๑๒. ทฺวาทสโม ปริจฺเฉโท
ปญฺญตฺตินิทฺเทสวณฺณนา
สงฺขายตีติ สงฺขา, กถียตีติ อตฺโถฯ กินฺติ กิํ อิติ กถียติฯ ‘‘อห’’นฺติ ‘‘มม’’นฺติ กถียติฯ
ตชฺชาปญฺญตฺตีติ ตสฺส จกฺขุโสตาทิกสฺส อนุรูปวเสน ชาตา ปญฺญตฺตีติ อตฺโถฯ
เอกสฺสวาติ เอกสฺส นามธมฺมสฺส ‘‘อจฺโฉ’’ติ นามํ คเหตฺวา พหูนํ นามธมฺมานํ ‘‘อจฺโฉ’’ติ นามํ คเหตฺวาฯ สมูหเมวาติ นามธมฺมานํ สมูหํ เอวฯ
คหิโต ปุพฺเพ สงฺเกโต เอเตนาติ คหิตปุพฺพสงฺเกตํฯ กิํ ตํ? มโนทฺวาราวชฺชนชวนวิญฺญาณํฯ เตน คหิตาย ปญฺญตฺติยา วิญฺญายติ ‘‘สตฺตา’’ติ ‘‘กมฺมชา’’ติ กถียติฯ
อิตฺถี อิตฺถิปุริสาทโย, เตสํฯ
๗๗๘. ตติยา โกฏีติ ตติโย โกฏฺฐาโสฯ
อิติ อภิธมฺมาวตารฏีกาย
ปญฺญตฺตินิทฺเทสวณฺณนา นิฏฺฐิตาฯ
ทฺวาทสโม ปริจฺเฉโทฯ