นิคมนกถา
๑.
ชมฺพุทีปตเล
ตมฺพทีปรฏฺเฐ ฐิตํ, ปุรํ รตนนามกํฯ
๒.
ชินสาสนปชฺโชตํ
สาธุชฺชนานมาวาสํ, โสณฺณปาสาทลงฺกตํฯ
๓.
ตสฺมิํ รตนปุรมฺหิ, ราชาเนกรฏฺฐิสฺสโร;
สิรีสุธมฺมราชาติ, มหาอธิปตีติ จฯ
๔.
เอวํนาโม มหาเตโช, รชฺชํ กาเรสิ ธมฺมโต;
การาเปสิ ราชา มณิ-จูฬํ มหนฺตเจติยํฯ
๕.
ตสฺส กาเล พฺรหารญฺเญ, ติริโย นาม ปพฺพโต;
ปุพฺพการญฺญวาสีนํ, นิวาโส ภาวนารโหฯ
๖.
อฏฺฐารสหิ โทเสหิ, มุตฺโต ปญฺจงฺคุปาคโต;
อรญฺญลกฺขณํ ปตฺโต, พทฺธสีมายลงฺกโตฯ
๗.
ตสฺมิํ ปพฺพเต วสนฺโต, มหาเถโร สุปากโฏ;
ติเปฏกาลงฺกาโรติ, ทฺวิกฺขตฺตุํ ลทฺธลญฺฉโนฯ
๘.
เตภาตุกนรินฺทานํ, ครุภูโต สุเปสโล;
กุสโล ปริยตฺติมฺหิ, ปฏิปตฺติมฺหิ การโกฯ
๙.
โสหํ ลชฺชีเปสเลหิ, ภิกฺขูหิ อภิยาจิโต;
สาสนสฺโสปการาย, อกาสิํ สีลวฑฺฒนํฯ
๑๐.
วินยาลงฺการํ นาม, ลชฺชีนํ อุปการกํ;
สุฏฺฐุ วินยสงฺคห-วณฺณนํ สาธุเสวิตํฯ
๑๑.
รูปฉิทฺทนาสกณฺเณ
ฉิทฺทสุญฺญสุญฺญรูเป, กลิยุคมฺหิ อาคเตฯ
๑๒.
นิฏฺฐาปิตา อยํ ฏีกา, มยา สาสนการณา;
ทฺวีสุ โสณฺณวิหาเรสุ, ทฺวิกฺขตฺตุํ ลทฺธเกตุนาฯ
๑๓.
อิมินา ปุญฺญกมฺเมน, อญฺเญน กุสเลน จ;
อิโต จุตาหํ ทุติเย, อตฺตภาวมฺหิ อาคเตฯ
๑๔.
หิมวนฺตปเทสมฺหิ, ปพฺพเต คนฺธมาทเน;
อาสนฺเน มณิคุหาย, มญฺชูสกทุมสฺส จฯ
๑๕.
ตสฺมิํ เหสฺสํ ภุมฺมเทโว, อติทีฆายุโก วโร;
ปญฺญาวีริยสมฺปนฺโน, พุทฺธสาสนมามโกฯ
๑๖.
ยาว ติฏฺฐติ สาสนํ, ตาว เจติยวนฺทนํ;
โพธิปูชํ สงฺฆปูชํ, กเรยฺยํ ตุฏฺฐมานโสฯ
๑๗.
ภิกฺขูนํ ปฏิปนฺนานํ, เวยฺยาวจฺจํ กเรยฺยหํ;
ปริยตฺตาภิยุตฺตานํ, กงฺขาวิโนทเยยฺยหํฯ
๑๘.
สาสนํ ปคฺคณฺหนฺตานํ, ราชูนํ สหาโย อสฺสํ;
สาสนํ นิคฺคณฺหนฺตานํ, วาเรตุํ สมตฺโถ อสฺสํฯ
๑๙.
สาสนนฺตรธาเน ตุ, มญฺชูสํ รุกฺขมุตฺตมํ;
นนฺทมูลญฺจ ปพฺภารํ, นิจฺจํ ปูชํ กเรยฺยหํฯ
๒๐.
ยทา
ตทา เตสํ นิจฺจกปฺปํ, อุปฏฺฐานํ กเรยฺยหํฯ
๒๑.
เตเนว อตฺตภาเวน, ยาว พุทฺธุปฺปาทา อหํ;
ติฏฺฐนฺโต พุทฺธุปฺปาทมฺหิ, มนุสฺเสสุ ภวามหํฯ
๒๒.
เมตฺเตยฺยสฺส
โตสยิตฺวาน ชินํ ตํ, ลเภ พฺยากรณุตฺตมํฯ
๒๓.
พฺยากรณํ ลภิตฺวาน, ปูเรตฺวา สพฺพปารมี;
อนาคตมฺหิ อทฺธาเน, พุทฺโธ เหสฺสํ สเทวเกติฯ
วินยาลงฺการฏีกา สมตฺตาฯ