๑๑. ติกวคฺโค
๑. ราคสุตฺตวณฺณนา
๑๐๗. เอกาทสมสฺส อสุภาติ อสุภกมฺมฏฺฐานํฯ เมตฺตาติ เมตฺตากมฺมฏฺฐานํฯ ปญฺญาติ สหวิปสฺสนา มคฺคปญฺญาฯ
๖. อสฺสาทสุตฺตวณฺณนา
๑๑๒. ฉฏฺเฐ อสฺสาททิฏฺฐีติ สสฺสตทิฏฺฐิฯ อตฺตานุทิฏฺฐีติ อตฺตานํ อนุคตา วีสติวตฺถุกา สกฺกายทิฏฺฐิฯ มิจฺฉาทิฏฺฐีติ ทฺวาสฏฺฐิวิธาปิ ทิฏฺฐิฯ สมฺมาทิฏฺฐีติ มคฺคสมฺมาทิฏฺฐิ, นตฺถิ ทินฺนนฺติอาทิกา วา มิจฺฉาทิฏฺฐิ, กมฺมสฺสกตญาณํ สมฺมาทิฏฺฐิฯ
๗. อรติสุตฺตวณฺณนา
๑๑๓. สตฺตเม อธมฺมจริยาติ ทส อกุสลกมฺมปถาฯ
๑๐. อุทฺธจฺจสุตฺตวณฺณนา
๑๑๖. ทสเม อสํวโรติ อนธิวาสกภาโวฯ เสสํ สพฺพตฺถ อุตฺตานเมวาติฯ
ติกวคฺโค เอกาทสโมฯ