๑๑. เอกาทสนิปาโต
๑. สํกิจฺจตฺเถรคาถา
๕๙๗.
‘‘กิํ
เวรมฺภา รมณียา เต, ปวิเวโก หิ ฌายินํฯ
๕๙๘.
‘‘ยถา อพฺภานิ เวรมฺโภ, วาโต นุทติ ปาวุเส;
สญฺญา เม อภิกิรนฺติ, วิเวกปฏิสญฺญุตาฯ
๕๙๙.
‘‘อปณฺฑโร อณฺฑสมฺภโว, สีวถิกาย นิเกตจาริโก;
อุปฺปาทยเตว เม สติํ, สนฺเทหสฺมิํ วิราคนิสฺสิตํฯ
๖๐๐.
‘‘ยญฺจ อญฺเญ น รกฺขนฺติ, โย จ อญฺเญ น รกฺขติ;
ส เว ภิกฺขุ สุขํ เสติ, กาเมสุ อนเปกฺขวาฯ
๖๐๑.
‘‘อจฺโฉทิกา ปุถุสิลา, โคนงฺคุลมิคายุตา;
อมฺพุเสวาลสญฺฉนฺนา, เต เสลา รมยนฺติ มํฯ
๖๐๒.
‘‘วสิตํ เม อรญฺเญสุ, กนฺทราสุ คุหาสุ จ;
เสนาสเนสุ ปนฺเตสุ, วาฬมิคนิเสวิเตฯ
๖๐๓.
‘‘‘อิเม หญฺญนฺตุ วชฺฌนฺตุ, ทุกฺขํ ปปฺโปนฺตุ ปาณิโน’;
สงฺกปฺปํ นาภิชานามิ, อนริยํ โทสสํหิตํฯ
๖๐๔.
‘‘ปริจิณฺโณ มยา สตฺถา, กตํ พุทฺธสฺส สาสนํ;
โอหิโต ครุโก ภาโร, ภวเนตฺติ สมูหตาฯ
๖๐๕.
‘‘ยสฺส จตฺถาย
โส เม อตฺโถ อนุปฺปตฺโต, สพฺพสํโยชนกฺขโยฯ
๖๐๖.
‘‘นาภินนฺทามิ
กาลญฺจ ปฏิกงฺขามิ, นิพฺพิสํ ภตโก ยถาฯ
๖๐๗.
‘‘นาภินนฺทามิ
กาลญฺจ ปฏิกงฺขามิ, สมฺปชาโน ปติสฺสโต’’ติฯ
… สํกิจฺโจ เถโร…ฯ
เอกาทสนิปาโต นิฏฺฐิโตฯ
ตตฺรุทฺทานํ –
สํกิจฺจเถโร เอโกว, กตกิจฺโจ อนาสโว;
เอกาทสนิปาตมฺหิ, คาถา เอกาทเสว จาติฯ