३. रागपेय्यालं
३०३. ‘‘रागस्स
३०४. ‘‘रागस्स, भिक्खवे, अभिञ्ञाय पञ्च धम्मा भावेतब्बा। कतमे पञ्च? अनिच्चसञ्ञा, अनत्तसञ्ञा, मरणसञ्ञा, आहारे पटिकूलसञ्ञा, सब्बलोके अनभिरतसञ्ञा – रागस्स, भिक्खवे, अभिञ्ञाय इमे पञ्च धम्मा भावेतब्बा’’ति।
३०५. ‘‘रागस्स
३०६. ‘‘रागस्स, भिक्खवे, अभिञ्ञाय पञ्च धम्मा भावेतब्बा। कतमे पञ्च? सद्धिन्द्रियं, वीरियिन्द्रियं, सतिन्द्रियं, समाधिन्द्रियं, पञ्ञिन्द्रियं – रागस्स, भिक्खवे, अभिञ्ञाय इमे पञ्च धम्मा भावेतब्बा’’ति।
३०७. ‘‘रागस्स
३०८-११५१. ‘‘रागस्स, भिक्खवे, परिञ्ञाय… परिक्खयाय… पहानाय… खयाय… वयाय… विरागाय… निरोधाय… चागाय… पटिनिस्सग्गाय पञ्च धम्मा भावेतब्बा। दोसस्स… मोहस्स… कोधस्स… उपनाहस्स… मक्खस्स… पळासस्स… इस्साय… मच्छरियस्स… मायाय… साठेय्यस्स… थम्भस्स… सारम्भस्स… मानस्स… अतिमानस्स
‘‘कतमे पञ्च? सद्धाबलं, वीरियबलं, सतिबलं, समाधिबलं, पञ्ञाबलं – पमादस्स, भिक्खवे, पटिनिस्सग्गाय इमे पञ्च धम्मा भावेतब्बा’’ति।
रागपेय्यालं निट्ठितं।
तस्सुद्दानं –
अभिञ्ञाय परिञ्ञाय परिक्खयाय,
पहानाय खयाय वयेन च।
विरागनिरोधा चागञ्च,
पटिनिस्सग्गो इमे दसाति॥
पञ्चकनिपातो निट्ठितो।
तत्रिदं वग्गुद्दानं –
सेखबलं
मुण्डनीवरणञ्च सञ्ञञ्च, योधाजीवञ्च अट्ठमं।
थेरं ककुधफासुञ्च, अन्धकविन्दद्वादसं।
गिलानराजतिकण्डं, सद्धम्माघातुपासकं।
अरञ्ञब्राह्मणञ्चेव, किमिलक्कोसकं तथा।
दीघाचारावासिकञ्च, दुच्चरितूपसम्पदन्ति॥
पञ्चकनिपातपाळि निट्ठिता।