாசித்தி. ஸிப்³பா³பெந்தஸ்ஸ பன ‘‘ஸிப்³பா³’’தி வுத்தோ ஸசேபி ஸப்³ப³ங் ஸூசிகம்மங் நிட்டா²பேஸி, ஏகமேவ பாசித்தி, ஆணத்தஸ்ஸ பயோக³க³ணனாய பாசித்தி ஹோதி. பவாரெத்வான அதிரித்தங் அகாரெத்வா பு⁴ஞ்ஜதோ பாசித்தி ஸியாதி அத்தோ². தத்ராயங் வினிச்ச²யோ – ஓத³னோ ஸத்து கும்மாஸோ மச்சோ² மங்ஸந்தி பஞ்சன்னங் போ⁴ஜனானங் அஞ்ஞதரங் ஸாஸபமத்தம்பி அஜ்ஜோ²ஹரித்வா போ⁴ஜனங் படிக்கே²பங் கத்வா அஞ்ஞேன இரியாபதே²ன ‘‘அலமேதங் ஸப்³ப³’’ந்தி அதிரித்தங் அகாரெத்வா பரிபு⁴ஞ்ஜதோ பாசித்தி ஹோதீதி.
40. யோ பி⁴க்கு² ஆஸாத³னாபெக்கோ² பு⁴த்தாவிங் பவாரிதங் பி⁴க்கு²ங் ‘‘ஹந்த³, பி⁴க்கு², கா²த³ வா பு⁴ஞ்ஜ வா’’தி அனதிரித்தேன பவாரேதி, போ⁴ஜனே பு⁴த்தே தஸ்ஸ பாசித்தியங் உதீ³ரிதந்தி அத்தோ². தத்த² ஆஸாத³னாபெக்கோ²தி ஆஸாத³னங் சோத³னங் மங்குகரணபா⁴வங் அபெக்க²மானோ.
41-2. யோ பி⁴க்கு² ஸன்னிதி⁴போ⁴ஜனங் பு⁴ஞ்ஜெய்ய, தஸ்ஸ பி⁴க்கு²னோ பாசித்தி ஸியாதி அத்தோ². தத்த² ஸன்னிதி⁴போ⁴ஜனந்தி படிக்³க³ஹெத்வா ஏகரத்தங் வீதினாமிதபோ⁴ஜனங். விகாலே யாவகாலிகங் பு⁴ஞ்ஜதோ வாபி பாசித்தி ஸியாதி யோஜனா. தத்த² விகாலேதி விக³தகாலே, மஜ்ஜ²ன்ஹிகாதிக்கமதோ பட்டா²ய யாவகாலிகந்தி வனமூலப²லாதி³கங் ஆமிஸபோ⁴ஜனங். அகி³லானோ பி⁴க்கு² பணீதகங் ஸப்பிப⁴த்தாதி³கம்பி விஞ்ஞாபெத்வான பு⁴ஞ்ஜெய்ய, தஸ்ஸ பி⁴க்கு²னோ பாசித்தி ஸியாதி யோஜனா. தத்த² அகி³லானோதி கல்லகோ. பணீதகந்தி ஸப்பிதேலமது⁴பா²ணிதமச்ச²மங்ஸகீ²ரத³தி⁴ஸங்கா²தேஹி ஸங்ஸட்ட²ங் ஸத்தத⁴ஞ்ஞனிப்³ப³த்தங் பணீதபோ⁴ஜனங் அப்படிக்³க³ஹிதந்தி காயேன வா காயப்படிப³த்³தே⁴ன வா க³ண்ஹந்தஸ்ஸ ஹத்த²பாஸே ட²த்வா காயகாயப்படிப³த்³த⁴னிஸ்ஸக்³கி³யானங் அஞ்ஞதரேன ந தி³ன்னங் அப்படிக்³க³ஹிதங் நாம.
43. யோ பி⁴க்கு² தித்தி²யஸ்ஸ ஸஹத்த²தோ கிஞ்சி பு⁴ஞ்ஜிதப்³ப³ங் த³தெ³ய்ய, தஸ்ஸ பாசித்தி ஸியாதி ஸம்ப³ந்தோ⁴. தத்த² தித்தி²யஸ்ஸாதி அஞ்ஞதித்தி²யஸ்ஸ. கிஞ்சி பு⁴ஞ்ஜிதப்³ப³ந்தி யங் கிஞ்சி போ⁴ஜனீயங். ஸஹத்த²தோதி ஸஹத்தா². யோ பி⁴க்கு² மாதுகா³மேன ஏகதோ ரஹோ நிஸஜ்ஜங் கப்பெய்ய, தஸ்ஸ பாசித்தி ஸியாதி ஸம்ப³ந்தோ⁴. தத்த² ரஹோதி படிச்ச²ன்னே. கப்பேதி கப்பெய்ய. ஏகதோதி ஸத்³தி⁴ங்.
44. ஸுராமேரயபானேபீதி எத்த² பிட்டா²தீ³ஹி கதங் மஜ்ஜங் ஸுரா. புப்பா²தீ³ஹி கதோ ஆஸவோ மேரயங். யோ பி⁴க்கு² தது³ப⁴யம்பி பீ³ஜதோ பட்டா²ய குஸக்³கே³னாபி பிவதி, தஸ்ஸ தப்பானபச்சயா பாசித்தியங் உதீ³ரிதந்தி அத்தோ². அங்கு³லிபதோத³கே சாபீதி அங்கு³லீஹி உபகச்ச²காதீ³னங் க⁴ட்டனபச்சயா பாசித்தி ஸியாதி அத்தோ². ஹஸத⁴ம்மேபி சோத³கேதி உபரிகொ³ப்ப²கே உத³கே ஹஸத⁴ம்மே கீளானிமித்தங் தஸ்ஸ பாசித்தி ஸியாதி அத்தோ².
45. அனாத³ரேபி பாசித்தீதி புக்³க³லஸ்ஸ வா த⁴ம்மஸ்ஸ வா அனாத³ரகரணேபி பாசித்தி ஸியாதி அத்தோ². யோ பி⁴க்கு² உபஸம்பன்னேன
46. யோ பி⁴க்கு² அகி³லானோ கிஞ்சி பச்சயங் ட²பெத்வா ஜோதிங் ஜலெய்ய வா ஜலாபெய்ய வா, தஸ்ஸ பாசித்தியங் ஸியாதி ஸம்ப³ந்தோ⁴. தத்த² கிஞ்சி பச்சயந்தி பதீ³புஜ்ஜலனங் வா பத்தபசனாதீ³ஸு ஜோதிகரணங் வாதி ஏவரூபங் பச்சயங் ட²பெத்வா. ஜோதிந்தி அக்³கி³ங்.
47-8. கப்பபி³ந்து³ங் அனாதா³ய நவசீவரபோ⁴கி³னோ நவங் சீவரங் பு⁴ஞ்ஜந்தஸ்ஸ பாசித்தி ஸியாதி அத்தோ². கப்பபி³ந்து³ந்தி மோரக்கி²மண்ட³லமங்கு³லபிட்டீ²னங் அஞ்ஞதரப்பமாணங் கப்பபி³ந்து³ங். அனாதா³யாதி அனாதி³யித்வா. பி⁴க்கு²னோ சீவராதி³கங் பரிக்கா²ரங் அபனெத்வா நிதெ⁴ந்தஸ்ஸ வா நிதா⁴பெந்தஸ்ஸ சீவராதி³கந்தி ஆதி³-ஸத்³தே³ன பத்தனிஸீத³னஸூசிக⁴ரகாயப³ந்த⁴னாதி³ங் ஸங்க³ண்ஹாதி. நிதெ⁴ந்தஸ்ஸாதி நித³ஹந்தஸ்ஸ. ஹஸாபெக்க²ஸ்ஸாதி ஹஸாதி⁴ப்பாயஸ்ஸ. ஜானங் பாணங் ஹனே பி⁴க்கு², திரச்சா²னக³தம்பி சாதி யோ பி⁴க்கு² ‘‘பாணோ’’தி ஜானந்தோ திரச்சா²னக³தங் பாணங் கு²த்³த³கம்பி மஹந்தம்பி ஹனெய்ய, தஸ்ஸ பாசித்தியங் ஸியாதி அத்தோ².
49. சா²தே³துகாமோ சா²தே³தி, து³ட்டு²ல்லங் பி⁴க்கு²னோபி சாதி யோ பி⁴க்கு² பி⁴க்கு²னோ து³ட்டு²ல்லஸங்கா²தங் ஸங்கா⁴தி³ஸேஸங் சா²தே³துகாமோ ஹுத்வா சா²தே³தி, தஸ்ஸ பாசித்தியங் ஸியாதி அத்தோ². இத்தி²யா ஸஹ ஸங்விதா⁴ய கா³மந்தரக³தஸ்ஸ பி⁴க்கு²னோ பாசித்தியங் ஸியாதி யோஜனா.
50. பி⁴க்கு²ங் வா பஹரெய்யாதா²தி யோ பி⁴க்கு² பி⁴க்கு²ங் பஹரெய்ய, தஸ்ஸ பாசித்தியங் ஸியாதி யோஜனா. தலஸத்திகமுக்³கி³ரேதி யோ பி⁴க்கு² பஹரணாகாரங் த³ஸ்ஸெந்தோ காயங் வா காயப்படிப³த்³த⁴ங் வா உக்³கி³ரெய்ய, தஸ்ஸ பாசித்தியங் ஸியாதி அத்தோ². சோதெ³ய்ய வா சோதா³பெய்ய, பி⁴க்கு²ங் அமூலகேன சாதி யோ பி⁴க்கு² பி⁴க்கு²ங் அமூலகேன ஸங்கா⁴தி³ஸேஸேன சோதெ³ய்ய வா சோதா³பெய்ய வா, தஸ்ஸ பாசித்தியங் ஸியாதி அத்தோ². தத்த² அமூலகேனாதி தி³ட்டா²தி³மூலவிரஹிதேன.
51. குக்குச்சுப்பாத³னே சாபீதி ‘‘ஊனவீஸதிவஸ்ஸோ த்வங் மஞ்ஞே’’திஆதீ³னி ப⁴ணந்தோ குக்குச்சங் உப்பாதெ³ய்ய, தஸ்ஸ குக்குச்சுப்பாத³னபச்சயா பாசித்தியங் ஹோதி. யோ பி⁴க்கு² ப⁴ண்ட³னத்தா²ய ப⁴ண்ட³னஜாதானங் வசனங் ஸோதுங் உபஸ்ஸுதிங் யாதி, தஸ்ஸ பாசித்தியங் ஸியாதி ஸம்ப³ந்தோ⁴. தத்த² ப⁴ண்ட³னத்தா²யாதி கலஹத்தா²ய. ப⁴ண்ட³னஜாதானந்தி கலஹஜாதானங். உபஸ்ஸுதிந்தி ஸுதிஸமீபங்.
52. யோ பி⁴க்கு² ஸங்க⁴ஸ்ஸ பரிணாமிதங் யங் லாப⁴ங், தங் பரபுக்³க³லஸ்ஸ நாமேதி, தஸ்ஸ பாசித்தியங் ஸியாதி ஸம்ப³ந்தோ⁴. தத்த² நாமேதீதி பரிணாமேதி. புச்ச²ங் அகத்வாதி ‘‘விகாலே கா³மப்பவேஸனங் ஆபுச்சா²மீ’’தி வா ‘‘கா³மங் பவிஸிஸ்ஸாமீ’’தி வா அனாபுச்சி²த்வா. ஸந்தபி⁴க்கு²ந்தி அந்தோஉபசாரஸீமாய த³ஸ்ஸனூபசாரே பி⁴க்கு²ங் தி³ஸ்வா யங் ஸக்கா ஹோதி பகதிவசனேன ஆபுச்சி²துங், தாதி³ஸங் விஜ்ஜமானங் பி⁴க்கு²ங். கா³மஸ்ஸாதி கா³மங், கம்மத்தே² ஸாமிவசனங். க³தேதி ஸம்பதா³னத்தே² பு⁴ம்மவசனங், க³தஸ்ஸாதி அத்தோ². ஸந்தங் பி⁴க்கு²ங் அனாபுச்சி²த்வா விகாலே கா³மங் க³தஸ்ஸ பி⁴க்கு²னோ பாசித்தியங் ஸியாதி அத்தோ². ஸேஸங் உத்தானமேவாதி.
பாசித்தியனித்³தே³ஸவண்ணனா நிட்டி²தா.
5. பகிண்ணகனித்³தே³ஸவண்ணனா
53. இதா³னி ‘‘ஸங்கி⁴க’’ந்த்யாதி³ ஆரத்³த⁴ங். தத்த² யோ பி⁴க்கு² இஸ்ஸரோ ஹுத்வா ஸங்கி⁴கங் க³ருப⁴ண்ட³ங் அஞ்ஞஸ்ஸ தே³தி, தஸ்ஸ து²ல்லச்சயங் ஸியா. தெ²ய்யாய அஞ்ஞஸ்ஸ தே³தி, யதா²வத்து² பாராஜிகாதி³ ஸியா, து³க்கடவத்து² து³க்கடங், து²ல்லச்சயவத்து² து²ல்லச்சயங், பாராஜிகவத்து² பாராஜிகங் ஸியாதி வுத்தங் ஹோதி.
54. குஸாதி³மயசீரானீதி எத்த² ஆதி³-ஸத்³தோ³ வாகப²லகங் ஸங்க³ண்ஹாதி, குஸமயசீரங் வாகமயசீரங் ப²லகமயசீரந்தி. தத்த² குஸே க³ந்தெ²த்வா கதசீரங் குஸமயசீரங். வாகமயசீரங் நாம தாபஸானங் வக்கலங். ப²லகமயசீரங் நாம ப²லகஸண்டா²னானி ப²லகானி ஸிப்³பெ³த்வா கதசீரங். கம்ப³லங் கேஸவாலஜந்தி கேஸஜங் கம்ப³லங் வாலஜங் கம்ப³லங், கேஸகம்ப³லங் வாலகம்ப³லந்தி அத்தோ². கேஸேஹி தந்தே வாயித்வா கதகம்ப³லங் கேஸகம்ப³லங். சமரிவாலேஹி வாயித்வா கதகம்ப³லங் வாலகம்ப³லங். ஸமயங் வினாதி நட்ட²சீவரகாலங் ட²பெத்வா. தா⁴ரயதோ தா⁴ரயந்தஸ்ஸ. லூகபக்கா²ஜினக்கி²பந்தி உலூகபக்கி²அஜினக்கி²பங். தத்த² உலூகபக்கீ²தி உலூகஸகுணபக்கே²ஹி கதனிவாஸனங். அஜினக்கி²பந்தி ஸலோமங் ஸகு²ரங் அஜினமிக³சம்மங். நட்ட²சீவரகாலங் ட²பெத்வா இமேஸு ஸத்தஸு வத்தூ²ஸு யங் கிஞ்சி தா⁴ரயதோ து²ல்லச்சயங் ஸியாதி அத்தோ².
55. ஸத்த²கேன கத்தப்³ப³ங் கம்மங் ஸத்த²கம்மங், தஸ்மிங் ஸத்த²கம்மே. வத்தி²ம்ஹி கத்தப்³ப³ங் கம்மங் வத்தி²கம்மங், தஸ்மிங் வத்தி²கம்மே. ஸங் நிமித்தந்தி அத்தனோ அங்க³ஜாதங். தங் சி²ந்த³தோ து²ல்லச்சயங் ஸியாதி ஸம்ப³ந்தோ⁴. மங்ஸாதி³போ⁴ஜனேதி எத்த² ஆதி³-ஸத்³தோ³ அட்டி²லோஹிதசம்மலோமானி ஸங்க³ண்ஹாதி. தஸ்மா மனுஸ்ஸானங் மங்ஸஅட்டி²லோஹிதசம்மலோமபோ⁴ஜனபச்சயா து²ல்லச்சயங் ஸியாதி அத்தோ².
56. கத³லேரகக்கது³ஸ்ஸானீதி பொத்த²கந்தி மகசிவாகேஹி கதங் பொத்த²கது³ஸ்ஸங். ஸப்³ப³பீதாதி³கந்தி எத்த² ஆதி³-ஸத்³தே³ன ஸப்³ப³லோஹிதகஸப்³ப³கண்ஹகஸப்³ப³மஞ்ஜெட்டி²கங் ஸங்க³ண்ஹாதி. தத்த² ஸப்³ப³மேவ நீலகங் ஸப்³ப³னீலகங். ஏவங் ஸேஸேஸுபி. நீலங் உம்மாரபுப்ப²வண்ணங். பீதங் கணிகாரபுப்ப²வண்ணங். லோஹிதங் ஜயஸுமனபுப்ப²வண்ணங். கண்ஹகங் அத்³தா³ரிட்ட²கவண்ணங். மஞ்ஜெட்டி²கங் லாகா²ரஸவண்ணங். இமேஸு அட்ட²ஸு வத்தூ²ஸு யங் கிஞ்சி தா⁴ரயந்தஸ்ஸ து³க்கடங் ஸியாதி அத்தோ².
57-8. ஹத்தி²ஸ்ஸுரக³ஸோணானந்தி ஸீஹப்³யக்³க⁴ச்ச²தீ³பினந்தி ஸீஹப்³யக்³க⁴அச்ச²தீ³பீனங் மங்ஸாதீ³னி. தரச்ச²ஸ்ஸ ச மங்ஸாதி³ங் உத்³தி³ஸ்ஸகதமங்ஸஞ்ச அனாபுச்சி²தமங்ஸஞ்ச பு⁴ஞ்ஜதோ து³க்கடங் ஸியா. த³கதித்தா²தி³கந்தி எத்த² ஆதி³-ஸத்³தோ³ வச்சபஸ்ஸாவகுடியோ ஸங்க³ண்ஹாதி. தேன யாதானுபுப்³ப³ங் ஆக³தப்படிபாடிங் ஹித்வான வஜ்ஜெத்வா நஹானதித்த²ஞ்ச வச்சகுடிஞ்ச பஸ்ஸாவகுடிஞ்ச வஜே வஜெய்ய க³ச்செ²ய்ய, து³க்கடங் தஸ்ஸ ஸியாதி அத்தோ².
59. ஸஹஸாதி வேக³ஸா வேகே³ன. வுப்³ப⁴ஜித்வானாதி அந்தரவாஸகங் தூ³ரதோவ உக்கி²பித்வா, வ-காரோ ஸந்தி⁴வஸேனாக³தோ. பவிஸேதி பவிஸெய்ய. வச்சபஸ்ஸாவகுடிகந்தி வச்சகுடிகங் பஸ்ஸாவகுடிகங். விஸேதி பவிஸெய்ய. யோ பி⁴க்கு² வச்சபஸ்ஸாவகுடிகங் ஸஹஸா பவிஸெய்ய வா நிக்க²மெய்ய வா, உப்³ப⁴ஜித்வா வா பவிஸெய்ய வா நிக்க²மெய்ய வா, உக்காஸிகங் வஜ்ஜெத்வா தங் பவிஸெய்ய, தஸ்ஸ து³க்கடங் ஸியாதி யோஜனா.
60. நித்து²னந்தோ வச்சங் கரெய்ய த³ந்தகட்ட²ஞ்ச கா²த³ந்தோ, தஸ்ஸ து³க்கடங் ஸியாதி அத்தோ². வச்சபஸ்ஸாவதோ³ணீனங் ப³ஹி வச்சாதி³கங் வச்சபஸ்ஸாவங் கரெய்ய, தஸ்ஸ து³க்கடங் ஸியா.
61. க²ரேன சாவலேகெ²ய்யாதி பா²லிதகட்டே²ன வா ப²ருஸேன வா க³ண்டி²கேன வா பூதிகட்டே²ன வா ஸுஸிரேன வா அவலேகெ²ய்யாதி அத்தோ². கட்ட²ந்தி அவலேக²னகட்ட²ங். கூபகேதி வச்சகூபகே. ஊஹதஞ்சாதி கூ³த²மக்கி²தஞ்ச. ந தோ⁴வெய்யாதி அத்தனா வா ந தோ⁴வெய்ய பரேன வா ந தோ⁴வாபெய்ய. உக்லாபஞ்சாதி கசவரஞ்ச. ந ஸோத⁴யேந ஸம்மஜ்ஜெய்ய.
62. சபுசபூதி ஸத்³த³ங் கத்வா உத³ககிச்சங் கரொந்தஸ்ஸ ஆசமந்தஸ்ஸ து³க்கடங் ஸியாதி அத்தோ². அனஜ்ஜி²ட்டோ²வாதி அனாணத்தோயேவ. தே²ரேனாதி ஸங்க⁴த்தே²ரேன. பாதிமொக்க²ந்தி பாதிமொக்கு²த்³தே³ஸங். உத்³தி³ஸே உத்³தி³ஸெய்ய, து³க்கடங் ஸியா.
63. அனாபுச்சா²ய பஞ்ஹஸ்ஸ கத²னே, அனாபுச்சா²ய பஞ்ஹஸ்ஸ விஸ்ஸஜ்ஜனே, அனாபுச்சா²ய ஸஜ்ஜா²யகரணே, அனாபுச்சா²ய பதீ³பஜாலனே, அனாபுச்சா²ய பதீ³பவிஜ்ஜா²பனேதி இமேஸு சதூஸு பச்சயேஸு தஸ்ஸ து³க்கடங் ஸியா.
64. அனாபுச்சா² வந்த³னாதி³ந்தி எத்த² ஆதி³-ஸத்³தோ³ வந்தா³பனங் ஸங்க³ண்ஹாதி. யோ பி⁴க்கு² நக்³கோ³ வந்த³னங் கரெய்ய, வந்தா³பனங் கரெய்ய, க³மனங் கரெய்ய, போ⁴ஜனங் கரெய்ய, பிவனங் கரெய்ய, கா²த³னங் கரெய்ய, க³ஹணங் கரெய்ய, தா³னங் கரெய்ய, தஸ்ஸ ஸப்³ப³த்த² து³க்கடந்தி ஸம்ப³ந்தோ⁴.
65. திபடிச்ச²ன்னகங் வினாதி ‘‘அனுஜானாமி, பி⁴க்க²வே, திஸ்ஸோ படிச்சா²தி³யோ ஜந்தாக⁴ரப்படிச்சா²தி³ங் உத³கப்படிச்சா²தி³ங் வத்த²ப்படிச்சா²தி³’’ந்தி (சூளவ॰ 261) ஏவங் வுத்தா திஸ்ஸோ படிச்சா²தி³யோ ஸமாஹடாதி ‘‘திபடிச்சா²தீ³’’தி வுத்தங். திபடிச்ச²ன்னகங் ட²பெத்வா பரிகம்மங் ஸயங் கரெய்ய, பரங் காராபெய்ய, தஸ்ஸ து³க்கடங் ஸியாதி அத்தோ² நஹாயங் நஹாயந்தோ குட்டே வா த²ம்பே⁴ வா தரும்ஹி வா காயங் உபக⁴ங்ஸெய்ய, தஸ்ஸ து³க்கடங் ஸியா.
66. யோ பி⁴க்கு² நஹாயந்தோ குருவிந்த³கஸுத்தேன காயங் க⁴ங்ஸெய்ய, காயதோ காயேன அஞ்ஞமஞ்ஞங் க⁴ங்ஸெய்ய, தஸ்ஸ து³க்கடங் ஸியாதி ஸம்ப³ந்தோ⁴. யோ அகி³லானோ ஸஉபாஹனோ ப³ஹாராமே ப³ஹிஆராமே சரெய்ய, தஸ்ஸ து³க்கடங் ஸியாதி ஸம்ப³ந்தோ⁴.
67. ஸப்³ப³னீலாதி³கம்பி சாதி எத்த² ஆதி³-ஸத்³தோ³ லோஹிதோதா³தபீதகண்ஹமஞ்ஜெட்ட²மஹாரங்க³மஹானாமரங்க³ரத்தாத³யோ உபாஹனாயோ ஸங்க³ண்ஹாதி. யோ பி⁴க்கு² ஸப்³ப³னீலஸப்³ப³லோஹிதாதி³கங் உபாஹனங் தா⁴ரேதி, தஸ்ஸ து³க்கடங் ஸியாதி ஸம்ப³ந்தோ⁴. யோ பி⁴க்கு² ரத்தோ ரத்தசித்தோ தத³ஹுஜாதாயபி இத்தி²யா நிமித்தங் பஸ்ஸெய்ய, தஸ்ஸ து³க்கடங் ஸியா. யோ பி⁴க்கு² பி⁴க்க²தா³யியா பி⁴க்க²தா³யிகாய இத்தி²யா முக²ங் பஸ்ஸெய்ய, தஸ்ஸ து³க்கடங் ஸியா.
68-9. யோ பி⁴க்கு² உஜ்ஜா²னஸஞ்ஞீ ஹுத்வா அஞ்ஞஸ்ஸ பி⁴க்கு²னோ பத்தங் வா பஸ்ஸெய்ய, தஸ்ஸ து³க்கடங் ஸியா. ஆதா³ஸாதி³ம்ஹி உத³கபத்தே அத்தனோ முக²ங் பஸ்ஸெய்ய, தஸ்ஸ து³க்கடங் ஸியா. உச்சாஸனமஹாஸனே நிஸஜ்ஜாதி³ங் நிஸீத³னஸயனாதி³ங் கரொந்தஸ்ஸ பி⁴க்கு²னோ து³க்கடங் ஸியா. உக்கி²த்தானுபஸம்பன்னநானாஸங்வாஸகாதீ³னங் வந்த³னேபி து³க்கடங் ஸியாதி ஸம்ப³ந்தோ⁴. தத்த² உக்கி²த்தோதி ஆபத்தியா அத³ஸ்ஸனே உக்கி²த்தகோ, ஆபத்தியா அப்படிகம்மே உக்கி²த்தகோ, பாபிகாய தி³ட்டி²யா அப்படினிஸ்ஸக்³கே³ உக்கி²த்தகோதி திவிதோ⁴பி இதா⁴தி⁴ப்பேதோ. அனுபஸம்பன்னோதி இமினா பி⁴க்கு²னிஸாமணேரஸாமணேரிஸிக்க²மானபண்ட³கஇத்தி²ஸிக்கா²பச்சக்கா²தகா நானாஸங்வாஸகாதி லத்³தி⁴னானாஸங்வாஸகா க³ஹிதா. ஆதி³-ஸத்³தே³ன சி²ன்னமூலகா க³ஹிதா.
70-71. யோ பண்ட³கித்தீ²ஹி பண்ட³கேன வா இத்தி²யா வா உப⁴தொப்³யஞ்ஜனேன வா ஏகதோ நிஸீதெ³ய்ய, தஸ்ஸ து³க்கடங் ஸியா. அதீ³கே⁴ ஆஸனேதி ரஸ்ஸே ஆஸனே. யோ பி⁴க்கு² ரஸ்ஸாஸனே மஞ்சே வா பீடே² வா அஸமானாஸனிகேன ஏகதோ ஸயெய்ய, தஸ்ஸ து³க்கடங் ஸியாதி அத்தோ². ப²லபுப்பா²தி³கந்தி எத்த² ஆதி³-ஸத்³தே³ன வேளுசுண்ணத³ந்தகட்ட²மத்திகாத³யோ ஸங்க³ஹிதா. குலஸங்க³ஹத்தா²ய ப²லபுப்பா²தி³கங் த³த³தோ து³க்கடங் ஸியாதி ஸம்ப³ந்தோ⁴.
72-3. யோ பி⁴க்கு² க³ந்தி²மாதி³ங் ஸயங் கரெய்ய, பரங் காராபெய்ய, தஸ்ஸ து³க்கடங் ஸியா. யோ பி⁴க்கு² ஜினேன வாரிதபச்சயே பரிபு⁴ஞ்ஜெய்ய, தஸ்ஸ து³க்கடங் ஸியா. அப்³யத்தோ பா³லோ யோ பி⁴க்கு² ஆசரியுபஜ்ஜா²யே அனிஸ்ஸாய நிஸ்ஸயங் அக்³க³ஹெத்வா வஸெய்ய, தஸ்ஸ து³க்கடங் ஸியா. யோ பி⁴க்கு² அனுஞ்ஞாதேஹி மாதாபிதுஆதீ³ஹி புக்³க³லேஹி அஞ்ஞஸ்ஸ புக்³க³லஸ்ஸ பே⁴ஸஜ்ஜங் கரெய்ய வா வதெ³ய்ய வா, தஸ்ஸ து³க்கடங் ஸியா. ஸாபத்திகோ யோ பி⁴க்கு² உபோஸத²ப்பவாரணங் கரெய்ய, தஸ்ஸ து³க்கடங் ஸியாதி ஸம்ப³ந்தோ⁴. தத்த² ஜினேன ப⁴க³வதா வாரிதா ஜினவாரிதா, ஜினவாரிதா ச தே பச்சயா சேதி ஜினவாரிதபச்சயா, தே ஜினவாரிதபச்சயே. த்³வேமாதிகாஅப்பகு³ணதாய அப்³யத்தோ.
74. யோ பி⁴க்கு² ஆபோ⁴க³ங் வா நியோக³ங் வா வஜ்ஜெத்வா த்³வாரப³ந்தா⁴தி³கே டா²னே பரிவத்தகவாடகங் அபிதா⁴ய தி³வா ஸயெய்ய, தஸ்ஸ து³க்கடங் ஸியாதி ஸம்ப³ந்தோ⁴. த்³வாரப³ந்தா⁴தி³கேதி யேன கேனசி பரிக்கி²த்தே அப்³போ⁴காஸேபி ருக்க²மூலேபி அந்தமஸோ இமினா லக்க²ணேன யுத்தஆகாஸங்க³ணேபி. அபிதா⁴யாதி அபித³ஹித்வா. வினாபோ⁴க³ந்தி ‘‘ஏஸ த்³வாரங் ஜக்³கி³ஸ்ஸதீ’’தி ஆபோ⁴க³ங் ட²பெத்வாதி அத்தோ². நியோக³ந்தி அவஸட்டா²னங், அத்தனோ அவஸங் ப³ஹுஸாதா⁴ரணட்டா²னங் ட²பெத்வா. ‘‘ஸவஸோ’’தி தி³வாதி தி³வாகாலே.
75. த⁴ஞ்ஞந்தி ஸாலி வீஹி யவோ கோ³து⁴மோ கங்கு³ வரகோ குத்³ரூஸகோதி ஸத்தவித⁴ங் த⁴ஞ்ஞங். இத்தி²ரூபந்தி தா³ருலோஹமயாதி³இத்தி²ரூபங். ரதனந்தி முத்தாதி³த³ஸவித⁴ங் ரதனங். ஆவுத⁴ந்தி ஸத்திதோமராதி³ஸப்³பா³வுத⁴ப⁴ண்ட³ங். இத்தி²பஸாத⁴னந்தி இத்தி²யா ஸீஸாதி³அலங்காரங். தூரியப⁴ண்ட³ந்தி த⁴மனஸங்கா²தி³ஸப்³ப³ங் தூரியப⁴ண்ட³ங். ப²லருக்கே²தி ப²லிதருக்கே². புப்³ப³ண்ணாதி³கந்தி முக்³க³மாஸாதி³கங். ஆதி³-ஸத்³தே³ன
76. ஸஸித்தோ²த³கதேலேஹீதி யோ பன மது⁴ஸித்த²கதேலேன வா உத³கமிஸ்ஸகதேலேன வா யேன கேனசி சிக்க²ல்லேன வா. ப²ணஹத்த²ப²ணேஹி வாதி த³ந்தமயாதி³ப²ணேன வா ப²ணகிச்சஸாத⁴கேஹி ஹத்த²ங்கு³லீஹி வா கொச்சே²ன வா கேஸமோஸண்ட²னே து³க்கடங் ஸியாதி அத்தோ². ஏகஸ்மிங் பா⁴ஜனே போ⁴ஜனநிமித்தே து³க்கடங் ஸியாதி அத்தோ².
77. த்³வே பி⁴க்கூ² ஏகத்த²ரணா ஸயெய்யூங், த்³வே பி⁴க்கூ² ஏகபாவுரணா ஸயெய்யுங், த்³வே பி⁴க்கூ² ஏகமஞ்சகே ஸயெய்யுங், தேஸங் து³க்கடானி ஹொந்தீதி ஸம்ப³ந்தோ⁴. பமாணதோ அதி⁴கங் வா ஊனங் வா த³ந்தகட்ட²ங் கா²தெ³ய்ய, தஸ்ஸ து³க்கடங் ஸியாதி யோஜனா. தத்த² அதி⁴கந்தி அட்ட²ங்கு³லதோ அதி⁴கங். ஊனந்தி சதுரங்கு³லதோ ஊனங்.
78. யோ பி⁴க்கு² நச்சஞ்ச கீ³தஞ்ச வாதி³தஞ்ச யோஜேதி வா யோஜாபேதி வா, தஸ்ஸ து³க்கடங் ஸியா. தேஸங் நச்சானங் த³ஸ்ஸனங், தேஸங் கீ³தானங் ஸவனங், தேஸங் வாதி³தானங் ஸவனஞ்ச கரொந்தஸ்ஸ து³க்கடங் ஸியாதி அத்தோ².
79. வீஹாதி³ரோபிமேதி ப³ஹிபாகாரகுட்டகேதி பாகாரகுட்டானங் ப³ஹி. வச்சாதி³ச²ட்³ட³னாதி³ம்ஹீதி வச்சபஸ்ஸாவஸங்காரசலகாதீ³னங் ச²ட்³ட³னவிஸ்ஸஜ்ஜனபச்சயா து³க்கடங் ஸியாதி அத்தோ². தீ³க⁴கேஸாதி³தா⁴ரணேதி தீ³க⁴கேஸதா⁴ரணே தீ³க⁴னக²தா⁴ரணே து³க்கடங் ஸியாதி அத்தோ².
80. நக²மட்ட²கரணாதி³ம்ஹீதி எத்த² ஆதி³-ஸத்³தே³ன ரஜனகரணங் க³ஹிதங். ஸம்பா³தே⁴ லோமஹாரணேதி ஸம்பா³தே⁴ உபகச்ச²கமுத்தகரணட்டா²னே லோமுத்³த⁴ரணே. ஸஉபாஹனோ பி⁴க்கு² பரிகம்மகதங் பூ⁴மிங் அக்கமெய்யாதி ஸம்ப³ந்தோ⁴.
81. அதோ⁴தஅல்லபாதே³ஹீதி யோ பி⁴க்கு² அதோ⁴தபாதே³ஹி வா அல்லபாதே³ஹி வா ஸங்கி⁴கங் மஞ்சங் வா பீட²ங் வா அக்கமெய்ய, பரிகம்மகதங் பி⁴த்திங் வா காயதோ ஆமஸந்தஸ்ஸ து³க்கடங் ஸியாதி அத்தோ².
82-3. ஸங்கா⁴டியாபி பல்லத்தே²தி அதி⁴ட்டி²தசீவரேன விஹாரே வா அந்தரக⁴ரே வா பல்லத்தி²கங் கரெய்ய, தஸ்ஸ து³க்கடங். து³ப்பரிபு⁴ஞ்ஜெய்ய சீவரந்தி திண்ணங் சீவரானங் அஞ்ஞதரங் சீவரங் து³ப்பரிபோ⁴கே³ன பரிபு⁴ஞ்ஜெய்ய. அகாயப³ந்த⁴னோதி காயப³ந்த⁴னவிரஹிதோ பி⁴க்கு² கா³மங் வஜெய்ய க³ச்செ²ய்ய. யோ பி⁴க்கு² வச்சகங் உச்சாரங் கத்வான உத³கே ஸந்தே நாசமெய்ய உத³கஸுத்³தி⁴ங் ந கரெய்ய, தஸ்ஸ து³க்கடங் ஸியாதி அத்தோ². ஸமாதெ³ய்ய அகப்பியேதி பி⁴க்கு²ங் வா ஸாமணேராதி³கே ஸேஸஸஹத⁴ம்மிகே வா அகப்பியே நியோஜெய்ய, தஸ்ஸ து³க்கடங் ஸியாதி அத்தோ². ஸபா⁴கா³பத்தியா தே³ஸனாரோசனபச்சயா து³க்கடங் ஸியாதி அத்தோ². ஸபா⁴கா³தி எத்த² வத்து²ஸபா⁴க³தாவ இதா⁴தி⁴ப்பேதா, ந ஆபத்திஸபா⁴க³தா.
84. ந வஸே வஸ்ஸந்தி யோ பி⁴க்கு² வஸ்ஸங் ந வஸெய்ய ந உபக³ச்செ²ய்ய, தஸ்ஸ து³க்கடங் ஸியா. விஸங்வாதே³ ஸுத்³த⁴சித்தேதி எத்த² அனநுஞ்ஞாதகிச்சதோ அனநுஞ்ஞாதகிச்சேன பி⁴க்கு²னோ க³மனே து³க்கடங் ஸியாதி யோஜனா.
85. ஆபத³ங் வஜ்ஜெத்வா தருஸ்ஸ உத்³த⁴ங் போரிஸம்ஹா அபி⁴ருஹணே து³க்கடங் ஸியாதி ஸம்ப³ந்தோ⁴. ஆபத³ந்தி அந்தராயங். தருஸ்ஸாதி ருக்க²ஸ்ஸ. போரிஸம்ஹாதி ஏகபோரிஸப்பமாணா மஜ்ஜி²மஸ்ஸ புரிஸஸ்ஸ பஞ்சஹத்தா². அபரிஸ்ஸாவனோ யோ பி⁴க்கு² அத்³தா⁴னங் க³ச்செ²ய்ய, யோ ச பி⁴க்கு² தங் பரிஸ்ஸாவனங் யாசதோ ந த³தெ³ய்ய, தஸ்ஸ து³க்கடங் ஸியாதி யோஜனா. அத்³தா⁴னந்தி அத்³த⁴யோஜனமேவ அந்திமமத்³தா⁴னங்.
86. அத்தனோ கா⁴தனே து³க்கடங் ஸியாதி ஸம்ப³ந்தோ⁴. யோ பி⁴க்கு² இத்தி²ரூபாதி³ரூபங் கரெய்ய வா காராபெய்ய வா, தஸ்ஸ து³க்கடங் ஸியா. மாலாதி³கங் விசித்தங் ட²பெத்வா ஜாதகாதி³வத்து²ங் ஸயங் கரெய்ய, து³க்கடங் ஸியாதி ஸம்ப³ந்தோ⁴.
87. பு⁴ஞ்ஜந்தமுட்ட²பேதி யோ பி⁴க்கு² பு⁴ஞ்ஜந்தங் உட்டா²பெய்ய, தஸ்ஸ து³க்கடங் ஸியா. ப⁴த்தஸாலாதீ³ஸு வுட்³டா⁴னங் ஓகாஸங் அத³த்வா நிஸீத³தோ து³க்கடங் ஸியாதி யோஜனா.
88. யானானீதி வய்ஹங் ரதோ² ஸகடங் ஸந்த³மானிகாதீ³னி. கல்லகோதி அகி³லானோ. அகி³லானோ வதே³ த³வந்தி கேளிங் வதெ³ய்ய, ரதனத்தயங் ஆரப்³ப⁴ கேளிங் வதெ³ய்ய, தஸ்ஸ து³க்கடங் ஸியாதி அத்தோ². அஞ்ஞபரிஸாய உபலாலனே து³க்கடங் ஹோதி.
89. காயாதி³ந்தி எத்த² ஆதி³-ஸத்³தோ³ ஊருனிமித்தங் ஸங்க³ண்ஹாதி. காயங் வா ஊருங் வா நிமித்தங் வா விவரித்வா பி⁴க்கு²னீனங் ந த³ஸ்ஸயே ந த³ஸ்ஸெய்யாதி அத்தோ². லோகாயதங் திரச்சா²னாதி³விஜ்ஜங் ந ச
90-92. யத்த² கத்த²சி பேளாயங் பக்கி²பித்வா ப⁴த்தங் பு⁴ஞ்ஜந்தஸ்ஸ து³க்கடங் ஸியாதி ஸம்ப³ந்தோ⁴. பத்தஹத்த²கோ யோ பி⁴க்கு² வாதபானங் வா கவாடங் வா பணாமே பணாமெய்ய, ஸோத³கங் பத்தங் உண்ஹெய்ய உண்ஹே ஓதாபெய்ய வா படிஸாமெய்ய வா, வோத³கங் பத்தங் அதிஉண்ஹெய்ய அதிட²பெய்ய, தஸ்ஸ து³க்கடங் ஸியாதி அத்தோ². யோ பி⁴க்கு² பத்தங் பூ⁴மியங் வா அங்கே வா மஞ்சே வா பீடே² வா மிட்³ட⁴ந்தே வா பரிப⁴ண்ட³ந்தே வா பாதே³ வா ச²த்தே வா ட²பெய்ய, தஸ்ஸ து³க்கடங் ஸியாதி ஸம்ப³ந்தோ⁴. பூ⁴மியந்தி யேன கேனசி அனத்த²தாய பங்ஸுஸக்க²ரமிஸ்ஸாய. அங்கேதி த்³வின்னங் ஊரூனங் மஜ்ஜே². மிட்³ட⁴ந்தேதி மிட்³ட⁴பரியந்தே. பரிப⁴ண்ட³ந்தேதி பா³ஹிரபஸ்ஸே கதாய தனுகமிட்³டி⁴யா அந்தே. யோ பி⁴க்கு² சலகாதி³ங் வா பத்தே ட²பெய்ய, பத்தே வா ஹத்த²தோ⁴வனே ஹத்த²ஸ்ஸ தோ⁴வனப்பச்சயா தஸ்ஸ து³க்கடங் ஸியாதி ஸம்ப³ந்தோ⁴.
93. உச்சி²ட்ட²ங் முக²தோ⁴வனங் உத³கம்பி பத்தேன நீஹரந்தஸ்ஸ பி⁴க்கு²னோ து³க்கடங் ஸியா. யோ பி⁴க்கு² அகப்பியங் பத்தங் பரிபு⁴ஞ்ஜெய்ய, தஸ்ஸ து³க்கடங் ஸியாதி அத்தோ². தத்த² அகப்பியங் பத்தந்தி தா³ருமயபத்தாதி³ங்.
94. யோ பி⁴க்கு² கி²பிதே ‘‘ஜீவா’’தி வதே³ வதெ³ய்ய, தஸ்ஸ து³க்கடங் ஸியாதி அத்தோ². யோ பி⁴க்கு² பரிமண்ட³லகாதி³ம்ஹி பஞ்சஸத்ததி ஸேகி²யே அனாத³ரோ ஹுத்வா ந ஸிக்க²தி, தஸ்ஸ து³க்கடங் ஸியாதி ஸம்ப³ந்தோ⁴.
95. யோ பி⁴க்கு² ப⁴ண்டா³கா³ரே பயுதோ மாதுயா பிதுனோ ச ப⁴ண்ட³கங் கோ³பெய்ய, அஸ்ஸ பி⁴க்கு²னோ பாசித்தியங் ஸியாதி ஸம்ப³ந்தோ⁴. தத்த² பயுதோதி ப⁴ண்டா³கா³ரே ப்³யாபாரவஸேன யுத்தப்பயுத்தோ. கோ³பயேதி யோ பி⁴க்கு²
பகிண்ணகனித்³தே³ஸவண்ணனா நிட்டி²தா.
6. வத்தாதி³கண்ட³னித்³தே³ஸவண்ணனா
96. இதா³னி வத்தங் த³ஸ்ஸேதுங் ‘‘உபஜ்ஜா²சரியவத்த’’ந்தி வுத்தங். தத்த² உபஜ்ஜா²யவத்தஞ்ச ஆசரியவத்தஞ்ச க³மிகவத்தஞ்ச ஆக³ந்துகவத்தஞ்ச ஸேனாஸனாதி³வத்தஞ்ச பியஸீலேன பி⁴க்கு²னா காதப்³ப³ந்தி ஸம்ப³ந்தோ⁴. க³மிகாக³ந்துகந்தி க³மிகங் ஆக³ந்துகந்தி சே²தோ³, க³மிகவத்தங் ஆக³ந்துகவத்தஞ்சாதி அத்தோ².
97. தா³துகாமோ ஹத்த²பாஸே டி²தோ கிஞ்சி க³ஹிதப்³ப³ங் ஏகேன புரிஸேன க³ஹிதப்³ப³ங் உக்கி²பனக்க²மங் வத்து²ங் திதா⁴ தீஸு பகாரேஸு ஏகேனாகாரேன த³தெ³ய்ய, க³ஹேதுகாமோ பி⁴க்கு² த்³விதா⁴ த்³வீஸு ஏகேன க³ண்ஹெய்ய, அயங் பஞ்சங்கோ³ படிக்³க³ஹோதி அத்தோ².
98-100. தூ³ரே டி²தங் சீவரங் ட²பிதோகாஸங் ஸல்லக்கெ²த்வா ‘‘ஏத’’ந்தி வத்தப்³ப³ங். ஹத்த²பாஸே டி²தங் ஹத்தே²ன ஆமஸித்வா ‘‘இம’’ந்தி வத்தப்³ப³ங். ‘‘ஏதங் அதி⁴ட்டா²மி, இமங் அதி⁴ட்டா²மீ’’தி இமேஸங் பதா³னங் மஜ்ஜே² ஸங்கா⁴டிஆதீ³ஸு பச்சேகங் யோஜெத்வா திசீவரங் அதி⁴ட்டெ²ய்ய. கத²ங்? ‘‘ஏதங் ஸங்கா⁴டிங் அதி⁴ட்டா²மி, இமங் ஸங்கா⁴டிங் அதி⁴ட்டா²மீ’’தி அதி⁴ட்டெ²ய்ய. ஏவங் ஸேஸேஸு ச சீவரேஸு. யதா² சீவராதி³ங்
101. ஸஞ்சரித்தங் ட²பெத்வா ஸேஸா க³ருகா ச பாராஜிகா ச ஸசித்தகாதி ஸம்ப³ந்தோ⁴. அந்திமாதி
102-3. கா³மப்பவேஸனந்தேதேதி கா³மப்பவேஸனங் இதி ஏதே. பாசித்தீஸு ஏதே பத³ஸோத⁴ம்மாத³யோ கா³மப்பவேஸனந்தா ஸத்தரஸ ஸிக்கா²பதா³ அசித்தகா.
104-5. பகிண்ணகேஸு உத்³தி³ஸ்ஸகதங் ட²பெத்வா அஞ்ஞமங்ஸகங் ஸேஸமங்ஸங் அசித்தகந்தி அத்தோ². எத்த² பகிண்ணகேஸு அஞ்ஞமங்ஸாதி³கங் பத்தஹத்தோ² கவாடகந்தங் தேரஸவித⁴ங் இத³ங் ஸிக்கா²பத³ங் அசித்தகங், ஸேஸங் ஸப்³ப³ங் ஸசித்தகந்தி அத்தோ².
106. ஆசரியா வீதிக்கமனசித்தேன ஸசித்தகங் அசித்தகந்தி வத³ந்தி, பஞ்ஞத்திஜானநேன சித்தேன ததா² ஸசித்தகங் அசித்தகந்தி ஆசரியா வத³ந்தீதி அத்தோ². ததா²-ஸத்³தே³ன ‘‘ஸசித்தகங் அசித்தக’’ந்தி இத³ங் க³ஹிதங்.
107-9. புப்³ப³கரணாதி³கந்தி எத்த² ஆதி³-ஸத்³தோ³ புப்³ப³கிச்சங் ஸங்க³ண்ஹாதி. தத்த² –
‘‘ஸம்மஜ்ஜனீ பதீ³போ ச, உத³கங் ஆஸனேன ச;
உபோஸத²ஸ்ஸ ஏதானி, புப்³ப³கரணந்தி வுச்சதி.
‘‘ச²ந்த³பாரிஸுத்³தி⁴உதுக்கா²னங், பி⁴க்கு²க³ணனா ச ஓவாதோ³;
உபோஸத²ஸ்ஸ ஏதானி, புப்³ப³கிச்சந்தி வுச்சதீ’’தி. –
ஏவங் புப்³ப³கரணாதி³கங் நவதா⁴ தீ³பிதங் ஸப்³ப³ங் உபோஸத²ப்பவாரணங் பியஸீலினா காதப்³ப³ந்தி அத்தோ².
112. யதா²க்கமந்தி
113. சாதுத்³த³ஸோ பன்னரஸோ, ஸாமக்³கீ³ தி³னதோ திதா⁴தி சாதுத்³த³ஸோ உபோஸதோ²
114. தேவாசீ த்³வேகவாசீதி தேவாசிகா பவாரணா, த்³வேவாசிகா பவாரணா, ஏகவாசிகா பவாரணா இதி நவ பவாரணா வுத்தா.
115. தஸ்ஸாதி ப²க்³கு³னமாஸஸ்ஸ. ததோ ஸேஸந்தி ஆஸாள்ஹிஅந்திமபக்க²ம்ஹா யாவ கத்திகபுண்ணமா வஸ்ஸகாலந்தி அத்தோ². எத்த² ஹி ஏகஸ்மிங் ஸங்வச்ச²ரே சதுவீஸதிஉபோஸதா² ஹொந்தி.
116. ஏதேஸூதி ஏதேஸு தீஸு சதூஸு ஏகேகஸ்மிங் உதும்ஹி ததியபக்கா² ஸத்தமபக்கா². சாதுத்³த³ஸாதி ச² சாதுத்³த³ஸாதி அத்தோ². ஸேஸானி உத்தானத்தா²னேவாதி.
வத்தாதி³கண்ட³னித்³தே³ஸவண்ணனா நிட்டி²தா.
நிக³மனகதா²
எத்தாவதா
நிட்டி²தா யா ஸமாஸேன, அட்³ட⁴மாஸஸ்ஸ அச்சயே.
அது⁴னூபஸம்பன்னானங், ஹிதத்தா²ய ஸமாஸதோ;
இமங் அத்த²ங் வண்ணயதா, யங் புஞ்ஞங்தி⁴க³தங் மயா.
தேன புஞ்ஞேனயங் லோகோ, ஸுகா²ய படிபத்தியா;
பாபுணாது விஸுத்³தா⁴ய, நிப்³பா³னங் அஜரங் பத³ங்.
நானாதருக³ணாகிண்ணே
ரம்மே யுத்³தா⁴னபதினோ, விஹாரே வஸதா ஸதா.
ஸாஸனே ஸித்³தி⁴பத்தஸ்ஸ, ஸித்³தி⁴னா ஞாணஸித்³தி⁴னா;
பண்டி³தேன கதா ஏஸா, மூலஸிக்க²த்த²வண்ணனா.
மூலஸிக்கா²-டீகா ஸமத்தா.