อปรทุติยคาถาสงฺคณิกํ
กายิกาทิอาปตฺติวณฺณนา
๔๗๔. วินเย ครุกา วินยครุกาฯ กิญฺจาปิ อิทํ ทฺวีสุ คาถาสุ อาคตํ, อญฺเญหิ ปน มิสฺเสตฺวา วุตฺตภาวโต นานากรณํ ปจฺเจตพฺพํฯ
เทสนาคามินิยาทิวณฺณนา
๔๗๕. ทฺเว สํวาสกภูมิโยติ เอตฺถ ภูมีติ อวตฺถาฯ องฺคหีนตา การณเวกลฺลวเสนปิ เวทิตพฺพาติ อาห ‘‘อปิเจตฺถา’’ติอาทิฯ เอส นโยติ ‘‘อปิเจตฺถา’’ติอาทินา วุตฺตนโยฯ วนปฺปติํ ฉินฺทนฺตสฺส ปาราชิกนฺติ อทินฺนาทาเน วนปฺปติกถาย อาคตํ ปรสนฺตกํ สนฺธาย วุตฺตํฯ วิสฺสฏฺฐิฉฑฺฑเนติ สุกฺกวิสฺสฏฺฐิยา โมจเนฯ ทุกฺกฏา กตาติ ทุกฺกฏํ วุตฺตํฯ ปฐมสิกฺขาปทมฺหิเยวาติ ภิกฺขุโนวาทกวคฺคสฺส ปฐมสิกฺขาปเทเยวฯ อามกธญฺญํ วิญฺญาเปตฺวา ภุญฺชนฺติยา ปุพฺพปโยเค ทุกฺกฏํ, อชฺโฌหาเร ปาจิตฺติยํฯ
ปาจิตฺติยวณฺณนา
๔๗๖. อพฺภุณฺหสีโลติ
๔๗๘. อสุตฺตกนฺติ สุตฺตวิรหิตํ, สุตฺตโต อปนีตํ นตฺถีติ อตฺโถฯ