มหาปธานทีปนีคาถา
๑๑๑.
โอโรหิโตโตหิตปาปธมฺโม,
ฉนฺเนน ส ฉนฺนหเยน คนฺตฺวา;
อโนมตีรมฺหิ อโนมสตฺโต,
อโนมปพฺพชฺชมุปาคโต โสฯ
๑๑๒.
นิรามิสํ ปีติสุขํ อนูปมํ,
อนูปิเย อมฺพวเน อลตฺถ;
สรูปโสภาย วิรูปโสภํ,
สราชิกํ ราชคหํ กริตฺถฯ
๑๑๓.
ตโต อฬาร อูทกตาปสานํ,
ฌาเนนสนฺตุฏฺฐมโน วิหาย;
มหาปธานาย อุรุเวลภูมิํ,
คโต สิขปฺปตฺตมกาสิ ทุกฺกรํฯ
๑๑๔.
น กามโต เนวติทุกฺกรมฺหิ,
สพฺพญฺญุตา สิชฺฌติ มชฺฌิมาย;
ญตฺวาน ตํ ปุพฺพคุโณปลทฺธํ,
ธมฺมํ สมาเนตุมคา สุโพธิํฯ