(౨౨) ౨. పరిసావగ్గో
౧. పరిసాసుత్తవణ్ణనా
౨౧౧. దుతియస్స పరిసదూసనా. పరిసం సోభేన్తీతి పరిససోభనా.
౨. దిట్ఠిసుత్తవణ్ణనా
౨౧౨. దుతియే మనోదుచ్చరితే పరియాపన్నాపి మిచ్ఛాదిట్ఠి మహాసావజ్జతాయ విసుం వుత్తా, తస్సా చ పటిపక్ఖవసేన సమ్మాదిట్ఠి.
౩. అకతఞ్ఞుతాసుత్తవణ్ణనా
౨౧౩. తతియే అకతఞ్ఞుతా అకతవేదితాతి అకతఞ్ఞుతాయ అకతవేదితాయ. ఉభయమ్పేతం అత్థతో ఏకమేవ. సుక్కపక్ఖేపి ఏసేవ నయో.
౪-౭. పాణాతిపాతీసుత్తాదివణ్ణనా
౨౧౪-౨౧౭. చతుత్థం చతున్నం కమ్మకిలేసానం తప్పటిపక్ఖస్స చ వసేన వుత్తం, పఞ్చమం సుక్కపక్ఖానం ఆదితో చతున్నం మిచ్ఛత్తానం వసేన, ఛట్ఠం అవసేసానం చతున్నం, సత్తమం అనరియవోహారఅరియవోహారానం. తథా
పరిసావగ్గో దుతియో.