निदानकथा
यमकपाटिहीरावसानस्मिञ्हि भगवा तिदसपुरे पारिच्छत्तकमूले पण्डुकम्बलसिलायं वस्सं उपगन्त्वा मातरं कायसक्खिं कत्वा देवपरिसाय अभिधम्मकथं कथेन्तो धम्मसङ्गणीविभङ्गधातुकथापुग्गलपञ्ञत्तिप्पकरणानि देसयित्वा कथावत्थुदेसनाय वारे सम्पत्ते ‘‘अनागते मम सावको महापञ्ञो मोग्गलिपुत्ततिस्सत्थेरो नाम उप्पन्नं सासनमलं सोधेत्वा ततियसङ्गीतिं करोन्तो भिक्खुसङ्घस्स मज्झे निसिन्नो सकवादे पञ्च सुत्तसतानि परवादे पञ्चाति सुत्तसहस्सं
अथस्स महाकस्सपप्पमुखो वसीगणो अजातसत्तुराजानं सहायं गहेत्वा धम्मविनयसरीरं सङ्गहं आरोपेसि। ततो वस्ससतस्स अच्चयेन वज्जिपुत्तका भिक्खू दस वत्थूनि दीपयिंसु। तानि सुत्वा काकण्डकस्स ब्राह्मणस्स पुत्तो यसत्थेरो सुसुनागपुत्तं कालासोकं नाम राजानं सहायं गहेत्वा द्वादसन्नं भिक्खुसतसहस्सानं अन्तरे सत्तथेरसतानि उच्चिनित्वा तानि दसवत्थूनि मद्दित्वा धम्मविनयसरीरं सङ्गहं आरोपेसि।
तेहि पन धम्मसङ्गाहकत्थेरेहि निग्गहिता दससहस्सा वज्जिपुत्तका भिक्खू पक्खं परियेसमाना अत्तनो अनुरूपं दुब्बलपक्खं लभित्वा विसुं महासङ्घिकाचरियकुलं नाम अकंसु
तस्मिंयेव दीपवंसे –
‘‘निक्कड्ढिता पापभिक्खू, थेरेहि वज्जिपुत्तका।
अञ्ञं पक्खं लभित्वान, अधम्मवादी बहू जना॥
‘‘दससहस्सा समागन्त्वा, अकंसु धम्मसङ्गहं।
तस्मायं धम्मसङ्गीति, महासङ्गीति वुच्चति॥
‘‘महासङ्गीतिका भिक्खू, विलोमं अकंसु सासने।
भिन्दित्वा मूलसङ्गहं, अञ्ञं अकंसु सङ्गहं॥
‘‘अञ्ञत्र
अत्थं धम्मञ्च भिन्दिंसु, विनये निकायेसु च पञ्चसु॥
‘‘परियायदेसितञ्चापि, अथो निप्परियायदेसितं।
नीतत्थञ्चेव नेय्यत्थं, अजानित्वान भिक्खवो॥
‘‘अञ्ञं सन्धाय भणितं, अञ्ञं अत्थं ठपयिंसु ते।
ब्यञ्जनच्छायाय ते भिक्खू, बहुं अत्थं विनासयुं॥
‘‘छड्डेत्वान एकदेसं, सुत्तं विनयगम्भीरं।
पतिरूपं सुत्तं विनयं, तञ्च अञ्ञं करिंसु ते॥
‘‘परिवारं अत्थुद्धारं, अभिधम्मं छप्पकरणं।
पटिसम्भिदञ्च निद्देसं, एकदेसञ्च जातकं॥
‘‘एत्तकं विस्सज्जित्वान, अञ्ञानि अकरिंसु ते।
नामं लिङ्गं परिक्खारं, आकप्पकरणानि च॥
‘‘पकतिभावं जहित्वा, तञ्च अञ्ञं अकंसु ते।
पुब्बङ्गमा भिन्नवादा, महासङ्गीतिकारका॥
‘‘तेसञ्च
ततो अपरकालम्हि, तस्मिं भेदो अजायथ॥
‘‘गोकुलिका एकब्योहारि, द्विधा भिज्जित्थ भिक्खवो।
गोकुलिकानं द्वे भेदा, अपरकालम्हि जायथ॥
‘‘बहुस्सुतिका
चेतिया च पुनवादी, महासङ्गीतिभेदका॥
‘‘पञ्चवादा इमे सब्बे, महासङ्गीतिमूलका।
अत्थं धम्मञ्च भिन्दिंसु, एकदेसञ्च सङ्गहं॥
‘‘गन्थञ्च एकदेसञ्हि, छड्डेत्वा अञ्ञं अकंसु ते।
नामं
‘‘पकतिभावं जहित्वा, तञ्च अञ्ञं अकंसु ते।
विसुद्धत्थेरवादम्हि, पुन भेदो अजायथ॥
‘‘महिसासका वज्जिपुत्तका, द्विधा भिज्जित्थ भिक्खवो।
वज्जिपुत्तकवादम्हि, चतुधा भेदो अजायथ॥
‘‘धम्मुत्तरिका भद्दयानिका, छन्नागारिका च समिति।
महिसासकानं द्वे भेदा, अपरकालम्हि अजायथ॥
‘‘सब्बत्थिवादा धम्मगुत्ता, द्विधा भिज्जित्थ भिक्खवो।
सब्बत्थिवादानं कस्सपिका, सङ्कन्तिकस्सपिकेन च॥
‘‘सङ्कन्तिकानं सुत्तवादी, अनुपुब्बेन भिज्जथ।
इमे एकादस वादा, सम्भिन्ना थेरवादतो॥
‘‘अत्थं धम्मञ्च भिन्दिंसु, एकदेसञ्च सङ्गहं।
गन्थञ्च एकदेसञ्हि, छड्डेत्वा अञ्ञं अकंसु ते॥
‘‘नामं
पकतिभावं जहित्वा, तञ्च अञ्ञं अकंसु ते॥
‘‘सत्तरस भिन्नवादा, एकवादो अभिन्नको।
सब्बेवट्ठारस होन्ति, भिन्नवादेन ते सह॥
‘‘निग्रोधोव
अनूनं अनधिकञ्च, केवलं जिनसासनं॥
‘‘सन्तका विय रुक्खम्हि, निब्बत्ता वादसेसका।
पठमे वस्ससते नत्थि, दुतिये वस्ससतन्तरे।
भिन्ना सत्तरस वादा, उप्पन्ना जिनसासने’’ति॥
अपरापरं पन हेमवतिका, राजगिरिका, सिद्धत्थिका, पुब्बसेलिया, अपरसेलिया, वाजिरियाति अञ्ञेपि छ आचरियवादा उप्पन्ना। ते इध अनधिप्पेता। पुरिमकानं
तित्थिया हतलाभसक्कारा अन्तमसो घासच्छादनमत्तम्पि अलभन्ता लाभसक्कारं पत्थयमाना भिक्खूसु पब्बजित्वा सकानि सकानि दिट्ठिगतानि – ‘‘अयं धम्मो, अयं विनयो, इदं सत्थुसासन’’न्ति दीपेन्ति। पब्बज्जं अलभमानापि सयमेव केसे छिन्दित्वा कासायानि वत्थानि अच्छादेत्वा विहारेसु विचरन्ता उपोसथकम्मादिकरणकाले सङ्घमज्झं पविसन्ति। ते भिक्खुसङ्घेन धम्मेन विनयेन सत्थुसासनेन निग्गय्हमानापि धम्मविनयानुलोमाय पटिपत्तिया असण्ठहन्ता अनेकरूपं सासनस्स अब्बुदञ्च मलञ्च कण्टकञ्च समुट्ठापेन्ति। केचि अग्गिं परिचरन्ति, केचि पञ्चातपे तपन्ति, केचि आदिच्चं अनुपरिवत्तन्ति, केचि ‘‘धम्मञ्च विनयञ्च वोभिन्दिस्सामा’’ति तथा तथा पग्गण्हिंसु। तदा भिक्खुसङ्घो न तेहि सद्धिं
राजा ‘‘आणाय कारेस्सामी’’ति वायमन्तोपि कारेतुं नासक्खि, अञ्ञदत्थु दुग्गहितगाहिना बालेन अमच्चेन अनेकेसु भिक्खूसु जीविता वोरोपितेसु विप्पटिसारी अहोसि। सो तञ्च विप्पटिसारं तञ्च सासने उप्पन्नं अब्बुदं वूपसमेतुकामो ‘‘को नु खो इमस्मिं अत्थे पटिबलो’’ति
अथञ्ञे भिक्खू पक्कोसापेत्वा पुच्छि – ‘‘किंवादी, भन्ते, सम्मासम्बुद्धो’’ति? ‘‘विभज्जवादी, महाराजा’’ति। एवं वुत्ते राजा थेरं पुच्छि – ‘‘विभज्जवादी, भन्ते, सम्मासम्बुद्धो’’ति? ‘‘आम, महाराजा’’ति। ततो राजा ‘सुद्धं दानि, भन्ते, सासनं, करोतु भिक्खुसङ्घो उपोसथ’न्ति आरक्खं दत्वा नगरं पाविसि। समग्गो सङ्घो सन्निपतित्वा उपोसथं अकासि। तस्मिं सन्निपाते सट्ठिभिक्खुसतसहस्सानि अहेसुं। तस्मिं समागमे मोग्गलिपुत्ततिस्सत्थेरो यानि च तदा उप्पन्नानि वत्थूनि, यानि च आयतिं उप्पज्जिस्सन्ति, सब्बेसम्पि तेसं पटिबाहनत्थं सत्थारा दिन्ननयवसेनेव तथागतेन ठपितमातिकं विभजन्तो सकवादे पञ्च सुत्तसतानि परवादे पञ्चाति सुत्तसहस्सं आहरित्वा इमं परप्पवादमथनं आयतिलक्खणं कथावत्थुप्पकरणं अभासि।
ततो
‘‘यं
कथावत्थुप्पकरणं, सङ्खेपेन अदेसयी॥
‘‘मातिकाठपनेनेव, ठपितस्स सुरालये।
तस्स मोग्गलिपुत्तेन, विभत्तस्स महीतले॥
‘‘इदानि यस्मा सम्पत्तो, अत्थसंवण्णनाक्कमो।
तस्मा नं वण्णयिस्सामि, तं सुणाथ समाहिता’’ति॥
निदानकथा निट्ठिता।
महावग्गो