॥नमो तस्स भगवतो अरहतो सम्मासम्बुद्धस्स॥
अभिधानप्पदीपिका
बुद्धप्पणामो
१.
तथागतो
पयात’मोसज्ज सुखप्पदं पदं।
अका परत्थं कलिसम्भवे भवे,
नमामि तं केवलदुक्करं करं॥
धम्मप्पणामो
२.
अपूजयुं यं मुनिकुञ्जरा जरा,
रुजादिमुत्ता यहिमुत्तरे तरे।
ठिता तिवट्टम्बुनिधिं नरानरा,
तरिंसु तं धम्ममघप्पहं पहं॥
सङ्घप्पणामो
३.
गतं मुनिन्दो’रससूनुतं नुतं,
सुपुञ्ञखेत्तं भुवने सुतं सुतं।
गणम्पि पाणीकतसंवरं वरं,
सदा गुणोघेन निरन्तर’न्तरं॥
पटिञ्ञा
४.
नामलिङ्गेसु कोसल्ल, मत्थनिच्छयकारणं।
यतो महब्बलं बुद्ध, वचने पाटवत्थिनं॥
५.
नामलिङ्गान्य’तो
दस्सयन्तो पकासेस्स, मभिधानप्पदीपिकं॥
परिभासा
६.
भिय्यो रूपन्तरा साह, चरियेन च कत्थचि।
क्वचा’ हच्चविधानेन ञेय्यं थीपुन्नपुंसकं॥
७.
अभिन्नलिङ्गानंयेव, द्वन्दो च, लिङ्गवाचका।
गाथापादन्तमज्झट्ठा, पुब्बं यन्त्यपरे परं॥
८.
पुमित्थियं पदं द्वीसु, सब्बलिङ्गे च तीस्विति।
अभिधानन्तरारम्भे, ञेय्यं त्व’न्त मथादि च॥
९.
भिय्यो पयोग मागम्म, सोगते आगमे क्वचि।
निघण्डु युत्ति ञ्चानीय, नामलिङ्गं कथीयतीति॥