๖. กิเลสสํยุตฺตวณฺณนา
๓๒๒-๓๓๑. เอโสติ อุปกฺกิเลโสฯ จิตฺตสฺสาติ สามญฺญวจนํ อนิจฺฉนฺโต โจทโก ‘‘กตรจิตฺตสฺสา’’ติ อาหฯ อิตโร กามํ อุปตาปนมลีนภาวกรณวเสน อุปกฺกิเลโส โลกุตฺตรสฺส นตฺถิ, วิพาธนฏฺโฐ ปน อตฺเถว อุปฺปตฺตินิวารณโตติ อธิปฺปาเยนาห ‘‘จตุภูมกจิตฺตสฺสา’’ติฯ โจทโก ‘‘เตภูมกา’’ติอาทินา อตฺตโน อธิปฺปายํ วิวรติ, อิตโร ‘‘อุปฺปตฺตินิวารณโต’’ติอาทินาฯ อริยผลปฏิปฺปสฺสทฺธิปหานวเสน ปวตฺติยา ‘‘เนกฺขมฺมนินฺนนฺติ นวโลกุตฺตรธมฺมนินฺน’’นฺติฯ อภิชานิตฺวาติ อภิมุขภาเวน ชานิตฺวาฯ สจฺฉิกาตพฺเพสูติ ปจฺจกฺขกาตพฺเพสุฯ ฉฬภิญฺญาธมฺเมสูติ อริยมคฺคสมฺปยุตฺตธมฺเมสุฯ
กิเลสสํยุตฺตวณฺณนา นิฏฺฐิตาฯ