చూళసఙ్గామో
౧. అనువిజ్జకస్సపటిపత్తి
౩౬౫.
సఙ్ఘేన అనుమతేన పుగ్గలేన అనువిజ్జకేన అనువిజ్జితుకామేన న ఉపజ్ఝాయో పుచ్ఛితబ్బో, న ఆచరియో పుచ్ఛితబ్బో, న సద్ధివిహారికో పుచ్ఛితబ్బో, న అన్తేవాసికో పుచ్ఛితబ్బో, న సమానుపజ్ఝాయకో పుచ్ఛితబ్బో, న సమానాచరియకో పుచ్ఛితబ్బో, న జాతి పుచ్ఛితబ్బా, న నామం పుచ్ఛితబ్బం, న గోత్తం పుచ్ఛితబ్బం, న ఆగమో పుచ్ఛితబ్బో, న కులపదేసో పుచ్ఛితబ్బో, న జాతిభూమి పుచ్ఛితబ్బా. తం కిం కారణా? అత్రస్స పేమం వా దోసో వా. పేమే వా సతి దోసే వా, ఛన్దాపి గచ్ఛేయ్య దోసాపి గచ్ఛేయ్య మోహాపి గచ్ఛేయ్య భయాపి గచ్ఛేయ్య.
సఙ్ఘేన అనుమతేన పుగ్గలేన అనువిజ్జకేన అనువిజ్జితుకామేన సఙ్ఘగరుకేన భవితబ్బం నో పుగ్గలగరుకేన, సద్ధమ్మగరుకేన భవితబ్బం నో ఆమిసగరుకేన, అత్థవసికేన భవితబ్బం నో పరిసకప్పికేన, కాలేన అనువిజ్జితబ్బం నో అకాలేన, భూతేన అనువిజ్జితబ్బం
ఆసనకుసలేన భవితబ్బం నిసజ్జకుసలేన, యుగమత్తం పేక్ఖన్తేన అత్థం అనువిధియన్తేన సకే ఆసనే నిసీదితబ్బం, న చ ఆసనా వుట్ఠాతబ్బం
౩౬౬. సుత్తం సంసన్దనత్థాయ, ఓపమ్మం నిదస్సనత్థాయ, అత్థో విఞ్ఞాపనత్థాయ, పటిపుచ్ఛా ఠపనత్థాయ, ఓకాసకమ్మం చోదనత్థాయ, చోదనా సారణత్థాయ, సారణా సవచనీయత్థాయ, సవచనీయం పలిబోధత్థాయ, పలిబోధో వినిచ్ఛయత్థాయ, వినిచ్ఛయో సన్తీరణత్థాయ, సన్తీరణం ఠానాఠానగమనత్థాయ, ఠానాఠానగమనం దుమ్మఙ్కూనం పుగ్గలానం నిగ్గహత్థాయ, పేసలానం భిక్ఖూనం సమ్పగ్గహత్థాయ, సఙ్ఘో సమ్పరిగ్గహసమ్పటిచ్ఛనత్థాయ, సఙ్ఘేన అనుమతా పుగ్గలా పచ్చేకట్ఠాయినో అవిసంవాదకట్ఠాయినో.
వినయో సంవరత్థాయ, సంవరో అవిప్పటిసారత్థాయ, అవిప్పటిసారో పాముజ్జత్థాయ, పాముజ్జం పీతత్థాయ, పీతి పస్సద్ధత్థాయ, పస్సద్ధి సుఖత్థాయ, సుఖం సమాధత్థాయ, సమాధి యథాభూతఞాణదస్సనత్థాయ, యథాభూతఞాణదస్సనం నిబ్బిదత్థాయ, నిబ్బిదా విరాగత్థాయ, విరాగో విముత్తత్థాయ, విముత్తి విముత్తిఞాణదస్సనత్థాయ, విముత్తిఞాణదస్సనం అనుపాదాపరినిబ్బానత్థాయ. ఏతదత్థా
౩౬౭.
అనుయోగవత్తం నిసామయ, కుసలేన బుద్ధిమతా కతం;
సువుత్తం సిక్ఖాపదానులోమికం, గతిం న నాసేన్తో సమ్పరాయికం.
వత్థుం
పుబ్బాపరం న జానాతి, కతాకతం సమేన చ.
కమ్మఞ్చ అధికరణఞ్చ, సమథే చాపి అకోవిదో;
రత్తో దుట్ఠో చ మూళ్హో చ, భయా మోహా చ గచ్ఛతి.
న చ సఞ్ఞత్తికుసలో, నిజ్ఝత్తియా చ అకోవిదో;
లద్ధపక్ఖో అహిరికో, కణ్హకమ్మో అనాదరో;
స వే
వత్థుం విపత్తిం ఆపత్తిం, నిదానం ఆకారకోవిదో;
పుబ్బాపరఞ్చ జానాతి, కతాకతం సమేన చ.
కమ్మఞ్చ అధికరణఞ్చ, సమథే చాపి కోవిదో;
అరత్తో అదుట్ఠో అమూళ్హో, భయా మోహా న గచ్ఛతి.
సఞ్ఞత్తియా చ కుసలో, నిజ్ఝత్తియా చ కోవిదో;
లద్ధపక్ఖో హిరిమనో, సుక్కకమ్మో సగారవో;
స వే తాదిసకో భిక్ఖు, సప్పటిక్ఖోతి వుచ్చతీతి.
చూళసఙ్గామో నిట్ఠితో.
తస్సుద్దానం –
నీచచిత్తేన
సుత్తం సంసన్దనత్థాయ, వినయానుగ్గహేన చ;
ఉద్దానం చూళసఙ్గామే, ఏకుద్దేసో