๒๙. ธาตุภาชนียกถา
๑.
มหาโคตโม
ธาตุวิตฺถาริกํ อาสิ, เตสุ เตสุ ปเทสโตฯ
๒.
เอโก อชาตสตฺตุสฺส, เอโก เวสาลิยา ปุเร;
เอโก กปิลวตฺถุสฺมิํ, เอโก จ อลฺลกปฺปเกฯ
๓.
เอโก จ รามคามมฺหิ, เอโก จ เวฐทีปเก;
เอโก ปาเวยฺยเก มลฺเล, เอโก จ โกสินารเกฯ
๔.
กุมฺภสฺส
องฺคารถูปํ กาเรสุํ, โมริยา ตุฏฺฐมานสาฯ
๕.
อฏฺฐ สารีริกา ถูปา, นวโม กุมฺภเจติโย;
องฺคารถูโป ทสโม, ตทาเยว ปติฏฺฐิโตฯ
๖.
อุณฺหีสํ จตสฺโส ทาฐา, อกฺขกา ทฺเว จ ธาตุโย;
อสมฺภินฺนา อิมา สตฺต, เสสา ภินฺนาว ธาตุโยฯ
๗.
มหนฺตา
ขุทฺทกา สาสปมตฺตา จ, นานาวณฺณา จ ธาตุโยฯ
๘.
มหนฺตา สุวณฺณวณฺณา จ, มุตฺตวณฺณา จ มชฺฌิมา;
ขุทฺทกา มกุลวณฺณา จ, โสฬสโทณมตฺติกาฯ
๙.
มหนฺตา ปญฺจ นาฬิโย, นาฬิโย ปญฺจ มชฺฌิมา;
ขุทฺทกา ฉ นาฬี เจว, เอตา สพฺพาปิ ธาตุโยฯ
๑๐.
อุณฺหีสํ สีหเฬ ทีเป, พฺรหฺมโลเก จ วามกํ;
สีหเฬ ทกฺขิณกฺขญฺจ, สพฺพาเปตา ปติฏฺฐิตาฯ
๑๑.
เอกา ทาฐา ติทสปุเร, เอกา นาคปุเร อหุ;
เอกา คนฺธารวิสเย, เอกา กลิงฺคราชิโนฯ
๑๒.
จตฺตาลีสสมา
เทวา หริํสุ เอเกกํ, จกฺกวาฬปรมฺปราฯ
๑๓.
วชิรายํ ภควโต, ปตฺโต ทณฺฑญฺจ จีวรํ;
นิวาสนํ กุลฆเร, ปจฺจตฺถรณํ กปิลวฺหเย
๑๔.
ปาฏลิปุตฺตปุรมฺหิ, กรณํ กายพนฺธนํ;
จมฺปายุทกสาฏิยํ, อุณฺณโลมญฺจ โกสเลฯ
๑๕.
กาสาวํ พฺรหฺมโลเก จ, เวฐนํ ติทเส ปุเร;
นิสีทนํ อวนฺตีสุ, รฏฺเฐ
๑๖.
อรณี จ มิถิลายํ, วิเทเห ปริสาวนํ;
วาสิ
๑๗.
ปริกฺขารา อวเสสา, ชนปเท อปรนฺตเก;
ปริภุตฺตานิ มุนินา, อกํสุ มนุชา ตทาฯ
๑๘.
ธาตุวิตฺถาริกํ
ปาณีนํ อนุกมฺปาย, อหุ โปราณิกํ ตทาติฯ
ธาตุภาชนียกถา นิฏฺฐิตาฯ
พุทฺธวํโสนิฏฺฐิโตฯ