๕. ปาฏิเทสนียกณฺฑํ (ภิกฺขุนีวิภงฺควณฺณนา)
ปาฏิเทสนียสิกฺขาปทวณฺณนา
ปาฏิเทสนียา
เย ธมฺมา อฏฺฐ อารุฬฺหา, สงฺเขเปเนว สงฺคหํ;
เตสํ ปวตฺตเต เอสา, สงฺเขเปเนว วณฺณนาฯ
๑๒๒๘. ยานิ หิ เอตฺถ ปาฬิยํ สปฺปิเตลาทีนิ นิทฺทิฏฺฐานิ, ตานิเยว วิญฺญาเปตฺวา ภุญฺชนฺติยา ปาฏิเทสนียาฯ ปาฬิวินิมุตฺตเกสุ ปน สพฺเพสุ ทุกฺกฏํฯ เสสเมตฺถ อุตฺตานเมวฯ อฏฺฐวิธมฺปิ ปเนตํ ปาฏิเทสนียํ จตุสมุฏฺฐานํ – กายโต กายวาจโต กายจิตฺตโต กายวาจาจิตฺตโต จ สมุฏฺฐาติ, กิริยํ โนสญฺญาวิโมกฺขํ, อจิตฺตกํ, ปณฺณตฺติวชฺชํ, กายกมฺมํ, วจีกมฺมํ, ติจิตฺตํ, ติเวทนนฺติฯ
ปาฏิเทสนียวณฺณนา นิฏฺฐิตาฯ
ปาฏิเทสนียกณฺฑํ นิฏฺฐิตํฯ
เสขิยา ปน อุทฺทิฏฺฐา, เย ธมฺมา ปญฺจสตฺตติ;
เตสํ อนนฺตราเยว, สตฺตาธิกรณวฺหยาฯ
มหาวิภงฺเค
ภิกฺขุนีนํ วิภงฺเคปิ, ตาทิสํเยว ตํ วิทูฯ
ยสฺมา
น วุตฺตา ตตฺถ ยา วุตฺตา, วุตฺตาเยว หิ สา อิธาติฯ
สมนฺตปาสาทิกาย วินยสํวณฺณนาย
ภิกฺขุนีวิภงฺควณฺณนา นิฏฺฐิตาฯ
สพฺพาสวปหํ เอสา, นิฏฺฐิตา วณฺณนา ยถา;
สพฺพาสวปหํ มคฺคํ, ปตฺวา ปสฺสนฺตุ นิพฺพุตินฺติฯ
อุภโตวิภงฺคฏฺฐกถา นิฏฺฐิตาฯ