౭. రేవతబుద్ధవంసో
౧.
సుమనస్స అపరేన, రేవతో నామ నాయకో;
అనూపమో అసదిసో, అతులో ఉత్తమో జినో.
౨.
సోపి ధమ్మం
ఖన్ధధాతువవత్థానం, అప్పవత్తం భవాభవే.
౩.
తస్సాభిసమయా తీణి, అహేసుం ధమ్మదేసనే;
గణనాయ న వత్తబ్బో, పఠమాభిసమయో అహు.
౪.
యదా అరిన్దమం రాజం
తదా కోటిసహస్సానం, దుతియాభిసమయో అహు.
౫.
సత్తాహం పటిసల్లానా, వుట్ఠహిత్వా నరాసభో;
కోటిసతం నరమరూనం, వినేసి ఉత్తమే ఫలే.
౬.
సన్నిపాతా
ఖీణాసవానం విమలానం, సువిముత్తాన తాదినం.
౭.
అతిక్కన్తా గణనపథం, పఠమం యే సమాగతా;
కోటిసతసహస్సానం, దుతియో ఆసి సమాగమో.
౮.
యోపి
సో తదా బ్యాధితో ఆసి, పత్తో జీవితసంసయం.
౯.
తస్స గిలానపుచ్ఛాయ, యే తదా ఉపగతా మునీ;
కోటిసహస్సా అరహన్తో, తతియో ఆసి సమాగమో.
౧౦.
అహం తేన సమయేన, అతిదేవో నామ బ్రాహ్మణో;
ఉపగన్త్వా రేవతం బుద్ధం, సరణం తస్స గఞ్ఛహం.
౧౧.
తస్స సీలం సమాధిఞ్చ, పఞ్ఞాగుణమనుత్తమం;
థోమయిత్వా యథాథామం, ఉత్తరీయమదాసహం.
౧౨.
సోపి
‘‘అపరిమేయ్యితో కప్పే, అయం బుద్ధో భవిస్సతి.
౧౩.
‘‘పధానం పదహిత్వాన…పే॰…
౧౪.
తస్సాపి వచనం సుత్వా, భియ్యో చిత్తం పసాదయిం;
ఉత్తరిం వతమధిట్ఠాసిం, దసపారమిపూరియా.
౧౫.
తదాపి తం బుద్ధధమ్మం, సరిత్వా అనుబ్రూహయిం;
ఆహరిస్సామి తం ధమ్మం, యం మయ్హం అభిపత్థితం.
౧౬.
నగరం
విపులా నామ జనికా, రేవతస్స మహేసినో.
౧౭.
ఛ
సుదస్సనో రతనగ్ఘి, ఆవేళో చ విభూసితో;
పుఞ్ఞకమ్మాభినిబ్బత్తా, తయో పాసాదముత్తమా.
౧౮.
తేత్తింస చ సహస్సాని, నారియో సమలఙ్కతా;
సుదస్సనా నామ నారీ, వరుణో నామ అత్రజో.
౧౯.
నిమిత్తే చతురో దిస్వా, రథయానేన నిక్ఖమి;
అనూనసత్తమాసాని, పధానం పదహీ జినో.
౨౦.
బ్రహ్మునా యాచితో సన్తో, రేవతో లోకనాయకో;
వత్తి చక్కం మహావీరో, వరుణారామే సిరీఘరే.
౨౧.
వరుణో
సమ్భవో నాముపట్ఠాకో, రేవతస్స మహేసినో.
౨౨.
భద్దా చేవ సుభద్దా చ, అహేసుం అగ్గసావికా;
సోపి బుద్ధో అసమసమో, నాగమూలే అబుజ్ఝథ.
౨౩.
పదుమో కుఞ్జరో చేవ, అహేసుం అగ్గుపట్ఠికా;
సిరీమా చేవ యసవతీ, అహేసుం అగ్గుపట్ఠికా.
౨౪.
ఉచ్చత్తనేన సో బుద్ధో, అసీతిహత్థముగ్గతో;
ఓభాసేతి దిసా సబ్బా, ఇన్దకేతువ ఉగ్గతో.
౨౫.
తస్స సరీరే నిబ్బత్తా, పభామాలా అనుత్తరా;
దివా వా యది వా రత్తిం, సమన్తా ఫరతి యోజనం.
౨౬.
సట్ఠివస్ససహస్సాని, ఆయు విజ్జతి తావదే;
తావతా తిట్ఠమానో సో, తారేసి జనతం బహుం.
౨౭.
దస్సయిత్వా బుద్ధబలం, అమతం లోకే పకాసయం;
నిబ్బాయి అనుపాదానో, యథగ్గుపాదానసఙ్ఖయా.
౨౮.
సో చ కాయో రతననిభో, సో చ ధమ్మో అసాదిసో;
సబ్బం తమన్తరహితం, నను రిత్తా సబ్బసఙ్ఖారా.
౨౯.
రేవతో
ధాతువిత్థారికం ఆసి, తేసు తేసు పదేసతోతి.
రేవతస్స భగవతో వంసో పఞ్చమో.