๘. อธิกรณสมถา

อิเม โข ปนายสฺมโนฺต สตฺต อธิกรณสมถา

ธมฺมา อุเทฺทสํ อาคจฺฉนฺติฯ

๖๕๕. อุปฺปนฺนุปฺปนฺนานํ อธิกรณานํ สมถาย วูปสมาย สมฺมุขาวินโย ทาตโพฺพ, สติวินโย ทาตโพฺพ, อมูฬฺหวินโย ทาตโพฺพ, ปฎิญฺญาย กาเรตพฺพํ, เยภุยฺยสิกา, ตสฺสปาปิยสิกา, ติณวตฺถารโกติฯ

อุทฺทิฎฺฐา โข, อายสฺมโนฺต, สตฺต อธิกรณสมถา ธมฺมาฯ ตตฺถายสฺมเนฺต ปุจฺฉามิ – ‘‘กจฺจิตฺถ ปริสุทฺธา’’? ทุติยมฺปิ ปุจฺฉามิ – ‘‘กจฺจิตฺถ ปริสุทฺธา’’? ตติยมฺปิ ปุจฺฉามิ – ‘‘กจฺจิตฺถ ปริสุทฺธา’’? ปริสุเทฺธตฺถายสฺมโนฺต, ตสฺมา ตุณฺหี, เอวเมตํ ธารยามีติฯ

อธิกรณสมถา นิฎฺฐิตาฯ

อุทฺทิฎฺฐํ โข, อายสฺมโนฺต, นิทานํ; อุทฺทิฎฺฐา จตฺตาโร ปาราชิกา ธมฺมา; อุทฺทิฎฺฐา เตรส สงฺฆาทิเสสา ธมฺมา; อุทฺทิฎฺฐา เทฺว อนิยตา ธมฺมา; อุทฺทิฎฺฐา ติํส นิสฺสคฺคิยา ปาจิตฺติยา ธมฺมา; อุทฺทิฎฺฐา เทฺวนวุติ ปาจิตฺติยา ธมฺมา; อุทฺทิฎฺฐา จตฺตาโร ปาฎิเทสนียา ธมฺมา; อุทฺทิฎฺฐา เสขิยา ธมฺมา; อุทฺทิฎฺฐา สตฺต อธิกรณสมถา ธมฺมาฯ เอตฺตกํ ตสฺส ภควโต สุตฺตาคตํ สุตฺตปริยาปนฺนํ อนฺวทฺธมาสํ อุเทฺทสํ อาคจฺฉติฯ ตตฺถ สเพฺพเหว สมเคฺคหิ สโมฺมทมาเนหิ อวิวทมาเนหิ สิกฺขิตพฺพนฺติฯ

มหาวิภโงฺค นิฎฺฐิโตฯ

ฯ นโม ตสฺส ภควโต อรหโต สมฺมาสมฺพุทฺธสฺสฯ

ภิกฺขุนีวิภโงฺค