౩. నిద్దేసవారో
౪. తత్థ సఙ్ఖేపతో నేత్తి కిత్తితా.
హారసఙ్ఖేపో
౧.
అస్సాదాదీనవతా
ఆణత్తీ చ భగవతో, యోగీనం దేసనాహారో.
౨.
యం పుచ్ఛితఞ్చ విస్సజ్జితఞ్చ, సుత్తస్స యా చ అనుగీతి;
సుత్తస్స యో పవిచయో, హారో విచయోతి నిద్దిట్ఠో.
౩.
సబ్బేసం హారానం, యా భూమీ యో చ గోచరో తేసం;
యుత్తాయుత్తపరిక్ఖా, హారో యుత్తీతి నిద్దిట్ఠో.
౪.
ధమ్మం దేసేతి జినో, తస్స చ ధమ్మస్స యం పదట్ఠానం;
ఇతి యావ సబ్బధమ్మా, ఏసో హారో పదట్ఠానో.
౫.
వుత్తమ్హి ఏకధమ్మే, యే ధమ్మా ఏకలక్ఖణా కేచి;
వుత్తా భవన్తి సబ్బే, సో హారో లక్ఖణో నామ.
౬.
నేరుత్తమధిప్పాయో, బ్యఞ్జనమథ దేసనానిదానఞ్చ;
పుబ్బాపరానుసన్ధీ, ఏసో హారో చతుబ్యూహో.
౭.
ఏకమ్హి పదట్ఠానే, పరియేసతి సేసకం పదట్ఠానం;
ఆవట్టతి పటిపక్ఖే, ఆవట్టో నామ సో హారో.
౮.
ధమ్మఞ్చ
సాధారణే అసాధారణే చ నేయ్యో విభత్తీతి.
౯.
కుసలాకుసలే ధమ్మే, నిద్దిట్ఠే భావితే పహీనే చ;
పరివత్తతి పటిపక్ఖే, హారో పరివత్తనో నామ.
౧౦.
వేవచనాని
యో జానాతి సుత్తవిదూ, వేవచనో నామ సో హారో.
౧౧.
ఏకం
సో ఆకారో ఞేయ్యో, పఞ్ఞత్తీ నామ హారోతి.
౧౨.
యో చ పటిచ్చుప్పాదో, ఇన్ద్రియఖన్ధా చ ధాతు ఆయతనా;
ఏతేహి ఓతరతి యో, ఓతరణో నామ సో హారో.
౧౩.
విస్సజ్జితమ్హి పఞ్హే, గాథాయం పుచ్ఛితాయమారబ్భ;
సుద్ధాసుద్ధపరిక్ఖా, హారో సో సోధనో నామ.
౧౪.
ఏకత్తతాయ ధమ్మా, యేపి చ వేమత్తతాయ నిద్దిట్ఠా;
తేన వికప్పయితబ్బా, ఏసో హారో అధిట్ఠానో.
౧౫.
యే ధమ్మా యం ధమ్మం, జనయన్తిప్పచ్చయా పరమ్పరతో;
హేతుమవకడ్ఢయిత్వా, ఏసో హారో పరిక్ఖారో.
౧౬.
యే ధమ్మా యం మూలా, యే చేకత్థా పకాసితా మునినా;
తే సమరోపయితబ్బా, ఏస సమారోపనో హారో.
నయసఙ్ఖేపో
౧౭.
తణ్హఞ్చ అవిజ్జమ్పి చ, సమథేన విపస్సనా యో నేతి;
సచ్చేహి యోజయిత్వా, అయం నయో నన్దియావట్టో.
౧౮.
యో అకుసలే సమూలేహి, నేతి కుసలే చ కుసలమూలేహి;
భూతం తథం అవితథం, తిపుక్ఖలం తం నయం ఆహు.
౧౯.
యో నేతి విపల్లాసేహి, కిలేసే ఇన్ద్రియేహి సద్ధమ్మే;
ఏతం నయం నయవిదూ, సీహవిక్కీళితం ఆహు.
౨౦.
వేయ్యాకరణేసు
మనసా వోలోకయతే, తం ఖు దిసాలోచనం ఆహు.
౨౧.
ఓలోకేత్వా
సబ్బే కుసలాకుసలే, అయం నయో అఙ్కుసో నామ.
౨౨.
సోళస హారా పఠమం, దిసలోచనతో
సఙ్ఖిపియ అఙ్కుసేన హి, నయేహి తీహి నిద్దిసే సుత్తం.
ద్వాదసపద
౨౩.
అక్ఖరం పదం బ్యఞ్జనం, నిరుత్తి తథేవ నిద్దేసో;
ఆకారఛట్ఠవచనం, ఏత్తావ బ్యఞ్జనం సబ్బం.
౨౪.
సఙ్కాసనా
ఏతేహి ఛహి పదేహి, అత్థో కమ్మఞ్చ నిద్దిట్ఠం.
౨౫.
తీణి చ నయా అనూనా, అత్థస్స చ ఛప్పదాని గణితాని;
నవహి పదేహి భగవతో, వచనస్సత్థో సమాయుత్తో.
౨౬.
అత్థస్స నవప్పదాని, బ్యఞ్జనపరియేట్ఠియా చతుబ్బీస;
ఉభయం సఙ్కలయిత్వా
నిద్దేసవారో.