यक्खवञ्चितवग्गो
२१. यक्खवञ्चित वत्थुम्हि अयमानुपुब्बीकथा
भगवति
१.
बुद्धोति वचनं एतं, अमनुस्सानं भयावहं।
बुद्धभत्तिकजन्तूनं, सब्बदा मुदमावहं॥
२.
सब्बोपद्दवनासाय, पच्चक्खदिब्बमोसधं।
दिब्बमन्तं महातेजं, महायन्तं महब्भुतं॥
३.
तस्मा सो दारुणो यक्खो,
दिस्वा तं सरणे ठिथं।
उब्बिग्गो च भयप्पत्तो,
लोमहट्ठो च छम्भीतो॥
४.
भमन्तो धावितं दिस्वा, तिमिरोव सुरियुग्गते,
सिम्बलितूलभट्ठंव, चण्डवातेन खण्डितं॥
५.
यं दुक्खं राजचोरारि, यक्खपेता दिसम्भवं।
निच्छन्तेन मनुस्सेन, गन्तब्बं सरणत्तयंति॥
ततो जानपदिको सरणागमने महागुणं महानिसंसं ओलोकेत्वा बुद्धे सगारवो सप्पेमो ‘‘जीवितपरियन्तं बुद्धं सरणं गच्छामी’’ति सरणं गन्त्वा तेनेव सरणागमनानुभावेन जीवितपरियोसाने सुत्तप्पबुद्धोविय देवलोके निब्बत्तीति।
६.
दिस्वान एवं सरणं गतं तं,
अपेन्ति यक्खापि महब्भयेन।
पालेथ सीलं सरणञ्च तस्मा,
जहाथ दुरितं सुगतिं भजव्होति॥
यक्खवञ्चितवत्थुं पथमं।
२२. मिच्छदिट्ठिकस्स वत्थुम्हि अयमानुपुब्बीकथा
भगवति
१.
यथापि सिखिनो नादं, भुजङ्गानं भयावहं।
एवं बुद्धोति वचनं, अमनुस्सानं भयावहं॥
२.
यथा मन्तस्स जप्पेन, विलयं याति किब्बिसं।
एवं बुद्धोति वचनेन, अपयन्ति
३.
अग्गिं दिस्वा यथा सित्थं, दूरतोव विलीयति।
दिस्वानेवं सरणगतं, पेता पेन्तिव
४.
पवरं बुद्धइच्चेत, मक्खरद्वयमब्भुतं।
सब्बो पद्दवनासाय, थिरपाकार मुग्गतं॥
५.
सत्तरतनपासादं, तमेव वजिरं गुहं।
तमेव नावं दीपं तं, तमेव कवचं सुभं॥
६.
तमेव सिरसि भासन्तं, किरीटं रतनामयं।
ललाटे तिलकं रम्मं, कप्पूरं नयनद्वये॥
७.
ताडङ्कं कण्णयुगले, सोण्णमाला गले सुभा।
एकावळि तारहार, भारा जत्तुसु लङ्कता॥
८.
अङ्गदं बाहुमूलस्स, करग्गे वलयं तथा।
अङ्गुलिस्वङ्गुलियञ्च, खग्गं मङ्गलसम्मतं॥
९.
सोण्णा तपत्त मुण्हीसं, सबाणंव सरासनं।
तमेव सब्बालङ्कारं, तमेव दुरितापहं॥
१०.
तस्मा
लोकलोचनसत्थुनो।
सरणं तस्स गन्तेव,
गुणनामं एहिपस्सिकं॥
११.
नमोति वचनं पुब्बं, बुद्धायेति गिरं तदा।
सुपन्तेन कुमारेन, मिच्छादिट्ठिकसूनुना॥
१२.
सुत्वा वुत्तं पिसा चापि, मनुस्सकुणपे रता।
न हिंसन्ति अहो बुद्ध, गुणसारमहन्तताति॥
अथ सम्मादिट्ठिकयक्खो मिच्छादिट्ठिकस्स यक्खस्स एवमाह, अयुत्तं भो तया कतं। बुद्धगुणे पहारो दिन्नो, दण्डकम्मं तया कातब्बंति, तेन किंमया सम्म कातब्बन्ति वुत्ते बुभुक्खितस्स आहारं देहीति आह। ततो सो साधूति वत्वा यावाहं आगच्छामि, त्वं तावेत्थ वच्छाहीति वत्वा बिम्बिसाररञ्ञो कञ्चनतट्टके वड्ढितं रसभोजनं आहरित्वा कुमारस्स पितुवण्णेन दारकं भोजेत्वा पुन कुमारेन वुत्तबुद्धवचनञ्च अत्तना कतवायामं चाति सब्बं तट्टके लिखित्वा इदं रञ्ञोयेव पञ्ञायतूति अधिट्ठाय अगमंसु, अथ पभाताय रत्तिया रञ्ञो भोजनकाले राजपुरिसा तत्थ तट्टकं अदिस्वा नगरं उपपरिक्खन्ता सकटे दारकञ्च तट्टकञ्च दिस्वा तट्टकेन सद्धिं तं गहेत्वा रञ्ञो दस्सेसुं। राजा तट्टके अक्खरादीनि दिस्वा वाचेत्वा तस्स गुणे पसन्नो महन्तेन यसेन सद्धिं सेट्ठिट्ठानमदासि।
१३.
जिनस्स नामं सुपिनेन पेवं,
न होति भीतिं लपनेन यस्मा।
तस्मा मुनिन्दं सततं सराथ,
गुणे सरन्ता सरणञ्च याथाति॥
मिच्छादिट्ठिकस्स वत्थुं दुतियं।
२३. पादपीठिकाय वत्थुम्हि अयमानुपुब्बीकथा
जम्बुदीपे
१.
तिपुरं सो विनासेसि, ललाटनयनग्गिना।
असुरेच विनासेसि, तिसूलेन महिस्सरो॥
२.
जटाकलापमावत्तं, नच्चती दिनसन्धियं।
वादेति भेरिवीणादिं, गीतंचापि स गायति॥
३.
भरियायो
एकमेकेन पस्सेन, पस्समानो चरेककं॥
४.
हत्थिचम्मम्बरधरो, तेनेव वारिता तपो।
असादिसेहि पुत्तेहि, रूपेन च सुपाकटो॥
५.
रतिया च मधुपाने च, ब्यावटो सब्बदा च सो।
मनुस्सट्ठिधरो सीस, कपालेनेस भुञ्जकि॥
६.
न जातो न भयं तस्स, मरणं नत्थि सस्सतो।
ईदिसो मे महादेवो, नत्थञ्ञस्सीदिसो गुणोति॥
तं सुत्वा उपासको सम्म तुय्हं इस्सरस्स एते गुणा नाम ताव होन्तु। अगुणा नाम कित्तका होन्तीति वत्वा भगवतो सकलगुणे संहरित्वा कथेन्तो आह।
७.
लोके सब्बसवन्तीनं, आधारो सागरो यथा।
सब्बेसं गुणरासीनं, आधारोव तथागतो॥
८.
चराचरानं सब्बेसं, आधाराव धरा अयं।
तथा गुणानं सब्बेसं, आधारोव तथागतो॥
९.
एवं सन्तो वियत्तोच
एव मिद्धिविधा तस्स, एवमेवं गुणा इति॥
१०.
बुद्धोपि सक्कोति न यस्स वण्णे,
कप्पम्पि वत्वा खयतं गमेतुं।
पगेव च ब्रह्मसुरा सुरेहि,
वत्तुं न हानन्तगुणस्स वण्णन्ति॥
एवं वदन्ता पन ते उभोपि अम्हाकं देवो उत्तमो अम्हाकं देवो उत्तमोति कलहं वड्ढेत्वा रञ्ञो सन्तिकमगमंसु, राजा
११.
आपाणकोटिं बुद्धस्स, सरणं नो गता यदि।
तेन सच्चेन यं धातु, दस्सेतु पाटिहारियं॥
१२.
आपाणकोटिं धम्मस्स, सरणं नो गता यदि।
तेन सच्चेन यं धातु, दस्सेतु पाटिहारियं॥
१३.
आपाणकोटिं सङ्घस्स, सरणं नो गता यदि।
तेन सच्चेन यं धातु, दस्सेतु पाटिहारियं॥
१४.
रामकाले मुनिन्दस्स, पादुका चासि अब्भुता।
तेन सच्चेन यं धातु, दस्सेतु पाटिहारियं॥
१५.
छद्दन्तकाले
तेन सच्चेनयं धातु, निच्छारेतु छ रंसियो॥
१६.
जातमत्तो तदा बुद्धो, ठितो पङ्कजमुद्धनि।
निच्छारेसासभिंवाचं, अग्गो सेट्ठोतिआदिना।
तेन सच्चेनयं धातु, दस्सेतु पाटिहारियं॥
१७.
निमित्ते चतुरो दिस्वा, निक्खन्तो अभिनिक्खमं।
तेन सच्चेन यं धातु, दस्सेतु पाटिहारियं॥
१८.
मारसेनं पलापेत्वा, निसिन्नो बुज्झि बोधियं।
तेन सच्चेन यं धातु दस्सेतु पाटिहारियं॥
१९.
धम्मचक्कं पवत्तेसि, जिनो सिपतने तदा।
तेन सच्चेन यं धातु, दस्सेतु पाटिहारियं॥
२०.
नन्दोपनन्दभोगिन्दं, नागं नालागिरिव्हयं।
आळवका दयो यक्खे, ब्रह्मानो च बका दयो॥
२१.
सच्चकादिनिगण्ठेच, कूटदन्ता दयो द्विजे।
दमेसि तेन सच्चेन, दस्सेतु पाटिहारियंति॥
एवञ्च पन वत्वा उपासका अम्हाकं अनुकम्मं पटिच्च महाजनस्स मिच्छादिट्ठिभेदनत्तं पाटिहारियं दस्सेथ सामीति आराधेसुं। अथ बुद्धानुभावञ्च थेरानुभावञ्च उपासकानं सच्चकिरियानुभावञ्च पटिच्च वाळुकाथूपं द्विधा भिन्दित्वा पादपीठधातु आकास मब्भुग्गन्त्वा छब्बण्णरंसियो विस्सज्जेन्ती विलासमाना अट्ठासि। अथ महाजना चेलुक्खेपसहस्सानि पवत्तेन्ता साधुकीळ्हं कीळन्ता महानादं पवत्तेन्ता महन्तं पूजमकंसु। मिच्छादिट्ठिकापि इमं अच्छरियं दिस्वा विम्हितमानसा मिच्छादिट्ठिं भिन्दित्वा रतनत्तयपरायणा सरण मगमंसूति।
२२.
फुट्ठोपि
कलिङ्गरो पा सि महानुभावो।
लोकेकनाथस्स अनासवस्स,
महानुभावो हि अचिन्तनीयोति॥
पादपीठिकाय वत्थुं ततियं।
२४. उत्तरसामणेरस्स वत्थुम्हि अयमानुपुब्बीकथा
सो किर पुरिमबुद्धेसु
१.
अतीते
दारेकेहि समागम्म, कीळन्तो केळिमण्डले॥
२.
गहेत्वा सुखुमं सूकं, तदा त्वं निम्बजल्लिया।
उत्तासेसि तत्थ सूले, जीवमानकमक्खिकं॥
३.
अपरम्पि ते पापकम्मं, पवक्खामि सुणोहि मे।
ओवदन्तिं हितेन त्वं, अतीते सकमातरं॥
४.
जीवसूले निसीदाति, कोपेनाभिसपी तुवं।
इमेहि द्वीहि पापेहि, सरं संसारसागरे॥
५.
पञ्चजातिसते अच्छि, जीवसूलम्हि निम्बजे।
अयं ते चरिमा जाति, एत्थापिच विपच्चि सोति॥
एवमादिना नयेन तस्स अज्झासयानुरूपेन धम्मं देसेसि, उत्तरो अमताभिसेकसदिसेन सत्थुनो हत्थसम्फस्ससञ्जातपसादसोमनस्सताय उळारं पीतिपामोज्जं पटिलभित्वा यथापरिचितं विपस्सनामग्गं समारूळ्हो ञाणस्स परिपाकं गतत्ता सत्थु देसनाविलासेन मग्गपटिपाटिया सब्बकिलेसे खेपेत्वा छळभिञ्ञो अहोसि। धम्मं सुत्वा तत्थ समागतानं देवमनुस्सानं चतुरासीतिपाणसहस्सानं धम्माभिसमयो अहोसीति वदन्ति। उत्तरो पन छळभिञ्ञो हुत्वा सूलतो उट्ठहित्वा आकासे ठत्वा पाटिहारियं दस्सेसि। महाजना अच्छरियब्भुतचित्ता जाता अहेसुं। तावदेवस्स वणोरुन्धि, सो भिक्खूहि आवुसो तादिसं दुक्खं अनुभवन्तो कथं त्वं विपस्सनं अनुयुञ्जितुं सक्खीति पुट्ठो पगेव मे आवुसो संसारे आदीनवो सङ्खारानञ्च सभावो सुदिट्ठो। तस्माहं तादिसं दुक्खं अनुभवन्तोपि असक्खिं विपस्सनं वड्ढेत्वा विसेसं अधिगन्तुंति आह। अथापरभागे सो भिक्खुसङ्घमज्झे अत्तनो पुब्बचरिता पदानं पकासेन्तो इमा गाथा अभासि।
६.
सुमेधो
विवेककामो सम्बुद्धो, हिमवन्त मुपागमि॥
७.
अज्झोगहेत्वा हिमवन्तं, अग्गो कारुणिको मुनि।
पल्लङ्कं आभुजित्वान, निसीदि पुरिसुत्तमो॥
८.
विज्जाधरो तदा आसिं, अन्तलिक्खचरो अहं।
तिसूलं सुकतं गय्ह, गच्छामि अम्बरे तदा॥
९.
पब्बतग्गे यथा अग्गि, पुण्णमासेव चन्दिमा।
वनं ओभासते बुद्धो, सालराजाव फुल्लितो॥
१०.
वनग्गा निक्खमित्वान, बुद्धरंसी विधावरे।
नलग्गिवण्णसङ्कासा, दिस्वा चित्तं पसादयिं॥
११.
विचिनं अद्दसं पुप्फं, कणिकारं देवगन्धिकं।
तीणि पुप्फानि आदाय, बुद्धसेट्ठं अपूजयिं॥
१२.
बुद्धस्स आनुभावेन, तीणि पुप्फानि मे तदा।
उद्धवण्टा अधोपत्ता, छायं कुब्बन्ति सत्थुनो॥
१३.
तेन कम्मेन सुकतेन, चेतनापणिधीहिच।
जहित्वा मानुसं देहं, तावतिंसमगञ्छहं॥
१४.
तत्थ मे सुकतं ब्यम्हं, कणिकारीति ञायति।
सट्ठियोजन मुब्बेधं, तिंसयोजनवित्थतं॥
१५.
सहस्सखण्डं सतभेण्डु, धजालु हरितामयं।
सतसहस्सानि ब्यूहानि, ब्यम्हे पातुरहंसु मे॥
१६.
सोण्णमया मणिमया, लोहितङ्कमया पिच।
फलिका पिच पल्लङ्का, यदिच्छक यदिच्छका॥
१७.
महारहञ्च सयनं, तूलिकं विकतीयकं।
उद्दलोमिकएकन्तं, बिम्बोहनसमायुतं॥
१८.
भवना
यदा इच्छामि गमनं, देवसंघपुरक्खतो॥
१९.
पुप्फस्स हेट्ठा तिट्ठामि, उपरिच्छदनं मम।
समन्ता योजनसतं, कणिकारेहि छादितं॥
२०.
सट्ठितुरियसहस्सानि, सायं पातं उपट्ठहुं।
परिवारेन्ति मं निच्चं, रत्तिन्दिवमतन्दिता॥
२१.
तत्थ नच्चेहि गीतेहि, तालेहि वादितेहि च।
रमामि खिड्डारतिया, मोदामि कामकामहं॥
२२.
तत्थ भुत्वा च पित्वा च, मोदामि तिदसे तदा।
नारीगणेहि सहितो, मोदामि ब्यम्हमुत्तमे॥
२३.
सतानं पञ्चक्खत्तुञ्च, देवरज्ज मकारयिं।
सतानं तीणिक्खत्तुंच, चक्कवत्ती अहोसहं।
पदेसरज्जं विपुलं, गणनातो असंखियं॥
२४.
भवाभवे संसरन्तो, महाभोगं लभामहं।
भोगे मे ऊनता नत्थि, बुद्धपूजायि दं फलं॥
२५.
द्वे मे भवे संसरामि, देवत्ते अथ मानुसे।
अञ्ञं गतिं न जानामि, बुद्धपूजायिदं फलं॥
२६.
द्वे मे कुले पजानामि, खत्तिये चापि ब्राह्मणे।
नीचे कुले न जानामि, बुद्धपूजायिदं फलं॥
२७.
हत्थियानं अस्सयानं, सिविकं सन्दमानिकं।
लभामि सब्बमेवे तं, बुद्धपूजायिदं फलं॥
२८.
दासीगणं दासगणं, नारियो च अलङ्कता।
लभामि सब्ब मेवे तं, बुद्धपूजायिदं फलं॥
२९.
कोसेय्यकम्बलियानि, खोमकप्पासिकानिच।
लभामि सब्बमेवेतं, बुद्धपूजायिदं फलं॥
३०.
नववत्थं
लभामि सब्बमेवेतं, बुद्धपूजायिदं फलं॥
३१.
इमं खाद इमं भुञ्ज, इमम्हि सयने सय।
लभामि सब्बमेवेतं, बुद्धपूजायिदं फलं॥
३२.
सब्बत्थ पूजितो होमि, यसो अच्चुग्गतो मम।
महेसक्खो घदा होमि, अभेज्जपरिसो सदा।
ञातीनं उत्तमो होमि, बुद्धपूजायिदं फलं॥
३३.
सीतं उण्हं न जानामि, परिळाहो न विज्जति।
अथो चेतसिकं दुक्खं, हदये मे न विज्जति॥
३४.
सुवण्णवण्णो हुत्वान, संसरामि भवाभवे।
वेवण्णियं न जानामि, बुद्धपूजायिदं फलं॥
३५.
देवलोका चवित्वान, सुक्कमूलेन चोदितो।
सावत्थियं पुरे जातो, महासाले सुअड्ढके॥
३६.
पञ्चकामगुणे हित्वा, पब्बजिंअनगारियं।
जातिया सत्तवस्सोहं, अरहत्तमपापुणिं॥
३७.
उपसम्पादयी बुद्धो, गुणमञ्ञाय चक्खुमा।
तरुणोव पूजनीयो हं, बुद्धपूजायिदं फलं॥
३८.
दिब्बचक्खुं विसुद्धं मे, समाधिकुसलो अहं।
अभिञ्ञापारमिप्पत्तो, बुद्धपूजायिदं फलं॥
३९.
पटिसम्भिदा अनुप्पत्तो, इद्धिपादेसु कोविदो।
सद्धम्मे पारमिप्पत्तो, बुद्धपूजायिदं फलं॥
४०.
तिंसकप्पसहस्सम्हि, यं बुद्धमभिपूजयिं।
दुग्गतिं नाभिजानामि, बुद्धपूजायिदं फलं॥
४१.
किलेसा झापिता मय्हं, भवा सब्बे समूहता।
नागोव बन्धनं छेत्वा, विहरामि अनासवो॥
४२.
स्वागतं
तिस्सो विज्जा अनुप्पत्तो, कतं बुद्धस्स सासनं॥
४३.
पटिसम्भिदा चतस्सो च, विमेक्खा पिच अट्ठिमे।
छळभिञ्ञा सच्छिकता, कतं बुद्धस्स सासनंति।
तं सुत्वा बहू कुसलकम्मपरायणा अहेसुं॥
४४.
सहेतुका पच्छिमिकापि सत्ता,
पापं न सक्कोन्ति जहातुमेवं।
अनिच्छमानेहि जनेहि दुक्खं,
आराव पापं परिवज्जनीयंति॥
उत्तरसामणेरस्स वत्थुं चतुत्थं।
२५. कवीरपट्टन वत्थुम्हि अयमानुपुब्बीकथा
जम्बुदीपे किर चोळरट्ठे कावीरपट्टनं नाम अहोसि। तत्थ माहिस्सरिका बहू मिच्छादिट्ठिका वसन्ति। तत्थेकस्मिं देवालये चित्तकम्मं करोन्ता एकस्मिं फलके इस्सरस्स ओनमित्वा वन्दनाकारं भगवतो रूपं अकंसु। तस्मिं समये तत्थ बहू उपासका तं देवकुलं गन्त्वा तत्थ तत्थ चित्तकम्मानि ओलोकेन्ता तस्मिं फलके तं चित्तकम्मं अद्दसंसु। दिस्वान ते अहो अम्हेहि अपस्सितब्बं पस्सितं। सदेवके लोके समारके सब्रह्मके सस्समणब्राह्मणियासदेवमनुस्साय पजाय च अपरिमाणेसु चक्कवाळेसु भगवतो उत्तरितरं ठपेत्वा समसमोपि नत्थि। सकलेहि सत्तनिकायेहि वन्दनीयो पूजनीयो भगवा। अननुरूपं तस्स एतेहि कतंति रोदन्ता परिदेवन्ता राजद्वारं गन्त्वा उग्घोसेसुं, तं सुत्वा राजा ते पक्कोसापेत्वा कस्मा तुम्हे
१.
बत्तिंसलक्खणधरो, सुनक्खत्तोव चन्दिमा।
अनुब्यञ्जनसम्पन्नो, सालराजाव फुल्लितो॥
२.
रंसिजालपरिक्खित्तो, दित्तोव कनकाचलो।
ब्यामप्पभापरिवुतो, सतरंसि दिवाकरो॥
३.
सोण्णा ननो जिनवरो, समणीव सिलुच्चयो।
करुणापुण्णहदयो, विवट्टो विय सागरो॥
४.
लोकविस्सुतकित्तीव, सिनेरुव नगुत्तमो।
यससा विततो धीरो, आकाससदिसो मुनि॥
५.
असङ्गचित्तो सब्बत्थ, अनिलो विय नायको।
पतिट्ठा सब्बभूतानं, महीव मुनिसुत्तमो॥
६.
अनूपलित्तो लोकेन, तोयेन पदुमं यथा।
कुवादगच्छदहनो, अग्गिक्खन्धोव सोभति॥
७.
अगदो विय सब्बत्थ, किलेसविसनासको।
गन्धमादनसेलोव, गुणगन्धविभूसितो॥
८.
गुणानं आकरो धीरो, रतनानंव सागरो।
सिन्धूव वनराजीनं, किलेसमलहारको॥
९.
विजयीव महायोधो, मारसेनप्पमद्दनो।
चक्कवत्तीव सो राजा, बोज्झङ्गरतनिस्सरो॥
१०.
महाभिसक्कसङ्कासो, दोसब्याधितिकिच्छको।
सल्लकत्तो यथा वेज्जा, दिट्ठिगण्डविफालको॥
११.
सत्था
देविन्दसुरसिद्धेहि, वन्दनीयो सदा दरा॥
१२.
सब्बेसु चक्कवाळेसु, ये अग्गा ये च पूजिता।
तेसमग्गो महाराज, भगवा नो पतापवाति॥
अयुत्तं देव देवकुलेहि कतंति आहंसु। तं सुत्वा राजा भो सब्बेपि मनुस्सा अत्तनो अत्तनो देवतानं महन्तभावं कथेन्ति। तुम्हाकं पन सत्थुनो महन्तभावं कथं अम्हाकं जानापेथाति, उपासका न गरु त्वं महाराज फलकं आहरापेत्वा सुद्धवत्थेन वेठेत्वा तं अत्तनो मुद्दिकाय लञ्छित्वा सुरक्खितसुगोपिते एकस्मिं देवकुले ठपेत्वा सत्ताहच्चयेन आहरापेत्वा तं ओलोकेथ, तदा नो सत्थुनो महन्तानुभावं जानाथाति आहंसु, अथ राजा तेसं वुत्तनियामेनेव कारापेत्वा अन्तोदेवकुले ठपेत्वा सब्बद्वारानि पिदहित्वा लञ्छेत्वा रक्खेय्याथाति नियोजेसि। ततो ते उपासका सब्बे सन्निपतित्वा सत्ताहं दानं देन्ता सीलं रक्खन्ता उपोसथकम्मं करोन्ता सब्बसत्तेसु मेत्तिं भावेन्ता सब्बसत्तानं अत्तना कतपुञ्ञेसु पत्तिं देन्ता तिण्णं रतनानं पूजं करोन्ता एवं उग्घोसेसुं। अम्हाकं कतकुसलनिस्सन्देन लोके महिद्धिका महानुभावा सब्बे देवा च लोकं पालेन्ता चत्तारो महाराजानो च अम्हाकं सत्थुनो उपट्ठानाय
१३.
अनब्भुतं सत्थु धरीयमाने,
करोन्ति दिस्वा कुसलानि इद्धिं।
ये तं मुनिन्दे परिनिब्बुतम्हि,
करोन्ति पुञ्ञानि महब्भूतं येति॥
कावीरपट्टनवत्थुं पञ्चमं।
२६. चोरघातकवत्थुम्हि अयमानुपुब्बीकथा
एकस्मिं किर समये अम्हाकं भगवा सावत्थियं उपनिस्साय जेतवने विहरति धम्मदेसनाय महाजनस्स सग्गमोक्खसम्पदं ददमानो। तस्मिंसमये पञ्चसता चोरा अटवितो नगरं आगन्त्वा रत्तिभागे चोरकम्मं कत्वा तेन पुत्तदारे पोसेन्ति। अथेकदिवसं चोरा चोरकम्मत्थाय नगरं पविसन्ता नगरद्वारे एकं दुक्खितं जनपदमनुस्सं पस्सित्वा हम्भो
१.
दानं
दानं सग्गस्स सोपानं, दानं सन्तिकरं परं॥
२.
इच्छितिच्छितदानेन, दानं चिन्तामणी विय।
कप्परुक्खोव सत्तानं, दानं भद्दघटोविय॥
३.
सीलवन्तस्स दानेन, चक्कवत्तिसिरिम्पि च।
लभन्ति सक्कसम्पत्तिं, तथा लोकुत्तरं सुखं॥
४.
पापकम्मेसु निरतो, ठितोयं नरकायने
सारिपुत्तस्स थेरस्स, पिण्डपातस्स वाहसा॥
५.
अपायं परिवज्जेत्वा, नेकदुक्खसमाकुलं।
देवसङ्घपरिब्बूळ्हो, गतो देवपुरं वरं॥
६.
तस्मा सुखेत्ते सद्धाय, देथ दानानि कामदं।
दानं देन्तेहि सीलम्पि, पालनीयंतिसुन्दरन्ति
अथ भिक्खू धम्मसभायं सन्निपतित्वा निसिन्ना भगवन्तं पुच्छिंसु, किंभन्ते सो पापो चतूसु अपायेसु कतरस्मिं निब्बत्तोति। अथ सत्था अज्जेस भिक्खवे सारिपुत्तस्स दिन्नदानानुभावेन देवलोके निब्बत्तो, तस्सेव निस्सन्देन अनागते पच्चेकबुद्धो भविस्सतीति ब्याकासीति।
७.
भो सारिपुत्ते निहितप्पदानं,
खणेन पापेति हि सग्गमग्गं।
तस्मा सुखेत्तेसु ददाथ दानं,
कामत्थ चे सग्गमोक्खं परत्थ॥
चोरघातकवत्थुं छट्ठमं।
२७. सद्धोपासकस्स वत्थुम्हि अयमानुपुब्बीकथा
अतीते
१.
इमस्मिं
सब्बलोकहितत्थाय, लोके उप्पज्जि चक्खुमा॥
२.
तदाहं उच्छुयन्तम्हि, नियुत्तो गुळकारको।
तेन कम्मेन जीवामि, पोसेन्तो पुत्तदारके॥
३.
किलन्तिन्द्रियमद्दक्खिं, भिक्खुं रोगातुरं तदा।
भिक्खाचारकवत्तेन, घतत्थं
४.
उलुङ्कमत्तं सप्पिस्स, अददं तस्स भिक्खुनो।
सद्दहन्तो दानफलं, दयायु दग्गमानसो॥
.५
तेन कम्मेन संसारे, संसरन्तो भवाभवे।
यत्थिच्छामि घतं तत्थ, उप्पज्जति अनप्पकं॥
६.
इच्छामहं समुद्दस्मिं, फलम्पि घतमत्तनो।
तं तं सब्बं घतं होति, घतदानस्सिदं फलं॥
७.
सुणाथ मय्हं अञ्ञम्पि, पुञ्ञकम्मं मनोरमं।
तदा दिस्वानहं भिक्खुं, रोगेन परिपीळितं॥
८.
गुळपिण्डं गहेत्वान, पत्ते तस्स समाकिरिं।
तेन सो सुखितो आसि, रोगं ब्यपगतं तदा॥
९.
तेन मे गुळदानेन, संसरं देवमानुसे।
यत्थत्थोस्मि गुळेनाहं, तत्थ तं सुलभं मम॥
१०.
सेलाच विपुला मय्हं, होन्ति चित्तानुवत्तका।
महन्तगुळपिण्डाव, गुळदाने इदं फलं॥
११.
अथापि मे कतं पुञ्ञं, सुणाथ साधु भिक्खवो।
छातज्झत्तं फन्दमानं, दिस्वान सुनखं तदा॥
१२.
भत्तपीण्डेन
ततो पट्ठाय नाहोसि, अन्नपानेन ऊनता॥
१३.
सुलभन्नपानो सुखितो, अहोसिंजातिजातियं।
अज्जापि यदि इच्छामि, भोजनेन पयोजनं॥
१४.
चक्खुपथे समन्ता मे, जायन्तुक्खलियो बहू।
अथापरम्पि कुसलं, अकासिंतं सणाथ मे॥
१५.
इणट्ठकस्स पोसस्स, अदासेकं कहापणं।
तेन मे पुञ्ञकम्मेन, अनोमभवसम्पदं॥
१६.
पचुरं जातरूपञ्च, लभामि जातिजातियं।
सचज्ज धनकामोहं, घनसेलोपि पब्बतो।
होति हेममयं सब्बं, इणतो मोचने फलं॥
१७.
अञ्ञम्पि मम पुञ्ञं भो, सुणाथ सुतिसोभनं।
कस्सपस्स भगवतो, सासनेकं बहुस्सुतं॥
१८.
देसेन्तं मुनिनो धम्मं, सुत्वा पीणितमानसो।
पूजेसिंसाटकं मय्हं, धम्मस्स धम्मसामिनो॥
१९.
तेनाहं पुञ्ञकम्मेन, संसरं देवमानुसे।
लभामि पचुरं वत्थं, यं लोकस्मिं वरं परं॥
२०.
इच्छमानो सचे अज्ज
नानाविरागवत्थेहि, छादयिस्सं समन्ततो॥
२१.
सचे इच्छामि अज्जेव, वत्थेनच्छादया मिते।
जन्तवो चतुदीपस्मिं, वत्थदानस्सिदं फलं॥
२२.
एतेसं पुञ्ञकम्मानं, वाहसा कामभूमियं।
सम्पत्ति मनुभुत्वान, सावत्थिपुर मुत्तमे॥
२३.
जातो कुले महाभोगे,
वुद्धिप्पत्तो सुखेधितो।
तस्स धम्मं सुणित्वान,
पब्बजित्वान सासने॥
२४.
लोकुत्तरं अग्गरसं, भुञ्चन्तो मुनिवाहसा।
किलेसे पजहित्वान, अरहत्तमपापुणिं॥
२५.
कुसलं ना वमन्तब्बं, खुद्दकन्ति कदाचिपि।
अनन्तफलदं होति, निब्बाणम्पि ददाति तं॥
अथस्स धम्मदेसनं सुत्वा भिक्खू च महाजनो च दानादिकुसलकम्मं कत्वा येभुय्येन सग्गपरायणा अहेसुंति।
२६.
मनोपसादेनपि अप्पपुञ्ञं,
एवं महन्तं भवतीति ञत्वा।
मा अप्पपुञ्ञन्ति पमज्जथम्भो।
सराथ देविं इध लाजदायिं॥
सद्धोपासकस्स वत्थुं सत्तमं।
२८. कपणस्स वत्थुम्हि अयमानुपुब्बीकथा
अम्हाकं भगवति परिनिब्बुते बाराणसीनगरवासी एको दुग्गतपुरिसो परगेहे भतिंकत्वा जीविकं कप्पेति, तस्मिं समये नगरवासिनो येभुय्येन तस्मिं तस्मिं ठाने मण्डपादयो कारापेत्वा महादानं देन्ति, तं दिस्वा दुग्गतो एवं चिन्तेसि, अहं पुब्बे अकतपुञ्ञत्ता परगेहे भतिं कत्वा किच्छेन कसिरेन जीवामि। निवासनपारुपनम्पि वासट्ठानमत्तम्मि दुक्खतो लभामि। इदानि बुद्धुप्पादो वत्तति भिक्खुसङ्घोपि।
सब्बे
१.
सब्बसोवण्णयो आसि, पासादो रतनामयो।
सोण्णसिङ्गसताकिण्णो, दुद्दिक्खो च पभस्सरो॥
२.
कूटागार सताकिण्णो, सोण्णमालासमाकुलो।
मुत्ताकलापालम्बन्ति, तत्थ तत्थ मनोरमा॥
३.
नेकगब्भसताकिण्णो, सयनासनमण्डितो।
विभत्तो भब्बभागेहि, पुञ्ञवड्ढकिना कतो॥
४.
नच्चन्ति
गायन्ति काचि कीळन्ति, वादेन्ति काचि तन्तियो॥
५.
ततो तिगावुते ठाने, पासादस्स समन्ततो।
सहच्छरा देवपुत्ता, गहेत्वा आततादयो॥
६.
मोदन्ति परिवारेत्वा, नच्चगीतादिना सदा।
उल्लङ्घन्तिच सेलेन्ति, सिलाघन्ति समन्ततो॥
७.
एवं महिद्धिको दानि, तुवं वन्दोव भासति।
पुच्छामि तं देवपुत्त, किं कम्ममकरी पुरा॥
देवपुत्तो आह।
८.
अहोसिं दुग्गतो पुब्बे, बाराणसीपुरुत्तमे।
दानं देन्ति नरा तत्थ, निमन्तेत्वान भिक्खवो॥
९.
जीवन्तो भतिया सोहं, दानं देन्ते महाजने।
तुट्ठहट्ठे पमुदिते, एवं चिन्तेसहं तदा॥
१०.
सम्पन्नवत्थालङ्कारा, दानं देन्ति इमे जना।
परत्थपि पहट्ठाव, सम्पत्तिमनुभोन्ति ते॥
११.
बुद्धुप्पादो अयं दानि, धम्मो लोके पवत्तति।
सुसीला दानि वत्तन्ति, दक्खिणेय्या जिनोरसा॥
१२.
अनावट्ठितो
कल्याणविमुखा सत्ता, कामं गच्छन्ति दुग्गतिं॥
१३.
इदानि दुक्खितो हुत्वा, जीवामि कसिरेनहं।
दलिद्दो कपणो दीनो, अप्पभोगो अनालयो॥
१४.
इदानि बीजं रोपेमि, सुखेत्ते साधुसम्मते।
अप्पेवनाम तेनाहं, परत्थ सुखितो सिया॥
१५.
इति चिन्तिय भिक्खित्वा, भतिं कत्वान नेकधा।
मण्डपं तत्थ कारेत्वा, निमन्तेत्वान भिक्खवो॥
१६.
आयासेन
तेन कम्मविपाकेन, देवलोके मनोरमे॥
१७.
जातोम्हि दिब्बकामेहि, मोदमानो अनेकधा।
दीघायुको वण्णवन्तो, तेजस्सीच अहोसहन्ति॥
एवं देवपुत्तो अत्तना कतपुञ्ञकम्मं वित्तारेन कथेसि, थेरोपि मनुस्सलोकं आगन्त्वा मनुस्सानं अत्तना पच्चक्खतो दिट्ठदिब्बसम्पत्तिं पकासेसि। तं सुत्वा महाजनो कुसलकम्मं कत्वा येभुय्येन सग्गे निब्बत्तोति।
१८.
अनालयो दुग्गतदीनकोपि,
दानं ददन्तो धिगतो विसेसं।
सग्गा पवग्गं यदि पत्थयव्हो,
हन्त्वान मच्छेरमलं ददाथाति॥
कपणस्स वत्थुं अट्ठमं।
२९. देवपुत्तस्स वत्थुम्हि अयमानुपुब्बीकथा
इतो पुब्बे नारदस्स किर सम्मासम्बुद्धस्स काले अयं दीपो अञ्ञतरेन नामेन पाकटो अहोसि, सो पनेकस्मिं काले दुब्भिक्खो अहोसि दुस्सस्सो, महाछातकभयं सत्ते पीळेति। तस्मिं समये नारदस्स भगवतो एको सासनिको सावको अञ्ञतरस्मिं गामे पिण्डाय चरित्वा यथा धोतपत्तोव निक्खमि। अथञ्ञतरस्मिं गेहे मनुस्सा एकं तण्डुलनाळिंपोटलिकाय बन्धित्वा उदके पक्खिपित्वा पचित्वा उदकं गहेत्वा पिवन्तो जीवन्ति, तदा थेरं दिस्वा वन्दित्वा पत्तं गहेत्वा तेन तण्डुलेन भत्तं पचित्वा पत्ते पक्खिपित्वा थेरस्स अदंसु। अथ
१.
नारदो किर सम्बुद्धो, पुब्बे आसि नरुत्तमो।
लोकं दुक्खा पमोचेन्तो, ददन्तो अमतं पदं॥
२.
तस्मिं तु समये तस्स, सावको छिन्नबन्धनो।
भिक्खित्वा दीपके लद्ध, माहारं परिभुञ्जितुं॥
३.
रुक्खमूल मुपा गञ्छि, तत्थासिं रुक्खदेवता।
बुभुक्खिता उदिक्खन्ती, अट्ठासिं तस्स सन्तिके॥
४.
अदासि मे भत्तपिण्डं, करुणापूरितन्तरो।
गहेत्वान ठितो पिण्डं, सहमानो खुदं तदा॥
५.
अदिन्नत्ता मया पुब्बे, किञ्चि दानं सुपेसले।
जिघच्छापीळितो होमि, जातोपि देवयोनियं॥
६.
अज्ज खेत्तं सुलद्धंमे, देय्यधम्मोपि विज्जति।
बीजमेत्थ च रोपेमि, भवतो परिमुत्तिया॥
७.
इति चिन्तिय वन्दित्वा, दासस्स सामि वो अलं।
सङ्गहं इध लोकस्मिं, करोथ पारलोकिकं॥
८.
इति वत्वा अदासाहं, भुञ्चि सोपि दयापरो।
तेनाहं पुञ्ञकम्मेन, सुधन्नमलभिं खणे॥
९.
ततो चुतो छदेवेसु, विन्दन्तो महतिंसिरिं।
चिरकालं वसिं तत्थ, देविद्धीहि समङ्गिता॥
१०.
सतसहस्से इतो कप्पे, पदुमुत्तरनामको।
उप्पज्जि लोकनायको, धम्मराजा तथागतो॥
११.
महिद्धिको
सम्पत्तपञ्चा भिञ्ञाणो, आकासेन चरामहं॥
१२.
तदा कासेन गच्छन्तो, रम्मे हंसवतीपुरे।
बुद्धरंसिपरिक्खित्तं, केतुमालाविलासितं॥
१३.
देवसङ्घपरिब्बूळ्हं, देसेन्तं अद्दसं जिनं।
सो तं दिस्वान नभसा, ठितोहं परिसन्तरे॥
१४.
धम्मं सुत्वा उदग्गोहं, कालं कत्वान सत्थुनो।
ततो चुतो पपन्नोस्मि, तावतिंसे मनोरमे॥
१५.
तिंसकप्पसहस्सानि, चरन्तो देवमानुसे।
दुग्गतिं नाभिजानामि, लभामि विपुलं सुखं॥
१६.
एकपञ्ञासतिक्खत्तुं, देवरज्जमकारयिं।
अथेकवीसतिक्खत्तुं, चक्कवत्ती अहोसहं॥
१७.
पदेसरज्जं कासाहं, बहुक्खत्तुं तहिं तहिं।
इमस्मिं भद्दके कप्पे, निब्बुतेतु
१८.
चोदितो पुञ्ञकम्मेन, सावत्थिपुरमुत्तमे।
उप्पज्जित्वा कुले सेट्ठे, जातिया सत्तवस्सिको॥
१९.
सुत्वा धम्मं कथेन्तस्स, भिक्खुस्सञ्ञतरस्सहं।
भवस्सन्तं करित्वान, अरहत्तमपापुणिं॥
२०.
सुदिन्नं मे तदा दानं, सुस्सुतं धम्ममुत्तमं।
दुक्खस्सन्तं अकासाहं, तस्स कम्मस्स वाहसाति॥
एवञ्च पन वत्वा बहू जने कुसलकम्मे नियोजेसीति।
२१.
दानेनपेवं
सवणाय धम्मस्स मुहुत्तकेन।
लभन्ति सत्ता तिविधम्पि सम्पदं,
फलं वदे को बहुदायकस्स भो॥
देवपुत्तस्स वत्थुं नवमं।
३०. सीवलित्थेरस्स वत्थुम्हि अयमानुपुब्बीकथा
इतो किर कप्पसतसहस्समत्थके पदुमुत्तरो नाम सत्था लोके उदपादि धम्मदेसनाय सत्ते अमतमहानिब्बाणं पापेन्तो, तस्मिं समये भगवा हंसावतियं सराजिकाय परिसाय मज्झे एकं भिक्खुं लाभीनं अग्गट्ठाने ठपेसि। तदा राजा तं दिस्वा तं ठानं कामयमानो बुद्धपमुखस्स सङ्घस्स महादानं दत्वा भगवतो पादमूले सिरसा निपज्जि, तदास्स भगवा अनागते गोतमस्स भगवतो सासने तं ठानं लभिस्ससीति वत्वा ब्याकासि। तं सुत्वा मुदितो राजा पुञ्ञानि कत्वा देवलोके निब्बत्ति। ततो अपरभागे बाराणसियं सेट्ठिपुत्तो हुत्वा पच्चेकबुद्धसहस्सं चतुपच्चयदानेन यावजीवं पटिजग्गित्वा देवलोके निब्बत्तो महन्तं सम्पत्ति मनुभवित्वा ततो चुतो विपस्सिस्स भगवतो काले बन्धुमतीनगरे अञ्ञतरस्मिं कुलगेहे निब्बत्ति। सो तस्मिं समये सेनगुत्तट्ठाने ठत्वा रञ्ञो कम्मं करोति, तदा नगरवासिनो उपासकगणा विपस्सीसम्मासम्बुद्धं उपसङ्कम्म वन्दित्वा भगवा भन्ते ससावको अम्हाकं अनुग्गहं करोतूति स्वातनाय निमन्तेत्वा महादानं दत्वा सब्बे एकच्छन्दा भगवन्त मुद्दिस्स महारहं महापरिवेणं कारापेत्वा परिवेणमहे महादानं ददन्ता दानग्गे असुकं नाम
१.
पदुमुत्तरो नाम जिनो, सब्बधम्मेसु चक्खुमा।
इतो सतसहस्सम्हि, कप्पे उप्पज्जि नायको॥
२.
सीलं तस्स असङ्ख्येय्यं, समाधि वजिरूपमो
असंखियं ञाणवरं, विमुत्ति च अनोपमा॥
३.
मनुजामरनागानं, ब्रह्मानञ्च समागमे।
समणब्राह्मणाकिण्णे, धम्मं देसेति नायको॥
४.
ससावकं महालाभिं, पुञ्ञवन्तं जुतिन्धरं,
ठपेसि एतदग्गम्हि, परिसासु विसारदो॥
५.
तदाहं
सुत्वा जिनस्स तं वाक्यं, सावकस्स गुणं बहुं॥
६.
निमन्तयित्वा सत्ताहं, भोजयित्वा ससावकं।
महादानं ददित्वान, तं ठानमभिपत्थयिं॥
७.
तदा मं विनतं पादे, दिस्वान पुरिसासभो।
सो सरेन महावीरो, इमं वचनमब्रवी॥
८.
ततो जिनस्स वचनं, सोतुकामा महाजना।
देवदानवगन्धब्बा, ब्रह्मानोच महिद्धिका॥
९.
समणब्राह्मणा चापि, नमस्सिसुं कतञ्जली।
नमो ते पुरिसाजञ्ञ, नमो ते पुरिसुत्तम॥
१०.
खत्तियेन महादानं, दिन्नं सत्ताहकम्पि
सोतुकामा फलं तस्स, ब्याकरोहि महामुने॥
११.
ततो अवोच भगवा, सुणोथ मम भासितं।
अप्पमेय्यम्हि बुद्धस्मिं, गुणम्हि सुप्पतिट्ठिता॥
१२.
दक्खिणा दायकं पत्वा, अप्पमेय्यफलावहा।
अपि चे स महाभोगो, ठानं पत्थेति मुत्तमं॥
१३.
लाभी विपुललाभीनं, यथा भिक्खु सुदस्सनो।
तथाहंपि भवेय्यन्ति, लच्छते तं अनागते॥
१४.
सतसहस्सितो कप्पे, ओक्काककुलसम्भवो।
गोतमोनाम नामेन, सत्था लोके भविस्सति॥
१५.
तस्स धम्मेसु दायादो, ओरसो धम्मनिम्मितो।
सीवलि नाम नामेन, हेस्सति सत्थुसावको॥
१६.
तेन
जहित्वा मानुसं देहं, तावतिंसूपगो अहं॥
१७.
ततोपरस्मिंसमये, बाराणसिपुरुत्तमे।
सेट्ठिपुत्तो अहं आसिं, अड्ढप्पत्तो महाधनो॥
१८.
सहस्समत्ते पच्चेक, नायके च निमन्तिय।
मधुरेनन्नपानेन, सन्तप्पेसिंतदादरो॥
१९.
ततो चुतो छकामग्गे, अनुभोसिंमहायसं।
देवच्छरापरिवुतो, पासादे रतनामये॥
२०.
एवं अचिन्तिया बुद्धा, बुद्धधम्मा अचिन्तिया।
अचिन्तिये पसन्नानं, विपाकोपि अचिन्तियो॥
२१.
एकनवुतितो कप्पे, विपस्सीनाम नायको।
उप्पज्जि चारुनयनो, सब्बधम्मविपस्सको॥
२२.
तदाहं बन्धुमतिया, कुलस्सञ्ञतरस्स च।
दयितो पत्थितो पुत्तो, आसिं कम्मन्तब्यावटो॥
२३.
तदा अञ्ञतरो पूगो, विपस्सिस्स महेसिनो।
परिवेणं अकारेसि, महन्त मिति विस्सुतं॥
२४.
निट्ठिते च महादानं, ददं खज्जकसंयुतं।
नवं दधि मधुञ्चेव, विचिनं न च मद्दस॥
२५.
तदाहं तं गहेत्वान, नवं दधि मधुम्पिच,
कम्मसामिघरं गच्छं, तमेनं
२६.
सहस्सम्पि च दत्वान, न लतिंसु च तं द्वयं।
ततो एवं विचिन्तेसिं, नेतं हेस्सति ओरकं॥
२७.
यथा
अहम्पि कारं कस्सामि, ससङ्घे लोकनायके॥
२८.
तदाहमेवं चिन्तेत्वा, दधिंमधुञ्च एकतो।
योजेत्वा लोकनाथस्स, ससङ्घस्स अदासहं॥
२९.
तेन कम्मेन सुकतेन, चेतनापणिधीहि च।
जहित्वा मानुसं देहं, तावतिंस मगञ्छहं॥
३०.
पुनाहं बाराणसियं, राजा हुत्वा महायसो।
सत्तुकस्स तदा रुद्धो, द्वाररोधं अकारयिं॥
३१.
ततो सपत्तिनो
ततो तस्स विपाकेन, पापुणिं निरयं भुसं॥
३२.
पच्छिमे च भवे दानि, जातोहं कोलिये पुरे।
सुप्पवासा च मे माता, महालि लिच्छवी पिता॥
३३.
खत्तिये पुञ्ञकम्मेन, द्वाररोधस्स वाहसा।
सत्तमासे सत्तवस्से, वसिंकुच्छिम्हि दुक्खितो॥
३४.
सत्ताहं द्वारमूळ्होहं, महादुक्खसमप्पितो।
माता मे छन्ददानेन, एव मासि सुदुक्खिता॥
३५.
सुवत्थितोहं निक्खन्तो, बुद्धेन अनुकम्पितो।
निक्खन्तदिवसेयेव, पब्बजिं अनगारियं॥
३६.
उपज्झा सारिपुत्तो मे, मोग्गल्लानो महिद्धिको।
केसे ओरोपयन्तो मे, अनुसासि महामति॥
३७.
केसेसु छिज्जमानेसु
देवो नागा मनुस्सा च, पच्चयानु पनेन्ति मे॥
३८.
पदुमुत्तरनामञ्च, विपस्सिंच विनायकं।
संपूजयिं पमुदितो, पच्चयेहि विसेसतो॥
३९.
ततो
लाभं लभामि सब्बत्थ, वने गामे जले थले॥
४०.
रेवतं दस्सनत्थाय, यदा याति विनायको।
तिंसभिक्खुसहस्सेहि, सह लोकग्गनायको॥
४१.
तदा देवो पनीतेहि
पच्चयेहि महावीरो, ससङ्घो लोकनायको॥
४२.
उपट्ठितो मया बुद्धो, गन्त्वा रेवतमद्दस।
ततो जेतवनं गन्त्वा, एतदग्गे ठपेसिमं॥
४३.
लाभीनं सीवलि अग्गो, मम सिस्सेसु भिक्खवो।
सब्बेलोकहितो सत्था, कित्तयी परिसासुमं॥
४४.
किलेसा झापिता मय्हं, भवा सब्बे समूहता।
नागोव बन्धनं छेत्वा, विहरामि अनासवो॥
४५.
स्वागतं वत मे आसि, बुद्धसेट्ठस्स सन्तिकं।
तिस्सो विज्जा अनुप्पत्तो, कतं बुद्धस्स सासनं॥
४६.
पटिसम्भिदा चतस्सोपि, विमोक्खा पिच अट्ठिमे।
छळभिञ्ञा सच्छिकता, कतं बुद्धस्स सासनन्ति॥
इत्थं सुदं आयस्मा सीवलित्थेरो इमा गाथायो अभासित्थाति।
४७.
सुत्वान एतं चरितं महब्भुतं,
पुञ्ञानुभावञ्च सिरिं सिरीमतं।
हित्वा कुसीतं कुसलं करोथ,
कामात्थ कामं भवभोगनिब्बुतिं॥
सीवलित्थेरस्स वत्थुं दसमं।
यक्खवञ्चितवग्गो ततियो।