(౨౪) ౪. ఆవాసికవగ్గో
౧. ఆవాసికసుత్తవణ్ణనా
౨౩౧. చతుత్థస్స న ఆకప్పసమ్పన్నోతి సమణాకప్పేన సమ్పన్నో. అభావనీయో హోతీతి వడ్ఢనీయో న హోతి. దుతియం ఉత్తానమేవ.
౩. సోభనసుత్తవణ్ణనా
౨౩౩. తతియే పటిబలోతి కాయబలేన చ ఞాణబలేన చ సమన్నాగతత్తా పటిబలో.
౪. బహూపకారసుత్తవణ్ణనా
౨౩౪. చతుత్థే ఖణ్డఫుల్లన్తి పతితట్ఠానఞ్చ భిన్నట్ఠానఞ్చ. పటిసఙ్ఖరోతీతి పటిపాకతికం కరోతి. ఆరోచేతీతి ఇదం పవారితకులానం వసేన వుత్తం.
౫. అనుకమ్పసుత్తవణ్ణనా
౨౩౫. పఞ్చమే అధిసీలేసూతి పఞ్చసు సీలేసు. ధమ్మదస్సనే నివేసేతీతి చతుసచ్చధమ్మదస్సనే పతిట్ఠాపేతి. అరహగ్గతన్తి సబ్బసక్కారానం అరహే రతనత్తయేవ గతం, తీసు వత్థూసు గరుచిత్తీకారం ఉపట్ఠపేథాతి అత్థో. ఛట్ఠం ఉత్తానమేవ.
౭. దుతియఅవణ్ణారహసుత్తవణ్ణనా
౨౩౭. సత్తమే ఆవాసపలిగేధీతి ఆవాసం బలవగిద్ధివసేన గిలిత్వా వియ ఠితో. సేసం సబ్బం ఉత్తానమేవాతి.
ఆవాసికవగ్గో చతుత్థో.