८. कल्याणमित्ततादिवग्गवण्णना
७१. अट्ठमस्स कल्याणमित्तताति कल्याणा मित्ता अस्साति कल्याणमित्तो, तस्स भावो कल्याणमित्तता। सेसं वुत्तपटिपक्खनयेन वेदितब्बं।
७२-७३. दुतिये अनुयोगोति योगो पयोगो। अननुयोगोति अयोगो अप्पयोगो। अनुयोगाति अनुयोगेन। अननुयोगाति अननुयोगेन। कुसलानं धम्मानन्ति चतुभूमककुसलधम्मानं। ततियं उत्तानत्थमेव।
७४. चतुत्थे बोज्झङ्गाति बुज्झनकसत्तस्स अङ्गभूता सत्त धम्मा। याय वा धम्मसामग्गिया सो बुज्झति, सम्मोहनिद्दातो वा वुट्ठाति, चतुसच्चधम्मं
७५. पञ्चमे भावनापारिपूरिं गच्छन्तीति इमिना पदेन बोज्झङ्गानं याथावसरसभूमि नाम कथिता
७६. छट्ठस्स अट्ठुप्पत्तिको निक्खेपो। अट्ठुप्पत्तियं हेतं निक्खित्तं, सम्बहुला किर भिक्खू धम्मसभायं सन्निसिन्ना। तेसं अन्तरे बन्धुलमल्लसेनापतिं आरब्भ अयं कथा उदपादि, ‘‘आवुसो, असुकं नाम कुलं पुब्बे बहुञातिकं अहोसि बहुपक्खं, इदानि अप्पञातिकं अप्पपक्खं जात’’न्ति। अथ भगवा तेसं चित्ताचारं ञत्वा ‘‘मयि गते महती देसना भविस्सती’’ति ञत्वा गन्धकुटितो निक्खम्म धम्मसभायं पञ्ञत्तवरबुद्धासने निसीदित्वा अप्पमत्तिका एसा, भिक्खवे, परिहानीति इदं सुत्तं आरभि।
तत्थ अप्पमत्तिकाति परित्ता परित्तप्पमाणा। एताय हि परिहानिया सग्गतो वा मग्गतो वा परिहानि नाम नत्थि, दिट्ठधम्मिकपरिहानिमत्तमेव एतन्ति आह। एतं पतिकिट्ठन्ति एतं पच्छिमं एतं लामकं। यदिदं पञ्ञापरिहानीति या एसा मम सासने कम्मस्सकतपञ्ञाय झानपञ्ञाय विपस्सनापञ्ञाय मग्गपञ्ञाय फलपञ्ञाय च परिहानि, एसा पच्छिमा, एसा लामका, एसा छड्डनीयाति अत्थो।
७७. सत्तमम्पि अप्पमत्तिकाति तं सम्पत्तिं निस्साय सग्गं वा मग्गं वा सम्पत्तानं अभावतो परित्ता। यदिदं पञ्ञावुद्धीति कम्मस्सकतपञ्ञादीनं वुद्धि। तस्माति यस्मा ञातीनं वुद्धि नाम दिट्ठधम्मिकमत्ता अप्पा परित्ता, सा सग्गं वा मग्गं वा पापेतुं असमत्था, तस्मा। पञ्ञावुद्धियाति कम्मस्सकतादिपञ्ञाय वुद्धिया।
७८. अट्ठमम्पि अट्ठुप्पत्तियमेव कथितं। सम्बहुला किर भिक्खू धम्मसभायं सन्निसिन्ना महाधनसेट्ठिपुत्तं आरब्भ ‘‘असुकं नाम कुलं पुब्बे महाभोगं महाहिरञ्ञसुवण्णं अहोसि, तं इदानि अप्पभोगं जात’’न्ति कथयिंसु। सत्था पुरिमनयेनेव आगन्त्वा तेसं वचनं सुत्वा इमं सुत्तं आरभि।
७९. नवमम्पि अट्ठुप्पत्तियमेव वुत्तं। धम्मसभायं किर सन्निसिन्ना भिक्खू काकवलियसेट्ठिञ्च
८०. दसमम्पि
कल्याणमित्ततादिवग्गवण्णना।