(౬) ౧. ఖేమవగ్గో
౧. ఖేమసుత్తం
౫౨. ‘‘‘ఖేమం
‘‘ఇధావుసో, భిక్ఖు వివిచ్చేవ కామేహి…పే॰… పఠమం ఝానం ఉపసమ్పజ్జ విహరతి. ఏత్తావతాపి ఖో, ఆవుసో, ఖేమం వుత్తం భగవతా పరియాయేన…పే॰….
‘‘పున చపరం, ఆవుసో, భిక్ఖు సబ్బసో నేవసఞ్ఞానాసఞ్ఞాయతనం సమతిక్కమ్మ సఞ్ఞావేదయితనిరోధం ఉపసమ్పజ్జ విహరతి, పఞ్ఞాయ చస్స దిస్వా ఆసవా పరిక్ఖీణా హోన్తి. ఏత్తావతాపి ఖో, ఆవుసో, ఖేమం వుత్తం భగవతా నిప్పరియాయేనా’’తి. పఠమం.
౨. ఖేమప్పత్తసుత్తం
౫౩. ఖేమప్పత్తో ఖేమప్పత్తోతి, ఆవుసో, వుచ్చతి…పే॰…. దుతియం.
౩. అమతసుత్తం
౫౪. అమతం అమతన్తి, ఆవుసో, వుచ్చతి…పే॰…. తతియం.
౪. అమతప్పత్తసుత్తం
౫౫. అమతప్పత్తో అమతప్పత్తోతి, ఆవుసో, వుచ్చతి…పే॰…. చతుత్థం.
౫. అభయసుత్తం
౫౬. అభయం
౬. అభయప్పత్తసుత్తం
౫౭. అభయప్పత్తో అభయప్పత్తోతి, ఆవుసో, వుచ్చతి…పే॰…. ఛట్ఠం.
౭. పస్సద్ధిసుత్తం
౫౮. పస్సద్ధి పస్సద్ధీతి, ఆవుసో, వుచ్చతి…పే॰…. సత్తమం.
౮. అనుపుబ్బపస్సద్ధిసుత్తం
౫౯. అనుపుబ్బపస్సద్ధి
౯. నిరోధసుత్తం
౬౦. నిరోధో నిరోధోతి, ఆవుసో, వుచ్చతి…పే॰…. నవమం.
౧౦. అనుపుబ్బనిరోధసుత్తం
౬౧. ‘‘‘అనుపుబ్బనిరోధో అనుపుబ్బనిరోధో’తి, ఆవుసో, వుచ్చతి. కిత్తావతా
‘‘ఇధావుసో, భిక్ఖు వివిచ్చేవ కామేహి…పే॰… పఠమం ఝానం ఉపసమ్పజ్జ విహరతి. ఏత్తావతాపి ఖో, ఆవుసో, అనుపుబ్బనిరోధో వుత్తో భగవతా పరియాయేన…పే॰…
‘‘పున చపరం, ఆవుసో, భిక్ఖు సబ్బసో నేవసఞ్ఞానాసఞ్ఞాయతనం సమతిక్కమ్మ సఞ్ఞావేదయితనిరోధం ఉపసమ్పజ్జ విహరతి, పఞ్ఞాయ చస్స దిస్వా ఆసవా పరిక్ఖీణా హోన్తి. ఏత్తావతాపి ఖో, ఆవుసో, అనుపుబ్బనిరోధో వుత్తో భగవతా నిప్పరియాయేనా’’తి. దసమం.
౧౧. అభబ్బసుత్తం
౬౨. ‘‘నవ, భిక్ఖవే, ధమ్మే అప్పహాయ అభబ్బో అరహత్తం సచ్ఛికాతుం. కతమే నవ? రాగం, దోసం, మోహం, కోధం, ఉపనాహం, మక్ఖం, పళాసం, ఇస్సం, మచ్ఛరియం – ఇమే ఖో, భిక్ఖవే, నవ ధమ్మే అప్పహాయ అభబ్బో అరహత్తం సచ్ఛికాతుం.
‘‘నవ, భిక్ఖవే, ధమ్మే పహాయ భబ్బో అరహత్తం సచ్ఛికాతుం. కతమే నవ? రాగం, దోసం, మోహం, కోధం, ఉపనాహం, మక్ఖం, పళాసం, ఇస్సం, మచ్ఛరియం – ఇమే ఖో, భిక్ఖవే, నవ ధమ్మే పహాయ భబ్బో అరహత్తం సచ్ఛికాతు’’న్తి. ఏకాదసమం.
ఖేమవగ్గో పఠమో.
తస్సుద్దానం –
ఖేమో
నిరోధో అనుపుబ్బో చ, ధమ్మం పహాయ భబ్బేన చాతి.